O‘zbekiston Respublikasi Prezidentining “Qishloq xo‘jaligini o‘z vaqtida qishloq xo‘jaligi texnikasi bilan ta’minlash mexanizmlarini yanada takomillashtirish chora-tadbirlari to‘g‘risida” 2018-yil 10-maydagi PQ-3712-son qaroriga muvofiq Vazirlar Mahkamasi qaror qiladi:

1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.

2. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari N.S. Otajonov zimmasiga yuklansin.

1. Vazirlar Mahkamasining “Qishloqni lizing shartlarida qishloq xo‘jaligi texnikasi bilan ta’minlash chora-tadbirlari to‘g‘risida” 2000-yil 2-noyabrdagi 424-son qarorida (O‘zbekiston Respublikasi QT, 2000-y., 11-son, 70-modda):

a) 4-bandda:

ikkinchi xatboshidagi “3 oydan” so‘zi “120 kundan” so‘zi bilan almashtirilsin;

uchinchi xatboshidagi “70” va “uch oy” so‘zlari tegishli ravishda “80” va “avans to‘langan kundan boshlab 120 kun” so‘zlari bilan almashtirilsin;

b) 1-ilovada:

2-banddagi “1-oktabr” va “10-oktabr” so‘zlari “15-avgust” so‘zi bilan almashtirilsin;

3-banddagi “1-noyabr” so‘zi “1-sentabr” so‘zi bilan almashtirilsin;

4-band quyidagi tahrirda bayon etilsin:

“4. Jamg‘arma mablag‘ bilan ta’minlashning mavjud manbalarini hisobga olgan holda har yili 1-sentabrgacha “O‘zagrolizing” AJga lizing operatsiyalarini o‘tkazish uchun kelgusi davrga ajratiladigan resurslar hajmi uchun kafolat xatini taqdim etadi”;

6-banddagi “1-dekabr” so‘zi “1-noyabr” so‘zi bilan almashtirilsin;

9-bandning ikkinchi xatboshidagi “avans sifatida” so‘zlaridan keyin “yetkazib berish muddati 120 kundan oshmagan holda” so‘zlari qo‘shilsin;

10-banda:

“3 oydan” so‘zi “120 kun” so‘zi bilan almashtirilsin;

“2016-yildan boshlab esa — 50 foizigacha” so‘zlari “2016-yildan boshlab — 50 foizigacha, 2018-yil 1-iyuldan esa — 60 foizigacha” so‘zlari bilan almashtirilsin;

11-band quyidagi tahrirda bayon qilinsin:

“11. “O‘zagrolizing” AJ shartnomada ko‘rsatilgan yetkazib berish muddatidan 120 kundan kech bo‘lmagan muddatda navbatdagi yil choragida yetkazib beriladigan zamonaviy qishloq xo‘jaligi texnikasi qiymatining 30 foizi (2013-yildan boshlab — kamida 50, 2014-yildan boshlab — kamida 55, 2015-yildan boshlab — kamida 60, 2016-yildan boshlab — kamida 70, 2018-yil 1-iyuldan boshlab — 80 foizigacha) miqdorida ishlab chiqaruvchi korxonalarga yoki ularning rasmiy distribyuterlariga operatsiya hisob raqamidan avans to‘lovi to‘laydi”;

12-bandning ikkinchi xatboshida:

“uch” so‘zi “o‘n” so‘zi bilan almashtirilsin;

“2016-yildan boshlab — 30 foizigacha” so‘zidan keyin “2018-yil 1-iyuldan — 20 foizigacha” so‘zlari qo‘shilsin.

2. Vazirlar Mahkamasining “Qishloq xo‘jaligi texnikasini xarid qilish uchun har yillik shartnoma kampaniyasini o‘tkazish tartibi to‘g‘risidagi nizomni tasdiqlash haqida” 2012-yil 14-iyuldagi 217-son qarorida (O‘zbekiston Respublikasi QT, 2012-y., 7-son, 55-modda):

a) 2-band quyidagi tahrirda bayon qilinsin:

“Qoraqalpog‘iston Respublikasi Vazirlar Kengashi, viloyatlar va tumanlar hokimliklari 2018-yildan boshlab:

mahalliy va jahondagi yetakchi ishlab chiqaruvchilar ishtirokida bir yilda ikki marotaba o‘tkaziladigan hududiy yarmarkalar doirasida qishloq xo‘jaligi texnikasini xarid qilish uchun muvofiqlashtirilgan shartnoma kampaniyasi o‘tkazilishini, bunda fevral-mart oylarida joriy yil uchun qo‘shimcha shartnomalar tuzilishini, sentabr-oktabr oylarida kelgusi yil uchun shartnomalar tuzilishini ta’minlasinlar;

qishloq xo‘jaligi texnikasini xarid qilish uchun o‘tkazilgan shartnoma kampaniyasi yakunlari to‘g‘risidagi axborotni joriy yilning 1-apreli va 1-noyabridan kechiktirilmasdan O‘zbekiston Respublikasi Qishloq xo‘jaligi vazirligiga taqdim etsinlar.”

b) 3-bandning uchinchi xatboshi quyidagi tahrirda bayon etilsin:

“O‘zbekiston Respublikasi Qishloq xo‘jaligi vazirligi, Moliya vazirligi, boshqa vazirliklar, idoralar hamda qishloq xo‘jaligi mashinasozligi korxonalari bilan birgalikda O‘zbekiston Respublikasi Prezidentining “Qishloq xo‘jalik mashinasozligini yanada rivojlantirish va modernizatsiya qilish chora-tadbirlari to‘g‘risida” 2008-yil 7-apreldagi PQ-832-son qarori bilan tashkil qilingan Qishloq xo‘jalik texnikasiga bo‘lgan har yilgi talab-ehtiyojni belgilash bo‘yicha Maxsus komissiya ishlari doirasida 1-aprelga qadar joriy yil uchun, 1-dekabrdan kechikmasdan kelgusi kalendar yil uchun shartnoma kampaniyasi ma’lumotlari asosida qishloq xo‘jaligi texnikasini ishlab chiqarish va yetkazib berish hajmi bo‘yicha O‘zbekiston Respublikasi Vazirlar Mahkamasiga takliflar kiritsin.”;

v) Qishloq xo‘jaligi texnikasini xarid qilish uchun har yillik shartnoma kampaniyasini o‘tkazish tartibi to‘g‘risidagi nizomda:

8-band quyidagi tahrirda bayon etilsin:

“8. Har yili xaridor tomonidan 1-aprelgacha — joriy yilda qishloq xo‘jaligi texnikasini sotib olishga, 1-noyabrigacha — kelgusi kalendar yilda qishloq xo‘jaligi texnikasi sotib olishga ishlab chiqaruvchi (vositachi, lizing tashkiloti) bilan shartnoma tuziladi;

10-band quyidagi tahrirda bayon qilinsin:

“10. Qishloq xo‘jaligi texnikasi uchun avans to‘lovi oldi-sotdi shartnomasida ko‘rsatilgan yetkazib berish muddatidan 120 kundan kam bo‘lmagan muddatda belgilangan narxning kamida 80 foizi miqdorida to‘lanadi.

Qishloq xo‘jaligi texnikasi sotib olish avans to‘lovlari O‘zbekiston Respublikasi Moliya vazirligi huzuridagi Qishloq xo‘jaligini davlat tomonidan qo‘llab-quvvatlash jamg‘armasi mablag‘laridan foydalangan holda lizing asosida O‘zbekiston Respublikasi Prezidentining “2012 — 2016-yillarda qishloq xo‘jaligi ishlab chiqarishini yanada modernizatsiya qilish, texnik va texnologik jihatdan qayta jihozlash dasturi to‘g‘risida” 2012-yil 21-maydagi PQ-1758-son qaroriga 5-ilovaga muvofiq quyidagi nisbatlarda haq to‘lash shartlarida amalga oshiriladi:

qishloq xo‘jaligi texnikasi qiymatining 20 foizi — avans sifatida lizing oluvchilar tomonidan o‘z mablag‘lari hisobiga, 60 foizi O‘zbekiston Respublikasi Moliya vazirligi huzuridagi Qishloq xo‘jaligini davlat tomonidan qo‘llab-quvvatlash jamg‘armasi tomonidan moliyalashtiriladi”.

11-bandda:

birinchi xatboshidagi “3 oylik” so‘zi “120 kun” so‘zi bilan almashtirilsin;

uchinchi xatboshidagi “65” raqami va “3 oylik” so‘zi tegishli ravishda “75” raqami va “120 kun” so‘zi bilan almashtirilsin;

13-banddagi “70” raqami “80” raqami bilan almashtirilsin;

14-bandning uchinchi xatboshidagi “65” raqami “75” raqami bilan almashtirilsin;

15-banddagi “5” raqami “10” raqami bilan almashtirilsin;

16-bandning uchinchi xatboshidagi “1-dekabr” so‘zi “15-noyabr” so‘zi bilan almashtirilsin;

ilovada:

“2-bosqich” pozitsiyasining “Muddatlar” ustunidagi “1-dekabrigacha” so‘zi “joriy yilning 1-apreligacha, keyingi yilning 1-noyabrigacha” so‘zlari bilan almashtirilsin;

“3-bosqich” pozitsiyasining “Chora-tadbirlar” ustunidagi “70” raqami “80” raqami bilan almashtirilsin;

“3a-bosqich” pozitsiyasining “Chora-tadbirlar” ustunidagi “65” raqami “75” raqami bilan, “3 oylik” so‘zi “120 kun” so‘zi bilan almashtirilsin;

“6-bosqich” pozitsiyasining “Muddatlar” ustunidagi “5” raqami “10” raqami bilan almashtirilsin.