“Xorijdan mablag‘ jalb qilish to‘g‘risida”gi O‘zbekiston Respublikasining Qonuniga, O‘zbekiston Respublikasi Prezidentining “O‘zbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar to‘g‘risida” 2018-yil 13-apreldagi PQ-3666-son qaroriga muvofiq, shuningdek, O‘zbekiston Respublikasi Adliya vazirligi tomonidan davlatning xorijdan mablag‘ jalb qilishi to‘g‘risidagi shartnomalar hamda O‘zbekiston Respublikasining davlat kafolatlari bo‘yicha yuridik xulosalar berishni takomillashtirish maqsadida Vazirlar Mahkamasi qaror qiladi:

1. Vazirlar Mahkamasining “Davlatning xorijdan mablag‘ jalb qilishi to‘g‘risidagi shartnomalar bo‘yicha yuridik xulosalar berish tartibi haqidagi nizomni tasdiqlash to‘g‘risida” 2015-yil 10-iyuldagi 187-son qaroriga (O‘zbekiston Respublikasi QT, 7-son, 58-modda) ilovaga muvofiq o‘zgartirish va qo‘shimchalar kiritilsin.

2. Mazkur qarorning bajarilishini nazorat qilish Bosh vazir o‘rinbosari — O‘zbekiston Respublikasi Moliya vaziri J.A. Qo‘chqorov va O‘zbekiston Respublikasi Adliya vaziri R.K. Davletov zimmasiga yuklansin.

1. Nomlanishga “shartnomalar” so‘zidan keyin “va O‘zbekiston Respublikasining davlat kafolatlari” so‘zlari qo‘shilsin.

2. Muqaddima quyidagi tahrirda bayon etilsin:

“Xorijdan mablag‘ jalb qilish to‘g‘risida”gi O‘zbekiston Respublikasining Qonuniga, O‘zbekiston Respublikasi Prezidentining “O‘zbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar to‘g‘risida” 2018-yil 13-apreldagi PQ-3666-son qaroriga muvofiq, shuningdek, O‘zbekiston Respublikasi Adliya vazirligi tomonidan davlatning xorijdan mablag‘ jalb qilishi to‘g‘risidagi shartnomalar va O‘zbekiston Respublikasining davlat kafolatlari bo‘yicha yuridik xulosalar berishni tartibga solish maqsadida Vazirlar Mahkamasi qaror qiladi”.

3. 1-bandga “shartnomalar” so‘zidan keyin “va O‘zbekiston Respublikasining davlat kafolatlari” so‘zlari qo‘shilsin.

4. Ilovada:

a) nomlanishiga “shartnomalar” so‘zidan keyin “va O‘zbekiston Respublikasining davlat kafolatlari” so‘zlari qo‘shilsin;

b) 1-bandning birinchi xatboshi quyidagi tahrirda bayon etilsin:

“Ushbu Nizom “Xorijdan mablag‘ jalb qilish to‘g‘risida”gi O‘zbekiston Respublikasi Qonuniga, O‘zbekiston Respublikasi Prezidentining “O‘zbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar to‘g‘risida” 2018-yil 13-apreldagi PQ-3666-son qaroriga muvofiq davlatning xorijdan mablag‘ jalb qilishi to‘g‘risidagi shartnomalar va O‘zbekiston Respublikasining davlat kafolatlari bo‘yicha yuridik xulosalar berish tartibini belgilaydi”;

v) 2-band:

quyidagi tahrirdagi uchinchi xatboshi bilan to‘ldirilsin:

“O‘zbekiston Respublikasining davlat kafolati — qarz oluvchi-rezident o‘zidan undiriladigan summani qarz (kredit) berish kelishuvlarida belgilangan muddatda to‘lamagan taqdirda O‘zbekiston Respublikasining qarz beruvchi oldidagi qarzni to‘liq yoki qisman to‘lash majburiyatidir”;

uchinchi va to‘rtinchi xatboshilar tegishlicha to‘rtinchi va beshinchi xatboshilar deb hisoblansin;

g) 3-bandga “shartnomalar” so‘zidan keyin “va O‘zbekiston Respublikasining davlat kafolatlari” so‘zlari qo‘shilsin;

d) 5-bandda:

“a” va “b” kichik bandlariga “shartnoma” so‘zidan keyin “va O‘zbekiston Respublikasining davlat kafolatlari” so‘zlari qo‘shilsin;

“i” kichik bandi quyidagi tahrirda bayon etilsin:

““i” taqdim etilayotgan hujjatlarda havolalari mavjud bo‘lgan boshqa hujjatlarning nusxalari”.