Vazirlar Mahkamasi qaror qiladi:

1. Quyidagilar:

Oʻzbekiston Respublikasi Mehnat va aholini ijtimoiy muhofaza qilish vazirligi toʻgʻrisidagi Nizom 1-ilovaga muvofiq;

Tashqi mehnat migratsiyasi masalalari agentligi toʻgʻrisidagi Nizom 2-ilovaga muvofiq tasdiqlansin.

2. Oʻzbekiston Respublikasi Vazirlar Mahkamasining 3-ilovaga muvofiq ayrim qarorlariga oʻzgartirishlar va qoʻshimchalar kiritilsin.

3. Oʻzbekiston Respublikasi Hukumatining 4-ilovaga muvofiq qarorlari oʻz kuchini yoʻqotgan deb hisoblansin.

4. Oʻzbekiston Respublikasi Mehnat va aholini ijtimoiy muhofaza qilish vazirligi idoraviy normativ hujjatlarga mazkur qarordan kelib chiquvchi tegishli oʻzgartirishlar va qoʻshimchalar kiritsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S.Azimov zimmasiga yuklansin.

1. Mazkur Nizom Oʻzbekiston Respublikasi Prezidentining “Oʻzbekiston Respublikasi Mehnat va aholini ijtimoiy muhofaza qilish vazirligini tashkil etish toʻgʻrisida” 2001-yil 13-fevraldagi PF-2810-son Farmoniga va Oʻzbekiston Respublikasi Vazirlar Mahkamasining “Mehnat va aholini ijtimoiy muhofaza qilish vazirligi faoliyatini tashkil etish toʻgʻrisida” 2001-yil 13-fevraldagi 75-son qaroriga muvofiq ishlab chiqilgan hamda Mehnat va aholini ijtimoiy muhofaza qilish vazirligining maqomi, vazifalari, funksiyalari, vakolatlari va faoliyatining tashkiliy asoslarini belgilab beradi.

2. Oʻzbekiston Respublikasi Mehnat va aholini ijtimoiy muhofaza qilish vazirligi (keyingi oʻrinlarda matnda Vazirlik deb yuritiladi) mehnat, aholini ish bilan taʼminlash, ijtimoiy muhofaza qilish va aholining ijtimoiy taʼminoti sohasida davlat boshqaruvining markaziy organi hisoblanadi hamda oʻz faoliyatida Oʻzbekiston Respublikasi Vazirlar Mahkamasiga boʻysunadi.

Vazirlik oʻz ishini davlat boshqaruvining boshqa organlari, Qoraqalpogʻiston Respublikasi, viloyatlar va Toshkent shahar davlat hokimiyati organlari hamda jamoat tashkilotlari bilan oʻzaro hamkorlikda amalga oshiradi.

3. Vazirlik oʻz faoliyatida Oʻzbekiston Respublikasi Konstitutsiyasiga, Oʻzbekiston Respublikasi qonunlariga, Oliy Majlisning qarorlari va boshqa hujjatlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, mehnat, aholini ish bilan taʼminlash, ijtimoiy muhofaza qilish va aholining ijtimoiy taʼminoti boʻyicha Oʻzbekiston Respublikasining xalqaro shartnomalariga, shuningdek ushbu Nizomga amal qiladi.

4. Vazirlikning oʻz vakolatlari doirasida qabul qilinadigan qarorlari vazirliklar, idoralar, joylardagi hokimiyat va boshqaruv organlari, xoʻjalik birlashmalari, korxonalar va muassasalar, shuningdek fuqarolar tomonidan bajarilishi majburiy hisoblanadi.

5. Oʻzbekiston Respublikasi Mehnat va aholini ijtimoiy muhofaza qilish vazirligi, Qoraqalpogʻiston Respublikasi Mehnat va aholini ijtimoiy muhofaza qilish vazirligi, viloyatlar va Toshkent shahar hokimliklarining mehnat va aholini ijtimoiy muhofaza qilish bosh boshqarmalari, mehnat, aholini ish bilan taʼminlash va ijtimoiy muhofaza qilish tuman (shahar) boʻlimlari, ijtimoiy taʼminot tuman (shahar) boʻlimlari, shuningdek vazirlikka va uning hududiy boʻlinmalariga qarashli boshqa tashkilotlar mehnat va respublika aholisini ijtimoiy muhofaza qilish organlarining yagona tizimini tashkil etadi. Vazirlik oʻziga tegishli masalalarni hal etishda ushbu barcha organlar faoliyatini yoʻnaltiradi, muvofiqlashtiradi va nazorat qiladi.

6. Vazirlik yuridik shaxs hisoblanadi, mustaqil balansga, bank muassasalarida hisob raqamlariga va boshqa hisob raqamlariga (shu jumladan valyuta va maxsus hisob raqamlariga), Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga, shuningdek tegishli muhrlar va shtamplarga ega boʻladi.

7. Vazirlik Vazirlikning, uning hududiy bosh boshqarmalari va tuman (shahar) boʻlimlarining maxsus maqsadli budjetdan tashqari hisob raqamlarida jamlanadigan Oʻzbekiston Respublikasining budjetdan tashqari Pensiya jamgʻarmasining va Ish bilan taʼminlashga koʻmaklashish davlat jamgʻarmasining mablagʻlarini bevosita boshqaradi.

8. Quyidagilar Vazirlikning asosiy vazifalari hisoblanadi:

xalqning moddiy farovonligi barqaror izchil oʻsishini taʼminlashga qaratilgan yagona ijtimoiy siyosatni shakllantirish va amalga oshirish, iqtisodiyotni yanada erkinlashtirish sharoitlarida aholining ijtimoiy muhofazasini kuchaytirish;

demografik rivojlanish prognozlarini ishlab chiqish va ularning amalga oshirilishini nazorat qilish, mehnat bozorini shakllantirishga doir faol siyosat yuritish va mehnatga yaroqli aholini, ayniqsa yoshlarni ish bilan taʼminlash, mehnat resurslari balanslari asosida ish oʻrinlari barpo etish va kadrlar tayyorlashning maqsadli dasturlarini ishlab chiqish;

mehnat munosabatlarini tartibga solish, mehnatni muhofaza qilish va normallashtirishning shartlari, tashkil etish tizimlarini takomillashtirish yuzasidan bozor sharoitlariga muvofiq chora-tadbirlarni ishlab chiqish;

pensionyerlar, nogironlar, koʻp bolali va kam taʼminlangan oilalarni amalda ijtimoiy muhofaza qilishni taʼminlash chora-tadbirlarini amalga oshirish, aholining ijtimoiy nochor qatlamlarini aniq muhofaza qilishning samarali mexanizmini ishlab chiqish va amalga oshirish;

ijtimoiy taʼminotni tashkil etish va boshqarish, nogironlarni tibbiy-ijtimoiy ekspertizadan oʻtkazish va sogʻlomlashtirish xizmatlari faoliyatiga rahbarlik qilish, aholiga protez-ortopediya yordami koʻrsatilishini tashkil etish;

mehnat, ish bilan taʼminlash, pensiya taʼminotini va aholiga ijtimoiy xizmat koʻrsatishni takomillashtirish masalalari boʻyicha vazirliklar, idoralar, xoʻjalik birlashmalari, Qoraqalpogʻiston Respublikasi Vazirlar Kengashi, viloyatlar, tumanlar, shaharlar hokimliklari, korxonalar va tashkilotlarga tashkiliy-metodik rahbarlik qilish hamda ular faoliyatini muvofiqlashtirish;

aholini ish bilan taʼminlash ishlarini tashkil etish va uning ijtimoiy muhofaza qilinishini kuchaytirishda joylardagi hokimiyat organlariga va fuqarolarning oʻzini oʻzi boshqarish organlariga har tomonlama koʻmaklashish.

9. Vazirlik oʻziga yuklangan vazifalarga muvofiq quyidagi funksiyalarni amalga oshiradi:

9.1. Mehnat bozorini shakllantirish va aholini ish bilan taʼminlash sohasida:

Makroiqtisodiyot va statistika vazirligi bilan birgalikda respublika va hududlarning demografik rivojlanish prognozlarini, aholini ish bilan samarali taʼminlash chora-tadbirlari kompleksini asoslagan holda mehnat resurslarining prognoz balanslarini ishlab chiqadi;

respublika va hududlarning mehnat resurslari miqdori va tarkibini oʻrganadi hamda uni takomillashtirishga doir takliflarni ishlab chiqadi;

qishloq tumanlarida va aholi punktlarida mehnat bozorining ahvoli monitoringini tashkil etadi;

migratsiya jarayonlarini oʻrganadi, tashqi mehnat migratsiyasini va xorijiy fuqarolarning Oʻzbekiston Respublikasi hududidagi mehnat faoliyatini tashkil etish boʻyicha takliflarni ishlab chiqadi;

hududlarning demografik rivojlanish prognozlari asosida yangi korxonalarni joylashtirish va ishlab turganlarini kengaytirish yuzasidan takliflarni ishlab chiqadi;

ishsizlar va ish bilan mashgʻul boʻlmagan aholi hisobini tashkil etadi;

Oliy va oʻrta maxsus taʼlim vazirligi bilan birgalikda kasb-hunar taʼlimi oʻquv yurtlari bitiruvchilarining ish bilan taʼminlanishini tadqiq etadi hamda ular asosida ishchi kadrlar va oʻquv yurtlarida mutaxassislarning kasb tayyorgarligi yoʻnalishlarini takomillashtirish yuzasidan takliflarni ishlab chiqadi;

tegishli mutaxassislarga talab va taklif balansi asosida hamda iqtisodiyotdagi tarkibiy siljishlar va bozor qayta oʻzgartirishlarini hisobga olgan holda professional ishchi kadrlar va mutaxassislar tayyorlash va ularni qayta tayyorlash dasturlarini ishlab chiqishda qatnashadi;

aholini ish bilan taʼminlash, yoshlarni, ishdan boʻshatilgan xodimlarni va aholining boshqa toifalarini ishga joylashtirish, shuningdek boʻsh ish joylari boʻyicha axborot shakllantirilishi va tahlil etilishini tashkil etadi;

yoshlarning va ish bilan mashgʻul boʻlmagan aholining kasb-kor ustunliklari va mehnat yoʻnalishlarini aniqlash uchun sotsiologik tadqiqotlar oʻtkazilishini tashkil etadi;

manfaatdor vazirliklar va idoralar, joylardagi davlat hokimiyati va boshqaruv organlari bilan birgalikda ish oʻrinlari tashkil etish dasturlarini ishlab chiqishda va ularni amalga oshirishni muvofiqlashtirishda qatnashadi;

aholini ish bilan taʼminlash va ish oʻrinlari barpo etish hududiy dasturlarini ishlab chiqishda hokimliklarga metodik va amaliy yordam koʻrsatadi;

iqtisodiyotni isloh qilish va tarkibiy qayta tashkil etish davomida, shuningdek xoʻjalik yurituvchi subyektlarning bankrotga uchrashi va tugatilishi natijasida ishdan boʻshatilgan xodimlarni ish bilan taʼminlash va ijtimoiy muhofaza qilishga doir maqsadli mintaqaviy dasturlar ishlab chiqilishini muvofiqlashtiradi;

aholining oʻzini oʻzi ish bilan taʼminlanishini ragʻbatlantirish va qoʻllab-quvvatlash yuzasidan takliflar tayyorlaydi;

mehnat bozori infratuzilmasi faoliyati takomillashtirilishini taʼminlaydi;

ishsizlar uchun haq toʻlanadigan jamoat ishlari tashkil etilishini taʼminlaydi;

ishsizlarning kasb oʻquvini, ularni qayta tayyorlashni va ularning malakasi oshirilishini tashkil etadi.

9.2. Aholini ijtimoiy muhofaza qilish va ijtimoiy taʼminlash sohasida:

pensionyerlar, nogironlar, yolgʻiz keksa fuqarolar, koʻp bolali va kam taʼminlangan oilalarga koʻrsatilayotgan ijtimoiy qoʻllab-quvvatlashning aniqligi va samaradorligini kuchaytirishga qaratilgan ijtimoiy siyosatni amalga oshirish mexanizmini takomillashtirishga doir takliflar tayyorlashda qatnashadi;

davlat ijtimoiy siyosatini amalga oshirish va ijtimoiy muhofaza qilish mexanizmi ishlashi boʻyicha qonun hujjatlari loyihalarini ishlab chiqishda qatnashadi;

manfaatdor vazirliklar, idoralar, tashkilotlar va muassasalar bilan birgalikda pensionyerlar, nogironlar va yolgʻiz keksa fuqarolarga qonun hujjatlarida belgilangan imtiyozlar, sanatoriy-kurortda davolanishga yoʻllanmalar va maxsus harakat qilish vositalari berilishida qatnashadi;

manfaatdor vazirliklar va idoralar bilan birgalikda muhim ijtimoiy-mehnat normalari va normativlari roʻyxatini belgilaydi va ularning ishlab chiqilishini muvofiqlashtiradi;

Makroiqtisodiyot va statistika vazirligi bilan birgalikda aholi turmush darajasi va farovonligini tadqiq etadi, uni oshirishga doir takliflarni ishlab chiqadi;

manfaatdor vazirliklar va idoralar, joylardagi davlat hokimiyati va boshqaruv organlari ishtirokida pensionyerlar, nogironlar, koʻp bolali va kam taʼminlangan oilalarni, davlatning qoʻllab-quvvatlashiga ehtiyojmand boʻlgan aholining boshqa ijtimoiy nochor guruhlarini ijtimoiy muhofaza qilishga doir takliflarni ishlab chiqadi;

turmush darajasini tahlil etish va prognozlashtirish asosida aholining koʻrsatib oʻtilgan toifalarini ijtimoiy muhofaza qilishga doir respublika dasturlari loyihalarini ishlab chiqadi, maqsadli mintaqaviy dasturlarni ishlab chiqish uchun metodik tavsiyalar tayyorlaydi;

ishsizlar va ularning oila aʼzolari Ish bilan taʼminlashga koʻmaklashish davlat jamgʻarmasi hisobiga ijtimoiy qoʻllab-quvvatlanishini tashkil etadi;

Ish bilan taʼminlashga koʻmaklashish davlat jamgʻarmasiga majburiy ajratmalar toʻliq tushishini taʼminlash, mablagʻlardan maqsadli foydalanilishini nazorat qilish ishlarini tashkil etadi;

eng kam ish oʻrinlarining ajratilishi va ularning ijtimoiy muhofazaga muhtoj shaxslar bilan butlanishi masalalarini oʻrganadi va tahlil etadi;

dehqon va fermer xoʻjaliklarida ishlovchi fuqarolar, shuningdek tadbirkorlar uchun belgilangan ijtimoiy kafolatlar va ijtimoiy muhofaza chora-tadbirlari roʻyobga chiqarilishini tashkil etadi;

Makroiqtisodiyot va statistika vazirligi, Moliya vazirligi va Davlat soliq qoʻmitasi bilan birgalikda aholi daromadlarini davlat tomonidan tartibga solish mexanizmini takomillashtirishga doir takliflarni tayyorlashda qatnashadi;

Makroiqtisodiyot va statistika vazirligi, Moliya vazirligi bilan birgalikda, Kasaba uyushmalari federatsiyasi Kengashi ishtirokida narxlar oʻzgarishiga qarab ish haqi, pensiyalar, nafaqalar, stipendiyalarning eng kam miqdorini belgilashga doir takliflar tayyorlaydi

9.3. Mehnat munosabatlarini tartibga solish, mehnatni tashkil etish, uning shart-sharoitlarini va uni muhofaza qilishni takomillashtirish sohasida:

aholi daromadlarini koʻpaytirish va isteʼmol darajasini oshirish ragʻbatlari va shart-sharoitlarini oshirish yoʻnalishida mehnatga haq toʻlash fondini tartibga solishning amaldagi mexanizmini takomillashtirishga doir chora-tadbirlar dasturi ishlab chiqilishida qatnashadi;

mehnatni normalashtirish hamda ishchi kasblari va mutaxassislar va xizmatchilarning lavozimlari tarif-malaka tavsifnomalarini ishlab chiqish masalalari boʻyicha vazirliklar, idoralar, konsernlar, uyushmalar, birlashmalar va korxonalar ishini muvofiqlashtiradi;

mehnatga haq toʻlashni, yagona tarif setkasini, ish haqini rayonlar boʻyicha tartibga solishni takomillashtirish yuzasidan takliflar ishlab chiqadi;

tegishli kasaba uyushmalari organlarining (xodimlarning boshqa vakillik organlarining) hamda ish beruvchilarning (ularning birlashmalarining) takliflariga koʻra tarmoq bitimlari tuzishda qatnashadi;

Sogʻliqni saqlash vazirligi bilan birgalikda mehnat shart-sharoitlarini baholash uchun normativ baza ishlab chiqilishini tashkil etadi, ish oʻrinlari mehnat sharoitlari boʻyicha attestatsiyadan oʻtkazilishiga metodik yordam koʻrsatadi;

mehnat, aholini ish bilan taʼminlash va ijtimoiy muhofaza qilish boʻyicha qonun hujjatlari va normativ hujjatlarga rioya qilinishi ustidan belgilangan tartibda davlat nazorati va tekshiruvini amalga oshiradi;

vazirliklar va idoralarning Imtiyozli pensiya taʼminoti, qoʻshimcha taʼtil, qisqartirilgan ish kuni huquqini beruvchi ishlab chiqarishlar, ishlar va kasblar, lavozimlar va koʻrsatkichlar roʻyxatiga oʻzgartirishlar kiritish toʻgʻrisidagi takliflari yuzasidan xulosalar beradi;

noqulay mehnat sharoitlarida ishlaganlik uchun beriladigan imtiyozlar va kompensatsiyalarning amaldagi roʻyxatiga oʻzgartirishlar kiritish uchun Vazirlar Mahkamasiga takliflar tayyorlaydi;

manfaatdor idoralar va Oʻzbekiston Kasaba uyushmalari federatsiyasi Kengashi ishtirokida mehnat huquqlari, aholini ish bilan taʼminlash va ijtimoiy muhofaza qilish sohasida qonun hujjatlari va normativ-metodik hujjatlar loyihalarini ishlab chiqadi;

mehnat, uning shart-sharoitlari va unga haq toʻlash, ish bilan taʼminlash, keksalar, pensionyerlar, nogironlar va boquvchisini yoʻqotgan, davlatning qoʻllab-quvvatlashiga ehtiyojmand oilalarni ijtimoiy muhofaza qilish masalalari boʻyicha ilmiy tadqiqotlarni muvofiqlashtiradi.

9.4. Pensiya xizmati va davlat ijtimoiy sugʻurtasi boʻyicha nafaqalar bilan taʼminlash sohasi boʻyicha:

Oʻzbekiston Respublikasining budjetdan tashqari Pensiya jamgʻarmasiga majburiy badallar va ijtimoiy sugʻurta boʻyicha ajratmalar toʻliq tushishini taʼminlash, qonun hujjatlarida nazarda tutilgan ijtimoiy toʻlovlar oʻz vaqtida mablagʻ bilan taʼminlanishi masalalari boʻyicha Oʻzbekiston Respublikasi soliq organlari bilan oʻzaro hamkorlik qiladi;

qonun hujjatlarida belgilangan tartibda va miqdorlarda budjetdan tashqari Pensiya jamgʻarmasi mablagʻlaridan pensiyalar va ijtimoiy sugʻurta boʻyicha nafaqalar toʻlashga xarajatlarni mablagʻ bilan taʼminlaydi;

budjetdan tashqari Pensiya jamgʻarmasi mablagʻlaridan maqsadli foydalanilishini nazorat qiladi;

demografik prognozlar asosida qisqa muddatli va uzoq muddatli davrda budjetdan tashqari Pensiya jamgʻarmasining moliyaviy ahvolini aktuar hisob-kitob qiladi;

budjetdan tashqari Pensiya jamgʻarmasining budjeti loyihasini ishlab chiqadi va Davlat soliq qoʻmitasi bilan kelishgan holda Moliya vazirligiga kiritadi;

Davlat soliq qoʻmitasi va Moliya vazirligi bilan birgalikda ijtimoiy sugʻurtaga majburiy badallar va ajratmalar tariflari miqdorlari hamda budjetdan tashqari Pensiya jamgʻarmasining moliyaviy ahvolini yaxshilash boʻyicha takliflarni ishlab chiqadi;

Oʻzbekiston Respublikasi Moliya vazirligiga budjetdan tashqari Pensiya jamgʻarmasining budjeti ijrosi toʻgʻrisidagi yigʻma hisobotlarni belgilangan tartibda taqdim etadi;

ijtimoiy taʼminot boʻlimlari tomonidan pensiyalar va ijtimoiy sugʻurta boʻyicha nafaqalar toʻgʻri tayinlanganligi va toʻlanganligini tekshirish boʻyicha nazorat-taftish ishlarini amalga oshiradi va tashkil etadi;

pensiya va nafaqalar tayinlash va toʻlash ishlarini tashkil etadi va ularga metodik rahbarlik qiladi;

imtiyozli pensiyalarni tartibga solish toʻgʻrisida takliflar ishlab chiqilishini tashkil etadi;

imtiyozli pensiya taʼminoti olish huquqini beruvchi ishlab chiqarishlar, ishlar, kasblar, lavozimlar va koʻrsatkichlar roʻyxatlarini qoʻllash masalalari boʻyicha respublika organlari, tarmoq uyushmalari, konsernlar va birlashmalar bilan oʻzaro hamkorlik qiladi, ularni takomillashtirish yuzasidan kelishilgan takliflar tayyorlaydi;

manfaatdor vazirliklar va idoralar bilan birgalikda pensiya taʼminotining nodavlat tizimini barpo etish va rivojlantirish chora-tadbirlarini ishlab chiqishda qatnashadi.

9.5. Ijtimoiy xizmat koʻrsatish sohasida:

ijro etuvchi hokimiyat respublika, viloyat, tuman, shahar organlari ishtirokida keksa fuqarolar, nogironlar va davlatning qoʻllab-quvvatlashiga muhtoj boʻlgan aholining boshqa guruhlariga ijtimoiy-maishiy xizmat koʻrsatishni tashkil etadi;

ijtimoiy taʼminot muassasalarida (“Muruvvat”, “Sahovat” uylarida, pansionatlarda, sanatoriylarda) yashayotgan keksa fuqarolar va nogironlarga maishiy, tibbiy va madaniy xizmat koʻrsatishni, bu muassasalarning moddiy-texnika negizi mustahkamlanishini tashkil etadi;

yolgʻiz keksa fuqarolarga ijtimoiy yordam xizmatining kompleks tarmoqlarini yaratadi va ularning ishi ustidan nazorat qiladi;

aholiga ijtimoiy yordam berish dasturlarini mablagʻ bilan taʼminlash uchun mablagʻ jalb etish ishida davlat, jamoat, diniy va xayriya tashkilotlarining, muassasalar va korxonalarning oʻzaro hamkorlik qilishini taʼminlaydi;

yolgʻiz keksa fuqarolar, pensionyerlar va nogironlarga ijtimoiy yordam beruvchi davlatga qarashli boʻlmagan xizmatlar tashkil etishga koʻmaklashadi va ular ishi nazorat qilinishini taʼminlaydi;

oʻziga qarashli muassasalar va tashkilotlarning aholiga ijtimoiy yordam koʻrsatish dasturlarini mablagʻ bilan taʼminlash ehtiyojlaridan kelib chiqqan holda amalga oshirilayotgan ishlarini, shu jumladan tijorat faoliyatini muvofiqlashtiradi.

9.6. Tibbiy-mehnat ekspertizasi va nogironlarni sogʻlomlashtirish sohasida:

tibbiy-mehnat ekspertizasi va nogironlarni sogʻlomlashtirish ishlariga rahbarlik qiladi;

nogironlarning kasb-hunar-texnika taʼlimi va ularni qayta oʻqitish boʻyicha idoraviy oʻquv yurtlariga rahbarlik qiladi;

infratuzilma obyektlarining nogironlar va keksa fuqarolar uchun qulayligini taʼminlovchi shaharsozlik sohasida davlat siyosatini shakllantirishda qatnashadi;

nogironlar uchun ish joylari tashkil etishda va ularni ishga joylashtirishda nogironlarning jamoat tashkilotlariga yordam beradi;

nogironlarning mehnatidan foydalanish boʻyicha ixtisoslashtirilgan korxonalar tashkil etilishi va rivojlantirilishiga, mehnatning kasanachilik turlarini va ish bilan taʼminlashning boshqa shakllarini rivojlantirishga koʻmaklashadi;

nogironlarni ijtimoiy sogʻlomlashtirish bosqichi sifatida ularning jismoniy tarbiya va sport harakati rivojlantirilishiga koʻmaklashadi;

maxsus harakat qilish vositalari, ishlab chiqarish va maishiy tusdagi moslamalar, nogironlarni sogʻlomlashtirish va ularni parvarish qilishning boshqa texnik vositalariga boʻlgan ehtiyojni aniqlaydi va ularni ishlab chiqarish uchun buyurtmalar beradi;

aholiga protez-ortopediya yordami koʻrsatishni tashkil etishni, boshqa vazirliklar, idoralar, korxonalar, tashkilotlar va Qoraqalpogʻiston Respublikasi, viloyatlar va Toshkent shahar ijro etuvchi hokimiyat organlari bilan birgalikda protez-ortopediya buyumlarini ishlab chiqarishni koʻpaytirish, tayyorlash texnologiyasini takomillashtirish, ularning yangi turlarini ishlab chiqarish ishlari amalga oshirilishini taʼminlaydi;

nogironlarni protez-ortopediya buyumlari va harakat qilish vositalari bilan taʼminlash tartibini belgilaydi.

9.7. Moliya va xoʻjalik faoliyati sohasida:

Vazirlik tizimida reja-moliya ishlarini, tasarrufidagi tashkilotlar va muassasalar tomonidan oʻtkaziladigan tadbirlarni hamda bu sohadagi ilmiy tadqiqotlarni mablagʻ bilan taʼminlashni belgilangan tartibda tashkil etadi;

aholiga ijtimoiy yordam berishning har xil turlarini tashkil etishni iqtisodiy jihatdan asoslab beradi;

oʻz vakolati doirasida Vazirlik tizimi xodimlari mehnatini normalashtirish va ular mehnatiga haq toʻlashni takomillashtirish tadbirlarini amalga oshiradi;

tasarrufidagi tashkilotlar va muassasalar moliya-xoʻjalik faoliyatiga doir balanslar va hisobotlarni koʻrib chiqadi;

tasarrufidagi tashkilotlar va muassasalar tomonidan davlat markazlashtirilgan sarmoya mablagʻlaridan samarali foydalanilishini taʼminlaydi, Vazirlik tizimida obyektlar qurilishi va rekonstruksiya qilinishi boʻyicha istiqbolli dasturlar ishlab chiqilishini tashkil etadi.

10. Vazirlikka quyidagi huquqlar beriladi:

Oʻzbekiston Respublikasi Vazirlar Mahkamasiga mehnat va aholini ijtimoiy muhofaza qilish tizimini takomillashtirish va rivojlantirish, mehnat va ijtimoiy taʼminot organlarining moddiy-texnika bazasini mustahkamlash va ular uchun malakali kadrlar tayyorlash boʻyicha takliflar kiritish;

Vazirlik oldiga qoʻyilgan vazifalarni hal etish uchun zarur boʻlgan axborotni vazirliklar va idoralardan, joylardagi boshqaruv va davlat hokimiyati organlaridan, korxonalar, muassasalar va tashkilotlardan belgilangan tartibda soʻrash va olish;

hayʼat majlislarida vazirliklar va idoralarning, joylardagi davlat hokimiyati va boshqaruvi organlarining, korxonalar, muassasalar va tashkilotlarning masʼul xodimlarining Vazirlik vakolatiga tegishli boʻlgan masalalar boʻyicha hisobotlarini eshitish;

mehnat va aholini ish bilan taʼminlash toʻgʻrisidagi qonun hujjatlari buzilganligi uchun korxonalar, muassasalar, tashkilotlarning rahbarlariga qonunda belgilangan tartibda maʼmuriy jazolar berish;

belgilangan tartibda noshirlik faoliyatini amalga oshirish;

ilmiy muassasalarni, olimlar va mutaxassislarni, shu jumladan xorijiy olimlar va mutaxassislarni oʻziga tegishli masalalarni hal etishga shartnoma asosida jalb etish;

vazirliklar, idoralar, xoʻjalik birlashmalari, korxonalar va muassasalarning mehnat, ish bilan taʼminlash, mehnatni muhofaza qilish, pensiya taʼminoti, nogironlarni ijtimoiy muhofaza qilish toʻgʻrisidagi amaldagi qonun hujjatlari buzilgan holda qabul qilingan buyruqlari va boshqa normativ hujjatlarini bekor qilish yuzasidan belgilangan tartibda takliflar kiritish;

Vazirlik vakolatiga kiruvchi masalalar boʻyicha tegishli xorijiy davlatlar va xalqaro tashkilotlar bilan xalqaro hamkorlikni amalga oshirish.

11. Vazirlikka Oʻzbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan, keyinchalik Oʻzbekiston Respublikasi Oliy Majlisi tomonidan tasdiqlanadigan Vazir boshchilik qiladi.

Vazir Vazirlikka yuklangan vazifalarning bajarilishi uchun shaxsan javob beradi.

Vazirning Vazirlar Mahkamasi tomonidan lavozimga tayinlanadigan va ozod qilinadigan uch nafar oʻrinbosari, shu jumladan bir nafar birinchi oʻrinbosari boʻladi.

12. Vazir:

Vazirlik, uning tasarrufidagi muassasalar, tashkilotlar va oʻquv yurtlari faoliyatiga rahbarlik qiladi;

oʻz vakolatlari doirasida tasarrufidagi barcha tashkilotlar va muassasalar tomonidan bajarilishi majburiy boʻlgan buyruqlar va farmoyishlar chiqaradi, koʻrsatmalar va topshiriqlar beradi;

Vazirlik vakolatiga tegishli masalalar boʻyicha normativ hujjatlar loyihalarini koʻrib chiqish uchun belgilangan tartibda Vazirlar Mahkamasiga kiritadi;

vazir oʻrinbosarlari oʻrtasida vazifalarni taqsimlaydi va ular faoliyatini muvofiqlashtiradi;

vazir oʻrinbosarlari, tarkibiy boʻlinmalar rahbarlarining, shuningdek tasarrufidagi tashkilotlar va muassasalar rahbarlarining ular zimmasiga yuklangan vazifalar bajarilishi uchun masʼuliyati darajasini belgilaydi;

Vazirlar Mahkamasi tomonidan belgilangan xodimlar soni va mehnatga haq toʻlash fondi doirasida Vazirlik markaziy apparatining shtat jadvalini, mehnat va aholini ijtimoiy muhofaza qilish hududiy bosh boshqarmalari toʻgʻrisidagi nizomlarni, tasarrufidagi muassasalar, tashkilotlar va korxonalarning nizomlari va ustavlarini tasdiqlaydi;

Vazirlik markaziy apparati xodimlarini va Vazirlikka bevosita boʻysunuvchi muassasalar, tashkilotlar va korxonalarning rahbarlarini, viloyatlar va Toshkent shahar hokimlarining taqdimnomasiga koʻra mehnat va ijtimoiy muhofaza boʻyicha hududiy bosh boshqarmalar rahbarlarini lavozimga tayinlaydi va lavozimdan ozod etadi, shuningdek tuman (shahar) boʻlimlari va boshqa tasarrufidagi muassasalar rahbarlarini lavozimga tayinlash va lavozimdan ozod etishga rozilik beradi;

Vazirlik markaziy apparati xodimlarini moddiy ragʻbatlantirish shart-sharoitlarini belgilaydi;

alohida oʻrnak koʻrsatgan xodimlarni belgilangan tartibda davlat faxriy unvonlari, yorliqlar va mukofotlar berishga taqdim etadi;

qonun hujjatlarida belgilangan boshqa huquqlarga ega boʻladi.

13. Vazirlikda Vazir hayʼat raisi, lavozimiga koʻra vazir oʻrinbosarlaridan, shuningdek Vazirlik va uning tizimining boshqa rahbar xodimlaridan iborat tarkibda hayʼat tashkil etiladi.

Hayʼat aʼzolari, Vazir va uning oʻrinbosarlaridan tashqari, Vazirlar Mahkamasi tomonidan tasdiqlanadi.

Hayʼat mehnat, ish bilan taʼminlash, ijtimoiy muhofaza qilish, pensiya taʼminoti va aholiga ijtimoiy xizmat koʻrsatish, markaziy apparat, mahalliy organlar, tasarrufidagi tashkilotlar, muassasalar va korxonalarning faoliyatini takomillashtirish, kadrlarni tanlash va ularni joy-joyiga qoʻyish, muhim hujjatlar loyihalarini tayyorlash, qabul qilingan qarorlar ijrosini tekshirishning muhim masalalarini koʻrib chiqadi, tasarrufidagi tashkilotlar va muassasalar rahbarlarining hisobotlarini eshitadi.

Hayʼat qarorlari Vazirning buyruqlari bilan amalga oshiriladi.

Vazir bilan hayʼat aʼzolari oʻrtasida kelishmovchiliklar paydo boʻlgan taqdirda Vazir kelib chiqqan kelishmovchiliklar toʻgʻrisida Vazirlar Mahkamasiga axborot bergan holda mustaqil ravishda qaror qabul qiladi. Hayʼat aʼzolari ham oʻz fikrini Vazirlar Mahkamasiga maʼlum qilishlari mumkin.

14. Vazirlikka quyidagi tashkilotlar va muassasalar bevosita boʻysunadi:

Tashqi mehnat migratsiyasi masalalari agentligi;

Nogironlarni ekspertizadan oʻtkazish va sogʻlomlashtirish masalalari boʻyicha respublika inspeksiyasi;

Nogironlarni tibbiy-ijtimoiy va kasb boʻyicha sogʻlomlashtirish milliy markazi;

Tayanch-harakat qilish tizimi buzilgan nogironlarni sogʻlomlashtirish respublika markazi;

Mehnatni normalashtirish va muhofaza qilish markazi;

Oʻzbekiston mehnat, ish bilan taʼminlash va aholini ijtimoiy muhofaza qilish muammolarini oʻrganish respublika markazi;

Axborot-kompyuter markazi;

Urush va mehnat faxriylari uchun pansionat va sanatoriylar;

Texnikum (2001-yilda kasb-hunar kollejiga aylantiriladi);

Nogironlar uchun respublika kasb-hunar-texnika bilim yurti (2004-yilda kasb-hunar kollejiga aylantiriladi.

1. Tashqi mehnat migratsiyasi masalalari agentligi (keyingi oʻrinlarda Agentlik deb ataladi) yuridik shaxs huquqiga ega boʻlgan hamda Mehnat va aholini ijtimoiy muhofaza qilish vazirligiga qarashli davlat muassasasi hisoblanadi.

Agentlik Oʻzbekiston Respublikasi qonun hujjatlariga muvofiq xalqaro huquqiy normalar va qoidalarga asoslangan mehnat migratsiyasi jarayonlarini tartibga solib borishga doir faoliyatni respublikaning milliy manfaatlarini hisobga olgan holda amalga oshiradi.

Agentlik mustaqil balansga, banklarda hisob raqamlariga, valyuta va boshqa hisob raqamlariga, shtampga, oʻz nomi yozilgan blankalarga ega boʻladi.

2. Agentlik oʻz faoliyatida Oʻzbekiston Respublikasi Konstitutsiyasiga, Oʻzbekiston Respublikasi qonunlariga, Oliy Majlis qarorlariga va boshqa hujjatlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi Mehnat va aholini ijtimoiy muhofaza qilish vazirligining buyruqlariga hamda hayʼati qarorlariga, shuningdek ushbu Nizomga amal qiladi.

3. Agentlikning Qoraqalpogʻiston Respublikasi va viloyatlarda oʻz vakillari boʻladi. Agentlik vakillarini tayinlash bevosita Agentlik boshligʻi tomonidan Qoraqalpogʻiston Respublikasi Mehnat va aholini ijtimoiy muhofaza qilish vazirining hamda viloyatlar hokimliklari mehnat va aholini ijtimoiy muhofaza qilish bosh boshqarmalari boshliqlarining taqdimnomasiga koʻra, Oʻzbekiston Respublikasi Mehnat va aholini ijtimoiy muhofaza qilish vazirligi bilan kelishgan holda amalga oshiriladi.

4. Agentlikning Oʻzbekiston Respublikasi Davlat gerbi tasviri tushirilgan, oʻz nomi davlat va ingliz tillarida yozilgan muhri boʻladi.

5. Quyidagilar Agentlikning asosiy vazifalari hisoblanadi:

Oʻzbekiston Respublikasi fuqarolarining chet eldagi va xorijiy fuqarolarning Oʻzbekiston Respublikasidagi kasb boʻyicha faoliyatini muvofiqlashtirib borish;

mehnat migratsiyasi sohasidagi xalqaro hamkorlik loyihalarini ishlab chiqish va amalga oshirish;

xorijiy davlatlarning vakolatli organlari bilan Oʻzbekiston Respublikasi fuqarolarini chet elda va xorijiy fuqarolarni Oʻzbekiston Respublikasida ishga joylashtirish uchun kvotalar ajratish va ruxsatnomalar berish masalalari boʻyicha hamkorlik qilish;

Oʻzbekiston Respublikasi fuqarolariga ularning chet elda kasb boʻyicha faoliyatga boʻlgan huquqini ishga joylashtirish, chet elda ishga joylashtirishga nomzodlar bilan dastlabki moslashuv tadbirlarini oʻtkazish yoʻli bilan roʻyobga chiqarishda koʻmaklashish;

xorijiy ishchi kuchlarini yollovchi chet el firmalari (korxonalar, muassasalar, kompaniyalar) bilan hamkorlikni rivojlantirish;

Oʻzbekiston Respublikasi fuqarolariga chet elda mehnat faoliyatini amalga oshirish uchun idoralararo komissiya tavsiyanomalariga muvofiq ruxsatnomalar berish;

yuridik shaxslarga xorijiy ishchi kuchlarini jalb etish uchun ruxsatnomalar berish, shuningdek Qoraqalpogʻiston Respublikasi Mehnat va aholini ijtimoiy muhofaza qilish vazirligi, viloyatlar va Toshkent shahar hokimliklarining mehnat va aholini ijtimoiy muhofaza qilish bosh boshqarmalari takliflariga muvofiq hamda tashqi mehnat migratsiyasi jarayonlari tahlilini, aholi mehnat migratsiyasini rivojlantirishning uzoq muddatli va oʻrtacha muddatli prognozlarini hisobga olgan holda xorijiy fuqarolarga Oʻzbekiston Respublikasi hududida kasb boʻyicha mehnat faoliyatiga tasdiqnomalar berish.

6. Agentlik oʻziga yuklangan vazifalarga muvofiq:

tegishli qarorlarning hamda Oʻzbekiston Respublikasining xorijiy mamlakatlar bilan Oʻzbekiston fuqarolarini chet elda ishga joylashtirish masalalari boʻyicha hamkorlik qilish toʻgʻrisidagi shartnomalari, bitimlari va protokollaridan kelib chiqadigan majburiyatlarning bajarilishini muvofiqlashtirib boradi;

xorijiy manbalarning mehnat va ijtimoiy masalalar sohasidagi axborotlarini toʻplash, turkumlash va tahlil qilishni amalga oshiradi, Oʻzbekiston Respublikasi Mehnat va aholini ijtimoiy muhofaza qilish vazirligi faoliyatida chet el tajribasidan samarali foydalanishga yoʻnaltirilgan takliflar tayyorlaydi;

Oʻzbekiston Respublikasi fuqarolarini chet elda ishga joylashtirish yoʻnalishlari boʻyicha takliflar ishlab chiqadi hamda fuqarolarni chet elda ishga joylashtirish uchun kvotalar ajratish masalasi boʻyicha shartnomalar, bitimlar va protokollar loyihalarini tayyorlashni oʻz vakolati doirasida amalga oshiradi;

Oʻzbekiston Respublikasi hududidagi korxonalar, tashkilotlar va muassasalarda belgilangan tartibda berilgan ruxsatnomalar asosida ishlayotgan xorijiy fuqarolarni hisobga oladi;

Oʻzbekiston Respublikasida xorijiy ishchi kuchlaridan foydalanishni tartibga soluvchi qonun hujjatlariga va normativ hujjatlarga ish beruvchilar tomonidan rioya etilishini nazorat qiladi;

huquqni muhofaza qilish organlari bilan birgalikda Oʻzbekiston Respublikasida mehnat faoliyati huquqini beruvchi tasdiqnomaga ega boʻlgan xorijiy fuqarolar tomonidan respublika hududida kasb boʻyicha faoliyatni amalga oshirishning belgilangan tartibiga rioya etilishini nazorat qiladi;

mehnat migratsiyasi sohasidagi xalqaro hamkorlik loyihalariga muvofiq chet elga ishlash uchun joʻnab ketayotgan fuqarolarni ishga joylashiladigan mamlakatda boʻlish xususiyatlari, xorijiy ish beruvchilar bilan mehnat shartnomalari tuzishning huquqiy jihatlari toʻgʻrisida xabardor qiladi, zarurat boʻlganda, ularning xoʻjalik hisobi asosida xorijiy tilni oʻrganishiga koʻmaklashadi;

Oʻzbekiston Respublikasi Tashqi ishlar vazirligi koʻmagida, Oʻzbekiston Respublikasining chet eldagi diplomatik vakolatxonalari va konsullik muassasalari orqali, belgilangan tartibda chet elda ishlayotgan Oʻzbekiston Respublikasi fuqarolarining mehnat faoliyati monitoringini amalga oshiradi;

chet elda mehnat faoliyatini amalga oshirayotgan Oʻzbekiston Respublikasi fuqarolarining ijtimoiy muhofazasini, shu jumladan xodim bilan ish beruvchi oʻrtasida tuzilgan mehnat kontraktiga muvofiq ijtimoiy sugʻurta qilinishini taʼminlaydi;

chet elda mehnat faoliyatini amalga oshirishni xohlovchi Oʻzbekiston Respublikasi fuqarolari toʻgʻrisidagi maʼlumotlar bazasini shakllantiradi;

xorijiy mamlakatlarning mehnat bozorini oʻrganadi, xorijiy ish beruvchilarni qidiradi va Oʻzbekiston Respublikasi fuqarolarini chet elda ishga joylashtirish toʻgʻrisida bitimlar tuzadi;

chet elda mehnat faoliyatini amalga oshirishni xohlovchi fuqarolar toʻgʻrisidagi axborotlarni xorijiy ish beruvchilar oʻrtasida, shu jumladan “Internet” tarmoqlari orqali tarqatadi.

7. Agentlik oʻziga yuklangan vazifalar va funksiyalarni amalga oshirish uchun quyidagi huquqlarga ega:

mehnat migratsiyasi sohasidagi davlatlararo hamkorlik loyihalariga muvofiq chet elga ishlashga joʻnatiladigan nomzodlar toʻgʻrisida maʼlumotlar olish uchun fuqarolarning oʻzini oʻzi boshqarish organlariga va vakolatli organlarga murojaat qilish;

tuzilgan kontraktlarga muvofiq chet elda ishlash uchun kadrlarni tanlash, ularni kasb boʻyicha layoqatlikni aniqlash uchun test sinovidan oʻtkazish, ularga boriladigan mamlakatlarning asosiy qonunlarini oʻrgatish;

kasb boʻyicha dastlabki tanlovdan oʻtgan ishchilar va mutaxassislar bilan mehnat kontraktlari tuzish;

mulkchilik shakllaridan qatʼi nazar, yuridik shaxslardan Oʻzbekiston Respublikasi hududida ushbu yuridik shaxslar bilan tuzilgan mehnat shartnoma (kontrakt)lari boʻyicha mehnat (kasb boʻyicha) faoliyatini amalga oshiruvchi xorijiy fuqarolar toʻgʻrisida maʼlumotlar olish;

xorijiy ishchi kuchlarini yollovchi va bunday yollashga koʻmaklashuvchi xorijiy kompaniyalar (firmalar) bilan oʻz vakolati doirasida bevosita oʻzaro hamkorlik qilish;

zarurat boʻlganda, ushbu Nizomda nazarda tutilgan ayrim funksiyalarni amalga oshirish uchun oʻqituvchilarni, vazirliklar va idoralarning mutaxassislarini va boshqa fuqarolarni shartnomalar (kontraktlar) boʻyicha jalb etish.

8. Agentlikning mol-mulki asosiy fondlardan va aylanma mablagʻlardan, shuningdek qiymati mustaqil balansda aks ettirilgan boshqa boyliklardan iborat boʻladi.

9. Agentlikning mol-mulki Oʻzbekiston Respublikasi qonun hujjatlariga muvofiq unga toʻliq xoʻjalik yuritish huquqi bilan tegishli boʻladi.

10. Agentlikni Oʻzbekiston Respublikasi Mehnat va aholini ijtimoiy muhofaza qilish vaziri tomonidan lavozimga tayinlanadigan va lavozimdan ozod etiladigan Agentlik boshligʻi boshqaradi.

Agentlik boshligʻi:

Agentlikning joriy faoliyatini tashkil qiladi va yuklangan vazifalarning bajarilishi uchun javob beradi;

Agentlik xodimlarini lavozimga tayinlaydi va lavozimdan ozod qiladi;

davlat organlari, yuridik va jismoniy shaxslar, shu jumladan xorijiy davlatlar yuridik va jismoniy shaxslari, shuningdek xalqaro tashkilotlar oldida Agentlik manfaatlarini ifodalaydi;

Oʻzbekiston Respublikasi Mehnat va aholini ijtimoiy muhofaza qilish vazirligi bilan kelishilgan holda shtat jadvalini, Agentlik apparati taʼminoti xarajatlari smetasini tasdiqlaydi;

oʻziga yuklangan vazifalarni bajarish uchun buyruqlar va farmoyishlar chiqaradi;

Oʻzbekiston Respublikasi fuqarolariga chet elda mehnat faoliyatini amalga oshirish uchun ruxsatnomalar hamda yuridik shaxslarga xorijiy ishchi kuchlarini jalb etish uchun ruxsatnomalar, shuningdek qonun hujjatlariga muvofiq Oʻzbekiston Respublikasi hududida ishga joylashish uchun xorijiy fuqarolarning kasb boʻyicha faoliyatiga tasdiqnomalar beradi.

11. Agentlik boshligʻining oʻrinbosari Oʻzbekiston Respublikasi Mehnat va aholini ijtimoiy muhofaza qilish vaziri tomonidan lavozimga tayinlanadi va lavozimdan ozod qilinadi.

12. Tarkibiy boʻlinmalar rahbarlari Oʻzbekiston Respublikasi Mehnat va aholini ijtimoiy muhofaza qilish vazirligi bilan kelishgan holda Agentlik boshligʻi tomonidan lavozimga tayinlanadi va lavozimdan ozod qilinadi.

13. Soliqlar hamda davlat budjetiga, shuningdek budjetdan tashqari jamgʻarmalarga boshqa majburiy toʻlovlar toʻlangandan keyin qolgan foyda (daromad) Agentlik moliyaviy faoliyatining asosiy umumlashtiruvchi koʻrsatkichi hisoblanadi hamda undan Oʻzbekiston Respublikasi Mehnat va aholini ijtimoiy muhofaza qilish vazirligi bilan kelishilgan holda Agentlikni rivojlantirishda foydalaniladi.

14. Quyidagilar Agentlikning moliyaviy resurslarini shakllantirish manbalari hisoblanadi:

xoʻjalik hisobidagi faoliyatdan olingan foyda (daromad);

Moliya vazirligi bilan kelishgan holda Mehnat va aholini ijtimoiy muhofaza qilish vazirligi tomonidan tasdiqlangan tarifga muvofiq Oʻzbekiston Respublikasi fuqarolarining chet elda va xorijiy fuqarolarning Oʻzbekistonda kasb boʻyicha faoliyatni amalga oshirishga ruxsatnomalarni rasmiylashtirganlik uchun toʻlov hisobiga olingan mablagʻlar;

chet elda kasb boʻyicha faoliyatni amalga oshirish uchun hujjatlarni rasmiylashtirishda shartnoma asosida fuqarolarga koʻrsatiladigan xizmatlar uchun toʻlov undirishdan olingan daromad;

qonun hujjatlariga muvofiq boshqa tushumlar.

Agentlik pul mablagʻlarini saqlash hamda respublika qonun hujjatlariga zid boʻlmagan barcha turdagi hisob-kitob va kassa operatsiyalarini amalga oshirish uchun tijorat banklarida hisob-kitob, valyuta va boshqa hisob raqamlarini ochish huquqiga egadir.

15. Valyuta tushumi Agentlikning valyuta hisob raqamiga oʻtkaziladi va undan Oʻzbekiston Respublikasi Mehnat va aholini ijtimoiy muhofaza qilish vazirligi bilan kelishgan holda foydalaniladi. Ilgari qilingan xarajatlarni qoplashdan ortib qolgan va Agentlik hisob raqamiga tushadigan valyuta mablagʻlarini majburiy sotish qonun hujjatlarida belgilangan tartibda amalga oshiriladi.

16. Agentlik vazifalar va funksiyalarni bajarish uchun Oʻzbekiston Respublikasi qonunchiligiga muvofiq tashqi iqtisodiy faoliyatni amalga oshirish huquqiga egadir.

17. Agentlik oʻz ishlarining tezkor va buxgalteriya hisobini amalga oshiradi, statistika hisoboti yuritadi.

18. Agentlikni qayta tashkil etish va tugatish qonunda belgilangan tartibda amalga oshiriladi.

Toshkent shahri, Kosmonavtlar shoh koʻchasi, 6-uy.

1. Oʻzbekiston Respublikasi Vazirlar Mahkamasining “Aholini ish bilan taʼminlash toʻgʻrisida”gi Oʻzbekiston Respublikasi Qonunini amalga oshirish chora-tadbirlari toʻgʻrisida” 1992-yil 13-maydagi 235-son qarori (Oʻzbekiston Respublikasi QT, 1992-y., 5-son, 18-modda)ning 2, 3 va 6-bandlaridagi, shuningdek ushbu qarorga 5-ilovaning yettinchi va sakkizinchi xatboshilaridagi “Mehnat vazirligi”, “Mehnat vazirligiga”, “Mehnat vazirligi tomonidan” soʻzlari “Mehnat va aholini ijtimoiy muhofaza qilish vazirligi”, “Mehnat va aholini ijtimoiy muhofaza qilish vazirligiga” “Mehnat va aholini ijtimoiy muhofaza qilish vazirligi tomonidan” soʻzlari bilan almashtirilsin.

2. Oʻzbekiston Respublikasi Vazirlar Mahkamasining “Oʻzbekiston Respublikasi Mehnat vazirligining Davlat mehnat huquq inspeksiyasi toʻgʻrisidagi Nizomni va Mehnat shart-sharoitlari davlat ekspertizasi toʻgʻrisidagi Nizomni tasdiqlash haqida” 1993-yil 29-iyuldagi 378-son qarorida (Oʻzbekiston Respublikasi QT, 1993-y., 7-son, 29-modda):

qarorning nomi va matnidagi, nizomlar va ularga ilovalar matnlaridagi Mehnat vazirligiga koʻrsatmalar Mehnat va aholini ijtimoiy muhofaza qilish vazirligiga koʻrsatmalar bilan almashtirilsin;

Mehnat shart-sharoitlari davlat ekspertizasi toʻgʻrisidagi Nizomning 6-bandidagi “viloyatlar va Toshkent shahar mehnat, aholini ish bilan taʼminlash va ijtimoiy himoya qilish bosh boshqarmalari, tuman va shahar mehnat organlari tomonidan” soʻzlari “hududiy bosh boshqarmalar, mehnat, ish bilan taʼminlash va aholini ijtimoiy muhofaza qilish tuman (shahar) boʻlimlari” soʻzlari bilan almashtirilsin;

Oʻzbekiston Respublikasi Mehnat va aholini ijtimoiy muhofaza qilish vazirligining Davlat mehnat huquq inspeksiyasi toʻgʻrisidagi Nizomning I boʻlimi 5 va 6-bandlari quyidagi tahrirda bayon qilinsin:

5. Oʻzbekiston Respublikasi Mehnat va aholini ijtimoiy muhofaza qilish vazirligi, Qoraqalpogʻiston Respublikasi Mehnat va aholini ijtimoiy muhofaza qilish vazirligi, viloyatlar va Toshkent shahar mehnat va aholini ijtimoiy muhofaza qilish bosh boshqarmalarining davlat huquq mehnat inspektorlariga xizmat guvohnomalari Oʻzbekiston Respublikasi Mehnat va aholini ijtimoiy muhofaza qilish vazirligi tomonidan beriladi.

6. Mehnat, ish bilan taʼminlash va aholini ijtimoiy muhofaza qilish tuman (shahar) boʻlimlarining davlat huquq mehnat inspektorlariga xizmat guvohnomalari Qoraqalpogʻiston Respublikasi Mehnat va aholini ijtimoiy muhofaza qilish vazirligi, viloyatlar va Toshkent shahar mehnat va aholini ijtimoiy muhofaza qilish bosh boshqarmalari tomonidan beriladi”;

Oʻzbekiston Respublikasi Mehnat va aholini ijtimoiy muhofaza qilish vazirligining Davlat mehnat huquq inspeksiyasi toʻgʻrisidagi Nizomning IV boʻlimi 1, 2, 3-bandlaridagi “Mehnat vaziri” soʻzlari “Mehnat va aholini ijtimoiy muhofaza qilish vaziri” soʻzlari bilan almashtirilsin;

Oʻzbekiston Respublikasi Mehnat va aholini ijtimoiy muhofaza qilish vazirligining Davlat mehnat huquq inspeksiyasi toʻgʻrisidagi Nizomning V boʻlimining nomi quyidagi tahrirda bayon qilinsin:

“V. Qoraqalpogʻiston Respublikasi Mehnat va aholini ijtimoiy muhofaza qilish vazirligi, viloyatlar va Toshkent shahar mehnat va aholini ijtimoiy muhofaza qilish bosh boshqarmalari inspeksiyalarining vakolatlari”;

Oʻzbekiston Respublikasi Mehnat va aholini ijtimoiy muhofaza qilish vazirligining Davlat mehnat huquq inspeksiyasi toʻgʻrisidagi Nizomning V boʻlimining 4-bandidagi “mehnat boʻyicha tuman organlari” soʻzlari “mehnat, ish bilan taʼminlash va aholini ijtimoiy muhofaza qilish tuman (shahar) boʻlimlari” soʻzlari bilan almashtirilsin;

Oʻzbekiston Respublikasi Mehnat va aholini ijtimoiy muhofaza qilish vazirligining Davlat mehnat huquq inspeksiyasi toʻgʻrisidagi Nizomning VI boʻlimining nomi quyidagi tahrirda bayon qilinsin:

“Mehnat, ish bilan taʼminlash va aholini ijtimoiy muhofaza qilish tuman (shahar) boʻlimlari davlat huquq inspektorlarining huquq va majburiyatlari”.

3. Vazirlar Mahkamasining 1994-yil 1-fevraldagi 48-son qarori (Oʻzbekiston Respublikasi QT, 1994-y., 2-son, 7-modda) bilan tasdiqlangan Xodimlarga ularning mehnat vazifalarini bajarish bilan bogʻliq holda jarohatlanishi, kasb kasalliklariga chalinishi va salomatlikning boshqa xil shikastlanishi tufayli yetkazilgan zararni ish beruvchilar tomonidan toʻlash qoidalari 28-bandining ikkinchi xatboshidagi “ijtimoiy taʼminot organlari” soʻzlari “ijtimoiy taʼminot boʻlimlari” soʻzlari bilan almashtirilsin.

4. Vazirlar Mahkamasining “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonunini roʻyobga chiqarish uchun zarur boʻlgan normativ hujjatlarni tasdiqlash haqida” 1994-yil 11-maydagi 249-son qaroridagi:

12-ilovaning 31-bandidagi “ijtimoiy taʼminot organi” soʻzlari “ijtimoiy taʼminot boʻlimi” soʻzlari bilan almashtirilsin;

15-ilovaning 2, 3, 8, 12 va 13-bandlaridagi “ijtimoiy taʼminot organlari” soʻzlari “ijtimoiy taʼminot boʻlimlari” soʻzlari bilan almashtirilsin.

5. Vazirlar Mahkamasining 1994-yil 12-maydagi 250-son qarori bilan tasdiqlangan 3-son Roʻyxatdagi:

XXV boʻlim nomidagi va 1754 b-bandining “g” kichik bandidagi “va ijtimoiy taʼminot”, “ijtimoiy taʼminot” soʻzlari tegishlicha “mehnat va aholini ijtimoiy muhofaza qilish” soʻzlari bilan almashtirilsin;

VIII qismning 3-bandi nomidagi va IX qism nomidagi “ijtimoiy taʼminot” soʻzlari “mehnat va aholini ijtimoiy muhofaza qilish” soʻzlari bilan almashtirilsin;

IX qism “mutaxassislari” soʻzi oldidan “ijtimoiy taʼminot tuman va shahar boʻlimlari” soʻzlari qoʻshilsin.

6. Vazirlar Mahkamasining 1994-yil 24-iyundagi 319-son qarori (Oʻzbekiston Respublikasi QT, 1994-y., 6-son, 33-modda) bilan tasdiqlangan Bolalikdan nogironlarga nafaqalar tayinlash va toʻlash tartibi toʻgʻrisida Nizomning:

7-bandidagi “ijtimoiy taʼminot organi” soʻzlari “mehnat va aholini ijtimoiy muhofaza qilish organi” soʻzlari bilan almashtirilsin;

11-bandning birinchi xatboshidagi va 12-bandning ikkinchi xatboshidagi “ijtimoiy taʼminot organlari”, “ijtimoiy taʼminot organi” soʻzlari tegishlicha “ijtimoiy taʼminot boʻlimlari”, “ijtimoiy taʼminot boʻlimi” soʻzlari bilan almashtirilsin.

7. Vazirlar Mahkamasining 1994-yil 24-iyundagi 319-son qarori (Oʻzbekiston Respublikasi QT, 1994-y., 6-son, 33-modda) bilan tasdiqlangan Pensiya tayinlash uchun zarur boʻlgan ish stajiga ega boʻlmagan qariyalarga va mehnatga layoqatsiz fuqarolarga nafaqalar tayinlash va toʻlash tartibi toʻgʻrisida Nizomning:

6-bandiga izohdagi va 16-bandning birinchi xatboshidagi “ijtimoiy taʼminot organlari” soʻzlari “ijtimoiy taʼminot boʻlimlari” soʻzlari bilan almashtirilsin;

28-bandining birinchi xatboshidagi “Ijtimoiy taʼminot vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin.

8. Vazirlar Mahkamasining “Xalq taʼlimi xodimlari mehnatiga haq toʻlash shartlarini tartibga solish toʻgʻrisida” 1994-yil 29-sentabrdagi 490-son qaroriga 2-ilovaning IV boʻlimiga izohning 1-bandi ikkinchi xatboshidagi va 2-bandidagi “Ijtimoiy taʼminot vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin.

9. Vazirlar Mahkamasining 1995-yil 6-yanvardagi 8-son qarori (Oʻzbekiston Respublikasi QT, 1995-y., 1-son, 1-modda) bilan tasdiqlangan Oʻzbekiston Respublikasi fuqarolarining chet elga borishlari tartibi II boʻlimi 4-bandidagi “Mehnat vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin.

10. Vazirlar Mahkamasining “Oʻzbekiston Respublikasida muruvvat yordami dasturlarini muvofiqlashtirish toʻgʻrisida” 1995-yil 25-apreldagi 146-son qarorining 10-bandidagi “Ijtimoiy taʼminot vazirligi, Mehnat vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin.

11. Vazirlar Mahkamasining 1995-yil 26-iyuldagi 291-son qarori (Oʻzbekiston Respublikasi QT, 1995-y., 7-son, 24-modda) bilan tasdiqlangan Xususiy tadbirkorlik va kichik biznesga Biznes-fond tomonidan kredit berishning asosiy shartlari I boʻlimining 1 va 3-bandlaridagi “Mehnat vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin.

12. Vazirlar Mahkamasining “Vazirlar Mahkamasining 1994-yil 11-maydagi 249-son qarori bilan tasdiqlangan Pensiya tayinlash uchun mehnat stajini tasdiqlash tartibi toʻgʻrisidagi Nizomga qoʻshimcha kiritish haqida” 1995-yil 8-avgustdagi 311-son qarori (Oʻzbekiston Respublikasi QT, 1995-y., 8-son, 27-modda)ning toʻrtinchi xatboshidagi “ijtimoiy taʼminot organlari” soʻzlari “ijtimoiy taʼminot boʻlimlari” soʻzlari bilan almashtirilsin.

13. Vazirlar Mahkamasining “Oʻzbekiston Respublikasi fuqarolarining chet eldagi hamda xorijiy fuqarolarning respublikadagi kasb faoliyati toʻgʻrisida” 1995-yil 19-oktabrdagi 408-son qarori (Oʻzbekiston Respublikasi QT, 1995y., 10-son, 41-modda)ning:

1) 1-bandidagi “Mehnat vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin;

2) 3-bandidagi “Oʻzbekiston Respublikasi Mehnat vazirligi” soʻzlari “Tashqi mehnat migratsiyasi masalalari agentligi” soʻzlari bilan almashtirilsin;

3) Oʻzbekiston Respublikasi fuqarolarining chet eldagi kasb faoliyati tartibi toʻgʻrisida Nizom (qarorga 1-ilova)ning:

muqaddimasi va 1-bandi quyidagi tahrirda bayon qilinsin:

“Mazkur Nizom “Aholini ish bilan taʼminlash toʻgʻrisida”gi Oʻzbekiston Respublikasi Qonuniga muvofiq ishlab chiqilgan va u mehnat faoliyatini amalga oshirish uchun chet elga chiqib ketayotgan Oʻzbekiston Respublikasi fuqarolariga joriy etiladi.

1. Oʻzbekiston Respublikasi fuqarolari Oʻzbekiston Respublikasi qonunchiligiga muvofiq idoralararo shartnomalar, ishga joylashish toʻgʻrisidagi bitimlar, shuningdek xususiy mehnat kontraktlari asosida oʻz kasb faoliyatlarini amalga oshirish maqsadida chet elga faqat Tashqi mehnat migratsiyasi masalalari agentligi koʻmagida chiqish huquqiga egadirlar”;

2—6-bandlardagi Oʻzbekiston Respublikasi Mehnat vazirligiga koʻrsatmalar Tashqi mehnat migratsiyasi masalalari agentligiga koʻrsatmalar bilan almashtirilsin;

4-bandning uchinchi xatboshi “kontrakt nusxasi” soʻzidan oldin “notarial tasdiqlangan va Oʻzbekiston Respublikasining chet eldagi konsullik muassasasida rasmiylashtirilgan” soʻzlari qoʻshilsin”;

7-band quyidagi tahrirda bayon qilinsin:

“7. Fuqarolarga chet elda mehnat faoliyatini amalga oshirish uchun ruxsatnoma Tashqi mehnat migratsiyasi masalalari agentligi tomonidan Oʻzbekiston Respublikasi fuqarolari mazkur Nizomning 4-bandida nazarda tutilgan hujjatlarni bergan kundan boshlab 15 kun mobaynida beriladi”;

Oʻzbekiston Respublikasi fuqarolarining chet eldagi kasb faoliyati tartibi toʻgʻrisidagi Nizomga ilovadagi Mehnat vazirligiga koʻrsatmalar Mehnat va aholini ijtimoiy muhofaza qilish vazirligiga koʻrsatmalar bilan almashtirilsin;

4) Oʻzbekiston Respublikasida xorijiy ishchi kuchlarini jalb qilish va ulardan foydalanish tartibi toʻgʻrisida Nizom (qarorga 2-ilova)ning:

5-bandi quyidagi tahrirda bayon qilinsin:

“5. Ruxsatnoma berish Tashqi mehnat migratsiyasi masalalari agentligi (keyingi oʻrinlarda Agentlik deb yuritiladi) tomonidan amalga oshiriladi”;

7, 8, 9 va 16-bandlardagi mehnat boʻyicha hududiy organlarga koʻrsatmalar Agentlikka koʻrsatmalar bilan almashtirilsin;

9-banddagi “15 kun mobaynida” soʻzlari “30 kun mobaynida” soʻzlari bilan almashtirilsin;

13 va 14-bandlardagi Oʻzbekiston Respublikasi Mehnat vazirligiga koʻrsatmalar Agentlikka koʻrsatmalar bilan almashtirilsin;

16-banddagi “Mehnat vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin.

14. Vazirlar Mahkamasining “Oʻzbekiston Teleradiokompaniyasini tashkil etish va uning faoliyati masalalari” haqida 1996-yil 24-maydagi 190-son qarori (Oʻzbekiston Respublikasi QT, 1996-y., 6-son, 18-modda)ning 3-bandidagi “Mehnat vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin.

15. Vazirlar Mahkamasining “Toshkent shahri aholisiga yoʻlovchi tashish transporti xizmati koʻrsatishni tubdan yaxshilash chora-tadbirlari toʻgʻrisida” 1996-yil 19-avgustdagi 291-son qarorining 10 va 12-bandlaridagi “Mehnat vazirligi” hamda “Mehnat vazirligi va Ijtimoiy taʼminot vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin.

16. Vazirlar Mahkamasining 1996-yil 21-noyabrdagi 408-son qarori bilan tasdiqlangan Xorijiy fuqarolar va fuqaroligi boʻlmagan shaxslarning Oʻzbekiston Respublikasiga kelishlari va Oʻzbekiston Respublikasidan ketishlari tartibining:

6-bandi “v” kichik bandidagi “Oʻzbekiston Respublikasi Mehnat vazirligi” soʻzlari “Tashqi mehnat migratsiyasi masalalari agentligi” soʻzlari bilan almashtirilsin;

10-bandning toʻrtinchi xatboshidagi “Mehnat vazirligining hududiy organlari tomonidan” soʻzlari “Tashqi mehnat migratsiyasi masalalari agentligi tomonidan” soʻzlari bilan almashtirilsin.

17. Vazirlar Mahkamasining “Bolali oilalarni ijtimoiy qoʻllab-quvvatlashni kuchaytirish chora-tadbirlari toʻgʻrisida” 1996-yil 10-dekabrdagi 437-son qarorida (Oʻzbekiston Respublikasi QT, 1996-y., 12-son, 35-modda):

2-bandning toʻrtinchi xatboshidagi, 3, 5 va 7-bandlardagi Mehnat vazirligiga koʻrsatmalar Mehnat va aholini ijtimoiy muhofaza qilish vazirligiga koʻrsatmalar bilan almashtirilsin;

4-banddagi “Moliya vaziri B.S. Hamidovning, Mehnat vaziri” soʻzlari “Makroiqtisodiyot va statistika vaziri R.S.Azimovning, Mehnat va aholini ijtimoiy muhofaza qilish vaziri” soʻzlari bilan almashtirilsin;

5-banddan toʻrtinchi xatboshi chiqarib tashlansin.

18. Vazirlar Mahkamasining “Kasb-hunar taʼlimi oʻquv yurtlari toʻgʻrisidagi nizomlarni tasdiqlash haqida” 1996-yil 11-dekabrdagi 439-son qarori (Oʻzbekiston Respublikasi QT, 1996y., 12-son, 36-modda)ga 1-ilovaning VII boʻlimi 2-bandidagi, 3-ilovaning VII boʻlimi 2-bandidagi “Mehnat vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin.

19. Vazirlar Mahkamasining “Oʻzbekiston Respublikasining Mehnat kodeksini amalga oshirish uchun zarur boʻlgan normativ hujjatlarni tasdiqlash toʻgʻrisida” 1997-yil 11-martdagi 133-son qarori (Oʻzbekiston Respublikasi QT, 1997y., 3-son, 11-modda)ga 4-ilovaning 10-bandidagi “va ijtimoiy taʼminot” soʻzlari “mehnat va ijtimoiy taʼminot” soʻzlari bilan almashtirilsin.

20. Vazirlar Mahkamasining “Oʻzbekiston Respublikasi Vazirlar Mahkamasining Axborot-tahlil boshqarmasini tashkil etish toʻgʻrisida” 1997-yil 16-apreldagi 199-son qarorida:

4-bandning ikkinchi xatboshidagi va 6-bandning uchinchi xatboshidagi “Oʻzistiqbolstat” davlat qoʻmitasi” va “Mehnat vazirligi” soʻzlari tegishli ravishda “Makroiqtisodiyot va statistika vazirligi” hamda “Mehnat va aholini ijtimoiy muhofaza qilish vazirligi” soʻzlari bilan almashtirilsin;

ushbu qaror bilan tasdiqlangan “Oʻzbekiston Respublikasi Vazirlar Mahkamasining Axborot-tahlil boshqarmasi toʻgʻrisidagi Nizomning IV boʻlimi ikkinchi va yettinchi xatboshlaridagi “Oʻzistiqbolstat” davlat qoʻmitasining”, “Mehnat vazirligining”, “Oʻzistiqbolstat” davlat qoʻmitasida”, “Mehnat vazirligida” soʻzlari tegishli ravishda “Makroiqtisodiyot va statistika vazirligining”, “Mehnat va aholini ijtimoiy muhofaza qilish vazirligining”, “Makroiqtisodiyot va statistika vazirligida”, “Mehnat va aholini ijtimoiy muhofaza qilish vazirligida” soʻzlari bilan almashtirilsin.

21. Oʻzbekiston Respublikasi Vazirlar Mahkamasining 1997-yil 6-iyundagi 286-son qarori (Oʻzbekiston Respublikasi QT, 1997-y., 6-son, 21-modda) bilan tasdiqlangan Ishlab chiqarishdagi baxtsiz hodisalarni va xodimlar salomatligining boshqa xil zararlanishini tekshirish va hisobga olish toʻgʻrisidagi Nizomda:

III va IV boʻlimlar matnidagi Oʻzbekiston Respublikasi Mehnat vazirligiga koʻrsatmalar Oʻzbekiston Respublikasi Mehnat va aholini ijtimoiy muhofaza qilish vazirligiga koʻrsatmalar bilan almashtirilsin;

III boʻlimning 2-bandi toʻrtinchi xatboshi quyidagi tahrirda bayon qilinsin:

“Oʻzbekiston Respublikasi Mehnat va aholini ijtimoiy muhofaza qilish vazirligiga, viloyat (Toshkent shahar) mehnat va aholini ijtimoiy muhofaza qilish bosh boshqarmasiga”;

III boʻlimning 3-bandi birinchi xatboshidagi “viloyat (Qoraqalpogʻiston Respublikasi, Toshkent shahar) mehnat boshqarmasi” soʻzlari “Qoraqalpogʻiston Respublikasi Mehnat va aholini ijtimoiy muhofaza qilish vazirligi, viloyat (Toshkent shahar) mehnat va aholini ijtimoiy muhofaza qilish bosh boshqarmasi” soʻzlari bilan almashtirilsin;

III boʻlim 8-bandining uchinchi xatboshi quyidagi tahrirda bayon qilinsin:

“maxsus tekshirishning barcha materiallari nusxalarini viloyat (Toshkent shahar) mehnat va aholini ijtimoiy muhofaza qilish bosh boshqarmasiga, Qoraqalpogʻiston Respublikasi Mehnat va aholini ijtimoiy muhofaza qilish vazirligiga, Oʻzbekiston Respublikasi Mehnat va aholini ijtimoiy muhofaza qilish vazirligiga, shuningdek tegishli vazirlikka (korporatsiya, uyushma, konsernga), korxonaga va uning yuqori turuvchi xoʻjalik organiga, jabrlangan xodimni yuborgan tashkilotga yuboradi”;

IV boʻlimning 6-bandidagi “Qoraqalpogʻiston Respublikasi Mehnat vazirligi hayʼatida, viloyat (Toshkent shahar) mehnat boshqarmasi kengashida”, “Qoraqalpogʻiston Respublikasi Mehnat vazirligi hayʼati, viloyat (Toshkent shahar) mehnat boshqarmasi kengashi” soʻzlari tegishli ravishda “Qoraqalpogʻiston Respublikasi Mehnat va aholini ijtimoiy muhofaza qilish vazirligi hayʼatida, viloyat (Toshkent shahar) mehnat va aholini ijtimoiy muhofaza qilish bosh boshqarmasi kengashida”, “Qoraqalpogʻiston Respublikasi Mehnat va aholini ijtimoiy muhofaza qilish vazirligi hayʼati, viloyat (Toshkent shahar) mehnat va aholini ijtimoiy muhofaza qilish bosh boshqarmasi kengashi”, soʻzlari bilan almashtirilsin.

22. Vazirlar Mahkamasining 1997-yil 25-oktabrdagi 486-son qarori bilan tasdiqlangan Shaxsiy yordamchi va dehqon xoʻjaliklarini qoʻllab-quvvatlash jamgʻarmasi toʻgʻrisidagi Nizomning VI boʻlimi birinchi xatboshidagi “Mehnat vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin.

23. Vazirlar Mahkamasining 1997-yil 2-dekabrdagi 532-son qarori (Vazirlar Mahkamasining 2000-yil 5-sentabrdagi 344-son qarori tahririda)ga 2-ilova 5-bandidagi “Ijtimoiy taʼminot organlarining” soʻzlari “Ijtimoiy taʼminot boʻlimlarining” soʻzlari bilan almashtirilsin.

24. Vazirlar Mahkamasining “Oʻzbekiston Respublikasida tashqi savdo faoliyatini erkinlashtirish boʻyicha qoʻshimcha chora-tadbirlar toʻgʻrisida” 1998-yil 31-martdagi 137-son qaroriga 2-ilovadagi “Mehnat vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin.

25. Vazirlar Mahkamasining 1998-yil 22-avgustdagi 361-son qarori (Oʻzbekiston Respublikasi QT, 1998-y., 8-son, 31-modda) bilan tasdiqlangan Davlatga tegishli aksiyalar paketlarini ishonchli boshqaruvga berish tartibining 7.2-bandidagi va Davlatga tegishli aksiyalar paketlarini ishonchli boshqarishning namunaviy shartnomasi (koʻrsatib oʻtilgan Tartibga ilova)ning 8.1-bandidagi “Mehnat vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin.

26. Oʻzbekiston Respublikasi Vazirlar Mahkamasining “Ijtimoiy himoyaga muhtoj shaxslarni ishga joylashtirish uchun ish joylarining eng kam miqdorini belgilash tartibi toʻgʻrisidagi Nizomni va Aholini ish bilan taʼminlash toʻgʻrisidagi qonun hujjatlarini buzganlik uchun jarimalar solish tartibi toʻgʻrisidagi Nizomni tasdiqlash haqida” 1998-yil 1-dekabrdagi 504-son qarorida (Oʻzbekiston Respublikasi QT, 1998y., 12-son 44-modda):

1-ilovada:

5-bandning ikkinchi xatboshidagi va 22-bandning ikkinchi xatboshidagi “Mehnat vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin;

11-bandda, 13-bandning ikkinchi xatboshida, 14-bandning uchinchi xatboshida, 15-bandda, 16-bandning ikkinchi xatboshida va 22-bandning birinchi xatboshidagi shahar (tuman) mehnat boʻlimi va mehnat organlariga koʻrsatmalar mehnat, aholini ish bilan taʼminlash va ijtimoiy muhofaza qilish tuman (shahar) boʻlimlariga koʻrsatmalar bilan almashtirilsin;

2-ilovaning 4-bandidagi “Oʻzbekiston Respublikasi Mehnat vazirligi va uning mahalliy organlari” soʻzlari “Oʻzbekiston Respublikasi Mehnat va aholini ijtimoiy muhofaza qilish vazirligi, Qoraqalpogʻiston Respublikasi Mehnat va aholini ijtimoiy muhofaza qilish vazirligi, viloyatlar va Toshkent shahar mehnat, aholini ijtimoiy muhofaza qilish bosh boshqarmalari, mehnat, aholini ish bilan taʼminlash va ijtimoiy muhofaza qilish tuman (shahar) boʻlimlari” soʻzlari bilan almashtirilsin.

27. Vazirlar Mahkamasining 1999-yil 26-iyuldagi 362-son qarori (Oʻzbekiston Respublikasi QT, 1999-y., 7-son, 42-modda) bilan tasdiqlangan Iqtisodiy nochor korxonalar ishlari qoʻmitasi huzuridagi Korxonalarni sanatsiyalash jamgʻarmasi toʻgʻrisidagi Nizomning 2-bandi ikkinchi xatboshidagi “Mehnat vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin.

28. Vazirlar Mahkamasining “Ijtimoiy sugʻurtaga badallar miqdorlari toʻgʻrisida” 1999-yil 30-iyuldagi 372-son qarorida:

1-bandda: “Mehnat vazirligi, Ijtimoiy taʼminot vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin;

3-bandda “ijtimoiy taʼminot” soʻzlari “mehnat va aholini ijtimoiy muhofaza qilish” soʻzlari bilan almashtirilsin.

29. Vazirlar Mahkamasining 2000-yil 27-yanvardagi 24-son qarori (Oʻzbekiston Respublikasi QT, 2000-y., 1-son, 7-modda) bilan tasdiqlangan Xizmat turar joylari olish huquqiga ega boʻlgan shaxslar roʻyxatining 1-bandidagi “ijtimoiy taʼminot muassasalari” soʻzlari “mehnat va aholini ijtimoiy muhofaza qilish muassasalari” soʻzlari bilan almashtirilsin.

30. Vazirlar Mahkamasining 2000-yil 7-apreldagi 130-son qarori (Oʻzbekiston Respublikasi QT, 2000-y., 4-son, 17-modda) bilan tasdiqlangan Sanoatda va konchilikda ishlarning bexatar olib borilishini nazorat qilish agentligi toʻgʻrisidagi Nizom 2-bandining birinchi va ikkinchi xatboshilaridagi “Mehnat vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin.

31. Vazirlar Mahkamasining “Mehnatni muhofaza qilishga doir meʼyoriy hujjatlarni qayta koʻrib chiqish va ishlab chiqish toʻgʻrisida” 2000-yil 12-iyuldagi 267-son qarorining 2-bandidagi, 4-bandining ikkinchi xatboshidagi va 5-bandidagi, shuningdek 1-ilovaning II boʻlimi 3-bandidagi, V boʻlimning ikkinchi xatboshidagi, VI boʻlimning 16-18-bandlaridagi, 2-ilovaning 22-bandi toʻqqizinchi xatboshidagi, 23-bandidagi Mehnat vazirligiga koʻrsatmalar Mehnat va aholini ijtimoiy muhofaza qilish vazirligiga koʻrsatmalar bilan almashtirilsin.

32. Vazirlar Mahkamasining “Voyaga yetmaganlar ishlari boʻyicha komissiyalar faoliyatini takomillashtirish haqida” 2000-yil 21-sentabrdagi 360-son qarori (Oʻzbekiston Respublikasi QT, 2000-y., 9-son, 60-modda)ning 9-bandidagi “Mehnat vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin.

33. Vazirlar Mahkamasining 2000-yil 23-oktabrdagi 410-son qarori (Oʻzbekiston Respublikasi QT, 2000-y., 10-son, 68-modda) bilan tasdiqlangan Xorijiy tijorat tashkilotlarining Oʻzbekiston Respublikasi hududidagi vakolatxonalarini akkreditatsiya qilish tartibi va ularning faoliyati toʻgʻrisidagi Nizomning 31-bandidagi “Oʻzbekiston Respublikasi Mehnat vazirligi” soʻzlari “Tashqi mehnat migratsiyasi masalalari agentligi” soʻzlari bilan almashtirilsin.

34. Vazirlar Mahkamasining “Oʻzbekiston Respublikasi pensiya taʼminoti tizimini takomillashtirish chora-tadbirlari toʻgʻrisida” 2000-yil 15-noyabrdagi 444-son qarori (Oʻzbekiston Respublikasi QT, 2000-y., 11-son, 71-modda)ning:

8-bandidagi:

“Ijtimoiy taʼminot vazirligiga” soʻzlari “Mehnat va aholini ijtimoiy muhofaza qilish vazirligiga” soʻzlari bilan almashtirilsin;

uchinchi va beshinchi xatboshlaridagi “ijtimoiy taʼminot organlari” soʻzlari “ijtimoiy taʼminot boʻlimlari” soʻzlari bilan almashtirilsin;

9-banddagi “Ijtimoiy taʼminot vaziri”, “ijtimoiy taʼminot organlarining rahbarlari” soʻzlari tegishlicha “Mehnat va aholini ijtimoiy muhofaza qilish vaziri”, “mehnat va aholini ijtimoiy muhofaza qilish organlarining rahbarlari” soʻzlari bilan almashtirilsin.

35. Oʻzbekiston Respublikasi Vazirlar Mahkamasining “Iqtisodiy tadqiqotlarni tashkil etishni takomillashtirish chora-tadbirlari toʻgʻrisida” 2000-yil 29-noyabrdagi 464-son qarorining 7-bandidagi “Mehnat vazirligi” soʻzlari “Mehnat va aholini ijtimoiy muhofaza qilish vazirligi” soʻzlari bilan almashtirilsin.

36. Vazirlar Mahkamasining 2000-yil 23-dekabrdagi 498-son qarori (Oʻzbekiston Respublikasi QT, 2000-y., 12-son, 80-modda) bilan tasdiqlangan “Oʻzbekiston Respublikasi budjetdan tashqari Pensiya jamgʻarmasi mablagʻlarini shakllantirish va sarflash tartibi toʻgʻrisida”gi Nizomning:

— 2 va 3-bandlari quyidagi tahrirda bayon qilinsin:

“2. Jamgʻarma mablagʻlari Oʻzbekiston Respublikasi Mehnat va aholini ijtimoiy muhofaza qilish vazirligi, Qoraqalpogʻiston Respublikasi Mehnat va aholini ijtimoiy muhofaza qilish vazirligi, viloyatlar va Toshkent shahar mehnat va aholini ijtimoiy muhofaza qilish bosh boshqarmalari ijtimoiy taʼminot tuman (shahar) boʻlimlarining hisob raqamlarida jamlanadi.

3. Oʻzbekiston Respublikasi Mehnat va aholini ijtimoiy muhofaza qilish vaziri, Qoraqalpogʻiston Respublikasi Mehnat va aholini ijtimoiy muhofaza qilish vaziri, viloyatlar va Toshkent shahar mehnat va aholini ijtimoiy muhofaza qilish bosh boshqarmalari, ijtimoiy taʼminot tuman (shahar) boʻlimlari rahbarlari Jamgʻarma mablagʻlarini tasarruf etuvchilar hisoblanadilar”;

— 6-bandning uchinchi xatboshi quyidagi tahrirda bayon qilinsin:

“davlat ijtimoiy sugʻurtasiga majburiy badallar va ajratmalarni Oʻzbekiston Respublikasi Mehnat va aholini ijtimoiy muhofaza qilish vazirligi, Qoraqalpogʻiston Respublikasi Mehnat va aholini ijtimoiy muhofaza qilish vazirligi, viloyatlar va Toshkent shahar mehnat va aholini ijtimoiy muhofaza qilish bosh boshqarmalari, ijtimoiy taʼminot tuman (shahar) boʻlimlarining maxsus maqsadli budjetdan tashqari hisob raqamlarida jamlash”;

— 7-bandning ikkinchi xatboshi, 9-bandning yettinchi xatboshi, 12-bandning ikkinchi xatboshi, 16-bandning birinchi xatboshi, 19-20-bandlar, 21-bandning birinchi va toʻrtinchi xatboshilari, 23, 27-bandlar, 28-bandning ikkinchi xatboshidagi Ijtimoiy taʼminot vazirligi va Mehnat vazirligiga koʻrsatmalar Mehnat va aholini ijtimoiy muhofaza qilish vazirligiga koʻrsatmalar bilan almashtirilsin;

— 7-bandning yigirma toʻrtinchi xatboshi, 11-bandning ikkinchi xatboshi va 12-bandning birinchi xatboshidagi ijtimoiy taʼminot organlariga koʻrsatmalar ijtimoiy taʼminot boʻlimlariga koʻrsatmalar bilan almashtirilsin;

— 13 va 14-bandlar quyidagi tahrirda bayon qilinsin:

“13. Jamgʻarmaning ijtimoiy taʼminot tuman (shahar) boʻlimlarining maxsus hisob raqamlaridagi yetishmagan mablagʻlari Jamgʻarmaning boʻsh mablagʻlarini ijtimoiy taʼminot tuman (shahar) boʻlimlari oʻrtasida qayta taqsimlash yoʻli bilan Qoraqalpogʻiston Respublikasi Mehnat va aholini ijtimoiy muhofaza qilish vazirligi, viloyatlar va Toshkent shahar mehnat va aholini ijtimoiy muhofaza qilish bosh boshqarmalari tomonidan qoplanadi.

14. Jamgʻarmaning Qoraqalpogʻiston Respublikasi Mehnat va aholini ijtimoiy muhofaza qilish vazirligi, viloyatlar va Toshkent shahar mehnat va aholini ijtimoiy muhofaza qilish bosh boshqarmalarining maxsus hisob raqamlaridagi yetishmagan mablagʻlari Jamgʻarmaning boʻsh mablagʻlarini Qoraqalpogʻiston Respublikasi Mehnat va aholini ijtimoiy muhofaza qilish vazirligi va mehnat va aholini ijtimoiy muhofaza qilish hududiy bosh boshqarmalar oʻrtasida qayta taqsimlash yoʻli bilan Oʻzbekiston Respublikasi Mehnat va aholini ijtimoiy muhofaza qilish vazirligi tomonidan qoplanadi”.

1. Oʻzbekiston Respublikasi Vazirlar Mahkamasining “Oʻzbekiston Respublikasi Mehnat vazirligi toʻgʻrisidagi Nizomni tasdiqlash toʻgʻrisida” 1993-yil 18-maydagi 233-son qarori (Oʻzbekiston Respublikasi QT, 1993-y., 5-son, 18-modda).

2. Oʻzbekiston Respublikasi Vazirlar Mahkamasining “Ishchi kuchlarini chetdan keltirish va chetga chiqarish masalalarini boshqarish toʻgʻrisida” 1993-yil 14-iyuldagi 353-son qarori (Oʻzbekiston Respublikasi QT, 1993-y., 7-son, 27-modda).

3. Oʻzbekiston Respublikasi Vazirlar Mahkamasining “Oʻzbekiston Respublikasi Ijtimoiy taʼminot vazirligi toʻgʻrisidagi Nizomni, hududiy ijtimoiy taʼminot boshqarmasi, tuman (shahar) ijtimoiy taʼminot boʻlimi toʻgʻrisidagi namunaviy nizomlarni tasdiqlash haqida” 1993-yil 30-sentabrdagi 476-son qarori (Oʻzbekiston Respublikasi QT, 1993-y., 9-son, 35-modda).

4. Oʻzbekiston Respublikasi Vazirlar Mahkamasining “Mehnatni muhofaza qilishni davlat tomonidan boshqarish toʻgʻrisida” 1994-yil 7-noyabrdagi 538-son qarori (Oʻzbekiston Respublikasi QT, 1994-y., 11-son, 50-modda).

5. Oʻzbekiston Respublikasi Vazirlar Mahkamasining 1997-yil 11-fevraldagi 74-son qarori (Oʻzbekiston Respublikasi QT, 1997-y., 2-son, 5-modda) bilan tasdiqlangan Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalarning 3, 4 va 5-bandlari.

6. Oʻzbekiston Respublikasi Vazirlar Mahkamasining 1998-yil 23-iyuldagi 310-son qarori (Oʻzbekiston Respublikasi QT, 1998-y., 7-son, 27-modda) bilan tasdiqlangan Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalarning 4-bandi.

7. Oʻzbekiston Respublikasi Vazirlar Mahkamasining 1999-yil 30-apreldagi 202-son qarori (Oʻzbekiston Respublikasi QT, 1999-y., 4-son, 22-modda) bilan tasdiqlangan Oʻzbekiston Respublikasi Hukumatining oʻzgartirish va qoʻshimchalar kiritilayotgan qarorlari roʻyxatining 3-bandi.