O‘zbekiston Respublikasi Oliy Majlisi Senatining Kengashi qaror qiladi:
O‘zbekiston Respublikasi Oliy Majlisi Senati qo‘mitalarining 2011-yilga mo‘ljallangan tadbirlar rejasi tasdiqlansin (ilova qilinadi).
“Kichik va oilaviy biznesni hamda innovatsiyalarni rag‘batlantirish yo‘llari” mavzuida seminarlar (Buxoro va Toshkent viloyatlarida, 2010-yil 31-martdagi mahalliy Kengashlar Harakat dasturining 1.3-bandiga muvofiq).
“Sud mustaqilligini ta’minlash va jinoyat protsessida o‘zaro tortishuv prinsipini kuchaytirish masalalari” mavzuida davra suhbati (Senatning Mudofaa va xavfsizlik masalalari qo‘mitasi bilan birgalikda, Senatning 2010-yil 3-dekabrdagi Harakat dasturining 2.1.1-bandiga muvofiq).
“Umumjahon madaniy va tabiiy boyliklarini saqlash to‘g‘risidagi YUNESKO konvensiyasi (Parij, 1972-yil 23-noyabr) va ushbu soha uchun kadrlarni tayyorlash masalalari” mavzuida ilmiy-amaliy konferensiya.
“Davlat hokimiyati va boshqaruvi organlari faoliyatida oshkoralikni ta’minlashda ommaviy axborot vositalarining roli” mavzuida davra suhbati (Senatning Tashqi siyosat masalalari qo‘mitasi va Senatning matbuot xizmati bilan birgalikda, Senatning 2010-yil 3-dekabrdagi Harakat dasturining 3.1.2-bandiga muvofiq).
Namangan va Farg‘ona viloyatlarida “Kredit byurolari faoliyati va kredit axboroti almashuvi to‘g‘risida”gi, “Garov reyestri to‘g‘risida”gi, “Investitsiya va pay fondlari to‘g‘risida”gi, “Innovatsiyalar va iqtisodiyotni modernizatsiya qilish to‘g‘risida”gi qonun hujjatlarini qabul qilish va amalga oshirish sohasidagi xalqaro tajriba: ijobiy jihatlar va milliy qonunchiligimizni uyg‘unlashtirish masalalari” mavzuida davra suhbatlari (Senatning Tashqi siyosat masalalari qo‘mitasi bilan birgalikda, Senatning 2010-yil 3-dekabrdagi Harakat dasturining 6.1.5-bandiga, 2010-yil 31-martdagi mahalliy Kengashlar Harakat dasturining 1.3-bandiga, 2010-yil 31-martdagi mahalliy Kengashlar Harakat dasturiga qo‘shimchaning 2.5-bandiga muvofiq).
“Xabeas korpus” institutining qo‘llanish doirasini kengaytirish” mavzuida konferensiya (Senatning Mudofaa va xavfsizlik masalalari qo‘mitasi bilan birgalikda, Senatning 2010-yil 3-dekabrdagi Harakat dasturining 2.1.1-bandiga muvofiq).
“Mahalliy davlat hokimiyati organlari va fuqarolik jamiyati institutlarining fuqarolarni harbiy xizmatga tayyorlashdagi o‘zaro hamkorligi: amaliyot va istiqbol” mavzuida davra suhbati (Senatning 2010-yil 7-maydagi Harakat dasturining 3.1.3-bandiga muvofiq).
“Huquq ijodkorligi va huquqni qo‘llash amaliyoti sohasida yagona davlat siyosatini olib borishda adliya organlarining roli. Xalqaro tajriba va amaliyot” mavzuida davra suhbati (Senatning Qonunchilik va sud-huquq masalalari qo‘mitasi bilan birgalikda, Senatning 2010-yil 3-dekabrdagi Harakat dasturining 2.2.1-bandiga muvofiq).
“Aholining yuksak huquqiy madaniyatini shakllantirish — fuqarolik jamiyati rivojining muhim omili” mavzuida konferensiya (Senatning Qonunchilik va sud-huquq masalalari qo‘mitasi bilan birgalikda, Senatning 2010-yil 3-dekabrdagi Harakat dasturining 2.3.1-bandiga muvofiq).
“Fermer xo‘jaliklarining samaradorligini oshirish va yerlarni maqbullashtirish masalalari” mavzuida seminar (Qashqadaryo viloyatida, 2010-yil 31-martdagi mahalliy Kengashlar Harakat dasturining 1.3-bandiga muvofiq).
“Xususiy mulkni muhofaza qilishning huquqiy kafolatlari” mavzuida davra suhbati (Qoraqalpog‘iston Respublikasida, Senatning Agrar, suv xo‘jaligi masalalari va ekologiya qo‘mitasi bilan birgalikda, Senatning 2010-yil 3-dekabrdagi Harakat dasturining 6.1.1-bandiga, 2010-yil 31-martdagi mahalliy Kengashlar Harakat dasturining 1.3-bandiga muvofiq).
“Ma’muriy javobgarlik to‘g‘risidagi qonun hujjatlarini takomillashtirish masalalari” mavzuida davra suhbati (Senatning 2010-yil 3-dekabrdagi Harakat dasturining 2.1.1-bandiga muvofiq).
“Yo‘l harakati xavfsizligini ta’minlash: muammolar va ularni hal etish yo‘llari” mavzuida konferensiya.
“Xorazm viloyatida xalqaro turizm infratuzilmasini takomillashtirish yo‘llari” mavzuida seminar (“O‘zbekturizm” milliy kompaniyasi bilan birgalikda, 2010-yil 31-martdagi mahalliy Kengashlar Harakat dasturining 1.3-bandiga muvofiq).
“Sog‘liqni saqlash, atrof-muhitni muhofaza qilishga doir va ijtimoiy yo‘nalishdagi boshqa davlat dasturlarini amalga oshirishda nodavlat notijorat tashkilotlar ishtirokining o‘ziga xos jihatlari” mavzuida seminar (Senatning Agrar, suv xo‘jaligi masalalari va ekologiya qo‘mitasi bilan birgalikda, Senatning 2010-yil 3-dekabrdagi Harakat dasturining 5.2.1-bandiga muvofiq).
“Orolbo‘yi mintaqasining buguni va kelajagi: muammolar va ularni hal etish yo‘llari” mavzuida davra suhbati (Qoraqalpog‘iston Respublikasida, 2010-yil 31-martdagi mahalliy Kengashlar Harakat dasturining 1.3-bandiga muvofiq).
“Moliya-bank sohasiga xususiy kapitalni jalb qilish choralari va yo‘llari: qonunchilik va amaliyot” mavzuida ilmiy-amaliy konferensiya.
“Mahalliy hokimiyat vakillik organlariga saylov o‘tkazish amaliyotini demokratlashtirish” mavzuida seminar (Senatning mahalliy hokimiyat vakillik organlari faoliyatini kuchaytirishga ko‘maklashuvchi komissiyasi bilan birgalikda, Senatning 2010-yil 3-dekabrdagi Harakat dasturining 4.1.1-bandiga, 2010-yil 31-martdagi mahalliy Kengashlar Harakat dasturining 1.3-bandiga muvofiq).
“Tezkor-qidiruv tadbirlarini o‘tkazishda qonuniylikka rioya etish — inson huquqlari va erkinliklari kafolati” mavzuida seminar (Senatning Qonunchilik va sud-huquq masalalari qo‘mitasi bilan birgalikda, Senatning 2010-yil 3-dekabrdagi Harakat dasturining 2.1.1-bandiga muvofiq).
“Kichik biznes va xususiy tadbirkorlik vakillari xalqaro bozorga chiqishining huquqiy va institutsional muammolari” mavzuida davra suhbati (O‘zbekiston Respublikasi Tashqi iqtisodiy aloqalar, investitsiyalar va savdo vazirligi hamda O‘zbekiston Savdo-sanoat palatasi bilan birgalikda).
“Aholi bandligini ta’minlash — davlat siyosatining ustuvor yo‘nalishi” mavzuida davra suhbati (Senatning 2010-yil 3-dekabrdagi Harakat dasturining 6.1.7-bandiga muvofiq).
“Atrof-muhitni muhofaza qilish: muammolar va ularni hal etish yo‘llari” mavzuida davra suhbati (Senatning Budjet va iqtisodiy islohotlar masalalari qo‘mitasi bilan birgalikda, Senatning 2010-yil 3-dekabrdagi Harakat dasturining 6.1.1-bandiga muvofiq).
Senatning 2010-yil 7-maydagi Harakat dasturi — O‘zbekiston Respublikasi Prezidenti I. Karimovning 2010-yil 26-yanvardagi O‘zbekiston Respublikasi Oliy Majlisi Senatining birinchi majlisidagi, 2010-yil 27-yanvardagi O‘zbekiston Respublikasi Oliy Majlisi Qonunchilik palatasi va Senatining qo‘shma majlisidagi “Mamlakatimizni modernizatsiya qilish va kuchli fuqarolik jamiyati barpo etish — ustuvor maqsadimizdir” nomli ma’ruzalarining asosiy qoida va xulosalarini ro‘yobga chiqarish yuzasidan O‘zbekiston Respublikasi Oliy Majlisi Senatining Harakat dasturi (O‘zbekiston Respublikasi Oliy Majlisi Senatining 2010-yil 7-maydagi 42-II-sonli qarori bilan tasdiqlangan).
Senatning 2010-yil 3-dekabrdagi Harakat dasturi — O‘zbekiston Respublikasi Prezidenti I.A. Karimovning O‘zbekiston Respublikasi Oliy Majlisi Qonunchilik palatasi va Senatining 2010-yil 12-noyabrda o‘tkazilgan qo‘shma majlisidagi “Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish konsepsiyasi” mavzuidagi ma’ruzasining asosiy qoidalari va xulosalarini amalga oshirish yuzasidan O‘zbekiston Respublikasi Oliy Majlisi Senatining 2010-yilga va keyingi yillarga mo‘ljallangan Harakat dasturi (O‘zbekiston Respublikasi Oliy Majlisi Senatining 2010-yil 3-dekabrdagi 116-II-sonli qarori bilan tasdiqlangan).
2010-yil 31-martdagi mahalliy Kengashlar Harakat dasturi — Mahalliy hokimiyat vakillik organlari faoliyatini kuchaytirishga doir 2010 — 2014-yillarga mo‘ljallangan Harakat dasturi (O‘zbekiston Respublikasi Oliy Majlisi Senati Kengashining 2010-yil 31-martdagi 30-II-sonli qarori bilan tasdiqlangan).