1-modda. O‘zbekiston Respublikasining 1993-yil 2-sentabrda qabul qilingan “Fuqarolarning o‘zini o‘zi boshqarish organlari to‘g‘risida”gi 915-XII-sonli Qonuni (O‘zbekiston Respublikasining 2013-yil 22-aprelda qabul qilingan O‘RQ-350-sonli Qonuni tahririda) (O‘zbekiston Respublikasi Oliy Majlisi palatalarining Axborotnomasi, 2013-yil, № 4, 96-modda) 13-moddasining uchinchi qismiga quyidagi qo‘shimcha va o‘zgartish kiritilsin:

quyidagi mazmundagi o‘n oltinchi xatboshi bilan to‘ldirilsin:

“tegishli hududda fuqarolar va yuridik shaxslarga xususiy mulk huquqi asosida tegishli bo‘lgan turar joylardan foydalanilishi, shu jumladan pasport rejimiga rioya etilishi, yashayotgan shaxslarning hisobga olinishi va tegishli shartnomalarning mavjudligi yuzasidan nazoratni amalga oshirishda ichki ishlar organlariga yordam ko‘rsatadi”;

o‘n oltinchi — yigirma to‘rtinchi xatboshilar tegishincha o‘n yettinchi — yigirma beshinchi xatboshilar deb hisoblansin.

2-modda. O‘zbekiston Respublikasining 1993-yil 3-sentabrda qabul qilingan “Fuqarolarning davlat pensiya ta’minoti to‘g‘risida”gi 938-XII-sonli Qonuniga (O‘zbekiston Respublikasi Oliy Kengashining Axborotnomasi, 1993-yil, № 9, 338-modda; O‘zbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 4-5, 126-modda; 1998-yil, № 9, 181-modda; 1999-yil, № 5, 112-modda; 2001-yil, № 5, 89-modda; 2002-yil, № 4-5, 74-modda; O‘zbekiston Respublikasi Oliy Majlisi palatalarining Axborotnomasi, 2005-yil, № 5, 152-modda; 2007-yil, № 12, 590, 608-moddalar; 2008-yil, № 12, 640-modda; 2010-yil, № 5, 178-modda, № 9, 334-modda, № 12, 472-modda; 2012-yil, № 1, 4-modda; 2013-yil, № 10, 263-modda; 2014-yil, № 12, 341-modda) quyidagi o‘zgartishlar kiritilsin:

1) 8-moddaning matnidagi “kamida 5 yil” degan so‘zlar “kamida 7 yil” degan so‘zlar bilan almashtirilsin;

2) 37-moddaning ikkinchi qismi quyidagi tahrirda bayon etilsin:

“Mazkur moddaning “d” — “i” bandlarida nazarda tutilgan davrlar ushbu moddaning “a” — “g” bandlarida ko‘rsatib o‘tilgan umumiy ish staji kamida 7 yil bo‘lgan taqdirda ish stajiga qo‘shib hisoblanadi”;

3) 56-moddaning uchinchi qismidagi “bolaning nomiga jamg‘arma bankida ochilgan omonatga” degan so‘zlar “bolaning nomiga tijorat bankida ochilgan depozit hisobvarag‘iga” degan so‘zlar bilan almashtirilsin.

3-modda. O‘zbekiston Respublikasining 1994-yil 22-sentabrda qabul qilingan 2012-XII-sonli Qonuni bilan tasdiqlangan O‘zbekiston Respublikasining Jinoyat kodeksiga (O‘zbekiston Respublikasi Oliy Kengashining Axborotnomasi, 1995-yil, № 1, 3-modda; O‘zbekiston Respublikasi Oliy Majlisining Axborotnomasi, 1996-yil, № 9, 144-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda; 2001-yil, № 1-2, 23-modda, № 9-10, 165-modda; 2002-yil, № 9, 165-modda; 2003-yil, № 1, 8-modda, № 9-10, 149-modda; 2004-yil, № 1-2, 18-modda, № 9, 171-modda; O‘zbekiston Respublikasi Oliy Majlisi palatalarining Axborotnomasi, 2005-yil, № 9, 314-modda, № 12, 417, 418-moddalar; 2006-yil, № 6, 261-modda, № 12, 656-modda; 2007-yil, № 4, 158, 166-moddalar, № 6, 248-modda, № 9, 416, 422-moddalar, № 12, 607-modda; 2008-yil, № 4, 187, 188, 189-moddalar, № 7, 352-modda, № 9, 485, 487, 488-moddalar, № 12, 640, 641-moddalar; 2009-yil, № 1, 1-modda, № 4, 128-modda, № 9, 329, 334, 335, 337-moddalar, № 12, 470-modda; 2010-yil, № 5, 176, 179-moddalar, № 9, 341-modda, № 12, 471, 477-moddalar; 2011-yil, № 1, 1-modda; 2012-yil, № 4, 108-modda, № 9/1, 242-modda, № 12, 336-modda; 2013-yil, № 4, 98-modda, № 10, 263-modda; 2014-yil, № 1, 2-modda, № 5, 130-modda, № 9, 244-modda, № 12, 343-modda; 2015-yil, № 6, 228-modda, № 8, 310, 312-moddalar, № 12, 452-modda) quyidagi o‘zgartish va qo‘shimchalar kiritilsin:

1) 31-moddaning birinchi qismidagi “241-moddasida” degan so‘zlar “155¹ va 241-moddalarida” degan so‘zlar bilan almashtirilsin;

2) 58-modda ikkinchi qismi “b” bandining to‘rtinchi xatboshisi “uskunalarni” degan so‘zdan keyin “radioaktiv materiallarni” degan so‘zlar bilan to‘ldirilsin;

3) 131-modda quyidagi tahrirda bayon etilsin:

G‘arazli yoki boshqa past niyatlarda qo‘shmachilik qilish —

eng kam oylik ish haqining yigirma besh baravaridan ellik baravarigacha miqdorda jarima yoki uch yilgacha axloq tuzatish ishlari bilan jazolanadi.

Fohishaxona tashkil etish yoki saqlash —

eng kam oylik ish haqining ellik baravaridan yetmish besh baravarigacha miqdorda jarima yoki olti oygacha qamoq yoxud bir yildan uch yilgacha ozodlikni cheklash yoki uch yilgacha ozodlikdan mahrum qilish bilan jazolanadi.

Ushbu moddaning birinchi yoki ikkinchi qismida nazarda tutilgan harakatlar bir guruh shaxslar tomonidan oldindan til biriktirib sodir etilgan bo‘lsa, —

eng kam oylik ish haqining yetmish besh baravaridan yuz baravarigacha miqdorda jarima yoxud uch yildan besh yilgacha ozodlikni cheklash yoki uch yildan besh yilgacha ozodlikdan mahrum qilish bilan jazolanadi.

Ushbu moddaning birinchi yoki ikkinchi qismida nazarda tutilgan harakatlar:

a) voyaga yetmagan shaxsni jalb qilgan holda;

b) takroran, xavfli retsidivist yoki ushbu Kodeksning 135 yoki 137-moddalarida nazarda tutilgan jinoyatlarni ilgari sodir etgan shaxs tomonidan;

v) uyushgan guruh tomonidan yoki uning manfaatlarini ko‘zlab sodir etilgan bo‘lsa, —

besh yildan sakkiz yilgacha ozodlikdan mahrum qilish bilan jazolanadi”;

4) 155-modda birinchi qismining dispozitsiyasidagi “shuningdek terrorchilik tashkilotining mavjud bo‘lishini, ishlab turishini, moliyalashtirilishini ta’minlashga, terrorchilik harakatlarini tayyorlash va sodir etishga, terrorchilik tashkilotlariga yoxud terrorchilik faoliyatiga ko‘maklashayotgan yoki bunday faoliyatda ishtirok etayotgan shaxslarga bevosita yoki bilvosita har qanday mablag‘-vositalar va resurslar berish yoki yig‘ishga, boshqa xizmatlar ko‘rsatishga qaratilgan faoliyat” degan so‘zlar chiqarib tashlansin;

5) 155¹-modda birinchi qismining dispozitsiyasi “155²” raqamidan keyin “155³” raqami bilan to‘ldirilsin;

6) 155²-modda:

nomidagi “o‘quvdan o‘tish” degan so‘zlar “o‘quvdan o‘tish, chiqish yoki harakatlanish” degan so‘zlar bilan almashtirilsin;

birinchi qismining dispozitsiyasi “shuningdek terrorchilik faoliyatida ishtirok etish uchun xorijga chiqib ketishi yoxud O‘zbekiston Respublikasi hududi orqali harakatlanishi” degan so‘zlar bilan to‘ldirilsin;

quyidagi mazmundagi ikkinchi qism bilan to‘ldirilsin:

“Terrorchilik faoliyatini amalga oshirish uchun o‘quvdan o‘tish yoki terrorchilik faoliyatida ishtirok etish uchun xorijga chiqib ketish yoxud O‘zbekiston Respublikasi hududi orqali harakatlanish maqsadida shaxslarni yollash —

sakkiz yildan o‘n yilgacha ozodlikdan mahrum qilish bilan jazolanadi”;

ikkinchi qismi uchinchi qism deb hisoblansin;

uchinchi qismidagi:

“o‘tganligi to‘g‘risida” degan so‘zlar “o‘tganligi, chiqib ketishga yoki harakatlanishga uringanligi to‘g‘risida” degan so‘zlar bilan almashtirilsin;

“bunday o‘quvdan o‘tgan, bunday o‘quvni amalga oshirgan” degan so‘zlar “bunday o‘quvdan o‘tgan, chiqib ketishni, harakatlanishni yoki o‘quvni amalga oshirgan” degan so‘zlar bilan almashtirilsin;

7) quyidagi mazmundagi 155³-modda bilan to‘ldirilsin:

Terrorizmni moliyalashtirish, ya’ni terrorchilik tashkilotining mavjud bo‘lishini, faoliyat ko‘rsatishini, moliyalashtirilishini, terrorchilik faoliyatida ishtirok etish uchun xorijga chiqib ketishni yoki O‘zbekiston Respublikasi hududi orqali harakatlanishni ta’minlashga, terrorchilik harakatini tayyorlash va sodir etishga, terrorchilik tashkilotlariga yoxud terrorchilik faoliyatiga ko‘maklashayotgan yoki bunday faoliyatda ishtirok etayotgan shaxslarga bevosita yoki bilvosita har qanday mablag‘-vositalarni, resurslarni berishga yoki yig‘ishga, boshqa xizmatlar ko‘rsatishga qaratilgan faoliyat —

sakkiz yildan o‘n yilgacha ozodlikdan mahrum qilish bilan jazolanadi.

O‘sha harakatlar:

a) takroran yoki xavfli retsidivist tomonidan;

b) mansabdor shaxs tomonidan;

v) uyushgan guruh tomonidan sodir etilgan bo‘lsa, —

o‘n yildan o‘n besh yilgacha ozodlikdan mahrum qilish bilan jazolanadi.

Terrorizmni moliyalashtirishda ishtirok etgan shaxs, agar u hokimiyat organlariga o‘z vaqtida xabar berish yoki boshqa usul bilan og‘ir oqibatlar yuzaga kelishining hamda terrorchilar maqsadlari amalga oshirilishining oldini olishga faol ko‘maklashgan bo‘lsa, basharti bu shaxsning harakatlarida jinoyatning boshqa tarkibi bo‘lmasa, jinoiy javobgarlikdan ozod etiladi”;

8) 175-moddaning matni quyidagi tahrirda bayon etilsin:

“Naf keltirmasligi ayon bo‘lgan bitimni tuzish, shu jumladan O‘zbekiston Respublikasi hududiga ilgari foydalanilgan, jisman ishlatib bo‘lingan, ma’naviy eskirgan yoki zamon talablariga javob bermaydigan asbob-uskunani yoxud texnologiyalarni olib kirishga, shuningdek ularni o‘rnatish va joriy etishga olib kelgan bitimni tuzish, respublika manfaatlariga ko‘p miqdorda zarar yetkazgan bo‘lsa, xuddi shuningdek bunday bitim tuzilishiga sabab bo‘lgan ekspert xulosasini yoki boshqa hujjatni vakolatli davlat organining yoki boshqa tashkilotning mansabdor shaxsi tomonidan berish —

eng kam oylik ish haqining uch yuz baravaridan besh yuz baravarigacha miqdorda jarima yoki muayyan huquqdan mahrum etilgan holda uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanadi.

O‘sha harakat:

a) takroran;

b) bir guruh shaxslar tomonidan oldindan til biriktirib sodir etilgan bo‘lsa, —

besh yildan sakkiz yilgacha ozodlikdan mahrum qilish bilan jazolanadi.

O‘sha harakat:

a) juda ko‘p miqdorda zarar yetkazgan holda;

b) uyushgan guruh tomonidan yoki uning manfaatlarini ko‘zlab sodir etilgan bo‘lsa, —

sakkiz yildan o‘n ikki yilgacha ozodlikdan mahrum qilish bilan jazolanadi.

Yetkazilgan moddiy zarar uch karra miqdorida qoplangan taqdirda shaxs jazodan ozod etiladi”;

9) 244¹-modda:

nomidagi “tayyorlash yoki tarqatish” degan so‘zlar “tayyorlash, saqlash, tarqatish yoki namoyish etish” degan so‘zlar bilan almashtirilsin;

birinchi qismining dispozitsiyasidagi “shunday harakatlar uchun ma’muriy jazo qo‘llanilganidan keyin sodir etilgan bo‘lsa” degan so‘zlar “shuningdek diniy-ekstremistik, terrorchilik tashkilotlarining atributlarini yoki ramziy belgilarini tarqatish yoxud namoyish etish maqsadida tayyorlash, saqlash” degan so‘zlar bilan almashtirilsin;

ikkinchi qismining dispozitsiyasi “shuningdek diniy-ekstremistik, terrorchilik tashkilotlarining atributlarini yoki ramziy belgilarini tarqatish yoxud namoyish etish” degan so‘zlar bilan to‘ldirilsin;

uchinchi qismi dispozitsiyasining “v” bandi quyidagi mazmundagi “v” va “g” bandlar bilan almashtirilsin:

“v) diniy tashkilotlardan, shuningdek chet el davlatlari, tashkilotlari va fuqarolaridan olingan moliyaviy yoki boshqa moddiy yordamdan foydalanib;

g) ommaviy axborot vositalaridan yoxud telekommunikatsiya tarmoqlaridan, shuningdek Internet jahon axborot tarmog‘idan foydalanib sodir etilgan bo‘lsa”;

10) 244²-modda ikkinchi qismining dispozitsiyasi quyidagi tahrirda bayon etilsin:

“O‘sha harakatlar:

a) og‘ir oqibatlar kelib chiqishiga sabab bo‘lsa;

b) voyaga yetmagan shaxsni jalb etgan holda sodir etilgan bo‘lsa”;

11) 246-modda:

birinchi qismining dispozitsiyasidagi “radioaktiv, portlovchi moddalar” degan so‘zlar “portlovchi moddalar, radioaktiv materiallar” degan so‘zlar bilan almashtirilsin;

ikkinchi qismining dispozitsiyasi “moslamalarni” degan so‘zdan keyin “radioaktiv materiallarni” degan so‘zlar bilan to‘ldirilsin;

12) 252-moddaning matni quyidagi tahrirda bayon etilsin:

“Radioaktiv materiallarni qonunga xilof ravishda egallash, shu jumladan talonchilik, o‘g‘rilik, o‘zlashtirish yoki rastrata qilish yo‘li bilan yoxud aldash yoki ishonchni suiiste’mol qilish yo‘li bilan egallash, xuddi shuningdek radioaktiv materiallarni qonunga xilof ravishda egallash uchun moliyalashtirish, bevosita yoki bilvosita har qanday mablag‘-vositalarni, resurslarni berish yoxud yig‘ish, boshqa xizmatlar ko‘rsatish —

olti oygacha qamoq yoki ikki yildan besh yilgacha ozodlikni cheklash yoki besh yilgacha ozodlikdan mahrum qilish bilan jazolanadi.

O‘sha harakatlar:

a) takroran yoki xavfli retsidivist tomonidan;

b) bir guruh shaxslar tomonidan oldindan til biriktirib;

v) mansab mavqeyidan foydalangan holda sodir etilgan bo‘lsa, —

besh yildan o‘n yilgacha ozodlikdan mahrum qilish bilan jazolanadi.

O‘sha harakatlar:

a) uyushgan guruh tomonidan yoki uning manfaatlarini ko‘zlab;

b) o‘ta xavfli retsidivist tomonidan;

v) tamagirlik yo‘li bilan;

g) bosqinchilik yo‘li bilan;

d) ushbu Kodeksning 155 va 161-moddalarida nazarda tutilgan jinoyatlarni amalga oshirish maqsadida sodir etilgan bo‘lsa, —

o‘n yildan yigirma yilgacha ozodlikdan mahrum qilish bilan jazolanadi”;

13) 254-modda birinchi qismining dispozitsiyasi quyidagi tahrirda bayon etilsin:

“Radioaktiv materiallarga qonunga xilof ravishda ega bo‘lish, ularni saqlash, ulardan foydalanish, ularni birovga o‘tkazish, ko‘rinishini o‘zgartirish, sochib yuborish yoki buzish badanga o‘rtacha og‘ir yoki og‘ir shikast yetkazilishiga sabab bo‘lsa”;

14) quyidagi mazmundagi 263¹-modda bilan to‘ldirilsin:

Havo kemasidan foydalanish vaqtida havo kemasiga lazer nurini yo‘naltirish orqali xalaqit berish, shunday harakat uchun ma’muriy jazo qo‘llanilganidan keyin sodir etilgan bo‘lsa, shuningdek badanga o‘rtacha og‘ir yoki og‘ir shikast yetkazilishiga sabab bo‘lsa, —

ikki yilgacha axloq tuzatish ishlari yoxud uch oygacha qamoq bilan jazolanadi.

O‘sha harakat odam o‘lishiga sabab bo‘lsa, —

uch yilgacha axloq tuzatish ishlari yoki ikki yildan besh yilgacha ozodlikni cheklash yoxud besh yilgacha ozodlikdan mahrum qilish bilan jazolanadi.

O‘sha harakat:

a) odamlar o‘limiga;

b) halokatga;

v) boshqa og‘ir oqibatlarga sabab bo‘lsa, —

besh yildan o‘n yilgacha ozodlikdan mahrum qilish bilan jazolanadi”;

15) sakkizinchi bo‘lim:

“Yaqin qarindoshlar” atamasining huquqiy ma’nosi quyidagi tahrirda bayon etilsin:

“Yaqin qarindoshlar — qarindosh yoki quda tomondan qarindosh bo‘lgan shaxslar, ya’ni ota-ona, tug‘ishgan va o‘gay aka-uka va opa-singillar, er-xotin, farzand, shu jumladan farzandlikka olinganlar, bobo, buvi, nevaralar, shuningdek er-xotinning ota-onasi, tug‘ishgan va o‘gay aka-uka va opa-singillari”;

quyidagi mazmundagi atama bilan to‘ldirilsin:

“Radioaktiv materiallar — qurilmada yoki buyum tarkibida har qanday fizik holatda yoinki boshqa ko‘rinishda turgan ion nurlari tarqatuvchi manbalar, radioaktiv moddalar yoki yadro materiallari”.

4-modda. O‘zbekiston Respublikasining 1994-yil 22-sentabrda qabul qilingan 2013-XII-sonli Qonuni bilan tasdiqlangan O‘zbekiston Respublikasining Jinoyat-protsessual kodeksiga (O‘zbekiston Respublikasi Oliy Kengashining Axborotnomasi, 1995-yil, № 2, 5-modda; O‘zbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 11, 23-moddalar, № 9-10, 165, 182-moddalar; 2002-yil, № 9, 165-modda; 2003-yil, № 5, 67-modda; 2004-yil, № 1-2, 18-modda, № 9, 171-modda; O‘zbekiston Respublikasi Oliy Majlisi palatalarining Axborotnomasi, 2005-yil, № 12, 418-modda; 2006-yil, № 6, 261-modda; 2007-yil, № 4, 166-modda, № 6, 248, 249-moddalar, № 9, 422-modda, № 12, 594, 595, 607-moddalar; 2008-yil, № 4, 177, 187-moddalar, № 9, 482, 484, 487-moddalar, № 12, 636, 641-moddalar; 2009-yil, № 1, 1-modda, № 4, 136-modda, № 9, 335-modda, № 12, 469, 470-moddalar; 2010-yil, № 6, 231-modda, № 9, 334, 336, 337, 342-moddalar, № 12, 477-modda; 2011-yil, № 4, 103, 104-moddalar, № 9, 252-modda, № 12/2, 363-modda; 2012-yil, № 1, 3-modda, № 9/2, 244-modda, № 12, 336-modda; 2014-yil, № 9, 244-modda; 2015-yil, № 8, 310, 312-moddalar, № 12, 452-modda) quyidagi o‘zgartish va qo‘shimchalar kiritilsin:

1) 36-moddaning birinchi qismidagi “qidiruv va tergov harakatlarini” degan so‘zlar “tergov harakatlarini va tezkor-qidiruv tadbirlarini” degan so‘zlar bilan almashtirilsin;

2) 38-moddaning 8-bandidagi “Soliq va valyutaga oid jinoyatlarga” degan so‘zlar “Soliq, valyutaga oid jinoyatlarga va jinoiy daromadlarni legallashtirishga” degan so‘zlar bilan almashtirilsin;

3) 39-moddaning uchinchi qismidagi “tergov va qidiruv harakatlarini” degan so‘zlar “tergov harakatlarini va tezkor-qidiruv tadbirlarini” degan so‘zlar bilan almashtirilsin;

4) 81-modda quyidagi mazmundagi uchinchi qism bilan to‘ldirilsin:

“Qonunda belgilangan talablarga rioya etilgan holda o‘tkazilgan tezkor-qidiruv tadbirlarining natijalari ushbu Kodeks normalariga muvofiq tekshirilganidan va baholanganidan so‘ng jinoyat ishi bo‘yicha dalillar deb e’tirof etilishi mumkin”;

5) 87-moddaning birinchi qismi “so‘zlashuvlarni eshitish” degan so‘zlardan keyin “shuningdek tezkor-qidiruv tadbirlarini o‘tkazish” degan so‘zlar bilan to‘ldirilsin;

6) quyidagi mazmundagi 203¹-modda bilan to‘ldirilsin:

Ashyoviy dalil deb e’tirof etilgan jinoyatga tayyorgarlik ko‘rish yoki sodir etish uchun maxsus mo‘ljallangan, tayyorlangan yoki moslashtirilgan narsalar, shuningdek jinoiy maqsadlarga erishish uchun jinoyat sodir etish jarayonida bevosita foydalanilgan mol-mulk jinoyat qurolidir”;

7) 290-moddaning birinchi qismi quyidagi mazmundagi jumla bilan to‘ldirilsin:

“Ashyoviy dalil deb e’tirof etilgan mol-mulkni o‘zlashtirishning, xarj qilib yuborishning, yashirishning, yo‘q qilib tashlashning yoki shikastlantirishning oldini olish maqsadida ushbu mol-mulk ham xatlanadi”;

8) 329-moddaning ikkinchi qismidagi “va ekspertiza o‘tkazish” degan so‘zlar “ekspertiza o‘tkazish, tezkor-qidiruv tadbirlarini o‘tkazish haqida topshiriqlar berish” degan so‘zlar bilan almashtirilsin;

9) 339-modda ikkinchi qismining ikkinchi jumlasi quyidagi tahrirda bayon etilsin:

“Ichki ishlar, milliy xavfsizlik xizmati, davlat bojxona xizmati organlari va O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti hamda uning joylardagi bo‘linmalari shu maqsadda tezkor-qidiruv tadbirlarini o‘tkazishga haqli”;

10) 343-moddaning:

birinchi qismidagi “tergov va qidiruv harakatlarini bajarish” degan so‘zlar “tergov harakatlarini va tezkor-qidiruv tadbirlarini o‘tkazish” degan so‘zlar bilan almashtirilsin;

ikkinchi qismidagi “shartlari va usullarini” degan so‘zlar “shartlarini” degan so‘z bilan almashtirilsin;

uchinchi qismi “qo‘shib qo‘yish uchun” degan so‘zlardan keyin “qonunda belgilangan tartibda” degan so‘zlar bilan to‘ldirilsin;

11) 355-modda ikkinchi qismining 5-bandidagi “tergov va qidiruv ishlarini” degan so‘zlar “tergov harakatlarini va tezkor-qidiruv tadbirlarini” degan so‘zlar bilan almashtirilsin;

12) 382-modda uchinchi qismining o‘ninchi xatboshisi “so‘zlashuvlarni eshitib turishga” degan so‘zlardan keyin “yozishmalar, telefon orqali so‘zlashuvlar va boshqa so‘zlashuvlar, pochta, kuryerlik jo‘natmalari, telegraf xabarlari hamda aloqa tarmoqlari orqali uzatiladigan boshqa xabarlarning sir saqlanishi, uy-joy daxlsizligi huquqini cheklovchi tezkor-qidiruv tadbirlarini o‘tkazishga” degan so‘zlar bilan to‘ldirilsin.

5-modda. O‘zbekiston Respublikasining 1994-yil 22-sentabrda qabul qilingan 2015-XII-sonli Qonuni bilan tasdiqlangan O‘zbekiston Respublikasining Ma’muriy javobgarlik to‘g‘risidagi kodeksiga (O‘zbekiston Respublikasi Oliy Kengashining Axborotnomasi, 1995-yil, № 3, 6-modda; O‘zbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 23-modda, № 9-10, 165, 182-moddalar; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda, № 9-10, 149-modda; 2004-yil, № 1-2, 18-modda, № 5, 90-modda, № 9, 171-modda; 2005-yil, № 1, 18-modda; O‘zbekiston Respublikasi Oliy Majlisi palatalarining Axborotnomasi, 2005-yil, № 9, 312-modda, № 12, 413, 417, 418-moddalar; 2006-yil, № 6, 261-modda, № 9, 498-modda, № 10, 536-modda, № 12, 656, 659-moddalar; 2007-yil, № 4, 158, 159, 164, 165-moddalar, № 9, 416, 421-moddalar, № 12, 596, 604, 607-moddalar; 2008-yil, № 4, 181, 189, 192-moddalar, № 9, 486, 488-moddalar, № 12, 640, 641-moddalar; 2009-yil, № 1, 1-modda, № 9, 334, 335, 337-moddalar, № 10, 380-modda, № 12, 462, 468, 470, 472, 474-moddalar; 2010-yil, № 5, 175, 179-moddalar, № 6, 231-modda, № 9, 335, 339, 341-moddalar, № 10, 380-modda, № 12, 468, 473, 474-moddalar; 2011-yil, № 1, 1-modda, № 4, 104, 105-moddalar, № 9, 247, 252-moddalar, № 12/2, 365-modda; 2012-yil, № 4, 108-modda, № 9/1, 242-modda, № 12, 336-modda; 2013-yil, № 4, 98-modda, № 10, 263-modda; 2014-yil, № 1, 2-modda, № 5, 130-modda, № 9, 244-modda, № 12, 341, 343-moddalar; 2015-yil, № 6, 228-modda, № 8, 310, 312-moddalar, № 12, 452-modda; 2016-yil, № 1, 2-modda) quyidagi o‘zgartish va qo‘shimchalar kiritilsin:

1) 14-moddaning ikkinchi qismidagi:

“Kodeksning 61, 125” degan so‘zlar “Kodeksning 61, 116¹, 125” degan so‘zlar bilan almashtirilsin;

“184” raqami chiqarib tashlansin;

2) 23-moddaning:

birinchi qismi quyidagi mazmundagi 6-band bilan to‘ldirilsin:

“6) chet el fuqarolarini va fuqaroligi bo‘lmagan shaxslarni O‘zbekiston Respublikasi hududidan ma’muriy tarzda chiqarib yuborish”;

ikkinchi qismidagi “2 — 5” raqamlari “2 — 6” raqamlari bilan almashtirilsin;

uchinchi qismi chiqarib tashlansin;

3) 25-moddaning to‘rtinchi qismidagi “fuqaro va xizmatchilarga — eng kam ish haqining yuz baravarigacha va mansabdor shaxslarga — bir yuz ellik” degan so‘zlar “eng kam ish haqining ikki yuz” degan so‘zlar bilan almashtirilsin;

4) quyidagi mazmundagi 29¹-modda bilan to‘ldirilsin:

Chet el fuqarolarini va fuqaroligi bo‘lmagan shaxslarni O‘zbekiston Respublikasi hududidan ma’muriy tarzda chiqarib yuborish ularning O‘zbekiston Respublikasiga kirish huquqi keyinchalik bir yildan uch yilgacha muddatga cheklangan holda, majburiy yoki nazorat ostida mustaqil ravishda chiqib ketishidan iborat. Ma’muriy tarzda chiqarib yuborish tuman (shahar) sudining ma’muriy ishlar bo‘yicha sudyasi tomonidan qo‘llaniladi.

Chet el fuqarolarini va fuqaroligi bo‘lmagan shaxslarni O‘zbekiston Respublikasi hududidan ma’muriy tarzda chiqarib yuborish ushbu Kodeksning 51², 51⁸, 51⁹, 56, 57, 58-moddalarida, 61¹-moddasi birinchi qismida, 94, 165¹, 184², 184³, 189, 189¹, 201, 202¹, 224¹-moddalarida, 225-moddasi birinchi qismida, 239, 240, 241-moddalarida nazarda tutilgan huquqbuzarliklar sodir etilgan taqdirda qo‘llanilishi mumkin”;

5) quyidagi mazmundagi 116¹-modda bilan to‘ldirilsin:

Havo kemasidan foydalanish vaqtida havo kemasiga lazer nurini yo‘naltirish orqali xalaqit berish —

huquqbuzarlik ashyolarini musodara qilib, eng kam ish haqining yuz baravaridan ikki yuz baravarigacha miqdorda jarima solishga yoki o‘n besh sutkagacha muddatga ma’muriy qamoqqa olishga sabab bo‘ladi”;

6) 159¹-moddaning nomi va dispozitsiyasi quyidagi tahrirda bayon etilsin:

Fuqarolar o‘rtasida binoni, inshootni yoki ularning bir qismini, turar joyni ijaraga berish shartnomasining, tekin foydalanishga berish shartnomasining mavjud emasligi yoxud ijaraga berish shartnomasining, tekin foydalanishga berish shartnomasining majburiy notarial tasdiqlanishiga rioya etmaslik”;

7) quyidagi mazmundagi 160¹-modda bilan to‘ldirilsin:

Fuqarolar tomonidan turar joylarni fuqarolarning o‘zini o‘zi boshqarish organlarida vaqtincha bo‘sh turgan joy sifatida hisobga qo‘yish tartibini buzish —

eng kam ish haqining bir baravarigacha miqdorda jarima solishga sabab bo‘ladi.

Egasiz turar joylarni aniqlash, hisobga olish va davlat mulkiga o‘tkazish tartibini buzish —

mansabdor shaxslarga eng kam ish haqining besh baravaridan o‘n baravarigacha miqdorda jarima solishga sabab bo‘ladi”;

8) quyidagi mazmundagi 171¹-modda bilan to‘ldirilsin:

Naf keltirmasligi ayon bo‘lgan bitimni tuzish, shu jumladan O‘zbekiston Respublikasi hududiga ilgari foydalanilgan, jisman ishlatib bo‘lingan, ma’naviy eskirgan yoki zamon talablariga javob bermaydigan asbob-uskunani yoxud texnologiyalarni olib kirishga, shuningdek ularni o‘rnatish va joriy etishga olib kelgan bitimni tuzish, respublika manfaatlariga ancha miqdorda zarar yetkazgan bo‘lsa, xuddi shuningdek bunday bitim tuzilishiga sabab bo‘lgan ekspert xulosasini yoki boshqa hujjatni vakolatli davlat organining yoki boshqa tashkilotning mansabdor shaxsi tomonidan berish —

eng kam ish haqining yetmish besh baravaridan yuz baravarigacha miqdorda jarima solishga sabab bo‘ladi.

Xuddi shunday huquqbuzarlik ma’muriy jazo chorasi qo‘llanilganidan keyin bir yil davomida takror sodir etilgan bo‘lsa, —

eng kam ish haqining yuz baravaridan bir yuz ellik baravarigacha miqdorda jarima solishga sabab bo‘ladi”;

9) 184-modda chiqarib tashlansin;

10) quyidagi mazmundagi 193³-modda bilan to‘ldirilsin:

Notarial harakatni amalga oshirishni qonunga xilof ravishda rad etish —

eng kam ish haqining besh baravaridan o‘n baravarigacha miqdorda jarima solishga sabab bo‘ladi”;

11) 223-moddaning:

birinchi qismi sanksiyasidagi “bir baravaridan uch baravarigacha miqdorda” degan so‘zlar “uch baravari miqdorida” degan so‘zlar bilan almashtirilsin;

ikkinchi qismi quyidagi tahrirda bayon etilsin:

“Xuddi shunday huquqbuzarlik ma’muriy jazo chorasi qo‘llanilganidan keyin bir yil davomida takror sodir etilgan bo‘lsa, —

eng kam ish haqining besh baravari miqdorida jarima solishga sabab bo‘ladi”;

uchinchi qismi sanksiyasidagi “uch baravaridan o‘n baravarigacha miqdorda” degan so‘zlar “o‘n baravari miqdorida” degan so‘zlar bilan almashtirilsin;

to‘rtinchi qismi quyidagi tahrirda bayon etilsin:

“Xuddi shunday huquqbuzarlik ma’muriy jazo chorasi qo‘llanilganidan keyin bir yil davomida takror sodir etilgan bo‘lsa, —

eng kam ish haqining o‘n besh baravari miqdorida jarima solishga sabab bo‘ladi”;

12) quyidagi mazmundagi 223¹, 223² va 223³-moddalar bilan to‘ldirilsin:

Fuqarolarning yo‘qolganligi to‘g‘risida o‘zlari ariza bergan o‘z pasportlaridan, shuningdek boshqa fuqarolarga tegishli bo‘lgan pasportlardan g‘arazli maqsadlarda foydalanishi —

eng kam ish haqining o‘n baravari miqdorida jarima solishga sabab bo‘ladi.

Pasportsiz yoki haqiqiy bo‘lmagan pasport bilan fuqarolarni, xuddi shuningdek vaqtincha yoki doimiy propiskasiz yoxud turgan joyi bo‘yicha hisobda turmasdan yashab turgan fuqarolarni ishga qabul qilish —

mansabdor shaxslarga eng kam ish haqining o‘n baravaridan o‘n besh baravarigacha miqdorda jarima solishga sabab bo‘ladi.

Xuddi shunday huquqbuzarlik ma’muriy jazo chorasi qo‘llanilganidan keyin bir yil davomida takror sodir etilgan bo‘lsa, —

mansabdor shaxslarga eng kam ish haqining yigirma baravari miqdorida jarima solishga sabab bo‘ladi.

Fuqarolardan pasportlarini qonunga xilof ravishda olib qo‘yish yoki pasportlarni garovga olish —

mansabdor shaxslarga eng kam ish haqining o‘n baravaridan o‘n besh baravarigacha miqdorda jarima solishga sabab bo‘ladi”;

13) 225-modda birinchi qismining sanksiyasidagi “yoki O‘zbekiston Respublikasidan tashqariga chiqarib yuborishga” degan so‘zlar chiqarib tashlansin;

14) quyidagi mazmundagi 225¹-modda bilan to‘ldirilsin:

Chet el fuqarolari va fuqaroligi bo‘lmagan shaxslar tomonidan ularga nisbatan O‘zbekiston Respublikasi hududidan ma’muriy tarzda chiqarib yuborish to‘g‘risida qabul qilingan sud qarorlarini bajarmaslik —

eng kam ish haqining yetmish besh baravaridan yuz baravarigacha miqdorda jarima solishga yoxud o‘n besh sutkagacha muddatga ma’muriy qamoqqa olishga sabab bo‘ladi”;

15) 239-modda:

sanksiyalaridagi “ellik baravaridan yuz baravarigacha” va “yuz baravaridan yuz ellik baravarigacha” degan so‘zlar tegishincha “o‘n besh baravaridan o‘ttiz baravarigacha” va “o‘ttiz baravaridan ellik baravarigacha” degan so‘zlar bilan almashtirilsin;

ikkinchi qismi dispozitsiyasi quyidagi tahrirda bayon etilsin;

“Bosh tashkiloti O‘zbekiston Respublikasidan tashqarida joylashgan xalqaro nodavlat notijorat tashkilotlarining hamda chet el nodavlat notijorat tashkilotlarining vakolatxonalari va filiallari hamda ular xodimlarining biror-bir siyosiy faoliyatda hamda vakolatxonaning yoki filialning ustavdagi maqsad va vazifalariga javob bermaydigan boshqa faoliyatda qatnashishi, ularning siyosiy partiyalar va ommaviy harakatlar tomonidan o‘tkaziladigan amaliy harakatlar hamda tadbirlarni moliyalashtirishi, shuningdek bunday tashkilotlarni tuzish tashabbusi bilan chiqishi va shunday tashkilotlarni tuzishni qo‘llab-quvvatlashi”;

to‘rtinchi qismi dispozitsiyasi “Nodavlat notijorat tashkilotlari” degan so‘zlardan keyin “(siyosiy partiyalar bundan mustasno)” degan so‘zlar bilan to‘ldirilsin;

quyidagi mazmundagi beshinchi qism bilan to‘ldirilsin:

“Nodavlat notijorat tashkilotlarining chet davlatlardan, xalqaro va chet el tashkilotlaridan, chet davlatlar fuqarolaridan yoki ularning topshirig‘iga binoan boshqa shaxslardan ro‘yxatdan o‘tkazuvchi organning roziligisiz pul mablag‘lari va mol-mulk olishi —

mansabdor shaxslarga eng kam ish haqining o‘n besh baravaridan o‘ttiz baravarigacha miqdorda jarima solishga sabab bo‘ladi”;

beshinchi qismi oltinchi qism deb hisoblansin;

oltinchi qismi dispozitsiyasi “etishi” degan so‘zdan keyin “o‘z faoliyati to‘g‘risida bila turib noto‘g‘ri ma’lumotlar taqdim etishi” degan so‘zlar bilan to‘ldirilsin;

16) 239¹-modda:

birinchi qismining sanksiyasidagi “yuz baravaridan yuz ellik baravarigacha” degan so‘zlar “o‘ttiz baravaridan ellik baravarigacha” degan so‘zlar bilan almashtirilsin;

ikkinchi qismining sanksiyasidagi “ellik baravaridan yuz baravarigacha” degan so‘zlar “o‘n besh baravaridan o‘ttiz baravarigacha” degan so‘zlar bilan almashtirilsin;

17) 245-moddaning birinchi qismi quyidagi tahrirda bayon etilsin:

“Ma’muriy ishlar bo‘yicha sudyalar ushbu Kodeksning 40, 41, 42, 43, 44, 45, 46, 47, 47¹, 47², 47³, 48, 49¹, 51¹, 51², 51³, 51⁴, 51⁵, 51⁶, 51⁷, 51⁸, 51⁹, 52, 56, 57, 58, 59, 60, 61, 61¹, 62, 64, 66, 67-moddalarida, 76-moddasida (suv xo‘jaligi inshootlarini shikastlantirishga oid qismida), 90-moddasining ikkinchi qismida, 94, 99, 100, 101, 102, 103, 104, 105, 106, 107, 108, 110, 111-moddalarida, 112-moddasida (transport vositalarini boshqarish huquqidan mahrum etishga oid qismida), 116¹-moddasida, 117-moddasining ikkinchi qismida, 119-moddasining ikkinchi qismida, 125¹-moddasining ikkinchi qismida, 127-moddasining ikkinchi qismida, 128-moddasining to‘rtinchi qismida, 128¹-moddasining ikkinchi qismida, 128²-moddasining uchinchi qismida, 128³-moddasining to‘rtinchi va beshinchi qismlarida, 128⁴-moddasining uchinchi qismida, 128⁵-moddasining uchinchi qismida, 129-moddasining ikkinchi qismida, 130-moddasining ikkinchi qismida, 131, 132, 133, 134-moddalarida, 136-moddasining birinchi va ikkinchi qismlarida, 137-moddasida, 142-moddasining ikkinchi qismida, 146-moddasining uchinchi qismida, 146¹-moddasida, 148-moddasida (ajratilgan mintaqalarda va yog‘och ko‘priklardan 100 metrgacha bo‘lgan masofada olov yoqqanlik, taxta to‘shamali ko‘priklarda chekkanlik uchun), 149, 150-moddalarida, 151-moddasining ikkinchi qismida, 152-moddasining ikkinchi va uchinchi qismlarida, 155, 155¹, 157, 158, 159-moddalarida, 160-moddasining birinchi qismida, 160¹, 161, 163, 163¹-moddalarida, 164-moddasining ikkinchi, uchinchi va to‘rtinchi qismlarida, 165, 165¹, 166, 167, 169, 170, 171¹, 173, 174¹-moddalarida, 175-moddasining beshinchi qismida, 175¹, 175³-moddalarida, 176-moddasining birinchi, ikkinchi va uchinchi qismlarida, 176³, 176⁴, 177, 179, 179², 179³, 179⁴, 179⁵, 180, 181, 182, 183, 184¹, 184², 184³, 185, 185¹, 186, 186¹-moddalarida, 187-moddasining ikkinchi qismida, 188, 188¹, 188², 189, 189¹, 190, 191, 193, 193¹, 193², 193³, 194, 195, 196, 196¹, 197, 197¹, 197², 198, 198³, 199, 200, 200¹, 201, 202, 202¹, 203, 203¹, 204, 204¹, 205, 206, 207, 208, 209, 210, 215², 216, 217, 218, 219¹-moddalarida, 220-moddasining birinchi va ikkinchi qismlarida, 222, 224¹, 224²-moddalarida, 225-moddasining birinchi qismida, 225¹, 226-moddalarida, 227⁴-moddasining birinchi — to‘rtinchi qismlarida, 227⁸, 227⁹, 227¹³, 227¹⁴, 227¹⁵, 227¹⁶, 227¹⁷, 227¹⁸, 227¹⁹, 227²⁰, 227²¹, 227²², 227²³, 227²⁴, 227²⁵, 227²⁶, 227²⁷-moddalarida, 228-moddasida (muhrlar (plombalar) tabiatni muhofaza etish to‘g‘risidagi qonun hujjatlari buzilganligi uchun qo‘yilgan hollar bundan mustasno), 230, 231, 232, 233, 234, 237, 238, 239, 239¹, 240, 241, 241¹–241¹¹-moddalarida nazarda tutilgan ma’muriy huquqbuzarliklar haqidagi ishlarni ko‘rib chiqadi”;

18) 247-moddaning matnidagi:

“Kodeksning 61, 125” degan so‘zlar “Kodeksning 61, 116¹, 125” degan so‘zlar bilan almashtirilsin;

“184” raqami chiqarib tashlansin;

19) 248-modda:

birinchi qismidagi “221, 223, 224, 225-moddalarida” degan so‘zlar “221, 223, 223¹, 223², 223³, 224-moddalarida, 225-moddasining ikkinchi va uchinchi qismlarida” degan so‘zlar bilan almashtirilsin;

ikkinchi qismining:

1-bandidagi “121, 122, 123, 142, 144, 145-moddalari, 146-moddasining birinchi va ikkinchi qismlarida, 156, 183, 191, 204, 205-moddalarida, 220-moddasining uchinchi va to‘rtinchi qismlarida, 221, 223, 224, 225-moddalarida” degan so‘zlar “121, 122, 123-moddalarida, 142-moddasining birinchi va uchinchi qismlarida, 144, 145-moddalarida, 146-moddasining birinchi va ikkinchi qismlarida, 156, 183, 192, 204, 205-moddalarida, 220-moddasining uchinchi va to‘rtinchi qismlarida, 221, 223, 223¹, 223², 223³, 224-moddalarida, 225-moddasining ikkinchi va uchinchi qismlarida” degan so‘zlar bilan almashtirilsin;

3-bandidagi “225-moddasida” degan so‘zlar “225-moddasining ikkinchi va uchinchi qismlarida” degan so‘zlar bilan almashtirilsin;

4-bandidagi “191, 221-moddalarida, 223-moddasining birinchi qismida” degan so‘zlar “192, 221-moddalarida, 223-moddasining birinchi qismida, 223¹, 223², 223³-moddalarida” degan so‘zlar bilan almashtirilsin;

20) 250-moddaning birinchi qismidagi “53, 121, 122, 123, 124, 142, 144, 145-moddalarida” degan so‘zlar “53, 121, 122, 123, 124-moddalarida, 142-moddasining birinchi va uchinchi qismlarida, 144, 145-moddalarida” degan so‘zlar bilan almashtirilsin;

21) 251-moddaning birinchi qismidagi “117-moddasida, 142-moddasining birinchi va ikkinchi qismlarida” degan so‘zlar “117-moddasining birinchi qismida, 142-moddasining birinchi qismida” degan so‘zlar bilan almashtirilsin;

22) 254-moddaning birinchi qismidagi “121, 122, 123, 124, 142, 143, 144, 145-moddalarida” degan so‘zlar “121, 122, 123, 124-moddalarida, 142-moddasining uchinchi qismida, 143, 144, 145-moddalarida” degan so‘zlar bilan almashtirilsin;

23) 287-moddaning:

1-bandi quyidagi tahrirda bayon etilsin:

“1) ushbu Kodeksning 51², 51⁸, 51⁹, 56, 57, 58, 61-moddalarida, 61¹-moddasining birinchi qismida, 90, 91, 92, 94, 113, 114, 115, 116, 116¹, 117-moddalarida, 118-moddasining uchinchi qismida, 121, 122, 123, 125, 125¹, 126, 127, 128, 128¹, 128², 128³, 128⁴, 128⁵, 128⁶, 129, 130, 131, 133, 134, 135, 135¹, 136, 137, 138, 141, 142-moddalarida, 144-moddasining uchinchi qismida, 146-moddasida, 147-moddasining birinchi qismida, 152-moddasining ikkinchi va uchinchi qismlarida, 154, 156-moddalarida, 164-moddasining to‘rtinchi qismida, 170-moddasida, 176-moddasining birinchi, ikkinchi va uchinchi qismlarida, 176³-moddasida, 176⁴-moddasining ikkinchi qismida, 183, 184¹, 184², 184³, 185, 186, 187, 188, 189, 189¹, 190, 191, 192, 194, 195, 198, 199, 201, 202¹, 203, 204, 205, 209, 210, 218, 220, 224-moddalarida, 225-moddasining birinchi qismida, 225¹, 228, 239, 240, 241-moddalarida nazarda tutilgan huquqbuzarliklar sodir etilgan taqdirda — ichki ishlar organlari tomonidan”;

8-bandidagi “166” raqami “165¹, 166” raqamlari bilan almashtirilsin;

24) 288-moddaning uchinchi qismidagi “184” raqami chiqarib tashlansin;

25) 294-moddaning uchinchi qismidagi “bojxona organi tomonidan” degan so‘zlar chiqarib tashlansin;

26) 305-modda:

ikkinchi qismidagi “184” raqami chiqarib tashlansin;

quyidagi mazmundagi uchinchi qism bilan to‘ldirilsin:

“Ushbu Kodeksning 56, 57, 58-moddalarida, 61¹-moddasi birinchi qismida, 94, 165¹, 184², 184³, 189, 189¹, 201, 202¹, 224¹-moddalarida, 225-moddasi birinchi qismida, 239, 240, 241-moddalarida nazarda tutilgan ma’muriy huquqbuzarliklar to‘g‘risidagi ishlar, ular chet el fuqarolari va fuqaroligi bo‘lmagan shaxslar tomonidan sodir etilganda, bir sutka mobaynida ko‘rib chiqiladi”;

27) quyidagi mazmundagi XXX¹ bob bilan to‘ldirilsin:

Chet el fuqarolarini va fuqaroligi bo‘lmagan shaxslarni O‘zbekiston Respublikasi hududidan ma’muriy tarzda chiqarib yuborish to‘g‘risidagi qaror quyidagi organlar tomonidan ijro etiladi:

ushbu Kodeksning 51², 51⁸, 51⁹, 56, 57, 58-moddalarida, 61¹-moddasining birinchi qismida, 94, 165¹, 1842, 184³, 189, 189¹, 201, 202¹-moddalarida, 225-moddasining birinchi qismida, 239, 240, 241-moddalarida nazarda tutilgan huquqbuzarliklar chet el fuqarolari va fuqaroligi bo‘lmagan shaxslar tomonidan sodir etilgan taqdirda — ichki ishlar organlari tomonidan;

ushbu Kodeksning 224¹-moddasida nazarda tutilgan huquqbuzarlik chet el fuqarolari va fuqaroligi bo‘lmagan shaxslar tomonidan sodir etilgan taqdirda — chegara qo‘shinlari tomonidan.

Chet el fuqarolarini va fuqaroligi bo‘lmagan shaxslarni O‘zbekiston Respublikasi hududidan ma’muriy tarzda chiqarib yuborish to‘g‘risidagi qarorni ijro etish mazkur shaxslar qaysi chet davlat hududiga chiqarib yuborilayotgan bo‘lsa, o‘sha chet davlatning hokimiyat vakiliga ularni rasmiy ravishda topshirish yoxud chiqarib yuborilayotgan shaxsning O‘zbekiston Respublikasi hududidan nazorat ostida mustaqil ravishda chiqib ketishi yo‘li bilan amalga oshiriladi.

Agar chiqarib yuborilayotgan shaxsni chet davlat vakiliga topshirish O‘zbekiston Respublikasining mazkur davlat bilan tuzilgan shartnomasida nazarda tutilmagan bo‘lsa, chiqarib yuborish O‘zbekiston Respublikasi Milliy xavfsizlik xizmatining Davlat chegaralarini himoya qiluvchi qo‘mitasi tomonidan belgilanadigan joyda amalga oshiriladi.

Chet el fuqarosini yoki fuqaroligi bo‘lmagan shaxsni O‘zbekiston Respublikasining Davlat chegarasidan o‘tkazish punkti orqali chiqarib yuborish to‘g‘risida mazkur shaxs qaysi chet davlat hududiga (hududi orqali) chiqarib yuborilayotgan bo‘lsa, o‘sha chet davlatning hokimiyat vakillari, agar O‘zbekiston Respublikasining ushbu davlat bilan tuzilgan shartnomasida nazarda tutilgan bo‘lsa, xabardor qilinadi.

Chet el fuqarolarini va fuqaroligi bo‘lmagan shaxslarni ma’muriy tarzda chiqarib yuborish to‘g‘risidagi qarorni ijro etish dalolatnoma bilan rasmiylashtiriladi”.

7-modda. O‘zbekiston Respublikasining 1995-yil 21-dekabrda qabul qilingan 163-I-sonli va 1996-yil 29-avgustda qabul qilingan 256-I-sonli qonunlari bilan tasdiqlangan O‘zbekiston Respublikasining Fuqarolik kodeksiga (O‘zbekiston Respublikasi Oliy Majlisining Axborotnomasi, 1996-yil, 2-songa ilova, № 11-12; 1997-yil, № 2, 56-modda, № 9, 241-modda; 1998-yil, № 5-6, 102-modda; 1999-yil, № 1, 20-modda, № 9, 229-modda; 2001-yil, № 1-2, 23-modda, № 9-10, 182-modda; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda; 2004-yil, № 1-2, 18-modda, № 5, 90-modda, № 9, 171-modda; O‘zbekiston Respublikasi Oliy Majlisi palatalarining Axborotnomasi, 2006-yil, № 4, 154-modda, № 9, 494, 498-moddalar; 2007-yil, № 1, 3, 5-moddalar, № 4, 156, 164-moddalar, № 8, 367-modda, № 9, 416-modda, № 12, 598, 608-moddalar; 2008-yil, № 4, 192-modda, № 12, 640-modda; 2009-yil, № 9, 337-modda; 2010-yil, № 9, 335, 337, 340-moddalar; 2011-yil, № 12/2, 363, 364, 365-moddalar; 2012-yil, № 4, 106, 109-moddalar, № 12, 336-modda; 2013-yil, № 10, 263-modda; 2014-yil, № 5, 130-modda, № 12, 343-modda; 2015-yil, № 8, 310, 312-moddalar) quyidagi o‘zgartish va qo‘shimchalar kiritilsin:

1) 191-moddaning to‘rtinchi qismidagi “uch yil” degan so‘zlar “bir yil” degan so‘zlar bilan almashtirilsin;

2) 605-moddaning ikkinchi qismi “ta’minlashi” degan so‘zdan keyin “shuningdek uy-joydan faqat ijara shartnomasida ko‘rsatilgan maqsadlarda foydalanishni ta’minlash choralarini ko‘rishi” degan so‘zlar bilan to‘ldirilsin;

3) 615-modda uchinchi qismining uchinchi xatboshisi quyidagi mazmundagi uchinchi va to‘rtinchi xatboshilar bilan almashtirilsin:

“ijaraga oluvchi yoki xatti-harakatlari uchun ijaraga oluvchi javobgar bo‘lgan boshqa fuqarolar tomonidan uy-joy vayron qilinsa yoki unga putur yetkazilsa;

uy-joydan g‘ayrihuquqiy qilmishlarni sodir etish uchun foydalanilgan bo‘lsa, ijaraga beruvchining talabiga binoan sud tartibida bekor qilinishi mumkin”;

4) quyidagi mazmundagi 626¹-modda bilan to‘ldirilsin:

Uy-joyni tekin foydalanishga berish shartnomasi yozma shaklda tuziladi, bundan uy-joyni yaqin qarindoshlarga (ota-ona, tug‘ishgan va o‘gay aka-uka va opa-singillar, er-xotin, farzand, shu jumladan farzandlikka olinganlar, bobo, buvi, nevaralar, shuningdek er-xotinning ota-onasi, tug‘ishgan va o‘gay aka-uka va opa-singillari) tekin foydalanishga berish hollari mustasno.

Fuqarolar o‘rtasida uy-joyni tekin foydalanishga berish shartnomasi notarial tartibda tasdiqlanishi shart.

Uy-joyni tekin foydalanishga berish shartnomasiga nisbatan ushbu Kodeks 606-moddasining ikkinchi qismida, 607-moddasining birinchi va ikkinchi qismlarida, 609, 610-moddalarida, 612-moddasining birinchi qismida, 615-moddasining birinchi qismida, uchinchi qismi uchinchi va to‘rtinchi xatboshilarida, to‘rtinchi va beshinchi qismlarida, 616-moddasida nazarda tutilgan qoidalar qo‘llaniladi”.

9-modda. O‘zbekiston Respublikasining 1996-yil 26-aprelda qabul qilingan “Iste’molchilarning huquqlarini himoya qilish to‘g‘risida”gi 221-I-sonli Qonuniga (O‘zbekiston Respublikasi Oliy Majlisining Axborotnomasi, 1996-yil, № 5-6, 59-modda; 2002-yil, № 4-5, 74-modda; 2003-yil, № 5, 67-modda; O‘zbekiston Respublikasi Oliy Majlisi palatalarining Axborotnomasi, 2005-yil, № 12, 413-modda; 2006-yil, № 10, 536-modda; 2008-yil, № 4, 183-modda; 2010-yil, № 10, 380-modda; 2013-yil, № 10, 263-modda; 2014-yil, № 1, 2-modda) quyidagi o‘zgartishlar va qo‘shimcha kiritilsin:

1) 27-moddaning:

to‘rtinchi va beshinchi qismlari chiqarib tashlansin;

oltinchi qismi to‘rtinchi qism deb hisoblansin;

2) quyidagi mazmundagi 27¹-modda bilan to‘ldirilsin:

Ishlab chiqaruvchi (ijrochi, sotuvchi) davlat boshqaruvi organining ko‘rsatmasi ustidan bevosita sudga yoki bo‘ysunuv tartibida yuqori turuvchi organga yoxud mansabdor shaxsga shikoyat qilishga haqli.

Davlat boshqaruvi organining ko‘rsatmasi ustidan bo‘ysunuv tartibida yuqori turuvchi organga yoxud mansabdor shaxsga shikoyat qilinishi sudga shikoyat qilish huquqini istisno etmaydi.

Davlat boshqaruvi organining ko‘rsatmasi ustidan sudga shikoyat qilinishi uning ijro etilishini sudning hal qiluv qarori qonuniy kuchga kirguniga qadar to‘xtatib turadi, bundan favqulodda vaziyatlar, epidemiyalar hamda aholining hayoti va sog‘lig‘iga boshqa haqiqiy xavf yuzaga kelishining oldini olish bilan bog‘liq bo‘lgan ko‘rsatmalar mustasno”.

10-modda. O‘zbekiston Respublikasining 1996-yil 26-aprelda qabul qilingan “Aksiyadorlik jamiyatlari va aksiyadorlarning huquqlarini himoya qilish to‘g‘risida”gi 223-I-sonli Qonuniga (O‘zbekiston Respublikasining 2014-yil 6-mayda qabul qilingan O‘RQ-370-sonli Qonuni tahririda) (O‘zbekiston Respublikasi Oliy Majlisi palatalarining Axborotnomasi, 2014-yil, № 5, 128-modda; 2015-yil, № 8, 312-modda, № 12, 452-modda) quyidagi o‘zgartish va qo‘shimchalar kiritilsin:

1) 18-moddaning matni quyidagi tahrirda bayon etilsin:

“Jamiyatning ustav fondi (ustav kapitali) qo‘shimcha aksiyalarni joylashtirish yo‘li bilan ko‘paytirilishi mumkin.

Qo‘shimcha aksiyalar faqat jamiyat ustavida belgilangan, e’lon qilingan aksiyalarning soni doirasida jamiyat tomonidan joylashtirilishi mumkin.

Jamiyatning ustav fondini (ustav kapitalini) ko‘paytirish to‘g‘risidagi va jamiyat ustaviga tegishli o‘zgartishlar kiritish haqidagi qarorlar aksiyadorlarning umumiy yig‘ilishi tomonidan yoki, agar jamiyat ustaviga yoxud aksiyadorlar umumiy yig‘ilishining qaroriga muvofiq jamiyatning kuzatuv kengashiga shunday qarorlar qabul qilish huquqi berilgan bo‘lsa, jamiyatning kuzatuv kengashi tomonidan qabul qilinadi.

Jamiyatning ustav fondini (ustav kapitalini) ko‘paytirish to‘g‘risidagi qarorda joylashtiriladigan qo‘shimcha oddiy aksiyalarning va imtiyozli aksiyalarning soni, ularni joylashtirish muddatlari hamda shartlari belgilangan bo‘lishi kerak.

Jamiyatning ustav fondini (ustav kapitalini) ko‘paytirish joylashtirilgan qo‘shimcha aksiyalarning nominal qiymati miqdorida ro‘yxatdan o‘tkaziladi. Bunda jamiyat ustavida ko‘rsatilgan, e’lon qilingan muayyan turdagi aksiyalarning soni ushbu turdagi joylashtirilgan qo‘shimcha aksiyalarning soniga kamaytirilishi kerak.

Jamiyatning tegishli boshqaruv organi tomonidan qabul qilingan qo‘shimcha aksiyalarni chiqarish haqidagi qaror jamiyatning ustav fondini (ustav kapitalini) ko‘paytirish to‘g‘risidagi qarordir.

Jamiyatning ustav fondini (ustav kapitalini) ko‘paytirish jalb qilingan investitsiyalar, jamiyatning o‘z kapitali va hisoblangan dividendlar hisobidan qonun hujjatlarida belgilangan tartibda amalga oshirilishi mumkin.

Jamiyatning ustav fondini (ustav kapitalini) uning o‘z kapitali hisobidan ko‘paytirishda qo‘shimcha aksiyalar barcha aksiyadorlar o‘rtasida taqsimlanadi. Bunda har bir aksiyadorga qaysi turdagi aksiyalar tegishli bo‘lsa, ayni o‘sha turdagi aksiyalar unga tegishli aksiyalar soniga mutanosib ravishda taqsimlanadi. Jamiyatning ustav fondi (ustav kapitali) ko‘paytirilishi natijasida ko‘paytirish summasining bitta aksiyaning nominal qiymatiga muvofiqligi ta’minlanmaydigan bo‘lsa, jamiyatning ustav fondini (ustav kapitalini) ko‘paytirishga yo‘l qo‘yilmaydi”;

2) 25-moddaning uchinchi qismidagi “aksiyadorlarning umumiy yig‘ilishi tomonidan” degan so‘zlar “agar ushbu Qonunda boshqacha qoida belgilanmagan bo‘lsa, aksiyadorlarning umumiy yig‘ilishi tomonidan” degan so‘zlar bilan almashtirilsin;

3) 4-bobning nomi quyidagi tahrirda bayon etilsin:

4) 40-modda:

nomi quyidagi tahrirda bayon etilsin:

uchinchi qismidagi “baholashni va” degan so‘zlar chiqarib tashlansin;

quyidagi mazmundagi to‘rtinchi qism bilan to‘ldirilsin:

“Jamiyat aksiyalarining 50 va undan ortiq foizi egasiga aylangan shaxs, agar u bungacha mazkur jamiyat aksiyalariga egalik qilmagan yoki aksiyalarining 50 foizidan kamrog‘iga egalik qilgan bo‘lsa, qolgan aksiyalar egalariga aksiyalarni bozor qiymati bo‘yicha o‘ziga sotishlari borasidagi taklifini o‘ttiz kun ichida e’lon qilishi shart. Aksiyadorning o‘ziga tegishli aksiyalarni sotishi to‘g‘risidagi yozma roziligi e’lon qilingan kundan e’tiboran o‘ttiz kun ichida olingan taqdirda, jamiyatning 50 va undan ortiq foiz aksiyalari egasi mazkur aksiyalarni sotib olishi shart”;

5) 51-modda:

quyidagi mazmundagi ikkinchi qism bilan to‘ldirilsin:

“Jamiyat tomonidan oddiy aksiyalar bo‘yicha hisoblangan dividendlarni to‘lash aksiyadorlarning dividendlarni olishga bo‘lgan teng huquqlariga rioya etilgan holda amalga oshiriladi”;

ikkinchi — oltinchi qismlari tegishincha uchinchi — yettinchi qismlar deb hisoblansin;

6) 59-modda uchinchi qismining ikkinchi xatboshisidagi “jamiyatning ustav fondini (ustav kapitalini) ko‘paytirish bilan bog‘liq” degan so‘zlar “jamiyatning ustav fondini (ustav kapitalini) ko‘paytirish hamda jamiyatning e’lon qilingan aksiyalari sonini kamaytirish bilan bog‘liq” degan so‘zlar bilan almashtirilsin;

7) 60-modda:

to‘rtinchi qismidagi “59-moddasi birinchi qismining ikkinchi — to‘rtinchi, oltinchi va o‘n to‘rtinchi xatboshilarida hamda 84-moddasining ikkinchi va uchinchi qismlarida” degan so‘zlar “59-moddasi birinchi qismining ikkinchi — to‘rtinchi, oltinchi va o‘n to‘rtinchi xatboshilarida, 84-moddasining ikkinchi va uchinchi qismlarida hamda 88-moddasining beshinchi qismida” degan so‘zlar bilan almashtirilsin;

quyidagi mazmundagi beshinchi qism bilan to‘ldirilsin:

“Soliqqa oid yoki davlat oldidagi boshqa qarzdorlik hisobiga jamiyat ustav fondidagi (ustav kapitalidagi) davlat ulushini shakllantirish yoki oshirish to‘g‘risidagi qaror jamiyat aksiyadorlari umumiy yig‘ilishi tomonidan jamiyatning joylashtirilgan ovoz beruvchi aksiyalarining kamida uchdan ikki qismi egalari bo‘lgan aksiyadorlarning (davlatdan tashqari) roziligi mavjud bo‘lgan taqdirda, aksiyadorlarning oddiy ko‘pchilik ovozi bilan qabul qilinadi”;

beshinchi — to‘qqizinchi qismlari tegishincha oltinchi — o‘ninchi qismlar deb hisoblansin;

8) 75-modda ikkinchi qismining ikkinchi xatboshisidagi “jamiyatning ustav fondini (ustav kapitalini) ko‘paytirish bilan bog‘liq” degan so‘zlar “jamiyatning ustav fondini (ustav kapitalini) ko‘paytirish hamda jamiyatning e’lon qilingan aksiyalari sonini kamaytirish bilan bog‘liq” degan so‘zlar bilan almashtirilsin;

9) 81-moddaning uchinchi qismi “bundan ushbu Qonunning 90-moddasida belgilangan hollar mustasno” degan so‘zlar bilan to‘ldirilsin.

12-modda. O‘zbekiston Respublikasining 1998-yil 24-dekabrda qabul qilingan 713-I-sonli Qonuni bilan tasdiqlangan O‘zbekiston Respublikasi Uy-joy kodeksining (O‘zbekiston Respublikasi Oliy Majlisining Axborotnomasi, 1999-yil, № 1, 4-modda; 2001-yil, № 5, 89-modda; 2004-yil, № 5, 90-modda; O‘zbekiston Respublikasi Oliy Majlisi palatalarining Axborotnomasi, 2006-yil, № 6, 260-modda; 2007-yil, № 1, 3-modda, № 4, 156-modda; 2008-yil, № 12, 640-modda; 2009-yil, № 12, 470-modda; 2011-yil, № 12/2, 365-modda; 2013-yil, № 10, 263-modda; 2014-yil, № 1, 2-modda; 2015-yil, № 8, 312-modda) 23-moddasi quyidagi mazmundagi to‘rtinchi qism bilan to‘ldirilsin:

“Ichki ishlar organlari tegishli hududda fuqarolar va yuridik shaxslarga xususiy mulk huquqi asosida tegishli bo‘lgan turar joylardan foydalanilishi, shu jumladan pasport rejimiga rioya etilishi, yashayotgan shaxslarning hisobga olinishi va tegishli shartnomalarning mavjudligi yuzasidan nazoratni fuqarolarning o‘zini o‘zi boshqarish organlari va xususiy uy-joy mulkdorlarining shirkatlari bilan birgalikda amalga oshiradi”.

13-modda. O‘zbekiston Respublikasining 1999-yil 14-aprelda qabul qilingan “Nodavlat notijorat tashkilotlari to‘g‘risida”gi 763-I-sonli Qonuniga (O‘zbekiston Respublikasi Oliy Majlisining Axborotnomasi, 1999-yil, № 5, 115-modda; 2004-yil, № 5, 90-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 12, 608-modda; 2008-yil, № 12, 640-modda; 2012-yil, № 4, 106-modda; 2014-yil, № 12, 343-modda) quyidagi o‘zgartish va qo‘shimchalar kiritilsin:

1) 8-moddaning matni quyidagi tahrirda bayon etilsin:

“Nodavlat notijorat tashkiloti:

qonun hujjatlari va ta’sis hujjatlariga rioya etishi;

o‘z mol-mulki va pul mablag‘laridan foydalanishi, shu jumladan moliyalashtirish manbalari to‘g‘risidagi axborot bilan tanishish erkinligini ta’minlashi;

ro‘yxatdan o‘tkazuvchi organ bilan tadbirlar o‘tkazishni kelishib olishi (siyosiy partiyalar bundan mustasno) va uning vakiliga o‘tkazilayotgan tadbirlarga erkin kirish imkonini berishi;

nodavlat notijorat tashkiloti vakillarining chet mamlakatlarga nodavlat notijorat tashkilotining faoliyati bilan bog‘liq tashriflari uyushtirilishi haqida ro‘yxatdan o‘tkazuvchi organni xabardor qilishi;

chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirig‘iga binoan boshqa shaxslardan pul mablag‘lari va mol-mulk olishni ro‘yxatdan o‘tkazuvchi organ bilan kelishib olishi;

ro‘yxatdan o‘tkazuvchi organga, davlat soliq xizmati organlariga va davlat statistikasi organlariga o‘z faoliyati to‘g‘risida belgilangan tartibda hisobotlar taqdim etishi shart.

Nodavlat notijorat tashkilotining zimmasida qonun hujjatlariga muvofiq boshqa majburiyatlar ham bo‘lishi mumkin.

Nodavlat notijorat tashkilotlarining tadbirlar o‘tkazishni, shuningdek chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirig‘iga binoan boshqa shaxslardan pul mablag‘lari va mol-mulk olishni ro‘yxatdan o‘tkazuvchi organ bilan kelishib olishi tartibi O‘zbekiston Respublikasi Adliya vazirligi tomonidan belgilanadi”;

2) 9-moddaning to‘rtinchi qismidagi “Xalqaro” degan so‘z “Bosh tashkiloti O‘zbekiston Respublikasidan tashqarida joylashgan xalqaro nodavlat notijorat tashkilotlarining” degan so‘zlar bilan almashtirilsin;

3) 21-moddaning:

ikkinchi qismidagi “xalqaro hamda” degan so‘zlar “bosh tashkiloti O‘zbekiston Respublikasidan tashqarida joylashgan xalqaro nodavlat notijorat tashkilotlarining hamda” degan so‘zlar bilan almashtirilsin;

to‘rtinchi qismidagi “xalqaro hamda chet el nodavlat notijorat tashkilotlari vakolatxonalari va filiallarining” degan so‘zlar “nodavlat notijorat tashkilotlarining” degan so‘zlar bilan almashtirilsin;

4) 22-modda:

birinchi qismining uchinchi — beshinchi xatboshilari quyidagi mazmundagi uchinchi — o‘n ikkinchi xatboshilar bilan almashtirilsin:

“nodavlat notijorat tashkilotining ustavi yoxud yuridik shaxs bo‘lgan vakolatxona yoki filial to‘g‘risidagi nizom davlat tilida ikki nusxada;

ta’sis shartnomasi — nodavlat notijorat tashkilotlarining uyushmalari (ittifoqlari) uchun;

nodavlat notijorat tashkilotini tashkil etish to‘g‘risidagi ta’sis syezdi (konferensiyasi) yoki umumiy yig‘ilishning bayonnomasi yoxud ta’sischining qarori (respublika va viloyatlararo nodavlat notijorat tashkilotlari uchun tegishli vakolatxonalar va filiallarni tashkil etish, rahbar organlarni hamda boshqa organlarni shakllantirish to‘g‘risidagi ma’lumotlar ham ko‘rsatiladi);

joylashgan yeri nodavlat notijorat tashkilotining pochta manzili sifatida foydalanilishi mo‘ljallanayotgan ko‘chmas mulkka bo‘lgan mulk huquqini yoki undan foydalanish huquqini tasdiqlovchi hujjat;

nodavlat notijorat tashkilotini tuzish tashabbuskorlari yoxud uning ta’sischilari to‘g‘risidagi ma’lumotlar;

tashabbuskor fuqarolarning ro‘yxati;

bosh nodavlat notijorat tashkiloti davlat ro‘yxatidan o‘tganligi to‘g‘risidagi guvohnoma nusxasi — vakolatxonalar va filiallar uchun;

dastlabki mablag‘lar shakllantirilganligini tasdiqlovchi hujjat — jamoat fondlari uchun;

vasiyatnomaning notarial tasdiqlangan nusxasi — vasiyatnoma bo‘yicha tashkil etilayotgan jamoat fondlari uchun;

davlat boji to‘langanligi to‘g‘risidagi bank to‘lov hujjati”;

quyidagi mazmundagi ikkinchi qism bilan to‘ldirilsin:

“Qo‘shib yuborish, bo‘lish, ajratib chiqarish yoki o‘zgartirish shaklida qayta tashkil etish yo‘li bilan tuzilayotgan nodavlat notijorat tashkilotlari qo‘shimcha ravishda quyidagi hujjatlarni taqdim etadi:

qayta tashkil etilayotgan tashkilotlarga ma’lum bo‘lgan barcha kreditorlar yozma ravishda xabardor qilinganligining va qayta tashkil etish to‘g‘risida ommaviy axborot vositalarida e’lon qilinganligining tasdiqnomasi;

qayta tashkil etilayotgan tashkilotlarning barcha kreditorlari va qarzdorlariga nisbatan barcha majburiyatlari, shu jumladan taraflar nizolashayotgan majburiyatlari bo‘yicha huquqiy vorislik to‘g‘risidagi qoidalar ko‘rsatilgan topshirish dalolatnomasi (qo‘shib yuborish va o‘zgartirishda) yoki taqsimlash balansi (bo‘lish va ajratib chiqarishda);

davlat ro‘yxatidan o‘tkazilganligi to‘g‘risidagi guvohnomaning asl nusxasi, shuningdek ichki ishlar organlarining tashkilot muhri va shtampi yo‘q qilib tashlanganligi to‘g‘risidagi ma’lumotnomasi (qo‘shib yuborish, bo‘lish va o‘zgartirishda)”;

ikkinchi — beshinchi qismlari tegishincha uchinchi — oltinchi qismlar deb hisoblansin;

uchinchi qismi “ikki oy ichida” degan so‘zlardan keyin “jamoat birlashmasi uchun esa bir oy ichida” degan so‘zlar bilan to‘ldirilsin;

to‘rtinchi qismidagi:

“Nodavlat notijorat tashkilotining vakolatxonalari va filiallarini” degan so‘zlar “Nodavlat notijorat tashkilotining yuridik shaxs bo‘lgan vakolatxonalari va filiallarini” degan so‘zlar bilan almashtirilsin;

“notarial tartibda tasdiqlangan” degan so‘zlar chiqarib tashlansin;

beshinchi qismidagi “hisobga olish” degan so‘zlar “hisobga qo‘yish” degan so‘zlar bilan almashtirilsin;

oltinchi qismining:

birinchi xatboshisidagi “Xalqaro” degan so‘z “Bosh tashkiloti O‘zbekiston Respublikasidan tashqarida joylashgan xalqaro nodavlat notijorat tashkilotlarining” degan so‘zlar bilan almashtirilsin;

o‘zbekcha matnidagi “asosiy” degan so‘z “bosh” degan so‘z bilan almashtirilsin;

5) 27-moddaning birinchi qismidagi “nodavlat notijorat tashkilotining o‘zini davlat ro‘yxatidan o‘tkaziladigan tartibda va muddatlarda” degan so‘zlar “O‘zbekiston Respublikasi Vazirlar Mahkamasi tomonidan belgilanadigan tartibda” degan so‘zlar bilan almashtirilsin;

6) 30-modda ikkinchi qismining birinchi jumlasi quyidagi tahrirda bayon etilsin:

“Bosh tashkiloti O‘zbekiston Respublikasidan tashqarida joylashgan xalqaro nodavlat notijorat tashkilotlarining hamda chet el nodavlat notijorat tashkilotlarining vakolatxonalari va filiallari hamda bunday vakolatxonalarning (filiallarning) xodimlari O‘zbekiston Respublikasi hududida biron bir siyosiy faoliyatda va vakolatxona yoki filialning ustavda belgilangan maqsadlari va vazifalariga to‘g‘ri kelmaydigan boshqa faoliyatda ishtirok etishga haqli emas”;

7) 33-moddaning matnidagi “ro‘yxatdan o‘tkazuvchi, soliq va statistika organlariga” degan so‘zlar “ro‘yxatdan o‘tkazuvchi organga, davlat soliq xizmati organlariga va davlat statistikasi organlariga” degan so‘zlar bilan almashtirilsin;

8) 36-moddaning:

uchinchi qismidagi “O‘zbekiston Respublikasining Fuqarolik kodeksida” degan so‘zlar “qonun hujjatlarida” degan so‘zlar bilan almashtirilsin;

to‘rtinchi qismi chiqarib tashlansin;

beshinchi qismi tegishincha to‘rtinchi qism deb hisoblansin.

14-modda. O‘zbekiston Respublikasining 2000-yil 15-dekabrda qabul qilingan “Terrorizmga qarshi kurash to‘g‘risida”gi 167-II-sonli Qonuniga (O‘zbekiston Respublikasi Oliy Majlisining Axborotnomasi, 2001-yil, № 1-2, 15-modda; 2004-yil, № 5, 90-modda; O‘zbekiston Respublikasi Oliy Majlisi palatalarining Axborotnomasi, 2015-yil, № 8, 310-modda) quyidagi qo‘shimcha va o‘zgartishlar kiritilsin:

1) 2-modda:

quyidagi mazmundagi to‘rtinchi xatboshi bilan to‘ldirilsin:

“terrorizmni moliyalashtirish — terrorchilik tashkilotining mavjud bo‘lishini, faoliyat ko‘rsatishini, moliyalashtirilishini, terrorchilik faoliyatida ishtirok etish uchun xorijga chiqib ketishni yoki O‘zbekiston Respublikasi hududi orqali harakatlanishni ta’minlashga, terrorchilik harakatini tayyorlash va sodir etishga, terrorchilik tashkilotlariga yoxud terrorchilik faoliyatiga ko‘maklashayotgan yoki bunday faoliyatda ishtirok etayotgan shaxslarga bevosita yoki bilvosita har qanday mablag‘-vositalarni, resurslarni berishga yoki yig‘ishga, boshqa xizmatlar ko‘rsatishga qaratilgan faoliyat”;

to‘rtinchi — o‘n birinchi xatboshilari tegishincha beshinchi — o‘n ikkinchi xatboshilar deb hisoblansin;

beshinchi xatboshisi quyidagi tahrirda bayon etilsin:

“terrorchi — terrorchilik faoliyatini amalga oshirishda ishtirok etayotgan, shuningdek terrorchilik faoliyatida ishtirok etish uchun xorijga chiqib ketishni yoxud O‘zbekiston Respublikasi hududi orqali harakatlanishni amalga oshirgan shaxs”;

o‘n birinchi xatboshisi “jamoat ahamiyatiga molik obyektlarni” degan so‘zlardan keyin “shu jumladan kontinental shelfda joylashgan statsionar platformalarni” degan so‘zlar bilan to‘ldirilsin;

2) 8-moddaning birinchi qismi quyidagi mazmundagi yettinchi xatboshi bilan to‘ldirilsin:

“O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti”;

3) quyidagi mazmundagi 14¹-modda bilan to‘ldirilsin:

O‘zbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamenti:

terrorizmni moliyalashtirish holatlarini aniqlash va bartaraf etish maqsadida pul mablag‘lari yoki boshqa mol-mulk bilan bog‘liq operatsiyalarning monitoringini amalga oshiradi;

qonun hujjatlarida belgilangan hollarda va tartibda pul mablag‘lari yoki boshqa mol-mulk bilan bog‘liq operatsiyalarni to‘xtatib turish to‘g‘risida qaror qabul qiladi;

qonun hujjatlariga muvofiq boshqa vakolatlarni amalga oshiradi”.

15-modda. O‘zbekiston Respublikasining 2002-yil 30-avgustda qabul qilingan “Qon va uning tarkibiy qismlari donorligi to‘g‘risida”gi 402-II-sonli Qonuniga (O‘zbekiston Respublikasi Oliy Majlisining Axborotnomasi, 2002-yil, № 9, 162-modda) quyidagi o‘zgartishlar kiritilsin:

1) 19-moddaning matni quyidagi tahrirda bayon etilsin:

“Qon topshirish davriyligi bir martalik qon olish besh yuz millilitrdan, shuningdek laboratoriya tekshiruvlari uchun qirq millilitrdan ortiq bo‘lmagan normada yiliga besh marotabadan oshmasligi kerak.

Qon va uning tarkibiy qismlarini topshirish tartibi O‘zbekiston Respublikasi Sog‘liqni saqlash vazirligi tomonidan belgilanadi”;

2) 21-moddaning:

birinchi qismi quyidagi mazmundagi birinchi va ikkinchi qismlar bilan almashtirilsin:

“Qon va uning tarkibiy qismlarini muntazam ravishda hamda bepul topshiruvchi donor “O‘zbekiston Respublikasi faxriy donori” (“Pochetniy donor Respubliki Uzbekistan”) ko‘krak nishoni bilan taqdirlanadi va eng kam ish haqining besh baravari miqdorida bir yo‘la beriladigan pul mukofoti oladi.

“O‘zbekiston Respublikasi faxriy donori” (“Pochetniy donor Respubliki Uzbekistan”) ko‘krak nishoni to‘g‘risidagi nizom O‘zbekiston Respublikasi Vazirlar Mahkamasi tomonidan tasdiqlanadi”;

ikkinchi qismi uchinchi qism deb hisoblansin.

16-modda. O‘zbekiston Respublikasining 2003-yil 29-avgustda qabul qilingan “Jamoat fondlari to‘g‘risida”gi 527-II-sonli Qonuniga (O‘zbekiston Respublikasi Oliy Majlisining Axborotnomasi, 2003-yil, № 9-10, 141-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 12, 592-modda; 2008-yil, № 12, 640-modda; 2012-yil, № 4, 106-modda) quyidagi qo‘shimcha va o‘zgartishlar kiritilsin:

1) 2-modda:

quyidagi mazmundagi ikkinchi qism bilan to‘ldirilsin:

“O‘zbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qo‘llab-quvvatlash jamoat fondining tashkil etilishi, faoliyati, qayta tashkil etilishi hamda tugatilishining o‘ziga xos xususiyatlari alohida qonun hujjati bilan tartibga solinadi”;

ikkinchi qismi uchinchi qism deb hisoblansin;

2) 4-modda:

birinchi qismidagi “respublika” degan so‘z “xalqaro, respublika” degan so‘zlar bilan almashtirilsin;

quyidagi mazmundagi ikkinchi qism bilan to‘ldirilsin:

“Xalqaro fondlarga faoliyati o‘z ustavlariga va O‘zbekiston Respublikasi qonun hujjatlariga muvofiq O‘zbekiston Respublikasining va bir yoki undan ortiq chet davlatlarning hududiga tatbiq etiladigan fondlar kiradi”;

ikkinchi va uchinchi qismlari tegishincha uchinchi va to‘rtinchi qismlar deb hisoblansin;

3) 5-modda to‘rtinchi qismining ikkinchi jumlasi chiqarib tashlansin;

4) 6-modda:

nomidagi “Chet el” degan so‘zlar “Xalqaro hamda chet el” degan so‘zlar bilan almashtirilsin;

birinchi qismidagi “Chet el” degan so‘zlar “Xalqaro hamda chet el” degan so‘zlar bilan almashtirilsin;

ikkinchi qismidagi “Chet el fondlarining O‘zbekiston Respublikasi hududida faoliyat ko‘rsatayotgan” degan so‘zlar “Bosh tashkiloti O‘zbekiston Respublikasidan tashqarida joylashgan xalqaro fondlarning hamda O‘zbekiston Respublikasi hududida faoliyat ko‘rsatayotgan chet el fondlarining” degan so‘zlar bilan almashtirilsin;

uchinchi qismidagi “Chet el” degan so‘zlar “Xalqaro hamda chet el” degan so‘zlar bilan almashtirilsin;

5) 13 — 16-moddalar quyidagi tahrirda bayon etilsin:

Fondni davlat ro‘yxatidan o‘tkazish hamda uning yuridik shaxs bo‘lmagan vakolatxonalari va filiallarini hisobga qo‘yish adliya organlari (bundan buyon matnda ro‘yxatdan o‘tkazuvchi organ deb yuritiladi) tomonidan amalga oshiriladi.

Xalqaro, respublika fondlari, shuningdek bosh tashkiloti O‘zbekiston Respublikasidan tashqarida joylashgan xalqaro fondlarning hamda chet el fondlarining vakolatxonalari va filiallari O‘zbekiston Respublikasi Adliya vazirligida ro‘yxatdan o‘tkaziladi.

Mahalliy fondlar, shuningdek O‘zbekiston Respublikasida ro‘yxatdan o‘tkazilgan fondlarning vakolatxonalari va filiallari tegishincha Qoraqalpog‘iston Respublikasi Adliya vazirligida, viloyatlar va Toshkent shahar adliya boshqarmalarida ro‘yxatdan o‘tkaziladi.

Fondning yuridik shaxs bo‘lmagan vakolatxonalari va filiallari tegishincha Qoraqalpog‘iston Respublikasi Adliya vazirligida, viloyatlar va Toshkent shahar adliya boshqarmalarida hisobga qo‘yilishi lozim.

Fondni davlat ro‘yxatidan o‘tkazish uchun quyidagi hujjatlar ro‘yxatdan o‘tkazuvchi organga taqdim etiladi:

ro‘yxatdan o‘tkazish to‘g‘risidagi, muassislar (muassis) yoki ular (u) vakolat bergan shaxslar (shaxs) tomonidan imzolangan, ularning (uning) familiyasi, ismi, otasining ismi, tug‘ilgan yili va yashash joyi (pochta manzili) ko‘rsatilgan ariza;

agar fond vasiyatnoma bo‘yicha tashkil etilayotgan bo‘lsa, vasiyatnomaning notarial tasdiqlangan nusxasi;

ta’sis yig‘ilishining (syezdi, konferensiyasining) yoki muassisning (agar fond bir yuridik shaxs tomonidan tashkil etilayotgan bo‘lsa) fond muassislari (muassisi) to‘g‘risidagi ma’lumotlar, fondning maqsad va vazifalari ko‘rsatilgan qarori;

fond ustavi yoxud yuridik shaxs bo‘lgan vakolatxona yoki filial to‘g‘risidagi nizom davlat tilida ikki nusxada;

joylashgan yeri fondning pochta manzili sifatida foydalanilishi mo‘ljallanayotgan ko‘chmas mulkka bo‘lgan mulk huquqini yoki undan foydalanish huquqini tasdiqlovchi hujjat;

fondni tashkil etish tashabbuskorlari yoxud uning muassislari to‘g‘risidagi ma’lumotlar;

bosh fondning davlat ro‘yxatidan o‘tkazilganligi to‘g‘risidagi guvohnomaning nusxasi — vakolatxonalar va filiallar uchun;

davlat boji to‘langanligi to‘g‘risidagi bank to‘lov hujjati;

fondning dastlabki mablag‘lari shakllantirilganligini tasdiqlovchi hujjat.

Ushbu moddaning birinchi qismida ko‘rsatilgan hujjatlar fondni tashkil etish to‘g‘risida muassislar (muassis) tomonidan qaror qabul qilingan kundan e’tiboran ikki oy ichida davlat ro‘yxatidan o‘tkazish uchun taqdim etiladi. Agar fond vasiyatnoma bo‘yicha tashkil etilayotgan bo‘lsa, mazkur hujjatlar merosga bo‘lgan huquq to‘g‘risidagi guvohnoma berilganidan keyin ikki oy ichida taqdim etiladi.

Qo‘shib yuborish va qo‘shib olish shaklida qayta tashkil etish yo‘li bilan tuzilayotgan fondlar qo‘shimcha ravishda quyidagi hujjatlarni taqdim etadi:

qayta tashkil etilayotgan fondga ma’lum bo‘lgan barcha kreditorlar yozma ravishda xabardor qilinganligining va qayta tashkil etish to‘g‘risida ommaviy axborot vositalarida e’lon qilinganligining tasdiqnomasi;

qayta tashkil etilayotgan fondning barcha kreditorlari va qarzdorlariga nisbatan barcha majburiyatlari, shu jumladan taraflar nizolashayotgan majburiyatlari bo‘yicha huquqiy vorislik to‘g‘risidagi qoidalar ko‘rsatilgan topshirish dalolatnomasi (qo‘shib yuborilgan taqdirda);

davlat ro‘yxatidan o‘tkazilganligi to‘g‘risidagi guvohnomaning asl nusxasi, shuningdek ichki ishlar organlarining fondning muhri va shtampi yo‘q qilib tashlanganligi to‘g‘risidagi ma’lumotnomasi (qo‘shib yuborilgan taqdirda).

Bosh tashkiloti O‘zbekiston Respublikasidan tashqarida joylashgan xalqaro fondlarning hamda chet el fondlarining vakolatxonalari va filiallarini davlat ro‘yxatidan o‘tkazish uchun quyidagi hujjatlar ro‘yxatdan o‘tkazuvchi organga taqdim etiladi:

fond vakolatli organining ro‘yxatga olish to‘g‘risidagi arizasi;

vakolatxona yoki filial to‘g‘risidagi, uni ochishdan (tashkil etishdan) ko‘zlangan maqsad va vazifalar ko‘rsatilgan, notarial tasdiqlangan, o‘zbek va rus tillaridagi nizom (ustav);

vakolatxona yoki filial rahbari nomiga bosh tashkilot tomonidan berilgan, belgilangan tartibda legallashtirilgan yoki apostil qo‘yilgan ishonchnoma;

bosh tashkilotning ustavi va ro‘yxatdan o‘tkazilganligi to‘g‘risidagi, uni tashkil etishdan ko‘zlangan maqsad va vazifalar ko‘rsatilgan, belgilangan tartibda legallashtirilgan yoki apostil qo‘yilgan guvohnomasi nusxalari;

bosh tashkilotning O‘zbekiston Respublikasida vakolatxona yoki filial ochish (tashkil etish) to‘g‘risidagi qarori (bayonnomasi), unda vakolatxonani ochish (filialni tashkil etish) to‘g‘risidagi, uning nizomini (ustavini) tasdiqlash haqidagi, rahbarini (rahbarlarini) tayinlash to‘g‘risidagi belgilangan tartibda legallashtirilgan yoki apostil qo‘yilgan ma’lumotlar ko‘rsatilishi kerak;

bosh tashkilotning faoliyati to‘g‘risidagi belgilangan tartibda legallashtirilgan yoki apostil qo‘yilgan axborot;

ijaraga beruvchining vakolatxona yoki filial uchun tegishli binolarni berish to‘g‘risidagi rozilik xati;

davlat boji to‘langanligi to‘g‘risida dalolat beruvchi bank to‘lov hujjati;

vakolatxona yoki filialning rahbari hamda xodimlari to‘g‘risidagi, ularning familiyasi, ismi, otasining ismi, tug‘ilgan sanasi va joyi, fuqaroligi, kasbi, yashash joyi va telefon raqami ko‘rsatilgan ma’lumotlar;

vakolatxona yoki filial faoliyatini moliyalashtirish manbalari to‘g‘risidagi belgilangan shakldagi deklaratsiya.

Fondlarning yuridik shaxs bo‘lmagan vakolatxonalari va filiallarini hisobga qo‘yish uchun quyidagi hujjatlar ro‘yxatdan o‘tkazuvchi organga taqdim etiladi:

O‘zbekiston Respublikasi Vazirlar Mahkamasi tomonidan tasdiqlanadigan shakldagi ariza;

bosh tashkilotning vakolatxonalar hamda filiallarni tuzish, tashkil etish va ular faoliyatini tugatish tartibini, ularning huquqlari va majburiyatlarini nazarda tutuvchi ustavining nusxasi yoki bosh tashkilotning ustaviga muvofiq ishlab chiqilgan, vakolatxona yoki filial to‘g‘risidagi, davlat tilidagi nizom ikki nusxada. Vakolatxona yoki filial to‘g‘risidagi nizom taqdim etilganda bosh tashkilot ustavining nusxasi ilova qilinadi;

fond markaziy rahbar organining vakolatxonani ochish yoki filialni tashkil etish to‘g‘risidagi qarori (bayonnomasi);

fond markaziy rahbar organining vakolatxona yoki filial rahbarini tayinlash to‘g‘risidagi qarorining nusxasi;

vakolatxona yoki filial rahbariga fondning markaziy rahbar organi tomonidan berilgan ishonchnomaning nusxasi;

fond davlat ro‘yxatidan o‘tkazilganligi to‘g‘risidagi guvohnomaning nusxasi.

Fondni davlat ro‘yxatidan o‘tkazish yoki uning yuridik shaxs bo‘lmagan vakolatxonasi va filialini hisobga qo‘yish uchun hujjatlarni qabul qilgan ro‘yxatdan o‘tkazuvchi organ davlat ro‘yxatidan o‘tkazish yoki hisobga qo‘yish to‘g‘risida yoxud davlat ro‘yxatidan o‘tkazishni yoki hisobga qo‘yishni rad qilish haqida bir oy ichida qaror chiqarishi shart.

Ro‘yxatdan o‘tkazilgan fondga, bosh tashkiloti O‘zbekiston Respublikasidan tashqarida joylashgan xalqaro fondning va chet el fondining vakolatxonasiga yoki filialiga ro‘yxatdan o‘tkazuvchi organ tomonidan davlat ro‘yxatidan o‘tkazilganligi to‘g‘risidagi guvohnoma hamda fondning ro‘yxatdan o‘tkazuvchi organ muhri bilan tasdiqlangan, ro‘yxatga olinganligi haqida belgi qo‘yilgan ustavi (nizomi) beriladi.

Fondning hisobga qo‘yilgan, yuridik shaxs bo‘lmagan vakolatxonasi va filialiga ro‘yxatdan o‘tkazuvchi organ tomonidan hisobga qo‘yilganligi to‘g‘risidagi guvohnoma hamda ro‘yxatdan o‘tkazuvchi organ muhri bilan tasdiqlangan, hisobga qo‘yilganligi haqida belgi qo‘yilgan vakolatxona yoki filial to‘g‘risidagi nizom beriladi.

Fondni davlat ro‘yxatidan o‘tkazish hamda fondning yuridik shaxs bo‘lmagan vakolatxonasi va filialini hisobga qo‘yish qonunda nazarda tutilgan hollarda rad qilinishi mumkin.

Davlat ro‘yxatidan o‘tkazishni yoki hisobga qo‘yishni rad qilish asoslantirilgan bo‘lishi kerak. Fondni, uning vakolatxonalari va filiallarini tashkil etish maqsadga muvofiq emas degan vaj bilan davlat ro‘yxatidan o‘tkazish yoki hisobga qo‘yishni rad etishga yo‘l qo‘yilmaydi.

Ro‘yxatdan o‘tkazuvchi organning fondni davlat ro‘yxatidan o‘tkazishni hamda uning yuridik shaxs bo‘lmagan vakolatxonalari va filiallarini hisobga qo‘yishni rad qilish to‘g‘risidagi qarori ustidan, shuningdek mazkur organning davlat ro‘yxatidan o‘tkazish va hisobga qo‘yish muddatlarini buzganligi ustidan sudga shikoyat qilish mumkin”;

6) 17-moddaning:

ikkinchi qismi quyidagi tahrirda bayon etilsin:

“Fond ustaviga kiritilayotgan o‘zgartishlar va qo‘shimchalar fondning vasiylik kengashi tomonidan tasdiqlanadi hamda ro‘yxatdan o‘tkazuvchi organga mazkur o‘zgartishlar va qo‘shimchalar kiritilgan paytdan e’tiboran bir oylik muddatda ma’lum qilinadi. Fond ustaviga kiritilayotgan o‘zgartishlar va qo‘shimchalar fondni qonun hujjatlarida belgilangan tartibda qayta ro‘yxatdan o‘tkazishga sabab bo‘ladi”;

uchinchi qismidagi “ikki haftalik” degan so‘zlar “bir oylik” degan so‘zlar bilan almashtirilsin;

7) 20-moddaning:

to‘rtinchi qismi chiqarib tashlansin;

beshinchi va oltinchi qismlari tegishincha to‘rtinchi va beshinchi qismlar deb hisoblansin;

8) quyidagi mazmundagi 20¹-modda bilan to‘ldirilsin:

Quyidagilarni tashkil etish uchun zarur bo‘lgan dastlabki mablag‘larning eng kam miqdori:

xalqaro va respublika jamoat fondlari uchun — eng kam ish haqining besh yuz baravari miqdorida;

mahalliy jamoat fondlari uchun — eng kam ish haqining yuz baravari miqdorida bo‘lishi kerak.

Jamoat fondlarining alohida bo‘linmalari (vakolatxonalari va filiallari) uchun dastlabki mablag‘larning eng kam miqdori mavjud bo‘lishi talab etilmaydi.

Jamoat fondlarini tashkil etish uchun zarur bo‘lgan dastlabki mablag‘larning eng kam miqdori davlat ro‘yxatidan o‘tkazish paytida faqat pul shaklida shakllantirilgan bo‘lishi lozim”;

9) 22-modda:

uchinchi qismi quyidagi tahrirda bayon etilsin:

“Fond tijorat tashkilotlarining ustav fondida (ustav kapitalida) ishtirok etishga haqli emas, bundan ochiq savdolarda aksiyadorlik jamiyatlarining aksiyalarini sotib olish mustasno”;

quyidagi mazmundagi to‘rtinchi qism bilan to‘ldirilsin:

“Fondning bir aksiyadorlik jamiyatining ustav fondidagi (ustav kapitalidagi) ulushi mazkur aksiyadorlik jamiyati ustav fondi (ustav kapitali) summasining yigirma foizidan ortiq bo‘lishi mumkin emas. Bunda aksiyadorlik jamiyatlarining olingan aksiyalari umumiy summasi fond aktivlari balans qiymatining aksiyadorlik jamiyatlari ustav fondida (ustav kapitalida) ishtirok etish to‘g‘risidagi qaror qabul qilinayotgan sanadagi yigirma foizidan ortiq bo‘lmasligi kerak”;

10) 23-modda quyidagi mazmundagi to‘rtinchi qism bilan to‘ldirilsin:

“Ushbu moddaning uchinchi qismida nazarda tutilgan talablar fondning tarkibi O‘zbekiston Respublikasi Oliy Majlisi palatalari, O‘zbekiston Respublikasi Prezidenti yoki O‘zbekiston Respublikasi Vazirlar Mahkamasi qarorlari bilan tasdiqlangan vasiylik kengashi a’zosiga nisbatan tatbiq etilmaydi”.

17-modda. O‘zbekiston Respublikasining 2003-yil 30-avgustda qabul qilingan “Bank siri to‘g‘risida”gi 530-II-sonli Qonunining (O‘zbekiston Respublikasi Oliy Majlisining Axborotnomasi, 2003-yil, № 9-10, 144-modda; O‘zbekiston Respublikasi Oliy Majlisi palatalarining Axborotnomasi, 2005-yil, № 9, 312-modda; 2009-yil, № 9, 337-modda; 2012-yil, № 4, 105-modda) 8-moddasiga quyidagi qo‘shimcha va o‘zgartish kiritilsin:

quyidagi mazmundagi to‘rtinchi qism bilan to‘ldirilsin:

“O‘zbekiston Respublikasi Adliya vazirligi nodavlat notijorat tashkilotlari to‘g‘risidagi bank sirini tashkil etuvchi ma’lumotlarni, agar bu ma’lumotlar mazkur tashkilotlar faoliyatida qonun hujjatlariga rioya etilishi yuzasidan nazorat qilish sohasida o‘z zimmasiga yuklatilgan vazifalarni amalga oshirishi uchun zarur bo‘lsa, olishga haqlidir”;

to‘rtinchi va beshinchi qismlari tegishincha beshinchi va oltinchi qismlar deb hisoblansin.

18-modda. O‘zbekiston Respublikasining 2004-yil 26-avgustda qabul qilingan “Jinoiy faoliyatdan olingan daromadlarni legallashtirishga va terrorizmni moliyalashtirishga qarshi kurashish to‘g‘risida”gi 660-II-sonli Qonuniga (O‘zbekiston Respublikasi Oliy Majlisining Axborotnomasi, 2004-yil, № 9, 160-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 4, 167-modda; 2009-yil, № 4, 139-modda; 2012-yil, № 12, 336-modda) quyidagi o‘zgartishlar kiritilsin:

1) 3-modda quyidagi tahrirda bayon etilsin:

Ushbu Qonunda quyidagi asosiy tushunchalar qo‘llaniladi:

jinoiy faoliyatdan olingan daromadlar — jinoyat sodir etish natijasida olingan pul mablag‘lari va boshqa mol-mulk, shuningdek bunday mol-mulkdan foydalanish orqali olingan har qanday foyda yoki naf, xuddi shuningdek to‘liq yoki qisman boshqa mol-mulkka aylantirilgan yoxud o‘zgartirilgan yoki qonuniy manbalar hisobidan olingan mol-mulkka qo‘shilgan pul mablag‘lari va boshqa mol-mulk;

jinoiy faoliyatdan olingan daromadlarni legallashtirish — mulk (pul mablag‘lari yoki boshqa mol-mulk) jinoiy faoliyat natijasida topilgan bo‘lsa, uni o‘tkazish, mulkka aylantirish yoxud almashtirish yo‘li bilan uning kelib chiqishiga qonuniy tus berishdan, shuningdek bunday pul mablag‘larining yoki boshqa mol-mulkning asl xususiyatini, manbaini, turgan joyini, tasarruf etish, ko‘chirish usulini, pul mablag‘lariga yoki boshqa mol-mulkka bo‘lgan haqiqiy egalik huquqlarini yoki ularning kimga qarashliligini yashirishdan yoxud sir saqlashdan iborat bo‘lgan, jinoiy jazolanadigan ijtimoiy xavfli qilmish;

pul mablag‘larini yoki boshqa mol-mulkni ishga solmay to‘xtatib qo‘yish — pul mablag‘larini yoki boshqa mol-mulkni o‘tkazishni, konversiyalashni, tasarruf etishni yoxud ko‘chirishni taqiqlash;

operatsiyalarni to‘xtatib turish — mijozning pul mablag‘larini yoki boshqa mol-mulkni ko‘chirish, konversiyalash, o‘zga shaxslarga egalik qilish va foydalanish uchun berish, shuningdek yuridik ahamiyatga ega bo‘lgan boshqa harakatlarni bajarish to‘g‘risidagi topshiriqnomalari ijrosini to‘xtatib turish;

terrorizmni moliyalashtirish — terrorchilik tashkilotining mavjud bo‘lishini, faoliyat ko‘rsatishini, moliyalashtirilishini, terrorchilik faoliyatida ishtirok etish uchun xorijga chiqib ketishni yoki O‘zbekiston Respublikasi hududi orqali harakatlanishni ta’minlashga, terrorchilik harakatini tayyorlash va sodir etishga, terrorchilik tashkilotlariga yoxud terrorchilik faoliyatiga ko‘maklashayotgan yoki bunday faoliyatda ishtirok etayotgan shaxslarga bevosita yoki bilvosita har qanday mablag‘-vositalarni, resurslarni berishga yoki yig‘ishga, boshqa xizmatlar ko‘rsatishga qaratilgan, jinoiy jazolanadigan ijtimoiy xavfli qilmish”;

2) 15-moddaning matni quyidagi tahrirda bayon etilsin:

“Pul mablag‘lari yoki boshqa mol-mulk bilan bog‘liq operatsiyalarni amalga oshiruvchi tashkilotlar:

ichki nazorat tizimlarini tashkil qilishi va joriy etishi;

identifikatsiyalash tartib-taomillarini amalga oshirishi va mijozlarni lozim darajada tekshirish bo‘yicha chora-tadbirlar ko‘rishi, shu jumladan mijoz va uning mulkdorlari to‘g‘risidagi ma’lumotlarni verifikatsiyalashi hamda muntazam yangilab borishi;

mulkdorlar va mijozlarni nazorat qiluvchi shaxslarni identifikatsiyalashi hamda ularning shaxsini tekshirish bo‘yicha imkon qadar choralar ko‘rishi;

jinoiy faoliyatdan olingan daromadlarni legallashtirish va terrorizmni moliyalashtirish bo‘yicha o‘z tavakkalchiliklarini aniqlash hamda baholash choralarini ko‘rishi, ushbu tavakkalchiliklarni hujjatlar bilan qayd etishi va ularni kamaytirish yuzasidan choralar ko‘rishi;

mijozni lozim darajada tekshirish bo‘yicha chora-tadbirlar ko‘rish imkoniyati bo‘lmagan taqdirda, hisobvaraq ochishni, operatsiyani amalga oshirishni, amaliy munosabatlarga kirishishni rad etishi va mavjud amaliy munosabatlarni tugatishi, shuningdek shubhali operatsiya to‘g‘risidagi xabarni maxsus vakolatli davlat organiga yuborishi;

shubhali operatsiyalar to‘g‘risidagi xabarlarni, shu jumladan ularni amalga oshirishga bo‘lgan urinishlar to‘g‘risidagi xabarlarni ular aniqlangan kundan keyingi bir ish kunidan kechiktirmay maxsus vakolatli davlat organiga belgilangan tartibda yuborishi;

operatsiya ishtirokchilarini terrorchilik faoliyatida yoki ommaviy qirg‘in qurolini tarqatishda ishtirok etayotgan yoki ishtirok etishda gumon qilinayotgan shaxslar ro‘yxati bilan solishtirishi;

terrorchilik faoliyatida yoki ommaviy qirg‘in qurolini tarqatishda ishtirok etayotgan yoki ishtirok etishda gumon qilinayotgan shaxslar ro‘yxatiga kiritilgan shaxslarning operatsiyasini kechiktirmasdan va oldindan xabar qilmasdan to‘xtatib turishi, bundan yuridik yoki jismoniy shaxsning hisobvarag‘iga tushgan pul mablag‘larini hisobga kiritish bo‘yicha operatsiyalar mustasno, va (yoki) pul mablag‘larini yoki boshqa mol-mulkini ishga solmay to‘xtatib qo‘yishi, shuningdek shubhali operatsiya to‘g‘risida maxsus vakolatli davlat organiga xabar yuborishi shart.

Terrorchilik faoliyatida yoki ommaviy qirg‘in qurolini tarqatishda ishtirok etayotgan yoki ishtirok etishda gumon qilinayotgan shaxslar ro‘yxatiga kiritilgan shaxslarning operatsiyalarini to‘xtatib turish, pul mablag‘larini yoki boshqa mol-mulkini ishga solmay to‘xtatib qo‘yish, ishga solmay to‘xtatib qo‘yilgan mol-mulkidan foydalanishga ruxsat berish va operatsiyalarini tiklash tartibi manfaatdor vazirlik va idoralar bilan kelishilgan holda maxsus vakolatli davlat organi tomonidan belgilanadi”.

20-modda. O‘zbekiston Respublikasining 2007-yil 2-mayda qabul qilingan “Homiylik to‘g‘risida”gi O‘RQ-96-sonli Qonunining (O‘zbekiston Respublikasi Oliy Majlisi palatalarining Axborotnomasi, 2007-yil, № 5, 218-modda; 2008-yil, № 12, 640-modda; 2015-yil, № 8, 312-modda) 6-moddasiga quyidagi o‘zgartishlar kiritilsin:

ikkinchi qism chiqarib tashlansin;

uchinchi qism ikkinchi qism deb hisoblansin.

24-modda. O‘zbekiston Respublikasining 2012-yil 25-dekabrda qabul qilingan “Tezkor-qidiruv faoliyati to‘g‘risida”gi O‘RQ-344-sonli Qonuniga (O‘zbekiston Respublikasi Oliy Majlisi palatalarining Axborotnomasi, 2012-yil, № 12, 335-modda) quyidagi o‘zgartish va qo‘shimchalar kiritilsin:

1) 14-moddaning matni quyidagi tahrirda bayon etilsin:

“Tezkor-qidiruv tadbirlarining turlari quyidagilardan iborat:

so‘rov — tezkor-qidiruv faoliyatining vazifalarini hal etish uchun ahamiyatga ega bo‘lgan jismoniy va yuridik shaxslar, faktlar va holatlar to‘g‘risidagi ma’lumotlarni bilgan yoki bilishi mumkin bo‘lgan shaxs bilan bevosita muloqotda bo‘lish jarayonida axborot olishdan iborat bo‘lgan tadbir;

ma’lumotlar to‘plash — tezkor-qidiruv faoliyatining vazifalarini hal etish uchun hujjatlarni, materiallarni, ma’lumotlar bazalarini o‘rganish, shuningdek so‘rovnomalar yuborish orqali jismoniy va yuridik shaxslar, faktlar va holatlar haqida ahamiyatga ega bo‘lgan axborot olishga qaratilgan tadbir;

qiyosiy tekshiruv uchun namunalar yig‘ish — tezkor-qidiruv faoliyatining vazifalarini hal etish maqsadida moddiy obyektlarni kelgusida qiyosiy tekshirish uchun olishdan iborat bo‘lgan tadbir;

tekshirish uchun xarid qilish — yuridik yoki jismoniy shaxslardan tezkor-qidiruv faoliyatining vazifalarini hal etish uchun ahamiyatga ega bo‘lgan tovarlarni yoki xizmatlarni haq evaziga xarid qilishdan iborat bo‘lgan tadbir;

nazorat ostida olish — yolg‘ondan bitim tuzishdan, ya’ni qonun hujjatlari buzilishi faktini aniqlash va hujjatlashtirish uchun tovarlarni, valyuta qimmatliklarini, moddalarni hamda boshqa predmetlarni iste’mol qilish yoki sotish maqsadini ko‘zlamasdan olishdan iborat bo‘lgan tadbir;

predmetlarni va hujjatlarni tekshirish — tezkor-qidiruv faoliyatining vazifalarini hal etish maqsadida predmetlarni va hujjatlarni o‘rganish uchun zarur ilmiy, texnikaviy va boshqa maxsus bilimlarga ega bo‘lgan mutaxassislarni jalb etgan holda o‘tkaziladigan tadbir;

tezkor kuzatuv — tezkor-qidiruv faoliyatining vazifalarini hal etish uchun ahamiyatga ega bo‘lgan axborotni olish maqsadida shaxslarning harakatlarini, hodisalarni va jarayonlarni bevosita yoki bilvosita (texnik vositalardan foydalangan holda) nooshkora kuzatish va qayd etishdan iborat bo‘lgan tadbir;

shaxsning aynanligini aniqlash — tekshirilayotgan yoki qidiruvdagi shaxsning shaxsini identifikatsiya qilish yoxud xususiy belgilari asosida aniqlashdan iborat bo‘lgan tadbir;

turar joylarni va boshqa joylarni, binolarni, inshootlarni, joyning uchastkalarini va transport vositalarini tekshirish — tezkor-qidiruv faoliyatining vazifalarini hal etish uchun ahamiyatga ega bo‘lgan shaxslar, faktlar va holatlarni aniqlash maqsadida turar joylarni va boshqa joylarni, binolarni, inshootlarni, joyning uchastkalarini va transport vositalarini bevosita yoki bilvosita (texnik vositalardan foydalangan holda) ko‘zdan kechirish va o‘rganishdan iborat bo‘lgan tadbir;

pochta, kuryerlik jo‘natmalarini, telegraf xabarlarini va boshqa xabarlarni nazorat qilish — tezkor-qidiruv faoliyatining vazifalarini hal etish uchun ahamiyatga ega bo‘lgan axborotni olish maqsadida pochta, kuryerlik jo‘natmalari, telegraf, telefaks, telefonogramma xat-xabarlari va boshqa xabarlarni nooshkora tanlab olish va o‘rganishdan iborat bo‘lgan tadbir;

telefonlar va boshqa so‘zlashuv qurilmalari orqali olib boriladigan so‘zlashuvlarni eshitish — telefon va boshqa aloqa liniyalari orqali olib boriladigan so‘zlashuvlarni maxsus texnik vositalardan foydalangan holda nooshkora eshitish, shuningdek qayd etishdan iborat bo‘lgan tadbir;

aloqaning texnik kanallaridan axborot olish — tezkor-qidiruv faoliyatining vazifalarini hal etish uchun ahamiyatga ega bo‘lgan aloqa texnik kanallari orqali uzatilayotgan matnli, grafik axborotni va boshqa axborotni maxsus texnik vositalardan foydalangan holda nooshkora tutib qolish va qayd etishdan iborat bo‘lgan tadbir;

tezkor kiritish — tezkor-qidiruv faoliyatining vazifalarini hal etish maqsadida tezkor-qidiruv faoliyatini amalga oshiruvchi organ xodimini yoki maxfiylik asosida ko‘maklashuvchi shaxsni jinoiy-kriminogen muhitga yoki tezkor ahamiyatga ega bo‘lgan obyektga kiritishdan iborat bo‘lgan tadbir;

nazorat ostida yetkazib berish — erkin realizatsiya qilinishi taqiqlangan yoki muomalasi cheklangan yoxud jinoyat obyekti, predmeti va quroli bo‘lgan tovarlar, valyuta qimmatliklari, moddalar va boshqa predmetlar olib o‘tilishini (tashilishini, jo‘natilishini, topshirilishini) tezkor-qidiruv faoliyatining vazifalarini hal etish maqsadida nooshkora nazorat qilishdan iborat bo‘lgan tadbir;

niqoblangan operatsiya — jinoiy-kriminogen muhitga yoki tezkor ahamiyatga ega bo‘lgan obyektga kiritilgan shaxsning imkoniyatlaridan tezkor-qidiruv faoliyatining vazifalarini hal etish maqsadida nooshkora foydalanishdan iborat bo‘lgan tadbir;

tezkor eksperiment — g‘ayrihuquqiy qilmish sodir etgan yoki unga tayyorgarlik ko‘rayotgan shaxslarni fosh etish va aniqlash maqsadida tezkor-qidiruv faoliyatini amalga oshiruvchi organ tomonidan to‘liq boshqariladigan va nazorat qilinadigan sharoitni muayyan hodisani qaytadan tiklash yo‘li bilan sun’iy ravishda vujudga keltirishdan iborat bo‘lgan tadbir”;

2) 15-modda birinchi qismi o‘zbekcha matnining:

yettinchi xatboshisidagi “so‘rovlar” degan so‘z “so‘rovnomalar” degan so‘z bilan almashtirilsin;

sakkizinchi xatboshisidagi “so‘rovlari” degan so‘z “so‘rovnomalari” degan so‘z bilan almashtirilsin;

3) 16-moddaning birinchi va yettinchi qismlari “pochta” degan so‘zdan keyin “kuryerlik” degan so‘z bilan to‘ldirilsin;

4) 21-moddaning birinchi qismi “pochta” degan so‘zdan keyin “kuryerlik” degan so‘z bilan to‘ldirilsin.

25-modda. O‘zbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid bo‘lgan o‘z normativ-huquqiy hujjatlarini qayta ko‘rib chiqishlari va bekor qilishlarini ta’minlasin.

26-modda. Ushbu Qonun rasmiy e’lon qilingan kundan e’tiboran kuchga kiradi.

Ushbu Qonunning 2-moddasi 2016-yil 1-iyuldan e’tiboran amalga kiritiladi.

Ushbu Qonun 5-moddasining 7-bandi ushbu Qonun kuchga kirgan kundan e’tiboran olti oy o‘tgach amalga kiritiladi.