Oldingi tahrirga qarang.
O‘zbekiston Respublikasining “Rieltorlik faoliyati to‘g‘risida”gi Qonuniga muvofiq O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasi qaror qiladi:
(muqaddima O‘zbekiston Respublikasi Davlat aktivlarini boshqarish agentligi direktorining 2022-yil 3-iyundagi 01/11-14/18-sonli buyrug‘i (ro‘yxat raqami 2652-3, 17.06.2022-y.) tahririda — Qonunchilik ma’lumotlari milliy bazasi, 17.06.2022-y., 10/22/2652-3/0538-son)
1. O‘zbekiston Respublikasi Rieltorlik xizmatlarining milliy standarti (3-son RXMS) “Ko‘chmas mulk obyektlarining va ularga bo‘lgan huquqlarning savdosini tashkil etish” ilovaga muvofiq tasdiqlansin.
O‘zbekiston Respublikasining Xususiylashtirish, monopoliyadan chiqarish va raqobatni rivojlantirish davlat qo‘mitasining 2014-yil 31-dekabrdagi 01/27-26/30-son qaroriga
ILOVA
ILOVA
Oldingi tahrirga qarang.
Mazkur Rieltorlik xizmatlarining milliy standarti (3-son RXMS) “Ko‘chmas mulk obyektlarining va ularga bo‘lgan huquqlarning savdosini tashkil etish” (keyingi o‘rinlarda standart deb yuritiladi) ko‘chmas mulk obyektlari va ularga bo‘lgan huquqlar bilan savdolarni tashkil qilish bo‘yicha xizmatlar ko‘rsatish orqali amalga oshiriladigan rieltorlik faoliyatiga qo‘yiladigan umumiy talablarni belgilaydi.
(muqaddima O‘zbekiston Respublikasi Davlat aktivlarini boshqarish agentligi direktorining 2022-yil 3-iyundagi 01/11-14/18-sonli buyrug‘i (ro‘yxat raqami 2652-3, 17.06.2022-y.) tahririda — Qonunchilik ma’lumotlari milliy bazasi, 17.06.2022-y., 10/22/2652-3/0538-son)
auksion — shartnoma tuziladigan talabgor musobaqalashish asosida aniqlanadigan savdo shakli bo‘lib, unda ko‘chmas mulk obyektlari va ularga bo‘lgan huquqlarga eng yuqori narxni taklif qilgan ishtirokchi shartnoma tuzish huquqini oladi. Auksionlar ochiq yoki yopiq bo‘lishi mumkin;
boshlang‘ich narx — ko‘chmas mulk obyekti va unga bo‘lgan huquqlarni savdolarga qo‘yish uchun sotuvchi tomonidan belgilangan narx;
vakolatli vakil — ishtirokchi (talabgor) tomonidan ishonchnomaga asosan buyurtma berish hamda auksionda va tanlovda ishtirok etish uchun vakolat berilgan shaxs yoki qonuniy vakillar;
yopiq auksion — sotuvchi tomonidan oldindan belgilangan mezonlar asosida maxsus taklif qilingan yuridik va/yoki jismoniy shaxslar ishtirok etishi mumkin bo‘lgan auksion turi;
yopiq tanlov — sotuvchi tomonidan oldindan belgilangan mezonlar asosida tanlab olingan, maxsus taklif qilingan yuridik va/yoki jismoniy shaxslar ishtirok etishi mumkin bo‘lgan tanlov turi;
ishtirokchi — tanlov yoki auksionda ishtirok etishga kiritilgan talabgor yoki uning vakolatli vakili
ochiq auksion — ko‘chmas mulk obyekti va unga bo‘lgan huquqlarni qo‘lga kiritish niyati to‘g‘risida ma’lum qilgan istalgan yuridik va/yoki jismoniy shaxs ishtirok etishi mumkin bo‘lgan auksion turi;
ochiq tanlov — ko‘chmas mulk obyekti va unga bo‘lgan huquqlarni qo‘lga kiritish hamda tanlov shartlarini bajarish niyati to‘g‘risida ma’lum qilgan istalgan yuridik va/yoki jismoniy shaxs ishtirok etishi mumkin bo‘lgan tanlov turi;
Oldingi tahrirga qarang.
savdolar tashkilotchisi — qonunchilik hujjatlarida belgilangan tartibda tuzilgan rieltorlik xizmatlarini ko‘rsatish shartnomasi asosida ko‘chmas mulk obyektlari va ularga bo‘lgan huquqlar bilan savdolarni tashkil qilishni amalga oshiradigan rieltorlik tashkiloti;
(1-bandning o‘n birinchi xatboshisi O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
tanlov — shartnoma tuziladigan talabgor tanlov hujjatlarining mezonlari va shartlariga ishtirokchilar tomonidan muvofiq taqdim etilgan eng yaxshi takliflarni tanlash orqali aniqlanadigan savdo shakli. Tanlovlar ochiq yoki yopiq bo‘lishi mumkin;
tanlov hujjatlari — tanlovni o‘tkazish qoidalari, tanlov takliflarining shakllarini o‘z ichiga olgan, ko‘chmas mulk obyektining va unga bo‘lgan huquqlarning texnik, tijorat, tashkiliy va boshqa tavsiflari to‘g‘risida dastlabki axborotni, shuningdek savdolar tashkilotchisi tomonidan talabgorlarga taqdim qilinadigan tanlov shartlari va tartibotlarini o‘z ichiga olgan hujjatlar to‘plami;
tanlov shartlari — sotuvchi tomonidan belgilanadigan tanlov o‘tkazish tartibi va joyi, taklif narxi, ko‘chmas mulk obyektlari va ularga bo‘lgan huquqlari, miqdori va hajmi, cheklovlari hamda ishtirokchilarga bo‘lgan boshqa talablar bo‘yicha shartlar.
2. Standartning maqsadi savdolar tashkilotchilari tomonidan ko‘chmas mulk obyektlari va ularga bo‘lgan huquqlar bilan savdolarni tashkil qilish, shu jumladan ko‘chmas mulk obyekti va unga bo‘lgan huquqlarni sotish bo‘yicha xizmatlar ko‘rsatishning shartlari va tartibini belgilab berishdan iborat.
3. Standartning vazifasi ko‘chmas mulk obyektlari va ularga bo‘lgan huquqlar bilan savdolarni tashkil qilish bo‘yicha xizmatlar ko‘rsatishda rieltorlik xizmatlari iste’molchilari uchun lozim darajadagi sifatni ta’minlab beradigan yagona talablarni belgilab berish hisoblanadi.
4. Standart ko‘chmas mulk obyektlari va ularga bo‘lgan huquqlar bilan savdolarni tashkil qilish bo‘yicha xizmatlar ko‘rsatishda savdolar tashkilotchilari uchun qo‘llashga majburiydir.
Standart O‘zbekiston Respublikasi Prezidentining 2006-yil 31-avgustdagi PQ-458-son qarori bilan tasdiqlangan Sud hujjatlari va boshqa organlar hujjatlarini ijro etish jarayonida avtomototransport vositalari va ko‘chmas mulkni sotish tartibi to‘g‘risidagi nizom hamda Vazirlar Mahkamasining 2014-yil 6-oktabrdagi 279-son qarori bilan tasdiqlangan Davlat ko‘chmas mulk obyektlarini sotish tartibi to‘g‘risidagi nizom bilan tartibga solingan munosabatlarga tatbiq etilmaydi.
Oldingi tahrirga qarang.
Ustav fondida davlat ulushi 50 foiz va undan ortiq bo‘lgan yuridik shaxslar, shuningdek ustav fondining 50 foizi va undan ortig‘i 50 foiz va undan ortiq miqdorda davlat ulushiga ega yuridik shaxsga tegishli bo‘lgan yuridik shaxslarning ko‘chmas mulklarini realizatsiya qilish “E-auksion” elektron savdo platformasida elektron onlayn-auksion yo‘li bilan amalga oshiriladi.
(4-band O‘zbekiston Respublikasi Davlat aktivlarini boshqarish agentligi direktorining 2022-yil 3-iyundagi 01/11-14/18-sonli buyrug‘iga (ro‘yxat raqami 2652-3, 17.06.2022-y.) asosan uchinchi xatboshi bilan to‘ldirilgan — Qonunchilik ma’lumotlari milliy bazasi, 17.06.2022-y., 10/22/2652-3/0538-son)
5. Savdolar tashkilotchisi auksion o‘tkazish jarayonini, tanlov takliflari bo‘lgan konvertlarni ochishni hamda ularni baholash jarayonini videotasvirga oladi. Savdolar tashkilotchisi videotasvirlarni yonmaydigan seyfda ular tayyorlangan vaqtdan boshlab uch yil davomida saqlashi lozim.
6. Savdolarni tashkil qilish va o‘tkazish savdolar tashkilotchisi tomonidan uning mablag‘lari hisobiga sotuvchi va savdolar tashkilotchisi o‘rtasida tuzilgan shartnoma asosida amalga oshiriladi.
Oldingi tahrirga qarang.
savdolar tashkilotchisi bilan ko‘chmas mulk obyektlari va ularga bo‘lgan huquqlarni sotishga xizmat ko‘rsatish bo‘yicha shartnoma tuzadi, unda quyidagilar bo‘lishi shart: tomonlarning rekvizitlari, shartnoma predmeti, savdolar tashkilotchisi va sotuvchining huquqlari va majburiyatlari, shu jumladan sotiladigan ko‘chmas mulk obyekti va unga bo‘lgan huquqlar to‘g‘risida savdolar tashkilotchisini zarur hujjatlar va axborot bilan ta’minlash bo‘yicha, hisob-kitoblar tartibi va tomonlarning javobgarligi, qonunchilik hujjatlariga muvofiq boshqa shartlar;
(7-bandning ikkinchi xatboshisi O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
8. Savdolar tashkilotchisi sotuvchi bilan tuzilgan shartnomaga va sotuvchining tasarruf etuvchi hujjatlariga muvofiq:
ochiq auksion o‘tkazish sanasidan o‘ttiz kun oldin respublika va mahalliy gazetalarda, shuningdek o‘zining veb-saytida ochiq auksion to‘g‘risida xabarnoma chop etadi;
yopiq auksion o‘tkazilishi to‘g‘risida xabarnomalarni tarqatadi va ushbu xabarnomada ko‘rsatilgan yuridik hamda jismoniy shaxslardan buyurtmalarni oladi;
talabgorlarni taqdim etiladigan hujjatlarning namunalari bilan ta’minlaydi va ularni rasmiylashtirish bo‘yicha yordam beradi;
mazkur standartga muvofiq talabgorlar ichidan auksion ishtirokchilarining ro‘yxatini shakllantiradi;
ochiq auksion to‘g‘risida xabarnoma chop etilishi bilan yuridik va jismoniy shaxslarga ularning so‘rovlari bo‘yicha sotiladigan ko‘chmas mulk obyekti va unga bo‘lgan huquqlar to‘g‘risida qo‘shimcha axborotni taqdim qiladi;
ochiq auksion natijalari to‘g‘risida axborotni muqaddam ochiq auksion to‘g‘risida xabarnoma chop etilgan ommaviy axborot vositalarida, shuningdek o‘zining veb-saytida auksion o‘tkazilgan kundan e’tiboran o‘ttiz kun ichida chop etadi;
sotuvchining vakillari hamda savdolar tashkilotchisi xodimlaridan iborat besh kishidan kam bo‘lmagan tarkibda doimiy yoki vaqtinchalik auksion komissiyasini shakllantiradi. Auksion komissiyaga sotuvchining vakili boshchilik qiladi;
9. Auksion komissiya o‘z reglamentini mustaqil ravishda tasdiqlaydi. Komissiya qarori komissiyaning jami a’zolari sonining oddiy ko‘pchilik ovozi bilan qabul qilinadi. Ovozlar teng bo‘lganda auksion komissiya raisining ovozi hal qiluvchi hisoblanadi.
Auksion komissiya qarorlari uning yig‘ilishida a’zolarning kamida uchdan ikki qismi ishtirok etganda qonuniy hisoblanadi.
savdolar tashkilotchisining nomi va pochta manzili, uning aloqa telefoni, telefaks, elektron pochta manzili;
auksionga qo‘yilgan ko‘chmas mulk obyektlarining nomi, miqdori, tavsifi hamda ularning joylashgan joyi;
11. Yopiq auksionni o‘tkazishda sotuvchi oldindan yuridik va jismoniy shaxslarning ro‘yxatini belgilaydi, savdolar tashkilotchisi ularga auksion boshlanishidan kamida o‘ttiz kun oldin yopiq auksion to‘g‘risida xabarnoma yuboradi. Yopiq auksion to‘g‘risida xabarnoma ommaviy axborot vositalarida chop etilmaydi hamda auksion taklif etilgan yuridik va jismoniy shaxslar o‘rtasida o‘tkaziladi.
12. Auksionda ishtirok etish uchun talabgor yoki uning vakolatli vakili auksion to‘g‘risidagi xabarnomada ko‘rsatilgan muddatda shaxsan yoki aloqa vositalari orqali savdolar tashkilotchisiga auksionda qatnashishga ikki nusxada buyurtmani taqdim qiladi va unga quyidagi hujjatlarni ilova qiladi:
Oldingi tahrirga qarang.
yuridik shaxslar uchun — davlat ro‘yxatidan o‘tkazilganligi to‘g‘risida guvohnoma va qonunchilik hujjatlarida belgilangan tartibda rasmiylashtirilgan ishonchnoma, buyurtmani vakolatli vakil topshirganda uning shaxsini tasdiqlovchi hujjat nusxasi ilova qilingan holda;
(12-bandning ikkinchi xatboshisi O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
Oldingi tahrirga qarang.
jismoniy shaxslar uchun — pasport yoki identifikatsiya ID-kartasi ma’lumotlari, buyurtmani vakolatli vakil topshirganda qonunchilik hujjatlarida belgilangan tartibda rasmiylashtirilgan ishonchnoma yoki qonuniy vakilligini tasdiqlovchi hujjat, uning shaxsini tasdiqlovchi hujjat nusxasi ilova qilingan holda.
(12-bandning uchinchi xatboshisi O‘zbekiston Respublikasi Davlat aktivlarini boshqarish agentligi direktorining 2022-yil 3-iyundagi 01/11-14/18-sonli buyrug‘i (ro‘yxat raqami 2652-3, 17.06.2022-y.) tahririda — Qonunchilik ma’lumotlari milliy bazasi, 17.06.2022-y., 10/22/2652-3/0538-son)
Oldingi tahrirga qarang.
(12-bandning to‘rtinchi xatboshisi O‘zbekiston Respublikasi Davlat aktivlarini boshqarish agentligi direktorining 2019-yil 14-martdagi 01/10-10/54-sonli buyrug‘i (ro‘yxat raqami 2652-2, 15.04.2019-y.) tahririda — Qonun hujjatlari ma’lumotlari milliy bazasi, 15.04.2019-y., 10/19/2652-2/2940-son)
13. Savdolar tashkilotchi hujjatlar ro‘yxati ko‘rsatilgan buyurtmaning ikkinchi nusxasida topshirilgan hujjatlar qabul qilinganligi to‘g‘risida sanasi va vaqtini ko‘rsatib belgi qo‘yadi, uni talabgorga yoki vakolatli vakilga topshiradi yoki aloqa vositalari orqali yuboradi. Olingan buyurtmalar tartib raqamlari qo‘yilgan sahifali, ip o‘tkazib tikilgan maxsus jurnalda ro‘yxatdan o‘tkaziladi.
14. Auksionni o‘tkazish to‘g‘risida xabarnomada ko‘rsatilgan qabul qilish muddati o‘tib ketgandan keyin kelib tushgan yoki mazkur standartning 12-bandida belgilangan talablarga muvofiq bo‘lmagan buyurtmalar savdolar tashkilotchisi tomonidan qabul qilinmaydi.
Hujjatlarning kelib tushgan sanasi savdolar tashkilotchisining ro‘yxatga olish belgisi bo‘yicha aniqlanadi.
15. Savdolar tashkilotchisi qabul qilmagan buyurtmalar shu kunning o‘zida ularni talabgorga yoki uning vakolatli vakiliga tilxat orqali topshirish bilan yoki ko‘rsatilgan hujjatlarni pochta bilan (buyurtma xat topshirilganligi haqidagi xabarnoma bilan) yuborish orqali qabul qilishni rad etish sabablarini yozma ko‘rsatgan holda qaytariladi.
16. Auksionda ishtirok qilish uchun talabgor zakalat to‘g‘risida shartnoma tuzishi va xabarnomada ko‘rsatilgan muddatda ko‘chmas mulk obyekti va unga bo‘lgan huquqlarning boshlang‘ich narxining 15 foizidan kam bo‘lmagan miqdorda majburiyatlarni bajarishni ta’minlashning kafolati sifatida zakalat kiritishi shart. Zakalatning aniq miqdori sotuvchi tomonidan belgilanadi.
17. Auksionda ishtirok qilishga savdolar tashkilotchisi tomonidan buyurtmalari qabul qilingan va xabarnomada ko‘rsatilgan miqdorda zakalatni kiritgan talabgorlarga yo‘l qo‘yiladi.
Talabgorlarni auksion ishtirokchilari deb topish to‘g‘risidagi auksion komissiyasining qarori bayonnoma bilan rasmiylashtiriladi. Bayonnomada barcha qabul qilingan, chaqirib olingan va rad etilgan buyurtmalarning ro‘yxati keltiriladi, talabgorlarning familiyasi, ismi va otasining ismi (nomi) hamda tegishli asoslantirishlar ko‘rsatiladi.
18. Auksion o‘tkaziladigan kunda ishtirokchilarga ularning raqamlari hamda auksionga qo‘yilgan ko‘chmas mulk obyekti va unga bo‘lgan huquqlarning nomi ko‘rsatilgan auksion ishtirokchisining bileti hamda auksion davomida foydalaniladigan maxsus raqamli belgilar beriladi.
19. Auksion ishtirokchisi o‘zining buyurtmasini auksion o‘tkazishning belgilangan sanasiga qadar savdolar tashkilotchisini yozma xabardor qilgan holda qaytarib olishi mumkin. Savdolar tashkilotchisi ko‘rsatilgan xabarnomani uning kelib tushgan kuni ro‘yxatga olishi shart. Bu holda auksion ishtirokchisidan kelib tushgan zakalat xabarnoma kelib tushgan sanadan besh bank kunidan kechiktirmagan muddatda qaytarilishi lozim.
20. Auksionda ishtirok qilishga buyurtmalarni qabul qilish auksion to‘g‘risida xabarnoma chop etilgan kuni boshlanadi va auksion to‘g‘risida xabarnomada belgilangan kunda va vaqtda tugaydi.
21.Agar buyurtmalarni qabul qilish yakunlanadigan sanada birorta ham buyurtma kelib tushmasa yoki faqat bitta buyurtma tushsa, auksionga faqat bitta ishtirokchi kelsa yoki hech kim kelmasa, auksion bo‘lib o‘tmagan deb e’tirof etiladi.
Bunda savdolar tashkilotchisi bu haqda auksion komissiyani, sotuvchini va bitta buyurtmani bergan ishtirokchini xabardor qiladi.
22. Auksion boshlang‘ich narxni bosqichma-bosqich oshirgan tarzda savdolashish ko‘rinishida o‘tkaziladi.
23. Auksionni savdolar tashkilotchisi tomonidan tayinlanadigan auksionchi o‘tkazadi. Auksion auksionchi tomonidan savdo predmeti, ko‘chmas mulk obyekti va unga bo‘lgan huquqlarning nomi, qisqacha tavsifi va boshlang‘ich narxini, uni oshirish bosqichi (auksion bosqichi) e’lon qilingan holda boshlanadi. Bunda ishtirokchilar ko‘chmas mulk obyekti va unga bo‘lgan huquqlarni ushbu narxda sotib olishga tayyorliklarini o‘z maxsus raqamli belgilarini ko‘targan holda xabar qiladilar.
25. Boshlang‘ich narxda ishtirokchilarga hisob-kitob uchun qiyinchilik tug‘diradigan raqamlar bo‘lgan holda auksionchiga boshlang‘ich narxni uning bir foizidan oshmagan summaga ko‘tarib yaxlitlash huquqi beriladi.
26. Auksion davomida har uchta bosqichdan keyin auksionchi auksion bosqichini oshirish tomonga o‘zgartirish mumkin.
27. Bir nechta ishtirokchilar biletni ko‘targanda auksionchi biletni ko‘targan bitta ishtirokchi qolgunga qadar auksion bosqichiga mos tarzda keyingi narxni e’lon qiladi. Agar bilet ko‘targan bitta ishtirokchi qolsa, auksionchi navbatdagi e’lon qilingan narxni uch marotaba qaytaradi. Bunda, agar ushbu narx uchinchi marotaba e’lon qilingunga qadar ishtirokchilardan birortasi o‘z biletini ko‘tarsa, auksionchi auksion bosqichiga mos tarzda narxni oshirib navbatdagi narxni e’lon qiladi. Agar ushbu narxni uch marotaba e’lon qilgunga qadar ishtirokchilardan birortasi ham o‘z biletini ko‘tarmasa, savdolar yakunlanadi.
Auksionchi oxirgi narxni e’lon qilgan paytda biletini ko‘targan holda qolgan ishtirokchi g‘olib hisoblanadi. Auksionchi auksion savdolariga qo‘yilgan ko‘chmas mulk obyekti yoki unga bo‘lgan huquqlar sotilganligini, auksion savdolari g‘olibining narxi va uning bilet raqamini e’lon qiladi.
28. Auksionda yutib chiqqan shaxs va savdolar tashkilotchisi auksion o‘tkazilgan kunda auksion natijalari to‘g‘risida bayonnomani imzolaydi.
Oldingi tahrirga qarang.
savdolar tashkilotchisi bilan ko‘chmas mulk obyektlari va ularga bo‘lgan huquqlarni sotishga xizmat ko‘rsatish bo‘yicha shartnoma tuzadi, unda tomonlarning rekvizitlari, shartnoma predmeti, savdolar tashkilotchisi va sotuvchining huquqlari va majburiyatlari, shu jumladan sotiladigan ko‘chmas mulk obyekti va unga bo‘lgan huquqlar to‘g‘risida savdolar tashkilotchisini zarur hujjatlar va axborot bilan ta’minlash bo‘yicha, hisob-kitoblar tartibi va tomonlarning javobgarligi, qonunchilik hujjatlariga muvofiq boshqa shartlar bo‘lishi shart;
(29-bandning ikkinchi xatboshisi O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
30. Sotuvchi bilan tuzilgan shartnomaga muvofiq va sotuvchining tasarruf etuvchi hujjatlariga muvofiq savdolar tashkilotchisi:
xaridorlarni qidirishni tashkil qiladi va talabgorlarning sotiladigan ko‘chmas mulk obyekti va ularga bo‘lgan huquqlar bilan tanishishi uchun sharoit yaratadi;
tanlov takliflari bo‘lgan konvertlar ochiladigan sanadan o‘ttiz kun oldin respublika va mahalliy gazetalarda hamda o‘zining veb-saytida ochiq tanlov o‘tkazilishi haqida xabarnoma chop etadi;
tanlovda ishtirok qilish uchun talabgorlarning buyurtmalarini ro‘yxatga oladi va ularning maxfiyligi hamda saqlanishini ta’minlaydi;
yopiq tanlov o‘tkazilishi to‘g‘risida xabarnoma tarqatadi hamda ushbu xabarnomada ko‘rsatilgan yuridik va jismoniy shaxslardan buyurtmalarni qabul qiladi;
talabgorlarni taqdim qilinadigan hujjatlarning namunalari bilan ta’minlaydi va ularni rasmiylashtirish bo‘yicha yordam beradi;
ochiq tanlov natijalari to‘g‘risida axborotni muqaddam ochiq tanlov to‘g‘risida xabarnoma chop etilgan ommaviy axborot vositalarida, shuningdek o‘zining veb-saytida tanlov o‘tkazilgan kundan e’tiboran o‘ttiz kun ichida chop etadi;
ko‘chmas mulk obyektlari va ularga bo‘lgan huquqlar yopiq tanlov o‘tkazish orqali sotilganda uning ishtirokchilarini yopiq tanlov natijalari to‘g‘risida xabardor qiladi;
sotuvchining vakillari hamda savdolar tashkilotchisi xodimlaridan iborat besh kishidan kam bo‘lmagan tarkibda doimiy yoki vaqtinchalik tanlov komissiyasini shakllantiradi. Tanlov komissiyaga sotuvchining vakili boshchilik qiladi;
31. Tanlov komissiyasi o‘z reglamentini mustaqil ravishda tasdiqlaydi. Komissiya qarori komissiyaning jami a’zolari sonining oddiy ko‘pchilik ovozi bilan qabul qilinadi. Ovozlar teng bo‘lganda auksion komissiya raisining ovozi hal qiluvchi hisoblanadi.
Tanlov komissiyasi qarorlari uning yig‘ilishida a’zolarning kamida uchdan ikki qismi ishtirok etganda qonuniy hisoblanadi.
Tanlov komissiyasi talablarning yagonaligini va tanlov natijalari bo‘yicha qabul qilingan qarorlarning xolisligini ta’minlaydi hamda oddiy va aniq, ikki xil talqin qilish mumkin bo‘lmagan tilda tanlov hujjatlarini tasdiqlaydi.
Talabgorlarni tanlov ishtirokchilari deb topish to‘g‘risidagi tanlov komissiyasining qarori bayonnoma bilan rasmiylashtiriladi. Bayonnomada barcha qabul qilingan, chaqirib olingan va rad etilgan buyurtmalarning ro‘yxati keltiriladi, talabgorlarning familiyasi, ismi va otasining ismi (nomi) hamda tegishli asoslantirishlar ko‘rsatiladi.
Oldingi tahrirga qarang.
savdolar tashkilotchisining nomi va pochta manzili, telefoni, telefaks, elektron pochta manzili va veb-sayti (agar mavjud bo‘lsa);
(32-bandning ikkinchi xatboshisi O‘zbekiston Respublikasi Davlat aktivlarini boshqarish agentligi direktorining 2019-yil 14-martdagi 01/10-10/54-sonli buyrug‘i (ro‘yxat raqami 2652-2, 15.04.2019-y.) tahririda — Qonun hujjatlari ma’lumotlari milliy bazasi, 15.04.2019-y., 10/19/2652-2/2940-son)
tanlovga qo‘yilgan ko‘chmas mulk obyektlarining nomi, miqdori, tavsifi hamda ularning joylashgan joyi;
Oldingi tahrirga qarang.
Tanlov o‘tkazish to‘g‘risida xabarnomaga sotuvchi tomonidan qonunchilik hujjatlariga zid bo‘lmagan boshqa shartlar ham kiritilishi mumkin.
(32-bandning o‘n ikkinchi xatboshisi O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
33. Yopiq tanlovni o‘tkazishda sotuvchi oldindan yuridik va jismoniy shaxslarning ro‘yxatini belgilaydi, ularga savdolar tashkilotchisi tanlov takliflari bo‘lgan konvertlar ochilishi belgilangan sanadan kamida o‘ttiz kun oldin yopiq tanlov to‘g‘risida xabarnoma yuboradi. Yopiq tanlov to‘g‘risida xabarnoma ommaviy axborot vositalarida chop etilmaydi hamda tanlovga taklif etilgan yuridik va jismoniy shaxslar o‘rtasida o‘tkaziladi.
34. Tanlovda ishtirok etish uchun talabgor yoki uning vakolatli vakili savdolar tashkilotchisiga tanlov to‘g‘risidagi xabarnomada ko‘rsatilgan muddatda shaxsan yoki aloqa vositalari orqali tanlovda qatnashishga ikki nusxada buyurtmani taqdim qiladi va unga quyidagi hujjatlarni ilova qiladi:
Oldingi tahrirga qarang.
yuridik shaxslar uchun — davlat ro‘yxatidan o‘tkazilganligi to‘g‘risida guvohnoma va qonunchilik hujjatlarida belgilangan tartibda rasmiylashtirilgan ishonchnoma, buyurtmani vakolatli vakil topshirganda uning shaxsini tasdiqlovchi hujjat nusxasi ilova qilingan holda;
(34-bandning ikkinchi xatboshisi O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
Oldingi tahrirga qarang.
jismoniy shaxslar uchun — pasport yoki identifikatsiya ID-kartasi ma’lumotlari, buyurtmani vakolatli vakil topshirganda qonunchilik hujjatlarida belgilangan tartibda rasmiylashtirilgan ishonchnoma yoki qonuniy vakilligini tasdiqlovchi hujjat, uning shaxsini tasdiqlovchi hujjat nusxasi ilova qilingan holda;
(34-bandning uchinchi xatboshisi O‘zbekiston Respublikasi Davlat aktivlarini boshqarish agentligi direktorining 2022-yil 3-iyundagi 01/11-14/18-sonli buyrug‘i (ro‘yxat raqami 2652-3, 17.06.2022-y.) tahririda — Qonunchilik ma’lumotlari milliy bazasi, 17.06.2022-y., 10/22/2652-3/0538-son)
Oldingi tahrirga qarang.
(34-bandning beshinchi xatboshisi O‘zbekiston Respublikasi Davlat aktivlarini boshqarish agentligi direktorining 2019-yil 14-martdagi 01/10-10/54-sonli buyrug‘i (ro‘yxat raqami 2652-2, 15.04.2019-y.) tahririda — Qonun hujjatlari ma’lumotlari milliy bazasi, 15.04.2019-y., 10/19/2652-2/2940-son)
35. Tanlovda ishtirok qilish uchun talabgor zakalat to‘g‘risida shartnoma tuzishi va tanlovda qatnashishga buyurtmalarni topshirishning belgilangan muddatida ko‘chmas mulk obyekti va unga bo‘lgan huquqlarning boshlang‘ich narxining 15 foizidan kam bo‘lmagan miqdorda majburiyatlarni bajarishni ta’minlashning kafolati sifatida zakalat kiritishi shart.
36. Savdolar tashkilotchisi hujjatlar ro‘yxati ko‘rsatilgan buyurtmaning ikkinchi nusxasiga topshirilgan hujjatlar qabul qilinganligi to‘g‘risida sanasi va vaqtini ko‘rsatib belgi qo‘yadi, uni talabgorga yoki vakolatli vakilga topshiradi yoki aloqa vositalari orqali yuboradi. Olingan buyurtmalar tartib raqamlari qo‘yilgan sahifali, ip o‘tkazib tikilgan maxsus jurnalda ro‘yxatdan o‘tkaziladi.
37. Tanlovni o‘tkazish to‘g‘risida xabarnomada ko‘rsatilgan qabul qilish muddati o‘tib ketgandan keyin kelib tushgan yoki mazkur standartning 34-bandida belgilangan talablarga muvofiq bo‘lmagan buyurtmalar savdolar tashkilotchisi tomonidan qabul qilinmaydi. Pochta orqali yuborilgan hujjatlarning kelib tushgan sanasi savdolar tashkilotchisining ro‘yxatga olishi bo‘yicha aniqlanadi.
38. Savdolar tashkilotchisi qabul qilmagan buyurtmalar shu kunning o‘zida ularni talabgorga yoki uning vakolatli vakiliga tilxat orqali topshirish bilan yoki ko‘rsatilgan hujjatlarni pochta bilan (buyurtma xat topshirilganligi haqidagi xabarnoma bilan) yuborish orqali qaytariladi. Bunda kiritilgan zakalat besh bank kuni ichida qaytariladi.
39. Tanlovda ishtirok qilishga savdolar tashkilotchilari tomonidan buyurtmalari qabul qilingan va xabarnomada belgilangan miqdorda zakalatni kiritgan talabgorlarga yo‘l qo‘yiladi.
40. Talabgor o‘zining buyurtmasini konvertlar ochilishi belgilangan sanaga qadar savdolar tashkilotchisini yozma xabardor qilgan holda qaytarib olishi mumkin. Savdolar tashkilotchisi ko‘rsatilgan xabarnomani uning kelib tushgan kuni ro‘yxatga olishi shart. Bu holda talabgordan kelib tushgan zakalat xabarnoma kelib tushgan sanadan boshlab besh bank kunidan kechiktirmagan muddatda qaytarilishi lozim.
41. Ochiq tanlovda ishtirok qilishga buyurtmalarni qabul qilish ochiq tanlov to‘g‘risida xabarnoma chop etilgan kuni boshlanadi va ochiq tanlov to‘g‘risida xabarnomada belgilangan kunda va vaqtda tugaydi.
42. Tanlov o‘tkazish to‘g‘risida xabarnomada belgilangan konvertlarni ochish sanasida birorta ham buyurtma kelib tushmasa yoki faqat bitta buyurtma tushsa, tanlov bo‘lib o‘tmagan deb e’tirof etiladi.
Bunda savdolar tashkilotchisi bu haqda tanlov komissiyasini, sotuvchini va bitta buyurtmani bergan ishtirokchini xabardor qiladi.
Bu holda, agar rieltorlik xizmati ko‘rsatish to‘g‘risida shartnomada boshqacha belgilanmagan bo‘lsa, tanlov komissiyasi tanlovni takroran tashkil qilish va o‘tkazish haqida qaror qabul qiladi.
43. Tanlov takliflari bo‘lgan konvertlarning birinchi ekzemplyarlarini ochishni tanlov komissiyasi amalga oshiradi. Konvertlarning ikkinchi ekzemplyarlari savdolar tashkilotchisida seyfda saqlanadi va tanlov takliflarining mazmuni bo‘yicha nizo kelib chiqqan taqdirda ochiladi.
44. Bitta ishtirokchining tanlov takliflari bo‘lgan konvert ochilmaydi. Bunday konvert ishtirokchiga (uning vakolatli vakiliga) tanlov o‘tkazilgan kundan uch kundan kechiktirmasdan tilxat orqali topshiriladi yoki pochta orqali buyurtma xat bilan yuboriladi.
Tanlov ishtirokchilari va ularning vakolatli vakillari konvertlarni ochishda qatnashish huquqiga ega.
45. Tanlov takliflari bo‘lgan konvertlarni ochishda tanlov komissiyasi tanlovda qatnashishning shartlari va tartibotlariga amal qilinganligini, tanlov hujjatlarida ko‘rsatilgan hujjatlarning mavjudligini tekshiradi.
46. Konvertlarni ochish natijalari bo‘yicha kelib tushgan tanlov takliflari hamda ularning tanlov shartlari va tartibotlariga muvofiqligi ko‘rsatilgan bayonnoma tuziladi.
Bayonnoma tanlov komissiyasining qatnashayotgan a’zolari tomonidan va tanlovda yutib chiqqan shaxs tomonidan imzolanishi kerak.
47. Tanlov takliflarini baholash va tanlov g‘olibini aniqlash tanlov komissiyasi tomonidan baholashning har bir mezoni bo‘yicha ball qo‘yish orqali amalga oshiriladi.
48. Tanlovning turidan qat’i nazar tanlov g‘olibini aniqlash tanlov komissiyasining ochiq yig‘ilishida o‘tkaziladi.
49. Tanlov takliflari tanlov shartlariga eng ko‘p to‘g‘ri keladigan ishtirokchi tanlov g‘olibi deb topiladi.
50. Ikki va undan ortiq tanlov takliflarining tengligida savdolar tashkilotchisi tomonidan taklifi oldinroq ro‘yxatdan o‘tkazilgan ishtirokchi g‘olib deb topiladi.
51. Tanlov natijalari to‘g‘risida qaror qabul qilingan kundan boshlab besh ish kuni ichida savdolar tashkilotchisi tanlov natijalari haqida uning ishtirokchilarini xabardor qiladi.
Oldingi tahrirga qarang.
mazkur standart yoki boshqa qonunchilik hujjatlari talablari buzilganda, tanlov/auksion jarayonini buzadigan auksion/tanlov ishtirokchilari o‘rtasida til biriktirish va boshqa oldindan bilib bo‘lmaydigan holatlar aniqlangan taqdirda auksion/tanlov o‘tkazilishini to‘xtatish hamda auksion/tanlovni takroran o‘tkazish to‘g‘risida qaror qabul qilish;
(52-bandning ikkinchi xatboshisi O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)
tegishli ravishda asoslantirgan holda auksion yoki tanlovni bo‘lmagan deb e’tirof etish hamda auksion yoki tanlovni takroran o‘tkazish to‘g‘risida qaror qabul qilish;
ilgari ochiq tanlov to‘g‘risidagi xabarnoma chop etilgan aynan o‘sha ommaviy axborot vositalarida, shuningdek o‘zining veb-saytida tegishli axborotni chop etgan holda (ilgari yopiq tanlov to‘g‘risidagi xabarnoma yuborilgan yuridik va jismoniy shaxslarga tegishli axborotni yuborgan holda) va ishtirokchilarni, ular mavjud bo‘lganda, yozma ravishda xabardor qilgan holda, xabarnomada belgilangan tanlov o‘tkazish sanasini ikki oydan ortiq bo‘lmagan muddatga kechroqqa ko‘chirish;
ilgari ochiq auksion to‘g‘risidagi xabarnoma chop etilgan aynan o‘sha ommaviy axborot vositalarida, shuningdek o‘zining veb-saytida tegishli axborotni chop etgan holda (ilgari yopiq auksion to‘g‘risidagi xabarnoma yuborilgan yuridik va jismoniy shaxslarga tegishli axborotni yuborgan holda) va ishtirokchilarni, ular mavjud bo‘lganda, yozma ravishda xabardor qilgan holda auksionni o‘tkazish sanasini bir oydan ortiq bo‘lmagan muddatga kechroqqa ko‘chirish;
fors-major holatlarida auksion yoki tanlovni o‘tkazishni bekor qilish hamda bu haqda sotuvchini va ishtirokchilarni tegishli asoslantirishlarni ko‘rsatgan holda xabardor qilish hamda auksion yoki tanlovni o‘tkazishning yangi sanasi va vaqtini belgilash.
53. Auksion yoki tanlov savdolarining natijalari to‘g‘risidagi bayonnoma shartnomasini rasmiylashtirish uchun asos hisoblanadi.
54. Savdo natijalari to‘g‘risidagi imzolangan bayonnomaning nusxalari sotuvchiga va g‘olibga taqdim etiladi.
55. G‘olib bayonnomani yoki oldi-sotdi shartnomasini imzolashdan bosh tortgan yoki rad etgan taqdirda:
auksion komissiyasi tomonidan bayonnomaga tegishli belgi qo‘yiladi va g‘olib tomonidan taklif etilgan narxdan bir bosqich past narxni taklif etgan ishtirokchi bilan oldi-sotdi shartnomasi tuzishni taklif qiladi;
tanlov komissiyasi tomonidan bayonnomaga tegishli belgi qo‘yiladi va taklifi tanlov shartlariga eng ko‘p muvofiq bo‘lgan tanlovning navbatdagi ishtirokchisi bilan oldi-sotdi shartnoma tuzishni taklif qiladi.
Agar ushbu ishtirokchi ham shartnomani imzolashni rad etsa, auksion yoki tanlov komissiyasi savdolar natijalarini bekor qilish to‘g‘risida qaror qabul qiladi. Bunda, agar sotuvchi va savdolar tashkilotchisi o‘rtasida tuzilgan shartnomada boshqacha belgilanmagan bo‘lsa, auksion yoki tanlov komissiyasi auksionni yoki tanlovni takroran tashkil qilish va o‘tkazish haqida qaror qabul qiladi.
56. Auksion yoki tanlov g‘olibi bayonnomani va (yoki) shartnomani imzolashni rad etgan holda u tomonidan to‘langan zakalat summasi qaytarilmaydi.
Oldingi tahrirga qarang.
57. Ko‘chmas mulk obyektlarining va ularga bo‘lgan huquqlarning savdosini tashkil etishda yuzaga keladigan nizolar qonunchilik hujjatlarida belgilangan tartibda ko‘rib chiqiladi.
(57-band O‘zbekiston Respublikasi adliya vazirining 2021-yil 30-noyabrdagi 20-mh-sonli buyrug‘i (ro‘yxat raqami 3338, 30.11.2021-y.) tahririda — Qonunchilik ma’lumotlari milliy bazasi, 30.11.2021-y., 10/21/3338/1117-son)