O‘zbekiston Respublikasi Prezidentining “O‘zbekistonda fermerlik faoliyatini tashkil qilishni yanada takomillashtirish va uni rivojlantirish chora-tadbirlari to‘g‘risida” 2012-yil 22-oktabrdagi PF-4478-son Farmonini bajarish yuzasidan hamda fermer xo‘jaliklarining yer maydonlarini maqbullashtirish jarayonida ularning huquqlari va qonuniy manfaatlariga rioya etilishini ta’minlash, fermer xo‘jaliklarini tugatishda qonunchilik normalariga rioya etish kafolatlarining ishonchli tizimini yaratish maqsadida Vazirlar Mahkamasi qaror qiladi:
1. Fermer xo‘jaligining yer maydonini maqbullashtirish va uni tugatish tartibi to‘g‘risidagi Nizom ilovaga muvofiq tasdiqlansin.
Oldingi tahrirga qarang.
2. Qoraqalpog‘iston Respublikasi Vazirlar Kengashining Raisi, viloyatlar va tumanlar (shaharlar) hokimlari zimmasiga fermer xo‘jaliklarining yer maydonlarini maqbullashtirish qonunchilikka qat’iy rioya qilingan holda amalga oshirilishi yuzasidan shaxsiy javobgarlik yuklansin.
(2-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
3. Mazkur qarorning bajarilishini nazorat qilish O‘zbekiston Respublikasi Vazirlar Mahkamasining Qishloq va suv xo‘jaligi, qishloq xo‘jaligi mahsulotlarini qayta ishlash hamda iste’mol tovarlari masalalari axborot-tahlil departamentiga yuklansin.
1. Ushbu Nizom fermer xo‘jaligining yer maydonini maqbullashtirish va uni tugatish tartibini belgilaydi.
2. Fermer xo‘jaligi davlat mulki bo‘lgan yer maydonini ijara shartnomasi tuzish asosida uzoq muddatli ijaraga berish, fermer tomonidan tegishli majburiyatlar qabul qilish yo‘li bilan tashkil etiladi.
fermer xo‘jaligining yer maydonini maqbullashtirish — er-suv resurslaridan yanada oqilona foydalanish va fermer xo‘jaligining moliyaviy barqarorligini ta’minlash maqsadida uning yer maydoni hajmini o‘zgartirish;
Oldingi tahrirga qarang.
fermer xo‘jaligini tugatish — fermer xo‘jaligini ixtiyoriylik asosida yoki mazkur Nizom va boshqa qonunchilik hujjatlariga muvofiq tugatish;
(3-bandning uchinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
tugatuvchi — fermer xo‘jaligi rahbari yoki iqtisodiy sud tomonidan tayinlanadigan tugatish komissiyasi yoki jismoniy shaxs;
(3-bandning to‘rtinchi xatboshisi O‘zbekiston Respublikasi Vazirlar Mahkamasining 2018-yil 19-yanvardagi 34-sonli qarori tahririda — Qonun hujjatlari ma’lumotlari milliy bazasi, 23.01.2018-y., 09/18/34/0605-son)
Komissiya – yer maydonlarini berish (realizatsiya qilish) masalalarini ko‘rib chiqish bo‘yicha tuman (shahar)) komissiyasi.
4. Fermer xo‘jaligi yer maydonini kamaytirishni nazarda tutgan holda ixtiyoriylik asosida uni maqbullashtirish fermer xo‘jaligi rahbarining tuman (shahar) hokimiga berilgan ariza asosida amalga oshiriladi.
Oldingi tahrirga qarang.
O‘zining yer maydonini kengaytirgan holda uni ixtiyoriylik asosida maqbullashtirishni xohlovchi fermer xo‘jaligi davlat mulki bo‘lgan yer maydonlarini uzoq muddatli ijaraga berish tanlovida qonunchilikda belgilangan tartibda qatnashishi kerak.
(4-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
Tuman (shahar) hokimi ariza tushgandan so‘ng uch kun muddatda hujjatlarni tuman fermer, dehqon xo‘jaliklari va tomorqa yer egalari kengashiga taqdim etadi.
(4-bandning uchinchi xatboshisi O‘zbekiston Respublikasi Vazirlar Mahkamasining 2017-yil 26-dekabrdagi 1021-sonli qarori tahririda — Qonun hujjatlari ma’lumotlari milliy bazasi, 27.12.2017-y., 09/17/1021/0465-son)
Oldingi tahrirga qarang.
Tuman fermer, dehqon xo‘jaliklari va tomorqa yer egalari kengashi besh kun mobaynida arizalarni ko‘rib chiqadi va ularni ko‘rib chiqish natijalari bo‘yicha xulosa chiqaradi.
Tuman fermer, dehqon xo‘jaliklari va tomorqa yer egalari kengashi xulosasi arizalar bilan birgalikda tegishli xulosani olish uchun Komissiyaga yuboriladi.
(4-bandning to‘rtinchi va beshinchi xatboshilari O‘zbekiston Respublikasi Vazirlar Mahkamasining 2017-yil 26-dekabrdagi 1021-sonli qarori tahririda — Qonun hujjatlari ma’lumotlari milliy bazasi, 27.12.2017-y., 09/17/1021/0465-son)
Oldingi tahrirga qarang.
5. Komissiya taqdim etilgan hujjatlar asosida fermer xo‘jaligi yer maydonini ixtiyoriylik asosida maqbullashtirish masalasini bir hafta muddatda ko‘rib chiqadi. Bunda Komissiya fermer xo‘jaligiga birkitilgan yer maydonini yaxlit holda ko‘rib chiqadi.
Oldingi tahrirga qarang.
ko‘rib chiqish natijalari bo‘yicha Komissiya qaror qabul qiladi, ushbu qaror protokol bilan rasmiylashtiriladi va barcha hujjatlar, shu jumladan tuman fermer, dehqon xo‘jaliklari va tomorqa yer egalari kengashining qarori bilan birgalikda ko‘rib chiqish uchun xalq deputatlari tuman Kengashiga yuboriladi.
(5-bandning ikkinchi xatboshisi O‘zbekiston Respublikasi Vazirlar Mahkamasining 2017-yil 26-dekabrdagi 1021-sonli qarori tahririda — Qonun hujjatlari ma’lumotlari milliy bazasi, 27.12.2017-y., 09/17/1021/0465-son)
Xalq deputatlari tuman Kengashi eng yaqindagi sessiyada Komissiya tomonidan taqdim etilgan hujjatlarni ko‘rib chiqadi va tegishli qaror qabul qiladi. Ushbu qaror tuman (shahar) hokimiga yuboriladi.
(5-band O‘zbekiston Respublikasi Vazirlar Mahkamasining 2016-yil 10-fevraldagi 34-sonli qarori tahririda — O‘R QHT, 2016-y., 6-son, 57-modda)
Oldingi tahrirga qarang.
6. Tuman (shahar) hokimi xalq deputatlari tuman Kengashining ijobiy qarori asosida bir hafta muddatda ixtiyoriylik asosida fermer xo‘jaligi yer maydonini maqbullashtirish to‘g‘risida qaror qabul qiladi. Bunda bo‘shab qolgan yer maydoni olib qo‘yiladi va kelgusida qonunchilikda belgilangan tartibda talabgorlarga tanlov asosida beriladi.
(6-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
7. Ixtiyoriylik asosida amalga oshirilgan maqbullashtirishdan so‘ng fermer xo‘jaligida qolgan yer maydoni “Fermer xo‘jaligi to‘g‘risida”gi O‘zbekiston Respublikasi Qonunida nazarda tutilgan minimal miqdordan kam bo‘lmasligi kerak, dehqonchilik mahsuloti yetishtirishga ixtisoslashtirilgan fermer xo‘jaligi uchun ijaraga beriladigan yer maydonining eng kam o‘lchami paxtachilik va g‘allachilik uchun — kamida 30 gektar, bog‘dorchilik, uzumchilik, sabzavotchilik va boshqa ekinlar yetishtirish uchun — kamida 5 gektar bo‘ladi. Fermer xo‘jaligi yer maydonini maqbullashtirishda yer maydoni konturlarining yaxlitligi buzilishiga yo‘l qo‘yilmaydi.
8. Tuman (shahar) hokimining ixtiyoriylik asosida fermer xo‘jaligi yer maydonini maqbullashtirish to‘g‘risidagi qarori yer maydonlarini berish (realizatsiya qilish) masalalarini ko‘rib chiqish bo‘yicha viloyat (Qoraqalpog‘iston Respublikasi) komissiyasiga ko‘rib chiqish uchun yuboriladi, Komissiya o‘n kun mobaynida tuman (shahar) hokimining qarorini tasdiqlaydi yoki uni rad etish to‘g‘risida asoslangan qaror chiqaradi.
9. Tuman (shahar) hokimining fermer xo‘jaligi yer maydonini maqbullashtirish to‘g‘risidagi qarori yer maydonlarini berish (realizatsiya qilish) masalalarini ko‘rib chiqish bo‘yicha viloyat (Qoraqalpog‘iston Respublikasi) komissiyasi tomonidan tasdiqlangandan so‘ng, tuman (shahar) hokimi va fermer xo‘jaligi rahbari o‘rtasida tuzilgan yer maydonini uzoq muddatli ijaraga berish shartnomasiga o‘zgartirishlar belgilangan tartibda rasmiylashtiriladi.
10. Ixtiyoriylik asosida fermer xo‘jaligi yer maydonini maqbullashtirish ushbu Nizomning 1-ilovasiga muvofiq sxema bo‘yicha amalga oshiriladi.
11. Fermer xo‘jaligini ixtiyoriylik asosida tugatish O‘zbekiston Respublikasi Prezidentining “Tadbirkorlik subyektlarini ixtiyoriy tugatish va ularning faoliyatini to‘xtatish tartibini takomillashtirish to‘g‘risida” 2007-yil 27-apreldagi PQ-630-son qaroriga muvofiq amalga oshiriladi.
12. Fermer xo‘jaligi tomonidan shartnoma intizomi buzilishining hamda xo‘jalik faoliyati samarasiz yuritilishining aniqlangan holatlari asosida fermer xo‘jaligi yer maydonini maqbullashtirish mahalliy davlat hokimiyati organlari tashabbusi bilan amalga oshiriladi.
Oldingi tahrirga qarang.
121. O‘zbekiston Respublikasi Prezidentining “Qishloq xo‘jaligida yer va suv resurslaridan samarali foydalanish chora-tadbirlari to‘g‘risida” 2019-yil 17-iyundagi PF-5742-son Farmoni bilan tasdiqlangan Qishloq xo‘jaligida yer va suv resurslaridan samarali foydalanish konsepsiyasini amalga oshirish doirasida yer maydonlarini foydalanishga kiritishda mazkur yer maydonlari maqbullashtirilmaydi.
(121-band O‘zbekiston Respublikasi Vazirlar Mahkamasining 2019-yil 20-dekabrdagi 1024-sonli qaroriga asosan kiritilgan — Qonun hujjatlari ma’lumotlari milliy bazasi, 21.12.2019-y., 09/19/1024/4183-son)
Oldingi tahrirga qarang.
13. Yer maydonini uzoq muddatli ijaraga olish shartnomasini bekor qilish va fermer xo‘jaligini tugatish qonunchilikda belgilangan tartibda, mahalliy davlat hokimiyati organlari (tuman (shahar) hokimi) tomonidan taqdim etiladigan da’volar asosida, iqtisodiy sud qaroriga binoan amalga oshiriladi.
(13-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
14. Fermer tomonidan o‘z zimmasiga olingan shartnoma majburiyatlari bajarilishining chuqur tahlili natijasida quyidagi holatlarning aniqlanishi:
Oldingi tahrirga qarang.
a) yer maydonini ijaraga olish shartnomasi shartlarining qo‘pol ravishda buzilganligi, eng avvalo, fermer xo‘jaligiga ijaraga berilgan qishloq xo‘jaligi ekin maydonlaridan boshqa maqsadlarda foydalanilganligi — yer resurslari va davlat kadastri, qishloq xo‘jaligi organlari hamda tuman fermer, dehqon xo‘jaliklari va tomorqa yer egalari kengashi tomonidan;
b) fermer xo‘jaligini shakllantirish chog‘ida fermer xo‘jaligi ixtisoslashuvining buzilganligi — yer resurslari va davlat kadastri, qishloq xo‘jaligi organlari hamda tuman fermer, dehqon xo‘jaliklari va tomorqa yer egalari kengashi tomonidan;
v) ijaraga berilgan qishloq xo‘jaligi ekin maydonlaridan oqilona foydalanmaslik, muntazam (ketma-ket uch yil mobaynida) normativ kadastr bahosidan past hosil olinganligi — qishloq xo‘jaligi, yer resurslari va davlat kadastri organlari hamda tuman fermer, dehqon xo‘jaliklari va tomorqa yer egalari kengashi tomonidan;
g) fermer xo‘jaligi bilan tayyorlov tashkilotlari o‘rtasida, eng avvalo, davlat ehtiyojlari uchun qishloq xo‘jaligi mahsulotlarini xarid qilish bo‘yicha tuzilgan kontraktatsiya shartnomalari shartlarining muntazam (ketma-ket uch yil mobaynida) bajarilmaganligi (fors-major holatlarining vujudga kelishi holatlari bundan mustasno) — qishloq xo‘jaligi organlari, tuman fermer, dehqon xo‘jaliklari va tomorqa yer egalari kengashi, shuningdek tayyorlov tashkilotlari tomonidan;
d) xo‘jalik faoliyatining samarasiz va past rentabellik bilan yuritilishi — qishloq xo‘jaligi organlari, davlat soliq xizmati organlari, shuningdek tuman fermer, dehqon xo‘jaliklari va tomorqa yer egalari kengashi tomonidan fermer xo‘jaligi yer maydonini maqbullashtirish va uni tugatish bilan bog‘liq masalalar bo‘yicha da’vo arizalarini qo‘zg‘atish va iqtisodiy sudga berish uchun asos hisoblanadi.
(14-bandning “a”, “b”, “v”, “g” va “d” kichik bandlari O‘zbekiston Respublikasi Vazirlar Mahkamasining 2018-yil 7-dekabrdagi 995-sonli qarori tahririda — Qonun hujjatlari ma’lumotlari milliy bazasi, 10.12.2018-y., 09/18/995/2287-son)
15. Aniqlangan holatlar yuzasidan dalolatnoma tuziladi, unga yo‘l qo‘yilgan qonun buzilishlari holatini tasdiqlovchi zarur hujjatlar va materiallar ilova qilinadi, dalolatnoma mazkur Nizomning 14-bandida ko‘rsatilgan organlar (tashkilotlar) vakillari va fermer xo‘jaligi rahbari tomonidan imzolanadi.
Oldingi tahrirga qarang.
16. Fermer xo‘jaligi rahbari dalolatnomani imzolashdan bosh tortgan taqdirda, dalolatnomada bu to‘g‘rida yozuv qayd qilinadi, u tuman fermer, dehqon xo‘jaliklari va tomorqa yer egalari kengashi raisi hamda ikki nafar jismoniy shaxs tomonidan tasdiqlanadi. Dalolatnoma ikki nusxada tuziladi, ulardan biri fermer xo‘jaligi rahbariga topshiriladi.
(16-band O‘zbekiston Respublikasi Vazirlar Mahkamasining 2017-yil 26-dekabrdagi 1021-sonli qarori tahririda — Qonun hujjatlari ma’lumotlari milliy bazasi, 27.12.2017-y., 09/17/1021/0465-son)
Oldingi tahrirga qarang.
17. Dalolatnoma asosida mazkur Nizomning 14-bandida ko‘rsatilgan organlar (tashkilotlar) bir kun mobaynida tegishli taqdimnomani dalolatnoma, shuningdek zarur hujjatlar va materiallar bilan birga tuman (shahar) hokimiga yuboradilar.
(17-band O‘zbekiston Respublikasi Vazirlar Mahkamasining 2016-yil 10-fevraldagi 34-sonli qarori tahririda — O‘R QHT, 2016-y., 6-son, 57-modda)
Oldingi tahrirga qarang.
18. Tuman (shahar) hokimi uch kun muddatda barcha hujjatlar va materiallarni tuman fermer, dehqon xo‘jaliklari va tomorqa yer egalari kengashiga yuboradi.
Tuman fermer, dehqon xo‘jaliklari va tomorqa yer egalari kengashi ikki kun mobaynida hujjatlar va materiallarni ko‘rib chiqadi va ularni ko‘rib chiqish natijalari bo‘yicha xulosa chiqaradi.
Tuman fermer, dehqon xo‘jaliklari va tomorqa yer egalari kengashining xulosasi hujjatlar va materiallar bilan birgalikda tegishli xulosani olish uchun Komissiyaga yuboriladi.
(18-band O‘zbekiston Respublikasi Vazirlar Mahkamasining 2017-yil 26-dekabrdagi 1021-sonli qarori tahririda — Qonun hujjatlari ma’lumotlari milliy bazasi, 27.12.2017-y., 09/17/1021/0465-son)
Oldingi tahrirga qarang.
19. Dalolatnomada ko‘rsatilgan holatlar tasdig‘ini topmagan va (yoki) asoslanmaganligi aniqlangan taqdirda, Komissiya mazkur Nizomning 14-bandida ko‘rsatilgan organlar (tashkilotlar)ning taqdimnomasini qaytarish to‘g‘risida qaror qabul qilib, tuman (shahar) hokimiga va ko‘rsatilgan organlar (tashkilotlar)ga bildirishnoma yuboradi va kiritilgan hujjatlarni qaytaradi.
(19-band O‘zbekiston Respublikasi Vazirlar Mahkamasining 2016-yil 10-fevraldagi 34-sonli qarori tahririda — O‘R QHT, 2016-y., 6-son, 57-modda)
Oldingi tahrirga qarang.
20. Dalolatnomada ko‘rsatilgan holatlar tasdig‘ini topgan taqdirda, Komissiya bir hafta muddatda taqdim etilgan hujjatlar va materiallarni tahlil qilish asosida yer uchastkasini ijaraga berish shartnomasini bekor qilish to‘g‘risida yoxud uning maydonini maqbullashtirish to‘g‘risida xulosa tayyorlaydi, ushbu xulosa barcha hujjatlar bilan birgalikda ko‘rib chiqish uchun xalq deputatlari tuman Kengashiga yuboriladi.
Xalq deputatlari tuman Kengashi eng yaqindagi sessiyada Komissiya tomonidan taqdim etilgan hujjatlarni ko‘rib chiqadi va tegishli qaror qabul qiladi, ushbu qaror Komissiya tomonidan taqdim etilgan hujjatlar bilan birgalikda tuman (shahar) hokimiga yuboriladi.
(20-band O‘zbekiston Respublikasi Vazirlar Mahkamasining 2016-yil 10-fevraldagi 34-sonli qarori tahririda — O‘R QHT, 2016-y., 6-son, 57-modda)
Oldingi tahrirga qarang.
Oldingi tahrirga qarang.
21. Tuman (shahar) hokimi xalq deputatlari tuman Kengashining yer uchastkasini ijaraga berish shartnomasini bekor qilish yoxud yer maydonini maqbullashtirish to‘g‘risidagi qarori asosida, qonunchilikda belgilangan tartibda, xalq deputatlari tuman Kengashining qarorini, Komissiyaning xulosasini, tuman fermer, dehqon xo‘jaliklari va tomorqa yer egalari kengashining xulosasini, dalolatnomani va boshqa zarur hujjatlar hamda materiallarni ilova qilgan holda fermer xo‘jaligi rahbari bilan yer uchastkasini ijaraga berish shartnomasini bekor qilish yoxud uning yer uchastkasi maydonini maqbullashtirish to‘g‘risida fermer xo‘jaligi rahbariga taklif kiritadi.
(21-bandning birinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
Shartnomani bekor qilish to‘g‘risidagi taklif fermer xo‘jaligi rahbari tomonidan rad etilganda yoki O‘zbekiston Respublikasi Fuqarolik kodeksining 384-moddasida belgilangan muddatda javob olinmaganda tuman (shahar) hokimi, qonunchilikda belgilangan tartibda, xalq deputatlari tuman Kengashining qarorini, Komissiyaning xulosasini, tuman fermer, dehqon xo‘jaliklari va tomorqa yer egalari kengashining xulosasini dalolatnomani va boshqa zarur hujjatlar va materiallarni ilova qilgan holda fermer xo‘jaligi bilan yer uchastkasini ijaraga berish shartnomasini bekor qilish yuzasidan iqtisodiy sudga da’vo arizasini yuboradi.
(21-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
22. Ijara shartnomasini bekor qilish yuzasidan da’vo arizasi qondirilishi iqtisodiy sud tomonidan rad etilgan taqdirda tuman (shahar) hokimi ushbu Nizomning 14-bandida ko‘rsatilgan organlar (tashkilotlar)ning taqdimnomasini rad etish to‘g‘risida qaror qabul qiladi hamda xalq deputatlari tuman Kengashiga, tuman fermer, dehqon xo‘jaliklari va tomorqa yer egalari kengashiga, Komissiyaga va tegishli organlarga (tashkilotlarga) bildirishnoma yuboradi va kiritilgan materiallarni qaytaradi.
(22-band O‘zbekiston Respublikasi Vazirlar Mahkamasining 2018-yil 19-yanvardagi 34-sonli qarori tahririda — Qonun hujjatlari ma’lumotlari milliy bazasi, 23.01.2018-y., 09/18/34/0605-son)
23. Da’vo arizasi sud tomonidan qoniqtirilgan taqdirda sud qarori qonuniy kuchga kirgan kundan boshlab tuman (shahar) hokimi bir hafta muddatda fermer xo‘jaligi yer maydonini zaxiraga olib qo‘yish va fermer xo‘jaligini tugatish to‘g‘risida qaror qabul qiladi, qarorga muvofiq fermer xo‘jaligi ishlarini boshqarish yuzasidan barcha vakolatlar tugatish komissiyasiga o‘tadi.
Oldingi tahrirga qarang.
Tugatilgan fermer xo‘jaligining yer maydoni olib qo‘yiladi va keyinchalik qonunchilikda belgilangan tartibda boshqa talabgorlarga tanlov asosida beriladi.
(23-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
24. Fermer xo‘jaligini tugatishda mulk huquqi bilan unga qarashli bo‘lgan imoratlar, inshootlar yoki ekinlar joylashgan yer maydonini olib qo‘yishga faqat qonunchilikda belgilangan hollarda va tartibda yo‘l qo‘yiladi.
(24-bandning birinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
Tuman (shahar) hokimining qarori asosida mulkdorga olib qo‘yilgan mol-mulkka teng qiymatli mol-mulk berish va uning ko‘rgan zararlarini qoplash, yer uchastkasida sarflangan xarajatlar yoki mulk huquqi bekor qilinishi tufayli yetkazilgan zararning o‘rnini to‘liq hajmda qoplash tegishli yer maydonini uni uzoq muddatli ijaraga berish tanlovi natijalari asosida olgan fermer xo‘jaligi, boshqa qishloq xo‘jaligi tashkiloti tomonidan amalga oshiriladi. Bunda tuman (shahar) hokimining yer maydonini uzoq muddatli ijaraga berish haqidagi qarori yetkazilgan zarar summasi yoki yer uchastkasida sarflangan xarajatlar qiymati tegishli qishloq xo‘jaligi tashkilotining bankdagi hisobvarag‘ida ko‘ringandan yoki qishloq xo‘jaligi tashkilotiga boshqa shaklda to‘liq qoplab berilgandan so‘ng qabul qilinadi.
(24-bandning ikkinchi xatboshisi O‘zbekiston Respublikasi Vazirlar Mahkamasining 2020-yil 24-avgustdagi 501-sonli qarori tahririda — Qonun hujjatlari ma’lumotlari milliy bazasi, 25.08.2020-y., 09/20/501/1205-son)
25. Fermer xo‘jaligi tomonidan shartnoma intizomining buzilishi va xo‘jalik faoliyatining samarasiz yuritilishi aniqlangan holatlar asosida fermer xo‘jaligi yer maydonini maqbullashtirish va uni tugatish ushbu Nizomning 2-ilovasiga muvofiq sxema bo‘yicha amalga oshiriladi.
Oldingi tahrirga qarang.
26. Tugatilayotgan fermer xo‘jaligining qarzlarini to‘lash qonunchilikda belgilangan tartibda amalga oshiriladi.
(26-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
27. Fermer xo‘jaligi ixtiyoriylik asosida tugatilganda uning qarzlarini to‘lash tugatuvchi tomonidan O‘zbekiston Respublikasi Prezidentining “Tadbirkorlik subyektlarini ixtiyoriy tugatish va ularning faoliyatini to‘xtatish tartibini takomillashtirish to‘g‘risida” 2007-yil 27-apreldagi PQ-630-son qarori bilan tasdiqlangan Tadbirkorlik subyektlarini ixtiyoriy tugatish va ularning faoliyatini to‘xtatish tartibi to‘g‘risidagi Nizomga muvofiq amalga oshiriladi.
Oldingi tahrirga qarang.
28. Kreditorlarning talablarini to‘liq qondirishning imkoni yo‘qligi aniqlangan taqdirda, tugatuvchi fermer xo‘jaligini bankrot deb topish to‘g‘risidagi ariza bilan iqtisodiy sudga murojaat qilishi shart. Fermer xo‘jaligi bankrot deb topilgan vaqtdan boshlab ixtiyoriy tugatish to‘xtatiladi va bundan keyingi tartibot to‘lovga qobiliyatsizlik to‘g‘risidagi qonunchilikka muvofiq amalga oshiriladi.
(28-band O‘zbekiston Respublikasi Vazirlar Mahkamasining 2023-yil 21-iyuldagi 304-sonli qarori tahririda — Qonunchilik ma’lumotlari milliy bazasi, 22.07.2023-y., 09/23/304/0510-son)
Oldingi tahrirga qarang.
29. Tugatilayotgan fermer xo‘jaligining mablag‘lari va mol-mulki yetarli bo‘lmagan taqdirda, uning budjetga va budjetdan tashqari jamg‘armalarga majburiy to‘lovlar bo‘yicha to‘lanmagan qarzlari davlat soliq xizmati organlari tomonidan umidsiz soliq qarzlarini hisobdan chiqarish uchun belgilangan tartibda hisobdan chiqariladi.
(29-band O‘zbekiston Respublikasi Vazirlar Mahkamasining 2015-yil 2-martdagi 40-sonli qarori tahririda — O‘R QHT, 2015-y., 9-son, 100-modda)
30. Qonunchilikda nazarda tutilgan hollarda, soliqlar va majburiy to‘lovlar bo‘yicha to‘lanmagan qarzlarning paydo bo‘lishiga yo‘l qo‘ygan tugatilayotgan fermer xo‘jaligining mansabdor shaxslariga nisbatan materiallar davlat soliq xizmati organlari va budjetdan tashqari jamg‘armalar tomonidan aybdor shaxslarni qonunda belgilangan javobgarlikka tortish va davlatga yetkazilgan moddiy zararni qoplash uchun huquqni muhofaza qilish organlariga beriladi.
Oldingi tahrirga qarang.
31. Ushbu Nizomda tartibga solinmagan masalalar, shuningdek uni qo‘llashda yuzaga keladigan kelishmovchiliklar qonunchilikda belgilangan tartibda hal etiladi.
(31-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
32. Mazkur Nizom talablari buzilishida aybdor bo‘lgan shaxslar qonunchilikda belgilangan tartibda javob beradilar.
(32-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Oldingi tahrirga qarang.
Fermer xo‘jaligining yer maydonini maqbullashtirish va uni tugatish tartibi to‘g‘risidagi nizomga
1-ILOVA
1-ILOVA
(1-ilova O‘zbekiston Respublikasi Vazirlar Mahkamasining 2016-yil 10-fevraldagi 34-sonli qarori tahririda — O‘R QHT, 2016-y., 6-son, 57-modda)
Oldingi tahrirga qarang.
Fermer xo‘jaligining yer maydonini maqbullashtirish va uni tugatish tartibi to‘g‘risidagi Nizomga
2-ILOVA
2-ILOVA
Oldingi tahrirga qarang.
(2-ilova O‘zbekiston Respublikasi Vazirlar Mahkamasining 2018-yil 19-yanvardagi 34-sonli qarori tahririda — Qonun hujjatlari ma’lumotlari milliy bazasi, 23.01.2018-y., 09/18/34/0605-son)