O‘zbekiston Respublikasi Prezidentining “O‘zbekiston Respublikasining Tiklanish va taraqqiyot jamg‘armasi faoliyatini tashkil qilish chora-tadbirlari to‘g‘risida” 2006-yil 16-maydagi PQ–350-son hamda “O‘zbekiston elektr energetika, neft va gazni qayta ishlash, kimyo va og‘ir sanoat davlat loyiha institutini tashkil qilish to‘g‘risida” 2006-yil 13-iyundagi PQ–377-son qarorlariga muvofiq Vazirlar Mahkamasi qaror qiladi:

1. Vazirlar Mahkamasining 2005-yil 15-noyabrdagi 251-son qarori (O‘zbekiston Respublikasi QT, 2005-y., 11-son, 61-modda) bilan tasdiqlangan Investitsiya loyihalari hujjatlarini ishlab chiqish, ekspertizadan o‘tkazish va tasdiqlash tartibi to‘g‘risidagi nizomga ilovaga muvofiq o‘zgartirish va qo‘shimchalar kiritilsin.

2. O‘zbekiston Respublikasi Adliya vazirligi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi, “Davarxitektqurilish” davlat qo‘mitasi va boshqa manfaatdor vazirliklar va idoralar bilan birgalikda bir oy muddatda idoraviy normativ hujjatlarga mazkur qarordan kelib chiqadigan o‘zgartirish va qo‘shimchalar kiritilishini ta’minlasin.

3. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.

1. 6-bandda:

“a” kichik bandga quyidagi mazmundagi uchinchi xatboshi qo‘shilsin:

“ushbu Nizomning 8-bandiga muvofiq O‘zbekiston Respublikasi Tiklanish va taraqqiyot jamg‘armasi mablag‘lari hisobiga moliyalashtiriladigan (qo‘shimcha moliyalashtiriladigan) investitsiya loyihalari uchun — loyiha tashabbuskori taqdimnomasi va O‘zbekiston Respublikasi Iqtisodiyot vazirligi, Moliya vazirligi va “Davarxitektqurilish” qo‘mitasi bilan kelishgan holda”;

uchinchi va to‘rtinchi xatboshi tegishli ravishda to‘rtinchi va beshinchi xatboshi hisoblansin.

2. 8-bandga quyidagi mazmundagi xatboshi qo‘shilsin:

“O‘zbekiston Respublikasi Tiklanish va taraqqiyot jamg‘armasi mablag‘lari hisobiga moliyalashtiriladigan (qo‘shimcha moliyalashtiriladigan) loyihani amalga oshirish variantini, shuningdek loyiha bo‘yicha loyiha hujjatlari tarkibini tanlash ushbu bandning “a” va “b” kichik bandlariga muvofiq davlat budjeti mablag‘lari hisobiga moliyalashtiriladigan loyihalarga o‘xshash tartibda amalga oshiriladi”.

3. 12-bandga quyidagi mazmundagi xatboshi qo‘shilsin:

“O‘zbekiston Respublikasi Tiklanish va taraqqiyot jamg‘armasi mablag‘lari hisobiga moliyalashtirish (qo‘shimcha moliyalashtirish) tavsiya etilayotgan investitsiya loyihasining DTIA (DTIH) “O‘zog‘irneftgazkimyoloyiha” instituti tomonidan ishlab chiqiladi yoki uning bilan qonun hujjatlarida belgilangan tartibda kelishiladi”.

4. 13-bandda:

birinchi xatboshidagi “a” kichik bandi” so‘zlari “a” va “b” kichik bandlari” so‘zlari bilan almashtirilsin;

bandga quyidagi mazmundagi xatboshi qo‘shilsin:

“O‘zog‘irneftgazkimyoloyiha” instituti tomonidan ishlab chiqiladigan yoki uning bilan kelishiladigan, O‘zbekiston Respublikasi Tiklanish va taraqqiyot jamg‘armasi mablag‘lari hisobiga moliyalashtirish (qo‘shimcha moliyalashtirish) tavsiya etilayotgan investitsiya loyihalarining DTIA (DTIH) vakolatli ekspertiza organlariga faqat “O‘zog‘irneftgazkimyoloyiha” instituti Ilmiy-texnika kengashi va Iqtisodiyot vazirligining ularni amalga oshirishning ustuvorligi va O‘zbekiston Respublikasi Tiklanish va taraqqiyot jamg‘armasi mablag‘lari hisobiga moliyalashtirish (qo‘shimcha moliyalashtirish)ning maqsadga muvofiqligi yuzasidan, shuningdek mazkur Nizom 14-bandining “a” kichik bandida ko‘rsatilgan masalalar bo‘yicha ijobiy xulosasidan keyin ekspertizadan o‘tkazish uchun kiritiladi”.

5. 14-bandda:

“b” kichik bandning birinchi xatboshidagi “Talab etiladigan asbob-uskunalar (texnologik liniya)ning to‘liq va batafsil ro‘yxati tashabbuskor tomonidan taqdim etilishi mumkin bo‘lmagan favqulodda hollarda” so‘zlari “Talab etiladigan asbob-uskunalar (texnologik liniya)ning, shu jumladan yakka tartibda tayyorlanadigan asbob-uskunalar (texnologik liniya)ning to‘liq va batafsil ro‘yxati tashabbuskor tomonidan taqdim etilishi mumkin bo‘lmagan hollarda” so‘zlari bilan almashtirilsin”.

bandga quyidagi mazmundagi xatboshi qo‘shilsin:

“O‘zbekiston Respublikasi Tiklanish va taraqqiyot jamg‘armasi mablag‘lari hisobiga moliyalashtirish (qo‘shimcha moliyalashtirish) tavsiya etilayotgan, “O‘zog‘irneftgazkimyoloyiha” instituti Ilmiy-texnika kengashi va Iqtisodiyot vazirligi tomonidan ko‘rib chiqilgan investitsiya loyihalarining DTIA (DTIH) birinchi bosqichda Iqtisodiyot vazirligida ekspertizadan o‘tkazilmaydi”.

6. Nizomga quyidagi mazmundagi 15-1-band qo‘shilsin:

“15-1. Vakolatli ekspertiza organlarining ijobiy xulosalari mavjud bo‘lgan taqdirda O‘zbekiston Respublikasi Tiklanish va taraqqiyot jamg‘armasining ijro etuvchi direksiyasi ko‘rsatib o‘tilgan Jamg‘arma mablag‘lari hisobiga moliyalashtirish (qo‘shimcha moliyalashtirish) tavsiya etilayotgan investitsiya loyihasining DTIA (DTIH) taqdim etilgan vaqtdan boshlab ikki hafta muddatda loyiha tashabbuskoriga va Iqtisodiyot vazirligiga ko‘rsatib o‘tilgan Jamg‘armani boshqarish bo‘yicha Kengash tomonidan tasdiqlanadigan Investitsiya loyihalarini O‘zbekiston Respublikasi Tiklanish va taraqqiyot jamg‘armasi mablag‘lari hisobiga moliyalashtirish (qo‘shimcha moliyalashtirish) mezonlari va tartibi to‘g‘risidagi nizomga muvofiq Direksiyaning vakolatlariga kiritilgan masalalar bo‘yicha ekspert xulosasi taqdim etadi.

O‘zbekiston Respublikasi Tiklanish va taraqqiyot jamg‘armasi ijro etuvchi direksiyasining ijobiy xulosasi mavjud bo‘lgan taqdirda Iqtisodiyot vazirligi loyihaning DTIA (DTIH)ni loyihani amalga oshirishning ko‘rsatib o‘tilgan Jamg‘arma mablag‘lari hisobiga moliyalashtirish (qo‘shimcha moliyalashtirish)ning maqsadga muvofiqligi yuzasidan ko‘rib chiqish uchun O‘zbekiston Respublikasi Tiklanish va taraqqiyot jamg‘armasini boshqarish bo‘yicha Kengashning navbatdagi yig‘ilishiga kiritadi”.

7. 16-banddagi birinchi xatboshi quyidagi mazmundagi birinchi—uchinchi xatboshi bilan almashtirilsin:

“16. Loyiha tashabbuskori:

investitsiya loyihalari bo‘yicha, O‘zbekiston Respublikasi Tiklanish va taraqqiyot jamg‘armasi mablag‘lari hisobiga moliyalashtirish (qo‘shimcha moliyalashtirish) tavsiya etilayotgan loyihalar bundan mustasno, — vakolatli ekspertiza organlarining ijobiy xulosalari mavjud bo‘lgan taqdirda;

O‘zbekiston Respublikasi Tiklanish va taraqqiyot jamg‘armasi mablag‘lari hisobiga moliyalashtirish (qo‘shimcha moliyalashtirish) tavsiya etilayotgan loyihalar bo‘yicha vakolatli ekspertiza organlarining ijobiy xulosalari, shuningdek ko‘rsatib o‘tilgan Jamg‘armani boshqarish bo‘yicha Kengashning ijobiy qarori mavjud bo‘lgan taqdirda Vazirlar Mahkamasining tegishli axborot-tahlil departamentiga ikki nusxada loyihaning DTIA (DTIH)ni va uni amalga oshirish to‘g‘risidagi Hukumat qarori loyihasini kiritadi;

ikkinchi xatboshi to‘rtinchi xatboshi hisoblansin.

8. 21-bandga quyidagi mazmundagi ikkinchi xatboshi qo‘shilsin:

“O‘zbekiston Respublikasi Tiklanish va taraqqiyot jamg‘armasi mablag‘lari hisobiga moliyalashtirish (qo‘shimcha moliyalashtirish) tavsiya etilayotgan investitsiya loyihasining TIA (TIH) mazkur bandning birinchi xat boshida ko‘rsatib o‘tilgan hujjatlar, shuningdek tanlov savdolari g‘olibi bilan belgilangan tartibda har beti imzolangan kontrakt asosida qonun hujjatlarida belgilangan tartibda “O‘zog‘irneftgazkimyoloyiha” instituti tomonidan ishlab chiqiladi yoki uning bilan qonun hujjatlarida belgilangan tartibda kelishiladi”.

9. 22-band quyidagi tahrirda bayon qilinsin:

“22. Loyihaning TIA (TIH)ni ekspertizadan o‘tkazish u taqdim etilgan vaqtdan boshlab ikki hafta muddatda, ayni bir vaqtda O‘zbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi, “Davarxitektqurilish” qo‘mitasi va vakolatli bank tomonidan, ushbu Nizomning 13, 14 va 15-bandlarida ko‘rsatilgan vakolatli ekspertiza organlaridan har birining vakolati doirasida amalga oshiriladi.

Loyiha tashabbuskoriga O‘zbekiston Respublikasi Tiklanish va taraqqiyot jamg‘armasi mablag‘lari hisobiga moliyalashtirish (qo‘shimcha moliyalashtirish) tavsiya etilayotgan investitsiya loyihasi bo‘yicha ijobiy xulosa taqdim etilgan taqdirda vakolatli bank kredit olish uchun buyurtmanoma tayyorlaydi va ko‘rib chiqish uchun ko‘rsatib o‘tilgan Jamg‘arma ijro etuvchi direksiyasiga kiritadi”.

10. 21-bandga quyidagi mazmundagi 22-1 va 22-2-bandlar qo‘shilsin:

“22-1. Vakolatli ekspertiza organlari xulosalari mavjud bo‘lgan taqdirda O‘zbekiston Respublikasi Tiklanish va taraqqiyot jamg‘armasi mablag‘lari hisobiga moliyalashtirish (qo‘shimcha moliyalashtirish) tavsiya etilayotgan loyihaning TIA (TIH) loyiha tashabbuskori tomonidan O‘zbekiston Respublikasi Tiklanish va taraqqiyot jamg‘armasining ijro etuvchi direksiyasiga kiritiladi”.

TIA (TIH) taqdim etilgan vaqtdan boshlab ikki hafta muddatda O‘zbekiston Respublikasi Tiklanish va taraqqiyot jamg‘armasining ijro etuvchi direksiyasi loyiha tashabbuskoriga va Iqtisodiyot vazirligiga ko‘rsatib o‘tilgan Jamg‘armani boshqarish bo‘yicha Kengash tomonidan tasdiqlanadigan Investitsiya loyihalarini O‘zbekiston Respublikasi Tiklanish va taraqqiyot jamg‘armasi mablag‘lari hisobiga moliyalashtirish (qo‘shimcha moliyalashtirish) mezonlari va tartibi to‘g‘risidagi nizomga muvofiq Direksiyaning vakolatlariga kiritilgan masalalar bo‘yicha ekspert xulosasi taqdim etadi.

O‘zbekiston Respublikasi Tiklanish va taraqqiyot jamg‘armasi ijro etuvchi direksiyasining ijobiy xulosasi mavjud bo‘lgan taqdirda Iqtisodiyot vazirligi loyihaning TIA (TIH)ni loyihani amalga oshirishning ko‘rsatib o‘tilgan Jamg‘arma mablag‘lari hisobiga moliyalashtirish (qo‘shimcha moliyalashtirish)ning maqsadga muvofiqligi yuzasidan ko‘rib chiqish uchun O‘zbekiston Respublikasi Tiklanish va taraqqiyot jamg‘armasini boshqarish bo‘yicha Kengashning navbatdagi yig‘ilishiga kiritadi.

22-2. Loyiha tashabbuskori:

investitsiya loyihalari bo‘yicha, O‘zbekiston Respublikasi Tiklanish va taraqqiyot jamg‘armasi mablag‘lari hisobiga moliyalashtirish (qo‘shimcha moliyalashtirish) tavsiya etilayotgan loyihalar bundan mustasno, — vakolatli ekspertiza organlarining ijobiy xulosalari mavjud bo‘lgan taqdirda;

O‘zbekiston Respublikasi Tiklanish va taraqqiyot jamg‘armasi mablag‘lari hisobiga moliyalashtirish (qo‘shimcha moliyalashtirish) tavsiya etilayotgan loyihalar bo‘yicha vakolatli ekspertiza organlarining ijobiy xulosalari, shuningdek ko‘rsatib o‘tilgan Jamg‘armani boshqarish bo‘yicha Kengashning ijobiy qarori mavjud bo‘lgan taqdirda Vazirlar Mahkamasining tegishli axborot-tahlil departamentiga ikki nusxada loyihaning TIA (TIH)ni va uni amalga oshirish to‘g‘risidagi Hukumat qarori loyihasini kiritadi.

Vazirlar Mahkamasining tegishli axborot-tahlil departamenti bir hafta muddatda Vazirlar Mahkamasining qarori loyihasini mazkur Nizomga 5-ilovaga muvofiq investitsiya loyihasining yakuniy texnik-iqtisodiy parametrlari bilan birga ko‘rib chiqadi va Vazirlar Mahkamasining Ish tartibiga muvofiq hujjatlarni kelishish va imzolash uchun kiritadi.

Loyiha tashabbuskori loyihaning TIA (TIH) yuzasidan bir yoki bir nechta vakolatli ekspertiza organi xulosasiga rozi bo‘lmagan taqdirda tegishli axborot-tahlil departamentiga asoslangan xulosa taqdim etishga haqlidir. Tegishli axborot-tahlil departamenti loyihaning TIA (TIH)ni vakolatli ekspertiza organlari va loyiha tashabbuskorining xulosalarini hisobga olgan holda ko‘rib chiqadi va tegishli qaror qabul qiladi.

O‘zbekiston Respublikasi Tiklanish va taraqqiyot jamg‘armasi mablag‘lari hisobiga moliyalashtiriladigan (qo‘shimcha moliyalashtiriladigan) investitsiya loyihalari bo‘yicha hujjatlar belgilangan tartibda O‘zbekiston Respublikasining Bosh vaziriga ko‘rib chiqish va keyinchalik O‘zbekiston Respublikasi Prezidentining tegishli masalalar bo‘yicha Davlat maslahatchisi xizmati bilan kelishish uchun kiritiladi.

Loyiha bo‘yicha TIA (TIH)ning asosiy texnik-iqtisodiy ko‘rsatkichlari Vazirlar Mahkamasining loyihani amalga oshirish bo‘yicha qaroriga ilova sifatida tasdiqlanadi.

11. 25-bandning oltinchi xatboshidagi “TIAda” va “yakuniy” so‘zlari chiqarib tashlansin.