1.21.00.00.00 Oʻzgartirish va qoʻshimchalar kiritish boʻyicha kompleks tusdagi hujjatlar / 21.02.00.00 Oʻzbekiston Respublikasi Prezidentining farmon va qarorlari]
[TSZ:
1.Davlat va jamiyat qurilishi / Davlat hokimiyati organlari. Davlat va xoʻjalik boshqaruvi organlari;
2.Davlat va jamiyat qurilishi / Qonunchilik tashabbusi. Norma ijodkorligi faoliyati]
Oʻzbekiston Respublikasi Prezidentining
Farmoni
Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida
1. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirish va qoʻshimchalar kiritilsin.
2. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 17-iyul,
PF-6263-son
Oʻzbekiston Respublikasi Prezidentining 2021-yil 17-iyuldagi PF-6263-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2015-yil 15-maydagi “Xususiy mulk, kichik biznes va xususiy tadbirkorlikni ishonchli himoya qilishni taʼminlash, ularni jadal rivojlantirish yoʻlidagi toʻsiqlarni bartaraf etish chora-tadbirlari toʻgʻrisida”gi PF-4725-son Farmoni 8-bandining ikkinchi xatboshisidagi “sifatida olinadigan barcha” soʻzlari “summasining 80 foizi miqdoridagi” soʻzlari bilan almashtirilsin.
2. Oʻzbekiston Respublikasi Prezidentining 2018-yil 27-iyuldagi PF-5490-son Farmoni bilan tasdiqlangan Tekshiruvlarni elektron roʻyxatga olish yagona tizimida roʻyxatdan oʻtkazish orqali vakolatli organni xabardor etish tartibida oʻtkaziladigan tekshiruvlar roʻyxatida:
a) 1-pozitsiyaning “Tekshiruvlar (nazorat funksiyalari)” ustuni toʻrtinchi xatboshisi “sotish holatlarining” soʻzlaridan keyin “hamda kuchli taʼsir qiluvchi moddalar noqonuniy aylanishining” soʻzlari bilan toʻldirilsin;
b) quyidagi mazmundagi 21-pozitsiya bilan toʻldirilsin:
“
21.
Qalbakilashtirilgan, muvofiqlik sertifikati mavjud boʻlmagan va davlat roʻyxatidan oʻtkazilmagan mahsulotlar, retsept bilan beriladigan dori vositalari va tibbiy buyumlarni retseptsiz sotilishining oldini olish maqsadida, faqatgina shunday mahsulotlarni chakana realizatsiya qilish boʻyicha ishonchli axborotlar mavjud boʻlganda, dori vositalari va tibbiy buyumlarni chakana realizatsiya qilishni nazorat qilish.
Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti, Oʻzbekiston Respublikasi Ichki ishlar vazirligi, Oʻzbekiston Respublikasi Monopoliyaga qarshi kurashish qoʻmitasi huzuridagi Isteʼmolchilar huquqlarini himoya qilish agentligi, Qoraqalpogʻiston Respublikasi Sogʻliqni saqlash vazirligi, viloyatlar sogʻliqni saqlash boshqarmalari va Toshkent shahar sogʻliqni saqlash bosh boshqarmasi
1 kun
”;
v) quyidagi mazmundagi 41-pozitsiya bilan toʻldirilsin:
“
41.
Yoʻl qurilishi, yoʻl-qurilish materiallari, buyumlari va konstruksiyalarini ishlab chiqarishda texnik jihatdan tartibga solish sohasidagi normativ hujjatlar talablariga yuridik va jismoniy shaxslar tomonidan rioya etilishini nazorat qilish.
Oʻzbekiston Respublikasi Transport vazirligi huzuridagi Yoʻl-qurilish ishlari sifatini nazorat qilish inspeksiyasi
3 kundan oshmagan holda
”.
g) 17-pozitsiyada:
“Tekshiruvlar (nazorat funksiyalari)” ustunidan “suv taʼminoti va suv chiqarish tizimlariga” soʻzlari chiqarib tashlansin;
“Nazorat qiluvchi organ” ustunidagi “Hududiy elektr tarmoqlari” AJ, “Hududgaztaʼminot” AJ va “Oʻzsuvtaʼminot” AJ” soʻzlari “Oʻzbekiston Respublikasi Energetika vazirligi huzuridagi Elektr energetikada nazorat inspeksiyasi va Oʻzbekiston Respublikasi Energetika vazirligi huzuridagi Neft mahsulotlari va gazdan foydalanishni nazorat qilish inspeksiyasi” soʻzlari bilan almashtirilsin;
d) quyidagi mazmundagi 171-pozitsiya bilan toʻldirilsin:
“
171.
Suv taʼminoti va suv chiqarish tizimlariga noqonuniy ulanish, hisoblash moslamalariga qasddan shikast yetkazganlik, hisoblash moslamalari koʻrsatkichlarini oʻzgartirish maqsadida ularga tashqaridan aralashish holatlarini, shuningdek, ichimlik suvi taʼminoti va kanalizatsiya korxonalari tomonidan suv taʼminoti va kanalizatsiya sohasida xizmat koʻrsatish qoidalariga amal qilinishi holatlarini tekshirish.
Oʻzbekiston Respublikasi Uy-joy kommunal xizmat koʻrsatish vazirligi huzuridagi Ichimlik suvidan foydalanishni nazorat qilish inspeksiyasi
3. Oʻzbekiston Respublikasi Prezidentining 2019-yil 13-avgustdagi “Xususiy mulkni himoya qilish va mulkdorlar huquqlarining kafolatlarini kuchaytirish, tadbirkorlik tashabbuslarini qoʻllab-quvvatlash borasidagi ishlarni tashkil qilish tizimini tubdan takomillashtirish boʻyicha qoʻshimcha chora-tadbirlar, shuningdek, tadbirkorlik subyektlarining moliyaviy resurslar va ishlab chiqarish infratuzilmasidan foydalanish imkoniyatlarini kengaytirish toʻgʻrisida”gi PF-5780-son Farmonining 25-bandi quyidagi mazmundagi “v” kichik band bilan toʻldirilsin:
“v) Jamgʻarma tomonidan issiqxonalar qurish, intensiv bogʻlar yaratish va sovutgichlar qurish uchun 2017-yil 5-sentabrgacha xalqaro moliya institutlarining kredit liniyalari hisobidan tadbirkorlik subyektlariga ajratilgan valyuta kreditlari boʻyicha — garovga qoʻyilgan mol-mulkning qayta baholanishi natijasida yetmagan qismiga kredit summasining 50 foizigacha, biroq 8 milliard soʻmdan koʻp boʻlmagan miqdorda kafillik berish”.
4. Oʻzbekiston Respublikasi Prezidentining 2020-yil 31-yanvardagi “Davlat xizmatlari koʻrsatish milliy tizimini jadal rivojlantirish boʻyicha qoʻshimcha chora-tadbirlar toʻgʻrisida”gi PF-5930-son Farmoni 14-bandining ikkinchi xatboshisidagi “sifatida olinadigan barcha” soʻzlari “summasining 80 foizi miqdoridagi” soʻzlari bilan almashtirilsin.
5. Oʻzbekiston Respublikasi Prezidentining 2020-yil 26-martdagi “Iqtisodiyotni rivojlantirish va kambagʻallikni qisqartirishga oid davlat siyosatini tubdan yangilash chora-tadbirlari toʻgʻrisida”gi PF-5975-son Farmoni 1-bandi quyidagi mazmundagi “l” kichik band bilan toʻldirilsin:
“l) davlat tomonidan tartibga solinadigan sohalarga xususiy sektorni jalb etish sohasida:
“Davlat funksiyalari — biznes uchun imkoniyat” loyihasi va davlat funksiyalarini xususiy sektorga oʻtkazishning kompleks mexanizmi amalga oshirilishi yuzasidan monitoring olib borish va vujudga kelayotgan muammolarni bartaraf etish boʻyicha takliflar ishlab chiqish;
xususiy sektorga oʻtkazilishi taklif etilayotgan davlat funksiyalari, shuningdek, xususiy sektorning tegishli takliflarini eʼlon qilish va muhokamadan oʻtkazish uchun elektron maydoncha faoliyatini yuritish;
xususiy sektorga berilishi mumkin boʻlgan davlat funksiyalarini tahlil qilish va oʻrganish natijasida tegishli choralar koʻrish yuzasidan takliflar tayyorlash”.
6. Oʻzbekiston Respublikasi Prezidentining 2006-yil 7-noyabrdagi “Alkogolli mahsulotlarni ishlab chiqarish va sotish samaradorligini oshirishga doir qoʻshimcha chora-tadbirlar toʻgʻrisida”gi PQ-505-son qarori 1-bandining uchinchi xatboshisi quyidagi tahrirda bayon etilsin:
“isteʼmol etil spirti, tashkiliy-huquqiy shaklidan qatʼi nazar, tegishli litsenziya va muvofiqlik sertifikatlariga ega boʻlgan ishlab chiqaruvchilarga ichki bozorda faqat birja savdolari orqali bozor tamoyillari asosida realizatsiya qilinadi”.
7. Oʻzbekiston Respublikasi Prezidentining 2017-yil 19-iyundagi “Oʻzbekiston Respublikasi Savdo-sanoat palatasi faoliyatini tashkil etishni takomillashtirish toʻgʻrisida”gi PQ-3068-son qarori 2-bandida:
quyidagi mazmundagi toʻrtinchi xatboshi bilan toʻldirilsin:
“tadbirkorlik subyektlarini davlat roʻyxatidan oʻtkazish uchun davlat boji summasining 20 foizi miqdoridagi mablagʻlar”;
8. Oʻzbekiston Respublikasi Prezidentining 2017-yil 17-avgustdagi “Tadbirkorlik faoliyatini qoʻllab-quvvatlash davlat jamgʻarmasini tashkil etish toʻgʻrisida”gi PQ-3225-son qarorida:
b) 2-ilovaning matni quyidagi tahrirda bayon etilsin:
“Tadbirkorlik faoliyatini qoʻllab-quvvatlash davlat jamgʻarmasini boshqarish boʻyicha Kengash
TARKIBI
J.A. Qoʻchqorov
—
Oʻzbekiston Respublikasi Bosh vazirining oʻrinbosari — iqtisodiy taraqqiyot va kambagʻallikni qisqartirish vaziri, Kengash raisi
S.M. Xolxoʻjayev
—
Oʻzbekiston Respublikasi iqtisodiy taraqqiyot va kambagʻallikni qisqartirish vazirining birinchi oʻrinbosari, Kengash raisining oʻrinbosari
B.E. Zaxidov
—
Oʻzbekiston Respublikasi Markaziy banki raisining birinchi oʻrinbosari, Kengash raisining oʻrinbosari
D.A. Mamajanov
—
Oʻzbekiston Respublikasi Savdo-sanoat palatasi raisining oʻrinbosari
Lavozimi boʻyicha
—
Oʻzbekiston Respublikasi moliya vazirining oʻrinbosari
Lavozimi boʻyicha
—
Oʻzbekiston Respublikasi Vazirlar Mahkamasining makroiqtisodiy tahlil, tarkibiy oʻzgartirishlar, moliya-bank tizimi, davlat aktivlarini boshqarish, raqobatni rivojlantirish, tadbirkorlikni qoʻllab-quvvatlash va kambagʻallikni qisqartirish masalalari kotibiyati mudiri
S.A. Sattarov
—
Oʻzbekiston Respublikasi Prezidenti huzuridagi Davlat boshqaruvi akademiyasi dekani
D.T. Haydarov
—
“Urgut” erkin iqtisodiy zonasi direktori
L.F. Muradova
—
“Smart heating systems” MChJ taʼsischisi
Lavozimi boʻyicha
—
Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Tadbirkorlikni rivojlantirish agentligi direktori, Kengash kotibi
Izoh:
Kengash aʼzolari boshqa ishga oʻtgan taqdirda, uning tarkibiga ushbu lavozimlarga yangidan tayinlangan yoki tegishli vazifalarni bajarish zimmasiga yuklangan shaxslar kiritiladi;
Kengash tarkibiga mustaqil aʼzolarni kiritish Vazirlar Mahkamasi tomonidan tanlov asosida amalga oshiriladi va ularning vakolat muddati 3 yildan oshmasligi lozim”;
9. Oʻzbekiston Respublikasi Prezidentining 2017-yil 12-dekabrdagi “Oʻzbekiston Respublikasi Adliya vazirligi huzuridagi Davlat xizmatlari agentligi faoliyatini tashkil etish toʻgʻrisida”gi PQ-3430-son qarori 4-bandining uchinchi xatboshisidagi “sifatida olinadigan barcha” soʻzlari “summasining 80 foizi miqdoridagi” soʻzlari bilan almashtirilsin.
10. Oʻzbekiston Respublikasi Prezidentining 2018-yil 20-fevraldagi “Loyihaoldi, loyiha, tender hujjatlari va kontraktlarni ekspertizadan oʻtkazish tartibini takomillashtirish chora-tadbirlari toʻgʻrisida”gi PQ-3550-son qarorida:
“tender hujjatlarini, tovarlarning (ish va xizmatlarning) davlat xaridiga texnik topshiriqlarni, kontraktlarni, import kontraktlarini va ularga qoʻshimcha bitimlarni (kontrakt va import kontraktlari qiymati oshirilganda) kompleks ekspertizadan oʻtkazish uchun qoʻshimcha qiymat soligʻini hisobga olmagan xolda umumiy summaning (tender hujjatlari boʻyicha — har bir lot summasining, qoʻshimcha bitimlar boʻyicha — qoʻshimcha bitim summasining) 0,1 foizi miqdorida, biroq bazaviy hisoblash miqdorining 100 baravaridan ortiq boʻlmagan miqdorda haq undiriladi”;
“32. Binolar, inshootlar va muhandislik kommunikatsiyalarini kapital qurish va taʼmirlash boʻyicha tovarlar (ishlar, xizmatlar)ning davlat xaridini amalga oshirish uchun xarid hujjatlari Markazga texnik topshiriq shaklida loyiha-smeta hujjatlari bilan birgalikda kiritiladi va ulardagi tovarlar (ishlar, xizmatlar) hajmlari va narx parametrlarining asosliligi yuzasidan ekspertiza oʻtkaziladi”;
11. Oʻzbekiston Respublikasi Prezidentining 2019-yil 20-martdagi “Oʻzbekiston Respublikasida bogʻdorchilik va issiqxona xoʻjaligini yanada rivojlantirish chora-tadbirlari toʻgʻrisida”gi PQ-4246-son qarorida:
“2. Agentlikning asosiy vazifalari etib quyidagilar belgilansin:
bogʻdorchilik, uzumchilik va issiqxona xoʻjaliklarini barqaror rivojlantirishni taʼminlashga qaratilgan maqsadli kompleks dasturlarni ishlab chiqish va amalga oshirish;
zamonaviy resurs tejamkor texnologiyalarni, shu jumladan tomchilatib va yomgʻirlatib sugʻorish tizimlarini qoʻllagan holda intensiv bogʻlar, xoʻraki, kishmishbop uzum plantatsiyalari va issiqxona xoʻjaliklari maydonlarini kengaytirish, shuningdek, bozor konyunkturasi tahlilini hisobga olgan holda, meva, uzum mahsulotlari turlarini koʻpaytirish choralarini koʻrish;
hududlarning tuproq-iqlim sharoitlarini hisobga olgan holda, bogʻdorchilik, uzumchilik va issiqxona xoʻjaligida ilmiy yutuqlar, ilgʻor ilmiy ishlanmalar va intensiv agrotexnologiyalardan keng foydalanishni tashkil etish;
uzumning xoʻraki va kishmishbop navlari plantatsiyalarini kengaytirish, uzumchilik korxonalarini kompleks modernizatsiyalashga koʻmaklashish va qoʻllab-quvvatlash, eksport salohiyatini oshirish;
Oʻzbekiston texnik jihatdan tartibga solish agentligi bilan birgalikda bogʻdorchilik xoʻjaliklari, xoʻraki, kishmishbop uzum plantatsiyalari va issiqxona xoʻjaliklariga xalqaro sertifikatlash standartlarini joriy etishda koʻmaklashish;
meva va uzum mahsulotlarini yetishtirish, tayyorlash, saralash, kalibrlash, qadoqlash va sotishning butun zanjirini oʻz ichiga olgan klaster shaklini tashkil qilish va kooperatsiya tizimini rivojlantirish boʻyicha choralarni amalga oshirish;
bozorlar konyunkturasi boʻyicha chuqur marketing tadqiqotlarini oʻtkazish yoʻli bilan raqobatbardosh mahsulot yetishtirish, uni sotishni tashkil qilish, eksport salohiyatini oshirish maqsadida sohaga mahalliy va toʻgʻridan-toʻgʻri xorijiy investitsiyalarni jalb etishga koʻmaklashish;
tashqi bozorlarda talab yuqori boʻlgan meva va uzum navlarini joylashtirish va yetishtirish boʻyicha tavsiyalar ishlab chiqish;
bogʻdorchilik, uzumchilik va issiqxona xoʻjaliklari sohasida mutaxassislarni oʻqitish, ularning malakasini oshirish, innovatsiyalarni rivojlantirish va joriy etish masalalari boʻyicha mahalliy va xorijiy taʼlim muassasalari, ilmiy-tadqiqot institutlari, xorijiy tashkilotlar va tarmoqning yetakchi ishlab chiqaruvchilari bilan hamkorlik qilish;
Oʻzbekiston Respublikasi Davlat soliq qoʻmitasi huzuridagi Kadastr agentligi bilan birgalikda bogʻlar va issiqxona xoʻjaliklari maydonlarining hamda uzum plantatsiyalarining elektron reyestrini yuritish”;
birinchi xatboshi “bogʻlar” soʻzidan keyin “xoʻraki, kishmishbop uzum plantatsiyalari” soʻzlari bilan toʻldirilsin;
quyidagi mazmundagi toʻrtinchi xatboshi bilan toʻldirilsin:
“xoʻraki va kishmishbop uzum tokzorlarida irrigatsiya tadbirlarini oʻtkazish, jumladan suv yetkazib berish, artezian quduqlar, quvurlar va rezervuarlar barpo etish, suv yetkazib berish uchun nasos stansiyalarini qurish, suv saqlash uchun sigʻimlar sotib olishga qonunchilik hujjatlarida belgilangan miqdorda”;
“v) Tadbirkorlik faoliyatini qoʻllab-quvvatlash davlat jamgʻarmasi kichik tadbirkorlik subyektlariga intensiv bogʻlar, xoʻraki, kishmishbop uzum plantatsiyalari va issiqxona xoʻjaliklarini tashkil qilish uchun tijorat banklari kreditlari boʻyicha kredit summasining 50 foizigacha, ammo 5 milliard soʻmdan oshmaydigan miqdordagi mablagʻga kafillik beradi”;
“Qoraqalpogʻiston Respublikasi Vazirlar Kengashi raisi va viloyatlar hokimlariga — bogʻlar, uzumzorlar va issiqxona xoʻjaliklari tashkil etish uchun yer uchastkalari oʻz vaqtida ajratilishi, shuningdek, mavjud mevali bogʻlar, xoʻraki, kishmishbop uzum plantatsiyalari va issiqxona xoʻjaliklarini xatlovdan oʻtkazishni sifatli bajarish yuzasidan shaxsiy javobgarlik yuklansin”.
12. Oʻzbekiston Respublikasi Prezidentining 2019-yil 5-apreldagi “Koʻchmas mulkka boʻlgan huquqlarni davlat roʻyxatidan oʻtkazish tizimini yanada takomillashtirish chora-tadbirlari toʻgʻrisida”gi PQ-4270-son qarori 5-bandida:
ikkinchi xatboshidagi “Yer resurslari, geodeziya, kartografiya va davlat kadastri davlat qoʻmitasining” soʻzlari “Davlat soliq qoʻmitasi huzuridagi Kadastr agentligining” soʻzlari bilan almashtirilsin;
“koʻchmas mulk boʻyicha kadastr muhandisi oʻz faoliyatini yuridik shaxslar bilan mehnat shartnomasini tuzish orqali yoki yakka tartibdagi tadbirkor sifatida amalga oshiradi”.
13. Oʻzbekiston Respublikasi Prezidentining 2019-yil 29-apreldagi PQ-4300-son qarori bilan tasdiqlangan Xorijiy investorlarga taklif etiladigan istiqbolli investitsiya takliflarining roʻyxati 46 va 47-pozitsiyalarining “Loyiha ustida ishlash uchun masʼul organlar” ustunidagi “Uzumchilik va vinochilikni rivojlantirish agentligi (O. Mustafoyev)” soʻzlari “Alkogol va tamaki bozorini tartibga solish hamda vinochilikni rivojlantirish agentligi (R. Boboyev)” soʻzlari bilan almashtirilsin.
14. Oʻzbekiston Respublikasi Prezidentining 2019-yil 13-avgustdagi “Oʻzbekiston Respublikasi Iqtisodiyot va sanoat vazirligi huzuridagi Kichik biznes va tadbirkorlikni rivojlantirish agentligi faoliyatini tashkil etish toʻgʻrisida”gi PQ-4417-son qarorida:
“Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Tadbirkorlikni rivojlantirish agentligi faoliyatini tashkil etish toʻgʻrisida”;
v) 4-bandning birinchi xatboshisidagi “Agentlik” soʻzi “Iqtisodiy taraqqiyot va kambagʻallikni qisqartirish vazirligi huzuridagi Tadbirkorlikni rivojlantirish agentligi (keyingi oʻrinlarda — Agentlik)” soʻzlari bilan almashtirilsin;
d) 2-ilovaning nomlanishidagi “Kichik biznes va tadbirkorlik” soʻzlari “Tadbirkorlik” soʻzi bilan almashtirilsin;
e) 4-ilova 1-bandining “i” kichik bandi oʻz kuchini yoʻqotgan deb hisoblansin.
15. Oʻzbekiston Respublikasi Prezidentining 2019-yil 11-dekabrdagi “Meva-sabzavotchilik va uzumchilik tarmogʻini yanada rivojlantirish, sohada qoʻshilgan qiymat zanjirini yaratishga doir qoʻshimcha chora-tadbirlar toʻgʻrisida”gi PQ-4549-son qarorida:
a) 4-banddan “Uzumchilik va vinochilikni rivojlantirish agentligi” soʻzlari chiqarib tashlansin;
ikkinchi xatboshidan “hamda Uzumchilik va vinochilikni rivojlantirish agentligining Uzum yetishtiruvchilar va vino tayyorlovchilarni qoʻllab-quvvatlash jamgʻarmasi” soʻzlari chiqarib tashlansin;
v) 13-bandning oltinchi xatboshisidan “hamda Uzumchilik va vinochilikni rivojlantirish agentligi direktori O.S. Mustafoyev” soʻzlari chiqarib tashlansin.
16. Oʻzbekiston Respublikasi Prezidentining 2020-yil 26-martdagi PQ-4653-son qarori bilan tasdiqlangan Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi toʻgʻrisidagi nizomda:
a) 11-band quyidagi mazmundagi “l” kichik band bilan toʻldirilsin:
“l) davlat tomonidan tartibga solinadigan sohalarga xususiy sektorni jalb etish sohasida:
“Davlat funksiyalari — biznes uchun imkoniyat” loyihasi va davlat funksiyalarini xususiy sektorga oʻtkazishning kompleks mexanizmi amalga oshirilishi yuzasidan monitoring olib borish va vujudga kelayotgan muammolarni bartaraf etish boʻyicha takliflar ishlab chiqish;
xususiy sektorga oʻtkazilishi taklif etilayotgan davlat funksiyalari, shuningdek, xususiy sektorning tegishli takliflarini eʼlon qilish va muhokamadan oʻtkazish uchun elektron maydoncha faoliyatini yuritish;
xususiy sektorga berilishi mumkin boʻlgan davlat funksiyalarini tahlil qilish va oʻrganish natijasida tegishli choralar koʻrish yuzasidan takliflar tayyorlash”;
b) 12-band quyidagi mazmundagi 12-kichik band bilan toʻldirilsin:
“12) davlat tomonidan tartibga solinadigan sohalarga xususiy sektorni jalb etish sohasida:
a) “Davlat funksiyalari — biznes uchun imkoniyat” loyihasi doirasida:
davlat funksiyalarini autsorsing, kraudsorsing, davlat ijtimoiy buyurtmasi, akkreditatsiya, sertifikatlash va boshqa usullar orqali bosqichma-bosqich xususiy sektorga oʻtkazish hamda davlat boshqaruvi sohasida amalda mavjud boʻlgan imkoniyatlarni kengaytirish boʻyicha takliflar ishlab chiqadi;
vazirlik va idoralar kesimida xususiy sektorga oʻtkazilishi mumkin boʻlgan davlat funksiyalarini tahlil qilish mexanizmlarini yoʻlga qoʻyishga qaratilgan davlat funksiyalarining yagona reyestrini shakllantiradi;
b) davlat funksiyalarini xususiy sektorga oʻtkazishning kompleks mexanizmi amalga oshirilishida monitoring olib borish doirasida:
davlat funksiyalarini xususiy sektorga oʻtkazishning kompleks mexanizmi amalga oshirilishida monitoring olib borish jarayoniga rahbarlik qiladi;
davlat funksiyalarini xususiy sektorga oʻtkazishning kompleks mexanizmi amalga oshirilishi jarayonida aniqlangan muammo va kamchiliklarni bartaraf qilish boʻyicha taʼsirchan choralarni amalga oshirish yuzasidan takliflar ishlab chiqadi;
v) davlat funksiyalarini xususiy sektorga oʻtkazish jarayonining shaffofligini taʼminlaydi, bunda xususiy sektorga oʻtkazish taklif etilayotgan davlat funksiyalarini elektron maydonchada keng omma eʼtiboriga havola qiladi va muhokamadan oʻtkazish natijasi boʻyicha takliflar ishlab chiqadi, shuningdek, elektron maydoncha faoliyatini yuritadi;
g) xususiy sektorga berilishi mumkin boʻlgan davlat funksiyalarini tahlil qiladi, oʻrganish doirasida davlat funksiyalari roʻyxatini tuzadi hamda xususiy sektorga oʻtkazish mumkin boʻlgan funksiyalarni yagona reyestrga kiritish boʻyicha takliflar ishlab chiqadi”.
17. Oʻzbekiston Respublikasi Prezidentining 2020-yil 22-iyundagi PQ-4756-son qarori bilan tasdiqlangan Oʻzbekiston Respublikasining xalqaro shartnomalar va xalqaro tashkilotlarga aʼzolik boʻyicha majburiyatlarni bajarishga masʼul davlat organlari va boshqa tashkilotlar roʻyxatining 54-pozitsiyasi “Toʻlovchilar nomi” ustunidagi “Qishloq xoʻjaligi vazirligi huzuridagi Uzumchilik va” soʻzlari “Alkogol va tamaki bozorini tartibga solish hamda” soʻzlari bilan almashtirilsin.
