Oʻzbekiston Respublikasi Prezidentining “Texnik jihatdan tartibga solish, standartlashtirish, sertifikatlashtirish va metrologiya tizimlarini yanada rivojlantirish chora-tadbirlari toʻgʻrisida” 2018-yil 12-dekabrdagi PQ-4059-son qarori ijrosini taʼminlash, tadbirkorlik subyektlariga qulay shart-sharoitlar yaratish, mahalliy mahsulotlar raqobatbardoshligini oshirish, shuningdek, Oʻzbekiston standartlashtirish, metrologiya va sertifikatlashtirish agentligining faoliyati samaradorligini oshirish maqsadida Vazirlar Mahkamasi qaror qiladi:

1. Oʻzbekiston standartlashtirish, metrologiya va sertifikatlashtirish agentligi (keyingi oʻrinlarda “Oʻzstandart” agentligi deb ataladi), Iqtisodiyot va sanoat vazirligi, Tashqi savdo va investitsiyalar vazirligining quyidagi tartibni joriy etish toʻgʻrisidagi takliflariga rozilik berilsin.

Ushbu tartibga muvofiq:

Oʻzbekiston Respublikasida ishlab chiqariladigan mahsulotlarning muvofiqligini deklaratsiyalash yoʻli bilan tasdiqlash huquqi berilgan tadbirkorlik subyektlari kalendar yil yakunida ishlab chiqarilgan deklaratsiyalangan mahsulotlar realizatsiyasi boʻyicha muvofiqlik belgisidan foydalanganlik uchun bir martalik toʻlovni amalga oshiradi;

Mustaqil Davlatlar Hamdoʻstligi mamlakatlarining “Mahsulotlar va xizmatlar sifati sohasidagi xizmatlari uchun” mukofoti laureatlari boʻlgan mahalliy korxonalar nomzod mahsulot boʻyicha muvofiqlik sertifikati amal qilish muddatida muvofiq belgisidan foydalanganlik uchun bir martalik toʻlovdan ozod etiladi.

2. Oʻzbekiston Respublikasi Prezidentining “Texnik jihatdan tartibga solish, standartlashtirish, sertifikatlashtirish va metrologiya tizimlarini yanada rivojlantirish chora-tadbirlari toʻgʻrisida” 2018-yil 12-dekabrdagi PQ-4059-son qaroriga muvofiq:

Qoraqalpogʻiston Respublikasi, viloyatlar va Toshkent shahar standartlashtirish va metrologiya boshqarmalari tugatilib, Texnik jihatdan tartibga solish, standartlashtirish, sertifikatlashtirish va metrologiya sohasidagi qonunchilik talablariga rioya qilinishini taʼminlash departamenti (keyingi oʻrinlarda Departament deb ataladi) tashkil etilganligi;

Vazirlar Mahkamasining 2002-yil 3-oktabrdagi 342-son qarori bilan tashkil etilgan “Oʻzstandart” agentligi huzuridagi Standartlashtirish, metrologiya va sertifikatlashtirishni rivojlantirish maxsus jamgʻarmasining (keyingi oʻrinlarda Maxsus jamgʻarma deb ataladi) qoʻshimcha xarajatlari moddalari nazarda tutilganligi maʼlumot uchun qabul qilinsin.

3. Belgilab qoʻyilsinki:

Departament tugatilgan Qoraqalpogʻiston Respublikasi, viloyatlar va Toshkent shahar standartlashtirish va metrologiya boshqarmalarining 2018-yil 12-dekabrga qadar imzolangan shartnomalari boʻyicha huquqiy vorisi hisoblanadi;

Faoliyatni sifatli amalga oshirish uchun avtotransport vositalarini, aloqa va Internet resurslarini ajratish, shuningdek, Departament hududiy inspektorlarining ehtiyojlari uchun boshqa moddiy-texnika vositalarini ajratish bilan bogʻliq boʻlgan va “Oʻzstandart” agentligi tomonidan aniqlanadigan xarajatlar Qoraqalpogʻiston Respublikasida, viloyatlar va shaharlardagi sinov va sertifikatlashtirish markazlarining oʻz mablagʻlari hisobidan qoplanadi.

4. Quyidagilar:

tugatilayotgan Qoraqalpogʻiston Respublikasi, viloyatlar va Toshkent shahar standartlashtirish va metrologiya boshqarmalarining bino va inshootlari operativ boshqaruv huquqi bilan;

tugatilayotgan Qoraqalpogʻiston Respublikasi, viloyatlar va Toshkent shahar standartlashtirish va metrologiya boshqarmalarining boshqa mol-mulki va aktivlari Departamentga begʻaraz berilsin.

5. Quyidagilar:

Oʻzbekiston standartlashtirish, metrologiya va sertifikatlashtirish agentligi toʻgʻrisidagi nizom 1-ilovaga muvofiq;

Oʻzbekiston standartlashtirish, metrologiya va sertifikatlashtirish agentligi huzuridagi Texnik jihatdan tartibga solish, standartlashtirish, sertifikatlashtirish va metrologiya sohasidagi qonunchilik talablariga rioya qilinishini taʼminlash departamenti toʻgʻrisidagi nizom 2-ilovaga muvofiq;

Sinov laboratoriyalarini tashkil etish va ularning faoliyat koʻrsatish sohasida davlat-xususiy sheriklik toʻgʻrisidagi nizom 3-ilovaga muvofiq;

Insonlar hayoti, salomatligi, yuridik va jismoniy shaxslar mol-mulki, atrof-muhit uchun xavfli va sifatsiz boʻlgan mahsulotlarni olib kirish, ishlab chiqarish va sotish xavfi monitoringini yuritish tartibi toʻgʻrisidagi nizom 4-ilovaga muvofiq tasdiqlansin.

6. Belgilab qoʻyilsinki:

sertifikatlashtirish organiga mahsuloti sertifikatlashtirilgan ishlab chiqaruvchi korxonalar tomonidan kelib tushayotgan muvofiq belgisidan foydalanganlik uchun bir martalik toʻlov quyidagicha taqsimlanadi: 10 foizi — sertifikatlashtirish organining tasarrufida qoladi; 90 foizi — ikki kunlik muddatda Maxsus jamgʻarmaga yoʻnaltiriladi.

texnik jihatdan tartibga solish, standartlashtirish, sertifikatlashtirish va metrologiya sohasidagi qonun hujjatlari talablari buzilganligi uchun maʼmuriy jarimalar undirilishidan kelib tushgan mablagʻlarning 50 foizi Maxsus jamgʻarmaga oʻtkaziladi;

“Oʻzstandart” agentligi markaziy apparatiga jami sakkizta, jumladan, beshta shaxsiy biriktirilgan, ikkita navbatchi va bitta mikroavtobus avtotransport vositalari limiti ajratiladi;

Departamentga jami uchta, jumladan, ikkita shaxsiy biriktirilgan, bitta navbatchi avtotransport vositalari limiti ajratiladi;

7. Quyidagilar “Oʻzstandart” agentligining faoliyatini moliyalashtirish manbalari etib belgilansin:

Oʻzbekiston Respublikasi Davlat budjeti mablagʻlari, xalqaro va xorijiy hukumat, xalqaro moliya tashkilotlari, moliya institutlari va boshqa donorlarning grantlari va kreditlari (qarzlari);

xodimlarni moddiy ragʻbatlantirishga maqsadli yoʻnaltirgan holda, hududiy boʻlinmalar va tashkilotlarning hisobot davri yakunida sof foydasini teng ulushlarda taqsimlashdan olinadigan daromadlar;

yuridik va jismoniy shaxslar — Oʻzbekiston Respublikasi rezidentlari va norezidentlarining xayriya mablagʻlari;

transport vositalarining turini tasdiqlashni rasmiylashtirish boʻyicha koʻrsatiladigan xizmatlardan hamda shartnoma asosida amalga oshiriladigan, boshqa xizmatlardan olinadigan qonun hujjatlarida taqiqlanmagan boshqa daromadlar;

Maxsus jamgʻarma mablagʻlari;

qonun hujjatlarida taqiqlanmagan boshqa manbalar.

8. Belgilab qoʻyilsinki, Maxsus jamgʻarma mablagʻlari:

insonlar hayoti, salomatligi, yuridik va jismoniy shaxslar mol-mulki, atrof-muhit uchun xavfli va sifatsiz boʻlgan mahsulotlarni olib kirish, ishlab chiqarish va sotish xavfi monitoringini amalga oshirishga, shuningdek, ichki bozorda muomalada boʻlgan tovarlar muvofiqligini baholashga;

“Oʻzstandart” agentligining markaziy apparati va Departament xodimlarini moddiy ragʻbatlantirish va ijtimoiy qoʻllab-quvvatlashga;

texnik jihatdan tartibga solish sohasidagi normativ hujjatlarni ishlab chiqish uchun vazirliklar, idoralar texnik qoʻmitalari va xoʻjalik subyektlari mutaxassislarini, yetakchi loyiha institutlarining, ilmiy va taʼlim muassasalarining mutaxassislarini jalb qilish, shuningdek, konsultant sifatida jalb etiladigan yuqori malakali xorijiy mutaxassislar xarajatlarini qoplashga;

eksportbop mahsulotlar uchun respublikada xalqaro, davlatlararo, mintaqaviy standartlar va xorijiy mamlakatlar standartlarini sotib olish va qabul qilishga;

boʻsh turgan mablagʻlarni tijorat banklarining depozitlariga joylashtirishga, shuningdek, “Oʻzstandart” agentligiga yuklangan vazifalar va funksiyalarga muvofiq amalga oshiriladigan boshqa tadbirlarni moliyalashtirishga yoʻnaltiriladi.

11. “Oʻzstandart” agentligi:

a) 2019-yil 1-iyulga qadar manfaatdor vazirlik va idoralar bilan birgalikda mahalliy mahsulotlar sifatini yaxshilash va oshirish, ularni ishlab chiqaruvchilar va aholi oʻrtasida ommalashtirish ishlarini faollashtirishga qaratilgan “Oʻzbekistonning eng yaxshi tovari” tanlovini taʼsis etish yuzasidan takliflar kiritsin;

b) 2019-yil 1-sentabriga qadar Oʻzbekiston Respublikasi Moliya vazirligi, Tashqi savdo va investitsiyalar vazirligi, Iqtisodiyot va sanoat vazirligi bilan birgalikda:

xalqaro moliya institutlari tomonidan texnik jihatdan tartibga solish, standartlashtirish, sertifikatlashtirish va metrologiya tizimlarini isloh qilishda grantlar, qarzlar va boshqa moliya manbalarini aniq koʻrsatgan holda texnik koʻmaklashish;

dasturiy mahsulot ishlab chiqish va axborot-kommunikatsiya texnologiyalarini joriy etish, kompyuterlar va boshqa tashkiliy texnikalarni xarid qilish;

standartlashtirishga doir normativ hujjatlarni oʻygʻunlashtirish, shuningdek, har yili Maxsus jamgʻarma mablagʻlari hisobidan moliyalashtiriladigan eksportbop mahsulotlar uchun xalqaro, mintaqaviy, xorijiy mamlakatlarning milliy standartlarini xarid qilish;

yuqori aniqlikdagi oʻlchash vositalarini, oʻlchash qurilmalarini sotib olishni, mavjud sinov laboratoriyalarini modernizatsiya qilishni va yangilarini tashkil etishni, shuningdek, qishloq xoʻjaligi va oziq-ovqat mahsulotlarini “Global G.A.P” va Organic standartlari boʻyicha sertifikatlashtirish;

mobil laboratoriyalar uchun avtotransport vositalarini sotib olish dasturlarini ishlab chiqsin va tasdiqlasin;

v) uch oy muddatda tadbirkorlik subyektlarini oʻlchash vositalarini kalibrlash boʻyicha faoliyatga keng jalb qilish yuzasidan taklif tayyorlagan holda, qiyoslanishi lozim boʻlgan oʻlchash vositalarining roʻyxatini tasdiqlasin;

g) Bandlik va mehnat munosabatlari vazirligi bilan birgalikda:

Departamentga yuklangan vazifalarni amalga oshirish uchun nazariy bilimlar va amaliy koʻnikmalarga ega boʻlgan malakali mutaxassislar bilan Departamentni taʼminlasin;

tugatilayotgan Qoraqalpogʻiston Respublikasi, viloyatlar va Toshkent shahar standartlashtirish va metrologiya boshqarmalarining xodimlarini ish bilan taʼminlashga amaliy yordam koʻrsatsin.

12. Oʻzbekiston Respublikasi Ichki ishlar vazirligi “Oʻzstandart” agentligining buyurtmanomalariga koʻra, “Oʻzstandart” agentligiga yuklangan vazifalarni bajarish uchun jalb etiladigan xorijiy mutaxassislarga davlat bojini undirmagan holda, koʻp martalik vizalar berilishi va muddati uzaytirilishini, rasmiylashtirilishini, shuningdek, ularning yashash joyida vaqtinchalik roʻyxatdan oʻtkazilishi hamda muddati uzaytirilishini taʼminlasin.

13. Oʻzbekiston Respublikasi Bandlik va mehnat munosabatlari vazirligi “Oʻzstandart” agentligi buyurtmanomalariga koʻra, xorijiy fuqarolarga Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnomalarni berishni (uzaytirishni) taʼminlasin.

14. Oʻzbekiston Respublikasi Hukumatining 5-ilovaga muvofiq ayrim qarorlariga oʻzgartirishlar va qoʻshimchalar kiritilsin.

15. Oʻzbekiston Respublikasi Hukumatining 6-ilovaga muvofiq ayrim qarorlari oʻz kuchini yoʻqotgan deb hisoblansin.

16. “Oʻzstandart” agentligi vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

17. Ushbu qarorning bajarilishini nazorat qilish Oʻzbekiston Respublikasi Vazirlar Mahkamasining Yoqilgʻi-energetika sohasi va sanoatning bazaviy tarmoqlarini rivojlantirish masalalari kotibiyatiga va “Oʻzstandart” agentligi Bosh direktori D.N. Sattarov zimmasiga yuklansin.

1. Ushbu Nizom Oʻzbekiston standartlashtirish, metrologiya va sertifikatlashtirish agentligini (keyingi oʻrinlarda “Oʻzstandart” agentligi deb ataladi), uning tarkibiy boʻlinmalarini maqomi, asosiy vazifalari, funksiyalari, huquqlari va majburiyatlarini, faoliyatini tashkil etish tartibi va hisobot berishini, shuningdek agentlik rahbariyatining funksional majburiyatlarini, huquq va javobgarliklarini belgilaydi.

2. “Oʻzstandart” agentligi texnik jihatdan tartibga solish, standartlashtirish, sertifikatlashtirish va metrologiya sohasidagi vazifalarni hal etish uchun maxsus vakolatli davlat boshqaruvi organi hisoblanadi.

“Oʻzstandart” agentligi Oʻzbekiston Respublikasining standartlashtirish, metrologiya va sertifikatlashtirish boʻyicha milliy organ hisoblanadi hamda oʻz faoliyatida Oʻzbekiston Respublikasi Vazirlar Mahkamasiga hisobot beradi.

3. “Oʻzstandart” agentligi oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga va boshqa qonun hujjatlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlariga va farmoyishlariga shuningdek, mazkur Nizomga va boshqa qonunchilik hujjatlariga amal qiladi.

4. “Oʻzstandart” agentligi va uning idoraviy mansub tashkilotlari yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga, bank muassasalarida hisob-kitob va boshqa hisobraqamlariga ega.

5. “Oʻzstandart” agentligining rasmiy nomi:

a) davlat tilida:

toʻliq — Oʻzbekiston standartlashtirish, metrologiya va sertifikatlashtirish agentligi, qisqartirilgan — “Oʻzstandart” agentligi;

b) ingliz tilida:

toʻliq — Agency for standardization, metrology and certification of Uzbekistan, qisqartirilgan — “Uzstandard” agency;

v) rus tilida:

toʻliq — Uzbekskoye agentstvo standartizatsii, metrologii i sertifikatsii, sokrashennoye — Agentstvo “Uzstandart”.

6. “Oʻzstandart” agentligining joylashgan joyi (pochta manzili) — Toshkent shahar 100049, Olmazor tumani, Farobiy koʻchasi, 333 a.

7. Quyidagilar “Oʻzstandart” agentligi tizimiga kiradi:

“Oʻzstandart” agentligining markaziy apparati;

Texnik jihatdan tartibga solish, standartlashtirish, sertifikatlashtirish va metrologiya sohasida qonunchilik talablariga rioya etilishini taʼminlash departamenti (keyingi oʻrinlarda Departament deb ataladi);

“Respublika sinov va sertifikatlashtirish markazi” davlat korxonasi;

Qoraqalpogʻiston Respublikasi, viloyatlar va shaharlarda sinov va sertifikatlashtirish markazlari;

“Oʻzbekiston milliy metrologiya instituti” davlat korxonasi;

Standartlashtirish, sertifikatlashtirish va texnik jihatdan tartibga solish ilmiy-tadqiqot instituti;

“Shtrixli kodlash va axborot texnologiyalari markazi” davlat korxonasi;

“Oʻzbekiston Standartlashtirish, metrologiya va sertifikatlashtirish agentligi huzuridagi Akkreditatsiya markazi” davlat korxonasi.

8. Quyidagilar “Oʻzstandart” agentligining asosiy vazifalari hisoblanadi:

“Texnik jihatdan tartibga solish toʻgʻrisida”, “Standartlashtirish toʻgʻrisida”, “Metrologiya toʻgʻrisida”, “Mahsulotlar va xizmatlarni sertifikatlashtirish toʻgʻrisida”, “Muvofiqlikni baholash toʻgʻrisida”gi Oʻzbekiston Respublikasining qonunlari hamda texnik jihatdan tartibga solish, standartlashtirish, metrologiya, sertifikatlashtirish va akkreditatsiya sohasidagi boshqa normativ-huquqiy hujjatlar amaliy jihatdan amalga oshirilishini taʼminlash;

standartlashtirish, metrologiya, sertifikatlashtirish va akkreditatsiyadan oʻtkazish, xalqaro standartlarni, shu jumladan sifatni boshqarish tizimi boʻyicha xalqaro standartlarni qoʻllash asosida mahsulotlar sifatini va raqobatbardoshligini oshirish sohasidagi yagona davlat siyosatini amalga oshirish;

standartlashtirish, oʻlchashlarning yagona birlikda boʻlishini, sertifikatlashtirish, akkreditatsiya tizimlarining faoliyatini va rivojlanishini hamda mazkur sohalarda ilmiy-texnik axborotni tarqatish, shuningdek, ularnining xalqaro, davlatlararo va xorijiy mamlakatlarning milliy tizimlari bilan uygʻunlashtirilishini taʼminlash;

mahsulotlar, ishlar, xizmatlarning sifati va xavfsizlik talablariga rioya qilinishi va isteʼmolchilar huquqlarini notoʻgʻri oʻlchash natijalarining salbiy oqibatlaridan muhofaza qilishga doir chora-tadbirlarni amalga oshirish;

texnik jihatdan tartibga solish, standartlashtirish, metrologiya sertifikatlashtirish va akkreditatsiya sohalarida kadrlarni qayta tayyorlash va malakasini oshirishni tashkil etish;

mahalliy mahsulotlarni ishlab chiqarishda xalqaro standartlar va texnik reglamentlarni jadal joriy etish orqali ularning zamonaviy talablarga muvofiqligini taʼminlash va tashqi bozorlarda raqobatbardoshligini oshirish;

mahsulot sifatini boshqarishning zamonaviy tizimlarini, birinchi navbatda, eksport qiluvchi korxonalarda keng joriy etish va mahsulotlarni texnik reglamentlar va standartlashtirishga doir normativ hujjatlar talablariga muvofiq sertifikatlashtirishni amalga oshirish;

eksport qiluvchi korxonalarga mahsulotlarni sertifikatlashtirish masalalarida qulay sharoitlarni yaratish, xalqaro tashkilotlar bilan milliy sertifikatlar va muvofiqlikni baholash ishlari natijalari asosiy eksport bozorlarida tan olinishiga yoʻnaltirilgan hamkorlikni faollashtirish;

texnik jihatdan tartibga solish va metrologiya tizimlarini yanada rivojlantirish, sotiladigan mahsulotlar xavfsizligini tizimli nazorat qilishni taʼminlashda ularning samaradorligini oshirish;

zamonaviy axborot-kommunikatsiya texnologiyalarini joriy etish, tadbirkorlik subyektlari va aholiga koʻrsatiladigan interaktiv davlat xizmatlari turlarini kengaytirish;

texnik jihatdan tartibga solish, standartlashtirish, sertifikatlashtirish va metrologiya sohasidagi qonun hujjatlari buzilishining oldini olish va profilaktikasini amalga oshirish;

texnik jihatdan tartibga solish, standartlashtirish, sertifikatlashtirish va metrologiya masalalarida tadbirkorlik subyektlariga har tomonlama koʻmaklashish;

texnik reglamentlar, standartlashtirishga doir normativ hujjatlarning talablariga, oʻlchashlarning yagona birlikda boʻlishi va toʻgʻriligi taʼminlanishi, majburiy sertifikatlashtirish qoidalariga amal qilinishi yuzasidan davlat nazoratini tashkil etish va amalga oshirish;

davlat va xoʻjalik boshqaruvi organlari huzurida tashkil etiladigan standartlashtirish boʻyicha texnik qoʻmitalarning faoliyatini muvofiqlashtirish;

davlat va xoʻjalik boshqaruvi organlari va boshqa tashkilotlarni standartlashtirishga doir normativ hujjatlar bilan belgilangan tartibda taʼminlash;

standartlashtirishga doir normativ hujjatlarning xalqaro talablar bilan zarur uygʻunlashtirish darajasiga erishish.

9. “Oʻzstandart” agentligi oʻziga yuklangan vazifalarni bajarish uchun quyidagi funksiyalarni amalga oshiradi:

1) “Texnik jihatdan tartibga solish toʻgʻrisida”, “Standartlashtirish toʻgʻrisida”, “Metrologiya toʻgʻrisida”, “Mahsulotlar va xizmatlarni sertifikatlashtirish toʻgʻrisida”, “Muvofiqlikni baholash toʻgʻrisida”gi Oʻzbekiston Respublikasi qonunlari hamda texnik jihatdan tartibga solish, standartlashtirish, metrologiya, sertifikatlashtirish va akkreditatsiya sohasidagi boshqa normativ-huquqiy hujjatlar amaliy jihatdan amalga oshirilishini taʼminlash sohasida:

texnik jihatdan tartibga solish sohasidagi vakolatli davlat organlari hamda davlat va xoʻjalik boshqaruvi organlari tomonidan kiritilgan texnik reglamentlarni ishlab chiqish dasturlarining loyihalari yuzasidan Oʻzbekiston Respublikasi Vazirlar Mahkamasiga umumlashtirilgan takliflar kiritadi;

davlat va xoʻjalik boshqaruvi organlarining umumiy va maxsus texnik reglamentlarni ishlab chiqishga doir faoliyatini oʻz vakolati doirasida muvofiqlashtiradi hamda tashkil etadi;

umumiy texnik reglamentlarni tasdiqlash, ularga oʻzgartirish va qoʻshimchalar kiritish, shuningdek, mazkur reglamentlarni bekor qilish toʻgʻrisida Oʻzbekiston Respublikasi Vazirlar Mahkamasiga takliflar kiritadi;

mahsulotlar va xizmatlarning texnik reglamentlarda belgilangan talablarga muvofiqligini baholash uchun zarur boʻlgan mahsulot namunalarini olish, sinovlar va oʻlchash usullarini belgilovchi texnik jihatdan tartibga solish sohasidagi normativ hujjatlar roʻyxatini tasdiqlaydi;

umumiy va maxsus texnik reglamentlar, standartlashtirishga doir normativ hujjatlarning talablariga rioya etilishi yuzasidan oʻz vakolati doirasida davlat nazoratini amalga oshiradi;

texnik jihatdan tartibga solish sohasidagi normativ hujjatlar davlat fondini shakllantiradi;

mahsulotlar standartlarini va ularga oʻzgartirishlar, shuningdek, standartlashtirish, metrologiya, sertifikatlashtirish va akkreditatsiya boʻyicha normalar va qoidalarni davlat roʻyxatidan oʻtkazadi;

bir turdagi mahsulotlar uchun normativ hujjatlarni ishlab chiqish boʻyicha tarmoq tuzilmalarini tashkil etishga koʻmaklashadi, ularga ilmiy-metodik rahbarlikni taʼminlaydi;

xalqaro va davlatlararo ilmiy-texnik hamkorlikni rivojlantiradi;

Oʻzbekiston Respublikasi ishtirokidagi shartnomalar yoki bitimlarga muvofiq xalqaro (davlatlararo, mintaqaviy) standartlarni, xorijiy mamlakatlarning milliy standartlarini qoʻllanish toʻgʻrisida qaror qabul qiladi;

2) standartlashtirish, metrologiya, sertifikatlashtirish, akkreditatsiyadan oʻtkazish, sifat menejmenti tizimlarini joriy qilish, xalqaro standartlarni qoʻllash asosida mahsulotlar sifatini va raqobatbardoshliligini oshirish sohasidagi yagona davlat siyosatini amalga oshirish borasida, shu jumladan:

standartlashtirish, metrologiya, sertifikatlashtirish, akkreditatsiya qilish va mahsulotlar sifati menejmenti tizimlarini joriy etish masalalari boʻyicha davlat va xoʻjalik boshqaruvi organlariga oʻz vakolatlari doirasida rahbarlik qiladi va ular faoliyatini muvofiqlashtiradi;

yangi qonun hujjatlarini ishlab chiqish va amaldagi qonun hujjatlarini takomillashtirish yuzasidan takliflar kiritadi;

ilmiy-tadqiqot ishlarini amalga oshiradi;

standartlashtirish, metrologiya, sertifikatlashtirish va akkreditatsiya qilishni rivojlantirish boʻyicha asosiy yoʻnalishlarni, konsepsiyalarni, istiqbolli dasturlarni ishlab chiqadi;

Oʻzbekiston Respublikasining milliy etalon bazasini shakllantiradi va rivojlantiradi, milliy etalonlarni xalqaro etalonlar va boshqa davlatlarning milliy etalonlari bilan solishtiradi;

faoliyat yoʻnalishlari boʻyicha davlat yoki xoʻjalik boshqaruvi organlari huzurida tashkil etiladigan standartlashtirish boʻyicha tarmoq texnik qoʻmita toʻgʻrisidagi namunaviy nizomni hamda uning ishlarini tashkil etish reglamentini tasdiqlaydi, standartlashtirish boʻyicha tarmoq texnik qoʻmitalari ularga muvofiq, amaldagi standartlardagi talablar darajasidan past boʻlmagan yangi talablar joriy etilishini taʼminlash shartlariga rioya etgan holda, Oʻzbekiston Respublikasi davlat standartlari va tashkilotlar standartlarini ishlab chiqadi;

davlat va xoʻjalik boshqaruvi organlarining, standartlashtirish boʻyicha tarmoq texnika qoʻmitalarining, tashkilotlar va xususiy tadbirkorlarning takliflarini hisobga olgan holda, davlat boshqaruvi organlari, standartlashtirish boʻyicha texnik qoʻmitalar tomonidan Oʻzbekiston Respublikasi davlat standartlarini, tashkilotlar standartlarini ishlab chiqish va qayta koʻrib chiqishning har yilgi jadvalini tasdiqlaydi;

amaldagi standartlarni, maxsus texnik reglamentlarni qayta koʻrib chiqadi hamda mahsulotlarning raqobatbardoshliligini va sifatini taʼminlamaydigan, shuningdek, qonunchilik talablariga zid boʻlgan standartlarning, maxsus texnik reglamentlarni bekor qilish, amal qilishini cheklash toʻgʻrisida davlat yoki xoʻjalik boshqaruvi organlari, tashkilotlar va xususiy tadbirkorlar tomonidan bajarilishi majburiy boʻlgan qarorlar qabul qiladi.

mahsulotlarni, ishlab chiqarish jarayonlarini, xizmatlarni, sifat menejmenti tizimlarini va muvofiqlikni baholash boʻyicha ishlarni amalga oshiradigan xodimlarni sertifikatlashtirish, oʻlchash va sinash vositalarini qiyoslash, sinash, turini tasdiqlash, metrologik attestatsiyadan oʻtkazish, oʻlchashlarni bajarish metodikalari, metrologik ekspertizadan oʻtkazish, oʻlchashlarning yagona birlikda boʻlishi va toʻgʻriligini taʼminlash boʻyicha normativ hujjatlarni roʻyxatga olish hamda sifat boʻyicha ekspert-auditorlarni attestatsiyadan oʻtkazish qoidalarini ishlab chiqadi va belgilangan tartibda tasdiqlaydi;

sertifikatlashtirilgan mahsulotlarni, ishlab chiqarish jarayonlarini, xizmatlarni, menejment tizimlarini inspeksiya nazoratidan oʻtkazish qoidalarini ishlab chiqadi va belgilangan tartibda tasdiqlaydi;

risola, jurnallar nashr etadi, ommaviy axborot vositalarida yoki oʻzining rasmiy veb-saytida maʼlumotlarni eʼlon qiladi;

muvofiqlikni baholashning yagona qoidalari va tartib-tamoyillarini qoʻllaydi;

akkreditatsiya qilingan muvofiqlikni baholash organlarining xizmatlaridan foydalanishga toʻsiqlar yaratilishiga va ular oʻrtasidagi raqobatni cheklashga yoʻl qoʻymaydi.

3) standartlashtirish, metrologiya, sertifikatlashtirish va akkreditatsiya tizimlari faoliyat koʻrsatishini va rivojlantirilishini, ushbu sohalardagi ilmiy-texnika axborotini tarqatishni, shuningdek, ularning xalqaro, davlatlararo va xorijiy mamlakatlarning milliy tizimlari bilan uygʻunlashtirilishini taʼminlash borasida:

respublikada ishlab chiqariladigan va import boʻyicha olib kelinayotgan mahsulotlarni sertifikatlashtirish, xorijiy mamlakatlarning sertifikatlashtirish natijalarini eʼtirof etish ishlarini tashkil etadi;

oʻz vakolatlari doirasida standartlashtirish, metrologiya, sertifikatlashtirish va akrreditatsiya qilish sohasida normativ hujjatlarni ishlab chiqadi, tasdiqlaydi va roʻyxatdan oʻtkazadi;

shtrixli kodlash tizimini joriy etish siyosatini amalga oshiradi va Oʻzbekiston Respublikasida ishlab chiqarilayotgan tovarlarning Davlat reyestrini yuritadi;

manfaatdor shaxslarni mahsulotlarni, sinov va oʻlchash usullarini standartlashtirish, metrologiya, sertifikatlashtirish boʻyicha normativ hujjatlar bilan taʼminlaydi, shuningdek, mazkur sohalardagi yutuqlarning ilmiy-texnik targʻibotini amalga oshiradi;

oʻziga berilgan vakolatlar doirasida xalqaro, davlatlararo va milliy normativ hujjatlar boʻyicha maʼlumotlarning yagona axborot bazasini yaratadi;

texnik jihatdan tartibga solish, standartlashtirish, metrologiya, sertifikatlashtirish, akkreditatsiya qilish, oʻlchashlarning yagona birlikda boʻlishini taʼminlash va menejment tizimlarini joriy etish ishlarini amalga oshirishning umumiy talablari va qoidalarini belgilaydi;

menejment tizimlarini joriy etish sohasida muvofiqlashtirish ishlarini amalga oshiradi;

Oʻzbekiston Respublikasida majburiy ravishda sertifikatlanadigan obyektlarning roʻyxatini va respublikadan tashqarida amalga oshirilgan sinash va oʻlchashlar natijalarini Oʻzbekiston Respublikasida eʼtirof etish tartibini tasdiqlash toʻgʻrisida Oʻzbekiston Respublikasi Vazirlar Mahkamasiga belgilangan tartibda takliflar kiritadi;

etalonlarni saqlaydi, qoʻllaydi hamda kattaliklar oʻlchamlarini berishni amalga oshiradi;

sertifikatlashtirilgan mahsulotlar, xizmatlar, xodimlar, menejment tizimlari, oʻlchash vositalari, sinash vositalari va oʻlchashlarning bajarilish uslubiyoti, sifat boʻyicha ekspert-auditorlar davlat reyestrlarini yuritadi;

4) mahsulotlar, ishlar, xizmatlarning sifati va xavfsizlik talablariga rioya etilishi, notoʻgʻri oʻlchash natijalarining salbiy oqibatlaridan muhofaza qilish yuzasidan isteʼmolchilar huquqlari himoya qilinishini taʼminlash borasida:

oʻz vakolatlari doirasida mahsulot sifati va xavfsizligi boʻyicha majburiy talablarni belgilaydi hamda ushbu talablarga rioya etilishini nazorat qiladi;

texnik reglamentlarga, standartlarga, sertifikatlash qoidalariga, oʻlchashlar yagona birlikda boʻlishini taʼminlashga rioya qilish masalalari boʻyicha nazorat organlari bilan oʻzaro hamkorlik qiladi;

texnik reglamentlar va standartlashtirishga doir normativ hujjatlar talablariga rioya etilishini, oʻlchashlarning yagona birlikda boʻlishi va toʻgʻriligi, majburiy sertifikatlashtirish qoidalari taʼminlanishini tashkil etadi va bu borada davlat nazoratini amalga oshiradi;

davlat metrologiya nazoratini amalga oshiradi;

inson hayoti, sogʻligʻi, jismoniy va yuridik shaxslar mulki, atrof-muhit uchun xavfli va sifatsiz boʻlgan mahsulotlar olib kirilishi, ishlab chiqarilishi va realizatsiya qilinishi xavfining monitoringini yuritadi;

5) texnik jihatdan tartibga solish, standartlashtirish, metrologiya, sertifikatlashtirish va akkreditatsiya qilish sohasidagi kadrlarni qayta tayyorlash va malakasini oshirish borasida — texnik jihatdan tartibga solish, standartlashtirish, metrologiya, sertifikatlashtirish va akkreditatsiya qilish sohasidagi ilmiy, muhandis-texnik kadrlarni, shuningdek, boshqa manfaatdor shaxslarni oʻqitishni amalga oshiradi;

6) mahalliy mahsulotlarni ishlab chiqarishda xalqaro standartlar va texnik reglamentlarni jadal joriy etish orqali ularning zamonaviy talablarga muvofiqligini taʼminlash va tashqi bozorlarda raqobatbardoshligini oshirish sohasida:

xalqaro amaliyotni doimiy oʻrganishni amalga oshiradi, uning natijalariga koʻra mahalliy mahsulotlarni zamonaviy talablarga muvofiqligini taʼminlash va ularni tashqi bozorlarda raqobatbardoshligini oshirishda ilgʻor metodlarni joriy etish boʻyicha takliflar tayyorlaydi;

davlat va xoʻjalik boshqaruvi organlarining xalqaro standartlarni joriy etish, texnik reglamentlarni ishlab chiqish va joriy etish faoliyatini oʻz vakolati doirasida boshqaradi va muvofiqlashtiradi;

davlat va xoʻjalik boshqaruvi organlariga, shuningdek boshqa manfaatdor tashkilotlarga texnik reglamentlarni ishlab chiqish va joriy etishda amaliy yordam beradi, ularni ilmiy-metodik qoʻllanma bilan taʼminlaydi;

7) mahsulot sifatini boshqarishning zamonaviy tizimlarini, birinchi navbatda, eksport qiluvchi korxonalarda keng joriy etish va sanoat mahsulotlarini xalqaro standartlarga muvofiq sertifikatlashtirishni amalga oshirish sohasida:

davlat va xoʻjalik boshqaruvi organlari, mahalliy ijro etuvchi hokimiyat organlari bilan birgalikda korxonalarda zamonaviy sifatni boshqarish tizimlarini joriy etish jadvallarini tasdiqlaydi va ularni amalga oshirilishini taʼminlash ustidan nazoratni amalga oshiradi;

eksportga yoʻnaltirilgan mahsulotlarni xalqaro standartlarga muvofiq, shu jumladan xalqaro darajada eʼtirof etilgan muvofiqlikni baholash organlarini jalb etgan holda sertifikatlashtirish ishlarini tashkil etadi;

xalqaro standartlarga muvofiq sifatni boshqarish tizimlarini joriy etishning afzalliklarini ommaviy axborot vositalarida keng yoritib borishni amalga oshiradi;

8) eksport qiluvchi korxonalarga mahsulotlarni sertifikatlashtirish masalalarida qulay sharoitlarni yaratish, xalqaro tashkilotlar bilan milliy sertifikatlarni va sinov hamda oʻlchash natijalarini asosiy eksport bozorlarida eʼtirof etilishini taʼminlashga yoʻnaltirilgan oʻzaro hamkorlikni faollashtirish sohasida:

mahalliy mahsulotlarni tashqi bozorlarga eksport qilishda mamlakatlar talablari toʻgʻrisida maʼlumot berilishida respublika korxonalariga amaliy yordam koʻrsatadi;

xalqaro va mintaqaviy tashkilotlarda respublika manfaatlarini ifoda etadi, milliy sertifikatlarni va sinash hamda oʻlchashlar natijalarini chet davlatlarda eʼtirof etilishiga erishish boʻyicha choralar koʻradi;

xalqaro, mintaqaviy va davlatlararo tashkilotlarga qoʻshilish boʻyicha belgilangan tartibda takliflar kiritadi;

9) texnik jihatdan tartibga solish va metrologiya tizimlarini yanada rivojlantirish, realizatsiya qilinadigan mahsulotlar xavfsizligini tizimli nazorat qilishni taʼminlashda ularning samaradorligini oshirish borasida:

realizatsiya qilinadigan mahsulotlar xavfsizligini tizimli nazorat qilishni taʼminlashda texnik jihatdan tartibga solish va metrologiya tizimlarini rivojlantirish, ularni samaradorligini oshirishga qaratilgan takliflarni kiritadi;

texnik jihatdan tartibga solish va metrologiya tizimlarini rivojlantirish boʻyicha qabul qilingan choralarni amalga oshiradi;

davlat va xoʻjalik boshqaruvi organlarining texnik jihatdan tartibga solish va metrologiya tizimlarining samaradorligini oshirish boʻyicha faoliyatini oʻz vakolati doirasida boshqaradi va muvofiqlashtiradi;

10) zamonaviy axborot-kommunikatsiya texnologiyalarini joriy etish, tadbirkorlik subyektlari va aholiga koʻrsatiladigan interaktiv davlat xizmatlari turlarini kengaytirish borasida:

standartlashtirish, metrologiya, shu jumladan mahsulotlarni, ishlab chiqarish jarayonlarini, xizmatlarni, menejment tizimlarini, xodimlarni sertifikatlashtirish va sifat boʻyicha ekspert-auditorlarni attestatsiyadan oʻtkazish boʻyicha dasturiy taʼminotlarini ishlab chiqadi;

texnik jihatdan tartibga solish, standartlashtirish, metrologiya, akkreditatsiya va sertifikatlashtirish sohalarida yagona axborot maʼlumotlari bazasini tashkil etadi va yuritadi;

tadbirkorlik subyektlari va aholiga koʻrsatiladigan interaktiv davlat xizmatlari turlarini kengaytirish boʻyicha takliflar tayyorlaydi;

standartlashtirish, metrologiya, akkreditatsiya va sertifikatlashtirish sohasida davlat reyestrlarining elektron bazasini shakllantiradi va yuritadi;

mahsulotlarning sifati toʻgʻrisida jamoatchilik fikrini oʻrganish hamda doimiy tarzda “qayta aloqa” prinsipi boʻyicha oʻrganish natijalarini yoritib berish imkoniyatini beradigan maxsus internet-portalni yaratishni tashkil etadi;

Oʻzbekiston Respublikasi Ochiq maʼlumotlar portalida joylashtiriladigan maʼlumotlar roʻyxatini kengaytirish choralarini koʻradi;

11) texnik jihatdan tartibga solish, standartlashtirish, sertifikatlashtirish va metrologiya sohasidagi qonun hujjatlari buzilishining oldini olish va profilaktikasini amalga oshirish sohasida:

texnik jihatdan tartibga solish, standartlashtirish, sertifikatlashtirish va metrologiya sohasidagi qonun hujjatlari buzilishining oldini olish va profilaktikasi boʻyicha ishlarni oʻtkazish jadvallarini tasdiqlaydi;

mahsulotlarni ishlab chiqarish va realizatsiya qilish borasida huquqbuzarliklarni aniqlash, ularning oldini olish va chek qoʻyish boʻyicha ishlarni tashkil etadi;

texnik reglamentlar, standartlashtirishga doir normativ hujjatlarning talablari, metrologiya, sertifikatlashtirish qoidalari buzilish faktlarini tahlilini oʻtkazadi va ushbu sohalarda qonunchilik hujjatlari talablariga rioya etishga koʻmaklashadigan mexanizmlarni ishlab chiqadi;

texnik reglamentlar, standartlashtirishga doir normativ hujjatlarning talablari, metrologiya, sertifikatlashtirish qoidalarini buzilishiga olib keladigan sharoitlarni oʻrganishni tashkil etadi, bunday sharoitlar qoʻllanilishini bartaraf etish boʻyicha chora-tadbirlarni ishlab chiqadi va amalga oshiradi;

tadbirkorlik subyektlariga, ular tomonidan huquqbuzarliklarga yoʻl qoʻyib boʻlmasligi toʻgʻrisida tushuntirishlar, shuningdek, huquqbuzarlikni sodir etishga moyil boʻlgan tadbirkorlik subyektlarini sodir etilgan huquqbuzarlik uchun javobgarlik toʻgʻrisida ogohlantirish ishlarini muvofiqlashtirishni amalga oshiradi;

majlislar, seminarlar, “ochiq eshiklar” kunlari, konferensiyalar va uchrashuvlar oʻtkazish yoʻli bilan texnik jihatdan tartibga solish, standartlashtirish, sertifikatlashtirish va metrologiya sohasidagi qonunchilik hujjatlari talablarini mumkin boʻlgan buzilishlarining oldini olish boʻyicha tushuntirish ishlari oʻtkazilishini tashkil etadi;

texnik jihatdan tartibga solish, standartlashtirish, sertifikatlashtirish va metrologiya sohasidagi qonunchilik hujjatlari buzilishlarining oldini olish va profilaktika qilish chora-tadbirlarini ommaviy axborot vositalarida yoritib beradi;

Agentlikning texnik bazasini tegishli modernizatsiya qilib, mustahkamlab va yangilab, tashqi va ichki manbalardan kelib tushadigan maʼlumotlarni tahlil qilishning ilgʻor avtomatlashtirilgan tahlil qilish usullarini joriy etadi va qoʻllaydi;

texnik jihatdan tartibga solish, standartlashtirish, metrologiya va sertifikatlashtirish sohasidagi masalalarga taalluqli boʻlgan normativ-huquqiy hujjatlarni aholi va tadbirkorlik subyektlariga oʻz vaqtida tanishtirish va yetkazish boʻyicha ishlarni tashkillashtiradi;

12) texnik jihatdan tartibga solish, standartlashtirish, sertifikatlashtirish va metrologiya masalalarida tadbirkorlik subyektlariga har tomonlama koʻmaklashish sohasida:

idoraviy boʻysinuvidan va mulkchilik shaklidan qatʼi nazar xoʻjalik faoliyati va tadbirkorlik subyektlari tomonidan sifatni boshqarish tizimi hujjatlarini ishlab chiqish va joriy etishda koʻmaklashish boʻyicha ishlarni tashkil etadi;

texnik jihatdan tartibga solish sohasidagi normativ hujjatlar, metrologiya qoidalari va sertifikatlashtirish qoidalarini ishlab chiqishda koʻmaklashish ishlarini tashkil etadi;

13) standartlashtirish boʻyicha texnik qoʻmitalarning faoliyatini muvofiqlashtirish sohasida:

davlat va xoʻjalik boshqaruvi organlariga standartlashtirish boʻyicha texnik qoʻmitalarni tashkil etish zarurati toʻgʻrisida tashabbuslarni ilgari suradi va koʻrsatmalar kiritadi;

“Oʻzstandart” agentligining idoraviy mansub tashkilotlarida standartlashtirish boʻyicha texnik qoʻmitalarni tashkil qiladi;

davlat va xoʻjalik boshqaruvi organlari huzurida tashkil etiladigan standartlashtirish boʻyicha texnik qoʻmitalarning nizomlarini kelishib beradi;

standartlashtirish boʻyicha texnik qoʻmitalar faoliyatini tashkil etish va tugatish boʻyicha ishlarda ishtirok etadi;

standartlashtirish boʻyicha texnik qoʻmitalar hamkorligini rivojlantirishni va oʻzaro yaqin hamkorlikni taʼminlaydi;

xorijiy mamlakatlarning milliy standartlashtirish institutlari va ularning texnik qoʻmitalari bilan oʻzaro yaqin va faol hamkorlikni amalga oshiradi;

14) manfaatdor tomonlarni standartlashtirishga doir normativ hujjatlar bilan taʼminlash sohasida:

anʼanaviy texnologiyalarning oldinda boruvchi imkoniyatlarini, istiqboldagi dastlabki talablarni belgilashni hisobga olgan holda standartlarni ishlab chiqadi;

standartlashtirishga doir normativ hujjatlarni ishlab chiqish ishlarini tashkil etish va ilmiy-metodik koʻrsatmalar berishda koʻmaklashadi;

texnik jihatdan tartibga solish sohasidagi normativ hujjatlar davlat fondini yaratadi, yuritadi va dolzarblashtiradi, shuningdek, nazorat nusxalari saqlanishini taʼminlaydi;

standartlashtirishga doir normativ hujjatlarning yagona axborot-maʼlumot bazasini yaratadi va kuzatib boradi;

standartlashtirishga doir normativ hujjatlar, texnik jihatdan tartibga solish, metrologiya va sertifikatlashtirish sohasidagi normativ hujjatlarni oʻz vakolati doirasida ishlab chiqadi;

davlat standartlari va tashkilotlarning standartlarini ekspertizadan oʻtkazadi;

15) standartlashtirishga doir normativ hujjatlarning xalqaro talablar bilan zarur uygʻunlashtirish darajasiga erishish sohasida:

standartlashtirishga doir normativ hujjatlar davlat fondini xalqaro meʼyorlar bilan uygʻunlashtirish darajasini oshirish choralarini koʻradi;

Oʻzbekiston Respublikasi davlat standartlari, tashkilotning standartlarini ishlab chiqish va qayta koʻrib chiqishning har yillik jadvallarini shakllantirishda ishtirok etadi va muvofiqlashtiradi;

texnik jihatdan tartibga solish, standartlashtirish, metrologiya va sertifikatlashtirish sohasida xalqaro amaliyotni doimiy ravishda oʻrganadi, uning natijalari boʻyicha ilgʻor amaliyotlarni joriy qilish boʻyicha takliflar kiritadi;

standartlashtirish boʻyicha xalqaro texnik qoʻmitalar va mintaqaviy tashkilotlar faoliyatida hamda davlat standartlarini xalqaro darajada tarqatishda faol ishtirok etadi.

10. “Oʻzstandart” agentligi oʻziga yuklatilgan vazifalar va funksiyalarni bevosita, shuningdek oʻzining hududiy boshqarmalari va unga idoraviy mansub tashkilotlar orqali amalga oshiradi.

11. “Oʻzstandart” agentligi markaziy apparatining asosiy vazifalari uning hududiy boʻlinmalari va idoraviy mansub tashkilotlari bilan birgalikda “Oʻzstandart” agentligiga yuklatilgan vazifa va funksiyalarning samarali bajarilishini tashkil etish va taʼminlash hisoblanadi.

12. “Oʻzstandart” agentligining markaziy apparati unga yuklangan asosiy vazifalarga muvofiq quyidagi funksiyalarni amalga oshiradi:

“Oʻzstandart” agentligi va uning rahbariyati faoliyatini tashkiliy va axborot-tahlil jihatidan taʼminlaydi;

“Oʻzstandart” agentligining hududiy boʻlinmalari va idoraviy mansub tashkilotlar tomonidan Oʻzbekiston Respublikasi qonunlari, Oʻzbekiston Respublikasi Prezidentining qarorlari, farmonlari, farmoyishlari, Hukumat qarorlari bajarilishi yuzasidan tizimli nazoratni taʼminlaydi;

“Oʻzstandart” agentligi tomonidan Oʻzbekiston Respublikasi Vazirlar Mahkamasi va Oʻzbekiston Respublikasi Prezidenti Administratsiyasiga kiritiladigan hujjatlarning sifatli va oʻz vaqtida ishlab chiqilishini va ularning iqtisodiy va huquqiy ekspertizadan oʻtkazilishini tashkil etadi;

“Oʻzstandart” agentligining hududiy boʻlinmalari va idoraviy mansub tashkilotlar faoliyatiga belgilangan tartibda rahbarlik qiladi, muvofiqlashtiradi va nazoratni amalga oshiradi;

“Oʻzstandart” agentligining faoliyati, shu jumladan, qonun ijodkorligi sohasidagi faoliyatini huquqiy taʼminlanishini tashkil etadi;

“Oʻzstandart” agentligining vakolatiga tegishli operativ, tashkiliy, kadrlar, moliya, ishlab chiqarish-xoʻjalik masalalari va boshqa masalalarni hal etadi.

13. Quyidagilar “Oʻzstandart” agentligining hududiy boʻlinmalari va idoraviy mansub tashkilotlarining asosiy vazifalari hisoblanadi:

respublikaning tegishli hududlarida “Oʻzstandart” agentligiga yuklangan vazifalar va funksiyalarni samarali bajarish;

Qoraqalpogʻiston Respublikasi Joʻqorgʻi Kengesi Raisi, viloyatlar va Toshkent shahri, tumanlar (shaharlar) hokimlari, prokuratura, ichki ishlar va davlat soliq xizmati hududiy organlari rahbarlari boshchilik qiladigan kompleks ijtimoiy-iqtisodiy rivojlantirish boʻyicha sektorlar bilan hamkorlik qilish.

14. “Oʻzstandart” agentligiga yuklangan vazifa va funksiyalar respublika hududlarida Qoraqalpogʻiston Respublikasi, viloyatlar va shaharlardagi sinov va sertifikatlashtirish markazlari, shuningdek, Departamentning hududiy inspektorlari tomonidan amalga oshiriladi.

15. “Oʻzstandart” agentligi oʻziga yuklangan vazifalar va funksiyalarni amalga oshirish uchun quyidagi huquqlarga ega:

texnik jihatdan tartibga solish, standartlashtirish, metrologiya, sinash, sertifikatlashtirish va akkreditatsiya sohasidagi masalalarni hal etish uchun davlat va xoʻjalik boshqaruvi organlari, tashkilotlar mutaxassislarini belgilangan tartibda jalb etish;

qonun hujjatlari va normativ-huquqiy hujjatlar loyihalarini ishlab chiqish va belgilangan tartibda kiritish, texnik jihatdan tartibga solish, standartlashtirish, metrologiya, sertifikatlashtirish, akkreditatsiya qilish hamda mahsulotlar sifatini boshqarish masalalari boʻyicha qonunlar va boshqa normativ-huquqiy hujjatlar loyihalarini koʻrib chiqish hamda ular yuzasidan xulosalar berish;

“Oʻzstandart” agentligining vakolatiga kiradigan masalalarda davlat va xoʻjalik boshqaruvi organlari, mahalliy davlat hokimiyati organlari faoliyatini belgilangan tartibda muvofiqlashtirish;

“Oʻzstandart” agentligi vakolatiga kiradigan masalalarni hal etish uchun davlat va xoʻjalik boshqaruvi organlaridan, mahalliy davlat hokimiyati organlaridan zarur axborotni belgilangan tartibda soʻrash va olish;

“Oʻzstandart” agentligi vakolatiga kiradigan masalalar boʻyicha zarur statistik axborotni davlat statistika organlaridan bepul olish;

“Oʻzstandart” agentligi oʻzining tashkiliy tuzilmasi doirasida unga idoraviy mansub tashkilotlar va hududiy boʻlinmalarining davlat mulkini bir boʻlinmadan boshqasiga belgilangan tartibda bepul foydalanish huquqi asosida berish;

“Oʻzstandart” agentligi, unga idoraviy mansub tashkilotlar va hududiy boʻlinmalar xodimlarini tomonidan tegishli sohada ular faoliyatining asosiy koʻrsatkichlari parametrlari bajarilishi hisobga olingan holda, ijtimoiy muhofaza qilish va moddiy ragʻbatlantirish tartibi, miqdori va shartlarini belgilash;

“Oʻzstandart” agentligi, uning idoraviy mansub tashkilotlari va hududiy boʻlinmalari xodimlarini tegishli sohada ularning faoliyatini asosiy koʻrsatkichlari boʻyicha parametrlar ular tomonidan bajarilishini hisobga olgan holda, ijtimoiy himoya qilish va moddiy ragʻbatlantirish tartibi, oʻlchamlari va shart-sharoitlarini aniqlash;

“Oʻzstandart” agentligi vakolatiga kiradigan masalalar boʻyicha Oʻzbekiston Respublikasi Vazirlar Mahkamasi, davlat va xoʻjalik boshqaruvi organlari, mahalliy davlat hokimiyati organlariga koʻrib chiqish uchun takliflar kiritish;

“Oʻzstandart” agentligi vakolatiga kiradigan masalalar boʻyicha idoralararo tusdagi xalqaro shartnomalarni belgilangan tartibda tuzish;

“Oʻzstandart” agentligi vakolatiga tegishli boʻlgan masalalar boʻyicha xalqaro darajada Oʻzbekiston Respublikasi manfaatlarini belgilangan tartibda ifodalash;

texnik jihatdan tartibga solish sohasida ekspert komissiyalarini tashkil etish;

oʻz vakolati doirasida davlat va xoʻjalik boshqaruvi organlari tomonidan ishlab chiqilgan umumiy va maxsus texnik reglamentlarni ekspertizadan oʻtkazish;

oʻz vakolati doirasida umumiy va maxsus texnik reglamentlarni ishlab chiqish;

oʻz vakolati doirasida davlat va xoʻjalik boshqaruvi organlari tomonidan ishlab chiqilgan maxsus texnik reglamentlarni tasdiqlash, ularga oʻzgartirish va qoʻshimchalar kiritish, shuningdek, koʻrsatilgan reglamentlarni bekor qilish;

standartlashtirish boʻyicha tarmoq va tarmoqlararo texnik qoʻmitalarni tashkil qilishda manfaatdor vazirlik va idoralar bilan hamkorlikda ishtirok etish;

davlat nazorati natijalarini tahlil qilish asosida mahsulotlar sifati va raqobatbardoshligini oshirish hamda sifat tizimlarini takomillashtirish yuzasidan tavsiyalar kiritish;

standartlashtirish, metrologiya, respublika iqtisodiyoti uchun alohida ahamiyatga ega boʻlgan mahsulotlarni sinash va sertifikatlashtirish muammolarini koʻrib chiqish boʻyicha vaqtinchalik ilmiy-texnika komissiyalari tuzish;

nazorat qilinayotgan mahsulotlar koʻrsatkichlarining belgilangan talablarga muvofiqligini tekshirish maqsadida sotish va saqlash korxonalarida nazorat xaridini oʻtkazish yoʻli bilan mahalliy mahsulotlar sifatining davlat nazoratini amalga oshirish;

“Oʻzstandart” agentligi huzuri standartlashtirish, metrologiya va sertifikatlashtirishni rivojlantirish maxsus jamgʻarmasi mablagʻlaridan belgilangan tartibda foydalanish;

texnik reglamentlar, standartlashtirish, metrologiya va sertifikatlashtirish qoidalari buzilganligi uchun qonun hujjatlarida belgilangan tartibda javobgarlik choralarini qoʻllash;

ishlab chiqarilayotgan mahsulotlarning raqobatbardoshligini va sifatini taʼminlamaydigan hamda amaldagi qonun hujjatlariga zid boʻlgan normativ hujjatlarni bekor qilish, ularning amal qilish muddatini cheklash yoki qayta koʻrib chiqish toʻgʻrisida bajarilishi majburiy boʻlgan qarorlarni belgilangan tartibda qabul qilish;

noshirlik faoliyatini amalga oshirish;

xalqaro (davlatlararo) standartlar va boshqa mamlakatlarning milliy standartlarini, shu mamlakatlar bilan tuzilgan shartnoma va kelishuvlarga muvofiq, rasmiy eʼlon qilish, tarqatish va nashr etish hamda qayta nashr etish;

texnik jihatdan tartibga solish, standartlashtirish, metrologiya, sertifikatlashtirish va akkreditatsiya sohasida xalqaro loyihalar va dasturlarni ishlab chiqish va amalga oshirishda qatnashish;

muvofiqlik sertifikatlari blanklarini, sertifikatlashtirish tizimida qoʻllaniladigan muvofiqlik belgisi shaklini va oʻlchamlarini tasdiqlash;

majburiy sertifikatlashtirish talablariga rioya etilishi yuzasidan davlat nazoratini amalga oshirish;

qonunchilik normalari buzilganligi uchun muvofiqlik sertifikatlari va muvofiqlik belgilarini amal qilishini toʻxtatib turish va bekor qilish;

texnik jihatdan tartibga solish, standartlashtirish, metrologiya va sertifikatlashtirish sohasida qonun hujjatlarining buzilish alomatlari aniqlangan holatlarda, xoʻjalik yurituvchi subyektlardan zarur hujjatlar va boshqa axborotlarni soʻrash;

texnik jihatdan tartibga solish, standartlashtirish, metrologiya va sertifikatlashtirish sohasidagi qonunchilik buzilishlarini bartaraf etish va (yoki) ularning oqibatlarini bartaraf etish, dastlabki holatini tiklash toʻgʻrisida qonunchilikda belgilangan tartibda xoʻjalik yurituvchi subyektlar, davlat idoralariga, ularning mansabdor shaxslariga bajarish uchun majburiy boʻlgan koʻrsatmalarni berish, shuningdek berilgan koʻrsatmalarning bajarilishini nazorat qilish.

“Oʻzstandart” agentligi qonun hujjatlariga muvofiq boshqa huquqlarga ham ega boʻlishi mumkin.

16. “Oʻzstandart” agentligi belgilangan tartibda oʻz vakolati doirasida vazirliklar, davlat qoʻmitalari, muassasalar, tashkilotlar, mansabdor shaxslar va fuqarolar tomonidan bajarilishi majburiy boʻlgan normativ-huquqiy hujjatlar qabul qilishga haqlidir.

“Oʻzstandart” agentligi, zarur hollarda, belgilangan tartibda boshqa vazirliklar, davlat qoʻmitalari va idoralar bilan qoʻshma qarorlar va boshqa hujjatlar chiqarishga haqlidir.

17. “Oʻzstandart” agentligi:

“Oʻzstandart” agentligiga yuklangan vazifa va funksiyalarning samarali bajarilishi, shuningdek, texnik jihatdan tartibga solish, standartlashtirish, oʻlchashlarning yagona birlikda boʻlishi taʼminlash va sertifikatlashtirish sohasidagi davlat siyosatini amalda amalga oshirish;

“Oʻzstandart” agentligining faoliyati bilan bogʻliq boʻlgan prognoz koʻrsatkichlarga erishilishini soʻzsiz taʼminlash;

Oʻzbekiston Respublikasi Vazirlar Mahkamasiga va Oʻzbekiston Respublikasi Prezidenti Administratsiyasiga kiritiladigan normativ-huquqiy hujjatlar va boshqa hujjatlar loyihalari, shuningdek, “Oʻzstandart” agentligi tomonidan qabul qilinadigan buyruqlar amalga oshirilishining sifati, pirovard natijalari va oqibatlari;

texnik jihatdan tartibga solish, standartlashtirish, oʻlchashlarning yagona birlikda boʻlishi taʼminlash va sertifikatlashtirish tizimini rivojlantirish boʻyicha, shuningdek koʻrsatilgan sohalarda hududlarni ijtimoiy-iqtisodiy rivojlantirish va ulardagi muammoli masalalarni hal qilish boʻyicha dasturlar, tadbirlar rejalari, “yoʻl xaritalari” va boshqa hujjatlarning samarali amalga oshirilishi;

fuqarolar va tadbirkorlik subyektlarining qonuniy huquq va manfaatlarini himoya qilinishi va rioya etilishini taʼminlanishi uchun javob beradi.

18. “Oʻzstandart” agentligining markaziy apparati oʻziga yuklangan vazifalar va funksiyalarni amalga oshirish uchun quyidagi huquqlarga ega:

“Oʻzstandart” agentligi markaziy apparatida koʻrib chiqiladigan masalalar, shuningdek normativ-huquqiy hujjatlar va boshqa hujjatlarning loyihalarini tahlil qilish va ishlab chiqish uchun zarur boʻlgan materiallar va maʼlumotlarni “Oʻzstandart” agentligining hududiy boʻlinmalaridan va idoraviy mansub tashkilotlaridan soʻrash va olish;

“Oʻzstandart” agentligida koʻrib chiqiladigan masalalarni ishlab chiqish, axborot va tahliliy materiallarni, shuningdek, normativ-huquqiy hujjatlar va boshqa hujjatlar loyihalarini tayyorlash uchun, zarurat boʻlganda, “Oʻzstandart” agentligi hududiy boʻlinmalari va idoraviy mansub tashkilotlari vakillarini belgilangan tartibda jalb qilish, shu maqsadda ekspert va ishchi guruhlar tashkil etish;

“Oʻzstandart” agentligining hududiy boʻlinmalari va idoraviy mansub tashkilotlari rahbarlari hamda vakillari ishtirokida belgilangan tartibda yigʻilishlar oʻtkazish;

“Oʻzstandart” agentligi hududiy boʻlinmalari va idoraviy mansub tashkilotlari rahbarlariga jadal hal qilinishi talab etiladigan va “Oʻzstandart” agentligiga yuklangan vazifalar hamda funksiyalarni bajarish bilan bogʻliq masalalar yuzasidan belgilangan tartibda topshiriqlar berish;

qabul qilingan qonunchilik va boshqa normativ-huquqiy hujjatlar, Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining topshiriqlari, shuningdek, “Oʻzstandart” agentligi va uning rahbariyatini hujjat va topshiriqlarini “Oʻzstandart” agentligining hududiy boʻlinmalari va idoraviy mansub tashkilotlari tomonidan bajarilishi yuzasidan ularning faoliyatini belgilangan tartibda oʻrganish va tekshirish;

“Oʻzstandart” agentligining markaziy apparati qonun hujjatlariga muvofiq boshqa huquqlarga ham ega boʻlishi mumkin.

19. “Oʻzstandart” agentligining markaziy apparati:

“Oʻzstandart” agentligi hududiy boʻlinmalari va idoraviy mansub tashkilotlari bilan birgalikda “Oʻzstandart” agentligiga yuklangan vazifa va funksiyalarning sifatli va oʻz vaqtida bajarilishini taʼminlash;

“Oʻzstandart” agentligining faoliyati bilan bogʻliq prognoz koʻrsatkichlarga erishishni taʼminlash boʻyicha “Oʻzstandart” agentligi markaziy apparati boʻlinmalarining ishini tashkil etish;

“Oʻzstandart” agentligi tomonidan koʻrib chiqish uchun Oʻzbekiston Respublikasi Vazirlar Mahkamasiga va Oʻzbekiston Respublikasi Prezidenti Administratsiyasiga kiritiladigan normativ-huquqiy hujjatlar va boshqa hujjatlar loyihalari, shuningdek, “Oʻzstandart” agentligi tomonidan qabul qilinadigan qarorlarning tayyorlanishi sifati va ekspertizadan oʻtkazilishi;

texnik jihatdan tartibga solish, standartlashtirish, oʻlchashlarning yagona birlikda boʻlishi taʼminlash va sertifikatlashtirishni rivojlantirish boʻyicha, shuningdek, koʻrsatilgan sohalarda hududlarni ijtimoiy-iqtisodiy rivojlantirish va ulardagi muammoli masalalarni hal qilish boʻyicha turli dasturlarning hududiy boʻlinmalar va idoraviy mansub tashkilotlar tomonidan amalga oshirilishini tashkil etish;

fuqarolar va tadbirkorlik subyektlarining qonuniy huquq va manfaatlarini himoya qilinishi va rioya etilishini taʼminlanishi uchun javob beradi.

20. “Oʻzstandart” agentligi hududiy boʻlinmalari va idoraviy mansub tashkilotlari oʻzlariga yuklangan vazifalar va funksiyalarni amalga oshirish uchun quyidagi huquqlarga ega:

davlat va xoʻjalik boshqaruvi organlari, mahalliy davlat hokimiyati organlari hududiy boʻlinmalaridan oʻz vakolatiga kiradigan masalalarni hal qilish uchun zarur boʻlgan axborotni belgilangan tartibda soʻrash va olish;

“Oʻzstandart” agentligining vakolatiga taalluqli boʻlgan sohada eng muhim muammolarini ishlab chiqish va koʻrib chiqish boʻyicha hududiy darajada idoralararo komissiyalar va kengashlar tuzish;

“Oʻzstandart” agentligi vakolatiga kiradigan masalalar boʻyicha davlat va xoʻjalik boshqaruvi organlari, mahalliy davlat hokimiyati organlarining koʻrib chiqishi uchun takliflar kiritish;

“Oʻzstandart” agentligining hududiy boʻlinmalari va idoraviy mansub tashkilotlari qonun hujjatlariga muvofiq boshqa huquqlarga ham ega boʻlishi mumkin.

21. “Oʻzstandart” agentligining hududiy boʻlinmalari va idoraviy mansub tashkilotlari:

“Oʻzstandart” agentligining boshqa hududiy boʻlinmalar va idoraviy mansub tashkilotlari bilan birgalikda “Oʻzstandart” agentligiga yuklangan vazifalar va funksiyalarning sifatli va oʻz vaqtida bajarilishini taʼminlash;

“Oʻzstandart” agentligining hududiy boʻlinmalari va idoraviy mansub tashkilotlari faoliyati bilan bogʻliq prognoz koʻrsatkichlarga erishishni taʼminlash;

“Oʻzstandart” agentligiga kiritiladigan hujjatlar loyihalari va takliflar, shuningdek, “Oʻzstandart” agentligining hududiy boʻlinmalari va idoraviy mansub tashkilotlari tomonidan qabul qilinadigan qarorlarning amalga oshirilishi sifati, pirovard natijalari va oqibatlari;

respublika hududlarida yuzaga kelgan muammolarni har tomonlama va chuqur tahlil qilish va umumlashtirish asosida Qoraqalpogʻiston Respublikasi, viloyatlar va Toshkent shahrida texnik jihatdan tartibga solish, standartlashtirish, oʻlchashlarning yagona birlikda boʻlishini taʼminlash va sertifikatlashtirish sohalarini rivojlantirishga doir takliflarni tayyorlash;

texnik jihatdan tartibga solish, standartlashtirish, oʻlchashlarning yagona birlikda boʻlishi taʼminlash va sertifikatlashtirish sohalarini rivojlantirish boʻyicha dasturlar, chora-tadbirlar rejalari, “yoʻl xaritalari” va boshqa dasturiy hujjatlarni Qoraqalpogʻiston Respublikasi, viloyatlar va Toshkent shahrida samarali amalga oshirish, koʻrsatilgan sohalarda hududlarning muammoli masalalarini hal etish;

fuqarolar va tadbirkorlik subyektlarining qonuniy huquq va manfaatlarini himoya qilinishi va rioya etilishini taʼminlanishi uchun javob beradi.

22. Quyidagilar “Oʻzstandart” agentligi bosh direktorining asosiy funksional majburiyatlari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

2) “Oʻzstandart” agentligi faoliyatiga yakkaboshchilik asosida umumiy rahbarlik qilish, Oʻzbekiston Respublikasi Prezidentining tegishli hujjatlari, Oʻzbekiston Respublikasi Vazirlar Mahkamasining qarorlari va boshqa qonun hujjatlari bilan “Oʻzstandart” agentligiga yuklangan vazifa va funksiyalarning bajarilishini tashkil etish;

3) Oʻzbekiston Respublikasi Prezidentining hujjatlari va Oʻzbekiston Respublikasi Vazirlar Mahkamasining qarorlari bilan tasdiqlangan “Oʻzstandart” agentligining faoliyatini yanada takomillashtirish boʻyicha konsepsiyalar, kompleks dasturlar va kompleks chora-tadbirlar ijrosini tanqidiy va chuqur tahlil qilish;

4) “Oʻzstandart” agentligi, uning hududiy boʻlinmalari va idoraviy mansub tashkilotlari faoliyati bilan bogʻliq prognoz koʻrsatkichlariga erishishni soʻzsiz taʼminlash boʻyicha amaliy chora-tadbirlarni ishlab chiqish va qabul qilish;

5) Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasining boʻlinmalari, shuningdek, “Oʻzstandart” agentligi vakolatiga kiruvchi masalalar boʻyicha tegishli vazirliklar va idoralar bilan hamkorlik qilish, Oʻzbekiston Respublikasi Vazirlar Mahkamasi va uning Rayosati majlislarida masalalarni koʻrib chiqishda ishtirok etish;

6) Oʻzbekiston Respublikasi Prezidenti, Oʻzbekiston Respublikasining Bosh vaziri, uning oʻrinbosarlari va maslahatchilarining topshiriqlarini bajarish;

7) oʻz oʻrinbosarlari vakolatini belgilash, ular oʻrtasida majburiyatlarni taqsimlash, “Oʻzstandart” agentligining boshqa mansabdor shaxslari vakolatlarini belgilash, “Oʻzstandart” agentligi faoliyatining alohida uchastkalariga rahbarlik qilish uchun oʻz oʻrinbosarlari va boshqa mansabdor shaxslarning shaxsiy masʼuliyati darajasini belgilash;

8) “Oʻzstandart” agentligi faoliyatini rejalashtirilishini tashkil etish, “Oʻzstandart” agentligi va oʻz oʻrinbosarlarining har choraklik ish rejalarini tasdiqlash, ularning bajarilishi yuzasidan nazoratni taʼminlash;

9) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining hujjatlari va topshiriqlari ijrosini tashkil etish va monitoring olib borish, “Oʻzstandart” agentligi faoliyatida ijro intizomini mustahkamlash boʻyicha kompleks chora-tadbirlarni amalga oshirish, shuningdek, topshiriqlarning oʻz vaqtida va sifatli amalga oshirilishini taʼminlash uchun hududiy boʻlinmalar va idoraviy mansub tashkilotlar rahbarlarining shaxsiy masʼuliyatini oshirish boʻyicha chora-tadbirlarni qabul qilishning amaliy tizimini yaratish;

10) “Oʻzstandart” agentligi xodimlarini tizimli qayta tayyorlashni va ularning malakasini oshirishni tashkil etish;

11) “Oʻzstandart” agentligi tizimida kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, “Oʻzstandart” agentligining kadrlar zaxirasini shakllantirish;

12) Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasi nomenklaturasiga kiradigan boʻsh lavozimlarga taklif etilgan kadrlarning, shuningdek, “Oʻzstandart” agentligiga ishga qabul qilinayotgan boshqa kadrlarning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash;

13) faoliyat sohasidagi masalalar boʻyicha normativ-huquqiy hujjatlar loyihalari oʻz vaqtida va sifatli ishlab chiqilishini, ularning “Normativ-huquqiy hujjatlar toʻgʻrisida”gi, “Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida”gi Oʻzbekiston Respublikasi qonunlari, Oʻzbekiston Respublikasi Prezidenti Administratsiyasining Reglamenti, ularning Oʻzbekiston Respublikasi Vazirlar Mahkamasi apparatida ishlab chiqilishi, Oʻzbekiston Respublikasi Vazirlar Mahkamasi rahbariyati huzurida himoya qilinishi va Oʻzbekiston Respublikasi Prezidenti Administratsiyasida koʻrib chiqilishida ishtirok etish;

14) “Normativ-huquqiy hujjatlar toʻgʻrisida”, “Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida”gi Oʻzbekiston Respublikasi qonunlariga va Davlat va xoʻjalik boshqaruvi organlari, mahalliy ijro etuvchi, hokimiyat organlarining qonun loyihalariga doir faoliyatining Namunaviy reglamentiga muvofiq “Oʻzstandart” agentligining qonun loyihalarini tayyorlash faoliyatini tashkil etish;

15) “Oʻzstandart” agentligi vakolatiga kiradigan masalalar boʻyicha normativ-huquqiy hujjatlar qabul qilish, zarur boʻlganda boshqa vazirliklar va idoralar bilan birgalikda tegishli qarorlar qabul qilish;

16) “Oʻzstandart” agentligi taqdim etilgan takliflar va normativ-huquqiy hujjatlar loyihalarining toʻliq va oʻz vaqtida koʻrib chiqilishini taʼminlash, ularni iqtisodiy, moliyaviy, huquqiy ekspertizadan va boshqa ekspertizadan puxta oʻtkazish, shuningdek, Oʻzbekiston Respublikasi Vazirlar Mahkamasining Reglamentida va Oʻzbekiston Respublikasi Prezidenti Administratsiyasining Reglamenti belgilangan muddatlarda ularni kelishish (viza qoʻyish);

17) “Oʻzstandart” agentligi rahbarlari va xodimlari xizmat safarlarini belgilangan talablarga toʻliq muvofiqlikda tashkil etish va amalga oshirish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

18) oʻz oʻrinbosarlari va hududiy boʻlinmalar va idoraviy mansub tashkilotlar rahbarlari faoliyati samaradorligini va natijadorligini muntazam tanqidiy tahlil qilish, “Oʻzstandart” agentligi hayʼati majlislarida ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

19) “Oʻzstandart” agentligi xodimlarini ragʻbatlantirish va intizomiy javobgarlikka tortish masalalarini hal qilish, oʻz oʻrinbosarlarini ragʻbatlantirish va intizomiy javobgarlikka tortish, shu jumladan ularning egallab turgan lavozimda qolishining maqsadga muvofiqligiga doir masalalarni koʻrib chiqish toʻgʻrisida takliflar kiritish, ularning shaxsiy masʼuliyatini oshirishga doir tizimli chora-tadbirlarni amalga oshirish;

20) “Oʻzstandart” agentligi xodimlari tomonidan Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan “Oʻzstandart” agentligi xodimlarining odob-axloq qoidalari talablariga rioya etilishini taʼminlash;

21) “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq “Oʻzstandart” agentligi tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

22) “Oʻzstandart” agentligi, uning hududiy boʻlinmalari va idoraviy mansub tashkilotlari ishini tashkil etishning zamonaviy shakllari joriy etilishini taʼminlash;

23) aholi va tadbirkorlik subyektlari bilan hamkorlik qilishda, shu jumladan, “yagona darcha” prinsipini joriy etish orqali davlat xizmatlari sifati va samaradorligini hamda ulardan erkin foydalanishni oshirish hamda “Elektron hukumat toʻgʻrisida”gi Oʻzbekiston Respublikasi Qonunini amalga oshirish doirasida zamonaviy axborot-kommunikatsiya texnologiyalaridan foydalanish;

24) jismoniy va yuridik shaxslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni, Davlat organlari va davlat muassasalarida jismoniy va yuridik shaxslarning murojaatlari bilan ishlash tartibi toʻgʻrisidagi namunaviy nizomda belgilangan muddatlarda va tartibda jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

25) Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida “Oʻzstandart” agentligi xodimlari va rahbarlarining faol ishtirok etishini tashkil etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan kelib tushgan murojaatlari oʻz vaqtida va toʻliq koʻrib chiqilishini taʼminlash;

26) davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish;

27) “Oʻzstandart” agentligi vakolatiga kiradigan masalalar boʻyicha qarorlar qabul qilish va “Oʻzstandart” agentligiga yuklatilgan vazifalar va funksiyalarni bajarish uchun shaxsiy javobgar boʻlish;

28) “Oʻzstandart” agentligi xodimlari tomonidan bajarish uchun majburiy boʻlgan buyruqlar, qarorlar, farmoyishlar, qoʻllanmalar chiqarish va koʻrsatmalar berish;

29) belgilangan cheklangan umumiy son doirasida “Oʻzstandart” agentligining markaziy apparatini, shuningdek, hududiy boʻlinmalari va idoraviy mansub tashkilotlarining shtat jadvalini va xarajatlar smetasini belgilangan tartibda tasdiqlash;

30) “Oʻzstandart” agentligining hududiy boʻlinmalari va idoraviy mansub tashkilotlarining nizomlarini (ustavlarini) belgilangan tartibda tasdiqlash;

31) “Oʻzstandart” agentligi markaziy apparati xodimlarini, “Oʻzstandart” agentligi tizimiga kiruvchi hududiy boʻlinmalar va idoraviy mansub tashkilotlar rahbarlarini belgilangan tartibda lavozimga tayinlash va lavozimdan ozod qilish;

32) texnik jihatdan tartibga solish, standartlashtirish, oʻlchashlarning yagona birlikda boʻlishini taʼminlash, muvofiqlikni baholash, sertifikatlashtirish, akkreditatsiya va davlat nazorati yuzasidan idoralar bilan hamkorlik masalalari boʻyicha idoralararo tusdagi xalqaro, davlatlararo shartnomalarning belgilangan tartibda imzolanishi;

“Oʻzstandart” agentligining Bosh direktori qonunchilikka muvofiq boshqa vakolatlarni ham amalga oshiradi.

23. Quyidagilar “Oʻzstandart” agentligi Bosh direktor oʻrinbosarlarining asosiy funksional majburiyatlari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

2) “Oʻzstandart” agentligi Bosh direktori vaqtincha boʻlmaganda tegishli buyruq asosida uning vazifalarini bajarish;

3) mutasaddilik qiladigan “Oʻzstandart” agentligining hududiy boʻlinmalari va idoraviy mansub tashkilotlari faoliyatini muvofiqlashtirish, nazorat qilish va ularga bevosita rahbarlik qilish;

4) “Oʻzstandart” agentligi faoliyatining mutasaddilik qilinadigan yoʻnalishlari boʻyicha Oʻzbekiston Respublikasi Prezidentining hujjatlari va Oʻzbekiston Respublikasi Vazirlar Mahkamasining qarorlari bilan tasdiqlangan, davlat boshqaruvi organlarining faoliyatini yanada takomillashtirish boʻyicha konsepsiyalar, kompleks dasturlar va kompleks tadbirlar ijrosini tanqidiy va chuqur tahlil qilish;

5) mutasaddilik qilinadigan hududiy boʻlinmalar va idoraviy mansub tashkilotlarning prognoz koʻrsatkichlarga erishishni soʻzsiz taʼminlash chora-tadbirlarini koʻrish, boʻlinmalar rahbarlarining hisobotlarini muntazam eshitish va ushbu koʻrsatkichlarga erishish uchun ularning shaxsiy javobgarligini oshirish;

6) tarkibiy va hududiy boʻlinmalar rahbarlarining har choraklik rejalarini tasdiqlash, ularning bajarilishi yuzasidan nazoratni taʼminlash;

7) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining hujjatlari va topshiriqlari bajarilishini taʼminlash, mutasaddilik qilinadigan tarkibiy boʻlinmalarda ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek topshiriqlarning oʻz vaqtida va sifatli amalga oshirilishi uchun tarkibiy, boʻlinmalar rahbarlarining shaxsiy javobgarligini oshirish boʻyicha choralar koʻrish;

8) “Oʻzstandart” agentligi hayʼati qarorlari, “Oʻzstandart” agentligi Bosh direktorining buyruq va topshiriqlarini oʻz vaqtida va sifatli bajarilishini taʼminlash;

9) mutasaddilik qilinadigan tarkibiy boʻlinmalarida kadrlarni tanlash va joy-joyiga qoʻyish boʻyicha “Oʻzstandart” agentligi Bosh direktoriga takliflar berish, ularning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash, ularning kasbiy malakasini oshirish boʻyicha choralar koʻrish, hududiy boʻlinmalar va idoraviy mansub tashkilotlarda kadrlar zaxirasini shakllantirish;

10) normativ-huquqiy hujjatlar loyihalari sifatli ishlab chiqilishini tashkillashtirish, “Oʻzstandart” agentligi Bosh direktori tomonidan keyinchalik koʻrib chiqilishi, imzolanishi (viza qoʻyilishi) uchun tayyorlangan hujjatlar loyihalarini koʻrib chiqish va viza qoʻyish, Oʻzbekiston Respublikasi Vazirlar Mahkamasining Reglamenti va Oʻzbekiston Respublikasi Prezidenti Administratsiyasining Reglamenti talablariga qatʼi muvofiq tarzda ularning Oʻzbekiston Respublikasi Vazirlar Mahkamasiga oʻz vaqtida kiritilishini taʼminlash, shuningdek, “Oʻzstandart” agentligi Bosh direktorining topshirigʻi boʻyicha Oʻzbekiston Respublikasi Vazirlar Mahkamasi apparatida normativ-huquqiy hujjatlar loyihalarini ishlab chiqishda ishtirok etish;

11) “Oʻzstandart” agentligiga taqdim etilgan normativ-huquqiy hujjatlar loyihalarini va takliflarni toʻliq va har tomonlama koʻrib chiqish, ularning puxta huquqiy, moliyaviy, iqtisodiy va boshqa ekspertizasini oʻtkazish;

12) belgilangan talablarga toʻliq muvofiqlikda xizmat safarlarini amalga oshirish, xizmat safarlarining asoslanganligi, samaradorligi va natijadorligini taʼminlash, xizmat safari sarflariga ajratilgan mablagʻlarni maqsadli va oqilona ishlatish;

13) idoraviy mansub tashkilotlar va hududiy boʻlinmalar rahbarlari va xodimlari faoliyati samaradorligini va natijadorligini muntazam tanqidiy tahlil qilish, “Oʻzstandart” agentligi hayʼati majlislarida ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

14) faoliyat sohasiga tegishli masalalar boʻyicha “Oʻzstandart” agentligi faoliyatini takomillashtirishga doir amaliy chora-tadbirlar koʻrish, qonun hujjatlarini takomillashtirish boʻyicha takliflar ishlab chiqish va ularni “Oʻzstandart” agentligi rahbariyatiga kiritish;

15) hududiy boʻlinmalar va idoraviy mansub tashkilotlar rahbarlari va xodimlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimida qolishi maqsadga muvofiqligi masalasini koʻrib chiqish boʻyicha takliflarni “Oʻzstandart” agentligining rahbariyatiga kiritish, funksional vazifalar va yuklatilgan vazifalar bajarilishi uchun ularning shaxsiy masʼuliyatini oshirish boʻyicha tizimli chora-tadbirlar koʻrish;

16) Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida “Oʻzstandart” agentligi tomonidan tasdiqlanadigan davlat boshqaruvi organlari xodimlarining odob-axloq qoidalari talablariga amal qilishi, idoraviy mansub tashkilotlarning rahbarlari va xodimlari tomonidan koʻrsatilgan qoidalarga amal qilinishini taʼminlash;

17) “Korrupsiyaga qarshi kurashish toʻgʻrisida”gi Oʻzbekiston Respublikasi Qonunining talablariga muvofiq “Oʻzstandart” agentligi tizimidagi korrupsiya va boshqa huquqbuzarliklarni oldini olish yuzasidan choralar koʻrish, shuningdek huquqni qoʻllash amaliyoti va qonunchilikni takomillashtirish boʻyicha chora-tadbirlar ishlab chiqish va amalga oshirish yoʻli orqali ularning sodir etilishini keltirib chiqaradigan sabablar va shart-sharoitlarni aniqlash, tahlil qilish, bartaraf etish;

18) “Oʻzstandart” agentligi Bosh direktoriga davlat xizmatlarini koʻrsatish samaradorligi, sifatini oshirish va ochiqligi yuzasidan takliflar kiritish;

19) jismoniy va yuridik shaxslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni, Davlat organlari va davlat muassasalarida jismoniy va yuridik shaxslarning murojaatlari bilan ishlash tartibi toʻgʻrisidagi namunali Nizomda belgilangan tartib va muddatlarda jismoniy va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

20) Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida faol ishtirok etishini tashkil etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan kelib tushgan murojaatlari oʻz vaqtida va toʻliq koʻrib chiqilishini taʼminlash;

21) davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

24. Quyidagilar “Oʻzstandart” agentligi markaziy apparati tizim tashkilotlari boshliqlarining asosiy funksional majburiyatlari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

2) tarkibiy boʻlinmalar faoliyatiga bevosita rahbarlik qilish, ushbu boʻlinmalarga yuklatilgan vazifalar va funksiyalarning bajarilishini tashkillashtirish;

3) “Oʻzstandart” agentligining hududiy boʻlinmalari va idoraviy mansub tashkilotlarining oʻz vakolatlari doirasidagi faoliyatini muvofiqlashtirish;

4) prognoz koʻrsatkichlari bajarilish jarayonlarini muntazam tahlil qilish va hududiy boʻlinmalar va idoraviy mansub tashkilotlar tomondan koʻrsatilgan koʻrsatkichlarni soʻzsiz erishilishini taʼminlashga qaratilgan qoʻshimcha chora-tadbirlar qabul qilish boʻyicha takliflarni “Oʻzstandart” agentligi Bosh direktorining mutasaddi oʻrinbosarlariga taqdim etish;

5) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining topshiriq va hujjatlarining bajarilishini taʼminlash, “Oʻzstandart” agentligi hududiy boʻlinmalari va idoraviy mansub tashkilotlarining xodimlari tomonidan ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, topshiriqlarning oʻz vaqtida va sifatli bajarilishi uchun hududiy boʻlinmalar va idoraviy mansub tashkilotlar xodimlarining shaxsiy javobgarligini oshirish boʻyicha choralar koʻrish;

6) “Oʻzstandart” agentligi hayʼati qarorlari, “Oʻzstandart” agentligi Bosh direktori va uning oʻrinbosarlarining buyruq va topshiriqlarini oʻz vaqtida va sifatli bajarilishini taʼminlash;

7) har choraklik ish rejalarni ishlab chiqishni taʼminlash, ularni tasdiqlashga kiritish, ularda koʻrsatilgan vazifalar va chora-tadbirlarning oʻz vaqtida va sifatli bajarilishini taʼminlash;

8) tarkibiy tashkilotlarga yuklatilgan vazifalarni bajarilishini muvofiqlashtirish va nazorat qilish, hududiy boʻlinmalar va “Oʻzstandart” agentligining idoraviy mansub tashkilotlari faoliyatiga amaliy va metodik yordam koʻrsatish;

9) faoliyat masalalari yuzasidan qonunchilikni takomillashtirish boʻyicha takliflar ishlab chiqish va ularni koʻrib chiqish uchun “Oʻzstandart” agentligi rahbariyatiga kiritish;

10) tarkibiy tashkilotlarda kadrlarni tanlash va joylashtirishda “Oʻzstandart” agentligi Bosh direktorining oʻrinbosarlariga takliflar berish, ularning kasbiy yetukligi, vakolatliligi, amaliy tajribasi, ishbilarmonlik va odob-axloq sifatlari yuqori darajasi kafolatlanganligini taʼminlash, ularning kasb malakasini oshirish yuzasidan choralar koʻrish, tarkibiy tashkilotlarda kadrlar zaxirasini shakllantirish;

11) tizim tashkilotlari tomonidan normativ-huquqiy hujjatlar loyihalari sifatli ishlab chiqilishini tashkillashtirish, “Oʻzstandart” agentligi rahbariyati tomonidan keyinchalik koʻrib chiqilishi, imzolanishi (viza qoʻyilishi) uchun “Oʻzstandart” agentligi tarkibiy boʻlinmalarida tayyorlangan hujjatlar loyihalarini koʻrib chiqish va viza qoʻyish, Oʻzbekiston Respublikasi Vazirlar Mahkamasining Reglamenti va Oʻzbekiston Respublikasi Prezidenti Administratsiyasining Reglamenti talablariga qatʼi muvofiq tarzda ularning Oʻzbekiston Respublikasi Vazirlar Mahkamasiga oʻz vaqtida kiritilishini taʼminlash, shuningdek, “Oʻzstandart” agentligi rahbarlarining topshirigʻi boʻyicha Oʻzbekiston Respublikasi Vazirlar Mahkamasi apparatida normativ-huquqiy hujjatlar loyihalarini ishlab chiqishda ishtirok etish;

12) “Oʻzstandart” agentligiga topshirilgan normativ-huquqiy hujjatlar loyihalarini va takliflarni toʻliq va har tomonlama koʻrib chiqish, ularning huquqiy, moliyaviy, iqtisodiy va boshqa ekspertizadan oʻtkazish;

13) belgilangan talablarga toʻliq muvofiqlikda xizmat safarlarini amalga oshirish, xizmat safarlarining asoslanganligi, samaradorligi va mahsuldorligini taʼminlash, xizmat safari sarflari uchun ajratilgan mablagʻlarni maqsadli va ratsional ishlatish;

14) tarkibiy tashkilotlar xodimlari faoliyatining samaradorligi va mahsuldorligining tanqidiy tahlilini muntazam oʻtkazish, ularning majlislardagi shaxsiy hisobotlarini eshitish, natijalar yuzasidan zarur boʻlgan choralarni qabul qilish;

15) Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida “Oʻzstandart” agentligi tomonidan tasdiqlanadigan, “Oʻzstandart” agentligi xodimlarining odob-axloq qoidalari talablariga rioya qilishi, tizim tashkilotlarining xodimlari tomonidan koʻrsatilgan qoidalarga amal qilinishini taʼminlash;

16) “Korrupsiyaga qarshi kurashish toʻgʻrisida”gi Oʻzbekiston Respublikasi Qonunining talablariga muvofiq “Oʻzstandart” agentligi tizimidagi korrupsiya va boshqa huquqbuzarliklarni oldini olish yuzasidan choralar koʻrish, shuningdek huquqni qoʻllash amaliyoti va qonunchilikni takomillashtirish boʻyicha chora-tadbirlar ishlab chiqish va amalga oshirish yoʻli orqali, ularning sodir etilishini keltirib chiqaradigan, sabablar va shart-sharoitlarni aniqlash, tahlil qilish, bartaraf etish;

17) “Oʻzstandart” agentligi rahbariyatiga davlat xizmatlarini koʻrsatish samaradorligi, sifatini oshirish va ochiqligi yuzasidan takliflar kiritish;

18) jismoniy va yuridik shaxslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni, Davlat organlari va davlat muassasalarida jismoniy va yuridik shaxslarning murojaatlari bilan ishlash tartibi toʻgʻrisidagi namunali Nizomda belgilangan tartib va muddatlarda, jismoniy va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

19) Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida faol ishtirok etishini tashkil etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan kelib tushgan murojaatlari oʻz vaqtida va toʻliq koʻrib chiqilishini taʼminlash;

20) davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

25. Quyidagilar “Oʻzstandart” agentligi hududiy boʻlinmalari va idoraviy mansub tashkilotlari rahbarlarining asosiy funksional majburiyatlari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

2) “Oʻzstandart” agentligi hududiy boʻlinmalari va idoraviy mansub tashkilotlarining faoliyatiga umumiy rahbarlik qilish, ushbu boʻlinmalarga Oʻzbekiston Respublikasi Prezidentining tegishli farmon va qarorlari, Oʻzbekiston Respublikasi Vazirlar Mahkamasining qarorlari, shuningdek “Oʻzstandart” agentligining hujjatlari bilan yuklatilgan vazifa va funksiyalarning bajarilishini tashkil etish;

3) hududiy boʻlinmalar va idoraviy mansub tashkilotlarning faoliyati bilan bogʻliq boʻlgan prognoz koʻrsatkichlariga erishilishini soʻzsiz taʼminlash boʻyicha taʼsirchan chora-tadbirlar ishlab chiqish va qabul qilish;

4) hududiy boʻlinmalar va idoraviy mansub tashkilotlar tarkibiga kiradigan boʻlinmalar va tashkilotlarning faoliyatini muvofiqlashtirish va nazorat qilish;

5) Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining topshiriq va hujjatlari bajarilishini taʼminlash, ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, topshiriqlarning oʻz vaqtida va sifatli bajarilishi uchun hududiy boʻlinmalar xodimlarining shaxsiy javobgarligini oshirish yuzasidan choralar koʻrish;

6) “Oʻzstandart” agentligi hayʼatining qarorlari, “Oʻzstandart” agentligi Bosh direktori va uning oʻrinbosarlarini buyruq va topshiriqlari oʻz vaqtida va sifatli bajarilishini taʼminlash;

7) “Oʻzstandart” agentligi faoliyati sohasiga kiradigan masalalar yuzasidan joylardagi davlat hokimiyati organlari va kompleks ijtimoiy-iqtisodiy rivojlanish sektorlari bilan birgalikda ish olib borish;

8) oʻz oʻrinbosarlari vakolatini belgilash, ular oʻrtasida majburiyatlarni taqsimlash, hududiy boʻlinmalar va idoraviy mansub tashkilotlarning boshqa mansabdor shaxslari vakolatlarini belgilash, oʻz oʻrinbosarlari va boshqa mansabdor shaxslarning “Oʻzstandart” agentligi hududiy boʻlinmalari va idoraviy mansub tashkilotlari faoliyatining ayrim uchastkalariga rahbarlik qilish uchun shaxsiy javobgarligi darajasini belgilash;

9) “Oʻzstandart” agentligi hududiy boʻlinmalari va idoraviy mansub tashkilotlarining faoliyatini rejalashtirishni tashkil etish, “Oʻzstandart” agentligi hududiy boʻlinmalari va idoraviy mansub tashkilotlarining har choraklik ish rejalarini tasdiqlash, ularning bajarilish jarayonini nazorat qilishni taʼminlash;

10) “Oʻzstandart” agentligi hududiy boʻlinmalari va idoraviy mansub tashkilotlarida kadrlarni tanlash va joy-joyiga qoʻyish, ularning samarali faoliyati uchun zarur sharoitlarni yaratish, hududiy boʻlinmalar va idoraviy mansub tashkilotlarning kadrlar zaxirasini shakllantirish;

11) “Oʻzstandart” agentligi Bosh direktorining nomenklaturasiga kiradigan boʻsh lavozimlarga taklif etilgan kadrlar, shuningdek, hududiy boʻlinmalar va idoraviy mansub tashkilotlarga ishga qabul qilinadigan boshqa kadrlarning kasbiy yetukligi, vakolatliligi, amaliy tajribasi, ishbilarmonlik va odob-axloq sifatlari yuqori darajasi kafolatlanganligini taʼminlash;

12) hududiy boʻlinmalar va idoraviy mansub tashkilotlarning xodimlarini ragʻbatlantirish va intizomiy jazoga tortish masalalarini hal etish, oʻz oʻrinbosarlarini ragʻbatlantirish va intizomiy jazoga tortish toʻgʻrisida, shu jumladan ularning egallab turgan lavozimida qolishi maqsadga muvofiqligi toʻgʻrisida masalalarni koʻrib chiqish boʻyicha takliflar kiritish, ularning shaxsiy javobgarligini oshirish boʻyicha tizimli chora-tadbirlarni amalga oshirish;

13) Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan “Oʻzstandart” agentligi xodimlarining odob-axloq qoidalari talablariga hududiy boʻlinmalar va idoraviy mansub tashkilotlarning xodimlari tomonidan amal qilinishini taʼminlash;

14) “Korrupsiyaga qarshi kurashish toʻgʻrisida”gi Oʻzbekiston Respublikasi Qonunining talablariga muvofiq “Oʻzstandart” agentligi tizimidagi korrupsiya va boshqa huquqbuzarliklarni oldini olish yuzasidan choralar koʻrish, shuningdek huquqni qoʻllash amaliyoti va qonunchilikni takomillashtirish boʻyicha chora-tadbirlar ishlab chiqish va amalga oshirish yoʻli orqali, ularning sodir etilishini keltirib chiqaradigan, sabablar va shart-sharoitlarni aniqlash, tahlil qilish, bartaraf etish;

15) prognoz koʻrsatkichlari bajarilish jarayonlarini muntazam tahlil qilish va hududiy boʻlinmalar va idoraviy mansub tashkilotlar tomondan koʻrsatilgan koʻrsatkichlarga soʻzsiz erishilishini taʼminlashga qaratilgan qoʻshimcha chora tadbirlar qabul qilish boʻyicha takliflarni “Oʻzstandart” agentligi Bosh direktorining mutasaddi oʻrinbosarlariga taqdim etish;

16) hududiy boʻlinmalar va idoraviy mansub tashkilotlar xodimlarining faoliyati samaradorligi va natijadorligini tizimli ravishda tanqidiy tahlil qilish, ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

17) hududiy boʻlinmalar va idoraviy mansub tashkilotlarning faoliyatiga oid masalalar boʻyicha qonun hujjatlarini takomillashtirish, shuningdek, davlat xizmatlari samaradorligi, sifati va ulardan erkin foydalanishni oshirish boʻyicha takliflarni ishlab chiqish hamda ularni koʻrib chiqish uchun “Oʻzstandart” agentligining rahbariyatiga kiritish;

18) jismoniy va yuridik shaxslarning murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, qonunchilikda belgilangan tartib va muddatlarda, jismoniy va yuridik shaxslar vakillarini muntazam ravishda shaxsan qabul qilish, shu jumladan joylarga borib qabul qilish;

19) Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida faol ishtirok etishini tashkil etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan kelib tushgan murojaatlari oʻz vaqtida va toʻliq koʻrib chiqilishini taʼminlash;

20) idoraviy mansub tashkilotlarning xodimlari lavozim maoshiga mukofotlar, ustamalar toʻlash, ularga moddiy yordam berish, ularni mukofotlash, ragʻbatlantirish va ularga intizomiy chora qoʻllash toʻgʻrisida qaror qabul qilish, davlat mukofotlari va idoraviy mukofotlar bilan taqdirlash toʻgʻrisidagi takliflarni “Oʻzstandart” agentligiga kiritish;

21) davlat sirini yoki qonun bilan qoʻriqlanadigan boshqa sirni tashkil etuvchi maʼlumotlarning himoya qilinishini taʼminlash.

26. “Oʻzstandart” agentligining Bosh direktori:

1) “Oʻzstandart” agentligiga yuklangan vazifa va funksiyalarning bajarilishi;

2) ushbu Nizomda koʻzda tutilgan “Oʻzstandart” agentligining javobgarlik sohalari boʻyicha;

3) oʻz funksional vazifalarining sifatli bajarilishi uchun shaxsan javob beradi.

27. “Oʻzstandart” agentligi Bosh direktorining oʻrinbosarlari:

1) “Oʻzstandart” agentligining mutasaddilik qilinadigan tarkibiy boʻlinmalarida “Oʻzstandart” agentligiga yuklangan vazifa va funksiyalarning bajarilishi;

2) nazorat qilinadigan masalalar qismida, ushbu Nizomda koʻzda tutilgan “Oʻzstandart” agentligining javobgarlik sohalari boʻyicha;

3) oʻz funksional vazifalarining sifatli bajarilishi uchun shaxsan javob beradi.

28. “Oʻzstandart” agentligi markaziy apparati tarkibiy boʻlinmalarining rahbarlari:

1) tegishli tarkibiy boʻlinmalarga yuklangan vazifa va funksiyalarning amalga oshirilishi;

2) ushbu Nizomda koʻzda tutilgan, “Oʻzstandart” agentligi markaziy apparatining javobgarlik sohalari boʻyicha;

3) oʻz funksional vazifalarining sifatli bajarilishi uchun shaxsan javob beradi.

29. “Oʻzstandart” agentligi hududiy boʻlinmalari va idoraviy mansub tashkilotlarining rahbarlari:

1) hududiy boʻlinmalar va idoraviy mansub tashkilotlarga yuklatilgan vazifa va funksiyalarning amalga oshirilishi;

2) ushbu Nizomda koʻzda tutilgan “Oʻzstandart” agentligi hududiy boʻlinmalari va idoraviy mansub tashkilotlarining javobgarlik sohalari boʻyicha;

3) oʻz funksional vazifalarining sifatli bajarilishi uchun shaxsan javob beradi.

30. “Oʻzstandart” agentligiga maqomiga koʻra vazirga tenglashtiriladigan Bosh direktor rahbarlik qiladi.

Bosh direktorning uch nafar, shu jumladan birinchi oʻrinbosari boʻladi. Bosh direktorning birinchi oʻrinbosari va Bosh direktorning oʻrinbosarlari maqomiga koʻra tegishli tarzda vazirning birinchi oʻrinbosari va oʻrinbosariga tenglashtiriladi.

“Oʻzstandart” agentligining Bosh direktori Oʻzbekiston Respublikasi Prezidenti tomonidan lavozimga tayinlanadi va lavozimdan ozod qilinadi, “Oʻzstandart” agentligi Bosh direktorining oʻrinbosarlari belgilangan tartibda Oʻzbekiston Respublikasi Vazirlar Mahkamasi tomonidan lavozimga tayinlanadi va lavozimdan ozod qilinadilar.

31. Bosh direktor, Bosh direktorning birinchi oʻrinbosari va Departament boshligʻi ayni bir vaqtda lavozimiga koʻra, tegishli ravishda standartlar va oʻlchashlarni yagona birlikda boʻlishini taʼminlanishini nazorat qilish boʻyicha Oʻzbekiston Respublikasi davlat bosh inspektori va davlat bosh inspektorining oʻrinbosari hisoblanadilar.

32. “Oʻzstandart” agentligi Bosh direktori:

“Oʻzstandart” agentligi faoliyatiga yakkaboshchilik asosida umumiy rahbarlik qiladi;

“Oʻzstandart” agentligi vakolatiga kiruvchi masalalar boʻyicha qarorlar qabul qiladi va “Oʻzstandart” agentligiga yuklangan vazifalar va funksiyalarning bajarilishi uchun shaxsan javob beradi;

oʻz oʻrinbosarlari vakolatini belgilaydi, “Oʻzstandart” agentligi tizimi boshqa mansabdor shaxslari vakolatlarini, oʻz oʻrinbosarlari va boshqa mansabdor shaxslarning “Oʻzstandart” agentligi faoliyatining ayrim uchastkalariga rahbarlik qilish va hududiy boʻlinmalar va idoraviy mansub tashkilotlarning ishi uchun javobgarligi darajasini belgilaydi;

“Oʻzstandart” agentligi tizimi xodimlari tomonidan bajarilishi majburiy boʻlgan buyruqlar, farmoyishlar, yoʻriqnomalar chiqaradi va koʻrsatmalar beradi;

xodimlarning belgilangan umumiy soni doirasida “Oʻzstandart” agentligi markaziy apparati, shuningdek, hududiy boʻlinmalar va idoraviy mansub tashkilotlarning shtatlar jadvalini hamda xarajatlar smetasini tasdiqlaydi;

zarurat boʻlganda, boshqaruv xodimlarining belgilangan cheklangan shtat soni chegarasida agentlikning markaziy apparati va uning idoraviy mansub tashkilotlari tuzilmasiga oʻzgartirishlar kiritadi;

moliyaviy imkoniyatlaridan kelib chiqib, oʻz mablagʻlari hisobiga moliyalashtiriladigan idoraviy mansub tashkilotlar boshqaruv xodimlarining cheklangan sonini belgilaydi;

“Oʻzstandart” agentligining tarkibiy va hududiy boʻlinmalari, shuningdek “Oʻzstandart” agentligi tizimiga kiruvchi boshqa hududiy boʻlinmalar va idoraviy mansub tashkilotlar toʻgʻrisidagi nizomlarni belgilangan tartibda tasdiqlaydi;

“Oʻzstandart” agentligi markaziy apparati va “Oʻzstandart” agentligi tizimiga kiruvchi boshqa hududiy boʻlinmalar va idoraviy mansub tashkilotlar xodimlarini belgilangan tartibda lavozimga tayinlaydi va lavozimdan ozod qiladi;

vazirliklar, idoralar va xoʻjalik yurituvchi subyektlar texnik qoʻmitalarining mutaxassislarini, yetakchi loyiha institutlari, ilmiy va oʻquv muassasalarining mutaxassislarini jalb etadi, shuningdek yuqori malakali xorij mutaxassislarini ishga qabul qiladi hamda ularga erkin konvertatsiya qilinadigan valyutada ish haqi miqdorlari va boshqa toʻlovlarni tayinlaydi;

qoʻshimcha tarzda, oʻzining xizmat majburiyatlarini vijdonan va samarali bajaruvchi, agentlik va Departamentning yuqori malakali, tashabbuskor xodimlariga “Oʻzstandart” agentligi huzuridagi Standartlashtirish, metrologiya va sertifikatlashtirishni rivojlantirish maxsus jamgʻarma mablagʻlari hisobidan mehnatga haq toʻlash fondining ikki karra miqdorigacha har oylik ustama toʻlovlar toʻlab beradi;

texnik jihatdan tartibga solish, standartlashtirish, metrologiya, sertifikatlashtirish, sifat va davlat nazorati organlari bilan hamkorlik masalalari yuzasidan idoralararo tusdagi xalqaro, davlatlararo shartnomalarni belgilangan tartibda imzolaydi;

Bosh direktor qonun hujjatlariga muvofiq boshqa vakolatlarni ham amalga oshiradi.

33. “Oʻzstandart” agentligi markaziy apparati tarkibiy boʻlinmalarining hududiy boʻlinmalar va idoraviy mansub tashkilotlar bilan hamkorlik qilishni taʼminlashni markaziy apparat tarkibiy boʻlinmalarining rahbarlari amalga oshiradi.

34. “Oʻzstandart” agentligi markaziy apparatining tarkibiy boʻlinmalari “Oʻzstandart” agentligi hududiy boʻlinmalari va idoraviy mansub tashkilotlari bilan hamkorlikda ish olib borib, oʻz faoliyati yoʻnalishlari boʻyicha:

1) topshiriqlarni hududiy boʻlinmalar va idoraviy mansub tashkilotlarga yetkazadi hamda ularning bajarilish jarayonini nazorat qiladi;

2) tarkibiy boʻlinmalarning toʻgʻridan-toʻgʻri faoliyati masalalari boʻyicha “Oʻzstandart” agentligi hududiy boʻlinmalari va idoraviy mansub tashkilotlariga soʻrovnomalar joʻnatadi hamda ularning ijrosini nazorat qiladi;

3) “Oʻzstandart” agentligi hududiy boʻlinmalari va idoraviy mansub tashkilotlari faoliyatini tekshiradi va oʻrganadi, amaliyotini umumlashtiradi, uni takomillashtirishga yoʻnaltirilgan chora-tadbirlar ishlab chiqadi va qabul qiladi;

4) “Oʻzstandart” agentligi hududiy boʻlinmalari va idoraviy mansub tashkilotlari faoliyatini tashkil etish va natijalari toʻgʻrisida hisobot va axborot materiallari, statistik va boshqa maʼlumotlarni oʻrganishni tashkil etadi;

5) “Oʻzstandart” agentligi hududiy boʻlinmalari va idoraviy mansub tashkilotlarining ish rejalarini tahlil qiladi, ularning faoliyatini rejalashtirishni takomillashtirish boʻyicha chora-tadbirlar koʻradi;

6) “Oʻzstandart” agentligi hududiy boʻlinmalari va idoraviy mansub tashkilotlaridan kelib tushgan takliflarni koʻrib chiqadi;

7) “Oʻzstandart” agentligi hududiy boʻlinmalari va idoraviy mansub tashkilotlarining normativ-huquqiy hujjatlar loyihalarini tayyorlashda ishtirok etishini tashkil, ulardan kelib tushgan qonunchilikni takomillashtirish boʻyicha takliflarni koʻrib chiqadi.

35. “Oʻzstandart” agentligi hududiy boʻlinmalari va idoraviy mansub tashkilotlari “Oʻzstandart” agentligi markaziy apparatining tarkibiy boʻlinmalari bilan hamkorlikda ish olib boradi, shu jumladan:

1) “Oʻzstandart” agentligi rahbariyatining topshiriqlarining bajarilishi toʻgʻrisida hisob beradi;

2) faoliyat sohasida belgilangan qonunchilikni amalga oshirish boʻyicha faoliyat natijalari toʻgʻrisida axborotlarni markaziy apparatga taqdim etadi;

3) ularning faoliyatini tekshirish va oʻrganish natijasida aniqlangan ishdagi kamchiliklarni va qoidabuzarliklarni bartaraf etish natijalari toʻgʻrisida axborot beradi;

4) “Oʻzstandart” agentligi markaziy apparatiga oʻz faoliyati natijalari toʻgʻrisidagi hisobotlarni belgilangan tartibda va muddatlarda taqdim etadi;

5) “Oʻzstandart” agentligi markaziy apparatiga hududlarni ijtimoiy-iqtisodiy rivojlantirish muammolarini, shu jumladan, aholining dolzarb muammolarini hal qilishga qaratilgan takliflarni yuboradi;

6) kompleks ijtimoiy-iqtisodiy rivojlantirish sektorlari bilan oʻzaro hamkorlik qilish natijalari toʻgʻrisida axborot beradi;

7) vakolatli organlar tomonidan oʻtkazilgan oʻz faoliyatini tekshirish natijalari toʻgʻrisida axborot beradi.

36. “Oʻzstandart” agentligi markaziy apparati tarkibiy boʻlinmalari hamda uning hududiy boʻlinmalari va idoraviy mansub tashkilotlarining oʻzaro hamkorligi jarayonida yuzaga keladigan kelishmovchiliklar “Oʻzstandart” agentligi Bosh direktorining topshirigʻiga binoan uning tegishli oʻrinbosari tomonidan koʻrib chiqiladi. Agar koʻrsatib oʻtilgan koʻrib chiqishdan keyin kelishmovchiliklar tartibga solinmasa, ular boʻyicha qaror bevosita “Oʻzstandart” agentligi Bosh direktori tomonidan qabul qilinadi.

37. “Oʻzstandart” agentligi oʻz vazifa va funksiyalarini amalga oshirishda boshqa davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlar bilan hamkorlik qiladi.

38. “Oʻzstandart” agentligi hududiy boʻlinmalari oʻz vakolatlari doirasida boshqa davlat va xoʻjalik boshqaruvi organlarining hududiy boʻlinmalari, mahalliy davlat hokimiyati organlari va boshqa tashkilotlar bilan hamkorlik qiladi.

39. “Oʻzstandart” agentligi hududiy boʻlinmalari tegishli hududlarni ijtimoiy-iqtisodiy rivojlantirish boʻyicha “yoʻl xaritalari”ni ishlab chiqish va amalga oshirishda kompleks ijtimoiy-iqtisodiy rivojlantirish sektorlari bilan oʻzaro uzviy hamkorlik qiladilar.

40. “Oʻzstandart” agentligining faoliyati Oʻzbekiston Respublikasi Bosh vaziri va Oʻzbekiston Respublikasi Vazirlar Mahkamasining tegishli kotibiyati va Oʻzbekiston Respublikasi Prezidenti Administratsiyasining boʻlinmalari tomonidan muvofiqlashtiriladi.

41. “Oʻzstandart” agentligida Bosh direktor (hayʼat raisi), uning oʻrinbosarlari (lavozimiga koʻra), shuningdek, “Oʻzstandart” agentligi faoliyatining asosiy yoʻnalishlarini muvofiqlashtiruvchi tarkibiy boʻlinmalari rahbarlaridan iborat tarkibda hayʼat tashkil etiladi.

Hayʼatning aʼzolari soni va shaxsiy tarkibi Oʻzbekiston Respublikasi Vazirlar Mahkamasi tomonidan tasdiqlanadi.

Hayʼat quyidagilar bilan bogʻliq masalalarni koʻrib chiqadi:

“Oʻzstandart” agentligi faoliyatining standartlashtirish, metrologiya, sertifikatlashtirish, xalqaro standartlarni, shu jumladan sifatni boshqarish tizimi boʻyicha xalqaro standartlarni qoʻllash asosida mahalliy mahsulotlar sifatini va ularning raqobatbardoshliligini oshirish sohasida yagona davlat siyosatini amalga oshirishni davom ettirish, shuningdek, standartlashtirish tizimlari faoliyat koʻrsatishini va rivojlantirilishini, oʻlchashlarni yagona birlikda boʻlishini, sertifikatlashtirishni, ushbu sohalardagi ilmiy-texnik axborotni tarqatish, shuningdek ularning xalqaro, davlatlararo va xorijiy mamlakatlarning milliy tizimlari bilan uygʻunlashtirilishini taʼminlash boʻyicha ushbu Nizomda belgilangan asosiy yoʻnalishlarini tayyorlash va amalga oshirish;

“Oʻzstandart” agentligi nomenklaturasiga kiradigan lavozimlarga kadrlarni tanlash, joy-joyiga qoʻyish, tayyorlash va qayta tayyorlash;

Oʻzbekiston Respublikasi Prezidentining farmonlari, qarorlari va farmoyishlarida, Oʻzbekiston Respublikasi Vazirlar Mahkamasi qarorlari va farmoyishlarida belgilangan vazifalarni amalga oshirish boʻyicha ijro intizomini mustahkamlash va ularning oʻz vaqtida va sifatli amalga oshirilishini taʼminlash uchun “Oʻzstandart” agentligi rahbarlari va xodimlarining shaxsiy javobgarligini oshirish.

Hayʼat “Oʻzstandart” agentligi vakolatiga taalluqli boshqa masalalarni ham koʻrib chiqish huquqiga ega.

Hayʼat majlisiga “Oʻzstandart” agentligi vakolatiga kiradigan masalalar boʻyicha boshqa vazirliklar, davlat qoʻmitalari, idoralar, mahalliy davlat hokimiyati organlari, korxonalar, muassasalar, tashkilotlar rahbarlari taklif etilishi mumkin.

Hayʼat uning majlisida tarkibining yarmidan koʻpi qatnashgan taqdirda vakolatli boʻladi. Koʻrib chiqilayotgan masalalar boʻyicha qarorlar oddiy koʻpchilik ovoz bilan qabul qilinadi.

Hayʼat qarorlari bosh direktorning buyruqlari bilan amalga oshiriladi. Bosh direktor va hayʼat aʼzolari oʻrtasida kelishmovchiliklar mavjud boʻlgan taqdirda, bosh direktor paydo boʻlgan kelishmovchiliklar toʻgʻrisida Oʻzbekiston Respublikasi Vazirlar Mahkamasiga axborot bergan holda mustaqil ravishda qaror qabul qiladi. Hayʼat aʼzolari ham oʻz fikr-mulohazalarini Oʻzbekiston Respublikasi Vazirlar Mahkamasiga xabar qilishlari mumkin.

Hayʼat faoliyati tartibi uning hayʼat tasdiqlaydigan reglamentida belgilanadi.

42. “Oʻzstandart” agentligi va Departamentning zimmasiga davlat nazoratini amalga oshirish yuklangan boshliqlari, ularning oʻrinbosarlari, mutaxassislari lavozimiga koʻra ayni bir vaqtda standartlar va oʻlchashlarni yagona birlikda boʻlishini taʼminlanishi yuzasidan nazorat boʻyicha davlat inspektorlari hisoblanadilar.

43. Standartlar va oʻlchashlarni yagona birlikda boʻlishi ustidan davlat nazoratini amalga oshiruvchi mansabdor shaxslar “Oʻzstandart” agentligi tomonidan belgilangan tartibda attestatsiyadan oʻtkazilishi kerak.

44. “Oʻzstandart” agentligi, Departament, Standartlashtirish, sertifikatlashtirish va texnik jihatdan tartibga solish ilmiy-tadqiqot institutining faoliyatini moliyalashtirish Oʻzbekiston Respublikasi Davlat budjeti mablagʻlari hamda amaldagi qonun hujjatlariga zid boʻlmagan boshqa manbalar hisobiga amalga oshiriladi.

45. “Oʻzstandart” agentligi, uning idoraviy mansub va hududiy boʻlinmalarining mansabdor shaxslarining ish haqi lavozim maoshi, uzoq muddat xizmat qilgani uchun ustamalar, dam olish va bayram kunlari ishlaganlik uchun toʻlovlar, mukofotlar, qoʻshimchalardan iborat va qonun hujjatlarida belgilangan tartibda toʻlanadi.

46. “Oʻzstandart” agentligining markaziy apparati xodimlariga quyidagilar hisobidan:

a) Oʻzbekiston Respublikasi Davlat budjetidan quyidagilar toʻlanadi:

uzoq muddat xizmat qilgani uchun har oyda quyidagi miqdorda ustama haqlar (ragʻbatlantirish koeffitsiyentini hisobga olgan holda, lavozim maoshiga nisbatan koeffitsiyent hisobida):

2 yildan 5 yilgacha — 0,1;

5 yildan 10 yilgacha — 0,2;

10 yildan 15 yilgacha — 0,3;

15 yildan 20 yilgacha — 0,4;

20 yildan 25 yilgacha — 0,5;

25 yildan ortiq — 0,6.

Uzoq muddat xizmat qilgani uchun haq olish huquqini beruvchi mukofotlar “Oʻzstandart” agentligi tomonidan tasdiqlangan tartibga muvofiq hisoblab chiqiladi;

qonun hujjatlarida koʻzda tutilgan boshqa mukofotlar, toʻlovlar va ustamalar;

b) Quyidagilar “Oʻzstandart” agentligi huzuridagi Standartlashtirish, metrologiya va sertifikatlashtirishni rivojlantirish boʻyicha maxsus fonddan:

oʻzining xizmat majburiyatlarini vijdonan va samarali bajargan “Oʻzstandart” agentligi va Departamentning yuqori malakali, tashabbuskor xodimlariga qoʻshimcha mehnat haqini toʻlash fondining ikki baravar miqdorida har oylik ustamalar;

yillik ish natijalari boʻyicha mukofotlash. Mukofotlash miqdori besh lavozim oylik haqigacha maoshlarni oʻz ichiga oladi va “Oʻzstandart” agentligi tomondan belgilangan tartibda belgilanadi;

lavozim oyliklariga ustamalar va boshqa ragʻbatlantirish toʻlovlari qonun hujjatlarida koʻzda tutilgan boshqa ustamalar va toʻlovlardan qatʼi nazar, har oy “Oʻzstandart” agentligi Bosh direktori tomondan belgilanadigan miqdorda toʻlab beriladi.

47. Quyidagilar “Oʻzstandart” agentligi, uning hududiy boʻlinmalari va idoraviy mansub tashkilotlari xodimlarini moddiy ragʻbatlantirish va ijtimoiy qoʻllab-quvvatlashni asosiy turlari hisoblanadi:

prognoz koʻrsatkichlarni bajarish va ortigʻi bilan bajarish uchun oy, chorak va yarim yillik ishlar natijalari boʻyicha, shuningdek, bayram kunlari uchun mukofotlash;

oʻta muhim vazifalarni bajarganlik uchun alohida mukofotlash va boshqa ragʻbatlantirish toʻlovlari;

ish qismining muhimligi va qiyinligi va mehnatda yuqori natijalarga erishganliklari uchun xodimlarning lavozim oyligiga ustamalar toʻlash;

xizmat majburiyatlarini bajarishda muhim xizmatlar uchun va nafaqaga ketish yuzasidan qimmatbaho sovgʻalar bilan mukofotlash;

faoliyat samaradorligini baholashning asosiy mezonlari bajarilishini taʼminlash uchun belgilanadigan “Oʻzstandart” agentligi, uning hududiy boʻlinmalari va idoraviy mansub tashkilotlari xodimlarining lavozim oyliklariga har oylik shaxsiy ustamalar;

“Oʻzstandart” agentligi tomonidan belgilanadigan tartibda uy-joy va avtotransport vositalarini xarid qilish uchun kreditlarning dastlabki toʻlovlarini toʻlash uchun qayta moliyalashtirish stavkasidan 50 foiz miqdoridagi foiz stavkasi bilan, eng kam ish haqining ikki yuz miqdoridan oshmaydigan miqdorda xodimlarga qarz berish;

“Oʻzstandart” agentligi tomonidan belgilanadigan tartibda respublikaning boshqa hududlaridan jalb etiladigan, oʻzining uy-joyiga ega boʻlmagan xodimlarga uy-joy ijara shartnomasiga muvofiq xarajatlar oʻrnini qoplash.

48. “Oʻzstandart” agentligi va Departament xodimlariga ish haqini, shu bilan birga mukofot pulini toʻlash manbalari etib budjet ajratmalari hisobiga shakllantiriladigan mehnat haqi fondi, shuningdek, “Oʻzstandart” agentligi huzuridagi Standartlashtirish, metrologiya va sertifikatlashtirishni rivojlantirish maxsus jamgʻarma va qonunchilikda taqiqlanmagan boshqa manbalar hisoblanadi.

49. “Oʻzstandart” agentligi Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasiga hisobot beradi hamda:

oʻziga yuklangan vazifa va funksiyalarni bajarish bilan bogʻliq normativ-huquqiy va boshqa hujjatlar loyihalarini belgilangan tartibda kiritadi;

davlat va xoʻjalik boshqaruvi organlari bilan birgalikda takliflar, tavsiyalar va tahliliy materiallarning Oʻzbekiston Respublikasi Prezidenti Administratsiyasi, Oʻzbekiston Respublikasi Vazirlar Mahkamasiga taqdim etish uchun tayyorlanishini taʼminlaydi;

texnik jihatdan tartibga solish, standartlashtirish, metrologiya va muvofiqlikni baholash sohasidagi tizimlarni tayyorlash, joriy etish va samaradorligini baholash boʻyicha chora-tadbirlarni ishlab chiqadi va amalga oshiradi, Oʻzbekiston Respublikasi Vazirlar Mahkamasiga respublikada iqtisodiy va ijtimoiy islohotlar strategiyasidan kelib chiqib, ushbu tizimlarni samaradorligini oshirish boʻyicha aniq takliflar kiritadi;

texnik jihatdan tartibga solish, standartlashtirish, metrologiya va muvofiqlikni baholash tizimlarini eng muhim yoʻnalishlar hamda vazifalarning amaldagi ijrosi hamda mazkur sohalarda mavjud tizimli muammolar va kamchiliklarni Oʻzbekiston Respublikasi Vazirlar Mahkamasining rahbariyatida tomonidan muntazam ravishda koʻrib chiqilishini tashkil qiladi;

belgilangan tartibda boshqa funksiyalarni amalga oshiradi.

50. “Oʻzstandart” agentligini qayta tashkil etish va tugatish Oʻzbekiston Respublikasi qonun hujjatlariga muvofiq amalga oshiriladi.

1. Ushbu Nizom Oʻzbekiston standartlashtirish, metrologiya va sertifikatlashtirish agentligi huzuridagi Texnik jihatdan tartibga solish, standartlashtirish, sertifikatlashtirish va metrologiya sohasidagi qonunchilik talablariga rioya qilinishini taʼminlash departamentining (keyingi oʻrinlarda Departament deb ataladi) asosiy vazifalarini, funksiyalarini, huquqlarini va javobgarligini, shuningdek, faoliyatini tashkil etish tartibini belgilaydi.

2. Departament oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari va qarorlari, boshqa qonun hujjatlariga, shuningdek, Oʻzbekiston standartlashtirish, metrologiya va sertifikatlashtirish agentligi (keyingi oʻrinlarda “Oʻzstandart” agentligi deb ataladi) bosh direktorining buyruqlari va koʻrsatmalariga amal qiladi.

3. Departament davlat organi hisoblanadi hamda oʻz faoliyatini davlat va xoʻjalik boshqaruvi, huquqni muhofaza qiluvchi nazorat organlari, nodavlat notijorat tashkilotlari, xorijiy, xalqaro va boshqa tashkilotlar bilan hamkorlikda amalga oshiradi.

4. Departament yuridik shaxs hisoblanadi, oʻzining nomi davlat tilida yozilgan, Oʻzbekiston Respublikasi Davlat gerbi tasviri tushirilgan muhr va blankalarga, shuningdek, Oʻzbekiston Respublikasi Moliya vazirligining Gʻaznachiligida shaxsiy hisobvaraqlariga va qonunchilikka muvofiq ochiladigan boshqa bank hisobraqamlariga ega boʻladi.

5. “Oʻzstandart” agentligi Departamentning faoliyatiga umumiy rahbarlik va nazorat qiladi.

6. Departament texnik jihatdan tartibga solish, standartlashtirish, sertifikatlashtirish va metrologiya sohalarida qonuniy talablarga va normativ-huquqiy hujjatlarga, texnik reglamentlarga, standartlashtirishga doir normativ hujjatlarga, oʻlchashlarning yagona birlikda boʻlishi va toʻgʻriligini taʼminlash, majburiy sertifikatlashtirish qoidalariga rioya etish boʻyicha davlat nazoratini (keyingi oʻrinlarda davlat nazorati deb ataladi) amalga oshiradi.

7. Davlat nazorati Departament davlat inspektorlari tomonidan qonunchilikda belgilangan shartlarda hamda tartibda amalga oshiriladi.

8. Departamentning davlat inspektorlari oliy maʼlumotga ega boʻlishlari va “Oʻzstandart” agentligi tomonidan majburiy attestatsiyadan belgilangan tartibda oʻtishlari kerak.

9. Davlat nazoratini amalga oshiruvchi davlat inspektorlari davlat boshqaruvi organlari vakillari hisoblanadi, davlat himoyasida va joylardagi davlat boshqaruvi organlaridan mustaqil boʻladi hamda bevosita Departamentga boʻysinadilar.

10. Departamentning oʻz vakolati doirasiga taalluqli boʻlgan masalalar yuzasidan qabul qilinadigan va oʻrnatilgan tartibda qabul qilingan qarorlari, mulkchilik shaklidan va idoraviy mansubligidan qatʼi nazar, xoʻjalik va tadbirkorlik faoliyati subyektlari tomonidan bajarilishi majburiydir.

11. Departamentning joylashgan joyi (pochta manzili): Oʻzbekiston Respublikasi, Toshkent shahri, Zafarobod koʻchasi, 7a.

12. Quyidagilar Departamentning asosiy vazifalari hisoblanadi:

a) texnik jihatdan tartibga solish, standartlashtirish, sertifikatlashtirish va metrologiya sohasida qonun hujjatlari buzilishi oldini olish va profilaktikasini amalga oshirish;

b) texnik jihatdan tartibga solish, standartlashtirish, sertifikatlashtirish va metrologiya masalalari boʻyicha tadbirkorlik subyektlariga har tomonlama koʻmaklashish;

v) texnik reglamentlar, standartlashtirishga doir normativ hujjatlar talablariga, oʻlchashlarning yagona birlikda boʻlishini va oʻlchashlarning toʻgʻriligini taʼminlash, majburiy sertifikatlashtirish qoidalariga rioya etish yuzasidan davlat nazoratini tashkil etish va amalga oshirish;

g) texnik jihatdan tartibga solish, standartlashtirish, sertifikatlashtirish va metrologiya sohasida huquqbuzarliklarni aniqlash yuzasidan kompleks chora-tadbirlarni amalga oshirish va ularni keltirib chiqarishga asos boʻluvchi sabab va sharoitlarni bartaraf etish choralarini koʻrish;

13. Yuklangan vazifalarni amalga oshirish uchun Departament quyidagi funksiyalarni amalga oshiradi:

a) texnik jihatdan tartibga solish, standartlashtirish, sertifikatlashtirish va metrologiya sohasida qonun hujjatlari buzilishining oldini olish va profilaktikasini amalga oshirish sohasida:

texnik jihatdan tartibga solish, standartlashtirish, sertifikatlashtirish va metrologiya sohasida qonun hujjatlari buzilishining oldini olish va profilaktikasi boʻyicha chora-tadbirlarni amalga oshirish grafiklari va rejalarini ishlab chiqadi hamda tasdiqlaydi;

davra suhbatlari, seminarlar, konferensiya va uchrashuvlar oʻtkazish yoʻli bilan texnik jihatdan tartibga solish, standartlashtirish, sertifikatlashtirish va metrologiya sohasida qonunchilik hujjatlari talablari buzilishini oldini olish boʻyicha tushuntirish ishlarini amalga oshiradi;

texnik jihatdan tartibga solish, standartlashtirish, sertifikatlashtirish va metrologiya sohasida qonun buzilishining oldini olish va profilaktikasi boʻyicha amalga oshiriladigan chora-tadbirlarni ommaviy axborot vositalarida yoritadi;

“ochiq eshiklar” kuni oʻtkazish orqali zarur axborotni tadbirkorlik subyektlariga yetkazadi;

tadbirkorlik subyektlarini texnik jihatdan tartibga solish, standartlashtirish, sertifikatlashtirish va metrologiya sohasida qonunchilik talablari aks etgan tarqatma materiallar bilan taʼminlaydi;

texnik jihatdan tartibga solish, standartlashtirish, sertifikatlashtirish va metrologiya sohasida tadbirkorlik subyektlari faoliyatiga uslubiy rahbarlikni amalga oshiradi;

texnik reglamentlar, standartlashtirishga doir normativ hujjatlar, oʻlchashlarning yagona birlikda boʻlishi va oʻlchashlarning toʻgʻriligini taʼminlash talablarining, majburiy sertifikatlashtirish qoidalarining buzilish holatlarni aniqlaydi va qonunchilik talablariga rioya etishga koʻmaklashuvchi tegishli choralar koʻradi, mexanizmlarni ishlab chiqadi;

Departamentning texnik bazasini tegishli ravishda modernizatsiyalash, mustahkamlash va yangilash orqali tashqi va ichki manbalardan kelib tushadigan maʼlumotlar tahlilining avtomatlashtirilgan ilgʻor usullarini joriy etadi va qoʻllaydi;

mahsulot va xizmatlarni ishlab chiqarishda va realizatsiya qilishda huquqbuzarliklarni oʻrnatilgan tartibda aniqlashni, ularning oldini olishni tashkil etadi va amalga oshiradi;

texnik reglamentlar, standartlashtirishga doir normativ hujjatlar, oʻlchashlarning yagona birlikda boʻlishini va oʻlchashlarning toʻgʻriligini taʼminlash talablarining, majburiy sertifikatlashtirish qoidalarining buzilishini yashirish mexanizmlarini oʻrganish va aniqlashni tashkil etadi, amalga oshiradi va koʻrsatilgan mexanizmlarni qoʻllashning oldini olish tadbirlarini ishlab chiqadi va amalga oshiradi;

aholiga va tadbirkorlik subyektlarini texnik jihatdan tartibga solish, standartlashtirish, sertifikatlashtirish va metrologiya masalalariga taalluqli boʻlgan normativ-huquqiy hujjatlar bilan oʻz vaqtida tanishtirish va yetkazish ishlarini tashkil etadi;

tadbirkorlik subyektlari tomonidan texnik jihatdan tartibga solish, standartlashtirish, sertifikatlashtirish va metrologiya sohasidagi qonunchilik talabalari oʻz vaqtida va toʻliq amalga oshirilishi uchun ularga xizmat koʻrsatish sifatini oshirish boʻyicha chora-tadbirlarni amalga oshiradi;

texnik jihatdan tartibga solish, standartlashtirish, sertifikatlashtirish va metrologiya sohasida tadbirkorlik subyektlarining huquqlarini va qonuniy manfaatlarini taʼminlash boʻyicha chora-tadbirlarni amalga oshiradi;

texnik jihatdan tartibga solish, standartlashtirish, sertifikatlashtirish va metrologiya sohasida tadbirkorlik subyektlarini huquqiy ongini va huquqiy madaniyatini oshirish, qonuniylikni mustahkamlash, shuningdek korrupsiyaga nisbatan murosasizlik munosabatini shakllantirish boʻyicha chora-tadbirlarni amalga oshiradi;

huquqbuzarliklar profilaktikasini amalga oshiradi, huquqbuzarlikni keltirib chiqaradigan sabablarni va sharoitlarni aniqlaydi va oʻrganadi, ularni bartaraf etish choralarini koʻradi;

texnik jihatdan tartibga solish, standartlashtirish, sertifikatlashtirish va metrologiya sohasida qonunchilik profilaktikasini bevosita amalga oshiruvchi va unda ishtirok etuvchi organlar hamda muassasalar faoliyati va hamkorligini taʼminlaydi;

tadbirkorlik subyektlari oʻrtasida huquqiy ong, huquqiy madaniyatni oshirish va qonun ustuvorligini mustahkamlashga qaratilgan huquqiy targʻibot faoliyatida ishtirok etadi;

tadbirkorlik subyektlarining texnik jihatdan tartibga solish, standartlashtirish, sertifikatlashtirish va metrologiya sohasida huquqbuzarliklar sodir etganlik uchun qonunchilikda belgilangan talablarga rioya etishga ishontirish maqsadida profilaktika suhbatlarini oʻtkazadi;

tadbirkorlik subyektlariga huquqbuzarlikni davom etishiga ular tomondan yoʻl qoʻymaslik toʻgʻrisida tushuntirish orqali rasmiy ogohlantirish beradi, shuningdek, huquqbuzarlikka moyilligi bor tadbirkorlik subyektini, huquqbuzarlikni sodir etganligi uchun javobgarligi toʻgʻrisida ogohlantiradi.

b) tadbirkorlik subyektlariga texnik jihatdan tartibga solish, standartlashtirish, sertifikatlashtirish va metrologiya masalalarida har tomonlama koʻmaklashish borasida:

texnik jihatdan tartibga solish, metrologik qoidalar va sertifikatlashtirish tartiblari sohalarida normativ hujjatlarni ishlab chiqishda amaliy yordam koʻrsatadi;

texnik jihatdan tartibga solish sohasida normativ hujjatlarni (rus va oʻzbek tillariga) tarjima qiladi;

texnik jihatdan tartibga solish, standartlashtirishga doir normativ hujjatlarni, metrologik qoidalarni va majburiy sertifikatlashtirish qoidalarini tarjima qilishda (rus va davlat tiliga) amaliy yordam koʻrsatadi;

davlat va xoʻjalik boshqaruvi organlariga, tadbirkorlik subyektlariga va boshqa tashkilotlarga mulkchilik shaklidan va idoraviy mansubligidan qatʼiy nazar, menejment tizimlari hujjatlarini ishlab chiqishda va joriy etishda amaliy yordam beradi;

texnik jihatdan tartibga solish, standartlashtirish, sertifikatlashtirish va metrologiya masalalarida tadbirkorlik subyektlariga keng miqyosda, shuningdek, onlayn-tartibda (call-center, rasmiy veb-sayt va qoʻllab-quvvatlash xizmati hamda boshqa vositalar orqali) interaktiv xizmatlar koʻrsatadi;

texnik reglamentlar, standartlar talablariga, sinov va oʻlchash uslubiyotlari, metrologiya qoidalariga rioya qilish boʻyicha sinov va oʻlchash laboratoriyalari faoliyatini tahlil qiladi va tegishli xulosalar beradi;

tadbirkorlik subyektlariga Yagona interaktiv davlat xizmatlari portali orqali elektron xizmat koʻrsatishni taʼminlaydi;

v) texnik reglamentlar, standartlashtirishga doir normativ hujjatlar talablariga, oʻlchashlarning yagona birlikda boʻlishda va oʻlchashlarning toʻgʻriligini taʼminlash, majburiy sertifikatlashtirish qoidalariga rioya etish yuzasidan davlat nazoratini tashkil etish va amalga oshirish sohasida:

“Texnik jihatdan tartibga solish toʻgʻrisida”, “Muvofiqlikni baholash toʻgʻrisida”, “Standartlashtirish toʻgʻrisida”, “Metrologiya toʻgʻrisida”, “Mahsulotlar va xizmatlarni sertifikatlashtirish toʻgʻrisida”, “Isteʼmolchilarning huquqlarini himoya qilish toʻgʻrisida”, “Energiyadan oqilona foydalanish toʻgʻrisida”, “Aholi oʻrtasida mikronutriyent yetishmasligi profilaktikasi toʻgʻrisida”, “Yod yetishmasligi kasalliklari profilaktikasi toʻgʻrisida”, “Oziq-ovqat mahsulotining sifati va xavfsizligi toʻgʻrisida”, “Xoʻjalik yurituvchi subyektlar faoliyatini davlat tomonidan nazorat qilish toʻgʻrisida”gi Oʻzbekiston Respublikasi qonunlari va texnik jihatdan tartibga solish, standartlashtirish, sertifikatlashtirish va metrologiya sohasidagi boshqa qonun va normativ-huquqiy hujjatlarni amalga joriy qilishni taʼminlaydi;

texnik reglamentlar, standartlashtirishga doir normativ hujjatlar talablarini, oʻlchashlarning yagona birlikda boʻlishini va oʻlchashlarning toʻgʻriligini taʼminlash, majburiy sertifikatlashtirish qoidalarini va qonunchilikda nazarda tutilgan boshqa talablar joriy etilishini va ularga amal qilinishini nazorat qiladi;

nazorat qilinadigan mahsulotlar koʻrsatkichlarini oʻrnatilgan talablarga muvofiqligini tekshirish maqsadida, tashkilotlarda realizatsiya qilinadigan va saqlanadigan (import boʻyicha olib kelinadigan va mahalliy ishlab chiqarilgan) mahsulotlarni nazorat xaridini oʻtkazish yoʻli bilan davlat nazoratini amalga oshiradi;

standartlashtirish, sertifikatlashtirish va metrologiya xizmatlari ishlarini nazorat qiladi;

texnik jihatdan tartibga solish, standartlashtirish, sertifikatlashtirish va metrologiya sohasidagi normativ hujjatlar nazoratini amalga oshiruvchi tashkilot va korxonalar faoliyatiga uslubiy rahbarlikni amalga oshiradi va ushbu faoliyatni muvofiqlashtiradi;

texnik jihatdan tartibga solish sohasida qonunchilik, normativ-huquqiy va normativ hujjatlarni ishlab chiqishda ishtirok etadi, ularning ishlab chiqilishida ilmiy va texnikaviy yutuqlardan yuqori samarali foydalanishga hissa qoʻshadi, oʻz vakolati doirasida texnik jihatdan tartibga solish sohasidagi normativ hujjatlar, metrologik qoidalar va majburiy sertifikatlashtirish qoidalarini oʻz vaqtida joriy qilinmaganligi sabablarini va ularning buzilishini tahlil qiladi;

texnik jihatdan tartibga solish sohasidagi va oʻlchovlar birligini taʼminlash boʻyicha normativ hujjatlar ekspertizasining natijalarini tahlil qiladi;

mulkchilik shaklidan va idoraviy mansubligidan qatʼiy nazar vazirlik, idora, korxona, muassasa, tashkilotlar va tadbirkorlik subyektlari sinov boʻlinmalarining mahsulotlarining roʻyxati va sinov turlari boʻyicha sinov oʻtkazish huquqlarini baholashni amalga oshiradi;

texnik jihatdan tartibga solish sohasidagi, standartlashtirishga doir normativ hujjatlarni, metrologik qoidalar va majburiy sertifikatlashtirish qoidalarini, agar ular texnik darajani va mahsulot sifatini oshirishga xizmat qilmayotgan boʻlsa hamda amaldagi qonunchilikka zid boʻlsa, ularni bekor qilish, amal qilish muddatini qisqartirish va oʻzgartirishlar kiritish yoki qayta koʻrib chiqish taklifini kiritadi;

tegishli choralar qabul qilish uchun ishlab chiqiladigan (shuningdek olib kiriladigan) va realizatsiya qilinadigan mahsulotlar (xizmatlar) sifati boʻyicha isteʼmolchilar eʼtirozlarini oʻrganadi;

texnik jihatdan tartibga solish sohasidagi normativ hujjatlar, metrologik qoidalar va majburiy sertifikatlashtirish qoidalarini joriy qilish va ularga rioya qilish nazorati jarayonida aniqlangan qonunchilik buzilishini bartaraf etish chorasini koʻradi;

mulkchilik shaklidan va idoraviy mansubligidan qatʼi nazar tadbirkorlik subyektlarini oʻlchash va sinov vositasini tayyorlash, taʼmirlash va qiyoslash (kalibrovkalash) boʻyicha ishlarni bajarishga tayyorgarligini, shuningdek, ishlab chiqarish quvvatlari va uskunalar tayyorgarligini oʻrganadi hamda shartnoma asosida tegishli xulosalar beradi;

mahsulotlarning texnik jihatdan tartibga solish sohasida normativ hujjatlar talablariga nomuvofiqligi haqida toʻgʻri maʼlumotlar olinganda, oʻn kun muddatda ishlab chiqaruvchi (sotuvchi) tomonidan nomuvofiqlikni bartaraf etish boʻyicha chora-tadbirlar dasturini ishlab chiqish toʻgʻrisida koʻrsatma beradi, uning ijrosini taʼminlashda amaliy yordam beradi va nazoratini amalga oshiradi;

texnik reglamentlar, standartlashtirishga doir normativ hujjatlar, metrologik qoidalar va majburiy sertifikatlashtirish qoidalari talablariga nomuvofiq mahsulotlarni (xizmatlar) realizatsiya qilish holatlarini aniqlaydi;

qonunchilikka muvofiq chora koʻrish uchun sud yoki boshqa organlarga daʼvo bilan murojaat etish uchun qaror qabul qiladi;

majburiy sertifikatlashtirishga doir faoliyatni va mahsulotlarni sinashda majburiy sertifikatlashtirishda ishtirok etadigan obyektlar faoliyati davlat nazoratini amalga oshiradi;

laboratoriyalarda, shuningdek, oʻz bazasida tashkil etilgan laboratoriyalarda mahsulotlar sinovini oʻtkazadi;

yagona oʻlchash birligi va toʻgʻriligini taʼminlash ustidan davlat nazoratini amalga oshiradi, jumladan:

belgilangan kattalik birliklarini qoʻllash toʻgʻriligi, oʻlchash va sinov vositalari holati, ularni tayyorlash, saqlash, taʼmirlash, qiyoslash va ekspluatatsiya holatini;

oʻlchashlar va sinovlarni bajarish uslublarini qoʻllash toʻgʻriligini;

Oʻzbekiston Respublikasida kattalik birliklarining qoʻllanilishga ruxsat berilgan foydalanilayotgan kattalik birliklariga muvofiqligini;

yagona oʻlchash birligini taʼminlashni davlat tomonidan tartibga solish sohasida amalga oshiriluvchi oʻlchashlar uchun qoʻyiladigan majburiy talablarga rioya qilishni;

oʻlchash vositalari, standart namunalari va kattalik birligi etalonlarini yagona oʻlchash birligini taʼminlashni davlat tomonidan tartibga solish sohasidagi majburiy talablariga muvofiqligini;

attestatlangan oʻlchashlarning uslubiyoti (metodlari) mavjudligi va ularni toʻgʻri qoʻllanishiga rioya qilish;

oʻlchash vositalariga, standart namunalari va kattalik birligi etalonlariga yagona oʻlchash birligini taʼminlashni davlat tomonidan tartibga solish sohasida qoʻllash uchun moʻljallangan ishlab chiqarishni amalga oshiruvchi, shuningdek, Oʻzbekiston Respublikasi hududiga olib kiriladigan va sotish faoliyati toʻgʻrisidagi maʼlumotlarni oʻrnatilgan tartibda xabar berishda yuridik shaxslar yoki yakka tartibdagi tadbirkorlar tomonidan rioya qilinishini;

yagona oʻlchash birligini taʼminlashni davlat tomonidan tartibga solish sohasiga tegishli boʻlgan oʻlchashlarni amalga oshirish va ular uchun belgilangan majburiy talablarga rioya etish;

yagona oʻlchash birligini taʼminlashning davlat tomonidan tartibga solish sohasida qoʻllaniladigan, attestatlangan oʻlchashlarning uslubiyoti (metodlari), shuningdek, attestatlangan oʻlchashlarning uslubiyotini (metodlari) tasdiqlaydigan maʼlumotlar mavjudligi va ularga rioya etishini;

yagona oʻlchash birligini taʼminlash sohasida ishlar va (yoki) xizmatlar koʻrsatishni amalga oshirish;

yagona oʻlchash birligini taʼminlashning davlat tomonidan tartibga solish sohasida majburiy talablarga oʻlchashlar, oʻlchash vositalari (tarkibiy qismlari, dasturiy taʼminoti), oʻlchash birliklari, standart namunalar, shuningdek, kattalik birliklari etalonlarining muvofiqligini;

yuridik shaxslarda yoki yakka tartibdagi tadbirkorlarda har bir oʻlchash vositasi, standart namunalar, yagona oʻlchash birliklari uchun ekspluatatsiya hujjatlari mavjudligini;

yagona oʻlchash birligini taʼminlashning davlat tomonidan tartibga solish sohasida tekshirilgan turi tasdiqlangan oʻlchash vositalari, turi tasdiqlangan standart namunalar, tasdiqlangan va attestatlangan kattalik birliklari etalonini qoʻllashda;

yagona oʻlchash birligini taʼminlashning davlat tomonidan tartibga solish sohasida qoʻllaniladigan oʻlchash vositalarini, standart namunalarini, kattalik birligi etaloni, oʻlchashlarning uslubiyotidan (metodlari) maqsadli foydalanishda;

Oʻzbekiston Respublikasida qoʻllashga ruxsat berilgan oʻlchash birliklarini yozish va qoʻllash qoidalariga rioya qilishni;

g) texnik jihatdan tartibga solish, standartlashtirish, sertifikatlashtirish va metrologiya sohasida huquqbuzarlikni aniqlash boʻyicha kompleks chora-tadbirlarni amalga oshirish va ularni keltirib chiqarishga asos boʻluvchi sabab va sharoitlarni bartaraf etish choralarini koʻrish, shuningdek qonunchilikda belgilangan tartibda maʼmuriy huquqbuzarlik toʻgʻrisidagi ishlarni yuritish sohasida:

maʼmuriy huquqbuzarlik toʻgʻrisidagi ishlarni yuritadi, Departamentning vakolatiga kiradigan ishlarni koʻrib chiqadi va maʼmuriy jazo qoʻllaydi;

maʼmuriy huquqbuzarlik toʻgʻrisidagi ishlab chiqarish ishlarining amaliyotini tahlil qiladi, hisobini yuritadi hamda ushbu sohada yagona amaliyotni shakllantirish boʻyicha chora koʻradi.

Departament qonunchilikka muvofiq boshqa funksiyalarni amalga oshirishi mumkin.

14. Departament oʻziga yuklangan vazifa va funksiyalarni amalga oshirish uchun quyidagi huquqqa ega:

davlat va boshqa organlar, tashkilotlardan va ularning mansabdor shaxslaridan zarur hujjatlarni va maʼlumotlarni olish;

tadbirkorlik subyektlari — yuridik shaxslar faoliyatini tekshirishni muvofiqlashtirish boʻyicha vakolatli organlar bilan kelishgan holda, oʻrnatilgan tartibda oʻtkazilgan “xavf tahlili”ni baholash natijasi asosida oʻziga yuklangan vazifalar doirasida, belgilangan tartibda davlat nazoratini amalga oshirish;

Departamentning vakolatiga kiradigan masalalar boʻyicha sudga va boshqa organlarga murojaat etish;

Departamentning vakolati doirasida maʼmuriy huquqbuzarlik toʻgʻrisidagi ishlarni oʻrnatilgan ishlab chiqarish tartibida koʻrib chiqishni amalga oshirish va maʼmuriy javobgarlikka tortishni qoʻllash;

davlat nazoratidagi mahsulotlarni (xizmatlarni) olib kiruvchi va ishlab chiqaruvchi hamda saqlovchi va realizatsiya qiluvchi tashkilotlarning rahbarlari va mutaxassislaridan davlat nazoratini oʻtkazish masalalari bilan bogʻliq boʻlgan zarur hujjatlar va tushuntirishlar olish;

davlat va ijro etuvchi hokimiyat organlaridan mahsulotlarni realizatsiya qilish bilan shugʻullanuvchi tadbirkorlik subyektlari va savdo joylarining roʻyxatini va joylashuvini soʻrash;

zarur holatlarda, mahsulotlar (xizmatlar)ni olib keluvchi va ishlab chiqaradigan, shuningdek, saqlashni va realizatsiyasini amalga oshiruvchi davlat nazoratidagi tashkilotlar rahbarlariga qonun hujjatlari buzilishini oʻz muddatida bartaraf etish yuzasidan yozma ogohlantirish berish;

mahsulotlarni ishlab chiqarish, saqlash va realizatsiya qilish faoliyatini amalga oshiruvchi korxona va tashkilotlar rahbarlaridan normativ-huquqiy hujjatlar talablarini, shuningdek, vakolatli vazirlik va organlar mahsulotlarning sifatini va xavfsizligini yaxshilash boʻyicha qarorlarni aniq va eʼtirozlarsiz bajarishni talab qilish;

ishlab chiqaruvchidan (sotuvchidan) mahsulotlarning texnik reglamentlar va standartlashtirishga doir normativ hujjatlar talablariga muvofiqligini tasdiqlovchi muvofiqlik toʻgʻrisidagi deklaratsiyalarni va muvofiqlik sertifikatlarini yoki ularning nusxasi hamda muvofiqlik toʻgʻrisidagi deklaratsiyaning yoki muvofiqlik sertifikatlarining roʻyxatga olish raqamini talab qilish;

muvofiqlik sertifikatlarini yoki muvofiqlik toʻgʻrisidagi deklaratsiyalarni bergan sertifikatlashtirish organlariga ularning amal qilishini toʻxtatib turish va tugatish zarurligi toʻgʻrisida maʼlumotlar yuborish;

Oʻzbekiston Respublikasi davlat soliq xizmati organlari va boshqa vakolatli organlar bilan hamkorlikda soddalashtirilgan tartibda olib kiriladigan tovarlardan maqsadli foydalanishni nazorat qilishda ishtirok etish;

soddalashtirilgan tartibda olib kirilgan tovarlardan maqsadli foydalanish toʻgʻrisida tadbirkorlik subyektlari bilan profilaktika choralarini oʻtkazadi, shuningdek, qonun hujjatlari buzilishi aniqlanganda — ularni bartaraf etish toʻgʻrisida ogohlantirish berish;

ishlab chiqaruvchini (sotuvchini) qonunchilikda koʻzda tutilgan javobgarlikka tortish;

davlat nazoratidagi obyektidan mahsulotlarni (xizmatlar) majburiy sertifikatlash jarayonida texnik jihatdan tartibga solish sohasidagi normativ hujjatlar talablariga mos ravishda oʻtkazilganligini isbotlovchi materiallarni talab qilish;

mahsulotlarni ishlab chiqarishda, realizatsiya qilishda va saqlashda texnik reglamentlar va standartlashtirishga doir normativ hujjatlar talablari, shuningdek, oʻlchashlarning yagonaligini va oʻlchashlarning toʻgʻriligini taʼminlash, majburiy sertifikatlashtirish qoidalarining buzilish holatlari aniqlanganda, “Oʻzstandart” agentligi rahbariyati orqali vakolatli organlarga muayyan faoliyatni amalga oshirish huquqini beruvchi litsenziyani toʻxtatib turish yoki bekor qilish toʻgʻrisida takliflar kiritish;

tadbirkorlik subyektlariga huquqbuzarlikka yoʻl qoʻyilmasligi, shuningdek, huquqbuzarlikka moyilligi borligi, huquqbuzarlikni sodir etilganlik uchun javobgarlik toʻgʻrisida tushuntirishlar bilan birga rasmiy ogohlantirish yozib berish;

texnik reglamentlar va standartlashtirishga doir normativ hujjatlar talablari, shuningdek, oʻlchashlarning yagonaligini va oʻlchashlarning toʻgʻriligini taʼminlash, majburiy sertifikatlashtirish qoidalarga nomuvofiq mahsulotlar (xizmatlar) toʻgʻrisidagi maʼlumotlarni ommaviy axborot vositalari orqali isteʼmolchilarga yetkazish;

zarur holatlarda, davlat boshqaruvi organlari mutaxassislarini jalb etish.

Departament qonunchilikka muvofiq boshqa huquqlarga ega boʻlishi mumkin.

15. Departamentning davlat inspektori quyidagi huquqlarga ega:

mahsulotlarni (xizmatlarni) ishlab chiqarish bosqichlarida, ishlab chiqarishga tayyorlashda, realizatsiya qilishda (yetkazib berish, sotish), foydalanishda (ekspluatatsiya), saqlashda, transportirovkasida va utilizatsiyasida texnik jihatdan tartibga solish, metrologiya, sertifikatlashtirish va muvofiqlikni baholash sohasidagi normativ hujjatlarning majburiy talablari buzilish holatlari aniqlanganda, ularni bartaraf etish toʻgʻrisida ogohlantirish berish;

tadbirkorlik subyekti davlat nazoratini oʻtkazishdan bosh tortgan holatda, oʻrnatilgan tartibda mahsulotlarni (xizmatlarni) realizatsiya qilishni taqiqlash;

tadbirkorlik subyektining xizmat va ishlab chiqarish binolariga oʻrnatilgan tartibda kirish;

belgilangan tartibda tadbirkorlik subyektidan davlat nazoratini oʻtkazish uchun zarur boʻlgan hujjatlarni va maʼlumotlarni olish;

texnik vositalardan foydalanish va davlat nazoratini oʻtkazishda xoʻjalik faoliyatini yurituvchi subyekt mutaxassisini jalb etish;

texnik reglamentlar, standartlashtirishga doir normativ hujjatlar, metrologiya, sertifikatlashtirish va muvofiqlikni baholash qoidalari majburiy talablariga muvofiqligini nazorat qilish uchun mahsulotlardan namunalar va nusxalar tanlab olish, bunda ishlatib yuborilgan nusxalarning qiymati va sinovlarni (tahlillarni, oʻlchashlarni) oʻtkazish xarajatlarini tekshirilayotgan xoʻjalik faoliyati subyektlarining ishlab chiqarish xarajatlariga kiritish;

mahsulotlarning (xizmatlar) texnik reglamentlar, standartlashtirishga doir normativ hujjatlar, metrologiya, sertifikatlashtirish va muvofiqlikni baholash sohasidagi qoidalar majburiy talablariga muvofiqligi toʻgʻrisida maʼlumotlar ishonchliligini tekshirish uchun ishlab chiqaruvchidan (sotuvchidan) materiallarni talab etish;

ishlab chiqaruvchidan (sotuvchidan) va boshqa shaxslardan mahsulot (xizmatlar) toʻgʻrisida maʼlumotlarni yoki loyihalash jarayonlari (shu jumladan tadqiqotlar), ishlab chiqarish, realizatsiya va utilizatsiya, montaj, qurilish, sozlash, ekspluatatsiya, saqlash, tashish, shuningdek, tadqiqotlar (sinov) natijalari va muvofiqligini majburiy tasdiqlash jarayonida amalga oshirishdagi oʻlchashlar bilan bogʻliq boʻlgan talablarni soʻrash;

mahsulotlar (xizmatlar) sinovini va sertifikatlashtirishni oʻtkazishda, sertifikatlashtirilgan mahsulotlarni (xizmatlar) va menejment tizimining inspeksiya nazoratida, akkreditatsiyadan oʻtgan sertifikatlashtirish boʻyicha organlar va laboratoriyalarning (metrologik xizmatlar) inspeksiya nazoratida ishtirok etish;

davlat nazorati natijalari boʻyicha dalolatnomalar rasmiylashtirish va kamchiliklarni bartaraf etish toʻgʻrisida koʻrsatmalar berish;

texnik jihatdan tartibga solish, standartlashtirish, metrologiya, sertifikatlashtirish va muvofiqlikni baholash sohasida qonunchilik talablariga rioya etishni taʼminlash masalalari boʻyicha sud jarayonlarida ishtirok etish.

16. Texnik jihatdan tartibga solish, standartlashtirish, sertifikatlashtirish va metrologiya sohasidagi qonunchilik talablariga rioya qilishni taʼminlash boʻyicha Oʻzbekiston Respublikasi Bosh davlat inspektori va bosh davlat inspektorining oʻrinbosarlari, ushbu Nizomning 15-bandida koʻrsatilgan huquqlardan tashqari, oʻtkazilgan nazorat natijalari boʻyicha qabul qilinadigan taʼsir choralarini koʻrish huquqiga, shu bilan birga quyidagilarga ega:

davlat nazorati jarayonida aniqlangan qonun buzilishini bartaraf etish toʻgʻrisida qaror qabul qilish;

qonunchilik hujjatlari, texnik reglamentlar talablari, standartlashtirishga doir normativ hujjatlarning majburiy talablarini, metrologiya, sertifikatlashtirish va muvofiqlikni baholash qoidalarini buzilishida aybdor boʻlgan tadbirkorlik subyektlarining mansabdor shaxslarini oʻrnatilgan tartibda maʼmuriy javobgarlikka tortish boʻyicha qaror qabul qilish;

tekshirilgan mahsulotlarning texnik jihatdan tartibga solish sohasidagi normativ hujjatlarning majburiy talablariga nomuvofiq boʻlgan holatda, ushbu mahsulotni oʻn ish kunigacha ishlab chiqarishni taqiqlab qoʻyish yoki realizatsiya qilinishini (yetkazib berilishi, sotilishi) yoki foydalanishni (ishlatishni) toʻxtatib qoʻyish toʻgʻrisida qaror qabul qilish;

qonunchilik, texnik reglamentlarning majburiy talablariga, standartlashtirishga doir normativ hujjatlarning majburiy talablariga, metrologiya va sertifikatlashtirish qoidalariga nomuvofiq boʻlgan import mahsulotlarni realizatsiya qilishni oʻn ish kunigacha taqiqlash toʻgʻrisidagi qaror qabul qilish;

tadbirkorlik subyekti davlat nazoratidan bosh tortgan holatlarda — mahsulotlarni (xizmatlarni) realizatsiya qilishni oʻn ish kunigacha taqiqlab qoʻyish;

texnik jihatdan tartibga solish sohasidagi normativ hujjatlarga, shuningdek, qonunchilikda koʻzda tutilgan tegishli ruxsat beruvchi hujjatlarga ega boʻlmagan mahsulotlarni (xizmatlarni) ishlab chiqarishni oʻn ish kunigacha taqiqlash toʻgʻrisida qaror qabul qilish;

davlat sinovidan, metrologik attestatsiyadan oʻtmagan, qiyoslanmagan oʻlchash vositalarini qoʻllash va muomalaga chiqarilishini oʻn ish kunigacha toʻxtatib turish, zarur boʻlgan holatlarda shunga oʻxshash vositalarni muomaladan chiqarib tashlash toʻgʻrisidagi qarorni qabul qilish.

17. Oʻziga yuklangan vazifalar va funksiyalarni bajarishda Departament quyidagilarga majbur:

davlat nazorati boʻyicha tadbirlar jarayonida, texnik jihatdan tartibga solish, standartlashtirish, sertifikatlashtirish va metrologiya toʻgʻrisidagi qonunchilikni qoʻllash boʻyicha tushuntirish ishlarini oʻtkazishga, mavjud boʻlgan texnik reglamentlar va standartlashtirishga doir normativ hujjatlar toʻgʻrisida maʼlumotlar berish;

tijorat sirini va qonun bilan himoyalanadigan boshqa sirni saqlash;

davlat nazorati boʻyicha tadbirlarni amalga oshirish tartibiga rioya qilish va ushbu tadbirlar natijalarini qonunchilikka muvofiq rasmiylashtirish;

davlat nazorati boʻyicha chora-tadbirlar natijalari asosida texnik jihatdan tartibga solish, standartlashtirish, sertifikatlashtirish va metrologiya sohasidagi normativ hujjatlar talablarining buzilish holatlarini bartaraf etish choralarini koʻrish;

“Oʻzstandart” agentligiga va boshqa vakolatli organlarga texnik jihatdan tartibga solish sohasidagi normativ hujjatlar talabalariga mahsulotlarning nomuvofiqligi toʻgʻrisidagi maʼlumotlarni yuborish;

bir oy muddatda huquqlari va qonuniy manfaatlari buzilgan yuridik shaxslar va (yoki) yakka tartibdagi tadbirkorlarga Departamentning mansabdor shaxslari, qonunchilik hujjatlarini buzilishida aybdor deb topilganlarga nisbatan qoʻllanilgan choralar toʻgʻrisida xabar berish.

18. Departament quyidagilarga javobgar hisoblanadi:

texnik jihatdan tartibga solish, standartlashtirish, sertifikatlashtirish va metrologiya sohalarida qonunchilik talablariga rioya qilish, ushbu sohada qonunchilik va normativ hujjatlar talablarining bajarilishi yuzasidan davlat nazoratini amalga oshirish;

oʻziga yuklangan boshqa vazifalarni samarali bajarish;

qonunchilikka muvofiq davlat nazorati boʻyicha tadbirlarni oʻtkazishda oʻzining xizmat majburiyatlarini tegishli ravishda bajarish.

19. Departamentga “Oʻzstandart” agentligi Bosh direktori tomonidan lavozimga tayinlanadigan va lavozimdan ozod etiladigan boshliq rahbarlik qiladi. Departament boshligʻi bevosita “Oʻzstandart” agentligi Bosh direktoriga boʻysunadi.

Departament boshligʻi bir vaqtning oʻzida, lavozimi boʻyicha texnik jihatdan tartibga solish, standartlashtirish, sertifikatlashtirish va metrologiya sohasida qonunchilik talablariga rioya qilishni taʼminlash boʻyicha Oʻzbekiston Respublikasi Bosh davlat inspektorining oʻrinbosari hisoblanadi.

Departament boshligʻi “Oʻzstandart” agentligi Bosh direktori tomonidan lavozimga tayinlanadigan va lavozimdan ozod etiladigan oʻrinbosarga ega.

20. Departament boshligʻi:

Departament faoliyatiga yakkaboshchilik asosida umumiy rahbarlikni amalga oshiradi va Departamentga yuklangan vazifa va funksiyalarni bajarish uchun shaxsan javobgardir;

oʻz vakolati doirasida Departament xodimlariga ijrosi majburiy boʻlgan buyruqlar chiqaradi, koʻrsatmalar beradi;

oʻrnatilgan tartibda Departament xodimlarini lavozimga tayinlaydi va lavozimdan ozod etadi;

Departamentning moliyaviy-xoʻjalik faoliyatini rejalashtiradi va tashkil etadi;

Departament xodimlariga nisbatan ragʻbatlantirish va intizomiy javobgarlikka tortish toʻgʻrisidagi masalalarni hal etadi, alohida oʻzini koʻrsatgan xodimlarni faxriy unvon va davlat mukofotlari bilan taqdirlashga va moddiy ragʻbatlantirishga taqdim qiladi.

21. Departament boshligʻi qonunchilikka muvofiq boshqa vakolatlarni ham amalga oshiradi.

22. Departament oʻzining faoliyatida unga yuklangan funksiya va majburiyatlarni bajarish uchun, tadbirkorlik subyektlarida davlat nazoratini oʻtkazishni rejalashtirishda, yuqori turuvchi tashkilotlarga materiallar va maʼlumotlarni tayyorlashda hamda umumlashtirishda Oʻzbekiston Respublikasi Bosh prokuraturasi bilan hamkorlik qiladi.

23. Departamentning davlat inspektorlari vujudga kelgan zarur holatlarda, texnik jihatdan tartibga solish sohasida mahsulotlar sifati va xavfsizliging, oʻlchashlarning yagonaligini va sertifikatlashtirish qoidalarini taʼminlashda amaliy yordam koʻrsatish uchun tekshiruvlar oʻtkazishda davlat boshqaruvi va huquq-tartibot organlari tomonidan jalb etilishlari mumkin.

24. Departamentning davlat inspektorlari davlat boshqaruvi idoralarining qarorlari boʻyicha litsenziatlar tomonidan litsenziya talablari va shartlariga amal qilish yuzasidan tekshiruvlarni oʻtkazish uchun jalb qilinishlari mumkin.

25. Agar qonunchilik tomonidan boshqa shikoyat qilish tartibi oʻrnatilmagan boʻlsa, yuqori turuvchi mansabdor shaxsga davlat inspektorlarining xatti-harakatlari boʻyicha oʻn kun muddatda shikoyat qilish mumkin.

26. Shikoyat berish shikoyat qilinayotgan qarorni bajarilishini toʻxtatmaydi.

27. Davlat inspektorlari ustidan shikoyatlarni koʻrib chiqishni kechiktirmasdan, lekin shikoyat kelib tushgan kundan boshlab kechi bilan oʻn besh kun muddatda, qoʻshimcha oʻrganishlarni va tekshirishlarni talab etadigan shikoyatlar esa bir oygacha boʻlgan muddatda koʻrib chiqiladi.

28. Korxona, muassasa va tashkilotlar rahbarlari davlat inspektorlariga yuklangan vazifalarni bajarishlari uchun kerakli sharoitlarni yaratib berishga majburdirlar (oʻrnatilgan tartibda xizmat binolari, aloqa vositalari, transport bilan taʼminlash va hokazo).

29. Departament faoliyatini moliyalashtirish manbalari quyidagilar hisoblanadi:

Oʻzbekiston Respublikasi Davlat budjeti mablagʻlari, xalqaro va chet el hukumatlari, xalqaro moliya tashkilotlari, moliya institutlari va boshqa donorlarning grantlari va kreditlari (qarzlar);

Oʻzbekiston Respublikasi rezidenti va norezidentlari boʻlgan jismoniy va yuridik shaxslarning xayriya mablagʻlari;

shartnoma asosida koʻrsatilgan xizmatlardan olingan daromadlar;

texnik jihatdan tartibga solish, standartlashtirish, sertifikatlashtirish va metrologiya sohalarida qonunchilik hujjatlarining majburiy talablari buzilishida qoʻllanilgan maʼmuriy va iqtisodiy sanksiyalar boʻyicha tushadigan ajratmalardan daromadlar;

Oʻzbekiston Respublikasi qonunchiligi tomonidan taqiqlanmagan boshqa manbalar.

30. Departament xodimlarini moddiy ragʻbatlantirish qonunchilikka muvofiq amalga oshiriladi.

Departament xodimlarining ish haqi lavozim maoshi, mukofotlar, moddiy yordam, qoʻshimcha haq, ustamalar va qonunchilikda koʻzda tutilgan ragʻbatlantirish toʻlovlaridan iborat.

Departament xodimlariga oylik ish haqini toʻlash va xodimlarni moddiy ragʻbatlantirishni amalga oshirish manbalari mehnatga haq toʻlash fondi, biror maqsad uchun budjetdan ajratilgan pullar hisobiga shakllantiriladigan budjet muassasalari va tashkilotlari xodimlarini moddiy ragʻbatlantirish maxsus fondi va budjet tashkilotlarni rivojlantirish fondi mablagʻlari, shuningdek, qonunchilikda taqiqlanmagan boshqa manbalar hisoblanadi.

Oʻzlarining xizmat majburiyatlarini vijdonan va samarali bajarayotgan Departamentning yuqori malakali, tashabbuskor xodimlariga, qonunchilikda koʻzda tutilgan qoʻshimcha haq va ustamalardan tashqari, “Oʻzstandart” agentligi huzuridagi Standartlashtirish, metrologiya va sertifikatlashtirishni rivojlantirish maxsus jamgʻarmasidan qoʻshimcha tarzda mehnatga haq toʻlash fondining ikki baravar miqdorigacha oylik ustamalar toʻlanadi.

31. Departamentning buyruqlari, koʻrsatmalari, taqdimnomalari va boshqa hujjatlarini bajarmaslik, shuningdek, Departamentning faoliyatiga aralashish va uning xodimlariga qonuniy yuklangan vazifa va funksiyalarni amalga oshirishda toʻsqinlik maqsadida har qanday shaklda taʼsir etish taqiqlanadi va qonunchilikda belgilangan tartibda javobgarlikka tortiladi.

32. Departamentni qayta tashkil etish va tugatish qonunchilik tomonidan oʻrnatilgan tartibda amalga oshiriladi.

1. Mazkur Nizom sinov (oʻlchov) laboratoriyalarini (keyingi oʻrinlarda davlat-xususiy sheriklik deb ataladi) tashkil qilish va ularning faoliyatini yoʻlga qoʻyish sohasida davlat-xususiy sheriklikni amalga oshirish tartibini belgilaydi.

2. Mazkur Nizomda quyidagi tushunchalar qoʻllanilgan:

davlat-xususiy sheriklik — sinov (oʻlchov) laboratoriyalarini tashkil qilish va faoliyatini yoʻlga qoʻyish sohasida xususiy investitsiyalarni jalb qilish, resurslarni birlashtirish va tavakkalchiliklarni taqsimlash maqsadida davlat va xususiy sheriklarning belgilangan muddatga yuridik rasmiylashtirilgan hamkorligi;

davlat-xususiy sheriklik toʻgʻrisida bitim (keyingi oʻrinlarda bitim deb ataladi) — tomonlarning huquqlari, majburiyatlari va javobgarligini, shuningdek, davlat-xususiy sheriklik loyihasini ijro etishning boshqa shartlarini belgilab beradigan davlat va xususiy sheriklar oʻrtasida tuzilgan yozma shartnoma;

davlat-xususiy sheriklik toʻgʻrisidagi bitim tomonlari (keyingi oʻrinlarda — tomonlar deb ataladi) — davlat sherigi va xususiy sherik;

davlat sherigi — Oʻzbekiston standartlashtirish, metrologiya va sertifikatlash agentligi va uning tasarrufidagi tashkilotlar;

xususiy sherik — bitim tuzilgan yuridik yoxud jismoniy shaxs (investor). Xususiy sherik sifatida ikki yoki undan ortiq yuridik yoki jismoniy shaxslarning boʻlishiga yoʻl qoʻyiladi. Davlat va xoʻjalik boshqaruvi organlari, davlat tashkilotlari, mahalliy ijro etuvchi hokimiyat organlari xususiy sherik boʻla olmaydi, shuningdek, xususiy sheriklar tarafida ishtirok eta olmaydi;

davlat-xususiy sheriklik toʻgʻrisidagi bitim obyekti (keyingi oʻrinlarda obyekt deb ataladi) — xavfsizlik, mahsulot va xizmatlar sifatini taʼminlash maqsadida foydalanilishi mumkin boʻlgan sinov (oʻlchov) laboratoriyalari;

davlat-xususiy sheriklik loyihasi — muhim davlat, ijtimoiy, iqtisodiy va ilmiy-texnik ahamiyatga ega boʻlgan mahsulot va xizmatlarning xavfsizligi va sifatini taʼminlash borasida investitsiya, innovatsiya, infrastruktura va boshqa tadbirlar majmuasi.

3. Davlat-xususiy sheriklik quyidagi tamoyillarga asoslanadi:

davlat sirini tashkil qilgan va qonun tomonidan muhofaza etiladigan boshqa sirlarni tashkil qiluvchi maʼlumotlarni istisno qilgan holda, davlat-xususiy sheriklik toʻgʻrisidagi axborotning ochiqligi va foydalanish mumkinligi;

kamsitishning yoʻqligi, bitim tomonlarining teng huquqliligi;

tomonlarning bitim boʻyicha majburiyatlarni vijdonan bajarishi;

tavakkalchiliklar va majburiyatlarning bitim tomonlari oʻrtasida adolatli taqsimlanishi;

davlat-xususiy sheriklik tomonlari oʻrtasidagi oʻzaro munosabatlarning shartnomaviy asosi.

4. Normativ-huquqiy hujjatlar, tanlov hujjatlari, shuningdek, davlat-xususiy sheriklik toʻgʻrisidagi bitim loyihalari va ularga kiritilgan oʻzgartirishlar, davlat-xususiy sheriklikni amalga oshirish shakllari, shuningdek, sinov (oʻlchov) laboratoriyalarini tashkil qilish va jalb qilish shartlari majburiy tarzda Oʻzbekiston Respublikasi Moliya vazirligi huzuridagi Davlat-xususiy sheriklikni rivojlantirish agentligi (keyingi oʻrinlarda Agentlik deb ataladi) bilan kelishilishi lozim.

5. Davlat-xususiy sheriklik quyidagi mezonlarga javob berishi shart:

uzoq muddatli boʻlishi;

bitim obyektini loyihalash, qurish, rekonstruksiya qilish, rivojlantirish, boshqarish, taʼminlashga tegishli boʻlishi;

xususiy sherik tomonidan moliyalashtirilishi;

davlat va xususiy sheriklar oʻrtasida tavakkalchiliklar va javobgarlikning taqsimlanishi.

6. Davlat-xususiy sheriklik davlat sherigining xususiy sherikka quyidagilarni taqdim etish shakllari orqali amalga oshiriladi:

a) xususiy sherik tomonidan quyidagilar boʻyicha investitsiya majburiyatlarini olgan holda binolarni taqdim etish:

laboratoriya xonalarini taʼmirlash (rekonstruksiya qilish), sinovlarni oʻtkazish uchun zarur sharoitlarni yaratish;

zamonaviy sinov va oʻlchov uskunalari bilan jihozlash;

laboratoriyalarning toʻlaqonli faoliyat yuritishi bilan bogʻliq boʻlgan xarajatlarni qoplash;

laboratoriya uskunalariga texnik va servis xizmati koʻrsatish;

xalqaro standartlarga muvofiq mahsulotni sinovdan oʻtkazishning usullarini joriy qilish;

xalqaro talablarga muvofiq holda laboratoriya xodimlarini oʻqitish va malakasini oshirish;

laboratoriyani xalqaro darajada akkreditatsiyadan oʻtkazish va sinovlarning (oʻlchovlarning) natijalarini xorijda tan olinishini taʼminlash;

b) xususiy sherik tomonidan quyidagi investitsiya majburiyatlari olingan holda yer uchastkalarini taqdim etish:

yangi laboratoriya korpuslarini qurish;

tutash hududni obodonlashtirish;

mazkur Nizomning 4 bandi a) kichik bandida koʻzda tutilgan majburiyatlar;

v) Agentlik bilan kelishilgan boshqa shakllar.

7. Davlat sherigi tomonidan davlat-xususiy sheriklik loyihasini taklif etish bitimni tuzish uchun asos hisoblanadi.

8. Yuridik shaxslarga Oʻzbekiston Respublikasi Prezidenti va Vazirlar Mahkamasining alohida qarorlari bilan belgilangan yer uchastkalarini koʻrib chiqish va taqdim etish tartibi xususiy sheriklarga mazkur Nizomda koʻzda tutilgan davlat-xususiy sheriklik loyihalarini amalga oshirish uchun moʻljallangan laboratoriya xonalarini taqdim etish tartibiga nisbatan joriy etilmaydi.

9. Davlat sherigi tadbirkorlik subyektlariga qulay sharoitlarni yaratish maqsadida va sanoat tarmoqlarining sinov imkoniyatlarini kengaytirishi uchun Agentlik bilan kelishgan holda tanlov eʼlon qilish orqali davlat-xususiy sheriklik loyihasini amalga oshirishni taklif qilishi mumkin.

10. Davlat sherigi tanlov boshlanishidan oʻttiz kun oldin majburiy tartibda, oʻz rasmiy veb-sayti va ommaviy axborot vositalarida tanlov oʻtkazilishi haqidagi eʼlonni joylashtiradi.

11. Tanlov haqidagi eʼlon quyidagi maʼlumotlarni oʻz ichiga olishi lozim:

davlat sherigining nomi va yuridik manzili, uning bogʻlanish uchun telefoni va elektron pochta manzili;

obyektning nomi, joylashgan joyi, soni, tavsifi;

davlat-xususiy sheriklik loyihasini amalga oshirish shartlari;

davlat-xususiy sheriklikni amalga oshirish shakllaridan kelib chiqqan holda talab etiladigan investitsiya va ijtimoiy majburiyatlarning eng kichik hajmi;

tanlovni oʻtkazish sanasi, vaqti va joyi;

tanlov takliflari qabul qilinadigan oxirgi muddat (kuni va soati koʻrsatilgan holda).

12. Xususiy sherik sifatida tanlovda ishtirok etish uchun yuridik yoki jismoniy shaxs (investor) davlat sherigiga quyidagi hujjatlarni ilova qilgan holda ariza beradi:

yuridik shaxsning roʻyxatdan oʻtgani haqida guvohnoma, jismoniy shaxsning manzili va shaxsiy maʼlumotlari;

xususiy sherikning sof aktivlari toʻgʻrisidagi maʼlumot, davlat-xususiy sheriklik loyihasini amalga oshirishning moliyaviy imkoniyatini tasdiqlovchi loyiha qiymatining kamida 25 foizi miqdoridagi oʻz mablagʻlari va boshqa tashkilotning kafilligi;

investitsiya loyihasining dastlabki texnik-iqtisodiy koʻrsatkichlari.

Qayta tashkil etilayotgan, tugatilayotgan va/yoki bankrotlik holatida boʻlgan, mol-mulki xatlovga olingan daʼvogarlarning tanlovda ishtirok etishiga yoʻl qoʻyilmaydi.

Arizani mazkur Nizomda koʻzda tutilgan talablar buzilgan holda taqdim qilinganligi aniqlanganda, hujjat talabgorga bir kun mobaynida qaytariladi.

13. Tanlov gʻolibi davlat sherigi tomonidan tuzilgan idoralararo tanlov komissiyasi tomonidan aniqlanadi.

14. Tanlov taklifi davlat-sheriklik loyihasini amalga oshirish uchun eng maqbul deb hisoblangan ishtirokchi tanlov gʻolibi deb tan olinadi.

Shuningdek, tanlov yakunlari boʻyicha takliflarining parametrlari tanlov shartlariga mos keladigan, biroq tanlov hujjatlariga muvofiq gʻolib tomonidan taklif etilgan parametrlar darajasidan pastroq boʻlgan zaxiradagi gʻolib aniqlab olinadi.

Tanlov gʻolibi davlat-xususiy sheriklik toʻgʻrisidagi bitimni ushbu Nizomning 16-bandida nazarda tutilgan muddatlarda imzolashni rad etsa yoki imzolashdan boʻyin tovlasa, zaxiradagi gʻolib bilan tegishli bitim tuzishga ruxsat beriladi. Tanlovning zaxiradagi gʻolibi bilan bitim tanlov gʻolibi bilan bitim tuzish tartibiga oʻxshash tartibda tuziladi.

15. Davlat sherigi tanlov yakunlari boʻyicha qaror qabul qilingan kunda oʻz rasmiy veb-saytiga axborot joylashtirish orqali tanlov natijalari haqida tanlov ishtirokchilarini xabardor qilishi shart.

16. Tanlov ishtirokchisi qabul qilingan qarorga rozi boʻlmagan taqdirda, u qaror boʻyicha sudda shikoyat qilish huquqiga ega.

17. Idoralararo tanlov komissiyasining ijobiy qarori asosida davlat sherigi va xususiy sherik qaror qabul qilingan kundan boshlab 10 kun ichida qonun hujjatlari va ushbu Nizom talablariga rioya qilgan holda bitim tuzadi.

18. Bitimda uni amalga oshirish shakliga qarab, quyidagilar aks ettirilgan boʻlishi kerak:

xususiy investitsiyalar obyekti va hajmi;

bitimning amal qilish shartlari;

bitim obyektining foydalanishga topshirilish muddatlari;

bitim tomonlarining huquqlari va majburiyatlari;

loyiha-smeta hujjatlarini tayyorlash, pudrat ishlari uchun shartnomalar tuzish muddatlari, loyihani moliyalashtirish manbalari, amalga oshirish jadvallari, loyiha bajarilishi yuzasidan texnik nazorat qilish tartibi toʻgʻrisida axborot;

davlat-xususiy sheriklik loyihasining bajarilishi boʻyicha monitoring oʻtkazish va uni amalga oshirish darajasini baholash tartibi;

davlat-xususiy sheriklik loyihasini amalga oshirish jarayonida taqdim etiladigan obyektlarning sifatiga qoʻyiladigan talablar;

xususiy sherik tomonidan oʻz majburiyatlarini bajarish jarayoni toʻgʻrisida hisobotlar taqdim etish tartibi va muddatlari;

davlat sherigi va xususiy sherik oʻrtasida bitim tuzish bilan bogʻliq tavakkalchiliklarni taqsimlash tartibi va shartlari;

davlat sherigi tomonidan xususiy sherikka davlat-xususiy sheriklik loyihasini amalga oshirish uchun oʻtkazib beriladigan laboratoriya va uskunalarga egalik qilish va undan foydalanish tartibi;

bitim obyektidan foydalanish, unga texnik xizmat koʻrsatish, uni loyihalashtirish, qurish, qayta qurish, taʼmirlash, modernizatsiyalash tartibi;

bitimning amal qilish muddati tugagandan keyin bitimni ijro etish jarayonida yaratilgan obyektga va boshqa mulkka doir huquqlarni taqsimlash tartibi;