O‘zbekiston Respublikasi Prezidentining “Alkogolli mahsulotlarni ishlab chiqarish va sotish samaradorligini oshirishga doir qo‘shimcha chora-tadbirlar to‘g‘risida” 2006-yil 7-noyabrdagi PQ-505-son qarori bajarilishini ta’minlash, shuningdek ishlab chiqarilayotgan etil spirtining sifati ustidan nazoratning samarali tizimini yaratish maqsadida Vazirlar Mahkamasi qaror qiladi:

1. “O‘zspirtsanoat” aksiyadorlik kompaniyasi va “O‘zstandart” agentligi ikki hafta muddatda “Qo‘qon spirt”, “Andijon biokimyo zavodi” va “Yangiyo‘l biokimyo” ochiq aksiyadorlik jamiyatlarining spirt sifatini aniqlash bo‘yicha ishlab chiqarish laboratoriyalari, shu jumladan tegishli binolari, asbob-uskunalari, jihozlari, o‘lchov vositalari, ma’lumotnoma materiallari va spirtning to‘laqonli sinab ko‘rilishi uchun zarur bo‘lgan boshqa materiallari “O‘zstandart” agentligining tegishli hududiy standartlashtirish va metrologiya boshqarmalari balansiga bepul, belgilangan tartibda qabul qilinishi-topshirilishini amalga oshirsinlar.

“Qo‘qon spirt”, “Andijon biokimyo zavodi” va “Yangiyo‘l biokimyo” ochiq aksiyadorlik jamiyatlari ko‘rsatib o‘tilgan laboratoriyalarning normal ishlashi, shu jumladan “O‘zstandart” agentligi huzuridagi Alkogolli mahsulotlar sifati bo‘yicha davlat inspeksiyasi xodimlarining korxonalar hududida to‘siqsiz bo‘lishlari uchun zarur shart-sharoitlarni ta’minlasinlar.

2. “O‘zstandart” agentligi boshqaruv xodimlarining shtatdagi soni olti nafarga ko‘paytirilsin, ular Andijon, Farg‘ona va Toshkent viloyatlari standartlashtirish va metrologiya boshqarmalari bo‘yicha ikki nafardan taqsimlansin, “O‘zspirtsanoat” aksiyadorlik kompaniyasining “Qo‘qon spirt”, “Andijon biokimyo zavodi” va “Yangiyo‘l biokimyo” ochiq aksiyadorlik jamiyatlarining boshqaruv xodimlari soni tegishli ravishda qisqartirilsin.

O‘zbekiston Respublikasi Moliya vazirligi ko‘rsatib o‘tilgan qo‘shimcha shtat birliklari mehnatiga haq to‘lash uchun budjetdan zarur mablag‘lar ajratishni nazarda tutsin.

3. Quyidagilar:

“O‘zstandart” agentligi laboratoriyalarining ishlab chiqaruvchi korxonalarda etil spirtining sifatini aniqlash bo‘yicha xarajatlari ishlab chiqarilgan etil spirtining sifatini aniqlash bo‘yicha ular tomonidan ko‘rsatilayotgan xizmatlarga haq to‘lash hisobidan qoplanishi;

“O‘zstandart” agentligi laboratoriyalarining ishlab chiqarilgan etil spirti turkumlarining sifatini aniqlash bo‘yicha xizmatlariga cheklangan tariflar O‘zbekiston Respublikasi Moliya vazirligi tomonidan tasdiqlanishi belgilab qo‘yilsin.

4. Belgilansinki, 2007-yil 1-sentabrdan boshlab spirt ishlab chiqaruvchi korxonalarda ishlab chiqarilgan etil spirti-rektifikat faqat “O‘zstandart” agentligining spirt sifatini aniqlash laboratoriyalarida O‘zbekiston Respublikasida amalda bo‘lgan standartlarga muvofiqligi bo‘yicha tekshirishdan o‘tgandan keyin tayyor mahsulotlar omboriga topshiriladi.

5. Quyidagilar:

O‘zbekiston standartlashtirish, metrologiya va sertifikatlashtirish agentligi huzuridagi Alkogolli mahsulotlar sifati bo‘yicha davlat inspeksiyasi tuzilmasi 1-ilovaga muvofiq;

6. O‘zbekiston Respublikasi Hukumatining 4-ilovaga muvofiq ayrim qarorlariga o‘zgartirish va qo‘shimchalar kiritilsin.

7. “O‘zstandart” agentligi O‘zbekiston Respublikasi Adliya vazirligi hamda boshqa manfaatdor vazirliklar va idoralar bilan birgalikda idoraviy normativ hujjatlarning mazkur qarorga muvofiqlashtirilishini ta’minlasin.

8. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari R.S. Azimov va Q.S. Sanaqulov zimmasiga yuklansin.

1. Vazirlar Mahkamasining “Alkogolli mahsulotlar sifati bo‘yicha davlat inspeksiyasi faoliyati masalalari to‘g‘risida” 2000-yil 17-yanvardagi 13-son qarorida:

a) 1-banddagi “1 va 2-ilovalarga muvofiq” so‘zlari “1-ilovaga muvofiq” so‘zlari bilan almashtirilsin;

b) 1-ilovada:

6-bandga quyidagi mazmundagi xatboshi qo‘shilsin:

“Alkogolli mahsulotlar sifati bo‘yicha davlat inspeksiyasi boshlig‘i lavozimiga ko‘ra ayni bir paytda Standartlar va o‘lchovlarning yagonaligi ta’minlanishini nazorat qilish bo‘yicha O‘zbekiston Respublikasi davlat bosh inspektorining alkogolli mahsulotlar va spirt sifatini nazorat qilish masalalari bo‘yicha o‘rinbosari hisoblanadi”;

9-bandga quyidagi mazmundagi xatboshi qo‘shilsin:

“ishlab chiqaruvchi korxonalarda ishlab chiqarilgan etil spirtining har bir turkumidan namunalarni ularning sifati normativ hujjatlar talablariga muvofiqligini aniqlash maqsadida sinab ko‘radilar hamda sinab ko‘rish natijalari bo‘yicha etil spirti turkumining muvofiqligi yoxud ishlab chiqarish sikliga uni qo‘shimcha ishlov berish uchun qaytarish zarurligi to‘g‘risida xulosa beradilar”;

v) 2-ilova chiqarib tashlansin.

2. Vazirlar Mahkamasining “O‘zbekiston davlat standartlashtirish, metrologiya va sertifikatlashtirish agentligi tuzilmasini takomillashtirish va uning faoliyatini tashkil etish to‘g‘risida” 2004-yil 5-avgustdagi 373-son qarori (O‘zbekiston Respublikasi QT, 2004-y., 8-son, 77-modda) 2-bandining beshinchi xatboshi va qarorga 4 va 4a-ilovalar o‘z kuchini yo‘qotgan deb hisoblansin.