Oʻzbekiston Respublikasi Budjet kodeksining 147-moddasiga Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-, 24-moddalariga muvofiq, xalq deputatlari Surxondaryo viloyati Kengashining 2025-yil 15-avgustdagi ““Xalq deputatlari Surxondaryo viloyati Kengashining 2025-yil 4-iyuldagi “Xalq deputatlari Surxondaryo viloyati Kengashining 2024-yil 27-dekabrdagi “Surxondaryo viloyatining 2025-yilgi mahalliy budjetini tasdiqlash toʻgʻrisida” VII-3-016-8-0-K/24-son qaroriga oʻzgartishlar kiritish toʻgʻrisida” VII-11-100-8-0-K/25-son qaroriga oʻzgartirish kiritish toʻgʻrisida” VII-12-118-8-0-K/25-son qaroriga oʻzgartirish kiritish maqsadida xalq deputatlari Surxondaryo viloyati Kengashi qaror qiladi:

1. Xalq deputatlari Surxondaryo viloyati Kengashining 2025-yil 15-avgustdagi “Xalq deputatlari Surxondaryo viloyati Kengashining 2025-yil 4-iyuldagi “Xalq deputatlari Surxondaryo viloyati Kengashining 2024-yil 27-dekabrdagi “Surxondaryo viloyatining 2025-yilgi mahalliy budjetini tasdiqlash toʻgʻrisida” VII-3-016-8-0-K/24-son qaroriga oʻzgartishlar kiritish toʻgʻrisida” VII-11-100-8-0-K/25-son qaroriga oʻzgartirish kiritish toʻgʻrisida VII-12-118-8-0-K/25-son qarori ilovaga muvofiq qayta tasdiqlansin.

2. Viloyat hududida “Obod xonadon-obod koʻcha-obod mahalla” dasturi ijrosi hamda viloyat aholisining yashash sharoitini yaxshilash maqsadida Oʻzbekiston Respublikasi Prezidentining 2024-yil 13-maydagi “Termiz xalqaro savdo markazi erkin savdo zonasi faoliyatini yoʻlga qoʻyish va rivojlantirish boʻyicha qoʻshimcha chora-tadbirlar toʻgʻrisida”gi PQ-176-sonli qaroriga asosan, xalq deputatlari Surxondaryo viloyati Kengashining 2025-yil 15-avgustdagi VII-12-118-8-0-K/25-son qarori 1-ilovasi 16-bandiga asosan rejalashtirilgan mablagʻlarining boʻshab qolgan qismi hisobidan Muzrabot tumani hokimining 2025-yil 21-avgustdagi 01-03/5824-sonli xatiga asosan tumandagi “Oriyat” MFYning ichki yoʻllarini asfalt qilish maqsadida bitum mahsuloti sotib olish uchun 1 773,0 mln. soʻm, Qiziriq tumani hokimining 2025-yil 22-avgustdagi 01-01-20/4225-sonli xatiga asosan tumandagi “Takiya” va “Yangiobod” MFYlarining ichki yoʻllarini asfalt qilish maqsadida bitum mahsuloti sotib olish uchun 3 018,0 mln. soʻm, Qumqoʻrgʻon tumani hokimining 2025-yil 16-sentabrdagi 01-03/609-sonli xatiga asosan tumandagi “Hurriyat”, “Mehrobod”, “Toʻda”, “Islomobod”, “Yangi Oʻzbekiston”, “Hunarmandlar”, “Yuksalish” MFYlarining ichki yoʻllarini asfalt qilish maqsadida bitum mahsuloti sotib olish uchun 1 523,0 mln. soʻm, Sariosiyo tumani hokimining 2025-yil 16-sentabrdagi 01-02/306-son xatiga asosan tumandagi “Marjona” va “Hamkorlik” MFYlarining ichki yoʻllarini asfalt qilish maqsadida bitum mahsuloti sotib olish uchun 914,0 mln. soʻm, Jarqoʻrgʻon tumani hokimining 2025-yil 16-sentabrdagi 01-02/6238-son xatiga asosan tumandagi “Bobotogʻ” MFYning ichki yoʻllarini asfalt qilish maqsadida bitum mahsuloti sotib olish uchun 846,0 mln. soʻm, Shoʻrchi tumani hokimining 2025-yil 16-sentabrdagi 01-03/4035-son xatiga asosan tumandagi “Kakaydi” MFYning ichki yoʻllarini asfalt qilish maqsadida bitum mahsuloti sotib olish uchun 456,0 mln. soʻm, Oltinsoy tumani hokimining 2025-yil 17-sentabrdagi 01-02/4910-son xatiga asosan “Bibizaynab” MFY “Mirishkor” qishlogʻida joylashgan “Oqmozor” qabristoniga boradigan 3,0 km yoʻlni asfalt qilish maqsadida bitum mahsuloti sotib olish uchun 434,0 mln. soʻm, Jarqoʻrgʻon tumani “Qorayantoq” MFYdagi 0,6 km ichki yoʻllarini asfalt qilish uchun 150,0 mln. soʻm hamda Oʻzbekiston Respublikasi Vazirlar Mahkamasining 2024-yil 11-oktabrdagi “Shaharlar va boshqa aholi punktlari koʻchalari hamda ichki xoʻjalik yoʻllari infratuzilmasini yanada takomillashtirish toʻgʻrisida”gi 665-sonli qarori ijrosini bajarish uchun Termiz shahar mahalliy budjetiga 432,0 mln. soʻm, Boysun tumani mahalliy budjetiga 100,0 mln. soʻm, Muzrabot tumani mahalliy budjetiga 100,0 mln. soʻm, Denov tumani mahalliy budjetiga 88,0 mln. soʻm, Qiziriq tumani mahalliy budjetiga 74,0 mln. soʻm, Sariosiyo tumani mahalliy budjetiga 300,0 mln. soʻm, Uzun tumani mahalliy budjetiga 300,0 mln. soʻm, Sherobod tumani mahalliy budjetiga 200,0 mln. soʻm, Bandixon tumani mahalliy budjetiga 100,0 mln. soʻm mablagʻ ajratsin.

3. Ushbu qaror qabul qilinishi munosabati bilan xalq deputatlari Surxondaryo viloyati Kengashining 2025-yil 15-avgustdagi VII-12-118-8-0-K/25-son qarorining 1-ilovasi oʻz kuchini yoʻqotgan deb hisoblansin.

4. Mazkur qarorning ijrosini nazorat qilish xalq deputatlari viloyat Kengashining mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyasi (I.Yoqubov) zimmasiga yuklatilsin.

5. Ushbu qaror rasmiy eʼlon qilingan kundan eʼtiboran kuchga kiradi.