Амалдаги таҳрир

Таклиф этилаётган таҳрир

Асослантириш

«Фуқароларнинг давлат пенсия таъминоти тўғрисида»ги Қонун

15-модда. Пенсияларни тайинлаш шартлари

Ногиронлик пенсиялари қонунчиликда белгиланган тартибда I ва II гуруҳ ногиронлари деб топилган шахсларга тайинланади.

Тўлдирилмоқда.

15-модда. Пенсияларни тайинлаш шартлари

Ногиронлик пенсиялари қонунчиликда белгиланган тартибда I ва II гуруҳ ногиронлари деб топилган шахсларга тайинланади.

Чернобиль ҳалокати ҳамда ҳарбий хизматни ўташ оқибатида III гуруҳ ногирони деб топилган шахсларнинг пенсия таъминоти қонунчиликда белгиланган тартибда амалга оширилади.

Бугунги кунда долзарб бўлаётган Чернобиль ҳалокати оқибатида ҳамда ҳарбий хизматни ўтаган даврда III гуруҳ ногиронлигини олган шахсларга пенсия тайинлаш масаласи «Фуқароларнинг давлат пенсия таъминоти тўғрисида»ги Қонунда назарда тутилмаган.

Бироқ, ушбу масала Олий Кенгаш Раёсати ва Вазирлар Маҳкамасининг 1992 йил 6 апрелдаги 170-сонли қарорига асосан тартибга солиб келинмоқда.

Шу муносабат билан, Қонуннинг 15-моддаси иккинчи қисм билан тўлдирилмоқда.

65-модда. Пенсиялардан чегирмалар

Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси туман (шаҳар) бўлимининг қарорига биноан — пенсионерга унинг томонидан қилинган суиистеъмолликлар оқибатида (қасддан нотўғри ҳужжатларни тақдим этиш, боқувчисини йўқотганлик пенсияси тайинланган оила аъзолари таркибидаги ўзгаришлар ҳақида маълумотлар тақдим этмаслик натижасида) ёхуд ҳисоблашдаги ёки бошқа техник хато оқибатида пенсия миқдоридан ортиқча пуллар тўланган тақдирда пенсиялардан чегирмалар қилиниши мумкин.

Тўлдирилмоқда.

65-модда. Пенсиялардан чегирмалар

Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси туман (шаҳар) бўлимининг қарорига биноан — пенсионерга унинг томонидан қилинган суиистеъмолликлар оқибатида (қасддан нотўғри ҳужжатларни тақдим этиш, боқувчисини йўқотганлик пенсияси тайинланган оила аъзолари таркибидаги ўзгаришлар ҳақида маълумотлар тақдим этмаслик натижасида) ёхуд ҳисоблашдаги ёки бошқа техник хато оқибатида пенсия микдоридан ортиқча пуллар тўланган тақдирда пенсиялардан чегирмалар қилиниши мумкин.

Бюджетдан ташқари пенсия жамғармаси ходимининг айби билан ортиқча ҳисобланган пенсия миқдори пенсионердан ундирилмайди. Бундай ҳолларда фуқарога ортиқча пенсия тўланиши натижасида бюджетга етказилган зарар миқдори айбдор шахсдан регресс тартибида суд орқали ундириб олинади.

Фуқаролик кодексининг 15-моддасига асосан давлат органи ёки фуқароларнинг ўзини ўзи бошқариш органи томонидан қонун ҳужжатларига мувофиқ бўлмаган ҳужжат қабул қилиниши, шунингдек улар мансабдор шахсларининг ғайриқонуний ҳаракатлари (ҳаракатсизлиги) натижасида фуқарога ёки юридик шахсга етказилган зарарнинг ўрни давлат томонидан ёки фуқароларнинг ўзини ўзи бошқариш органи томонидан қопланиши лозим. Бундай зарарнинг ўрни давлат органининг бюджетдан ташқари маблағлари ёки фуқаролар ўзини ўзи бошқариш органининг маблағлари ҳисобидан қопланади.

Давлат органи ёки фуқароларнинг ўзини ўзи бошқариш органи бекор қилинган, уларнинг маблағлари етишмаган ёхуд давлат органининг бюджетдан ташқари маблағлари ёки фуқаролар ўзини ўзи бошқариш органининг маблағлари бўлмаган тақдирда фуқарога ёки юридик шахсга етказилган зарарнинг ўрни Ўзбекистон Республикасининг Давлат бюджети маблағлари ҳисобидан қопланади.

Зарар қайси давлат органлари, фуқароларнинг ўзини ўзи бошқариш органлари мансабдор шахсларининг айби билан етказилган бўлса, суднинг қарори билан зарарнинг ўрнини қоплаш ушбу органлар мансабдор шахсларининг зиммасига юклатилиши мумкин.

Шунингдек, ушбу Кодекснинг 1030-моддасига мувофиқ қуйидагилар асоссиз орттирилган бойлик сифатида қайтариб берилмайди:

ижро этиш муддати тўлгунга қадар мажбуриятни бажариш юзасидан топширилган мол-мулк, агар мажбуриятда бошқача ҳол назарда тутилмаганбўлса;

даъво муддати ўтганидан кейин мажбуриятни бажариш юзасидан топширилган мол-мулк;

иш ҳақи ва унга тенглаштирилган тўловлар, пенсиялар, нафақалар, стипендиялар, ҳаёт ёки соғлиққа етказилган зарар товони, алиментлар ва фуқарога турмуш кечириш воситаси сифатида берилган бошқа пул маблағлари, унинг томонидан виждонсизлик қилинмаганда ва ҳисоб-китобда хатолар бўлмаганда;

мавжуд бўлмаган мажбуриятни бажариш учун берилган пул суммалари ва бошқа мол-мулк, агар қўлга киритувчи мол-мулкни қайтаришни талаб қилаётган шахснинг мажбурият йўқлигини билганлигини ёхуд мол-мулкни хайрия мақсадларида берганлигини исботласа.

«Дафн этиш ва дафн иши тўғрисида»ги Қонун

Тўлдирилмоқда

12¹-модда. Табиий ва техноген тусдаги фалокатлар натижасида вафот этган шахсларни дафн этиш

Табиий ва техноген тусдаги фалокатлар натижасида вафот этган шахсларни дафн этиш ушбу Қонунга мувофиқ амалга оширилади.

Табиий ва техноген тусдаги фалокатлар натижасида вафот этган марҳумнинг шахси ички ишлар органлари томонидан аниқланган бўлса, марҳумнинг эри (хотини), ота-онаси, фарзандлари ва бошқа қариндошлари ёки қонуний вакиллари ёхуд дафн этишни амалга ошириш мажбуриятини ўз зиммасига олган бошқа шахслар бўлмаганда ёки дафн этишни улар томонидан амалга ошириш имконияти бўлмаганда ёхуд улар дафн этишни амалга оширишни рад этганда дафн этишни маҳаллий давлат ҳокимияти органлари томонидан ташкил этиладиган махсус хизмат қонунчиликда белгиланган тартибда амалга оширади.

Табиий ва техноге? тусдаги фалокатлар натижасида вафот этган марҳумнинг шахси қонун ҳужжатларида белгиланган муддатларда ички ишлар органлари томонидан аниқланмаган бўлса, уни дафн этишни маҳаллий давлат ҳокимияти органлари томонидан ташкил этиладиган махсус хизмат қонунчиликда белгиланган тартибда амалга оширади.

Табиий ва техноген тусдаги фалокатлар натижасида вафот этган шахсларни дафн этиш ишларини аниқлаштириш мақсадида таклиф киритилмоқда.

Тўлдирилмоқда

12²-модда. Руҳий касалликлар бўйича диспансерларда вафот этган шахсларни дафн этиш

Руҳий касалликлар бўйича диспансерларда даволанилаётган шахслар вафот этган тақдирда уларни дафн этиш ушбу Қонун ва бошқа қонунчилик ҳужжатларига мувофиқ амалга оширилади. Руҳий касалликлар бўйича диспансерларда даволанилаётган шахслар вафот этган тақдирда уларнинг эри (хотини), ота-онаси, фарзандлари ва бошқа қариндошлари ёки қонуний вакиллари ёхуд дафн этишни амалга ошириш мажбуриятини ўз зиммасига олган бошқа шахслар бўлмаганда ёки дафн этишни улар томонидан амалга ошириш имконияти бўлмаганда ёхуд улар дафн этишни амалга оширишни рад этганда дафн этишни маҳаллий давлат ҳокимияти органлари томонидан ташкил этиладиган махсус хизмат қонунчиликда белгиланган тартибда амалга оширади.

Руҳий касалликлар бўйича диспансерларда даволанилаётган шахслар вафот этган тақдирда, уларни дафн этиш масалаларини аниқлаштириш мақсадида таклиф киритилмоқда.

«Селекция ютуқлари тўғрисида»ги Қонун

2-модда. Асосий тушунчалар

Ушбу Қонунда қуйидаги асосий тушунчалар қўлланилади:

Зот — генетик жиҳатдан ўзаро боғлиқ биологик ва морфологик хусусиятлари ҳамда белгиларига қараб аниқланадиган ҳайвонлар (шу жумладан паррандалар, ҳашаротлар, ипак қурти) ёки уларнинг дурагайлари гуруҳи бўлиб, бу хусусиятлар ҳамда белгиларнинг айримлари айнан шу гуруҳга хос бўлади ва уни ҳайвонларнинг бошқа гуруҳларидан фарқлаб туради. Зот гуруҳи, зот ичидаги (зонал) тип, завод типи, завод линияси, зот оиласи, партеноклонлар, линиялар, дурагайлар зотнинг муҳофаза қилинадиган объектларидир;

...

2-модда. Асосий тушунчалар

Ушбу Қонунда қуйидаги асосий тушунчалар қўлланилади:

Зот — келиб чиқиши (аждоди) маълум ва генетик жиҳатдан ўзаро боғлиқ, биологик ва фойдали хусусиятлари бир хил ўхшашликда ҳамда авлодларига ўз белгиларини тўлиқ ўтказа оладиган, муайян табиий-иқлим шароитида яратилган ҳайвонлар (шу жумладан паррандалар, ҳашаротлар, ипак қурти) гуруҳи;

...

Зот тушунчаси таърифи амалдаги таҳрирда аниқ ва содда қилиб берилмаганлиги ушбу тушунчани янада аниқлаштиришни тақозо этмоқда. Шу боис, ушбу тушунча янги таҳрирда қайд этилмоқда.

16-модда. Патент бериш ҳақидаги талабномани топшириш

Патент бериш ҳақидаги талабнома муаллиф (ҳаммуаллифлар), иш берувчи ёки уларнинг ҳуқуқий вориси томонидан Агентликка топширилади.

Патент бериш ҳақидаги талабнома шахсан, Агентликда рўйхатга олинган патент вакили орқали ёки ишончли шахс орқали топширилиши мумкин. Бошқа давлатларнинг Ўзбекистон Республикасида доимий турар жойига эга бўлмаган фуқаролари ва бошқа давлатларнинг Ўзбекистон Республикасида доимий манзили бўлмаган юридик шахслари, уларнинг патент вакиллари ёки ишончли шахслари патент олиш ва уни ўз кучида сақлаш борасидаги ишларни Ўзбекистон Республикасининг патент вакиллари орқали олиб борадилар. Патент вакилининг ваколатлари унга талабнома берувчи ёки ишончли шахс берган ишончнома билан тасдиқланади.

Тўлдирилмоқда

Тўлдирилмоқда

16-модда. Патент бериш ҳақидаги талабномани топшириш

Патент бериш ҳақидаги талабнома муаллиф (ҳаммуаллифлар), иш берувчи ёки уларнинг ҳуқуқий вориси томонидан Агентликка ёзма ёки электрон шаклда топширилади.

Патент бериш ҳақидаги талабнома шахсан, Агентликда рўйхатга олинган патент вакили орқали ёки ишончли шахс орқали топширилиши мумкин. Бошқа давлатларнинг Ўзбекистон Республикасида доимий турар жойига эга бўлмаган фуқаролари ва бошқа давлатларнинг Ўзбекистон Республикасида доимий манзили бўлмаган юридик шахслари, уларнинг патент вакиллари ёки ишончли шахслари патент олиш ва уни ўз кучида сақлаш борасидаги ишларни Ўзбекистон Республикасининг патент вакиллари орқали олиб борадилар. Патент вакилининг ваколатлари унга талабнома берувчи ёки ишончли шахс берган ишончнома билан тасдиқланади.

Патент бериш ҳақидаги талабномани электрон шаклда топшириш учун уни Агентликнинг электрон почта манзилига юбориш талаб этилади.

Электрон топширилган талабномалар ушбу Қонун талабларига мувофиқ кўриб чиқилади.

Селекция ютуқлари бўйича талабномаларни электрон топшириш ва уларни кўриб чиқиш тартиби бугунги кунга қадар белгиланмаган. Бу эса жисмоний ва юридик шахсларга қийинчиликлар туғдириб келмоқда. Шу муносабат билан, патент бериш ҳақидаги талабномаларни электрон топшириш тартибини йўлга қўйиш таклиф этилмоқда.

«Экологик экспертиза тўғрисида»ги Қонун

19-модда. Давлат экологик экспертизасини ўтказиш

муддатлари

Давлат экологик экспертизасини ўтказиш муддати ўттиз кундан ошмаслиги лозим. Уни ўтказиш муддати давлат экологик экспертизаси объектининг мураккаблигига қараб Ўзбекистон Республикаси Экология ва атроф-муҳитни муҳофаза қилиш давлат қўмитасининг раиси томонидан кўпи билан икки ойга узайтирилиши мумкин.

19-модда. Давлат экологик экспертизасини ўтказиш тартиби

Мўлжалланаётган фаолият тўғрисидаги ариза учун давлат экологик экспертизасини ўтказиш муддатлари:

20 иш куни — атроф-муҳитга таъсир кўрсатишнинг I ва II тоифасига мансуб фаолият турлари объектлари учун;

10 иш куни — атроф-муҳитга таъсир кўрсатишнинг III тоифасига мансуб фаолият турлари объектлари учун.

Атроф-муҳитга таъсир кўрсатилиши тўғрисидаги ариза учун давлат экологик экспертизасини ўтка?иш мудда?и қуйидагидан ошмаслиги керак:

45 иш куни — атроф-муҳитга таъсир кўрсатишнинг I ва II тоифасига мансуб объектлар учун атроф-муҳитга таъсири тўғрисида баёнот учун;

20 иш куни — атроф-муҳитга таъсир кўрсатишнинг III тои??сига мансуб объектлари учун.

Давлат экологик экспертизасининг бошқа барча объектлари учун давлат экологик экспертизасини ўтказиш муддати 30 иш кунидан ошмаслиги керак.

Атом энергиясидан фойдаланиш объектлари бўйича давлат экологик экспертизасини ўтказиш муддатлари давлат экологик экспертизаси объектининг мураккаблигига қараб Ўзбекистон Республикаси Экология ва атроф-муҳитни муҳофаза қилиш давлат қўмитасининг раиси томонидан узайтирилиши мумкин.

Давлат экологик экспертизасини ўтказиш муддатлари давлат экологик экспертизаси объектининг мураккаблигига қараб, унинг сифатини, тўғри қамровини, ўз вақтида бажарилишини таъминлаш учун давлат экологик экспертизасини ўтказиш муддатларини белгилашда хорижий тажриба (Қозоғистон, Россия, Белоруссия, Украина, Грузия, Европа Иттифоқи давлатлари, Буюк Британия, Канада, АҚШ ва бошқалар)га мувофиқ жорий этилади.

23-модда. Жамоат экологик экспертизаси

Жамоат экологик экспертизаси экологик асосланиши тақозо этиладиган ҳар қандай фаолият соҳасида нодавлат нотижорат ташкилотларининг ва фуқароларнинг ташаббуси билан амалга оширилиши мумкин. Жамоат экологик экспертизасини амалга оширишга тўсқинлик қилиш тақиқланади.

Жамоат экологик экспертизаси давлат экологик экспертизаси ўтказилишидан қатъий назар амалга оширилиши мумкин.

Жамоат экологик экспертизасининг хулосаси тавсия хусусиятига эга бўлади.

23-модда. Жамоат экологик экспертизаси объектлари

Жамоат экологик экспертизасининг объектлари фуқароларнинг қулай атроф муҳитга эга бўлиш ҳуқуқлари ва манфаатларига таъсир этиши мумкин бўлган ҳар қандай мўлжалланаётган ёки амалга оширилаётган хўжалик фаолиятидир.

Чиқариб ташланмоқда

Экологик маълумотларнинг очиқлиги ва белгиланган фаолият бўйича қарорлар қабул қилишнинг ошкоралиги талабларига мувофиқ жамоатчилик экологик экспертизасини тартибини такомиллаштириш талаб этилмоқда.

Шу боис, жамоат экологик экспертизасини тартибга солишни яхшилаш учун киритилмоқда.

Тўлдирилмоқда

Тўлдирилмоқда

Тўлдирилмоқда

23¹-модда. Жамоат экологик экспертизаси ташаббускори

Жамоат экологик экспертизасининг ташаббускори жамоат экологик экспертизасини жамоатчилик асосида ташкил этадиган нодавлат нотижорат ташкилоти ҳисобланади.

Жамоат экологик экспертизасини ташкил этиш учун жамоат экологик экспертизасининг ташаббускори экология ва атроф-муҳитни муҳофаза қилиш бўйича ваколатли органга жамоат экологик экспертизасини ўтказиш тўғрисида ариза беради, жамоат экологик экспертизасини ўтказиш учун топшириқ тайёрлайди ва жамоат экологик экспертизасининг эксперт комиссиясини шакллантиради.

Жамоат экологик экспертизасининг ташаббускори қуйидаги ҳуқуқларга эга:

жамоат экологик экспертизаси объектини буюртмачидан жамоат экологик экспертизасини ўтказиш учун зарур бўлган маълумотларни, материаллар ва ҳужжатларни талаб қилиш ва олиш, қонун билан қўриқланадиган махфий маълумотлардан ташқари;

жамоат экологик назорати тўғрисидаги қонун ҳужжатларида белгиланган тартибда жамоат эшитувларини жамоат экологик экспертизаси давомида ташкил этиш;

жамоат экологик экспертизасини ўтказиш учун жамоатчилик экологик экспертизаси экспертлари сифатида экология ва атроф-муҳитни муҳофаза қилиш ва аҳоли саломатлиги соҳасида илмий билим ва (ёки) амалий тажрибага эга бўлган жисмоний шахслардан эксперт комиссиясини шакллантириш;

жамоат экологик экспертизасини ўтказиш учун топшириқ тайёрлаш;

жамоат экологик экспертизасининг хулосасини экология ва атроф-муҳитни муҳофаза қилиш бўйича ваколатли органга, жамоат экологик экспертизаси объектини амалга ошириш билан боғлиқ қарорлар қабул қилувчи органларга, жамоат экологик экспертизаси объектининг буюртмачисига, оммавий ахборот воситаларига юбориш.

Жамоат экологик экспертизасининг ташаббускори:

ушбу қонунда белгиланган тартибда жамоат экологик экспертизасини ташкил этиш ва ўтказиш;

жамоатчилик экологик экспертизасида манфаатдор жамоатчиликнинг иштирокини таъминлаш ва жамоат экологик экспертизасининг бориши ва натижалари тўғрисида жамоатчиликни хабардор қилиш.

Экологик маълумотларнинг очиқлиги ва белгиланган фаолият бўйича қарорлар қабул қилишнинг ошкоралиги талабларига мувофиқ жамоатчилик экологик экспертизасини тартибини такомиллаштириш талаб этилмоқда.

Шу боис, жамоат экологик экспертизасини тартибга солишни яхшилаш учун киритилмоқда.

Тўлдирилмоқда

Тўлдирилмоқда

23²-модда. Жамоат экологик экспертизаси эксперт комиссияси

Жамоатчилик экологик экспертизаси эксперт комиссияси экология, атроф-муҳитни муҳофаза қилиш, соғлиқни сақлаш ва (ёки) жамоатчилик экологик экспертизаси объекти билан боғлиқ масалаларда илмий билимлар ва (ёки) амалий тажрибага эга бўлган жисмоний шахслардан ташкил топади.

Эксперт комиссияси таркибига жамоат экологик экспертизаси объекти буюртмачисининг вакиллари, жамоат экологик экспертизаси объектининг экологик ҳужжатларини ишлаб чиқувчи лойиҳа ташкилоти вакиллари, жамоат экологик экспертизаси объекти буюртмачиси билан меҳнат ёки бошқа шартнома муносабатларида бўлган жисмоний ёки юридик шахс киритилиши ман этилади.

Эксперт комиссияси қонун ҳужжатларига ва жамоат экологик экспертизаси ташаббускори томонидан берилган топшириққа мувофиқ жамоат экологик экспертизасини ўтказади.

Жамоат экологик экспертизаси эксперти жамоат экологик экспертизаси объекти бўйича жамоатчилик экологик экспертизаси хулосасига бириктирилган алоҳида фикрга эга бўлиш ҳуқуқига эга.

Ижтимоий экологик экспертиза эксперти қуйидагиларни таъминлаши шарт:

жамоат экологик экспертизаси хулосаси хулосаларининг холислиги ва асослилиги;

жамоат экологик экспертизаси объекти бўйича манфаатдор жамоатчиликнинг фикр ва таклифларини ҳисобга олиш;

материаллар ва ҳужжатларнинг сақланиши, жамоат экологик экспертизасига тақдим этилган маълумотларнинг махфийлиги.

Экологик маълумотларнинг очиқл?ги ва бе?гиланган фаолият бўйича қарорла? қабул қилишнинг ошкоралиги талабларига мувофиқ жамоатчилик экологик экспертизасини тартибини такомиллаштириш талаб этилмоқда.

Шу боис, жамоат экологик экспертизасини тартибга солишни яхшилаш учун киритилмоқда.

Тўлдирилмоқда

Тўлдирилмоқда

23³-модда. Жамоат экологик экспертизаси объекти буюртмачиси

Жамоат экологик экспертизаси объектининг буюртмачиси — мўлжалланаётган ёки амалга оширилаётган хўжалик ва бошқа хил фаолиятнинг жисмоний ёки юридик шахсидир.

Жамоат экологик экспертизаси объектининг буюртмачиси қуйидаги ҳуқуқларга эга:

қонун билан қўриқланадиган махфий маълумотларни ҳимоя қилиш учун ҳужжатларда келтирилган мўлжалланаётган ва амалга оширилаётган фаолият бўйича;

жамоат экологик экспертизасини ўтказиш жараёни ва натижалари тўғрисида ахборот олиш;

жамоат эшитувларида ва жамоат экологик экспертизаси доирасида ўтказиладиган бошқа тадбирларда иштирок этиш;

давлат экологик экспертизасини амалга оширувчи органга ва жамоат экологик экспертизаси объектини амалга ошириш билан боғлиқ қарорлар қабул қилувчи органларга жамоат экологик экспертизасининг хулосасига тушунтириш ва изоҳлар бериш.

Жамоат экологик экспертизаси объектининг буюртмачиси:

жамоат экологик экспертизасига зарур маълумотлар, материаллар ва ҳужжатларни тақдим этиш;

жамоат экологик экспертизаси ташаббускори ва экология ва атроф-муҳитни муҳофаза қилиш бўйича ваколатли органга жамоат экологик экспертизаси хулосасида баён этилган хулосалар ва тавсияларга ёзма жавоб олиш кунидан бошлаб ўттиз календар кунгача тақдим этиш.

Экологик маълумотларнинг очиқлиги ва белгиланган фаолият бўйича қарорлар қабул қилишнинг ошкоралиги талабларига мувофиқ жамоатчилик экологик экспертизасини тартибини такомиллаштириш талаб этилмоқда.

Шу боис, жамоат экологик экспертизасини тартибга солишни яхшилаш учун киритилмоқда.

Тўлдирилмоқда

23⁴-модда. Жамоат экологик экспертизасини молиялаштириш

Жамоат экологик экспертизасини молиялаштириш жамоат экологик экспертизаси ташаббускорлари маблағлари ва қонун ҳужжатларида тақиқланмаган бошқа манбалар ҳисобидан амалга оширилади.

Экологик маълумотларнинг очиқлиги ва белгиланган фаолият бўйича қарорлар қабул қилишнинг ошкоралиги талабларига мувофиқ жамоатчилик экологик экспертизасини тартибини такомиллаштириш талаб этилмоқда.

Шу боис, жамоат экологик экспертизасини тартибга солишни яхшилаш учун киритилмоқда.

Тўлдирилмоқда

Тўлдирилмоқда

23⁵-модда. Жамоат экологик экспертизасининг хулосаси

Жамоат экологик экспертизаси натижаларига кўра, тавсиянома тусига эга бўлган жамоат экологик экспертизасининг хулосаси расмийлаштирилади.

Жамоат экологик экспертизасининг хулосаси қуйидагиларни ўз ичига олиши керак:

давлат экологик экспертизаси объекти буюртмачининг фамилияси, исми, отасининг исми ва жойлашган жойи юридик манзили ва географик координаталари;

экологик экспертиза ташаббускорининг номи ва юридик манзили;

жамоат экологик экспертизаси экспертларининг фамилияси, исми, отасининг исми;

жамоат экологик экспертизасини ўтказиш муддатлари;

жамоат экологик экспертизаси ўтказиладиган ҳужжатларнинг таркиби;

жамоат экологик экспертизаси жараёнининг тавсифи;

жамоат экологик экспертизаси ташаббускори, манфаатдор жамоатчилик позициялари;

жамоат экологик экспертизаси натижаларини ва жамоат экологик экспертизаси объектининг экология ва атроф-муҳитни муҳофаза қилиш соҳасидаги қонунчилик талабларига мувофиқлиги тўғрисидаги жамоат экологик экспертизаси экспертларининг хулосалари.

Жамоат экологик экспертизасининг хулосаси жамоат экологик экспертизаси ташаббускорининг ваколатли вакили ва жамоат экологик экспертизаси экспертлари томонидан имзоланади.

Жамоат экологик экспертизасининг хулосаси давлат экологик экспертизасини ўтказишда кўриб чиқилиши керак. Бундай кўриб чиқиш натижалари тўғрисидаги маълумотлар жамоат экологик экспертизасининг ташаббускорига юборилиши керак.

Жамоат экологик экспертизасининг хулосаси жамоатчилик экологик экспертизаси объектига тааллуқли қарорлар қабул қилувчи органлар томонидан ҳисобга олиниши мумкин.

Экологик маълумотларнинг очиқлиги ва белгиланган фаолият бўйича қарорлар қабул қилишнинг ошкоралиги талабларига мувофиқ жамоатчилик экологик экспертизасини тартибини такомиллаштириш талаб этилмоқда.

Шу боис, жамоат экологик экспертизасини тартибга солишни яхшилаш учун киритилмоқда.

«Ўзбекистон Республикасининг ташқи иқтисодий фаолияти тўғрисида»ги Қонун

14-модда. Хорижий давлатларнинг ва улар юридик шахсларининг Ўзбекистон Республикаси ҳудудидаги ваколатхоналари

Ўзбекистон Республикасида хорижий давлатларнинг савдо-иқтисодий масалалар бўйича ваколатхоналари Ўзбекистон Республикаси тегишли хорижий давлатлар билан тузадиган халқаро шартномалар асосида таъсис этилади.

Ажнабий юридик шахслар Ўзбекистон Республикаси ҳудудида Ўзбекистон Республикасининг қонун ҳужжатларига мувофиқ ваколатхоналар очишга ҳақлидирлар.

14-модда. Хорижий давлатларнинг ва улар юридик шахсларининг Ўзбекистон Республикаси ҳудудидаги ваколатхоналари ва филиаллари

Ўзбекистон Республикасида хорижий давлатларнинг савдо-иқтисодий масалалар бўйича ваколатхоналари Ўзбекистон Республикаси тегишли хорижий давлатлар билан тузадиган халқаро шартномалар асосида таъсис этилади.

Хорижий юридик шахслар Ўзбекистон Республикаси ҳудудида Ўзбекистон Республикасининг қонун ҳужжатларига мувофиқ ваколатхоналар ва филиаллар очишга ҳақлидирлар.

Фуқаролик кодекс?нинг 47-моддасида юридик шахслар томонидан у мавжуд бўлмаган ҳудудда жойлашган ва унинг барча ёки қисман вазифаларини бажарадиган юридик шахсларнинг алоҳида бўлинмаси ҳисобланадиган филиаллар ташкил этиш имконияти белгиланган.

Ушбу Кодекснинг 2-моддаси 3-қисмига кўра қонунда бошқача тартиб назарда тутилган бўлмаса, фуқаролик қонун ҳужжатларида белгилаб қўйилган қоидалар чет эллик фуқаролар, фуқаролиги бўлмаган шахслар ҳамда чет эллик юридик шахслар иштирокидаги муносабатларга қўлланилади.

Таклиф: Ўзбекистон Республикаси Фуқаролик Кодексининг 47-моддасида юридик шахсларнинг ваколатхоналари ва филиаллари фаолиятини тартибга солувчи қоидалари хорижий юридик шахсларга ҳам тегишли эканлигини инобатга олган ҳолда Адлия вазирлигининг таклифига кўра, хорижий тижорат ташкилотларининг филиалларини очиш масаласи биринчи навбатда тегишли қонун ҳужжатларига ўзгартириш киритиш орқали белгиланиши лозим.

19-модда. Ташқи иқтисодий фаолиятни тартибга солиш соҳасидаги ваколатли давлат органи

Ўзбекистон Республикаси Ташқи савдо вазирлиги ва Ўзбекистон Республикаси Инвестициялар бўйича давлат қўмитаси ташқи иқтисодий фаолиятни тартибга солиш соҳасидаги ваколатли давлат органлари ҳисобланади.

Ўзбекистон Республикаси Ташқи савдо вазирлиги:

ташқи савдо фаолияти соҳасида ягона давлат сиёсатини ишлаб чиқади ва унинг амалга оширилишини таъминлайди;

ташқи савдо фаолиятини тартибга солиш соҳасидаги давлат бошқаруви органлари ишини мувофиқлаштиради;

қонун ҳужжатларида белгиланган ваколатлари доирасида ташқи савдо фаолияти субъектлари фаолиятини мувофиқлаштиради ва тартибга солиб туради;

ташқи савдо фаолияти соҳасига оид қонунчилик базасини такомиллаштириш юзасидан таклифлар ишлаб чиқади;

қонун ҳужжатларига мувофиқ бошқа ваколатларни амалга оширади.

Ўзбекистон Республикаси Инвестициялар бўйича давлат қўмитаси:

инвестициялар бўйича ягона давлат сиёсатини шакллантиради ва унинг амалга оширилишини ҳамда чет эл инвестициялари жалб қилинишини таъминлайди;

давлат ва хўжалик бошқаруви органларининг, маҳаллий давлат ҳокимияти органларининг чет эл инвестицияларини жалб қилиш бўйича асосий йўналишларни белгилаш ва уни амалга оширишга, шунингдек халқаро молия институтлари ва чет эллик инвесторлар билан инвестиция соҳасидаги ҳамкорликни амалга оширишга доир фаолиятини мувофиқлаштиради;

инвестиция фаолиятига оид қонунчилик базасини такомиллаштириш юзасидан таклифлар ишлаб чиқади;

қонун ҳужжатларига мувофиқ бошқа ваколатларни амалга оширади.

19-модда. Ташқи иқтисодий фаолиятни тартибга солиш соҳасидаги ваколатли давлат органи

Ўзбекистон Республикаси Инвестициялар ва ташқи савдо вазирлиги ташқи иқтисодий фаолиятни тартибга солиш соҳасидаги ваколатли давлат органи ҳисобланади.

Ўзбекистон Республикаси Инвестициялар ва ташқи савдо вазирлиги:

инвестициялар ва ташқи савдо фаолияти соҳасида ягона давлат сиёсатини ишлаб чиқади ва унинг амалга оширилишини таъминлайди;

давлат ва хўжалик бошқаруви органларининг, маҳаллий давлат ҳокимияти органларининг чет эл инвестицияларини жалб қилиш бўйича асосий йўналишларни белгилаш ва уни амалга оширишга, шунингдек халқаро молия институтлари ва чет эллик инвесторлар билан инвестиция соҳасидаги ҳамкорликни амалга оширишга доир фаолиятини мувофиқлаштиради;

ташқи савдо фаолиятини тартибга солиш соҳасидаги давлат бошқаруви органлари ишини мувофиқлаштиради;

қонун ҳужжатларида белгиланган ваколатлари доирасида ташқи савдо фаолияти субъектлари фаолиятини мувофиқлаштиради ва тартибга солиб туради;

ташқи савдо фаолияти ҳамда инвестиция фаолиятига оид қонунчилик базасини такомиллаштириш юзасидан таклифлар ишлаб чиқади;

қонун ҳужжатларига мувофиқ бошқа ваколатларни амалга оширади.

Ўзбекистон Республикаси Президентининг 2019 йил 28 январдаги ПФ-5643-сонли «Инвестиция ва ташқи савдо соҳасида бошқарув тизимини такомиллаштириш чора-тадбирлари тўғрисида»ги Фармонига асосан Ўзбекистон Республикаси Ташқи савдо вазирлиги ва Инвестициялар бўйича давлат қўмитаси негизида Ўзбекистон Республикаси Инвестициялар ва ташқи савдо вазирлиги ташкил этилган.

Таклиф: Ўзбекистон Республикаси Инвестициялар ва ташқи савдо вазирлиги ташқи иқтисодий фаолиятни тартибга солиш соҳасидаги ваколатли давлат органи ҳисобланади деб кўрсатиш ва бу борада унинг ваколатлари санаб ўтилиши лозим.

«Электрон рақамли имзо тўғрисида»ги Қонун

4-модда. Электрон рақамли имзодан фойдаланиш соҳасини давлат томонидан тартибга солиш

Электрон рақамли имзодан фойдаланиш соҳасини давлат томонидан тартибга солишни Ўзбекистон Республикаси Вазирлар Маҳкамаси ва у махсус ваколат берган орган амалга оширади.

6-модда. Электрон рақамли имзодан фойдаланиш соҳасини давлат томонидан тартибга соладиган органлар

Электрон рақамли имзодан фойдаланиш соҳасини давлат томонидан тартибга солишни Ўзбекистон Республикаси Вазирлар Маҳкамаси ва у махсус ваколат берган орган — Ўзбекистон Республикаси Ахборот технологиялари ва коммуникацияларини ривожлантириш вазирлиги (кейинги ўринларда — махсус ваколатли орган) амалга оширади.

Ўзгартиришлар Ўзбекистон Республикасида маъмурий ислоҳотлар Концепциясига мувофиқ киритилмоқда. Унда тўғридан-тўғри амал қилувчи қонунларни қабул қилиш бўйича қонун ижодкорлиги фаолиятини такомиллаштириш белгилаб берилган.

Шу билан бирга, Ўзбекистон Республикаси Президентининг 2005 йил 8 июлдаги «Ахборот-коммуникация технологияларини янада ривожлантиришга оид қўшимча чора-тадбирлар тўғрисида»ги ПҚ-117-сонли қарори билан Ахборот технологиялари ва коммуникацияларини ривожлантириш вазирлиги электрон рақамли имзодан фойдаланиш соҳасида давлат томонидан тартибга солиш бўйича махсус ваколатли орган этиб белгиланган.

Тўлдирилмоқда

7-модда. Электрон рақамли имзодан фойдаланиш соҳасида Ўзбекистон Республикаси Вазирлар Маҳкамасининг ваколатлари

Ўзбекистон Республикаси Вазирлар Маҳкамаси:

электрон рақамли имзодан фойдаланиш соҳасида ягона давлат сиёсатини амалга оширади;

электрон рақамли имзодан фойдаланиш соҳасида давлат ва бошқа дастурларни тасдиқлайди ва уларнинг амалга оширилиши устидан назорат қилади;

электрон рақамли имзодан фойдаланиш соҳасида норматив-ҳуқуқий ҳужжатларни қабул қилади;

ишончли учинчи томоннинг фаолият кўрсатиш тартибини белгилайди.

Ўзбекистон Республикаси Вазирлар Маҳкамаси қонунчиликка мувофиқ бошқа ваколатларни ҳам амалга ошириши мумкин.

Тўғридан-тўғри таъсир қилувчи қонун қабул қилишнинг самарали механизмларини жорий этиш ҳамда Вазирлар Маҳкамасининг электрон рақамли имзодан фойдаланиш соҳасидаги ваколатларини аниқлаш мақсадида киритилмоқда.

14-модда. Электрон рақамли имзо калитининг сертификатини бериш

Электрон рақамли имзо калитининг сертификати рўйхатга олиш маркази томонидан берилади.

Электрон ҳужжат шаклидаги электрон рақамли имзо калитининг сертификати берилаётганда у рўйхатга олиш маркази ваколатли шахсининг электрон рақамли имзоси билан тасдиқланади.

Қоғоз ҳужжат шаклидаги электрон рақамли имзо калитининг сертификати икки нусхада расмийлаштирилади. Бундай сертификатнинг ҳар бир нусхаси рўйхатга олиш марказининг ваколатли шахси томонидан имзоланиши ва рўйхатга олиш марказининг муҳри билан тасдиқланиши керак. Электрон рақамли имзо калити сертификатининг бир нусхаси электрон рақамли имзо ёпиқ калитининг эгасига берилади, бошқа нусхаси эса рўйхатга олиш марказида сақланади.

Электрон ҳужжатлар шаклидаги электрон рақамли имзолар калитлари сертификатларининг кўчирма нусхаларини беришга доир хизматлар рўйхатга олиш маркази томонидан бепул кўрсатилади.

Тўлдирилмоқда

Тўлдирилмоқда

Тўлдирилмоқда

26-модда. Жисмоний ва юридик шахсларнинг электрон рақамли имзо калити сертификатини бериш

Электрон рақамли имзо калитлари сертификатлари юридик ва жисмоний шахсларнинг электрон рақамли имзо калити сертификатини рўйхатга олиш ва уни олишга бўлган аризаси билан қилган мурожаатига кўра рўйхатга олиш маркази томонидан берилади. Мурожаат қилган шахс учун рўйхатга олиш марказининг оммавий офертаси билан олдиндан танишиши лозим.

Аризани кўриб чиқиш муддати беш иш кунидан ошмаслиги керак. Электрон рақамли имзо калитининг сертификати рўйхатга олиш маркази томонидан электрон рақамли имзо ёпиқ калити эгасининг шахси тасдиқлангандан сўнг берилади.

Электрон рақамли имзо калити сертификатини рўйхатга олиш ва уни олиш учун бериладиган ариза шакли ҳамда рўйхатга олиш маркази томонидан юридик ва жисмоний шахсга электрон рақамли имзо калити сертификатини бериш, шунингдек электрон рақамли имзо калитлари сертификатлари реестрини юритиш учун зарур бўлган ҳужжатлар рўйхати рўйхатга олиш маркази томонидан белгиланади.

Рўйхатга олиш марказига электрон рақамли имзо калитлари сертификатларини бериш мақсадларига мувофиқ бўлмаган маълумотларни сўраб олиш тақиқланади.

Ариза берилгунга қадар ариза берувчи электрон рақамли имзо очиқ ва ёпиқ калитларини мустақил яратиши ва очиқ калитни рўйхатга олиш учун рўйхатга олиш марказига тақдим этиши мумкин.

Электрон рақамли имзонинг очиқ ва ёпиқ калитларини яратиш юридик ва жисмоний шахсларнинг аризасига кўра рўйхатга олиш маркази томонидан амалга оширилиши мумкин.

Юридик ва жисмоний шахслар бир нечта электрон рақамли имзо калитларига эга бўлиши мумкин. Ҳар бир электрон рақамли имзо калитининг сертификати белгиланган тартибда алоҳида рўйхатга олинади.

Электрон рақамли имзо очиқ ва ёпиқ калитларини яратиш, электрон рақамли имзо калитини рўйхатга олиш ва электрон рақамли имзо калити сертификатини бериш бўйича хизматлар пулли ҳисобланади.

Кўрсатиладиган пулли хизматлар таркиби ва қиймати белгиланган тартибда шартномавий асосда белгиланади.

Электрон рақамли имзо калити сертификатининг амал қилиш муддати электрон рақамли имзо калити рўйхатга олинган вақтдан бошлаб 24 ойдан ошмаслиги керак.

Электрон рақамли имзо калитининг сертификати берилаётганда у рўйхатга олиш марказининг электрон рақамли имзоси билан тасдиқланади.

Электрон рақамли имзо калити сертификатини беришда рўйхатга олиш маркази томонидан электрон рақамли имзо эгасига электрон рақамли имзодан фойдаланиш ва уни сақлаш қоидалари тўғрисида, шунингдек электрон рақамли имзо эгасининг мажбуриятлари ва жавобгарлиги тўғрисида тўлиқ ахборот берилиши керак.

Электрон рақамли имзо калитини рўйхатга олиш электрон рақамли имзо калити сертификатини рўйхатга олиш марказининг электрон рақамли имзо калитлари сертификатлари реестрига киритиш йўли билан амалга оширилади.

Электрон рақамли имзо калитлари рўйхатга олиш марказларининг ишончли сақлаш (булут) тизимида электрон рақамли имзо калитлари сертификати эгасининг камида икки факторли аутентификацияси билан сақланиши лозим.

Жисмоний ва юридик шахсларга электрон рақамли имзо калити сертификатини бериш тартиби ҳамда уларнинг муддати ва нархи аниқлаштирилмоқда.

«Аҳолини сил касаллигидан муҳофаза қилиш тўғрисида»ги Қонун

9-модда. Аҳолига сил касаллигига қарши ёрдам кўрсатиш

Аҳолига сил касаллигига қарши ёрдам кўрсатиш сил касаллигининг олдини олишга, унга барвақт ташхис қўйиш, уни вақтида ва малакали даволашга қаратилган махсус профилактика, санитария-эпидемиология ва ветеринария тадбирлари ўтказишни ўз ичига олади.

Аҳолига сил касаллигига қарши ёрдам фуқаролар ихтиёрий равишда мурожаат қилганда, уларнинг ўз розилигига кўра ёхуд қонуний вакилларининг розилиги билан кўрсатилади.

Давлат органлари аҳолига сил касаллигига қарши ёрдам кўрсатиш учун:

сил касаллигига қарши амбулатория, стационар ва санаторий ёрдами кўрсатувчи муассасаларни ташкил этади;

сил касаллигига чалинган болаларни сил касаллигига қарши курашувчи стационар ва санаторий муассасаларида ўқитиш учун шароитлар яратади;

сил касаллигига чалинган шахсларнинг меҳнат терапиясини ташкил этиш ҳамда уларни янги касбларга ўргатиш учун сил касаллигига қарши кураш муассасаларида даволаш-меҳнат устахоналарини барпо этади;

сил касаллигига чалинган шахсларга ижтимоий ёрдам кўрсатиш мақсадида бошқа чора-тадбирларни кўради.

9-модда. Аҳолига сил касаллигига қарши

ёрдам кўрсатиш

Аҳолига сил касаллигига қарши ёрдам кўрсатиш сил касаллигининг олдини олишга, унга барвақт ташхис қўйиш, уни вақтида ва малакали даволашга қаратилган махсус профилактика, санитария-эпидемиология ва ветеринария тадбирлари ўтказишни ўз ичига олади.

Аҳолига сил касаллигига қарши ёрдам фуқаролар ихтиёрий равишда мурожаат қилганда, уларнинг ўз розилигига кўра ёхуд қонуний вакилларининг розилиги билан кўрсатилади.

Давлат органлари аҳолига сил касаллигига қарши ёрдам кўрсатиш учун:

сил касаллигига қарши амбулатория, стационар ва санатор?й ёрдам? кўрсатувчи муассасаларни ташкил этади;

сил касаллигига чалинган болаларни сил касаллигига қарши курашувчи стационар ва санаторий муассасаларида ўқитиш учун шароитлар яратади;

сил касаллигига чалинган шахсларнинг меҳнат терапиясини ташкил этиш ҳамда уларни янги касбларга ўргатиш учун сил касаллигига қарши кураш муассасаларида даволаш-меҳнат устахоналарини барпо этади;

сил касаллигига чалинган шахсларга ижтимоий, шу жумладан сил касаллигининг оғир шаклларига учраган шахслар ва уларнинг оила аъзоларига ижтимоий, жисмоний, психологик ва маънавий ёрдам кўрсатиш мақсадида бошқа чора-тадбирларни кўради.

Бугунги кунда амалдаги Қонунда сил касаллигининг оғир шаклларига учраган шахслар ва уларнинг оила аъзоларига жисмоний, психологик ва маънавий ёрдам кўрсатишни кўзда тутувчи нормалар мавжуд эмас.

Шу муносабат билан мазкур нормани киритиш таклиф этилмоқда.