Ўзбекистон Республикаси Олий Мажлиси қарор қилади:

1. «Ўзбекистон Республикаси Президенти фаолиятининг асосий кафолатлари тўғрисида»ги Ўзбекистон Республикаси Қонуни матбуотда эълон қилинган кундан эътиборан амалга киритилсин.

2. Ўзбекистон Республикаси Ҳукумати (Ў. Султонов) ўз қарорларини «Ўзбекистон Республикаси Президенти фаолиятининг асосий кафолатлари тўғрисида»ги Ўзбекистон Республикаси Қонунига мувофиқлаштирсин, вазирликлар, давлат қўмиталари ҳамда идоралар мазкур Қонунга зид бўлган ўз норматив ҳужжатларини қайта кўриб чиқишлари ва бекор қилишларини таъминласин.

3. Қуйидагилар ўз кучини йўқотган деб топилсин:

Ўзбекистон Республикасининг 1991 йил 15 февралда қабул қилинган «Ўзбекистон Республикаси Президенти, Ўзбекистон Республикаси Олий Кенгашининг Раиси ва Ўзбекистон Республикаси Вице-Президентининг шаъни ва қадр-қимматини муҳофаза қилиш тўғрисида»ги Қонуни (Ўзбекистон Республикаси Олий Кенгашининг Ахборотномаси, 1991 йил, № 4, 73-модда; Ўзбекистон Республикаси Олий Мажлисининг Ахборотномаси, 1995 йил, № 6, 121-модда);

Ўзбекистон Республикаси Олий Кенгашининг 1991 йил 15 февралдаги «Ўзбекистон Республикаси Президенти, Ўзбекистон Республикаси Олий Кенгаши Раиси ва Ўзбекистон Республикаси Вице-Президентининг шаъни ва қадр-қимматини муҳофаза қилиш тўғрисида»ги Ўзбекистон Республикаси Қонунини қўллаш ҳамда амалга киритиш тартиби ҳақида»ги Қарори (Ўзбекистон Республикаси Олий Кенгашининг Ахборотномаси, 1991 йил, № 4, 74-модда);

Ўзбекистон Республикаси Олий Кенгашининг 1991 йил 15 февралдаги «Ўзбекистон Республикаси Президентини, Ўзбекистон Республикаси Олий Кенгаши Раисини ва Ўзбекистон Республикаси Бош вазирини таъминлаш, уларга хизмат қилиш ва уларни муҳофаза этиш тўғрисида»ги Қарори (Ўзбекистон Республикаси Олий Кенгашининг Ахборотномаси, 1991 йил, № 4, 75-модда);

Ўзбекистон Республикаси Олий Кенгашининг 1992 йил 14 январдаги «Ўзбекистон Республикаси Президентини, Ўзбекистон Республикаси Олий Кенгаши Раисини ва Ўзбекистон Республикаси Вице-Президентини таъминлаш, уларга хизмат қилиш ва уларни муҳофаза этиш тўғрисида»ги Ўзбекистон Республикаси Олий Кенгашининг Қарорига ўзгартишлар киритиш ҳақида»ги Қарори.