«Маҳаллий давлат ҳокимияти тўғрисида»ги (Ўзбекистон Республикаси Олий Кенгашининг Ахборотномаси, 1993 й., 9-сон, 320-модда), «Чиқиндилар тўғрисида»ги (Ўзбекистон Республикаси Олий Мажлисининг Ахборотномаси, 2002 й., 4-5-сон, 72-модда;) Ўзбекистон Республикаси қонунларига ҳамда Ўзбекистон Республикаси Вазирлар Маҳкамасининг 1992 йил 14 августдаги «Аҳолига сотиладиган ёқилғи, энергия ва кўрсатиладиган хизматлар чакана нархлари ҳамда тарифларини қайта кўриб чиқиш тўғрисида»ги 381-сон, 2010 йил 28 октябрдаги «Товарлар (ишлар, хизматлар)га тартибга солинадиган нархлар (тарифлар)ни декларация қилиш (тасдиқлаш) ва белгилаш тартибини янада такомиллаштириш чора-тадбирлари тўғрисида»ги 239-сон (Ўзбекистон Республикаси қонун ҳужжатлари тўплами, 2010 й., 42-43-сон, 364-модда;), 2013 йил 3 декабрдаги «Республика аҳоли пунктларида санитария жиҳатидан тозалаш тизимини ривожлантириш ва такомиллаштириш чора-тадбирлари тўғрисида»ги 315-сон (Ўзбекистон Республикаси қонун ҳужжатлари тўплами, 2013 й., 49-сон, 632-модда) ва 2014 йил 15 июлдаги «Коммунал хизматлар кўрсатиш қоидаларини тасдиқлаш тўғрисида»ги 194-сон (Ўзбекистон Республикаси қонун ҳужжатлари тўплами, 2014 й., 30-сон, 368-модда) қарорларига асосан вилоят ҳудудидаги чиқиндиларни фуқаролар ҳаёти ва соғлиғига, атроф-муҳитга зарарли таъсирини олдини олиш, чиқиндилар ҳосил бўлишини камайтириш, туман ҳудудини экологик ҳамда санитария ҳолатни, тозаликни амалга ошириш, шунингдек чиқиндиларни тўплаш ва олиб чиқиб кетиш хизматлари учун янги тарифларни белгилаш мақсадида, қарор қиламан:

1. «Урганч махсус санитар транс» ишлаб чиқариш давлат корхонаси (кейинги ўринларда «Урганч махсус санитар транс» ИЧДК» деб юритилади) Урганч шаҳри ҳудудидаги қаттиқ ва суюқ ҳолдаги маиший чиқиндиларни ҳамда барча туман ободонлаштириш бошқармалари туманлар ҳудудидаги қаттиқ маиший чиқиндиларни олиб кетиш ва қабул қилиш бўйича кўрсатиладиган хизматлари учун тўлов миқдорлари 1-иловага мувофиқ тасдиқлансин.

2. «Урганч махсус санитар транс» ИЧДК ва туманлар ободонлаштириш бошқармалари томонидан аҳолидан чиқиндиларни тўплаб олиб кетганлиги учун тўловларни вақтида тўланишида маҳалла фуқаролар йиғини раислари ҳамда кўп квартирали уйларда хусусий уй-жой мулкдорлари ширкатлари яқиндан амалий ёрдам кўрсатилиши тавсия қилинсин.

3. Мазкур қарорни вилоят ҳокимлигининг расмий нашри ҳисобланган «Хоразм ҳақиқати» ва «Хорезмская правда» газеталарида эълон қилинган кундан кучга киради.

4. Вилоят ҳокимлигининг «Компьютерлаштириш маркази» унитар корхонасига (С. Содиқов) мазкур қарорни вилоят ҳокимлигининг веб-сайтида жойлаштирилишини таъминлаш топширилсин.

5. Хоразм вилоят ҳокимининг ва айрим туман ҳокимларининг 2-иловага мувофиқ баъзи қарорлари ўз кучини йўқотган деб ҳисоблансин.

6. Ушбу қарорнинг бажарилишини назорат қилиш вилоят ҳокимининг ўринбосари Р. Рўзметов зиммасига юклатилсин.

1. Хоразм вилоят ҳокимининг 2014 йил 27 мартдаги «Юридик ва жисмоний шахслардан қаттиқ ва суюқ маиший чиқиндиларни олиб кетиш билан боғлиқ хизматлар тарифи тўғрисида»ги 87-қ-сон Қарори.

2. Боғот туман ҳокимининг 2014 йил 25 мартдаги «Тумандаги юридик ва жисмоний шахслардан қаттиқ маиший чиқиндиларни олиб кетиш билан боғлиқ хизматлар тарифи тўғрисида»ги 510қ-сон Қарори.

3. Гурлан туман ҳокимининг 2014 йил 7 августдаги «Тумандаги юридик ва жисмоний шахслардан қаттиқ маиший чиқиндиларни олиб кетиш билан боғлиқ хизматлар тарифи тўғрисида»ги 1009-сон Қарори.

4. Янгиариқ туман ҳокимининг 2014 йил 27 мартдаги «Тумандаги юридик ва жисмоний шахслардан қаттиқ маиший чиқиндиларни олиб кетиш билан боғлиқ хизматлар тарифи тўғрисида»ги 195қ-сон Қарори.

5. Янгибозор туман ҳокимининг 2014 йил 15 сентябрдаги «Тумандаги юридик ва жисмоний шахслардан қаттиқ маиший чиқиндиларни олиб кетиш билан боғлиқ хизматлар тарифи тўғрисида»ги 747-сон Қарори.

6. Урганч туман ҳокимининг 2014 йил 23 июлдаги «Тумандаги юридик ва жисмоний шахслардан қаттиқ маиший чиқиндиларни олиб кетиш билан боғлиқ хизматлар тарифи тўғрисида»ги 1169-сон Қарори.

7. Шовот туман ҳокимининг 2014 йил 8 июлдаги «Тумандаги юридик ва жисмоний шахслардан қаттиқ маиший чиқиндиларни олиб кетиш билан боғлиқ хизматлар тарифи тўғрисида»ги 745-сон Қарори.

8. Қўшкўпир туман ҳокимининг 2014 йил 15 апрелдаги «Тумандаги юридик ва жисмоний шахслардан қаттиқ маиший чиқиндиларни олиб кетиш билан боғлиқ хизматлар тарифи тўғрисида»ги 1009-сон Қарори.

9. Хазорасп туман ҳокимининг 2014 йил 29 апрелдаги «Тумандаги юридик ва жисмоний шахслардан қаттиқ маиший чиқиндиларни олиб кетиш билан боғлиқ хизматлар тарифи тўғрисида»ги 588қ-сон Қарори.