Bosqichlar

Subyektlar

Tadbirlar

Bajarish muddatlari

1-bosqich

Ijtimoiy xizmatlardan foydalanish istagida bo‘lgan shaxs yoki uning vakili

“Inson” markaziga o‘zi kelgan holda yoki o‘zi yashaydigan hududda faoliyat yurituvchi “Inson” markazining ijtimoiy xodimiga yoxud Yagona interaktiv davlat xizmatlari portali (keyingi o‘rinlarda — YIDXP) va “Yagona milliy ijtimoiy himoya” axborot tizimi (keyingi o‘rinlarda — “Ijtimoiy himoya” AT) orqali murojaat qiladi.

O‘z xohishiga ko‘ra

2-bosqich

“Inson” markazining operatori yoki ijtimoiy xodimi

1. Murojaatni qabul qilish bo‘yicha so‘rovnomani “Ijtimoiy himoya” ATda rasmiylashtirish orqali murojaatni qabul qiladi.

1. Murojaat qilingan vaqtda

2. Tasdiqlangan so‘rovnomani “Inson” markazi direktoriga mas’ul xodimni biriktirish uchun yuboradi.

2. Real vaqt rejimida

3-bosqich

“Inson” markazining mas’ul xodimi

“Ijtimoiy himoya” AT orqali kelib tushgan so‘rovnomani ko‘rib chiqib, ijtimoiy xizmatlardan foydalanish istagida bo‘lgan shaxsning:

O‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslar reyestri (keyingi o‘rinlarda — O‘zgalar parvarishiga muhtoj shaxslar reyestri) yoki Ijtimoiy reyestrga kiritilganligi holati o‘rganiladi;

o‘zgalar parvarishiga muhtojlik darajasini baholaydi;

oilasi yoki o‘zini ijtimoiy xizmatlarga ehtiyojini o‘rganadi.

7 ish kunidan ko‘p bo‘lmagan muddatda

4-bosqich

“Ijtimoiy himoya” AT

Ijtimoiy xizmatlardan foydalanish istagida bo‘lgan shaxs uchun taqdim etilishi mumkin bo‘lgan ijtimoiy xizmatlar turlari, xizmat ko‘rsatish muddatlari, vaqti va davriyligi shakllanadi.

Avtomatik tarzda

5-bosqich

“Inson” markazining mas’ul xodimi

“Ijtimoiy himoya” ATda shakllangan ijtimoiy xizmatlarni ijtimoiy xizmatlardan foydalanish istagida bo‘lgan shaxsga taklif qiladi.

Shu vaqtning o‘zida

6-bosqich

Ijtimoiy xizmatlardan foydalanish istagida bo‘lgan shaxs

Ijtimoiy xizmatlardan birini tanlaydi.

Taklif etilgan vaqtda

7-bosqich

“Ijtimoiy himoya” AT

Tanlangan ijtimoiy xizmat narxining tegishli qismini davlat tomonidan qoplab berish bo‘yicha vaucher taqdim etilishini nazarda tutuvchi shartnoma loyihasini shakllantiradi.

Avtomatik tarzda

8-bosqich

“Inson” markazining mas’ul xodimi

Shartnoma loyihasini imzolash uchun tomonlarga taqdim etadi.

“Ijtimoiy himoya” ATda shartnoma shakllangan vaqtning o‘zida

9-bosqich

“Ijtimoiy himoya” AT

Ijtimoiy xizmat narxini to‘liq yoki qisman qoplab berishni nazarda tutuvchi vaucher shakllantiradi.

Avtomatik tarzda

10-bosqich

“Ijtimoiy himoya” AT yoki “Inson” markazining ijtimoiy xodimi

Ijtimoiy xizmatdan foydalanuvchining mobil telefon raqamiga SMS-xabar hamda YIDXPdagi yoki “Oila hamkori” platformasidagi shaxsiy kabinetiga SMS-xabar yuboriladi yoki ijtimoiy xizmatdan foydalanuvchi “Inson” markazining ijtimoiy xodimi tomonidan xabardor qilinadi.

Avtomatik tarzda yoki 1 ish kunidan ko‘p bo‘lmagan muddatda

11-bosqich

Ijtimoiy xizmatdan foydalanuvchi

“Ijtimoiy himoya” AT orqali xizmat ko‘rsatuvchini tanlaydi.

10 ish kuni ichida

1.

Ijtimoiy xizmat nomi

Uy sharoitida ijtimoiy-maishiy yordam ko‘rsatish xizmati.

2.

Ijtimoiy xizmat tarkibi

Maishiy yumushlarda ko‘maklashish (ovqat tayyorlash, supurish-yig‘ishtirish, kiyim-kechaklarni yuvish, zarur oziq-ovqat mahsulotlari va dori vositalarini uyga yetkazib berish);

gigiyena tadbirlarini amalga oshirish;

tibbiyot va sport muassasalariga hamrohlik xizmatini ko‘rsatish;

tyutorlik (shaxsni o‘z-o‘ziga xizmat qilishga o‘rgatish, gadjetlardan mustaqil foydalanishga, shu jumladan, elektron kitoblar va so‘nggi qabul qilingan qonunchilik hujjatlari bilan tanishish, onlayn davlat xizmatlaridan foydalanish va boshqalarga o‘rgatish).

3.

Ijtimoiy xizmat ko‘rsatuvchi

“Inson” ijtimoiy xizmatlar markazi;

O‘zbekiston Respublikasi Prezidenti huzuridagi Ijtimoiy himoya milliy agentligi (keyingi o‘rinlarda — Agentlik)ning tizim tashkilotlari;

yakka tartibdagi tadbirkorlar;

yuridik shaxslar;

o‘zini o‘zi band qilgan shaxslar.

4.

Ijtimoiy xizmatdan foydalanuvchi

O‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslarning reyestriga kiritilgan o‘zgalar parvarishiga muhtojlik darajasi Bartel va Lauton shkalalari bo‘yicha 0 balldan 116 ballgacha bo‘lgan 18 va undan katta yoshdagi shaxs.

5.

Ijtimoiy xizmatni ko‘rsatish hajmi**

O‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslarning reyestriga kiritilgan o‘zgalar parvarishiga muhtojlik darajasi:

0 balldan 53 ballgacha bo‘lgan shaxsga haftada 4-marta 3 soatdan;

54 balldan 62 ballgacha bo‘lgan shaxsga haftada 3-marta 2 soatdan;

63 balldan 87 ballgacha bo‘lgan shaxsga haftada 2-marta 2,5 soatdan;

88 balldan 116 ballgacha bo‘lgan shaxsga haftada 1-marta 2 soatdan..

6.

Ijtimoiy xizmatdan foydalanish uchun beriladigan vaucher qiymati

Ijtimoiy xizmat:

“Inson” ijtimoiy xizmatlar markazi va Agentlikning tizim tashkilotlari tomonidan ko‘rsatilganda — 1 soat uchun bazaviy hisoblash miqdorining 6 foizi*;

yakka tartibdagi tadbirkor yoki yuridik shaxs tomonidan ko‘rsatilganda — 1 soat uchun bazaviy hisoblash miqdorining 8 foizi;

o‘zini o‘zi band qilgan shaxs tomonidan ko‘rsatilganda — 1 soat uchun bazaviy hisoblash miqdorining 5 foizi.

Bunda yakka tartibdagi tadbirkor, yuridik shaxs va o‘zini o‘zi band qilgan shaxs tomonidan ijtimoiy xizmat ko‘rsatilganda quyidagicha ko‘paytiruvchi koeffitsiyent qo‘llaniladi:

Qoraqalpog‘iston Respublikasi va viloyatlar markazlari uchun vaucher qiymatiga 1,3 nisbatda;

Toshkent shahri uchun vaucher qiymatiga 1,5 nisbatda.

7.

Ijtimoiy xizmatdan foydalanish va vaucherni shakllantirish uchun asos

Shaxsning o‘zgalar parvarishiga muhtojlik darajasi Bartel va Lauton shkalalari bo‘yicha 0 balldan 116 ballgacha baholanganligi.

8.

Ijtimoiy xizmatni ko‘rsatish shakli

Xizmatdan foydalanuvchining yashash joyida.

9.

Vaucher qiymatini xizmat ko‘rsatuvchiga to‘lab berish shartlari

“Ijtimoiy himoya” ATga dalolatnoma yoki quyidagi ma’lumotlarning ijtimoiy xizmat ko‘rsatilgan kunda kiritilganligi:

ko‘rsatilgan ijtimoiy xizmat haqidagi ma’lumotlar;

ijtimoiy xizmatdan haqiqatda foydalangan shaxsning biometrik ma’lumotlari.

10.

Ijtimoiy xizmatning samaradorligini baholash mezonlari

a) Ijtimoiy xizmatdan foydalanuvchining xizmatdan qoniqish darajasi 5 ballik tizimda baholanadi:

3 — 5 ball bo‘lganda — samarali;

1 va 2 ball bo‘lganda — samarasiz;

b) ijtimoiy xizmat ko‘rsatilgan yoki ko‘rsatilishi belgilangan xizmat yuzasidan Agentlik va uning tizim tashkilotlariga ijtimoiy xizmatdan foydalanuvchidan:

shikoyati kelib tushmaganligi — samarali;

asosli shikoyat kelib tushganligi — samarasiz;

v) tanlov asosida ko‘rilganda xizmatdan foydalanuvchi xonadonining holati:

toza bo‘lganda — samarali;

tozalanmagan bo‘lganda — samarasiz.

11.

Izoh

Xizmat ko‘rsatuvchi xizmatdan foydalanuvchiga xizmat ko‘rsatilishini tashkil etish uchun reja-grafik asosida tegishli xodimni biriktiradi.

Quyidagi hollarda ijtimoiy xizmatni ko‘rsatish to‘xtatiladi:

xizmatdan foydalanuvchi Ijtimoiy qo‘llab-quvvatlash markazi yoki “G‘amxo‘rlik” markaziga joylashtirilganda — mazkur muassasalarga joylashtirilgan davrda;

Sanatoriy yoki davolash muassasasida bo‘lganda — mazkur muassasalarda bo‘lgan davrida.

1.

Ijtimoiy xizmat nomi

Tibbiy-ijtimoiy reabilitatsiya xizmati.

2.

Ijtimoiy xizmat tarkibi

Shaxslarning yo‘qotilgan funksional imkoniyatlari va harakat faolligini qayta tiklash;

jismoniy faollik yo‘qotilishi bilan rivojlanish xavfi yuqori bo‘lgan asoratli kasallanish holatlarini oldini olish va oila a’zolarini parvarish ko‘nikmalariga o‘rgatish;

shaxsni parvarishlash (ovqatlantirish, gigiyenik tadbirlarni amalga oshirish)*.

Shifokor tomonidan qo‘shimcha reabilitatsiya tadbirlari belgilanishi mumkin.

3.

Ijtimoiy xizmat ko‘rsatuvchi

“Inson” ijtimoiy xizmatlar markazi**;

O‘zbekiston Respublikasi Prezidenti huzuridagi Ijtimoiy himoya milliy agentligi (keyingi o‘rinlarda — Agentlik)ning tizim tashkilotlari**;

yakka tartibdagi tadbirkorlar;

yuridik shaxslar.

4.

Ijtimoiy xizmatdan foydalanuvchi

O‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslarning reyestriga kiritilgan hamda o‘zgalar parvarishiga muhtojlik darajasi Bartel va Lauton shkalalari bo‘yicha 0 balldan 62 ballgacha bo‘lgan 18 va undan katta yoshdagi shaxs;

Ijtimoiy reyestrga kiritilgan o‘zgalar parvarishiga muhtojlik darajasi Bartel va Lauton shkalalari bo‘yicha 0 balldan 62 ballgacha bo‘lgan 18 va undan katta yoshdagi jarohatlanish yoki bosh miya qon aylanishi buzilishi (insult) tashxisi qo‘yilgan shaxs.

5.

Ijtimoiy xizmatni ko‘rsatish hajmi***

O‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslarning reyestriga kiritilgan:

o‘zgalar parvarishiga muhtojlik darajasi Bartel va Lauton shkalalari bo‘yicha 0 balldan 53 ballgacha bo‘lgan shaxsga haftada 3-marta 2 soatdan;

o‘zgalar parvarishiga muhtojlik darajasi Bartel va Lauton shkalalari bo‘yicha 54 balldan 62 ballgacha bo‘lgan shaxsga haftada 2-marta 2 soatdan;

Ijtimoiy reyestrga kiritilgan o‘zgalar parvarishiga muhtojlik darajasi Bartel va Lauton shkalalari bo‘yicha 0 balldan 62 ballgacha bo‘lgan jarohatlanish yoki bosh miya qon aylanishi buzilishi (insult) tashxisi qo‘yilgan shaxsga haftada 3-martagacha 1 soatdan, biroq 1 ta shaxs uchun bir marta 6 oydan ko‘p bo‘lmagan davrda.

6.

Ijtimoiy xizmatdan foydalanish uchun beriladigan vaucher qiymati

Ijtimoiy xizmat:

“Inson” ijtimoiy xizmatlar markazi va Agentlikning tizim tashkilotlari tomonidan ko‘rsatilganda — 1 soat uchun bazaviy hisoblash miqdorining 10 foizi;

yakka tartibdagi tadbirkor yoki yuridik shaxs tomonidan ko‘rsatilganda — 1 soat uchun bazaviy hisoblash miqdorining 11 foizi.

Bunda yakka tartibdagi tadbirkor yoki yuridik shaxs tomonidan ijtimoiy xizmat ko‘rsatilganda quyidagicha ko‘paytiruvchi koeffitsiyent qo‘llaniladi:

Qoraqalpog‘iston Respublikasi va viloyatlar markazlari uchun vaucher qiymatiga 1,3 nisbatda;

Toshkent shahri uchun vaucher qiymatiga 1,5 nisbatda.

7.

Ijtimoiy xizmatdan foydalanish va vaucherni shakllantirish uchun asos

Shaxsning o‘zgalar parvarishiga muhtojlik darajasi Bartel va Lauton shkalalari bo‘yicha 0 balldan 62 ballgacha baholanganligi;

oilaning ijtimoiy xizmatlarga ehtiyoji mavjudligi;

jarohatlanish va bosh miya qon aylanishi buzilishi (insult) tashxisi to‘g‘risidagi oilaviy shifokorning xulosasi.

8.

Ijtimoiy xizmatni ko‘rsatish shakli

Xizmatdan foydalanuvchining yashash joyida yoki kunduzgi qatnov asosida tashkil etilgan binoda.

9.

Vaucher qiymatini xizmat ko‘rsatuvchiga to‘lab berish shartlari

“Ijtimoiy himoya” ATga dalolatnoma yoki quyidagi ma’lumotlarning ijtimoiy xizmat ko‘rsatilgan kunda kiritilganligi:

ko‘rsatilgan ijtimoiy xizmat haqidagi ma’lumotlar;

ijtimoiy xizmatdan haqiqatda foydalangan shaxsning biometrik ma’lumotlari.

10.

Ijtimoiy xizmatning samaradorligini baholash mezonlari

a) Ijtimoiy xizmatdan foydalanuvchining xizmatdan qoniqish darajasi 5 ballik tizimda baholanadi:

3 — 5 ball bo‘lganda — samarali;

1 va 2 ball bo‘lganda — samarasiz;

b) ijtimoiy xizmat ko‘rsatilgan yoki ko‘rsatilishi belgilangan xizmat yuzasidan Agentlik va uning tizim tashkilotlariga ijtimoiy xizmatdan foydalanuvchidan:

shikoyati kelib tushmaganligi — samarali;

asosli shikoyat kelib tushganligi — samarasiz;

v) xizmatdan foydalanuvchining o‘zgalar parvarishiga muhtojlik darajasi bo‘yicha 6 oylik ko‘rsatkichi Bartel va Lauton shkalalari bo‘yicha (balli):

monitoring o‘tkazishdan avvalgi ko‘rsatkichiga nisbatan kamaymaganda yoki oshganda — samarali;

monitoring o‘tkazishdan avvalgi ko‘rsatkichiga nisbatan kamayganda — samarasiz;

g) ijtimoiy xizmat ko‘rsatilishi bo‘yicha individual reabilitatsiya rejasining mavjudligi va ko‘rsatilgan xizmatning individual reabilitatsiya rejasiga muvofiqligi:

reabilitatsiya rejasi mavjud va ko‘rsatilgan xizmat individual reabilitatsiya rejasiga muvofiq bo‘lganda — samarali;

reabilitatsiya rejasi mavjud bo‘lmaganda yoki ko‘rsatilgan xizmat individual reabilitatsiya rejasiga muvofiq bo‘lmaganda — samarasiz.

11.

Izoh

Ijtimoiy xizmat ko‘rsatuvchining shifokori tomonidan xizmatdan foydalanuvchining yashash joyiga borgan holda yoki ijtimoiy xizmat kunduzgi qatnov asosida tashkil etilgan binoda uni tibbiy ko‘rikdan o‘tkaziladi va reabilitatsiya tadbirlariga ehtiyojlari asosida individual reabilitatsiya rejasi tuziladi.

Ko‘rsatilgan tibbiy ijtimoiy reabilitatsiya xizmatlarining samaradorligi har olti oyda Agentlikning tizim tashkilotlari tomonidan baholab boriladi.

Ijtimoiy xizmatdan foydalanuvchiga uyda tibbiy-ijtimoiy reabilitatsiya xizmati ko‘rsatilishini tashkil etish uchun xizmat ko‘rsatuvchi tomonidan reja-grafik asosida tegishli xodim biriktiriladi.

1.

Ijtimoiy xizmat nomi

Kunduzgi qatnov asosida qarab turish xizmati.

2.

Ijtimoiy xizmat tarkibi

a) Shaxsga qarab turish (yiqilish va jarohatlanishlarning oldini olish);

shaxsni parvarishlash (ovqatlantirish, gigiyenik tadbirlarni amalga oshirish);

shaxs bilan muloqot qilish;

shaxsni o‘z-o‘ziga xizmat qilishga o‘rgatish;

tyutorlik (gadjetlardan mustaqil foydalanishga, shu jumladan, elektron kitoblar va so‘nggi qabul qilingan qonunchilik hujjatlari bilan tanishish, onlayn davlat xizmatlaridan foydalanish va boshqalarga o‘rgatish);

b) 1 mahal issiq ovqat va 2 mahal yengil ovqat bilan ta’minlash;

v) 10 kmgacha bo‘lgan masofa doirasida xizmatdan foydalanuvchini olib borish va olib kelishda transport xizmatini ko‘rsatish.

3.

Ijtimoiy xizmat ko‘rsatuvchi

O‘zbekiston Respublikasi Prezidenti huzuridagi Ijtimoiy himoya milliy agentligi (keyingi o‘rinlarda — Agentlik)ning tizim tashkilotlari;

yakka tartibdagi tadbirkorlar;

yuridik shaxslar.

4.

Ijtimoiy xizmatdan foydalanuvchi

a) O‘zgalar parvarishiga muhtojlik darajasi Bartel va Lauton shkalalari bo‘yicha 0 balldan 62 ballgacha bo‘lgan 18 va undan katta yoshdagi shaxs.

5.

Ijtimoiy xizmatni ko‘rsatish hajmi

Haftada 5 ish kuni davomida kuniga 8 soatgacha, biroq 1 yildan ko‘p bo‘lmagan davrda.

6.

Ijtimoiy xizmatdan foydalanish uchun beriladigan vaucher qiymati

Ijtimoiy xizmat:

Agentlikning tizim tashkilotlari tomonidan ko‘rsatilganda — 1 soat uchun bazaviy hisoblash miqdorining 2,5 foizi;

yakka tartibdagi tadbirkor yoki yuridik shaxs tomonidan ko‘rsatilganda — 1 soat uchun bazaviy hisoblash miqdorining 3 foizi.

Bunda yakka tartibdagi tadbirkor yoki yuridik shaxs tomonidan ijtimoiy xizmat ko‘rsatilganda quyidagicha ko‘paytiruvchi koeffitsiyent qo‘llaniladi:

Qoraqalpog‘iston Respublikasi va viloyatlar markazlari uchun vaucher qiymatiga 1,3 nisbatda;

Toshkent shahri uchun vaucher qiymatiga 1,5 nisbatda.

7.

Ijtimoiy xizmatdan foydalanish va vaucherni shakllantirish uchun asos

a) mazkur Pasportning 4-pozitsiyasi “a” kichik bandida ko‘rsatilgan ijtimoiy xizmatdan foydalanuvchilar uchun:

shaxsning o‘zgalar parvarishiga muhtojlik darajasi Bartel va Lauton shkalalari bo‘yicha 0 balldan 62 ballgacha baholanganligi;

oilaning ijtimoiy xizmatlarga ehtiyoji mavjudligi;

xizmatdan foydalanuvchi bilan birga yashab, unga qarab turuvchi mehnatga layoqatli shaxs uch oy ichida band bo‘lish yoki ta’lim olish yoxud kasb-hunarga o‘qish majburiyatini olganligi*;

Xizmatdan foydalanuvchi bilan birga yashab, unga qarab turgan mehnatga layoqatli shaxs Ijtimoiy reyestrga kiritilganligi**.

8.

Ijtimoiy xizmatni ko‘rsatish shakli

Oila tipidagi xonadonda — 7 nafargacha shaxslarga;

Markaz tipida alohida binoda — kamida 7 nafar shaxslarga;

9.

Vaucher qiymatini xizmat ko‘rsatuvchiga to‘lab berish shartlari

“Ijtimoiy himoya” ATga dalolatnoma yoki quyidagi ma’lumotlarning ijtimoiy xizmat ko‘rsatilgan kunda kiritilganligi:

ko‘rsatilgan ijtimoiy xizmat haqidagi ma’lumotlar;

ijtimoiy xizmatdan haqiqatda foydalangan shaxsning xizmatdan foydalanish uchun tashrif buyurgan vaqtdagi hamda xizmat ko‘rsatish tugagan vaqtdagi biometrik ma’lumotlari;

amalga oshirilgan tadbirlar va shaxs haqidagi ma’lumotni xizmat ko‘rsatuvchi tomonidan har kuni “Ijtimoiy himoya” ATning Oila hamkori platformasiga kiritib borish.

10.

Ijtimoiy xizmatning samaradorligini baholash mezonlari

a) Ijtimoiy xizmatdan foydalanuvchining xizmatdan qoniqish darajasi 5 ballik tizimda baholanadi:

3 — 5 ball bo‘lganda — samarali;

1 va 2 ball bo‘lganda — samarasiz;

b) ijtimoiy xizmat ko‘rsatilgan yoki ko‘rsatilishi belgilangan xizmat yuzasidan Agentlik va uning tizim tashkilotlariga ijtimoiy xizmatdan foydalanuvchidan:

shikoyati kelib tushmaganligi — samarali;

asosli shikoyat kelib tushganligi — samarasiz;

v) xizmatdan foydalanuvchining o‘zgalar parvarishiga muhtojlik darajasi bo‘yicha 6 oylik ko‘rsatkichi Bartel va Lauton shkalalari bo‘yicha (balli):

monitoring o‘tkazishdan avvalgi ko‘rsatkichiga nisbatan kamaymaganda yoki oshganda — samarali;

monitoring o‘tkazishdan avvalgi ko‘rsatkichiga nisbatan kamayganda — samarasiz.

11.

Izoh

Ijtimoiy xizmat ko‘rsatilishini tashkil etishda har 7 nafar xizmatdan foydalanuvchiga qarab turish uchun kamida 1 nafar xodim biriktirilishi tavsiya etiladi.
Xizmat markaz tipida tashkil etilganda kamida 1 nafar hamshira faoliyati yo‘lga qo‘yiladi.
Kunduzgi qatnov asosida qarab turish xizmati markaz tipida tashkil etilgan hollarda uyda tibbiy-ijtimoiy reabilitatsiya xizmati doirasida ko‘rsatiladigan tadbirlar ham ushbu muassasada ko‘rsatilishi mumkin.
Kunduzgi qatnov asosida qarab turish xizmatini ko‘rsatish markaz tipida yo‘lga qo‘yilgan vaqtdan boshlab tegishliligi bo‘yicha Nogironligi bo‘lgan shaxslarni reabilitatsiya qilish va protezlash milliy markazi, uning hududiy markazlari, shuningdek markaz mavjud bo‘lmagan hududlarda Agentlikning hududiy boshqarmalaridagi tibbiy-ijtimoiy reabilitatsiya xizmatini rivojlantirish bo‘yicha mas’ul xodimi tomonidan har 3 oyda bir marotaba markaz ishining minimal talablarga muvofiqligi va xizmat ko‘rsatish holati monitoring qilinadi.

1.

Ijtimoiy xizmat nomi

Shaxsiy yordamchi xizmati.

2.

Ijtimoiy xizmat tarkibi

Mehnat qilish yoki ta’lim olish joylariga borish va kelishda hamrohlik qilish;

zarur ma’lumotlarni topishda, surdotarjimon biriktirishda, Brayl alifbosini o‘rganishini tashkil qilishda ko‘maklashish;

hujjatlarni rasmiylashtirishda ko‘maklashish;

xizmatlardan va tegishli imtiyozlardan foydalanishda yordam ko‘rsatish;

mustaqil harakatlanishi uchun yashash joyi, ish o‘rnini va ta’lim olish joyini moslashtirishni tashkil etish.

3.

Ijtimoiy xizmat ko‘rsatuvchi

“Inson” ijtimoiy xizmatlar markazi;

O‘zbekiston Respublikasi Prezidenti huzuridagi Ijtimoiy himoya milliy agentligi (keyingi o‘rinlarda — Agentlik)ning tizim tashkilotlari;

yakka tartibdagi tadbirkorlar;

yuridik shaxslar;

o‘zini o‘zi band qilgan shaxslar.

4.

Ijtimoiy xizmatdan foydalanuvchi

18 yoshdan 55 yoshgacha ayollar yoki 60 yoshgacha erkaklar bo‘lgan:

ko‘zi ojizlik bo‘yicha I guruh nogironligi birinchi marotaba belgilangan shaxslar nogironlik belgilangan vaqtdan boshlab 6 oydan ko‘p bo‘lmagan muddatda murojaat qilganda;

birinchi marta aravachadan foydalanish belgilangan shaxs, birinchi marta aravachadan foydalanish belgilangan vaqtdan boshlab 6 oydan ko‘p bo‘lmagan muddatda murojaat qilganda.

5.

Ijtimoiy xizmatni ko‘rsatish hajmi

Haftada 5 ish kuni davomida kuniga 3 soatgacha, biroq 2 haftadan ko‘p bo‘lmagan davrda.

6.

Ijtimoiy xizmatdan foydalanish uchun beriladigan vaucher qiymati

Ijtimoiy xizmat:

“Inson” ijtimoiy xizmatlar markazi, Agentlikning tizim tashkilotlari, yakka tartibdagi tadbirkor yoki yuridik shaxs tomonidan ko‘rsatilganda — 1 soat uchun bazaviy hisoblash miqdorining 6 foizi;

o‘zini o‘zi band qilgan shaxs tomonidan ko‘rsatilganda — 1 soat uchun bazaviy hisoblash miqdorining 5 foizi.

Bunda yakka tartibdagi tadbirkor, yuridik shaxs va o‘zini o‘zi band qilgan shaxs tomonidan ijtimoiy xizmat ko‘rsatilganda quyidagicha ko‘paytiruvchi koeffitsiyent qo‘llaniladi:

Qoraqalpog‘iston Respublikasi va viloyatlar markazlari uchun vaucher qiymatiga 1,3 nisbatda;

Toshkent shahri uchun vaucher qiymatiga 1,5 nisbatda.

7.

Ijtimoiy xizmatdan foydalanish va vaucherni shakllantirish uchun asos

Ko‘zi ojizlik bo‘yicha I guruh nogironligi birinchi marotaba belgilanganligi;

birinchi marta aravachadan foydalanish belgilanganligi;

ijtimoiy shartnoma bilan xizmatdan foydalanuvchi mehnat qilish yoki ta’lim olish majburiyatini olganligi*.

8.

Ijtimoiy xizmatni ko‘rsatish shakli

Xizmatdan foydalanuvchining yashash joyida.

9.

Vaucher qiymatini xizmat ko‘rsatuvchiga to‘lab berish shartlari

“Ijtimoiy himoya” ATga dalolatnoma yoki quyidagi ma’lumotlarning ijtimoiy xizmat ko‘rsatilgan kunda kiritilganligi:

ko‘rsatilgan ijtimoiy xizmat haqidagi ma’lumotlar;

ijtimoiy xizmatdan haqiqatda foydalangan shaxsning biometrik ma’lumotlari;

amalga oshirilgan tadbirlar va shaxs haqidagi ma’lumotni xizmat ko‘rsatuvchi tomonidan har kuni “Ijtimoiy himoya” ATning “Oila hamkori” platformasiga kiritib borish.

10.

Ijtimoiy xizmatning samaradorligini baholash mezonlari

a) Ijtimoiy xizmatdan foydalanuvchining xizmatdan qoniqish darajasi 5 ballik tizimda baholanadi:

3 — 5 ball bo‘lganda — samarali;

1 va 2 ball bo‘lganda — samarasiz;

b) ijtimoiy xizmat ko‘rsatilgan yoki ko‘rsatilishi belgilangan xizmat yuzasidan Agentlik va uning tizim tashkilotlariga ijtimoiy xizmatdan foydalanuvchidan:

shikoyati kelib tushmaganligi — samarali;

asosli shikoyat kelib tushganligi — samarasiz.

T/r

Oilaning xizmat olishdan maqsadi

Savollar

O‘rganishda aniqlangan holat

Kambag‘allikdan chiqish

Oilada ishlash istagi bo‘lgan mehnatga layoqatli shaxsning mavjudligi

□ mavjud

□ mavjud emas

Oilada ta’lim olish istagi bo‘lgan mehnatga layoqatli shaxsning mavjudligi

□ mavjud

□ mavjud emas

Oiladagi ishlash istagi bo‘lgan mehnatga layoqatli shaxsning doimiy parvarish bilan bandligi

□ mavjud

□ mavjud emas

Oiladagi ta’lim olish istagi bo‘lgan mehnatga layoqatli shaxsning doimiy parvarish bilan bandligi

□ mavjud

□ mavjud emas

Nogironligi bo‘lgan shaxslarni reabilitatsiya qilish

Oilada ta’lim olish istagida bo‘lgan nogironligi bo‘lgan shaxsning mavjudligi

□ mavjud

□ mavjud emas

Oilada mehnat qilish istagida bo‘lgan nogironligi bo‘lgan shaxsning mavjudligi

□ mavjud

□ mavjud emas

Nogironlikning oldini olish

Oilada so‘ngi olti oy ichida jarohatlanish natijasida o‘zgalar parvarishiga muhtojligi yuzaga kelgan shaxsning mavjudligi

□ mavjud

□ mavjud emas

Oilada so‘ngi olti oy ichida jarrohlik amaliyoti o‘tkazilishi natijasida o‘zgalar parvarishiga muhtojligi yuzaga kelgan shaxsning mavjudligi

□ mavjud

□ mavjud emas

Oilada so‘ngi olti oy ichida bosh miya qon aylanishining buzilishi natijasida o‘zgalar parvarishiga muhtojligi yuzaga kelgan shaxsning mavjudligi

□ mavjud

□ mavjud emas