T/r

Chora-tadbirlar nomi

Ijro muddati

Mas’ul ijrochilar

I. Loyihalashtirishning yangi tizimi va sifat ta’minotini yaxshilash

1.

Yangi boshlanadigan obyektlarda yo‘l-qurilish ishlari bo‘yicha loyihani muhandislik boshqarish va texnik nazorat ishlari autsorsing shartlari asosida Xalqaro muhandislar-konsultantlar federatsiyasi (FIDIC) amaliyoti va hujjatlariga muvofiq mustaqil tashkilotlar, shu jumladan, xususiy sektor tomonidan amalga oshirishni tashkil etish maqsadida mahalliy muhandis-konsultantlar malakasini oshirish va qayta tayyorlash hamda ularni “FIDIC” sertifikatlari bilan ta’minlash choralarini ko‘rish.

2024-yil sentabr

Transport vazirligi,

Avtomobil yo‘llari qo‘mitasi,

manfaatdor vazirlik va idoralar

2.

Transport vazirligi huzuridagi Transport nazorati inspeksiyasining yo‘l qurilishi ishlari sifatini nazorat qiluvchi inspektorlari “muhandis-konsultant” sifatida faoliyat yuritishi uchun ularning malakasini oshirish va qayta tayyorlash hamda “FIDIC” sertifikatlari bilan ta’minlash choralarini ko‘rish.

2024-yil oktabr

Transport vazirligi,

Avtomobil yo‘llari qo‘mitasi,

Transport nazorati inspeksiyasi

3.

Yangidan boshlanadigan yo‘l-qurilish obyektlarida loyihani muhandislik boshqarish va texnik nazorat qilish ishlari autsorsing shartlari asosida Xalqaro muhandislar-konsultantlar federatsiyasi (FIDIC) amaliyoti va hujjatlariga muvofiq mustaqil tashkilotlar, shu jumladan, xususiy sektor tomonidan amalga oshirilishini ta’minlash.

2025-yildan boshlab

Transport vazirligi,

Avtomobil yo‘llari qo‘mitasi

4.

Avtomobil yo‘llarini loyihalash, qurish, rekonstruksiya qilish, ta’mirlash va saqlash ishlarini, shuningdek, qo‘llanadigan material va mahsulotlarga talablarni belgilovchi tegishli texnik jihatdan tartibga solish sohasidagi normativ hujjatlarni xalqaro standartlar asosida qayta ishlab chiqish.

Mazkur tadbirlarni amalga oshirish uchun 2024-yil va kelgusi yillarda Davlat budjeti parametrlarini shakllantirishda zarur mablag‘lar ajratilishini ta’minlash.

2024 — 2026-yillar

Transport vazirligi,

Avtomobil yo‘llari qo‘mitasi,

O‘zbekiston texnik jihatdan tartibga solish agentligi,

Iqtisodiyot va moliya vazirligi,

Qurilish va uy-joy kommunal xo‘jaligi vazirligi

5.

O‘zbekiston Respublikasining investitsiya dasturlari doirasida xalqaro moliya institutlari ishtirokida yangi boshlanadigan loyihalarni amalga oshirish uchun loyihalarning texnik-iqtisodiy asosi, ishchi hujjatlari, loyihalarning ekologik va ijtimoiy ta’sirini baholash, yer ajratish va ko‘chirish hisobotlari (Due Diligence) bir vaqtning o‘zida ishlab chiqilishi uchun zarur mablag‘lar ajratilishini ta’minlash.

Tasdiqlangan grafiklar asosida

Iqtisodiyot va moliya vazirligi,

Transport vazirligi,

Avtomobil yo‘llari qo‘mitasi

6.

Umumiy foydalanishdagi avtomobil yo‘llari, shaharlar va boshqa aholi punktlari ko‘chalarini hamda sun’iy inshootlarni qurish, rekonstruksiya qilish va ta’mirlash ishlarining loyiha va loyihaoldi hujjatlarini har bir hududning geologik va ekologik xususiyatini inobatga olgan holda ishlab chiqishni ta’minlash.

Tasdiqlangan grafiklar asosida

Avtomobil yo‘llari qo‘mitasi,

Qurilish va uy-joy kommunal xo‘jaligi vazirligi

7.

Yangidan boshlanadigan umumiy foydalanishdagi avtomobil yo‘llari, ko‘priklar va sun’iy inshootlarni qurish, rekonstruksiya qilish obyektlarining loyiha-smeta hujjatlarini ishlab chiqishda qurilish mintaqasiga tushgan daraxtlarni ko‘chirish, ekologik ekspertizadan o‘tkazish hamda tegishli yer uchastkalarini ajratish va ularning toifalarini belgilash bilan bog‘liq xarajatlarni nazarda tutish.

Tasdiqlangan grafiklar asosida

Iqtisodiyot va moliya vazirligi,

Transport vazirligi,

Avtomobil yo‘llari qo‘mitasi

8.

Sovuq asfalt-beton mahsulotini ommaviy ishlab chiqarishni yo‘lga qo‘yish.

2024-yil iyun

Avtomobil yo‘llari qo‘mitasi

II. Avtomobil yo‘llarini jihozlash va yo‘l bo‘yi infratuzilmasini rivojlantirish

9.

Umumiy foydalanishdagi avtomobil yo‘llarining texnik holatini ilg‘or axborot texnologiyalarini qo‘llagan holda tahlil qilish, avtomobil yo‘llari aktivlarini boshqarish va yagona kadastr tizimini yuritish, vazn va hajm nazorat punktlarini tashkil etish va saqlash ishlarini amalga oshirish maqsadida Avtomobil yo‘llari qo‘mitasi tarkibida umumiy foydalanishdagi avtomobil yo‘llarini saqlash ishlariga ajratilayotgan mablag‘lar hisobidan moliyalashtiriladigan davlat muassasasi shaklidagi 55 nafar boshqaruv xodimidan iborat Avtomobil yo‘llari texnik holati tahlili va harakat xavfsizligi markazi faoliyatini samarali tashkil etish.

2023-yil oktabr

Transport vazirligi,

Avtomobil yo‘llari qo‘mitasi,

Iqtisodiyot va moliya vazirligi

10.

Avtomobil yo‘llari qo‘mitasi tarkibida tashkil etilgan Avtomobil yo‘llari texnik holati tahlili va harakat xavfsizligi markazi bilan Ichki ishlar vazirligi Jamoat xavfsizligi departamenti Yo‘l harakati xavfsizligi xizmati ma’lumotlar bazasini integratsiya qilish.

2024-yil fevral

Ichki ishlar vazirligi,

Transport vazirligi,

Avtomobil yo‘llari qo‘mitasi

11.

Avtomobil yo‘llariga 50 ming dona yo‘l belgisini o‘rnatish, haydovchilarni ogohlantirish uchun tebranish gorizontal chiziqlarini joriy etish.

2023 — 2025-yillar

Transport vazirligi,

Avtomobil yo‘llari qo‘mitasi

12.

Avtomobil yo‘llari bo‘yida yashil hududlarni barpo etish maqsadida 26,8 mln dona daraxt va butalar, jumladan terak ko‘chatlarini ekish hamda saqlash borasida jismoniy va yuridik shaxslar bilan o‘zaro manfaatli hamkorlikni yo‘lga qo‘yish.

2023 — 2026-yillar

Qoraqalpog‘iston Respublikasi Vazirlar Kengashi va viloyatlar hokimliklari

13.

Xalqaro moliya institutlari mablag‘larini jalb qilgan holda sement-beton qoplamalarini to‘laqonli sinovdan o‘tkazish uchun 3 ta uskunalar komplektini xarid qilish.

2024 — 2026-yillar

Investitsiyalar, sanoat va savdo vazirligi,

Avtomobil yo‘llari qo‘mitasi,

Transport vazirligi

III. Xususiy sektor ishtirokini ta’minlash va “pullik yo‘llar” tizimini joriy etish

14.

Osiyo infratuzilma investitsiyalari bankidan jalb qilinadigan imtiyozli kredit mablag‘lari hisobidan Qoraqalpog‘iston Respublikasi va Xorazm viloyatida umumiy foydalanishdagi avtomobil yo‘llarini “Loyihalash-qurish-ekspluatatsiya qilish” usulini joriy qilgan holda pilot loyihalarni amalga oshirish.

2024-yildan boshlab

Avtomobil yo‘llari qo‘mitasi,

Investitsiyalar, sanoat va savdo vazirligi,

Transport vazirligi,

Iqtisodiyot va moliya vazirligi,

Qoraqalpog‘iston Respublikasi Vazirlar Kengashi,

Xorazm viloyati hokimligi

15.

Umumiy foydalanishdagi avtomobil yo‘llarini ekspluatatsiya qilish ishlarini autsorsing asosida xususiy sektor tomonidan amalga oshirishni tashkil etish tartibini ishlab chiqish va Vazirlar Mahkamasiga kiritish.

2023-yil dekabr

Transport vazirligi,

Iqtisodiyot va moliya vazirligi,

Avtomobil yo‘llari qo‘mitasi

16.

Qoraqalpog‘iston Respublikasi, viloyatlar va Toshkent shahrida kamida 100 km uzunlikdagi avtomobil yo‘llarini, jumladan yirik shaharlarni aylanib o‘tuvchi avtomobil yo‘llarini davlat-xususiy sheriklik tamoyili asosida qurish bo‘yicha aniq takliflarni ishlab chiqish va Vazirlar Mahkamasiga kiritish.

2023-yil noyabr

Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari

17.

Toshkent-Samarqand pullik avtomobil yo‘lini qurish loyihasining texnik-iqtisodiy asoslarini ishlab chiqish ishlarini yakuniga yetkazish bo‘yicha topogeodeziya, geologiya va boshqa turdagi muhandislik-texnik tadqiqot ishlari amalga oshirish.

Bunda, loyihaning topogeodeziya, geologiya va boshqa turdagi muhandislik-texnik tadqiqot ishlarini amalga oshirish bo‘yicha buyurtmachi tashkilot etib — Avtomobil yo‘llari qo‘mitasining “Umumiy foydalanishdagi avtomobil yo‘llarini qurish va rekonstruksiya qilish direksiyasi” DUK hamda loyiha tashkiloti etib — “O‘zgashkLITI” DUKni belgilash.

2023-yil oktabr — 2024-yil fevral

Qurilish va uy-joy kommunal xo‘jaligi vazirligi, Transport vazirligi

Yakunlangan tadqiqot ishlari natijalarini “Proyapi Engineering & Consultancy” (Turkiya) kompaniyasiga taqdim etish.

Avtomobil yo‘llari qo‘mitasi

Tadqiqot ishlarini bajarish uchun zarur mablag‘larni 2023-yil va kelgusi yillar uchun ijtimoiy va ishlab chiqarish infratuzilmasini rivojlantirish dasturi doirasida ajratish.

Iqtisodiyot va moliya vazirligi

IV. Ko‘prik va boshqa sun’iy inshootlarni tiklash

18.

Umumiy foydalanishdagi avtomobil yo‘llarida joylashgan ko‘prik va boshqa sun’iy inshootlarni ta’mirlash hamda texnik soz holatda saqlash maqsadida loyihalash — tiklash — ekspluatatsiya qilish ishlarini amalga oshiruvchi Avtomobil yo‘llari qo‘mitasi tarkibida “O‘zyo‘lko‘prik” klasteri hamda uning hududlardagi yuridik shaxs maqomiga ega bo‘lgan filiallari faoliyatini samarali tashkil etish.

2023-yil oktabr

Transport vazirligi,

Avtomobil yo‘llari qo‘mitasi

Bunda, diagnostika qilish natijalariga asosan aniqlanadigan avariya holatidagi ta’mirtalab ko‘prik va boshqa sun’iy inshootlarni loyihalashtirish, ta’mirlash va tiklash ishlari “O‘zyo‘lko‘prik” klasteri tomonidan amalga oshiriladi.

2023-yil noyabrdan boshlab

19.

Respublikadagi 14 675 ta,jumladan Avtomobil yo‘llari qo‘mitasi tasarrufidagi 7 229 ta, Suv xo‘jaligi vazirligi tasarrufidagi 1 247 ta va mahalliy hokimliklar tasarrufidagi 6 199 ta ko‘prik inshootlarini to‘liq texnik ko‘rikdan o‘tkazish.

2023-yil dekabr

Transport vazirligi,

Avtomobil yo‘llari qo‘mitasi,

Suv xo‘jaligi vazirligi,

Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari

20.

Respublikadagi 897 ta avariya holatidagi ko‘priklarni bosqichma-bosqich tiklash.

Bunda, 2024-yil va kelgusi yillarda davlat budjeti parametrlarini shakllantirishda respublikadagi avariya holatidagi ko‘priklarni diagnostika qilish, loyihalashtirish, ta’mirlash va tiklash ishlari uchun zaruriy mablag‘larni alohida ajratgan holda (satrda) ko‘rsatilishini ta’minlash.

2023 — 2026-yillar

Transport vazirligi,

Avtomobil yo‘llari qo‘mitasi

V. Yo‘l ishlarini moliyalashtirishni takomillashtirish

21.

Umumiy foydalanishdagi avtomobil yo‘llarini ekspluatatsiya qilish xarajatlariga ajratilayotgan mablag‘larni amaldagi me’yoriy hujjatlarda ko‘zda tutilgan talablarga nisbatan 2024-yilda 40 foizga, 2025-yilda 50 foizga, 2026-yilda 60 foizga, 2027-yilda 70 foizga va 2028-yilda 80 foizga yetkazish.

2024 — 2028-yillar

Iqtisodiyot va moliya vazirligi

23.

O‘zbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida umumiy foydalanishdagi avtomobil yo‘llari, ko‘priklar va yo‘l o‘tkazgichlarni qurish va rekonstruksiya qilish loyihalarining (obyektlarining) ro‘yxatini tasdiqlash.

har yili 1-iyunga qadar

Transport vazirligi,

Iqtisodiyot va moliya vazirligi,

Avtomobil yo‘llari qo‘mitasi

24.

O‘zbekiston Respublikasining ijtimoiy va ishlab chiqarish infratuzilmasini rivojlantirish dasturining umumiy foydalanishdagi avtomobil yo‘llari, ko‘priklar va sun’iy inshootlarni qurish, rekonstruksiya qilish loyihalarining (obyektlarining) loyihaoldi va (yoki) loyiha hujjatlari kamida 6 oy oldin ishlab chiqilishi uchun zarur bo‘lgan mablag‘larni Avtomobil yo‘llari qo‘mitasiga ajratish.

har yili 1-iyulga qadar

Iqtisodiyot va moliya vazirligi,

Avtomobil yo‘llari qo‘mitasi

25.

Yo‘l xo‘jaligi sohasida yangi innovatsion yondashuvlarni joriy etish orqali iqtisodiy samaradorlikka erishish:

yo‘l asosini tayyorlashda “sovuq resaykling” texnologiyasidan foydalanish;

avtomobil yo‘llarini qurish va ta’mirlash ishlarida zamonaviy yo‘l qoplamasi — chaqiqtosh mastikali asfalt-betondan foydalanish;

avtomobil yo‘llarini loyihalashda 3D skaner vositasida topogeodeziya ishlarini amalga oshirish;

yo‘l toifalaridan kelib chiqib, ularning qoplama turini belgilash.

2024-yildan boshlab

Transport vazirligi,

Qurilish va uy-joy kommunal xo‘jaligi vazirligi,

Avtomobil yo‘llari qo‘mitasi

VI. Yo‘l xo‘jaligi sohasini raqamlashtirish

26.

Umumiy foydalanishdagi avtomobil yo‘llari holatini baholash va monitoring qilishni raqamli texnologiyalar orqali samarali tashkil etish.

Bunda, zamonaviy axborot texnologiyalarini qo‘llagan holda umumiy foydalanishdagi avtomobil yo‘llari va sun’iy inshootlarining yagona onlayn ma’lumotlar bazasini yaratish, ularning texnik holatini muntazam ravishda monitoring qilib borish hamda diagnostika qilish va baholash orqali ta’mirlash ishlarini rejalashtirish funksiyalarini o‘z ichiga oladigan dasturiy ta’minotni ishga tushirish.

2024-yil mart

Avtomobil yo‘llari qo‘mitasi,

Transport vazirligi,

manfaatdor vazirlik va idoralar

27.

Qurilish va uy-joy kommunal xo‘jaligi vazirligining “Shaffof qurilish” milliy axborot tizimida yo‘l xo‘jaligi sohasida tenderlarni tashkil etish tizimini takomillashtirish.

Bunda:

Davlat budjeti mablag‘lari hisobidan avtomobil yo‘llari, ko‘priklar va boshqa sun’iy inshootlarni loyihalashtirish (shu jumladan, texnik-iqtisodiy asoslarni ishlab chiqish), qurish va rekonstruksiya qilish bo‘yicha loyiha-qidiruv hamda qurilish-pudrat tashkilotlarini aniqlashda baholash tizimini;

yo‘l xo‘jaligi sohasida elektron davlat xaridlarini tashkil etish va amalga oshirish hamda sohada loyiha-qidiruv va qurilish-pudrat tashkilotlari reytingini hisoblash va yuritish tartibini takomillashtirish nazarda tutiladi.

2023-yil dekabr

Qurilish va uy-joy kommunal xo‘jaligi vazirligi,

Raqamli texnologiyalar vazirligi,

Transport vazirligi,

Avtomobil yo‘llari qo‘mitasi

28.

Avtomobil yo‘llari qo‘mitasining korxonalaridagi yo‘l texnikalari, avtotransport vositalari faoliyati nazoratini raqamlashtirish maqsadida “GPS” kuzatuv moslamalarini o‘rnatish va yagona elektron bazaga integratsiya qilish.

2024-yildan boshlab

Avtomobil yo‘llari qo‘mitasi

29.

Qoraqalpog‘iston Respublikasi va viloyatlarda 44 ta zamonaviy o‘lchov tarozilarini, jumladan inson omilisiz yuk avtomobillarini harakat davrida ularning vazn va hajm parametrlarini avtomatik ravishda aniqlovchi “WIM” tizimidagi tarozixonalarni o‘rnatish.

2024 — 2026-yillar

Avtomobil yo‘llari qo‘mitasi,

Transport vazirligi,

Iqtisodiyot va moliya vazirligi

30.

Sohaga ajratilayotgan mablag‘larni taqsimlash jarayonini, jumladan har bir avtomobil yo‘lining ahamiyati, toifasi va undagi mavjud yo‘l elementlaridan kelib chiqib, mablag‘lar taqsimotini raqamlashtirish.

2024-yildan boshlab

Avtomobil yo‘llari qo‘mitasi,

Transport vazirligi

31.

Avtomobil yo‘llarida raqamli (onlayn rejimda) boshqariladigan innovatsion yo‘l belgilari, pannolar va ko‘rsatkichlarni joriy qilish.

2024-yildan boshlab

Avtomobil yo‘llari qo‘mitasi,

Transport vazirligi

32.

Avtomobil yo‘llari qo‘mitasi korxonalari tasarrufdagi ishlab chiqarish uskunalari (asfalt-beton, sement-beton qorishtirish va tosh maydalash) faoliyatini raqamlashtirish, bunda ishlab chiqarilayotgan mahsulot hajmi hisobini yuritish, real vaqt rejimida bitum mahsuloti zaxiralarini hamda ishlab chiqarish jarayonini onlayn rejimda kuzatib borish imkoniyatlarini yaratish.

2024-yildan boshlab

Avtomobil yo‘llari qo‘mitasi,

Transport vazirligi

33.

Osiyo taraqqiyot banki bilan hamkorlikda A-373 “Toshkent-O‘sh” avtomobil yo‘lining “Qamchiq” dovonidan o‘tgan 100 km qismida intellektual transport tizimini joriy etish.

2024-2025-yillar

Avtomobil yo‘llari qo‘mitasi,

Investitsiyalar, sanoat va savdo vazirligi

34.

Avtomobil yo‘llari qo‘mitasining korrupsiyaga qarshi kurashish bo‘yicha chora-tadbirlarning samaradorligi reytingidagi o‘rnini yaxshilash bo‘yicha aniq choralarni ko‘rish.

2024-2025-yillar

Avtomobil yo‘llari qo‘mitasi,

Korrupsiyaga qarshi kurashish agentligi

VII. Yo‘l xo‘jaligi sohasiga oid normativ-huquqiy bazani takomillashtirish va boshqa tadbirlar

35.

Yo‘l xo‘jaligi sohasidagi islohotlarni amalga oshirilishini samarali tashkil etish hamda muvofiqlashtirish maqsadida Avtomobil yo‘llari qo‘mitasi tarkibida Loyiha ofisini tashkil qilish.

Bunda Loyiha ofisi faoliyatini tashkil etishda xalqaro moliya institutlari bilan hamkorlik qilish va grant mablag‘larini jalb qilish choralarini ko‘rish hamda Avtomobil yo‘llari qo‘mitasi faoliyatini rivojlantirish va qo‘llab-quvvatlash jamg‘armasi mablag‘laridan moliyalashtirish.

2023-yil dekabr

Transport vazirligi,

Investitsiyalar, sanoat va savdo vazirligi,

Avtomobil yo‘llari qo‘mitasi

36.

Avtomobil yo‘llari sohasiga oid qonunchilik hujjatlarini umumlashtirib, sohaga oid tushunchalar va atamalarni xalqaro amaliyot va me’yorlarga muvofiqlashtirish, avtomobil yo‘llarini boshqarish tizimini takomillashtirishni nazarda tutuvchi yangi tahrirdagi O‘zbekiston Respublikasining “Avtomobil yo‘llari to‘g‘risida”gi Qonuni loyihasini ishlab chiqish.

Bunda, pullik avtomobil yo‘llari bilan bog‘liq masalalar, jumladan yo‘l haqini undirish, saqlash va ekspluatatsiya qilishni moliyalashtirish, qurilish va rekonstruksiya qilish, shuningdek, pullik yo‘llarda va ularning uchastkalarida nazoratni amalga oshirish bilan bog‘liq masalalarning huquqiy asoslarini nazarda tutish.

2024-yil avgust

Transport vazirligi,

Avtomobil yo‘llari qo‘mitasi,

manfaatdor vazirlik va idoralar

37.

Yangi tahrirdagi Avtomobil yo‘llarini qurish, rekonstruksiya qilish, ta’mirlash va saqlash ishlari tasnifini ishlab chiqish.

2023-yil dekabr

Transport vazirligi,

Qurilish va uy-joy kommunal xo‘jaligi vazirligi,

Avtomobil yo‘llari qo‘mitasi

38.

Umumiy foydalanishdagi avtomobil yo‘llari, shaharlar va boshqa aholi punktlari ko‘chalari va sun’iy inshootlarni qurish hamda rekonstruksiya qilish ishlari tugallangan obyektlarning asosiy konstruktiv elementlari va qoplamalari bo‘yicha kafolatli xizmat qilish muddatlarini qo‘llash tartibini ishlab chiqish.

2023-yil dekabr

Avtomobil yo‘llari qo‘mitasi,

Qurilish va uy-joy kommunal xo‘jaligi vazirligi,

Transport vazirligi

39.

Pudrat ishlarini hajm ko‘rsatkichlariga o‘tkazish va texnik spetsifikatsiyalar ishlab chiqish orqali loyiha-smeta hujjatlarini ishlab chiqish, yo‘l qurilish ishlarini amalga oshirish, shuningdek, ularni qabul qilib olishda hajm va sifat ko‘rsatkichlarini hisobga olish (hajm usuli) tartibini ishlab chiqish.

2023-yil dekabr

Transport vazirligi,

Avtomobil yo‘llari qo‘mitasi,

Qurilish va uy-joy kommunal xo‘jaligi vazirligi

40.

Shahar va boshqa aholi punktlari hududlarining o‘zgarishini inobatga olib, O‘zbekiston Respublikasining umumiy foydalanishdagi avtomobil yo‘llari ro‘yxatini qaytadan ishlab chiqish va tasdiqlash.

2023-yil dekabr

Transport vazirligi,

Avtomobil yo‘llari qo‘mitasi

41.

Umumiy foydalanishdagi avtomobil yo‘llarining yo‘l bo‘yi mintaqasidagi yer uchastkalarida ishlab chiqarish, xizmat ko‘rsatish, savdo, servis obyektlari, shuningdek, tadbirkorlik faoliyati uchun boshqa obyektlarni joylashtirish va qurishga ruxsat (texnik shartlar) berishda yig‘im joriy qilish tartibini ishlab chiqish.

2023-yil dekabr

Transport vazirligi,

Avtomobil yo‘llari qo‘mitasi

42.

Avtomobil yo‘llarining uzoq muddat xizmat qilishini ta’minlash uchun og‘ir vaznli transport vositalari harakatini tartibga solishni nazarda tutuvchi qaror loyihasini Vazirlar Mahkamasiga kiritish. Bunda:

umumiy massasi (yuk bilan) 44 tonnadan ortiq bo‘lgan “N3” va “O4” toifadagi maxsus transport vositalari hamda ochiq konlarda (karyer) ishlovchi samosvallarni alohida davlat raqami, texnik pasportini va yagona elektron tizimida ro‘yxatga olishni joriy qilish;

katta hajmli va og‘ir vaznli avtotransport vositalarining umumiy foydalanishdagi avtomobil yo‘llarida harakatlanish va yuk tashish qoidalari;

avtomobil yo‘llarida yilning havo harorati issiq bo‘lgan davrlarida yuk tashuvchi transport vositalari va avtopoyezd (tirkama)larning (maxsus transport vositalaridan tashqari) harakatlanishini cheklash tartibi;

mahalliy yuk tashuvchilarga me’yordan ortiq og‘ir vaznli va katta hajmli transport vositalarining umumiy foydalanishdagi avtomobil yo‘llari bo‘ylab harakatlanishiga to‘lovlarni amalga oshirgan holda ruxsat berish tartibi;

katta hajmli va og‘ir vaznli avtotransport vositalarining umumiy foydalanishdagi avtomobil yo‘llarida harakatlanish va yuk tashish qoidalarini buzganlik natijasida yetkazilgan zararni qoplash uchun to‘lovlar joriy etish va undirish tartibini nazarda tutish.

2023-yil dekabr

Transport vazirligi,

Ichki ishlar vazirligi,

Iqtisodiyot va moliya vazirligi,

Bojxona qo‘mitasi,

O‘zbekiston texnik jihatdan tartibga solish agentligi,

Avtomobil yo‘llari qo‘mitasi

43.

Avtomobil yo‘llari qo‘mitasi tarkibidagi “Umumiy foydalanishdagi avtomobil yo‘llarini qurish va rekonstruksiya qilish direksiyasi”, Qoraqalpog‘iston Respublikasi, viloyatlar va Toshkent shahri mintaqaviy yo‘llarga buyurtmachi xizmatlarini saqlash xarajatlarining miqdorini buyurtmachi funksiyalari olib borilayotgan obyektlarning qurilish va ta’mirlash ishlari qiymatidan (tasdiqlangan xarajatlar smetasi doirasida) 5 foiz miqdorigacha belgilash hamda buyurtmachi tashkilotlarni saqlash xarajatlaridan qolgan qismini Avtomobil yo‘llari qo‘mitasi faoliyatini rivojlantirish va qo‘llab-quvvatlash jamg‘armasiga yo‘naltirish.

2023-yil noyabr

Iqtisodiyot va moliya vazirligi,

Transport vazirligi,

Avtomobil yo‘llari qo‘mitasi

44.

Mahalliy pudratchilar xalqaro tender savdolarida yakka yoki konsorsium tashkil etgan holda ishtirok etganda ularga nisbatan preferensiyalar qo‘llashni joriy qilish bo‘yicha takliflarni Vazirlar Mahkamasiga kiritish.

2023-yil oktabr

Investitsiyalar, sanoat va savdo vazirligi

45.

Avtomobil yo‘llari qo‘mitasining markaziy apparati tuzilmasiga raisning yo‘l xo‘jaligi sohasiga ilg‘or xorijiy tajribalarni tatbiq etish va raqamlashtirish masalalari bo‘yicha o‘rinbosari lavozimini kiritish hamda sohaga ilg‘or xorijiy tajribalarni tatbiq etish bo‘yicha tegishli boshqarma tashkil etish.

Bunda, Avtomobil yo‘llari qo‘mitasi raisining birinchi o‘rinbosari va o‘rinbosarlari tibbiy xizmat ko‘rsatish shartlariga ko‘ra vazirning birinchi o‘rinbosariga va o‘rinbosarlariga tenglashtiriladi.

2023-yil oktabrdan boshlab

Avtomobil yo‘llari qo‘mitasi,

Prezident Administratsiyasi huzuridagi Tibbiyot bosh boshqarmasi

46.

Yo‘l xo‘jaligi sohasida ko‘p yillardan buyon ishlab kelayotgan ishchi-xizmatchilarni moddiy qo‘llab-quvvatlash va ijtimoiy muhofaza qilish, jumladan ularni va oila a’zolarini tibbiy xizmat bo‘yicha xarajatlarini qisman qoplash, shuningdek, ishchi-xizmatchilarni uy-joy bilan ta’minlash, xususan Avtomobil yo‘llari qo‘mitasi korxona va tashkilotlarining bo‘sh turgan yer maydonlarida ijtimoiy obyektlarni va uy-joylarni davlat-xususiy sheriklik tamoyillari asosida qurish bo‘yicha tegishli tartibni ishlab chiqish va tasdiqlash uchun Vazirlar Mahkamasiga kiritish.

2024-yil mart

Transport vazirligi,

Avtomobil yo‘llari qo‘mitasi

47.

Avtomobil yo‘llarini ekspluatatsiya qilish, qurilish va ta’mirlash ishlarini amalga oshirishda Avtomobil yo‘llari qo‘mitasi tarkibidagi korxona va tashkilotlarga maxsus hisob raqamlari orqali moliyalashtirish tartibini joriy etish.

2024-yil yanvar

Avtomobil yo‘llari qo‘mitasi,

Iqtisodiyot va moliya vazirligi

48.

Transport vazirligi huzuridagi Transport nazorati inspeksiyasi Ichki ishlar vazirligining Jamoat xavfsizligi departamentining Yo‘l harakati xavfsizligi xizmati bilan hamkorlikda yuk avtomobillarining vazn va hajm parametrlarini nazorat qilish maqsadida respublikaning har bir hududida bir oyda ikki martadan kam bo‘lmagan tezkor nazorat tadbirlari o‘tkazilishini ta’minlash.

2023-yildan oktabrdan boshlab

Transport vazirligi,

Ichki ishlar vazirligi Jamoat xavfsizligi departamentining Yo‘l harakati xavfsizligi xizmati

49.

Qoraqalpog‘iston Respublikasi va viloyatlarda davlat-xususiy sheriklik tamoyili asosida yo‘l qurilishi materiallari va konstruksiyalarini ishlab chiqarishni tashkil etish.

2024-yil 1-yanvardan boshlab

Avtomobil yo‘llari qo‘mitasi,

Iqtisodiyot va moliya vazirligi

50.

Xalqaro tender savdolarida faol ishtirok etish uchun yo‘l xo‘jaligi sohasida yirik yo‘l qurilish kompaniyalarini tashkil etish choralarini ko‘rish.

2024-yil 1-yanvardan boshlab

Qoraqalpog‘iston Respublikasi Vazirlar Kengashi va viloyatlar hokimliklari,

Qurilish va uy-joy kommunal xo‘jaligi vazirligi,

Avtomobil yo‘llari qo‘mitasi

51.

O‘zbekiston Respublikasining “2024-yil uchun O‘zbekiston Respublikasining Davlat budjeti to‘g‘risida”gi Qonunini ishlab chiqishda Avtomobil yo‘llari qo‘mitasi faoliyatini rivojlantirish va qo‘llab-quvvatlash jamg‘armasiga qo‘shimcha tushumlarni joriy etish.

2023-yil dekabr

Iqtisodiyot va moliya vazirligi,

Transport vazirligi,

Avtomobil yo‘llari qo‘mitasi

52.

Vazirlar Mahkamasining 2003-yil 11-iyundagi “Markazlashtirilgan kapital quyilmalar hisobiga ro‘yobga chiqarilayotgan investitsiya loyihalarini amalga oshirishda shartnomaviy joriy narxlarga o‘tish to‘g‘risida”gi 261-son qarorining 2-ilovasiga muvofiq O‘zbekiston Respublikasi Prezidenti yoki Hukumatining hujjatlariga ko‘ra belgilangan yildan yilga o‘tuvchi yo‘l xo‘jaligi obyektlarining qoldiq qiymatini joriy narxlarda qayta hisoblanishi natijalarini sohaviy ilmiy-texnik kengashdan o‘tkazish.

2024-yil 1-yanvardan boshlab

Transport vazirligi,

Avtomobil yo‘llari qo‘mitasi

53.

Avtomobil yo‘llari qo‘mitasi tarkibiga kiruvchi korxona va tashkilotlarning O‘zbekiston Respublikasi Davlat budjetiga 2023-yil 1-oktabr holatiga ko‘ra mavjud qarzdorliklarini, jumladan hisoblangan penya va jarimalarni, shuningdek, undirilishi umidsiz bo‘lgan qarzdorliklarini va pudrat shartnomalari bo‘yicha avtomobil yo‘llarini qurish, rekonstruksiya qilish va ta’mirlash obyektlarining foydalanishga o‘z vaqtida topshirilmaganligi sababli hisoblangan penya va jarima sanksiyalarini hisobdan chiqarish.

Bunda:

2023-yil oktabr

Iqtisodiyot va moliya vazirligi,

Soliq qo‘mitasi,

Transport vazirligi,

Avtomobil yo‘llari qo‘mitasi, Davaktiv agentligi

O‘zbekiston Respublikasi Prezidentining 2023-yil 24-martdagi PQ-102-son qarori bilan tasdiqlangan “Ommaviy savdolar orqali to‘liqligicha sotiladigan korxonalarning aksiya paketlari (ulushlari) ro‘yxati”dagi Avtomobil yo‘llari qo‘mitasining korxona va tashkilotlarini ham inobatga olish;

2023-yil oktabr

Avtomobil yo‘llari qo‘mitasi tizimidagi korxona va tashkilotlarning undirilishi umidsiz bo‘lgan qarzdorliklarini, jumladan o‘zaro debitor va kreditor qarzdorliklarini hisobdan chiqarish.

2023-yil dekabr

54.

Ommaviy axborot vositalari va ijtimoiy tarmoqlarda fuqarolarga avtomobil yo‘llaridan foydalanish madaniyati va huquqiy asoslari to‘g‘risida targ‘ibot-tashviqot ishlarini olib borish, jumladan tegishli video-roliklar tayyorlash.

Bunda, ushbu tadbirlarni Avtomobil yo‘llari qo‘mitasini faoliyatini rivojlantirish va qo‘llab-quvvatlash jamg‘armasi mablag‘lari hisobidan moliyalashtirish.

2023 — 2025-yillar

Avtomobil yo‘llari qo‘mitasi, Iqtisodiyot va moliya vazirligi

VIII. Malakali kadrlarni tayyorlash va ularni qo‘llab-quvvatlash

55.

Transport universiteti tomonidan xalqaro reytinglarda birinchi 1000 talik ro‘yxatga kiruvchi xorijiy universitetlar, jumladan Germaniyaning Axen shahridagi Reyn-Vestfal texnika universiteti, Turkiyaning Istanbul texnika universiteti, Xitoy Xalq Respublikasining Sian Szyaotun universiteti va boshqa universitetlar bilan malakali kadrlarni tayyorlash yo‘nalishida hamkorlikni yo‘lga qo‘yish.

2024-yildan boshlab

Transport vazirligi,

Transport universiteti,

Avtomobil yo‘llari qo‘mitasi

56.

Yo‘l xo‘jaligi sohasidagi mahalliy mutaxassislarga xorijiy tillarni o‘qitish orqali ularning rivojlangan xorijiy davlatlarning yetakchi yo‘l qurilish kompaniyalarida amaliyot o‘tashlarini tashkil etish.

2023-yil noyabrdan boshlab

Transport vazirligi,

Avtomobil yo‘llari qo‘mitasi

57.

O‘zbekiston Respublikasi Prezidenti huzuridagi Davlat xizmatini rivojlantirish agentligi bilan hamkorlikda ishlarni tashkil etish bo‘yicha chora-tadbirlar dasturini ishlab chiqish, bunda:

sohada faoliyat yuritayotgan kadrlar uchun Davlat boshqaruv akademiyasida malaka oshirish kurslarini tashkil etish, “El-yurt umidi” jamg‘armasi orqali mutaxassislarni xorijiy davlatlarga magistratura va doktorantura yo‘nalishi bo‘yicha o‘qishga yuborish;

“karyera modeli” tizimini joriy etish, “El-yurt umidi” jamg‘armasi stipendiatlarini, Davlat boshqaruv akademiyasi bitiruvchilarini sohaga jalb etish;

rivojlangan davlatlarning (Germaniya, Birlashgan Arab Amirliklari, Isroil, Janubiy Koreya) yo‘l qurilishi sohasida faoliyat yuritayotgan kompaniyalarida o‘rta bo‘g‘in mutaxassislarning amaliyotini tashkil etish.

2023-yil oktabr

Davlat xizmatini rivojlantirish agentligi,

Transport vazirligi,

Avtomobil yo‘llari qo‘mitasi

58.

Yo‘l qurilishi sohasidagi texnikumlarda o‘rta bo‘g‘in mutaxassislarini tayyorlash, ularning yo‘l xo‘jaligi tashkilotlarida amaliyot o‘tishlarini tashkil etish.

2024-yildan boshlab

Transport vazirligi,

Avtomobil yo‘llari qo‘mitasi