Т/р

Чора-тадбирлар номи

Ижро муддати

Масъул ижрочилар

I. Лойиҳалаштиришнинг янги тизими ва сифат таъминотини яхшилаш

1.

Янги бошланадиган объектларда йўл-қурилиш ишлари бўйича лойиҳани муҳандислик бошқариш ва техник назорат ишлари аутсорсинг шартлари асосида Халқаро муҳандислар-консультантлар федерацияси (FIDIC) амалиёти ва ҳужжатларига мувофиқ мустақил ташкилотлар, шу жумладан, хусусий сектор томонидан амалга оширишни ташкил этиш мақсадида маҳаллий муҳандис-консультантлар малакасини ошириш ва қайта тайёрлаш ҳамда уларни «FIDIC» сертификатлари билан таъминлаш чораларини кўриш.

2024 йил сентябрь

Транспорт вазирлиги,

Автомобиль йўллари қўмитаси,

манфаатдор вазирлик ва идоралар

2.

Транспорт вазирлиги ҳузуридаги Транспорт назорати инспекциясининг йўл қурилиши ишлари сифатини назорат қилувчи инспекторлари «муҳандис-консультант» сифатида фаолият юритиши учун уларнинг малакасини ошириш ва қайта тайёрлаш ҳамда «FIDIC» сертификатлари билан таъминлаш чораларини кўриш.

2024 йил октябрь

Транспорт вазирлиги,

Автомобиль йўллари қўмитаси,

Транспорт назорати инспекцияси

3.

Янгидан бошланадиган йўл-қурилиш объектларида лойиҳани муҳандислик бошқариш ва техник назорат қилиш ишлари аутсорсинг шартлари асосида Халқаро муҳандислар-консультантлар федерацияси (FIDIC) амалиёти ва ҳужжатларига мувофиқ мустақил ташкилотлар, шу жумладан, хусусий сектор томонидан амалга оширилишини таъминлаш.

2025 йилдан бошлаб

Транспорт вазирлиги,

Автомобиль йўллари қўмитаси

4.

Автомобиль йўлларини лойиҳалаш, қуриш, реконструкция қилиш, таъмирлаш ва сақлаш ишларини, шунингдек, қўлланадиган материал ва маҳсулотларга талабларни белгиловчи тегишли техник жиҳатдан тартибга солиш соҳасидаги норматив ҳужжатларни халқаро стандартлар асосида қайта ишлаб чиқиш.

Мазкур тадбирларни амалга ошириш учун 2024 йил ва келгуси йилларда Давлат бюджети параметрларини шакллантиришда зарур маблағлар ажратилишини таъминлаш.

2024 — 2026 йиллар

Транспорт вазирлиги,

Автомобиль йўллари қўмитаси,

Ўзбекистон техник жиҳатдан тартибга солиш агентлиги,

Иқтисодиёт ва молия вазирлиги,

Қурилиш ва уй-жой коммунал хўжалиги вазирлиги

5.

Ўзбекистон Республикасининг инвестиция дастурлари доирасида халқаро молия институтлари иштирокида янги бошланадиган лойиҳаларни амалга ошириш учун лойиҳаларнинг техник-иқтисодий асоси, ишчи ҳужжатлари, лойиҳаларнинг экологик ва ижтимоий таъсирини баҳолаш, ер ажратиш ва кўчириш ҳисоботлари (Due Diligence) бир вақтнинг ўзида ишлаб чиқилиши учун зарур маблағлар ажратилишини таъминлаш.

Тасдиқланган графиклар асосида

Иқтисодиёт ва молия вазирлиги,

Транспорт вазирлиги,

Автомобиль йўллари қўмитаси

6.

Умумий фойдаланишдаги автомобиль йўллари, шаҳарлар ва бошқа аҳоли пунктлари кўчаларини ҳамда сунъий иншоотларни қуриш, реконструкция қилиш ва таъмирлаш ишларининг лойиҳа ва лойиҳаолди ҳужжатларини ҳар бир ҳудуднинг геологик ва экологик хусусиятини инобатга олган ҳолда ишлаб чиқишни таъминлаш.

Тасдиқланган графиклар асосида

Автомобиль йўллари қўмитаси,

Қурилиш ва уй-жой коммунал хўжалиги вазирлиги

7.

Янгидан бошланадиган умумий фойдаланишдаги автомобиль йўллари, кўприклар ва сунъий иншоотларни қуриш, реконструкция қилиш объектларининг лойиҳа-смета ҳужжатларини ишлаб чиқишда қурилиш минтақасига тушган дарахтларни кўчириш, экологик экспертизадан ўтказиш ҳамда тегишли ер участкаларини ажратиш ва уларнинг тоифаларини белгилаш билан боғлиқ харажатларни назарда тутиш.

Тасдиқланган графиклар асосида

Иқтисодиёт ва молия вазирлиги,

Транспорт вазирлиги,

Автомобиль йўллари қўмитаси

8.

Совуқ асфальт-бетон маҳсулотини оммавий ишлаб чиқаришни йўлга қўйиш.

2024 йил июнь

Автомобиль йўллари қўмитаси

II. Автомобиль йўлларини жиҳозлаш ва йўл бўйи инфратузилмасини ривожлантириш

9.

Умумий фойдаланишдаги автомобиль йўлларининг техник ҳолатини илғор ахборот технологияларини қўллаган ҳолда таҳлил қилиш, автомобиль йўллари активларини бошқариш ва ягона кадастр тизимини юритиш, вазн ва ҳажм назорат пунктларини ташкил этиш ва сақлаш ишларини амалга ошириш мақсадида Автомобиль йўллари қўмитаси таркибида умумий фойдаланишдаги автомобиль йўлларини сақлаш ишларига ажратилаётган маблағлар ҳисобидан молиялаштириладиган давлат муассасаси шаклидаги 55 нафар бошқарув ходимидан иборат Автомобиль йўллари техник ҳолати таҳлили ва ҳаракат хавфсизлиги маркази фаолиятини самарали ташкил этиш.

2023 йил октябрь

Транспорт вазирлиги,

Автомобиль йўллари қўмитаси,

Иқтисодиёт ва молия вазирлиги

10.

Автомобиль йўллари қўмитаси таркибида ташкил этилган Автомобиль йўллари техник ҳолати таҳлили ва ҳаракат хавфсизлиги маркази билан Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати маълумотлар базасини интеграция қилиш.

2024 йил февраль

Ички ишлар вазирлиги,

Транспорт вазирлиги,

Автомобиль йўллари қўмитаси

11.

Автомобиль йўлларига 50 минг дона йўл белгисини ўрнатиш, ҳайдовчиларни огоҳлантириш учун тебраниш горизонтал чизиқларини жорий этиш.

2023 — 2025 йиллар

Транспорт вазирлиги,

Автомобиль йўллари қўмитаси

12.

Автомобиль йўллари бўйида яшил ҳудудларни барпо этиш мақсадида 26,8 млн дона дарахт ва буталар, жумладан терак кўчатларини экиш ҳамда сақлаш борасида жисмоний ва юридик шахслар билан ўзаро манфаатли ҳамкорликни йўлга қўйиш.

2023 — 2026 йиллар

Қорақалпоғистон Республикаси Вазирлар Кенгаши ва вилоятлар ҳокимликлари

13.

Халқаро молия институтлари маблағларини жалб қилган ҳолда цемент-бетон қопламаларини тўлақонли синовдан ўтказиш учун 3 та ускуналар комплектини харид қилиш.

2024 — 2026 йиллар

Инвестициялар, саноат ва савдо вазирлиги,

Автомобиль йўллари қўмитаси,

Транспорт вазирлиги

III. Хусусий сектор иштирокини таъминлаш ва «пуллик йўллар» тизимини жорий этиш

14.

Осиё инфратузилма инвестициялари банкидан жалб қилинадиган имтиёзли кредит маблағлари ҳисобидан Қорақалпоғистон Республикаси ва Хоразм вилоятида умумий фойдаланишдаги автомобиль йўлларини «Лойиҳалаш-қуриш-эксплуатация қилиш» усулини жорий қилган ҳолда пилот лойиҳаларни амалга ошириш.

2024 йилдан бошлаб

Автомобиль йўллари қўмитаси,

Инвестициялар, саноат ва савдо вазирлиги,

Транспорт вазирлиги,

Иқтисодиёт ва молия вазирлиги,

Қорақалпоғистон Республикаси Вазирлар Кенгаши,

Хоразм вилояти ҳокимлиги

15.

Умумий фойдаланишдаги автомобиль йўлларини эксплуатация қилиш ишларини аутсорсинг асосида хусусий сектор томонидан амалга оширишни ташкил этиш тартибини ишлаб чиқиш ва Вазирлар Маҳкамасига киритиш.

2023 йил декабрь

Транспорт вазирлиги,

Иқтисодиёт ва молия вазирлиги,

Автомобиль йўллари қўмитаси

16.

Қорақалпоғистон Республикаси, вилоятлар ва Тошкент шаҳрида камида 100 км узунликдаги автомобиль йўлларини, жумладан йирик шаҳарларни айланиб ўтувчи автомобиль йўлларини давлат-хусусий шериклик тамойили асосида қуриш бўйича аниқ таклифларни ишлаб чиқиш ва Вазирлар Маҳкамасига киритиш.

2023 йил ноябрь

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари

17.

Тошкент-Самарқанд пуллик автомобиль йўлини қуриш лойиҳасининг техник-иқтисодий асосларини ишлаб чиқиш ишларини якунига етказиш бўйича топогеодезия, геология ва бошқа турдаги муҳандислик-техник тадқиқот ишлари амалга ошириш.

Бунда, лойиҳанинг топогеодезия, геология ва бошқа турдаги муҳандислик-техник тадқиқот ишларини амалга ошириш бўйича буюртмачи ташкилот этиб — Автомобиль йўллари қўмитасининг «Умумий фойдаланишдаги автомобиль йўлларини қуриш ва реконструкция қилиш дирекцияси» ДУК ҳамда лойиҳа ташкилоти этиб — «ЎзгашкЛИТИ» ДУКни белгилаш.

2023 йил октябрь — 2024 йил февраль

Қурилиш ва уй-жой коммунал хўжалиги вазирлиги, Транспорт вазирлиги

Якунланган тадқиқот ишлари натижаларини «Proyapi Engineering & Consultancy» (Туркия) компаниясига тақдим этиш.

Автомобиль йўллари қўмитаси

Тадқиқот ишларини бажариш учун зарур маблағларни 2023 йил ва келгуси йиллар учун ижтимоий ва ишлаб чиқариш инфратузилмасини ривожлантириш дастури доирасида ажратиш.

Иқтисодиёт ва молия вазирлиги

IV. Кўприк ва бошқа сунъий иншоотларни тиклаш

18.

Умумий фойдаланишдаги автомобиль йўлларида жойлашган кўприк ва бошқа сунъий иншоотларни таъмирлаш ҳамда техник соз ҳолатда сақлаш мақсадида лойиҳалаш — тиклаш — эксплуатация қилиш ишларини амалга оширувчи Автомобиль йўллари қўмитаси таркибида «Ўзйўлкўприк» кластери ҳамда унинг ҳудудлардаги юридик шахс мақомига эга бўлган филиаллари фаолиятини самарали ташкил этиш.

2023 йил октябрь

Транспорт вазирлиги,

Автомобиль йўллари қўмитаси

Бунда, диагностика қилиш натижаларига асосан аниқланадиган авария ҳолатидаги таъмирталаб кўприк ва бошқа сунъий иншоотларни лойиҳалаштириш, таъмирлаш ва тиклаш ишлари «Ўзйўлкўприк» кластери томонидан амалга оширилади.

2023 йил ноябрдан бошлаб

19.

Республикадаги 14 675 та,жумладан Автомобиль йўллари қўмитаси тасарруфидаги 7 229 та, Сув хўжалиги вазирлиги тасарруфидаги 1 247 та ва маҳаллий ҳокимликлар тасарруфидаги 6 199 та кўприк иншоотларини тўлиқ техник кўрикдан ўтказиш.

2023 йил декабрь

Транспорт вазирлиги,

Автомобиль йўллари қўмитаси,

Сув хўжалиги вазирлиги,

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари

20.

Республикадаги 897 та авария ҳолатидаги кўприкларни босқичма-босқич тиклаш.

Бунда, 2024 йил ва келгуси йилларда давлат бюджети параметрларини шакллантиришда республикадаги авария ҳолатидаги кўприкларни диагностика қилиш, лойиҳалаштириш, таъмирлаш ва тиклаш ишлари учун зарурий маблағларни алоҳида ажратган ҳолда (сатрда) кўрсатилишини таъминлаш.

2023 — 2026 йиллар

Транспорт вазирлиги,

Автомобиль йўллари қўмитаси

V. Йўл ишларини молиялаштиришни такомиллаштириш

21.

Умумий фойдаланишдаги автомобиль йўлларини эксплуатация қилиш харажатларига ажратилаётган маблағларни амалдаги меъёрий ҳужжатларда кўзда тутилган талабларга нисбатан 2024 йилда 40 фоизга, 2025 йилда 50 фоизга, 2026 йилда 60 фоизга, 2027 йилда 70 фоизга ва 2028 йилда 80 фоизга етказиш.

2024 — 2028 йиллар

Иқтисодиёт ва молия вазирлиги

23.

Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида умумий фойдаланишдаги автомобиль йўллари, кўприклар ва йўл ўтказгичларни қуриш ва реконструкция қилиш лойиҳаларининг (объектларининг) рўйхатини тасдиқлаш.

ҳар йили 1 июнга қадар

Транспорт вазирлиги,

Иқтисодиёт ва молия вазирлиги,

Автомобиль йўллари қўмитаси

24.

Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурининг умумий фойдаланишдаги автомобиль йўллари, кўприклар ва сунъий иншоотларни қуриш, реконструкция қилиш лойиҳаларининг (объектларининг) лойиҳаолди ва (ёки) лойиҳа ҳужжатлари камида 6 ой олдин ишлаб чиқилиши учун зарур бўлган маблағларни Автомобиль йўллари қўмитасига ажратиш.

ҳар йили 1 июлга қадар

Иқтисодиёт ва молия вазирлиги,

Автомобиль йўллари қўмитаси

25.

Йўл хўжалиги соҳасида янги инновацион ёндашувларни жорий этиш орқали иқтисодий самарадорликка эришиш:

йўл асосини тайёрлашда «совуқ ресайклинг» технологиясидан фойдаланиш;

автомобиль йўлларини қуриш ва таъмирлаш ишларида замонавий йўл қопламаси — чақиқтош мастикали асфальт-бетондан фойдаланиш;

автомобиль йўлларини лойиҳалашда 3D сканер воситасида топогеодезия ишларини амалга ошириш;

йўл тоифаларидан келиб чиқиб, уларнинг қоплама турини белгилаш.

2024 йилдан бошлаб

Транспорт вазирлиги,

Қурилиш ва уй-жой коммунал хўжалиги вазирлиги,

Автомобиль йўллари қўмитаси

VI. Йўл хўжалиги соҳасини рақамлаштириш

26.

Умумий фойдаланишдаги автомобиль йўллари ҳолатини баҳолаш ва мониторинг қилишни рақамли технологиялар орқали самарали ташкил этиш.

Бунда, замонавий ахборот технологияларини қўллаган ҳолда умумий фойдаланишдаги автомобиль йўллари ва сунъий иншоотларининг ягона онлайн маълумотлар базасини яратиш, уларнинг техник ҳолатини мунтазам равишда мониторинг қилиб бориш ҳамда диагностика қилиш ва баҳолаш орқали таъмирлаш ишларини режалаштириш функцияларини ўз ичига оладиган дастурий таъминотни ишга тушириш.

2024 йил март

Автомобиль йўллари қўмитаси,

Транспорт вазирлиги,

манфаатдор вазирлик ва идоралар

27.

Қурилиш ва уй-жой коммунал хўжалиги вазирлигининг «Шаффоф қурилиш» миллий ахборот тизимида йўл хўжалиги соҳасида тендерларни ташкил этиш тизимини такомиллаштириш.

Бунда:

Давлат бюджети маблағлари ҳисобидан автомобиль йўллари, кўприклар ва бошқа сунъий иншоотларни лойиҳалаштириш (шу жумладан, техник-иқтисодий асосларни ишлаб чиқиш), қуриш ва реконструкция қилиш бўйича лойиҳа-қидирув ҳамда қурилиш-пудрат ташкилотларини аниқлашда баҳолаш тизимини;

йўл хўжалиги соҳасида электрон давлат харидларини ташкил этиш ва амалга ошириш ҳамда соҳада лойиҳа-қидирув ва қурилиш-пудрат ташкилотлари рейтингини ҳисоблаш ва юритиш тартибини такомиллаштириш назарда тутилади.

2023 йил декабрь

Қурилиш ва уй-жой коммунал хўжалиги вазирлиги,

Рақамли технологиялар вазирлиги,

Транспорт вазирлиги,

Автомобиль йўллари қўмитаси

28.

Автомобиль йўллари қўмитасининг корхоналаридаги йўл техникалари, автотранспорт воситалари фаолияти назоратини рақамлаштириш мақсадида «GPS» кузатув мосламаларини ўрнатиш ва ягона электрон базага интеграция қилиш.

2024 йилдан бошлаб

Автомобиль йўллари қўмитаси

29.

Қорақалпоғистон Республикаси ва вилоятларда 44 та замонавий ўлчов тарозиларини, жумладан инсон омилисиз юк автомобилларини ҳаракат даврида уларнинг вазн ва ҳажм параметрларини автоматик равишда аниқловчи «WIM» тизимидаги тарозихоналарни ўрнатиш.

2024 — 2026 йиллар

Автомобиль йўллари қўмитаси,

Транспорт вазирлиги,

Иқтисодиёт ва молия вазирлиги

30.

Соҳага ажратилаётган маблағларни тақсимлаш жараёнини, жумладан ҳар бир автомобиль йўлининг аҳамияти, тоифаси ва ундаги мавжуд йўл элементларидан келиб чиқиб, маблағлар тақсимотини рақамлаштириш.

2024 йилдан бошлаб

Автомобиль йўллари қўмитаси,

Транспорт вазирлиги

31.

Автомобиль йўлларида рақамли (онлайн режимда) бошқариладиган инновацион йўл белгилари, паннолар ва кўрсаткичларни жорий қилиш.

2024 йилдан бошлаб

Автомобиль йўллари қўмитаси,

Транспорт вазирлиги

32.

Автомобиль йўллари қўмитаси корхоналари тасарруфдаги ишлаб чиқариш ускуналари (асфальт-бетон, цемент-бетон қориштириш ва тош майдалаш) фаолиятини рақамлаштириш, бунда ишлаб чиқарилаётган маҳсулот ҳажми ҳисобини юритиш, реал вақт режимида битум маҳсулоти захираларини ҳамда ишлаб чиқариш жараёнини онлайн режимда кузатиб бориш имкониятларини яратиш.

2024 йилдан бошлаб

Автомобиль йўллари қўмитаси,

Транспорт вазирлиги

33.

Осиё тараққиёт банки билан ҳамкорликда А-373 «Тошкент-Ўш» автомобиль йўлининг «Қамчиқ» довонидан ўтган 100 км қисмида интеллектуал транспорт тизимини жорий этиш.

2024-2025 йиллар

Автомобиль йўллари қўмитаси,

Инвестициялар, саноат ва савдо вазирлиги

34.

Автомобиль йўллари қўмитасининг коррупцияга қарши курашиш бўйича чора-тадбирларнинг самарадорлиги рейтингидаги ўрнини яхшилаш бўйича аниқ чораларни кўриш.

2024-2025 йиллар

Автомобиль йўллари қўмитаси,

Коррупцияга қарши курашиш агентлиги

VII. Йўл хўжалиги соҳасига оид норматив-ҳуқуқий базани такомиллаштириш ва бошқа тадбирлар

35.

Йўл хўжалиги соҳасидаги ислоҳотларни амалга оширилишини самарали ташкил этиш ҳамда мувофиқлаштириш мақсадида Автомобиль йўллари қўмитаси таркибида Лойиҳа офисини ташкил қилиш.

Бунда Лойиҳа офиси фаолиятини ташкил этишда халқаро молия институтлари билан ҳамкорлик қилиш ва грант маблағларини жалб қилиш чораларини кўриш ҳамда Автомобиль йўллари қўмитаси фаолиятини ривожлантириш ва қўллаб-қувватлаш жамғармаси маблағларидан молиялаштириш.

2023 йил декабрь

Транспорт вазирлиги,

Инвестициялар, саноат ва савдо вазирлиги,

Автомобиль йўллари қўмитаси

36.

Автомобиль йўллари соҳасига оид қонунчилик ҳужжатларини умумлаштириб, соҳага оид тушунчалар ва атамаларни халқаро амалиёт ва меъёрларга мувофиқлаштириш, автомобиль йўлларини бошқариш тизимини такомиллаштиришни назарда тутувчи янги таҳрирдаги Ўзбекистон Республикасининг «Автомобиль йўллари тўғрисида»ги Қонуни лойиҳасини ишлаб чиқиш.

Бунда, пуллик автомобиль йўллари билан боғлиқ масалалар, жумладан йўл ҳақини ундириш, сақлаш ва эксплуатация қилишни молиялаштириш, қурилиш ва реконструкция қилиш, шунингдек, пуллик йўлларда ва уларнинг участкаларида назоратни амалга ошириш билан боғлиқ масалаларнинг ҳуқуқий асосларини назарда тутиш.

2024 йил август

Транспорт вазирлиги,

Автомобиль йўллари қўмитаси,

манфаатдор вазирлик ва идоралар

37.

Янги таҳрирдаги Автомобиль йўлларини қуриш, реконструкция қилиш, таъмирлаш ва сақлаш ишлари таснифини ишлаб чиқиш.

2023 йил декабрь

Транспорт вазирлиги,

Қурилиш ва уй-жой коммунал хўжалиги вазирлиги,

Автомобиль йўллари қўмитаси

38.

Умумий фойдаланишдаги автомобиль йўллари, шаҳарлар ва бошқа аҳоли пунктлари кўчалари ва сунъий иншоотларни қуриш ҳамда реконструкция қилиш ишлари тугалланган объектларнинг асосий конструктив элементлари ва қопламалари бўйича кафолатли хизмат қилиш муддатларини қўллаш тартибини ишлаб чиқиш.

2023 йил декабрь

Автомобиль йўллари қўмитаси,

Қурилиш ва уй-жой коммунал хўжалиги вазирлиги,

Транспорт вазирлиги

39.

Пудрат ишларини ҳажм кўрсаткичларига ўтказиш ва техник спецификациялар ишлаб чиқиш орқали лойиҳа-смета ҳужжатларини ишлаб чиқиш, йўл қурилиш ишларини амалга ошириш, шунингдек, уларни қабул қилиб олишда ҳажм ва сифат кўрсаткичларини ҳисобга олиш (ҳажм усули) тартибини ишлаб чиқиш.

2023 йил декабрь

Транспорт вазирлиги,

Автомобиль йўллари қўмитаси,

Қурилиш ва уй-жой коммунал хўжалиги вазирлиги

40.

Шаҳар ва бошқа аҳоли пунктлари ҳудудларининг ўзгаришини инобатга олиб, Ўзбекистон Республикасининг умумий фойдаланишдаги автомобиль йўллари рўйхатини қайтадан ишлаб чиқиш ва тасдиқлаш.

2023 йил декабрь

Транспорт вазирлиги,

Автомобиль йўллари қўмитаси

41.

Умумий фойдаланишдаги автомобиль йўлларининг йўл бўйи минтақасидаги ер участкаларида ишлаб чиқариш, хизмат кўрсатиш, савдо, сервис объектлари, шунингдек, тадбиркорлик фаолияти учун бошқа объектларни жойлаштириш ва қуришга рухсат (техник шартлар) беришда йиғим жорий қилиш тартибини ишлаб чиқиш.

2023 йил декабрь

Транспорт вазирлиги,

Автомобиль йўллари қўмитаси

42.

Автомобиль йўлларининг узоқ муддат хизмат қилишини таъминлаш учун оғир вазнли транспорт воситалари ҳаракатини тартибга солишни назарда тутувчи қарор лойиҳасини Вазирлар Маҳкамасига киритиш. Бунда:

умумий массаси (юк билан) 44 тоннадан ортиқ бўлган «N3» ва «O4» тоифадаги махсус транспорт воситалари ҳамда очиқ конларда (карьер) ишловчи самосвалларни алоҳида давлат рақами, техник паспортини ва ягона электрон тизимида рўйхатга олишни жорий қилиш;

катта ҳажмли ва оғир вазнли автотранспорт воситаларининг умумий фойдаланишдаги автомобиль йўлларида ҳаракатланиш ва юк ташиш қоидалари;

автомобиль йўлларида йилнинг ҳаво ҳарорати иссиқ бўлган даврларида юк ташувчи транспорт воситалари ва автопоезд (тиркама)ларнинг (махсус транспорт воситаларидан ташқари) ҳаракатланишини чеклаш тартиби;

маҳаллий юк ташувчиларга меъёрдан ортиқ оғир вазнли ва катта ҳажмли транспорт воситаларининг умумий фойдаланишдаги автомобиль йўллари бўйлаб ҳаракатланишига тўловларни амалга оширган ҳолда рухсат бериш тартиби;

катта ҳажмли ва оғир вазнли автотранспорт воситаларининг умумий фойдаланишдаги автомобиль йўлларида ҳаракатланиш ва юк ташиш қоидаларини бузганлик натижасида етказилган зарарни қоплаш учун тўловлар жорий этиш ва ундириш тартибини назарда тутиш.

2023 йил декабрь

Транспорт вазирлиги,

Ички ишлар вазирлиги,

Иқтисодиёт ва молия вазирлиги,

Божхона қўмитаси,

Ўзбекистон техник жиҳатдан тартибга солиш агентлиги,

Автомобиль йўллари қўмитаси

43.

Автомобиль йўллари қўмитаси таркибидаги «Умумий фойдаланишдаги автомобиль йўлларини қуриш ва реконструкция қилиш дирекцияси», Қорақалпоғистон Республикаси, вилоятлар ва Тошкент шаҳри минтақавий йўлларга буюртмачи хизматларини сақлаш харажатларининг миқдорини буюртмачи функциялари олиб борилаётган объектларнинг қурилиш ва таъмирлаш ишлари қийматидан (тасдиқланган харажатлар сметаси доирасида) 5 фоиз миқдоригача белгилаш ҳамда буюртмачи ташкилотларни сақлаш харажатларидан қолган қисмини Автомобиль йўллари қўмитаси фаолиятини ривожлантириш ва қўллаб-қувватлаш жамғармасига йўналтириш.

2023 йил ноябрь

Иқтисодиёт ва молия вазирлиги,

Транспорт вазирлиги,

Автомобиль йўллари қўмитаси

44.

Маҳаллий пудратчилар халқаро тендер савдоларида якка ёки консорциум ташкил этган ҳолда иштирок этганда уларга нисбатан преференциялар қўллашни жорий қилиш бўйича таклифларни Вазирлар Маҳкамасига киритиш.

2023 йил октябрь

Инвестициялар, саноат ва савдо вазирлиги

45.

Автомобиль йўллари қўмитасининг марказий аппарати тузилмасига раиснинг йўл хўжалиги соҳасига илғор хорижий тажрибаларни татбиқ этиш ва рақамлаштириш масалалари бўйича ўринбосари лавозимини киритиш ҳамда соҳага илғор хорижий тажрибаларни татбиқ этиш бўйича тегишли бошқарма ташкил этиш.

Бунда, Автомобиль йўллари қўмитаси раисининг биринчи ўринбосари ва ўринбосарлари тиббий хизмат кўрсатиш шартларига кўра вазирнинг биринчи ўринбосарига ва ўринбосарларига тенглаштирилади.

2023 йил октябрдан бошлаб

Автомобиль йўллари қўмитаси,

Президент Администрацияси ҳузуридаги Тиббиёт бош бошқармаси

46.

Йўл хўжалиги соҳасида кўп йиллардан буён ишлаб келаётган ишчи-хизматчиларни моддий қўллаб-қувватлаш ва ижтимоий муҳофаза қилиш, жумладан уларни ва оила аъзоларини тиббий хизмат бўйича харажатларини қисман қоплаш, шунингдек, ишчи-хизматчиларни уй-жой билан таъминлаш, хусусан Автомобиль йўллари қўмитаси корхона ва ташкилотларининг бўш турган ер майдонларида ижтимоий объектларни ва уй-жойларни давлат-хусусий шериклик тамойиллари асосида қуриш бўйича тегишли тартибни ишлаб чиқиш ва тасдиқлаш учун Вазирлар Маҳкамасига киритиш.

2024 йил март

Транспорт вазирлиги,

Автомобиль йўллари қўмитаси

47.

Автомобиль йўлларини эксплуатация қилиш, қурилиш ва таъмирлаш ишларини амалга оширишда Автомобиль йўллари қўмитаси таркибидаги корхона ва ташкилотларга махсус ҳисоб рақамлари орқали молиялаштириш тартибини жорий этиш.

2024 йил январь

Автомобиль йўллари қўмитаси,

Иқтисодиёт ва молия вазирлиги

48.

Транспорт вазирлиги ҳузуридаги Транспорт назорати инспекцияси Ички ишлар вазирлигининг Жамоат хавфсизлиги департаментининг Йўл ҳаракати хавфсизлиги хизмати билан ҳамкорликда юк автомобилларининг вазн ва ҳажм параметрларини назорат қилиш мақсадида республиканинг ҳар бир ҳудудида бир ойда икки мартадан кам бўлмаган тезкор назорат тадбирлари ўтказилишини таъминлаш.

2023 йилдан октябрдан бошлаб

Транспорт вазирлиги,

Ички ишлар вазирлиги Жамоат хавфсизлиги департаментининг Йўл ҳаракати хавфсизлиги хизмати

49.

Қорақалпоғистон Республикаси ва вилоятларда давлат-хусусий шериклик тамойили асосида йўл қурилиши материаллари ва конструкцияларини ишлаб чиқаришни ташкил этиш.

2024 йил 1 январдан бошлаб

Автомобиль йўллари қўмитаси,

Иқтисодиёт ва молия вазирлиги

50.

Халқаро тендер савдоларида фаол иштирок этиш учун йўл хўжалиги соҳасида йирик йўл қурилиш компанияларини ташкил этиш чораларини кўриш.

2024 йил 1 январдан бошлаб

Қорақалпоғистон Республикаси Вазирлар Кенгаши ва вилоятлар ҳокимликлари,

Қурилиш ва уй-жой коммунал хўжалиги вазирлиги,

Автомобиль йўллари қўмитаси

51.

Ўзбекистон Республикасининг «2024 йил учун Ўзбекистон Республикасининг Давлат бюджети тўғрисида»ги Қонунини ишлаб чиқишда Автомобиль йўллари қўмитаси фаолиятини ривожлантириш ва қўллаб-қувватлаш жамғармасига қўшимча тушумларни жорий этиш.

2023 йил декабрь

Иқтисодиёт ва молия вазирлиги,

Транспорт вазирлиги,

Автомобиль йўллари қўмитаси

52.

Вазирлар Маҳкамасининг 2003 йил 11 июндаги «Марказлаштирилган капитал қуйилмалар ҳисобига рўёбга чиқарилаётган инвестиция лойиҳаларини амалга оширишда шартномавий жорий нархларга ўтиш тўғрисида»ги 261-сон қарорининг 2-иловасига мувофиқ Ўзбекистон Республикаси Президенти ёки Ҳукуматининг ҳужжатларига кўра белгиланган йилдан йилга ўтувчи йўл хўжалиги объектларининг қолдиқ қийматини жорий нархларда қайта ҳисобланиши натижаларини соҳавий илмий-техник кенгашдан ўтказиш.

2024 йил 1 январдан бошлаб

Транспорт вазирлиги,

Автомобиль йўллари қўмитаси

53.

Автомобиль йўллари қўмитаси таркибига кирувчи корхона ва ташкилотларнинг Ўзбекистон Республикаси Давлат бюджетига 2023 йил 1 октябрь ҳолатига кўра мавжуд қарздорликларини, жумладан ҳисобланган пеня ва жарималарни, шунингдек, ундирилиши умидсиз бўлган қарздорликларини ва пудрат шартномалари бўйича автомобиль йўлларини қуриш, реконструкция қилиш ва таъмирлаш объектларининг фойдаланишга ўз вақтида топширилмаганлиги сабабли ҳисобланган пеня ва жарима санкцияларини ҳисобдан чиқариш.

Бунда:

2023 йил октябрь

Иқтисодиёт ва молия вазирлиги,

Солиқ қўмитаси,

Транспорт вазирлиги,

Автомобиль йўллари қўмитаси, Давактив агентлиги

Ўзбекистон Республикаси Президентининг 2023 йил 24 мартдаги ПҚ-102-сон қарори билан тасдиқланган «Оммавий савдолар орқали тўлиқлигича сотиладиган корхоналарнинг акция пакетлари (улушлари) рўйхати»даги Автомобиль йўллари қўмитасининг корхона ва ташкилотларини ҳам инобатга олиш;

2023 йил октябрь

Автомобиль йўллари қўмитаси тизимидаги корхона ва ташкилотларнинг ундирилиши умидсиз бўлган қарздорликларини, жумладан ўзаро дебитор ва кредитор қарздорликларини ҳисобдан чиқариш.

2023 йил декабрь

54.

Оммавий ахборот воситалари ва ижтимоий тармоқларда фуқароларга автомобиль йўлларидан фойдаланиш маданияти ва ҳуқуқий асослари тўғрисида тарғибот-ташвиқот ишларини олиб бориш, жумладан тегишли видео-роликлар тайёрлаш.

Бунда, ушбу тадбирларни Автомобиль йўллари қўмитасини фаолиятини ривожлантириш ва қўллаб-қувватлаш жамғармаси маблағлари ҳисобидан молиялаштириш.

2023 — 2025 йиллар

Автомобиль йўллари қўмитаси, Иқтисодиёт ва молия вазирлиги

VIII. Малакали кадрларни тайёрлаш ва уларни қўллаб-қувватлаш

55.

Транспорт университети томонидан халқаро рейтингларда биринчи 1000 талик рўйхатга кирувчи хорижий университетлар, жумладан Германиянинг Ахен шаҳридаги Рейн-Вестфаль техника университети, Туркиянинг Истанбул техника университети, Хитой Халқ Республикасининг Сиань Цзяотун университети ва бошқа университетлар билан малакали кадрларни тайёрлаш йўналишида ҳамкорликни йўлга қўйиш.

2024 йилдан бошлаб

Транспорт вазирлиги,

Транспорт университети,

Автомобиль йўллари қўмитаси

56.

Йўл хўжалиги соҳасидаги маҳаллий мутахассисларга хорижий тилларни ўқитиш орқали уларнинг ривожланган хорижий давлатларнинг етакчи йўл қурилиш компанияларида амалиёт ўташларини ташкил этиш.

2023 йил ноябрдан бошлаб

Транспорт вазирлиги,

Автомобиль йўллари қўмитаси

57.

Ўзбекистон Республикаси Президенти ҳузуридаги Давлат хизматини ривожлантириш агентлиги билан ҳамкорликда ишларни ташкил этиш бўйича чора-тадбирлар дастурини ишлаб чиқиш, бунда:

соҳада фаолият юритаётган кадрлар учун Давлат бошқарув академиясида малака ошириш курсларини ташкил этиш, «Эл-юрт умиди» жамғармаси орқали мутахассисларни хорижий давлатларга магистратура ва докторантура йўналиши бўйича ўқишга юбориш;

«карьера модели» тизимини жорий этиш, «Эл-юрт умиди» жамғармаси стипендиатларини, Давлат бошқарув академияси битирувчиларини соҳага жалб этиш;

ривожланган давлатларнинг (Германия, Бирлашган Араб Амирликлари, Исроил, Жанубий Корея) йўл қурилиши соҳасида фаолият юритаётган компанияларида ўрта бўғин мутахассисларнинг амалиётини ташкил этиш.

2023 йил октябрь

Давлат хизматини ривожлантириш агентлиги,

Транспорт вазирлиги,

Автомобиль йўллари қўмитаси

58.

Йўл қурилиши соҳасидаги техникумларда ўрта бўғин мутахассисларини тайёрлаш, уларнинг йўл хўжалиги ташкилотларида амалиёт ўтишларини ташкил этиш.

2024 йилдан бошлаб

Транспорт вазирлиги,

Автомобиль йўллари қўмитаси