Soʻnggi yillarda yoshlarni qoʻllab-quvvatlash, ularning oʻz iqtidori va salohiyatini toʻliq namoyon etishlari uchun zarur shart-sharoitlar yaratish, bolalar huquqlari, erkinliklari va qonuniy manfaatlarini ishonchli himoya qilish asoslarini takomillashtirish, ijtimoiy soha va iqtisodiyot tarmoqlari uchun yuqori malakali kadrlar tayyorlash tizimini rivojlantirishga qaratilgan salmoqli ishlar amalga oshirilmoqda.

Shu bilan birga, yoshlarga oid davlat siyosati hamda bola huquqlarining kafolatlarini taʼminlash tizimini takomillashtirish, diplomatik va pedagog kadrlar tayyorlash, sohadagi oliy taʼlim muassasalari faoliyatini ilmiy-metodik jihatdan taʼminlash bilan bogʻliq masalalarni tartibga soluvchi qonunchilik hujjatlari normalarining amaldagi islohotlarga muvofiqligini taʼminlash zarurati mavjud.

Oʻzbekiston Respublikasining “Yoshlar bilan ishlash tizimi takomillashtirilishi munosabati bilan Oʻzbekiston Respublikasining ayrim qonun hujjatlariga qoʻshimchalar kiritish toʻgʻrisida”gi Qonuni, Oʻzbekiston Respublikasi Prezidentining 2021-yil 9-avgustdagi “Bola huquqlarining kafolatlarini taʼminlash tizimini yanada takomillashtirish chora-tadbirlari toʻgʻrisida”gi PF-6275-son Farmoni, 2022-yil 19-yanvardagi “Mahallalarda yoshlar bilan ishlash tizimini tubdan takomillashtirish chora-tadbirlari toʻgʻrisida”gi PQ-92-son, 2022-yil 20-yanvardagi “Zakovat” intellektual oʻyinini aholi oʻrtasida ommaviy-maʼrifiy harakatga aylantirish va boshqa intellektual oʻyinlarni rivojlantirishga oid chora-tadbirlar toʻgʻrisida”gi PQ-96-son, 2022-yil 21-iyundagi “Pedagogik taʼlim sifatini oshirish va pedagog kadrlar tayyorlovchi oliy taʼlim muassasalari faoliyatini yanada rivojlantirish chora-tadbirlari toʻgʻrisida”gi PQ-289-son hamda 2022-yil 23-iyuldagi “Jahon iqtisodiyoti va diplomatiya universiteti faoliyatini tizimli isloh qilish chora-tadbirlari toʻgʻrisida”gi PQ-330-son qarorlariga muvofiq:

1. Oʻzbekiston Respublikasi Prezidentining ayrim hujjatlariga 1-ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:

yoshlar bilan ishlashning yangicha yondashuv va mexanizmlari joriy etilishi, ularning intellektual rivojlanishga boʻlgan intilishlarini ragʻbatlantirish, shuningdek, bola huquqlarining kafolatlarini taʼminlash tizimining takomillashtirilishi munosabati bilan qonunchilik hujjatlarini soʻnggi oʻzgartirishlarga muvofiqlashtirish;

pedagog kadrlar tayyorlovchi oliy taʼlim muassasalarini tizimli rivojlantirish, mamlakatimizning ijtimoiy-iqtisodiy taraqqiyoti yoʻlida xizmat qiluvchi yuqori malakali mutaxassislar tayyorlash uchun professional pedagog kadrlar yetkazib berish tizimining rivojlantirilishi bilan bogʻliq boʻlgan qonunchilik hujjatlari qoidalarini takomillashtirish;

diplomatik kadrlar tayyorlash hamda mamlakatning tashqi iqtisodiy va tashqi siyosiy faoliyatini ilmiy-metodologik va axborot-tahliliy jihatdan taʼminlash tizimi takomillashtirilganligi, Jahon iqtisodiyoti va diplomatiya universiteti huzurida Diplomatik akademiya hamda Istiqbolli xalqaro tadqiqotlar instituti tashkil etilganligi munosabati bilan qonunchilik hujjatlarini tizimlashtirish.

2. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin.

3. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

1. Oʻzbekiston Respublikasi Prezidentining 2003-yil 9-dekabrdagi PF-3358-son Farmoni bilan tasdiqlangan Respublika davlat boshqaruvi organlari roʻyxatining III boʻlimi quyidagi mazmundagi 3-band bilan toʻldirilsin:

“3. Oʻzbekiston Respublikasi Yoshlar ishlari agentligi”.

2. Oʻzbekiston Respublikasi Prezidentining 2017-yil 5-iyuldagi “Yoshlarga oid davlat siyosati samaradorligini oshirish va Oʻzbekiston yoshlar ittifoqi faoliyatini qoʻllab-quvvatlash toʻgʻrisida”gi PF-5106-son Farmonining 13-bandida:

ikkinchi xatboshi chiqarib tashlansin;

uchinchi — yettinchi xatboshilar tegishlicha ikkinchi — oltinchi xatboshilar deb hisoblansin.

3. Oʻzbekiston Respublikasi Prezidentining 2019-yil 6-sentabrdagi “Professional taʼlim tizimini yanada takomillashtirishga doir qoʻshimcha chora-tadbirlar toʻgʻrisida”gi PF-5812-son Farmonida:

a) 3-ilovada:

38, 39-pozitsiyalarning “Metodik yordam koʻrsatuvchi oliy taʼlim muassasasi” ustunidagi “Jizzax davlat pedagogika instituti” soʻzlari “Jizzax davlat pedagogika universiteti” soʻzlari bilan almashtirilsin;

112, 113-pozitsiyalarning “Metodik yordam koʻrsatuvchi oliy taʼlim muassasasi” ustunidagi “Toshkent viloyati Chirchiq davlat pedagogika instituti” soʻzlari “Chirchiq davlat pedagogika universiteti” soʻzlari bilan almashtirilsin;

b) 5-ilovada:

9-pozitsiyaning “Bino va inshootlari beriladigan oliy taʼlim muassasalari nomi” ustunidagi “Toshkent davlat agrar universiteti Andijon filiali” soʻzlari “Andijon qishloq xoʻjaligi va agrotexnologiyalar instituti” soʻzlari bilan almashtirilsin;

13 va 15-pozitsiyalarning “Bino va inshootlari beriladigan oliy taʼlim muassasalari nomi” ustunidagi “Jizzax davlat pedagogika instituti” soʻzlari “Jizzax davlat pedagogika universiteti” soʻzlari bilan almashtirilsin;

24-pozitsiyaning “Bino va inshootlari beriladigan oliy taʼlim muassasalari nomi” ustunidagi “Toshkent davlat pedagogika universiteti Shahrisabz filiali” soʻzlari “Shahrisabz davlat pedagogika instituti” soʻzlari bilan almashtirilsin;

39-pozitsiyaning “Bino va inshootlari beriladigan oliy taʼlim muassasalari nomi” ustunidagi “Toshkent davlat texnika universiteti Termiz filiali” soʻzlari “Termiz muhandislik-texnologiya instituti” soʻzlari bilan almashtirilsin;

40-pozitsiyaning “Bino va inshootlari beriladigan oliy taʼlim muassasalari nomi” ustunidagi “Termiz davlat universiteti Denov filiali” soʻzlari “Samarqand davlat universiteti Denov tadbirkorlik va pedagogika instituti” soʻzlari bilan almashtirilsin;

55-pozitsiyaning “Bino va inshootlari beriladigan oliy taʼlim muassasalari nomi” ustunidagi “Toshkent tibbiyot akademiyasi Fargʻona filiali” soʻzlari “Fargʻona jamoat salomatligi tibbiyot instituti” soʻzlari bilan almashtirilsin;

v) 6-ilovada:

2-pozitsiyaning “Bino va inshootlari beriladigan oliy taʼlim muassasalari nomi” ustunidagi “Toshkent pediatriya tibbiyot instituti Nukus filiali markazi” soʻzlari “Qoraqalpogʻiston tibbiyot instituti” soʻzlari bilan almashtirilsin;

11-pozitsiyaning “Bino va inshootlari beriladigan oliy taʼlim muassasalari nomi” ustunidagi “Jizzax davlat pedagogika instituti” soʻzlari “Jizzax davlat pedagogika universiteti” soʻzlari bilan almashtirilsin;

36 va 37-pozitsiyalarning “Bino va inshootlari beriladigan oliy taʼlim muassasalari nomi” ustunidagi “Toshkent davlat pedagogika universiteti Shahrisabz filiali” soʻzlari “Shahrisabz davlat pedagogika instituti” soʻzlari bilan almashtirilsin;

70 va 73-pozitsiyalarning “Bino va inshootlari beriladigan oliy taʼlim muassasalari nomi” ustunidagi “Toshkent davlat pedagogika universiteti Termiz filiali” soʻzlari “Termiz davlat pedagogika instituti” soʻzlari bilan almashtirilsin;

78-pozitsiyaning “Bino va inshootlari beriladigan oliy taʼlim muassasalari nomi” ustunidagi “Toshkent davlat texnika universiteti Termiz filiali” soʻzlari “Termiz muhandislik-texnologiya instituti” soʻzlari bilan almashtirilsin.

4. Oʻzbekiston Respublikasi Prezidentining 2020-yil 30-iyundagi “Oʻzbekiston Respublikasida yoshlarga oid davlat siyosatini tubdan isloh qilish va yangi bosqichga olib chiqish chora-tadbirlari toʻgʻrisida”gi PF-6017-son Farmonining 2-bandi quyidagi tahrirda bayon qilinsin:

“2. Quyidagilar Agentlikning asosiy vazifa va faoliyat yoʻnalishlari etib belgilansin:

yoshlar bilan bogʻliq soha va yoʻnalishlarda yagona davlat siyosati, strategik yoʻnalishlar va davlat dasturlarini ishlab chiqish hamda amalga oshirish;

mamlakatimizda yoshlarni qoʻllab-quvvatlash, ularning huquq va qonuniy manfaatlarini himoya qilishga qaratilgan normativ-huquqiy hujjatlarni takomillashtirish yuzasidan takliflar tayyorlash;

yoshlarga oid davlat siyosati toʻgʻrisidagi qonunchilikka rioya etilishi ustidan nazoratni amalga oshirish;

yoshlarni Vatanga sadoqat, milliy va umuminsoniy qadriyatlarga hurmat ruhida tarbiyalash, ularning sogʻligʻiga zarar yetkazuvchi axborotdan himoya qilish, oʻsib kelayotgan yosh avlodni ilm-fan va innovatsiyalarga keng jalb etish, ularni “Milliy tiklanishdan — milliy yuksalish sari!” gʻoyasi atrofida birlashtirishga qaratilgan chora-tadbirlarni amalga oshirish;

yoshlarning huquq va erkinliklari, qonuniy manfaatlarini himoya qilish, yoshlar oʻrtasida huquqbuzarliklar va jinoyatchilik profilaktikasini, shu jumladan, huquqbuzarliklarning maxsus profilaktikasiga qaratilgan chora-tadbirlarni amalga oshirishda faol ishtirok etish;

yoshlarga oid davlat siyosatini amalga oshirish jarayonida nodavlat notijorat tashkilotlar va fuqarolik jamiyatining boshqa institutlari bilan samarali hamkorlik qilish;

yoshlarga oid dasturlar, loyihalar va ilmiy-tadqiqot ishlarini moliyalashtirish uchun ijtimoiy buyurtma shaklida ajratiladigan davlat grantlari va subsidiyalarni taqsimlash, ulardan maqsadli va samarali foydalanilishini taʼminlash;

ijtimoiy himoyaga muhtoj, yetim va ota-onasining qaramogʻidan mahrum boʻlgan yoshlarning ijtimoiy-huquqiy himoyasini tashkil etish, shuningdek, huquqbuzarliklardan jabrlanganlar, huquqbuzarliklar sodir etishga moyil boʻlgan, huquqbuzarlik sodir etgan, shu jumladan ilgari sudlangan va ozodlikdan mahrum etish joylaridan ozod qilingan yoshlarni ijtimoiy reabilitatsiya qilish va ijtimoiy moslashtirish boʻyicha chora-tadbirlarni amalga oshirishda ishtirok etish;

iqtidorli yoshlarni yetakchi xorijiy oliy taʼlim tashkilotlariga taʼlim olish uchun yuborish, xalqaro tanlovlarda ishtirok etishini taʼminlash, yosh avlodni madaniyat, sanʼat, jismoniy tarbiya va sportga keng jalb etish, ularning axborot texnologiyalari boʻyicha savodxonligini oshirish, yoshlar oʻrtasida kitobxonlikni targʻib qilish, xotin-qizlar bandligini taʼminlash vazifalarini qamrab olgan beshta muhim tashabbusni amalga oshirishga qaratilgan ishlarni muvofiqlashtirish;

yoshlarning intellektual rivojlanishga boʻlgan intilishlarini qoʻllab-quvvatlash va bu sohadagi ishlarni muvofiqlashtirib borish;

yoshlarni kichik biznes va xususiy tadbirkorlikka keng jalb etish, zamonaviy kasb-hunarlar, raqamli iqtisodiyot koʻnikmalarini puxta egallashlari uchun qoʻshimcha shart-sharoitlar yaratish, ularni ish bilan taʼminlash jarayonlariga koʻmaklashish;

yoshlarga oid yagona axborot siyosatini amalga oshirish masalalari boʻyicha davlat va nodavlat notijorat tashkilotlari bilan hamkorlik qilish;

yoshlar auditoriyasiga moʻljallangan media mahsulotlar yaratishga koʻmaklashish;

yoshlar siyosati sohasida xalqaro hamkorlikni rivojlantirish, yoshlar sohasidagi xalqaro reytinglarda mamlakatimiz mavqeyini oshirish boʻyicha zarur choralar koʻrish, xorijda taʼlim olayotgan yoshlar bilan olib borilayotgan ishlarni tizimli yoʻlga qoʻyish;

yoshlar faoliyati bilan bogʻliq sohalarga xorijiy investitsiyalar va ilgʻor texnologiyalarni jalb qilish boʻyicha manfaatdor vazirliklar va idoralar bilan birgalikda xalqaro moliya institutlari, donor mamlakatlar hamda xorijiy tashkilotlar bilan hamkorlikni rivojlantirish”.

5. Oʻzbekiston Respublikasi Prezidentining 2020-yil 6-noyabrdagi “Oʻzbekistonning yangi taraqqiyot davrida taʼlim-tarbiya va ilm-fan sohalarini rivojlantirish chora-tadbirlari toʻgʻrisida”gi PF-6108-son Farmonining 13-bandi “b” kichik bandida:

ikkinchi xatboshi chiqarib tashlansin;

uchinchi xatboshi ikkinchi xatboshi deb hisoblansin.

6. Oʻzbekiston Respublikasi Prezidentining 2020-yil 12-noyabrdagi “Birlamchi tibbiy-sanitariya yordami muassasalari faoliyatiga mutlaqo yangi mexanizmlarni joriy qilish va sogʻliqni saqlash tizimida olib borilayotgan islohotlar samaradorligini yanada oshirish chora-tadbirlari toʻgʻrisida”gi PF-6110-son Farmonining 5-bandi ikkinchi xatboshisidagi “Jizzax davlat pedagogika instituti” soʻzlari “Jizzax davlat pedagogika universiteti” soʻzlari bilan almashtirilsin.

7. Oʻzbekiston Respublikasi Prezidentining 2021-yil 25-martdagi “Keksalar va nogironligi boʻlgan shaxslarni ijtimoiy qoʻllab-quvvatlash, “Saxovat” va “Muruvvat” internat uylari tizimini yanada rivojlantirish toʻgʻrisida”gi PF-6195-son Farmoniga 3-ilovada:

a) “I. Nogironligi boʻlgan shaxslar va keksalar uchun “Saxovat” internat-uylari” boʻlimida:

2 va 4-pozitsiyalarning “Biriktirilgan taʼlim muassasalari” ustunidagi “Samarqand davlat tibbiyot instituti” soʻzlari “Samarqand davlat tibbiyot universiteti” soʻzlari bilan almashtirilsin;

5-pozitsiyaning “Biriktirilgan taʼlim muassasalari” ustunidagi “Toshkent viloyati Chirchiq davlat pedagogika instituti” soʻzlari “Chirchiq davlat pedagogika universiteti” soʻzlari bilan almashtirilsin;

b) “II. Nogironligi boʻlgan shaxslar uchun “Muruvvat” internat uylari” boʻlimida:

7-pozitsiyaning “Biriktirilgan taʼlim muassasalari” ustunidagi “Jizzax davlat pedagogika instituti” soʻzlari “Jizzax davlat pedagogika universiteti” soʻzlari bilan almashtirilsin;

8-pozitsiyaning “Biriktirilgan taʼlim muassasalari” ustunidagi “Qarshi davlat universitetining Pedagogika instituti” soʻzlari “Shahrisabz davlat pedagogika instituti” soʻzlari bilan almashtirilsin;

8, 11 va 12-pozitsiyalarning “Biriktirilgan taʼlim muassasalari” ustunidagi “Samarqand davlat tibbiyot instituti” soʻzlari “Samarqand davlat tibbiyot universiteti” soʻzlari bilan almashtirilsin;

17-pozitsiyaning “Biriktirilgan taʼlim muassasalari” ustunidagi “Toshkent viloyati Chirchiq davlat pedagogika instituti” soʻzlari “Chirchiq davlat pedagogika universiteti” soʻzlari bilan almashtirilsin;

v) “III. Nogironligi boʻlgan bolalar uchun “Muruvvat” internat-uylari” boʻlimida:

3-pozitsiyaning “Biriktirilgan taʼlim muassasalari” ustunidagi “Samarqand davlat tibbiyot instituti” soʻzlari “Samarqand davlat tibbiyot universiteti” soʻzlari bilan almashtirilsin;

4-pozitsiyaning “Biriktirilgan taʼlim muassasalari” ustunidagi “Termiz davlat universitetining Pedagogika instituti” soʻzlari “Termiz davlat pedagogika instituti” soʻzlari bilan almashtirilsin.

8. Oʻzbekiston Respublikasi Prezidentining 2022-yil 14-apreldagi “Prezident taʼlim muassasalari agentligi tizimidagi ixtisoslashtirilgan maktablar tarmogʻini kengaytirish toʻgʻrisida”gi PF-106-son Farmoniga 2-ilovaning 40-pozitsiyasi “Negizida ixtisoslashtirilgan maktablar tashkil etiladigan taʼlim muassasalari nomi” ustunidagi “Jizzax davlat pedagogika instituti” soʻzlari “Jizzax davlat pedagogika universiteti” soʻzlari bilan almashtirilsin.

9. Oʻzbekiston Respublikasi Prezidentining 2012-yil 28-maydagi “Malakali pedagog kadrlar tayyorlash hamda oʻrta maxsus, kasb-hunar taʼlimi muassasalarini shunday kadrlar bilan taʼminlash tizimini yanada takomillashtirishga oid chora-tadbirlar toʻgʻrisida”gi PQ-1761-son qaroriga 2-ilovaning rus tilidagi matni 4, 22-pozitsiyalari “Visshiye obrazovatelnie uchrejdeniya” ustunidagi “institut” soʻzi “universitet” soʻzi bilan almashtirilsin.

10. Oʻzbekiston Respublikasi Prezidentining 2016-yil 22-dekabrdagi PQ-2691-son qarori bilan tasdiqlangan Viloyat hokimliklari boshqaruv apparatining namunaviy tuzilmasida “Voyaga yetmaganlar ishlari boʻyicha hududiy idoralararo komissiya kotibi 1” bloki “Bolalarni himoya qilish masalalari kotibiyati 2” bloki bilan almashtirilsin.

11. Oʻzbekiston Respublikasi Prezidentining 2017-yil 14-martdagi “Huquqbuzarliklar profilaktikasi va jinoyatchilikka qarshi kurashish tizimini yanada takomillashtirish chora-tadbirlari toʻgʻrisida”gi PQ-2833-son qarorida:

a) 3-bandda:

uchinchi xatboshi chiqarib tashlansin;

toʻrtinchi xatboshi uchinchi xatboshi deb hisoblansin;

b) 4-band quyidagi tahrirda bayon qilinsin:

“4. Oʻzbekiston Respublikasi Bosh prokuraturasi Huquqbuzarliklar profilaktikasi va jinoyatchilikka qarshi kurashish boʻyicha respublika idoralararo komissiyasining yagona muvofiqlashtiruvchi organi etib belgilansin”.

v) 6-bandda:

uchinchi xatboshi chiqarib tashlansin;

toʻrtinchi — oltinchi xatboshilar tegishincha uchinchi — beshinchi xatboshilar deb hisoblansin;

g) 3 va 4-ilovalar oʻz kuchini yoʻqotgan deb hisoblansin.

12. Oʻzbekiston Respublikasi Prezidentining 2017-yil 20-iyuldagi PQ-3142-son qarori bilan tasdiqlangan Toshkent viloyati hokimligi boshqaruv apparatining tuzilmasida “Voyaga yetmaganlar ishlari boʻyicha idoralararo hududiy komissiya kotibi 1” bloki “Bolalarni himoya qilish masalalari kotibiyati 2” bloki bilan almashtirilsin.

13. Oʻzbekiston Respublikasi Prezidentining 2017-yil 27-iyuldagi “Oliy maʼlumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari toʻgʻrisida”gi PQ-3151-son qarorining 11-bandida:

sakkizinchi xatboshi chiqarib tashlansin;

toʻqqizinchi xatboshi sakkizinchi xatboshi deb hisoblansin;

sakkizinchi xatboshidagi “oliy taʼlim muassasasining maʼnaviy-maʼrifiy ishlar boʻyicha prorektori” soʻzlari “oliy taʼlim muassasasining yoshlar masalalari va maʼnaviy-maʼrifiy ishlar boʻyicha birinchi prorektori” soʻzlari bilan almashtirilsin.

14. Oʻzbekiston Respublikasi Prezidentining 2017-yil 27-iyuldagi “Toshkent viloyati Chirchiq davlat pedagogika institutini tashkil etish toʻgʻrisida”gi PQ-3152-son qarorida:

a) 1-banddagi “Xalq taʼlimi vazirligi tarkibida Toshkent viloyati Chirchiq davlat pedagogika instituti” soʻzlari “Oliy va oʻrta maxsus taʼlim vazirligi tarkibida Chirchiq davlat pedagogika universiteti (keyingi oʻrinlarda — Universitet)” soʻzlari bilan almashtirilsin;

b) 2-bandning birinchi xatboshisi, 9, 12, 13, 15 va 16-bandlarda tegishli kelishikdagi “Toshkent viloyati Chirchiq davlat pedagogika instituti” soʻzlari tegishli kelishikdagi “Universitet” soʻzi bilan almashtirilsin;

v) 2-bandning oltinchi xatboshisi va 8-banddagi “Institut” soʻzi “Universitet” soʻzi bilan almashtirilsin;

g) 5-bandning birinchi xatboshisidagi:

“Oʻzbekiston Respublikasi Toshkent viloyati Chirchiq davlat pedagogika institutida” soʻzlari “Universitetda” soʻzi bilan;

“Xalq taʼlimi vazirligi” soʻzlari “Oliy va oʻrta maxsus taʼlim vazirligi” soʻzlari bilan almashtirilsin;

d) 9-bandning ikkinchi xatboshisi chiqarib tashlansin.

15. Oʻzbekiston Respublikasi Prezidentining 2017-yil 26-sentabrdagi “Oliy taʼlim muassasalariga kirish uchun nomzodlarni maqsadli tayyorlash tizimini yanada takomillashtirish toʻgʻrisida”gi PQ-3290-son qaroriga 2-ilovada:

34-pozitsiyaning “Oliy taʼlim muassasasi nomi” ustunidagi “Jizzax davlat pedagogika instituti” soʻzlari “Jizzax davlat pedagogika universiteti” soʻzlari bilan almashtirilsin;

36-pozitsiyaning “Oliy taʼlim muassasasi nomi” ustunidagi “Chirchiq davlat pedagogika instituti” soʻzlari “Chirchiq davlat pedagogika universiteti” soʻzlari bilan almashtirilsin;

48-pozitsiyaning “Oliy taʼlim muassasasi nomi” ustunidagi “Toshkent davlat agrar universitetining Andijon filiali” soʻzlari “Andijon qishloq xoʻjaligi va agrotexnologiyalar instituti” soʻzlari bilan almashtirilsin.

16. Oʻzbekiston Respublikasi Prezidentining 2018-yil 5-apreldagi “Oʻzbekiston Respublikasi Tashqi ishlar vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi PQ-3654-son qarorining 6-bandida:

uchinchi xatboshi chiqarib tashlansin;

toʻrtinchi va beshinchi xatboshilar tegishincha uchinchi va toʻrtinchi xatboshilar deb hisoblansin.

17. Oʻzbekiston Respublikasi Prezidentining 2018-yil 21-iyundagi “Jahon iqtisodiyoti va diplomatiya universiteti faoliyatini tubdan takomillashtirish chora-tadbirlari toʻgʻrisida”gi PQ-3795-son qarorida:

a) 7-bandning yettinchi xatboshisidagi “Oliy maktabning” soʻzlari “Diplomatik akademiyaning” soʻzlari bilan almashtirilsin;

b) 9-band quyidagi tahrirda bayon etilsin:

“9. Belgilab qoʻyilsinki:

Oʻzbekiston Respublikasi Davlat budjeti mablagʻlari, shartnoma asosida xizmatlar koʻrsatish tushumlari, ilmiy-texnik dasturlarga ajratilgan grantlar, shuningdek, qonunchilik hujjatlarida taqiqlanmagan boshqa manbalar Jahon iqtisodiyoti va diplomatiya universiteti huzuridagi Istiqbolli xalqaro tadqiqotlar instituti (keyingi oʻrinlarda — institut) faoliyatini moliyalashtirish manbalari hisoblanadi;

institutga ilmiy xodimlar sifatida, jumladan oʻrindoshlik asosida ishga jalb qilish ilmiy va amaliy koʻnikmaga ega, yuqori malakali mutaxassislar orasidan oʻtkaziladigan tanlov asosida amalga oshiriladi;

institut olib boradigan tadqiqot ishlarini muvofiqlashtirish mamlakatning tashqi siyosiy va tashqi iqtisodiy faoliyatining asosiy vazifalarini hisobga olgan holda Tashqi ishlar vazirligi tomonidan amalga oshiriladi”;

v) 10-bandning “a” kichik bandi birinchi xatboshisi, “b” va “v” kichik bandlari, 11-bandning uchinchi xatboshisi, 12-bandning uchinchi va toʻrtinchi xatboshilari, 13-bandning birinchi xatboshisi va 14-banddagi tegishli kelishikdagi “Oliy maktab” soʻzlari tegishli kelishikdagi “Diplomatik akademiya” soʻzlari bilan almashtirilsin.

18. Oʻzbekiston Respublikasi Prezidentining 2019-yil 11-fevraldagi PQ-4171-son qarori bilan tasdiqlangan “Rossiya Federatsiyasi Tashqi ishlar vazirligining Moskva davlat xalqaro munosabatlar instituti (universiteti)” Federal davlat avtonom oliy taʼlim muassasasining Toshkent shahridagi filiali Akademik maslahat kengashining tarkibidagi “Xalqaro iqtisodiy va siyosiy tadqiqotlar markazi rahbari” soʻzlari “Istiqbolli xalqaro tadqiqotlar instituti direktori” soʻzlari bilan almashtirilsin.

19. Oʻzbekiston Respublikasi Prezidentining 2019-yil 29-maydagi “Ixtisoslashtirilgan oʻquv-tarbiya muassasalari faoliyatini tubdan takomillashtirish toʻgʻrisida”gi PQ-4342-son qarorida:

a) 4-bandning “b” kichik bandi uchinchi xatboshisidagi “voyaga yetmaganlar ishlari boʻyicha idoralararo komissiyaga” hamda “d” kichik bandning birinchi va ikkinchi xatboshilari, “e” kichik bandning ikkinchi va uchinchi xatboshilari, “j” kichik banddagi tegishli kelishikdagi “voyaga yetmaganlar ishlari boʻyicha hududiy idoralararo komissiya” soʻzlari tegishli kelishikdagi “Bolalar masalalari boʻyicha tuman (shahar) komissiyasi” soʻzlari bilan almashtirilsin;

b) 6-bandda:

birinchi xatboshidagi “Voyaga yetmaganlar ishlari boʻyicha respublika idoralararo komissiyasi” soʻzlari “Bolalar masalalari boʻyicha milliy komissiya” soʻzlari bilan almashtirilsin;

“b” kichik banddagi “voyaga yetmaganlar ishlari boʻyicha hududiy idoralararo komissiyalar” soʻzlari “bolalar masalalari boʻyicha tuman (shahar) komissiyalari” soʻzlari bilan almashtirilsin;

v) 10-banddagi “Voyaga yetmaganlar ishlari boʻyicha hududiy idoralararo komissiyalar” soʻzlari “Bolalar masalalari boʻyicha tuman (shahar) komissiyalari” soʻzlari bilan almashtirilsin;

g) 11-banddagi “voyaga yetmaganlar ishlari boʻyicha hududiy idoralararo komissiyalar” soʻzlari “Bolalar masalalari boʻyicha tuman (shahar) komissiyalari” soʻzlari bilan almashtirilsin;

d) 12-bandning ikkinchi xatboshisidagi “voyaga yetmaganlar ishlari boʻyicha hududiy idoralararo komissiyalar” soʻzlari “bolalar masalalari boʻyicha tuman (shahar) komissiyalari” soʻzlari bilan almashtirilsin.

20. Oʻzbekiston Respublikasi Prezidentining 2019-yil 11-iyuldagi PQ-4391-son qarori bilan tasdiqlangan Oʻzbekiston Respublikasi Oliy va oʻrta maxsus taʼlim vazirligi tashkiliy tuzilmasining “Davlat oliy taʼlim muassasalari” bloki quyidagi tahrirda bayon etilsin:

“1. Andijon davlat pedagogika instituti

2. Andijon davlat universiteti

3. Andijon davlat chet tillari instituti

4. Andijon iqtisodiyot va qurilish instituti

5. Andijon mashinasozlik instituti

6. Buxoro davlat pedagogika instituti

7. Buxoro davlat universiteti

8. Buxoro muhandislik-texnologiya instituti

9. Guliston davlat universiteti

10. Guliston davlat pedagogika instituti

11. Jizzax davlat pedagogika universiteti

12. Jizzax politexnika instituti

13. Qarshi davlat universiteti

14. Qarshi muhandislik-iqtisodiyot instituti

15. Qoraqalpoq davlat universiteti

16. Qoʻqon davlat pedagogika instituti

17. Navoiy davlat pedagogika instituti

18. Navoiy davlat konchilik va texnologiyalar universiteti

19. Navoiy davlat konchilik va texnologiyalar universiteti huzuridagi Nukus konchilik instituti

20. Namangan davlat universiteti

21. Namangan davlat pedagogika instituti

22. Namangan davlat chet tillari instituti

23. Namangan muhandislik-qurilish instituti

24. Namangan muhandislik-texnologiya instituti

25. Namangan toʻqimachilik sanoati instituti

26. Nukus davlat pedagogika instituti

27. Samarqand davlat universiteti

28. Samarqand davlat arxitektura-qurilish universiteti

29. Samarqand davlat universitetining Denov tadbirkorlik va pedagogika instituti

30. Samarqand davlat universitetining Kattaqoʻrgʻon filiali

31. Samarqand davlat chet tillar instituti

32. Samarqand iqtisodiyot va servis instituti

33. Termiz davlat pedagogika instituti

34. Termiz davlat universiteti

35. Termiz muhandislik-texnologiya instituti

36. Toshkent arxitektura-qurilish universiteti

37. Toshkent davlat iqtisodiyot universiteti

38. Toshkent davlat iqtisodiyot universiteti Samarqand filiali

39. Toshkent davlat texnika universiteti

40. Toshkent davlat texnika universiteti Qoʻqon filiali

41. Toshkent davlat texnika universiteti Olmaliq filiali

42. Toshkent davlat oʻzbek tili va adabiyoti universiteti

43. Toshkent davlat sharqshunoslik universiteti

44. “Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universiteti

45. “Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universiteti huzuridagi Buxoro tabiiy resurslarni boshqarish instituti

46. “Toshkent irrigatsiya va qishloq xoʻjaligini mexanizatsiyalash muhandislari instituti” milliy tadqiqot universiteti huzuridagi Qarshi irrigatsiya va agrotexnologiyalar instituti

47. Toshkent kimyo-texnologiya instituti

48. Toshkent kimyo-texnologiya instituti Shahrisabz filiali

49. Toshkent kimyo-texnologiya instituti Yangiyer filiali

50. Toshkent moliya instituti

51. Toshkent toʻqimachilik va yengil sanoat instituti

52. Oʻzbekiston Milliy universiteti

53. Oʻzbekiston Milliy universiteti Jizzax filiali

54. Oʻzbekiston davlat jahon tillari universiteti

55. Oʻzbekiston jurnalistika va ommaviy kommunikatsiyalar universiteti

56. Oʻzbekiston-Finlyandiya pedagogika instituti

57. Urganch davlat universiteti

58. Urganch davlat pedagogika instituti

59. Fargʻona davlat universiteti

60. Fargʻona politexnika instituti

61. Chirchiq davlat pedagogika universiteti

62. Shahrisabz davlat pedagogika instituti”.

21. Oʻzbekiston Respublikasi Prezidentining 2020-yil 12-avgustdagi “Kimyo va biologiya yoʻnalishlarida uzluksiz taʼlim sifatini va ilm-fan natijadorligini oshirish chora-tadbirlari toʻgʻrisida”gi PQ-4805-son qarorida:

a) 1-ilovada:

“Jizzax viloyati” boʻlimi “Oliy taʼlim muassasalari kafedralari” ustunidagi “Jizzax davlat pedagogika instituti” soʻzlari “Jizzax davlat pedagogika universiteti” soʻzlari bilan almashtirilsin;

“Toshkent viloyati” boʻlimi “Oliy taʼlim muassasalari kafedralari” ustunidagi “Toshkent viloyati Chirchiq davlat pedagogika instituti” soʻzlari “Chirchiq davlat pedagogika universiteti” soʻzlari bilan almashtirilsin;

b) 4-ilovaning 61, 71-pozitsiyalari “Kimyo va biologiya yoʻnalishlariga ixtisoslashgan oliy taʼlim muassasalari kafedralari” ustunidagi “Jizzax davlat pedagogika instituti” soʻzlari “Jizzax davlat pedagogika universiteti” soʻzlari bilan almashtirilsin.

22. Oʻzbekiston Respublikasi Prezidentining 2021-yil 17-fevraldagi PQ-4995-son qarori bilan tasdiqlangan Surxondaryo viloyati Uzun tumani hokimligi boshqaruv apparatining namunaviy tuzilmasidagi “Voyaga yetmaganlar ishlari boʻyicha idoralararo tuman komissiyasi kotibi 1” bloki “Bolalarni himoya qilish masalalari shuʼbasi 2” bloki bilan almashtirilsin.

23. Oʻzbekiston Respublikasi Prezidentining 2021-yil 17-fevraldagi “Sunʼiy intellekt texnologiyalarini jadal joriy etish uchun shart-sharoitlar yaratish chora-tadbirlari toʻgʻrisida”gi PQ-4996-son qaroriga 5-ilovaning 4-pozitsiyasi “Tashkilot nomi” ustunidagi “Alisher Navoiy” soʻzlari “Sharof Rashidov” soʻzlari bilan almashtirilsin.

24. Oʻzbekiston Respublikasi Prezidentining 2021-yil 19-martdagi “Fizika sohasidagi taʼlim sifatini oshirish va ilmiy tadqiqotlarni rivojlantirish chora-tadbirlari toʻgʻrisida”gi PQ-5032-son qarorida:

a) 6-ilova 1-pozitsiyasining “Ilmiy-oʻquv markazlardan foydalanadigan oliy taʼlim muassasalari nomi” ustunidagi “Jizzax davlat pedagogika instituti” soʻzlari “Jizzax davlat pedagogika universiteti” soʻzlari bilan almashtirilsin;

b) 7-ilovada:

5-pozitsiyaning “Oliy taʼlim muassasalari nomi” ustunidagi “Jizzax davlat pedagogika instituti” soʻzlari “Jizzax davlat pedagogika universiteti” soʻzlari bilan almashtirilsin;

15-pozitsiyaning “Oliy taʼlim muassasalari nomi” ustunidagi “Toshkent viloyati Chirchiq davlat pedagogika instituti” soʻzlari “Chirchiq davlat pedagogika universiteti” soʻzlari bilan almashtirilsin.

25. Oʻzbekiston Respublikasi Prezidentining 2021-yil 26-martdagi “Maʼnaviy-maʼrifiy ishlar tizimini tubdan takomillashtirish chora-tadbirlari toʻgʻrisida”gi PQ-5040-son qarorining 7-bandida:

birinchi xatboshi chiqarib tashlansin;

ikkinchi — toʻrtinchi xatboshilar tegishlicha birinchi — uchinchi xatboshilar deb hisoblansin;

uchinchi xatboshidagi “prorektor (direktor oʻrinbosari)” soʻzlari “birinchi prorektor (direktorning birinchi oʻrinbosari)” soʻzlari bilan almashtirilsin.

26. Oʻzbekiston Respublikasi Prezidentining 2021-yil 29-iyundagi PQ-5168-son qarori bilan tasdiqlangan Yuridik xizmat koʻrsatish markazlari tomonidan yuridik xizmat koʻrsatiladigan davlat organlarining tuman (shahar) boʻlinmalari va davlat tashkilotlarining roʻyxati quyidagi mazmundagi 20-pozitsiya bilan toʻldirilsin:

“20. Yoshlar ishlari agentligi boʻlimi”.

27. Oʻzbekiston Respublikasi Prezidentining 2021-yil 28-avgustdagi “Jizzax shahrida Qozon Federal universiteti filiali faoliyatini tashkil etish chora-tadbirlari toʻgʻrisida”gi PQ-5237-son qarorining nomi, muqaddimasi hamda 1 va 2-bandlaridagi tegishli kelishikdagi “Qozon Federal universiteti” soʻzlari tegishli kelishikdagi ““Qozon (Volgaboʻyi) federal universiteti” federal davlat avtonom oliy taʼlim muassasasi” soʻzlari bilan almashtirilsin.

28. Oʻzbekiston Respublikasi Prezidentining 2021-yil 31-avgustdagi “Oliy, oʻrta maxsus va professional taʼlim muassasalari oʻrtasida taʼlim jarayoni hamda tarmoq tashkilotlari bilan ishlab chiqarish amaliyoti uzviyligini kuchaytirish chora-tadbirlari toʻgʻrisida”gi PQ-5241-son qaroriga 2-ilovada:

50 va 54-pozitsiyalar “Oliy taʼlim muassasalari” ustunidagi “Jizzax davlat pedagogika instituti” soʻzlari “Jizzax davlat pedagogika universiteti” soʻzlari bilan almashtirilsin;

156, 157 va 163-pozitsiyalar “Oliy taʼlim muassasalari” ustunidagi “Chirchiq davlat pedagogika instituti” soʻzlari “Chirchiq davlat pedagogika universiteti” soʻzlari bilan almashtirilsin.

29. Oʻzbekiston Respublikasi Prezidentining 2022-yil 22-yanvardagi “2022 — 2024-yillarda Oʻzbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari toʻgʻrisida”gi PQ-98-son qaroriga 19-ilovada:

8-pozitsiyaning “Oliy taʼlim muassasalari” ustunidagi “Buxoro Davlat Universitetining Pedagogika instituti” soʻzlari “Buxoro davlat pedagogika instituti” soʻzlari bilan almashtirilsin;

11-pozitsiyaning “Oliy taʼlim muassasalari” ustunidagi “Termiz Davlat Universitetining Pedagogika instituti” soʻzlari “Termiz davlat pedagogika instituti” soʻzlari bilan almashtirilsin.

30. Oʻzbekiston Respublikasi Prezidentining 2022-yil 18-martdagi “Yuridik xizmat koʻrsatish markazlari faoliyatini yanada kengaytirish boʻyicha qoʻshimcha chora-tadbirlari toʻgʻrisida”gi PQ-173-son qarorining 2-bandida:

a) quyidagi mazmundagi yettinchi xatboshi bilan toʻldirilsin:

“Yoshlar ishlari agentligi boʻlimi”;

b) yettinchi — oʻn birinchi xatboshilar tegishlicha sakkizinchi — oʻn ikkinchi xatboshilar deb hisoblansin.

1. Oʻzbekiston Respublikasi Prezidentining 2017-yil 9-oktabrdagi “Oʻzbekiston Respublikasi Prezidentining ayrim hujjatlariga oʻzgartish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi PF-5200-son Farmoniga 1-ilovaning 6-bandi.

2. Oʻzbekiston Respublikasi Prezidentining 2017-yil 30-noyabrdagi “Oʻzbekiston Respublikasi Prezidentining ayrim hujjatlariga oʻzgartirishlar kiritish toʻgʻrisida”gi PF-5269-son Farmoniga ilovaning 6-bandi.

3. Oʻzbekiston Respublikasi Prezidentining 2017-yil 27-iyuldagi “Toshkent viloyati Chirchiq davlat pedagogika institutini tashkil etish toʻgʻrisida”gi PQ-3152-son qarorining 3, 6-7, 10-11 va 14-bandlari hamda qarorga 2-ilova.

4. Oʻzbekiston Respublikasi Prezidentining 2018-yil 21-iyundagi “Jahon iqtisodiyoti va diplomatiya universiteti faoliyatini tubdan takomillashtirish chora-tadbirlari toʻgʻrisida”gi PQ-3795-son qarorining 3 va 4-bandlari hamda qarorga 1 va 2-ilovalar.