T/r | Chora-tadbir nomi | Ijro muddati | Moliyalashtirish manbalari | Mas’ul ijrochilar |
I. “Bahor” davlat raqs ansambli faoliyatiga oid normativ-huquqiy bazani takomillashtirish | ||||
“Bahor” davlat raqs ansamblining ustavini ishlab chiqish va tasdiqlash. | 2020-yil 15-fevral | — | Madaniyat vazirligi (O. Nazarbekov) | |
“Bahor” davlat raqs ansamblining shtat jadvalini ishlab chiqish va tasdiqlash. | 2020-yil 15-fevral | — | Madaniyat vazirligi (O. Nazarbekov), Bandlik va mehnat munosabatlari vazirligi (N. Xusanov), Moliya vazirligi (Sh. Sharaxmetov) | |
“Bahor” davlat raqs ansambli ijodiy xodimlarining malaka toifalari va lavozim yo‘riqnomalarini ishlab chiqish va tasdiqlash. | 2020-yil 20-fevral | — | Madaniyat vazirligi (O. Nazarbekov) | |
“Bahor” davlat raqs ansamblining Badiiy kengashi nizomini ishlab chiqish va tasdiqlash. | 2020-yil 20-fevral | — | Madaniyat vazirligi | |
II. “Bahor” davlat raqs ansamblining moddiy-texnik bazasini shakllantirish | ||||
Madaniyat vazirligining sobiq “Bahor” ansambliga tegishli bo‘lgan Yunusobod tumani, Markaz-5 mavzesi, 55-uy, 27-xonadonni xizmat uyi sifatida foydalanish uchun “Bahor” davlat raqs ansambliga operativ boshqaruv huquqi asosida bepul berish. | 2020-yil | — | Madaniyat vazirligi | |
Balet artistlari uchun sahna, mashg‘ulot liboslari, maxsus anjom va boshqa zarur vositalar xarid qilish. | 2020-yil | O‘zbekiston Respublikasi respublika budjeti, homiylik xayriyalari | Madaniyat vazirligi (O. Nazarbekov), Moliya vazirligi (Sh. Sharaxmetov), O‘zbekiston Kasaba uyushmalari federatsiyasi kengashi (K. Rafikov) | |
Konsert dasturlarini tashkil etish uchun kamida 20 ta raqs asariga mo‘ljallangan maxsus sahna liboslari, poyafzallar, taqinchoqlar, grimm va boshqalarni xarid qilish. | 2020-yil | O‘zbekiston Respublikasi respublika budjeti, homiylik xayriyalari | Madaniyat vazirligi (O. Nazarbekov), Moliya vazirligi (Sh. Sharaxmetov), O‘zbekiston Kasaba uyushmalari federatsiyasi kengashi (K. Rafikov) | |
Ovoz va chiroq uskunalari, katta hajmdagi LED monitorlar, mebel, kompyuter texnikasi va boshqa jihozlarni xarid qilish. | 2020-2021-yillar | O‘zbekiston Respublikasi respublika budjeti, homiylik xayriyalari | Madaniyat vazirligi (O. Nazarbekov), Moliya vazirligi (Sh. Sharaxmetov), O‘zbekiston Kasaba uyushmalari federatsiyasi kengashi (K. Rafikov) | |
III. “Bahor” davlat raqs ansambli faoliyatini takomillashtirish | ||||
Joylarda raqs san’atiga qiziquvchi yoshlar orasida ko‘rik tanlovlar o‘tkazish orqali iqtidorli ijrochilarni aniqlash va “Bahor” davlat raqs ansamblining ijodiy xodimlar zaxirasini shakllantirib borish. | doimiy | Ijrochilar mablag‘lari, homiylik xayriyalari | Madaniyat vazirligi (O. Nazarbekov), Qoraqalpog‘iston Respublikasi Vazirlar Kengashi, viloyatlar | |
Milliy raqs va xoreografiya san’ati faxriylarini jalb qilgan holda sobiq “Bahor” ansambli repertuaridan joy olgan raqs asarlarini tiklash va ular asosida ansamblning yangi repertuarini shakllantirish. | 2020-yil 1-mart | — | Madaniyat vazirligi | |
Respublikaning barcha hududlarida milliy raqs san’atidan aholini bahramand etish, o‘sib kelayotgan yoshlar orasida ushbu san’at turini keng targ‘ib qilish maqsadida har yili eng kamida bir marotaba “Bahor” davlat raqs ansamblining konsert dasturini tashkil etish. | 2020-yildan boshlab doimiy | Ijrochilar mablag‘lari, homiylik xayriyalari | Madaniyat vazirligi (O. Nazarbekov), Qoraqalpog‘iston Respublikasi Vazirlar Kengashi, viloyatlar | |
O‘zbek milliy raqs san’atining o‘ziga xos durdona asarlarini dunyo miqyosida keng targ‘ib etish maqsadida “Bahor” davlat raqs ansamblining xalqaro ko‘rik-tanlov, festivallarda ishtirokini ta’minlash va chet ellarda konsert dasturlarini tashkil qilish. | 2020-yil iyun | Madaniyat vazirligiga ushbu maqsadlar uchun ajratiladigan respublika budjeti mablag‘lari, Madaniyat va sa�’atni rivojlantirish jamg‘armasi mablag‘lari, homiylik xayriyalari | Madaniyat vazirligi (O. Nazarbekov), Moliya vazirligi (Sh. Sharaxmetov), Tashqi ishlar vazirligi (A. Kamilov)) | |
“Bahor” davlat raqs ansamblining ijodiy yutuqlarini ommaviy axborot vositalarida keng yoritish va targ‘ib qilish. | doimiy | — | O‘zbekiston Milliy teleradiokompaniyasi (A. Xadjayev), | |
IV. Xoreografiya sohasida kadrlar tayyorlash, qayta tayyorlash, malakasini oshirish, attestatsiyadan o‘tkazish, ularning faoliyatini baholash hamda rag‘batlantirish tizimini yanada takomillashtirish, ilmiy izlanishlarni chuqurlashtirish | ||||
“Bahor” davlat raqs ansambli va boshqa raqs jamoalarining malakali mutaxassis kadrlar bilan ta’minlanganlik holatini o‘rganish, shuningdek, istiqbolli ehtiyojdan kelib chiqib, tegishli oliy va o‘rta maxsus ta’lim muassasalarida kadrlar tayyorlash tizimini takomillashtirish yuzasidan chora-tadbirlar ishlab chiqish va tasdiqlash. | 2020-yil 1-mart | — | Madaniyat vazirligi | |
“Bahor” davlat raqs ansambli va boshqa raqs jamoalarining rahbar xodimlari va mutaxassislarining malakasini oshirishni tashkil etish. | doimiy | Ijrochilar mablag‘lari, budjetdan tashqari mablag‘lar, | Madaniyat vazirligi | |
Xoreografiya ta’limi yo‘nalishi bo‘yicha tahsil olayotgan talabalar uchun “Bahor” davlat raqs ansambli faxriylari bilan ijodiy uchrashuv va “mahorat darslari”ni tashkil etish. | doimiy | O‘zbekiston Respublikasi respublika budjeti | Madaniyat vazirligi |
O‘zbekiston Respublikasi Prezidentining qarori, 04.02.2020 yildagi PQ-4584-son
Кучга кириш санаси
05.02.2020
Рус
Ўзб
O’zb
O‘zb|Рус
Ko‘p asrlik boy va betakror madaniyatimizning ajralmas qismi bo‘lgan milliy raqs san’atining xalqimiz ma’naviyati, badiiy-estetik qarashlarini yuksaltirish, yosh avlodni milliy qadriyat va an’analarimizga hurmat, Vatanga muhabbat va sadoqat ruhida tarbiyalash borasidagi o‘rni va ahamiyati tobora ortib bormoqda.
Bu esa ushbu san’atni bugungi kunda jamiyatimiz hayotining barcha sohalarida ro‘y berayotgan tub o‘zgarishlarga mos holda rivojlantirish, milliy raqsning turli yo‘nalish va namunalarini, mamlakatimizning turli mintaqalarida shakllangan mumtoz raqs maktablarini qayta tiklash va kelajak avlodlarga bezavol yetkazish hamda bu boradagi ta’lim-tarbiya, targ‘ibot ishlarini kuchaytirishni taqozo etmoqda.
Ta’kidlash joizki, nafaqat mamlakatimizda, balki dunyo miqyosida ham mashhur bo‘lgan Mukarrama Turg‘unboyeva nomidagi “Bahor” ansambli o‘zining qariyb 30 yillik faoliyati davomida o‘zbek milliy raqs san’ati rivojida o‘chmas iz qoldirdi. Biroq, mustaqillikning dastlabki yillarida “Bahor” ansamblining ijodiy faoliyati to‘xtab qoldi.
Shularning barchasini hisobga olgan holda milliy raqs san’atida professional badiiy jamoalar faoliyatini kengaytirish, iqtidorli yoshlarni izlab topish va ularni tarbiyalash, baletmeystyerlar va balet artistlarining yangi avlodini shakllantiradigan ijodiy laboratoriyalarni tashkil etish, ularning malaka va tajribasini oshirish, shuningdek, o‘zbek raqs san’atining “oltin fondi”ni yaratish va boyitish, xalqaro nufuzini yanada oshirish va keng targ‘ib etish maqsadida:
1. O‘zbekiston Respublikasi Madaniyat vazirligi, O‘zbekiston kompozitorlari va bastakorlari uyushmasi, Respublika ma’naviyat va ma’rifat markazi, O‘zbekiston Kasaba uyushmalari federatsiyasi kengashining O‘zbekiston Respublikasi Madaniyat vazirligi huzurida davlat muassasasi shaklida “Mukarrama Turg‘unboyeva nomidagi “Bahor” davlat raqs ansambli” (keyingi o‘rinlarda — Davlat raqs ansambli) faoliyatini tashkil etish to‘g‘risidagi taklifi ma’qullansin.
O‘zbekistonda raqs san’atini yanada rivojlantirish, bu borada shakllangan ijodiy maktablarga xos an’analarni, mohir baletmeystyerlar, balet artistlari merosini tiklash;
xalqimiz, xususan, yosh avlodni milliy raqs san’ati haqidagi nazariy va amaliy bilimlar bilan keng tanishtirish orqali ularning qalbi va ongida milliy o‘zlikni anglash, ajdodlar merosiga hurmat tuyg‘usini, yuksak badiiy-estetik did va tafakkurni kamol toptirish;
raqs va xoreografiya san’ati sohasida kadrlar tayyorlash, qayta tayyorlash va malakasini oshirishni tashkil etishda ishtirok etish, iste’dodli yosh baletmeystyerlarning samarali faoliyat ko‘rsatishi uchun sharoitlar yaratish;
milliy raqs va xoreografiya san’ati sohasida olib borilayotgan ilmiy izlanishlarning natijalari asosida zamonaviy raqs kompozitsiyalarini sahnalashtirish;
milliy raqs san’atini mamlakatimizda va xorijiy davlatlarda keng targ‘ib qilish maqsadida Davlat raqs ansamblining milliy hamda jahon xalqlari raqslaridan iborat dasturlari asosidagi gastrol-konsert faoliyatini yo‘lga qo‘yish.
“Mukarrama Turg‘unboyeva nomidagi “Bahor” davlat raqs ansambli” davlat muassasasining tuzilmasi 1-ilovaga;
“Mukarrama Turg‘unboyeva nomidagi “Bahor” davlat raqs ansambli” davlat muassasasi faoliyatini tashkil etish chora-tadbirlari 2-ilovaga muvofiq tasdiqlansin.
Bunda, Davlat raqs ansambliga O‘zbekiston Respublikasi respublika budjetidan mablag‘lar uning o‘z daromadlari bilan qoplanmagan qismi uchun ajratiladi.
5. Davlat raqs ansambli artistlari hamda badiiy xodimlariga O‘zbekiston Respublikasi Prezidentining 1995-yil 20-oktabrdagi PF-1280-son “O‘zbekistonda teatr va musiqa san’atini yanada rivojlantirishni qo‘llab-quvvatlash va rag‘batlantirish chora-tadbirlari to‘g‘risida”gi Farmonining amal qilishi, artistlar hamda badiiy xodimlarning avvalgi ish joylarida uzoq muddat xizmat qilgani saqlab qolingan holda, tatbiq etilsin.
Davlat raqs ansamblini saqlash xarajatlari 2020-yilda O‘zbekiston Respublikasi Madaniyat vazirligiga O‘zbekiston Respublikasi respublika budjetidan ajratiladigan mablag‘lar hisobidan amalga oshiriladi, 2021-yildan boshlab esa — O‘zbekiston Respublikasi respublika budjeti doirasida nazarda tutiladi;
Davlat raqs ansambli qonun hujjatlari talablariga rioya qilgan holda, konsert-tomosha faoliyatini tegishli litsenziya olmasdan, shuningdek, O‘zbekiston Respublikasida konsert-tomosha tadbirlarini bir martalik ruxsatnoma olmasdan amalga oshirish huquqiga ega;
Davlat raqs ansamblining direktori va badiiy rahbari Vazirlar Mahkamasi bilan kelishilgan holda O‘zbekiston Respublikasi madaniyat vaziri tomonidan lavozimga tayinlanadi va lavozimidan ozod etiladi.
2020-yilda O‘zbekiston Respublikasi Madaniyat vazirligiga O‘zbekiston Respublikasi respublika budjetidan ajratiladigan mablag‘lar hisobidan 1 ta yengil avtotransport vositasi uchun mablag‘lar ajratilishi;
budjetdan tashqari mablag‘lar hisobidan 2 ta avtobus va 1 ta yuk avtotransport vositasini xarid qilish hamda saqlash uchun limit belgilansin.
8. O‘zbekiston Kasaba uyushmalari federatsiyasining Davlat raqs ansamblining moddiy-texnik bazasini mustahkamlash va ijodkorlari ijtimoiy sharoitini yaxshilash maqsadida doimiy ravishda homiylik yordami ko‘rsatishni nazarda tutuvchi “Do‘stlar klubi”ni tashkil etish bo‘yicha bergan taklifiga rozilik berilsin.
9. O‘zbekiston Milliy teleradiokompaniyasi o‘z tizimi uchun budjetdan ajratilgan yillik mablag‘lar doirasida doimiy ravishda Davlat raqs ansambliga “Toshkent radio eshittirish uyi”dagi ovoz yozish studiyalari va texnik vositalardan tekin foydalanish hamda Davlat raqs ansambli tomonidan ijro etiladigan raqslarga bastalangan musiqiy asarlarni yozib olish, efirga uzatish va targ‘ib qilishda amaliy yordam ko‘rsatsin.
10. O‘zbekiston Respublikasi Vazirlar Mahkamasi 10 kun muddatda Davlat raqs ansamblini joylashtirish uchun bino ajratish, binoni rekonstruksiya qilish va zarur vositalar bilan jihozlash yuzasidan Hukumat qarorini qabul qilsin.
11. O‘zbekiston Respublikasi Madaniyat vazirligi manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
O‘zbekiston Respublikasining Bosh vaziri A.N. Aripov — ushbu qaror ijrosini o‘z vaqtida, to‘liq va sifatli amalga oshirilishini ta’minlasin, belgilangan chora-tadbirlarni amalga oshirish yuzasidan mas’ul vazirlik, idora va tashkilotlar faoliyatini samarali tashkil qilsin hamda muvofiqlashtirsin, har chorakda ular rahbarlarining bajarilgan ishlar to‘g‘risidagi hisobotlarini qabul qilsin hamda aniqlangan kamchiliklarni bartaraf etish choralarini ko‘rsin;
O‘zbekiston Respublikasi madaniyat vaziri O.A. Nazarbekov — ushbu qaror va chora-tadbirlarni ijro etish yuzasidan barcha zarur choralar ko‘rilishini ta’minlasin, belgilangan vazifalarni o‘z vaqtida va sifatli amalga oshirishda mas’ul tashkilotlarga uslubiy va amaliy yordam ko‘rsatsin hamda uning ijrosi bo‘yicha har chorakda Vazirlar Mahkamasiga axborot kiritib borsin;
mas’ul vazirlik, idora va tashkilotlar rahbarlari — ushbu qaror va chora-tadbirlarda nazarda tutilgan tadbirlarni o‘z vaqtida, to‘liq va sifatli bajarish yuzasidan barcha choralarni amalga oshirsin;
O‘zbekiston Milliy axborot agentligi bosh direktori A.K. Ko‘chimov va O‘zbekiston Milliy teleradiokompaniyasi raisi v.b. A.D. Xadjayev — ushbu qarorning mazmun-mohiyati, ahamiyati va mamlakatimizda milliy raqs san’atini rivojlantirish borasida olib borilayotgan ishlarni muntazam yoritib borsin.