Tadbirlar nomi | Bajarish muddatlari | Moliyalashtirish manbalari | Mas’ul ijrochilar | |
I. Iqtidorli sportchi yoshlarni tanlash (seleksiyalash) va regbi bo‘yicha o‘quv-mashg‘ulot jarayonini sifatli tashkil qilish faoliyati samaradorligini oshirish | ||||
1. | Ta’lim va sport-ta’lim muassasalarida, shuningdek, idoraviy mansubligidan qat’i nazar, respublikaning boshqa tashkilotlarida regbi bo‘yicha bo‘limlar, seksiyalar, to‘garaklarni xatlovdan o‘tkazish. | 2019-yil dekabr | - | Jismoniy tarbiya va sport vazirligi (D. Nabiyev), O‘zbekiston regbi federatsiyasi (S. Safoyev) |
2. | Innovatsion ilmiy-uslubiy ishlanmalar va ilg‘or xalqaro tajribani hisobga olgan holda regbi-7 va regbi-15 bo‘yicha tayyorgarlik dasturlarini ishlab chiqish. | 2019-yil dekabr | - | Jismoniy tarbiya va sport vazirligi (D. Nabiyev), O‘zbekiston davlat jismoniy tarbiya va sport universiteti (M. Boltaboyev), O‘zbekiston regbi federatsiyasi (S. Safoyev) |
3. | Innovatsion ilmiy-uslubiy ishlanmalar va ilg‘or xalqaro tajribani hisobga olgan holda regbi bo‘yicha seleksionerlarni tayyorlash va ularning malakasini oshirish dasturini ishlab chiqish. | 2019-yil dekabr | - | Jismoniy tarbiya va sport vazirligi (D. Nabiyev), O‘zbekiston davlat jismoniy tarbiya va sport universiteti (M. Boltaboyev), O‘zbekiston regbi federatsiyasi (S. Safoyev) |
4. | Sport maktablarining regbi bo‘yicha bo‘limlarida o‘quv-mashg‘ulot jarayonining samarali tashkillashtirilishini monitoring qilish tizimini joriy etish. | 2019-yil dekabr | Ijrochilar mablag‘lari | Jismoniy tarbiya va sport vazirligi (D. Nabiyev), O‘zbekiston davlat jismoniy tarbiya va sport universiteti (M. Boltaboyev), O‘zbekiston regbi federatsiyasi (S. Safoyev) |
5. | Regbi bo‘yicha seleksionerlarni moddiy rag‘batlantirish va taqdirlash mexanizmlarini ishlab chiqish va joriy etish. | 2020-yil yanvar | O‘zbekiston regbi federatsiyasi mablag‘lari | O‘zbekiston regbi federatsiyasi (S. Safoyev) |
6. | Regbi bo‘yicha iqtidorli o‘smir sportchilarni saralash (seleksiyalash) maqsadida sport ta’lim muassasalari o‘quvchilari o‘rtasida tizimli asosda musobaqalarni tashkillashtirish. | Kalendar rejaga muvofiq | Mahalliy budjet, O‘zbekiston regbi federatsiyasi va homiylar mablag‘lari | Yoshlar siyosati va sport vazirligi (A. Ikramov), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, O‘zbekiston regbi federatsiyasi (S. Safoyev) |
7. | Bolalar va o‘smirlar sport maktablariga ishga qabul qilinayotgan regbi bo‘yicha trenerlar nomzodlarini O‘zbekiston regbi federatsiyasi bilan kelishish tartibini ishlab chiqish va joriy qilish. | 2020-yil yanvar | - | Jismoniy tarbiya va sport vazirligi (D. Nabiyev), O‘zbekiston regbi federatsiyasi (S. Safoyev) |
8. | Regbi bo‘yicha taniqli mahalliy hamda xorijiy sportchi va trenerlarni jalb qilgan holda, yosh sportchilar uchun festivallar, shuningdek, mahorat darslarini o‘tkazish. | Kalendar rejaga muvofiq | O‘zbekiston regbi federatsiyasi mablag‘lari | O‘zbekiston regbi federatsiyasi (S. Safoyev) |
9. | Iqtidorli regbichilarni saralash (seleksiyalash) maqsadida umumta’lim maktablari, kasb-hunar ta’limi muassasalari o‘quvchilari va oliy ta’lim muassasalari talabalari o‘rtasida regbi musobaqalarini tashkillashtirish. | Kalendar rejaga muvofiq | Mahalliy budjet va homiylar mablag‘lari | Xalq ta’limi vazirligi (Sh. Shermatov), Oliy va o‘rta maxsus ta’lim vazirligi (I. Majidov), O‘zbekiston regbi federatsiyasi (S. Safoyev), viloyatlar va Toshkent shahar hokimliklari |
10. | Regbi bo‘yicha saralash (seleksiya) ishlarini amalga oshirish maqsadida yoshlar, ayniqsa uning uyushmagan qismi o‘rtasida “Oltin oval” turnirini va boshqa musobaqalarni tizimli asosda o‘tkazish. | Kalendar rejaga muvofiq | Mahalliy budjet va homiylar mablag‘lari | O‘zbekiston Yoshlar ittifoqi (T. Poyonov), Yoshlar siyosati va sport vazirligi (A. Ikramov), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, O‘zbekiston regbi federatsiyasi (S. Safoyev) |
II. Regbini ommalashtirish, yoshlarni sport klublariga, seksiyalarga va to‘garaklarga faol jalb qilish, ularda keng shug‘ullanish imkoniyatlarini yaratish | ||||
11. | Mamlakatda regbining rivojlanishi, aholi turli qatlamlari, eng avvalo yoshlar o‘rtasida ushbu sport turiga bo‘lgan talab va takliflarning mutanosibligi monitoringini o‘tkazish. | 2019-yil noyabr | - | O‘zbekiston regbi federatsiyasi (S. Safoyev), Jismoniy tarbiya va sport vazirligi (D. Nabiyev) |
12. | Mamlakatda regbini ommalashtirish va targ‘ib qilish media rejasini ishlab chiqish, tasdiqlash va amalga oshirish. | 2019-yil noyabr | Ijrochilar mablag‘lari | O‘zbekiston regbi federatsiyasi (S. Safoyev), Milliy teleradiokompaniya (A. Xodjayev), Jismoniy tarbiya va sport vazirligi (D. Nabiyev) |
13. | Regbini rivojlantirayotgan tashkilotlar faoliyatini ommaviy axborot vositalarida keng yoritish, bosma nashrlar va internet-resurslarda maqolalar e’lon qilish, shuningdek, teleko‘rsatuvlar turkumini tayyorlash va videoroliklarni joylashtirish. | Doimiy | Ijrochilar mablag‘lari | Milliy teleradiokompaniya (A. Xodjayev), O‘zbekiston Milliy axborot agentligi (A. Ko‘chimov), Yoshlar siyosati va sport vazirligi (A. Ikramov), O‘zbekiston regbi federatsiyasi (S. Safoyev) |
14. | Regbi bo‘yicha musobaqalarni tashkil qilish va o‘tkazish hujjatlarini, shuningdek, regbi musobaqalari o‘tkaziladigan stadionga qo‘yiladigan talablarni takomillashtirish. | 2019-yil oktyabr | - | Jismoniy tarbiya va sport vazirligi (D. Nabiyev), O‘zbekiston regbi federatsiyasi (S. Safoyev) |
15. | Sport maktablari, umumta’lim maktablari, respublika olimpiya va paralimpiya sport turlariga tayyorlash markazlari qoshida qo‘shimcha seksiya va to‘garaklarni tashkil etish orqali bolalar va yoshlarni, mehribonlik uylari va maktab-internatlarning tarbiyalanuvchilarini, shuningdek, voyaga yetmaganlarni regbi bilan shug‘ullanishga jalb qilish bo‘yicha aniq maqsadga yo‘naltirilgan ishlarni tashkil qilish. | Doimiy | - | Maktabgacha va maktab ta’limi vazirligi (X. Umarova), Yoshlar siyosati va sport vazirligi (A. Ikramov), O‘zbekiston regbi federatsiyasi (S. Safoyev) |
16. | Mavjud sport salohiyati, sport zaxiralari, trenerlar tarkibi va moddiy-texnik bazadan kelib chiqqan holda respublikaning har bir hududida regbini rivojlantirish strategiyalarini ishlab chiqish va tasdiqlash. | 2019-yil oktyabr | - | O‘zbekiston regbi federatsiyasi (S. Safoyev), Jismoniy tarbiya va sport vazirligi (D. Nabiyev) |
17. | Yoshlar, talabalar, o‘quvchilar va aholining boshqa qatlamlarini regbi bilan shug‘ullanishga jalb qilish, ta’lim muassasalari, sport jamiyatlari, tashkilotlar, mahallalarda regbi to‘garaklari va seksiyalarini tashkil qilish, tuman, hududiy va respublika musobaqalarini o‘tkazish. | 2019 — 2022-yillar davomida | Ijrochilar mablag‘lari | Jismoniy tarbiya va sport vazirligi (D. Nabiyev), Xalq ta’limi vazirligi (Sh. Shermatov), Oliy va o‘rta maxsus ta’lim vazirligi (I. Majidov), Mudofaa vazirligi (B. Qurbonov), Ichki ishlar vazirligi (P. Bobojonov), Kasaba uyushmalari Federatsiyasi Kengashi (Q. Rafikov), “O‘zbekiston temir yo‘llari” AJ (X. Xosilov), O‘zbekiston regbi federatsiyasi (S. Safoyev) |
18. | “Yoshlik”, “Talaba”, “MHSK”, “Dinamo”, “Lokomotiv”, “Kasaba uyushmalari” va boshqa jismoniy tarbiya va sport jamiyatlarining regbi bo‘yicha klublarini tashkil etish. | 2020-yil fevral | Ijrochilar mablag‘lari | Xalq ta’limi vazirligi (Sh. Shermatov), Oliy va o‘rta maxsus ta’lim vazirligi (I. Majidov), Mudofaa vazirligi (B. Qurbonov), Ichki ishlar vazirligi (P. Bobojonov), Milliy gvardiya (B. Toshmatov), Davlat xavfsizlik xizmati (A. Azizov), Kasaba uyushmalari Federatsiyasi Kengashi (Q. Rafikov), “O‘zbekiston temir yo‘llari” AJ (X. Xosilov), O‘zbekiston regbi federatsiyasi (S. Safoyev), Jismoniy tarbiya va sport vazirligi (D. Nabiyev) |
III. Regbi bo‘yicha trenerlar, hakamlar va boshqa mutaxassislarni tayyorlash tizimini takomillashtirish | ||||
19. | O‘zbekiston Respublikasi Yoshlar siyosati va sport vazirligi huzuridagi Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti bazasida regbini rivojla�tirayotgan trenerlar, hakamlar va mutaxassislarni shartnoma asosida qayta tayyorlash va ularning malaka oshirishlarini tashkil qilish. | Doimiy | - | Yoshlar siyosati va sport vazirligi huzuridagi Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti, Yoshlar siyosati va sport vazirligi (A. Ikramov), O‘zbekiston regbi federatsiyasi (S. Safoyev) |
20. | Regbi bo‘yicha terma jamoalar va sport maktablari bo‘limlari uchun zaxira tarkibini samarali tayyorlashni ta’minlash maqsadida ilmiy-uslubiy qo‘llanmalarni ishlab chiqish. | 2020-yil yanvar | Ijrochilar mablag‘lari | Jismoniy tarbiya va sport vazirligi (D. Nabiyev), O‘zbekiston davlat jismoniy tarbiya va sport universiteti (M. Boltabayev), O‘zbekiston regbi federatsiyasi (S. Safoyev) |
21. | Regbi bo‘yicha malakali trener kadrlarni tayyorlash maqsadida trenerlik faoliyati bilan shug‘ullanish istagini bildirgan shaxslar uchun lokal trenerlik kurslarini o‘tkazish. | Hududiy regbi federatsiyalari talabnomalariga muvofiq | O‘zbekiston regbi federatsiyasi mablag‘lari | O‘zbekiston regbi federatsiyasi (S. Safoyev) |
22. | Regbini rivojlantirayotgan trenerlar, sportchilar va tashkilotlarning faoliyati samaradorligini baholash ko‘rsatkichlari tizimini ishlab chiqish va joriy qilish. | 2019-yil noyabr | - | Jismoniy tarbiya va sport vazirligi (D. Nabiyev), O‘zbekiston regbi federatsiyasi (S. Safoyev) |
23. | Taniqli mahalliy va xorijiy trenerlar hamda mutaxassislarni jalb qilgan holda, hududiy jamoalar trenerlari uchun respublika trenerlik kurslarini tashkil qilish va o‘tkazish. | Hududiy regbi federatsiyalari talabnomalariga muvofiq | O‘zbekiston regbi federatsiyasi mablag‘lari | O‘zbekiston regbi federatsiyasi (S. Safoyev) |
24. | Regbi bo‘yicha trener va hakamlarning xorijiy mamlakatlarda malakasini oshirishni (stajirovkasini) tashkil qilish. | Grafik-rejaga muvofiq | O‘zbekiston regbi federatsiyasi va homiylar mablag‘lari | O‘zbekiston regbi federatsiyasi (S. Safoyev), Jismoniy tarbiya va sport vazirligi (D. Nabiyev) |
25. | Taniqli mahalliy va xorijiy mutaxassislarni jalb qilgan holda, faoliyat yuritayotgan trener va hakamlar uchun malaka oshirish kurslarini o‘tkazish. | Grafik-rejaga muvofiq | O‘zbekiston regbi federatsiyasi va homiylar mablag‘lari | O‘zbekiston regbi federatsiyasi (S. Safoyev), Jismoniy tarbiya va sport vazirligi (D. Nabiyev) |
26. | O‘zbekiston Respublikasida regbi bo‘yicha hakamlarni tanlash mezonlarini ishlab chiqish va joriy qilish. | 2020-yil yanvar | - | O‘zbekiston regbi federatsiyasi (S. Safoyev), Jismoniy tarbiya va sport vazirligi (D. Nabiyev) |
27. | Yetakchi mahalliy va xorijiy mutaxassislarni jalb qilgan holda, regbichilar va boshqa mutaxassislarni tayyorlashning dolzarb masalalari bo‘yicha har yilgi ilmiy-uslubiy va ilmiy-amaliy konferensiyalarni o‘tkazish. | Grafik-rejaga muvofiq | O‘zbekiston regbi federatsiyasi va homiylar mablag‘lari | O‘zbekiston regbi federatsiyasi (S. Safoyev), Jismoniy tarbiya va sport vazirligi (D. Nabiyev) |
28. | O‘zbekiston regbi federatsiyasi vakillarining yetakchi xorijiy markazlarda stajirovkalarini tashkil qilish. | Grafik-rejaga muvofiq | O‘zbekiston regbi federatsiyasi va homiylar mablag‘lari | O‘zbekiston regbi federatsiyasi (S. Safoyev), Jismoniy tarbiya va sport vazirligi (D. Nabiyev) |
IV. Regbi bo‘yicha nufuzli xalqaro musobaqalarda ishtirok etish uchun O‘zbekiston milliy terma jamoasining sifatli va samarali tayyorgarligini ta’minlash | ||||
29. | Istiqbolli o‘yinchilarni jalb qilgan holda re�bi bo‘yicha O‘zbekiston milliy terma jamoasining yangilangan tarkibini shakllantirish va tasdiqlash. | 2020-yil fevral | - | O‘zbekiston regbi federatsiyasi (S. Safoyev), Jismoniy tarbiya va sport vazirligi (D. Nabiyev), Milliy olimpiya qo‘mitasi (R. Shaabduraxmanov) |
30. | 2024 va 2028-yillarda o‘tkaziladigan yozgi Olimpiya o‘yinlariga tayyorgarlik doirasida O‘zbekiston regbi sportchilarini xalqaro malakaviy musobaqalarda ishtirok etish uchun tayyorlash rejasini ishlab chiqish va tasdiqlash. | 2020-yil fevral | - | O‘zbekiston regbi federatsiyasi (S. Safoyev), Jismoniy tarbiya va sport vazirligi (D. Nabiyev), Milliy olimpiya qo‘mitasi (R. Shaabduraxmanov) |
31. | Markaziy Osiyo, MDH mamlakatlari, Osiyo va Yevropa jamoalari bilan O‘zbekiston milliy terma jamoasining regbi bo‘yicha o‘rtoqlik uchrashuvlarini tizimli asosda tashkil etish. | 2019 — 2022-yillar davomida | Jismoniy tarbiya va sport vazirligi, Milliy olimpiya qo‘mitasi, O‘zbekiston regbi federatsiyasi va homiylar mablag‘lari | O‘zbekiston regbi federatsiyasi (S. Safoyev), Jismoniy tarbiya va sport vazirligi (D. Nabiyev), Milliy olimpiya qo‘mitasi (R. Shaabduraxmanov) |
32. | Regbi bo‘yicha terma jamoalar a’zolarining (o‘smirlar, yoshlar, kattalar) har yili 3 — 6 ta o‘quv-mashq yig‘inlarida va 4 — 8 ta xalqaro musobaqalarda ishtirokini ta’minlash. | 2019 — 2022-yillar davomida | O‘zbekiston regbi federatsiyasi, Milliy olimpiya qo‘mitasi va homiylar mablag‘lari | Jismoniy tarbiya va sport vazirligi (D. Nabiyev), O‘zbekiston regbi federatsiyasi (S. Safoyev), Milliy olimpiya qo‘mitasi (R. Shaabduraxmanov) |
33. | Regbi infratuzilmasi rivojlangan mamlakatlarda o‘quv-mashq yig‘inlarini tashkil etish. | 2019 — 2022-yillar davomida | O‘zbekiston regbi federatsiyasi, Jismoniy tarbiya va sport vazirligi, Milliy olimpiya qo‘mitasi va homiylar mablag‘lari | Jismoniy tarbiya va sport vazirligi (D. Nabiyev), O‘zbekiston regbi federatsiyasi (S. Safoyev), Milliy olimpiya qo‘mitasi (R. Shaabduraxmanov) |
34. | Regbi bo‘yicha O‘zbekiston milliy terma jamoasining 2022-yilda Xanchjou shahri (Xitoy)da o‘tkaziladigan Osiyo o‘yinlarida ishtirokini ta’minlash. | 2022-yil sentyabr | Jismoniy tarbiya va sport vazirligi, O‘zbekiston regbi federatsiyasi, Milliy olimpiya qo‘mitasi va homiylar mablag‘lari | Jismoniy tarbiya va sport vazirligi (D. Nabiyev), O‘zbekiston regbi federatsiyasi (S. Safoyev), Milliy olimpiya qo‘mitasi (R. Shaabduraxmanov) |
V. Milliy va xalqaro musobaqalar g‘olib va sovrindorlarini taqdirlash, shuningdek, regbi bo‘yicha trenerlar va mutaxassislarni ijtimoiy va moddiy qo‘llab-quvvatlashni kuchaytirish | ||||
35. | Quyidagilarni nazarda tutuvchi regbi bo‘yicha sport musob�qalarini o‘tkazishning to‘rt bosqichli tizimini joriy etish: I bosqichda — sport klublari, seksiyalari jamoalari o‘rtasidagi sport musobaqalari (chempionat, birinchilik, kubok); II bosqichda — sport klublari, seksiyalari o‘rtasidagi sport musobaqalarida g‘olib chiqqan jamoalar o‘rtasida tuman (shahar) sport musobaqalari (chempionat, birinchilik, kubok); III bosqichda — tuman (shahar) sport musobaqalarida g‘olib chiqqan jamoalar o‘rtasida hududiy sport musobaqalari (chempionat, birinchilik, kubok); IV bosqichda — hududiy sport musobaqalarida g‘olib chiqqan jamoalar o‘rtasida respublika sport musobaqalari (chempionat, birinchilik, kubok). | Kalendar rejaga muvofiq doimiy | Yoshlar siyosati va sport vazirligi, O‘zbekiston regbi federatsiyasi va homiylar mablag‘lari | Yoshlar siyosati va sport vazirligi (A. Ikramov), O‘zbekiston regbi federatsiyasi (S. Safoyev), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari |
36. | Regbi bo‘�icha terma jamoalar tarkibiga kiritish uchun tanlab olingan milliy va xalqaro musobaqalarning g‘oliblari va sovrindorlarini — mamlakat hududlaridagi iqtidorli o‘smir sportchilarni rag‘batlantirish mexanizmlarini joriy qilish. | 2020-yil fevral | Jismoniy tarbiya va sport vazirligi, O‘zbekiston regbi federatsiyasi va homiylar mablag‘lari | Jismoniy tarbiya va sport vazirligi (D. Nabiyev), O‘zbekiston regbi federatsiyasi (S. Safoyev) |
37. | Regbi bo‘yicha yuqori natijalarga erishgan O‘zbekiston Respublikasi milliy sport terma jamoasi va ularning zaxirasi sportchilari va trenerlariga energiya sarflanishining o‘rnini to‘ldirish va jismoniy resurslarni tiklash mablag‘lari to‘lanishini ta’minlash. | Doimiy | Yoshlar siyosati va sport vazirligi mablag‘lari | Yoshlar siyosati va sport vazirligi (A. Ikramov), O‘zbekiston regbi federatsiyasi (S. Safoyev) |
38. | Eng yaxshi trener, sportchi, sport hakami va boshqa mutaxassislar, shu jumladan regbini rivojlantiruvchi tashkilot rahbari va homiy nomiga ega bo‘lish uchun respublika tanlovi o‘tkazilishini tashkil etish. | Yil yakunlari bo‘yicha | O‘zbekiston regbi federatsiyasi va homiylar mablag‘lari | O‘zbekiston regbi federatsiyasi (S. Safoyev) |
39. | Regbi bo‘yicha trener va mutaxassislarning ijtimoiy-maishiy va moddiy shart-sharoitlarini yanada yaxshilash bo‘yicha takliflarni ishlab chiqish va kiritish. | 2020-yil fevral | - | Jismoniy tarbiya va sport vazirligi (D. Nabiyev), O‘zbekiston regbi federatsiyasi (S. Safoyev) |
VI. Regbining moddiy-texnik bazasini mustahkamlash va infratuzilmasini takomillashtirish | ||||
40. | Ixtisoslashtirilgan sport maktablari hamda sport maktablarining regbi bo‘limlarini zamonaviy talablarga javob beradigan sport jihozlari va inventar, sport kiyimlari va poyabzali bilan ta’minlash. | Doimiy | Yoshlar siyosati va sport vazirligi, O‘zbekiston regbi federatsiyasi va homiylar mablag‘lari | Yoshlar siyosati va sport vazirligi (A. Ikramov), O‘zbekiston regbi federatsiyasi (S. Safoyev) |
41. | 2020-yilga mo‘ljallangan jismoniy tarbiya va sport obyektlarini qurish, rekonstruksiya qilish va kapital ta’mirlash manzilli dasturiga Toshkent viloyatining Bo‘stonliq tumanidagi Chorvoq qishlog‘ida O‘zbekiston regbi federatsiyasining sport bazasi qurilishini kiritish. | 2019-yil noyabr | Davlat budjeti va homiylar mablag‘lari | Jismoniy tarbiya va sport vazirligi (D. Nabiyev), Iqtisodiyot va sanoat vazirligi (B. Xo‘jayev), Moliya vazirligi (T. Ishmetov) |
42. | Ixtisoslashtirilgan olimpiya zaxiralari maktab-internatlarida regbi bo‘yicha o‘quv-mashg‘ulot bazasini tashkil etish bo‘yicha takliflar tayyorlash. | 2020-yil fevral | - | Jismoniy tarbiya va sport vazirligi (D. Nabiyev), O‘zbekiston regbi federatsiyasi (S. Safoyev) |
43. | Quyidagi sport bazalarini O‘zbekiston regbi federatsiyasiga biriktirish: O‘zbekiston Respublikasi Mudofaa vazirligi sport klubi stadioni; O‘zbekiston kasaba uyushmalari Federatsiyasi Kengashi stadioni; Mirzo Ulug‘bek nomidagi O‘zbekiston milliy universiteti stadioni; “To‘qimachi” stadioni. | 2019 — 2022-yillar davomida | - | Mudofaa vazirligi (B. Qurbonov), Kasaba uyushmalari Federatsiyasi Kengashi (Q. Rafikov), Oliy va o‘rta maxsus ta’lim vazirligi (I. Majidov) |
44. | Olimpiya zaxiralari kollejlarida regbi bo‘limlarini ochish uchun kerakli shart-sharoitlarni yaratish. | 2020-yil sentyabr | Jismoniy tarbiya va sport vazirligi, O‘zbekiston regbi federatsiyasi va homiylar mablag‘lari | Jismoniy tarbiya va sport vazirligi (D. Nabiyev), O‘zbekiston regbi federatsiyasi (S. Safoyev) |
45. | Quyidagi sport bo‘limlarini xalqaro standartlar talablariga javob beradigan zamonaviy regbi inventari va uskunalari bilan jihozlash va qo‘shimcha jihozlash: Samarqand shahridagi olimpiya zaxiralari kollejini; Farg‘onadagi sportning o‘yin turlari bo‘yicha ixtisoslashtirilgan bolalar va o‘smirlar sport maktabini; hududlardagi regbi bo‘yicha bolalar va o‘smirlar sport maktablarini. | 2020-yil avgust | Jismoniy tarbiya va sport vazirligi, O‘zbekiston regbi federatsiyasi va homiylar mablag‘lari | Jismoniy tarbiya va sport vazirligi (D. Nabiyev), O‘zbekiston regbi federatsiyasi (S. Safoyev) |
O‘zbekiston Respublikasi Prezidentining qarori, 29.10.2019 yildagi PQ-4500-son
Кучга кириш санаси
30.10.2019
Рус
Ўзб
O’zb
O‘zb|Рус
So‘nggi yillarda mamlakatimizda jismoniy tarbiya va sportni har tomonlama qo‘llab-quvvatlash va rivojlantirish, sportning har xil turlarini, shu jumladan regbini yanada ommalashtirish, sport bilan shug‘ullanish uchun qulay shart-sharoitlar va infratuzilma yaratishga qaratilgan kompleks chora-tadbirlar amalga oshirildi.
Hozirgi vaqtda regbi respublikamizda jadal rivojlanayotgan sport turlaridan biridir. O‘zbekiston regbi federatsiyasi va uning hududiy bo‘linmalari tashkil etildi hamda faoliyat ko‘rsatmoqda, regbi bo‘yicha O‘zbekiston milliy terma jamoasi nufuzli xalqaro musobaqalarda (“Asian Olympic Pre-Qualifier”, “Asian 7’s”) faol ishtirok etib, sharafli o‘rinlarni egallab kelmoqda, ushbu jamoa Osiyo mintaqasidagi davlatlar orasida kuchli sakkizlikka kiradi.
Shu bilan birga, moddiy-texnik baza va infratuzilmaning yetarli emasligi, regbi bo‘yicha mutaxassislarni tayyorlash, qayta tayyorlash va malakasini oshirishning uyg‘un tizimi yaratilmaganligi sohaning yanada rivojlanishiga hamda O‘zbekiston milliy terma jamoasining nufuzli xalqaro musobaqalarda munosib ishtirokini ta’minlashga to‘sqinlik qilmoqda.
Regbini yanada rivojlantirish, uni respublika aholisining keng qatlamlari o‘rtasida faol targ‘ib qilish va ommalashtirish, yuqori sifatli o‘quv-mashq jarayonini ta’minlash, regbichilar, trenerlar va hakamlarning mahorat darajasi va malakasini doimiy oshirib borish uchun qulay shart-sharoitlar yaratish, shuningdek, regbichi-sportchilarni tayyorlash uchun moddiy-texnik bazani mustahkamlash maqsadida:
1. O‘zbekiston Respublikasi Jismoniy tarbiya va sport vazirligi, Moliya vazirligi, O‘zbekiston Milliy olimpiya qo‘mitasi va O‘zbekiston regbi federatsiyasining quyidagi takliflari ma’qullansin:
Oldingi tahrirga qarang.
(1-bandning “a” kichik bandi O‘zbekiston Respublikasi Prezidentining 2020-yil 30-oktabrdagi PF-6099-sonli Farmoni tahririda — Qonun hujjatlari ma’lumotlari milliy bazasi, 31.10.2020-y., 06/20/6099/1450-son)
Oldingi tahrirga qarang.
(1-bandning “b” kichik bandi O‘zbekiston Respublikasi Prezidentining 2022-yil 6-apreldagi PF-98-sonli Farmoniga asosan chiqarilgan — Qonunchilik ma’lumotlari milliy bazasi, 07.04.2022-y., 06/22/98/0279-son)
v) quyidagilarni nazarda tutuvchi regbi bo‘yicha sport musobaqalarini o‘tkazishning to‘rt bosqichli tizimini joriy etish:
birinchi bosqichda — sport klublari, seksiyalari jamoalari o‘rtasidagi sport musobaqalari (chempionat, birinchilik, kubok);
ikkinchi bosqichda — sport klublari, seksiyalari o‘rtasidagi musobaqalarda g‘olib chiqqan jamoalar o‘rtasida tuman (shahar) sport musobaqalari (chempionat, birinchilik, kubok);
uchinchi bosqichda — tuman (shahar) sport musobaqalarida g‘olib chiqqan jamoalar o‘rtasida hududiy sport musobaqalari (chempionat, birinchilik, kubok);
to‘rtinchi bosqichda — hududiy sport musobaqalarida g‘olib chiqqan jamoalar o‘rtasida respublika sport musobaqalari (chempionat, birinchilik, kubok).
2. 2019 — 2022-yillarda respublikada regbini yanada kompleks rivojlantirish bo‘yicha chora-tadbirlar dasturi (keyingi o‘rinlarda — Chora-tadbirlar dasturi) ilovaga muvofiq tasdiqlansin.
Chora-tadbirlar dasturini amalga oshirish doirasida quyidagi ustuvor yo‘nalishlar va vazifalar belgilansin:
iqtidorli sportchi yoshlarni tanlab olish (seleksiya ishlari) faoliyatining samaradorligini oshirish va regbi bo‘yicha o‘quv-mashq jarayonini sifatli tashkil etish;
regbini ommalashtirish, yoshlarni sport klublari, seksiyalar va to‘garaklarga faol jalb qilish, ulardan keng foydalanish imkoniyatini ta’minlash;
regbi bo‘yicha O‘zbekiston milliy terma jamoasining nufuzli xalqaro musobaqalarda ishtirok etishi uchun uning sifatli va samarali tayyorgarligini ta’minlash;
xalqaro musobaqalarning g‘oliblari va sovrindorlarini rag‘batlantirish, shuningdek, trenerlar, hakamlar va regbi bo‘yicha boshqa mutaxassislarni ijtimoiy va moddiy qo‘llab-quvvatlashni kuchaytirish;
3. Qoraqalpog‘iston Respublikasi Vazirlar Kengashining raisi, viloyatlar va Toshkent shahar hokimlari zimmasiga quyidagi vazifalarni hal etish yuklatilsin:
hududiy regbi federatsiyalarining moliyaviy va moddiy-texnik bazasini mustahkamlashga ko‘maklashish;
tegishli hududlarning rahbar kadrlari orasidan nomzodlarni hududiy regbi federatsiyalari raisi lavozimiga tavsiya etish;
tegishli hududda professional regbining rivojlanishi uchun zarur shart-sharoitlar yaratilishini ta’minlash, kamida bitta professional regbi klubini tashkil etish, regbi mashg‘ulotlarini o‘tkazish uchun stadionlar, shuningdek, tegishli hududiy regbi federatsiyalarini joylashtirish uchun binolar ajratish.
4. O‘zbekiston regbi federatsiyasi faoliyatini va uning zimmasiga yuklatilgan vazifalarni amalga oshirishni moliyalashtirish manbalari quyidagilar ekanligi ma’lumot uchun qabul qilinsin:
Oldingi tahrirga qarang.
O‘zbekiston Respublikasi Yoshlar siyosati va sport vazirligining Sport va ommaviy jismoniy tarbiya tadbirlarining respublika kalendar rejasida nazarda tutiladigan O‘zbekiston Respublikasining Davlat budjeti mablag‘lari;
(4-bandning ikkinchi xatboshisi O‘zbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik ma’lumotlari milliy bazasi, 13.06.2023-y., 06/23/92/0366-son)
O‘zbekiston yoshlar ittifoqi tomonidan jismoniy tarbiya va sportni rivojlantirish uchun ajratiladigan mablag‘lar;
5. O‘zbekiston Respublikasi Mudofaa vazirligi, Oliy va o‘rta maxsus ta’lim vazirligi O‘zbekiston kasaba uyushmalari Federatsiyasi Kengashi bilan birgalikda O‘zbekiston Respublikasi Mudofaa vazirligi, O‘zbekiston kasaba uyushmalari Federatsiyasi Kengashi, Mirzo Ulug‘bek nomidagi O‘zbekiston milliy universitetining sport klublari stadionlarida muntazam ravishda regbi bo‘yicha o‘quv-mashg‘ulotlar va musobaqalar o‘tkazish uchun shart-sharoitlar yaratib berilishini beg‘araz asosda ta’minlasin.
O‘zbekiston Respublikasi Prezidentining 2018-yil 5-martdagi PF-5368-son Farmoni bilan tasdiqlangan Olimpiya sport turlarini 2018 — 2021-yillarda keyinchalik rivojlantirish va ommalashtirish kompleks chora-tadbirlari dasturining 21-bandiga muvofiq Toshkent viloyatining Bo‘stonliq tumanidagi Chorvoq qishlog‘ida O‘zbekiston terma jamoasi a’zolari tomonidan o‘quv-mashq jarayonini o‘tkazish uchun O‘zbekiston regbi federatsiyasining sport bazasini qurish ko‘zda tutilgan;
sport bazasini saqlash va zarur jihozlar bilan ta’minlash O‘zbekiston regbi federatsiyasi mablag‘lari hisobidan amalga oshiriladi.
O‘zbekiston Respublikasi Jismoniy tarbiya va sport vazirligi, Iqtisodiyot va sanoat vazirligi, Moliya vazirligi Toshkent viloyatining Bo‘stonliq tumanidagi Chorvoq qishlog‘ida O‘zbekiston regbi federatsiyasining sport bazasi qurilishini 2020-yilga mo‘ljallangan jismoniy tarbiya va sport obyektlarini qurish, rekonstruksiya qilish va kapital ta’mirlash manzilli dasturiga kiritilishini ta’minlasin.
7. O‘zbekiston regbi federatsiyasi, uning hududiy bo‘linmalari, professional regbi klublari belgilangan tartibda shakllantiriladigan ro‘yxatlarga muvofiq olib kiriladigan, regbi bo‘yicha sport obyektlarining moddiy-texnik bazasini mustahkamlash uchun zarur bo‘lgan, O‘zbekiston Respublikasida ishlab chiqarilmaydigan sport uskunalari, inventar va maxsus professional sport anjomlari uchun 2023-yil 1-yanvarga qadar bojxona to‘lovlaridan (qo‘shilgan qiymat solig‘i hamda bojxona yig‘imlari bundan mustasno) ozod etilsin.
8. O‘zbekiston Respublikasi Jismoniy tarbiya va sport vazirligi, Oliy va o‘rta maxsus ta’lim vazirligining 2020/2021 o‘quv yilidan O‘zbekiston davlat jismoniy tarbiya va sport universitetida hamda Mirzo Ulug‘bek nomidagi O‘zbekiston milliy universitetida regbi bo‘yicha mutaxassislarni tayyorlovchi yo‘nalishlar ochish to‘g‘risidagi taklifiga rozilik berilsin.
Oldingi tahrirga qarang.
O‘zbekiston Respublikasi Yoshlar siyosati va sport vazirligi, Oliy ta’lim, fan va innovatsiyalar vazirligi ushbu bandni amalga oshirish bo‘yicha choralar ko‘rsin.
(8-bandning ikkinchi xatboshisi O‘zbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik ma’lumotlari milliy bazasi, 13.06.2023-y., 06/23/92/0366-son)
Oldingi tahrirga qarang.
9. O‘zbekiston Respublikasi Yoshlar siyosati va sport vazirligi O‘zbekiston regbi federatsiyasi bilan birgalikda:
(9-bandning birinchi xatboshisi O‘zbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik ma’lumotlari milliy bazasi, 13.06.2023-y., 06/23/92/0366-son)
mamlakatimizda regbini rivojlantirish, qo‘llab-quvvatlash va ommalashtirish, fuqarolarning ushbu sport turiga qiziqishini shakllantirish choralari ko‘rilishi;
Oldingi tahrirga qarang.
sport maktablarining zamonaviy xalqaro talablarga javob beradigan sport jihozlari va inventar, regbi uchun sport kiyimlari va poyabzal bilan ta’minlanishi;
(9-bandning uchinchi xatboshisi O‘zbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik ma’lumotlari milliy bazasi, 13.06.2023-y., 06/23/92/0366-son)
Oldingi tahrirga qarang.
olimpiya va paralimpiya sport turlariga tayyorlash markazlarida regbi bo‘limlarini ochish uchun zarur shart-sharoitlar yaratilishini ta’minlasin.
(9-bandning beshinchi xatboshisi O‘zbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik ma’lumotlari milliy bazasi, 13.06.2023-y., 06/23/92/0366-son)
10. O‘zbekiston Respublikasi Tashqi ishlar vazirligi O‘zbekiston regbi federatsiyasining buyurtmanomasiga binoan jalb qilinadigan xorijiy mutaxassislarga kirish vizalari konsullik va boshqa yig‘imlarni undirmasdan belgilangan tartibda rasmiylashtirilishini ta’minlasin.
Oldingi tahrirga qarang.
11. O‘zbekiston Respublikasi Ichki ishlar vazirligi O‘zbekiston regbi federatsiyasining buyurtmanomasiga binoan jalb qilinadigan xorijiy mutaxassislarga davlat bojini undirmasdan ko‘p martalik vizalarni berish va ularni uzaytirish hamda vaqtincha turgan joyi bo‘yicha ro‘yxatga olish va uning muddatini uzaytirishni belgilangan tartibda ta’minlasin.
(11-band O‘zbekiston Respublikasi Prezidentining 2021-yil 26-yanvardagi PF-6146-sonli Farmoni tahririda — Qonun hujjatlari ma’lumotlari milliy bazasi, 27.01.2021-y., 06/21/6146/0065-son)
12. O‘zbekiston Respublikasi Bandlik va mehnat munosabatlari vazirligi O‘zbekiston regbi federatsiyasining buyurtmanomalariga binoan xorijiy mutaxassislarni O‘zbekiston Respublikasiga jalb etish uchun ruxsatnomalar berilishini (muddati uzaytirilishini), shuningdek, mazkur xorijiy fuqarolarga O‘zbekiston Respublikasi hududida mehnat faoliyatini olib borish huquqini tasdiqlovchi hujjatlarning o‘rnatilgan to‘lovlar undirilmasdan berilishini (muddati uzaytirilishini) belgilangan tartibda ta’minlasin.
13. O‘zbekiston Milliy teleradiokompaniyasi va boshqa ommaviy axborot vositalariga Qoraqalpog‘iston Respublikasi, viloyatlar va Toshkent shahrida regbining rivojlanishini, regbi jamoalari, trenerlar va regbi bo‘yicha boshqa mutaxassislar faoliyatini muntazam ravishda va keng yoritib borish hamda regbi bo‘yicha rasmiy musobaqalar o‘tkazilishini targ‘ib qilish tavsiya etilsin.
14. O‘zbekiston Respublikasi Jismoniy tarbiya va sport vazirligi manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
15. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidentining maslahatchisi A.A. Abduvaxitov zimmasiga yuklansin.
Oldingi tahrirga qarang.
(ilova O‘zbekiston Respublikasi Prezidentining 2023-yil 12-iyundagi PF-92-sonli Farmoni tahririda — Qonunchilik ma’lumotlari milliy bazasi, 13.06.2023-y., 06/23/92/0366-son)