O‘zbekiston Respublikasi Prezidentining 2019-yil 4-yanvardagi “Elektrotexnika sanoatining eksport salohiyatini yanada rivojlantirish va oshirish chora-tadbirlari to‘g‘risida”gi PQ-4090-son qaroriga muvofiq, shuningdek, dori vositalari va tibbiyot buyumlari noqonuniy muomalasining oldini olish choralarini kuchaytirish, aholi bandligini ta’minlash bo‘yicha ishlarni takomillashtirish va samaradorligini oshirish, ijro intizomini mustahkamlash va O‘zbekiston Respublikasi Prezidentining hujjatlari va topshiriqlari ijrosi ustidan nazorat tizimini takomillashtirish maqsadida:

1. O‘zbekiston Respublikasi Prezidentining ayrim hujjatlariga 1-ilovaga muvofiq o‘zgartirish va qo‘shimchalar kiritilsin.

2. O‘zbekiston Respublikasi Prezidentining ayrim hujjatlari 2-ilovaga muvofiq o‘z kuchini yo‘qotgan deb hisoblansin.

3. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov zimmasiga yuklansin.

1. O‘zbekiston Respublikasi Prezidentining 2017-yil 5-iyundagi “Toshkent shahrining Yashnobod tumanida innovatsiya texnoparkini tashkil qilish to‘g‘risida”gi PF-5068-son Farmoni rus tilidagi matnida:

1-ilovaning 24-bandidagi “AK” qisqartmasi “Assotsiatsiya” so‘zi bilan almashtirilsin;

2-ilovaning 8-bandi quyidagi tahrirda bayon etilsin:

“8. Yunusov M.R. — predsedatel Assotsiatsii “Uzeltexsanoat””.

4. O‘zbekiston Respublikasi Prezidentining 2013-yil 9-oktabrdagi “Toshkent shahrida yo‘lovchi tashish transportini tashkil etish tizimini yanada takomillashtirish chora-tadbirlari to‘g‘risida”gi PQ-2048-son qarorida:

a) 5-bandning ikkinchi xatboshisidagi “Toshshahartransxizmat” aksiyadorlik kompaniyasi” so‘zlari “Toshshahartransxizmat” aksiyadorlik jamiyati” so‘zlari bilan almashtirilsin;

b) 6-banddagi “Toshshahartransxizmat” aksiyadorlik kompaniyasi” so‘zlari “Toshshahartransxizmat” aksiyadorlik jamiyati” so‘zlari bilan almashtirilsin;

v) 9-bandda:

“Toshshahartransxizmat” aksiyadorlik kompaniyasi” so‘zlari “Toshshahartransxizmat” aksiyadorlik jamiyati” so‘zlari bilan almashtirilsin;

quyidagi mazmundagi xatboshi bilan to‘ldirilsin:

“Ma’lumot uchun qabul qilinsinki, mazkur bandning birinchi xatboshisida nazarda tutilgan mablag‘lar, shuningdek, 2016 — 2019-yillarda obyektlarni sotishdan tushgan mablag‘lar soliq solish obyekti hisoblanmaydi”.

5. O‘zbekiston Respublikasi Prezidentining 2014-yil 6-fevraldagi “2014 — 2018-yillarda respublika elektrotexnika sanoatini boshqarishning tashkil etilishini takomillashtirish va yanada rivojlantirish chora-tadbirlari to‘g‘risida”gi PQ-2123-son qarori rus tilidagi matnida:

2, 4 va 6-bandlar o‘z kuchini yo‘qotgan deb topilsin;

7-banddagi “AK” qisqartmasi “Assotsiatsii” so‘zi bilan almashtirilsin;

4 va 7-ilovalar o‘z kuchini yo‘qotgan deb topilsin;

8-ilova nomlanishidagi “AK” qisqartmasi “Assotsiatsiyey” so‘zi bilan almashtirilsin.

6. O‘zbekiston Respublikasi Prezidentining 2017-yil 13-fevraldagi “2017 — 2021-yillarda elektrotexnika sanoatini boshqarishni yanada takomillashtirish, jadal rivojlantirish va diversifikatsiyalash chora-tadbirlari to‘g‘risida”gi PQ-2772-son qarorida:

1 — 3 va 17-bandlar o‘z kuchini yo‘qotgan deb topilsin;

11-banddagi “AKga” so‘zi “uyushmasiga” so‘zi bilan almashtirilsin;

1 va 2-ilovalar o‘z kuchini yo‘qotgan deb topilsin.

7. O‘zbekiston Respublikasi Prezidentining 2017-yil 30-noyabrdagi “Shisha tola, elektr tejamkor isitish asbob-uskunalar va energiyaning zamonaviy tejamkor tizimlarini ishlab chiqarishni tashkil etish chora-tadbirlari to‘g‘risida”gi PQ-3417-son qarori 5-bandining uchinchi xatboshisi “materiallar” so‘zidan keyin “, samosvallar” so‘zi bilan to‘ldirilsin.

8. O‘zbekiston Respublikasi Prezidentining 2018-yil 26-apreldagi “Fermer, dehqon xo‘jaliklari va tomorqa yer egalari faoliyatini takomillashtirish bo‘yicha qo‘shimcha chora-tadbirlar to‘g‘risida”gi PQ-3680-son qarori 9-bandining “a” kichik bandi ikkinchi xatboshisi quyidagi tahrirda bayon etilsin:

“O‘zbekiston Respublikasi Bandlik va mehnat munosabatlari vazirligi huzuridagi Jamoat ishlari jamg‘armasidan 350 milliard so‘m miqdorida ajratiladigan bir martalik beg‘araz moliyaviy yordam”.

9. O‘zbekiston Respublikasi Prezidentining 2018-yil 14-iyuldagi “Aholi bandligini ta’minlash borasidagi ishlarni takomillashtirish va samaradorligini oshirish chora-tadbirlari to‘g‘risida”gi PQ-3856-son qarorining 8-bandida:

birinchi xatboshidan “2018-yil 1-avgustdan” so‘zlari chiqarib tashlansin;

ikkinchi — to‘rtinchi xatboshilar quyidagi tahrirda bayon etilsin:

“aholi bandligiga ko‘maklashish markazlarida ro‘yxatdan o‘tgan, tadbirkorlik faoliyatini boshlashni xohlovchi ishsiz shaxslarga — yakka tartibdagi tadbirkor sifatida ro‘yxatdan o‘tish, kichik korxonalar va mikrofirmalarni davlat ro‘yxatidan o‘tkazish, tadbirkorlikka o‘qitish va kredit olishda sug‘urta polisi to‘lovi uchun xarajatlarni eng kam ish haqining 10 baravari miqdorida to‘lash;

ijtimoiy ehtiyojmand aholi qatlamlariga mansub shaxslarni kvotalangan eng kam sondan ortiq miqdorda ishga qabul qilgan tashkilotlarga — har bir xodim uchun 12 oy davomida har oyda eng kam ish haqining 2 baravari miqdorida haq to‘lash;

ish beruvchilarga — aholi bandligiga ko‘maklashish markazlari yo‘llanmasi bo‘yicha ishga qabul qilingan xodimlarni kasbga tayyorlash, qayta tayyorlash va ularning malakasini oshirishga sarflanadigan xarajatlarni qoplash uchun — har bir xodim uchun 6 oy davomida har oyda eng kam ish haqining 4 baravari miqdorida to‘lovni amalga oshirish”.

10. O‘zbekiston Respublikasi Prezidentining 2018-yil 5-oktabrdagi PQ-3962-son qarori bilan tasdiqlangan “Ijro.gov.uz” ijro intizomi idoralararo yagona elektron tizimining ishlash tartibi to‘g‘risidagi nizomga ilovaning izohi 1-bandidan “ushbu Sxema talablarini hisobga olgan holda,” so‘zlari chiqarib tashlansin.

11. O‘zbekiston Respublikasi Prezidentining 2018-yil 30-noyabrdagi “Toshkent shahrida Adju universitetini tashkil etish to‘g‘risida”gi PQ-4041-son qaroriga ilovaning o‘n ikkinchi xatboshisi quyidagi tahrirda bayon etilsin:

“M.R. Yunusov — “O‘zeltexsanoat” uyushmasi raisi”.

12. O‘zbekiston Respublikasi Prezidentining 2019-yil 4-yanvardagi “Elektrotexnika sanoatining eksport salohiyatini yanada rivojlantirish va oshirish chora-tadbirlari to‘g‘risida”gi PQ-4090-son qarori 1-bandi quyidagi mazmundagi xatboshi bilan to‘ldirilsin:

“Bunda “O‘zeltexsanoat” AK mol-mulki va boshqa mablag‘larini topshirish-qabul qilish dalolatnomasiga muvofiq “O‘zeltexsanoat” uyushmasiga o‘tkazish soliq solish obyekti hisoblanmaydi”.

14. O‘zbekiston Respublikasi Prezidentining 2017-yil 9-avgustdagi “Ijro intizomi idoralararo yagona elektron tizimini joriy etish chora-tadbirlari to‘g‘risida”gi F-5017-son farmoyishi rus tilidagi matnida:

a) 1-bandda:

ikkinchi xatboshi chiqarib tashlansin;

uchinchi — to‘qqizinchi xatboshilar tegishincha ikkinchi — sakkizinchi xatboshilar deb hisoblansin;

to‘rtinchi va beshinchi xatboshilar chiqarib tashlansin;

oltinchi — sakkizinchi xatboshilar tegishincha to‘rtinchi — oltinchi xatboshilar deb hisoblansin;

b) 1, 3 va 3a-ilovalar o‘z kuchini yo‘qotgan deb topilsin.

1. O‘zbekiston Respublikasi Prezidentining 2017-yil 6-iyuldagi “O‘zbekiston Respublikasi Prezidentining ayrim hujjatlariga o‘zgartirishlar va qo‘shimcha kiritish, shuningdek ayrimlarini o‘z kuchini yo‘qotgan deb hisoblash to‘g‘risida”gi PF-5111-son Farmoniga 1-ilovaning 21-bandi “b” kichik bandi.

2. O‘zbekiston Respublikasi Prezidentining 2017-yil 22-maydagi “O‘zbekiston Respublikasi Prezidentining “2014 — 2018-yillarda respublika elektrotexnika sanoatini boshqarishni takomillashtirish va yanada rivojlantirishni tashkil etish chora-tadbirlari to‘g‘risida” 2014-yil 6-fevraldagi PQ-2123-sonli qaroriga o‘zgartish kiritish to‘g‘risida”gi PQ-2986-son qaroriga ilovaning 2-bandi.