“Fuqarolarning oʻzini oʻzi boshqarish organlari toʻgʻrisida”gi (Oliy Majlis Axborotnomasi, 1999-y., 5-son, 111-modda;), Oʻzbekiston Respublikasining Qonunlari hamda Oʻzbekiston Respublikasi Prezidentining 2017-yil 3-fevraldagi “Mahalla institutini yanada takomillashtirish chora-tadbirlari toʻgʻrisida”gi PF-4944-son Farmoni (Oʻzbekiston Respublikasi qonun hujjatlari toʻplami, 2017-y., 6-son, 69-modda), Oʻzbekiston Respublikasi Vazirlar Mahkamasining 2014-yil 4-martdagi “Shaharlar, posyolkalar, qishloqlar va ovullarning mahallalarini tuzish, birlashtirish, boʻlish va tugatish, shuningdek ularning chegaralarini belgilash va oʻzgartirish, ularga nom berish va ularning nomini oʻzgartirish tartibi toʻgʻrisidagi Nizomni tasdiqlash haqida”gi 48-sonli qarori (Oʻzbekiston Respublikasi qonun hujjatlari toʻplami, 2014-y., 10-son, 107-modda) talablaridan kelib chiqqan holda, xalq deputatlari Toshkent shahar Kengashi qaror qiladi:

1. Fuqarolarning oʻzini oʻzi boshqarish organlari faoliyatini muvofiqlashtirish boʻyicha Toshkent shahar kengashi va tuman hokimliklarining ayrim mahalla fuqarolar yigʻinlari hududiy chegaralarini qayta koʻrib chiqish va yangi mahalla fuqarolar yigʻinlarini tashkil etish toʻgʻrisidagi takliflari maqullansin.

2. Toshkent shahridagi mahalla fuqarolar yigʻinlarining hududiy chegaralarini qayta koʻrib chiqish hisobiga yangi tashkil etilayotgan mahalla fuqarolar yigʻinlar roʻyxati va ularning nomlari 1-ilovaga, boʻlinishi hisobiga tashkil etilayotgan mahalla fuqarolar yigʻini chegaralari tavsiflari 2-ilovaga muvofiq tasdiqlansin.

3. Toshkent shahridagi mahalla fuqarolar yigʻinlari soni 508 ta deb hisoblansin.

4. Mahalla fuqarolar yigʻinlari hududiga oʻzgartirish kiritilgan tuman hokimliklari va Fuqarolarning oʻzini oʻzi boshqarish organlari faoliyatini muvofiqlashtirish boʻyicha Toshkent shahar kengashi raisining birinchi oʻrinbosari (F. Maxmudxoʻjayev):

yangi tashkil etilgan mahalla fuqarolar yigʻinlarining toʻliq shakllanishi va faoliyati uchun zarur shart-sharoitlar yaratilsin.

hududlarga oʻzgartirish kiritilgan mahalla fuqarolar yigʻinlarida aholi oʻrtasida tushuntirish ishlari olib borilsin.

5. Toshkent shahar Moliya bosh boshqarmasi (L. Ismatullayev):

yangi tashkil etilgan mahalla fuqarolar yigʻini xodimlari mehnatiga haq toʻlash uchun zarur mablagʻlarni mahalliy budjetdan belgilangan tartibda ajratish choralarini koʻrilsin.

6. Fuqarolarning oʻzini oʻzi boshqarish organlari faoliyatini muvofiqlashtirish boʻyicha Toshkent shahar kengashi raisining birinchi oʻrinbosari (F. Maxmudxoʻjayev), Yer resurslari va davlat kadastri boshqarmasi (Gʻ. Rasulov), Davlat soliq boshqarmasi (N. Tursunov): mazkur qarorga asosan hujjatlarga oʻrnatilgan tartibda tegishli oʻzgartirishlar kiritilsin.

7. “Toshkent oqshomi” va “Vecherniy Tashkent” gazetalari tahririyati (A. Akromov), Axborot va kommunikatsiya texnologiyalarini rivojlantirish boʻlimi (F. Aminov): mazkur qaror rasmiy eʼlon qilinsin hamda www.toshkent.uz veb-saytiga joylashtirilsin.

8. Mazkur qaror rasmiy eʼlon qilingan kundan soʻng kuchga kiradi.

9. Ushbu qarorning ijrosini nazorat qilish xalq deputatlari Toshkent shahar Kengashining Ijtimoiy-madaniy, rivojlanish masalalari boʻyicha doimiy komissiyasi va Toshkent shahar hokimining oʻrinbosari E. Shukurov zimmasiga yuklatilsin.

Yangi Sergeli koʻchasidan Mehrigiyo koʻchasigacha, Yangi Sergeli koʻchasi bilan Mehrigiyo koʻchasi kesishgan joydan Jaxonaro koʻchasigacha, Jaxonaro koʻchasidan Kanalboʻyi hududigacha, Kanalboʻyi hududidan 32,33,34 uylarni qamrab olgan holda Yangi Sergeli koʻchasigacha, Yangi Sergeli koʻchasidan Mehrigiyo koʻchasigacha boʻlgan hududlarda.

Yangi Sergeli koʻchasining chap tomoni boʻylab Kanal boʻyigacha. Kanal boʻyi hududining chap tomoni boʻylab Habibiy mahallasi maʼmuriy-hududiy chegarasigacha. Habibiy mahallasi maʼmuriy-hududiy chegarasining chap tomoni boʻylab Oʻzgarish mahallasi maʼmuriy-hududiy chegarasigacha. Oʻzgarish mahallasi maʼmuriy-hududiy chegarasining chap tomoni boʻylab Kichik halqa yoʻligacha. Kichik xalq yoʻlining chap tomoni boʻylab Yangi Sergeli koʻchasigacha boʻlgan hududlarda.

Toshkent halqa yoʻli koʻchasidan oʻng tomon boʻylab Yangi Sergeli koʻchasigacha, Yangi Sergeli koʻchasining oʻng tomoni boʻylab Saʼdiiy koʻchasigacha, Saʼdiiy koʻchasi oʻng tomoni boʻylab Kubaytepa koʻchasigacha, Kubaytepa koʻchasining oʻng tomoni boʻylab Parizod koʻchasigacha. Parizod koʻchasining oʻng tomoni boʻylab Moxidil tor koʻchasigacha. Moxidil tor koʻchasining oʻng tomoni boʻylab Toshkent halqa yoʻli koʻchasigacha boʻlgan chegaralarda.

Yangi Sergeli koʻchasi bilan Saʼdiiy koʻchasi kesishgan joydan oʻng tomon boʻylab Toshkent-Samarqand temiryoʻli hududigacha. Toshkent-Samarqand temiryoʻli hududining oʻng tomoni boʻylab Toshkent-Qoʻqon temiryoʻli hududigacha. Toshkent-Qoʻqon temiryoʻli hududining oʻng tomoni boʻylab Toshkent halqa yoʻli koʻchasigacha. Toshkent halqa yoʻli koʻchasining oʻng tomoni boʻylab kanal boʻyidan Moxidil tor koʻchasigacha. Moxidil tor koʻchasining oʻng tomoni boʻylab Parizod koʻchasigacha. Parizod koʻchasining oʻng tomoni boʻylab Kubaytepa koʻchasigacha. Kubaytepa koʻchasining oʻng tomoni boʻylab Saʼdiiy koʻchasigacha. Saʼdiiy koʻchasining oʻng tomoni boʻylab Yangi Sergeli koʻchasigacha.

Fargʻona yoʻli koʻchasidan Fargʻona yoʻli tor koʻchasi boʻylab Axsikat koʻchasi bilan Murgʻob koʻchasi kesishgan joygacha, Murgʻob koʻchasining chap tomoni boʻylab Radishev koʻchasigacha, Radishev koʻchasi boʻylab Fargʻona yoʻli koʻchasigacha boʻlgan hudud bilan chegaralarda.

Qashqadaryo 2-tor koʻchasi va Qashqadaryo koʻchasi kesishgan joydan, Qashqadaryo koʻchasining chap tomoni boʻylab, Qashqadaryo 1-tor koʻchasigacha, Qashqadaryo 1-tor koʻchasining chap tomoni boʻylab Murgʻob tor koʻchasigacha, Murgʻob tor koʻchasining chap tomoni boʻylab Qashqadaryo 2-tor koʻchasigacha boʻlgan hududda yangi qurilgan 1, 2, 3, 4, 5, 6, 7, 8, 9, 10, 11, 12, 13, 14, 15, 16 va 17, 18, 19, 20, 21 koʻp-qavatli uylarni oʻz ichiga olgan chegaralarda.