Oʻzbekiston Respublikasi “Mahalliy davlat hokimiyati toʻgʻrisida”gi Oʻzbekiston Respublikasi Qonunining (Oʻzbekiston Respublikasi Oliy kengashining axborotnomasi 1993-yil 9-sonli 320-modda) 6, 25-moddalari “Yoʻl xarakati xavfsizligi toʻgʻrisida”gi qonunining (Oʻzbekiston Respublikasi qonun hujjatlari toʻplami 2013-yil 15-sonli 197-modda) 17-moddasi, Oʻzbekiston Respublikasi Vazirlar Mahkamasining 2003-yil 31-yanvardagi “Transport vositalarini majburiy texnik koʻrikdan oʻtkazish tartibi toʻgʻrisidagi nizomni tasdiqlash haqida”gi 54-sonli qaroriga (Oʻzbekiston Respublikasi qonun hujjatlari toʻplami, 2003-y., 1-2-son, 17-moddasiga) muvofiq transport vositalarining 2019-yildagi majburiy texnik koʻrigini tashkil etish va uni oʻtkazish maqsadida, qaror qilaman:

1. Uchquduq tuman hududida joylashgan barcha yuridik va jismoniy shaxslarga tegishli boʻlgan transport vositalari, majburiy mavsumiy texnik koʻrikdan oʻtkazilsin.

2. Majburiy texnik koʻrikdan oʻtkazish boʻyicha Uchquduq tuman komissiyasining tarkibi 1-ilovaga* muvofiq, Navoiy viloyati Yoʻl Harakati Xavfsizligi boshqarmasiga 1-sonli tumanlararo roʻyxatga olish va imtihon olish boʻlimida Uchquduq tumani boʻyicha roʻyxatda turgan transport vositalariga ega boʻlgan avtokorxona tashkilot, xususiy korxonalarning 2019-yildagi majburiy texnik koʻrigini oʻtkazish jadvali 2-ilovaga* muvofiq tasdiqlansin.

3. Transport vositalari quyidagi davriylikka muvofiq texnik koʻrikdan oʻtkazilsin:

a) Tijorat asosida yoʻlovchilar tashish uchun foydalaniladigan yengil avtomobillar, avtobuslar, trolleybuslar, tramvaylar va oʻtiriladigan joylar soni 8 ta va undan ortiq boʻlgan (haydovchining oʻrnidan tashqari), odamlarni muntazam tashish uchun jihozlangan yuk avtomobillari, yirik gabaritli, ogʻir vaznli va xavfli yuklarni tashish uchun maxsus transport vositalari va ularga tirkamalar — bir yilda ikki marta;

b) Ishlab chiqarilganligiga besh yildan koʻp boʻlmagan (ishlab chiqarilgan yili ham shu jumlaga kiradi) transport vositalari (mazkur bandning “a” kichik bandida koʻrsatilgan transport vositalaridan tashqari) — ikki yilda bir marta;

v) Ishlab chiqarilgan yilini hisobga olgan holda ishlab chiqarilganligiga besh yildan ortiq boʻlgan transport vositalari, shuningdek ishlab chiqarilgan vaqti aniqlanmagan transport vositalari (mazkur bandning “a” kichik bandida koʻrsatilgan transport vositalaridan tashqari) — bir yilda bir marta;

g) Tirkamalar koʻrikka transport vositasi — shatakchi uchun belgilangan muddatlarda taqdim etiladi.

DYHXX organlarida roʻyxatdan oʻtkazilgan kundan boshlab ulardan foydalanishning birinchi yili mobaynida transport vositalari texnik koʻrikdan oʻtkazilmaydi, mazkur bandning “a” kichik bandida koʻrsatilganlardan tashqari.

4. Oʻzbekiston Respublikasi Vazirlar Mahkamasining 2003-yil 31-yanvardagi “Transport vositalarini majburiy texnik koʻrikdan oʻtkazish tartibi toʻgʻrisida Nizomni tasdiqlash haqida”gi 54-sonli qarorining 3-bandida, Oʻzbekiston Respublikasi Mudofaa vazirligi, Ichki Ishlar Vazirligining ichki va soqchilik qoʻshinlari, Milliy Xavfsizlik Xizmatining harbiy boʻlinmalarining transport vositalari koʻrstailib oʻtilgan idoralar tomonidan belgilangan tartibda majbriy texnik koʻrikdan oʻtkazilishi belgilanganligi inobatga olinsin.

5. Qarorning 3-bandi “a” kichik bandida koʻrsatilgan transport vositalarning texnik koʻrigi:

birinchi marta joriy yilning 1-martidan — 30-iyungacha oʻtkaziladi;

ikkinchi marta joriy yilning 1-sentabrdan 30-oktabrgacha oʻtkaziladi.

Yuridik shaxslarga qarashli boʻlgan transport vositalarining texnik koʻrigi 1-martdan 30-iyungacha oʻtkaziladi.

Jismoniy shaxslarga tegishli boʻlgan transport vositalarining texnik koʻrigi Oʻzbekiston Respublikasi Vazirlar Mahkamasining 2003-yil 31-yanvardagi 54-sonli qarori bilan tasdiqlangan “Transport vositalarini majburiy texnik koʻrikdan oʻtkazish tartibi toʻgʻrisida Nizomiga muvofiq” 1-yanvardan 31-avgustga qadar oʻtkazilishi belgilanganligi inobatga olinsin.

6. Transport vositalari texnik koʻrikdan oʻtkazilganligi uchun jarimalar undirilishida Oʻzbekiston Respublikasi Vazirlar Mahkamasining 2003-yil 31-yanvardagi “Transport vositalarini majburiy texnik koʻrikdan oʻtkazish tartibi toʻgʻrisida Nizomni tasdiqlash haqida”gi 54-sonli qarori bilan tasdiqlangan nizomda belgilangan tartiblarga qatʼiy rioya qilinsin.

7. Transport vochitalarini majburiy texnik koʻrikdan oʻtkazish tuman komissiyasi rahbariga:

transport vositalarining texnik holati, ulardan foydalanish normalari va qoidalariga rioya etilishi ustidan samarali nazoratni tashkil etish;

transport vositalarining texnik holati va uskunalari yoʻl harakati xavfsizligi standartlari, qoidalari, normalariga muvofiqligini baholash;

8. Uchquduq tuman IIB YXXG xodimdari mazkur qarorning ijrosi taʼminlanganligi toʻgʻrisida 2019-yil 20-noyabr kuniga qadar Uchquduq tuman hokimligiga yozma ravishda axborot taqdim etish topshirilsin.

9. Tuman hokimligi va “UCHQUDUQ” gazetasi tahririyati davlat korxonalari bigalikda ommaviy axborot vositalariga keng yoritilishi xamda Uchquduq tuman hokimligining rasmiy veb-saytiga joylashtirilsin.

10. Mazkur qarorning ijrosini nazorat qilish tuman hokimining birinchi oʻrinbosari A. Negmatovga, ijrosini tashkil etish tuman ichki ishlar boʻlimi boshligʻi A. Savurov zimmasiga yuklatilsin.