Oʻzbekiston Respublikasi Prezidentining “Transport sohasida davlat boshqaruvi tizimini tubdan takomillashtirish chora-tadbirlari toʻgʻrisida” 2019-yil 1-fevraldagi PF-5647-son Farmoni va “Oʻzbekiston Respublikasi Transport vazirligi faoliyatini tashkil etish toʻgʻrisida” 2019-yil 1-fevraldagi PQ-4143-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Transport vazirligi toʻgʻrisidagi nizom ilovaga muvofiq tasdiqlansin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — transport vaziri A.J. Ramatov zimmasiga yuklansin.

1. Mazkur Nizom Oʻzbekiston Respublikasi Transport vazirligining (keyingi oʻrinlarda Vazirlik deb ataladi) maqomi, asosiy vazifalari, funksiyalari, huquqlari, javobgarligini, faoliyatini tashkil etish va hisobot berish tartibini, shuningdek, uning rahbarlarining funksional vazifalari va masʼuliyatini belgilaydi.

2. Vazirlik avtomobil, temir yoʻl, havo, daryo va elektr transporti, metropoliten va yoʻl xoʻjaligini (keyingi oʻrinlarda transport va yoʻl xoʻjaligi deb ataladi) rivojlantirish borasida yagona davlat siyosatini ishlab chiqish va amalga oshirish hamda normativ-huquqiy tartibga solish boʻyicha davlat boshqaruvi organi hisoblanadi.

3. Vazirlik oʻz faoliyatida Oʻzbekiston Respublikasi Vazirlar Mahkamasiga (keyingi oʻrinlarda Vazirlar Mahkamasi deb ataladi) boʻysunadi.

4. Vazirlik oʻz faoliyatida Oʻzbekiston Respublikasining Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonun hujjatlariga amal qiladi.

5. Vazirlik oʻz faoliyatini, davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlar bilan hamkorlikda amalga oshiradi.

6. Vazirlikning oʻz vakolatlari doirasida qabul qilgan qarorlari davlat va xoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek, yuridik va jismoniy shaxslar tomonidan bajarilishi majburiy hisoblanadi.

7. Vazirlik, Qoraqalpogʻiston Respublikasi Transport vazirligi, Vazirlikning tashkiliy tuzilmasiga kiradigan hududiy tuzilmalar va tarkibiy tashkilotlar yuridik shaxs hisoblanadi, Oʻzbekiston Respublikasi Davlat gerbi tasviri tushirilgan, davlat tilida vazirlik va oʻzining nomi koʻrsatilgan muhrga va blankalarga, mustaqil balansga, Oʻzbekiston Respublikasi Moliya vazirligi Gʻaznachiligida shaxsiy gʻazna hisobvaraqlariga, bank hisobraqamlariga, jumladan xorijiy valyutadagi hisobraqamlarga egadir.

8. Vazirlikning rasmiy nomi:

a) davlat tilida:

toʻliq nomi — Oʻzbekiston Respublikasi Transport vazirligi;

qisqartirilgani — Transport vazirligi;

b) ingliz tilida:

toʻliq nomi — Ministry of Transport of the Republic of Uzbekistan;

qisqartirilgani — Ministry of Transport;

v) rus tilida:

toʻliq nomi — Ministerstvo transporta Respubliki Uzbekistan;

qisqartirilgani — Mintrans.

9. Vazirlik joylashgan joy (pochta manzili): Oʻzbekiston Respublikasi, 100128, Toshkent shahri, Zulfiyaxonim koʻchasi 3-uy.

10. Vazirlik tizimiga quyidagilar kiradi:

markaziy apparat;

Qoraqalpogʻiston Respublikasi Transport vazirligi, viloyatlar va Toshkent shahri transport boshqarmalari;

Avtomobil yoʻllari qoʻmitasi;

Fuqaro aviatsiyasi agentligi;

Temir yoʻllarda yuk va yoʻlovchilar tashish xavfsizligini nazorat qilish inspeksiyasi;

Yoʻl-qurilish ishlari sifatini nazorat qilish inspeksiyasi;

“Oʻzaeronavigatsiya” markazi;

Transport va logistikani rivojlantirish muammolarini oʻrganish markazi;

Ilmiy-tadqiqot, oʻquv muassasalari va boshqa tashkilotlar.

11. Vazirlik unga yuklangan vazifalar va funksiyalarni bevosita hamda uning tuzilmasiga kiruvchi hududiy boʻlinmalar va idoraviy mansub tashkilotlar orqali amalga oshiradi.

12. Quyidagilar Vazirlikning asosiy vazifalari hisoblanadi:

1) transportning barcha turlarini Oʻzbekiston Respublikasi yagona transport tarmogʻiga integratsiyalashtirish va yangi samarali transport-logistika tizimlaridan foydalanish asosida birgalikda rivojlantirishga yoʻnaltirilgan yagona davlat transport siyosatini ishlab chiqish;

2) transport va logistika xizmatlari bozorini rivojlantirishni ragʻbatlantirish, ularning barcha toifadagi isteʼmolchilar uchun ommabopligini taʼminlash, shuningdek, sohaga investitsiyalarni jalb etishga yoʻnaltirilgan transport sohasidagi yagona tarif siyosatini amalga oshirish;

3) xalqaro transport koridorlarini rivojlantirish, logistika tizimini takomillashtirish boʻyicha takliflar ishlab chiqish va chora-tadbirlarni amalga oshirish, mamlakat transport salohiyatidan samarali foydalanish, tadbirkorlik subyektlarining transport-logistika xizmatlaridan foydalanishdagi sarf-xarajatlarini kamaytirish;

4) transport va yoʻl xoʻjaligi sohasida davlat-hususiy sheriklikni rivojlantirish va mamlakatning investitsiyaviy jozibadorligini oshirish;

5) butun transport tizimini raqamlashtirish boʻyicha ilgʻor axborot texnologiyalarini joriy etish, Oʻzbekiston Respublikasi transport tizimining bir-biriga bogʻlangan yagona tizimini istiqbolli rivojlantirish strategiyalarini ishlab chiqish va amalga oshirish;

6) avtomobil yoʻllari sohasida yagona texnika siyosatini amalga oshirish, foydalanuvchilar manfaatini hisobga olgan holda, avtomobil yoʻllari, aerodromlar va aeroportlar, vokzallar, temir yoʻllar va transport infratuzilmasining boshqa obyektlarini moliyalashtirish, loyihalash, qurish, taʼmirlash va foydalanish masalalarining kompleks yechimini taʼminlash;

7) transport sohasida nazoratni amalga oshirish, fuqaro aviatsiyasi va eksperimental havo kemalaridagi halokatlar va baxtsiz hodisalarni, shuningdek, temir yoʻl va daryo transportidagi avariya va halokatlar boʻyicha tekshiruvlarni tashkil etish va amalga oshirish;

8) transport va yoʻl xoʻjaligi sohasidagi xalqaro va hududiy hamkorlikni rivojlantirish hisobidan jahon transport xizmatlari bozorida Oʻzbekiston Respublikasi milliy manfaatlarini taʼminlash;

9) transport sohasidagi joriy va istiqbolli ehtiyojlarni inobatga olgan holda, taʼlim, kadrlar tayyorlash, qayta tayyorlash va malakasini oshirishning ilgʻor usullarini tizimli ravishda joriy etish.

13. Vazirlik oʻziga yuklangan vazifalarga muvofiq quyidagi funksiyalarni amalga oshiradi:

transport va yoʻl xoʻjaligini rivojlantirish, transport sohasining samaradorligi va jozibadorligini oshirish, transport va yoʻl xoʻjaligi sohasida sogʻlom raqobat muhitini shakllantirish boʻyicha yagona davlat siyosatini amalga oshiradi;

sohalar va hududlarning kompleks, istiqbolli va ilmiy asoslangan rejasini hisobga olgan holda, transport va yoʻl xoʻjaligini rivojlantirishning transport va yoʻl xoʻjaligi sohasidagi vazifalarni izchil va tizimli hal etishni taʼminlash bilan bogʻliq barcha masalalarni oʻz ichiga olgan uzoq muddatli kelajakka moʻljallangan konsepsiyalarini ishlab chiqadi;

transport va logistikani rivojlantirish muammolarini oʻrganishni tashkil etadi va oʻrganish natijalari asosida aniqlangan muammolarni hal etish, Markaziy Osiyo va Yevropa davlatlari oʻrtasida yoʻlovchilar va yuk oqimini optimallashtirish yoʻllarini izlash, milliy transport kommunikatsiyalari orqali xalqaro va mintaqaviy tranzitni rivojlantirish boʻyicha takliflarni ishlab chiqishni taʼminlaydi;

xalqaro transport yoʻlaklarini rivojlantirish, logistika tizimini takomillashtirish, mamlakatning tranzit salohiyatidan samarali foydalanish, tadbirkorlik subyektlarining transport-logistika xizmatlari uchun xarajatlarini minimallashtirish boʻyicha takliflarni ishlab chiqadi va chora-tadbirlarni amalga oshiradi;

idoraviy mansub tashkilotlar faoliyatiga umumiy rahbarlik qiladi, ular faoliyatini iqtisodiy tahlil qiladi, mazkur tashkilotlar rahbarlari bilan hamkorlikda ularning samarali ishlashini taʼminlaydi;

eksport hajmlarini oshirish va importni optimallashtirish boʻyicha samarali siyosatni amalga oshirish doirasida, transport va yoʻl xoʻjaligi korxonalarining eksport-import tartib-taomillari monitoringini amalga oshiradi;

transport va yoʻl xoʻjaligi sohasida yagona texnik siyosatni amalga oshirishni tashkil etadi va muvofiqlashtiradi;

Oʻzbekiston Respublikasi Prezidenti va Vazirlar Mahkamasi topshiriqlariga binoan hamda shaxsiy tashabbusiga koʻra, normativ-huquqiy hujjatlar loyihalarini ishlab chiqadi va belgilangan tartibda koʻrib chiqish uchun kiritadi;

faoliyatning belgilangan sohasiga tegishli masalalar boʻyicha normativ-huquqiy hujjatlarni tasdiqlaydi;

idoraviy mansub tashkilotlarning texnik tartibga solish borasida ular faoliyati sohasiga tegishli normativ-huquqiy hujjatlarni ishlab chiqish boʻyicha ishini tashkil etadi va muvofiqlashtiradi;

Oʻzbekiston Respublikasi Oliy Majlisining Qonunchilik palatasi va Senati, Prezident Administratsiyasi, Vazirlar Mahkamasiga transport va yoʻl xoʻjaligi sohasidagi normativ-huquqiy bazani takomillashtirish, amaldagi xalqaro transport yoʻlaklaridan samarali foydalanish va yangilarini tashkil etish boʻyicha takliflarni koʻrib chiqish uchun kiritadi;

vazirlik va idoralar, xoʻjalik yurituvchi subyektlarning transport turlari boʻyicha normativ-huquqiy hujjatlari, rivojlantirish dasturlari, tarmoqlarni rivojlantirish boʻyicha transport va yoʻl xoʻjaligi sohasidagi faoliyatga oid boshqa hujjatlar loyihalarini kelishadi;

oʻz vakolati doirasida respublikani ijtimoiy-iqtisodiy rivojlantirish dasturlari loyihalarini ishlab chiqishda ishtirok etadi;

Oʻzbekiston Respublikasining transport va yoʻl xoʻjaligini rivojlantirish samaradorligi xalqaro reytinglardagi oʻrnini yaxshilash tadbirlarini ishlab chiqadi;

transport va yoʻl xoʻjaligi sohasida transport xizmatlari bozorida sogʻlom raqobatbardosh muhitni shakllantirish va milliy kompaniyalar manfaatlarini himoya qilishga qaratilgan yagona tarif siyosatini amalga oshiradi;

Oʻzbekiston Respublikasida transport sohasida bozor munosabatlarini yanada rivojlantirish va ilgʻor axborot-kommunikatsiya texnologiyalarini joriy etishni hisobga olgan holda, aholi va tashkilotlarga koʻrsatilayotgan transport xizmatlariga tariflarni shakllantirishning asosiy yoʻnalishlari, konseptual yondashuvlarini belgilaydi;

tariflarni shakllantirish va qoʻllash boʻyicha normativ-huquqiy bazani, jumladan, xalqaro qonunchilik va standartlar talablarini hisobga olgan holda takomillashtiradi;

transport va yoʻl xoʻjaligi sohasida tarif siyosati, stavkalar va yigʻimlar masalalarini tartibga solish, muvofiqlashtirish va kelishishda ishtirok etadi;

tashuvchi kompaniyalar bilan hamkorlikda xalqaro tariflar boʻyicha yigʻilishlar va konferensiyalar oʻtkazish doirasida takliflarni ishlab chiqadi;

aeronavigatsiya xizmatlarini koʻrsatishda havo makonidan foydalanuvchilar ehtiyojlari qondirilishini taʼminlaydi;

avtomobil tashuvlari yoʻnalishlarini tender boʻyicha amalga oshirish mexanizmlarini takomillashtiradi, shahar, shahar atrofi, shaharlararo va xalqaro yoʻlovchilar tashish yoʻnalishlarini joylashtirish uchun ochiq tenderlarni belgilangan tartibda tashkil etadi, yoʻnalishlarida xizmat koʻrsatish huquqini beruvchi namunaviy shartnomalarni ishlab chiqadi va tasdiqlaydi;

v) xalqaro transport koridorlarini rivojlantirish, logistika tizimini takomillashtirish boʻyicha takliflar ishlab chiqish va chora-tadbirlarni amalga oshirish, mamlakat transport salohiyatidan samarali foydalanish, tadbirkorlik subyektlarining transport-logistika xizmatlaridan foydalanishdagi sarf-xarajatlarini kamaytirish sohasida:

tranzit salohiyatini rivojlantirish, Oʻzbekiston Respublikasi hududi boʻylab oʻtuvchi tranzit yoʻlaklarining raqobatbardoshligini oshirish yuzasidan takliflarni tayyorlash yoʻli bilan yagona tranzit siyosatini amalga oshiradi;

logistika tizimi samaradorligini oshirish, logistika samaradorligining xalqaro reytinglarida Oʻzbekiston Republikasining oʻrnini yaxshilash hamda tadbirkorlik subyektlarining transport-logistika xizmatlariga xarajatlarini minimallatirish boʻyicha chora-tadbirlarni ishlab chiqadi;

mavjud transport yoʻlaklarini diversifikatsiyalash va istiqbollilarini rivojlantirish yuzasidan takliflar ishlab chiqadi;

multimodal tashuvlarni rivojlantirish borasida strategiya ishlab chiqadi;

davlat-xususiy sheriklikni joriy etish va rivojlantirish boʻyicha takliflar ishlab chiqadi;

tarmoqni rivojlantirishning ustuvor yoʻnalishlarini belgilagan holda, transport va yoʻl xoʻjaligining yaqin va oʻrta muddatli istiqbolga moʻljallangan Investitsion dasturlarni shakllantiradi va ular ijrosi holatini monitoring qiladi;

transport va yoʻl xoʻjaligi raqobatbardoshligi va investitsiyaviy jozibadorligini oshirish boʻyicha takliflar ishlab chiqadi;

Transport va yoʻl xoʻjaligi investitsiya dasturlarini amalga oshirish uchun investitsiyalarni, shu jumladan toʻgʻridan-toʻgʻri jalb etish boʻyicha takliflar tayyorlaydi va masalalarni ishlab chiqadi;

transport va yoʻl xoʻjaligi sohasida yagona axborot-kommunikatsiya siyosatini amalga oshiradi, transport va yoʻl xoʻjaligi korxonalarining raqamli iqtisodiyotga oʻtish strategiyasini ishlab chiqadi;

Oʻzbekiston Respublikasining tegishli vazirlik va idoralari bilan birgalikda transport va yoʻl xoʻjaligi sohasida axborot-kommunikatsiya texnologiyalarini joriy etish malalalari boʻyicha ishlarni muvofiqlashtiradi;

transport va yoʻl xoʻjaligi sohasida yagona axborot platformalarini yaratishda ishtirok etadi;

transport va yoʻl xoʻjaligi sohasida zamon talablariga javob beradigan infratuzilmani yaratishga qaratilgan yagona texnik siyosatni amalga oshiradi;

transport va yoʻl xoʻjaligi sohasida ekologik xavfsizlikni taʼminlash ishlarini muvofiqlashtiradi;

yoʻl qurilishi, yoʻl-qurilish materiallari, mahsulotlari va qurilmalarini ishlab chiqarish sohasida texnik tartibga solishga oid normativ hujjatlar talablari bajarilishini nazorat qiladi;

transport hamda yoʻl xoʻjaligini texnik jihatdan rivojlantirish, tashuvlar xavfsizligini taʼminlash sohasida ilmiy-tadqiqot, loyiha-konstruktorlik ishlarni amalga oshiradi;

j) transport sohasida nazoratni amalga oshirish, fuqaro aviatsiyasi va eksperimental havo kemalaridagi halokatlar va baxtsiz hodisalarni, shuningdek, temir yoʻl va daryo transportidagi avariya va halokatlar boʻyicha tekshiruvlarni tashkil etish va amalga oshirish sohasida:

yoʻlovchilar, bagaj va yuk tashish qoidalariga rioya etish, yoʻlovchilar va yuk tashish xavfsizligi, yoʻlovchilarga xizmat koʻrsatish madaniyatining zarur darajasini taʼminlash, yoʻlovchilar yoʻnalishlarida transport vositalarining bir maromda harakatlanishi, belgilangan harakat jadvali va oraliqlariga rioya etilishini tizimli nazorat qilishni tashkil etadi;

qonunchilikda belgilangan tartibda:

avtomobil transportida shahar, shahar atrofi, shaharlararo va xalqaro yoʻlovchilar va yuk tashish;

temir yoʻl transportida ichki va xalqaro yoʻnalishlarda yoʻlovchilar va yuklarni tashish huquqini beruvchi litsenziyalarni (litsenziya varaqalarini) beradi;

ruxsatnoma hujjatlari shartlari va litsenziya talablariga rioya etilishini nazorat qiladi, belgilangan tartibda berilgan litsenziyalar va ruxsatnoma hujjatlarining amal qilish muddatini toʻxtatib turish, toʻxtatish va bekor qilish choralarini koʻradi;

kemalarni roʻyxatdan (qayta roʻyxatdan) oʻtkazish, kemalarni qurish, ulardan foydalanish, qayta jihozlash va taʼmirlashda koʻrikdan oʻtkazishni amalga oshiradi;

kemalarga kema guvohnomalari va chiptalar, toifa guvohnomalari, suzishga yaroqlilik guvohnomalari va kemachilikni tartibga solish qoidalarida nazarda tutilgan boshqa hujjatlarni beradi;

avtomobil transportida yoʻlovchilar va yuk tashish bilan shugʻullanuvchi yuridik shaxslar xodimlariga, shuningdek, temir yoʻl transporti tashkilotlari, markazlari va korxonalarida yangi lavozimga tayinlangan rahbarlar va masʼul boshqaruv xodimlarigi qoʻyiladigan malaka talablariga muvofiqligini attestatsiyadan oʻtkazadi;

Oʻzbekiston Respublikasi hududida aviatsiya hodisalari va fuqaro aviatsiyasi hamda eksperimental havo kemalaridagi halokatlar va toʻqnashuvlarni, shuningdek, temir yoʻl va daryo transportidagi avariya va halokatlarni texnik surishtiruv-tergov ishlarini tashkil etadi va amalga oshiradi;

oʻz vakolati doirasida Oʻzbekiston Respublikasining boshqa davlat hududidagi fuqaro aviatsiyasi va eksperimental havo kemalari bilan yuz bergan aviatsiya halokatlari hamda toʻqnashuvlarni, shuningdek, yoʻlovchilar poyezdlari tarkiblari bilan yuz bergan avariya va halokatlarni surishtiruv-tergov qilish ishlarida belgilangan tartibda ishtirok etadi;

tergov, shu jumladan transport korxonalari va tashkilotlari tomonidan oʻtkazilayotgan tekshiruv ishlarining belgilangan muddatlarda va xolisona olib borilishini, fuqaro aviatsiyasi va eksperimental havo kemalaridagi halokatlar va baxtsiz hodisalar, shuningdek, temir yoʻl va daryo transportidagi avariya va halokatlarning toʻgʻri tasniflanishiga rioya etilishi va ularni hisobga olgan holda nazorat qiladi;

Oʻzbekiston Respublikasining fuqaro aviatsiyasi hamda eksperimental havo kemalaridagi halokatlar va baxtsiz hodisalarni, shuningdek, temir yoʻl va daryo transportidagi avariya va halokatlarning oldini olish yuzasidan takliflar ishlab chiqadi;

birinchi navbatda, Favqulodda vaziyatlar davlat tizimi (keyingi oʻrinlarda FVDX deb ataladi), harbiy boʻlinmalarning qutqarish tuzilmalari, kuchlari va vositalari va favqulodda vaziyatlarni bartaraf etish hamda evakuatsiya tadbirlarini amalga oshirish uchun yuklarni tashishni taʼminlaydi;

FVDX, avtotransport xizmati va avtoyoʻl xizmatlarining funksional kichik tizimlari faoliyatiga rahbarlik qiladi;

Oʻzbekiston Respublikasiga va Oʻzbekiston Respublikasi hududi boʻylab avtomobil va temir yoʻl transportida tranzit harakatlanayotgan xavfli va maxsus yuklarni tashishning eng qisqa masofasi tartibini belgilashda ishtirok etadi;

Oʻzbekiston Respublikasi Davlat bojxona qoʻmitasi va Davlat chegaralarini qoʻriqlash qoʻmitasining Oʻzbekiston Respublikasi davlat chegarasi orqali oʻtish punktlarini rekonstruksiya qilish va koʻchirish toʻgʻrisidagi takliflarini kelishishni amalga oshiradi;

Vazirlik vakolatiga tegishli masalalar boʻyicha Oʻzbekiston Respublikasi manfaatlarini xalqaro darajada ifoda etadi;

xorijiy va xalqaro tashkilotlar bilan xalqaro hamkorlikni oʻrnatadi va rivojlantiradi;

Vazirlik vakolatiga tegishli masalalar boʻyicha idoralararo xususiyatdagi xalqaro shartnomalarni tuzadi;

transport va yoʻl xoʻjaligi sohasida xalqaro seminarlar, anjumanlar, koʻrgazmalarni tashkil etadi va amalga oshiradi hamda xorijdagi shunday tadbirlarda ishtirok etadi;

transport va yoʻl xoʻjaligi sohasida xodimlarni tayyorlash, qayta tayyorlash, malakasini oshirish siyosatini belgilaydi;

qonun hujjatlariga muvofiq transport va yoʻl xoʻjaligi korxonalarini yuqori malakali mutaxassislar bilan toʻldirish, kadrlar tayyorlash, qayta tayyorlash va malakasini oshirishga yoʻnaltirilgan kadrlar boʻyicha davlat siyosatini amalga oshiradi;

ixtisoslashtirilgan trenajerlar, turli ilovalarni keng qoʻllab, oʻquv jarayoniga masofaviy taʼlimni faol jalb qilgan holda, transport va yoʻl xoʻjaligi sohasida kadrlar tayyorlash, qayta tayyorlash va malakasini oshirishning, shu jumladan ommaviy kasblar, sayyor mashgʻulotlarning bazaviy dasturlarini tasdiqlaydi;

taʼlim jarayonining ishlab chiqarish bilan samarali hamkorligini, bitiruvchilarni ishga joylashtirish maqsadida transport taʼlim muassasalari va ish beruvchilarning saʼy-harakatlarini, jumladan, xususiy investitsiyalarni oʻquv jarayoniga jalb etgan holda birlashtirishni tashkil etadi;

transport logistikasi tizimi yoʻnalishlari boʻyicha yuqori malakali mutaxassislar va rahbar kadrlarni tayyorlash, yoʻnalish tarmogʻi va yoʻlovchi oqimlarini modellashtirishning iqtisodiy-matematik usullarini qoʻllashni tashkil etadi;

fundamental, amaliy va innovatsion tadqiqotlar oʻtkazishni tashkil etadi hamda ularning natijalarini ilm-fan, taʼlim va ishlab chiqarishni samarali integratsiyalashtirish yoʻli bilan amalga oshirishni tashkil etadi;

transport va yoʻl xoʻjaligi sohasida kadrlarni tayyorlash, qayta tayyorlash va malakasini oshirish bilan shugʻullanuvchi taʼlim muassasalarini akkreditatsiyadan, ularning pedagog va ilmiy kadrlarini attetatsiyadan oʻtkazishda ishtirok etadi;

transport va yoʻl xoʻjaligi sohasidagi fanlar hamda mutaxassisliklar boʻyicha xorijiy davlatlarda berilgan taʼlim va ilmiy daraja berish toʻgʻrisidagi hujjatlarni tan olish hamda nostrifikatsiya qilishda (ekvivalentligini belgilashda) ishtirok etadi.

14. Vazirlik qonun hujjatlarida nazarda tutilgan boshqa funksiyalarni ham amalga oshirishi mumkin.

15. Vazirlik unga yuklangan vazifalar va funksiyalarni bevosita hamda Vazirlik tashkiliy tuzilmasiga kiruvchi tashkilotlar orqali bajaradi.

16. Quyidagilar Vazirlik markaziy apparatining asosiy vazifalari hisoblanadi:

1) transport va yoʻl xoʻjaligi sohasida yagona davlat siyosatini amalga oshirishni taʼminlash;

2) Vazirlik hamda uning tarkibiy va hududiy boʻlinmalari faoliyati bilan bogʻliq prognoz koʻrsatkichlar, maqsadli indikatorlar, sifatga erishish va rivojlantirish dasturlarini samarali amalga oshirishni taʼminlash;

3) Vazirlik faoliyati sohasiga tegishli masalalarda vazirliklar va idoralar bilan hamkorlik qilish, Vazirlar Mahkamasi va uning Rayosatining yigʻilishlarida masalalarni muhokama qilishda ishtirok etish;

4) Oʻzbekiston Respublikasi Prezidenti hamda Oʻzbekiston Respublikasining Bosh vaziri va uning oʻrinbosarlari topshiriqlarini oʻz vaqtida, toʻliq va sifatli bajarish;

5) Vazirlik xodimlarini tizimli qayta tayyorlash va malakasini oshirishni tashkil etish;

6) Vazirlikning markaziy apparati va hududiy boʻlinmalari faoliyatining samaradorligi va natijadorligini tanqidiy tahlil qilish, tahlil natijalariga koʻra zarur chora-tadbirlarni koʻrish;

7) Vazirlik va uning tarkibiy va hududiy boʻlinmalari faoliyatiga zamonaviy ish uslublarini joriy etish;

8) transport va yoʻl xoʻjaligi sohasida davlat xizmatlarini koʻrsatish samaradorligi, sifati va erkinligini taʼminlash;

9) jismoniy va yuridik shaxslar murojaatlarini koʻrib chiqish boʻyicha ishlarni samarali taʼminlash, aholi bilan toʻgʻridan-toʻgʻri va ochiq muloqotni yoʻlga qoʻyish;

10) Oʻzbekiston Respublikasi Prezidentining Xalq qabulxonalari bilan samarali hamkorlik qilishni, Vazirlik rahbariyati va xodimlarining ular faoliyatida faol ishtirok etishini, Oʻzbekiston Respublikasi Prezidentining Virtual qabulxonasidan kelib tushadigan jismoniy va yuridik shaxslar murojaatlarining oʻz vaqtida va toʻliq koʻrib chiqilishini taʼminlash;

11) transport va yoʻl xoʻjaligini rivojlantirish boʻyicha maqsadli dasturlar, transport va yoʻl xoʻjaligi sohasidagi dasturiy-uslubiy va boshqa tartibga soluvchi hujjatlarni belgilangan tartibda tasdiqlash;

12) transport va yoʻl xoʻjaligi sohasida xalqaro va davlatlararo hamkorlikni kengaytirish va mustahkamlash, xorijiy investitsiyalar va grantlarni jalb etish boʻyicha xalqaro xorijiy tadbirlarda Vazirlik vakillarining ishtirokini taʼminlash;

13) Vazirlik hayʼati qarorlari, Oʻzbekiston Respublikasi transport vazirining (keyingi oʻrinlarda Vazir deb ataladi) buyruqlari va topshiriqlarining oʻz vaqtida va sifatli bajarilishini taʼminlash;

14) tarkibiy boʻlinmalarda kadrlarni tanlash va joy-joyiga qoʻyish, ularning kasb mahorati, chuqur bilimga egaligi, tajribasi, ishchanlik va odob-ahloq hamda maʼnaviyatining yuqori darajasi kafolatlanganligini taʼminlash, ularning kasbiy malakasini oshirish choralarini koʻrish, nazoratdagi tarkibiy boʻlinmalarda kadrlar zaxirasini shakllantirish;

15) transport va yoʻl xoʻjaligi sohasidagi ilgʻor xorijiy tajriba va ilmiy-texnik taraqqiyotda erishilgan natijalarni oʻrganishni tashkil etish, transport va yoʻl xoʻjaligini yanada rivojlantirishda mazkur tajribani joriy etish;

16) transport va yoʻl xoʻjaligi sohasida xalqaro seminarlar, anjumanlar, koʻrgazmalar oʻtkazilishini tashkil etish hamda boshqa tashkilotlar oʻtkazadigan shu kabi tadbirlarda ishtirok etishni taʼminlash.

17. Vazirlik markaziy apparati unga yuklangan asosiy vazifalarga muvofiq quyidagi funksiyalarni amalga oshiradi:

1) Vazirlik va uning rahbariyati faoliyatini tashkiliy va axborot-tahliliy taʼminotini amalga oshiradi;

2) Vazirlikning tarkibiy va hududiy boʻlinmalari hamda idoraviy mansub tashkilotlari tomonidan Oʻzbekiston Respublikasi qonunlari, Oʻzbekiston Respublikasi Prezidentining Farmonlari, qarorlari va farmoyishlari, Vazirlar Mahkamasining qarorlari va farmoyishlari, shuningdek, Vazirlikning buyruq va normativ-huquqiy hujjatlari, hayʼati qarorlarining bajarilishini doimiy nazorat qilib borilishini taʼminlaydi;

3) Vazirlik tomonidan Oʻzbekiston Respublikasi Prezidenti Administratsiyasi va Vazirlar Mahkamasiga kiritilayotgan hujjatlarning oʻz vaqtida va sifatli ishlab chiqilishini tashkil etadi;

4) Vazirlikning hududiy boshqarmalari va idoraviy mansub tashkilotlar faoliyatiga rahbarlik qiladi, muvofiqlashtiradi va nazoratini amalga oshiradi;

5) ichki va xalqaro yoʻllarda temir yoʻl transportida yoʻlovchilar va yuklarni tashish huquqini beruvchi litsenziyalar beradi va berilgan litsenziyalar reyestrini yuritadi, joylarga borib litsenziya talablari va shartlarining litsenziatlar tomonidan bajarilishini nazorat qiladi;

5¹) avtomobil transportida yoʻlovchilarni va yuklarni xalqaro tashish faoliyatini litsenziyalashni, litsenziya/litsenziya varaqalari reyestrini yuritishni amalga oshiradi;

8) temir yoʻl yoʻlaklari, shuningdek, vagon va konteynerlarni yuklash, tushirish va tozalashga moʻljallangan uskunalarni qurish va taʼmirlash loyihalarini kelishishni taʼminlaydi;

9) Vazirlik faoliyatini, shu jumladan qonun ijodkorligi sohasida huquqiy taʼminlashni amalga oshiradi;

10) Vazirlik vakolatiga tegishli tezkor, tashkiliy, kadrlarga oid, moliyaviy, ishlab chiqarish-xoʻjalik va boshqa masalalarni hal etish bilan shugʻullanadi;

11) Vazirlik va uning tarkibiy hamda hududiy boʻlinmalari faoliyati bilan bogʻliq prognoz koʻrsatkichlarga erishishni soʻzsiz taʼminlash boʻyicha taʼsirchan choralarni ishlab chiqadi va amalga oshiradi;

12) Oʻzbekiston Respublikasi Prezidenti Administratsiyasi va Vazirlar Mahkamasi, shuningdek, tegishli vazirlik va idoralar bilan Vazirlik faoliyati sohasiga tegishli masalalar boʻyicha hamkorlikni taʼminlaydi;

13) Vazirlikning tarkibiy va hududiy boʻlinmalari ish faoliyatiga zamonaviy uslublarni joriy etishni taʼminlaydi;

14) Vazirlikning samarali faoliyatini tashkil etish va takomillashtirish boʻyicha takliflarni ishlab chiqadi;

15) Oʻzbekiston Respublikasi hududida va uning tashqarisida transport va yoʻl xoʻjaligi sohasida anjumanlar, seminarlar, simpoziumlar, koʻrgazmalar, yarmarkalar va boshqa tadbirlarni tashkil etish va oʻtkazish yuzasidan ishlarni amalga oshiradi.

18. Quyidagilar Qoraqalpogʻiston Respublikasi Transport vazirligi, viloyatlar va Toshkent shahri transport boshqarmalarining asosiy vazifalari va funksiyalari hisoblanadi:

Qoraqalpogʻiston Respublikasi, viloyatlar va Toshkent shahri hududida Vazirlikka yuklangan vazifalar va funksiyalarni samarali bajarish;

transport va yoʻl xoʻjaligi sohasida qonun hujjatlariga rioya etilishini nazorat qilish.

19. Qoraqalpogʻiston Respublikasi Transport vazirligi, viloyatlar va Toshkent shahri transport boshqarmalari quyidagi funksiyalarni amalga oshiradi:

1) tashuvlar, transport obyektlari xavfsizligini tashkil etish va taʼminlash yuzasidan yangi normativ-huquqiy hujjatlarni ishlab chiqish va mavjudlariga oʻzgartirish va qoʻshimchalar kiritish boʻyicha takliflar kiritadi hamda boshqaruv organlari va xoʻjalik subyektlari tomonidan ularga rioya etilishini nazorat qiladi;

2) mavjud xalqaro yoʻlaklardan samarali foydalanish va yangilarini tashkil etish boʻyicha takliflar kiritadi;

3) transport va yoʻl xoʻjaligini rivojlantirish boʻyicha kompleks dasturlar va konsepsiyalarni, shuningdek, xavfsizligini taʼminlash chora-tadbirlarini ishlab chiqish va amalga oshirishda ishtirok etadi;

4) tegishliligi boʻyicha shahar, shahar atrofi va shaharlararo-viloyat ichki yoʻlovchi tashish yoʻnalishlarini joylashtirish uchun ochiq tenderlarni belgilangan tartibda tashkil etadi;

5) avtotashuvlar, avtovokzal, avtostansiyalar faoliyati, harakatlar tartibi, jadvallari va grafiklariga rioya etilishi, yoʻllarda harakatlanish tezligi monitoringi maʼlumotlari, harakatlar chizmasi, tashish tariflari, haydovchilarning mehnat va dam olish tartibiga rioya etishini boshqarish va dispetcherlik nazoratini oʻrnatishni tashkil etadi;

6) mahalliy davlat hokimiyati organlari va aholining transport va yoʻl xoʻjaligi faoliyatiga tegishli takliflarini koʻrib chiqadi, ularni umumlashtirgan holda, Vazirlik markaziy apparatiga taqdim etadi;

7) yoʻlovchilar yoʻnalishlaridagi toʻxtash bekatlarini xatlovdan oʻtkazadi, Vazirlik markaziy apparatiga toʻxtash bekatlarini qurish, rekonstruksiya qilish va taʼmirlash yuzasidan takliflar kiritadi;

8) sanoat korxonalari harakatlanuvchi tarkibining umumiy foydalanishdagi temir yoʻllarga chiqishi uchun ruxsatnomalar berishni belgilangan tartibda taʼminlaydi;

9) avtomobil transportida shahar, shahar atrofi, shaharlararo yoʻlovchilar tashishlarni litsenziyalashni, litsenziya/litsenziya varaqalari reyestrini yuritishni amalga oshiradi;

10) quyidagilarni nazorat qiladi:

tashuvchilar tomonidan yoʻlovchilar hayoti, sogʻligi va (yoki) mulkiga zarar yetkazganlik uchun qonun hujjatlarida oʻrnatilgan fuqarolik javobgarligini majburiy sugʻurtalashga oid majburiyatlarning bajarilishi;

litsenziya talablari va shartlariga rioya etilishi;

avtomobil transportida yoʻlovchilar va yuk tashishni amalga oshiruvchi avtotransport vositalarida litsenziya varaqalarining mavjudligi;

Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasidan yoʻlovchilar avtovokzallari, avtostansiyalar, mahalliy ijro etuvchi hokimiyat organlari tasarrufida boʻlgan umumiy foydalanishdagi yoʻlovchilar yoʻnalishlaridagi toʻxtash bekatlarini qurish, rekonstruksiya qilish va taʼmirlash ishlarini moliyalashtirish uchun ajratilgan pul mablagʻlaridan maqsadli foydalanilganligi, Vazirlik va uning idoraviy mansub tashkilotlar xodimlarini moddiy ragʻbatlantirishga yoʻnaltirilgan mablagʻlarning sarflanishi;

avtomobilda xalqaro tashishni amalga oshirishda ruxsatnoma berish tizimi talablariga rioya etilishi;

avtotransport vositlarining vazn va hajm parametrlariga rioya etilishi.

20. Qoraqalpogʻiston Respublikasi Transport vazirligi, viloyatlar va Toshkent shahri transport boshqarmalari qonun hujjatlariga muvofiq boshqa funksiyalarni amalga oshirishi mumkin.

21. Vazirlik oʻziga yuklangan vazifa va funksiyalarni amalga oshirish uchun quyidagi huquqlarga ega:

1) Oʻzbekiston Respublikasi Prezidenti Administratsiyasi va Vazirlar Mahkamasiga normativ-huquqiy hujjatlar loyihalari hamda Vazirlikka yuklangan vazifalar va funksiyalarni bajarish bilan bogʻliq boshqa hujjatlarni belgilangan tartibda kiritish;

2) Vazirlik vakolatiga tegishli masalalarda davlat va xoʻjalik boshqaruvi organlari, mahalliy davlat hokimiyati organlari faoliyatini belgilangan tartibda muvofiqlashtirish;

3) yuridik shaxs huquqlarida yoʻlovchilar va/yoki yuk tashish, transport-logistika faoliyati, infratuzilma obyektlarini qurish, rekonstruksiya qilish va taʼmirlash hamda boshqa faoliyat turlari bilan shugʻullanuvchi yuridik shaxs huquqlariga ega mustaqil ixtisoslashtirilgan tashkilotlarni tashkil etish, shuningdek, Vazirlik tuzilmasiga kiruvchi tashkilotlarni belgilangan tartibda birlashtirish va tugatish (davlat boshqaruvi organlari bundan mustasno);

4) Oʻzbekiston Respublikasi Transport vazirligi huzuridagi Transport va logistikani rivojlantirish jamgʻarmasi mablagʻlarini boshqarish;

5) davlat organlariga transport va yoʻl xoʻjaligidan foydalanish qoidalarini buzishda aybdor shaxslarni qonunchilikda nazarda tutilgan javobgarlikka tortish haqida takliflar kiritish;

6) maʼmuriy sudlarga transport sohasida tashuvchilar tomonidan yoʻlovchilar hayoti, sogʻligi va (yoki) mulkiga zarar yetkazganlik uchun fuqarolik javobgarligini majburiy sugʻurtalashga oid qonunda belgilangan majburiyatlar bajarilmaganligi boʻyicha aybdor shaxslarni qonunchilikda nazarda tutilgan javobgarlikka tortish haqida bayonnomalarni tuzish va kiritish;

7) davlat va xoʻjalik boshqaruvi organlari, mahalliy davlat hokimiyati organlaridan Vazirlik vakolatiga tegishli masalalarni hal etish uchun zarur boʻlgan maʼlumotlarni belgilangan tartibda bepul soʻrash va olish;

8) Oʻzbekiston Respublikasi avtomobil yoʻllarida va transport infratuzilmasi obyektlarida xavfsizlikni taʼminlash boʻyicha nazoratni amalga oshirish uchun Oʻzbekiston Respublikasi Ichki ishlar vazirligi organlari, Davlat soliq qoʻmitasi, Davlat bojxona qoʻmitasidan yozma va/yoki elektron shaklda zarur maʼlumotlarni bepul soʻrash va olish, oʻz vakolati doirasida mazkur taʼkidlangan tashkilotlarning elektron maʼlumotlar bazasidan erkin belgilangan tartibda foydalanish;

9) statistika organlaridan Vazirlik vakolatiga kiruvchi masalalarni hal etish uchun zarur boʻlgan statistik maʼlumotlarni bepul soʻrash va olish;

10) litsenziatlar tomonidan litsenziya talablari va shartlariga rioya etilishini qonunchilikda belgilangan tartibda rejali va qisqa muddatli tekshiruvlarini amalga oshirish;

11) Vazirlik va uning idoraviy mansub tuzilmalarining davlat mulkini oʻz tashkiliy tuzilmasi doirasida bir tarkibiy tuzilmadan boshqasiga qonunchilikda belgilangan tartibda, bepul foydalanish huquqi bilan oʻtkazib berish;

12) qonunchilikda taqiqlanmagan mablagʻlar hisobidan budjetdan tashqari moddiy ragʻbatlantirish jamgʻarmalarini tashkil etish, markaziy apparat va hududiy boʻlinmalar xodimlarini ular tomonidan Vazirlik faoliyatini baholash mezonlari va ishchi oʻlchovlarining bajarilishini hisobga olgan holda, moddiy ragʻbatlantirish tartibi, miqdori va shartlarini belgilash;

13) Oʻzbekiston Respublikasi Moliya vazirligi bilan kelishgan holda, banklarda hisobraqamlar ochish;

14) Vazirlar Mahkamasi, davlat va xoʻjalik boshqaruvi organlari, mahalliy davlat hokimiyati organlariga Vazirlik vakolatiga kiruvchi masalalar yuzasidan takliflarni muhokama etish uchun kiritish;

15) Vazirlik vakolatiga kiruvchi masalalar boʻyicha belgilangan tartibda xalqaro shartnomalarni tuzish;

16) xalqaro darajada transport va yoʻl xoʻjaligi masalalari boʻyicha Oʻzbekiston Respublikasi manfaatlarini belgilangan tartibda ifoda etish;

17) oʻz vakolati doirasida anjumanlar, seminarlar, simpoziumlar, koʻrgazmalar va boshqa tadbirlarni oʻtkazish, shuningdek, boshqa tashkilotlar tomonidan oʻtkaziladigan shu kabi tadbirlarda ishtirok etish;

18) transport va yoʻl xoʻjaligini yaxshilash va rivojlantirishga yoʻnaltirilgan chora-tadbirlarni hamkorlikda ishlab chiqish maqsadida xalqaro, xorijiy va milliy tashkilotlar bilan aloqalar oʻrnatish;

19) Oʻzbekiston Respublikasining xorijdagi transport tashkilotlarining vakolatxonalari va xorijiy muassasalaridan muntazam ravishda transport va yoʻl xoʻjaligini rivojlantirish boʻyicha amalga oshirilgan ishlar toʻgʻrisida tahliliy materiallar, hisobotlar hamda Oʻzbekiston Respublikasining xorijiy davlatlar va xalqaro tashkilotlar bilan transport hamkorligini yanada mustahkamlash va kengaytirish yuzasidan takliflarni soʻrash va olish;

20) davlat organlari va boshqa tashkilotlar, yetakchi loyiha institutlari, ilmiy va oʻquv muassasalari, shuningdek, xalqaro tashkilotlar, xorijiy kompaniyalarning yuqori malakali mutaxassislarini va ekspertlarni shartnoma asosida maslahatchi sifatida jalb etish;

21) yuqori malakali va malakali xorijiy mutaxassislarni ishga qabul qilish hamda ularga ish haqi va boshqa toʻlovlar miqdorini xorijiy valyutada belgilash.

22. Qonun hujjatlariga muvofiq Vazirlik boshqa huquqlarga ham ega boʻlishi mumkin.

23. Vazirlik:

1) Vazirlikka yuklangan vazifalar va funksiyalarning samarali bajarilishi, shuningdek, transport va yoʻl xoʻjaligi sohasida davlat siyosatini samarali amalga oshirish;

2) Vazirlik faoliyati bilan bogʻliq prognoz koʻrsatkichlar, maqsadli indikatorlar, sifatga va rivojlantirish dasturlarini samarali amalga oshirishga erishishni taʼminlash;

3) Oʻzbekiston Respublikasi Prezidenti Administratsiyasi va Vazirlar Mahkamasiga kiritiladigan normativ-huquqiy hujjatlar va boshqa hujjatlar loyihalari, shuningdek, Vazirlik tomonidan qabul qilinadigan qarorlarning sifati va yakuniy natijalari;

4) transport va yoʻl xoʻjaligini rivojlantirish, shuningdek, hududlarni ijtimoiy-iqtisodiy rivojlantirish boʻyicha dasturlar, chora-tadbirlar rejalari, “yoʻl xaritalari” va boshqa dasturiy hujjatlarning samarali amalga oshirilishi;

5) fuqarolar va tadbirkorlik subyektlarining huquqlari va qonuniy manfaatlarini himoya qilish va ularga rioya etilishini taʼminlash uchun masʼuldir.

24. Vazirlik markaziy apparati oʻziga yuklangan vazifa va funksiyalarni amalga oshirish uchun quyidagi huquqlarga ega:

1) Vazirlikning hududiy boʻlinmalari va idoraviy mansub tashkilotlaridan masalalarni tahlil qilish va ishlab chiqish uchun zarur boʻlgan materiallar va maʼlumotlarni, shuningdek, normativ-huquqiy va boshqa hujjatlar loyihalarini soʻrash va olish;

2) zarur hollarda, Vazirlikda koʻrib chiqiladigan masalalarni ishlab chiqish, axborot va tahliliy materiallar, shuningdek, normativ-huquqiy va boshqa hujjatlar loyihalarini tayyorlash uchun Vazirlikning hududiy boʻlinmalari va idoraviy mansub tashkilotlari rahbarlari va vakillarini jalb etish, ushbu maqsadlarda ekspert va ishchi guruhlarni tuzish;

3) Vazirlikning hududiy boʻlinmalari va idoraviy mansub tashkilotlari tomonidan qonunchilik va normativ-huquqiy hujjatlar, Oʻzbekiston Respublikasi Prezidenti, Vazirlar Mahkamasi va Vazirlik, shuningdek uning rahbariyati hujjatlari va topshiriqlarining bajarilishi doirasida ularning faoliyatini nazorat qilish va muvofiqlashtirish;

4) Vazirlikning markaziy apparati boshqarmalari va xodimlari faoliyatini tasdiqlangan lavozim yoʻriqnomalariga muvofiq tashkil etishda bevosita ishtirok etish;

5) Vazirlikning tarkibiy tashkilotlari va muassasalarining boshqarmalari faoliyatiga tegishli masalalarni oʻrganishni tashkil etish yuzasidan takliflarni ishlab chiqish, shuningdek, ularga amaliy yordam koʻrsatish;

6) Vazirlik tizimida buxgalterlik hisobini amaldagi normativ-huquqiy hujjatlar talablariga muvofiq hamda zamonaviy texnik vositalar va axborot texnologiyalaridan foydalangan holda yuritish tashkil etilishini taʼminlash, tizimga kiruvchi tashkilotlarda buxgalterlik hisobi yuritilishini nazorat qilish;

7) xarajatlar smetasida nazarda tutilgan budjet va budjetdan tashqari mablagʻlarning muayyan maqsadlarga toʻgʻri sarflanganligini, shuningdek, pul mablagʻlari va moddiy boyliklarning saqlanishini muntazam nazorat qilib borish;

8) transport va yoʻl xoʻjaligini rivojlantirish masalalarini sifatli oʻrganish va monitoring qilishni tashkil etish uchun komissiyalar, ishchi va ekspert guruhlarni tuzish;

9) vazirliklar, idoralar, oʻquv va boshqa muassasalarning olimlari, yuqori malakali mutaxassislarini transport va yoʻl xoʻjaligi sohasida ilmiy va ekspert ishlar, maslahatlarni oʻtkazish, dolzarb masalalarni ishlab chiqish, shuningdek, Vazirlik tarkibiga kiruvchi oʻquv muassasalarida dars berish va mahorat saboqlari oʻtkazish uchun xorijiy mutaxassislarni shartnoma asosida taklif etish.

25. Vazirlikning markaziy apparati qonunchilikka muvofiq boshqa huquqlarga ham ega boʻlishi mumkin.

26. Vazirlikning markaziy apparati:

1) Vazirlikning tarkibiy tuzilmalari va idoraviy mansub tashkilotlari bilan birgalikda Vazirlikka yuklangan vazifalar va funksiyalarning samarali bajarilishini taʼminlash;

2) Vazirlik faoliyati bilan bogʻliq prognoz koʻrsatkichlarga erishishni taʼminlash boʻyicha Vazirlik markaziy apparati tuzilmalarining ishini tashkil etish;

3) Vazirlik tomonidan koʻrib chiqish uchun Oʻzbekiston Respublikasi Prezidenti Administratsiyasi va Vazirlar Mahkamasiga kiritiladigan normativ-huquqiy hujjatlar va boshqa hujjatlar loyihalari, shuningdek, Vazirlik tomonidan qabul qilinadigan buyruqlarning tayyorlanish sifati;

4) Oʻzbekiston Respublikasini rivojlantirish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarning tarkibiy va hududiy boʻlinmalar tomonidan amalga oshirilishini tashkil etish uchun masʼuldir.

27. Qoraqalpogʻiston Respublikasi Transport vazirligi, viloyatlar va Toshkent shahri transport boshqarmalari ularga yuklangan vazifa va funksiyalarni bajarish uchun quyidagi huquqlarga ega:

davlat va xoʻjalik boshqaruvi organlari, mahalliy davlat hokimiyati organlaridan ular vakolatiga tegishli masalalarni hal etish uchun zarur boʻlgan maʼlumotlarni belgilangan tartibda bepul soʻrash va olish;

davlat va xoʻjalik boshqaruvi organlari, mahalliy davlat hokimiyati organlariga vakolatiga tegishli masalalar boʻyicha takliflarni koʻrib chiqish uchun kiritish.

28. Qoraqalpogʻiston Respublikasi Transport vazirligi, viloyatlar va Toshkent shahri transport boshqarmalari:

1) Vazirlikning hududiy boʻlinmalari bilan birgalikda viloyatlar va Toshkent shahrida yuklangan vazifalar va funksiyalarning samarali bajarilishini taʼminlash;

2) Vazirlikka kiritilayotgan hujjatlar va takliflar, shuningdek, qabul qilinayotgan qarorlar loyihalarining sifati, ularni amalga oshirish yakuniy natijalari;

3) Qoraqalpogʻiston Respublikasida, viloyatlar va Toshkent shahrida transport va yoʻl xoʻjaligi sohasini rivojlantirish boʻyicha takliflarni aniqlangan muammolarni har tomonlama va chuqur tahlil qilish hamda umumlashtirish asosida tayyorlash;

4) Qoraqalpogʻiston Respublikasida, viloyatlar va Toshkent shahrida transport va yoʻl xoʻjaligi sohasini rivojlantirish, muammoli masalalarni hal etish boʻyicha dasturlar, chora-tadbirlar rejalari, “yoʻl xaritalari” va boshqa dasturiy hujjatlarni samarali amalga oshirish;

5) fuqarolar va tadbirkorlik subyektlarining huquqlari va qonuniy manfaatlarini himoya qilish va ularga rioya etilishini taʼminlash uchun masʼuldir.

29. Quyidagilar vazirning asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

2) Vazirlik faoliyatiga yakka boshchilik asosida umumiy rahbarlik qilish, Oʻzbekiston Respublikasi Prezidentining tegishli hujjatlari, Vazirlar Mahkamasining qarorlari va boshqa qonun hujjatlari bilan Vazirlikka yuklangan vazifalar va funksiyalar bajarilishini tashkil etish;

3) Oʻzbekiston Respublikasi Prezidentining hujjatlari, Vazirlar Mahkamasining qarorlari bilan tasdiqlangan transport va yoʻl xoʻjaligi faoliyatini yanada takomillashtirish boʻyicha kompleks dasturlar va kompleks tadbirlarning ijrosini tanqidiy va chuqur tahlil qilish;

4) Vazirlik, uning tarkibiy va hududiy boʻlinmalari faoliyati bilan bogʻliq prognoz koʻrsatkichlar, maqsadli indikatorlar, sifatga va rivojlantirish dasturlarining samarali amalga oshirilishiga erishishni soʻzsiz taʼminlash yuzasidan amaliy chora-tadbirlarni ishlab chiqish va qabul qilish;

5) Oʻzbekiston Respublikasi Prezidenti Administratsiyasi va Vazirlar Mahkamasi tarkibiy boʻlinmalari, shuningdek, tegishli vazirlik va idoralar bilan Vazirlik faoliyati sohasiga kiruvchi masalalar boʻyicha hamkorlik qilish, Vazirlar Mahkamasi va uning Rayosatining masalalarini koʻrib chiqish boʻyicha yigʻilishlarida ishtirok etish;

6) Oʻzbekiston Respublikasi Prezidenti va Oʻzbekiston Respublikasining Bosh vaziri va uning oʻrinbosarlari topshiriqlarini oʻz vaqtida, toʻliq va sifatli bajarilishini tashkil etish;

7) oʻz oʻrinbosarlarining vakolatlarini belgilash, ular oʻrtasida vazifalarni taqsimlash, Vazirlikning boshqa mansabdor shaxslarining vakolatlarini belgilash, oʻrinbosarlarining va boshqa mansabdor shaxslarning Vazirlik faoliyatining ayrim uchastkalariga rahbarlik qilishda shaxsiy javobgarlik darajasini belgilash;

8) Vazirlik faoliyatini rejalashtirishni tashkil etish, Vazirlik va oʻz oʻrinbosarlarining har choraklik ish rejalarini tasdiqlash, ularning ijrosi holatini nazorat qilish;

9) Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini tashkil etish va monitoringini olib borishning amaliy tizimini yaratish, Vazirlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “Davlat organlari tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlariga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun tarkibiy va hududiy boʻlinmalar, shuningdek, idoraviy mansub tashkilotlar rahbarlarining shaxsiy masʼuliyatini oshirish choralarini koʻrish;

10) Vazirlik tizimida kadrlarni tanlash va joy-joyiga qoʻyish, ularning samarali faoliyat yuritishlari uchun zarur shart-sharoitlarni yaratish, Vazirlikning kadrlar zaxirasini shakllantirish;

11) Oʻzbekiston Respublikasi Prezidentining, Oʻzbekiston Respublikasi Prezidenti Administratsiyasi va Vazirlar Mahkamasi nomenklaturasiga kiradigan boʻsh lavozimlarga taklif etilgan kadrlarning, shuningdek, Vazirlikka ishga qabul qilinadigan boshqa kadrlarning professionalligi, oʻz ishini bilishi, amaliy ish tajribasi, yuqori ishchanlik darajasi va maʼnaviy-axloqiy sifatlari kafolatlanganligini taʼminlash;

12) faoliyat sohasidagi masalalar boʻyicha normativ-huquqiy hujjatlar loyihalarini sifatli ishlab chiqish, ularning Vazirlar Mahkamasiga “Normativ-huquqiy hujjatlar toʻgʻrisida”, “Qonunlar loyihalarini ishlab chiqish va ularni Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida” Oʻzbekiston Respublikasi qonunlari, Oʻzbekiston Respublikasi Prezidentining “Norma ijodkorlik faoliyatini takomillashtirish Konsepsiyasini tasdiqlash toʻgʻrisida” 2018-yil 8-avgustdagi PF-5505-son Farmoni, Oʻzbekiston Respublikasi Prezidentining 2018-yil 26-avgustdagi PF-5519-son Farmoni bilan tasdiqlangan Oʻzbekiston Respublikasi Prezidenti Administratsiyasi Reglamenti (keyingi oʻrinlarda Oʻzbekiston Respublikasi Prezidenti Administratsiyasi Reglamenti deb ataladi) hamda Vazirlar Mahkamasining 2019-yil 22-martdagi 242-son qarori bilan tasdiqlangan Vazirlar Mahkamasi Reglamenti (keyingi oʻrinlarda Vazirlar Mahkamasi Reglamenti deb ataladi) talablariga qatʼiy muvofiq ravishda oʻz vaqtida kiritilishini tashkil etish, shuningdek, ularni Vazirlikda ishlab chiqish, Vazirlik rahbariyati huzurida himoya qilish, Vazirlar Mahkamasida koʻrib chiqish va qayta ishlashda ishtirok etish;

13) “Normativ-huquqiy hujjatlar toʻgʻrisida”, “Qonunlar loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida”gi Oʻzbekiston Respublikasi qonunlariga va Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihalariga doir faoliyatining namunaviy reglamentiga muvofiq Vazirlikning qonun loyihalarini tayyorlash faoliyatini tashkil etish;

14) Vazirlikka taqdim etilgan takliflar va normativ-huquqiy hujjatlar loyihalarining toʻliq va har tomonlama koʻrib chiqilishini taʼminlash, ularni Oʻzbekiston Respublikasi Prezidenti Administratsiyasi Reglamenti va Vazirlar Mahkamasi Reglamentida belgilangan muddatlarda oʻz vaqtida kelishish (viza qoʻyish);

15) Vazirlikning qonun hujjatlari loyihalarini ishlab chiqish faoliyatini “Normativ-huquqiy hujjatlar toʻgʻrisida”, “Qonunlar loyihalarini ishlab chiqish va ularni Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida” Oʻzbekiston Respublikasi qonunlari va boshqa qonun hujjatlariga muvofiq tashkil etish;

16) Vazirlik vakolatiga tegishli masalalar boʻyicha normativ-huquqiy hujjatlarni qabul qilish, zarur hollarda, boshqa vazirlik va idoralar bilan hamkorlikda tegishli qarorlar qabul qilish;

17) Vazirlik rahbarlari va xodimlarining xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son, “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga toʻla muvofiq ravishda tashkil etish, xizmat safarlarining asoslanganligi, samaradorligi va natijadorligini, xizmat safarlariga ajratiladigan mablagʻlardan oqilona foydalanishni taʼminlash;

18) oʻrinbosarlari hamda tarkibiy va hududiy boʻlinmalar rahbarlari faoliyatining samaradorligi va natijadorligini doimiy tanqidiy tahlil qilish, Vazirlikning hayʼat yigʻilishlarida ularning shaxsiy hisobotlarini tinglash, muhokama yakunlari boʻyicha zarur choralar koʻrish;

19) Vazirlik xodimlarini ragʻbatlantirish va intizomiy javobgarlikka tortish masalalarini hal etish, oʻrinbosarlarini ragʻbatlantirish va intizomiy javobgarlikka tortish toʻgʻrisida, shu jumladan ularning egallab turgan lavozimida qolish-qolmaslik maqsadga muvofiqligi masalasini koʻrib chiqish boʻyicha takliflar kiritish, ularning shaxsiy masʼuliyatini oshirish yuzasidan tizimli choralarni amalga oshirish;

20) Vazirlik xodimlari tomonidan Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari (keyingi oʻrinlarda Vazirlik xodimlarining odob-axloq qoidalari deb ataladi) asosida tasdiqlangan Vazirlik xodimlarining odob-axloq qoidalariga rioya etilishini nazorat qilish;

21) “Korrupsiyaga qarshi kurash toʻgʻrisida” Oʻzbekiston Respublikasi Qonuni talablariga muvofiq Vazirlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish yoʻli bilan ularni sodir etishga imkon yaratuvchi omillarni aniqlash, tahlil qilish, sabab va sharoitlarini bartaraf etish;

22) Vazirlik hamda uning tarkibiy va hududiy boʻlinmalari ishini tashkil etishning ilgʻor shakllarini joriy etishni taʼminlash;

23) transport va yoʻl xoʻjaligi sohasida davlat xizmatlarini koʻrsatish va ulardan foydalanish samaradorligi, sifatini, shu jumladan aholi va tadbirkorlik subyektlari bilan oʻzaro hamkorlikni amalga oshirishda “yagona darcha” prinsipini joriy etish hamda “Elektron hukumat toʻgʻrisida” Oʻzbekiston Respublikasi Qonunini amalga oshirish doirasida zamonaviy axborot-kommunikatsiya texnologiyalaridan foydalanish yoʻli bilan oshirish;

24) jismoniy va yuridik shaxslar murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, shaxsiy qabullarni, shu jumladan “Jismoniy va yuridik shaxslar murojaatlari toʻgʻrisida” Oʻzbekiston Respublikasi Qonunida hamda Vazirlikda jismoniy va yuridik shaxslar murojaatlari bilan ishlash tartibi toʻgʻrisidagi tegishli hujjatlarda belgilangan muddatlarda va tartibda, jismoniy va yuridik shaxslar vakillarining sayyor qabullarini muntazam oʻtkazish yuzasidan samarali ishlarni tashkil etish;

25) Oʻzbekiston Respublikasi Prezidentining Xalq qabulxonalari bilan samarali hamkorlikni, Vazirlik rahbarlari va xodimlarining ular faoliyatida faol ishtirok etishini tashkil etish, Oʻzbekiston Respublikasi Prezidentining Virtual qabulxonasidan kelib tushadigan jismoniy va yuridik shaxslar murojaatlari oʻz vaqtida va toʻliq koʻrib chiqilishini taʼminlash;

26) davlat siri va maxfiy maʼlumotlar toifasiga kiruvchi maʼlumotlar bilan ishlashda qonunchilik talablariga rioya etish;

27) Vazirlik markaziy apparati shtat jadvali va xarajatlar smetasini, shuningdek, Vazirlikning hududiy boʻlinmalari nizomlarini hamda idoraviy mansub tashkilotlar ustavlarini tasdiqlash;

28) markaziy apparat xodimlarini belgilangan tartibda lavozimga tayinlash va lavozimdan ozod etish;

29) Qoraqalpogʻiston Respublikasi Joqorgʻi Kengesi raisi, viloyatlar va Toshkent shahri hokimlari bilan kelishilgan holda, Qoraqalpogʻiston Respublikasi Transport vaziri, viloyatlar va Toshkent shahri transport boshqarmalari boshliqlarini lavozimga tayinlash va lavozimdan ozod etish toʻgʻrisidagi taqdimnomalarni Vazirlar Mahkamasiga kiritish;

30) transport va yoʻl xoʻjaligi sohasida yagona davlat siyosatini amalga oshirishni taʼminlash, vazirliklar, idoralar, mahalliy ijro etuvchi hokimiyat organlari hamda boshqa tashkilotlarning transport va yoʻl xoʻjaligi sohasidagi faoliyatini muvofiqlashtirish;

31) transport va yoʻl xoʻjaligi sohasida kadrlarni tayyorlash, qayta tayyorlash va malakasini oshirish choralarini koʻrish;

32) Oʻzbekiston Respublikasining imidji va transport brendini yaratish boʻyicha takliflarni ishlab chiqish va ularni tatbiq etish borasida yagona siyosatni amalga oshirish;

33) transport va yoʻl xoʻjaligi sohasida xalqaro va hukumatlararo aloqalarni kengaytirish va mustahkamlash, xorijiy investitsiyalar va grantlarni jalb etish boʻyicha xalqaro tadbirlarda ishtirok etish.

Qonunchilikka muvofiq Vazir boshqa funksional vazifalarga ega boʻlishi mumkin.

30. Quyidagilar Vazir oʻrinbosarlarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

2) Vazir vaqtincha boʻlmaganda, tegishli buyruq asosida uning vazifalarini bajarish;

3) Vazirlikning mutasaddilik qilinadigan tarkibiy boʻlinmalari faoliyatini muvofiqlashtirish, nazorat qilish va bevosita boshqarish, ularning xodimlari oʻrtasida vazifalarni taqsimlash;

4) Oʻzbekiston Respublikasi Prezidenti va Vazirlar Mahkamasining qarorlari bilan Vazirlik faoliyatining mutasaddilik qilinadigan yoʻnalishlari boʻyicha tasdiqlangan Vazirlik faoliyatini yanada takomillashtirish yuzasidan kompleks dasturlar va kompleks tadbirlar ijrosi holatini tanqidiy va chuqur tahlil qilish;

5) mutasaddilik qilinadigan tarkibiy boʻlinmalar tomonidan prognoz koʻrsatkichlarga erishishni soʻzsiz taʼminlash boʻyicha choralar koʻrish, boʻlinmalar rahbarlarining hisobotini tizimli eshitib borish va belgilangan koʻrsatkichlarga erishish uchun ularning shaxsiy javobgarligini oshirish;

6) Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini taʼminlash, shuningdek Vazirlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son va “Davlat organlari tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlariga hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun tarkibiy va hududiy boʻlinmalar hamda idoraviy mansub tashkilotlar rahbarlarining shaxsiy masʼuliyatini oshirish choralarini koʻrish;

7) Vazirlik hayʼati qarorlari, Vazir buyruqlari va topshiriqlarining oʻz vaqtida va sifatli bajarilishini taʼminlash;

8) Vazirga mutasaddilik qilinadigan boʻlinmalarda kadrlarni tanlash va joy-joyiga qoʻyish boʻyicha takliflar taqdim etish, ularning professionalligi, oʻz ishini bilishi, amaliy ish tajribasi, yuqori ishchanlik darajasi va maʼnaviy-axloqiy sifatlari kafolatlanganligini taʼminlash, ularning kasbiy malakasini oshirish choralarini koʻrish, tarkibiy boʻlinmalarda kadrlar zaxirasini shakllantirish;

9) tarkibiy boʻlinmalar tomonidan normativ-huquqiy hujjatlar loyihalarini sifatli ishlab chiqishni tashkil etish, Vazirlikning tarkibiy boʻlinmalarida tayyorlangan normativ-huquqiy hujjatlar loyihalarini kelgusida muhokama etish, imzolash (viz qoʻyish) uchun koʻrib chiqish va viza qoʻyish, ularning Oʻzbekiston Respublikasi Prezidenti Administratsiyasi Reglamenti va Vazirlar Mahkamasi Reglamenti talablariga qatʼiy ravishda, oʻz vaqtida Oʻzbekiston Respublikasi Vazirlar Mahkamasiga kiritilishini taʼminlash, Vazir topshirigʻiga muvofiq, Oʻzbekiston Respublikasi Prezidenti Administratsiyasi va Vazirlar Mahkamasida normativ-huquqiy hujjatlar loyihalarini ishlab chiqishda ishtirok etish;

10) Vazirlikka taqdim etilgan normativ-huquqiy hujjatlar loyihalarini toʻliq va har tomonlama koʻrib chiqish;

11) xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son, “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga toʻla muvofiq ravishda tashkil etish, xizmat safarlarining asoslanganligi, samaradorligi va natijadorligini, xizmat safarlariga ajratiladigan mablagʻlardan oqilona foydalanishni taʼminlash;

12) mutasaddilik qilinadigan tarkibiy boʻlinmalar rahbarlari va xodimlari faoliyatining samaradorligi va natijadorligini doimiy tanqidiy tahlil qilib borish, Vazirlikning hayʼat yigʻilishlarida ularning shaxsiy hisobotlarini tinglash, muhokama yakunlari boʻyicha zarur choralarni koʻrish;

13) Vazirlik faoliyatini takomillashtirish yuzasidan amaliy chora-tadbirlar qabul qilish, transport va yoʻl xoʻjaligi sohasidagi qonun hujjatlarini takomillashtirish yuzasidan takliflarni ishlab chiqish va ularni koʻrib chiqish uchun Vazirga kiritish;

14) mutasaddilik qilinadigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimida qolish-qolmasligi maqsadga muvofiqligi masalasini koʻrib chiqish boʻyicha Vazirga takliflar kiritish, ularning funksional masʼuliyatlari va yuklangan vazifalar bajarilishida shaxsiy masʼuliyatini oshirish yuzasidan tizimli choralarni amalga oshirish;

15) Vazirlik xodimlari tomonidan xodimning odob-axloq qoidalariga rioya etilishi taʼminlanishini nazorat qilish;

16) “Korrupsiyaga qarshi kurash toʻgʻrisida”gi Oʻzbekiston Respublikasi Qonuni talablariga muvofiq Vazirlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish yoʻli bilan ularni sodir etishga imkon yaratuvchi omillarni aniqlash, tahlil qilish, sabab va sharoitlarini bartaraf etish;

17) Vazirga davlat xizmatlarini koʻrsatish samaradorligi, sifati va ulardan erkin foydalanish darajasini oshirish boʻyicha takliflar kiritish;

18) jismoniy va yuridik shaxslar murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, shaxsiy qabullarni, shu jumladan, “Jismoniy va yuridik shaxslar murojaatlari toʻgʻrisida” Oʻzbekiston Respublikasi Qonunida hamda Vazirlikda jismoniy va yuridik shaxslar murojaatlari bilan ishlash tartibi toʻgʻrisidagi tegishli hujjatlarda belgilangan muddatlarda va tartibda jismoniy va yuridik shaxslar vakillarining sayyor qabullarini muntazam oʻtkazish yuzasidan samarali ishlarni tashkil etish;

19) Oʻzbekiston Respublikasi Prezidentining Xalq qabulxonalari bilan samarali hamkorlik qilish, ular faoliyatida faol ishtirok etish, Oʻzbekiston Respublikasi Prezidentining Virtual qabulxonasidan kelib tushadigan jismoniy va yuridik shaxslar murojaatlari oʻz vaqtida va toʻliq koʻrib chiqilishini taʼminlash;

20) davlat siri va maxfiy axborotlar toifasiga kiruvchi maʼlumotlar bilan ishlashda qonunchilik talablariga rioya etilishini taʼminlash;

21) transport va yoʻl xoʻjaligi sohasida texnik jihatdan tartibga solish borasida normativ-huquqiy va normativ hujjatlar loyihalarini ishlab chiqishni tashkil etish;

22) texnik jihatdan tartibga solish borasida normativ hujjatlarning davlat jamgʻarmasini shakllantirishda ishtirok etish;

23) transport va yoʻl xoʻjaligi sohasidagi davlat siyosatining asosiy yoʻnalishlari boʻyicha takliflar tayyorlash;

24) ijtimoiy-iqtisodiy rivojlantirishning uzoq va oʻrta muddatli davlat dasturlarini, tarmoq va hududiy dasturlarni ishlab chiqishda ishtirok etish;

25) transport va yoʻl xoʻjaligi sohasida malakali kadrlarni tayyorlash, kasbiy taʼlim muassasalarining oʻquv darajasi va sifatini tubdan oshirishga koʻmaklashish, kadrlarni, shu jumladan xorijdagi ilgʻor ilmiy-tadqiqot muassasalarida va taʼlim markazlarida tayyorlash va malakasini oshirishni tashkil qilish;

26) transport va yoʻl xoʻjaligi sohasida xorijiy davlatlar, xalqaro va xorijiy tashkilotlar bilan hamkorlikni amalga oshirish.

Vazirning birinchi oʻrinbosari Vazirlik markaziy apparatining shtat jadvalini xodimlarning belgilangan cheklangan soni, shuningdek, markaziy apparat xarajatlar smetasi asosida tasdiqlaydi.

31. Quyidagilar Vazirlik markaziy apparati tarkibiy boʻlinmalari rahbarlarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

2) tarkibiy boʻlinmalar faoliyatiga bevosita rahbarlikni amalga oshirish, mazkur boʻlinmalarga yuklangan vazifalar va funksiyalar ijrosini taʼminlash;

3) oʻz vakolati doirasida Vazirlikning hududiy boʻlinmalari va idoraviy boʻysunuvidagi tashkilotlar faoliyatini muvofiqlashtirish;

4) prognoz koʻrsatkichlarni muntazam tahlil qilib borish va qayd etilgan koʻrsatkichlarga tarkibiy va hududiy boʻlinmalar tomonidan soʻzsiz erishishni taʼminlashga yoʻnaltirilgan qoʻshimcha choralarni koʻrish yuzasidan takliflarni koʻrib chiqish uchun Vazirning mutasaddilik qiladigan oʻrinbosarlariga kiritish;

5) Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini taʼminlash, Vazirlikning tarkibiy boʻlinmalarida ijro intizomini mustahkamlashning kompleks amaliy chora-tadbirlarini amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son, “Davlat organlari tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlari hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq tarkibiy boʻlinmalar xodimlari tomonidan topshiriqlarning oʻz vaqtida va sifatli bajarilishida shaxsiy masʼuliyatini oshirish boʻyicha choralar koʻrish;

6) Hayʼat qarorlari, Vazir va uning oʻrinbosarlari buyruqlari va topshiriqlarini oʻz vaqtida va sifatli bajarilishini taʼminlash;

7) tarkibiy boʻlinmalarning ish rejalarini ishlab chiqish, ularni tasdiqlash uchun kiritish, ularda qayd etilgan vazifalar va tadbirlarning oʻz vaqtida va sifatli bajarilishini taʼminlash;

8) tarkibiy boʻlinmalarga yuklangan vazifalarning ijrosini nazorat qilish va muvofiqlashtirish, Vazirlik hududiy boʻlinmalari va idoraviy mansub tashkilotlari faoliyatida amaliy va uslubiy yordam koʻrsatish;

9) tarkibiy boʻlinmalar faoliyati masalalari boʻyicha qonunchilikni takomillashtirish yuzasidan takliflar ishlab chiqish va ularni koʻrib uchun Vazirlik rahbariyatiga kiritish;

10) Vazirlik rahbariyatiga tarkibiy boʻlinmalarda kadrlarni tanlash va joy-joyiga qoʻyish boʻyicha takliflar taqdim etish, ularning professionalligi, oʻz ishini bilishi, amaliy ish tajribasi, yuqori ishchanlik darajasi va maʼnaviy-axloqiy sifatlari kafolatlanganligini taʼminlash, ularning kasbiy malakasini oshirish choralarini koʻrish, tarkibiy boʻlinmalarda kadrlar zaxirasini shakllantirish;

11) tarkibiy boʻlinmalar tomonidan normativ-huquqiy hujjatlar loyihalarini sifatli ishlab chiqishni tashkil etish, Vazirlikning tarkibiy boʻlinmalarida tayyorlangan normativ-huquqiy hujjatlar loyihalarini kelgusida Vazirlik rahbariyati tomonidan koʻrib chiqish, imzolash (viza qoʻyish) uchun koʻrib chiqish va viza qoʻyish, ularning Oʻzbekiston Respublikasi Prezidenti Administratsiyasi Reglamenti va Vazirlar Mahkamasi Reglamenti talablariga qatʼiy ravishda oʻz vaqtida Vazirlar Mahkamasiga kiritilishini taʼminlash, Vazirlik rahbariyati topshirigʻiga muvofiq Vazirlar Mahkamasi apparatida normativ-huquqiy hujjatlar loyihalarini ishlab chiqishda ishtirok etish;

12) Vazirlikka taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish;

13) xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son, “Xorijiy xizmat safarlarida boʻlish samaradorligi va xorijiy delegatsiyalarning Oʻzbekiston Respublikasiga tashriflarini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga toʻliq muvofiq ravishda amalga oshirish, xizmat safarlarining asoslanganligi, samaradorligi va natijadorligini, xizmat safarlariga ajratiladigan mablagʻlardan oqilona foydalanishni taʼminlash;

14) tarkibiy boʻlinmalar xodimlari faoliyatining samaradorligi va natijadorligini doimiy tanqidiy tahlil qilib borish, yigʻilishlarda ularning shaxsiy hisobotlarini eshitib borish, ularni koʻrib chiqish yakunlari boʻyicha zarur choralarni koʻrish;

15) tarkibiy boʻlinmalar xodimlari tomonidan xodimning odob-axloq qoidalariga rioya etilishini taʼminlash;

16) “Korrupsiyaga qarshi kurash toʻgʻrisida” Oʻzbekiston Respublikasi Qonuni talablariga muvofiq tarkibiy boʻlinmalarda korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish yoʻli bilan ularni sodir etishga imkon yaratuvchi omillarni aniqlash, tahlil qilish, sabab va sharoitlarini bartaraf etish;

17) Vazirlikka davlat xizmatlarini koʻrsatish samaradorligi, sifati va ulardan foydalanish darajasini oshirish boʻyicha takliflarni koʻrib chiqish uchun kiritish;

18) jismoniy va yuridik shaxslar murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, shaxsiy qabullarni, shu jumladan, “Jismoniy va yuridik shaxslar murojaatlari toʻgʻrisida”gi Oʻzbekiston Respublikasi Qonunida hamda Vazirlikda jismoniy va yuridik shaxslar murojaatlari bilan ishlash tartibi toʻgʻrisidagi tegishli hujjatlarda belgilangan muddatlarda va tartibda jismoniy va yuridik shaxslar vakillarining sayyor qabullarini muntazam oʻtkazish yuzasidan samarali ishlarni tashkil etish;

19) Oʻzbekiston Respublikasi Prezidentining Xalq qabulxonalari bilan samarali hamkorlik qilish, ular faoliyatida faol ishtirok etish, Oʻzbekiston Respublikasi Prezidentining Virtual qabulxonasidan kelib tushadigan jismoniy va yuridik shaxslar murojaatlarini Oʻzbekiston Respublikasi Prezidentining “Jismoniy va yuridik shaxslar murojaatlari bilan ishlash tizimini tubdan takomillashtirish chora-tadbirlari toʻgʻrisida” 2016-yil 28-dekabrdagi PF-4904-son Farmoniga muvofiq oʻz vaqtida va toʻliq koʻrib chiqilishini taʼminlash;

20) davlat siri va maxfiy axborotlar toifasiga kiruvchi maʼlumotlar bilan ishlashda qonunchilik talablariga rioya etilishini taʼminlash;

21) tarkibiy boʻlinmalar xodimlari faoliyatini tasdiqlangan lavozim yoʻriqnomalariga qatʼiy muvofiq ravishda tashkil etish;

22) tarkibiy boʻlinmalar vakolatiga tegishli masalalar boʻyicha tahliliy materiallarni Vazirlik rahbariyati uchun tayyorlash;

23) Vazirlik tarkibiy boʻlinmalari faoliyatini oʻrganish hamda ularga amaliy yordam koʻrsatishni tashkil etish yuzasidan takliflar ishlab chiqish.

32. Quyidagilar Qoraqalpogʻiston Respublikasi Transport vazirligi, viloyatlar va Toshkent shahri transport boshqarmalari boshliqlarining funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari hamda boshqa normativ-huquqiy hujjatlar talablariga rioya etish;

2) Qoraqalpogʻiston Respublikasi Transport vazirligi, viloyatlar va Toshkent shahri transport boshqarmalari faoliyatiga umumiy rahbarlikni amalga oshirish, ularga Oʻzbekiston Respublikasi Prezidenti va Vazirlar Mahkamasining tegishli hujjatlari, shuningdek, boshqa qonun hujjatlari va Vazirlik buyruqlari bilan yuklangan vazifa va funksiyalarning ijrosini taʼminlash;

3) hududiy boʻlinmalar faoliyati bilan bogʻliq prognoz koʻrsatkichlarga erishishni taʼminlash boʻyicha amaliy choralarni ishlab chiqish va amalga oshirish;

4) Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini taʼminlash, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son, “Davlat organlari tashkilotlarida ijro intizomini yanada mustahkamlash chora-tadbirlari toʻgʻrisida” 2018-yil 5-oktabrdagi PQ-3962-son qarorlari hamda Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq hududiy boʻlinmalarda ijro intizomini mustahkamlashning kompleks amaliy chora-tadbirlarini amalga oshirish, hududiy boʻlinmalar xodimlari tomonidan topshiriqlarning oʻz vaqtida va sifatli bajarilishida shaxsiy masʼuliyatini oshirish boʻyicha choralar koʻrish;

5) Vazirlik Hayʼati qarorlari, Vazir va uning oʻrinbosarlari buyruqlari va topshiriqlarining oʻz vaqtida va sifatli bajarilishini taʼminlash;

6) mahalliy ijro etuvchi hokimiyat organlari va kompleks ijtimoiy-iqtisodiy rivojlantirish sektorlari bilan avtomobil, temir yoʻl, havo va daryo transporti sohasiga tegishli masalalar boʻyicha hamkorlik qilish;

7) oʻz oʻrinbosarlarining vakolatlarini belgilash, ular oʻrtasida vazifalarni taqsimlash, hududiy boʻlinmalarning boshqa mansabdor shaxslarining vakolatlarini belgilash, oʻz oʻrinbosarlari va boshqa mansabdor shaxslar tomonidan Vazirlik hududiy boʻlinmalari faoliyatining alohida uchastkalariga rahbarlik qilish uchun shaxsiy masʼuliyat darajasini belgilash;

8) Vazirlik hududiy boʻlinmalari faoliyatini rejalashtirishni tashkil etish, Vazirlik hududiy boʻlinmalari va oʻz oʻrinbosarlarining har choraklik ish rejalarini tasdiqlash, ular ijrosi holatini nazorat qilib borish;

9) Vazirlikning hududiy boʻlinmalarida kadrlarni tanlash va joy-joyiga qoʻyishni tashkil etish, ularning samarali faoliyat yuritishlari uchun zarur sharoitlarni yaratish, hududiy boʻlinmalarning kadrlar zaxirasini shakllantirish;

10) Vazirlik apparati nomenklaturasiga kiradigan boʻsh lavozimlarga taklif etilgan kadrlarning, shuningdek, hududiy boʻlinmalarga ishga qabul qilinadigan boshqa kadrlarning professionalligi, oʻz ishini bilishi, amaliy ish tajribasi, yuqori ishchanlik darajasi va maʼnaviy-axloqiy sifatlari kafolatlanganligini taʼminlash;

11) hududiy boʻlinmalar xodimlari, oʻz oʻrinbosarlarini ragʻbatlantirish va intizomiy javobgarlikka tortish masalalarini hal etish, shu jumladan ularning egallab turgan lavozimida qolish-qolmasligi maqsadga muvofiqligi masalalarini koʻrib chiqish, ularning shaxsiy masʼuliyatini oshirish yuzasidan tizimli choralarni amalga oshirish;

12) hududiy boʻlinmalar xodimlari tomonidan xodimning odob-axloq qoidalariga rioya etilishi taʼminlanishini nazorat qilish;

13) “Korrupsiyaga qarshi kurash toʻgʻrisida”gi Oʻzbekiston Respublikasi Qonuni talablariga muvofiq hududiy boʻlinmalar tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyoti va qonunchilikni takomillashtirish boʻyicha chora-tadbirlarni ishlab chiqish va amalga oshirish yoʻli bilan ularni sodir etishga imkon yaratuvchi omillarni aniqlash, tahlil qilish, sabab va sharoitlarini bartaraf etish;

14) prognoz koʻrsatkichlar bajarilishini muntazam tahlil qilib borish va qayd etilgan koʻrsatkichlarga hududiy boʻlinmalar tomonidan soʻzsiz erishishni taʼminlashga yoʻnaltirilgan qoʻshimcha choralarni koʻrish yuzasidan takliflarni koʻrib chiqish uchun Vazirning mutasaddilik qiladigan oʻrinbosarlariga kiritish;

15) hududiy boʻlinmalar xodimlari faoliyatining samaradorligi va natijadorligini doimiy tanqidiy tahlil qilib borish, yigʻilishlarda ularning shaxsiy hisobotlarini eshitib borish, ularning yakunlari boʻyicha zarur choralar koʻrish;

16) hududiy boʻlinmalar faoliyati masalalari boʻyicha qonunchilikni takomillashtirishga doir, shuningdek, davlat xizmatlarini koʻrsatish samaradorligi, sifati va ulardan foydalanish darajasini oshirish boʻyicha takliflarni Vazirlik rahbariyatiga koʻrib chiqish uchun kiritish;

17) Vazirlikning tumanlar (shaharlar) boʻlinmalari va hududiy boʻlinmalar tarkibiga kiruvchi tashkilotlar faoliyatini muvofiqlashtirish va nazorat qilish;

18) jismoniy va yuridik shaxslar murojaatlarini koʻrib chiqish, aholi bilan toʻgʻridan-toʻgʻri va ochiq muloqotni yoʻlga qoʻyish, shaxsiy qabullarni, shu jumladan, “Jismoniy va yuridik shaxslar murojaatlari toʻgʻrisida”gi Oʻzbekiston Respublikasi Qonunida hamda Vazirlikda jismoniy va yuridik shaxslar murojaatlari bilan ishlash tartibi toʻgʻrisidagi tegishli hujjatlarda belgilangan muddatlarda va tartibda jismoniy va yuridik shaxslar vakillarining sayyor qabullarini muntazam oʻtkazish yuzasidan samarali ishlarni tashkil etish;

19) Oʻzbekiston Respublikasi Prezidentining Xalq qabulxonalari bilan samarali hamkorlik qilish, ular faoliyatida faol ishtirok etish, Oʻzbekiston Respublikasi Prezidentining Virtual qabulxonasidan kelib tushadigan jismoniy va yuridik shaxslarning murojaatlarini oʻz vaqtida va toʻliq koʻrib chiqish;

20) hududiy boʻlinmalar xodimlariga mukofot pullarini, lavozim maoshiga qoʻshimchalar, moddiy yordam pulini toʻlash, mukofotlash, ragʻbatlantirish va ularga nisbatan intizomiy chora koʻrish toʻgʻrisida qarorlar qabul qilish;

21) davlat siri va maxfiy axborotlar toifasiga kiruvchi maʼlumotlar bilan ishlashda qonunchilik talablariga rioya etilishini taʼminlash.

33. Vazir:

1) Vazirlikka yuklangan vazifalar va funksiyalarning bajarilishi;

2) Vazirlikning mazkur Nizomning 23-bandida nazarda tutilgan javobgarlik sohalari boʻyicha;

3) mazkur Nizomning 29-bandida belgilangan oʻz funksional vazifalarining sifatli bajarilishi uchun shaxsan masʼuldir.

34. Vazir oʻrinbosarlari:

1) Vazirlikning mutasaddilik qilinadigan tarkibiy boʻlinmalarida Vazirlikka yuklangan vazifalar va funksiyalarning bajarilishi;

2) Vazirlikning mutasaddilik qilinadigan masalalar yuzasidan mazkur Nizomning 23-bandida nazarda tutilgan javobgarlik sohalari boʻyicha;

3) mazkur Nizomning 30-bandida belgilangan oʻz funksional vazifalarining sifatli bajarilishi uchun shaxsan masʼuldir.

35. Markaziy apparat tarkibiy boʻlinmalarining rahbarlari:

1) tegishli tarkibiy boʻlinmalarga yuklangan vazifalar va funksiyalarning bajarilishi;

2) Vazirlik markaziy apparatining mazkur Nizom 26-bandida nazarda tutilgan javobgarlik sohalari boʻyicha;

3) mazkur Nizomning 31-bandida belgilangan oʻz funksional vazifalarining sifatli bajarilishi uchun shaxsan masʼuldir.

36. Qoraqalpogʻiston Respublikasi Transport vazirligi, viloyatlar va Toshkent shahri transport boshqarmalari boshliqlari:

1) hududiy boʻlinmalarga yuklangan vazifalar va funksiyalarning bajarilishi;

2) Vazirlik hududiy boʻlinmalarining mazkur Nizom 28-bandida nazarda tutilgan javobgarlik sohalari boʻyicha;

3) mazkur Nizomning 32-bandida belgilangan oʻz funksional vazifalarining sifatli bajarilishi uchun shaxsan masʼuldir.

37. Vazirlikka Oʻzbekiston Respublikasi Oliy Majlisi Qonunchilik palatasi maʼqullagandan soʻng Oʻzbekiston Respublikasining Bosh vaziri taqdimnomasiga binoan Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan Vazir rahbarlik qiladi.

38. Vazir oʻz maqomiga koʻra, Vazirlar Mahkamasi Rayosatining aʼzosi hisoblanadi.

39. Vazir besh nafar oʻrinbosarga, shu jumladan bitta birinchi oʻrinbosarga ega.

40. Vazirning birinchi oʻrinbosari va oʻrinbosarlari lavozimga Oʻzbekiston Respublikasi Prezidenti tomonidan lavozimga tayinlanadi va lavozimdan ozod etiladi.

Vazirning birinchi oʻrinbosari moddiy taʼminot, transport va tibbiy xizmat koʻrsatish shartlari boʻyicha vazirga tenglashtiriladi.

41. Vazir boʻlmagan vaqtda uning vakolatlari vazirning birinchi oʻrinbosari tomonidan, u boʻlmagan vaqtda esa vazirning tegishli buyrugʻiga asosan boshqa oʻrinbosar tomonidan amalga oshiriladi.

42. Quyidagilar:

1) Qoraqalpogʻiston Respublikasi Transport vaziri va uning oʻrinbosari Qoraqalpogʻiston Respublikasi Joʻqorgʻi Kengesi tomonidan Vazir bilan kelishilgan holda;

2) viloyatlar va Toshkent shahri transport boshqarmalari boshliqlari va ularning oʻrinbosarlari viloyatlar va Toshkent shahar hokimlari tomonidan Vazir bilan kelishilgan holda;

3) Toshkent avtomobil yoʻllarini loyihalash, qurish va ekspluatatsiyasi institutining rektori Vazir tavsiyasiga binoan Vazirlar Mahkamasi tomonidan;

4) Vazirlik tarkibiga kiradigan ilmiy-tadqiqot va oʻquv muassasalari rahbarlari Vazir tomonidan lavozimga tayinlanadi va lavozimdan ozod etiladi.

Vazirlik markaziy apparatining boshqa xodimlari belgilangan tartibda Vazir tomonidan lavozimga tayinlanadi va lavozimdan ozod etiladi.

Viloyatlar va Toshkent shahri transport boshqarmalari boshliqlari oʻz maqomiga koʻra, viloyatlar va Toshkent shahar hokimlari oʻrinbosarlariga tenglashtiriladi.

43. Vazirlik markaziy apparatining oʻz hududiy boʻlinmalari va idoraviy mansub tashkilotlari bilan oʻzaro hamkorligini markaziy apparatning tarkibiy boʻlinmalari rahbarlari taʼminlaydi.

44. Vazirlik markaziy apparati tarkibiy boʻlinmalari Vazirlikning hududiy boʻlinmalari bilan oʻz faoliyati yoʻnalishlari boʻyicha oʻzaro hamkorlikni amalga oshirishda:

1) topshiriqlarni hududiy boʻlinmalar va idoraviy mansub tashkilotlarga yetkazadi hamda ularning ijrosini nazorat qilib boradi;

2) Vazirlikning hududiy boʻlinmalari va idoraviy mansub tashkilotlariga bevosita tarkibiy boʻlinmalar faoliyati masalalari boʻyicha soʻrov joʻnatadi va ularning ijrosini nazorat qilib boradi;

3) Vazirlik hududiy boʻlinmalari va idoraviy mansub tashkilotlari faoliyatini tekshiradi va oʻrganadi, amaliyotini umumlashtiradi, takomillashtirishga qaratilgan chora-tadbirlarni ishlab chiqadi va amalga oshiradi;

4) Vazirlik hududiy boʻlinmalari va idoraviy mansub tashkilotlari faoliyatining tashkil etilishi va natijalari toʻgʻrisida hisobot va axborot materiallari, statistik va boshqa maʼlumotlarni oʻrganishni tashkil etadi;

5) Vazirlik hududiy boʻlinmalari va idoraviy mansub tashkilotlari ish rejalarini tahlil qiladi, ularning faoliyatini rejalashtirishni takomillashtirish boʻyicha choralar koʻradi;

6) Vazirlik hududiy boʻlinmalari va idoraviy mansub tashkilotlaridan kelgan takliflarni koʻrib chiqadi;

7) Vazirlik hududiy boʻlinmalari va idoraviy mansub tashkilotlarining normativ-huquqiy hujjatlar loyihalarini tayyorlashda ishtirok etishini tashkil etadi, ular tomonidan qonunchilikni takomillashtirish yuzasidan kelib tushgan takliflarni koʻrib chiqadi.

45. Vazirlikning hududiy boʻlinmalari va idoraviy mansub tashkilotlari Vazirlik markaziy apparatining tarkibiy boʻlinmalari bilan hamkorlik qiladi, shu jumladan:

1) Vazirlik rahbariyati topshiriqlarining ijrosi toʻgʻrisida axborot beradi;

2) faoliyatning belgilangan sohasidagi qonun hujjatlarini amalga oshirish boʻyicha faoliyat natijalari toʻgʻrisida markaziy apparatga maʼlumot taqdim etadi;

3) ular faoliyatini tekshirish va oʻrganish natijasida ishda aniqlangan kamchiliklar va nuqsonlarning bartaraf etilganligi natijalari haqida axborot beradi;

4) Vazirlik markaziy apparatiga belgilangan tartibda va muddatda oʻz faoliyati natijalari toʻgʻrisida hisobot taqdim etadi;

5) kompleks ijtimoiy-iqtisodiy rivojlantirish sektorlari bilan hamkorlik natijalari haqida axborot beradi;

6) vakolatli organlar tomonidan oʻz faoliyatini tekshirishlar natijalari haqida axborot beradi.

46. Vazirlik markaziy apparati tarkibiy boʻlinmalari va uning hududiy boʻlinmalari hamda idoraviy mansub tashkilotlarining oʻzaro hamkorligi jarayoni davomida yuzaga keladigan kelishmovchiliklar Vazir topshirigʻiga binoan uning tegishli oʻrinbosari tomonidan koʻrib chiqiladi. Koʻrib chiqilgandan soʻng ham kelishmovchiliklar hal boʻlmagan taqdirda, ular boʻyicha qaror bevosita Vazir tomonidan qabul qilinadi.

47. Vazirlik oʻz vazifalari va funksiyalarini amalga oshirishda davlat va xoʻjalik boshqaruvining boshqa organlari, mahalliy davlat hokimiyati organlari va boshqa tashkilotlar bilan hamkorlik qiladi.

48. Vazirlikning hududiy boʻlinmalari oʻz vakolati doirasida davlat va xoʻjalik boshqaruvining boshqa organlari, hududiy boʻlinmalari, mahalliy davlat hokimiyati organlari va boshqa tashkilotlar bilan hamkorlik qiladi.

Vazirlikning hududiy boʻlinmalari kompleks ijtimoiy-iqtisodiy rivojlantirish sektorlari bilan tegishli hududlarni ijtimoiy-iqtisodiy rivojlantirish boʻyicha “yoʻl xaritalari”ni ishlab chiqish va amalga oshirishda yaqindan hamkorlik qiladi.

49. Vazirlik faoliyati Vazirlar Mahkamasi va Oʻzbekiston Respublikasi Prezidenti Administratsiyasining tarkibiy tuzilmalari tomonidan nazorat qilinadi.

50. Vazirlikda Vazir (hayʼat raisi), uning oʻrinbosarlari (lavozimi boʻyicha) hamda faoliyatning asosiy yoʻnalishlarida mutasaddilik qiladigan tarkibiy boʻlinmalar va idoraviy mansub tashkilotlar rahbarlari tarkibidan iborat hayʼat tashkil etiladi.

Hayʼat aʼzolarining soni va shaxsiy tarkibi Vazirlar Mahkamasi tomonidan Vazir taqdimnomasi boʻyicha tasdiqlanadi.

51. Hayʼatga quyidagi vazifalar yuklanadi:

1) Vazirlikning mazkur Nizom bilan belgilangan asosiy yoʻnalishlarini tayyorlash va amalga oshirish;

2) Oʻzbekiston Respublikasi Prezidenti va Vazirlar Mahkamasi qarorlarida belgilangan vazifalar bilan yuklangan vazifalarning Vazirlik tizimidagi rahbarlar va xodimlar tomonidan oʻz vaqtida va sifatli bajarilishini taʼminlash uchun ularning shaxsiy javobgarligini oshirish choralarini koʻrgan holda, tarkibiy boʻlinmalar va idoraviy mansub tashkilotlar rahbarlarining hisobotlarini tizimli eshitib borish;

3) Vazirlik faoliyati sohasidagi hududiy va tarmoq dasturlarini amalga oshirish holatining natijadorligini har chorakda va tizimli muhokama qilib borish;

4) Vazirlik faoliyati sohasidagi dolzarb masalalar muhokamasini joylarda taʼminlagan holda, hayʼatning kengaytirilgan sayyor yigʻilishlari oʻtkazilishini tashkil etish hamda yuzaga kelgan muammolarni bartaraf etish boʻyicha tegishli qarorlar ishlab chiqish va qabul qilish;

5) Vazirlikning markaziy apparati nomenklaturasiga va tizimiga kiruvchi lavozimlarni koʻrib chiqish va tasdiqlash;

6) Vazirlikning markaziy apparati nomenklaturasiga kiruvchi lavozimlarga kadrlarni tanlash va joy-joyiga qoʻyish masalalarini koʻrib chiqish;

7) Oʻzbekiston Respublikasi Prezidenti va Vazirlar Mahkamasi qarorlari va farmoyishlari bilan belgilangan vazifalarning oʻz vaqtida va sifatli bajarilishini taʼminlash maqsadida Vazirlik rahbarlari va xodimlarining ijro intizomini mustahkamlash va shaxsiy javobgarligini oshirish.

Hayʼat, shuningdek, Vazirlik vakolatiga tegishli boshqa masalalarni ham muhokama etish huquqiga ega.

52. Hayʼat yigʻilishiga Vazirlik vakolatiga tegishli masalalar yuzasidan davlat va xoʻjalik boshqaruvi hamda boshqa tashkilotlar rahbarlari va ekspert mutaxasislari taklif etilishi mumkin.

53. Hayʼat, agar uning yigʻilishida aʼzolarning yarmidan koʻpi ishtirok etgan taqdirda, haqiqiy deb hisoblanadi. Muhokama etilayotgan masalalar yuzasidan qarorlar oddiy koʻpchilik ovoz bilan qabul qilinadi.

54. Hayʼat qarorlari Vazir buyrugʻi bilan tasdiqlanadi.

55. Vazir va hayʼat aʼzolari oʻrtasida kelishmovchiliklar yuzaga kelgan taqdirda, Vazirlar Mahkamasiga yuzaga kelgan kelishmovchiliklar haqida Vazir axborot beradi va mustaqil qaror qabul qiladi. Shuningdek, hayʼat aʼzolari ham Vazirlar Mahkamasiga oʻz fikrlarini maʼlum qilishlari mumkin.

56. Hayʼat faoliyati tartibi hayʼat tomonidan tasdiqlanadigan reglament bilan belgilanadi.

57. Vazirlik faoliyati muntazam baholab boriladi.

58. Vazirlik faoliyati samaradorligi va natijadorligini baholash Vazirlik faoliyati samaradorligi va natijadorligini baholash mezonlari va ishchi indikatorlariga asoslanadi.

59. Vazirlik faoliyati samaradorligi va natijadorligini baholash yakunlari boʻyicha:

1) Vazirlik rahbarlari va xodimlarini ragʻbatlantirish (mukofotlash) yoki ularga nisbatan intizomiy jazo choralari;

2) Vazirlik faoliyatida aniqlangan kamchiliklarni bartaraf etish va uning faoliyatini yanada takomillashtirish choralari koʻriladi.

60. Vazirlik faoliyati samaradorligi va natijadorligini baholash tartibi va uslubi Oʻzbekiston Respublikasi Prezidenti yoki Vazirlar Mahkamasi tomonidan belgilanadi.

61. Vazirlik, uning hududiy boshqarmalari va idoraviy mansub davlat boshqaruvi organlarini moliyalashtirish va moddiy-texnik taʼminlash Oʻzbekiston Respublikasi Davlat budjeti mablagʻlari, Vazirlik huzuridagi Transport va logistikani rivojlantirish jamgʻarmasi va qonun hujjatlarida taqiqlanmagan boshqa manbalar hisobidan amalga oshiriladi.

62. Vazirlik xodimlarining ish haqi lavozim maoshi, ragʻbatlantirishlar, qoʻshimcha toʻlovlar, ustamalar va boshqa toʻlovlardan iborat.

Vazirlik, uning hududiy va idoraviy mansub tashkilotlari xodimlarining lavozim maoshi Yagona tarif setkasining tasdiqlangan razryadlari boʻyicha belgilanadi.

Vazirlik Vazirlik va uning hududiy boʻlinmalari hamda idoraviy mansub tashkilotlari xodimlarining lavozim maoshlariga, Oʻzbekiston Respublikasi respublika budjetiga yoʻnaltiriladigan mablagʻlar miqdori bilan Vazirlik va uning tarkibiy boʻlinmalari taʼminoti uchun budjetdan ajratiladigan mablagʻlar miqdori oʻrtasida yuzaga keladigan tafovut hisobiga 2 barobargacha oʻsib boruvchi koeffitsiyentni qoʻllashga haqli.

Vazirlik markaziy apparati va idoraviy mansub tashkilotlari (davlat boshqaruvi organlari) xodimlariga Davlat budjeti hisobidan koʻp yillik mehnati uchun ragʻbatlantirish koeffitsiyentini hisobga olgan holda, lavozim maoshiga belgilangan koeffitsiyentlarda quyidagi hajmlarda har oyda qoʻshimcha pul toʻlanadi: 2 yildan 5 yilgacha — 0,1; 5 yildan 10 yilgacha — 0,2; 10 yildan 15 yilgacha — 0,3; 15 yildan ortiq — 0,4.

Vazirlik va uning idoraviy mansub tashkilotlari xodimlarini qoʻshimcha moddiy ragʻbatlantirish, Vazirlik huzuridagi Transport va logistikani rivojlantirish jamgʻarmasi hisobidan ish haqi fondiga nisbatan 200 foizgacha miqdorda amalga oshiriladi.

Vazirlik hududiy boshqarmalari xodimlariga Oʻzbekiston Respublikasi Prezidentining “Davlat boshqaruvi hududiy organlari faoliyatini yanada takomillashtirish va xodimlarini moddiy ragʻbatlantirishni kuchaytirish chora-tadbirlari toʻgʻrisida” 2017-yil 9-yanvardagi PQ-2722-son qarorining 1-bandida nazarda tutilgan mehnatga haq toʻlash shartlari tadbiq etiladi.

63. Boshqaruv apparati xodimlari sonining qisqartirilishi va boʻsh ish oʻrinlarining mavjudligi sababli boʻshaydigan mehnatga haq toʻlash jamgʻarmasi mablagʻlari Vazirlik xodimlarini moddiy ragʻbatlantirish uchun yoʻnaltiriladi.

64. Vazirlik tarkibiy tuzilmasiga kiruvchi tashkilotlarni moddiy-texnik taʼminlash, shuningdek, ularning xodimlarini moddiy ragʻbatlantirish idoraviy mansub tashkilotlarning xoʻjalik faoliyatidan tushadigan tushumlar hamda qonun hujjatlarida taqiqlanmagan boshqa manbalar hisobidan amalga oshiriladi.

65. Vazirlik markaziy apparati xodimlari uchun avtomobil, temir yoʻl, havo, daryo transporti korxonalari xodimlarining ijtimoiy yordam koʻrsatish boʻyicha huquqi va imtiyozlari, shuningdek, xizmat safarlari davomida doimiy ravishda, taʼtil davrida — bir yilda bir marta avtomobil, temir yoʻl, havo transportidan imtiyozli foydalanish tadbiq etiladi.

66. Vazirlik xodimlar mehnatini qoʻllab-quvvatlash, ular hayotining ijtimoiy sharoitlarini yaxshilash maqsadida Vazirlik huzuridagi Transport va logistikani rivojlantirish jamgʻarmasi mablagʻlari hisobidan Vazirlik tomonidan belgilangan tartib asosida turar-joy va respublikamizda ishlab chiqarilayotgan avtotransport vositalarini harid qilish uchun kreditlarni rasmiylashtirishda dastlabki toʻlovni amalga oshirish uchun foizsiz qarzlar berish huquqiga ega.

Foizsiz qarzlar Vazirlik hayʼati qarori asosida Vazirlik va xodim oʻrtasida qarz shartnomasini tuzish va qarzni qaytarish jadvalini tasdiqlash yoʻli bilan beriladi. Turar-joy harid qilish uchun dastlabki toʻlovlarga kredit taqdim etish muddati 10 yilni, avtotransport vositalari xaridi uchun 5 yilni tashkil etadi.

Qarz uchinchi shaxs kafilligi asosida taqdim etiladi, kafillik shartnomasining notarial tasdiqlanishi talab etilmaydi. Qarz tasdiqlangan jadval asosida toʻlanmagan taqdirda, toʻlov miqdori qarz shartnomasi shartlariga muvofiq belgilangan tartibda undiriladi.

Xodimning Vazirlik tizimidagi mehnat faoliyati toʻxtatilgan taqdirda, qarzning toʻlanmagan miqdori bir oy muddatda Vazirlikka qaytarilishi shart.

67. Vazirlik xodimlariga ish haqini va ragʻbatlantirishlarni toʻlash shartlari Vazirlik, uning hududiy hamda idoraviy mansub boʻlinmalari xodimlariga ish haqi va qoʻshimcha ragʻbatlantirishni toʻlash tartibi bilan belgilanadi.

68. Vazirlik rahbarlari oʻz faoliyatlari toʻgʻrisida Oʻzbekiston Respublikasi Prezidenti, Oʻzbekiston Respublikasi Prezidenti Administratsiyasining tegishli tarkibiy tuzilmalari va Vazirlar Mahkamasiga hisobot beradi.

69. Vazirlar Mahkamasi rahbariyati Vazirlik rahbarlarining faoliyatini yuklangan vazifalarning ular tomonidan samarali bajarilishi boʻyicha doimiy monitoring olib boradi, Vazirlik faoliyati samaradorligini holisona baholaydi.

70. Monitoring va baholash natijalariga koʻra, Vazirlikning alohida oʻrnak koʻrsatgan xodimlarini ragʻbatlantirish choralari koʻriladi, jiddiy kamchiliklarga yoʻl qoʻygan xodimlarga nisbatan esa javobgarlik choralari, egallab turgan lavozimidan ozod etishgacha jazo qoʻllaniladi.

71. Vazirlik qonun hujjatlarida belgilangan tartibda qayta tashkil etiladi va tugatiladi.