O‘zbekiston Respublikasi Prezidentining “Jinoyat-ijroiya qonunchiligini tubdan takomillashtirish chora-tadbirlari to‘g‘risida” 2018-yil 7-noyabrdagi PQ-4006-son va “Ozodlikdan mahrum etilgan shaxslarni mehnat bilan bandligini ta’minlash bo‘yicha qo‘shimcha chora-tadbirlar to‘g‘risida” 2019-yil 29-yanvardagi PQ-4138-son qarorlari ijrosini ta’minlash maqsadida Vazirlar Mahkamasi qaror qiladi:
1. O‘zbekiston Respublikasi Ichki ishlar vazirligi Jazoni ijro etish bosh boshqarmasining jazoni ijro etish muassasalarida 1-ilovaga muvofiq ro‘yxat bo‘yicha idoraviy umumta’lim maktabi va tegishli xalq ta’limi bo‘limlari umumta’lim maktablarining filiallari faoliyat ko‘rsatayotganligi ma’lumot uchun qabul qilinsin.
2. O‘zbekiston Respublikasi Ichki ishlar vazirligi, Xalq ta’limi vazirligi, Bandlik va mehnat munosabatlari vazirligi hamda Oliy va o‘rta maxsus ta’lim vazirligining:
Toshkent viloyati Ichki ishlar boshqarmasi Probatsiya va jazolarni ijro etish bo‘limi Tarbiya koloniyasining 5-umumta’lim maktabini Zangiota tumani xalq ta’limi bo‘limining 35-umumta’lim maktabiga birlashtirish hamda Toshkent viloyati Ichki ishlar boshqarmasi Probatsiya va jazolarni ijro etish bo‘limi Tarbiya koloniyasining 5-umumta’lim maktabi mulkiy negizida ushbu umumta’lim maktabining filialini tashkil etish;
O‘zbekiston Respublikasi Oliy va o‘rta maxsus ta’lim vazirligi Kasb-hunar ta’limi markazining jazoni ijro etish muassasalari hududida joylashgan kasb-hunar ta’limi muassasalarini 2-ilovaga muvofiq O‘zbekiston Respublikasi Bandlik va mehnat munosabatlari vazirligi tasarrufiga o‘tkazish hamda ularni kasb-hunarga o‘qitish markazlariga aylantirish to‘g‘risidagi takliflariga rozilik berilsin.
milliy g‘oyaga sadoqat va vatanparvarlik ruhida tarbiyalash, ma’naviy boy, mustaqil dunyoqarashga ega va mustaqil fikrlaydigan barkamol shaxsni shakllantirish;
davlat ta’lim standartlari doirasida mahkumlarning sifat jihatidan yuqori darajada bilim olishi va ularni kasbga tayyorlashni ta’minlaydigan umumta’lim hamda kasb-hunar ta’limi dasturlarini amalga oshirish;
mahkumlarni jazodan ozod etilganidan so‘ng jamiyatga moslashtirish maqsadida mehnat bozorida talab etilgan kasblarni egallashi uchun ularga mehnat ko‘nikmalarini singdirish va mustahkamlash.
umumta’lim maktablarining jazoni ijro etish muassasalari qoshidagi filiallari O‘zbekiston Respublikasi Xalq ta’limi vazirligining tegishli tuman (shahar) bo‘limlariga bo‘ysunadi;
umumta’lim maktablarining jazoni ijro etish muassasalari qoshidagi filiallarida o‘quvchi mahkumlar sonidan qat’iy nazar sinflar ochishga ruxsat etiladi;
kasb-hunarga o‘qitish markazlari mustaqil yuridik shaxslar hisoblanadi va O‘zbekiston Respublikasi Ichki ishlar vazirligining asoslangan buyurtmanomalari bo‘yicha tashkil etiladi hamda O‘zbekiston Respublikasi Bandlik va mehnat munosabatlari vazirligi tasarrufida bo‘ladi;
umumta’lim maktablarining jazoni ijro etish muassasalari qoshidagi filiallari hamda kasb-hunarga o‘qitish markazlari jazoni ijro etish muassasalari hududida joylashtiriladi;
kasb-hunarga o‘qitish markazlarida mahkumlarning muayyan turdagi ishlarni bajarish uchun zarur kasbiy bilim va mehnat ko‘nikmalarini egallashini tezlashtirishga qaratilgan o‘quv rejalari va dasturlari asosida ta’lim beriladi;
kasb-hunarga o‘qitish markazlarining rahbarlari, pedagoglari va boshqa xodimlariga O‘zbekiston Respublikasi Oliy va o‘rta maxsus ta’lim vazirligining Kasb-hunar ta’limi markazi kasb-hunar ta’limi muassasalarining tegishli lavozimlari uchun belgilangan bazaviy tarif stavkalariga muvofiq mehnatga haq to‘lash shartlari tatbiq etiladi.
kasb-hunarga o‘qitish markazlari rahbarlari va pedagog xodimlarining mehnatiga haq to‘lash bilan bog‘liq xarajatlar O‘zbekiston Respublikasi Davlat budjetidan O‘zbekiston Respublikasi Bandlik va mehnat munosabatlari vazirligiga ajratiladigan mablag‘lar hisobidan;
Oldingi tahrirga qarang.
asbob-uskunalar xarid qilish, umumta’lim maktablarining filiallari va kasb-hunarga o‘qitish markazlari binolarini saqlash (kommunal xizmatlar, joriy ta’mirlash va boshqa xarajatlar), xizmat ko‘rsatuvchi xodimlar mehnatiga haq to‘lash bilan bog‘liq xarajatlar jazoni ijro etish muassasalarining budjet va budjetdan tashqari mablag‘lari hamda qonunchilikda taqiqlanmagan boshqa manbalar hisobidan moliyalashtiriladi.
(5-bandning uchinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
manfaatdor vazirlik va idoralar bilan hamkorlikda probatsiya xizmati nazorati ostidagi shaxslar mehnat bozorida talab etilgan kasblarni egallashi uchun ularni o‘qitishni tashkil etish to‘g‘risida ikki oy muddatda taklif kiritsin;
O‘zbekiston Respublikasi Bandlik va mehnat munosabatlari vazirligi bilan birgalikda kasb-hunarga o‘qitish markazlarida kasb-hunarga qisqa muddatli tayyorlash kasblarining ro‘yxatini va kasb-hunarga o‘qitish markazining Ustavini bir oy muddatda ishlab chiqib tasdiqlansin, shuningdek, uning belgilangan tartibda davlat ro‘yxatidan o‘tkazilishini ta’minlasin;
O‘zbekiston Respublikasi Moliya vazirligi hamda Bandlik va mehnat munosabatlari vazirligi bilan kelishgan holda, kasb-hunarga o‘qitish markazlarining shtat normativlarini ikki oy muddatda ishlab chiqsin va tasdiqlasin;
kasb-hunarga o‘qitish markazlarining jazoni ijro etish muassasalari hududida sanitariya qoidalari va normalari, gigiyena normativlari, standartlarga mos binolarda joylashtirilishini, shuningdek, zarur o‘quv asbob-uskunalari, mebel, inventar va boshqa mulk bilan jihozlanishini ta’minlasin.
7. O‘zbekiston Respublikasi Oliy va o‘rta maxsus ta’lim vazirligi Bandlik va mehnat munosabatlari vazirligi bilan birgalikda 2019/2020 o‘quv yilidan boshlab, kasb-hunarga o‘qitish markazlarini davlat ta’lim standartlari doirasida o‘quv rejalari va dasturlari, shuningdek, ularning kutubxona fondlarini zarur o‘quv-uslubiy adabiyot bilan bosqichma-bosqich ta’minlasin.
8. O‘zbekiston Respublikasi Xalq ta’limi vazirligi, Oliy va o‘rta maxsus ta’lim vazirligi, Axborot texnologiyalari va kommunikatsiyalarini rivojlantirish vazirligi va Ichki ishlar vazirligi 2020/2021 o‘quv yilidan boshlab, ozodlikdan mahrum etilgan mahkumlarni o‘qitish jarayoniga zamonaviy axborot-kommunikatsiya va innovatsiya texnologiyalarini bosqichma-bosqich joriy etishni nazarda tutuvchi Harakatlar dasturini ikki oy muddatda ishlab chiqib tasdiqlasin.
9. O‘zbekiston Respublikasi Moliya vazirligi ushbu qaror qabul qilinishi munosabati bilan O‘zbekiston Respublikasi Davlat budjeti parametrlariga bir oy muddatda tegishli o‘zgartirishlar kiritsin.
10. O‘zbekiston Respublikasi Ichki ishlar vazirligi tegishli vazirlik va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
11. Mazkur qarorning bajarilishini nazorat qilish O‘zbekiston Respublikasi Bosh vazirining ijtimoiy rivojlantirish masalalari bo‘yicha o‘rinbosari A.A. Abduxakimov, O‘zbekiston Respublikasi Bosh vazirining o‘rinbosari — moliya vaziri J.A. Qo‘chqorov va O‘zbekiston Respublikasi ichki ishlar vaziri P.R. Bobojonov, bandlik va mehnat munosabatlari vaziri Sh.D. Kudbiyev zimmasiga yuklansin.
Oldingi tahrirga qarang.
1. O‘zbekiston Respublikasi Ichki ishlar vazirligi huzuridagi Jazoni ijro etish departamenti Birinchi mintaqaviy hudud 24-son tarbiya koloniyasining 5-umumta’lim maktabi.
2. Toshkent viloyati Zangiota tumani xalq ta’limi bo‘limi 35-umumta’lim maktabining O‘zbekiston Respublikasi Ichki ishlar vazirligi huzuridagi Jazoni ijro etish departamenti Birinchi mintaqaviy hudud 21-son jazoni ijro etish koloniyasi qoshidagi filiali.
3. Toshkent viloyati Bo‘stonliq tumani xalq ta’limi bo‘limi 12-umumta’lim maktabining O‘zbekiston Respublikasi Ichki ishlar vazirligi huzuridagi Jazoni ijro etish departamenti Birinchi mintaqaviy hudud 7-son jazoni ijro etish koloniyasi qoshidagi filiali.
4. Toshkent viloyati Chirchiq shahar xalq ta’limi bo‘limi 22-umumta’lim maktabining O‘zbekiston Respublikasi Ichki ishlar vazirligi huzuridagi Jazoni ijro etish departamenti Birinchi mintaqaviy hudud 13-son jazoni ijro etish koloniyasi qoshidagi filiali.
5. Navoiy viloyati Navoiy shahar xalq ta’limi bo‘limi 4-umumta’lim maktabining O‘zbekiston Respublikasi Ichki ishlar vazirligi huzuridagi Jazoni ijro etish departamenti Beshinchi mintaqaviy hudud 4-son jazoni ijro etish koloniyasi qoshidagi filiali.
6. Navoiy viloyati Qiziltepa tumani xalq ta’limi bo‘limi 5-umumta’lim maktabining O‘zbekiston Respublikasi Ichki ishlar vazirligi huzuridagi Jazoni ijro etish departamenti Beshinchi mintaqaviy hudud 5-son jazoni ijro etish koloniyasi qoshidagi filiali.
(1-ilova O‘zbekiston Respublikasi Vazirlar Mahkamasining 2022-yil 15-avgustdagi 445-sonli qarori tahririda — Qonunchilik ma’lumotlari milliy bazasi, 15.08.2022-y., 09/22/445/0739-son)
1. Toshkent viloyati Ichki ishlar boshqarmasi Probatsiya va jazolarni ijro etish bo‘limi 21-son jazoni ijro etish koloniyasi qoshidagi 22-son kasb-hunar maktabi.
2. Toshkent viloyati Ichki ishlar boshqarmasi Probatsiya va jazolarni ijro etish bo‘limining Tarbiya koloniyasi qoshidagi 24-son kasb-hunar maktabi.
3. Qarshi qurilish kasb-hunar kollejining Qashqadaryo viloyati Ichki ishlar boshqarmasi Probatsiya va jazolarni ijro etish bo‘limi 2-son jazoni ijro etish koloniyasi qoshidagi bo‘limi.
4. Koson shahar “Agrobiznes” kasb-hunar kollejining Qashqadaryo viloyati Ichki ishlar boshqarmasi Probatsiya va jazolarni ijro etish bo‘limi 10-son jazoni ijro etish koloniyasi qoshidagi bo‘limi.