O‘zbekiston Respublikasi Prezidentining “Xalq ta’limi tizimiga boshqaruvning yangi tamoyillarini joriy etish chora-tadbirlari to‘g‘risida” 2018-yil 5-sentabrdagi PQ-3931-son qarori ijrosini ta’minlash maqsadida Vazirlar Mahkamasi qaror qiladi:

1. O‘zbekiston Respublikasi Xalq ta’limi vazirligi to‘g‘risidagi Nizom 1-ilovaga muvofiq tasdiqlansin.

2. O‘zbekiston Respublikasi Vazirlar Mahkamasining “Xalq ta’limi xodimlarining ish haqi darajasini oshirish tizimini tasdiqlash to‘g‘risida” 2005-yil 21-dekabrdagi 275-son qaroriga (O‘zbekiston Respublikasi QT 2005-y. 12-son, 63-modda) 2-ilovaga muvofiq qo‘shimchalar kiritilsin.

3. Vazirlar Mahkamasining “O‘zbekiston Respublikasi Xalq ta’limi vazirligi to‘g‘risidagi nizomni hamda ayrim idoraviy mansub tashkilotlarning ustavlarini tasdiqlash haqida” 2017-yil 1-dekabrdagi 961-son qarori (O‘zbekiston Respublikasi QT, 2017-y. 12-son, 280-modda)o‘z kuchini yo‘qotgan deb hisoblansin.

4. O‘zbekiston Respublikasi Xalq ta’limi vazirligi:

Respublika ta’lim markazi, O‘quvchilarni kasb-hunarga yo‘naltirish va psixologik-pedagogik respublika tashxis markazi hamda A. Avloniy nomidagi xalq ta’limi tizimi rahbar va mutaxassislarini qayta tayyorlash va malakasini oshirish instituti ustavlarini bir oy muddatda ishlab chiqsin va tasdiqlasin, shuningdek, ularning davlat ro‘yxatidan o‘tkazilishini ta’minlasin.

manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.A. Abduxakimov va O‘zbekiston Respublikasi xalq ta’limi vaziri Sh.X. Shermatov zimmasiga yuklansin.

1. Ushbu Nizom O‘zbekiston Respublikasi Xalq ta’limi vazirligining (keyingi o‘rinlarda Vazirlik deb ataladi) maqomi, asosiy vazifalari, funksiyalari, huquqlari, javobgarligi, faoliyati va hisobotini tashkil etish tartibini, shuningdek, uning rahbarlari funksional majburiyatlari va javobgarligini belgilaydi.

2. Vazirlik O‘zbekiston Respublikasi fuqarolarining ta’limga doir konstitutsion huquqlariga rioya etilishini ta’minlovchi, umumiy o‘rta va maktabdan tashqari ta’lim sohasida davlat siyosatini ishlab chiqish va amalga oshirish uchun javob beradigan vakolatli davlat boshqaruvi organi hisoblanadi.

3. Vazirlik o‘z faoliyatida O‘zbekiston Respublikasi Vazirlar Mahkamasiga (keyingi o‘rinlarda Vazirlar Mahkamasi deb ataladi) bo‘ysunadi va hisobot beradi .

4. Vazirlik o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining qarorlari, farmonlari va farmoyishlariga, Vazirlar Mahkamasining qarorlari va farmoyishlariga, ushbu Nizomga va boshqa qonun hujjatlariga amal qiladi.

5. Vazirlikning o‘z vakolatlari doirasida qabul qilgan qarorlari davlat va xo‘jalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek, fuqarolar tomonidan bajarilishi majburiydir.

6. Vazirlik, Qoraqalpog‘iston Respublikasi Xalq ta’limi vazirligi, viloyat xalq ta’limi boshqarmalari, Toshkent shahar xalq ta’limi Bosh boshqarmasi, tuman (shahar) xalq ta’limi bo‘limlari (keyingi o‘rinlarda hududiy bo‘linmalar deb ataladi), Vazirlik tuzilmasiga kiradigan tashkilotlar yuridik shaxslar hisoblanadilar, O‘zbekiston Respublikasi Davlat gerbi tasviri tushirilgan va o‘z nomi davlat tilida yozilgan muhr va blankalarga, mustaqil balansga, O‘zbekiston Respublikasi Moliya vazirligining G‘aznachiligida shaxsiy g‘azna hisob varaqlariga, bank hisob raqamlariga, shu jumladan, xorijiy valyutadagi bank hisobi raqamlariga ega bo‘ladilar.

7. Vazirlikning rasmiy nomi:

a) davlat tilida:

to‘liq nomi — O‘zbekiston Respublikasi Xalq ta’limi vazirligi, qisqartmasi — XTV;

b) ingliz tilida:

to‘liq nomi — The Ministry of Public Education of the Republic of Uzbekistan, sokrashennoye — MPEDU.

v) rus tilida:

to‘liq nomi — Ministerstvo narodnogo obrazovaniya Respubliki Uzbekistan, qisqartmasi — MNO yoki Minobrazovaniya;

8. Vazirlikning manzili (pochta manzili): Toshkent shahri, Shayxontohur tumani, Navoiy ko‘chasi, 2 a-uy.

9. Vazirlik tizimiga quyidagilar kiradi:

Vazirlikning markaziy apparati;

A. Avloniy nomidagi Xalq ta’limi muammolarini o‘rganish va istiqbollarini belgilash ilmiy-tadqiqot instituti, Respublika ta’lim markazi, O‘quvchilarni kasb-hunarga yo‘naltirish va psixologik-pedagogik respublika tashxis markazi, Respublika “Barkamol avlod” bolalar maktabi, Respublika o‘quvchi-yoshlar markazi, Budjetdan tashqari Respublika maqsadli kitob fondi, Xalq ta’limi xodimlarini qayta tayyorlash va malakasini oshirish hududiy markazlari;

“O‘quv ta’lim-ta’minot” davlat unitar korxonasi, “Xalq ta’limi sohasida loyiha hujjatlariga texnik topshiriqlarni ishlab chiqish va qurilish obyektlari sifatini monitoring qilish bo‘yicha injiniring kompaniyasi” davlat unitar korxonasi;

A.P. Xlebushkina nomidagi 22-son “Mehribonlik” uyi, Respublika “Mehribonlik” uylari sog‘lomlashtirish oromgohi, O‘zbekiston “Yoshlik” jismoniy tarbiya va sport jamiyati;

““Boshlang‘ich ta’lim” jurnali tahririyati” davlat korxonasi, ““Til va adabiyot ta’limi”, “Prepodavaniye yazika i literaturi”, “Language and literature teaching” jurnallari tahririyati” davlat korxonasi, ““Ma’rifat” va “Uchitel Uzbekistana” gazetalari tahririyati” davlat korxonasi, ““Xalq ta’limi” jurnali tahririyati” davlat korxonasi, ““Tong yulduzi” gazetasi tahririyati”, ““Klass” gazetasi tahririyati”, ““G‘uncha” jurnali tahririyati”, ““Gulxan” jurnali tahririyati”;

Aniq fanlarga ixtisoslashtirilgan davlat umumta’lim maktabi, Filologiya fanlariga ixtisoslashtirilgan davlat umumta’lim maktabi, Xorijiy tillarga ixtisoslashtirilgan davlat umumta’lim maktabi, Profilli mehnat ta’limiga ixtisoslashtirilgan davlat umumta’lim maktabi, Tabiiy fanlar ixtisoslashtirilgan davlat umumta’lim maktabi, Mirzo Ulug‘bek nomidagi matematika, astronomiya, fizika va informatika fanlariga ixtisoslashtirilgan davlat umumta’lim maktab-internati;

Qoraqalpog‘iston Respublikasi Xalq ta’limi vazirligi, xalq ta’limi viloyat boshqarmalari, Toshkent shahri xalq ta’limi Bosh boshqarmasi, tuman (shahar) xalq ta’limi bo‘limlari;

viloyat qaramog‘idagi o‘rta va maktabdan tashqari ta’lim muassasalari, “Mehribonlik” uylari, bolalar shaharchalari, bolalar kutubxonalari, davlat umumiy o‘rta va maktabdan tashqari ta’lim muassasalari.

10. Quyidagilar Vazirlikning asosiy vazifalari hisoblanadi:

umumiy o‘rta va maktabdan tashqari ta’lim sohasida o‘quvchilarning ma’naviy-axloqiy, intellektual va jismoniy rivojlanishi darajasini yanada yuksaltirishga yo‘naltirilgan yagona davlat siyosatini ishlab chiqish va amalga oshirish;

maktabdan tashqari ta’limga bo‘lgan umumiy o‘rta ta’lim davlat ta’lim standartlari va davlat ta’lim talablariga muvofiq umumta’lim muassasalari faoliyatini metodik boshqarishni amalga oshirish;

o‘qituvchi kasbining maqomi va obro‘sini ko‘tarish, umumta’lim muassasalari xodimlari, shuningdek, xalq ta’limi tizimi xodimlarining moddiy va ijtimoiy qo‘llab-quvvatlanishini ta’minlash, ularning samarali mehnat faoliyati uchun munosib sharoitlar yaratish;

o‘quv-tarbiya jarayoniga ta’limning innovatsion shakllarini, zamonaviy pedagogik va axborot texnologiyalarini, kasbiy yo‘naltirishning samarali uslublarini, o‘quvchilarning o‘quv, psixologik va jismoniy yuklamalari optimallashuvini inobatga olgan holda o‘qitish va tarbiyalashni joriy qilish;

umumta’lim muassasalarida chet tilini o‘qitishning samaradorligini ta’minlashga qaratilgan kompleks chora-tadbirlarni amalga oshirish;

mazmun va sifat jihatidan xalqaro talablarga javob beradigan, yangi pedagogik va axborot-kommunikatsiya texnologiyalarini qo‘llagan holda yangilangan o‘quv rejalari va dasturlariga muvofiq ishlab chiqilgan o‘quv va o‘quv-metodik adabiyotlarning yangi avlodi yaratilishi va nashr etilishini tashkil qilish;

nodavlat ta’lim xizmatlari sektorini yanada rivojlantirish, xalq ta’limi sohasida davlat-xususiy sheriklik uchun qulay sharoitlar yaratish;

pedagogik kadrlarni tanlash, tayyorlash, qayta tayyorlash va ularning malakasini oshirish bo‘yicha ilg‘or va shaffof tashkiliy-huquqiy mexanizmlarni joriy etish;

“Mehribonlik” uylari faoliyatini takomillashtirish, ota-onalar qarovisiz qolgan bolalarning ijtimoiy-psixologik reabilitatsiyasini va huquqiy himoya qilinishini ta’minlash, ularning ijtimoiy-mehnat ko‘nikmalarini hosil qilishiga va jamiyatga uyg‘unlashuviga ko‘maklashish;

jismoniy rivojlanishida turli nuqsonlari bo‘lgan hamda davolanish va sog‘lomlashtirishga muhtoj bo‘lgan bolalarga ijtimoiy kafolatlarni ta’minlovchi chora-tadbirlar samaradorligini yanada oshirish, ularning ta’lim va tarbiya (shu jumladan, inklyuziv) olishlariga ko‘maklashuvchi mos muhitni yaratish, imkoniyatlari cheklangan bolalar uchun ixtisoslashtirilgan ta’lim muassasalari (maktablar, maktab-internatlar) faoliyatini takomillashtirish;

o‘quvchilarni umuminsoniy qadriyatlar, yuksak ma’naviyat, insonparvarlik ruhida tarbiyalash, ularning qalbi va ongiga mustaqillik g‘oyalarini yanada chuqur singdirish, milliy mentalitetga yot g‘oyalarga qarshi immunitetni mustahkamlash;

umumiy o‘rta va maktabdan tashqari ta’lim muassasalari tomonidan davlat ta’lim standartlari va talablarining bajarilishining tizimli monitoringini olib borish;

umumta’lim muassasalarining 10-11-sinflari o‘quvchilariga kasb-hunar ta’limini ta’minlash bo‘yicha faoliyatni muvofiqlashtirish;

xalq ta’limi tizimidagi muassasalarning moddiy-texnik bazasini mustahkamlash, ularning bino va inshootlaridan foydalanish bo‘yicha ishlar monitoringini olib borish va ushbu ishlarni muvofiqlashtirish;

11. Vazirlik o‘ziga yuklangan vazifalarga muvofiq quyidagi funksiyalarni amalga oshiradi:

umumiy o‘rta va maktabdan tashqari ta’lim tizimlari faoliyatini tashkil etish va yaxshilash masalalarida davlat boshqaruvini amalga oshiradi;

yagona davlat siyosatining asosiy yo‘nalishlari, shu jumladan, umumiy o‘rta va maktabdan tashqari ta’lim tizimlarining yanada rivojlanishini nazarda tutadigan davlat dasturlari va boshqa dasturlar, shuningdek, ularni amalga oshirish mexanizmlari bo‘yicha O‘zbekiston Respublikasi Vazirlar Mahkamasiga ko‘rib chiqish uchun takliflar kiritadi;

normativ-huquqiy hujjatlar loyihalarini, shuningdek, Vazirlikka yuklangan vazifalar va funksiyalarni bajarish bilan bog‘liq boshqa hujjatlarni belgilangan tartibda O‘zbekiston Respublikasi Vazirlar Mahkamasiga kiritadi;

Vazirlik tizimiga kiradigan xalq ta’limi muassasalari va tashkilotlarni rivojlantirish istiqbollarini prognozlashtiradi, davlat va hududiy dasturlarni ishlab chiqadi;

umumiy o‘rta va maktabdan tashqari ta’lim muassasalarida davlat ta’lim standartlari va davlat ta’lim talablarining sifatli bajarilishini ta’minlash maqsadida idoraviy mansub bo‘linmalar, shuningdek, nodavlat ta’lim muassasalari va hududiy bo‘linmalar faoliyatini muvofiqlashtiradi;

umumiy o‘rta ta’lim davlat ta’lim standartlari va maktabdan tashqari ta’limga bo‘lgan talablar, xalq ta’limi tizimi mutaxassislariga qo‘yiladigan malaka talablarining bajarilishi yuzasidan idoraviy nazoratni tashkil etadi;

umumiy o‘rta, maktabdan tashqari ta’lim muassasalari va hududiy bo‘linmalar faoliyati yuzasidan metodik rahbarlikni amalga oshiradi;

ilmiy-texnik rivojlanishdan, jamiyat ehtiyojlaridan kelib chiqib, o‘quvchilarning yosh va psixofiziologik xususiyatlarini, shuningdek, ularning o‘zlashtirish imkoniyatlarini hisobga olgan holda davlat ta’lim standartlarini, umumiy o‘rta va maktabdan tashqari ta’limga qo‘yiladigan talablarni, o‘quv dasturlarini, darsliklarni uzluksiz ravishda takomillashtiradi;

umumta’lim muassasalari tomonidan budjet qonunchiligi buzilishlari profilaktikasi va uning oldini olishga qaratilgan, shu jumladan, axborot texnologiyalari va e’tirof etilgan moliyaviy nazoratning xalqaro standartlarini joriy etish orqali moliyaviy nazoratni amalga oshiradi;

o‘quvchilarni milliy va umuminsoniy qadriyatlarga hurmat ruhida tarbiyalash, ularning qalbida mustaqillik g‘oyalariga sadoqat, milliy iftixor, Vatanga muhabbat va uning taqdiri uchun daxldorlik, fidoyilik tuyg‘ularini shakllantiradi, ularni turli mafkuraviy xatarlardan himoya qilish ishlarini amalga oshiradi;

umumiy o‘rta, maktabdan tashqari ta’lim muassasalari va hududiy bo‘linmalar faoliyatining ta’lim va ijtimoiy jihatdan samaradorligi tahlilini o‘tkazadi, uni maqbullashtirish bo‘yicha takliflar ishlab chiqadi;

Vazirlik tizimi faoliyatiga daxldor jurnal va gazetalar, blankalar, o‘quv-metodik majmualar, byulletenlar hamda o‘quv qo‘llanmalarini nashr etadi, shuningdek, Vazirlikning veb-sayti ishini tashkil qiladi;

xalq ta’limi tizimida xalqaro aloqalarni kengaytiradi va uning samaradorligini oshirishga ko‘maklashadi xalq ta’limi masalalari bo‘yicha xorijiy va xalqaro tashkilotlar bilan aloqalarni va hamkorlikni yo‘lga qo‘yadi;

umumiy o‘rta ta’limni moliyalashtirishga O‘zbekiston Respublikasi budjeti parametrlarida ko‘zda tutilgan mablag‘larni hisobga olgan holda umumiy o‘rta ta’lim Davlat ta’lim standartlarini ishlab chiqadi va tasdiqlaydi;

barcha umumta’lim fanlari bo‘yicha boshlang‘ich, bazaviy o‘rta va umumiy o‘rta ta’lim bitiruvchilarining tayyorgarlik darajasiga bo‘lgan talablarni ishlab chiqadi va tasdiqlaydi;

barcha umumta’lim fanlari bo‘yicha o‘quv rejalari va dasturlarini ishlab chiqadi va tasdiqlaydi;

o‘rta ta’lim tizimida foydalaniladigan darsliklar, o‘quv qo‘llanmalari va o‘quv-metodik majmualarga qo‘yiladigan talablarni ishlab chiqadi va tasdiqlaydi;

o‘rta ta’lim tizimida foydalaniladigan darsliklar, o‘quv qo‘llanmalari va o‘quv-metodik majmualar tayyorlash, nashr etish va qayta nashr qilish tartibini ishlab chiqadi va tasdiqlaydi;

o‘quv jarayonida foydalanishga ruxsat etilgan darsliklar, o‘quv qo‘llanmalari va o‘quv-metodik majmualar ro‘yxatini tasdiqlaydi;

o‘rta ta’lim tizimida foydalaniladigan darsliklar, o‘quv qo‘llanmalari va o‘quv-metodik majmualarni tayyorlash, nashr etish va qayta nashr etish tartibini ishlab chiqadi va tasdiqlaydi;

o‘quvchilarning o‘qishdagi yutuqlari davlat ta’lim standartlari talablariga muvofiqligining tizimli monitoringini amalga oshiradi;

ta’lim sifatining umumiy holatiga asosan umumta’lim muassasalari reytingini aniqlashda ko‘maklashadi;

o‘quvchilarning ta’limda erishgan yutuqlarini baholash bo‘yicha xalqaro dasturlar va tadqiqotlarda umumta’lim muassasalarining ishtiroki bo‘yicha xalqaro tajribani o‘rganadi va tatbiq etadi;

o‘quvchilarning ta’limdagi yutuqlarini baholash bo‘yicha xalqaro dasturlarda va tadqiqotlarda umumta’lim muassasalari o‘quvchilari ishtirokini ta’minlashda ko‘maklashadi.

3) o‘qituvchi kasbi mavqeyi va obro‘sini oshirish, umumta’lim muassasalari xodimlari, shuningdek, xalq ta’limi tizimi xodimlarining moddiy va ijtimoiy qo‘llab-quvvatlanishini ta’minlash, ularning samarali faoliyati uchun munosib sharoitlar yaratish sohasida:

xalq ta’limi tizimi o‘qituvchilari, umumta’lim muassasalari rahbarlari, shuningdek, xodimlari ish haqi darajasini oshirish bo‘yicha takliflar kiritadi;

pedagogik kadrlarga va ularning oilalariga imtiyozli shartlarda kreditlar berilishiga ko‘maklashadi;

o‘zining namunali belgilangan tartibda ko‘rsatgan xalq ta’limi tizimi xodimlariga davlat mukofotlarini ta’sis etish bo‘yicha takliflar kiritadi;

pedagog kasbining mavqeyi va obro‘sini ko‘tarish maqsadida ommaviy axborot vositalarida targ‘ibotni tashkil qiladi;

o‘qituvchilarning o‘z kasbiy faoliyati bilan bog‘liq bo‘lmagan turli xil ishlarga jalb qilinishlari, nazorat organlari tomonidan asoslanmagan tekshiruvlar o‘tkazilishi, shuningdek, ommaviy axborot vositalari va boshqa tashkilotlar vakillarining umumta’lim muassasalari hududiga Vazirlik bilan kelishuvsiz kirishining oldini olish bo‘yicha choralar ko‘radi.

4) o‘quv-tarbiya jarayoniga ta’limning innovatsion shakllarini, zamonaviy pedagogik va axborot texnologiyalarini, kasb-hunarga yo‘naltirishning samarali shakl va uslublarini kiritish hamda o‘quvchilarning o‘quv, psixologik, va jismoniy yuklamalarining maqbullashuvini inobatga olgan holda o‘qitish va tarbiyalashni kiritish sohasida:

umumiy o‘rta, maktabdan tashqari ta’lim muassasalari va hududiy bo‘linmalarda axborot-tahlil ishlari o‘tkazilishini ta’minlaydi;

milliy istiqlol, boy madaniy-tarixiy meros, milliy urf-odat va umuminsoniy qadriyatlar g‘oyalari asosida ma’naviy yetuk avlodni tarbiyalashning samarali tashkiliy, pedagogik shakl va metodlarini ishlab chiqadi va tatbiq etadi;

o‘quv-ta’lim jarayoniga ta’limning zamonaviy ilg‘or shakllari, yangi pedagogik va axborot texnologiyalarini joriy etish orqali o‘quvchilarning har tomonlama rivojlanishini ta’minlaydi;

o‘quvchilar bilan maktabdan tashqari ishlash, ularning bo‘sh vaqtini yangi pedagogik va axborot texnologiyalarini qo‘llash, turli xil tadbirlar, ko‘riklar, tanlovlar va musobaqalarni tashkil qilishning samarali shakllari va metodlari yordamida tashkil qilish bo‘yicha chora-tadbirlar kompleksini amalga oshiradi;

o‘quvchilarning psixologik va jismoniy xususiyatlarini e’tiborga olgan holda, shu jumladan, o‘quv fanlarini birlashtirish va uyg‘unlashuvi orqali o‘quv dasturlarining maqbullashuvini amalga oshiradi.

o‘quvchilarga chet tilini o‘rgatish tizimini takomillashtiradi;

bolalarning psixologik-pedagogik xususiyatlarini e’tiborga olgan holda 1 — 11-sinf o‘quvchilariga chet tilini o‘rgatish va tashkil qilish bo‘yicha chora-tadbirlar kompleksini ishlab chiqadi va amalga oshiradi;

o‘quvchilarning bilimi, ko‘nikma va mahoratlariga hamda 1 — 11-sinflarda chet tili bo‘yicha o‘quv rejalari va dasturlariga qo‘yilgan talablarni aniqlashtirishni e’tiborga olgan holda davlat ta’lim standartini takomillashtiradi;

1 — 11-sinf o‘quvchilari uchun chet tillari bo‘yicha darsliklar va o‘quv-metodik qo‘llanmalarni, shu jumladan, elektron ko‘rinishda ishlab chiqadi va yaratadi;

tashkilotchilik qobiliyatiga ega mustaqil fikrlovchi shaxsni tarbiyalash bo‘yicha ishlarni takomillashtiradi;

ta’limning keyingi bosqichlarini yoki mehnat faoliyatini tanlashda o‘quvchilarga ko‘maklashadi.

ilg‘or xalqaro tajriba asosida yangi avlod o‘quv va o‘quv-metodik adabiyotlar bo‘yicha konsepsiyani rivojlantiradi;

yangi avlod o‘quv va o‘quv-metodik adabiyotlarni yaratishda eng so‘nggi ilmiy va texnik yutuqlarni e’tiborga olgan holda konsentrizm pedagogik tamoyili asosida o‘quv materiallarini tuzadi;

yangi avlod o‘quv va o‘quv-metodik adabiyotlarni yaratish jarayonida yangi pedagogik va axborot-kommunikatsiya texnologiyalarini qo‘llash orqali ijodiy va mustaqil vazifalarni ishlab chiqadi;

yangi avlod o‘quv va o‘quv-metodik adabiyotlar mazmuning hayot, amaliyot va ishlab chiqarish bilan bog‘liqligini, o‘quv materiallari xarakteri fundamentalligini va o‘quvchilarda o‘qish madaniyatining shakllanishini ta’minlaydi.

7) ta’lim xizmatlari nodavlat sektorini rivojlantirish, xalq ta’limi sohasida davlat-xususiy sheriklik uchun qulay sharoitlarni yaratish sohasida:

mahalliy va xorijiy investorlarni davlat-xususiy sheriklik loyihalarini amalga oshirish uchun jalb qiladi;

umumiy o‘rta va maktabdan tashqari ta’lim sohasida davlat-xususiy sheriklik loyihalarini amalga oshirish uchun sharoitlar yaratish bo‘yicha takliflar ishlab chiqadi;

nodavlat ta’lim muassasalariga ta’lim xizmatlarini rivojlantirishda yordam beradi;

o‘quvchi yoshlarning ijodiy ishlarini ommalashtirish, shu jumladan dunyo bozoriga milliy an’analarimiz asosida “Barkamol avlod” bolalar maktablarining to‘garak a’zolari tomonidan yaratilgan mahsulotlarni olib chiqish maqsadida “Art shop” elektron do‘konlarini tashkil etish va sotuvini yo‘lga qo‘yish;

bolalar texnik ijodkorligini rivojlantirish uchun xorijiy davlatlarning ilg‘or tajribalari asosida “Barkamol avlod” bolalar maktablarida davlat-xususiy sheriklik shartlari asosida “Bolalar texnoparki” loyihalarini tashkil etish.

Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalarida va Toshkent shahar xalq ta’limi Bosh boshqarmasi rahbarlarini, tuman (shahar) xalq ta’limi bo‘limlari hamda Vazirlikka idoraviy boshqa mansub tashkilotlar va muassasalar boshliqlarini mahalliy davlat hokimiyati organlari bilan kelishmasdan lavozimga tayinlaydi va lavozimdan ozod etadi;

umumta’lim muassasalari direktorlarini lavozimga tegishli xalq deputatlari tuman (shahar) Kengashlari bilan kelishish uchun nomzodlarni tavsiya qiladi va belgilangan tartibda ularni egallagan lavozimidan ozod etish bo‘yicha takliflar kiritadi;

umumta’lim muassasalari direktorlarining ma’naviy-ma’rifiy ishlar bo‘yicha o‘rinbosarini lavozimga tuman (shahar) ma’naviyat-ma’rifat markazi tavsiyasiga asosan tayinlaydi;

xalq ta’limi tizimi boshqaruv kadrlari malakasini oshirishga nazarda tutilgan mablag‘lar doirasida umumta’lim muassasalari rahbarlarining bosqichma-bosqich o‘tishlarini ta’minlaydi;

pedagogik kadrlarni tanlash, tayyorlash, qayta tayyorlash va ularning malakasini oshirish tartibini belgilaydi;

umumta’lim muassasalari direktorlarini, ularda menedjerlik ko‘nikmalari mavjudligi talablariga muvofiq, sertifikatlashtirishni, shu jumladan, direktorlar o‘rinbosarlarining javobgarligini oshirishni ta’minlaydi;

Xalq ta’limi vazirligining A. Avloniy nomidagi xalq ta’limi muammolarini o‘rganish va istiqbollarini belgilash ilmiy-tadqiqot instituti, Qoraqalpog‘iston Respublikasi, viloyatlar va Toshkent shahar xalq ta’limi xodimlarini qayta tayyorlash va ularning malakasini oshirish hududiy markazlari, pedagog kadrlar tayyorlaydigan oliy ta’lim muassasalari hamda nodavlat ta’lim tashkilotlari tomonidan xalq ta’limi xodimlarining malakasini oshirish bilan bog‘liq xarajatlarni moliyalashtirish uchun zarur mablag‘lar respublika budjetidan birinchi darajali budjet mablag‘larini taqsimlash;

yetim va ota-ona qaramog‘idan mahrum bo‘lgan bolalarni tarbiyalash, kamol toptirish va ularni qo‘llab-quvvatlashni tashkil etishni, ularning qonuniy huquqlari va manfaatlari ijtimoiy-huquqiy himoya qilinishini ta’minlaydi;

yetim va ota-ona qaramog‘idan mahrum bo‘lgan bolalarning psixologik jihatdan to‘liq tiklanishi, ularning jamiyatga ijtimoiy moslashishi, sifatli ta’lim va tarbiya olishi, shuningdek, ularning ijodiy va intellektual qobiliyatlarini rivojlantirishga ko‘maklashuvchi va uy sharoitlariga maksimal darajada yaqinlashtirilgan shart-sharoitlarni ta’minlaydi;

yetim va ota-ona qaramog‘idan mahrum bo‘lgan bolalarning mulkiy va nomulkiy huquqlarini himoya qilishni, qarindoshlarini aniqlashni va ular bilan mustahkam aloqa o‘rnatilishini ta’minlaydi;

yetim va ota-ona qaramog‘idan mahrum bo‘lgan bolalar orasida o‘z huquq va manfaatlarini himoya qilish bo‘yicha ijtimoiy bilim, ko‘nikmalarni shakllantirish yuzasidan ta’lim va tarbiyaviy ishlarni tashkil etishni amalga oshiradi;

ijtimoiy rivojlanishi korreksiya va (yoki) reabilitatsiyaga, rivojlanishining tibbiy-ijtimoiy va psixologik-pedagogik muammolariga tashxis qo‘yishga va ularni rivojlantirish va reabilitatsiya qilish bo‘yicha individual dasturlar tuzilishiga muhtoj yetim va ota-ona qaramog‘idan mahrum bo‘lgan bolalar guruhlarini aniqlaydi.

10) rivojlanishida turli nuqsonlari bo‘lgan hamda davolanishga va sog‘lomlashtirishga muhtoj bo‘lgan bolalarning ijtimoiy kafolatlarini ta’minlovchi chora-tadbirlar samaradorligini oshirish, ularning ta’lim-tarbiya (shu jumladan inklyuziv) olishlari uchun moslashuv muhitini yaratish, imkoniyatlari cheklangan bolalar uchun ixtisoslashtirilgan maktablar (maktab-internatlar) faoliyatini takomillashtirish sohasida:

jismoniy yoki psixik rivojlanishida turli nuqsonlari bo‘lgan bolalarning bilish qobiliyatlarini e’tiborga olgan holda umumiy o‘rta ta’lim va tarbiya olishlari uchun yordam ko‘rsatish maqsadida o‘quv-tarbiya, korreksiyalash va davolash-sog‘lomlashtirish muassasalari faoliyatini tashkil etishni, buning uchun zarur sharoitlarni yaratishni, ularning ijtimoiy moslashuvi va jamiyatga integratsiyalashuviga ko‘maklashishni, shuningdek, ijtimoiy yordamga muhtoj oilalarga farzandlarini tarbiyalash va ularga ta’lim berishda yordam ko‘rsatishni amalga oshiradi;

o‘z joniga qasd qilishga moyil qizlar, shuningdek, ruhiyatida o‘zgarish kuzatilgan o‘quvchi qizlar ro‘yxatini shakllantirish, ularga tibbiy va psixologik ko‘mak ko‘rsatish bo‘yicha manzilli ishlarni tashkil etadi;

Mahalla va oilani ko‘llab-quvvatlash vazirligi huzuridagi Ayollarni reabilitatsiya qilish va moslashtirish bo‘yicha respublika, hududiy va tumanlararo namunali markazlariga joylashtirilgan ayollarning voyaga yetmagan farzandlarini eng yaqin hududdagi umumiy o‘rta ta’lim muassasalariga vaqtincha joylashtirish choralarini ko‘radi;

davlat ta’lim standartlariga muvofiq maktab, maktab-internat yoki uyda ta’lim olayotgan, jismoniy va psixik rivojlanishida turli nuqsonlari bo‘lgan bolalarning qonuniy huquqlari, erkinliklari va manfaatlari ta’minlanishini amalga oshiradi;

hududlardagi psixologik-tibbiy-pedagogik komissiyalar faoliyatini, maktab, maktab-internat yoki uyda ta’lim olayotgan bolalarga xalq ta’limi muassasalarida sog‘lig‘ini tiklash va kasbga o‘rgatish bo‘yicha amaliy yordam ko‘rsatilishini muvofiqlashtiradi;

jismoniy yoki psixik rivojlanishida turli nuqsonlari bo‘lgan o‘quvchilarni optimal rivojlantirish maqsadida shaxsga mo‘ljallangan, ijtimoiy yo‘naltirilgan ta’lim jarayonida tabaqalashtirilgan va individual ta’lim berishni tashkil etishni ta’minlaydi.

mahalliy davlat hokimiyati organlari va nodavlat notijorat tashkilotlari bilan birgalikda o‘quvchi yoshlarga psixologik yordam ko‘rsatish bo‘yicha ta’lim muassasalari faoliyatini harakatlarning muvofiqlashtirilishini ta’minlash;

o‘quvchi yoshlarda huquqiy, estetik, ekologik tarbiyani rivojlantirish bo‘yicha turli tadbirlar tashkil etadigan tashkil qilishni ta’minlash;

iqtidorli o‘quvchi yoshlarni aniqlash va o‘qitish bo‘yicha psixologik-pedagogik va tashkiliy shart-sharoitlar yaratish;

fuqarolik jamiyatni qurish va demokratik islohotlarni chuqurlashtirish jarayonida yosh pedagog va o‘quvchilarning ijtimoiy faolligini oshirishni, yoshlarni jismoniy sog‘lom, mustaqil fikrlaydigan, Vatanga sadoqatli va qat’iy hayot pozitsiyasiga ega inson etib tarbiyalashni ta’minlash;

yoshlarning ma’naviy dunyosini boyitish, milliy va jahon adabiyotining eng sara namunalarini targ‘ib qilish maqsadida kitobxonlik madaniyatini shakllantiradi, ko‘chma kutubxonalar faoliyatini tashkillashtiradi, bolalar va maktab kutubxonalarini badiiy adabiyotlar bilan ta’minlash tizimini takomillashtiradi, o‘quvchilarni yot g‘oyalar va zararli odatlarning salbiy ta’siridan himoya qilish bo‘yicha faoliyatni tashkil qilishni ta’minlash;

o‘quvchilarning xohish-istaklari va takliflaridan kelib chiqqan holda ularning bo‘sh vaqtlarini mazmunli tashkil qilish, bolalar va o‘smirlarni “Barkamol avlod” bolalar maktablaridagi turli to‘garaklarga, shuningdek, bolalar musiqa va san’at maktablari, bolalar va o‘smirlar sport maktablariga qamrab olishga yo‘naltirilgan tizimli faoliyat bo‘yicha kompleks chora-tadbirlarni ishlab chiqish;

o‘quvchilar davomatini nazorat qilishni ta’minlaydi, ushbu yo‘nalishda fuqarolarning o‘zini o‘zi boshqarish organlari, boshqa jamoat tashkilotlari va huquqni muhofaza qilish organlarining hamkorlikdagi faoliyatini muvofiqlashtirish;

o‘quvchilarning ilmiy va badiiy adabiyotlarni o‘qishga bo‘lgan qiziqishini oshirish orqali ularda turli mafkuraviy tahdidlarga, xususan, diniy ekstremizm, terrorizm va boshqa yot g‘oyalarga qarshi mustahkam immunitet shakllantirilishini ta’minlash.

o‘quvchilarning bilimi va ta’lim sifatiga ta’sir qiladigan omillarni aniqlash bo‘yicha tizimli monitoringni amalga oshirish;

o‘quvchilarga ta’lim berish sifatini oshirishga yo‘naltirilgan, davlat standartlari talablari, davlat ta’lim talablari bajarilishini o‘rganish bo‘yicha intellektual ko‘rik-tanlovlar va musobaqalar tashkil qilinishini ta’minlash;

ta’lim sifati monitoringi olib borilishini nazorat qilish va amalga oshirish bo‘yicha normativ hujjatlar va metodik tavsiyalarni ishlab chiqadi;

ta’lim sifatining umumiy holati asosida xalq ta’limi muassasalari reytingini aniqlash;

o‘quvchilarning ongli ravishda kasb tanlashlari uchun ularni kasbga yo‘naltirish, tanlangan kasb bo‘yicha mehnat ko‘nikmalarini o‘rgatishni amalga oshirish;

o‘quvchilarda mehnat ko‘nikmalari va mustaqil ijodiy fikrlashni shakllantirishni, ularni kasbga yo‘naltirish, ta’lim olish va kasb egallashning kelgusi yo‘llarini ongli ravishda tanlashini ta’minlash;

pedagog xodimlarni uzluksiz ravishda o‘zini o‘zi kasbiy-pedagogik rivojlantirishga (butun hayoti davomida ta’lim olishga) yo‘naltirish;

shaxsga yo‘naltirilgan, tizimli faoliyat yuritish va kompetentli yondashuv talablari asosida respublika ta’limini modernizatsiyalashning asosiy yo‘nalishlarini hisobga olgan holda pedagog xodimlarni qayta tayyorlash va malakasini oshirish shakllarini, kasbiy ta’lim dasturlari mazmunini takomillashtirish;

ijobiy tajribani, kasb qiyinchiliklarini hamda pedagog va metodistlarning ehtiyojlarini o‘rganish va tahlil qilish, pedagoglarning kasbni bilishi shakllanganligiga, ta’lim oluvchilarning predmetli va asosiy kompetensiyalariga tashxis qo‘yish va monitoring olib borish asosida metodistlar va pedagoglarga, barcha darajalardagi eksperimental va innovatsion maydonchalarga manzilli ilmiy-metodik yordam ko‘rsatish;

ta’lim makonini axborotlashtirish, texnologiyalarni joriy etish va optimallashtirish orqali pedagog xodimlar uchun rivojlanib boruvchi o‘quv-metodik muhit yaratilishini ta’minlash;

o‘qituvchilarning ishdan ajralmagan holda uzluksiz malaka oshirishlarini ta’minlash;

ta’lim sohasining asosiy va fanlar bo‘yicha maqsadlarini hisobga olib, natijaga erishishni ko‘zlagan holda aniq o‘quv jarayoni maqsadlari loyihalashtirilishini ta’minlash;

ta’lim standartlari talablariga muvofiq va dastur materiallari o‘zlashtirilishini tashkil etish bo‘yicha vazifalar kompleksini hal etishga yo‘naltirilgan o‘quv jarayonini muvofiqlashtirish;

o‘quv jarayonini loyihalashtirish va uni amaliyotga tatbiq etish uchun axborot muhiti salohiyatini joriy qilish;

psixologik qulaylik va qo‘llab-quvvatlash muhiti yaratilishini, shaxsiy natijalarga erishilganidan so‘ng olinadigan ijobiy his-tuyg‘ularni kompetensiyalar ko‘rinishida rag‘batlantirishni ta’minlash;

xalq ta’limi muassasalari bino va inshootlardan tegishli tarzda, shu jumladan, kuz-qish davrida, foydalanish bo‘yicha ishlar muvofiqlashtirilishi va monitoring olib borilishini ta’minlash;

elektr energiyasi, tabiiy gaz, ko‘mir va ko‘mir briketlari, suvdan foydalanishning belgilangan tartibiga rioya qilish bo‘yicha tizimli tahlil qilishni, shuningdek, energiyani tejovchi vositalar va texnologiyalarni joriy etish yo‘li bilan ulardan oqilona foydalanish bo‘yicha takliflar kiritish orqali hisoblash asboblari va ularning texnik sozligi monitoringini ta’minlash;

xarajatlar smetasini tuzish va ijrosi, maoshlarning hisoblanishi va to‘lanishi, tovarlar, ishlar va xizmatlarni xarid qilish, idoraviy mansub muassasalarning budjet va budjetdan tashqari mablag‘lar hisobi yuritilishi, shuningdek, o‘z faoliyati profili bo‘yicha tovarlar (ishlar, xizmatlar) ayirboshlashdan kelib tushadigan daromadlar monitoringi muvofiqlashtirish;

noqonuniy sarf-xarajatlar va budjet mablag‘larining talon-taroj qilinishi holatlari profilaktikasi, oldini olish va aniqlash bo‘yicha faoliyatni muvofiqlashtirish;

issiq va sovuq suv, tabiiy gaz, issiqlik va elektr energiyasini iste’mol qilishning, ko‘mir va ko‘mir briketlaridan oqilona foydalanishning, bino va inshootlarning saqlanishiga doir belgilangan qoidalarga rioya qilmagan rahbarlar va xodimlarni mukofotlarning bir qismidan yoki to‘liq mahrum qilish to‘g‘risida takliflar kiritish;

investitsiya dasturlarini amalga oshirish doirasida xalq ta’limi muassasalari bino va inshootlarini rekonstruksiya qilish hamda qurish bo‘yicha hududiy bo‘linmalar tomonidan taqdim etilgan manzilli ro‘yxatlarni o‘rganish va tahlil qilish, shu jumladan, mukammal va joriy ta’mirlashni ta’minlash;

xalq ta’limi muassasalari bino va inshootlarini qurish, rekonstruksiya qilish, joriy va mukammal ta’mirlash bo‘yicha ishlarni muvofiqlashtiradi va monitoringini olib borish;

xalq ta’limi muassasalarining issiqlik ta’minoti tizimi, bug‘ qozonlarini almashtirish va ulardan foydalanish ishlarining hisobi yuritilishini va monitoringi olib borilishini ta’minlash;

ko‘mir va ko‘mir briketlari bilan ta’minlashning manzilli ro‘yxatini shakllantirish hamda ularni xalq ta’limi obyektlariga yetkazib berish monitoringining manzilli ro‘yxatlarini shakllantirish bo‘yicha faoliyatni muvofiqlashtirish;

xalq ta’limi muassasalarini jihozlash (qayta jihozlash) dasturlarini ishlab chiqish uchun ularning moddiy-texnik bazasini o‘rganish va tahlil qilishni amalga oshirish;

“Xalq ta’limi sohasida loyiha hujjatlariga texnik topshiriqlarni ishlab chiqish va qurilish obyektlari sifatini monitoring qilish bo‘yicha injiniring kompaniyasi” DUK faoliyatini muvofiqlashtirish;

Vazirlik qonun hujjatlariga muvofiq boshqa funksiyalarni ham bajarishi mumkin.

12. Quyidagilar Vazirlik markaziy apparatining asosiy vazifalari hisoblanadi:

hududiy bo‘linmalar va idoraviy mansub tashkilotlar bilan birgalikda Vazirlikka yuklangan vazifalar va funksiyalarning samarali bajarilishini ta’minlash;

umumiy o‘rta ta’lim davlat ta’lim standartlari va maktabdan tashqari ta’lim talablarini tasdiqlash;

xalq ta’limi tizimini strategik rivojlanishini aniqlash;

zamonaviy pedagogik texnologiyalarni ta’limda tatbiq etish;

o‘quv-metodik komplekslarni ishlab chiqish va nashr etish bo‘yicha faoliyatni muvofiqlashtirish;

o‘quvchilarni ma’naviy-axloqiy tarbiyalashni, ijtimoiy qo‘llab-quvvatlash va reabilitatsiya qilishni tashkil etish;

umumiy o‘rta va maktabdan tashqari ta’lim muassasalariga axborot-kommunikatsiya texnologiyalarini joriy etishni muvofiqlashtirish;

istiqbolli maktab modellari va davlat-xususiy sherikchiligini tashkil etish;

Vazirlik tizimida ichki audit va moliyaviy nazoratni tashkil etish va amalga oshirish;

hududiy bo‘linmalarda va idoraviy mansub tashkilotlarda kadrlar bilan ta’minlashni muvofiqlashtirish;

o‘smirlar bilan ishlashda ko‘maklashish;

idoraviy mansub tashkilotlarni rivojlantirishga ko‘maklashish, ularni rivojlantirish konsepsiyalari va istiqbollarini belgilash.

pedagogik kadrlarning qonuniy huquq va manfaatlarini ta’minlash;

pedagogik kadrlarni tanlash, tayyorlash, qayta tayyorlash va malakasini oshirishni tashkil qilish;

loyiha hujjatlarini ishlab chiqilishini muvofiqlashtirish va xalq ta’limi tizimida qurilish obyektlari sifati monitoringini yuritish;

umumta’lim muassasalari qurilish, rekonstruksiya, ta’mirlash va jihozlash bo‘yicha ishlarni muvofiqlashtirish va moliyalashtirish.

13. Vazirlikning markaziy apparati unga yuklangan asosiy vazifalarga muvofiq quyidagi funksiyalarni amalga oshiradi:

Vazirlik va uning rahbariyati faoliyatini tashkiliy va axborot-tahlil jihatidan ta’minlaydi;

xalq ta’limi tizimini rivojlantirishning ustuvor va dolzarb yo‘nalishlar bo‘yicha ishlarni tashkil qiladi;

hududiy bo‘linmalar va idoraviy mansub tashkilotlar tomonidan O‘zbekiston Respublikasi qonunlari, O‘zbekiston Respublikasi Prezidentining Farmonlari, qarorlari va farmoyishlari, Hukumat qarorlari bajarilishi ustidan muntazam nazoratni ta’minlaydi;

vazir va uning o‘rinbosarlarining buyruqlari va farmoyishlari amalga oshirilishini o‘z vakolatlari doirasida tashkil etadi;

Vazirlik tomonidan O‘zbekiston Respublikasi Vazirlar Mahkamasi va O‘zbekiston Respublikasi Prezidenti Administratsiyasiga kiritiladigan hujjatlarning sifatli va o‘z vaqtida ishlab chiqilishini va ularning iqtisodiy, moliyaviy va huquqiy ekspertizadan o‘tkazilishini tashkil etadi;

hududiy bo‘linmalar va idoraviy mansub tashkilotlar faoliyati monitoringi olib borilishini tashkil etadi;

umumiy o‘rta va maktabdan tashqari ta’limni rivojlantirish maqsadida ilmiy-tadqiqot ishlari olib borilishiga ko‘maklashadi;

Vazirlikning faoliyati, shu jumladan, qonun ijodkorligi sohasidagi faoliyatini huquqiy ta’minlanishini tashkil etadi;

boshqaruv qarorlarini qabul qilish maqsadida umumiy o‘rta va maktabdan tashqari ta’lim tendensiyalari to‘g‘risida axborotni to‘playdi, umumlashtiradi va tahlil qiladi;

umumiy o‘rta va maktabdan tashqari ta’limi masalalari, shuningdek, uni rivojlantirish bo‘yicha tadbirkorlik subyektlariga axborot, metodik, tashkiliy va maslahat yordami beradi;

Vazirlik vakolatiga tegishli operativ, tashkiliy, kadrlar, moliya, ishlab chiqarish-xo‘jalik masalalari va boshqa masalalar yechimi bilan shug‘ullanadi;

Vazirlikning hududiy bo‘linmalari va idoraviy mansub tashkilotlari faoliyatini nazorat qiladi va tahlil etadi;

Vazirlikning hududiy bo‘linmalari va idoraviy mansub tashkilotlari bilan birgalikda o‘ziga yuklangan vazifalar samarali bajarilishini ta’minlaydi;

umumta’lim, shu jumladan, davlat-xususiy sheriklik asosida tashkil etilgan muassasalar faoliyatini tashkil qiladi;

umumiy o‘rta va maktabdan tashqari ta’lim sohasida nodavlat ta’lim xizmatlarini kengaytirish va takomillashtirishni yuridik shaxslar bilan o‘zaro hamkorlikda amalga oshiradi;

umumiy o‘rta va maktabdan tashqari ta’lim sifati monitoringini olib boradi;

umumiy o‘rta va maktabdan tashqari ta’lim muassasalarida ta’lim berishning muqobil shakllarini rivojlantiradi;

imkoniyatlari cheklangan bolalar uchun ixtisoslashtirilgan ta’lim muassasalari faoliyatini muvofiqlashtiradi;

umumiy o‘rta ta’lim muassasalarida sog‘lom ovqatlanish tashkil etilishini muvofiqlashtiradi;

respublika budjetidan moliyalashtiriladigan idoraviy mansub tashkilotlarda moliya, buxgalteriya hisobi va hisobotini tashkil etadi;

Vazirlik tizimidagi tashkilotlarda joriy moliyaviy sarf-xarajatlarni rejalashtirishni amalga oshiradi;

umumiy o‘rta va maktabdan tashqari ta’lim muassasalarining binolari va inshootlaridan joriy foydalanish bo‘yicha ishlar monitoringini olib boradi va muvofiqlashtiradi;

jismoniy va yuridik shaxslarning murojaatlari bilan ishlashni tashkil etadi;

xorijiy investitsiyalar jalb etilishini va xalqaro hamkorlikni tashkil etadi;

umumta’lim muassasalarini xavfsizlik ta’minlashning zamonaviy texnik vositalari bilan jihozlash bo‘yicha choralar ko‘radi;

xalq ta’limi tizimini takomillashtirish bo‘yicha eng muhim voqealar, yangiliklar va amalga oshirilayotgan amaliy choralar haqida ommaviy axborot vositalarida o‘z vaqtida yoritadi;

muayyan texnologiyalar va metodlarni keyinchalik qo‘llash uchun va umuman olganda xalq ta’limi tizimini takomillashtirish maqsadida rivojlangan mamlakatlar tajribasi doimiy monitoringini tashkil qiladi.

14. Quyidagilar Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi bosh boshqarmasining asosiy vazifalari hisoblanadi:

Vazirlikka yuklangan vazifalar va funksiyalar samarali bajarilishini ta’minlashda ishtirok etish;

Qoraqalpog‘iston Respublikasi Jo‘qorg‘i Kengesi Raisi, viloyatlar va Toshkent shahri, tumanlar (shaharlar) hokimlari, prokuratura, ichki ishlar va davlat soliq xizmati hududiy organlari rahbarlari boshchilik qiladigan kompleks ijtimoiy-iqtisodiy rivojlantirish bo‘yicha sektorlar (keyingi o‘rinlarda kompleks ijtimoiy-iqtisodiy rivojlantirish bo‘yicha sektorlar deb ataladi) bilan hamkorlik qilish;

umumiy o‘rta va maktabdan tashqari ta’lim sohasida qonun hujjatlariga, normativ hujjatlarga rioya etilishi ustidan monitoring olib borish va nazorat qilish;

umumiy o‘rta va maktabdan tashqari ta’lim muassasalarida o‘quv-metodik faoliyatni muvofiqlashtirish va axborot-kommunikatsiya texnologiyalarini joriy etish;

imkoniyati cheklangan bolalar uchun ixtisoslashtirilgan ta’lim muassasalarida o‘quvchilarni reabilitatsiya qilish va ma’naviy-axloqiy jihatdan tarbiyalash bo‘yicha faoliyatni muvofiqlashtiradi;

nodavlat ta’lim xizmatlari ko‘rsatish faoliyatini amalga oshiradigan yuridik shaxslarni qo‘llab-quvvatlash hamda umumiy o‘rta va maktabdan tashqari ta’lim muassasalarida ta’lim berishning muqobil shakllarini rivojlantirish;

xalq ta’limi muassasalarida hamda uning hududiy bo‘linmalarida ichki audit va moliyaviy nazoratni tashkil etish hamda amalga oshirish;

hududlarda davlat-xususiy sherikchiligini kengaytirish bo‘yicha amaliy choralar qabul qilish;

umumta’lim muassasalarida zamonaviy xavfsizlikni ta’minlash vositalari va innovatsion texnologiyalarni joriy qilish bo‘yicha tadbirlarni tashkil etadi;

umumta’lim muassasalarini qo‘llab-quvvatlash va ular infratuzilmasini rivojlantirish masalalari borasida hokimiyatlar reytingini tuzishda ko‘maklashish;

o‘qituvchilarning kasbiy faoliyatiga bog‘liq bo‘lmagan turli xil ishlarga jalb qilinishini qat’iyan yo‘l qo‘yilmasligini ta’minlash.

15. Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi bosh boshqarmasi ularga yuklangan asosiy vazifalarga muvofiq quyidagi funksiyalarni amalga oshiradi:

Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi bosh boshqarmasi va ularning rahbariyati faoliyatini tashkiliy va axborot-tahliliy jihatdan ta’minlaydi;

tuman (shahar) xalq ta’limi bo‘limlari tomonidan O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Hukumat qarorlari va farmoyishlari, Vazirlikning buyruqlari bajarilishi ustidan muntazam nazorat qilinishini ta’minlaydi;

tuman (shahar) xalq ta’limi bo‘limlari tomonidan kiritiladigan hujjatlarning sifatli va o‘z vaqtida qayta ishlanishini, ularning iqtisodiy, moliyaviy va huquqiy ekspertizadan o‘tkazilishini tashkil etadi;

tuman (shahar) xalq ta’limi bo‘limlari faoliyatiga rahbarlik qiladi, muvofiqlashtiradi va nazorat qiladi;

tuman (shahar) xalq ta’limi bo‘limlarining metodik ishlarini muvofiqlashtiradi;

davlat umumiy o‘rta va maktabdan tashqari ta’lim muassasalari faoliyatini muvofiqlashtiradi;

umumiy o‘rta va maktabdan tashqari ta’lim sohasida nodavlat ta’lim xizmatlari ko‘rsatish faoliyatini amalga oshiradigan yuridik shaxslar bilan o‘zaro hamkorlik qiladi;

nodavlat ta’lim xizmatlari ko‘rsatish faoliyatini amalga oshiradigan yuridik shaxslarni qo‘llab-quvvatlashni amalga oshiradi hamda umumiy o‘rta va maktabdan tashqari ta’lim muassasalarida ta’lim berishning muqobil shakllarini rivojlantiradi;

viloyat darajasidagi budjetdan moliyalashtiriladigan idoraviy mansub tashkilotlar xarajatlarini moliyalashtirishni, buxgalteriya hisobi va hisobotini tashkil etadi;

umumiy o‘rta ta’lim muassasalarida sog‘lom ovqatlanishni ta’minlash bo‘yicha tuman (shahar) xalq ta’limi bo‘limlari faoliyatini muvofiqlashtiradi;

umumiy o‘rta ta’lim muassasalarida davlat ta’lim standartlarini, maktabdan tashqari ta’lim muassasalarida davlat ta’lim talablarini bajarish monitoringi bo‘yicha tuman (shahar) xalq ta’limi bo‘limlari faoliyatini muvofiqlashtirishni amalga oshiradi;

umumiy o‘rta va maktabdan tashqari ta’lim muassasalarini moddiy-texnik ta’minlashni tashkil etadi;

umumiy o‘rta va maktabdan tashqari ta’lim muassasalarini moddiy-texnik ta’minlashni tashkil etadi;

umumiy o‘rta va maktabdan tashqari ta’lim muassasalarini moddiy-texnik ta’minlashni tashkil etadi;

jismoniy va yuridik shaxslarning murojaatlari bilan ishlashni tashkil etadi;

vakolatiga tegishli tezkor, tashkiliy, kadrlar, moliya, ishlab chiqarish-xo‘jalik masalalari va boshqa masalalar bo‘yicha qarorlar qabul qiladi.

umumta’lim muassasalari obyektlarida qurilish ishlari sifati monitoringini amalga oshiradi.

16. Quyidagilar tuman (shahar) xalq ta’limi bo‘limlarining asosiy vazifalari hisoblanadi:

Vazirlikka yuklangan vazifalar va funksiyalar samarali bajarilishini ta’minlashda ishtirok etish;

umumiy o‘rta va maktabdan tashqari davlat ta’lim muassasalari faoliyatini tashkil etish sohasida kompleks ijtimoiy-iqtisodiy rivojlantirish bo‘yicha sektorlar bilan o‘zaro hamkorlik qilish;

umumiy o‘rta va maktabdan tashqari ta’lim sohasidagi qonun hujjatlariga va normativ hujjatlarga rioya qilinishi monitoringini olib borish va nazorat qilish;

umumiy o‘rta va maktabdan tashqari ta’lim muassasalarida o‘quv-metodik faoliyatni muvofiqlashtirish va axborot-kommunikatsiya texnologiyalarini joriy etish;

imkoniyatlari cheklangan bolalar uchun ixtisoslashtirilgan ta’lim muassasalarida o‘quvchilarni reabilitatsiya qilish va ma’naviy-axloqiy jihatdan tarbiyalash bo‘yicha faoliyatini muvofiqlashtirish;

umumiy o‘rta va maktabdan tashqari ta’lim sohasida nodavlat ta’lim xizmatlarini ko‘rsatuvchi yuridik shaxslarni qo‘llab-quvvatlash hamda umumiy o‘rta va maktabdan tashqari ta’lim muassasalarida ta’lim berishning muqobil shakllarini rivojlantirish;

tuman (shahar) darajasidagi budjetdan moliyalashtiriladigan davlat umumiy o‘rta va maktabdan tashqari ta’lim muassasalari xarajatlarini moliyalashtirishni, ularda buxgalteriya hisobi va hisoboti yuritilishini tashkil etish;

o‘qituvchilarning kasbiy faoliyatiga bog‘liq bo‘lmagan turli xil ishlarga jalb qilinishini yo‘l qo‘yilmasligini ta’minlash.

17. Tuman (shahar) xalq ta’limi bo‘limlari ularga yuklangan asosiy vazifalarga muvofiq quyidagi funksiyalarni amalga oshiradi:

tuman (shahar) xalq ta’limi bo‘limlari va ularning rahbariyatini tashkiliy va axborot-tahlil jihatidan ta’minlaydi;

idoraviy mansub tashkilotlar tomonidan O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Hukumat qarorlari va farmoyishlari, Vazirlikning buyruqlari bajarilishini muntazam nazorat qiladi;

tuman (shahar) xalq ta’limi bo‘limlari tomonidan tumanlar (shaharlar) hokimliklariga kiritiladigan hujjatlarning sifatli va o‘z vaqtida qayta ishlanishini, ularning iqtisodiy, moliyaviy va huquqiy ekspertizadan o‘tkazilishini tashkil etadi;

umumiy o‘rta va maktabdan tashqari ta’lim muassasalari faoliyatiga rahbarlik qiladi, muvofiqlashtiradi va nazorat qiladi;

tuman (shahar) xalq ta’limi bo‘limlari faoliyatini huquqiy ta’minlashni tashkil etadi;

umumiy o‘rta va maktabdan tashqari ta’lim sohasida nodavlat ta’lim xizmatlari ko‘rsatish faoliyatini amalga oshiradigan yuridik shaxslar bilan o‘zaro hamkorlik qiladi;

nodavlat ta’lim xizmatlari ko‘rsatish faoliyatini amalga oshiradigan yuridik shaxslarni qo‘llab-quvvatlashni amalga oshiradi hamda umumiy o‘rta va maktabdan tashqari ta’lim muassasalarida ta’lim berishning muqobil shakllarini rivojlantiradi;

tuman (shahar) darajasidagi budjetdan moliyalashtiriladigan umumiy o‘rta va maktabdan tashqari ta’lim muassasalari xarajatlarining buxgalteriya hisobi va hisoboti yuritilishini tashkil etadi;

umumiy o‘rta ta’lim muassasalarida sog‘lom ovqatlanishni tashkil etadi;

maktabdan tashqari ta’lim muassasalarida davlat ta’lim standartlari va davlat ta’lim talablarini bajarish monitoringini amalga oshiradi;

umumiy o‘rta va maktabdan tashqari ta’lim muassasalarini moddiy-texnik ta’minlashni tashkil etadi;

umumiy o‘rta va maktabdan tashqari ta’lim muassasalarining binolari va inshootlaridan foydalanish ishlari monitoringini olib boradi va muvofiqlashtiradi;

jismoniy va yuridik shaxslarning murojaatlari bilan ishlashni tashkil etadi;

tuman (shahar) xalq ta’limi bo‘limlari vakolatiga tegishli bo‘lgan operativ, tashkiliy, kadrlar, moliya, ishlab chiqarish-xo‘jalik masalalari va boshqa masalalar bo‘yicha qaror qabul qiladi.

18. Vazirlik o‘ziga yuklangan vazifalar va funksiyalarni amalga oshirish uchun quyidagi huquqlarga ega:

normativ-huquqiy hujjatlar loyihalarini, shuningdek, Vazirlikka yuklangan vazifalar va funksiyalarni bajarish bilan bog‘liq bo‘lgan boshqa hujjatlarni belgilangan tartibda O‘zbekiston Respublikasi Vazirlar Mahkamasiga yoki O‘zbekiston Respublikasi Prezidenti Administratsiyasiga kiritish;

Vazirlik vakolatiga kiradigan masalalarni hal etish uchun davlat va xo‘jalik boshqaruvi organlaridan, mahalliy davlat hokimiyati organlaridan zarur axborotni belgilangan tartibda so‘rash va olish;

umumiy o‘rta ta’limni moliyalashtirish uchun O‘zbekiston Respublikasi Davlat budjeti doirasida ko‘zda tutilgan mablag‘larni hisobga olgan holda umumiy o‘rta ta’lim davlat ta’lim standartlari va maktabdan tashqari ta’limga qo‘yiladigan davlat ta’lim talablarini tasdiqlash;

mahalliy davlat hokimiyati organlari bilan kelishuvsiz Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi Bosh boshqarmasi rahbarlarini, tuman (shahar) xalq ta’limi bo‘limlari boshliqlarini, shuningdek, Vazirlikning boshqa idoraviy tashkilotlari va muassasalari rahbarlarini lavozimga tayinlash va lavozimdan ozod etish;

muvaffaqiyatli faoliyat yuritayotgan umumta’lim muassasalari bazasida tarmoqli maktablar tashkil etish, shu jumladan, ushbu tarmoqqa yuklama koeffitsiyenti past bo‘lgan boshqa maktablarni qo‘shish to‘g‘risida qaror qabul qilish;

umumta’lim muassasasi rahbari lavozimiga saylash va egallab turgan lavozimidan ozod etish bo‘yicha tegishli xalq deputatlari tuman (shahar) Kengashlariga takliflar kiritish;

O‘zbekiston Respublikasi Vazirlar Mahkamasi bilan kelishilgan holda umumta’lim muassasasi kuzatuv kengashi to‘g‘risida namunaviy tarkibni va nizomni tasdiqlash;

Umumta’lim muassasalarida ichki nazorat, korrupsion huquqbuzarliklar va boshqa qonunga zid harakatlar, shuningdek, Vazirlik tizimi xodimlari tomonidan kasbiy axloq qoidalari buzilishining oldini olish va profilaktikasini amalga oshirish;

davlat organlari va boshqa tashkilotlar tomonidan umumta’lim muassasalari faoliyatiga asossiz aralashuvi, pedagog kadrlar sha’ni va qadr-qimmatini tahqirlash, mehnatga majburlash, o‘quv-tarbiyaviy jarayonga to‘sqinlik qilishning har qanday shakllari, o‘qituvchi va o‘quvchilarning huquqlari buzilishiga yo‘l qo‘ymaslik bo‘yicha qonunchilikda belgilangan choralar ko‘rish;

boshqaruv xodimlarining belgilangan umumiy soni doirasida Vazirlik markaziy apparatining tasdiqlagan tuzilmasiga o‘zgartirishlar kiritish;

Qoraqalpog‘iston Respublikasi Xalq ta’limi vazirligi, xalq ta’limi viloyatlar boshqarmalari, Toshkent shahar xalq ta’limi Bosh boshqarmasi, tuman (shahar) xalq ta’limi bo‘limlari tuzilmalari va nizomlari, boshqa idoraviy mansub tashkilotlar, shuningdek, ularning boshqaruv xodimlarining cheklangan sonini tasdiqlash;

Xalq ta’limi sohasida islohotlarga ko‘maklashish jamg‘armasi mablag‘lari hisobiga Vazirlikning, uning hududiy bo‘linmalari va idoraviy mansub tashkilotlari boshqaruv xodimlarining qo‘shimcha shtat birliklarini joriy qilish;

pedagog kadrlarni tanlash, tayyorlash, qayta tayyorlash va ularning malakasini oshirish tartibini belgilash;

umumta’lim muassasalarining o‘quv va o‘quv-metodik komplekslarini nashr qilish va yetkazish tartibini belgilash;

Vazirlikka yuklangan vazifalar va funksiyalarni bajarish doirasida davlat organlari va tashkilotlari, loyiha institutlari, ilmiy va oliy ta’lim muassasalari, yetakchi xalqaro va xorijiy tashkilotlar mutaxassislarini, shuningdek, ularning xalq ta’limi sohasidagi ekspertlarini Xalq ta’limi sohasida islohotlarga ko‘maklashish jamg‘armasi mablag‘lari hisobiga konsultantlar sifatida jalb qilish;

malakali mahalliy va xorijiy mutaxassislar, chet elda faoliyat olib borayotgan vatandoshlarni ishga qabul qilish;

xalq ta’limi tizimini moliyalashtirishga zarur sarf-xarajatlar bo‘yicha takliflarni shakllantirish, shuningdek, zarurat bo‘lganda, xorijiy kreditlar, grantlar va boshqa mablag‘larni jalb qilish bo‘yicha tadbirlarni amalga oshirish;

Vazirlik, uning idoraviy mansub tashkilotlari va hududiy bo‘linmalari, shuningdek, umumta’lim muassasalarining ko‘chmas mulki va boshqa turdagi mulklarini samarali boshqaruvni tashkil etish;

idoraviy mansub tashkilotlar tuzish, shuningdek, umumta’lim va maktabdan tashqari muassasalar tuzish to‘g‘risida qarorlar qabul qilish;

Vazirlik vakolatiga kiradigan masalalar bo‘yicha zarur statistik axborotni davlat statistika organlaridan bepul olish;

Vazirlikning va unga idoraviy mansub tuzilmalarning davlat mulkini bir bo‘linmadan boshqasiga belgilangan tartibda berish;

O‘zbekiston Respublikasining xalqaro shartnomalari loyihalarini belgilangan tartibda ishlab chiqishda ishtirok etish, Vazirlik vakolatiga kiradigan masalalar bo‘yicha idoralararo tusdagi xalqaro shartnomalarni belgilangan tartibda tuzish;

Vazirlik vakolatiga tegishli bo‘lgan masalalar bo‘yicha xalqaro darajada O‘zbekiston Respublikasi manfaatlarini belgilangan tartibda ifodalash;

Vazirlik vakolatiga kiradigan masalalarda davlat va xo‘jalik boshqaruvi organlari, mahalliy davlat hokimiyati organlari faoliyatini belgilangan tartibda muvofiqlashtirish;

o‘z vakolatlari doirasida normativ-huquqiy hujjatlar qabul qilish, zarur hollarda davlat boshqaruvi boshqa organlari bilan birgalikda qarorlar va boshqa hujjatlarni birgalikda qabul qilish;

Vazirlik va unga idoraviy mansub tashkilotlar xodimlarini ular tomonidan tegishli sohada ular faoliyatining asosiy ko‘rsatkichlari parametrlari bajarilishini hisobga olgan holda moddiy rag‘batlantirish tartibi, miqdorlari va shartlarini belgilash;

o‘z vakolatlari doirasida xalqaro va xorijiy tashkilotlar bilan hamkorlik qilish;

Vazirlik faoliyatini keng yoritish maqsadida rasmiy veb-saytlar, shuningdek, ijtimoiy tarmoqlarda sahifalar yaratish;

o‘z vakolatlari doirasida konferensiyalar, seminarlar, simpoziumlar, ko‘rgazmalar, yarmarkalar o‘tkazish, shuningdek, boshqa tashkilotlar tomonidan tashkil etilgan shunga o‘xshash tadbirlarda ishtirok etish;

o‘z vakolatiga kiradigan masalalar bo‘yicha metodik materiallar va tavsiyalar ishlab chiqish;

Vazirlik vakolatiga kiradigan masalalar bo‘yicha hay’at majlislarida hududiy bo‘linmalar rahbarlarining hisobotlarini eshitish;

xalq ta’limi to‘g‘risidagi qonun hujjatlarining davlat muassasalari va umumiy o‘rta va maktabdan tashqari ta’lim sohasida nodavlat ta’lim xizmatlari ko‘rsatish faoliyatini amalga oshiradigan yuridik shaxslar tomonidan ijro etilishining nazoratini amalga oshirish;

xalq ta’limi tizimini rivojlantirish bilan bog‘liq dolzarb va istiqbolli muammolarni ishlab chiqish bo‘yicha ishchi guruhlar tashkil etish;

o‘quv dasturlari, darsliklar, o‘quv qo‘llanmalari va metodik materiallar to‘g‘risida xulosalar tayyorlash;

noshirlik faoliyati bilan shug‘ullanish;

O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi bilan hamkorlikda:

tegishli fanni o‘rgatish bo‘yicha bilim va ko‘nikmalar darajasini — malakani aniqlashning asosiy mezoni qilib belgilagan holda, umumta’lim muassasalari pedagogik kadrlarining attestatsiyasini o‘tkazish tartibini qayta ko‘rib chiqish;

ilg‘or chet el tajribasini e’tiborga olgan holda pedagogik mahorat va bilim darajasini doimiy oshirish orqali xalq ta’limi tizimi xodimlari ta’lim darajasiga bo‘lgan malakaviy kategoriyalar va talablarni takomillashtirish bo‘yicha takliflar kiritish.

Vazirlik qonun hujjatlariga muvofiq boshqa huquqlarga ham ega bo‘lishi mumkin.

19. Vazirlik:

Vazirlikka yuklangan vazifalar va funksiyalarning samarali bajarilishi, shuningdek, umumiy o‘rta va maktabdan tashqari ta’limi sohasidagi davlat siyosatining samarali amalga oshirilishi;

Vazirlik faoliyati bilan bog‘liq prognoz ko‘rsatkichlarga so‘zsiz erishilishini ta’minlash;

O‘zbekiston Respublikasi Vazirlar Mahkamasiga va O‘zbekiston Respublikasi Prezidenti Administratsiyasiga kiritiladigan normativ-huquqiy hujjatlar va boshqa hujjatlar loyihalari, shuningdek, Vazirlik tomonidan qabul qilinadigan buyruqlar amalga oshirilishining sifati, pirovard natijalari va oqibatlari;

xalq ta’limi sohasini rivojlantirish, shuningdek, umumiy o‘rta va maktabdan tashqari ta’limi sohasida hududlarni ijtimoiy-iqtisodiy rivojlantirish va ulardagi muammoli masalalarni hal qilish bo‘yicha dasturlar, tadbirlar rejalari, “yo‘l xaritalari” va boshqa hujjatlarning samarali amalga oshirilishi uchun javob beradi.

20. Vazirlikning markaziy apparati o‘ziga yuklangan vazifalar va funksiyalarni amalga oshirish uchun quyidagi huquqlarga ega:

tahlil qilish va qayta ishlash uchun zarur bo‘lgan xalq ta’limi masalalari bo‘yicha materiallar va ma’lumotlarni Vazirlikning hududiy bo‘linmalaridan va idoraviy mansub tashkilotlaridan so‘rash va olish;

Vazirlikda ko‘rib chiqiladigan xalq ta’limi masalalarini ishlab chiqish, axborot va tahliliy materiallarni, shuningdek, normativ-huquqiy hujjatlar va boshqa hujjatlar loyihalarini tayyorlash uchun, zarurat bo‘lganda, Vazirlikning hududiy bo‘linmalari va idoraviy mansub tashkilotlari rahbarlari hamda vakillarini belgilangan tartibda jalb qilish, shu maqsadda ekspert va ishchi guruhlar tashkil etish;

Vazirlikning hududiy bo‘linmalari va idoraviy mansub tashkilotlaridan o‘zlari tomonidan kiritilgan xalq ta’limi bo‘yicha normativ-huquqiy hujjatlar va boshqa hujjatlar loyihalarini puxta ishlashni talab qilish, zarurat bo‘lganda, ularni qayta ishlash uchun qaytarish;

Vazirlikning hududiy bo‘linmalari va idoraviy mansub tashkilotlari rahbarlari hamda vakillari ishtirokida belgilangan tartibda yig‘ilishlar o‘tkazish;

Vazirlikning hududiy bo‘linmalari va idoraviy mansub tashkilotlari rahbarlariga jadal hal qilinishi talab etiladigan va Vazirlikka yuklangan vazifalar hamda funksiyalarni bajarish bilan bog‘liq masalalar yuzasidan belgilangan tartibda topshiriqlar berish;

qabul qilingan normativ-huquqiy hujjatlar, O‘zbekiston Respublikasi Prezidenti va O‘zbekiston Respublikasi Vazirlar Mahkamasining topshiriqlari, shuningdek, Vazirlikning buyruqlari Vazirlikning hududiy bo‘linmalari va idoraviy mansub tashkilotlari tomonidan bajarilishi yuzasidan ularning faoliyatini belgilangan tartibda o‘rganish va tekshirish.

Vazirlikning markaziy apparati qonun hujjatlariga muvofiq boshqa huquqlarga ham ega bo‘lishi mumkin.

21. Vazirlikning markaziy apparati:

hududiy bo‘linmalar va idoraviy mansub tashkilotlar bilan birgalikda Vazirlikka yuklangan vazifalar va funksiyalarning sifatli va o‘z vaqtida bajarilishini ta’minlash;

Vazirlik faoliyati bilan bog‘liq prognoz ko‘rsatkichlarga erishishni ta’minlash bo‘yicha Vazirlik markaziy apparati bo‘linmalarining ishini tashkil etish;

Vazirlik tomonidan ko‘rib chiqish uchun O‘zbekiston Respublikasi Vazirlar Mahkamasiga va O‘zbekiston Respublikasi Prezidenti Administratsiyasiga kiritiladigan normativ-huquqiy hujjatlar va boshqa hujjatlar loyihalari, shuningdek, Vazirlik tomonidan qabul qilinadigan qarorlarning tayyorlanishi sifati va ekspertizadan o‘tkazilishi;

xalq ta’limini rivojlantirish, shuningdek, xalq ta’limi sohasida hududlarni ijtimoiy-iqtisodiy rivojlantirish va ulardagi muammoli masalalarni hal qilish bo‘yicha turli dasturlarning hududiy bo‘linmalar va idoraviy mansub tashkilotlar tomonidan amalga oshirilishini tashkil etish uchun javob beradi.

22. Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi Bosh boshqarmasi o‘zlariga yuklangan vazifalar va funksiyalarni amalga oshirish uchun quyidagi huquqlarga ega:

davlat va xo‘jalik boshqaruvi organlari, mahalliy davlat hokimiyati organlari hududiy bo‘linmalaridan o‘z vakolatiga kiradigan masalalarni hal qilish uchun zarur bo‘lgan axborotni belgilangan tartibda so‘rash va olish;

xalq ta’limi sohasining eng muhim muammolarini ishlab chiqish va ko‘rib chiqish bo‘yicha hududiy darajada idoralararo komissiyalar va kengashlar tuzish;

xalq ta’limi tuman (shahar) bo‘limlari faoliyatini muvofiqlashtirish va boshqarish;

Vazirlik vakolatiga kiradigan masalalar bo‘yicha davlat va xo‘jalik boshqaruvi organlari, mahalliy davlat hokimiyati organlarining ko‘rib chiqishi uchun takliflar kiritish.

Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi Bosh boshqarmasi qonun hujjatlariga muvofiq boshqa huquqlarga ham ega bo‘lishi mumkin.

23. Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi Bosh boshqarmasi:

Vazirlikka yuklangan vazifalar va funksiyalarning sifatli va o‘z vaqtida bajarilishini ta’minlash;

Vazirlikning hududiy organlari faoliyati bilan bog‘liq bo‘lgan prognoz ko‘rsatkichlarga erishishni ta’minlash;

Vazirlikka kiritilayotgan hujjatlar loyihalari va takliflar, shuningdek, Vazirlikning hududiy organlari tomonidan qabul qilinadigan qarorlarning amalga oshirilishi sifati, pirovard natijalari va oqibatlari;

tumanlarda (shaharlarda) aniqlangan muammolarni har tomonlama va chuqur tahlil qilish hamda umumlashtirish asosida xalq ta’limi sohasini Qoraqalpog‘iston Respublikasi, viloyatlar va Toshkent shahrida rivojlantirishga doir takliflarni tayyorlash;

xalq ta’limi sohasini rivojlantirish bo‘yicha turli dasturlarning Qoraqalpog‘iston Respublikasi, viloyatlar va Toshkent shahrida samarali amalga oshirilishi, muammoli masalalar hal etilishi uchun javob beradi.

24. Tuman (shahar) xalq ta’limi bo‘limlari o‘zlariga yuklangan vazifalar va funksiyalarni amalga oshirish uchun quyidagi huquqlarga ega:

davlat va xo‘jalik boshqaruvi organlari, mahalliy davlat hokimiyati organlari tuman (shahar) bo‘linmalaridan o‘z vakolatiga kiradigan masalalarni hal qilish uchun zarur bo‘lgan axborotni belgilangan tartibda so‘rash va olish;

umumiy o‘rta va maktabdan tashqari ta’lim muassasalari faoliyatini muvofiqlashtirish va ularga rahbarlik qilish;

o‘z vakolatiga kiradigan masalalar yuzasidan takliflarni ko‘rib chiqish uchun Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi Bosh boshqarmasiga, mahalliy davlat hokimiyati organlariga kiritish.

Tuman (shahar) xalq ta’limi bo‘limlari qonun hujjatlariga muvofiq boshqa huquqlarga ham ega bo‘lishi mumkin.

25. Tuman (shahar) xalq ta’limi bo‘limlari:

tuman (shahar) xalq ta’limi bo‘limlariga yuklangan vazifalar va funksiyalarning sifatli va o‘z vaqtida bajarilishini ta’minlash;

Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi Bosh boshqarmasiga kiritiladigan hujjatlar loyihalari va takliflar, shuningdek, tuman (shahar) xalq ta’limi bo‘limlari tomonidan qabul qilinadigan qarorlarning sifati, pirovard natijalari va oqibatlari;

xalq ta’limi sohasida dolzarb muammolarni, aholini tashvishga solayotgan masalalarni, shuningdek, tumanda (shaharda) xalq ta’limini rivojlantirishga to‘sqinlik qilayotgan tizimli kamchiliklarni aniqlash, xalq ta’limi masalalariga oid qismi bo‘yicha tumanni (shaharni) rivojlantirish dasturiga kiritish uchun takliflar tayyorlash va kiritish;

xalq ta’limi sohasini rivojlantirish bo‘yicha turli dasturlarning tuman (shahar)larda samarali amalga oshirilishi, muammoli masalalar hal etilishi uchun javob beradi.

26. Quyidagilar Vazirning asosiy funksional vazifalari hisoblanadi:

O‘zbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

Vazirlikning faoliyatiga umumiy rahbarlik qilish, O‘zbekiston Respublikasi Prezidenti, O‘zbekiston Respublikasi Vazirlar Mahkamasining qarorlari va boshqa qonun hujjatlari bilan Vazirlikka yuklatilgan vazifalar va funksiyalarning bajarilishini tashkil etish;

O‘zbekiston Respublikasi Prezidenti va O‘zbekiston Respublikasi Vazirlar Mahkamasining qarorlari bilan tasdiqlangan Vazirlik faoliyatini yanada takomillashtirish bo‘yicha kompleks dasturlar va tadbirlar ijrosini tanqidiy va chuqur tahlil qilish;

Vazirlik, uning hududiy bo‘linmalari va idoraviy mansub tashkilotlari faoliyati bilan bog‘liq prognoz ko‘rsatkichlariga erishishni so‘zsiz ta’minlash bo‘yicha amaliy chora-tadbirlarni ishlab chiqish va qabul qilish;

O‘zbekiston Respublikasi Prezidenti maslahatchilarining tarkibiy bo‘linmalari va O‘zbekiston Respublikasi Vazirlar Mahkamasi kotibiyatlari, shuningdek, Vazirlik vakolatiga kiruvchi masalalar bo‘yicha tegishli vazirliklar va idoralar bilan hamkorlik qilish, O‘zbekiston Respublikasi Vazirlar Mahkamasi va uning Rayosati majlislarida masalalarni ko‘rib chiqishda ishtirok etish;

O‘zbekiston Respublikasi Prezidenti, O‘zbekiston Respublikasining Bosh vaziri va uning o‘rinbosarlari topshiriqlarini bajarish;

o‘z o‘rinbosarlari vakolatlarini belgilash, ular o‘rtasida vazifalarni taqsimlash, Vazirlikning boshqa mansabdor shaxslari vakolatlarini belgilash, Vazirlik faoliyatining alohida uchastkalariga rahbarlik qilish uchun o‘z o‘rinbosarlari va boshqa mansabdor shaxslarning shaxsiy mas’uliyati darajasini belgilash;

Vazirlik faoliyati rejalashtirilishini tashkil etish, Vazirlik va o‘z o‘rinbosarlarining har choraklik ish rejalarini tasdiqlash, ularning bajarilishi yuzasidan nazoratni ta’minlash;

O‘zbekiston Respublikasi Prezidenti va O‘zbekiston Respublikasi Vazirlar Mahkamasining qarorlari va topshiriqlari ijrosini tashkil etish va monitoring olib borish, Vazirlik faoliyatida ijro intizomini mustahkamlash bo‘yicha kompleks chora-tadbirlarni amalga oshirish, shuningdek, O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi maqsadida O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qarori, shuningdek, “Davlat organlari va tashkilotlarida ijro intizomini yanada mustahkamlash chora-tadbirlari to‘g‘risida” 2018-yil 5-oktabrdagi PQ-3962-son qarori hamda Vazirlar Mahkamasining “Ijro intizomini mustahkamlash chora-tadbirlari to‘g‘risida”gi 1999-yil 12-yanvardagi 12-son qaroriga muvofiq hududiy bo‘linmalar, shuningdek, idoraviy mansub tashkilotlar rahbarlarining shaxsiy mas’uliyatini oshirish bo‘yicha chora-tadbirlarni qabul qilishning amaliy tizimini yaratish;

Vazirlik xodimlarini tizimli qayta tayyorlashni va ularning malakasini oshirishni tashkil etish;

Vazirlik tizimida kadrlarni tanlash va joy-joyiga qo‘yish, ularning samarali faoliyati uchun zarur shart-sharoitlar yaratish, Vazirlikning kadrlar zaxirasini shakllantirish;

O‘zbekiston Respublikasi Prezidenti, O‘zbekiston Respublikasi Prezidenti Administratsiyasi va O‘zbekiston Respublikasi Vazirlar Mahkamasi nomenklaturasiga kiradigan bo‘sh lavozimlarga taklif etilgan kadrlarning, shuningdek, Vazirlikka ishga qabul qilinayotgan boshqa kadrlarning professional, o‘z ishini bilishi, amaliy tajribaga, yuksak darajada ishlash xususiyatlariga va ma’naviy-axloqiy fazilatlarga ega ekanligi kafolatini ta’minlash;

faoliyat sohasidagi masalalar bo‘yicha normativ-huquqiy hujjatlar loyihalari sifatli ishlab chiqilishini, ularning ““Normativ-huquqiy hujjatlar to‘g‘risida”gi, “Qonunlar loyihalarini tayyorlash va ularni O‘zbekiston Respublikasi Oliy Majlisi Qonunchilik palatasiga kiritish tartibi to‘g‘risida”gi O‘zbekiston Respublikasi qonunlari, O‘zbekiston Respublikasi Prezidentining 2018-yil 8-avgustdagi PF-5505-son “Norma ijodkorligi faoliyatini takomillashtirish konsepsiyasini tasdiqlash to‘g‘risida”gi Farmoni, O‘zbekiston Respublikasi Prezidentining 2018-yil 26-avgustdagi PF-5519-son Farmoni bilan tasdiqlangan O‘zbekiston Respublikasi Prezidenti Administratsiyasining Reglamenti (keyingi o‘rinlarda O‘zbekiston Respublikasi Prezidenti Administratsiyasining Reglamenti deb ataladi), Vazirlar Mahkamasining 2019-yil 22-martdagi 242-son qarori bilan tasdiqlangan O‘zbekiston Respublikasi Vazirlar Mahkamasining Reglamenti (keyingi o‘rinlarda Vazirlar Mahkamasining Reglamenti deb ataladi) va talablariga qat’iy muvofiq ravishda o‘z vaqtida kiritilishini tashkil etish, shuningdek, ularning Vazirlar Mahkamasi apparatida ishlab chiqilishi, Vazirlar Mahkamasi rahbariyati huzurida himoya qilinishi va O‘zbekiston Respublikasi Prezidenti Administratsiyasida ko‘rib chiqilishida ishtirok etish;

“Normativ-huquqiy hujjatlar to‘g‘risida”, “Qonunlar loyihalarini tayyorlash va ularni O‘zbekiston Respublikasi Oliy Majlisi Qonunchilik palatasiga kiritish tartibi to‘g‘risida”gi O‘zbekiston Respublikasi qonunlariga va Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xo‘jalik boshqaruvi organlari, mahalliy ijro etuvchi hokimiyat organlarining qonun loyihalariga doir faoliyatining Namunaviy reglamentiga muvofiq Vazirlikning qonun loyihalarini tayyorlash faoliyatini tashkil etish;

Vazirlikka taqdim etilgan takliflar va normativ-huquqiy hujjatlar loyihalarining to‘liq va o‘z vaqtida ko‘rib chiqilishini ta’minlash, ularni puxta huquqiy, moliyaviy, iqtisodiy ekspertizadan va boshqa ekspertizadan o‘tkazish, shuningdek, O‘zbekiston Respublikasi Prezidenti Administratsiyasining Reglamenti va O‘zbekiston Respublikasi Vazirlar Mahkamasining Reglamentida belgilangan muddatlarda ularni kelishish (viza qo‘yish);

Vazirlik rahbarlari va xodimlari xizmat safarlarini O‘zbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari to‘g‘risida”gi 2014-yil 5-martdagi PQ-2142-son va “Xorijiy xizmat safarlarida bo‘lishning samaradorligi va xorijiy delegatsiyalarning O‘zbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari to‘g‘risida” 2017-yil 3-avgustdagi PQ-3170-son qarorlari talablariga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablag‘lardan maqsadli va oqilona foydalanishni ta’minlash;

o‘z o‘rinbosarlari va hududiy bo‘linmalar, shuningdek, idoraviy mansub tashkilotlar rahbarlari faoliyati samaradorligini va natijadorligini muntazam tanqidiy tahlil qilish, Vazirlik hay’ati majlislarida ularning shaxsiy hisobotlarini eshitish, ularning yakunlari bo‘yicha zarur chora-tadbirlar ko‘rish;

Vazirlik xodimlarini rag‘batlantirish va intizomiy javobgarlikka tortish masalalarini hal qilish, o‘z o‘rinbosarlarini rag‘batlantirish va intizomiy javobgarlikka tortish, shu jumladan, ularning egallab turgan lavozimda qolishining maqsadga muvofiqligiga doir masalalarni ko‘rib chiqish to‘g‘risida takliflar kiritish, ularning shaxsiy mas’uliyatini oshirishga doir tizimli chora-tadbirlarni amalga oshirish;

Vazirlik xodimlari tomonidan Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan Vazirlik xodimlarining odob-axloq qoidalari talablariga rioya etilishini ta’minlash;

“Korrupsiyaga qarshi kurashish to‘g‘risida”gi O‘zbekiston Respublikasi Qonuni talablariga muvofiq Vazirlik tizimida korrupsiya va boshqa huquqbuzarliklarning oldini olish choralarini ko‘rish, shuningdek, huquqni qo‘llash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga ko‘maklashuvchi sabablar va shart-sharoitlarni aniqlash, tahlil qilish, bartaraf etish;

Vazirlik va uning hududiy bo‘linmalari, shuningdek idoraviy mansub tashkilotlari ishini tashkil etishning zamonaviy shakllari joriy etilishini ta’minlash;

aholi va tadbirkorlik subyektlari bilan hamkorlik qilishda, shu jumladan, “yagona darcha” prinsipini joriy etish orqali davlat xizmatlari sifati va samaradorligini hamda ulardan erkin foydalanishni oshirish hamda “Elektron hukumat to‘g‘risida”gi O‘zbekiston Respublikasi Qonunini amalga oshirish doirasida zamonaviy axborot-kommunikatsiya texnologiyalaridan foydalanish;

umumta’lim muassasasining bo‘sh turgan binolari va yer maydonlarini ishonchli boshqaruvchiga ajratish to‘g‘risida qaror qabul qilish;

jismoniy va yuridik shaxslarning murojaatlarini ko‘rib chiqishga doir samarali ishlarni tashkil etish, aholi bilan to‘g‘ridan-to‘g‘ri va ochiq muloqotni yo‘lga qo‘yish, “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

O‘zbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida Vazirlik xodimlari va rahbarlarining faol ishtirok etishini tashkil etish, jismoniy va yuridik shaxslarning O‘zbekiston Respublikasi Prezidenti Virtual qabulxonasidan kelib tushgan murojaatlari o‘z vaqtida va to‘liq ko‘rib chiqilishini ta’minlash;

davlat siriga kiritilgan ma’lumotlar va maxfiy axborot bilan ishlashda qonun hujjatlari talablariga rioya qilish.

markaziy apparatning tasdiqlangan tuzilmasiga boshqaruv xodimlarining tasdiqlangan umumiy soni doirasida o‘zgartirishlar kiritish, shuningdek, hududiy boshqarmalar va boshqa idoraviy mansub tashkilotlar tuzilmasi va nizomlarini tasdiqlash, unda ularning boshqaruv xodimlarining cheklangan sonini nazarda tutish;

Vazirlik faoliyatiga umumiy rahbarlik qilish;

Vazirlik markaziy apparati xodimlarini, hududiy bo‘linmalar, shuningdek, idoraviy mansub tashkilotlari rahbarlarini mahalliy davlat hokimiyati organlari bilan kelishuvsiz qonun hujjatlarida belgilangan tartibda lavozimga tayinlash va lavozimdan ozod etish;

umumta’lim muassasalari rahbarlarini lavozimga tayinlash va lavozimdan ozod qilish bo‘yicha tegishli xalq deputatlari tuman (shahar) Kengashlariga tavsiyalar taqdim etish;

Vazirlikning markaziy apparati, hududiy bo‘linmalari, idoraviy mansub tashkilotlari mansabdor shaxslari bajarishi majburiy bo‘lgan buyruqlar chiqarish va ko‘rsatmalar berish, shuningdek, ularning ijrosini belgilangan tartibda nazorat qilish.

27. Quyidagilar vazir o‘rinbosarlarining asosiy funksional vazifalari hisoblanadi:

O‘zbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

Vazir vaqtincha bo‘lmaganda tegishli buyruq asosida uning vazifalarini bajarish;

Vazirlikning mutasaddilik qilinadigan tarkibiy bo‘linmalari faoliyatini muvofiqlashtirish, nazorat qilish va ularga bevosita rahbarlik qilish, ularning xodimlari o‘rtasida vazifalarni taqsimlash;

Vazirlik faoliyatining mutasaddilik qilinadigan yo‘nalishlari bo‘yicha O‘zbekiston Respublikasi Prezidenti va O‘zbekiston Respublikasi Vazirlar Mahkamasining qarorlari bilan tasdiqlangan Vazirlik faoliyatini yanada takomillashtirish bo‘yicha konsepsiyalar, kompleks dasturlar va kompleks tadbirlar ijrosini tanqidiy va chuqur tahlil qilish;

mutasaddilik qilinadigan tarkibiy bo‘linmalar tomonidan prognoz ko‘rsatkichlariga erishishni so‘zsiz ta’minlash chora-tadbirlarini ko‘rish, bo‘linmalar rahbarlarining hisobotlarini muntazam eshitish va ushbu ko‘rsatkichlarga erishish uchun ularning shaxsiy javobgarligini oshirish;

mutasaddilik qilinadigan tarkibiy bo‘linmalar rahbarlarining har choraklik rejalarini tasdiqlash, ularning bajarilishi yuzasidan nazoratni ta’minlash;

O‘zbekiston Respublikasi Prezidenti va Vazirlar Mahkamasining qarorlari va topshiriqlari ijrosini ta’minlash, Vazirlikning mutasaddilik qiladigan tarkibiy bo‘linmalarida ijro intizomi bo‘yicha kompleks amaliy chora-tadbirlarni amalga oshirish, shuningdek, O‘zbekiston Respublikasi Prezidentining 2017-yil 11-apreldagi “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi to‘g‘risida” PQ-2881-son qarori va 2018-yil 5-oktabrdagi “Davlat organlari va tashkilotlari ijro intizomini yanada mustahkamlash chora-tadbirlari to‘g‘risida”gi PQ-3962 sonli qarori, shuningdek, Vazirlar Mahkamasining 1999-yil 12-yanvardagi Vazirlar Mahkamasining “Ijro intizomini mustahkamlash chora-tadbirlari to‘g‘risida” 12-son qaroriga muvofiq topshiriqlar o‘z vaqtida va sifatli ijro etilishi uchun tarkibiy bo‘linmalar rahbarlarining shaxsiy mas’uliyatini oshirish chora-tadbirlarini ko‘rish;

Vazirlik hay’ati, vazirning buyruqlari va topshiriqlari o‘z vaqtida va sifatli bajarilishini ta’minlash;

mutasaddilik qilinadigan tarkibiy bo‘linmalarda kadrlarni tanlash va joy-joyiga qo‘yish bo‘yicha vazirga takliflar taqdim etish, ularning professional, o‘z ishini bilishi, amaliy tajribaga, yuksak darajada ishlash xususiyatlariga va ma’naviy-axloqiy fazilatlarga ega ekanligi kafolatini ta’minlash, ularning kasbiy malakasini oshirish chora-tadbirlarini ko‘rish, mutasaddilik qilinadigan bo‘linmalarda kadrlar zaxirasini shakllantirish;

normativ-huquqiy hujjatlar loyihalarining mutasaddilik qilinadigan bo‘linmalar tomonidan sifatli ishlab chiqilishini tashkil etish, Vazirlikning mutasaddilik qilinadigan tarkibiy bo‘linmalarida tayyorlangan hujjatlar loyihalarini ko‘rib chiqish va ular keyinchalik Vazir tomonidan ko‘rib chiqilishi, imzolanishi (viza qo‘yilishi) uchun viza qo‘yish, ularning O‘zbekiston Respublikasi Prezidenti Administratsiyasi Reglamenti talablariga qat’iy muvofiq ravishda O‘zbekiston Respublikasi Vazirlar Mahkamasiga o‘z vaqtida kiritilishini ta’minlash, shuningdek, O‘zbekiston Respublikasi Vazirlar Mahkamasi apparatida normativ-huquqiy hujjatlar loyihalarini ishlab chiqishda Vazirning topshirig‘iga binoan ishtirok etish;

Vazirlikka taqdim etilgan takliflar va normativ-huquqiy hujjatlar loyihalarini to‘liq va har tomonlama ko‘rib chiqish, ularni puxta moliyaviy, iqtisodiy, huquqiy va boshqa ekspertizalardan o‘tkazish;

xizmat safarlarini O‘zbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish chora-tadbirlari to‘g‘risida”gi 2014-yil 5-martdagi PQ-2142-son va “Xorijiy xizmat safarlarida bo‘lishning samaradorligi va xorijiy delegatsiyalarning O‘zbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari to‘g‘risida” 2017-yil 3-avgustdagi PQ-3170-son qarorlari talablariga to‘liq muvofiq amalga oshirish, xizmat safarlarining asoslanganligi, samaradorligi va natijadorligini, safar uchun ajratiladigan mablag‘lardan maqsadli va oqilona foydalanishni ta’minlash;

mutasaddilik qilinadigan tarkibiy bo‘linmalar rahbarlari va xodimlari faoliyati samaradorligi va natijadorligini muntazam tanqidiy tahlil qilish, Vazirlik hay’ati majlislarida ularning shaxsiy hisobotlarini eshitish, ularning yakunlari bo‘yicha zarur chora-tadbirlar ko‘rish;

xalq ta’limi sohasiga tegishli masalalar bo‘yicha Vazirlik faoliyatini takomillashtirishga doir amaliy chora-tadbirlar ko‘rish, xalq ta’limi sohasidagi qonun hujjatlarini takomillashtirish bo‘yicha takliflar ishlab chiqish va ularni Vazirga kiritish;

mutasaddilik qilinadigan tarkibiy bo‘linmalar rahbarlari va xodimlarini rag‘batlantirish va intizomiy javobgarlikka tortish, shu jumladan, ularning egallab turgan lavozimida qolishi maqsadga muvofiqligi masalasini ko‘rib chiqish bo‘yicha takliflarni Vazirga kiritish, funksional vazifalar va yuklangan vazifalar bajarilishi uchun ularning shaxsiy mas’uliyatini oshirish bo‘yicha tizimli chora-tadbirlar ko‘rish;

Vazirlik xodimlarining Odob-axloq qoidalari talablariga rioya qilishini, mutasaddilik qilinadigan tarkibiy bo‘linmalar rahbarlari va xodimlarining ushbu qoidalarga rioya etishini ta’minlash;

huquqni qo‘llash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali “Korrupsiyaga qarshi kurashish to‘g‘risida”gi O‘zbekiston Respublikasi Qonuni talablariga muvofiq korrupsiya va boshqa huquqbuzarliklarning oldini olish choralarini ko‘rish, shuningdek, ularning sodir etilishiga ko‘maklashuvchi sabablar va shart-sharoitlarni aniqlash, tahlil qilish, bartaraf etish;

davlat xizmatlari samaradorligi, sifati va ulardan erkin foydalanishni oshirishga doir takliflarni Vazirga kiritish;

“Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonunida belgilangan muddatlarda va tartibda jismoniy va yuridik shaxslarning murojaatlarini ko‘rib chiqish bo‘yicha samarali ishlarni tashkil etish, aholi bilan to‘g‘ridan-to‘g‘ri va ochiq muloqotni yo‘lga qo‘yish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

O‘zbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslar vakillarining O‘zbekiston Respublikasi Prezidentining Virtual qabulxonasidan tushgan murojaatlari o‘z vaqtida va to‘laqonli ko‘rib chiqilishini ta’minlash;

davlat siriga kiritilgan ma’lumotlar va maxfiy axborot bilan ishlashda qonun hujjatlari talablariga rioya qilish.

28. Quyidagilar Vazirlik markaziy apparati tarkibiy bo‘linmalari rahbarlarining asosiy funksional vazifalari hisoblanadi:

O‘zbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

tarkibiy bo‘linmalar faoliyatiga bevosita rahbarlik qilish, ushbu bo‘linmalarga yuklangan vazifalar va funksiyalarning bajarilishini tashkil etish;

tegishli tarkibiy bo‘linmalar va idoraviy mansub tashkilotlar faoliyatini o‘z vakolatlari doirasida muvofiqlashtirish;

prognoz ko‘rsatkichlarining bajarilishini muntazam tahlil qilish hamda tarkibiy bo‘linmalarning ushbu ko‘rsatkichlarga so‘zsiz erishishini ta’minlashga qaratilgan qo‘shimcha chora-tadbirlar ko‘rish bo‘yicha takliflarni Vazirning mutasaddilik qiladigan o‘rinbosarlariga kiritish;

O‘zbekiston Respublikasi Prezidenti va O‘zbekiston Respublikasi Vazirlar Mahkamasi qarorlari va topshiriqlari ijrosini ta’minlash, Vazirlik tarkibiy bo‘linmalari xodimlarining ijro intizomini mustahkamlash bo‘yicha kompleks amaliy chora-tadbirlarni amalga oshirish, O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, O‘zbekiston Respublikasi Vazirlar Mahkamasi va uning kotibiyatlari, davlat va xo‘jalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son va “Davlat organlari va tashkilotlarida ijro intizomini yanada mustahkamlash chora tadbirlari to‘g‘risida” 2018-yil 5-oktabrdagi PQ-3962-son qarori, shuningdek, Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga muvofiq topshiriqlarning o‘z vaqtida va sifatli bajarilishi uchun tarkibiy bo‘linmalar xodimlarining shaxsiy mas’uliyatini oshirish chora-tadbirlarini ko‘rish;

Vazirlik hay’atining qarorlari, vazir va uning o‘rinbosarlarining buyruqlari hamda topshiriqlarining o‘z vaqtida va sifatli bajarilishini ta’minlash;

tarkibiy bo‘linmalarning har choraklik ish rejalari ishlab chiqilishini ta’minlash, ularni tasdiqlash uchun kiritish, ularda ko‘rsatilgan vazifalar va tadbirlarning o‘z vaqtida va sifatli bajarilishini ta’minlash;

tarkibiy bo‘linmalarga yuklangan vazifalarning bajarilishini nazorat qilish va muvofiqlashtirish, hududiy bo‘linmalar va idoraviy mansub tashkilotlar faoliyatiga amaliy va metodik yordam ko‘rsatish;

tarkibiy bo‘linmalar faoliyatiga oid masalalar yuzasidan qonun hujjatlarini takomillashtirish bo‘yicha takliflarni ishlab chiqish va ularni ko‘rib chiqish uchun Vazirlik rahbariyatiga kiritish;

tarkibiy bo‘linmalarda kadrlarni tanlash va joy-joyiga qo‘yishda Vazir o‘rinbosarlariga takliflar taqdim etish, professional, o‘z ishini bilishi, amaliy tajribaga, yuksak darajada ishlash xususiyatlariga va ma’naviy-axloqiy fazilatlarga ega ekanligi kafolatini ta’minlash, ularning kasb malakasini oshirish choralarini ko‘rish, tarkibiy bo‘linmalarda kadrlar zaxirasini shakllantirish;

normativ-huquqiy hujjatlar loyihalarining tarkibiy bo‘linmalar tomonidan sifatli ishlab chiqilishini tashkil etish, Vazirlikning tarkibiy bo‘linmalarida tayyorlangan hujjatlar loyihalarini keyinchalik Vazirlik rahbariyati tomonidan ko‘rib chiqish, imzolash (viza qo‘yish) uchun ko‘rib chiqish va viza qo‘yish, ularning O‘zbekiston Respublikasi Prezidenti Administratsiyasining Reglamenti va Vazirlar Mahkamasi Reglamenti talablariga qat’iy muvofiq ravishda Vazirlar Mahkamasiga o‘z vaqtida kiritilishini ta’minlash, Vazirlik rahbariyatining topshirig‘i bo‘yicha normativ-huquqiy hujjatlar loyihalarini Vazirlar Mahkamasi apparatida ishlab chiqishda ishtirok etish;

Vazirlikka taqdim etilgan takliflar va normativ-huquqiy hujjatlar loyihalarini to‘liq va har tomonlama ko‘rib chiqish, ularni puxta moliyaviy, iqtisodiy, huquqiy ekspertizadan va boshqa ekspertizadan o‘tkazish;

xizmat safarlarini O‘zbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish chora-tadbirlari to‘g‘risida”gi 2014-yil 5-martdagi PQ-2142-son va “Xorijiy xizmat safarlarida bo‘lishning samaradorligi va xorijiy delegatsiyalarning O‘zbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari to‘g‘risida”gi 2017-yil 3-avgustdagi PQ-3170-son qarorlari talablariga muvofiq amalga oshirish, xizmat safarlari asoslanganligi, samaradorligi va natijadorligini, safar uchun ajratiladigan mablag‘lardan maqsadli va oqilona foydalanishni ta’minlash;

tarkibiy bo‘linmalar xodimlari faoliyati samaradorligi va natijadorligini muntazam ravishda tanqidiy tahlil qilish, yig‘ilishlarda ularning shaxsiy hisobotlarini eshitish, ularning yakunlari bo‘yicha zarur chora-tadbirlar ko‘rish;

Vazirlik xodimlarining Odob-axloq qoidalari talablariga rioya qilishini, tarkibiy bo‘linmalar xodimlarining ushbu qoidalarga rioya etishini ta’minlash;

“Korrupsiyaga qarshi kurashish to‘g‘risida”gi O‘zbekiston Respublikasi Qonuni talablariga muvofiq Vazirlik tizimida korrupsiya va boshqa huquqbuzarliklarning oldini olish choralarini ko‘rish, shuningdek, huquqni qo‘llash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga ko‘maklashuvchi sabablar va shart-sharoitlarni aniqlash, tahlil qilish, bartaraf etish;

davlat xizmatlarining samaradorligi, sifati va ulardan erkin foydalanishni oshirishga doir takliflarni Vazirlik rahbariyatiga kiritish;

jismoniy va yuridik shaxslarning murojaatlarini ko‘rib chiqish, “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonunida belgilangan muddatlarda va tartibda aholi bilan to‘g‘ridan-to‘g‘ri va ochiq muloqotni yo‘lga qo‘yish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

O‘zbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslarning O‘zbekiston Respublikasi Prezidentining Virtual qabulxonasidan tushgan murojaatlarini o‘z vaqtida va to‘laqonli ko‘rib chiqish;

davlat siriga kiritilgan ma’lumotlar va maxfiy axborot bilan ishlashda qonun hujjatlari talablariga rioya qilish.

29. Quyidagilar Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi Bosh boshqarmasi rahbarlarining asosiy funksional vazifalari hisoblanadi:

O‘zbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi Bosh boshqarmasi faoliyatiga umumiy rahbarlik qilish, O‘zbekiston Respublikasi Prezidenti, O‘zbekiston Respublikasi Vazirlar Mahkamasining tegishli qarorlari va boshqa qonun hujjatlari va Vazirlik buyruqlari bilan o‘zlariga yuklangan vazifalar va funksiyalarning bajarilishini tashkil etish;

hududiy bo‘linmalar faoliyati bilan bog‘liq prognoz ko‘rsatkichlarga erishishni so‘zsiz ta’minlash bo‘yicha amaliy chora-tadbirlarni ishlab chiqish va qabul qilish;

O‘zbekiston Respublikasi Prezidenti va O‘zbekiston Respublikasi Vazirlar Mahkamasi qarorlari va topshiriqlari ijrosini ta’minlash, Vazirlik tarkibiy bo‘linmalari xodimlarining ijro intizomini mustahkamlash bo‘yicha kompleks amaliy chora-tadbirlarni amalga oshirish, O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, O‘zbekiston Respublikasi Vazirlar Mahkamasi va uning kotibiyatlari, davlat va xo‘jalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son va “Davlat organlari va tashkilotlarida ijro intizomini yanada mustahkamlash chora tadbirlari to‘g‘risida” 2018-yil 5-oktabrdagi PQ-3962-son qarori, shuningdek, Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga muvofiq topshiriqlarning o‘z vaqtida va sifatli bajarilishi uchun tarkibiy bo‘linmalar xodimlarining shaxsiy mas’uliyatini oshirish chora-tadbirlarini ko‘rish;

Vazirlik hay’ati qarorlari, vazir va uning o‘rinbosarlarining buyruqlari va topshiriqlari o‘z vaqtida va sifatli bajarilishini ta’minlash;

xalq ta’limi sohasiga kiradigan masalalar yuzasidan mahalliy davlat hokimiyati organlari va kompleks ijtimoiy-iqtisodiy rivojlantirish bo‘yicha sektorlar bilan hamkorlik qilish;

o‘z o‘rinbosarlari vakolatlarini belgilash, ular o‘rtasida vazifalarni taqsimlash, hududiy bo‘linmalarning boshqa mansabdor shaxslari vakolatlarini belgilash, Vazirlik hududiy bo‘linmalari faoliyatining alohida uchastkalariga rahbarlik qilish uchun o‘z o‘rinbosarlari va boshqa mansabdor shaxslarning shaxsiy javobgarligi darajasini belgilash;

Vazirlikning hududiy bo‘linmalari faoliyatini rejalashtirishni tashkil etish, Vazirlikning hududiy bo‘linmalari va o‘z o‘rinbosarlarining har choraklik ish rejalarini tasdiqlash, ularning bajarilishi yuzasidan nazoratni ta’minlash;

Vazirlik hududiy bo‘linmalarida kadrlarni tanlash va joy-joyiga qo‘yish, ularning samarali faoliyat ko‘rsatishi uchun zarur shart-sharoitlar yaratish, hududiy bo‘linmalarda kadrlar zaxirasini shakllantirish;

Vazir nomenklaturasiga kiradigan bo‘sh lavozimlarga taklif etilgan kadrlarning, shuningdek, hududiy bo‘linmalarga ishga qabul qilinayotgan boshqa kadrlarning professional, o‘z ishini bilishi, amaliy tajribaga, yuksak darajada ishlash xususiyatlariga va ma’naviy-axloqiy fazilatlarga ega ekanligi kafolatini ta’minlash;

hududiy bo‘linmalar xodimlarini, o‘z o‘rinbosarlarini rag‘batlantirish va intizomiy javobgarlikka tortish masalalarini hal qilish, shu jumladan, ularning egallab turgan lavozimida qolishi maqsadga muvofiqligiga doir masalalarni ko‘rib chiqish, ularning shaxsiy mas’uliyatini oshirish bo‘yicha muntazam chora-tadbirlar ko‘rish;

hududiy bo‘linmalar xodimlari tomonidan Vazirlik xodimlarining Odob-axloq qoidalari talablariga rioya etishini ta’minlash;

huquqni qo‘llash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali hududiy bo‘linmalar tizimida “Korrupsiyaga qarshi kurashish to‘g‘risida”gi O‘zbekiston Respublikasi Qonuni talablariga muvofiq korrupsiya va boshqa huquqbuzarliklarning oldini olish choralarini ko‘rish, shuningdek, ularning sodir etilishiga ko‘maklashuvchi sabablar va shart-sharoitlarni aniqlash, tahlil qilish, bartaraf etish;

prognoz ko‘rsatkichlarning bajarilishini muntazam tahlil qilish hamda hududiy bo‘linmalar tomonidan ushbu ko‘rsatkichlarga so‘zsiz erishishni ta’minlashga qaratilgan qo‘shimcha chora-tadbirlar ko‘rish bo‘yicha takliflarni vazirning mutasaddilik qiladigan o‘rinbosarlariga kiritish;

hududiy bo‘linmalar xodimlari faoliyatining samaradorligi va natijadorligini tizimli ravishda tanqidiy tahlil qilish, yig‘ilishlarda ularning shaxsiy hisobotlarini eshitish, ularning yakunlari bo‘yicha zarur chora-tadbirlar ko‘rish;

hududiy bo‘linmalar faoliyatiga oid masalalar bo‘yicha qonun hujjatlarini takomillashtirish, shuningdek, davlat xizmatlari samaradorligi, sifati va ulardan erkin foydalanishni oshirish bo‘yicha takliflarni ishlab chiqish hamda ularni ko‘rib chiqish uchun Vazirlik rahbariyatiga kiritish;

Vazirlikning tuman (shahar) bo‘linmalari va hududiy bo‘linmalari tarkibiga kiradigan tashkilotlar faoliyatini muvofiqlashtirish va nazorat qilish;

jismoniy va yuridik shaxslarning murojaatlarini ko‘rib chiqish, “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonunida belgilangan muddatlarda va tartibda aholi bilan to‘g‘ridan-to‘g‘ri va ochiq muloqotni yo‘lga qo‘yish, jismoniy shaxslarni va yuridik shaxslarning vakillarini muntazam ravishda shaxsan qabul qilish, shu jumladan, joylarga borib qabul qilish;

O‘zbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslarning O‘zbekiston Respublikasi Prezidentining Virtual qabulxonasidan tushgan murojaatlarini o‘z vaqtida va to‘laqonli ko‘rib chiqish;

hududiy bo‘linmalar xodimlari lavozim maoshiga mukofotlar, ustamalar to‘lash, ularga moddiy yordam berish, ularni mukofotlash, rag‘batlantirish va ularga intizomiy chora qo‘llash to‘g‘risida qaror qabul qilish, ularni davlat mukofotlari va idoraviy mukofotlar bilan taqdirlash to‘g‘risidagi takliflarni Vazirlikka kiritish;

davlat sirini yoki qonun bilan qo‘riqlanadigan boshqa sirni tashkil etuvchi ma’lumotlarning himoya qilinishini ta’minlash.

30. Quyidagilar tuman (shahar) xalq ta’limi bo‘limlari rahbarlarining asosiy funksional vazifalari hisoblanadi:

O‘zbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

tuman (shahar) bo‘linmasiga rahbarlik qilish;

faoliyatning ayrim yo‘nalishlari bo‘yicha xodimlar o‘rtasida funksional vazifalarni taqsimlash va ularning javobgarligi darajasini belgilash;

umumiy o‘rta va maktabdan tashqari ta’lim muassasalari faoliyatiga bevosita rahbarlik qilish, ushbu bo‘linmalarga yuklangan vazifalar va funksiyalarning bajarilishini tashkil etish;

O‘zbekiston Respublikasi Prezidenti va O‘zbekiston Respublikasi Vazirlar Mahkamasi qarorlari va topshiriqlari ijrosini ta’minlash, Vazirlik tarkibiy bo‘linmalari xodimlarining ijro intizomini mustahkamlash bo‘yicha kompleks amaliy chora-tadbirlarni amalga oshirish, O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, O‘zbekiston Respublikasi Vazirlar Mahkamasi va uning kotibiyatlari, davlat va xo‘jalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son va “Davlat organlari va tashkilotlarida ijro intizomini yanada mustahkamlash chora tadbirlari to‘g‘risida” 2018-yil 5-oktabrdagi PQ-3962-son qarori, shuningdek, Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga muvofiq topshiriqlarning o‘z vaqtida va sifatli bajarilishi uchun tarkibiy bo‘linmalar xodimlarining shaxsiy mas’uliyatini oshirish chora-tadbirlarini ko‘rish;

Vazirlik hay’ati qarorlari, vazir va uning o‘rinbosarlari, Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi Bosh boshqarmasi rahbarlarining buyruqlari va topshiriqlarining o‘z vaqtida va sifatli bajarilishini ta’minlash;

xalq ta’limi sohasiga kiradigan masalalar yuzasidan mahalliy davlat hokimiyati organlari va kompleks ijtimoiy-iqtisodiy rivojlantirish bo‘yicha sektorlar bilan hamkorlik qilish;

tuman (shahar) xalq ta’limi bo‘limida kadrlarni tanlash va joy-joyiga qo‘yishda Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi Bosh boshqarmasi rahbarlariga, ularning o‘rinbosarlariga takliflar kiritish, ularning professional, o‘z ishini bilishi, amaliy tajribaga, yuksak darajada ishlash xususiyatlariga va ma’naviy-axloqiy fazilatlarga ega ekanligi kafolatini ta’minlash, ularning kasbiy malakasini oshirish chora-tadbirlarini ko‘rish, tuman (shahar) xalq ta’limi bo‘limida kadrlar zaxirasini shakllantirish;

Vazirlik xodimlarining Odob-axloq qoidalari talablariga rioya qilishini, tuman (shahar) xalq ta’limi bo‘limlari xodimlarining ushbu qoidalarga rioya etishini ta’minlash;

huquqni qo‘llash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali tuman (shahar) xalq ta’limi bo‘limlarida korrupsiya va boshqa huquqbuzarliklarning oldini olish choralarini ko‘rish, shuningdek, ularning sodir etilishiga ko‘maklashuvchi sabablar va shart-sharoitlarni aniqlash, tahlil qilish, bartaraf etish;

tuman (shahar) xalq ta’limi bo‘limlari xodimlari lavozim maoshiga mukofotlar, ustamalar to‘lash, ularga moddiy yordam berish, ularni mukofotlash, rag‘batlantirish va ularga intizomiy chora qo‘llash, ularni davlat mukofotlari va idoraviy mukofotlar bilan taqdirlash to‘g‘risida takliflar kiritish;

davlat sirini yoki qonun bilan qo‘riqlanadigan boshqa sirni tashkil etuvchi ma’lumotlarning himoya qilinishini ta’minlash.

31. Vazir:

Vazirlikka yuklatilgan vazifalar va funksiyalarning bajarilishi;

ushbu Nizomning 18-bandida nazarda tutilgan Vazirlikning javobgarlik sohalari bo‘yicha;

ushbu Nizomning 26-bandida ko‘rsatilgan o‘z funksional vazifalarining sifatli bajarilishi uchun shaxsan javob beradi.

32. Vazir o‘rinbosarlari:

Vazirlikning mutasaddilik qilinadigan tarkibiy bo‘linmalarida Vazirlikka yuklangan vazifalar va funksiyalarning bajarilishi;

ushbu Nizomning 18-bandida nazarda tutilgan Vazirlikning mutasaddilik qilinadigan masalalarga doir javobgarlik sohalari bo‘yicha;

ushbu Nizomning 27-bandida ko‘rsatilgan o‘z funksional vazifalarining sifatli bajarilishi uchun shaxsan javob beradi.

33. Markaziy apparat tarkibiy bo‘linmalarining rahbarlari;

tegishli tarkibiy bo‘linmalarga yuklangan vazifalar va funksiyalarning amalga oshirilishi;

ushbu Nizomning 21-bandida nazarda tutilgan Vazirlik markaziy apparatining javobgarlik sohalari bo‘yicha;

ushbu Nizomning 28-bandida ko‘rsatilgan o‘z funksional vazifalarining sifatli bajarilishi uchun shaxsan javob beradi.

34. Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi Bosh boshqarmasi rahbarlari:

hududiy bo‘linmalarga yuklangan vazifalar va funksiyalarning bajarilishi;

ushbu Nizomning 23-bandida nazarda tutilgan Qoraqalpog‘iston Respublikasi Xalq ta’limi vazirligi, viloyatlar xalq ta’limi boshqarmalari va Toshkent shahar xalq ta’limi Bosh boshqarmasining javobgarlik sohalari bo‘yicha;

ushbu Nizomning 29-bandida ko‘rsatilgan o‘z funksional vazifalarining sifatli bajarilishi uchun shaxsan javob beradi.

35. Tuman (shahar) xalq ta’limi bo‘limlari rahbarlari:

tuman (shahar) xalq ta’limi bo‘limlariga yuklangan vazifalar va funksiyalarning bajarilishi;

ushbu Nizomning 25-bandida nazarda tutilgan tuman (shahar) xalq ta’limi bo‘limlarining javobgarlik sohalari bo‘yicha;

ushbu Nizomning 30-bandida ko‘rsatilgan o‘z funksional vazifalarining sifatli bajarilishi uchun shaxsan javob beradi.

36. Vazirlikka O‘zbekiston Respublikasi Oliy Majlisi Qonunchilik palatasi ma’qullaganidan keyin kiritilgan O‘zbekiston Respublikasining Bosh vaziri taqdimnomasiga binoan O‘zbekiston Respublikasi Prezidenti tomonidan tasdiqlanadigan va lavozimidan ozod etiladigan Vazir boshchilik qiladi.

Vazir o‘z maqomiga ko‘ra O‘zbekiston Respublikasi Vazirlar Mahkamasi a’zosi hisoblanadi.

37. Vazirning besh nafar o‘rinbosari, jumladan, bir nafar birinchi o‘rinbosari bo‘ladi.

38. Vazirning birinchi o‘rinbosari va boshqa o‘rinbosarlari O‘zbekiston Respublikasi Prezidenti tomonidan lavozimga tayinlanadi va lavozimdan ozod etiladi.

39. Vazir bo‘lmagan davrda uning vakolatlari vazifalar taqsimotiga binoan uning o‘rinbosarlari tomonidan bajariladi.

40. Qoraqalpog‘iston Respublikasi xalq ta’limi vaziri va hududiy bo‘linmalari rahbarlarini lavozimiga tayinlash va ozod etish bevosita Vazir tomonidan joylardagi davlat hokimiyati organlari roziligisiz amalga oshiriladi.

41. Vazir Vazirlikning tashkiliy tizimiga kiradigan idoraviy mansub tashkilotlar rahbarlarini belgilangan tartibda lavozimga tayinlaydi va lavozimdan ozod etadi.

42 Vazir Qoraqalpog‘iston Respublikasi Xalq ta’limi vazirligi, hududiy bo‘linmalar va boshqa idoraviy mansub tashkilotlarning nizomi va tuzilmasini, shuningdek, ularning rahbar xodimlari cheklangan sonini o‘rnatilgan tartibda tasdiqlaydi.

43. Vazirlik markaziy apparati tarkibiy bo‘linmalarining Vazirlikning hududiy bo‘linmalari va idoraviy mansub tashkilotlari bilan o‘zaro hamkorligi markaziy apparat tarkibiy bo‘linmalari rahbarlari tomonidan ta’minlanadi.

Vazirlik markaziy apparatining tarkibiy bo‘linmalari Vazirlikning hududiy bo‘linmalari va idoraviy mansub tashkilotlari bilan o‘z faoliyati yo‘nalishlari bo‘yicha hamkorlik qilib:

1) topshiriqlarni hududiy bo‘linmalarga va idoraviy mansub tashkilotlarga yetkazadi hamda ularning bajarilishini nazorat qiladi;

2) Vazirlikning hududiy bo‘linmalariga va idoraviy mansub tashkilotlariga tarkibiy bo‘linmalarning bevosita faoliyati masalalari bo‘yicha so‘rovlar yuboradi hamda ularning ijro etilishini nazorat qiladi;

3) Vazirlikning hududiy bo‘linmalari va idoraviy mansub tashkilotlari faoliyati amaliyotini tekshiradi va o‘rganadi, umumlashtiradi, uni takomillashtirishga qaratilgan chora-tadbirlarni ishlab chiqadi va qabul qiladi;

4) Vazirlikning hududiy bo‘linmalari va idoraviy mansub tashkilotlari faoliyatini tashkil etish va faoliyati natijalari to‘g‘risida hisobot va axborot materiallari, statistik va boshqa ma’lumotlar o‘rganilishini tashkil etadi;

5) Vazirlikning hududiy bo‘linmalari va idoraviy mansub tashkilotlari ish rejalarini tahlil qiladi, ularning faoliyatini rejalashtirishni takomillashtirishga doir chora-tadbirlar ko‘radi;

6) Vazirlikning hududiy bo‘linmalari va idoraviy mansub tashkilotlaridan tushgan takliflarni ko‘rib chiqadi;

7) normativ-huquqiy hujjatlar loyihalarini tayyorlashda Vazirlikning hududiy organlari va idoraviy mansub tashkilotlari ishtirokini tashkil etadi, xalq ta’limi sohasida qonun hujjatlarini takomillashtirish bo‘yicha ulardan tushgan takliflarni ko‘rib chiqadi.

44. Vazirlikning hududiy bo‘linmalari va idoraviy mansub tashkilotlari Vazirlik markaziy apparatining tarkibiy bo‘linmalari bilan hamkorlik qiladi, jumladan:

Vazirlik rahbariyati topshiriqlari ijrosi haqida axborot beradi;

xalq ta’limi sohasida qonun hujjatlarini amalga oshirish bo‘yicha faoliyat natijalari to‘g‘risida markaziy apparatga axborot taqdim etadi;

ularning faoliyatini tekshirish va o‘rganish natijasida aniqlangan ishdagi kamchiliklar va qoidabuzarliklarni bartaraf etish natijalari to‘g‘risida ma’lumot beradi;

o‘z faoliyati natijalari to‘g‘risidagi hisobotlarni belgilangan tartibda va muddatlarda Vazirlikning markaziy apparatiga taqdim etadi;

xalq ta’limi muammolarini hal qilishga qaratilgan takliflarni Vazirlikning markaziy apparatiga taqdim etadi;

kompleks ijtimoiy-iqtisodiy rivojlantirish bo‘yicha sektorlar bilan o‘zaro hamkorlik natijalari to‘g‘risida axborot beradi;

vakolatli organlar tomonidan o‘tkazilgan o‘z faoliyatini tekshirish natijalari to‘g‘risida xabar beradi.

45. Vazirlik markaziy apparati tarkibiy bo‘linmalari, hududiy bo‘linmalar hamda idoraviy mansub tashkilotlarning o‘zaro hamkorligi jarayonida yuzaga keladigan kelishmovchiliklar vazirning topshirig‘iga asosan uning tegishli o‘rinbosari tomonidan ko‘rib chiqiladi. Agar ko‘rsatib o‘tilgan ko‘rib chiqishdan keyin kelishmovchiliklar tartibga solinmasa, ular bo‘yicha qaror bevosita vazir tomonidan qabul qilinadi.

46. Vazirlik o‘z vazifalari va funksiyalarini amalga oshirishda boshqa davlat va xo‘jalik boshqaruvi organlari, mahalliy davlat hokimiyati organlari hamda boshqa tashkilotlar bilan hamkorlik qiladi.

47. Vazirlikning hududiy bo‘linmalari o‘z vakolati doirasida boshqa davlat va xo‘jalik boshqaruvi organlari, mahalliy davlat hokimiyati organlarining hududiy bo‘linmalari va boshqa tashkilotlar bilan hamkorlik qiladi.

Vazirlikning hududiy bo‘linmalari tegishli hududlarni ijtimoiy-iqtisodiy rivojlantirish bo‘yicha “yo‘l xaritalari”ni ishlab chiqishda va amalga oshirishda kompleks ijtimoiy-iqtisodiy rivojlantirish bo‘yicha sektorlar bilan o‘zaro yaqin hamkorlik qiladi.

48. Vazirlik faoliyatiga O‘zbekiston Respublikasi Bosh vazirining tegishli o‘rinbosari, Ta’lim va sog‘liqni saqlash masalalari kotibiyati hamda O‘zbekiston Respublikasi Prezidenti maslahatchisining tegishli tarkibiy bo‘linmasi tomonidan mutasaddilik qilinadi.

49. Vazirlikda Vazir (hay’at raisi), Vazir o‘rinbosarlari (lavozimi bo‘yicha), shuningdek, Vazirlik faoliyatining asosiy yo‘nalishlarini muvofiqlashtiruvchi Vazirlik tarkibiy bo‘linmalari rahbarlaridan iborat tarkibda hay’at tuziladi.

Hay’at tarkibining soni va shaxsiy tarkibi vazirning taqdimnomasiga asosan O‘zbekiston Respublikasi Vazirlar Mahkamasi tomonidan tasdiqlanadi.

50. Hay’atga quyidagi vazifalar yuklanadi:

Vazirlik faoliyatining asosiy yo‘nalishlarini ishlab chiqish va amalga oshirish;

qonun hujjatlarida belgilangan vazifalarning o‘z vaqtida va sifatli amalga oshirilishini ta’minlash uchun xalq ta’limi tizimi xodimlari va rahbarlarining shaxsiy javobgarligini oshirish bo‘yicha chora-tadbirlar ko‘rgan holda hududiy bo‘linmalar va idoraviy mansub tashkilotlar rahbarlarining hisobotlari muntazam ravishda eshitilishini tashkil etish;

umumiy o‘rta va maktabdan tashqari ta’lim sohasidagi hududiy va tarmoq dasturlari amalga oshirilishining natijadorligini tizimli ko‘rib chiqish;

joylarda umumiy o‘rta va maktabdan tashqari ta’limning dolzarb masalalari muhokama qilinishini ta’minlagan holda hay’atning kengaytirilgan sayyor majlislari o‘tkazilishini tashkil etish, shuningdek, yuzaga kelgan muammolarni bartaraf etish bo‘yicha tegishli qarorlarni ishlab chiqish va qabul qilish;

Vazirlikning markaziy apparati va uning tizimiga kiradigan lavozimlar nomenklaturasini ko‘rib chiqish va tasdiqlash;

Vazirlik nomenklaturasiga kiradigan lavozimlarga kadrlarni tanlash, joy-joyiga qo‘yish masalalarini ko‘rib chiqish;

O‘zbekiston Respublikasi Prezidenti va O‘zbekiston Respublikasi Vazirlar Mahkamasining qarorlari va topshiriqlarida belgilangan vazifalarning o‘z vaqtida va sifatli bajarilishini ta’minlash uchun Vazirlik rahbarlari va xodimlarining ijro intizomini mustahkamlash va shaxsiy javobgarligini oshirish.

Hay’at Vazirlik vakolatiga kiritilgan boshqa masalalarni ham ko‘rib chiqishga haqli.

51. Hay’at majlisiga Vazirlik vakolatiga kiradigan masalalar yuzasidan davlat va xo‘jalik boshqaruvi organlari, boshqa tashkilotlar rahbarlari taklif etilishi mumkin.

52. Hay’at, agar uning majlisida hay’at tarkibining yarmidan ko‘pi qatnashsa, vakolatli hisoblanadi. Ko‘rib chiqilayotgan masalalar yuzasidan qarorlar oddiy ko‘pchilik ovoz bilan qabul qilinadi.

53. Hay’at qarorlari Vazirning buyruqlari bilan amalga oshiriladi.

54. Vazir va hay’at a’zolari o‘rtasida kelishmovchiliklar yuzaga kelgan taqdirda, Vazir yuzaga kelgan kelishmovchiliklar haqida O‘zbekiston Respublikasi Vazirlar Mahkamasiga axborot bergan holda mustaqil ravishda qaror qabul qiladi. Shuningdek, hay’at a’zolari ham Vazirlar Mahkamasiga o‘z fikrini ma’lum qilishi mumkin.

55. Hay’at faoliyati tartibi hay’at tomonidan tasdiqlanadigan uning reglamenti bilan belgilanadi.

56. Vazirlik faoliyatining samaradorligi va natijadorligi muntazam baholanishi lozim.

57. Vazirlikning faoliyati samaradorligi va natijadorligiga berilgan baholar O‘zbekiston Respublikasi Bosh vazirining tegishli o‘rinbosari tomonidan tasdiqlanadigan Vazirlikning faoliyati samaradorligi va natijadorligini baholash mezonlari va ish indikatorlariga asoslanadi.

58. Vazirlikning faoliyati samaradorligi va natijadorligini baholash yakunlari bo‘yicha:

Vazirlik rahbarlari va xodimlarini rag‘batlantirish (mukofotlash) yoki intizomiy javobgarlikka tortish;

Vazirlikning faoliyatida aniqlangan kamchiliklarni bartaraf etish va uning faoliyatini yanada takomillashtirish chora-tadbirlari ko‘riladi.

Vazirlik uning rahbarlari va xodimlari samaradorligi va natijadorligini baholash tizimi tartibi va metodikasini ishlab chiqadi.

59. Vazirlikning Markaziy apparati hamda idoraviy mansub tashkilotlari va hududiy bo‘linmalarini moddiy-texnik ta’minlash va xodimlar mehnatiga haq to‘lash O‘zbekiston Respublikasi Davlat budjeti mablag‘lari, shuningdek, Xalq ta’limi sohasidagi islohotlarni qo‘llab-quvvatlash jamg‘armasi va qonun hujjatlarida taqiqlanmagan boshqa manbalar hisobidan moliyalashtiriladi.

60. Vazirlik xodimlarining ish haqi lavozim maoshi, mukofotlar, qo‘shimcha haqlar, ustamalardan va qonun hujjatlarida nazarda tutilgan boshqa to‘lovlardan iborat bo‘ladi.

Vazirlik xodimlariga oylik ustamalar va moddiy rag‘batlantirishlar tarzidagi lavozim maoshlariga qo‘shimcha to‘lovlar Vazirlik hay’ati hamda boshqa normativ-huquqiy hujjatlar bilan tasdiqlangan Nizomga muvofiq to‘lanadi.

61. Vazir Vazirlikning faoliyati to‘g‘risida O‘zbekiston Respublikasi Vazirlar Mahkamasiga va O‘zbekiston Respublikasi Prezidentiga muntazam ravishda hisobot beradi.

62. O‘zbekiston Respublikasi Bosh vazirining Ijtimoiy rivojlantirish masalalari bo‘yicha o‘rinbosari Vazirlik tomonidan O‘zbekiston Respublikasi qonunlari, O‘zbekiston Respublikasi Oliy Majlisi palatalarining hujjatlari, parlament va deputat so‘rovlari, O‘zbekiston Respublikasi Prezidenti hujjatlari va topshiriqlari bajarilishi monitoringini olib boradi, shuningdek joylarda ishlarning real holatini muntazam o‘rganadi, xalq ta’limi tizimidagi muammolarni har tomonlama tahlil qiladi hamda shu asosda strategik va ustuvor vazifalarni amalga oshirish yuzasidan kompleks takliflar ishlab chiqadi. Bunda yuklangan vazifalarni hal etishda uning Vazirlik faoliyatiga aralashishiga yo‘l qo‘yilmaydi.

63. Faoliyat monitoringi va baholash natija yakunlari bo‘yicha Vazirlikning mansabdor shaxslari va xodimlarini rag‘batlantirish choralari ko‘riladi yoxud yo‘l qo‘yilgan jiddiy kamchiliklar uchun egallab turgan lavozimidan ozod etishgacha bo‘lgan javobgarlik choralari ko‘riladi.

64. Vazirlikni qayta tashkil etish va tugatish qonun hujjatlarida belgilangan tartibda amalga oshiriladi.

1. 1-ilovada:

a) “Lavozimlar nomi” ustunining 1-pozitsiyasidagi “Umumta’lim maktablarining” so‘zlaridan keyin “Qoraqalpog‘iston Respublikasi Xalq ta’limi vazirligi, Toshkent shahar xalq ta’limi Bosh boshqarmasi va viloyatlar xalq ta’limi boshqarmalari metodistlari” so‘zlari qo‘shilsin;

b) “Lavozimlar nomi” ustunining 2-pozitsiyasidagi “Umumta’lim maktablarining” so‘zlaridan keyin “tuman (shahar) xalq ta’limi bo‘limlari metodistlari, yoshlar yetakchisi” so‘zlari qo‘shilsin;

v) quyidagi mazmundagi 6.1- pozitsiyasi qo‘shilsin:

g) quyidagi mazmundagi 10 va 11-pozitsiyalar qo‘shilsin:

2. 2-ilovaga quyidagi mazmundagi 2.9-pozitsiya qo‘shilsin: