Oʻzbekiston Respublikasi Prezidentining “Oʻzbekiston Respublikasi Xalq taʼlimi vazirligi faoliyatini tashkil etish toʻgʻrisida” 2017-yil 30-sentabrdagi PQ-3304-son qarorini ijro etish yuzasidan Oʻzbekiston Respublikasi Vazirlar Mahkamasi qaror qiladi:

1. Quyidagilar:

Oʻzbekiston Respublikasi Xalq taʼlimi vazirligi toʻgʻrisidagi nizom 1-ilovaga muvofiq;

Oʻzbekiston Respublikasi Xalq taʼlimi vazirligining Respublika taʼlim markazining ustavi 2-ilovaga muvofiq;

Oʻzbekiston Respublikasi Xalq taʼlimi vazirligi Oʻquvchilarni kasb-hunarga yoʻnaltirish va psixologik-pedagogik Respublika tashxis markazining ustavi 3-ilovaga muvofiq;

A. Avloniy nomidagi xalq taʼlimi tizimi rahbar va mutaxassislarini qayta tayyorlash va malakasini oshirish institutining ustavi 4-ilovaga muvofiq tasdiqlansin.

2. Oʻzbekiston Respublikasi Xalq taʼlimi vazirligi vazirliklar va idoralar bilan birgalikda bir oy muddatda ular tomonidan qabul qilingan normativ-huquqiy hujjatlarni ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Xalq taʼlimi vaziri U.I. Inoyatov zimmasiga hamda Oʻzbekiston Respublikasi Vazirlar Mahkamasining Taʼlim, sogʻliqni saqlash, ekologiya, atrof muhitni muhofaza qilish, jismoniy tarbiya va sport masalalari axborot-tahlil departamentiga yuklansin.

1. Ushbu Nizom Oʻzbekiston Respublikasi Xalq taʼlimi vazirligining (keyingi oʻrinlarda Vazirlik deb ataladi) maqomi, asosiy vazifalari va funksiyalarini, huquqlari va javobgarligini, faoliyatini tashkil etish hamda hisobot berish tartibini, shuningdek, uning rahbarlarining funksional vazifalari va javobgarligini tartibga soladi.

2. Vazirlik umumiy oʻrta va maktabdan tashqari taʼlim sohasida davlat siyosatini ishlab chiqish va amalga oshirish uchun javob beradigan vakolatli davlat boshqaruvi organi hisoblanadi.

3. Vazirlik Oʻzbekiston Respublikasi Vazirlar Mahkamasiga (keyingi oʻrinlarda Vazirlar Mahkamasi deb ataladi) boʻysunadi.

4. Vazirlik oʻz faoliyatini Oʻzbekiston Respublikasi Prezidentining “Oʻzbekiston Respublikasi Xalq taʼlimi vazirligi faoliyatini takomillashtirish toʻgʻrisida” 2017-yil 30-sentabrdagi PQ-3304-son qaroriga muvofiq amalga oshiradi.

5. Vazirlik oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonun hujjatlariga amal qiladi.

6. Vazirlikning oʻz vakolatlari doirasida qabul qilgan qarorlari davlat va xoʻjalik boshqaruvi organlari, mahalliy davlat hokimiyati organlari, boshqa tashkilotlar va ularning mansabdor shaxslari, shuningdek, fuqarolar tomonidan bajarilishi majburiydir.

7. Qoraqalpogʻiston Respublikasi Xalq taʼlimi vazirligi, viloyat xalq taʼlimi boshqarmalari, Toshkent shahar xalq taʼlimi bosh boshqarmasi, tuman (shahar) xalq taʼlimi boʻlimlari (keyingi oʻrinlarda hududiy boʻlinmalar deb ataladi), Vazirlik tuzilmasiga kiradigan tashkilotlar yuridik shaxslar hisoblanadilar, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga hamda blankalarga, mustaqil balansga, Oʻzbekiston Respublikasi Moliya vazirligining Gʻaznachiligida shaxsiy gʻazna hisobvaraqlariga, bank hisob raqamlariga, shu jumladan, xorijiy valyutadagi bank hisob raqamlariga ega boʻladilar.

8. Vazirlikning rasmiy nomi:

a) davlat tilida:

toʻliq nomi — Oʻzbekiston Respublikasi Xalq taʼlimi vazirligi, qisqartmasi — XTV;

b) rus tilida:

toʻliq nomi — Ministerstvo narodnogo obrazovaniya Respubliki Uzbekistan, qisqartmasi — MNO;

v) ingliz tilida:

toʻliq nomi — The Ministry of Public Education of the Republic of Uzbekistan, qisqartmasi — MoPEUz.

9. Vazirlik tizimiga quyidagilar kiradi:

Vazirlikning markaziy apparati;

A. Avloniy nomidagi xalq taʼlimi tizimi rahbar va mutaxassislarini qayta tayyorlash va malakasini oshirish instituti, Respublika taʼlim markazi, Oʻquvchilarni kasb-hunarga yoʻnaltirish va psixologik-pedagogik respublika tashxis markazi, Multimedia umumtaʼlim dasturlarini rivojlantirish markazi, “Barkamol avlod” respublika bolalar badiiy ijodiyot markazi, “Barkamol avlod” respublika bolalar texnik ijodiyot markazi, “Barkamol avlod” respublika bolalar ekologiya va oʻlkashunoslik markazi, Respublika oʻquvchi-yoshlar markazi, Respublika bolalar kutubxonasi;

“Boshlangʻich taʼlim” jurnali tahririyati” davlat korxonasi, “Til va adabiyot taʼlimi”, “Prepodavaniye yazika i literaturi”, “Language and literature teaching” jurnali tahririyati” davlat korxonasi, “Maʼrifat” va “Uchitel Uzbekistana” gazetalari tahririyati, “Xalq taʼlimi” jurnali tahririyati” davlat korxonasi, “Tong yulduzi” gazetasi tahririyati, “Klass” gazetasi tahririyati, “Gʻuncha” jurnali tahririyati, “Gulxan” jurnali tahririyati;

Aniq fanlar chuqur oʻrganiladigan davlat ixtisoslashtirilgan umumtaʼlim maktabi, Filologiya fanlari chuqur oʻrganiladigan davlat ixtisoslashtirilgan umumtaʼlim maktabi, Xorijiy tillar chuqur oʻrganiladigan davlat ixtisoslashtirilgan umumtaʼlim maktabi, Profilli mehnat taʼlimi davlat ixtisoslashtirilgan umumtaʼlim maktabi, Tabiiy fanlar chuqur oʻrganiladigan davlat ixtisoslashtirilgan umumtaʼlim maktabi, Mirzo Ulugʻbek nomidagi matematika, astronomiya, fizika va informatika fanlari chuqur oʻrganiladigan davlat ixtisoslashtirilgan umumtaʼlim maktab-internati;

“Oʻquv taʼlim-taʼminot” davlat unitar korxonasi;

A.P. Xlebushkina nomidagi 22-sonli “Mehribonlik” uyi, Respublika “Mehribonlik” uylari sogʻlomlashtirish oromgohi;

Oʻzbekiston “Yoshlik” jismoniy tarbiya va sport jamiyati;

hududiy boʻlinmalar;

“Mehribonlik” uylari, bolalar shaharchalari, axborot-resurs markazlari;

davlat umumiy oʻrta va maktabdan tashqari taʼlim muassasalari.

10. Quyidagilar Vazirlikning asosiy vazifalari hisoblanadi:

1) umumiy oʻrta va maktabdan tashqari taʼlimni har tomonlama rivojlantirishga, oʻquvchilarning maʼnaviy-axloqiy va intellektual rivojlanishi darajasini yanada yuksaltirishga yoʻnaltirilgan taʼlim sohasida yagona davlat siyosatini amalga oshirish;

2) umumtaʼlim maktablari hamda oʻrta maxsus, kasb-hunar taʼlimi muassasalari oʻrtasida oʻzaro integratsiyani taʼminlash orqali 11 yillik oʻrta taʼlimni joriy etish boʻyicha tashkiliy-metodik tadbirlar tizimini amalga oshirish;

3) umumtaʼlim maktablarining 10-11-sinflari oʻquvchilariga kasb-hunar oʻrgatish hamda umumiy oʻrta taʼlimning davlat taʼlim standartlariga va maktabdan tashqari taʼlimga qoʻyiladigan davlat talablariga muvofiq xalq taʼlimi muassasalari faoliyatiga metodik rahbarlik qilish;

4) umumtaʼlim muassasalarida chet tillarini oʻqitish samaradorligini taʼminlash, oʻquvchilarni kasb-hunarga yoʻnaltirish va mehnat taʼlimini yaxshilash boʻyicha kompleks chora-tadbirlarni amalga oshirish;

5) oʻquv-tarbiya jarayoniga oʻqitishning zamonaviy ilgʻor shakllarini, yangi pedagogik va axborot texnologiyalarini, oʻquvchilarning oʻquv, psixologik va jismoniy yuklamasini optimallashtirishni hisobga olgan holda taʼlim-tarbiyaning samarali shakllari va usullarini joriy etish;

6) mazmun va sifat jihatidan xalqaro talablarga javob beradigan, ilgʻor pedagogik va axborot-kommunikatsiya texnologiyalarini qoʻllagan holda yangilangan oʻquv rejasi va dasturlarga muvofiq ishlab chiqilgan oʻquv-metodik adabiyotlarning yangi avlodi yaratilishi va nashr etilishini tashkil qilish;

7) “Mehribonlik” uylari faoliyatini takomillashtirish, ota-onalar qarovisiz qolgan bolalarning ijtimoiy-psixologik reabilitatsiyasini va huquqiy himoya qilinishini taʼminlash, ularning ijtimoiy-mehnat koʻnikmalarini hosil qilishiga va jamiyatga uygʻunlashuviga koʻmaklashish;

8) jismoniy rivojlanishida turli nuqsonlari boʻlgan hamda davolanish va sogʻlomlashtirishga muhtoj boʻlgan bolalarning ijtimoiy kafolatlarini taʼminlovchi chora-tadbirlar samaradorligini yanada oshirish, ularning taʼlim-tarbiya (shu jumladan inklyuziv) olishlari uchun muhitni yaratish, imkoniyatlari cheklangan bolalar uchun ixtisoslashtirilgan taʼlim muassasalari (maktablar, maktab-internatlar) faoliyatini muvofiqlashtirish;

9) xalq taʼlimi muassasalarida Oʻzbekiston yoshlar ittifoqi boʻlimlari faoliyatini samarali yoʻlga qoʻyish orqali oʻquvchilarni umuminsoniy qadriyatlar, yuksak maʼnaviyat, insonparvarlik ruhida tarbiyalash, ularning qalbi va ongiga mustaqillik gʻoyalarini yanada chuqur singdirish, “ommaviy madaniyat” koʻrinishidagi yot gʻoyalarga qarshi immunitetni mustahkamlash;

10) umumiy oʻrta va maktabdan tashqari taʼlim muassasalari tomonidan davlat taʼlim standartlari va talablari bajarilishining tizimli monitoringini olib borish;

11) xalq taʼlimi muassasalarida budjet mablagʻlaridan maqsadli va samarali foydalanishni hamda budjet intizomiga rioya etishni taʼminlash;

12) xalq taʼlimi muassasalarida bino va inshootlardan samarali foydalanish ishlarini muvofiqlashtirish va monitoringini olib borish.

11. Vazirlik oʻziga yuklangan vazifalarga muvofiq quyidagi funksiyalarni amalga oshiradi:

1) umumiy oʻrta va maktabdan tashqari taʼlimni har tomonlama rivojlantirishga, oʻquvchilarning maʼnaviy-axloqiy va intellektual rivojlanishi darajasini yanada yuksaltirishga yoʻnaltirilgan taʼlim sohasida yagona davlat siyosatini amalga oshirish sohasida:

umumiy oʻrta va maktabdan tashqari taʼlim tizimlari faoliyatini tashkil etish va yaxshilash masalalarida davlat boshqaruvini amalga oshiradi;

yagona davlat siyosatining asosiy yoʻnalishlari, shu jumladan, umumiy oʻrta va maktabdan tashqari taʼlim tizimlarining yanada rivojlanishini nazarda tutadigan davlat dasturlari va boshqa dasturlar, shuningdek, ularni amalga oshirish mexanizmlari boʻyicha Vazirlar Mahkamasiga takliflar kiritadi;

normativ-huquqiy hujjatlar loyihalarini, shuningdek, Vazirlikka yuklangan vazifalar va funksiyalarni bajarish bilan bogʻliq boshqa hujjatlarni belgilangan tartibda Vazirlar Mahkamasiga kiritadi;

Vazirlik tizimiga kiradigan xalq taʼlimi muassasalari va tashkilotlarni rivojlantirish istiqbollarini prognozlashtiradi, davlat va hududiy dasturlarni ishlab chiqadi;

umumiy oʻrta va maktabdan tashqari taʼlim muassasalarida davlat taʼlim standartlari hamda davlat talablarining sifatli bajarilishini taʼminlash uchun idoraviy mansub boʻlinmalar, shuningdek, nodavlat taʼlim muassasalari va hududiy boʻlinmalar faoliyatini muvofiqlashtiradi;

umumiy oʻrta taʼlimning davlat taʼlim standartlari hamda maktabdan tashqari taʼlimga qoʻyiladigan davlat talablari, xalq taʼlimi tizimi mutaxassislariga qoʻyiladigan malaka talablarining bajarilishi yuzasidan idoraviy nazoratni tashkil etadi;

umumiy oʻrta, maktabdan tashqari taʼlim muassasalari va hududiy boʻlinmalar faoliyati ustidan metodik rahbarlikni amalga oshiradi;

ilmiy-texnik rivojlanish va jamiyat ehtiyojlaridan kelib chiqib, oʻquvchilarning yosh va psixofiziologik xususiyatlarini, shuningdek, ularning oʻzlashtirish imkoniyatlarini hisobga olgan holda davlat taʼlim standartlari, umumiy oʻrta va maktabdan tashqari taʼlimga qoʻyiladigan davlat talablari, oʻquv dasturlari va darsliklarni uzluksiz ravishda takomillashtiradi;

axborot texnologiyalari va moliyaviy nazoratning eʼtirof etilgan xalqaro standartlarini joriy etish orqali idoraviy mansub taʼlim muassasalarida budjet qonunchiligi buzilishi profilaktikasiga va uning oldini olishga yoʻnaltirilgan moliyaviy nazoratni amalga oshiradi;

oʻquvchilarni milliy va umuminsoniy qadriyatlarga hurmat ruhida tarbiyalash, ularning qalblarida mustaqillik gʻoyalariga sadoqat, milliy iftixor, Vatanga muhabbat va uning taqdiriga uchun kuyunish, fidoyilik tuygʻularini shakllantirish, ularni turli mafkuraviy xatarlardan himoya qilish ishlarini amalga oshiradi;

umumiy oʻrta va maktabdan tashqari taʼlim muassasalari va hududiy boʻlinmalar faoliyatining taʼlim va ijtimoiy jihatdan samaradorligi tahlilini oʻtkazadi, uni maqbullashtirish boʻyicha takliflar ishlab chiqadi;

Vazirlik tizimi faoliyatiga daxldor jurnal va gazetalar, blankalar, oʻquv-metodik majmualar, byulletenlar hamda oʻquv qoʻllanmalarini nashr etishni, shuningdek, Vazirlikning veb-sayti ishini tashkil etadi;

xalq taʼlimi tizimida xalqaro aloqalarni kengaytirish va uning samaradorligini oshirishga koʻmaklashadi, xalq taʼlimi masalalari boʻyicha xorijiy va xalqaro tashkilotlar bilan aloqalarni va hamkorlikni yoʻlga qoʻyadi;

2) umumtaʼlim maktablari hamda oʻrta maxsus, kasb-hunar taʼlimi muassasalari oʻrtasida oʻzaro integratsiyani taʼminlash orqali 11 yillik oʻrta taʼlimni joriy etish boʻyicha tashkiliy-metodik tadbirlar tizimini amalga oshirish sohasida:

oʻqimishli, ijodkor, oʻz ishini biladigan va raqobatbardosh, shiddat bilan oʻzgarib borayotgan muhitda ongli yashashga qodir, oʻz kasbiy tayyorgarligini tanlashda butun hayoti davomida keng imkoniyatlardan foydalana oladigan, shaxsiy va jamiyat manfaatlari yoʻlida oʻzini koʻrsata oladigan shaxsni kamol toptirish va rivojlantirish uchun barcha sharoitlarni yaratadi;

umumtaʼlim maktablari va oʻrta maxsus, kasb-hunar taʼlimi muassasalarining oʻzaro integratsiyasini, shuningdek, jamiyatning ijtimoiy-iqtisodiy rivojlanishining zamonaviy talablariga muvofiq uzluksiz taʼlim mazmunini shakllantiradi;

bilimlarni mustaqil egallashga va amaliyotda qoʻllash ehtiyoji va uquvini tarbiyalashga qaratilgan asosiy kompetensiyalarni shakllantirishga koʻmaklashadigan taʼlim mazmunini taʼminlaydi;

bilishga boʻlgan intilishni shakllantirishga yoʻnaltirilgan taʼlim mazmunini takomillashtiradi;

taʼlim mazmunini oʻquvchilarni ilmiy bilish usullari va mustaqil tadqiqotlar olib borishga maqsadli va tizimli oʻrgatishga yoʻnaltirib boradi;

oʻquvchilarning psixofiziologik xususiyatlarini hisobga olib oʻquv yuklamasi hajmini maqbullashtiradi;

taʼlim dasturlarining oʻquvchilar tomonidan oʻzlashtirilishi darajasi va yoʻnalishlarini hisobga olgan holda taʼlim mazmunini tabaqalashtiradi;

3) umumtaʼlim maktablarining 10-11-sinf oʻquvchilariga kasb-hunar oʻrgatish hamda umumiy oʻrta taʼlimning davlat taʼlim standartlariga va maktabdan tashqari taʼlimga qoʻyiladigan davlat talablariga muvofiq xalq taʼlimi muassasalari faoliyatini muvofiqlashtirish hamda oʻquvchilarga kasb-hunar oʻrgatishda metodik rahbarlik qilish sohasida:

oʻquvchilarning ongli ravishda kasb tanlashlari uchun ularni kasbga yoʻnaltirish, tanlangan kasb boʻyicha mehnat koʻnikmalarini oʻrgatishni amalga oshiradi;

oʻquvchilarda mehnat koʻnikmalari va mustaqil ijodiy fikrlashni shakllantirishni, ularni kasbga yoʻnaltirish, taʼlim olish va kasb egallashning kelgusi yoʻllarini ongli ravishda tanlashini taʼminlaydi;

pedagog xodimlarni uzluksiz ravishda oʻzini oʻzi kasbiy-pedagogik rivojlantirishga (butun hayoti davomida taʼlim olishga) yoʻnaltiradi;

shaxsga yoʻnaltirilgan, tizimli faoliyat yuritish va kompetentli yondashuv talablari asosida respublika taʼlimini modernizatsiyalashning asosiy yoʻnalishlarini hisobga olgan holda pedagog xodimlarni qayta tayyorlash va malakasini oshirish shakllarini, kasbiy taʼlim dasturlari mazmunini takomillashtiradi;

ijobiy tajribani, kasb qiyinchiliklarini hamda pedagog va metodistlarning ehtiyojlarini oʻrganish va tahlil qilish, pedagoglarning kasbni bilishi shakllanganligiga, taʼlim oluvchilarning predmetli va asosiy kompetensiyalariga tashxis qoʻyish va monitoring olib borish asosida metodistlar va pedagoglarga, barcha darajalardagi eksperimental va innovatsion maydonchalarga manzilli ilmiy-metodik yordam koʻrsatadi;

taʼlim makonini axborotlashtirish, texnologiyalarni joriy etish va optimallashtirish orqali pedagog xodimlar uchun rivojlanib boruvchi oʻquv-metodik muhit yaratilishini taʼminlaydi;

oʻqituvchilarning ishdan ajralmagan holda uzluksiz malaka oshirishlarini taʼminlaydi;

taʼlim sohasining asosiy va fanlar boʻyicha maqsadlarini hisobga olib, natijaga erishishni koʻzlagan holda aniq oʻquv jarayoni maqsadlari loyihalashtirilishini taʼminlaydi;

taʼlim standartlari talablariga muvofiq va dastur materiallari oʻzlashtirilishini tashkil etish boʻyicha vazifalar kompleksini hal etishga yoʻnaltirilgan oʻquv jarayonini muvofiqlashtiradi;

oʻquv jarayonini loyihalashtirish va uni amaliyotga tatbiq etish uchun axborot muhiti salohiyatini joriy qiladi;

psixologik qulaylik va qoʻllab-quvvatlash muhiti yaratilishini, shaxsiy natijalarga erishilganidan soʻng olinadigan ijobiy his-tuygʻularni kompetensiyalar koʻrinishida ragʻbatlantirishni taʼminlaydi;

4) umumtaʼlim muassasalarida chet tillarini oʻqitish samaradorligini taʼminlash, oʻquvchilarni kasb-hunarga yoʻnaltirish va mehnat taʼlimini yaxshilash boʻyicha kompleks chora-tadbirlarni amalga oshirish sohasida:

oʻquvchilarga xorijiy tillarni oʻqitish tizimini takomillashtiradi;

bolalarning psixologik-pedagogik xususiyatlarini hisobga olib umumiy oʻrta taʼlimning 1 — 11-sinflarida xorijiy tillarni oʻqitishni tashkil etish chora-tadbirlari kompleksini ishlab chiqadi va amalga oshiradi;

oʻquvchilarning bilimi, koʻnikmalari va qobiliyatlariga boʻlgan talablarni aniqlashtirish orqali davlat taʼlim standartlari, shuningdek, umumiy oʻrta taʼlim maktablarining 1 — 11-sinflarida xorijiy tillarning oʻquv rejalari va dasturlarini takomillashtiradi;

umumtaʼlim maktablarining 1 — 11-sinflari uchun xorijiy tillar boʻyicha darslik va oʻquv-metodik qoʻllanmalarni, jumladan, ularning elektron shakllarini ishlab chiqadi va yaratadi;

tadbirkorlik faoliyati toʻgʻrisida keng tasavvurga, malaka koʻnikmalari va tashkilotchilik qobiliyatlariga ega boʻlgan mustaqil fikrlaydigan shaxslarni tarbiyalash ishlarini takomillashtiradi;

taʼlimning keyingi bosqichini yoki mehnat faoliyatini tanlashda oʻquvchilarga koʻmaklashadi;

kasbiy taʼlimni takomillashtirishni taʼminlaydi;

kasbiy taʼlimning oʻquv-tarbiya jarayoniga zamonaviy va innovatsion pedagogik usullar va axborot-kommunikatsiya texnologiyalarini joriy etishni amalga oshiradi;

5) oʻquv-tarbiya jarayoniga oʻqitishning zamonaviy ilgʻor shakllarini, yangi pedagogik va axborot texnologiyalarini, oʻquvchilarning oʻquv, psixologik va jismoniy yuklamasini optimallashtirishni hisobga olgan holda taʼlim-tarbiyaning samarali shakllari va usullarini joriy etish sohasida:

umumiy oʻrta va maktabdan tashqari taʼlim muassasalarida va hududiy boʻlinmalarda axborot-tahliliy ishlarning olib borilishini taʼminlaydi;

milliy istiqlol gʻoyasi, boy milliy madaniy-tarixiy meros, milliy urf-odatlar va umuminsoniy gʻoyalar asosida barkamol avlodni tarbiyalashning samarali tashkiliy, pedagogik shakllari va usullarini ishlab chiqadi va joriy etadi;

zamonaviy ilgʻor taʼlim shakllari, yangi pedagogik va axborot texnologiyalarini oʻquv-tarbiya jarayoniga joriy qilish orqali oʻquvchilarni har tomonlama kamol toptirishni taʼminlaydi;

oʻquvchilar bilan maktabdan tashqari ish olib borish, yangi pedagogik va axborot texnologiyalari, turli tadbirlar, koʻrik-tanlovlar, va musobaqalar tashkil etishning samarali usul va shakllarini qoʻllagan holda ularning boʻsh vaqtlarini mazmunli tashkil etish chora-tadbirlari kompleksini amalga oshiradi;

oʻquvchilarning psixologik va jismoniy xususiyatlaridan kelib chiqib, shu jumladan, oʻquv fanlarini unifikatsiyalash va integratsiyalash orqali oʻquv dasturlari maqbullashtirilishini amalga oshiradi;

6) mazmun va sifat jihatidan xalqaro talablarga javob beradigan, ilgʻor pedagogik va axborot-kommunikatsiya texnologiyalarini qoʻllagan holda yangilangan oʻquv rejasi va dasturlarga muvofiq ishlab chiqilgan oʻquv va oʻquv-metodik adabiyotlarning yangi avlodi yaratilishi va nashr etilishini tashkil qilish sohasida:

ilgʻor xalqaro tajriba asosida oʻquv va oʻquv-metodik adabiyotlarning yangi avlodini yaratish konsepsiyasini ishlab chiqadi;

oʻquv va oʻquv-metodik adabiyotlarning yangi avlodini yaratishda soʻnggi ilmiy va texnik yutuqlarni hisobga olib konsentrizm pedagogik tamoyili asosida oʻquv materiallarini tuzib chiqadi;

oʻquv va oʻquv-metodik adabiyotlarning yangi avlodini yaratishda yangi pedagogik va axborot-kommunikatsiya texnologiyalarini qoʻllagan holda ijodiy va mustaqil vazifalarni ishlab chiqadi;

oʻquv va oʻquv-metodik adabiyotlarning yangi avlodi mazmunining hayot, amaliyot va ishlab chiqarish bilan bogʻliqligini, oʻquv materiallarining fundamental xususiyati va oʻquvchilarda mutolaa madaniyati shakllantirilishini taʼminlaydi;

7) “Mehribonlik” uylari faoliyatini takomillashtirish, ota-onalar qarovisiz qolgan bolalarning ijtimoiy-psixologik reabilitatsiyasini va huquqiy himoya qilinishini taʼminlash, ularning ijtimoiy-mehnat koʻnikmalarini hosil qilishiga va jamiyatga uygʻunlashuviga koʻmaklashish sohasida:

yetim va ota-ona qaramogʻidan mahrum boʻlgan bolalarni tarbiyalash, kamol toptirish va ularni qoʻllab-quvvatlashni tashkil etishni, ularning qonuniy huquqlari va manfaatlari ijtimoiy-huquqiy himoya qilinishini taʼminlaydi;

yetim va ota-ona qaramogʻidan mahrum boʻlgan bolalarning psixologik jihatdan toʻliq tiklanishi, ularning jamiyatga ijtimoiy moslashishi, sifatli taʼlim va tarbiya olishi, shuningdek, ularning ijodiy va intellektual qobiliyatlarini rivojlantirishga koʻmaklashuvchi va uy sharoitlariga maksimal darajada yaqinlashtirilgan shart-sharoitlarni taʼminlaydi;

yetim va ota-ona qaramogʻidan mahrum boʻlgan bolalarning mulkiy va nomulkiy huquqlarini himoya qilish, qarindoshlarini aniqlash va ular bilan mustahkam aloqa oʻrnatilishini taʼminlaydi;

yetim va ota-ona qaramogʻidan mahrum boʻlgan bolalar orasida oʻz huquq va manfaatlarini himoya qilish boʻyicha ijtimoiy bilim, koʻnikmalarni shakllantirish yuzasidan taʼlim va tarbiyaviy ishlarni tashkil etishni amalga oshiradi;

ijtimoiy rivojlanishi korreksiya va (yoki) reabilitatsiyaga, rivojlanishining tibbiy-ijtimoiy va psixologik-pedagogik muammolariga tashxis qoʻyishga va ularni rivojlantirish va reabilitatsiya qilish boʻyicha individual dasturlar tuzilishiga muhtoj yetim va ota-ona qaramogʻidan mahrum boʻlgan bolalar guruhlarini aniqlaydi;

8) rivojlanishida turli nuqsonlari boʻlgan hamda davolanishga va sogʻlomlashtirishga muhtoj boʻlgan bolalarning ijtimoiy kafolatlarini taʼminlovchi chora-tadbirlar samaradorligini yanada oshirish, ularning taʼlim-tarbiya (shu jumladan inklyuziv) olishlari uchun moslashuv muhitini yaratish, imkoniyatlari cheklangan bolalar uchun ixtisoslashtirilgan taʼlim muassasalari (maktablar, maktab-internatlar) faoliyatini muvofiqlashtirish sohasida:

jismoniy yoki psixik rivojlanishida turli nuqsonlari boʻlgan bolalarning bilish qobiliyatlarini eʼtiborga olgan holda umumiy oʻrta taʼlim va tarbiya olishlari uchun yordam koʻrsatish maqsadida oʻquv-tarbiya, korreksiyalash va davolash-sogʻlomlashtirish muassasalari faoliyatini tashkil etishni, buning uchun zarur sharoitlarni yaratishni, ularning ijtimoiy moslashuvi va jamiyatga integratsiyalashuviga koʻmaklashishni, shuningdek, ijtimoiy yordamga muhtoj oilalarga farzandlarini tarbiyalash va ularga taʼlim berishda yordam koʻrsatishni amalga oshiradi;

davlat taʼlim standartlariga muvofiq maktab, maktab-internat yoki uyda taʼlim olayotgan, jismoniy va psixik rivojlanishida turli nuqsonlari boʻlgan bolalarning qonuniy huquqlari, erkinliklari va manfaatlari taʼminlanishini amalga oshiradi;

hududlardagi psixologik-tibbiy-pedagogik komissiyalar faoliyatini, maktab, maktab-internat yoki uyda taʼlim olayotgan bolalarga xalq taʼlimi muassasalarida sogʻligʻini tiklash va kasbga oʻrgatish boʻyicha amaliy yordam koʻrsatilishini muvofiqlashtiradi;

jismoniy va psixik rivojlanishida turli nuqsonlari boʻlgan oʻquvchilarni optimal rivojlantirish maqsadida shaxsga moʻljallangan, ijtimoiy yoʻnaltirilgan taʼlim jarayonida tabaqalashtirilgan va individual taʼlim berishni tashkil etishni taʼminlaydi;

9) xalq taʼlimi muassasalarida Oʻzbekiston yoshlar ittifoqi boʻlimlari faoliyatini samarali yoʻlga qoʻyish orqali oʻquvchilarni umuminsoniy qadriyatlar, yuksak maʼnaviyat, insonparvarlik ruhida tarbiyalash, ularning qalbi va ongiga mustaqillik gʻoyalarini yanada chuqur singdirish, “ommaviy madaniyat” koʻrinishidagi yot gʻoyalarga qarshi immunitetni mustahkamlash sohasida:

xalq taʼlimi muassasalarida Oʻzbekiston yoshlar ittifoqi birlamchi tashkilotlarining samarali faoliyat yuritishini, mahalliy davlat hokimiyati organlari va nodavlat notijorat tashkilotlari bilan hamkorlik faoliyatini hamda oʻquvchi yoshlarga psixologik yordam koʻrsatish boʻyicha harakatlarning muvofiqlashtirilishini taʼminlaydi;

oʻquvchi yoshlarda huquqiy, estetik, ekologik tarbiyani rivojlantirish boʻyicha turli tadbirlar, koʻrik-tanlovlar, musobaqalar, ijodiy ishlarni tashkil qilishni taʼminlaydi;

iqtidorli oʻquvchi yoshlarni aniqlash va oʻqitish boʻyicha psixologik-pedagogik va tashkiliy shart-sharoitlar yaratadi;

fuqarolik jamiyatni qurish va demokratik islohotlarni chuqurlashtirish jarayonida yosh pedagog va oʻquvchilarning ijtimoiy faolligini oshirishni, yoshlarni jismoniy sogʻlom, mustaqil fikrlaydigan, Vatanga sadoqatli va qatʼiy hayot pozitsiyasiga ega inson etib tarbiyalashni taʼminlaydi;

yoshlarning maʼnaviy dunyosini boyitish, milliy va jahon adabiyotining eng sara namunalarini targʻib qilish maqsadida kitobxonlik madaniyatini shakllantiradi, oʻquvchilarni yot gʻoyalar, “ommaviy madaniyat” va zararli odatlarning salbiy taʼsiridan himoya qilish boʻyicha faoliyatni tashkil qilishni taʼminlaydi;

oʻquvchilarning xohish-istaklari va takliflaridan kelib chiqqan holda ularning boʻsh vaqtlarini mazmunli tashkil qilish, bolalar va oʻsmirlarni “Barkamol avlod” bolalar markazlaridagi turli toʻgaraklarga, shuningdek, bolalar musiqa va sanʼat maktablari, bolalar va oʻsmirlar sport maktablariga qamrab olishga yoʻnaltirilgan tizimli faoliyat boʻyicha kompleks chora-tadbirlarni ishlab chiqadi;

oʻquvchilar davomatini nazorat qilishni taʼminlaydi, ushbu yoʻnalishda fuqarolarning oʻzini oʻzi boshqarish organlari, boshqa jamoat tashkilotlari va huquqni muhofaza qilish organlarining hamkorlikdagi faoliyatini muvofiqlashtiradi;

oʻquvchilarning ilmiy va badiiy adabiyotlarni oʻqishga boʻlgan qiziqishini oshirish orqali ularda turli mafkuraviy tahdidlarga, xususan, diniy ekstremizm, terrorizm, “ommaviy madaniyat” va boshqa yot gʻoyalarga qarshi mustahkam immunitet shakllantirilishini taʼminlaydi;

10) umumiy oʻrta va maktabdan tashqari taʼlim muassasalari tomonidan davlat taʼlim standartlari va talablari bajarilishining tizimli monitoringini olib borish sohasida:

oʻquvchilarning bilimi va taʼlim sifatiga taʼsir qiladigan omillarni aniqlash boʻyicha tizimli monitoringni amalga oshiradi;

oʻquvchilarga taʼlim berish sifatini oshirishga yoʻnaltirilgan, davlat standartlari talablari, davlat talablari bajarilishini oʻrganish boʻyicha intellektual koʻrik-tanlovlar va musobaqalar tashkil qilinishini taʼminlaydi;

taʼlim sifati monitoringi olib borilishini nazorat qilish va amalga oshirish boʻyicha normativ hujjatlar va metodik tavsiyalarni ishlab chiqadi;

taʼlim sifatining umumiy holati asosida xalq taʼlimi muassasalari reytingini aniqlaydi;

11) taʼlim muassasalarida budjet mablagʻlaridan maqsadli va samarali foydalanishni hamda budjet intizomiga rioya etishni taʼminlash sohasida:

hududiy boʻlinmalarning markazlashtirilgan moliya-buxgalteriya xizmatlari faoliyatini muvofiqlashtiradi;

markazlashtirilgan tartibda xarajatlar smetasini tuzish va bajarishni, xalq taʼlimi tizimi xodimlariga ish haqini hisoblash va toʻlashni, tovarlar, ishlar va xizmatlarni xarid qilishni taʼminlaydi;

markazlashtirilgan tartibda budjet va budjetdan tashqari mablagʻlarni hisob-kitob qilish, shuningdek, faoliyat yoʻnalishiga qarab tovar (xizmat)larni sotishdan tushadigan mablagʻlar monitoringi olib borilishini amalga oshiradi;

budjet mablagʻlaridan foydalanishning natijaviyligi, samaradorligi va shaffofligini taʼminlash, xalq taʼlimi muassasalarining mustaqilligi va oʻzini oʻzi taʼminlashini oshirishga yoʻnaltirilgan budjet va budjetdan tashqari mablagʻlarni rejalashtirish, ulardan foydalanish, hisobi va hisobotini yuritish metodologiyasi takomillashtirilishini taʼminlaydi;

budjet mablagʻlarini noqonuniy sarflash va talon-taroj qilish holatlarini aniqlash va oldini olishni taʼminlash boʻyicha ichki audit va moliyaviy nazorat xizmatlari faoliyatini respublika va hududiy darajalarda muvofiqlashtiradi;

xalq taʼlimi muassasalarida shartnomalar tuzish, budjet hisobini yuritish, xarajatlar smetasini tuzish va ijro etish monitoringini amalga oshiradi;

budjet hisobi va hisobotini takomillashtirish, asossiz debitorlik va kreditorlik qarzdorlik kelib chiqishiga yoʻl qoʻymaslik, budjet intizomini mustahkamlash, budjet mablagʻlaridan foydalanish samaradorligini oshirish, jumladan tovarlar, ishlar va xizmatlar xarid qilish, shuningdek, markazlashtirilgan moliya-buxgalteriya xizmatlarining kadrlar tarkibini kuchaytirish masalalari boʻyicha tavsiyalar ishlab chiqish;

12) taʼlim muassasalarida bino va inshootlardan samarali foydalanish ishlarini muvofiqlashtirish va monitoringini olib borish sohasida:

bino va inshootlardan zarur tarzda foydalanish boʻyicha ishlar muvofiqlashtirilishi va monitoring olib borilishini taʼminlaydi;

elektr energiyasi, tabiiy gaz, koʻmir va koʻmir briketlari, suvdan foydalanishni tizimli tahlil qilishni, shuningdek, energiyani tejovchi vositalar va texnologiyalarni joriy etish yoʻli bilan ulardan oqilona foydalanish boʻyicha takliflar kiritish orqali hisoblash asboblari va ularning texnik sozligi monitoringini taʼminlaydi;

issiq va sovuq suv, tabiiy gaz, issiqlik va elektr energiyasi, koʻmir va koʻmir briketlari isteʼmoli hamda bino va inshootlar saqlanishining belgilangan tartibiga rioya qilinishini taʼminlaydi;

issiq va sovuq suv, tabiiy gaz, issiqlik va elektr energiyasini isteʼmol qilishning, koʻmir va koʻmir briketlaridan oqilona foydalanishning, bino va inshootlarning saqlanishiga doir belgilangan qoidalarga rioya qilmagan rahbarlar va xodimlarni mukofotlarning bir qismidan yoki toʻliq mahrum qilish toʻgʻrisida takliflar kiritadi;

Oʻzbekiston Respublikasining investitsiya dasturlarini amalga oshirish doirasida bino va inshootlarni rekonstruksiya qilish hamda qurish boʻyicha hududiy boʻlinmalar tomonidan taqdim etilgan manzilli roʻyxatlarni oʻrganish va tahlil qilishni taʼminlaydi;

bino va inshootlarni joriy va mukammal taʼmirlash boʻyicha hududiy boʻlinmalar tomonidan taqdim etilgan manzilli roʻyxatlarni oʻrganish va tahlil qilishni taʼminlaydi;

xalq taʼlimi muassasalari bino va inshootlarini qurish, rekonstruksiya qilish, joriy va mukammal taʼmirlash boʻyicha ishlarni muvofiqlashtiradi va monitoringini olib boradi;

xalq taʼlimi muassasalarining issiqlik taʼminoti tizimi, bugʻ qozonlarini almashtirish va ulardan foydalanish ishlarining hisobi yuritilishini va monitoringi olib borilishini taʼminlaydi;

koʻmir va koʻmir briketlari bilan taʼminlashning manzilli roʻyxatini shakllantirish hamda ularni xalq taʼlimi obyektlariga yetkazib berish monitoringining manzilli roʻyxatlarini shakllantirish boʻyicha faoliyatni muvofiqlashtiradi;

kuz-qish mavsumida xalq taʼlimi tizimi muassasalari bino va inshootlaridan samarali foydalanilishini taʼminlaydi;

idoraviy mansub tashkilotlarning suv, gaz, issiqlik va elektr energiyasidan tejamkorlik bilan foydalanish boʻyicha faoliyatini, ularning hisobini yuritish asboblari holati monitoringi olib borilishini muvofiqlashtiradi;

xalq taʼlimi muassasalarini jihozlash (qayta jihozlash) dasturlarini ishlab chiqish uchun ularning moddiy-texnik bazasini oʻrganish va tahlil qilishni amalga oshiradi.

Vazirlik qonun hujjatlariga muvofiq boshqa funksiyalarni ham bajarishi mumkin.

12. Quyidagilar Vazirlik markaziy apparatining asosiy vazifalari hisoblanadi:

1) hududiy boʻlinmalar va idoraviy mansub tashkilotlar bilan birgalikda Vazirlikka yuklangan vazifalar va funksiyalarning samarali bajarilishini taʼminlash;

2) davlat taʼlim standartlari, talablari takomillashtirilishini va rivojlangan xorijiy davlatlar tajribasini oʻrganish asosida taʼlim sifati monitoringi olib borilishini tashkil etish;

3) oʻquv-metodik majmualarni ishlab chiqish va nashr etish boʻyicha faoliyatni muvofiqlashtirish;

4) oʻquvchilarni maʼnaviy-axloqiy tarbiyalashni, ijtimoiy qoʻllab-quvvatlash va reabilitatsiya qilishni tashkil etish;

5) umumiy oʻrta va maktabdan tashqari taʼlim muassasalariga axborot-kommunikatsiya texnologiyalarini joriy etish;

6) Vazirlik tizimida ichki audit va moliyaviy nazoratni tashkil etish va amalga oshirish;

7) hududiy boʻlinmalarda va idoraviy mansub tashkilotlarda kadrlar bilan taʼminlashni muvofiqlashtirish;

8) idoraviy mansub tashkilotlarni rivojlantirishga koʻmaklashish, ularni rivojlantirish konsepsiyalari va istiqbollarini belgilash.

13. Vazirlikning markaziy apparati unga yuklangan asosiy vazifalarga muvofiq quyidagi funksiyalarni amalga oshiradi:

1) Vazirlik va uning rahbariyati faoliyatini tashkiliy va axborot-tahlil jihatidan taʼminlaydi;

2) hududiy boʻlinmalar va idoraviy mansub tashkilotlar tomonidan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Hukumat qarorlari bajarilishi ustidan muntazam nazoratni taʼminlaydi;

3) Oʻzbekiston Respublikasi xalq taʼlimi vaziri (keyingi oʻrinlarda Vazir deb ataladi) va uning oʻrinbosarlarining buyruqlari va farmoyishlari amalga oshirilishini oʻz vakolatlari doirasida tashkil etadi;

4) Vazirlik tomonidan Vazirlar Mahkamasiga va Oʻzbekiston Respublikasi Prezidenti Devoniga kiritiladigan hujjatlarning sifatli va oʻz vaqtida ishlab chiqilishini va ularning iqtisodiy, moliyaviy va huquqiy ekspertizadan oʻtkazilishini tashkil etadi;

5) hududiy boʻlinmalar va idoraviy mansub tashkilotlar faoliyati monitoringi olib borilishini tashkil etadi;

6) umumiy oʻrta va maktab tashqari taʼlimni rivojlantirish maqsadida ilmiy-tadqiqot ishlari olib borilishiga koʻmaklashadi;

7) Vazirlikning faoliyati, shu jumladan, qonun ijodkorligi sohasidagi faoliyati huquqiy taʼminlanishini tashkil etadi;

8) boshqaruv qarorlari qabul qilish maqsadida umumiy oʻrta va maktabdan tashqari taʼlim tendensiyalari toʻgʻrisida Vazirlik rahbariyati uchun axborotni toʻplaydi, umumlashtiradi va tahlil qiladi;

9) umumiy oʻrta va maktabdan tashqari taʼlim masalalari boʻyicha tadbirkorlik subyektlariga axborot, metodik, tashkiliy va maslahat yordami beradi;

10) Vazirlik vakolatiga tegishli operativ, tashkiliy, kadrlar, moliya, ishlab chiqarish-xoʻjalik masalalari va boshqa masalalar bilan shugʻullanadi;

11) Vazirlikning hududiy boʻlinmalari va idoraviy mansub tashkilotlari faoliyatini nazorat qiladi va tahlil etadi;

12) Vazirlikning hududiy boʻlinmalari va idoraviy mansub tashkilotlari bilan birgalikda oʻziga yuklangan vazifalar samarali bajarilishini taʼminlaydi;

13) davlat umumiy oʻrta va maktabdan tashqari taʼlim muassasalari faoliyatini muvofiqlashtiradi;

14) umumiy oʻrta va maktabdan tashqari taʼlim sohasida nodavlat taʼlim xizmatlari koʻrsatish faoliyatini amalga oshiradigan yuridik shaxslar bilan oʻzaro hamkorlik qiladi;

15) oʻquv-metodik majmualarni ishlab chiqish boʻyicha faoliyatni muvofiqlashtiradi va metodik ishlarni tashkil etadi;

16) umumiy oʻrta va maktabdan tashqari taʼlim sifati monitoringini olib boradi;

17) umumiy oʻrta va maktabdan tashqari taʼlim muassasalarida taʼlim berishning muqobil shakllarini rivojlantiradi;

18) imkoniyatlari cheklangan bolalar uchun ixtisoslashtirilgan taʼlim muassasalari faoliyatini muvofiqlashtiradi;

19) umumiy oʻrta taʼlim muassasalarida sogʻlom ovqatlanish tashkil etilishini muvofiqlashtiradi;

20) respublika budjetidan moliyalashtiriladigan idoraviy mansub tashkilotlarda moliya, buxgalteriya hisobi va hisobotini tashkil etadi;

21) Vazirlik tizimidagi tashkilotlarda ichki audit va moliyaviy nazoratni tashkil etadi va amalga oshiradi;

22) umumiy oʻrta va maktabdan tashqari taʼlim muassasalarini moddiy-texnik taʼminlashni tashkil etadi;

23) umumiy oʻrta va maktabdan tashqari taʼlim muassasalarining binolari va inshootlaridan joriy foydalanish boʻyicha ishlar monitoringini olib boradi va muvofiqlashtiradi;

24) jismoniy va yuridik shaxslarning murojaatlari bilan ishlashni tashkil etadi;

25) xorijiy investitsiyalar jalb etilishini va xalqaro hamkorlikni tashkil etadi.

14. Quyidagilar Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasining asosiy vazifalari hisoblanadi:

1) Vazirlikka yuklangan vazifalar va funksiyalar samarali bajarilishini taʼminlashda ishtirok etish;

2) Qoraqalpogʻiston Respublikasi Joʻqorgʻi Kengesi Raisi, viloyatlar va Toshkent shahri, tumanlar (shaharlar) hokimlari, prokuratura, ichki ishlar va davlat soliq xizmati hududiy organlari rahbarlari boshchilik qiladigan kompleks ijtimoiy-iqtisodiy rivojlantirish boʻyicha sektorlar (keyingi oʻrinlarda kompleks ijtimoiy-iqtisodiy rivojlantirish boʻyicha sektorlar deb ataladi) bilan hamkorlik qilish;

3) umumiy oʻrta va maktabdan tashqari taʼlim sohasida qonun hujjatlariga, normativ hujjatlarga rioya etilishi ustidan monitoring olib borish va nazorat qilish;

4) umumiy oʻrta va maktabdan tashqari taʼlim muassasalarida oʻquv-metodik faoliyatni muvofiqlashtirish va axborot-kommunikatsiya texnologiyalarini joriy etish;

5) imkoniyati cheklangan bolalar uchun ixtisoslashtirilgan taʼlim muassasalarida oʻquvchilarni reabilitatsiya qilish va maʼnaviy-axloqiy jihatdan tarbiyalash boʻyicha faoliyatni muvofiqlashtiradi;

6) nodavlat taʼlim xizmatlari koʻrsatish faoliyatini amalga oshiradigan yuridik shaxslarni qoʻllab-quvvatlash hamda umumiy oʻrta va maktabdan tashqari taʼlim muassasalarida taʼlim berishning muqobil shakllarini rivojlantirish;

7) xalq taʼlimi muassasalarida hamda uning hududiy boʻlinmalarida ichki audit va moliyaviy nazoratni tashkil etish hamda amalga oshirish.

15. Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi ularga yuklangan asosiy vazifalarga muvofiq quyidagi funksiyalarni amalga oshiradi:

1) Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi va ularning rahbariyati faoliyatini tashkiliy va axborot-tahliliy jihatdan taʼminlaydi;

2) tuman (shahar) xalq taʼlimi boʻlimlari tomonidan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Hukumat qarorlari va farmoyishlari, Vazirlikning buyruqlari bajarilishi ustidan muntazam nazorat qilinishini taʼminlaydi;

3) tuman (shahar) xalq taʼlimi boʻlimlari tomonidan kiritiladigan hujjatlarning sifatli va oʻz vaqtida qayta ishlanishini, ularning iqtisodiy, moliyaviy va huquqiy ekspertizadan oʻtkazilishini tashkil etadi;

4) tuman (shahar) xalq taʼlimi boʻlimlari faoliyatiga rahbarlik qiladi, muvofiqlashtiradi va nazorat qiladi;

5) tuman (shahar) xalq taʼlimi boʻlimlarining metodik faoliyatini muvofiqlashtiradi;

6) davlat umumiy oʻrta va maktabdan tashqari taʼlim muassasalari faoliyatini muvofiqlashtiradi;

7) umumiy oʻrta va maktabdan tashqari taʼlim sohasida nodavlat taʼlim xizmatlari koʻrsatish faoliyatini amalga oshiradigan yuridik shaxslar bilan oʻzaro hamkorlik qiladi;

8) nodavlat taʼlim xizmatlari koʻrsatish faoliyatini amalga oshiradigan yuridik shaxslarni qoʻllab-quvvatlashni amalga oshiradi hamda umumiy oʻrta va maktabdan tashqari taʼlim muassasalarida taʼlim berishning muqobil shakllarini rivojlantiradi;

9) viloyat darajasidagi budjetdan moliyalashtiriladigan idoraviy mansub tashkilotlar xarajatlarini moliyalashtirishni, buxgalteriya hisobi va hisobotini tashkil etadi;

10) umumiy oʻrta taʼlim muassasalarida sogʻlom ovqatlanishni taʼminlash boʻyicha tuman (shahar) xalq taʼlimi boʻlimlari faoliyatini muvofiqlashtiradi;

11) umumiy oʻrta taʼlim muassasalarida davlat taʼlim standartlarini, maktabdan tashqari taʼlim muassasalarida davlat talablarini bajarish monitoringi boʻyicha tuman (shahar) xalq taʼlimi boʻlimlari faoliyatini muvofiqlashtirishni amalga oshiradi;

12) umumiy oʻrta va maktabdan tashqari taʼlim muassasalarini moddiy-texnik taʼminlashni tashkil etadi;

13) tuman (shahar) xalq taʼlimi boʻlimlarini moddiy-texnik taʼminlashni tashkil etadi;

14) umumiy oʻrta va maktabdan tashqari taʼlim muassasalarining binolari va inshootlarini joriy taʼmirlash ishlari monitoringini olib boradi va muvofiqlashtiradi;

15) jismoniy va yuridik shaxslarning murojaatlari bilan ishlashni tashkil etadi;

16) vakolatiga tegishli tashkiliy, kadrlar, moliya, ishlab chiqarish-xoʻjalik masalalari va boshqa masalalar boʻyicha qarorlar qabul qiladi.

16. Quyidagilar tuman (shahar) xalq taʼlimi boʻlimlarining asosiy vazifalari hisoblanadi:

1) Vazirlikka yuklangan vazifalar va funksiyalar samarali bajarilishini taʼminlashda ishtirok etish;

2) umumiy oʻrta va maktabdan tashqari davlat taʼlim muassasalari faoliyatini tashkil etish sohasida kompleks ijtimoiy-iqtisodiy rivojlantirish boʻyicha sektorlar bilan oʻzaro hamkorlik qilish;

3) umumiy oʻrta va maktabdan tashqari taʼlim sohasidagi qonun hujjatlariga va normativ hujjatlarga rioya qilinishi monitoringini olib borish va nazorat qilish;

4) umumiy oʻrta va maktabdan tashqari taʼlim muassasalarida oʻquv-metodik faoliyatni muvofiqlashtirish va axborot-kommunikatsiya texnologiyalarini joriy etish;

5) imkoniyatlari cheklangan bolalar uchun ixtisoslashtirilgan taʼlim muassasalarida oʻquvchilarni reabilitatsiya qilish va maʼnaviy-axloqiy jihatdan tarbiyalash boʻyicha faoliyatini muvofiqlashtirish;

6) nodavlat taʼlim xizmatlari koʻrsatish faoliyatini amalga oshiradigan yuridik shaxslarni qoʻllab-quvvatlash hamda umumiy oʻrta va maktabdan tashqari taʼlim muassasalarida taʼlim berishning muqobil shakllarini rivojlantirish;

7) tuman (shahar) darajasidagi budjetdan moliyalashtiriladigan davlat umumiy oʻrta va maktabdan tashqari taʼlim muassasalari xarajatlarini moliyalashtirishni, ularda buxgalteriya hisobi va hisoboti yuritilishini tashkil etish.

17. Tuman (shahar) xalq taʼlimi boʻlimlari ularga yuklangan asosiy vazifalarga muvofiq quyidagi funksiyalarni amalga oshiradi:

1) tuman (shahar) xalq taʼlimi boʻlimlari va ularning rahbariyatini tashkiliy va axborot-tahlil jihatidan taʼminlaydi;

2) idoraviy mansub tashkilotlar tomonidan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Hukumat qarorlari va farmoyishlari, Vazirlikning buyruqlari bajarilishini muntazam nazorat qiladi;

3) tuman (shahar) xalq taʼlimi boʻlimlari tomonidan tumanlar (shaharlar) hokimliklariga kiritiladigan hujjatlarning sifatli va oʻz vaqtida qayta ishlanishini, ularning iqtisodiy, moliyaviy va huquqiy ekspertizadan oʻtkazilishini tashkil etadi;

4) umumiy oʻrta va maktabdan tashqari taʼlim muassasalari faoliyatiga rahbarlik qiladi, muvofiqlashtiradi va nazorat qiladi;

5) tuman (shahar) xalq taʼlimi boʻlimlari faoliyatini huquqiy taʼminlashni tashkil etadi;

6) umumiy oʻrta va maktabdan tashqari taʼlim sohasida nodavlat taʼlim xizmatlari koʻrsatish faoliyatini amalga oshiradigan yuridik shaxslar bilan oʻzaro hamkorlik qiladi;

7) nodavlat taʼlim xizmatlari koʻrsatish faoliyatini amalga oshiradigan yuridik shaxslarni qoʻllab-quvvatlashni amalga oshiradi hamda umumiy oʻrta va maktabdan tashqari taʼlim muassasalarida taʼlim berishning muqobil shakllarini rivojlantiradi;

8) tuman (shahar) darajasidagi budjetdan moliyalashtiriladigan umumiy oʻrta va maktabdan tashqari taʼlim muassasalari xarajatlarini moliyalashtirishni, ularda buxgalteriya hisobi va hisoboti yuritilishini tashkil etadi;

9) umumiy oʻrta taʼlim muassasalarida sogʻlom ovqatlanishni tashkil etadi;

10) maktabdan tashqari taʼlim muassasalarida davlat taʼlim standartlari va davlat talablarini bajarish monitoringini amalga oshiradi;

11) umumiy oʻrta va maktabdan tashqari taʼlim muassasalarini moddiy-texnik taʼminlashni tashkil etadi;

12) umumiy oʻrta va maktabdan tashqari taʼlim muassasalarining binolari va inshootlaridan foydalanish ishlari monitoringini olib boradi va muvofiqlashtiradi;

13) jismoniy va yuridik shaxslarning murojaatlari bilan ishlashni tashkil etadi;

14) tuman (shahar) xalq taʼlimi boʻlimlari vakolatiga tegishli boʻlgan operativ, tashkiliy, kadrlar, moliya, ishlab chiqarish-xoʻjalik masalalari va boshqa masalalar boʻyicha qaror qabul qiladi.

18. Vazirlik oʻziga yuklangan vazifalar va funksiyalarni amalga oshirish uchun quyidagi huquqlarga ega:

normativ-huquqiy hujjatlar loyihalarini, shuningdek, Vazirlikka yuklangan vazifalar va funksiyalarni bajarish bilan bogʻliq boʻlgan boshqa hujjatlarni belgilangan tartibda Vazirlar Mahkamasiga yoki Oʻzbekiston Respublikasi Prezidenti Devoniga kiritish;

Vazirlik vakolatiga kiradigan masalalarni hal etish uchun davlat va xoʻjalik boshqaruvi organlaridan, mahalliy davlat hokimiyati organlaridan zarur axborotni belgilangan tartibda soʻrash va olish;

Vazirlik vakolatiga kiradigan masalalar boʻyicha zarur statistik axborotni davlat statistika organlaridan bepul asosda olish;

Vazirlikning va unga idoraviy mansub tuzilmalarning davlat mulkini bir boʻlinmadan boshqasiga belgilangan tartibda berish;

Oʻzbekiston Respublikasining xalqaro shartnomalarini belgilangan tartibda ishlab chiqishda ishtirok etish, Vazirlik vakolatiga kiradigan masalalar boʻyicha idoralararo tusdagi xalqaro shartnomalarni belgilangan tartibda tuzish;

Vazirlik vakolatiga tegishli boʻlgan masalalar boʻyicha xalqaro darajada Oʻzbekiston Respublikasi manfaatlarini belgilangan tartibda ifodalash;

Vazirlik vakolatiga kiradigan masalalarda davlat va xoʻjalik boshqaruvi organlari, mahalliy davlat hokimiyati organlari faoliyatini belgilangan tartibda muvofiqlashtirish;

oʻz vakolatlari doirasida normativ-huquqiy hujjatlar qabul qilish, zarur hollarda davlat boshqaruvi boshqa organlari bilan birgalikda qarorlar va boshqa hujjatlarni birgalikda qabul qilish;

Vazirlik va unga idoraviy mansub tashkilotlar xodimlarini ular tomonidan tegishli sohada ular faoliyatining asosiy koʻrsatkichlari parametrlari bajarilishini hisobga olgan holda moddiy ragʻbatlantirish tartibi, miqdorlari va shartlarini belgilash;

oʻz vakolatlari doirasida xalqaro va xorijiy tashkilotlar bilan hamkorlik qilish;

Vazirlik faoliyatini keng yoritish maqsadida ijtimoiy tarmoqlarda rasmiy veb-saytlar, shuningdek, sahifalar yaratish;

oʻz vakolatlari doirasida konferensiyalar, seminarlar, simpoziumlar, koʻrgazmalar, yarmarkalar oʻtkazish, shuningdek, boshqa tashkilotlar tomonidan tashkil etilgan shunga oʻxshash tadbirlarda ishtirok etish;

oʻz vakolatiga kiradigan masalalar boʻyicha metodik materiallar va tavsiyalar ishlab chiqish;

Vazirlik vakolatiga kiradigan masalalar boʻyicha hayʼat majlislarida hududiy boʻlinmalar rahbarlarining hisobotlarini eshitish;

xalq taʼlimi toʻgʻrisidagi qonun hujjatlarining davlat muassasalari va umumiy oʻrta va maktabdan tashqari taʼlim sohasida nodavlat taʼlim xizmatlari koʻrsatish faoliyatini amalga oshiradigan yuridik shaxslar tomonidan ijro etilishining nazoratini amalga oshirish;

xalq taʼlimi tizimini rivojlantirish bilan bogʻliq dolzarb va istiqbolli muammolarni ishlab chiqish boʻyicha ishchi guruhlar tashkil etish;

oʻquv dasturlari, darsliklar, oʻquv qoʻllanmalari va metodik materiallar toʻgʻrisida xulosalar tayyorlash;

noshirlik faoliyati bilan shugʻullanish.

Vazirlik qonun hujjatlariga muvofiq boshqa huquqlarga ham ega boʻlishi mumkin.

19. Vazirlik:

Vazirlikka yuklangan vazifalar va funksiyalarning samarali bajarilishi, shuningdek, xalq taʼlimi sohasidagi davlat siyosatining samarali amalga oshirilishi;

Vazirlik faoliyati bilan bogʻliq prognoz koʻrsatkichlariga soʻzsiz erishilishini taʼminlash;

Vazirlar Mahkamasiga va Oʻzbekiston Respublikasi Prezidenti Devoniga kiritiladigan normativ-huquqiy hujjatlar va boshqa hujjatlar loyihalari, shuningdek, Vazirlik tomonidan qabul qilinadigan buyruqlar amalga oshirilishining sifati, pirovard natijalari va oqibatlari;

xalq taʼlimi sohasini rivojlantirish, shuningdek, xalq taʼlimi sohasida hududlarni ijtimoiy-iqtisodiy rivojlantirish va ulardagi muammoli masalalarni hal qilish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarning samarali amalga oshirilishi uchun javob beradi.

20. Vazirlikning markaziy apparati oʻziga yuklangan vazifalar va funksiyalarni amalga oshirish uchun:

tahlil qilish va qayta ishlash uchun zarur boʻlgan xalq taʼlimi masalalari boʻyicha materiallar va maʼlumotlarni Vazirlikning hududiy boʻlinmalaridan va idoraviy mansub tashkilotlaridan soʻrash va olish;

Vazirlikda koʻrib chiqiladigan xalq taʼlimi masalalarini ishlab chiqish, axborot va tahliliy materiallarni, shuningdek, normativ-huquqiy hujjatlar va boshqa hujjatlar loyihalarini tayyorlash uchun zarur boʻlganda Vazirlikning hududiy boʻlinmalari va idoraviy mansub tashkilotlari rahbarlari hamda vakillarini belgilangan tartibda jalb qilish, shu maqsadda ekspert va ishchi guruhlar tashkil etish;

Vazirlikning hududiy boʻlinmalari va idoraviy mansub tashkilotlaridan oʻzlari tomonidan kiritilgan xalq taʼlimi boʻyicha normativ-huquqiy hujjatlar va boshqa hujjatlar loyihalarini puxta ishlashni talab qilish, zarurat boʻlganda ularni qayta ishlash uchun qaytarish;

Vazirlikning hududiy boʻlinmalari va idoraviy mansub tashkilotlari rahbarlari hamda vakillari ishtirokida yigʻilishlar oʻtkazish;

Vazirlikning hududiy boʻlinmalari va idoraviy mansub tashkilotlari rahbarlariga tezlikda hal qilinishi talab etiladigan va Vazirlikka yuklangan vazifalar hamda funksiyalarni bajarish bilan bogʻliq masalalar yuzasidan topshiriqlar berish;

qabul qilingan normativ-huquqiy hujjatlar, Oʻzbekiston Respublikasi Prezidenti va Vazirlar Mahkamasining topshiriqlari, shuningdek, Vazirlikning buyruqlari Vazirlikning hududiy boʻlinmalari va idoraviy mansub tashkilotlari tomonidan bajarilishi yuzasidan ularning faoliyatini belgilangan tartibda oʻrganish va tekshirish huquqiga ega.

Vazirlikning markaziy apparati qonun hujjatlariga muvofiq boshqa huquqlarga ham ega boʻlishi mumkin.

21. Vazirlikning markaziy apparati:

hududiy boʻlinmalar va idoraviy mansub tashkilotlar bilan birgalikda Vazirlikka yuklangan vazifalar va funksiyalarning sifatli va oʻz vaqtida bajarilishini taʼminlash;

Vazirlik faoliyati bilan bogʻliq prognoz koʻrsatkichlariga erishishni taʼminlash boʻyicha Vazirlik markaziy apparati boʻlinmalarining ishini tashkil etish;

Vazirlik tomonidan koʻrib chiqish uchun Vazirlar Mahkamasi va Oʻzbekiston Respublikasi Prezidenti Devoniga kiritiladigan normativ-huquqiy hujjatlar va boshqa hujjatlar loyihalari, shuningdek, Vazirlik tomonidan qabul qilinadigan buyruqlarning tayyorlanishi sifati va ekspertizadan oʻtkazilishi;

xalq taʼlimini rivojlantirish, shuningdek, xalq taʼlimi sohasida hududlarni ijtimoiy-iqtisodiy rivojlantirish va ulardagi muammoli masalalarni hal qilish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlar hududiy boʻlinmalar va idoraviy mansub tashkilotlar tomonidan amalga oshirilishini tashkil etish uchun javob beradi.

22. Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi ularga yuklangan vazifalar va funksiyalarni amalga oshirish uchun:

davlat va xoʻjalik boshqaruvi organlari, mahalliy davlat hokimiyati organlari hududiy boʻlinmalaridan oʻz vakolatiga kiradigan masalalarni hal qilish uchun zarur boʻlgan axborotni belgilangan tartibda soʻrash va olish;

xalq taʼlimi sohasining eng muhim muammolarini ishlab chiqish va koʻrib chiqish boʻyicha hududiy darajada idoralararo komissiyalar va kengashlar tuzish;

xalq taʼlimi tuman (shahar) boʻlimlari faoliyatini muvofiqlashtirish va nazorat qilish;

Vazirlik vakolatiga kiradigan masalalar boʻyicha davlat va xoʻjalik boshqaruvi organlari, mahalliy davlat hokimiyati organlarining koʻrib chiqishi uchun takliflar kiritish huquqiga ega.

Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi qonun hujjatlariga muvofiq boshqa huquqlarga ham ega boʻlishi mumkin.

23. Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi:

Vazirlikka yuklangan vazifalar va funksiyalar sifatli va oʻz vaqtida bajarilishini taʼminlash;

Vazirlikning hududiy organlari faoliyati bilan bogʻliq boʻlgan prognoz koʻrsatkichlariga erishishni taʼminlash;

Vazirlikka kiritilayotgan hujjatlar loyihalari va takliflar, shuningdek, Vazirlikning hududiy organlari tomonidan qabul qilinadigan qarorlarning amalga oshirilishi sifati, pirovard natijalari va oqibatlari;

tumanlarda (shaharlarda) aniqlangan muammolarni har tomonlama va chuqur tahlil qilish hamda umumlashtirish asosida xalq taʼlimi sohasini Qoraqalpogʻiston Respublikasi, viloyatlar va Toshkent shahrida rivojlantirishga doir takliflarni tayyorlash;

xalq taʼlimi sohasini rivojlantirish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarning Qoraqalpogʻiston Respublikasi, viloyatlar va Toshkent shahrida samarali amalga oshirilishi, muammoli masalalar hal etilishi uchun javob beradi.

24. Tuman (shahar) xalq taʼlimi boʻlimlari ularga yuklangan vazifalar va funksiyalarni amalga oshirish uchun:

davlat va xoʻjalik boshqaruvi organlari, mahalliy davlat hokimiyati organlari tuman (shahar) boʻlinmalaridan oʻz vakolatiga kiradigan masalalarni hal qilish uchun zarur boʻlgan axborotni belgilangan tartibda soʻrash va olish;

umumiy oʻrta va maktabdan tashqari taʼlim muassasalari faoliyatini muvofiqlashtirish va ularga rahbarlik qilish;

oʻz vakolatiga kiradigan masalalar yuzasidan takliflarni koʻrib chiqish uchun Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasiga, mahalliy davlat hokimiyati organlariga kiritish huquqiga ega.

Tuman (shahar) xalq taʼlimi boʻlimlari qonun hujjatlariga muvofiq boshqa huquqlarga ham ega boʻlishi mumkin.

25. Tuman (shahar) xalq taʼlimi boʻlimlari:

tuman (shahar) xalq taʼlimi boʻlimlariga yuklangan vazifalar va funksiyalar sifatli va oʻz vaqtida bajarilishini taʼminlash;

Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasiga kiritiladigan hujjatlar loyihalari va takliflar, shuningdek, tuman (shahar) xalq taʼlimi boʻlimlari tomonidan qabul qilinadigan qarorlarning sifati, pirovard natijalari va oqibatlari;

xalq taʼlimi sohasida dolzarb muammolarni, aholini tashvishga solayotgan masalalarni, shuningdek, tumanda (shaharda) xalq taʼlimini rivojlantirishga toʻsqinlik qilayotgan tizimli kamchiliklarni aniqlash, xalq taʼlimi masalalariga oid qismi boʻyicha tumanni (shaharni) rivojlantirish dasturiga kiritish uchun takliflar tayyorlash va kiritish;

xalq taʼlimi sohasini rivojlantirish, muammoli masalalarni hal qilish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarning tumanlarda (shaharlarda) samarali amalga oshirilishi uchun javob beradi.

26. Quyidagilar Vazirning asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

2) Vazirlikning faoliyatiga umumiy rahbarlik qilish, Oʻzbekiston Respublikasi Prezidenti, Vazirlar Mahkamasining qarorlari va boshqa qonun hujjatlari bilan Vazirlikka yuklangan vazifalar va funksiyalar bajarilishini tashkil etish;

3) Oʻzbekiston Respublikasi Prezidenti va Vazirlar Mahkamasining qarorlari bilan tasdiqlangan Vazirlik faoliyatini yanada takomillashtirish boʻyicha kompleks dasturlar va tadbirlar ijrosini tanqidiy va chuqur tahlil qilish;

4) Vazirlik, uning hududiy boʻlinmalari va idoraviy mansub tashkilotlari faoliyati bilan bogʻliq prognoz koʻrsatkichlariga erishishni soʻzsiz taʼminlash boʻyicha amaliy chora-tadbirlarni ishlab chiqish va qabul qilish;

5) Oʻzbekiston Respublikasi Prezidenti Devoni xizmatlari va Vazirlar Mahkamasi komplekslari, shuningdek, tegishli vazirliklar va idoralar bilan hamkorlik qilish, Vazirlar Mahkamasi va uning Rayosati majlislarida masalalarni koʻrib chiqishda ishtirok etish;

6) Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari topshiriqlarini bajarish;

7) oʻz oʻrinbosarlari vakolatlarini belgilash, ular oʻrtasida vazifalarni taqsimlash, Vazirlikning boshqa mansabdor shaxslari vakolatlarini belgilash, Vazirlik faoliyatining alohida uchastkalariga rahbarlik qilish uchun oʻz oʻrinbosarlari va boshqa mansabdor shaxslarning shaxsiy masʼuliyati darajasini belgilash;

8) Vazirlik faoliyati rejalashtirilishini tashkil etish, Vazirlik va oʻz oʻrinbosarlarining har choraklik ish rejalarini tasdiqlash, ularning bajarilishi ustidan nazoratni taʼminlash;

9) Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini tashkil etish va monitoring olib borishning amaliy tizimini yaratish, Vazirlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq hududiy boʻlinmalar, shuningdek, idoraviy mansub tashkilotlar rahbarlarining shaxsiy masʼuliyatini oshirish chora-tadbirlarini koʻrish;

10) Vazirlik xodimlarini tizimli qayta tayyorlashni va ularning malakasini oshirishni tashkil etish;

11) Vazirlik tizimida kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, Vazirlikning kadrlar zaxirasini shakllantirish;

12) Oʻzbekiston Respublikasi Prezidenti, Oʻzbekiston Respublikasi Prezidenti Devoni va Vazirlar Mahkamasi nomenklaturasiga kiradigan boʻsh lavozimlarga taklif etilgan kadrlarning, shuningdek, Vazirlikka ishga qabul qilinayotgan boshqa kadrlarning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash;

13) faoliyat sohasi masalalari boʻyicha normativ-huquqiy hujjatlar loyihalari sifatli ishlab chiqilishini, ular “Normativ-huquqiy hujjatlar toʻgʻrisida”, “Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida”gi Oʻzbekiston Respublikasi qonunlari, Vazirlar Mahkamasining 2005-yil 14-fevraldagi 62-son qarori bilan tasdiqlangan Oʻzbekiston Respublikasi Vazirlar Mahkamasining Reglamenti (keyingi oʻrinlarda Vazirlar Mahkamasining Reglamenti deb ataladi) va Oʻzbekiston Respublikasi Prezidentining 2017-yil 28-iyuldagi PQ-3161-son qarori bilan tasdiqlangan Oʻzbekiston Respublikasi Prezidenti Devonining Reglamenti (keyingi oʻrinlarda Oʻzbekiston Respublikasi Prezidenti Devonining Reglamenti deb ataladi) talablariga qatʼiy muvofiq ravishda oʻz vaqtida kiritilishini tashkil etish, ularning Vazirlar Mahkamasi apparatida puxta ishlanishida, Vazirlar Mahkamasi rahbariyati huzurida himoya qilinishi va Oʻzbekiston Respublikasi Prezidenti Devonida koʻrib chiqilishida ishtirok etish;

14) “Normativ-huquqiy hujjatlar toʻgʻrisida”, “Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida”gi Oʻzbekiston Respublikasi qonunlariga va Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihasi faoliyatining Namunaviy reglamentiga muvofiq Vazirlikning qonun loyihalarini tayyorlash faoliyatini tashkil etish;

15) Vazirlikka taqdim etilgan takliflar va normativ-huquqiy hujjatlar loyihalari toʻliq va oʻz vaqtida koʻrib chiqilishini taʼminlash, ularni puxta huquqiy, moliyaviy, iqtisodiy ekspertizadan va boshqa ekspertizadan oʻtkazish, shuningdek, Oʻzbekiston Respublikasi Prezidenti Devonining Reglamenti va Oʻzbekiston Respublikasi Vazirlar Mahkamasining Reglamentida belgilangan muddatlarda ularni kelishish (viza qoʻyish);

16) Vazirlik rahbarlari va xodimlari xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

17) oʻz oʻrinbosarlari va hududiy boʻlinmalar, shuningdek, idoraviy mansub tashkilotlar rahbarlari faoliyati samaradorligini va natijadorligini muntazam tanqidiy tahlil qilish, Vazirlik hayʼati majlislarida ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

18) Vazirlik xodimlarini ragʻbatlantirish va intizomiy javobgarlikka tortish masalalarini hal qilish, oʻz oʻrinbosarlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimda qolishining maqsadga muvofiqligiga doir masalalarni koʻrib chiqish toʻgʻrisida takliflar kiritish, ularning shaxsiy masʼuliyatini oshirishga doir tizimli chora-tadbirlarni amalga oshirish;

19) Vazirlik xodimlari tomonidan Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan Vazirlik xodimlarining odob-axloq qoidalari (keyingi oʻrinlarda Vazirlik xodimlarining odob-axloq qoidalari deb ataladi) talablariga rioya etilishini taʼminlash;

20) “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Vazirlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

21) Vazirlik va uning hududiy boʻlinmalari, shuningdek idoraviy mansub tashkilotlar ishini tashkil etishning zamonaviy shakllari joriy etilishini taʼminlash;

22) aholi va tadbirkorlik subyektlari bilan hamkorlik qilishda, shu jumladan, “yagona darcha” prinsipini joriy etish orqali davlat xizmatlari sifati va samaradorligini hamda ulardan erkin foydalanishni oshirish hamda “Elektron hukumat toʻgʻrisida”gi Oʻzbekiston Respublikasi Qonunini amalga oshirish doirasida zamonaviy axborot-kommunikatsiya texnologiyalaridan foydalanish;

23) jismoniy va yuridik shaxslarning murojaatlarini koʻrib chiqishga doir samarali ishlarni tashkil etish, aholi bilan toʻgʻridan toʻgʻri va ochiq muloqotni yoʻlga qoʻyish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

24) Oʻzbekiston Respublikasi Prezidentining Xalq qabulxonalari bilan samarali hamkorlikni, ularning faoliyatida Vazirlik xodimlari va rahbarlarining faol ishtirok etishini tashkil etish, jismoniy va yuridik shaxslarning Oʻzbekiston Respublikasi Prezidenti Virtual qabulxonasidan tushgan murojaatlari oʻz vaqtida va toʻliq koʻrib chiqilishini taʼminlash;

25) davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

26) Markaziy apparat va hududiy boʻlinmalar toʻgʻrisidagi nizomni, Vazirlik tizimiga kiradigan idoraviy mansub tashkilotlarning ustavlarini belgilangan tartibda tasdiqlash;

27) Vazirlik faoliyatiga umumiy rahbarlik qilish;

28) Vazirlik markaziy apparati xodimlarini, hududiy boʻlinmalar, shuningdek, idoraviy mansub tashkilotlar rahbarlarini qonun hujjatlarida belgilangan tartibda lavozimga tayinlash va lavozimdan ozod etish;

29) Vazirlik markaziy apparati, hududiy boʻlinmalar, idoraviy mansub tashkilotlar mansabdor shaxslari bajarishi majburiy boʻlgan buyruqlar chiqarish va koʻrsatmalar berish, shuningdek, ularning ijrosini belgilangan tartibda nazorat qilish;

30) Vazirlik markaziy apparati, hududiy boʻlinmalar, idoraviy mansub tashkilotlar tuzilmasi va shtat jadvalini Vazirlar Mahkamasi tomonidan tasdiqlangan xodimlarning soni doirasida tasdiqlash.

27. Quyidagilar Vazir oʻrinbosarlarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

2) Vazir vaqtincha boʻlmaganda tegishli buyruq asosida uning vazifalarini bajarish;

3) Vazirlikning mutasaddilik qilinadigan tarkibiy boʻlinmalari faoliyatini muvofiqlashtirish, nazorat qilish va ularga bevosita rahbarlik qilish, ularning xodimlari oʻrtasida vazifalarni taqsimlash;

4) Vazirlik faoliyatining mutasaddilik qilinadigan yoʻnalishlari boʻyicha Oʻzbekiston Respublikasi Prezidenti va Vazirlar Mahkamasining qarorlari bilan tasdiqlangan Vazirlik faoliyatini yanada takomillashtirish boʻyicha konsepsiyalar, kompleks dasturlar va kompleks tadbirlar ijrosini tanqidiy va chuqur tahlil qilish;

5) mutasaddilik qilinadigan tarkibiy boʻlinmalar tomonidan prognoz koʻrsatkichlariga erishishni soʻzsiz taʼminlash chora-tadbirlarini koʻrish, boʻlinmalar rahbarlarining hisobotlarini muntazam eshitish va ushbu koʻrsatkichlarga erishish uchun ularning shaxsiy javobgarligini oshirish;

6) mutasaddilik qilinadigan tarkibiy boʻlinmalar rahbarlarining har choraklik rejalarini tasdiqlash, ular bajarilishi ustidan nazoratni taʼminlash;

7) Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini taʼminlash, Vazirlikning mutasaddilik qilinadigan tarkibiy boʻlinmalarida ijro intizomi boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlar oʻz vaqtida va sifatli ijro etilishi uchun tarkibiy boʻlinmalar rahbarlarining shaxsiy masʼuliyatini oshirish chora-tadbirlarini koʻrish;

8) Vazirlik hayʼati, Vazirning buyruqlari va topshiriqlari oʻz vaqtida va sifatli bajarilishini taʼminlash;

9) mutasaddilik qilinadigan tarkibiy boʻlinmalarda kadrlarni tanlash va joy-joyiga qoʻyish boʻyicha Vazirga takliflar taqdim etish, ularning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash, ularning kasbiy malakasini oshirish chora-tadbirlarini koʻrish, mutasaddilik qilinadigan boʻlinmalarda kadrlar zaxirasini shakllantirish;

10) normativ-huquqiy hujjatlar loyihalari mutasaddilik qilinadigan boʻlinmalar tomonidan sifatli ishlab chiqilishini tashkil etish, Vazirlikning mutasaddilik qilinadigan tarkibiy boʻlinmalarida tayyorlangan hujjatlar loyihalarini koʻrib chiqish va ular keyinchalik Vazir tomonidan koʻrib chiqilishi, imzolanishi (viza qoʻyilishi) uchun viza qoʻyish, ularning Oʻzbekiston Respublikasi Prezidenti Devoni Reglamenti talablariga qatʼiy muvofiq ravishda Vazirlar Mahkamasiga oʻz vaqtida kiritilishini taʼminlash, shuningdek, Vazirlar Mahkamasi apparatida normativ-huquqiy hujjatlar loyihalarini ishlab chiqishda Vazirning topshirigʻiga binoan ishtirok etish;

11) Vazirlikka taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish, ularni puxta moliyaviy, iqtisodiy va huquqiy ekspertizadan va boshqa ekspertizadan oʻtkazish;

12) xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish chora-tadbirlari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3137-son qarorlari talablariga toʻliq muvofiq amalga oshirish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

13) mutasaddilik qilinadigan tarkibiy boʻlinmalar rahbarlari va xodimlari faoliyati samaradorligi va natijadorligini muntazam tanqidiy tahlil qilish, Vazirlik hayʼati majlislarida ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

14) xalq taʼlimi sohasiga tegishli masalalar boʻyicha Vazirlik faoliyatini takomillashtirishga doir amaliy chora-tadbirlar koʻrish, xalq taʼlimi sohasidagi qonun hujjatlarini takomillashtirish boʻyicha takliflar ishlab chiqish va ularni Vazirga kiritish;

15) mutasaddilik qilinadigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimida qolishi maqsadga muvofiqligiga masalasini koʻrib chiqish boʻyicha takliflarni Vazirga kiritish, funksional vazifalar va yuklangan vazifalar bajarilishi uchun ularning shaxsiy masʼuliyatini oshirish boʻyicha tizimli chora-tadbirlar koʻrish;

16) Vazirlik xodimlarining Odob-axloq qoidalari talablariga rioya qilishini, mutasaddilik qilinadigan tarkibiy boʻlinmalar rahbarlari va xodimlarining ushbu qoidalarga rioya etishini taʼminlash;

17) huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq korrupsiya va boshqa huquqbuzarliklarning oldini olish choralarini koʻrish, shuningdek, ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

18) davlat xizmatlari samaradorligi, sifati va ulardan erkin foydalanishni oshirishga doir takliflarni Vazirga kiritish;

19) “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy va yuridik shaxslarning murojaatlarini koʻrib chiqish boʻyicha samarali ishlarni tashkil etish, aholi bilan toʻgʻridan toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

20) Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslar vakillarining Oʻzbekiston Respublikasi Prezidentining Virtual qabulxonasidan tushgan murojaatlari oʻz vaqtida va toʻlaqonli koʻrib chiqilishini taʼminlash;

21) davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

28. Quyidagilar Vazirlik markaziy apparati tarkibiy boʻlinmalari rahbarlarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

2) tarkibiy boʻlinmalar faoliyatiga bevosita rahbarlik qilish, ushbu boʻlinmalarga yuklangan vazifalar va funksiyalar bajarilishini tashkil etish;

3) tegishli tarkibiy boʻlinmalar va idoraviy mansub tashkilotlar faoliyatini oʻz vakolatlari doirasida muvofiqlashtirish;

4) prognoz koʻrsatkichlarining bajarilishini muntazam tahlil qilish hamda tarkibiy boʻlinmalar ushbu koʻrsatkichlarga soʻzsiz erishishini taʼminlashga qaratilgan qoʻshimcha chora-tadbirlar koʻrish boʻyicha takliflarni Vazirning mutasaddilik qiladigan oʻrinbosarlariga kiritish;

5) Oʻzbekiston Respublikasi Prezidenti va Vazirlar Mahkamasi qarorlari va topshiriqlari ijrosini taʼminlash, Vazirlik tarkibiy boʻlinmalari xodimlarining ijro intizomini mustahkamlash boʻyicha kompleks amaliy chora-tadbirlarni amalga oshirish, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun tarkibiy boʻlinmalar xodimlarining shaxsiy masʼuliyatini oshirish chora-tadbirlarini koʻrish;

6) Vazirlik hayʼati qarorlari, Vazir va uning oʻrinbosarlari buyruqlari hamda topshiriqlari oʻz vaqtida va sifatli bajarilishini taʼminlash;

7) tarkibiy boʻlinmalarning har choraklik ish rejalari ishlab chiqilishini taʼminlash, ularni tasdiqlash uchun kiritish, ularda koʻrsatilgan vazifalar va tadbirlar oʻz vaqtida va sifatli bajarilishini taʼminlash;

8) tarkibiy boʻlinmalarga yuklangan vazifalar bajarilishini nazorat qilish va muvofiqlashtirish, hududiy boʻlinmalar va idoraviy mansub tashkilotlar faoliyatiga amaliy va metodik yordam koʻrsatish;

9) tarkibiy boʻlinmalar faoliyatiga oid masalalar yuzasidan qonun hujjatlarini takomillashtirish boʻyicha takliflarni ishlab chiqish va ularni koʻrib chiqish uchun Vazirlik rahbariyatiga kiritish;

10) tarkibiy boʻlinmalarda kadrlarni tanlash va joy-joyiga qoʻyishda Vazir oʻrinbosarlariga takliflar taqdim etish, professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash, ularning kasb malakasini oshirish choralarini koʻrish, tarkibiy boʻlinmalarda kadrlar zaxirasini shakllantirish;

11) normativ-huquqiy hujjatlar loyihalari tarkibiy boʻlinmalar tomonidan sifatli ishlab chiqilishini tashkil etish, Vazirlikning tarkibiy boʻlinmalarida tayyorlangan hujjatlar loyihalarini keyinchalik Vazirlik rahbariyati tomonidan koʻrib chiqish, imzolash (viza qoʻyish), uchun koʻrib chiqish va viza qoʻyish, ularning Oʻzbekiston Respublikasi Prezidenti Devonining Reglamenti va Vazirlar Mahkamasi Reglamenti talablariga qatʼiy muvofiq ravishda Vazirlar Mahkamasiga oʻz vaqtida kiritilishini taʼminlash, Vazirlik rahbariyatining topshirigʻi boʻyicha normativ-huquqiy hujjatlar loyihalarini Vazirlar Mahkamasi apparatida ishlab chiqishda ishtirok etish;

12) Vazirlikka taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish, ularni puxta moliyaviy, iqtisodiy, huquqiy ekspertizadan va boshqa ekspertizadan oʻtkazish;

13) xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish chora-tadbirlari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq amalga oshirish, xizmat safarlari asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

14) tarkibiy boʻlinmalar xodimlari faoliyati samaradorligi va natijadorligini muntazam ravishda tanqidiy tahlil qilish, yigʻilishlarda ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

15) Vazirlik xodimlarining Odob-axloq qoidalari talablariga rioya qilishini, tarkibiy boʻlinmalar xodimlari ushbu qoidalarga rioya etishini taʼminlash;

16) “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Vazirlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

17) davlat xizmatlarining samaradorligi, sifati va ulardan erkin foydalanishni oshirishga doir takliflarni Vazirlik rahbariyatiga kiritish;

18) jismoniy va yuridik shaxslarning murojaatlarini koʻrib chiqish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni bilan belgilangan muddatlarda va tartibda aholi bilan toʻgʻridan toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

19) Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan tushgan murojaatlarini oʻz vaqtida va toʻlaqonli koʻrib chiqish;

20) davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

29. Quyidagilar Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi rahbarlarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

2) Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi faoliyatiga umumiy rahbarlik qilish, Oʻzbekiston Respublikasi Prezidenti, Vazirlar Mahkamasining tegishli qarorlari va boshqa qonun hujjatlari va Vazirlik buyruqlari bilan ularga yuklangan vazifalar va funksiyalar bajarilishini tashkil etish;

3) hududiy boʻlinmalar faoliyati bilan bogʻliq prognoz koʻrsatkichlariga erishishni soʻzsiz taʼminlash boʻyicha amaliy chora-tadbirlarni ishlab chiqish va qabul qilish;

4) Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini taʼminlash, ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun hududiy boʻlinmalar xodimlarining shaxsiy masʼuliyatini oshirish chora-tadbirlarini koʻrish;

5) Vazirlik hayʼati qarorlari, Vazir va uning oʻrinbosarlarining buyruqlari va topshiriqlari oʻz vaqtida va sifatli bajarilishini taʼminlash;

6) xalq taʼlimi sohasiga kiradigan masalalar yuzasidan mahalliy davlat hokimiyati organlari va kompleks ijtimoiy-iqtisodiy rivojlantirish boʻyicha sektorlar bilan hamkorlik qilish;

7) oʻz oʻrinbosarlari vakolatlarini belgilash, ular oʻrtasida vazifalarni taqsimlash, hududiy boʻlinmalarning boshqa mansabdor shaxslari vakolatlarini belgilash, Vazirlik hududiy boʻlinmalari faoliyatining alohida uchastkalariga rahbarlik qilish uchun oʻz oʻrinbosarlari va boshqa mansabdor shaxslarning shaxsiy javobgarligi darajasini belgilash;

8) Vazirlikning hududiy boʻlinmalari faoliyatini rejalashtirishni tashkil etish, Vazirlikning hududiy boʻlinmalari va oʻz oʻrinbosarlarining har choraklik ish rejalarini tasdiqlash, ularning bajarilishi ustidan nazoratni taʼminlash;

9) Vazirlik hududiy boʻlinmalarida kadrlarni tanlash va joy-joyiga qoʻyish, ularning samarali faoliyat koʻrsatishi uchun zarur shart-sharoitlar yaratish, hududiy boʻlinmalar kadrlar zaxirasini shakllantirish;

10) Vazir nomenklaturasiga kiradigan boʻsh lavozimlarga taklif etilgan kadrlarning, shuningdek, hududiy boʻlinmalarga ishga qabul qilinayotgan boshqa kadrlarning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash;

11) hududiy boʻlinmalar xodimlarini, oʻz oʻrinbosarlarini ragʻbatlantirish va intizomiy javobgarlikka tortish masalalarini hal qilish, shu jumladan, ular egallab turgan lavozimda qolishi maqsadga muvofiqligiga doir masalalarni koʻrib chiqish, ularning shaxsiy masʼuliyatini oshirish boʻyicha muntazam chora-tadbirlar koʻrish;

12) hududiy boʻlinmalar xodimlari tomonidan Vazirlik xodimlarining Odob-axloq qoidalari talablariga rioya etishini taʼminlash;

13) huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali hududiy boʻlinmalar tizimida “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq korrupsiya va boshqa huquqbuzarliklarning oldini olish choralarini koʻrish, shuningdek, ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

14) prognoz koʻrsatkichlarining bajarilishini muntazam tahlil qilish hamda hududiy boʻlinmalar tomonidan ushbu koʻrsatkichlarga soʻzsiz erishishni taʼminlashga qaratilgan qoʻshimcha chora-tadbirlar koʻrish boʻyicha takliflarni Vazirning mutasaddilik qiladigan oʻrinbosarlariga kiritish;

15) hududiy boʻlinmalar xodimlari faoliyatining samaradorligi va natijadorligini tizimli ravishda tanqidiy tahlil qilish, yigʻilishlarda ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

16) hududiy boʻlinmalar faoliyatiga oid masalalar boʻyicha qonun hujjatlarini takomillashtirish, shuningdek, davlat xizmatlari samaradorligi, sifati va ulardan erkin foydalanishni oshirish boʻyicha takliflarni ishlab chiqish hamda ularni koʻrib chiqish uchun Vazirlik rahbariyatiga kiritish;

17) Vazirlikning tuman (shahar) boʻlinmalari va hududiy boʻlinmalar tarkibiga kiradigan tashkilotlar faoliyatini muvofiqlashtirish va nazorat qilish;

18) jismoniy va yuridik shaxslarning murojaatlarini koʻrib chiqish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni bilan belgilangan muddatlarda va tartibda aholi bilan toʻgʻridan toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslarning vakillarini muntazam ravishda shaxsan qabul qilish, shu jumladan, joylarga borib qabul qilish;

19) Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan tushgan murojaatlarini oʻz vaqtida va toʻlaqonli koʻrib chiqish;

20) hududiy boʻlinmalar xodimlari lavozim maoshiga mukofotlar, ustamalar toʻlash, ularga moddiy yordam berish, ularni mukofotlash, ragʻbatlantirish va ularga intizomiy chora qoʻllash toʻgʻrisida qaror qabul qilish, ularni davlat mukofotlari va idoraviy mukofotlar bilan taqdirlash toʻgʻrisidagi takliflarni Vazirlikka kiritish;

21) davlat sirini yoki qonun bilan qoʻriqlanadigan boshqa sirni tashkil etuvchi maʼlumotlarning himoya qilinishini taʼminlash.

30. Quyidagilar tuman (shahar) xalq taʼlimi boʻlimlari rahbarlarining asosiy funksional vazifalari hisoblanadi:

1) Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

2) tuman (shahar) boʻlinmasiga rahbarlik qilish;

3) faoliyatning ayrim yoʻnalishlari boʻyicha xodimlar oʻrtasida funksional vazifalarni taqsimlash va ularning javobgarligi darajasini belgilash;

4) umumiy oʻrta va maktabdan tashqari taʼlim muassasalari faoliyatiga bevosita rahbarlik qilish, ushbu boʻlinmalarga yuklangan vazifalar va funksiyalar bajarilishini tashkil etish;

5) Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini taʼminlash, ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari, shuningdek, barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son qaroriga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun umumiy oʻrta va maktabdan tashqari taʼlim muassasalari xodimlarining shaxsiy masʼuliyatini oshirish chora-tadbirlarini koʻrish;

6) Vazirlik hayʼati qarorlari, Vazir va uning oʻrinbosarlari, Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi rahbarlarining buyruqlari va topshiriqlari oʻz vaqtida va sifatli bajarilishini taʼminlash;

7) xalq taʼlimi sohasiga kiradigan masalalar yuzasidan mahalliy davlat hokimiyati organlari va kompleks ijtimoiy-iqtisodiy rivojlantirish boʻyicha sektorlar bilan hamkorlik qilish;

8) tuman (shahar) xalq taʼlimi boʻlimida kadrlarni tanlash va joy-joyiga qoʻyishda Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi rahbarlariga, ularning oʻrinbosarlariga takliflar kiritish, ularning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash, ularning kasbiy malakasini oshirish chora-tadbirlarini koʻrish, tuman (shahar) xalq taʼlimi boʻlimida kadrlar zaxirasini shakllantirish;

9) Vazirlik xodimlarining Odob-axloq qoidalari talablariga rioya qilishini, tumanlarda (shaharlarda) tuman (shahar) xalq taʼlimi boʻlimlari xodimlarining ushbu qoidalarga rioya etishini taʼminlash;

10) huquqni qoʻllash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali tuman (shahar) xalq taʼlimi boʻlimlarida korrupsiya va boshqa huquqbuzarliklarning oldini olish choralarini koʻrish, shuningdek, ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

11) tuman (shahar) xalq taʼlimi boʻlimlari xodimlari lavozim maoshiga mukofotlar, ustamalar toʻlash, ularga moddiy yordam berish, ularni mukofotlash, ragʻbatlantirish va ularga intizomiy chora qoʻllash, ularni davlat mukofotlari va idoraviy mukofotlar bilan taqdirlash toʻgʻrisida takliflar kiritish;

12) davlat sirini yoki qonun bilan qoʻriqlanadigan boshqa sirni tashkil etuvchi maʼlumotlarning himoya qilinishini taʼminlash.

31. Vazir:

1) Vazirlikka yuklangan vazifalar va funksiyalarning bajarilishi;

2) ushbu Nizomning 19-bandida nazarda tutilgan Vazirlikning javobgarlik sohalari boʻyicha;

3) ushbu Nizomning 26-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

32. Vazir oʻrinbosarlari:

1) Vazirlikning mutasaddilik qilinadigan tarkibiy boʻlinmalarida Vazirlikka yuklangan vazifalar va funksiyalarning bajarilishi;

2) ushbu Nizomning 19-bandida nazarda tutilgan Vazirlikning mutasaddilik qilinadigan masalalarga doir javobgarlik sohalari boʻyicha;

3) ushbu Nizomning 27-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

33. Vazirlik markaziy apparati tarkibiy boʻlinmalari rahbarlari;

1) tegishli tarkibiy boʻlinmalarga yuklangan vazifalar va funksiyalarning amalga oshirilishi;

2) ushbu Nizomning 21-bandida nazarda tutilgan Vazirlik markaziy apparatining javobgarlik sohalari boʻyicha;

3) ushbu Nizomning 28-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

34. Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi rahbarlari:

1) hududiy boʻlinmalarga yuklangan vazifalar va funksiyalarning bajarilishi;

2) ushbu Nizomning 23-bandida nazarda tutilgan Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasining javobgarlik sohalari boʻyicha;

3) ushbu Nizomning 29-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

35. Tuman (shahar) xalq taʼlimi boʻlimlari rahbarlari:

1) tuman (shahar) xalq taʼlimi boʻlimlariga yuklangan vazifalar va funksiyalarning bajarilishi;

2) ushbu Nizomning 25-bandida nazarda tutilgan tuman (shahar) xalq taʼlimi boʻlimlarining javobgarlik sohalari boʻyicha;

3) ushbu Nizomning 30-bandida koʻrsatilgan oʻz funksional vazifalarining sifatli bajarilishi uchun shaxsan javob beradi.

36. Vazirlikka Oʻzbekiston Respublikasining Bosh vaziri taqdimnomasiga binoan Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan Vazir boshchilik qiladi.

Vazir oʻz maqomiga koʻra Vazirlar Mahkamasi aʼzosi hisoblanadi.

37. Vazirning toʻrt nafar oʻrinbosari, shu jumladan, bir nafar birinchi oʻrinbosari boʻladi.

38. Vazirning birinchi oʻrinbosari va boshqa oʻrinbosarlari Oʻzbekiston Respublikasi Prezidenti tomonidan lavozimga tayinlanadi va lavozimdan ozod etiladi.

39. Vazir boʻlmagan vaqtda uning vakolatlari vazifalar taqsimotiga binoan uning oʻrinbosarlari tomonidan bajariladi.

40. Quyidagilarni:

Qoraqalpogʻiston Respublikasi Xalq taʼlimi vazirini lavozimga tayinlash va lavozimdan ozod etish — Vazir bilan kelishgan holda Qoraqalpogʻiston Respublikasi Joʻqorgʻi Kengesi tomonidan;

hududiy boʻlinmalar rahbarlarini lavozimga tayinlash va lavozimdan ozod etish — viloyatlar va Toshkent shahri hokimlari, tumanlar (shaharlar) hokimlari bilan kelishgan holda Vazir tomonidan amalga oshiriladi.

41. Vazir Vazirlik tizimiga kiradigan idoraviy mansub tashkilotlar rahbarlarini belgilangan tartibda lavozimga tayinlaydi va lavozimdan ozod etadi.

42. Vazir Vazirlik markaziy apparati boshqarmalari va boʻlimlari, hududiy boʻlinmalar toʻgʻrisidagi nizomni, idoraviy mansub tashkilotlarning ustavlarini belgilangan tartibda tasdiqlaydi.

43. Vazirlik markaziy apparati tarkibiy boʻlinmalarining Vazirlikning hududiy boʻlinmalari va idoraviy mansub tashkilotlari bilan oʻzaro hamkorligi markaziy apparat tarkibiy boʻlinmalarining rahbarlari tomonidan taʼminlanadi.

Vazirlik markaziy apparatining tarkibiy boʻlinmalari Vazirlikning hududiy boʻlinmalari va idoraviy mansub tashkilotlari bilan oʻz faoliyati yoʻnalishlari boʻyicha hamkorlik qilib:

1) topshiriqlarni hududiy boʻlinmalarga va idoraviy mansub tashkilotlarga yetkazadi hamda ularning bajarilishini nazorat qiladi;

2) Vazirlikning hududiy boʻlinmalariga va idoraviy mansub tashkilotlariga tarkibiy boʻlinmalarning bevosita faoliyati masalalari boʻyicha soʻrovlar yuboradi hamda ularning ijro etilishini nazorat qiladi;

3) Vazirlikning hududiy boʻlinmalari va idoraviy mansub tashkilotlari faoliyati amaliyotini tekshiradi va oʻrganadi, umumlashtiradi, uni takomillashtirishga qaratilgan chora-tadbirlarni ishlab chiqadi va qabul qiladi;

4) Vazirlikning hududiy boʻlinmalari va idoraviy mansub tashkilotlari faoliyatini tashkil etish va faoliyati natijalari toʻgʻrisida hisobot va axborot materiallari, statistika maʼlumotlari va boshqa maʼlumotlar oʻrganilishini tashkil etadi;

5) Vazirlikning hududiy boʻlinmalari va idoraviy mansub tashkilotlari ish rejalarini tahlil qiladi, ularning faoliyatini rejalashtirishni takomillashtirishga doir chora-tadbirlar koʻradi;

6) Vazirlikning hududiy boʻlinmalari va idoraviy mansub tashkilotlaridan tushgan takliflarni koʻrib chiqadi;

7) normativ-huquqiy hujjatlar loyihalarini tayyorlashda Vazirlikning hududiy organlari va idoraviy mansub tashkilotlari ishtirokini tashkil etadi, xalq taʼlimi sohasida qonun hujjatlarini takomillashtirish boʻyicha ulardan tushgan takliflarni koʻrib chiqadi.

44. Vazirlikning hududiy boʻlinmalari va idoraviy mansub tashkilotlari Vazirlik markaziy apparatining tarkibiy boʻlinmalari bilan hamkorlik qiladi, shu jumladan:

1) Vazirlik rahbariyati topshiriqlari ijrosi haqida axborot beradi;

2) xalq taʼlimi sohasida qonun hujjatlarini amalga oshirish boʻyicha faoliyat natijalari toʻgʻrisida markaziy apparatga axborot taqdim etadi;

3) ularning faoliyatini tekshirish va oʻrganish natijasida aniqlangan ishdagi kamchiliklarni va qoidabuzarliklarni bartaraf etish natijalari toʻgʻrisida maʼlumot beradi;

4) oʻz faoliyati natijalari toʻgʻrisidagi hisobotlarni belgilangan tartibda va muddatlarda Vazirlikning markaziy apparatiga taqdim etadi;

5) xalq taʼlimi muammolarini hal qilishga qaratilgan takliflarni Vazirlikning markaziy apparatiga yuboradi;

6) kompleks ijtimoiy-iqtisodiy rivojlantirish boʻyicha sektorlar bilan oʻzaro hamkorlik natijalari toʻgʻrisida axborot beradi;

7) vakolatli organlar tomonidan oʻtkazilgan oʻz faoliyatini tekshirish natijalari toʻgʻrisida xabar beradi.

45. Vazirlik markaziy apparati tarkibiy boʻlinmalari, hududiy boʻlinmalar hamda idoraviy mansub tashkilotlarning oʻzaro hamkorligi jarayonida yuzaga keladigan kelishmovchiliklar Vazirning topshirigʻiga binoan uning tegishli oʻrinbosari tomonidan koʻrib chiqiladi.

Agar koʻrsatib oʻtilgan koʻrib chiqishdan keyin kelishmovchiliklar tartibga solinmasa, u boʻyicha qaror bevosita Vazir tomonidan qabul qilinadi.

46. Vazirlik oʻz vazifalari va funksiyalarini amalga oshirishda boshqa davlat va xoʻjalik boshqaruvi organlari, mahalliy davlat hokimiyati organlari va boshqa tashkilotlar bilan hamkorlik qiladi.

Vazirlikning hududiy boʻlinmalari oʻz vakolati doirasida boshqa davlat va xoʻjalik boshqaruvi organlari, mahalliy davlat hokimiyati organlarining hududiy boʻlinmalari va boshqa tashkilotlar bilan hamkorlik qiladi.

47. Vazirlikning hududiy boʻlinmalari tegishli hududlarni ijtimoiy-iqtisodiy rivojlantirish boʻyicha “yoʻl xaritalari”ni ishlab chiqishda va amalga oshirishda kompleks ijtimoiy-iqtisodiy rivojlantirish boʻyicha sektorlar bilan oʻzaro yaqin hamkorlik qiladi.

48. Vazirlikning faoliyatiga Vazirlar Mahkamasining tegishli kompleksi rahbari va Vazirlar Mahkamasining axborot-tahlil departamentlari hamda Oʻzbekiston Respublikasi Prezidenti Devonining tegishli xizmati tomonidan mutasaddilik qilinadi.

49. Vazirlikda Vazir (hayʼat raisi), Vazir oʻrinbosarlari (lavozimi boʻyicha), shuningdek, Vazirlik faoliyatining asosiy yoʻnalishlarini muvofiqlashtiruvchi Vazirlik tarkibiy boʻlinmalari rahbarlaridan iborat tarkibda hayʼat tuziladi.

Hayʼat tarkibining soni va shaxsiy tarkibi Vazirning taqdimnomasiga binoan Vazirlar Mahkamasi tomonidan tasdiqlanadi.

50. Hayʼatga quyidagi vazifalar yuklanadi:

Vazirlik faoliyatining asosiy yoʻnalishlarini ishlab chiqish va amalga oshirish;

qonun hujjatlarida belgilangan vazifalar oʻz vaqtida va sifatli amalga oshirilishini taʼminlash uchun xalq taʼlimi tizimi xodimlari va rahbarlarining shaxsiy javobgarligini oshirish boʻyicha chora-tadbirlar koʻrgan holda hududiy boʻlinmalar va idoraviy mansub tashkilotlar rahbarlari hisobotlari muntazam ravishda eshitilishini tashkil etish;

umumiy oʻrta va maktabdan tashqari taʼlim sohasidagi hududiy va tarmoq dasturlari amalga oshirilishining natijadorligini har chorakda va muntazam koʻrib chiqish;

joylarda umumiy oʻrta va maktabdan tashqari taʼlimning dolzarb masalalari muhokama qilinishini taʼminlagan holda hayʼatning kengaytirilgan sayyor majlislari oʻtkazilishini tashkil etish, shuningdek, yuzaga kelgan muammolarni bartaraf etish boʻyicha tegishli qarorlarni ishlab chiqish va qabul qilish;

Vazirlik markaziy apparatiga va uning tizimiga kiradigan lavozimlar nomenklaturasini koʻrib chiqish va tasdiqlash;

Vazirlik nomenklaturasiga kiradigan lavozimlarga kadrlarni tanlash, joy-joyiga qoʻyish masalalarini koʻrib chiqish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari bilan belgilangan vazifalar oʻz vaqtida va sifatli bajarilishini taʼminlash uchun Vazirlik rahbarlari va xodimlarining ijro intizomini mustahkamlash va shaxsiy javobgarligini oshirish.

Hayʼat Vazirlik vakolatiga kiritilgan boshqa masalalarni ham koʻrib chiqishga haqli.

51. Hayʼat majlisiga Vazirlik vakolatiga kiradigan masalalar yuzasidan davlat va xoʻjalik boshqaruvi organlari, boshqa tashkilotlar rahbarlari taklif etilishi mumkin.

52. Hayʼat, agar uning majlisida hayʼat tarkibining yarmidan koʻpi qatnashsa, vakolatli hisoblanadi. Koʻrib chiqilayotgan masalalar yuzasidan qarorlar oddiy koʻpchilik ovoz bilan qabul qilinadi.

53. Hayʼat qarorlari Vazirning buyruqlari bilan amalga oshiriladi.

54. Vazir va hayʼat aʼzolari oʻrtasida kelishmovchiliklar yuzaga kelgan taqdirda, Vazir yuzaga kelgan kelishmovchiliklar haqida Vazirlar Mahkamasiga axborot bergan holda mustaqil ravishda qaror qabul qiladi. Shuningdek, hayʼat aʼzolari ham Vazirlar Mahkamasiga oʻz fikrini maʼlum qilishi mumkin.

55. Hayʼat faoliyati tartibi hayʼat tomonidan tasdiqlanadigan uning reglamenti bilan belgilanadi.

56. Vazirlik faoliyatining samaradorligi va natijadorligi muntazam baholanishi lozim.

57. Vazirlik faoliyati samaradorligi va natijadorligiga berilgan baholar Oʻzbekiston Respublikasi Prezidenti Devonining tegishli xizmatlari va Vazirlar Mahkamasining mutasaddilik qiladigan kompleksi rahbari tomonidan tasdiqlanadigan Vazirlik faoliyati samaradorligi va natijadorligini baholash mezonlari va ish indikatorlariga asoslanadi.

58. Vazirlik faoliyati samaradorligi va natijadorligini baholash yakunlari boʻyicha:

Vazirlik rahbarlari va xodimlarini ragʻbatlantirish (mukofotlash) yoki intizomiy javobgarlikka tortish;

Vazirlik faoliyatida aniqlangan kamchiliklarni bartaraf etish va uning faoliyatini yanada takomillashtirish chora-tadbirlari koʻriladi.

Vazirlik faoliyati samaradorligi va natijadorligini baholash tartibi va metodikasi qonun hujjatlariga koʻra belgilanadi.

59. Vazirlik quyidagi manbalar:

Vazirlik markaziy apparati hamda idoraviy mansub tashkilotlarini moddiy-texnik taʼminlash va xodimlar mehnatiga haq toʻlash — Oʻzbekiston Respublikasi respublika budjeti mablagʻlari, shuningdek, qonun hujjatlarida taqiqlanmagan boshqa manbalar hisobiga;

hududiy boʻlinmalar, ularga tegishli boʻlgan umumiy oʻrta va maktabdan tashqari taʼlim muassasalari — mahalliy budjetlar mablagʻlari va qonun hujjatlarida taqiqlanmagan boshqa manbalar hisobiga moliyalashtiriladi.

60. Vazirlik xodimlarining ish haqi lavozim maoshi, mukofotlar, qoʻshimcha haqlar, ustamalardan va qonun hujjatlarida nazarda tutilgan boshqa toʻlovlardan iborat.

Vazirlik xodimlari lavozim maoshlariga har oyda qoʻshiladigan ragʻbatlantirish xususiyatiga ega boʻlgan qoʻshimcha haqlar va ustamalar Vazir tomonidan tasdiqlanadigan nizomga muvofiq toʻlanadi.

61. Vazirlik xodimlariga oylik ish haqi toʻlash va ularni moddiy ragʻbatlantirish manbalari mehnatga haq toʻlash jamgʻarmasi, budjet tashkilotini rivojlantirish jamgʻarmasi mablagʻlaridan va qonun hujjatlarida taqiqlanmagan boshqa manbalardan iborat.

62. Vazir Vazirlikning faoliyati toʻgʻrisida Vazirlar Mahkamasiga, Oʻzbekiston Respublikasi Prezidenti Devonining tegishli xizmatiga va Oʻzbekiston Respublikasi Prezidentiga muntazam ravishda hisobot beradi.

63. Vazirlar Mahkamasining mutasaddilik qiladigan kompleksi rahbari Vazirlik rahbarlariga yuklangan vazifalar samarali bajarilishi uchun ular faoliyati ustidan muntazam monitoring olib boradi, Vazirlik faoliyati samaradorligiga xolisona baho beradi.

64. Monitoring va baholash yakunlari boʻyicha Vazirlikning alohida oʻrnak koʻrsatgan rahbarlari, mansabdor shaxslari va xodimlari ragʻbatlantiriladi yoxud yoʻl qoʻyilgan jiddiy kamchiliklar uchun egallab turgan lavozimidan ozod etishgacha boʻlgan javobgarlikka tortiladi.

65. Vazirlikni qayta tashkil etish va tugatish qonun hujjatlarida belgilangan tartibda amalga oshiriladi.

1. Ushbu Ustav Oʻzbekiston Respublikasi Xalq taʼlimi vazirligi Respublika taʼlim markazining (keyingi oʻrinlarda Markaz deb ataladi) maqomi, asosiy vazifalari va funksiyalarini, huquqlarini, shuningdek, faoliyatini tashkil etish tartibini belgilaydi.

2. Markaz Oʻzbekiston Respublikasi Xalq taʼlimi vazirligining (keyingi oʻrinlarda Vazirlik deb ataladi) tarkibiy boʻlinmasi hisoblanadi va xalq taʼlimi tizimida metodik xizmat, davlat taʼlim standartlari, oʻquv rejasi, dasturlar va oʻquv-metodik majmualar, shuningdek, ilmiy-metodik innovatsiyalarni joriy etishning samarali mexanizmlarini takomillashtirish ishlarini muvofiqlashtiradi va rahbarlik qiladi.

3. Markazning rasmiy nomi:

a) davlat tilida:

toʻliq — Oʻzbekiston Respublikasi Xalq taʼlimi vazirligining Respublika taʼlim markazi, qisqartirilgan nomi — RTM;

b) rus tilida:

toʻliq — Respublikanskiy tsentr obrazovaniya Ministerstva narodnogo obrazovaniya Respubliki Uzbekistan, qisqartirilgan nomi — RSO;

v) ingliz tilida:

toʻliq — Republic center of education of Ministry of Rublic Education of the Rerublic of Uzbekistan, qisqartirilgan nomi — RCEUz.

4. Markaz oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlari, Oʻzbekiston Respublikasi Xalq taʼlimi vazirining buyruqlariga, shuningdek ushbu Ustavga va boshqa qonun hujjatlariga amal qiladi.

5. Markaz davlat muassasasi shaklida tashkil etiladi, yuridik shaxs maqomiga ega boʻlgan budjet tashkiloti hisoblanadi.

6. Quyidagilar Markazning asosiy vazifalari hisoblanadi:

taʼlim-tarbiya jarayonini takomillashtirishni metodik qoʻllab-quvvatlash va umumiy oʻrta va maktabdan tashqari taʼlim sifatini oshirish;

Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi, tuman (shahar) xalq taʼlimi boʻlimlarining davlat taʼlim standartlari va davlat talablariga muvofiq metodik faoliyatini muvofiqlashtirish va rahbarlik qilish;

oʻquv-tarbiya jarayoniga zamonaviy pedagogik va axborot texnologiyalarini, kasbga yoʻnaltirishning samarali shakl va usullarini joriy etishga yoʻnaltirilgan kompleks tadbirlarni amalga oshirish;

mazmun va sifat jihatdan xalqaro talablarga javob beradigan yangilangan oʻquv rejasi va dasturlar asosida oʻquv va oʻquv-metodik adabiyotlarning yangi avlodini tayyorlash va nashr etishni tashkil etish;

davlat taʼlim standartlarining bajarilishi, xalq taʼlimi muassasalarini attestatsiyadan oʻtkazish va akkreditatsiya qilishning tizimli monitoringini amalga oshirish boʻyicha metodik xizmat koʻrsatish;

xalqaro aloqalarni kengaytirish va mustahkamlashda konferensiyalar, koʻrgazmalar va boshqa tadbirlar oʻtkazish orqali xalq taʼlimi sohasida mamlakatimizda erishilgan yutuqlarni yoyishda, xalq taʼlimi tizimiga xorijiy investitsiyalar va grantlarni jalb qilishda ishtirok etish;

Markazning moddiy-texnik bazasini mustahkamlash, pullik taʼlim xizmatlari koʻrsatish, metodistlarning kasbiy kompetentliligini oshirish.

7. Markaz oʻziga yuklangan vazifalarga muvofiq quyidagi funksiyalarni amalga oshiradi:

a) taʼlim-tarbiya jarayonini takomillashtirishni metodik qoʻllab-quvvatlash va umumiy oʻrta va maktabdan tashqari taʼlim sifatini oshirish sohasida:

umumiy oʻrta va maktabdan tashqari taʼlim uchun davlat taʼlim standartlari, oʻquv rejalari, oʻquv dasturlari va oʻquv-metodik materiallarni ishlab chiqish va takomillashtirish;

darsliklar, oʻquv-metodik komplekslarni yaratish va takomillashtirish, ularni taʼlim jarayoniga joriy etishda metodik xizmat koʻrsatish;

Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi, tuman (shahar) xalq taʼlimi boʻlimlari xodimlariga oʻquv-tarbiya jarayonini samarali tashkil etishda metodik va amaliy yordam koʻrsatish;

taʼlim-tarbiya sifatini oshirishga, oʻquvchilar va pedagoglarning iqtidor va qobiliyatlarini rivojlantirishga yoʻnaltirilgan tadbirlar (konferensiyalar, forumlar, musoboqalar, fan olimpiadalari, seminar-treninglar, mahorat darslari, tanlovlarni)ni tashkil etish;

b) Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi, tuman (shahar) xalq taʼlimi boʻlimlarining davlat taʼlim standartlari, davlat talablari asosida metodik faoliyatini muvofiqlashtirish va rahbarlik qilish yoʻnalishida;

oʻqitishning interaktiv va zamonaviy usullarini, metodik materiallarni, pedagoglar kasbiy kompetentliligini rivojlantirish va oshirish boʻyicha metodik yordamning samarali shakllarini ishlab chiqish, sinovdan oʻtkazish, takomillashtirish va oʻquv-tarbiya jarayoniga tatbiq etish;

Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi, tuman (shahar) xalq taʼlim boʻlimlarining metodik xizmat koʻrsatishni takomillashtirish boʻyicha metodik faoliyatini muvofiqlashtirish;

Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlimi bosh boshqarmasi, tuman (shahar) xalq taʼlimi boʻlimlarining davlat taʼlim standartlari va davlat talablarini takomillashtirish boʻyicha faoliyatiga rahbarlik qilish;

Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari va Toshkent shahar xalq taʼlim bosh boshqarmasi, tuman (shahar) xalq taʼlim boʻlimlari xodimlari uchun taʼlim muassasalarining fan kabinetlari, laboratoriyalari, oʻquv ustaxonalari, sport zallari va maydonchalaridan, jihozlar va kompyuter texnikasidan foydalanish boʻyicha metodik tavsiyalar ishlab chiqish;

Qoraqalpogʻiston Respublikasi Xalq taʼlimi vazirligida, viloyatlar xalq taʼlimi boshqarmalari va Toshkent shahar xalq taʼlim bosh boshqarmasida, tuman (shahar) xalq taʼlim boʻlimlarida, xalq taʼlimi muassasalarida xalq taʼlimi tizimi pedagog kadrlariga taʼlim va oʻquv-tarbiya jarayoni sifatini yaxshilash va takomillashtirish boʻyicha ilgʻor tajribani oʻrganish va umumlashtirish;

v) oʻquv-tarbiya jarayoniga zamonaviy pedagogik va axborot texnologiyalarini, kasbga yoʻnaltirishning samarali shakl va usullarini joriy etishga yoʻnaltirilgan kompleks choralarni amalga oshirish sohasida:

davlat taʼlim standartlari talablari va oʻquv dasturlari mazmunining oʻquvchilar tomonidan oʻzlashtirilishini, oʻquv-tarbiya jarayonining va metodik xizmatning holatini oʻrganish, kamchiliklarni aniqlash va ularni bartaraf etish boʻyicha metodik koʻrsatmalar va tavsiyalar ishlab chiqish;

metodik materiallar tayyorlash, pedagogik va ilmiy-metodik axborotlarni umumlashtirish va ommalashtirish, ilmiy-metodik jurnallar, gazetalar, metodik toʻplamlar va qoʻllanmalarni nashr etish;

oʻquv-tarbiya jarayoniga taʼlimning zamonaviy ilgʻor shakllarini joriy etish boʻyicha pedagogik innovatsiyalarni ishlab chiqish;

oʻquv fanlarini oʻrganishga ilgʻor xalqaro tajribani hisobga olgan holda pedagogik va axborot texnologiyalarini va taʼlim usullarini joriy etish;

g) mazmun va sifat jihatdan xalqaro talablarga javob beradigan yangilangan oʻquv rejalari va dasturlar asosida oʻquv va oʻquv-metodik adabiyotlarning yangi avlodini tayyorlash va nashr etishni tashkil etish sohasida:

darsliklar, oʻquv-metodik materiallarni ishlab chiqish, ekspertizadan oʻtkazish va ularni taʼlim-tarbiya jarayoniga joriy etishda metodik yordam koʻrsatish ishlarini tashkil etish va muvofiqlashtirish;

davlat taʼlim standartlari, oʻquv reja, dasturlarni, oʻquv-metodik materiallarni tizimli taxlil qilish, Markaz ilmiy-metodik kengashiga taklif kiritish va xulosalar qabul qilish;

Vazirlik koʻrsatmalariga asosan darsliklar yaratish va tendyerlar oʻtkazish boʻyicha hujjatlarni tayyorlashda yordam koʻrsatish;

ixtisoslashtirilgan oʻquv muassasalari va ayrim fanlar chuqur oʻrganilishi uchun oʻquv rejalari, dasturlar, darsliklar va metodik materiallarni yaratish va joriy etish boʻyicha Vazirlikka taklif kiritish;

taʼlimni takomillashtirish boʻyicha tayyorlangan ilmiy-metodik ishlanmalar va doktorlik dissertatsiyalarining amaliyotga tatbiq etilganligi toʻgʻrisida xulosalar berish;

d) davlat taʼlim standartlarining bajarilishi, xalq taʼlimi muassasalarini attestatsiyadan oʻtkazish va akkreditatsiya qilishning tizimli monitoringini amalga oshirish boʻyicha metodik xizmat koʻrsatish sohasida:

xalq taʼlimi muassasalarini bosqichma-bosqich nazorat qilish va yakuniy attestatsiyadan oʻtkazish uchun materiallarni ishlab chiqish, natijalarni tahlil qilish, Vazirlikka taqdim etish uchun maʼlumotlar va takliflar tayyorlash;

metodik materiallar tayyorlash va oʻquv dasturlarida belgilangan davlat taʼlim standartlari talablari oʻzlashtirilishi monitoringi olib borilishida ishtirok etish;

xalq taʼlimi muassasalarida davlat standartlari bajarilishining tizimli monitoringini olib borishda metodik qoʻllab-quvvatlash;

aniqlangan nuqsonlarni bartaraf etish boʻyicha metodik materiallarni ishlab chiqish, oʻquvchilar va pedagoglarning taʼlimga oid ehtiyojlarini aniqlashda metodik yordam koʻrsatish;

e) xalqaro aloqalarni kengaytirish va mustahkamlashda konferensiyalar, koʻrgazmalar va boshqa tadbirlar oʻtkazish orqali xalq taʼlimi sohasida mamlakatimizda erishilgan yutuqlarni yoyishda, xalq taʼlimi tizimiga xorijiy investitsiyalar va grantlarni jalb qilishda ishtirok etish sohasida:

taʼlim sohasida milliy, xorijiy va xalqaro tashkilotlar bilan belgilangan tartibda hamkorlik faoliyatini yuritish;

metodistlar faoliyatini samarali tashkil etish va monitoringini olib borish, yangi pedagogik va axborot texnologiyalarini, ilgʻor xalqaro tajribani qoʻllagan holda malakasini oshirish;

oʻz vakolatlari doirasida xalqaro va xorijiy tashkilotlar bilan xalq taʼlimi tizimida metodik yordam koʻrsatishni rivojlantirish, metodik yordam berish boʻyicha istiqbolli va dolzarb muammolarni ishlab chiqishda ishtirok etish va Vazirlikka takliflar kiritish;

milliy va xalqaro tajribani hisobga olgan holda oʻrta taʼlimning dolzarb muammolari boʻyicha tajriba-sinov jarayonlarini tashkil etish, oʻquv-tarbiya jarayoniga innovatsiyalar va pedagogika fani yutuqlarini tatbiq etish boʻyicha tadbirlarni tashkil etish;

j) Markazning moddiy-texnik bazasini mustahkamlash, pullik taʼlim xizmatlar koʻrsatish, metodistlarning kasbiy kompetentliligini oshirish yoʻnalishida;

pulli taʼlim xizmatlari koʻrsatishni, shu jumladan, davlat va nodavlat tashkilotlar bilan kelishuv asosida tashkil etish;

oʻquv seminarlari, konsultatsiyalar, metodik mahsulotlarni ekspertizadan oʻtkazish, ishlab chiqish va nashriyotlar bilan shartnoma tuzish, qonun hujjatlarida taqiqlanmagan boshqa yoʻllar bilan eʼlon qilish.

8. Markaz oʻziga yuklangan vazifalar va funksiyalarni amalga oshirish uchun quyidagi huquqlarga ega:

Qoraqalpogʻiston Respublikasi Xalq taʼlimi vazirligi, viloyat xalq taʼlimi boshqarmalari, Toshkent shahar xalq taʼlimi bosh boshqarmasi, tuman (shahar) xalq taʼlimi boʻlimlari va xalq taʼlimi muassasalariga metodik koʻrsatmalar yuborish;

Ushbu Ustavda belgilangan vakolatlar va vazifalar doirasida taʼlim sifati va samaradorligini oshirish, uzluksiz metodik xizmat koʻrsatishni yaxshilash boʻyicha hisobotlar olish;

davlat taʼlim standartlari, oʻquv rejalari, dasturlar, darsliklar, oʻquv-metodik adabiyotlar hamda oʻquv-tarbiya jarayonini takomillashtirishga oid, shuningdek, Markaz faoliyati doirasidagi boshqa masalalar yuzasidan Vazirlikka takliflar kiritish;

Markaz va uning boʻlimlari ish rejalarini, shuningdek, Ilmiy-metodik kengash rejasiga kiritilgan masalalarni muhokama qilish va tasdiqlash, rejalar bajarilishi yuzasidan hisobotlarni eshitish hamda oʻz vakolatlari doirasida tegishli boshqa masalalarni muhokama qilish;

Markaz xodimlarini yoʻnalishlar boʻyicha oʻrganish va metodik yordam koʻrsatish uchun xodimlarni Qoraqalpogʻiston Respublikasi Xalq taʼlimi vazirligi, viloyatlar xalq taʼlimi boshqarmalari, Toshkent shahar xalq taʼlimi bosh boshqarmasiga, tuman (shahar) xalq taʼlimi boʻlimlariga, hududlardagi xalq taʼlimi tizimidagi tashkilotlar va muassasalarga xizmat safariga yuborish;

xalq taʼlimi tizimi va boshqa tashkilotlarning tajribali mutaxassislari, pedagoglarini (zarurat boʻlganda shartnoma asosida) jalb qilish;

maʼnaviy eskirgan va foydalanishga yaroqsiz boʻlgan oʻquv adabiyotlari, jihozlar, transport vositalari va texnik vositalarni belgilangan tartibda hisobdan chiqarish;

Markazning rahbarlari, metodistlari va maʼmuriy-xoʻjalik xodimlariga belgilangan tartibda ragʻbatlantiruvchi ustamalar belgilash;

yuqori mehnat koʻrsatkichlariga erishgan Markaz xodimlarini davlat mukofotlari va idoraviy mukofotlar bilan taqdirlash uchun Vazirlikka takliflar kiritish;

shu jumladan, davlat va nodavlat tashkilotlar bilan kelishuv asosida pullik taʼlim xizmatlari koʻrsatish;

oʻquv seminarlari, konsultatsiyalar, ekspertizalar oʻtkazish, metodik mahsulotlarni ishlab chiqish, nashriyotlar bilan shartnoma asosida hamda qonunchilikda taqiqlanmagan boshqa yoʻllar orqali nashr etish;

ilgʻor xorijiy tajribani joriy etish maqsadida metodik xizmatning rahbarlar va pedagog kadrlari malakasini uzluksiz oshirib borish uchun qisqa muddatli, maqsadli oʻquv kurslarini xorijlik tajribali pedagog- mutaxassislarni jalb qilgan holda tashkil etish;

Markaz xodimlarini innovatsion pedagogik texnologiyalar va ilgʻor metodikalarni oʻrganish va tajriba almashish maqsadida amaliyot oʻtash, oʻqish, seminar va konferensiyalarda ishtirok etish uchun chet elga yuborish;

xalq taʼlimi tizimini rivojlantirishning dolzarb va istiqbolli muammolarini ishlab chiqish yuzasidan tuzilgan ishchi guruhlarda ishtirok etish;

oʻz faoliyatini keng yoritish maqsadida rasmiy veb-saytlar yaratish, ijtimoiy tarmoqlarda sahifalar ochish;

Markaz qonun hujjatlariga muvofiq boshqa huquqlarga ham ega boʻlishi mumkin.

9. Markaz oʻz faoliyatida bevosita Vazirlikka boʻysunadi va hisobot beradi.

10. Markazga Oʻzbekiston Respublikasi Xalq taʼlimi vaziri tomonidan qonun hujjatlarida belgilangan tartibda lavozimga tayinlanadigan va lavozimdan ozod etiladigan direktor boshchilik qiladi.

11. Quyidagilar Markaz direktorining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari va boshqa normativ-huquqiy hujjatlar hamda ushbu Ustav talablariga rioya qilish;

Markaz faoliyatiga umumiy rahbarlik qilish, Markazning oʻquv-metodik, ilmiy-tadqiqot va maʼnaviy-maʼrifiy ishlarini samarali tashkil etish;

Markaz nomidan tashkilotlar bilan xoʻjalik shartnomalari tuzish, Vazirlikda Markaz manfaatlarini ifodalash, shuningdek, Markaz faoliyatiga doir hisobotlar taqdim etish;

oʻz vakolatlari doirasida buyruqlar chiqarish va ishonchnomalar berish;

Markaz xodimlarini ragʻbatlantirish va intizomiy jazo berish toʻgʻrisida qarorlar qabul qilish;

Markazda olib borilayotgan ilmiy-tadqiqot va ilmiy-metodik ishlarni muvofiqlashtirish;

Markazning ichki tartib qoidalarini tasdiqlash va ularning xodimlar tomonidan bajarilishini nazorat qilish;

jamoada sogʻlom maʼnaviy va ijodiy muhitni shakllantirish choralarini koʻrish;

Markaz vakolatiga kiruvchi masalalar boʻyicha qarorlar qabul qilish va Markazga yuklangan vazifalar va funksiyalar bajarilishi uchun shaxsan javob berish;

Sanitariya-gigiyenik, mehnatni muhofaza qilish qoidalari, texnik va yongʻin xavfsizligi talablariga rioya qilinishini taʼminlash;

Direktor qonun hujjatlariga muvofiq boshqa majburiyatlarga ham ega boʻlishi mumkin.

12. Markazda direktor boʻlmagan davrda uning vakolatlarini vazifa taqsimotlariga koʻra uning oʻrinbosarlari bajaradi.

13. Direktor Markaz boʻlimlari, har bir boʻlim xodimlarining vazifalari, mehnat qilish huquqlari va boshqa huquqlari, funksional vazifalarini tartibga soluvchi nizomni, shuningdek boshqa normativ hujjatlarda belgilangan tartibda tasdiqlaydi.

14. Markaz faoliyatining asosiy masalalarini koʻrib chiqish uchun direktor raisligida Ilmiy-metodik kengash tashkil etiladi.

Ilmiy-metodik kengash tarkibi va ish rejasi Markaz direktorining buyrugʻi bilan tasdiqlanadi.

Ilmiy-metodik kengash tarkibiga direktor oʻrinbosarlari, boʻlimlar boshliqlari va xodimlari, shuningdek, yetakchi mutaxassislar, jamoat tashkilotlari vakillari kirishi mumkin.

Ilmiy-metodik kengash qarorlari Markaz direktorining buyruqlari bilan amalga oshiriladi.

Ilmiy-metodik kengash raisi va kotibi kengash qarorlari ijrosining doimiy monitoringini olib boradi va kengash aʼzolari oldida ularning bajarilishi yuzasidan hisobot beradi.

Ilmiy-metodik kengash aʼzolari kengash majlislarida muhokama qilingan masalalar yuzasidan qabul qilingan qarorlar aniq va toʻgʻri bajarilishi uchun javob beradilar.

Ilmiy-metodik kengashning ish tartibi amaldagi qoidalarga muvofiq (yigʻilish oʻtkazish muddatlari, qaror qabul qilish tartibi) Markazning yillik ish rejasiga binoan belgilanadi.

15. Quyidagilar Ilmiy-metodik kengashning vazifalari hisoblanadi:

Markazning va uning boʻlimlari rejalari va hisobotlarini koʻrib chiqish, Markaz faoliyatini takomillashtirish boʻyicha ish rejalarini muhokama qilish;

Markazning ilmiy-metodik va tashkiliy ishlari yoʻnalishlarini belgilash va taʼminlash, Markaz xodimlari malakasini oshirish, Markaz ilmiy-metodik faoliyatini muvofiqlashtirish va tahlil qilish, Markazning maʼnaviy-maʼrifiy ishlarini takomillashtirish;

xalq taʼlimi muassasalarida davlat taʼlim standartlari, oʻquv rejalar va oʻquv dasturlarining bajarilishi holatini koʻrib chiqish;

taʼlim menejmenti va oʻqitish metodikasi boʻyicha Markazning doktorantlari va ilmiy izlanuvchilari bilan ilmiy-metodik faoliyatni amalga oshirish;

darsliklar, oʻquv qoʻllanmalari, ilmiy, oʻquv-metodik adabiyotlarni chop etish masalalarini koʻrib chiqish;

Markazni rivojlantirishning joriy (yillik) va istiqbolli rejalarini tasdiqlash.

16. Markaz respublika budjeti mablagʻlari, shuningdek, qonun hujjatlarida taqiqlanmagan boshqa manbalar hisobiga moliyalashtiriladi.

17. Markaz xodimlarining ish haqi lavozim maoshi, mukofotlar, qoʻshimcha haqlar, ustamalar va qonun hujjatlarida nazarda boshqa tutilgan toʻlovlardan iborat boʻladi.

18. Markaz xodimlarining lavozim maoshlariga ragʻbatlantiruvchi tusdagi har oylik ustamalar va qoʻshimcha haqlar Vazirlik tomonidan tasdiqlanadigan nizomga muvofiq amalga oshiriladi.

19. Mehnatga haq toʻlash fondi, budjet tashkilotlarini rivojlantirish jamgʻarmasi mablagʻlari va qonun hujjatlarida taqiqlanmagan boshqa mablagʻlar ish haqi toʻlash va markaz xodimlarini moddiy ragʻbatlantirish manbalari hisoblanadi.

20. Markaz xodimlarining mehnatiga haq toʻlash shartlari Toshkent shahar xalq taʼlimi bosh boshqarmasining xodimlari uchun belgilangan mehnatga haq toʻlash shartlariga mos ravishda amalga oshiriladi.

21. Markaz xodimlariga soatbay haq toʻlash asosida haftada bir ish kuni hajmida qoʻshimcha pedagogik faoliyat bilan shugʻullanishga ruxsat etiladi.

22. Markazni qayta tashkil etish va tugatish qonun hujjatlarida belgilangan tartibda amalga oshiriladi.

1. Ushbu Ustav Oʻzbekiston Respublikasi Xalq taʼlimi vazirligining Oʻquvchilarni kasb-hunarga yoʻnaltirish va psixologik-pedagogik respublika tashxis markazining (keyingi oʻrinlarda Markaz deb ataladi) maqomi, asosiy vazifalari va funksiyalari, huquqlari, shuningdek, faoliyatini tashkil etish tartibini belgilaydi.

2. Markaz Oʻzbekiston Respublikasi Xalq taʼlimi vazirligining (keyingi oʻrinlarda Vazirlik deb ataladi) tarkibiy boʻlinmasi hisoblanadi hamda xalq taʼlimi tizimida oʻquvchilarni kasb-hunarga yoʻnaltirish va psixologik-pedagogik tashxis qoʻyish xizmatini rivojlantirish va ushbu faoliyatni tashkil boʻyicha yagona davlat siyosati amalga oshirilishini taʼminlaydi.

3. Markazning rasmiy nomlanishi:

a) davlat tilida:

toʻliq nomi — Oʻzbekiston Respublikasi Xalq taʼlimi vazirligining Oʻquvchilarni kasb-hunarga yoʻnaltirish va psixologik-pedagogik respublika tashxis markazi, qisqartmasi — OʻKHYPPRTM;

b) rus tilida:

toʻliq nomi — Respublikanskiy tsentr professionalnoy oriyentatsii i psixologo-pedagogicheskoy diagnostiki uchaщixsya Ministerstva narodnogo obrazovaniya Respubliki Uzbekistan, qisqartmasi — RSPOPPDU;

v) ingliz tilida:

toʻliq nomi — The Republic center of professional orientation and psycho-pedagogical diagnostics of the pupil of Ministry of Public Education of the Republic of Uzbekistan, qisqartmasi — RCPOPPDP.

4. Markaz oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining qarorlari va farmoyishlari, Oʻzbekiston Respublikasi Vazirlar Mahkamasining qarorlari va farmoyishlariga hamda boshqa qonun hujjatlariga, shuningdek, ushbu Ustavga amal qiladi.

5. Markaz davlat muassasasi shaklida tashkil etiladi va yuridik shaxs maqomiga ega boʻlgan budjet tashkiloti hisoblanadi.

6. Quyidagilar Markazning asosiy vazifalari hisoblanadi:

oʻquvchilarni kasb-hunarga yoʻnaltirish, psixologik-pedagogik tashxis qoʻyish va tibbiy-defektologik xizmat koʻrsatish sohasida ilmiy asoslangan metodikalarni ishlab chiqish va xalq taʼlimi muassasalarining oʻquv-tarbiya jarayoniga tatbiq etish;

kasb-hunarga yoʻnaltirish, psixologik-pedagogik tashxis qoʻyish xizmati faoliyatini tashkiliy, ilmiy-metodik, axborot bilan taʼminlash;

xalq taʼlimi muassasalari oʻquvchilarining qobiliyatlari, kasbiy moyilliklari, qiziqishlari va koʻnikmalarini inobatga olgan holda taʼlim olishni maktabning yuqori sinflarida, oʻrta maxsus, kasb-hunar taʼlimi, shuningdek, oliy taʼlim muassasalarida davom ettirishlarini tanlashlariga koʻmaklashish va hisobini yuritish;

bolalarning psixologik-pedagogik jihatdan rivojlanishiga tashxis qoʻyish, ularning qobiliyat va moyilliklarini aniqlash, 1-sinf oʻquvchilarining maktab taʼlimiga moslashuvi jarayonini nazorat qilib borish, oʻquvchilar bilan korreksion-rivojlantiruvchi ishlarni amalga oshirishda maktab psixologlari va oʻqituvchilariga metodik yordam koʻrsatish;

iqtidorli va isteʼdodli bolalar va yoshlarni aniqlash boʻyicha ilgʻor tajribani oʻrganish, tizimlashtirish va xalq taʼlimi tizimiga joriy etishni tashkil etish, iqtidorli bolalar maʼlumotlar bazasini yaratish, iqtidorli va isteʼdodli, shuningdek, jismoniy va aqliy rivojlanishida nuqsonlari boʻlgan bolalar bilan ishlash boʻyicha metodikalarni ishlab chiqish hamda amaliyotga tatbiq etish, mazkur sohadagi ilgʻor tajribani oʻrganish va joriy etish.

7. Markaz oʻziga yuklangan vazifalarga muvofiq quyidagi funksiyalarni amalga oshiradi:

a) oʻquvchilarni kasb-hunarga yoʻnaltirish, psixologik-pedagogik tashxis qoʻyish va tibbiy-defektologik xizmat koʻrsatish sohasida ilmiy asoslangan metodikalarni ishlab chiqish va xalq taʼlimi muassasalarining oʻquv-tarbiya jarayoniga tatbiq etish sohasida:

xalq taʼlimi tizimida oʻquvchilarni kasb-hunarga yoʻnaltirish, psixologik-pedagogik tashxis qoʻyish va tibbiy-defektologik xizmat tizimini rivojlantirish boʻyicha istiqbolli dasturlar va konsepsiyalarni ishlab chiqish;

oʻquvchilarni kasb-hunarga yoʻnaltirish va psixologik-pedagogik tashxis qoʻyishning ustuvor yoʻnalishlarini ishlab chiqish maqsadida kasb-hunarga yoʻnaltirish holatlarining tahlilini amalga oshirish;

yoshlar siyosatini faollashtirish, mehnat sohasidagi ijtimoiy kafolatlarni mustahkamlash va kasb tanlash va boshqa ijtimoiy dasturlarni ishlab chiqish va amaliyotga tatbiq etishda ishtirok etish;

mamlakatda kasb-hunarga yoʻnaltirish va psixologik-pedagogik tashxis xizmati faoliyatini takomillashtirish masalalari boʻyicha dasturlar va umumdavlat konsepsiyalarini ishlab chiqish uchun takliflar tayyorlashda ishtirok etish;

b) kasb-hunarga yoʻnaltirish, psixologik-pedagogik tashxis qoʻyish xizmati faoliyatini tashkiliy, ilmiy-metodik, axborot bilan taʼminlash sohasida:

respublikada kasb-hunarga yoʻnaltirish va psixologik-pedagogik tashxis ishlari holatini oʻrganish, xalq taʼlimi tizimida ularni takomillashtirish boʻyicha tavsiyalar ishlab chiqish;

Qoraqalpogʻiston Respublikasi Xalq taʼlimi vazirligi, Toshkent shahar xalq taʼlimi bosh boshqarmasi va viloyatlar xalq taʼlimi boshqarmalari, tuman (shahar) xalq taʼlimi boʻlimlari hamda ularga idoraviy mansub oʻquv-ishlab chiqarish majmualarining oʻquvchilarini kasb-hunarga yoʻnaltirish va psixologik-pedagogik tashxis qoʻyish boʻyicha metodistlari faoliyatiga metodik rahbarlikni amalga oshirish;

xalq taʼlimi muassasalari va oʻquv-ishlab chiqarish majmualarining oʻquvchilarini kasb-hunarga yoʻnaltirish va psixologik-pedagogik tashxis qoʻyish xizmati faoliyatini rivojlantirish va muvofiqlashtirish, ularni ilmiy-metodik va axborot bilan taʼminlash;

kasb-hunarga yoʻnaltirish sohasida normativ va metodik materiallarning qoʻllanishi boʻyicha tavsiyalar ishlab chiqish, tayyorlash hamda ularni samarali joriy etishga koʻmaklashish;

oʻquvchilarning qobiliyat va moyilliklarini aniqlash maqsadida korreksion mashgʻulotlarning, bolalar rivojlanishiga psixologik-pedagogik va tibbiy-defektologik tashxis qoʻyishning dasturlari va ssenariylarini ishlab chiqish va amaliyotga tatbiq etish;

xalq taʼlimi tizimida kasb-hunarga yoʻnaltirish va psixologik-pedagogik tashxis qoʻyish xizmatlari koʻrsatish faoliyatini tartibga soluvchi normativ va metodik hujjatlarni tayyorlash va nashr etish;

v) xalq taʼlimi muassasalari oʻquvchilarining qobiliyatlari, kasbiy moyilliklari, qiziqishlari va koʻnikmalarini inobatga olgan holda, taʼlim olishni maktabning yuqori sinflarida, oʻrta maxsus, kasb-hunar taʼlimi, shuningdek, oliy taʼlim muassasalarida davom ettirishlarini tanlashlariga koʻmaklashish va hisobini yuritish sohasida:

mamlakat va uning hududidagi ijtimoiy-iqtisodiy rivojlanishning oʻziga xos xususiyatlarini, hududiy milliy-etnik tafovutlarni inobatga olgan holda umumiy oʻrta taʼlim muassasalari oʻquvchilarini kasb-hunarga yoʻnaltirish va psixologik-pedagogik tashxis boʻyicha ishlarning asosiy mazmunini aniqlash;

xalq taʼlimining barcha muassasalarida kasb-hunarga yoʻnaltirish va psixologik-pedagogik tashxis qoʻyish xizmati faoliyati ustidan ilmiy-metodik rahbarlikni amalga oshirish;

kasb taʼlimi, kasb-hunarga yoʻnaltirish, psixologik-pedagogik tashxis qoʻyish va boshqa metodikalarni oʻrnatilgan tartibda ekspertizadan va aprobatsiyadan oʻtkazishni tashkil etish va amalga oshirish, hududiy va milliy-etnik xususiyatlarni inobatga olgan holda ularning moslashuvini taʼminlash;

kasb-hunarga oʻqitish sohalari, oʻrta maxsus, kasb-hunar taʼlimi va oliy taʼlimga tayyorgarlik yoʻnalishlari boʻyicha kasb-hunarga yoʻnaltirish muammolari yuzasidan ota-onalarni psixologik-pedagogik qoʻllab-quvvatlashni va maslahatlashuvlarni tashkil etish;

standartlashtirilgan metodikalar, kasb-hunarga oid maʼlumotlar, shuningdek, kasb-hunarga yoʻnaltirish va psixologik-pedagogik tashxis qoʻyishning amaliy dasturlari maʼlumotlar bankini shakllantirish;

oʻquvchilarning ongli ravishda kasb tanlashiga koʻmaklashish, yoshlarni kasb-hunarga yoʻnaltirish va psixologik tashxis qoʻyish uchun umumiy oʻrta taʼlim maktablari pedagog xodimlarini tegishli metodikalar bilan taʼminlash;

Qoraqalpogʻiston Respublikasi Xalq taʼlimi vazirligi, Toshkent shahar xalq taʼlimi bosh boshqarmasi va viloyatlar xalq taʼlimi boshqarmalari, tuman (shahar) xalq taʼlimi boʻlimlari hamda ularga idoraviy mansub oʻquv-ishlab chiqarish majmualari metodistlarining oʻquvchilarni kasb-hunarga yoʻnaltirish va psixologik-pedagogik tashxis qoʻyish boʻyicha faoliyatini oʻrganish, tahlil qilish va natijalari yuzasidan xulosalar tayyorlash;

Vazirlik tizimidagi kasb-hunarga yoʻnaltirish va psixologik-pedagogik tashxis qoʻyish xizmatlarining ilmiy-metodik, maʼlumot-axborot va dasturiy taʼminotini takomillashtirishga yoʻnaltirilgan kompleks chora-tadbirlarni amalga oshirish;

g) bolalarning psixologik-pedagogik jihatdan rivojlanishlariga tashxis qoʻyish, ularning qobiliyat va moyilliklarini aniqlash, 1-sinf oʻquvchilarining maktab taʼlimiga moslashuvi jarayonini nazorat qilib borish, oʻquvchilar bilan korreksion-rivojlantiruvchi ishlarni amalga oshirishda maktab psixologlari va oʻqituvchilariga metodik yordam koʻrsatish sohasida:

oʻquvchilarning yosh va psixofiziologik xususiyatlarini inobatga olgan holda bolalarni 1-sinfga qabul qilish va oʻquvchilarning bitirish koʻrsatkichlarini prognozlashtiradi;

umumtaʼlim muassasalarida boshlangʻich sinf oʻquvchilarining har yili tibbiy koʻrikdan oʻtkazilishi nazorat qilinishini va monitoringi olib borilishini tashkil etish;

davlat taʼlim standartlari talablarini oʻzlashtirish monitoringi oʻtkazilishida ishtirok etish va metodik materiallar tayyorlash;

oʻquvchilar va pedagoglarning taʼlim olishga boʻlgan ehtiyojlarini aniqlagan holda metodik materiallar ishlab chiqish va metodik yordam koʻrsatish;

umumtaʼlim muassasalariga oʻquv-tarbiyaviy jarayonni taʼlim berishning zamonaviy shakllarini, innovatsion pedagogik va axborot-kommunikatsiya texnologiyalarini qoʻllash orqali tashkil etishda metodik yordam koʻrsatish;

turli metodik materiallarni tayyorlash, pedagogik va ilmiy-metodik axborotlarni umumlashtirish va tarqatish, ilmiy-metodik jurnallar, gazetalar, metodik toʻplamlar va qoʻllanmalar nashr etadi;

d) iqtidorli va isteʼdodli bolalar va yoshlarni aniqlash boʻyicha ilgʻor tajribani oʻrganish, tizimlashtirish va xalq taʼlimi tizimiga joriy etishni tashkil etish, iqtidorli bolalar maʼlumotlar bazasini yaratish, iqtidorli va isteʼdodli, shuningdek, jismoniy va aqliy rivojlanishida nuqsonlari boʻlgan bolalar bilan ishlash boʻyicha metodikalarni ishlab chiqish hamda amaliyotga tatbiq etish, mazkur sohadagi ilgʻor tajribalarni oʻrganish va joriy etish sohasida:

xalq taʼlimi muassasalaridagi iqtidorli va isteʼdodli oʻquvchilarning maʼlumotlar bankini shakllantirish;

oʻquv-tarbiya jarayonining sifatini oshirish, iqtidorli va isteʼdodli oʻquvchilar hamda pedagoglarning qobiliyatlarini rivojlantirish, munosib ragʻbatlantirishga yoʻnaltirilgan tadbirlar (konferensiyalar, forumlar, musobaqalar, fan olimpiadalari, seminar-treninglar, tanlovlar) tashkil etish;

iqtidorli va isteʼdodli oʻquvchilarni aniqlash uchun taʼlim berishning interfaol va zamonaviy usullarini, metodik materiallarni, metodik yordam koʻrsatishning samarali shakllarini ishlab chiqish, aprobatsiyadan oʻtkazish va oʻquv-tarbiya jarayoniga tatbiq qilish;

jismoniy va aqliy rivojlanishida nuqsonlari boʻlgan bolalar uchun kasb-hunarga yoʻnaltirish va psixologik-pedagogik tashxis qoʻyish boʻyicha maʼlumot-axborot fondini yaratish, kuzatuvlar natijasiga koʻra tegishli tavsiyalar, yoʻriqnomalar va tahliliy materiallarni ishlab chiqish;

aniqlangan nuqsonlarni bartaraf etish boʻyicha metodik materiallarni ishlab chiqish, oʻquvchilar va pedagoglarning taʼlim olishga boʻlgan ehtiyojlarini aniqlashda metodik yordam koʻrsatish.

8. Markaz oʻziga yuklangan vazifalar va funksiyalarni amalga oshirish uchun quyidagi huquqlarga ega:

xalq taʼlimi tizimidagi barcha tashkilot va muassasalarda oʻquvchilarga kasbiy taʼlim berish, kasb-hunarga yoʻnaltirish, psixologik-pedagogik tashxis qoʻyish hamda tibbiy-defektologik xizmat koʻrsatish boʻyicha ishlarning holatini oʻrganish;

oʻz faoliyati yoʻnalishlari boʻyicha normativ va metodik materiallar qoʻllanilishining nazoratini amalga oshirish, ilmiy-metodik ishlanmalarning amaliyotga tatbiq etilishi boʻyicha xulosalar berish;

hududlarni ijtimoiy-iqtisodiy rivojlantirish istiqbollari va kadrlarga boʻlgan ehtiyoji, oʻquvchilarni kasb-hunarga yoʻnaltirish, psixologik-pedagogik tashxis hamda tibbiy-defektologik xizmat koʻrsatish boʻyicha metodik materiallar va normativ hujjatlarning amaliyotga tatbiq etilishi natijalari toʻgʻrisida belgilangan tartibda axborot olish;

ekspertiza oʻtkazish hamda oʻquvchilarni kasb-hunarga yoʻnaltirish va psixologik-pedagogik tashxis qoʻyish boʻyicha soʻrovnomalar, savolnomalar, test materiallari, shuningdek, boshqa metodik va maʼlumot-axborot materiallaridan foydalanishning maqsadga muvofiqligi toʻgʻrisida xulosalar berish;

maʼnaviy eskirgan va foydalanishga yaroqsiz asbob-uskunalar, transport vositalari va texnik vositalarni belgilangan tartibda hisobdan chiqarish;

oʻz vakolatlari doirasida jurnallar, oʻquv, metodik va koʻrgazmali qoʻllanmalar, yoʻriqnomalar, maʼlumot-axborot va boshqa materiallarni chop etish va tarqatish;

Vazirlik bilan kelishgan holda oʻquvchilarni kasb-hunarga yoʻnaltirish va psixologik-pedagogik tashxis qoʻyish hamda ularga kasbiy taʼlim berishning alohida yoʻnalishlari boʻyicha Markazning tajriba-sinov maydonchalari, tayanch oʻquv muassasalarini tashkil etish;

vaqtinchalik ijodiy jamoalar tashkil etish, mualliflar, shuningdek alohida fuqarolar bilan belgilangan tartibda shartnomalar tuzish, mehnatni tashkil etishning turli shakllarini qoʻllash, shartnoma asosida doimiy yoki bir martalik ishlarni bajarish;

Markazning rasmiy veb-saytiga va maxsus jurnalga oʻquvchilarni kasb-hunarga yoʻnaltirish va psixologik-pedagogik tashxis qoʻyish xizmatlari faoliyatiga hamda ularga kasbiy taʼlim berish muassasalariga bagʻishlangan maʼlumotlar va reklama materiallarini joylashtirish;

xalq taʼlimi muassasalari pedagog xodimlari, oʻquvchilar (tarbiyalanuvchilar) va ularning ota-onalariga, boshqa fuqarolarga, shuningdek, respublikada roʻyxatga olingan davlat tashkilotlariga va nodavlat tashkilotlarga qonun hujjatlariga muvofiq pullik taʼlim xizmatlari koʻrsatish;

Vazirlik bilan kelishgan holda Markazga yuklangan vazifalarni bajarish uchun faoliyat yuritishning maqbul shakl va usullarni tanlash, oʻz vakolatiga tegishli masalalar yuzasidan qarorlar qabul qilish va ularni amalga oshirish.

Markaz qonun hujjatlariga muvofiq boshqa huquqlarga ham ega boʻlishi mumkin.

9. Markaz oʻz faoliyatida bevosita Vazirlikka boʻysunadi va hisobot beradi.

10. Markazga Oʻzbekiston Respublikasi Xalq taʼlimi vaziri tomonidan lavozimiga tayinlanadigan va lavozimidan ozod etiladigan direktor rahbarlik qiladi.

11. Quyidagilar direktorning asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari, boshqa normativ-huquqiy hujjatlar, shuningdek, ushbu Ustav talablariga rioya qilish;

Markaz faoliyatiga umumiy rahbarlik qilish, Markazda oʻquv-metodik, ilmiy-tadqiqot, maʼnaviy-maʼrifiy ishlarni samarali tashkil etish;

Markaz nomidan tashkilotlar bilan xoʻjalik shartnomalari tuzish, Vazirlikda Markazning manfaatlarini ifodalash, shuningdek, Markaz faoliyati toʻgʻrisida hisobotlar taqdim etish;

oʻz vakolatlari doirasida buyruqlar chiqarish va ishonchnomalar berish;

Markaz xodimlarini ragʻbatlantirish va ularni intizomiy javobgarlikka tortish toʻgʻrisida qarorlar qabul qilish;

Markazda olib borilayotgan ilmiy-tadqiqot va ilmiy-metodik ishlarni muvofiqlashtirish;

Markazning ichki tartib-qoidalarini tasdiqlash va xodimlar tomonidan unga rioya qilinishini nazorat qilish;

jamoada sogʻlom maʼnaviy va ijodiy muhitni shakllantirish boʻyicha choralar koʻrish;

Markaz vakolatiga kiradigan masalalar boʻyicha qarorlar qabul qilish, Markazga yuklangan vazifalar va funksiyalar bajarilishi uchun shaxsan javob berish;

Markazda yongʻin va texnika xavfsizligi qoidalari, mehnat muhofazasi va sanitariya-gigiyena talablariga rioya qilinishini taʼminlash;

Markaz tizimida kadrlar tanlash va ularni joy-joyiga qoʻyish, kadrlar zaxirasini shakllantirish, ularning samarali faoliyat yuritishi uchun zarur sharoitlar yaratish;

Markaz faoliyatini yanada takomillashtirish boʻyicha kompleks dasturlar, chora-tadbirlar va konsepsiyalarning bajarilishi yuzasidan chuqur va tanqidiy tahlil oʻtkazish;

davlat siriga kiritilgan maʼlumotlar va maxfiy axborot bilan ishlashda qonun hujjatlari talablariga rioya qilish.

Markaz direktori qonun hujjatlariga muvofiq boshqa majburiyatlarga ham ega boʻlishi mumkin.

12. Markaz faoliyatiga oid asosiy masalalarni koʻrib chiqish uchun direktor rahbarligida Ilmiy-metodik kengash tashkil etiladi.

Ilmiy-metodik kengash raisi va uning shaxsiy tarkibi Vazirlik tomonidan tasdiqlanadi.

Ilmiy-metodik kengash tarkibiga Vazirlik, Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi, boshqa tegishli vazirliklar va idoralar, jamoat tashkilotlari, birlashmalarning rahbar va mutaxassislari, Markaz vakillari, turli ilmiy-tadqiqot tashkilotlari vakillari, shuningdek, tashkiliy-huquqiy shaklidan qatʼi nazar xalq taʼlimi muassasalarining rahbarlari kiritilishi mumkin.

Ilmiy-metodik kengash qarorlari Markaz direktorining buyruqlari bilan amalga oshiriladi.

Ilmiy-metodik kengash raisi va kotibi kengash qarorlari ijrosining doimiy monitoringini olib boradi hamda qabul qilingan qarorlar ijrosi yuzasidan kengash aʼzolari oldida hisobot beradi.

Ilmiy-metodik kengashning aʼzolari kengash yigʻilishida muhokama etilgan masalalar boʻyicha chiqarilgan qarorlarning toʻgʻri va aniq ijro etilishi uchun javob beradilar.

Ilmiy-metodik kengashning ish tartibi Markazning yillik ish rejasi asosida amaldagi qoidalarga muvofiq belgilanadi.

13. Quyidagilar Ilmiy-metodik kengashning vazifalari hisoblanadi:

Markaz va uning boʻlimlarining reja va hisobotlarini koʻrib chiqish;

kasb-hunarga yoʻnaltirish, psixologik-pedagogik va tibbiy-defektologik ishlar boʻyicha metodik tavsiyalarni muhokama qilish;

Markazning ilmiy-metodik va tashkiliy ishlari asosiy yoʻnalishlarini aniqlash va taʼminlash, Markazning maʼnaviy-maʼrifiy ishlarini takomillashtirish;

oʻquv-metodik adabiyotlar, metodik qoʻllanmalarni chop etish va nashr qilish masalalarini koʻrib chiqish;

Markazning joriy (yillik) va istiqboldagi rivojlanish rejalarini tasdiqlash.

14. Ekspertiza ishlarini oʻtkazish uchun Markaz huzurida oʻquvchilarni kasb-hunarga yoʻnaltirish va psixologik-pedagogik tashxis qoʻyish boʻyicha ekspert kengashi tashkil etiladi. Ekspert kengashi tarkibi va ustavi Markaz direktori tomonidan tasdiqlanadi.

15. Markazni moliyalashtirish respublika budjeti mablagʻlari, shuningdek, qonun hujjatlarida taqiqlanmagan boshqa manbalar hisobiga amalga oshiriladi.

16. Markaz xodimlarining ish haqi ularning lavozim maoshi, mukofot puli, qoʻshimcha haq, ustama va qonun hujjatlarida belgilangan boshqa toʻlovlardan iborat boʻladi.

17. Markaz xodimlarining oylik maoshiga qoʻshimcha ragʻbatlantiruvchi tusdagi har oylik ustama va qoʻshimcha haqlar Vazirlik tomonidan tasdiqlangan nizomga muvofiq amalga oshiriladi.

18. Mehnatga haq toʻlash jamgʻarmasi, budjet tashkilotlarini rivojlantirish jamgʻarmasi mablagʻlari va qonun hujjatlarida taqiqlanmagan boshqa mablagʻlar Markaz xodimlariga ish haqi toʻlash va moddiy ragʻbatlantirish manbalari hisoblanadi.

19. Markazni qayta tashkil etish va tugatish qonun hujjatlarida belgilangan tartibda amalga oshiriladi.

1. Mazkur Ustav A. Avloniy nomidagi xalq taʼlimi tizimi rahbar va mutaxassis xodimlarini qayta tayyorlash va malakasini oshirish institutining (keyingi oʻrinlarda Institut deb ataladi) maqomi, maqsadi, asosiy vazifalari, huquq va majburiyatlarini, faoliyatini tashkil etish va moliyalashtirish tartibini, shuningdek, uning rahbarlarining funksional majburiyatlari hamda javobgarligini belgilaydi.

2. Institut Oʻzbekiston Respublikasi Xalq taʼlimi vazirligining (keyingi oʻrinlarda Vazirlik deb ataladi) tarkibiy boʻlinmasi hisoblanadi va xalq taʼlimi tizimidagi rahbar va mutaxassis xodimlarni qayta tayyorlash va malakasini oshirish boʻyicha faoliyatni muvofiqlashtiradi hamda rahbarlik qiladi, xalq taʼlimi tizimida yangi ilgʻor pedagogik texnologiyalarni joriy etish, axborot-kommunikatsiya texnologiyalaridan samarali foydalanish masalalarida uzluksiz metodik taʼminotni amalga oshiradi.

3. Institutning rasmiy nomlanishi:

a) davlat tilida:

toʻliq — A. Avloniy nomidagi xalq taʼlimi tizimi rahbar va mutaxassis xodimlarini qayta tayyorlash va malakasini oshirish instituti, qisqartmasi — A. Avloniy nomidagi XTTRMXQTMOI;

b) rus tilida:

toʻliq — Institut perepodgotovki i povisheniya kvalifikatsii rukovoditeley i spetsialistov sistemi narodnogo obrazovaniya imeni A. Avloni, qisqartmasi — IPPKRSSNO imeni A. Avloni;

v) ingliz tilida:

toʻliq — Retraining and in-service institute of managers and specialists of system of public education named after A. Avloni, qisqartmasi — RIIMSSPE named after A. Avloni.

4. Institut tinglovchilarini oʻqitish kunduzgi, masofaviy va qonunchilikda belgilangan boshqa shakllarda amalga oshiriladi.

5. Institut oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, boshqa qonun hujjatlari, shuningdek ushbu Ustavga amal qiladi.

6. Institut davlat muassasasi shaklidagi yuridik shaxs hisoblanadi.

7. Institut xalq taʼlimi tizimining rahbar hamda mutaxassis xodimlarini qayta tayyorlash va malakasini oshirish faoliyatini amalga oshiruvchi taʼlim muassasasi sifatida mazkur yoʻnalishdagi oʻquv, ilmiy-metodik, ilmiy-tadqiqot, maʼnaviy-maʼrifiy hamda tashkiliy-metodik ishlarni amalga oshiradi.

8. Quyidagilar institutning asosiy vazifalari hisoblanadi:

xalq taʼlimi rahbar va mutaxassis xodimlarning kasbiy layoqat va mahoratini yanada oshirish, ularga yangi bilimlar berish, ilgʻor pedagogik va axborot-kommunikatsiya texnologiyalari, Internet global tarmogʻidan samarali foydalanish kompetensiyalarini rivojlantirish;

rahbar va mutaxassis xodimlarni qayta tayyorlash va ularning malakasini oshirishda taʼlim jarayonining yuqori samaradorligini taʼminlash, ilmiy tadqiqotlarga intilish, ijodiy mahorat va mustaqil fikrlash koʻnikmalarini rivojlantirish;

gʻoyaviy-tarbiyaviy ishlar olib borish, rahbar va mutaxassis xodimlarning oʻquv-tarbiyaviy va maʼnaviy-maʼrifiy ishlarni tashkil qilish, boshqarishni nazorat qilish hamda taʼlim sifatini baholash koʻnikmalarini mustahkamlash;

qayta tayyorlash va malaka oshirishning samarali shakllarini (uygʻunlashtirilgan, masofadan oʻqitish, oʻqitishning yakka tartibdagi shaklini, “ustoz-shogird” usulini va shu kabilarni) joriy etishning ilmiy-metodik va tashkiliy-metodik asoslarini ishlab chiqish;

xalq taʼlimi tizimi rahbar va mutaxassis xodimlarini qayta tayyorlash va malakasini oshirish tizimini takomillashtirish boʻyicha ilmiy-tadqiqot hamda oʻquv-metodik ishlarni olib borish, pedagogika sohasining taʼlimda menejment yoʻnalishi boʻyicha oliy malakali mutaxassislarni tayyorlash.

9. Institut oʻziga yuklangan vazifalarga muvofiq quyidagi funksiyalarni amalga oshiradi:

a) xalq taʼlimi rahbar va mutaxassis xodimlarning kasbiy layoqat va mahoratini yanada oshirish, ularga yangi bilimlar berish, ilgʻor pedagogik va axborot-kommunikatsiya texnologiyalari, Internet global tarmogʻidan samarali foydalanish kompetensiyalarini rivojlantirish sohasida: