Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi, “Banklar va bank faoliyati toʻgʻrisida”gi qonunlari, Oʻzbekiston Respublikasi Prezidentining 2018-yil 9-yanvardagi PF-5296-son “Oʻzbekiston Respublikasi Markaziy bankining faoliyatini tubdan takomillashtirish chora-tadbirlari toʻgʻrisida”gi Farmoni va 2017-yil 13-sentabrdagi PQ-3272-son “Pul-kredit siyosatini yanada takomillashtirish chora-tadbirlari toʻgʻrisida”gi qaroriga muvofiq Oʻzbekiston Respublikasi Markaziy banki Boshqaruvi qaror qiladi:

1. Oʻzbekiston Respublikasi Markaziy banki Boshqaruvining 2018-yil 31-martdagi 12/8-son qarori (roʻyxat raqami 3002, 2018-yil 25-aprel) (Oʻzbekiston Respublikasi qonun hujjatlari toʻplami, 2018-y., 17-son, 353-modda) bilan tasdiqlangan Tijorat banklarining Oʻzbekiston Respublikasi Markaziy bankida depozitga oʻtkaziladigan majburiy rezervlari toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror 2018-yil 1-oktabrdan eʼtiboran kuchga kiradi.

1. 1-bandda:

ikkinchi xatboshidan “milliy va chet el valyutasida” degan soʻzlar chiqarib tashlansin;

oltinchi va yettinchi xatboshilardan “milliy valyutadagi” degan soʻzlar chiqarib tashlansin.

2. 6-band quyidagi tahrirda bayon etilsin:

“6. Majburiy rezervlar tijorat banklari tomonidan milliy va xorijiy valyutada jalb qilingan majburiyatlar boʻyicha Markaziy bankdagi rezident banklarning majburiy rezerv hisobvaragʻiga pul oʻtkazish yoki Markaziy bankdagi vakillik hisobvaragʻida oʻrtachalashtirilgan miqdorini ushlab turish orqali faqat milliy valyutada shakllantiriladi va saqlanadi.”.

3. 7 va 8-bandlar oʻz kuchini yoʻqotgan deb topilsin.

4. 1-ilovaning 42-pozitsiyasidagi “Investitsiya dasturlarini” degan soʻzlar “Rivojlanish davlat dasturlarini” degan soʻzlar bilan almashtirilsin.

5. 2-ilovadagi jadvalning “Z” ustuni chiqarib tashlansin.

6. 3-ilovada:

oʻn uchinchi xatboshi quyidagi tahrirda bayon etilsin:

oʻn toʻrtinchi va oʻn beshinchi xatboshilar chiqarib tashlansin;

oʻn oltinchi va ellik oltinchi xatboshilar tegishlicha oʻn toʻrtinchi va ellik toʻrtinchi xatboshilar deb hisoblansin;

qirq uchinchi xatboshidan “jami hamda (Z) ustunida esa 1 — 27 satrlarning (Z) ustunidagi mablagʻlarning” degan soʻzlar chiqarib tashlansin;

ellik uchinchi va ellik toʻrtinchi xatboshilar chiqarib tashlansin.