Chora-tadbirlar nomlanishi | Amalga oshirish shakli | Ijro muddati | Mas’ul ijrochilar | |
I. PUL-KREDIT SIYOSATI VA UNING VOSITALARIDAN FOYDALANIShNI TAKOMILLAShTIRISh ChORALARI | ||||
1. | O‘zbekiston Respublikasi moliya bozori, shu jumladan keyinchalik ularni uzoq muddatli loyihalarga yo‘naltirish bilan iqtisodiyotda bo‘shpul mablag‘larini safarbar qilish, shuningdek, pul-kredit siyosatini samarali olib borish uchun zarur shart-sharoitlar yaratish maqsadida davlat qimmatli qog‘ozlar bozorini o‘rta va uzoq muddatli istiqbolda rivojlantirish Konsepsiyasi loyihasini ishlab chiqish va belgilangan tartibda Vazirlar Mahkamasiga kiritish. | Hukumat qarori loyihasi | 2017-yil 1-oktabr | Moliya vazirligi, Markaziy bank, Iqtisodiyot vazirligi, Davlat raqobat qo‘mitasi, manfaatdor vazirliklar va idoralar |
2. | Inflatsiyaviy targetlash rejimiga bosqichma-bosqich o‘tish uchun zarur asoslar va shart-sharoitlar shakllanishiga alohida e’tibor qaratgan holda pul-kredit siyosatini rivojlantirish va amalga oshirish bo‘yicha o‘rta muddatli Konsepsiya va 2018 — 2021-yillarda Konsepsiyani amalga oshirish “Yo‘l xaritasi”ni ishlab chiqish. | Markaziy bank Boshqaruvi qarori | 2018-yil 1-martgacha | Markaziy bank |
3. | Valyuta bozori liberallashtirilganidan keyin valyuta kursi rejimi va pul-kredit siyosatini belgilash va ishlab chiqish uchun Xalqaro valyuta fondi texnik ko‘magini jalb qilish. | Xalqaro valyuta fondi bilan muzokaralar olib borish | 2017-yil IV chorak | Markaziy bank |
4. | Umumiqtisodiy, soliq-budjet va pul-kredit siyosati amaliyotini muvofiqlashtirishni takomillashtirish, amalga oshirilayotgan iqtisodiy o‘sish, O‘zbekiston Respublikasi Davlat budjetining balansliligini va inflatsiyaning past darajasini uyg‘unligi va mutanosibligini ta’minlash. | Respublika bank kengashi va Pul-kredit komissiyasi faoliyati, funksiyalari va tarkibini qayta ko‘rib chiqish asosida yagona idoralararo kollegial organni tuzish | 2017-yil IV chorak | Markaziy bank, Iqtisodiyot vazirligi, Moliya vazirligi, vazirliklar va idoralar |
5. | Bank tizimida likvidlikni tartibga solishda ularning samaradorligini oshirish maqsadida majburiy zaxiralar normalarini qo‘llash metodlarini takomillashtirish. | Markaziy bank Boshqaruvi qarori | 2018-yil I chorak | Markaziy bank, tijorat banklari |
6. | Pul bozori holatiga o‘z vaqtida ta’sir ko‘rsatish, tartibga solish samaradorligini oshirish uchun qisqa muddatli pul resurslarini taqdim etish va jalb etish banklararo bozori yagona platformasini ishga tushirish bo‘yicha zarur choralarni amalga oshirish. | Markaziy bank Boshqaruvi qarori | 2018-yil I chorak | Markaziy bank, O‘zbekiston Banklar assotsiatsiyasi, tijorat banklari |
7. | Qarz vositalari bozorini rivojlantirgan va davlat qimmatli qog‘ozlarini muomalaga chiqara borgan sari davlat qimmatli qog‘ozlari bilan ochiq bozorda xususan REPO operatsiyalari, likvidlikni taqdim etish operatsiyalari, shu jumladan lombard kreditlari operatsiyalarini amalga oshirishni amaliyotga joriy qilish. | Markaziy bank Boshqaruvi qarori | Davlat qimmatli qog‘ozlari muomalaga chiqarilgandan keyin uch oy davomida | Markaziy bank, Moliya vazirligi, tijorat banklari |
8. | Makroiqtisodiy model, shuningdek, keyinchalik tegishli asoslangan qarorlarni qabul qilish uchun tahlil va prognozlar sifatini oshirish maqsadida o‘rta muddatli va uzoq muddatli makroiqtisodiy prognozni baholash va shakllantirish metodikalarini ishlab chiqish va takomillashtirish. | Metodik ko‘rsatma (idoralararo) | 2018-yil IV chorak | Iqtisodiyot vazirligi, Markaziy bank, Moliya vazirligi, Davlat statistika qo‘mitasi, vazirliklar va idoralar |
9. | Foizli vositalarni optimallashtirish va pul-kredit instrumentlarining uzatish mexanizmining ishlash samaradorligini ta’minlash maqsadida Markaziy bank pul-kredit siyosati asosiy indikatori sifatida eng muhim stavka va foiz yo‘lagini joriy qilish. | Markaziy bank Boshqaruvi qarori | 2019-yil IV chorak | Markaziy bank |
10. | Pul-kredit siyosati vositalaridan faol va samarali foydalanish, shuningdek, ularni doimiy takomillashtirish. | Markaziy bank Boshqaruvi qarori | Doimiy asosda | Markaziy bank, tijorat banklari |
11. | Bank tizimidagi likvidlikning o‘zgarishini qisqa muddatli oraliq prognozlashtirilish amaliyotiga joriy qilish. | Tahliliy material | Doimiy asosda | Markaziy bank |
12. | Monetar faktorlar tomonidan inflatsion bosim kuchayishining mumkin bo‘lgan xavflarini boshlang‘ich davrida aniqlash va inflatsiya jarayonlarini jilovlash bo‘yicha pul-kredit sohasida olib borilayotgan choralarning samaradorligini baholash maqsadida asosiy pul-kredit agregatlari o‘zgarishini kundalik monitoring qilish tizimini joriy etish. | Tahliliy material | Doimiy asosda | Markaziy bank |
13. | Xorijiy ekspertlar va xalqaro moliya institutlarining texnik ko‘magini jalb qilish orqali, shu jumladan makroiqtisodiy ko‘rsatkichlar bo‘yicha statistik ma’lumotlarni yig‘ish va tuzish sifatini oshirish. | Chora-tadbirlar rejasi | Doimiy asosda | Davlat statistika qo‘mitasi, Iqtisodiyot vazirligi, Markaziy bank, Moliya vazirligi |
II. IChKI BOZORDA NARXLAR O‘ZGARIShI USTIDAN SAMARALI NAZORATNI TA’MINLASh ChORALARI | ||||
14. | Mahsulot bozorlarida ustun mavqega ega bo‘lgan xo‘jalik yurituvchi subyektlarning Davlat reyestriga kiritilgan mahsulotlar va xizmatlar narxlarini (tariflar) deklaratsiya qilish (tasdiqlash) amaliyotini 2017 — 2021-yillarda bosqichma-bosqich bekor qilishni nazarda tutuvchi Hukumat qarori loyihasini ishlab chiqish va belgilangan tartibda Vazirlar Mahkamasiga kiritish. | Hukumat qarori loyihasi | 2017-yil IV chorak | Moliya vazirligi, Davlat raqobat qo‘mitasi, Iqtisodiyot vazirligi |
15. | Haqiqatda yuzaga kelgan shart-sharoitlar va omillarni tanqidiy tahlil qilish asosida va mehnat unumdorligini oshirish, ishlab chiqarishning energiya sig‘imini kamaytirish, zarur infratuzilma va muhandislik-kommunikatsiya tizimini yaratish, shuningdek, ichki iste’mol bozorida narxlarning oshishiga olib keluvchi boshqa asossiz xarajatlar va tizimli muammolarni bartaraf qilish orqali respublikada ishlab chiqariladigan mahsulotlar tannarxini pasaytirish bo‘yicha aniq takliflar tayyorlash. | Hukumat qarori loyihasi | 2018-yil I chorak | Iqtisodiyot vazirligi, Moliya vazirligi, Markaziy bank, Davlat statistika qo‘mitasi, vazirliklar va idoralar |
16. | Inflatsiya holatlari va kutilmalarni har tomonlama va faktlar asosida tahlil qilish imkonini beruvchi xalqaro tan olingan amaliyotga muvofiq takomillashgan hisob-kitob metodikasini joriy qilish va iste’mol narxlari indeksini tuzish. | Metodologik hujjat | 2017-yil IV chorak | Davlat statistika qo‘mitasi, Iqtisodiyot vazirligi, Markaziy bank |
17. | Xorij tajribasini o‘rganish asosida inflatsion kutilmalarni baholashning takomillashtirilgan metodologiyasini ishlab chiqish va tatbiq etish. | Metodologik hujjat | 2017-yil IV chorak | Markaziy bank, Iqtisodiyot vazirligi, Davlat statistika qo‘mitasi |
18. | Xalqaro moliya institutlarining texnik ko‘magini jalb qilish orqali inflatsiyaning darajasini prognozlashtirish va uni faktlar asosida tahlil qilishning takomillashtirilgan modeli va metodologiyasini ishlab chiqish. | Idoraviy normativ-huquqiy hujjat | 2017 — 2019 yillar | Markaziy bank, Iqtisodiyot vazirligi, Moliya vazirligi, Davlat statistika qo‘mitasi |
19. | Amaldagi mavsumiy, iqlim omillari va jahon narxlarining oshishi, shuningdek, monetar bo‘lmagan omillar bilan bog‘liq bo‘lgan boshqa sabablar hisobiga narxlarning keskin o‘zgarishiga tezkor munosabat mexanizmini takomillashtirish maqsadida O‘zbekiston Respublikasi Prezidentining 2017-yil 23-iyundagi “Respublika aholisini ijtimoiy ahamiyatga ega oziq-ovqat tovarlarining asosiy turlari bilan ishonchli ta’minlashga oid kechiktirib bo‘lmaydigan chora-tadbirlar to‘g‘risidagi” PQ-3082-son qarorida belgilab berilgan vazifalarni bajarish doirasidagi choralarni kuchaytirish. | Chora-tadbirlar rejasi | Doimiy asosda | Ijtimoiy muhim oziq-ovqat mahsulotlarining asosiy turi narxlarini monitoring va nazorat qilish bo‘yicha Respublika va doimiy amal qiluvchi hududiy komissiyalar rahbarlari |
III. IJTIMOIY-IQTISODIY KO‘RSATKIChLAR ShAFFOFLIGINI YANADA OShIRISh VA JAMOATChILIK BILAN ALOQALARNI RIVOJLANTIRISh ChORALARI | ||||
20. | Iqtisodiy siyosatning transparentligini oshirish va Xalqaro valyuta fondining “Ma’lumotlarni tarqatish umumiy tizimi” (MTUT) loyihasida ishtirok etish jarayonini qayta tiklash bo‘yicha takliflar tayyorlash. | Hukumat qarori loyihasi | 2017-yil IV chorak | Davlat statistika qo‘mitasi, Iqtisodiyot vazirligi, Markaziy bank, Moliya vazirligi, vazirliklar va idoralar |
21. | Davlat moliyalari to‘g‘risidagi ma’lumotlarning shaffofligini yanada oshirish maqsadida ularni davlat sektorida hisobga olish Xalqaro standartlariga muvofiq, rasmiy saytlar va rasmiy bosma nashrlarda har chorakda e’lon qilish. | Idoraviy normativ-huquqiy hujjat | 2017-yil IV chorak | Moliya vazirligi, Iqtisodiyot vazirligi, Markaziy bank |
22. | Pul-kredit siyosati va bank tizimi sohasida olib borilayotgan islohotlarni keng yoritish maqsadida jamoatchilik bilan aloqalarni takomillashtirish va rivojlantirish. | OAV vakillari bilan uchrashuvlar va intervyular tashkil etish, press-relizlar tayyorlash | Muntazam asosda | Markaziy bank, O‘zbekiston Banklar assotsiatsiyasi, tijorat banklari |
23. | Pul-kredit siyosatining har chorakda umumlashtirilgan ma’lumotini byulleten ko‘rinishida chop etish bilan birga Markaziy bank axborot-tahliliy nashrlari ro‘yxatini kengaytirish. | Markaziy bank axborot-tahliliy nashrlari | 2018-yildan boshlab har chorakda | Markaziy bank, O‘zbekiston Bankla� assotsiatsiyasi, tijorat banklari |
IV. XALQARO MOLIYA TAShKILOTLARI VA ChET EL MARKAZIY BANKLARI BILAN HAMKORLIK QILISh | ||||
24. | Mutaxassislar malakasini oshirishni tashkil etish va inflatsiyaviytargetlash rejimiga o‘tish choralari doirasida seminar-treninglarda ishtirok etish orqali maslahatlashuv uchun xalqaro ekspertlarni jalb etish, yetakchi xalqaro moliyaviy institutlar texnik ko‘magini jalb qilish. | Seminar-treninglarda ishtirok etishva XVF, Butunjahon banki, OTB va boshqalar texnik ko‘magini jalb qilish | 2017 — 2021 yillar | Markaziy bank, Moliya vazirligi, Iqtisodiyot vazirligi, Davlat statistika qo‘mitasi |
25. | Pul-kredit siyosatini olib borish sohasidagi tajribasini o‘rganish maqsadida xorij markaziy banklari bilan hamkorlik o‘rnatish. | O‘zbekiston Respublikasi Markaziy banki bilan xorij markaziy banklari o‘rtasida hamkorlik to‘g‘risidagi memorandum | 2017 — 2019 yillar davomida | Markaziy bank |
O‘zbekiston Respublikasi Prezidentining Qarori, 13.09.2017 yildagi PQ-3272-son
Кучга кириш санаси
25.09.2017
Рус
Ўзб
O’zb
O‘zb|Рус
Ta’kidlash lozimki, so‘nggi yillarda respublikamizda tarif va pul-kredit sohasida ko‘rilgan chora-tadbirlar inflatsiya darajasini asta-sekin pasaytirish imkonini berdi, makroiqtisodiy barqarorlik va izchil iqtisodiy o‘sish sur’atlarini ta’minladi.
Shu bilan birga global moliya-iqtisodiy tizimidagi murakkab va tez o‘zgaruvchan, shuningdek, valyuta munosabatlarini tartibga solishni liberallashtirish sharoitida makroiqtisodiy barqarorlik va aholining turmush darajasini oshirishni ta’minlashga qaratilgan monetar siyosatning amaldagi instrumentlarini tubdan qayta ko‘rib chiqish talab etilmoqda.
2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasiga muvofiq, shuningdek, pul-kredit siyosatini yanada takomillashtirish, ilg‘or xalqaro tajribaga muvofiq monetar siyosatning yangi instrumentlarini joriy etish, milliy valyutaning mustahkamligini va respublikada makroiqtisodiy barqarorlikni ta’minlashda uning rolini kuchaytirish maqsadida:
1. O‘zbekiston Respublikasi Prezidentining 2017-yil 2-sentabrdagi “Valyuta siyosatini liberallashtirish bo‘yicha birinchi navbatdagi chora-tadbirlar to‘g‘risida”gi PF-5177-sonli Farmoni bilan valyuta bozorini liberallashtirish jarayonlarida davlat iqtisodiy siyosatining ustuvor yo‘nalishlaridan biri sifatida milliy valyutaning barqarorligini ta’minlashga yo‘naltirilgan qat’iy monetar siyosat olib borish belgilangan bo‘lib, bunda uning instrumentlaridan faol va moslashtirgan holda foydalanishni nazarda tutish, davlatning qimmatli qog‘ozlar bozorini rivojlantirish, shuningdek, ochiq bozorda operatsiyalarni amalga oshirish amaliyotini hamda davlat qimmatli qog‘ozlarini garovga qo‘yish bilan banklarning likvidligini oshirish bo‘yicha operatsiyalarning joriy etilishi ma’lumot uchun qabul qilinsin.
2. O‘zbekiston Respublikasi Markaziy bankining ichki narxlarning barqarorligini ta’minlashda o‘rta muddatli istiqbolda pul-kredit siyosati maqsadlariga erishish prinsip va mexanizmlarini xorijiy markaziy banklari tomonidan qo‘llaniladigan inflatsiyaviy targetlash rejimiga o‘tish to‘g‘risidagi taklifiga rozilik berilsin.
3. O‘zbekiston Respublikasi Markaziy banki, Moliya vazirligi, Iqtisodiyot vazirligi manfaatdor vazirliklar va idoralar bilan birgalikda ishlab chiqilgan 2017 — 2021-yillarda pul-kredit siyosatini yanada takomillashtirish chora-tadbirlari kompleksi hamda ilovaga muvofiq inflatsiyaviy targetlash rejimiga bosqichma-bosqich o‘tish taklifi ma’qullansin.
O‘zbekiston Respublikasi Markaziy banki (M. Nurmuratov), Moliya vazirligi (B. Xodjayev), Iqtisodiyot vazirligi (G. Saidova) rahbarlari zimmasiga Chora-tadbirlar kompleksida belgilangan tadbirlarni o‘z vaqtida va sifatli bajarish yuzasidan shaxsiy javobgarlik yuklansin.
4. O‘zbekiston Respublikasi Markaziy banki 2018-yilning 1-martigacha rivojlantirish va pul-kredit siyosatini amalga oshirishning o‘rta muddatli Konsepsiyasini hamda 2018 — 2021-yillarda Konsepsiyani amalga oshirish bo‘yicha “yo‘l xaritasini” ishlab chiqsin va tasdiqlasin, unda bosqichma-bosqich inflatsiyaviy targetlash rejimiga o‘tish nazarda tutilsin, ular quyidagi yo‘llar orqali amalga oshirilsin:
umumiqtisodiy, soliq-budjet va pul-kredit siyosatini muvofiqlashtirish amaliyotini takomillashtirish, bunda iqtisodiy o‘sish, davlat budjetining balanslashganligi va iqtisodiyotdagi narxlar darajasining barqarorligi bo‘yicha o‘zaro harakatlar va maqsadlarning kelishilganligini ta’minlashga alohida e’tibor qaratish;
likvidlikni ta’minlash va jalb qilish operatsiyalari bo‘yicha pul-kredit siyosatining samarali qo‘llaniladigan foiz instrumentlari turlarini kengaytirish;
tijorat banklari tomonidan foiz stavkalarini shakllantirishda, shu jumladan, kreditlar bo‘yicha bozor mexanizmlarini keng joriy etish;
olib borilayotgan pul-kredit siyosatining, jumladan amalga oshirilayotgan siyosatda qo‘llanilayotgan instrumentlar va yakuniy maqsadlar to‘g‘risida axborot yetkazib berish yo‘li bilan, shaffoflik va oldindan bashorat qilish imkoniyatini oshirish.
5. O‘zbekiston Respublikasi Moliya vazirligi, Iqtisodiyot vazirligi, Xususiylashtirilgan korxonalarga ko‘maklashish va raqobatni rivojlantirish davlat qo‘mitasi, O‘zbekiston Respublikasi Markaziy banki 2017-yilning 1-oktabrigacha o‘rta va uzoq muddatli istiqbolda Respublika moliya bozorini, shu jumladan, davlat qimmatli qog‘ozlar bozorini yanada rivojlantirish Konsepsiyasi loyihasini ishlab chiqsin va o‘rnatilgan tartibda O‘zbekiston Respublikasi Vazirlar Mahkamasiga kiritsin.
6. O‘zbekiston Respublikasi Markaziy banki, Adliya vazirligi hamda boshqa manfaatdor vazirlik va idoralar bilan birgalikda uch oy muddatda qonun hujjatlariga ushbu qarordan kelib chiqadigan o‘zgartish va qo‘shimchalar to‘g‘risida Vazirlar Mahkamasiga takliflar kiritsin.
7. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Bosh vazirining o‘rinbosari J.A. Qo‘chqorov va O‘zbekiston Respublikasi Markaziy banki raisi M.B. Nurmuratov zimmasiga yuklansin.
LexUZ sharhi