Oʻzbekiston Respublikasi Prezidentining “Zamonaviy energiya samarador va energiya tejaydigan texnologiyalarni yanada joriy etish chora-tadbirlari toʻgʻrisida” 2017-yil 23-avgustdagi PQ-3238-sonli qaroriga muvofiq va Oʻzbekiston Respublikasi iqtisodiyotining barcha tarmoqlarida energiya samaradorligini yanada ragʻbatlantirish maqsadida:

1. Oʻzbekiston Respublikasi Prezidentining baʼzi qarorlariga ilovaga muvofiq qoʻshimchalar kiritilsin.

2. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

1. Oʻzbekiston Respublikasi Prezidentining 2008-yil 24-iyuldagi PQ-927-sonli qarori bilan tasdiqlangan Xorijiy investitsiyalar va kreditlarni jalb qilish hamda oʻzlashtirish tartibi toʻgʻrisidagi Nizomda:

a) 2-bandining beshinchi xatboshi “zamonaviy energiya samarador va energiya tejaydigan texnologiyalarni, energoservis shartnomalariga muvofiq qayta tiklanadigan energiya manbalarini rivojlantirish sohasidagi texnologiyalarni joriy etish boʻyicha loyihalar” soʻzlari bilan toʻldirilsin;

b) 1-ilovadagi:

3-bandi quyidagicha mazmundagi xatboshi bilan toʻldirilsin:

“zamonaviy energiya samarador va energiya tejaydigan texnologiyalarni joriy etish hisobiga energiyani tejash salohiyati va energetika resurslarini iqtisod qilish hamda boshqa sarf-xarajatlarni baholash;

zamonaviy energiya samarador va energiya tejaydigan texnologiyalarni joriy etish hisobiga energetikaning asosiy fondlarini yangilash va obyektlar quvvatini oshirish salohiyati”;

4.3-bandining ikkinchi xatboshidagi “texnik qayta jihozlash” soʻzlaridan keyin “shu jumladan, energiyani tejash va energetika resurslaridan foydalanish samaradorligini oshirish chora-tadbirlarini roʻyobga chiqarish” soʻzlari bilan toʻldirilsin;

5-bandi quyidagicha mazmundagi xatboshp bilan toʻldirilsin:

“zamonaviy energiya samarador va energiya tejaydigan texnologiyalarni joriy etish hisobiga energetika resurslarini va boshqa sarf-xarajatlarni iqtisod qilishning kutilayotgan hajmi”.

2. Oʻzbekiston Respublikasi Prezidentining 2017-yil 28-apreldagi PQ-2934-sonli qarori bilan tasdiqlangan Oʻzbekiston Respublikasi Iqtisodiyot vazirligi toʻgʻrisidagi Nizomning 8-bandi “v” kichik bandidagi oltinchi xatboshi “shu jumladan, energoservis hamkorligi toʻgʻrisidagi bitimlar asosida” soʻzlari bilan toʻldirilsin.