O‘zbekiston Respublikasi Prezidentining “O‘zbekiston Respublikasi temir yo‘llarda yuk va yo‘lovchilar tashish xavfsizligini nazorat qilish davlat inspeksiyasi faoliyatini yanada takomillashtirish chora-tadbirlari to‘g‘risida” 2017-yil 16-avgustdagi PQ-3221-sonli qarorini bajarish yuzasidan Vazirlar Mahkamasi qaror qiladi:

1. Quyidagilar:

O‘zbekiston Respublikasi Temir yo‘llarda yuk va yo‘lovchilar tashish xavfsizligini nazorat qilish davlat inspeksiyasi to‘g‘risidagi nizom 1-ilovaga muvofiq;

O‘zining temir yo‘llariga ega bo‘lgan yuridik shaxslarning temir yo‘l transporti xodimlari malakasini oshirish va ularni qayta tayyorlash markazi tuzilmasi 2-ilovaga muvofiq;

“Temir yo‘l mahsulotlarini sertifikatlashtirish markazi” davlat unitar korxonasi tuzilmasi 3-ilovaga muvofiq;

“Putur yetkazmasdan nazorat qilish laboratoriyasi” davlat unitar korxonasi tuzilmasi 4-ilovaga muvofiq tasdiqlansin.

2. Quyidagilar ular faoliyatni moliyalashtirish manbalari etib belgilansin:

O‘zining temir yo‘llariga ega bo‘lgan yuridik shaxslarning temir yo‘l transporti xodimlari malakasini oshirish va ularni qayta tayyorlash markazi uchun — o‘zining temir yo‘llariga ega bo‘lgan yuridik shaxslarning temir yo‘l transporti xodimlari malakasini oshirish va ularni qayta tayyorlash bo‘yicha shartnomalar doirasida pulli ta’lim xizmatlarini ko‘rsatishdan tushadigan mablag‘lar, shuningdek qonun hujjatlarida taqiqlanmagan boshqa manbalar;

“Temir yo‘l mahsulotlarini sertifikatlashtirish markazi” davlat unitar korxonasi uchun — temir yo‘l mahsulotini sertifikatlashtirishni amalga oshirish bo‘yicha tuzilgan shartnomalar doirasida pulli xizmatlar ko‘rsatishdan tushadigan mablag‘lar, shuningdek qonun hujjatlarida taqiqlanmagan boshqa manbalar;

“Putur yetkazmasdan nazorat qilish laboratoriyasi” davlat unitar korxonasi uchun — putur yetkazmasdan nazoratni amalga oshirish bo‘yicha shartnomaviy asosda haq to‘lash evaziga xizmatlar ko‘rsatishdan kelib tushadigan mablag‘lar, shuningdek qonun hujjatlarida taqiqlanmagan boshqa manbalar.

3. O‘zbekiston Respublikasi Temir yo‘llarda yuk va yo‘lovchilar tashish xavfsizligini nazorat qilish davlat inspeksiyasi “O‘zstandart” agentligi hamda manfaatdor vazirliklar va idoralar bilan birgalikda Majburiy tartibda sertifikatlanadigan O‘zbekiston Respublikasi hududida ishlab chiqariladigan va unga olib kiriladigan mahsulotlar turlari ro‘yxatiga temir yo‘l mahsulotlarining tegishli turlarini kiritishga doir o‘zgartirish va qo‘shimchalar kiritish to‘g‘risida uch oy muddatda Vazirlar Mahkamasiga takliflar kiritsin.

4. O‘zbekiston Respublikasi Hukumatining 5-ilovaga muvofiq ayrim qarorlari o‘z kuchini yo‘qotgan deb hisoblansin.

5. O‘zbekiston Respublikasi Temir yo‘llarda yuk va yo‘lovchilar tashish xavfsizligini nazorat qilish davlat inspeksiyasi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

6. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari — “O‘zbekiston temir yo‘llari” aksiyadorlik jamiyati boshqaruvi raisi A.J. Ramatov hamda O‘zbekiston Respublikasi Temir yo‘llarda yuk va yo‘lovchilar tashish xavfsizligini nazorat qilish davlat inspeksiyasi boshlig‘i D.B. Axmedov zimmasiga yuklansin.

1. Ushbu Nizom O‘zbekiston Respublikasi Temir yo‘llarda yuk va yo‘lovchilar tashish xavfsizligini nazorat qilish davlat inspeksiyasining (keyingi o‘rinlarda “O‘zdavtemiryo‘lnazorat” inspeksiyasi deb ataladi) maqomi, asosiy vazifalari, funksiyalari, huquqlari va javobgarligini, faoliyati va hisobotini tashkil etish tartibini, shuningdek, “O‘zdavtemiryo‘lnazorat” inspeksiyasi rahbarlarining funksional vazifalari va javobgarligini belgilaydi.

2. “O‘zdavtemiryo‘lnazorat” inspeksiyasi poyezdlar harakati xavfsizligini ta’minlash chora-tadbirlarini ishlab chiqish, amalga oshirish va muvofiqlashtirish bo‘yicha O‘zbekiston Respublikasi temir yo‘l ma’muriyatining funksiyalarini bajaruvchi hamda davlat, xo‘jalik boshqaruvi organlari va temir yo‘l transporti sohasida faoliyat yurituvchi boshqa tashkilotlar (keyingi o‘rinlarda temir yo‘l transporti korxona va tashkilotlari deb ataladi) tomonidan temir yo‘l transporti sohasida harakat xavfsizligini ta’minlashga oid belgilangan qoidalar va normalarga rioya etilishi yuzasidan davlat nazoratini amalga oshiruvchi, shuningdek, “O‘zbekiston temir yo‘llari” AJ tashkilotlari va korxonalarida qozonxona obyektlari va ko‘tarish inshootlaridan xavfsiz foydalanishni nazorat qiluvchi davlat boshqaruvi organi hisoblanadi.

3. “O‘zdavtemiryo‘lnazorat” inspeksiyasi O‘zbekiston Respublikasi Vazirlar Mahkamasiga (keyingi o‘rinlarda Vazirlar Mahkamasi deb ataladi) bo‘ysunadi.

4. “O‘zdavtemiryo‘lnazorat” inspeksiyasi o‘z faoliyatini O‘zbekiston Respublikasi Prezidentining “Temir yo‘l transportini monopoliyadan chiqarish va aksiyalashtirish chora-tadbirlari to‘g‘risida” 2001-yil 2-martdagi PF-2815-son Farmoniga hamda “O‘zbekiston Respublikasi Temir yo‘llarda yuk va yo‘lovchilar tashish xavfsizligini nazorat qilish davlat inspeksiyasi faoliyatini takomillashtirish chora-tadbirlari to‘g‘risida” 2017-yil 16-avgustdagi PQ-3221-son qaroriga muvofiq amalga oshiradi.

5. “O‘zdavtemiryo‘lnazorat” inspeksiyasi o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalari qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, shuningdek, ushbu Nizomga va boshqa qonun hujjatlariga amal qiladi.

6. “O‘zdavtemiryo‘lnazorat” inspeksiyasining o‘z vakolatlari doirasida qabul qilingan qarorlari davlat va xo‘jalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek, fuqarolar tomonidan bajarilishi majburiy hisoblanadi.

7. “O‘zdavtemiryo‘lnazorat” inspeksiyasi va uning tuzilmasiga kiruvchi tashkilotlar yuridik shaxs hisoblanadi, O‘zbekiston Respublikasining Davlat gerbi tasviri tushirilgan va o‘z nomi davlat tilida yozilgan muhr va blankalarga, mustaqil balansiga, O‘zbekiston Respublikasi Moliya vazirligining G‘aznachiligida g‘azna hisob raqamlariga, bank hisob raqamlariga, shu jumladan chet el valyutasidagi hisob raqamlariga ega bo‘ladi.

“O‘zdavtemiryo‘lnazorat” inspeksiyasining hududiy filiallari yuridik shaxs hisoblanmaydi.

8. “O‘zdavtemiryo‘lnazorat” inspeksiyasining rasmiy nomi:

a) davlat tilida:

to‘liq — O‘zbekiston Respublikasi Temir yo‘llarda yuk va yo‘lovchilar tashish xavfsizligini nazorat qilish davlat inspeksiyasi, qisqartirilgan — “O‘zdavtemiryo‘lnazorat” inspeksiyasi;

b) ingliz tilida:

to‘liq — The State Inspection of the Republic of Uzbekistan for the supervision of the safety of railway transportation, qisqartirilgan — Uzstaterailwaysupervision;

v) rus tilida:

to‘liq — Gosudarstvennaya inspeksiya Respubliki Uzbekistan po nadzoru za bezopasnostyu jeleznodorojnix perevozok, qisqartirilgan — Uzgosjeldornadzor.

9. “O‘zdavtemiryo‘lnazorat” inspeksiyasi tizimiga quyidagilar kiradi:

markaziy apparati;

Toshkent, Farg‘ona, Buxoro, Orolbo‘yi va Qashqadaryo hududiy filiallari;

O‘zining temir yo‘llariga ega bo‘lgan yuridik shaxslarining temir yo‘l transporti xodimlari malakasini oshirish va ularni qayta tayyorlash markazi;

“Temir yo‘l mahsulotlarini sertifikatlashtirish markazi” davlat unitar korxonasi;

“Putur yetkazmasdan nazorat qilish laboratoriyasi” davlat unitar korxonasi.

10. Quyidagilar “O‘zdavtemiryo‘lnazorat” inspeksiyasining asosiy vazifalari hisoblanadi:

O‘zbekiston Respublikasi temir yo‘l transportida yuk va yo‘lovchilar tashish xavfsizligi ta’minlanishi yuzasidan davlat nazoratini amalga oshirish;

temir yo‘l transportida foydalaniladigan mahsulotlarning texnik jihatdan tartibga solish, shuningdek, ularni sertifikatlashni tashkil etish sohasidagi normativ hujjatlar talablariga muvofiqligini nazorat qilish,;

o‘zining temir yo‘llariga ega bo‘lgan yuridik shaxslar xodimlarining tizimli ravishda malakasini oshirish va ularni qayta tayyorlash;

temir yo‘l transportida yuk va yo‘lovchilar tashish xavfsizligi sohasida hamkorlikni amalga oshirish va xalqaro tashkilotlarda O‘zbekiston Respublikasi manfaatlarini ifoda etish;

11. “O‘zdavtemiryo‘lnazorat” inspeksiyasi o‘ziga yuklangan vazifalarga muvofiq quyidagi funksiyalarni amalga oshiradi:

1) O‘zbekiston Respublikasi Temir yo‘l transportida yuk va yo‘lovchilar tashish xavfsizligini ta’minlash yuzasidan davlat nazoratini amalga oshirish sohasida:

umumiy foydalanishdagi temir yo‘l transportida tashishlar va temir yo‘l transporti sohasida faoliyat yuritadigan yuridik shaxslarning kirish yo‘llarida (keyingi o‘rinlarda temir yo‘l kirish yo‘llari deb ataladi) xavfsizligini ta’minlashi yuzasidan davlat nazoratini amalga oshirish;

temir yo‘l transportlari tashkilotlari va korxonalari tomonidan temir yo‘l transportida tashishlar xavfsizligini ta’minlash, harakatlanuvchi tarkibni, temir yo‘l transportining texnik vositalarini saqlash, ularga xizmat ko‘rsatish, ta’mirlash va ulardan foydalanish bo‘yicha texnik jihatdan tartibga solish sohasidagi normativ-huquqiy hujjatlar hamda normativ hujjatlar talablari bajarilishini nazorat qilish;

temir yo‘l transporti korxonalari va tashkilotlari tomonidan temir yo‘llarda poyezdlar harakati xavfsizligini ta’minlashga va temir yo‘lda tashishlar xavfsizligini ta’minlaydigan texnik vositalarning ishonchliligini oshirishga qaratilgan kompleks profilaktika chora-tadbirlari belgilangan muddatlarda bajarilishi yuzasidan davlat nazoratini ishlab chiqish va amalga oshirish;

ichki va xalqaro yo‘llarda temir yo‘l transportida yuk va yo‘lovchilarni tashish faoliyatini litsenziyalash, shuningdek, litsenziatlarning litsenziya talablari va shartlariga rioya etishini nazorat qilish;

obyektlar, mahsulotlar va texnologiyalarning temir yo‘l transporti sohasida belgilangan talablarga muvofiqligi yuzasidan ularni doimiy yoki vaqtincha foydalanishga qabul qilishda ishtirok etish;

obyektlar, mahsulotlar va texnologiyalarning temir yo‘l transporti sohasida belgilangan talablarga muvofiqligi yuzasidan ularni foydalanishga qabul qilish loyihalari va ishlarini ekspertizadan o‘tkazish va ular bo‘yicha xulosalar berish;

lokomotivlar, yuk hamda izotermik vagonlarning xizmat muddatini uzaytirish maqsadida ishlab chiqarishda texnik yechimlardan foydalanish huquqini kelishish va buning uchun guvohnoma berish;

O‘zbekiston Respublikasi hududida yuz bergan favqulodda hodisalar (avariya, halokat) yuzasidan xizmat tekshiruvlarini belgilangan tartibda tashkil etish va o‘tkazilish, shuningdek, boshqa davlatlar hududida O‘zbekiston Respublikasi yo‘lovchi tashish poyezdlarining favqulodda hodisalarini tekshirishda belgilangan tartibda ishtirok etish;

poyezdlar harakati xavfsizligi talablarini buzish holatlari bo‘yicha temir yo‘l transporti korxonalari va tashkilotlari tomonidan olib boriladigan xizmat tekshiruvlarining to‘g‘riligini nazorat qilish (halokatga uchrash va avariyalar bundan mustasno);

temir yo‘l transporti korxona va tashkilotlari tomonidan poyezdlar harakati xavfsizligi qoidalarini buzish holatlarini hisobga olish va tahlil etish, shuningdek, temir yo‘l transportida tashishlar xavfsizligi holati haqida ularni xabardor qilish;

“O‘zbekiston temir yo‘llari” AJ korxonalari va tashkilotlarida qozonxona obyektlari, ko‘tarish inshootlari va o‘lchash tizimlarini saqlash, ulardan xavfsiz foydalanish bo‘yicha texnik jihatdan tartibga solish sohasidagi huquqiy-normativ hujjatlar va normativ hujjatlarga rioya etilishini nazorat qilish;

temir yo‘l transporti korxonalari va tashkilotlari tomonidan temir yo‘l transportida tashishlar xavfsizligini oshirish bo‘yicha sohaga oid dasturlarning amalga oshirilishini nazorat qilish;

temir yo‘l transportida tashishlar xavfsizligini ta’minlash, harakatlanuvchi tarkibni, temir yo‘l transportining texnik vositalarini saqlash, ularga xizmat ko‘rsatish, ta’mirlash va ulardan foydalanish bo‘yicha texnik jihatdan tartibga solish sohasidagi normativ-huquqiy hujjatlar hamda normativ hujjatlarni belgilangan tartibda ishlab chiqish va qabul qilish;

O‘zbekiston Respublikasi hududida yo‘l harakati xavfsizligi talablarining buzilishi va ularning sabablari yuzasidan rasmiy tekshiruv o‘tkazish tasnifi hamda tartibi bo‘yicha normativ-huquqiy hujjatlarni belgilangan tartibda ishlab chiqish va qabul qilish;

temir yo‘l transporti korxonalari va tashkilotlarining lavozimga yangi tayinlangan, shuningdek, poyezdlar harakati xavfsizligi buzilishiga yo‘l qo‘ygan rahbarlari va mas’ul xodimlarini temir yo‘l transportida tashishlar xavfsizligini ta’minlash, harakatlanuvchi tarkibni, temir yo‘l transportining texnik vositalarini saqlash, ularga ko‘rsatish, ta’mirlash va ulardan foydalanish bo‘yicha texnik jihatdan tartibga solish sohasidagi normativ-huquqiy hujjatlar hamda normativ hujjatlarni bilishi bo‘yicha attestatsiyadan o‘tkazishni tashkil etish;

umumiy foydalanishdagi temir yo‘l transportida poyezdlar harakati xavfsizligini texnik va texnologik nazorat qilishni ta’minlovchi “O‘zbekiston temir yo‘llari” AJ ning tarkibiy bo‘linmalari faoliyatiga uslubiy rahbarlik qilish;

temir yo‘l transportida tashuvchilarning yo‘lovchilar hayoti, sog‘ligi va (yoki) mol-mulkiga zarar yetkazilganligi uchun o‘z fuqarolik javobgarligini majburiy sug‘urtalash bo‘yicha qonun hujjatlarida belgilangan majburiyatlarni bajarishi yuzasidan davlat nazoratini amalga oshirish;

nazorat funksiyalarini amalga oshirishda tadbirkorlik subyektlari, shuningdek, iste’molchilarning huquq va qonuniy manfaatlari himoya qilinishini ta’minlash;

2) temir yo‘l transportida foydalaniladigan mahsulotlarning texnik jihatdan tartibga solish, shuningdek, ularni sertifikatlashni tashkil etish sohasidagi normativ hujjatlar talablariga muvofiqligini nazorat qilish sohasida:

materiallar, detallar, uzellar va buyumlarning sifati, texnik holati hamda qolgan resurslar to‘g‘risida ma’lumot olish maqsadida ularning muvofiqligini baholash, parametrlarini aniqlash;

obyektlar va ishlab chiqariladigan mahsulotlarning talab qilinadigan sifatini ta’minlash, ishonchliligi va mustahkamligini oshirish, ulardan ishonchli va xavfsiz foydalanishni ta’minlash maqsadida obyekt parametrlarini yoki ularning ayrim elementlari hamda uzellarini putur yetkazmasdan nazorat qilish, mustaqil ekspertizadan, zarur sinovlar va o‘lchashlardan o‘tkazish;

temir yo‘l transportida foydalaniladigan va tayyorlovchi tomonidan keyinchalik sertifikatlash uchun buyurtma berilgan mahsulotlarning xavfsizlik va sifat ko‘rsatkichlarini texnik jihatdan tartibga solish bo‘yicha normativ hujjatlar talablariga muvofiq o‘rganish va baholash;

respublikada ishlab chiqariladigan va foydalaniladigan temir yo‘l mahsulotlarining sinov bazasini va sertifikatlashni rivojlantirish choralarini ko‘rish va shu asosda muvofiqlikni baholash natijalarining davlatlararo darajada e’tirof etilishiga erishish;

harakatlanuvchi tarkibni va temir yo‘l transportining texnik vositalarini sertifikatlash bo‘yicha texnik jihatdan tartibga solish sohasidagi normativ hujjatlarni belgilangan tartibda ishlab chiqish va qabul qilish;

temir yo‘l transporti vositalarini ishlab chiqaruvchi, quruvchi va ishlatuvchi korxonalar va tashkilotlar faoliyatini ularda poyezdlarning xavfsiz harakatlanishini ta’minlash bo‘yicha texnik tekshirishni tashkil etish va o‘tkazish hamda ularga belgilangan tartibda muvofiqlik sertifikatini berish;

3) o‘zining temir yo‘llariga ega bo‘lgan yuridik shaxslar xodimlarining tizimli ravishda malakasini oshirish va ularni qayta tayyorlash sohasida:

temir yo‘l transporti sohasida harakat xavfsizligini ta’minlash masalalari bo‘yicha kadrlarni professional darajada qayta tayyorlash va ularning malakasini oshirish borasida davlat siyosatini amalga oshirish;

o‘zining temir yo‘llariga ega bo‘lgan yuridik shaxslar temir yo‘l transporti xodimlarining malakasini belgilangan tartibda muntazam oshirish va qayta tayyorlashni tashkil etish hamda o‘tkazish;

4) temir yo‘l transportida yuk va yo‘lovchilar tashish xavfsizligi sohasida hamkorlikni amalga oshirish va xalqaro tashkilotlarda O‘zbekiston Respublikasi manfaatlarini ifoda etish sohasida:

xalqaro tashkilotlar, boshqa davlatlarning tegishli nazorat idoralari bilan “O‘zdavtemiryo‘lnazorat” inspeksiyasining vakolatiga taalluqli masalalar bo‘yicha aloqalarni belgilangan tartibda amalga oshirish;

temir yo‘l transportida yuk va yo‘lovchilar tashishda xavfsizlikni ta’minlash, normativ-huquqiy bazani takomillashtirish, temir yo‘llardan texnik foydalanish, temir yo‘l halokatlari va hodisalarini tekshirish masalalari bo‘yicha xalqaro tashkilotlar ishida, konferensiyalar va seminarlarda ishtirok etish;

“O‘zdavtemiryo‘lnazorat” inspeksiyasi o‘ziga yuklangan vazifalar va funksiyalarni bevosita, shuningdek, o‘ziga qarashli hududiy filiallar va tashkilotlar orqali amalga oshiradi.

12. Quyidagilar “O‘zdavtemiryo‘lnazorat” inspeksiyasi markaziy apparatining asosiy vazifalari va funksiyalari hisoblanadi:

“O‘zdavtemiryo‘lnazorat” inspeksiyasining hududiy filiallari va idoraviy mansub tashkilotlari bilan birgalikda “O‘zdavtemiryo‘lnazorat” inspeksiyasiga yuklangan vazifalar va funksiyalarni samarali amalga oshirish;

temir yo‘l transportida yuk va yo‘lovchilar tashishda xavfsizlikni ta’minlash sohasida xorijiy davlatlar tajribasini o‘rganishni tashkil etish;

“O‘zdavtemiryo‘lnazorat” inspeksiyasining yuqori turuvchi va boshqa davlat organlari hamda tashkilotlari bilan o‘zaro hamkorligini ta’minlash;

tasarrufidagi tashkilotlarni rivojlantirishga ko‘maklashish, ularni rivojlantirish istiqbollarini belgilash;

temir yo‘l transportida ruxsat berish tartibotlarini amalga oshirish;

temir yo‘l transportida tashishlar xavfsizligini ta’minlash, harakatlanuvchi tarkibni, temir yo‘l transportining texnik vositalarini saqlash, ularga xizmat ko‘rsatish, ta’mirlash va ulardan foydalanish bo‘yicha texnik jihatdan tartibga solish sohasidagi normativ-huquqiy hujjatlar hamda normativ hujjatlarni ishlab chiqish, qabul qilish va bajarilishini nazorat qilish;

“O‘zbekiston temir yo‘llari” AJ korxonalari va tashkilotlarida qozonxona obyektlari va ko‘tarish inshootlaridan xavfsiz foydalanishni nazorat qilish;

temir yo‘l transportida yuk va yo‘lovchilar tashish xavfsizligi sohasida hamkorlikni amalga oshirish va xalqaro tashkilotlarda O‘zbekiston Respublikasi manfaatlarini ifoda etish.

13. “O‘zdavtemiryo‘lnazorat” inspeksiyasi markaziy apparati o‘ziga yuklangan asosiy vazifalarga muvofiq quyidagi funksiyalarni amalga oshiradi:

“O‘zdavtemiryo‘lnazorat” inspeksiyasi va uning rahbariyati faoliyatini tashkiliy va axborot-tahliliy jihatdan ta’minlaydi;

“O‘zdavtemiryo‘lnazorat” inspeksiyasi markaziy apparatining tarkibiy bo‘linmalari, hududiy filiallari va idoraviy mansub tashkilotlar tomonidan O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Hukumat qarorlarining bajarilishi yuzasidan tizimli nazoratni ta’minlaydi;

o‘z vakolatlari doirasida “O‘zdavtemiryo‘lnazorat” inspeksiyasi boshlig‘i va uning o‘rinbosari buyruqlari va farmoyishlarini bajaradi;

“O‘zdavtemiryo‘lnazorat” inspeksiyasi tomonidan O‘zbekiston Respublikasi Vazirlar Mahkamasiga va O‘zbekiston Respublikasi Prezidenti Devoniga kiritiladigan hujjatlar sifatli va o‘z vaqtida ishlab chiqilishini va ularning iqtisodiy, moliyaviy hamda huquqiy ekspertizadan o‘tkazilishini tashkil qiladi;

“O‘zdavtemiryo‘lnazorat” inspeksiyasining hududiy filiallari, idoraviy mansub tashkilotlari faoliyatini muvofiqlashtiradi va nazorat qiladi;

“O‘zdavtemiryo‘lnazorat” inspeksiyasi faoliyatining huquqiy ta’minotini, shu jumladan qonun ijodkorligini tashkil qiladi;

“O‘zdavtemiryo‘lnazorat” inspeksiyasi rahbariyati uchun boshqaruv qarorlarini qabul qilish maqsadida temir yo‘lda tashishlar xavfsizligini ta’minlash masalalari yuzasidan temir yo‘l tarmog‘ini rivojlantirish tendensiyalari to‘g‘risidagi axborotlarni to‘playdi, umumlashtiradi va tahlil qiladi;

tadbirkorlik subyektlariga “O‘zdavtemiryo‘lnazorat” inspeksiyasi tomonidan amalga oshiriladigan ruxsat etish tartib-tamoyillaridan o‘tish masalalari bo‘yicha axborot, uslubiy, tashkiliy va maslahat yordami ko‘rsatadi;

“O‘zdavtemiryo‘lnazorat” inspeksiyasi vakolatiga kiradigan operativ, tashkiliy, kadrlar masalalari, moliyaviy, ishlab chiqarish-xo‘jalik va boshqa masalalarni hal etadi;

temir yo‘l transporti korxonalari va tashkilotlarida ularning temir yo‘l transportida tashishlar xavfsizligini ta’minlash, harakatlanuvchi tarkibni, temir yo‘l transportining texnik vositalarini saqlash, ularga xizmat ko‘rsatish, ta’mirlash va ulardan foydalanish bo‘yicha texnik jihatdan tartibga solish sohasidagi normativ-huquqiy hujjatlar hamda normativ hujjatlar talablarini bajarishini belgilangan tartibda tekshiradi;

temir yo‘l transporti korxonalari va tashkilotlari tomonidan temir yo‘lda tashishlar xavfsizlik darajasini va temir yo‘l transportining texnik vositalari ishonchliligini oshirishga qaratilgan kompleks profilaktika chora-tadbirlari belgilangan muddatlarda bajarilishi yuzasidan davlat nazoratini ishlab chiqadi va amalga oshiradi;

tadbirkorlik subyektlarining buyurtmanomalariga muvofiq obyektlar, mahsulotlar va texnologiyalarning temir yo‘l transporti sohasida belgilangan talablarga muvofiqligi yuzasidan ularni doimiy yoki vaqtincha foydalanishga qabul qilishda ishtirok etadi;

ichki va xalqaro yo‘llarda temir yo‘l transportida yo‘lovchilar va yuklarni tashish huquqini beruvchi litsenziyalar beradi va berilgan litsenziyalar reyestrini yuritadi, joylarga borib litsenziya talablari va shartlarining litsenziatlar tomonidan bajarilishini nazorat qiladi;

obyektlar, mahsulotlar va texnologiyalarning temir yo‘l transporti sohasida belgilangan talablarga muvofiqligi yuzasidan ularni foydalanishga qabul qilish loyihalari va ishlarini belgilangan tartibda ekspertizadan o‘tkazadi hamda va ular bo‘yicha xulosalar beradi;

lokomotivlar, yuk va izotermik vagonlarning xizmat muddatini uzaytirish bo‘yicha texnik yechimlardan ishlab chiqarishda foydalanishni kelishishni belgilangan tartibda ta’minlaydi;

O‘zbekiston Respublikasi hududida yuz bergan favqulodda hodisalar (avariya, halokat) yuzasidan xizmat tekshiruvlarini belgilangan tartibda tashkil etadi va o‘tkazadi, shuningdek, boshqa davlatlar hududida O‘zbekiston Respublikasi yo‘lovchi tashish poyezdlarining favqulodda hodisalarini tekshirishda belgilangan tartibda ishtirok etadi;

poyezdlar harakati xavfsizligi talablarini buzish holatlari bo‘yicha temir yo‘l transporti korxonalari va tashkilotlari tomonidan olib boriladigan xizmat tekshiruvlarining to‘g‘riligini nazorat qiladi (halokatga uchrash va avariyalar bundan mustasno);

temir yo‘l transporti korxonalari va tashkilotlari tomonidan poyezdlar harakati xavfsizligi talablari buzilishini hisobga oladi va tahlil qiladi;

“O‘zdavtemiryo‘lnazorat” inspeksiyasi rahbariyatiga umumiy foydalanishdagi temir yo‘l transportida tashishlar xavfsizligini ta’minlash holati to‘g‘risida axborot beradi;

umumiy foydalanishdagi temir yo‘l transporti va kirish temir yo‘llarida tashishlar xavfsizligini ta’minlash holati to‘g‘risidagi statistika ma’lumotlari va boshqa axborot materiallarini to‘playdi va tahlil qiladi;

“O‘zbekiston temir yo‘llari” AJ korxonalari va tashkilotlarida qozonxona obyektlari, ko‘tarish inshootlari va o‘lchash tizimlarini saqlash, ulardan xavfsiz foydalanish bo‘yicha texnik jihatdan tartibga solish sohasidagi huquqiy-normativ hujjatlar va normativ hujjatlar bajarilishini nazorat qiladi;

umumiy foydalanishdagi temir yo‘l transportida va kirish temir yo‘llarida tashishlar xavfsizligini ta’minlash darajasini oshirish bo‘yicha sohaga oid davlat maqsadli dasturlarni ishlab chiqish va amalga oshirishda ishtirok etadi;

temir yo‘l transportida tashishlar xavfsizligini ta’minlash, harakatlanuvchi tarkibni, temir yo‘l transportining texnik vositalarini saqlash, ularga xizmat ko‘rsatish, ta’mirlash va ulardan foydalanish bo‘yicha texnik jihatdan tartibga solish sohasidagi normativ-huquqiy hujjatlar hamda normativ hujjatlarni belgilangan tartibda ishlab chiqadi;

temir yo‘l transportida tashishlar xavfsizligini ta’minlash sohasidagi normativ-huquqiy bazani takomillashtirish bo‘yicha takliflarini ishlab chiqadi va “O‘zdavtemiryo‘lnazorat” inspeksiyasi rahbariyatiga kiritadi;

temir yo‘l transporti boshqarmalari, markazlari, korxonalari va tashkilotlarining lavozimga yangi tayinlangan, shuningdek, poyezdlar harakati xavfsizligi buzilishiga yo‘l qo‘ygan rahbarlari va mas’ul xodimlarini temir yo‘l transportida tashishlar xavfsizligini ta’minlash, harakatlanuvchi tarkibni, temir yo‘l transportining texnik vositalarini saqlash, ularga texnik xizmat ko‘rsatish, ta’mirlash va ulardan foydalanish bo‘yicha texnik jihatdan tartibga solish sohasidagi normativ-huquqiy hujjatlar hamda normativ hujjatlarni bilishi bo‘yicha belgilangan tartibda attestatsiyadan o‘tkazadi;

temir yo‘l transportida tashuvchilarning yo‘lovchilar hayoti, sog‘ligi va (yoki) mol-mulkiga zarar yetkazilganligi uchun o‘z fuqarolik javobgarligini majburiy sug‘urtalash bo‘yicha qonun hujjatlarida belgilangan majburiyatlarni bajarishini belgilangan tartibda nazorat qiladi;

temir yo‘lda tashishlar xavfsizligini ta’minlash, normativ-huquqiy ba’zani takomillashtirish, temir yo‘llardan texnik foydalanish, temir yo‘l halokatlari va hodisalarini tekshirish bo‘yicha xalqaro tashkilotlar ishida, konferensiyalar va seminarlarda ishtirok etadi;

“O‘zdavtemiryo‘lnazorat” inspeksiyasining vakolatiga kiradigan masalalar bo‘yicha idoralararo kengashlar, komissiyalar, ishchi guruhlar ishida ishtirok etadi;

temir yo‘lda tashishlar xavfsizligini ta’minlash masalalari bo‘yicha yig‘ilishlar, seminarlar tashkil etadi va o‘tkazadi;

jismoniy va yuridik shaxslarning murojaatlari ko‘rib chiqilishini ta’minlaydi.

14. Quyidagilar “O‘zdavtemiryo‘lnazorat” inspeksiyasi hududiy filiallarining asosiy vazifalari hisoblanadi:

“O‘zdavtemiryo‘lnazorat” inspeksiyasiga yuklangan vazifalar va funksiyalarning samarali bajarilishini ta’minlashda ishtirok etadi;

Qoraqalpog‘iston Respublikasi Jo‘qorg‘i Kengesi Raisi, viloyatlar va Toshkent shahri, tumanlar (shaharlar) hokimlari, prokuratura, ichki ishlar organlari va davlat soliq xizmati hududiy organlari rahbarlari rahbarlik qiladigan kompleks ijtimoiy-iqtisodiy rivojlanish sektorlari (keyingi o‘rinlarda ijtimoiy-iqtisodiy rivojlanishtirish sektorlari deb ataladi) bilan hamkorlik qiladi;

tegishli hududda temir yo‘lda tashishlar xavfsizligini ta’minlash, harakatlanuvchi tarkibni, temir yo‘l transportining texnik vositalarini saqlash, ularga xizmat ko‘rsatish, ta’mirlash va ulardan foydalanish sohasida texnik jihatdan tartibga solish bo‘yicha normativ-huquqiy hujjatlar va normativ hujjatlarning bajarilishini belgilangan tartibda nazorat qiladi;

temir yo‘l transportida tashishlar xavfsizligini ta’minlash va temir yo‘l transportida favqulodda vaziyatlarning oldini olishga qaratilgan chora-tadbirlarni amalga oshirishda ishtirok etadi;

tegishli hududda temir yo‘l transporti obyektlari va texnologiyalarining belgilangan talablarga muvofiqligi bo‘yicha doimiy yoki vaqtincha foydalanishga qabul qilishda ishtirok etadi;

tegishli hududda temir yo‘l transporti liniya korxonalari va tashkilotlarining mas’ul xodimlarini temir yo‘lda tashishlarni xavfsizligini ta’minlash, harakatlanuvchi tarkibni, temir yo‘l transportining texnik vositalarini saqlash, ularga xizmat ko‘rsatish, ta’mirlash va ulardan foydalanishni bilishi bo‘yicha belgilangan tartibda attestatsiyadan o‘tkazadi.

15. Hududiy filiallar o‘ziga yuklangan asosiy vazifalarga muvofiq quyidagi funksiyalarni amalga oshiradi:

temir yo‘l transporti korxonalari va tashkilotlarida harakatlanuvchi tarkib parkini va texnik vositalarni yangilash dasturlarini ishlab chiqishga ko‘maklashadi;

tegishli hududda temir yo‘l transporti korxonalari va tashkilotlari tomonidan temir yo‘lda tashishlar xavfsizligini ta’minlash, harakatlanuvchi tarkibni, temir yo‘l transportining texnik vositalarini saqlash, ularga xizmat ko‘rsatish, ta’mirlash va ulardan foydalanish bo‘yicha texnik jihatdan tartibga solish sohasidagi normativ-huquqiy hujjatlar va normativ hujjatlarning talablarini bajarilishi bo‘yicha tekshiruvlarni belgilangan tartibda amalga oshiradi;

tegishli hududda temir yo‘l transporti korxonalari va tashkilotlari tomonidan temir yo‘lda tashishlar xavfsizligini ta’minlashga va texnik vositalar ishonchliligini oshirishga qaratilgan temir yo‘l transporti tashkiliy-texnik hamda profilaktika tadbirlari ishlab chiqilishi va o‘tkazilishini nazorat qilish;

tegishli hududda litsenziatlar tomonidan litsenziya talablari va shartlariga rioya etilishini belgilangan tartibda nazorat qiladi;

tegishli hududda yuridik shaxslar arizalariga binoan obyektlar va texnologiyalarning temir yo‘lda tashishlar xavfsizligini ta’minlash, harakatlanuvchi tarkibni, temir yo‘l transportining texnik vositalarini saqlash, ularga xizmat ko‘rsatish, ta’mirlash va ulardan foydalanish bo‘yicha texnik jihatdan tartibga solish sohasidagi normativ hujjatlarga muvofiqligi yuzasidan ularni foydalanishga qabul qilishda ishtirok etadi;

tegishli hududda umumiy foydalanishdagi temir yo‘l transportining liniya korxonalari va tashkilotlari hamda yuridik shaxslarning kirish yo‘llari xodimlarini temir yo‘lda tashishlar xavfsizligini ta’minlash, harakatlanuvchi tarkibni, temir yo‘l transportining texnik vositalarini saqlash, ularga xizmat ko‘rsatish, ta’mirlash va ulardan foydalanishni bilishi bo‘yicha belgilangan tartibda attestatsiyadan o‘tkazadi;

tegishli hududda favqulodda temir yo‘l hodisalari (avariya, halokat) va poyezdlar harakati xavfsizligi ta’minlanishini buzish holatlari yuzasidan xizmat tekshiruvlarini o‘tkazishda belgilangan tartibda ishtirok etadi;

tegishli hududda poyezdlar harakati xavfsizligi ta’minlanishini buzish holatlarini tasniflash to‘g‘riligini va ushbu holatlar bo‘yicha rasmiy tekshiruv o‘tkazilishini nazorat qiladi, shuningdek, ushbu tekshirishlar materiallarining “O‘zdavtemiryo‘lnazorat” inspeksiyasi markaziy apparatiga o‘z vaqtida taqdim etilishini ta’minlaydi;

tegishli hududda temir yo‘l transporti korxona va tashkilotlari tomonidan poyezdlar harakati xavfsizligi talablari buzilishini hisobga oladi va tahlil qiladi hamda hisobotlarning “O‘zdavtemiryo‘lnazorat” inspeksiyasi markaziy apparatiga o‘z vaqtida taqdim etilishini ta’minlaydi;

o‘z vakolatlari doirasida “O‘zdavtemiryo‘lnazorat” inspeksiyasi boshlig‘i va uning o‘rinbosarining buyruqlari va farmoyishlarini bajaradi;

jismoniy va yuridik shaxslarning murojaatlarini ko‘rib chiqishda ishtirok etadi.

16. “O‘zdavtemiryo‘lnazorat” inspeksiyasi o‘ziga yuklangan vazifa va funksiyalarni bajarish uchun quyidagi huquqlarga ega:

Vazirlar Mahkamaciga yoki O‘zbekicton Recpublikaci Prezidenti Devoniga normativ-huquqiy hujjatlar loyihalarini, shuningdek, “O‘zdavtemiryo‘lnazorat” inspeksiyasiga yuklangan vazifalar va funksiyalarni bajarish bilan bog‘liq boshqa hujjatlarni belgilangan tartibda kiritish;

“O‘zdavtemiryo‘lnazorat” inspeksiyasi vakolatiga kiradigan macalalarda davlat va xo‘jalik boshqaruvi organlari, mahalliy ijro etuvchi hokimiyat organlari faoliyatini belgilangan tartibda muvofiqlashtirish;

“O‘zdavtemiryo‘lnazorat” inspeksiyasi vakolatiga kiradigan macalalarni hal etish uchun davlat va xo‘jalik boshqaruvi organlari, mahalliy ijro etuvchi hokimiyat organlaridan zarur axborotni belgilangan tartibda so‘rash va olish;

“O‘zdavtemiryo‘lnazorat” inspeksiyasi vakolatiga kiradigan masalalar bo‘yicha davlat ctatictika organlaridan zarur ctatictika axborotini bepul olish;

“O‘zdavtemiryo‘lnazorat” inspeksiyasi va uning idoraviy mansub tuzilmalarining davlat mulkini o‘z tashkiliy tuzilmasi doirasida bir bo‘linmadan ikkinchisiga belgilangan tartibda berish;

“O‘zdavtemiryo‘lnazorat” inspeksiyasi, uning hududiy filiallari va idoraviy mansub tashkilotlari xodimlarini ularning tegishli cohadagi faoliyati acociy ko‘rcatichlarini bajarishi hicobga olgan holda, moddiy rag‘batlantirish tartibi, miqdorlari va shartlarini belgilash;

Vazirlar Mahkamaci, davlat va xo‘jalik boshqaruvi organlari hamda mahalliy ijro etuvchi hokimiyat organlariga “O‘zdavtemiryo‘lnazorat” inspeksiyasi vakolatlari doiraciga kiradigan masalalar bo‘yicha takliflarni ko‘rib chiqish uchun kiritish;

O‘zbekiston Respublikasining xalqaro shartnomalari loyihalarini tayyorlashda belgilangan tartibda ishtirok etish, “O‘zdavtemiryo‘lnazorat” inspeksiyasi vakolatiga kiradigan masalalar bo‘yicha idoralararo tusdagi xalqaro shartnomalarni belgilangan tartibda tuzish;

“O‘zdavtemiryo‘lnazorat” inspeksiyasi vakolatiga taalluqli masalalar bo‘yicha O‘zbekicton Recpublikaci manfaatlarini xalqaro darajada belgilangan tartibda ifoda etish;

temir yo‘l transporti korxonalari va tashkilotlari obyektlariga belgilangan tartibda borib, ularning temir yo‘lda tashishlar xavfsizligini ta’minlash, harakatlanuvchi tarkibni, temir yo‘l transportining texnik vositalarini saqlash, ularga xizmat ko‘rsatish, ta’mirlash va ulardan foydalanish bo‘yicha texnik jihatdan tartibga solish sohasidagi normativ-huquqiy hujjatlar hamda normativ hujjatlar talablariga rioya etishini nazorat qilish;

temir yo‘lda tashishlar xavfsizligini ta’minlash, harakatlanuvchi tarkibni, temir yo‘l transportining texnik vositalarini saqlash, ularga xizmat ko‘rsatish, ta’mirlash va ulardan foydalanish bo‘yicha texnik jihatdan tartibga solish sohasidagi normativ-huquqiy hujjatlar hamda normativ hujjatlar talablari buzilishi bo‘yicha aniqlangan holatlarni belgilangan muddatda bartaraf etish to‘g‘risida “O‘zdavtemiryo‘lnazorat” inspeksiyasi vakolatiga kiradigan masalalar bo‘yicha bajarilishi majburiy bo‘lgan ko‘rsatmalar berish va bu borada ko‘rilayotgan choralar haqida axborot berish muddatini belgilash;

o‘z vakolatlari doirasida normativ-huquqiy hujjatlar, zarur holatlarda davlat boshqaruvi boshqa organlari bilan birgalikda belgilangan tartibda qo‘shma qarorlar va boshqa hujjatlar qabul qilish;

temir yo‘l trancporti cohacida harakatlanuvchi tarkib va boshqa texnik vositalarni yaratish (qurish), sinab ko‘rish, ommaviy ishlab chiqarish va foydalanishga qabul qilishda ishtirok etish;

temir yo‘l trancporti cohacida faoliyat ko‘rsatadigan jicmoniy va yuridik shaxclarga “O‘zdavtemiryo‘lnazorat” inspeksiyasining idoraviy mansub tashkilotlari orqali sertifikatlash, putur yetkazmasdan nazorat qilish, o‘zining temir yo‘llariga ega bo‘lgan yuridik shaxslarning temir yo‘l transporti xodimlari malakasini oshirish va ularni qayta tayyorlash xizmatlarini shartnoma asosida ko‘rsatish;

o‘zining temir yo‘llariga ega bo‘lgan yuridik shaxslarning temir yo‘l transporti xodimlari malakasini oshirish va ularni qayta tayyorlash uchun malakali o‘qituvchilarni shartnoma asosida qonunchilikda belgilangan tartibda jalb etish;

zarurat bo‘lganda, o‘zining temir yo‘llariga ega bo‘lgan yuridik shaxslarning temir yo‘l transporti xodimlarini joyiga borib o‘qitish;

litsenziatlar tomonidan litsenziya talablari va shartlarini bajarish imkoniyatini, shuningdek, ruxsat berish tusidagi hujjatlarni berishda obyektlar, mahsulotlar va texnologiyalarning belgilangan talablarga muvofiqligini joyiga borgan holda o‘rganish;

davlat va xo‘jalik boshqaruvi organlari, mahalliy davlat hokimiyati organlari, temir yo‘l transporti korxonalari hamda tashkilotlaridan o‘z vakolatiga kiradigan masalalarni hal etish uchun zarur axborotni belgilangan tartibda so‘rash va olish;

temir yo‘lda tashishlar xavfsizligini ta’minlash, harakatlanuvchi tarkibni, temir yo‘l transportining texnik vositalarini saqlash, ularga xizmat ko‘rsatish, ta’mirlash va ulardan foydalanish bo‘yicha texnik jihatdan tartibga solish sohasidagi normativ-huquqiy hujjatlar va normativ hujjatlar talablarini buzadigan shaxslarga nisbatan qonun hujjatlariga muvofiq choralar ko‘rish;

temir yo‘l transportining texnik vositalaridan foydalanishni va bu boradagi ishlarni bajarishni belgilangan tartibda to‘xtatish, nosozligi sababli odamlar hayoti va sog‘ligiga, tashishlar xavfsizligiga xavf tug‘diradigan poyezdlarning o‘tish joylari, stansiyalar hamda kirish yo‘llarida harakatlanishini to‘xtatish yoki harakatlanish tezligini cheklash to‘g‘risida ko‘rsatmalar berish;

sifatsiz ta’mirlangani uchun lokomotivlar, harakatlanuvchi motor va vagonlar tarkibini, yo‘llar va bir izni boshqa izga o‘tkazish stryelkalarini, signalizatsiya va aloqa moslamalari, bog‘lanish tarmoqlarini ta’mirlashdan chiqarishni man etish;

lokomotivlar, vagonlar, yo‘llar, signal, aloqa va elektr ta’minoti tizimlari, shuningdek, temir yo‘l transportining boshqa texnik vositalarini komissiya ko‘rigidan belgilangan tartib buzilgan holda o‘tkazilgani uchun ularning natijalarini bekor qilish;

poyezdlar harakati xavfsizligi talablari hamda temir yo‘lda tashishlar xavfsizligini ta’minlash, harakatlanuvchi tarkibni, temir yo‘l transportining texnik vositalarini saqlash, ularga xizmat ko‘rsatish, ta’mirlash va ulardan foydalanish bo‘yicha texnik jihatdan tartibga solish sohasidagi normativ hujjatlarning buzilish holatlari yuzasidan materiallarni tegishli organlarga belgilangan tartibda berish;

temir yo‘l transporti korxonalari va tashkilotlarining malakali mutaxassislarini favqulodda hodisalarni xizmat tekshiruvidan o‘tkazish va ushbu tekshiruvlar bilan bog‘liq masalalar bo‘yicha ekspertiza hamda texnik maslahatlar o‘tkazishda ishtirok etishga jalb qilish;

transport, aloqa vositalari, xizmat binolari va xizmat vagonlaridan erkin foydalanish, shuningdek, poyezdlar harakati, yuk va yo‘lovchilar tashish xavfsizligini ta’minlash sohasida faoliyat yuritish va tekshiruvlarni belgilangan tartibda o‘tkazish bilan bog‘liq boshqa huquqlardan foydalanish;

“O‘zdavtemiryo‘lnazorat” inspeksiyasi xodimlarini O‘zbekiston Respublikasi bo‘ylab safarlar chog‘ida lokomotivlar va poyezdlar brigadalari tarkibiga tekshiruvchilar sifatida kiritish.

“O‘zdavtemiryo‘lnazorat” inspeksiyasi qonun hujjatlariga muvofiq boshqa huquqlarga ham ega bo‘lishi mumkin.

17. “O‘zdavtemiryo‘lnazorat” inspeksiyasi quyidagilar uchun mas’ul:

“O‘zdavtemiryo‘lnazorat” inspeksiyasiga yuklangan vazifalar va funksiyalarni samarali amalga oshirish;

“O‘zdavtemiryo‘lnazorat” inspeksiyasi faoliyati bilan bog‘liq prognoz ko‘rsatkichlarga erishilishini ta’minlash;

O‘zbekiston Respublikasi Vazirlar Mahkamasiga va O‘zbekiston Respublikasi Prezidenti Devoniga kiritiladigan normativ-huquqiy hujjatlar va boshqa hujjatlar loyihalari, shuningdek, “O‘zdavtemiryo‘lnazorat” inspeksiyasi qabul qiladigan qarorlarning sifati, yakuniy natijalari va amalga oshirish oqibatlari uchun;

temir yo‘lda tashishlar xavfcizligini ta’minlash cohacida temir yo‘l tarmog‘ini rivojlantirish, shuningdek, hududlarni ijtimoiy-iqtisodiy rivojlantirish hamda muammoli masalalarni hal etish bo‘yicha dacturlar, tadbirlar rejasi, “yo‘l xaritalari” va boshqa dacturiy hujjatlarni camarali amalga oshirish;

fuqarolar va tadbirkorlik subyektlarining huquqlari va qonuniy manfaatlariga rioya etilishi hamda ularni himoya qilishni ta’minlash.

18. “O‘zdavtemiryo‘lnazorat” inspeksiyasining markaziy apparati o‘ziga yuklangan vazifalar va funksiyalarni amalga oshirish uchun quyidagi huquqlarga ega:

“O‘zdavtemiryo‘lnazorat” inspeksiyasining hududiy filiallari va idoraviy mansub tashkilotlaridan macalalarni ishlab chiqish va tahlil etish uchun zarur materiallar hamda ma’lumotlarni, shuningdek, “O‘zdavtemiryo‘lnazorat” inspeksiyasi markaziy apparati ko‘rib chiqiladigan normativ-huquqiy hujjatlar va boshqa hujjatlar loyihalarini so‘rash va olish;

zarur bo‘lganda, “O‘zdavtemiryo‘lnazorat” inspeksiyasida ko‘rib chiqiladigan masalalarni ishlab chiqish, axborot va tahliliy materiallarni, shuningdek, normativ-huquqiy hujjatlar hamda boshqa hujjatlarni loyihalarini tayyorlash uchun “O‘zdavtemiryo‘lnazorat” inspeksiyasining hududiy filiallari rahbarlari va vakillarini belgilangan tartibda jalb qilish, ushbu maqsadda ekcpert hamda ishchi guruhlarini tashkil etish;

“O‘zdavtemiryo‘lnazorat” inspeksiyasi vakolatiga kiradigan sohalardagi muhim muammolarni ishlab chiqish va ko‘rib chiqish bo‘yicha idoralararo komissiyalar hamda kengashlar tashkil etish;

“O‘zdavtemiryo‘lnazorat” inspeksiyasining hududiy filiallari va idoraviy mansub tashkilotlaridan ularga kiritilgan normativ-huquqiy hujjatlar va boshqa hujjatlar loyihalarini qayta ishlab chiqishni talab qilish, zarur bo‘lganda, qaytarib berish;

“O‘zdavtemiryo‘lnazorat” inspeksiyasining hududiy filiallari va idoraviy mansub tashkilotlari rahbarlari hamda vakillari ishtirokida yig‘ilishlar o‘tkazish;

“O‘zdavtemiryo‘lnazorat” inspeksiyasining hududiy filiallari va idoraviy mansub tashkilotlari rahbarlariga zudlik bilan hal etishni talab etadigan va “O‘zdavtemiryo‘lnazorat” inspeksiyasiga yuklangan vazifalar va funksiyalarni bajarish bilan bog‘liq masalalar yuzasidan belgilangan tartibda topshiriqlar berish;

“O‘zdavtemiryo‘lnazorat” inspeksiyasining hududiy filiallari va idoraviy mansub tashkilotlarining normativ-huquqiy hujjatlar, O‘zbekicton Recpublikaci Prezidentining va Vazirlar Mahkamaci topshiriqlari, shuningdek, “O‘zdavtemiryo‘lnazorat” inspeksiyasi hamda uning rahbariyatining hujjatlari va topshiriqlarini bajarishi yuzasidan faoliyatini belgilangan tartibda tekshirish va o‘rganish;

o‘z vakolati doirasida yuridik va jicmoniy shaxclar tomonidan bajarilishi majburiy bo‘lgan ko‘rsatmalarni qonun hujjatlarida belgilangan tartibda berish;

temir yo‘l transportining texnik vositalaridan foydalanishni va bu boradagi ishlarni bajarishni belgilangan tartibda to‘xtatish, nosozligi sababli odamlar hayoti va sog‘ligiga, tashishlar xavfsizligiga xavf tug‘diradigan poyezdlarning o‘tish joylari, stansiyalar hamda kirish yo‘llarida harakatlanishini to‘xtatish yoki harakatlanish tezligini cheklash to‘g‘risida ko‘rsatmalar berish;

sifatsiz ta’mirlangani uchun lokomotivlar, harakatlanuvchi motor va vagonlar tarkibini, yo‘llar va bir izni boshqa izga o‘tkazish stryelkalarini, signalizatsiya va aloqa moslamalari, bog‘lanish tarmoqlarini ta’mirlashdan chiqarishni man etish;

lokomotivlar, vagonlar, yo‘llar, signal, aloqa va elektr ta’minoti tizimlari, shuningdek, temir yo‘l transportining boshqa texnik vositalarini komissiya ko‘rigidan belgilangan tartib buzilgan holda o‘tkazilgani uchun ularning natijalarini bekor qilish;

O‘zbekiston Respublikasi bo‘ylab safarlar chog‘ida lokomotivlar va poyezdlar brigadalari tarkibida ishtirok etish.

“O‘zdavtemiryo‘lnazorat” inspeksiyasining markaziy apparati qonun hujjatlariga muvofiq boshqa huquqlarga ham ega bo‘lishi mumkin.

19. “O‘zdavtemiryo‘lnazorat” inspeksiyasining markaziy apparati quyidagilarga mas’ul:

“O‘zdavtemiryo‘lnazorat” inspeksiyasining markaziy apparati tuzilmaviy bo‘linmalari, hududiy filiallari va idoraviy mansub tashkilotlari bilan birgalikda “O‘zdavtemiryo‘lnazorat” inspeksiyasiga yuklangan vazifalar hamda funksiyalar sifatli va o‘z vaqtida bajarilishini ta’minlash;

“O‘zdavtemiryo‘lnazorat” inspeksiyasining markaziy apparati tuzilmaviy bo‘linmalarining “O‘zdavtemiryo‘lnazorat” inspeksiyasi faoliyati bilan bog‘liq prognoz ko‘rsatkichlarga erishishni ta’minlash ishlarini tashkil qilish;

“O‘zdavtemiryo‘lnazorat” inspeksiyasi tomonidan O‘zbekiston Respublikasi Vazirlar Mahkamasiga va O‘zbekiston Respublikasi Prezidenti Devoniga kiritiladigan normativ-huquqiy hujjatlar va boshqa hujjatlar loyihalari, shuningdek, “O‘zdavtemiryo‘lnazorat” inspeksiyasi qabul qiladigan qarorlarning sifatli tayyorlanishi hamda ekspertizadan o‘tkazilishi;

markaziy apparat tuzilmaviy bo‘linmalari, hududiy filiallar va idoraviy mansub tashkilotlar tomonidan temir yo‘lda tashishlar xavfcizligini ta’minlash cohacida temir yo‘l tarmog‘ini rivojlantirish, shuningdek, hududlarni ijtimoiy-iqtisodiy rivojlantirish hamda muammoli masalalarni hal etish bo‘yicha dacturlar, tadbirlar rejalari, “yo‘l xaritalari” va boshqa dacturiy hujjatlar amalga oshirilishini tashkil etish;

fuqarolar va tadbirkorlik subyektlarining huquqlari hamda qonuniy manfaatlariga rioya etilishi hamda ularni himoya qilishni ta’minlash.

20. “O‘zdavtemiryo‘lnazorat” inspeksiyasining hududiy filiallari o‘ziga yuklangan vazifalar va funksiyalarni amalga oshirish uchun quyidagi huquqlarga ega:

davlat va xo‘jalik boshqaruvi organlarining hududiy bo‘linmalari, mahalliy ijro etuvchi hokimiyat organlaridan ularning vakolatlariga kiradigan masalalarni hal qilish uchun zarur ma’lumotlarni belgilangan tartibda so‘rash va olish;

“O‘zdavtemiryo‘lnazorat” inspeksiyasi vakolatiga kiradigan muhim muammolarni ishlab chiqish va ko‘rib chiqish bo‘yicha idoralararo komissiyalar hamda kengashlarda hududiy darajada ishtirok etish;

davlat va xo‘jalik boshqaruvi organlari, mahalliy ijro etuvchi hokimiyat organlariga “O‘zdavtemiryo‘lnazorat” inspeksiyasi vakolatiga kiradigan masalalar bo‘yicha takliflarni ko‘rib chiqish uchun kiritish;

o‘z vakolati doirasida yuridik va jicmoniy shaxclar tomonidan bajarilishi majburiy bo‘lgan ko‘rsatmalarni qonun hujjatlarida belgilangan tartibda berish;

temir yo‘l transportining texnik vositalaridan foydalanishni va bu boradagi ishlarni bajarishni belgilangan tartibda to‘xtatish, nosozligi sababli odamlar hayoti va sog‘ligiga, tashishlar xavfsizligiga xavf tug‘diradigan poyezdlarning o‘tish joylari, stansiyalar hamda kirish yo‘llarida harakatlanishini to‘xtatish yoki harakatlanish tezligini cheklash to‘g‘risida ko‘rsatmalar berish;

sifatsiz ta’mirlangani uchun lokomotivlar, harakatlanuvchi motor va vagonlar tarkibini, yo‘llar va bir izni boshqa izga o‘tkazish stryelkalarini, signalizatsiya va aloqa moslamalari, bog‘lanish tarmoqlarini ta’mirlashdan chiqarishni man etish;

lokomotivlar, vagonlar, yo‘llar, signal, aloqa va elektr ta’minoti tizimlari, shuningdek, temir yo‘l transportining boshqa texnik vositalarini komissiya ko‘rigidan belgilangan tartib buzilgan holda o‘tkazilgani uchun ularning natijalarini bekor qilish;

O‘zbekiston Respublikasi bo‘ylab safarlar chog‘ida lokomotivlar va poyezdlar brigadalari tarkibida ishtirok etish.

“O‘zdavtemiryo‘lnazorat” inspeksiyasining hududiy filiallari qonun hujjatlariga muvofiq boshqa huquqlarga ham ega bo‘lishi mumkin.

21. “O‘zdavtemiryo‘lnazorat” inspeksiyasining hududiy filiallari quyidagilarga mas’ul:

“O‘zdavtemiryo‘lnazorat” inspeksiyasiga yuklangan vazifalar va funksiyalarning sifatli va o‘z vaqtida bajarilishini ta’minlash;

ularning faoliyati bilan bog‘liq prognoz ko‘rsatkichlarga erishilishini ta’minlash;

“O‘zdavtemiryo‘lnazorat” inspeksiyasi tomonidan kiritiladigan hujjatlar va takliflar loyihalarining, shuningdek, “O‘zdavtemiryo‘lnazorat” inspeksiyasining hududiy filiallari qabul qiladigan qarorlarninng sifati, yakuniy natijalari va amalga oshirish oqibatlari;

tegishli hududda temir yo‘lda tashishlar xavfsizligini ta’minlash sohasida temir yo‘l tarmog‘ini rivojlantirish bo‘yicha hududda aniqlangan muammolarni har tomonlama va chuqur tahlil qilish hamda umumlashtirish asosida takliflar tayyorlash;

Qoraqalpog‘iston Respublikasi, viloyatlar va Toshkent shahrida temir yo‘lda tashishlar xavfcizligini ta’minlash cohacida temir yo‘l tarmog‘ini rivojlantirish, shuningdek, hududlarni ijtimoiy-iqtisodiy rivojlantirish hamda muammoli masalalarni hal etish bo‘yicha dacturlar, tadbirlar rejalari, “yo‘l xaritalari” va boshqa dacturiy hujjatlarning sifatli amalga oshirilishi;

fuqarolar va tadbirkorlik subyektlarining huquqlari hamda qonuniy manfaatlariga rioya etilishi va himoya qilinishini ta’minlash.

22. Quyidagilar “O‘zdavtemiryo‘lnazorat” inspeksiyasining asosiy funksional majburiyatlari hisoblanadi:

O‘zbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

“O‘zdavtemiryo‘lnazorat” inspeksiyasiga umumiy rahbarlikni amalga oshirish, “O‘zdavtemiryo‘lnazorat” inspeksiyasiga O‘zbekiston Respublikasi Prezidentining tegishli hujjatlari, Vazirlar Mahkamasi qarorlari va boshqa qonun hujjatlari bilan yuklangan vazifalar va funksiyalarning bajarilishini tashkil etish;

O‘zbekiston Respublikasi Prezidenti hujjatlari va Vazirlar Mahkamasi qarorlari bilan tasdiqlangan “O‘zdavtemiryo‘lnazorat” inspeksiyasi faoliyatini yanada takomillashtirish bo‘yicha konsepsiyalar, kompleks dasturlar va tadbirlarning bajarilishini tanqidiy va chuqur tahlil qilish;

“O‘zdavtemiryo‘lnazorat” inspeksiyasi va uning tarkibiy bo‘linmalari, hududiy filiallari va idoraviy mansub tashkilotlar faoliyati bilan bog‘liq bo‘lgan prognoz ko‘rsatkichlarga erishishni so‘zsiz ta’minlash bo‘yicha ta’sirchan chora-tadbirlarni ishlab chiqish va qabul qilish;

“O‘zdavtemiryo‘lnazorat” inspeksiyasi sohasiga kiradigan masalalar bo‘yicha O‘zbekiston Respublikasi Prezidenti Devoni xizmatlari va Vazirlar Mahkamasi komplekslari, shuningdek, tegishli vazirliklar va idoralar bilan o‘zaro hamkorlik qilish, Vazirlar Mahkamasi va uning Rayosati majlislarida masalalarni ko‘rib chiqishda qatnashish;

O‘zbekiston Respublikasi Prezidenti, O‘zbekiston Respublikasining Bosh vaziri va uning o‘rinbosarlari topshiriqlarini bajarish;

o‘z o‘rinbosarining, “O‘zdavtemiryo‘lnazorat” inspeksiyasi boshqa mansabdor shaxslarining vakolatlarini belgilash, “O‘zdavtemiryo‘lnazorat” inspeksiyasi faoliyati alohida uchastkalariga rahbarlik yuzasidan o‘z o‘rinbosarining va boshqa mansabdor shaxslarning vakolatlarini, shaxsiy javobgarlik darajasini belgilash;

“O‘zdavtemiryo‘lnazorat” inspeksiyasi faoliyati rejalashtirilishini tashkil etish, “O‘zdavtemiryo‘lnazorat” inspeksiyasining va o‘z o‘rinbosari ishlarining har choraklik rejalarini tasdiqlash, ularning bajarilishi yuzasidan nazoratni ta’minlash;

O‘zbekiston Respublikasi Prezidenti va Vazirlar Mahkamasi hujjatlari va topshiriqlari ijrosini tashkil etish va monitoringini olib borishning ta’sirchan tizimini yaratish, “O‘zdavtemiryo‘lnazorat” inspeksiyasi faoliyatida ijro intizomini mustahkamlash bo‘yicha kompleks amaliy chora-tadbirlarni amalga oshirish, shuningdek, O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qaroriga hamda Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga muvofiq topshiriqlarning o‘z vaqtida va sifatli bajarilishi yuzasidan o‘ziga qarashli tashkilotlar, tarkibiy bo‘linmalar va hududiy filiallar rahbarlarining shaxsiy javobgarligini oshirish choralarini ko‘rish;

“O‘zdavtemiryo‘lnazorat” inspeksiyasi xodimlarini tizimli qayta tayyorlash va ularning malakasini oshirishni tashkil etish;

“O‘zdavtemiryo‘lnazorat” inspeksiyasi markaziy apparati va hududiy filiallari rahbarlari va xodimlarini, idoraviy mansub tashkilotlar rahbarlarini qonunchilikda belgilangan tartibda lavozimga tayiinlash va lavozimdan ozod qilish;

“O‘zdavtemiryo‘lnazorat” inspeksiyasi tizimida kadrlarni tanlash va joy-joyiga qo‘yish, ularning samarali faoliyati uchun zarur shart-sharoitlar yaratish, “O‘zdavtemiryo‘lnazorat” inspeksiyasining kadrlar zaxirasini shakllantirish;

bo‘sh lavozimlarga tavsiya etilgan, O‘zbekiston Respublikasi Prezidenti, O‘zbekiston Respublikasi Prezidenti Devoni va Vazirlar Mahkamasi nomenklaturasiga kiradigan, shuningdek, “O‘zdavtemiryo‘lnazorat” inspeksiyasida ishga qabul qilinayotgan boshqa kadrlarning kasbiy mahorati, layoqati, amaliy tajribasi, ishbilarmonlik va ma’naviy-axloqiy sifatlari yuqori darajasining kafolatlanganligini ta’minlash;

faoliyat masalalari bo‘yicha normativ-huquqiy hujjatlar loyihalarining sifatli ishlab chiqilishini, ularning “Normativ-huquqiy hujjatlar to‘g‘risida”, “Qonunlar loyihalarini tayyorlash va ularni O‘zbekiston Respublikasi Oliy Majlisining Qonunchilik palatasiga kiritish to‘g‘risida”gi O‘zbekiston Respublikasi qonunlari, Vazirlar Mahkamasining 2005-yil 14-fevraldagi 62-son qarori bilan tasdiqlangan O‘zbekiston Respublikasi Vazirlar Mahkamasi Reglamenti (keyingi o‘rinlarda Vazirlar Mahkamasi Reglamenti deb ataladi) hamda O‘zbekiston Respublikasi Prezidentining 2017-yil 28-iyuldagi PQ-3161-son qarori bilan tasdiqlangan O‘zbekiston Respublikasi Devoni Reglamenti (keyingi o‘rinlarda O‘zbekiston Respublikasi Prezidenti Devoni Reglamenti deb ataladi) talablariga qat’iy muvofiq ravishda Vazirlar Mahkamasiga o‘z vaqtida kiritilishini tashkil etish, ularning O‘zbekiston Respublikasi Prezidenti apparatida ishlab chiqilishida, Vazirlar Mahkamasi Rahbariyatida himoya qilinishida va O‘zbekiston Respublikasi Prezidenti Devonida ko‘rib chiqilishida qatnashish;

“Normativ-huquqiy hujjatlar to‘g‘risida”, “Qonunlar loyihalarini tayyorlash va ularni O‘zbekiston Respublikasi Oliy Majlisining Qonunchilik palatasiga kiritish to‘g‘risida”gi O‘zbekiston Respublikasi qonunlariga hamda Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xo‘jalik boshqaruvi organlari, mahalliy ijro etuvchi hokimiyat organlarining qonun loyihalarini tayyorlash faoliyati Namunaviy reglamentiga muvofiq “O‘zdavtemiryo‘lnazorat” inspeksiyasining qonun loyihalarini tayyorlash bo‘yicha faoliyatini tashkil etish;

“O‘zdavtemiryo‘lnazorat” inspeksiyasi vakolatiga kiradigan masalalar bo‘yicha normativ-huquqiy hujjatlarni qabul qilish, zarurat bo‘lganda, boshqa vazirliklar va idoralar bilan birgalikda tegishli qarorlar qabul qilish;

“O‘zdavtemiryo‘lnazorat” inspeksiyasiga taqdim etilgan takliflarni va normativ-huquqiy hujjatlar loyihalarini to‘liq va har tomonlama ko‘rib chiqishni ta’minlash, ularning moliyaviy, iqtisodiy, huquqiy va boshqa ekspertizalarini o‘tkazish, shuningdek, Vazirlar Mahkamasi Reglamentida va O‘zbekiston Respublikasi Prezidenti Devoni Reglamentida belgilangan muddatlarda kelishish (ularga viza qo‘yish);

O‘zbekiston Respublikasi Prezidentining “Mansabdor shaxslarning chet el mamlakatlariga chiqish tartibini takomillashtirish chora-tadbirlari to‘g‘risida” 2014-yil 5-martdagi PQ-2142-son qaroriga hamda “Mansabdor shaxslarning chet el xizmat safarlarida bo‘lishi samaradorligi va O‘zbekiston Respublikasiga chet el delegatsiyalarining tashrifini tashkil qilish uchun shaxsiy javobgarligini yanada oshirish chora-tadbirlari to‘g‘risida” 2017-yil 3-avgustdagi PQ-3170-son qarori talablariga to‘liq muvofiq ravishda “O‘zdavtemiryo‘lnazorat” inspeksiyasi rahbarlari va xodimlarining xizmat safarlarini o‘tkazish va tashkil etish, xizmat safarlarining asosliligi, samaradorligi va natijadorligini, ajratiladigan xizmat safarlari xarajatlari mablag‘laridan maqsadli va oqilona foydalanilishini ta’minlash;

o‘z o‘rinbosarining hamda tarkibiy bo‘linmalar, hududiy filiallar hamda idoraviy mansub tashkilotlar faoliyati samaradorligi va natijadorligini tizimli ravishda tahlil qilish, “O‘zdavtemiryo‘lnazorat” inspeksiyasi majlislarida ularning shaxsiy hisobotlarini eshitish, yakunlari bo‘yicha zarur choralar ko‘rish;

“O‘zdavtemiryo‘lnazorat” inspeksiyasi mas’ul xodimlarini rag‘batlantirish, ularni intizomiy javobgarlikka tortish masalalarini hal etish, o‘z o‘rinbosarini rag‘batlantirish va intizomiy javobgarlikka tortish, shu jumladan uning kelgusida o‘z lavozimida qolishining maqsadga muvofiqligi to‘g‘risidagi masalalarni ko‘rib chiqish, ularning shaxsiy javobgarligini oshirish tizimli choralarini amalga oshirish to‘g‘risida takliflar kiritish;

“O‘zdavtemiryo‘lnazorat” inspeksiyasi, uning idoraviy mansub tashkilotlari va hududiy filiallari xodimlarining Vazirlar Mahkamasining 2016-yil 2-martdagi 62-son qarori bilan tasdiqlangan Davlat boshqaruvi organlari va mahalliy ijro etuvchi hokimiyat organlari xodimlarining odob-axloq namunaviy qoidalari asosida tasdiqlangan “O‘zdavtemiryo‘lnazorat” inspeksiyasi xodimlarining odob-axloq qoidalari (keyingi o‘rinlarda “O‘zdavtemiryo‘lnazorat” inspeksiyasi xodimlarining odob-axloq qoidalari deb ataladi) talablariga “O‘zdavtemiryo‘lnazorat” inspeksiyasi xodimlari va idoraviy mansub tashkilotlar hamda hududiy filiallari xodimlarining rioya etishini ta’minlash;

“Korrupsiyaga qarshi kurashish to‘g‘risida”gi O‘zbekiston Respublikasi Qonuni talablariga muvofiq, “O‘zdavtemiryo‘lnazorat” inspeksiyasi tizimida korrupsiya va boshqa qonun buzilishlarining oldini olish choralarini ko‘rish, shuningdek, huquqlar va qonun hujjatlarini takomillashtirish chora-tadbirlarini ishlab chiqish va amalga oshirish yo‘li bilan ularning sodir bo‘lishi sabablari va sharoitlarini aniqlash, tahlil qilish, bartaraf etish;

“O‘zdavtemiryo‘lnazorat” inspeksiyasi, uning tarkibiy bo‘linmalari, hududiy filiallari va idoraviy mansub tashkilotlar ishlarini tashkil qilishning zamonaviy shakllari joriy etilishini ta’minlash;

“Elektron hukumat to‘g‘risida”gi O‘zbekiston Respublikasi Qonunini amalga oshirish doirasida aholi va tadbirkorlik subyektlari bilan o‘zaro hamkorlikni amalga oshirishda “yagona darcha” tamoyilini joriy etish hamda zamonaviy axborot-kommunikatsiya texnologiyalaridan foydalanish yo‘li bilan davlat xizmatlari ko‘rsatish samaradorligi, sifati va qulayligini oshirish;

jismoniy va yuridik shaxslarning murojaatlarini ko‘rib chiqish ishlarini samarali tashkil etish, aholi bilan bevosita va ochiq muloqotni yo‘lga qo‘yish, “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslarning vakillarini joyiga borgan holda qabul qilish yo‘li bilan shaxsiy qabullarni tizimli amalga oshirish;

O‘zbekiston Respublikasi Prezidentining Xalq qabulxonalari bilan o‘zaro hamkorlikni samarali tashkil etish, ularning faoliyatida “O‘zdavtemiryo‘lnazorat” inspeksiyasi xodimlarining faol ishtirokini yo‘lga qo‘yish, O‘zbekiston Respublikasi Prezidentining Virtual qabulxonasidan tushadigan jismoniy va yuridik shaxslar murojaatlarining o‘z vaqtida va har tomonlama ko‘rib chiqilishini ta’minlash;

davlat sirlariga taalluqli va maxfiy axborotlar bilan ishlashda qonunchilik talablariga rioya etish;

“O‘zdavtemiryo‘lnazorat” inspeksiyasining moliya-xo‘jalik faoliyatini rejalashtirish va tashkil etish;

“O‘zdavtemiryo‘lnazorat” inspeksiyasi markaziy apparatining tarkibiy bo‘linmalari, hududiy filiallari va idoraviy mansub tashkilotlar to‘g‘risidagi nizomlarni belgilangan tartibda tasdiqlash;

“O‘zdavtemiryo‘lnazorat” inspeksiyasining shtat jadvalini, shuningdek, xarajatlari smetasini O‘zbekiston Respublikasi Moliya vazirligi bilan kelishilgan holda tasdiqlash;

belgilangan umumiy shtatlar doirasida “O‘zdavtemiryo‘lnazorat” inspeksiyasi tuzilmasiga belgilangan tartibda o‘zgartirishlar kiritish;

“O‘zdavtemiryo‘lnazorat” inspeksiyasi tuzilmasiga kiradigan tashkilotlar, uning hududiy filiallari mansabdor shaxslari tomonidan bajarilishi majburiy bo‘lgan buyruqlar va farmoyishlar chiqarish, shuningdek, ularning bajarilishini belgilangan tartibda nazorat qilish;

davlat organlarida va boshqa tashkilotlarda, shuningdek, davlat organlari, xalqaro tashkilotlar va xorijiy mamlakatlar vakillari ishtirokida o‘tkaziladigan rasmiy tadbirlarda “O‘zdavtemiryo‘lnazorat” inspeksiyasi nomidan vakillik qilish;

qonun hujjatlariga muvofiq boshqa vakolatlarni amalga oshirish.

23. Quyidagilar “O‘zdavtemiryo‘lnazorat” inspeksiyasi boshlig‘i o‘rinbosarining asosiy funksional majburiyatlari hisoblanadi:

O‘zbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

“O‘zdavtemiryo‘lnazorat” inspeksiyasi boshlig‘i vaqtinchalik bo‘lmagan holatlarda uning vazifalarini tegishli buyruq asosida bajarish;

“O‘zdavtemiryo‘lnazorat” inspeksiyasi tarkibiy bo‘linmalari mutasaddilik qiladigan faoliyatni muvofiqlashtirish, nazorat qilish va unga bevosita rahbarlik qilish, ularning xodimlari o‘rtasida vazifalarni taqsimlash;

“O‘zdavtemiryo‘lnazorat” inspeksiyasi faoliyatining mutasaddilik qilinadigan yo‘nalishlari bo‘yicha O‘zbekiston Respublikasi Prezidentining hujjatlari va Vazirlar Mahkamasi qarorlari bilan tasdiqlangan “O‘zdavtemiryo‘lnazorat” inspeksiyasi faoliyatini yanada takomillashtirish bo‘yicha konsepsiyalar, kompleks dasturlar va tadbirlarning bajarilishini tanqidiy va chuqur tahlil qilish;

mutasaddilik qilinadigan tarkibiy bo‘linmalarning prognoz ko‘rsatkichlarga erishishini so‘zsiz ta’minlash choralarini ko‘rish, bo‘linmalar rahbarlari hisobotlarini tizimli ravishda eshitish va ularning qayd etilgan ko‘rsatkichlarga erishilishi yuzasidan shaxsiy javobgarligini oshirish;

mutasaddilik qilinadigan tarkibiy bo‘linmalar rahbarlarining har choraklik rejalarini tasdiqlash, ularning bajarilishi yuzasidan nazoratni ta’minlash;

O‘zbekiston Respublikasi Prezidenti va Vazirlar Mahkamasi hujjatlari va topshiriqlarining ijrosini, mutasaddilik qilinadigan “O‘zdavtemiryo‘lnazorat” inspeksiyasi tarkibiy bo‘linmalarida ijro intizomini mustahkamlash bo‘yicha amaliy chora-tadbirlarning amalga oshirilishini, shuningdek, O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qaroriga hamda Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga muvofiq topshiriqlarning o‘z vaqtida va sifatli bajarilishi yuzasidan tarkibiy bo‘linmalar rahbarlarining shaxsiy javobgarligini oshirish choralarini ko‘rish;

“O‘zdavtemiryo‘lnazorat” inspeksiyasi qarorlarining, inspeksiya boshlig‘i buyruqlari va topshiriqlarining o‘z vaqtida va sifatli bajarilishini ta’minlash;

mutasaddilik qilinadigan tarkibiy bo‘linmalarda kadrlarni tanlash va joy-joyiga qo‘yish bo‘yicha “O‘zdavtemiryo‘lnazorat” inspeksiyasi boshlig‘iga takliflar taqdim etish, ularning kasbiy mahorati, layoqati, amaliy tajribasi, ishchanlik va ma’naviy-axloqiy sifatlarining yuqori darajasi kafolatlanganligini ta’minlash, ularning kasbiy malakasini oshirish choralarini ko‘rish, mutasaddilik qilinadigan tarkibiy bo‘linmalarda kadrlar zaxirasini shakllantirish;

mutasaddilik qilinadigan tarkibiy bo‘linmalarda normativ-huquqiy hujjatlar loyihalarining sifatli ishlab chiqilishini tashkil etish, “O‘zdavtemiryo‘lnazorat” inspeksiyasining tarkibiy bo‘linmalarida tayyorlangan hujjatlar loyihalarini ko‘rib chiqish va ularga viza qo‘yish, “O‘zdavtemiryo‘lnazorat” inspeksiyasi boshlig‘i tomonidan imzolash, ularning Vazirlar Mahkamasi Reglamenti hamda O‘zbekiston Respublikasi Prezidenti Devoni Reglamenti talablariga qat’iy muvofiq ravishda Vazirlar Mahkamasiga o‘z vaqtida kiritilishini ta’minlash, shuningdek, “O‘zdavtemiryo‘lnazorat” inspeksiyasi boshlig‘i topshirig‘i bo‘yicha Vazirlar Mahkamasi apparatida normativ-huquqiy hujjatlar ishlab chiqilishida qatnashish;

“O‘zdavtemiryo‘lnazorat” inspeksiyasiga taqdim etilgan takliflarni va normativ-huquqiy hujjatlar loyihalarini to‘liq va har tomonlama ko‘rib chiqish, ularni moliyaviy, iqtisodiy, huquqiy va boshqa jihatdan puxta ekspertizadan o‘tkazish;

O‘zbekiston Respublikasi Prezidentining “Mansabdor shaxslarning chet el mamlakatlariga chiqish tartibini takomillashtirish chora-tadbirlari to‘g‘risida” 2014-yil 5-martdagi PQ-2142-son qaroriga hamda “Mansabdor shaxslarning chet el xizmat safarlarida bo‘lishi samaradorligi va O‘zbekiston Respublikasiga chet el delegatsiyalarining tashrifini tashkil qilish uchun shaxsiy javobgarligini yanada oshirish chora-tadbirlari to‘g‘risida” 2017-yil 3-avgustdagi PQ-3170-son qarori talablariga to‘liq muvofiq ravishda “O‘zdavtemiryo‘lnazorat” inspeksiyasi rahbarlari va xodimlarining xizmat safarlarini o‘tkazish va tashkil etish, xizmat safarlarining asosliligi, samaradorligi va natijadorligini, ajratiladigan xizmat safarlari xarajatlari mablag‘laridan maqsadli va oqilona foydalanilishini ta’minlash;

o‘z o‘rinbosarining hamda tarkibiy bo‘linmalar, hududiy filiallar hamda idoraviy mansub tashkilotlar faoliyati samaradorligi va natijadorligini tizimli ravishda tahlil qilish, “O‘zdavtemiryo‘lnazorat” inspeksiyasi majlislarida ularning shaxsiy hisobotlarini eshitish, yakunlari bo‘yicha zarur choralar ko‘rish;

faoliyat sohasiga taalluqli masalalar bo‘yicha “O‘zdavtemiryo‘lnazorat” inspeksiyasi faoliyatini takomillashtirishga doir amaliy choralar ko‘rish, qonunchilikni takomillashtirish bo‘yicha takliflar ishlab chiqish va ularni “O‘zdavtemiryo‘lnazorat” inspeksiyasi boshlig‘iga kiritish;

mutasaddilik qilinadigan tarkibiy bo‘linmalar rahbarlari va xodimlarini rag‘batlantirish va intizomiy javobgarlikka tortish, shu jumladan ularning egallab turgan lavozimida bundan keyin qolishining maqsadga muvofiqligi masalasini ko‘rib chiqish, ularning o‘z funksional vazifalarini bajarish yuzasidan shaxsiy javobgarligini oshirish bo‘yicha tizimli choralar ko‘rish bo‘yicha “O‘zdavtemiryo‘lnazorat” inspeksiyasi boshlig‘iga takliflar kiritish;

“O‘zdavtemiryo‘lnazorat” inspeksiyasi xodimlarining odob-axloq qoidalari talablariga rioya etish, mazkur qoidalarga mutasaddilik qilinayotgan tarkibiy bo‘linmalar rahbarlari va xodimlari tomonidan rioya etilishini ta’minlash;

“Korrupsiyaga qarshi kurashish to‘g‘risida”gi O‘zbekiston Respublikasi Qonuni talablariga muvofiq “O‘zdavtemiryo‘lnazorat” inspeksiyasi tizimida korrupsiyaning va boshqa qonun buzilishlarining oldini olish chora-tadbirlarini ko‘rish, shuningdek, huquqlar va qonun hujjatlarini takomillashtirish bo‘yicha chora-tadbirlarni ishlab chiqish va amalga oshirish yo‘li bilan ularning sodir bo‘lishi sabablari va sharoitlarini aniqlash, tahlil qilish, bartaraf etish;

“O‘zdavtemiryo‘lnazorat” inspeksiyasi boshlig‘iga davlat xizmatlari samaradorligi, sifatini va qulayligini oshirish bo‘yicha takliflar kiritish;

jismoniy va yuridik shaxslarning murojaatlarini ko‘rib chiqish bo‘yicha ishlarni samarali tashkil etish, aholi bilan bevosita va ochiq muloqotni yo‘lga qo‘yish, “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslarning vakillarini joyiga borgan holda qabul qilish yo‘li bilan shaxsiy qabullarni tizimli amalga oshirish;

O‘zbekiston Respublikasi Prezidentining Xalq qabulxonalari bilan o‘zaro hamkorlikni samarali tashkil etish, ularning faoliyatida “O‘zdavtemiryo‘lnazorat” inspeksiyasi xodimlarining faol ishtirokini yo‘lga qo‘yish, O‘zbekiston Respublikasi Prezidentining Virtual qabulxonasidan tushadigan jismoniy va yuridik shaxslar murojaatlarining o‘z vaqtida va har tomonlama ko‘rib chiqilishini ta’minlash;

davlat sirlariga taalluqli va maxfiy axborotlar bilan ishlashda qonunchilik talablariga rioya etish.

24. Quyidagilar “O‘zdavtemiryo‘lnazorat” inspeksiyasi markaziy apparati tarkibiy bo‘linmalari rahbarlarining asosiy funksional majburiyatlari hisoblanadi:

O‘zbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

tarkibiy bo‘linmalar faoliyatiga bevosita rahbarlik qilish, ushbu bo‘linmaga yuklangan vazifalar va funksiyalarning bajarilishini tashkil etish;

“O‘zdavtemiryo‘lnazorat” inspeksiyasi hududiy filiallari faoliyatini o‘z vakolatlari doirasida muvofiqlashtirish;

tarkibiy bo‘linmalar va hududiy filiallar tomonidan mazkur ko‘rsatkichlarga so‘zsiz erishilishini ta’minlashga doir qo‘shimcha chora-tadbirlar ko‘rish bo‘yicha takliflarni “O‘zdavtemiryo‘lnazorat” inspeksiyasi boshlig‘i o‘rinbosariga kiritish, prognoz ko‘rsatkichlar bajarilishini tizimli tahlil qilish;

O‘zbekiston Respublikasi Prezidenti va Vazirlar Mahkamasi hujjatlari va topshiriqlari ijrosini tashkil etish va monitoringini olib borishning ta’sirchan tizimini yaratish, “O‘zdavtemiryo‘lnazorat” inspeksiyasi faoliyatida ijro intizomini mustahkamlash bo‘yicha kompleks amaliy chora-tadbirlarni amalga oshirish, shuningdek, O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qaroriga hamda Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga muvofiq topshiriqlarning o‘z vaqtida va sifatli bajarilishi yuzasidan o‘ziga qarashli tashkilotlarning, tarkibiy bo‘linmalar va hududiy filiallar rahbarlarining shaxsiy javobgarligini oshirish choralarini ko‘rish;

“O‘zdavtemiryo‘lnazorat” inspeksiyasi qarorlarining, “O‘zdavtemiryo‘lnazorat” inspeksiyasi boshlig‘i va uning o‘rinbosari buyruqlari va topshiriqlarining o‘z vaqtida va sifatli bajarilishini ta’minlash;

tarkibiy bo‘linmalar ishlarining har choraklik rejalari ishlab chiqilishini ta’minlash, ularni tasdiqlash uchun kiritish, ularda ko‘rsatilgan vazifalar va tadbirlarning o‘z vaqtida va sifatli bajarilishini ta’minlash;

tarkibiy bo‘linmalarga yuklangan vazifalarning bajarilishini nazorat qilish va muvofiqlashtirish, “O‘zdavtemiryo‘lnazorat” inspeksiyasi hududiy filiallari va idoraviy mansub tashkilotlar faoliyatiga amaliy va metodik yordam ko‘rsatish;

tarkibiy bo‘linmalar faoliyati masalalari bo‘yicha qonunchilikni takomillashtirishga doir takliflarni ishlab chiqish va ularni ko‘rib chiqish uchun “O‘zdavtemiryo‘lnazorat” inspeksiyasi rahbariyatiga kiritish;

tarkibiy bo‘linmalarda kadrlarni tanlash va joy-joyiga qo‘yishda “O‘zdavtemiryo‘lnazorat” inspeksiyasi boshlig‘i o‘rinbosariga takliflar kiritish, ularning kasbiy mahorati, layoqati, amaliy tajribasi, ishbilarmonlik va ma’naviy-axloqiy sifatlarning yuqori darajadaligining kafolatliligini ta’minlash, ularning kasbiy malakasini oshirish choralarini ko‘rish, tarkibiy bo‘linmalarda kadrlar zaxirasini shakllantirish;

mutasaddilik qilinadigan tarkibiy bo‘linmalarda normativ-huquqiy hujjatlar loyihalarining sifatli ishlab chiqilishini tashkil etish, “O‘zdavtemiryo‘lnazorat” inspeksiyasining tarkibiy bo‘linmalarida tayyorlangan hujjatlar loyihalarini ko‘rib chiqish va ularga viza qo‘yish, “O‘zdavtemiryo‘lnazorat” inspeksiyasi boshlig‘i tomonidan imzolash, ularning Vazirlar Mahkamasi Reglamenti hamda O‘zbekiston Respublikasi Prezidenti Devoni Reglamenti talablariga qat’iy muvofiq ravishda Vazirlar Mahkamasiga o‘z vaqtida kiritilishini ta’minlash, shuningdek, “O‘zdavtemiryo‘lnazorat” inspeksiyasi boshlig‘i topshirig‘i bo‘yicha Vazirlar Mahkamasi apparatida normativ-huquqiy hujjatlar ishlab chiqilishida qatnashish;

“O‘zdavtemiryo‘lnazorat” inspeksiyasiga taqdim etilgan takliflarni va normativ-huquqiy hujjatlar loyihalarini to‘liq va har tomonlama ko‘rib chiqish, ularni moliyaviy, iqtisodiy, huquqiy va boshqa jihatdan puxta ekspertizadan o‘tkazish;

O‘zbekiston Respublikasi Prezidentining “Mansabdor shaxslarning chet el mamlakatlariga chiqish tartibini takomillashtirish chora-tadbirlari to‘g‘risida” 2014-yil 5-martdagi PQ-2142-son qaroriga hamda “Mansabdor shaxslarning chet el xizmat safarlarida bo‘lishi samaradorligi va O‘zbekiston Respublikasiga chet el delegatsiyalarining tashrifini tashkil qilish uchun shaxsiy javobgarligini yanada oshirish chora-tadbirlari to‘g‘risida” 2017-yil 3-avgustdagi PQ-3170-son qarorlari talablariga to‘liq muvofiq ravishda “O‘zdavtemiryo‘lnazorat” inspeksiyasi rahbarlari va xodimlarining xizmat safarlarini o‘tkazish va tashkil etish, xizmat safarlarining asosliligi, samaradorligi va natijadorligini, ajratiladigan xizmat safarlari xarajatlari mablag‘laridan maqsadli va oqilona foydalanilishini ta’minlash;

tarkibiy bo‘linmalar faoliyati samaradorligi va natijadorligini tizimli ravishda tanqidiy tahlil qilish, yig‘ilishlarda ularning shaxsiy hisobotlarini eshitish, yakunlari bo‘yicha zarur choralar ko‘rish;

“O‘zdavtemiryo‘lnazorat” inspeksiyasi xodimlarining odob-axloq qoidalariga rioya etish, tarkibiy bo‘linmalar xodimlari tomonidan mazkur qoidalarga rioya etilishini ta’minlash;

“Korrupsiyaga qarshi kurashish to‘g‘risida”gi O‘zbekiston Respublikasi Qonuni talablariga muvofiq tarkibiy bo‘linmalarda korrupsiyaning va boshqa qoida buzilishlarining oldini olish choralarini ko‘rish, shuningdek, qonunlarni qo‘llash amaliyotini takomillashtirish chora-tadbirlarini ishlab chiqish va amalga oshirish yo‘li bilan ularning sodir bo‘lishi sabablari va sharoitlarini aniqlash, tahlil qilish, bartaraf etish;

davlat xizmatlari ko‘rsatish samaradorligi, sifati va qulayligini oshirish bo‘yicha “O‘zdavtemiryo‘lnazorat” inspeksiyasi boshlig‘iga takliflar kiritish;

“Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslarning vakillarini joyiga borgan holda qabul qilish yo‘li bilan shaxsiy qabullarni tizimli amalga oshirish;

O‘zbekiston Respublikasi Prezidentining Xalq qabulxonalari bilan o‘zaro hamkorlikni samarali tashkil etish, ularning faoliyatida “O‘zdavtemiryo‘lnazorat” inspeksiyasi xodimlarining faol ishtirokini yo‘lga qo‘yish, O‘zbekiston Respublikasi Prezidentining Virtual qabulxonasidan tushadigan jismoniy va yuridik shaxslar murojaatlarining o‘z vaqtida va har tomonlama ko‘rib chiqilishini ta’minlash;

davlat sirlariga taalluqli va maxfiy axborotlar bilan ishlashda qonunchilik talablariga rioya etish;

25. Quyidagilar “O‘zdavtemiryo‘lnazorat” inspeksiyasi hududiy filiallari va idoraviy mansub tashkilotlar rahbarlarining asosiy funksional majburiyatlari hisoblanadi:

O‘zbekiston Respublikasi Konstitutsiyasi va qonunlari, shuningdek, boshqa normativ-huquqiy hujjatlar talablariga rioya etish;

“O‘zdavtemiryo‘lnazorat” inspeksiyasi hududiy filiallari va idoraviy mansub tashkilotlar faoliyatiga umumiy rahbarlikni amalga oshirish, O‘zbekiston Respublikasi Prezidentining tegishli farmonlari va qarorlari, Vazirlar Mahkamasi qarori hamda boshqa qonun hujjatlari, shuningdek, “O‘zdavtemiryo‘lnazorat” inspeksiyasi hujjatlari bilan ushbu bo‘linmalarga yuklangan vazifalar va funksiyalarning bajarilishini tashkil etish;

“O‘zdavtemiryo‘lnazorat” inspeksiyasi hududiy filiallari va idoraviy mansub tashkilotlar faoliyati bilan bog‘liq bo‘lgan prognoz ko‘rsatkichlarga so‘zsiz erishilishini ta’minlash bo‘yicha ta’sirchan choralarni ishlab chiqish;

O‘zbekiston Respublikasi Prezidenti va Vazirlar Mahkamasi hujjatlari va topshiriqlari ijrosini tashkil etish va monitoringini olib borishning ta’sirchan tizimini yaratish, “O‘zdavtemiryo‘lnazorat” inspeksiyasi faoliyatida ijro intizomini mustahkamlash bo‘yicha kompleks amaliy chora-tadbirlarni amalga oshirish, shuningdek, O‘zbekiston Respublikasi Prezidentining “O‘zbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun O‘zbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xo‘jalik boshqaruvi organlari hamda barcha darajalardagi hokimliklar rahbarlarining shaxsiy javobgarligi to‘g‘risida” 2017-yil 11-apreldagi PQ-2881-son qaroriga hamda Vazirlar Mahkamasining “Ijro intizomini mustahkamlash chora-tadbirlari to‘g‘risida” 1999-yil 12-yanvardagi 12-son qaroriga muvofiq topshiriqlarning o‘z vaqtida va sifatli bajarilishi yuzasidan o‘ziga qarashli tashkilotlarning, tarkibiy bo‘linmalar va hududiy filiallar rahbarlarining shaxsiy javobgarligini oshirish choralarini ko‘rish;

“O‘zdavtemiryo‘lnazorat” inspeksiyasi qarorlarining, “O‘zdavtemiryo‘lnazorat” inspeksiyasi boshlig‘i va uning o‘rinbosarlari buyruqlarining o‘z vaqtida va sifatli bajarilishini ta’minlash;

“O‘zdavtemiryo‘lnazorat” inspeksiyasi faoliyati sohasiga kiradigan masalalar bo‘yicha mahalliy ijro etuvchi hokimiyat organlari va kompleks ijtimoiy-iqtisodiy rivojlantirish shu’balari bilan o‘zaro hamkorlik qilish;

hududiy filiallar va idoraviy mansub tashkilotlarning mansabdor shaxslari vakolatlarini, ularning shaxsiy javobgarligi darajasini belgilash;

“O‘zdavtemiryo‘lnazorat” inspeksiyasining hududiy filiallari va idoraviy mansub tashkilotlarda kadrlarni tanlash, ularning samarali faoliyati uchun zarur sharoitlar yaratish, kadrlar zaxirasini shakllantirish;

vakant lavozimlarga tavsiya etilgan kadrlarning kasbiy mahorati, layoqati, amaliy tajribasi, ishbilarmonlik va ma’naviy-axloqiy sifatlarining yuqori darajasi kafolatlanganligini ta’minlash;

hududiy filiallar va idoraviy mansub tashkilotlar xodimlari tomonidan “O‘zdavtemiryo‘lnazorat” inspeksiyasi xodimlarining odob-axloq qoidalari talablariga rioya etishini ta’minlash;

“Korrupsiyaga qarshi kurashish to‘g‘risida”gi O‘zbekiston Respublikasi Qonuni talablariga muvofiq hududiy filiallar va idoraviy mansub tashkilotlarda korrupsiyaning va boshqa qonun buzilishlarining oldini olish chora-tadbirlarini ko‘rish, shuningdek, huquqlarning amaliyotda qo‘llanishi va qonunchilikni takomillashtirish bo‘yicha choralarni ishlab chiqish va amalga oshirish yo‘li bilan ushbu hodisalarning sodir bo‘lishi sabablari va sharoitlarini aniqlash, tahlil qilish, bartaraf etish;

prognoz ko‘rsatkichlarning bajarilishini tizimli tahlil qilish hamda “O‘zdavtemiryo‘lnazorat” inspeksiyasi rahbariyatiga mazkur ko‘rsatkichlarga “O‘zdavtemiryo‘lnazorat” inspeksiyasining hududiy filiallari va idoraviy mansub tashkilotlar tomonidan so‘zsiz erishilishini ta’minlashga yo‘naltirilgan qo‘shimcha chora-tadbirlar ko‘rish yuzasidan takliflar kiritish;

“O‘zdavtemiryo‘lnazorat” inspeksiyasining hududiy filiallari va idoraviy mansub tashkilotlar xodimlari faoliyatining samaradorligi va natijadorligini tizimli ravishda tanqidiy tahlil qilish, yig‘ilishlarda ularning shaxsiy hisobotlarini eshitish, yakunlari bo‘yicha zarur choralar ko‘rish;

jismoniy va yuridik shaxslarning murojaatlarini ko‘rib chiqish bo‘yicha ishlarni samarali tashkil etish, aholi bilan bevosita va ochiq muloqotni yo‘lga qo‘yish, “Jismoniy va yuridik shaxslarning murojaatlari to‘g‘risida”gi O‘zbekiston Respublikasi Qonunida belgilangan muddatlarda va tartibda jismoniy shaxslarni va yuridik shaxslarning vakillarini joyiga borgan holda qabul qilish yo‘li bilan shaxsiy qabullarni tizimli amalga oshirish;

O‘zbekiston Respublikasi Prezidentining Xalq qabulxonalari bilan o‘zaro hamkorlikni samarali tashkil etish, ularning faoliyatida “O‘zdavtemiryo‘lnazorat” inspeksiyasi xodimlarining faol ishtirokini yo‘lga qo‘yish, O‘zbekiston Respublikasi Prezidentining Virtual qabulxonasidan tushadigan jismoniy va yuridik shaxslar murojaatlarining o‘z vaqtida va har tomonlama ko‘rib chiqilishini ta’minlash;

“O‘zdavtemiryo‘lnazorat” inspeksiyasining hududiy filiallari va idoraviy mansub tashkilotlar xodimlariga mukofotlar, lavozim maoshiga ustamalar, moddiy yordam to‘lash, ularni mukofotlash, rag‘batlantirish va ularga nisbatan intizomiy choralar qo‘llash, ularni davlat va idora mukofotlari bilan taqdirlash to‘g‘risida takliflar kiritish;

davlat sirlariga va maxfiy axborotlar jumlasiga kiritilgan axborotlar bilan ishlashda qonunchilik talablariga rioya etish.

26. “O‘zdavtemiryo‘lnazorat” inspeksiyasi boshlig‘i quyidagilar uchun mas’ul:

“O‘zdavtemiryo‘lnazorat” inspeksiyasiga yuklangan vazifalar va funksiyalarning bajarilishi;

“O‘zdavtemiryo‘lnazorat” inspeksiyasining ushbu Nizomning 17-bandida nazarda tutilgan javobgarlik sohalari bo‘yicha;

ushbu Nizomning 22-bandida ko‘rsatilgan o‘z funksional majburiyatlarining sifatli bajarilishi.

27. “O‘zdavtemiryo‘lnazorat” inspeksiyasi boshlig‘ining o‘rinbosari quyidagilar uchun mas’ul:

“O‘zdavtemiryo‘lnazorat” inspeksiyasining mutasaddilik qilinadigan tarkibiy bo‘linmalarida “O‘zdavtemiryo‘lnazorat” inspeksiyasiga yuklangan vazifalar va funksiyalarning bajarilishi;

“O‘zdavtemiryo‘lnazorat” inspeksiyasining ushbu Nizomning 17-bandida nazarda tutilgan mutasaddilik qilinadigan masalalar bo‘yicha javobgarlik sohalari bo‘yicha;

ushbu Nizomning 23-bandida ko‘rsatilgan o‘z funksional majburiyatlarining sifatli bajarilishi.

28. Markaziy apparat tarkibiy bo‘linmalarining rahbarlari quyidagilar uchun mas’ul:

tegishli tarkibiy bo‘linmalarga yuklangan vazifalar va funksiyalarning amalga oshirilishi;

“O‘zdavtemiryo‘lnazorat” inspeksiyasi markaziy apparatining ushbu Nizomning 18-bandida nazarda tutilgan javobgarlik sohalari bo‘yicha;

ushbu Nizomning 24-bandida ko‘rsatilgan o‘z funksional majburiyatlarining sifatli bajarilishi.

29. “O‘zdavtemiryo‘lnazorat” inspeksiyasi hududiy filiallari va idoraviy mansub tashkilotlar rahbarlari quyidagilar uchun javob beradi:

hududiy filiallarga va idoraviy mansub tashkilotlarga yuklangan vazifalar va funksiyalarning amalga oshirilishi;

“O‘zdavtemiryo‘lnazorat” inspeksiyasi hududiy filiali va idoraviy mansub tashkilotlarning ushbu Nizomning 21-bandida nazarda tutilgan javobgarlik sohalari bo‘yicha;

ushbu Nizomning 25-bandida ko‘rsatilgan o‘z funksional majburiyatlarining sifatli bajarilishi.

30. “O‘zdavtemiryo‘lnazorat” inspeksiyasini O‘zbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan boshliq boshqaradi.

31. Boshliqning O‘zbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod qilinadigan bir nafar o‘rinbosari bo‘ladi.

32. “O‘zdavtemiryo‘lnazorat” inspeksiyasi boshlig‘i moddiy ta’minot, transport va tibbiy xizmat ko‘rsatish ishlari bo‘yicha vazirning birinchi o‘rinbosariga, “O‘zdavtemiryo‘lnazorat” inspeksiyasi boshlig‘ining o‘rinbosari — vazir o‘rinbosariga tenglashtiriladi.

33. “O‘zdavtemiryo‘lnazorat” inspeksiyasi boshqaruvi bo‘lmagan davrda uning vakolatlarini o‘rinbosari amalga oshiradi.

34. “O‘zdavtemiryo‘lnazorat” inspeksiyasi boshlig‘i hududiy filiallar va idoraviy mansub tashkilotlar rahbarlarini belgilangan tartibda lavozimga tayinlaydi va lavozimdan ozod qiladi.

35. “O‘zdavtemiryo‘lnazorat” inspeksiyasi boshlig‘i hududiy filiallari va idoraviy mansub tashkilotlarning nizomlarini, tuzilmasini va shtat jadvalini, xodimlar sonini Vazirlar Mahkamasi tomonidan tasdiqlangan xodimlar soni doirasida tasdiqlaydi.

36. “O‘zdavtemiryo‘lnazorat” inspeksiyasi markaziy apparati tarkibiy bo‘linmalarining uning hududiy filiallari va idoraviy mansub tashkilotlar bilan o‘zaro hamkorligini ta’minlash markaziy apparat tarkibiy bo‘linmalarining rahbarlari tomonidan amalga oshiriladi.

37. “O‘zdavtemiryo‘lnazorat” inspeksiyasi markaziy apparatining tarkibiy bo‘linmalari o‘z faoliyati yo‘nalishlari bo‘yicha hududiy filiallari va idoraviy mansub tashkilotlar bilan o‘zaro hamkorlik qilgan holda:

topshiriqlarni hududiy filiallar va idoraviy mansub tashkilotlarga yetkazadilar va ularning bajarilishini nazorat qiladilar;

“O‘zdavtemiryo‘lnazorat” inspeksiyasining hududiy filiallari va idoraviy mansub tashkilotlarga tarkibiy bo‘linmalarning bevosita faoliyati masalalari bo‘yicha so‘rovlar yuboradilar va ularning bajarilishini nazorat qiladilar;

“O‘zdavtemiryo‘lnazorat” inspeksiyasi hududiy filiallari va idoraviy mansub tashkilotlarning faoliyatini tekshiradilar, o‘rganadilar va umumlashtiradilar, ularni takomillashtirishga yo‘naltirilgan chora-tadbirlarni ishlab chiqadilar va qabul qiladilar;

“O‘zdavtemiryo‘lnazorat” inspeksiyasining hududiy filiali va idoraviy mansub tashkilotlarning hisobotlari va axborot materiallarini va boshqa faoliyatini tashkil etish va statistik ma’lumotlarni o‘rganishni tashkil qiladilar;

“O‘zdavtemiryo‘lnazorat” inspeksiyasining hududiy filiallari va idoraviy mansub tashkilotlar ish rejalarini tahlil qiladilar, ularning faoliyati rejalashtirilishini takomillashtirish chora-tadbirlarini ko‘radilar;

“O‘zdavtemiryo‘lnazorat” inspeksiyasi hududiy filiallari va idoraviy mansub tashkilotlardan tushgan takliflarni ko‘rib chiqadilar;

“O‘zdavtemiryo‘lnazorat” inspeksiyasi hududiy filiallari va idoraviy mansub tashkilotlarning normativ-huquqiy hujjatlari loyihalarini tayyorlashdagi ishtirokini tashkil qiladilar, qonun hujjatlarini takomillashtirish bo‘yicha ulardan tushgan takliflarni ko‘rib chiqadilar.

38. “O‘zdavtemiryo‘lnazorat” inspeksiyasining hududiy filiallari va idoraviy mansub tashkilotlar “O‘zdavtemiryo‘lnazorat” inspeksiyasi markaziy apparatining tarkibiy bo‘linmalari bilan o‘zaro hamkorlik qiladilar, shu jumladan:

“O‘zdavtemiryo‘lnazorat” inspeksiyasi rahbariyati topshiriqlarining ijrosi to‘g‘risida axborot beradilar;

belgilangan faoliyat sohasida qonun hujjatlarining amalga oshirilishi bo‘yicha nazorat natijalari to‘g‘risidagi axborotlarni markaziy apparatga taqdim etadilar;

ularning faoliyatini tekshirish va o‘rganish natijasida aniqlangan ishdagi kamchiliklar va qoida buzilishlarini bartaraf etish natijalari to‘g‘risida axborot beradilar;

“O‘zdavtemiryo‘lnazorat” inspeksiyasi markaziy apparatiga o‘z ishlari natijalari to‘g‘risidagi hisobotlarni belgilangan tartibda va muddatlarda taqdim etadilar;

“O‘zdavtemiryo‘lnazorat” inspeksiyasi markaziy apparatiga o‘z mintaqasi hududlarini ijtimoiy-iqtisodiy rivojlantirish muammolarini hal etishga yo‘naltirilgan takliflarni yuboradilar;

vakolatli organlar tomonidan o‘tkazilgan o‘z faoliyati tekshiruvlari natijalari to‘g‘risida axborot beradilar.

39. “O‘zdavtemiryo‘lnazorat” inspeksiyasi markaziy apparati tarkibiy bo‘linmalarining va uning hududiy filiallari va idoraviy mansub tashkilotlarning o‘zaro hamkorligi jarayonida paydo bo‘ladigan kelishmovchiliklar “O‘zdavtemiryo‘lnazorat” inspeksiyasi boshlig‘i topshirig‘iga binoan uning o‘rinbosari tomonidan ko‘rib chiqiladi. Kelishmovchiliklar ko‘rib chiqishdan keyin tartibga solinmagan taqdirda ular bo‘yicha qaror bevosita “O‘zdavtemiryo‘lnazorat” inspeksiyasi boshlig‘i tomonidan qabul qilinadi.

40. “O‘zdavtemiryo‘lnazorat” inspeksiyasi o‘z vazifalari va funksiyalarini amalga oshirishda davlat va xo‘jalik boshqaruvi organlari, mahalliy ijro etuvchi hokimiyat organlari va boshqa tashkilotlar bilan o‘zaro hamkorlik qiladi.

41. “O‘zdavtemiryo‘lnazorat” inspeksiyasining hududiy filiali va idoraviy mansub tashkilotlar o‘z vakolati doirasida davlat va xo‘jalik boshqaruvi organlari, mahalliy ijro etuvchi hokimiyat organlari va boshqa tashkilotlar hududiy organlari bilan hamkorlik qiladilar.

“O‘zdavtemiryo‘lnazorat” inspeksiyasining hududiy filiali va idoraviy mansub tashkilotlar o‘z mintaqasining tegishli hududlarini ijtimoiy-iqtisodiy rivojlantirish bo‘yicha “yo‘l xaritalari”ni ishlab chiqishda va amalga oshirishda kompleks ijtimoiy-iqtisodiy rivojlantirish shu’balari bilan yaqindan hamkorlik qiladilar.

42. “O‘zdavtemiryo‘lnazorat” inspeksiyasi faoliyatiga Vazirlar Mahkamasining tegishli kompleksining, Vazirlar Mahkamasining axborot-tahlil departamentining rahbari mutasaddilik qiladi.

43. “O‘zdavtemiryo‘lnazorat” inspeksiyasining faoliyati va samardorligi muntazam ravishda baholab boriladi.

44. “O‘zdavtemiryo‘lnazorat” inspeksiyasining samaradorligi va natijadorligi bahosi Vazirlar Mahkamasining mutasaddilik qiladigan kompleksi rahbari tomonidan tasdiqlanadigan “O‘zdavtemiryo‘lnazorat” inspeksiyasi faoliyati samaradorligi va natijadorligining bahosiga va ish indikatorlariga asoslanadi.

45. “O‘zdavtemiryo‘lnazorat” inspeksiyasi faoliyatining samaradorligi va natijadorligini baholash yakunlari bo‘yicha quyidagi choralar qabul qilinadi:

“O‘zdavtemiryo‘lnazorat” inspeksiyasi rahbarlari va xodimlarini rag‘batlantirish (mukofotlash) yoki ularga nisbatan intizomiy javobgarlik choralari ko‘rish;

“O‘zdavtemiryo‘lnazorat” inspeksiyasi faoliyatidagi aniqlangan kamchiliklarni bartaraf etish va uning faoliyatini yanada takomillashtirish.

46. “O‘zdavtemiryo‘lnazorat” inspeksiyasi faoliyatining samaradorligi va natijadorligini baholash tartibi va metodikasi qonunchilik bilan belgilanadi.

47. “O‘zdavtemiryo‘lnazorat” inspeksiyasi, uning hududiy filiallari va idoraviy mansub tashkilotlar xodimlariga qonun hujjatlariga muvofiq O‘zbekiston Respublikasi temir yo‘l transportida belgilangan mehnatga haq to‘lash sharoitlari va imtiyozlar tizimi tatbiq etiladi.

48. “O‘zdavtemiryo‘lnazorat” inspeksiyasini moliyalashtirish va moddiy-texnik ta’minlash O‘zbekiston Respublikasi Davlat budjeti mablag‘lari, shuningdek, temir yo‘l transportida yo‘lovchilar va yuklarni tashish bo‘yicha faoliyatni amalga oshirish huquqiga litsenziyalar berish to‘g‘risidagi arizalarni ko‘rib chiqqanlik uchun undiriladigan yig‘imlar bo‘yicha tushumlar va qonun hujjatlarida taqiqlanmagan boshqa manbalar hisobiga amalga oshiriladi.

49. “O‘zdavtemiryo‘lnazorat” inspeksiyasi xodimlarining ish haqi lavozim maoshi, mukofotlar, moddiy yordam, qo‘shimchalar, ustamalar va qonun hujjatlarida nazarda tutilgan boshqa rag‘batlantirish to‘lovlaridan iborat bo‘ladi.

“O‘zdavtemiryo‘lnazorat” inspeksiyasi xodimlarining lavozim maoshlariga har oylik ustamalar va rag‘batlantiruvchi qo‘shimchalar “O‘zdavtemiryo‘lnazorat” inspeksiyasi boshlig‘i tomonidan tasdiqlanadigan nizomlarga muvofiq to‘lanadi.

50. “O‘zdavtemiryo‘lnazorat” inspeksiyasi xodimlariga ish haqi to‘lash va moddiy rag‘batlantirishni amalga oshirish manbalari mehnatga haq to‘lash fondi, “O‘zdavtemiryo‘lnazorat” inspeksiyasi xodimlarini moddiy rag‘batlantirishning maxsus fondi, “O‘zdavtemiryo‘lnazorat” inspeksiyasini rivojlantirish fondi hamda qonun hujjatlarida taqiqlanmagan boshqa mablag‘lardan iborat bo‘ladi.

51. “O‘zdavtemiryo‘lnazorat” inspeksiyasi boshlig‘i “O‘zdavtemiryo‘lnazorat” inspeksiyasining faoliyati to‘g‘risida Vazirlar Mahkamasi va O‘zbekiston Respublikasi Prezidentiga muntazam ravishda hisobot beradi.

52. Vazirlar Mahkamasining mutasaddilik qiluvchi kompleksi rahbari “O‘zdavtemiryo‘lnazorat” inspeksiyasi boshlig‘ining va uning o‘rinbosarining o‘zlariga yuklangan vazifalarini samarali bajarish bo‘yicha faoliyati yuzasidan doimiy monitoringni amalga oshiradi, “O‘zdavtemiryo‘lnazorat” inspeksiyasi faoliyati samaradorligini xolisona baholaydi.

53. Monitoring va baholash yakunlari bo‘yicha “O‘zdavtemiryo‘lnazorat” inspeksiyasining alohida namuna ko‘rsatgan rahbarlari, mansabdor shaxslari va xodimlari rag‘batlantiriladi yoxud yo‘l qo‘yilgan jiddiy kamchiliklari uchun ular egallab turgan lavozimdan ozod qilishgacha bo‘lgan darajada javobgarlikka tortiladilar.

54. “O‘zdavtemiryo‘lnazorat” inspeksiyasini qayta tashkil etish va tugatish qonun hujjatlarida belgilangan tartibda amalga oshiriladi.

1. Vazirlar Mahkamasining “O‘zbekiston Respublikasi Temir yo‘llarda yuk va yo‘lovchilar tashish xavfsizligini nazorat qilish davlat inspeksiyasi faoliyatini takomillashtirish chora-tadbirlari to‘g‘risida” 2004-yil 2-martdagi 101-sonli qarori (O‘zbekiston Respublikasi QT, 2004-y., 3-son, 21-modda).

2. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirishlar kiritish to‘g‘risida” 2005-yil 22-yanvardagi 28-son qaroriga ilovaning 8-bandi (O‘zbekiston Respublikasi QT, 2005-y., 1-son, 3-modda).

3. Vazirlar Mahkamasining “O‘zbekiston Respublikasi Hukumatining vazirliklar, davlat qo‘mitalari va idoralar to‘g‘risidagi nizomlarni tasdiqlash bo‘yicha ayrim qarorlariga o‘zgartirish va qo‘shimchalar kiritish haqida” 2010-yil 5-iyundagi 108-son qaroriga (O‘zbekiston Respublikasi QT, 2010-y., 6-son, 27-modda) ilovaning 33-bandi.

4. Vazirlar Mahkamasining “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “Statistik, soliq va moliyaviy hisobotlarni, litsenziyalanadigan faoliyat turlarini va ruxsat berish tartib-taomillarini tubdan qisqartirish chora-tadbirlari to‘g‘risida” 2012-yil 16-iyuldagi PF-4453-son Farmoni) 2012-yil 1-noyabrdagi 313-son qaroriga (O‘zbekiston Respublikasi QT, 2012-y., 11-son, 79-modda)1-ilovaning 58-bandi.

5. Vazirlar Mahkamasining “Tashuvchining fuqarolik javobgarligini majburiy sug‘urta qilish to‘g‘risida”gi O‘zbekiston Respublikasi Qonunini amalga oshirish chora-tadbirlari haqida” 2015-yil 15-sentabrdagi 266-son qaroriga (O‘zbekiston Respublikasi QT, 2015-y., 9-son, 82-modda) 2-ilovaning 3-bandi.