O‘zbekiston Respublikasi Vazirlar Mahkamasining “Kapital qurilishda iqtisodiy islohotlarni chuqurlashtirish chora-tadbirlari to‘g‘risida” 1998-yil 3-sentabrdagi 375-son qaroriga muvofiq Vazirlar Mahkamasi qaror qiladi:

1. Quyidagilar:

O‘zbekiston Respublikasi Davlat arxitektura va qurilish qo‘mitasi to‘g‘risidagi Nizom 1-ilovaga muvofiq;

3. “O‘zdavstandart” markazi qurilish materiallari, buyumlar va konstruksiyalarni sertifikatlash funksiyalarini amaldagi qonun hujjatlariga muvofiq O‘zbekiston Respublikasi Davlat arxitektura va qurilish qo‘mitasiga bersin.

4. O‘zbekiston Respublikasi Davlat arxitektura va qurilish qo‘mitasi:

Davlat arxitektura-qurilish nazorati bosh boshqarmasi (“Boshdavarxitektqurilishnazorat”) tarkibida qurilishda standartlashtirish hamda qurilish materiallari, buyumlar va konstruksiyalarni sertifikatlash boshqarmasini tashkil etsin;

Qoraqalpog‘iston Respublikasi va O‘zbekiston Respublikasi viloyatlari Davlat arxitektura-qurilish nazorati inspeksiyalari tarkibida Qurilishda standartlashtirish va qurilish materiallari, buyumlar va konstruksiyalarni sertifikatlash markazlari tashkil etsin;

Boshqarma va Qurilishda standartlashtirish va qurilish materiallari, buyumlar va konstruksiyalarni sertifikatlash markazlari xarajatlarini ko‘rsatib o‘tilgan Boshqarma va markazlar tomonidan ko‘rsatiladigan xizmatlardan tushadigan mablag‘lardan amalga oshirsin.

5. Quyidagilar:

O‘zbekiston Respublikasi Davlat arxitektura va qurilish qo‘mitasining Davlat arxitektura-qurilish nazorati bosh boshqarmasi (“Boshdavarxitektqurilishnazorat”) to‘g‘risidagi Nizom 4-ilovaga muvofiq;

O‘zbekiston Respublikasi Davlat arxitektura va qurilish qo‘mitasi bir hafta muddatda Davlat arxitektura-qurilish nazorati bosh boshqarmasining tuzilmasini tasdiqlasin.

Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari o‘n kun muddatda O‘zbekiston Respublikasi Davlat arxitektura va qurilish qo‘mitasi bilan kelishgan holda tegishli Arxitektura va qurilish hududiy bosh boshqarmalarining tuzilmasini tasdiqlasinlar.

6. O‘zbekiston Respublikasi Vazirlar Mahkamasining 1995-yil 26-yanvardagi 19-son qarori bilan tasdiqlangan Davlat idoradan tashqari ekspertiza bosh boshqarmasi to‘g‘risidagi Nizomning 6-bandi quyidagi mazmundagi xatboshi bilan to‘ldirilsin: “tobe ekspert tashkilotlar va mustaqil firmalar tomonidan qurilish, rekonstruksiyalar uchun beriladigan ekspert xulosalar sifatini nazorat qilish va monitoringini amalga oshirish”.

7. Vazirlar Mahkamasining “O‘zbekiston Respublikasi Davlat arxitektura va qurilish (“Davarxitektqurilish”) qo‘mitasini tashkil etish va uning faoliyati masalalari to‘g‘risida” 1993-yil 30-avgustdagi 441-son qarori 2-bandining oxirgi xatboshidagi “shahar (tuman)lar hokimlari” so‘zlari “shahar (tuman)lar hokimlarining O‘zbekiston Respublikasi Davlat arxitektura va qurilish qo‘mitasi hamda viloyatlar va Toshkent shahar hokimlari bilan kelishilgan” so‘zlari bilan almashtirilsin.

8. Quyidagilar:

O‘zbekiston Respublikasi Vazirlar Mahkamasining “O‘zbekiston Respublikasi Davlat arxitektura va qurilish (“Davarxitektqurilish”) qo‘mitasini tashkil etish va uning faoliyati masalalari to‘g‘risida” 1993-yil 30-avgustdagi 441-son qaroriga 1, 2 va 3-ilovalar, shuningdek ushbu qaror 3-bandining ikkinchi xatboshi;

Vazirlar Mahkamasining 1993-yil 1-dekabrdagi 580-son qarori bilan tasdiqlangan O‘zbekiston Respublikasi Davlat arxitektura va qurilish qo‘mitasi to‘g‘risidagi Nizom;

Vazirlar Mahkamasining “O‘zbekiston Respublikasi Davlat arxitektura va qurilish qo‘mitasi to‘g‘risidagi Nizomga o‘zgartirish va qo‘shimchalar kiritish haqida” 1995-yil 18-sentabrdagi 363-son qarori;

Vazirlar Mahkamasining “O‘zbekiston Respublikasida Davlat arxitektura-qurilish nazorati boshqarmasi to‘g‘risidagi va Davlat idoradan tashqari ekspertiza bosh boshqarmasi to‘g‘risidagi nizomlarni tasdiqlash haqida” 1995-yil 26-yanvardagi 19-son qaroriga 1-ilova o‘z kuchini yo‘qotgan deb hisoblansin.

9. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.N. Isayev zimmasiga yuklansin.

1. O‘zbekiston Respublikasi Davlat arxitektura va qurilish qo‘mitasi (keyingi o‘rinlarda “Davarxitektqurilish” qo‘mitasi deb ataladi) qurilish, arxitektura, shaharsozlik sohasidagi faoliyatni, qurilish materiallari ishlab chiqarishni O‘zbekiston Respublikasi qonun hujjatlarida belgilangan tartibda muvofiqlashtirish va funksional boshqarishni o‘z vakolatlari doirasida amalga oshiruvchi O‘zbekiston Respublikasi davlat boshqaruv organi hisoblanadi.

2. “Davarxitektqurilish” qo‘mitasi o‘z faoliyatida O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Oliy Majlisining qarorlariga, O‘zbekiston Respublikasi Prezidentining farmonlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, O‘zbekiston Respublikasining xalqaro shartnomalariga va mazkur Nizomga amal qiladi.

3. “Davarxitektqurilish” qo‘mitasi o‘z faoliyatini respublika boshqaruv va boshqa organlari hamda joylardagi hokimiyat, mahalliy o‘zini o‘zi boshqarish organlari, tashkilotlar va jamoat birlashmalari bilan o‘zaro hamkorlikda amalga oshiradi.

“Davarxitektqurilish” qo‘mitasiga qarashli sohada ish ko‘ruvchi davlat unitar korxonalari va tashkilotlari “Davarxitektqurilish” qo‘mitasi ixtiyorida bo‘ladi.

4. “Davarxitektqurilish” qo‘mitasi, viloyatlar va Toshkent shahar, tumanlar (shaharlar) arxitektura va qurilish bosh boshqarmalari va bo‘limlari (boshqarmalari), ekspertiza va davlat arxitektura-qurilish nazorati vakolatli organlari qurilish, shaharsozlik va arxitekturani boshqarish sohasida O‘zbekiston Respublikasi davlat boshqaruvi organlari yagona tizimini tashkil etadi.

5. Quyidagilar “Davarxitektqurilish” qo‘mitasining asosiy vazifalari va faoliyat yo‘nalishlari hisoblanadi:

5.1. Bozor iqtisodiyoti sharoitlarida qurilish, arxitektura, shaharsozlik va qurilish materiallari ishlab chiqarish sohasini isloh qilish, davlat boshqaruvining tashkiliy, iqtisodiy va huquqiy asoslarini shakllantirish, boshqaruv tizimini takomillashtirish bo‘yicha davlat siyosatini o‘tkazish va tarmoqlararo muvofiqlashtirishni amalga oshirish.

5.2. Qurilish, arxitektura va shaharsozlik, binokorlik materiallari ishlab chiqarish sohasida yagona ilmiy va texnika siyosatini amalga oshirish, tegishli axborot bazasini tashkil etish.

5.3. Investitsiya jarayonlarini samarali boshqarish masalalari bo‘yicha jahon tajribasini o‘rganish, loyiha hujjatlarini ishlab chiqish, pudrat ishlari bozorini shakllantirish, yangi texnika va texnologiyalarni, qurilish materiallari va qurilish-montaj ishlarining ilg‘or turlarini qo‘llash sabablarini asoslash.

5.4. Qurilish, arxitektura, shaharsozlik va loyihalash faoliyati sohasidagi me’yoriy-huquqiy hujjatlar, davlat normalari va standartlari monitoringi va ularni ishlab chiqish, davlat shaharsozlik kadastrini yuritish.

5.5. Shaharlar va aholi yashash joylarini rejalashtirish va ularda imoratlar qurish normalari va qoidalariga rioya qilinishini ta’minlash, ularning arxitektura-rejalashtirish va arxitektura-badiiy sifatini yaxshilash, qimmatli arxitektura-shaharsozlik merosini saqlab qolish, arxitektura va shaharsozlikda milliy va madaniy an’analarni rivojlantirish.

5.6. Narx belgilash tizimini takomillashtirish, pudrat ishlari va qurilish materiallari bozorini shakllantirish, qurilishda shartnomaviy munosabatlarning ahamiyatini oshirish.

5.7. Loyihalashtirish, qurish va qurilish materiallari va konstruksiyalarini ishlab chiqarishda davlat shaharsozlik intizomiga, normalar va standartlarga rioya etilishini nazorat qilish, qurilish sifatini nazorat qilish, arxitektura-shaharsozlik, loyiha va loyiha-tender hujjatlari ekspertizasini o‘tkazish.

5.8. Qurilish, arxitektura va shaharsozlik sohasida xususiylashtirish jarayonlari chuqurlashishiga, xususiy firmalar tashkil etilishiga, o‘rta va kichik korxonalar, injiniring, konsalting, auditorlik, sug‘urta tarmoqlari va bozor infratuzilmasining boshqa tashkilotlari rivojlanishiga ko‘maklashish.

6. “Davarxitektqurilish” qo‘mitasi o‘ziga yuklangan vazifalarga muvofiq quyidagi funksiyalarni amalga oshiradi:

6.1. Investitsiya faoliyati, qurilish, arxitektura va shaharsozlik sohasida me’yoriy-huquqiy hujjatlar loyihalarini, qonun hujjatlari va va boshqa me’yoriy-huquqiy hujjatlarni takomillashtirish bo‘yicha takliflarni ishlab chiqadi va tasdiqlash uchun belgilangan tartibda respublika Hukumatiga kiritadi.

6.2. Qurilish sohasidagi ishlarning ahvolini kompleks texnik-iqtisodiy tahlil qiladi, tarmoqni rivojlantirish tamoyillarini o‘rganadi va qonuniyatlarni umumlashtiradi, qurilish, arxitektura va shaharsozlik sohasida davlat siyosati asoslarini ishlab chiqadi.

6.3. Budjet, ijtimoiy va kredit siyosati, kapital qurilishni mablag‘ bilan ta’minlash, tugallanmagan qurilish hajmlarini qisqartirish masalalari bo‘yicha respublika qonunlari va boshqa me’yoriy-huquqiy hujjatlar loyihalarini ishlab chiqishda qatnashadi.

6.4. Manfaatdor vazirliklar, idoralar, davlat qo‘mitalari va joylardagi davlat va xo‘jalik boshqaruvining boshqa organlari hamda hokimiyat organlari bilan birgalikda bozor iqtisodiyoti sharoitlarida qurilish tarmog‘ining tarkibiy, texnik va iqtisodiy siyosatining asosiy yo‘nalishlarini belgilaydi.

6.5. Qurilish, arxitektura, shaharsozlik, qurilish materiallari sanoati sohasida davlat normalari va qoidalarini ishlab chiqish, ro‘yxatdan o‘tkazish, tasdiqlash, ishga tushirish va qayta ko‘rib chiqish, loyiha hujjatlarini kelishish va ekspertiza qilish tartibini belgilaydi.

6.6. “Davarxitektqurilish” qo‘mitasi vakolatiga kiradigan masalalar bo‘yicha respublika maqsadli dasturlarining shaharsozlik bo‘limlarini, ijtimoiy-iqtisodiy rivojlantirish prognozlarini va respublika budjeti loyihasiga takliflarni ishlab chiqish va amalga oshirishda qatnashadi.

6.7. Yagona ilmiy-texnika siyosati o‘tkazilishini ta’minlaydi, tarmoqni rivojlantirish konsepsiyasini, maqsadli ilmiy-texnika dasturlarini ishlab chiqadi, arxitektura va shaharsozlik, loyihalashtirish va qurish sohasida fanni rivojlantirishning asosiy yo‘nalishlarini belgilaydi, yangi istiqbolli qurilish materiallari, konstruksiyalari va texnologiyalari yaratishga doir ilmiy-tadqiqot ishlanmalarini muvofiqlashtiradi.

6.8. Arxitektura, qurilish, shaharsozlik, qurilish materiallari, konstruksiyalari, buyumlari, muhandislik asbob-uskunalari bo‘yicha smeta normalari, respublika standartlari, qurilish normalari va qoidalarini ishlab chiqadi va tasdiqlaydi.

6.9. Qurilishda, qurilish materiallari, konstruksiyalari va buyumlari sanoatida, boshqaruv va smeta bilan normalashtirishning iqtisodiy usullarini takomillashtirish ishlarini tashkil etadi, qurilishda hamda konstruksiyalar, detallar va buyumlar ishlab chiqarishda rioya etilishi majburiy bo‘lgan markaziy investitsiyalar hisobiga amalga oshiriladigan kapital qurilishdagi asosiy qurilish materiallari sarfi normalarini ishlab chiqadi va tasdiqlaydi.

6.10. Respublikaning joylardagi manfaatdor boshqaruv va hokimiyat organlari bilan o‘zaro hamkorlikda shaharsozlik, loyihalashtirish va muhandislik izlanishlari sohasida gidroqurilish normativlari va qoidalari ishlab chiqilishini, shuningdek hududlar va yashash joylarida fuqaro mudofaasi bo‘yicha muhandislik-texnik tadbirlarni amalga oshiradi, ko‘rsatib o‘tilgan hujjatlarni tasdiqlaydi va chiqaradi.

6.11. Qurilishda, qurilish materiallari sanoatida bozor infratuzilmasini barpo etishning iqtisodiy shart-sharoitlarini takomillashtirishga doir takliflarni tayyorlaydi, qurilish mahsulotiga narxlar bo‘yicha tavsiyalar ishlab chiqadi, mablag‘ bilan ta’minlashning markazlashtirilgan manbalari hisobiga amalga oshiriladigan ommaviy qurilish obyektlari qiymatini belgilaydi.

6.12. Hududlarning tabiiy-iqlim, demografik, milliy va mintaqaviy xususiyatlarini hisobga olgan holda uy-joylar va jamoat binolarining ko‘p martalab qo‘llaniladigan namunaviy loyiha yechimlarini, maqsadli, mintaqaviy va eksperimental loyihalarini ishlab chiqadi va tasdiqlaydi.

6.13. Respublika maqsadli dasturlarini ishlab chiqish va amalga oshirish bo‘yicha davlat buyurtmachisi funksiyasini belgilangan tartibda ta’minlaydi, ushbu dasturlarning ilmiy-texnik va tajriba-konstruktorlik ishlari bo‘limlarini shakllantirishda va amalga oshirishda hamda davlat ehtiyojlari uchun qurilish obyektlari ro‘yxatini shakllantirishda qatnashadi, ularning barpo etilishini nazorat qiladi.

6.14. Qurilish, arxitektura, shaharsozlik va qurilish materiallari sanoati sohasida normalar va qoidalar, davlat standartlari va yo‘riqnomalar ishlab chiqilishini ta’minlaydi, ularni amalga kiritadi hamda chiqaradi, tushuntirishlar beradi, ularga rioya etilishi va qo‘llanilishini nazorat qiladi.

6.15. Markazlashtirilgan manbalar va davlat budjeti mablag‘lari hisobiga mablag‘ bilan ta’minlanadigan ilmiy-tadqiqot va loyiha-qidiruv ishlari amalga oshirilishi strategiyasini shakllantiradi va ularning bajarilishini ta’minlaydi.

6.16. Qurilishning smeta qiymatini aniqlashning asosiy prinsiplarini ishlab chiqadi, smeta-me’yoriy baza va moddiy resurslar sarfi me’yoriy ko‘rsatkichlari ishlab chiqilishini tashkil etadi, shuningdek respublika budjetidan mablag‘ bilan ta’minlanadigan qurilish bo‘yicha buyurtmachi-quruvchi xizmati xarajatlariga mablag‘lar sarfi ustidan nazoratni amalga oshiradi.

6.16. Qurilishning smeta qiymatini aniqlashning asosiy prinsiplarini ishlab chiqadi, smeta-me’yoriy baza va moddiy resurslar sarfi me’yoriy ko‘rsatkichlari ishlab chiqilishini tashkil etadi, shuningdek respublika budjetidan mablag‘ bilan ta’minlanadigan qurilish bo‘yicha buyurtmachi-quruvchi xizmati xarajatlariga mablag‘lar sarfi ustidan nazoratni amalga oshiradi.

6.18. Favqulodda vaziyatlar mintaqalarida halokat-tiklash ishlarini muvofiqlashtirishda qatnashadi, qurilayotgan va foydalanilayotgan binolar va inshootlar halokati sabablarini tekshirish tartibini tasdiqlaydi.

6.19. Qurilish va qurilish materiallari ishlab chiqarish sohasida aksiyadorlik jamiyatlarining davlat mulkchiligiga biriktirilgan aksiyalarini ishonchli boshqaruvga berish to‘g‘risida takliflar tayyorlashda qatnashadi.

6.20. Kapital qurilishda davlat xaridlari tizimini, pudrat ishlari bozorini shakllantirish, ishlar va xizmatlarni bajaruvchilarni, moddiy-texnika resurslari yetkazib beruvchilarni hamma joyda tanlov (tender) bo‘yicha tanlashni joriy etishni, shartnoma munosabatlarini mustahkamlash, pudrat shartnomasini bajarishda majburiyatlar bajarilishi ta’minlanishi uchun mas’uliyatning turli shakllari va mexanizmlarini joriy etish ishlarini tashkil etadi.

Pudrat savdolari o‘tkazilishiga tashkiliy va uslubiy rahbarlik qiladi, ularni tayyorlash va o‘tkazish tartibini nazorat qiladi, tender hujjatlarini ekspertizadan o‘tkazadi.

6.21. Qurilish ishlab chiqarishida shartnomaviy narxlar va tariflar shakllantirilishiga doir uslubiy tavsiyalarni ishlab chiqadi, narx siyosatini va qurilish mahsulotiga narx belgilashni prognozlashtiradi.

6.22. Qurilishning texnik darajasi va industrlashtirilishini oshirish, qurilishda kompleks mexanizatsiyalash va avtomatlashtirish, ishlar sifatini yaxshilash, resurslarni tejash, qurilishda materiallar va mehnat sarfini kamaytirish, qurilish materiallarini loyihalashtirish va ishlab chiqarish ishlarini tashkil etishga ko‘maklashadi.

6.23. Qurilish loyihalarining belgilangan tartibda kompleks davlat ekspertizasi o‘tkazilishini ta’minlaydi, to‘liq yoki qisman davlat budjeti mablag‘lari hisobiga amalga oshiriladigan korxonalar, binolar va inshootlar qurilishi, rekonstruksiya qilinishi va texnika bilan qayta jihozlanishi bo‘yicha loyihalarni, “Davarxitektqurilish” qo‘mitasi davlat buyurtmachisi bo‘lgan obyektlarni qurish va rekonstruksiya qilishga doir loyiha-smeta hujjatlarini tasdiqlaydi.

6.24. Shaharlar va aholi yashash joylarini rejalashtirish, ularning bosh rejalari sxemalari va loyihalari, boshqa arxitektura-rejalashtirish hujjatlari, hududlarni xavfli geologik jarayonlardan himoya qilishning qo‘riqlash zonalari va sxemalari loyihalari, seysmik mikrorayonlashtirish xaritalari ishlab chiqilishini nazorat qiladi va tashkil etadi.

6.25. Yer, uy-joy, arxitektura-shaharsozlik qonunchiligiga, aholi yashash joylari yerlaridan samarali va maqsadli foydalanilishiga rioya etishni nazorat qiladi.

6.26. Kapital qurilish ehtiyojlari uchun ilg‘or texnologiyalar, asbob-uskunalar, priborlar, mashinalar, mexanizmlar va anjomlar joriy etilishi bo‘yicha takliflar tayyorlaydi, ularni ishlab chiqarish va o‘zlashtirish ishlarini tashkil etadi.

6.27. Davlat shaharsozlik kadastri, obyektlarni texnik xatlash, shaharsozlik faoliyati obyektlari monitoringi yuritilishini ilmiy-uslubiy ta’minlashni tashkil etadi.

6.28. Qurilish uchun muhandislik izlanishlari sohasida yagona texnika siyosatini amalga oshiradi, kapital qurilish uchun kompleks muhandislik izlanishlarining davlat fondi shakllanishi va yuritilishini tashkil etadi.

6.29. Qurilish industriyasi va qurilish materiallari sanoati korxonalari tomonidan qurilish va ishlab chiqarilayotgan mahsulot sifati ustidan davlat nazoratini amalga oshiradi, qurilish obyektlarini ro‘yxatdan o‘tkazadi, qurilish normalari va qoidalari talablari, standartlar va texnik shartlar buzilgan, tasdiqlangan loyiha yechimlaridan chetga chiqqan holda zarur loyiha hujjatlarisiz amalga oshirilayotgan qurilishga belgilangan tartibda moliyaviy jazolar beradi, mahsulot ishlab chiqarilishini taqiqlaydi, obyektlar qurilishini to‘xtatib qo‘yadi.

6.30. Shaharsozlik intizomiga, obyektlarni foydalanishga qabul qilib olish qoidalariga rioya etilishi ustidan nazoratni amalga oshiradi, zaruriyat bo‘lganda materiallarni tartibni buzishda aybdor shaxslarni javobgarlikka tortish uchun huquqni muhofaza qilish organlariga topshiradi.

6.31. Amaldagi qonun hujjatlariga muvofiq loyihalashtirish, muhandislik izlanishlari, ekspertiza, qurilish, qurilish materiallari, konstruksiyalari va buyumlari ishlab chiqarish sohasida faoliyatni amalga oshirish huquqini attestatsiyadan o‘tkazadi, sertifikatlar va litsenziyalar beradi.

6.32. O‘z vakolatlari doirasida investitsiya jarayoni qatnashchilari o‘rtasidagi kelishmovchiliklarni ko‘rib chiqadi, ular bo‘yicha qarorlar qabul qiladi, takliflarni belgilangan tartibda Vazirlar Mahkamasiga yoki tegishli organlarga kiritadi.

6.33. Qurilishni loyihalash va qurilish materiallari ishlab chiqarish sohasida korxonalar va tashkilotlarni xususiylashtirish masalalarini hal etishda qatnashadi.

6.34. Qurilish materiallari, buyumlari va konstruksiyalari, shu jumladan chet elda ishlab chiqarilgan materiallar va buyumlarni sertifikatlaydi, qurilish tashkilotlari va qurilish industriyasi korxonalarini jihozlash uchun asbob-uskunalar xarid qilish masalalarini hal etishda qatnashadi hamda obyektlar qurilishi uchun xorijiy firmalar jalb qilinishining maqsadga muvofiqligini ko‘rib chiqadi.

6.35. Qurilish, arxitektura, shaharsozlik va qurilish materiallari ishlab chiqarish masalalari bo‘yicha xorijiy mamlakatlar va xalqaro tashkilotlar bilan ilmiy-texnik va iqtisodiy hamkorlikni amalga oshiradi, ushbu sohadagi xalqaro hamkorlikda qatnashadi, xorijiy firmalar, korxonalar va tashkilotlar bilan to‘g‘ridan to‘g‘ri aloqalar o‘rnatishda mahalliy korxonalar va tashkilotlarga ko‘maklashadi.

6.36. Qurilish, qurilish materiallari, konstruksiyalari va buyumlari sanoati sohasida statistika hisobotini takomillashtirish, binolar, inshootlar va qurilish texnikasining asosiy fondlarini qayta baholash bo‘yicha takliflar tayyorlaydi.

6.37. O‘z vakolati doirasida arxitektura, shaharsozlik va qurilish sohasida mutaxassislar tayyorlash va qayta tayyorlashni tashkil etadi, shuningdek qurilish kompleksi kadrlarini o‘qitadi, qayta tayyorlaydi va ularning malakasini oshiradi.

6.38. Respublika va mintaqaviy ko‘rgazma-yarmarkalar o‘tkazishni tashkil etadi, ular ishida qatnashadi, qurilishda ko‘rgazma ishini rivojlantirish va takomillashtirish masalalarida uslubiy va maslahat yordami ko‘rsatadi.

6.39. O‘zbekiston Respublikasi qonun hujjatlariga muvofiq “Davarxitektqurilish” qo‘mitasiga yuklangan boshqa vakolatlarni amalga oshiradi.

7. Qo‘mitaga quyidagi huquqlar beriladi:

7.1. Qurilish, arxitektura va shaharsozlik sohasida muhim xalq xo‘jaligi muammolarini ishlab chiqish va ko‘rib chiqish bo‘yicha idoralararo komissiyalar va kengashlar tashkil etish. Materiallarni ishlab chiqishga ilmiy-tadqiqot, texnologik, loyiha-konstruktorlik tashkilotlari, oliy o‘quv yurtlari va boshqa muassasalarning xodimlarini, shuningdek alohida olimlar va mutaxassislarni jalb qilish;

7.2. Vazirliklar, idoralar, davlat qo‘mitalari, konsernlar va uyushmalarda, ilmiy-tadqiqot muassasalarida, loyihalash, qidiruv, qurilish tashkilotlarida va korxonalarda arxitektura va shaharsozlik sohasida ilmiy-tadqiqotlar dasturlari bajarilishini, loyihalash va qurilishning texnik darajasini, ishlarni standartlashtirish va sertifikatlash ishlari tashkil etilishini, bajarilayotgan qurilish-montaj ishlari, ishlab chiqarilayotgan qurilish konstruksiyalari, buyumlari va materiallari sifatini, shuningdek qurilish texnikasidan foydalanish samaradorligini tekshirishni belgilangan tartibda o‘tkazish, vazirliklar, idoralar, davlat qo‘mitalari hamda respublika davlat va xo‘jalik boshqaruvi boshqa organlari va ularga qarashli tashkilotlar rahbarlarining ushbu masalalar bo‘yicha axborotlari va xabarlarini eshitish, tekshirishlar, axborotlar va xabarlar natijalari bo‘yicha tegishli qarorlar qabul qilish;

7.3. Materiallarni obyektlarni foydalanishga qabul qilish qoidalari buzilganligi uchun huquqni muhofaza qilish organlariga va qurilishi tugallanmagan obyektlarni foydalanishga topshirish statistika hisobotidan chiqarish uchun statistika organlariga berish.

7.4. Vazirliklar, idoralar, davlat qo‘mitalari hamda davlat va xo‘jalik boshqaruvi boshqa organlarining, shuningdek ularga qarashli tashkilotlarning qurilish, arxitektura va shaharsozlik masalalari bo‘yicha qonun hujjatlariga zid me’yoriy-huquqiy hujjatlarining amal qilishini to‘xtatib qo‘yish yoki to‘xtatish yoxud bekor qilish to‘g‘risida Vazirlar Mahkamasiga takliflar kiritish.

7.5. O‘z faoliyati uchun zarur bo‘lgan statistika axborotini statistika organlaridan olish.

7.6. “Davarxitektqurilish” qo‘mitasi huzurida amaldagi qonun hujjatlariga zid bo‘lmagan yangi texnologiyalarni va arxitektura-loyiha yechimlarini joriy etish bo‘yicha xo‘jalik hisobidagi korxonalar, uyushmalar va boshqa tuzilmalarni tashkil etish.

8. “Davarxitektqurilish” qo‘mitasi qurilish sohasida ilmiy-texnika taraqqiyotini jadallashtirishga qaratilgan yagona texnika siyosati o‘tkazilishi, shaharsozlik, shaharlar va aholi yashaydigan joylarning arxitektura qiyofasi yaxshilanishi, loyiha-smeta ishlari takomillashtirilishi, loyihalash va qurilish ishlab chiqarishi bilan bog‘liq bo‘lgan fanning rivojlantirilishi uchun javob beradi.

9. “Davarxitektqurilish” qo‘mitasining o‘z vakolatlari doirasida qabul qilgan qarorlari barcha vazirliklar, davlat qo‘mitalari, idoralar hamda davlat va xo‘jalik boshqaruvi boshqa organlari, idoraviy bo‘ysunishi va mulkchilik shakllaridan qat’i nazar, birlashmalar, korxonalar, muassasalar va tashkilotlar, shuningdek yuridik va jismoniy shaxslar, shu jumladan xorijiy yuridik va jismoniy shaxslar tomonidan bajarilishi majburiy hisoblanadi.

10. “Davarxitektqurilish” qo‘mitasi zarur hollarda respublikaning boshqa vazirliklari, davlat qo‘mitalari va idoralari bilan birgalikda belgilangan tartibda qarorlar qabul qiladi va qo‘shma me’yoriy hujjatlar chiqaradi.

11. “Davarxitektqurilish” qo‘mitasiga O‘zbekiston Respublikasi Prezidenti tomonidan lavozimga tayinlanadigan va lavozimdan ozod etiladigan Rais boshchilik qiladi.

12. “Davarxitektqurilish” qo‘mitasi raisining O‘zbekiston Respublikasi Vazirlar Mahkamasi tomonidan tayinlanadigan o‘rinbosarlari bo‘ladi. Rais o‘rinbosarlari o‘rtasida vazifalarni Rais taqsimlaydi.

13. Rais “Davarxitektqurilish” qo‘mitasiga yuklangan vazifalar va majburiyatlarning bajarilishi uchun shaxsan javob beradi, Qo‘mita faoliyatining alohida yo‘nalishlariga rahbarlik qilishda rais o‘rinbosarlarining, Qo‘mita tarkibiy bo‘linmalari rahbarlarining javobgarligi darajasini belgilaydi.

14. “Davarxitektqurilish” qo‘mitasi Raisi:

“Davarxitektqurilish” qo‘mitasi ishini tashkil etadi;

O‘zbekiston Respublikasi qonun hujjatlariga muvofiq o‘z vakolati doirasida “Davarxitektqurilish” qo‘mitasi xodimlari, shuningdek “Davarxitektqurilish” qo‘mitasiga qarashli korxonalar va tashkilotlar bajarishi majburiy bo‘lgan qarorlar, farmoyishlar va buyruqlar chiqaradi;

davlat hokimiyati organlarida, shuningdek xalqaro tashkilotlarda “Davarxitektqurilish” qo‘mitasi nomidan vakillik qiladi;

“Davarxitektqurilish” qo‘mitasi faoliyati masalalari bo‘yicha O‘zbekiston Respublikasi qonun hujjatlarini takomillashtirishga doir me’yoriy-huquqiy hujjatlar loyihalarini va takliflarni ko‘rib chiqish uchun belgilangan tartibda O‘zbekiston Respublikasi Vazirlar Mahkamasiga kiritadi;

“Davarxitektqurilish” qo‘mitasining alohida o‘rnak ko‘rsatgan davlat xizmatchilari va xodimlarini, qurilish sohasi xodimlarini O‘zbekiston Respublikasi davlat mukofotlari bilan mukofotlash uchun O‘zbekiston Respublikasi qonun hujjatlari bilan belgilangan tartibda taqdim etadi;

belgilangan tartibda idoraviy mukofotlarni tasdiqlaydi, ushbu mukofotlar to‘g‘risidagi nizomni va ularning tavsifini tasdiqlaydi, qurilish, qurilish materiallari sanoati sohasida mehnat qilayotgan xodimlarni tarmoq faxriy nishonlari va faxriy yorliqlari bilan mukofotlaydi;

“Davarxitektqurilish” qo‘mitasiga qarashli korxonalar, muassasalar va tashkilotlar ustavlari (nizomlari)ni belgilangan tartibda tasdiqlaydi, ularning rahbarlarini lavozimga tayinlaydi va lavozimdan ozod qiladi, korxonalar va tashkilotlar rahbarlari bilan kontraktlarni O‘zbekiston Respublikasi qonun hujjatlariga muvofiq tuzadi, o‘zgartiradi va bekor qiladi;

O‘zbekiston Respublikasi qonun hujjatlari bilan belgilangan tartibda “Davarxitektqurilish” qo‘mitasi xodimlarini xizmat safarlariga, shu jumladan O‘zbekiston Respublikasi tashqarisiga xizmat safarlariga yuboradi;

“Davarxitektqurilish” qo‘mitasi xodimlarini huquqiy va ijtimoiy himoya qilishni ta’minlash masalalarini o‘z vakolati doirasida hal etadi;

O‘zbekiston Respublikasi qonun hujjatlariga muvofiq boshqa vakolatlarni amalga oshiradi.

15. Qo‘mitada Rais (hay’at raisi) va lavozimlari bo‘yicha rais o‘rinbosarlari hamda Qo‘mita va uning tarkibiy bo‘linmalarining boshqa rahbar xodimlaridan iborat tarkibda hay’at tuziladi.

“Davarxitektqurilish” qo‘mitasi hay’ati a’zolari O‘zbekiston Respublikasi Vazirlar Mahkamasi tomonidan tasdiqlanadi.

16. Qo‘mita hay’ati o‘zining muntazam o‘tkaziladigan majlislarida arxitektura, shaharsozlik va qurilish sohasidagi arxitektura va shaharsozlik darajasini oshirishga, kapital qurilishda ilmiy-texnika taraqqiyotini jadallashtirishga, qurilishni takomillashtirishga qaratilgan yagona ilmiy-texnika siyosatini o‘tkazishning asosiy masalalarini hamda Qo‘mita faoliyatining boshqa masalalarini ko‘rib chiqadi, “Davarxitektqurilish” qo‘mitasi tizimidagi korxonalar, muassasalar va tashkilotlarga amaliy rahbarlik qilish masalalarini, muhim qarorlar, buyruqlar, qoidalar, yo‘riqnomalar va boshqa me’yoriy hujjatlar loyihalarini muhokama qiladi.

Hay’at qarorlari Qo‘mita Raisining buyruqlari bilan hayotga joriy etiladi. Rais bilan hay’at o‘rtasida kelishmovchiliklar kelib chiqqan taqdirda Rais paydo bo‘lgan kelishmovchiliklar to‘g‘risida O‘zbekiston Respublikasi Vazirlar Mahkamasiga ma’lum qilgan holda o‘z qarorini hayotga joriy etadi, hay’at a’zolari esa, o‘z navbatida, o‘z fikrlarini O‘zbekiston Respublikasi Vazirlar Mahkamasiga ma’lum qilishlari mumkin.

17. “Davarxitektqurilish” qo‘mitasida arxitektura, shaharsozlik va kapital qurilishda ilmiy-texnika taraqqiyotining muammolarini hal etishning eng maqbul yo‘llarini ko‘rib chiqish va izlash uchun ilmiy-texnika kengashi tuziladi. Ilmiy-texnika kengashiga Qo‘mita raisi boshchilik qiladi. Kengashning shaxsiy tarkibi va uning to‘g‘risidagi Nizom Qo‘mita raisi tomonidan tasdiqlanadi. Vazirliklar, davlat qo‘mitalari, konsernlar, uyushmalar va boshqa tashkilotlarning mutaxassislari ilmiy-texnika kengashida ishlashga jamoatchilik asosida jalb qilinishlari mumkin.

18. Qoraqalpog‘iston Respublikasi, viloyatlar, shaharlar va tumanlar arxitektura va qurilish hududiy davlat organlari, Davlat ekspertizasi bosh boshqarmasi, Davlat arxitektura-qurilish nazorati organlari, Pudrat savdo (tender)larini tashkil etish boshqarmasi “Davarxitektqurilish” qo‘mitasi tuzilmasiga kiradi, “Davarxitektqurilish” qo‘mitasi ular faoliyatiga rahbarlik qilish va muvofiqlashtirishni amalga oshiradi.

Qoraqalpog‘iston Respublikasi Davlat arxitektura va qurilish qo‘mitasi, viloyatlar va Toshkent shahar arxitektura va qurilish bosh boshqarmalari, tarkibiy bo‘linmalar rahbarlarini lavozimga tayinlash va lavozimdan ozod etish to‘g‘risidagi qaror tegishli ravishda Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlarining hamda tegishli tarkibiy bo‘linma rahbarining taqdimnomasiga ko‘ra O‘zbekiston Respublikasi Davlat arxitektura va qurilish qo‘mitasi Raisi tomonidan qabul qilinadi.

Qoraqalpog‘iston Respublikasi Davlat arxitektura va qurilish qo‘mitasining, viloyatlar va Toshkent shahar arxitektura va qurilish bosh boshqarmalarining shtat jadvalini o‘zgartirish O‘zbekiston Respublikasi Davlat arxitektura va qurilish qo‘mitasi hamda moliya organlari bilan kelishilgan holda amalga oshiriladi.

19. Qo‘mita markaziy apparatining tuzilmasi va xodimlari soni O‘zbekiston Respublikasi Vazirlar Mahkamasi tomonidan tasdiqlanadi. Rais belgilangan xodimlar soni va mehnatga haq to‘lash fondi doirasida Qo‘mita markaziy apparatining tasdiqlangan tuzilmasiga O‘zbekiston Respublikasi Vazirlar Mahkamasi bilan kelishgan holda o‘zgartishlar kiritish huquqiga ega.

“Davarxitektqurilish” qo‘mitasi markaziy apparati xarajatlarini mablag‘ bilan ta’minlash davlat boshqaruvi uchun nazarda tutilgan davlat budjeti mablag‘lari hisobiga amalga oshiriladi.

20. “Davarxitektqurilish” qo‘mitasi markaziy apparatining shtat jadvali, shuningdek uning tarkibiy bo‘linmalari to‘g‘risidagi nizomlar va ularning shtatdagi xodimlari soni, ular moliya organlarida ro‘yxatdan o‘tkazilgandan keyin, Rais tomonidan tasdiqlanadi. Davlat arxitektura-qurilish nazorati bosh boshqarmasi va Davlat ekspertizasi bosh boshqarmasi to‘g‘risidagi nizomlar O‘zbekiston Respublikasi Vazirlar Mahkamasi tomonidan tasdiqlanadi.

21. “Davarxitektqurilish” qo‘mitasi O‘zbekiston Respublikasi qonun hujjatlari bilan belgilangan tartibda jurnallar, gazetalar ta’sis etadi va nashr qiladi hamda radio va televideniyeda mavzular dasturlari shakllantirilishini ta’minlaydi.

22. “Davarxitektqurilish” qo‘mitasi yuridik shaxs hisoblanadi, O‘zbekiston Respublikasining Davlat gerbi tasviri tushirilgan va o‘z nomi davlat tilida yozilgan muhrga, tegishli muhrlar, shtamplar va banklarda hisobraqamlariga ega bo‘ladi.

1. Davlat arxitektura-qurilish nazorati bosh boshqarmasi (“Boshdavarxitektqurilishnazorat”) O‘zbekiston Respublikasi Davlat arxitektura va qurilish qo‘mitasining tarkibiy bo‘linmasi hisoblanadi.

2. “Boshdavarxitektqurilishnazorat” boshqarmasi o‘z faoliyatida O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Oliy Majlisining boshqa qarorlariga, O‘zbekiston Respublikasi Prezidentining farmonlari va farmoyishlariga, Vazirlar Mahkamasining qarorlari va farmoyishlariga, shuningdek O‘zbekiston Respublikasi Davlat arxitektura va qurilish qo‘mitasining qarorlariga hamda mazkur Nizomga amal qiladi.

3. Quyidagilar “Boshdavarxitektqurilishnazorat” boshqarmasining asosiy vazifalari hisoblanadi:

qurilish sohasida tiklanayotgan binolar va inshootlarning, ishlab chiqarilayotgan qurilish materiallari, buyumlar va konstruksiyalarining me’yoriy-texnik va loyiha hujjatlariga muvofiqligi, shuningdek qurilishning barcha bosqichlarida uni amalga oshirish texnologiyasiga rioya qilinishi qurilish qatnashchilari tomonidan ta’minlanishi ustidan nazoratni amalga oshirish;

qurilishda standartlashtirish va qurilish materiallari, buyumlari va konstruksiyalarini sertifikatlash ishlarini olib borish;

O‘zbekiston Respublikasi hududida qurilish sifati ustidan nazoratni tashkil etish va amalga oshirish masalalari bo‘yicha uslubiy hujjatlarni ishlab chiqish;

obyektlar qurilishi sifati ustidan nazoratni ta’minlashda investitsiya jarayoni qatnashchilariga maslahatlar va amaliy yordam berish;

Qoraqalpog‘iston Respublikasi, viloyatlar va Toshkent shahar “Davarxitektqurilishnazorat” inspeksiyalari faoliyatini muvofiqlashtirish.

4. “Boshdavarxitektqurilishnazorat” bosh boshqarmasi o‘ziga yuklangan vazifalarga muvofiq quyidagi asosiy funksiyalarni bajaradi:

a) Nazorat organlari faoliyatini muvofiqlashtirish Respublika kengashi bilan kelishgan holda:

ishlab chiqarilayotgan qurilish materiallari, buyumlari va konstruksiyalarining hamda bajarilayotgan qurilish-montaj ishlarining me’yoriy-texnik va tasdiqlangan loyiha hujjatlariga muvofiqligini;

qurilish qatnashchilari tomonidan me’yoriy-texnik va loyiha hujjatlarida nazarda tutilgan sinovlar, s’yomkalar, o‘lchashlarning o‘z vaqtida va sifatli o‘tkazilishini, shuningdek zarur texnik-ijro hujjatlarining yuritilishini;

tasdiqlangan loyihalarning amalga oshirilishini hamda aholi punktlarini qurish bosh loyihalariga va arxitektura-qurilish yechimlari bo‘yicha texnik talablarga rioya qilinishini;

loyihalash tashkilotlari va pudratchida faoliyat turlarini va ishlarni amalga oshirish uchun belgilangan tartibda berilgan litsenziyalar, shuningdek O‘zbekiston Respublikasi Davlat arxitektura va qurilish qo‘mitasi tomonidan belgilanadigan ro‘yxat bo‘yicha tasdiqlangan hujjatlar mavjudligini tekshiradi.

b) Binolar, inshootlar, ularning qismlari va tarkibiy elementlari buzilishi sabablarini tekshirish tartibi to‘g‘risidagi Nizomga muvofiq buzilish holatlari va buzilishlarning sabablarini tekshiruvchi texnik komissiyalar ishida qatnashadi;

v) qurilish mahsulotlari sifatini ta’minlash, qurilish qonun hujjatlariga rioya qilish masalalari bo‘yicha davlat nazoratining boshqa organlari, ilmiy-tadqiqot, loyihalash va jamoat tashkilotlari bilan o‘zaro hamkorlik qiladi;

g) o‘tkaziladigan nazorat natijalarini umumlashtiradi va tahlil qiladi, me’yoriy talablar, uslubiy va yo‘riqnoma hujjatlarni takomillashtirish bo‘yicha takliflarni ishlab chiqadi;

d) qurilish sohasidagi buzilishlar uchun O‘zbekiston Respublikasi qonun hujjatlariga muvofiq jazolar qo‘llash bo‘yicha takliflar kiritadi;

e) qurilish obyektlarini ro‘yxatdan o‘tkazadi va qurilish-montaj ishlarini boshlashga ruxsat beradi;

j) mavjud binolar va inshootlarning texnik holatini ularning tiklanishi yoki rekonstruksiya qilinishi bo‘yicha tekshirishni amalga oshiradi, xulosalar beradi, zarur hollarda, bajarilgan qurilish-montaj ishlari hajmlarining nazorat o‘lchashlarida qatnashadi;

z) qurilish industriyasi korxonalari va qurilish tashkilotlari laboratoriyalarida qurilish materiallari va konstruksiyalari sinovlarini o‘tkazishning uslubiy asosini yaratadi;

i) qurilishda standartlashtirish va qurilish materiallari, buyumlari va konstruksiyalarini sertifikatlash bo‘yicha ishlarni amalga oshiradi;

k) qurilish normalari va qoidalari, davlat standartlari talablarining muntazam ravishda qo‘pol buzilishiga yo‘l qo‘ygan tashkilotlar va korxonalarga muhandislik-texnik izlanishlar o‘tkazish uchun va ishlab chiqarish, fuqarolar turar-joylari va qishloq xo‘jaligi yo‘nalishidagi binolarni loyihalash uchun berilgan litsenziyalarni bekor qilish yoki ularning amal qilishini to‘xtatish to‘g‘risida O‘zbekiston Respublikasi Davlat arxitektura va qurilish qo‘mitasiga belgilangan tartibda taqdimnoma yuboradi.

5. “Boshdavarxitektqurilishnazorat” boshqarmasi quyidagi huquqlarga ega:

mazkur Nizomning 3 va 4-bandlarida bayon qilingan vazifalar va funksiyalarni bajarish maqsadida tashkilotlarda, qurilish obyektlarida hamda qurilish materiallari va konstruksiyalari ishlab chiqaruvchi va korxonalarda bo‘lish;

loyiha-smeta, texnologiya va ijro hujjatlarini hamda qo‘llanilayotgan materiallar, buyumlar va konstruksiyalar hamda bajarilayotgan qurilish-montaj ishlari sifatini tekshirish uchun zarur bo‘lgan boshqa materiallarni loyihalash, pudrat tashkilotlari va buyurtmachi tashkilotlardan tanishish uchun olish;

konstruksiyalarning ayrim elementlarini ochishni, tagzamindagi tuproqni sinashni va qayta yopib qo‘yishni, materiallar, muhandislik tizimlarini sinab ko‘rishni pudrat tashkilotlariga yuklash, zarur bo‘lganda ekspertlarni jalb qilish;

qurilishi tugallangan obyektlarni foydalanishga qabul qilib olish bo‘yicha komissiyalar ishida qatnashish;

qurilishda standartlashtirish va qurilish materiallari, buyumlari va konstruksiyalarini sertifikatlash bo‘yicha ishlarni bajarish bilan bog‘liq bo‘lgan qonun bilan belgilangan xatti-harakatlarni amalga oshirish;

yo‘l qo‘yilgan buzilishlarni bartaraf etish to‘g‘risida o‘z vakolatlari doirasida qurilish qatnashchilari va materiallarni tayyorlovchilar bajarishi majburiy bo‘lgan ko‘rsatmalar berish;

O‘zbekiston Respublikasi vazirliklari, idoralari va davlat qo‘mitalari hamda boshqa tashkilotlarning obyektlar qurilishi sifatini nazorat qiluvchi ishlab chiqarish xizmatlari hamda sinov laboratoriyalari ishini tanlab nazoratdan o‘tkazish;

loyihalash tashkilotlarining mualliflik nazoratini yuritish ishlarini, buyurtmachining texnik nazoratni amalga oshirish bo‘yicha ishlarini tekshirish va mualliflik hamda texnik nazorat sifatsiz olib borilgan taqdirda O‘zbekiston Respublikasi qonun hujjatlarida belgilangan tartibda ularga nisbatan jazolar qo‘llash to‘g‘risida tegishli tashkilotlarga takliflar kiritish;

“Davarxitektqurilish” qo‘mitasiga belgilangan tartibda moliyaviy jazolar qo‘llash to‘g‘risida taqdimnomalar kiritish;

davlat standartlari va texnik shartlar buzilganligi aniqlanganda yoki transportda tashish va saqlash jarayonida shikastlangan qurilish materiallari, konstruksiyalari va buyumlarini ishlab chiqarish, sotish va qo‘llashni, me’yoriy talablar va tasdiqlangan loyiha yechimlari qo‘pol ravishda buzilishi oqibatida mustahkamlik va chidamlilik darajasi pasayishiga olib kelgan, shuningdek binolar va inshootlarning halokatga uchrashi xavfi tug‘ilgan, obyektlar o‘zboshimchalik bilan qurilgan hollarda qurilish-montaj ishlarini davom ettirishni to‘xtatib qo‘yish;

buyurtmachi va pudratchining tashkilotlariga:

qurilish va bajarilayotgan ishlar sifati sohasida qonun hujjatlarini buzayotgan mansabdor shaxslarni javobgarlikka tortish haqida;

qurilayotgan obyektlarda loyihalar, normalar va standartlar talablarining bajarilishini muntazam ravishda ta’minlamayotgan rahbarlarni, shuningdek, ish sifati, mualliflik va texnik nazorat ustidan nazoratni qoniqarsiz amalga oshirayotgan xodimlarni lavozimdan ozod qilish to‘g‘risida taqdimnomalar kiritish;

bajarilgan qurilish-montaj ishlarining sifati va qurilish obyektlarining holati haqida ekspert xulosalar berish;

qurilishi tugallangan obyektlarni foydalanishga qabul qilishda qoidalar buzilganligi to‘g‘risidagi materiallarni tegishli organlarga va qabul qilish qoidalari buzilgan holda topshirilgan obyektlarni statistika hisobotidan chiqarib tashlash to‘g‘risidagi materiallarni statistika organlariga berish.

6. Obyektlardagi tekshirishlar pudratchi va buyurtmachi vakillari ishtirokida o‘tkaziladi. Ushbu maqsadlar uchun loyihalash tashkilotlari va boshqa tashkilotlarning mutaxassislari jalb qilinishi mumkin.

Ushbu tekshirishlarni amalga oshirish uchun pudratchilar va buyurtmachilar tomonidan zarur shart-sharoitlar yaratiladi.

Tekshirish natijalari bo‘yicha ishlarni bajarish daftarida yozuvlar qayd etiladi, zarurat bo‘lganda yozma ko‘rsatmalar beriladi va dalolatnomalar tuziladi, ularga “Boshdavarxitektqurilishnazorat” boshqarmasi organlari inspektorlari, buyurtmachi va pudratchining vakillari imzolaydilar. Tekshirish qatnashchilari dalolatnomada bayon qilingan xulosalarga rozi bo‘lmagan taqdirda, uni o‘z e’tirozlarini qayd etgan holda imzolashlari shart.

“Boshdavarxitektqurilishnazorat” boshqarmasi organlari inspektorlari o‘z vazifalarini bajarishda davlat nazoratining boshqa organlari, soliq inspeksiyalari, bank muassasalari, prokuratura organlari, sudlar, hokimliklar xizmatlari, iste’molchilar jamiyatlari va axborot organlari bilan o‘zaro hamkorlik qiladilar.

7. “Boshdavarxitektqurilishnazorat” boshqarmasi mansabdor shaxslarining xatti-harakatlari ustidan O‘zbekiston Respublikasi Davlat arxitektura va qurilish qo‘mitasiga yoki xo‘jalik sudiga shikoyat qilish mumkin. Shikoyat va da’vo arizalari berish “Boshdavarxitektqurilishnazorat” boshqarmasi isnpektorlari tomonidan berilgan yozma ko‘rsatmalar va talablarning bajarilishini to‘xtatib qo‘ymaydi.

8. “Boshdavarxitektqurilishnazorat” boshqarmasi organlari inspektorlari g‘ayriqonuniy xatti-harakatlari va yetkazilgan zarar uchun O‘zbekiston Respublikasi qonun hujjatlariga muvofiq javobgarlikka tortiladilar.

9. “Boshdavarxitektqurilishnazorat” boshqarmasi va uning hududiy organlarining moliyaviy faoliyati belgilangan tartibda buyurtmachilar bilan tuziladigan shartnomalarga muvofiq amalga oshiriladi.

10. Qoraqalpog‘iston Respublikasi, viloyatlar va Toshkent shahar davlat arxitektura-qurilish nazorati inspeksiyalari “Boshdavarxitektqurilishnazorat” boshqarmasi tizimiga kiradi.

11. “Davarxitektqurilishnazorat” inspeksiyalari to‘g‘risidagi Namunaviy nizom O‘zbekiston Respublikasi Davlat arxitektura va qurilish qo‘mitasi tomonidan ishlab chiqiladi va tasdiqlanadi.

12. Davlat arxitektura-qurilish nazorati bosh boshqarmasiga O‘zbekiston Respublikasi Davlat arxitektura va qurilish qo‘mitasi tomonidan lavozimga tayinlanadigan va lavozimdan ozod qilinadigan boshliq rahbarlik qiladi.