LexUZ sharhi
Mazkur qaror O‘zbekiston Respublikasi Prezidentining 2017-yil 1-maydagi PQ-2936-sonli “O‘zbekiston Respublikasi Davlat arxitektura va qurilish qo‘mitasi faoliyatini tashkil etish chora-tadbirlari to‘g‘risida”gi qaroriga asosan o‘z kuchini yo‘qotgan.
“O‘zbekiston Respublikasi Davlat arxitektura va qurilish (“Davarxitektqurilish”) qo‘mitasini tashkil etish to‘g‘risida”gi Farmonga muvofiq Vazirlar Mahkamasi qaror qiladi:
1. O‘zbekiston Respublikasi Davlat qurilish ishlari qo‘mitasi hamda O‘zbekiston Respublikasi Davlat qurilish ishlari qo‘mitasi huzuridagi Davlat arxitektura va shaharsozlik qo‘mitasi tugatilib O‘zbekiston Respublikasi Davlat arxitektura va qurilish qo‘mitasining tuzilmasi 1-ilovaga* muvofiq tasdiqlansin.
*1-ilova rus tilidagi matnda berilgan.
Oldingi tahrirga qarang.
(2-band O‘zbekiston Respublikasi Vazirlar Mahkamasining 2009-yil 11-noyabrdagi 294-sonli qaroriga muvofiq o‘z kuchini yo‘qotgan — O‘R QHT, 2009-y., 46-son, 499-modda)
3. O‘zbekiston Respublikasi “Davarxitektqurilish” davlat qo‘mitasi markazi apparatining tuzilmasi 3-ilovaga* muvofiq hamda butun tizim xodimlarining soni 581 nafardan, shu jumladan, markaziy apparat xodimlari soni 75 nafardan iborat qilib 4-ilovaga* muvofiq tasdiqlansin. Belgilab qo‘yilsinki, hududiy organlarning xodimlarini saqlashga mablag‘lar mahalliy budjetlardan ajratiladi.
* 3, 4-ilovalar rus tilidagi matnda berilgan.
Oldingi tahrirga qarang.
(3-bandning ikkinchi xatboshisi O‘zbekiston Respublikasi Vazirlar Mahkamasining 1999-yil 8-noyabrdagi 492-son qaroriga muvofiq o‘z kuchini yo‘qotgan)
O‘zbekiston Respublikasi Moliya vazirligi zarur bo‘lgan mehnatga haq to‘lash fondini belgilasin, shuningdek, qo‘mita markaziy apparati uchun 4 ta yengil avtomashinani saqlashga limit ajratsin.
4. Yuklatilgan vazifalarga muvofiq O‘zbekiston Respublikasi “Davarxitektqurilish” qo‘mitasiga quyidagi huquqlar berilsin:
berilgan vakolatlar doirasida normativ-uslubiy hujjatlarni tasdiqlash, noshirlik faoliyatini amalga oshirish;
respublikaning amaldagi qonun hujjatlariga muvofiq loyihalash-qurilish hamda ekspertiza faoliyatini litsenziyadan o‘tkazish;
arxitektura va qurilish sohasida muhim xalq xo‘jaligi muammolarini ishlab chiqish va ko‘rib chiqish bo‘yicha idoralararo komissiyalar tuzish. Materiallarni ishlab chiqishga ilmiy-tadqiqot, texnologiya, loyiha-konstruktorlik tashkilotlarini, oliy o‘quv yurtlarini va boshqa muassasalarni, shuningdek, ayrim olimlarni va yirik mutaxassislarni jalb etish.
arxitektura va shaharsozlik viloyat, Toshkent shahar bosh boshqarmalari, shahar (tuman) bo‘limlari to‘g‘risidagi namunaviy nizomlarni ishlab chiqsin; arxitektura va shaharsozlik viloyat, Toshkent shahar bosh boshqarmalari, shahar (tuman) bo‘limlari to‘g‘risidagi namunaviy nizomlarni ishlab chiqsin;
Davlat qo‘mitasining yangi vazifalarini va faoliyat yo‘nalishlarini hisobga olgan holda u to‘g‘risidagi Nizom loyihasini, shuningdek, qo‘mitaning ishlab turgan ilmiy-tadqiqot muassasalarini qayta tashkil etish bo‘yicha taklifni Vazirlar Mahkamasiga kiritsin.
1993-yilning 1-noyabrigacha respublika hududidagi idoraviy bo‘ysunishidan qat’i nazar loyiha-qidiruv tashkilotlari tarmoqlarining eng maqbul tuzilmasi, ularni tuzish va ularning faoliyat ko‘rsatish tartibi to‘g‘risida takliflarni tayyorlasin.
6. O‘zbekiston Respublikasi Davlat arxitektura va qurilish qo‘mitasi Toshkent shahar Abay ko‘chasidagi 6-uyga joylashtirilsin.
7. O‘zbekiston SSR Ministrlar Sovetining 1986-yil 2-apreldagi 171-son, 1988-yil 29-yanvardagi 41-son, 1989-yil 23-yanvardagi 31-son, 1990-yil 3-yanvardagi 3-son qarorlari o‘z kuchini yo‘qotgan deb hisoblansin.