Oʻzbekiston Respublikasi Prezidentining 2017-yil 1-fevraldagi “Tadbirkorlik subyektlariga davlat xizmatlarini koʻrsatish mexanizmlarini takomillashtirishga doir qoʻshimcha chora-tadbirlar toʻgʻrisida” PQ-2750-sonli qaroriga muvofiq:

1. Oʻzbekiston Respublikasi Prezidentining baʼzi hujjatlariga 1-ilovaga muvofiq oʻzgartish va qoʻshimchalar kiritilsin.

2. Oʻzbekiston Respublikasi Prezidentining baʼzi hujjatlari 2-ilovaga muvofiq oʻz kuchini yoʻqotgan deb hisoblansin.

3. Vazirliklar va idoralar qabul qilgan normativ-huquqiy hujjatlarini bir oy muddatda ushbu Farmonga muvofiqlashtirsinlar.

4. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

1. Oʻzbekiston Respublikasi Prezidentining 1995-yil 19-iyuldagi PF-1205-sonli “Oʻzbekiston Respublikasida tashqi iqtisodiy faoliyatni yanada erkinlashtirish” toʻgʻrisidagi Farmonining 4-bandi ikkinchi xatboshi chiqarib tashlansin.

2. Oʻzbekiston Respublikasi Prezidentining 1996-yil 30-noyabrdagi PF-1652-sonli “Xorijiy sarmoyalar ishtirokidagi korxonalarga beriladigan qoʻshimcha ragʻbatlantirish omillari va imtiyozlar” toʻgʻrisidagi Farmonining 1-bandi:

a) birinchi xatboshidan “Oʻzbekiston Respublikasi Adliya vazirligida va uning hududiy organlarida davlat roʻyxatidan oʻtkazilishi lozim” soʻzlari chiqarib tashlansin;

b) beshinchi xatboshidan “hamda korxona joylashgan hududidagi shahar va tuman hokimliklarida belgilangan tartibda davlat roʻyxatidan oʻtkazilishi lozim” soʻzlari chiqarib tashlansin.

4. Oʻzbekiston Respublikasi Prezidentining 2002-yil 11-iyundagi “Qoraqalpogʻiston Respublikasi va Xorazm viloyatida kichik va oʻrta korxonalarni rivojlantirishni ragʻbatlantirish borasidagi qoʻshimcha chora-tadbirlar toʻgʻrisida” PF-3090-sonli Farmonining 1-bandi:

a) birinchi xatboshidan “va Oʻzbekiston Respublikasi Adliya vazirligi organlarida davlat roʻyxatiga olinishi lozim boʻlgan” soʻzlari chiqarib tashlansin;

b) ikkinchi xatboshidan “hamda korxona joylashgan shahar va tumanlar hokimliklarida belgilangan tartibda davlat roʻyxatidan oʻtadi” soʻzlari chiqarib tashlansin.

5. Oʻzbekiston Respublikasi Prezidentining 2015-yil 15-maydagi “Xususiy mulk, kichik biznes va xususiy tadbirkorlikni ishonchli himoya qilishni taʼminlash, ularni jadal rivojlantirish yoʻlidagi toʻsiqlarni bartaraf etish chora-tadbirlari toʻgʻrisida” PF-4725-sonli Farmonining 8-bandi quyidagi tahrirda bayon etilsin:

“8. Tadbirkorlik subyektlarini davlat roʻyxatiga olishdan tushayotgan davlat bojining jami summasi hamda “yagona darcha” markazlari orqali toʻlanadigan davlat bojlari va davlat xizmatlari uchun toʻlaniladigan yigʻimlar summasining 10 foizi miqdoridagi mablagʻlar Oʻzbekiston Respublikasi Adliya vazirligi tomonidan maxsus ochilgan hisob raqamiga oʻtkaziladi va “yagona darcha” markazlari faoliyatini moliyalashtirish manbalari sifatida “yagona darcha” markazlarini taʼminlab turish, moddiy-texnik bazasini mustahkamlash, xodimlarning mehnatiga haq toʻlash va ragʻbatlantirishga yoʻnaltiriladi.”.

6. Oʻzbekiston Respublikasi Prezidentining 2005-yil 10-fevraldagi “Uy-joy mulkdorlari shirkatlari faoliyatini takomillashtirish borasidagi qoʻshimcha chora-tadbirlar toʻgʻrisidagi” PQ-3-sonli qarorining Uy-joy mulkdorlari shirkatlarini davlat roʻyxatidan oʻtkazish va Uy-joylardan foydalanish va ularni taʼmirlash servis kompaniyalarini hisobga qoʻyish tartibi toʻgʻrisidagi nizomning:

a) 2-bandidagi:

“shahar va tuman hokimliklari huzuridagi tadbirkorlik subyektlarini roʻyxatdan oʻtkazish inspeksiyalari” soʻzlari “yagona darcha” tamoyili boʻyicha tadbirkorlik subyektlariga davlat xizmatlarini koʻrsatish yagona markazlari tomonidan” soʻzlari bilan almashtirilsin;

ikkinchi jumla chiqarib tashlansin;

b) 1-ilovadagi “shahar va tumanlar hokimliklari huzuridagi tadbirkorlik subyektlarini roʻyxatdan oʻtkazish inspeksiyasi” soʻzlari “tadbirkorlik subyektlariga “yagona darcha” tamoyili boʻyicha davlat xizmatlarini koʻrsatish yagona markazi” soʻzlari bilan almashtirilsin;

v) 2-ilovadagi “hokimlik huzuridagi tadbirkorlik subyektlarini roʻyxatdan oʻtkazish inspeksiyasi” soʻzlari “tadbirkorlik subyektlariga “yagona darcha” tamoyili boʻyicha davlat xizmatlarini koʻrsatish yagona markazi” soʻzlari bilan almashtirilsin.

9. Oʻzbekiston Respublikasi Prezidentining 2007-yil 10-apreldagi “Sugʻurta xizmatlari bozorini yanada isloh qilish va rivojlantirish chora-tadbirlari toʻgʻrisida” PQ-618-sonli qarori bilan tasdiqlangan Sugʻurta bozorining professional qatnashchilari toʻgʻrisidagi nizomining 3-bandi quyidagi tahrirda bayon etilsin:

“3. Sugʻurta bozorining professional qatnashchilarini davlat roʻyxatiga olish belgilangan tartibda tadbirkorlik subyektlariga “yagona darcha” tamoyili boʻyicha davlat xizmatlarini koʻrsatish yagona markazlari tomonidan amalga oshiriladi.”.

10. Oʻzbekiston Respublikasi Prezidentining 2008-yil 24-apreldagi “Baholovchi tashkilotlar faoliyatini yanada takomillashtirish va koʻrsatayotgan xizmatlar sifati uchun ularning masʼuliyatini oshirish toʻgʻrisida” PQ-843-sonli qarori bilan tasdiqlangan baholovchi tashkilotlar va baholovchilar toʻgʻrisidagi nizomning 21-bandidagi “tuman va shahar hokimliklari huzuridagi tadbirkorlik subyektlarini roʻyxatdan oʻtkazish inspeksiyalari tomonidan” soʻzlari “tadbirkorlik subyektlariga “yagona darcha” tamoyili boʻyicha davlat xizmatlarini koʻrsatish yagona markazlari” soʻzlari bilan almashtirilsin.

11. Oʻzbekiston Respublikasi Prezidentining 2015-yil 28-sentabrdagi “Tadbirkorlik subyektlariga “yagona darcha” tamoyili boʻyicha davlat xizmatlari koʻrsatish tartibini yanada takomillashtirish toʻgʻrisida” PQ-2412-sonli qarorining:

a) 3-bandi uchinchi xatboshi quyidagi tahrirda bayon etilsin:

“yagona darcha” markazlarining taʼminoti “yagona darcha” markazlari tomonidan koʻrsatilayotgan davlat xizmatlari uchun tadbirkorlik subyektlarini davlat roʻyxatiga olishdan tushayotgan davlat bojining jami summasi hamda “yagona darcha” markazlari orqali toʻlanadigan davlat bojlari va davlat xizmatlari uchun toʻlaniladigan yigʻimlar summasining 10 foizi miqdoridagi mablagʻlar va qonun hujjatlarida taqiqlanmagan boshqa manbalar hisobidan taʼminlanishi belgilansin”;

b) 8-bandning toʻrtinchi xatboshidagi “Oʻzbekiston Respublikasi Adliya vazirligi” soʻzlari “Oʻzbekiston Respublikasi Adliya vazirligi, Qoraqalpogʻiston Respublikasi Adliya vazirligi, viloyatlar va Toshkent shahri adliya boshqarmalari” soʻzlari bilan almashtirilsin;

v) 1-ilova quyidagi mazmundagi izoh bilan toʻldirilsin;

“Izoh: Oʻzbekiston Respublikasi Adliya vaziri barcha markazlar xodimlarining umumiy cheklangan soni doirasida tadbirkorlik subyektlariga “yagona darcha” tamoyili boʻyicha davlat xizmatlarini koʻrsatish yagona markazlari tuzilmasiga zarur hollarda oʻzgartirishlar kiritish huquqiga ega”.

12. Oʻzbekiston Respublikasi Prezidentining 2016-yil 27-dekabrdagi “Oʻzbekiston Respublikasining 2017-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida” PQ-2699-sonli qarorining 22-ilovasi 3-bandi birinchi xatboshi quyidagi tahrirda bayon etilsin:

“3. Alkogol mahsulotlarining chakana savdosi huquqi yigʻimlari, jumladan, umumiy ovqatlanish korxonalari tomonidan alkogol mahsulotlarini sotish yigʻimlari yagona hisob raqamiga kelib tushadi va ushbu mablagʻlar Oʻzbekiston Respublikasi Moliya vazirligi tomonidan belgilangan tartibga koʻra Oʻzbekiston Respublikasi budjeti va Adliya vazirligi oʻrtasida, Toshkent shahrida esa — budjet, Oʻzbekiston Respublikasi Adliya vazirligi va Savdo, xizmat koʻrsatish sohasi va isteʼmol tovarlarini ishlab chiqarish departamenti oʻrtasida taqsimlanadi.”.

1. Oʻzbekiston Respublikasi Prezidentining 1995-yil 6-yanvardagi PF-1034-sonli Farmoni.

2. Oʻzbekiston Respublikasi Prezidentining 1999-yil 29-martdagi “Yangi tashkil etilayotgan xoʻjalik yurituvchi subyektlar faoliyati ustidan bank va soliq nazoratini kuchaytirish toʻgʻrisida” PF-2276-sonli Farmoni.