O‘zbekiston Respublikasi Prezidentining 2017-yil 1-fevraldagi “Tadbirkorlik subyektlariga davlat xizmatlarini ko‘rsatish mexanizmlarini takomillashtirishga doir qo‘shimcha chora-tadbirlar to‘g‘risida” PQ-2750-sonli qaroriga muvofiq:

1. O‘zbekiston Respublikasi Prezidentining ba’zi hujjatlariga 1-ilovaga muvofiq o‘zgartish va qo‘shimchalar kiritilsin.

2. O‘zbekiston Respublikasi Prezidentining ba’zi hujjatlari 2-ilovaga muvofiq o‘z kuchini yo‘qotgan deb hisoblansin.

3. Vazirliklar va idoralar qabul qilgan normativ-huquqiy hujjatlarini bir oy muddatda ushbu Farmonga muvofiqlashtirsinlar.

4. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov zimmasiga yuklansin.

4. O‘zbekiston Respublikasi Prezidentining 2002-yil 11-iyundagi “Qoraqalpog‘iston Respublikasi va Xorazm viloyatida kichik va o‘rta korxonalarni rivojlantirishni rag‘batlantirish borasidagi qo‘shimcha chora-tadbirlar to‘g‘risida” PF-3090-sonli Farmonining 1-bandi:

a) birinchi xatboshidan “va O‘zbekiston Respublikasi Adliya vazirligi organlarida davlat ro‘yxatiga olinishi lozim bo‘lgan” so‘zlari chiqarib tashlansin;

b) ikkinchi xatboshidan “hamda korxona joylashgan shahar va tumanlar hokimliklarida belgilangan tartibda davlat ro‘yxatidan o‘tadi” so‘zlari chiqarib tashlansin.

5. O‘zbekiston Respublikasi Prezidentining 2015-yil 15-maydagi “Xususiy mulk, kichik biznes va xususiy tadbirkorlikni ishonchli himoya qilishni ta’minlash, ularni jadal rivojlantirish yo‘lidagi to‘siqlarni bartaraf etish chora-tadbirlari to‘g‘risida” PF-4725-sonli Farmonining 8-bandi quyidagi tahrirda bayon etilsin:

“8. Tadbirkorlik subyektlarini davlat ro‘yxatiga olishdan tushayotgan davlat bojining jami summasi hamda “yagona darcha” markazlari orqali to‘lanadigan davlat bojlari va davlat xizmatlari uchun to‘laniladigan yig‘imlar summasining 10 foizi miqdoridagi mablag‘lar O‘zbekiston Respublikasi Adliya vazirligi tomonidan maxsus ochilgan hisob raqamiga o‘tkaziladi va “yagona darcha” markazlari faoliyatini moliyalashtirish manbalari sifatida “yagona darcha” markazlarini ta’minlab turish, moddiy-texnik bazasini mustahkamlash, xodimlarning mehnatiga haq to‘lash va rag‘batlantirishga yo‘naltiriladi.”.

6. O‘zbekiston Respublikasi Prezidentining 2005-yil 10-fevraldagi “Uy-joy mulkdorlari shirkatlari faoliyatini takomillashtirish borasidagi qo‘shimcha chora-tadbirlar to‘g‘risidagi” PQ-3-sonli qarorining Uy-joy mulkdorlari shirkatlarini davlat ro‘yxatidan o‘tkazish va Uy-joylardan foydalanish va ularni ta’mirlash servis kompaniyalarini hisobga qo‘yish tartibi to‘g‘risidagi nizomning:

a) 2-bandidagi:

“shahar va tuman hokimliklari huzuridagi tadbirkorlik subyektlarini ro‘yxatdan o‘tkazish inspeksiyalari” so‘zlari “yagona darcha” tamoyili bo‘yicha tadbirkorlik subyektlariga davlat xizmatlarini ko‘rsatish yagona markazlari tomonidan” so‘zlari bilan almashtirilsin;

ikkinchi jumla chiqarib tashlansin;

b) 1-ilovadagi “shahar va tumanlar hokimliklari huzuridagi tadbirkorlik subyektlarini ro‘yxatdan o‘tkazish inspeksiyasi” so‘zlari “tadbirkorlik subyektlariga “yagona darcha” tamoyili bo‘yicha davlat xizmatlarini ko‘rsatish yagona markazi” so‘zlari bilan almashtirilsin;

v) 2-ilovadagi “hokimlik huzuridagi tadbirkorlik subyektlarini ro‘yxatdan o‘tkazish inspeksiyasi” so‘zlari “tadbirkorlik subyektlariga “yagona darcha” tamoyili bo‘yicha davlat xizmatlarini ko‘rsatish yagona markazi” so‘zlari bilan almashtirilsin.

9. O‘zbekiston Respublikasi Prezidentining 2007-yil 10-apreldagi “Sug‘urta xizmatlari bozorini yanada isloh qilish va rivojlantirish chora-tadbirlari to‘g‘risida” PQ-618-sonli qarori bilan tasdiqlangan Sug‘urta bozorining professional qatnashchilari to‘g‘risidagi nizomining 3-bandi quyidagi tahrirda bayon etilsin:

“3. Sug‘urta bozorining professional qatnashchilarini davlat ro‘yxatiga olish belgilangan tartibda tadbirkorlik subyektlariga “yagona darcha” tamoyili bo‘yicha davlat xizmatlarini ko‘rsatish yagona markazlari tomonidan amalga oshiriladi.”.

10. O‘zbekiston Respublikasi Prezidentining 2008-yil 24-apreldagi “Baholovchi tashkilotlar faoliyatini yanada takomillashtirish va ko‘rsatayotgan xizmatlar sifati uchun ularning mas’uliyatini oshirish to‘g‘risida” PQ-843-sonli qarori bilan tasdiqlangan baholovchi tashkilotlar va baholovchilar to‘g‘risidagi nizomning 21-bandidagi “tuman va shahar hokimliklari huzuridagi tadbirkorlik subyektlarini ro‘yxatdan o‘tkazish inspeksiyalari tomonidan” so‘zlari “tadbirkorlik subyektlariga “yagona darcha” tamoyili bo‘yicha davlat xizmatlarini ko‘rsatish yagona markazlari” so‘zlari bilan almashtirilsin.

11. O‘zbekiston Respublikasi Prezidentining 2015-yil 28-sentabrdagi “Tadbirkorlik subyektlariga “yagona darcha” tamoyili bo‘yicha davlat xizmatlari ko‘rsatish tartibini yanada takomillashtirish to‘g‘risida” PQ-2412-sonli qarorining:

a) 3-bandi uchinchi xatboshi quyidagi tahrirda bayon etilsin:

“yagona darcha” markazlarining ta’minoti “yagona darcha” markazlari tomonidan ko‘rsatilayotgan davlat xizmatlari uchun tadbirkorlik subyektlarini davlat ro‘yxatiga olishdan tushayotgan davlat bojining jami summasi hamda “yagona darcha” markazlari orqali to‘lanadigan davlat bojlari va davlat xizmatlari uchun to‘laniladigan yig‘imlar summasining 10 foizi miqdoridagi mablag‘lar va qonun hujjatlarida taqiqlanmagan boshqa manbalar hisobidan ta’minlanishi belgilansin”;

b) 8-bandning to‘rtinchi xatboshidagi “O‘zbekiston Respublikasi Adliya vazirligi” so‘zlari “O‘zbekiston Respublikasi Adliya vazirligi, Qoraqalpog‘iston Respublikasi Adliya vazirligi, viloyatlar va Toshkent shahri adliya boshqarmalari” so‘zlari bilan almashtirilsin;

v) 1-ilova quyidagi mazmundagi izoh bilan to‘ldirilsin;

“Izoh: O‘zbekiston Respublikasi Adliya vaziri barcha markazlar xodimlarining umumiy cheklangan soni doirasida tadbirkorlik subyektlariga “yagona darcha” tamoyili bo‘yicha davlat xizmatlarini ko‘rsatish yagona markazlari tuzilmasiga zarur hollarda o‘zgartirishlar kiritish huquqiga ega”.

12. O‘zbekiston Respublikasi Prezidentining 2016-yil 27-dekabrdagi “O‘zbekiston Respublikasining 2017-yilgi asosiy makroiqtisodiy ko‘rsatkichlari prognozi va Davlat budjeti parametrlari to‘g‘risida” PQ-2699-sonli qarorining 22-ilovasi 3-bandi birinchi xatboshi quyidagi tahrirda bayon etilsin:

“3. Alkogol mahsulotlarining chakana savdosi huquqi yig‘imlari, jumladan, umumiy ovqatlanish korxonalari tomonidan alkogol mahsulotlarini sotish yig‘imlari yagona hisob raqamiga kelib tushadi va ushbu mablag‘lar O‘zbekiston Respublikasi Moliya vazirligi tomonidan belgilangan tartibga ko‘ra O‘zbekiston Respublikasi budjeti va Adliya vazirligi o‘rtasida, Toshkent shahrida esa — budjet, O‘zbekiston Respublikasi Adliya vazirligi va Savdo, xizmat ko‘rsatish sohasi va iste’mol tovarlarini ishlab chiqarish departamenti o‘rtasida taqsimlanadi.”.

1. O‘zbekiston Respublikasi Prezidentining 1995-yil 6-yanvardagi PF-1034-sonli Farmoni.

2. O‘zbekiston Respublikasi Prezidentining 1999-yil 29-martdagi “Yangi tashkil etilayotgan xo‘jalik yurituvchi subyektlar faoliyati ustidan bank va soliq nazoratini kuchaytirish to‘g‘risida” PF-2276-sonli Farmoni.