Oʻzbekiston Respublikasi Prezidentining “Oʻzbekiston Respublikasining turizm sohasini jadal rivojlantirishni taʼminlash chora-tadbirlari toʻgʻrisida” 2016-yil 2-dekabrdagi PF-4861-son Farmoni va Oʻzbekiston Respublikasi Prezidentining “Oʻzbekiston Respublikasi Turizmni rivojlantirish davlat qoʻmitasi faoliyatini tashkil etish toʻgʻrisida” 2016-yil 2-dekabrdagi PQ-2666-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining 1-ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Hukumatining 2-ilovaga muvofiq baʼzi qarorlari oʻz kuchini yoʻqotgan deb hisoblansin

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

2. Vazirlar Mahkamasining “Davlat hokimiyati va boshqaruvi organlari, sud organlari va notarial idoralar xodimlari mehnatiga haq toʻlashning tarif setkasini joriy etish toʻgʻrisida” 1996-yil 12-apreldagi 147-son qarorining 3-ilovasi nomiga “Oʻzbekiston Respublikasi Turizmni rivojlantirish davlat qoʻmitasi” soʻzlari qoʻshilsin.

3. Vazirlar Mahkamasining “Xorijiy fuqarolarning va fuqaroligi boʻlmagan shaxslarning Oʻzbekiston Respublikasiga kelishlari, ketishlari, bu yerda boʻlishlari va tranzit oʻtishlari tartibi toʻgʻrisida” 1996-yil 21-noyabrdagi 408-son qarorida:

a) 1-ilova 12-bandining birinchi xatboshidagi “Oʻzbekturizm” milliy kompaniyasining yoki” soʻzlari chiqarib tashlansin;

b) 2-ilovada:

3-banddagi “mehmonxonalardagi yoki boshqa turar joylarda” soʻzlari “mehmonxona xizmatlari — vaqtinchalik yashash boʻyicha xizmatlar koʻrsatiladigan joylashtirish vositalarida (mehmonxonalar, turizm bazalari va komplekslari, dam olish uylari va zonalari, pansionatlar, kempinglar, motellar, milliy mehmonxona uylari, oʻtov lagerlari, sanatoriylar va boshqa obyektlarda), boshqa turar joylarda, shuningdek davolash muassasalarida” soʻzlari bilan almashtirilsin;

5-band quyidagi tahrirda bayon qilinsin:

“5. Qabul qiluvchi tashkilotlar, shu jumladan turizm operatorlari xorijiy fuqarolarga Oʻzbekiston Respublikasining qonun hujjatlarida va ushbu Qoidalarda nazarda tutilgan ularning huquqlari va majburiyatlarini oʻz vaqtida tushuntirilishini, xorijiy fuqarolarga nisbatan belgilangan huquqiy normalarning aniq bajarilishini taʼminlaydilar, xorijiy fuqarolarning tegishli hisobini yuritadilar, shuningdek ularning Oʻzbekiston Respublikasi Ichki ishlar vazirligining tegishli boʻlimlarida vaqtinchalik propiska qilishning taʼminlanishi, ularning respublika hududida harakatlanishi va ular boʻlishining muayyan muddati tugagandan keyin Oʻzbekiston Respublikasidan chiqib ketishlari uchun javob beradilar.

Xorijiy turistlarni qabul qiluvchi turizm operatorlari, shuningdek ularning xodimlari xorijiy turistlar tomonidan Oʻzbekiston Respublikasi qonunchiligining buzilishi yuzasidan javobgarlikdan ozod qilinadilar, ushbu bandning birinchi xatboshida nazarda tutilgan javobgarlik bundan mustasno”;

quyidagi mazmundagi 6¹-bandi qoʻshilsin:

“6¹. Ularga nisbatan viza rejimi qoʻllanmaydigan yoxud vizalar berishning soddalashtirilgan tartibi qoʻllanadigan, uchinchi shaxslarning takliflarisiz yoki turist sifatida takliflarsiz kelishgan xorijiy fuqarolar pasport boʻyicha nazoratdan oʻtgungacha ushbu Qoidalarning 5-bandida nazarda tutilgan talablar va javobgarliklar bilan tanishadilar. Koʻrsatib oʻtilgan fuqarolar, zarurat boʻlganda, vizalarni uzaytirishga hujjatlarni mustaqil ravishda berish huquqiga egadirlar”;

13-bandning ikkinchi va uchinchi xatboshilari quyidagi tahrirda bayon qilinsin:

“Joylashish vositalari va davolash muassasalarining masʼul shaxslari tomonidan joylashgan shaxslarning hisobi yuritiladi;

Ichki ishlar organlari har haftada hududlar boʻyicha manzil-maʼlumotnoma byurosiga kelish va ketish varaqalarini yuborishi shart. Joylashish vositalari va davolash muassasalarining masʼul shaxslari har kuni (joylashgandan keyin oʻn ikki soat mobaynida) ichki ishlar organlarini maxsus elektron avtomatlashtirilgan dastur yordamida propiskadan oʻtishi kerak boʻlgan joylashgan shaxslar toʻgʻrisida Internet tarmogʻi orqali joylashish vositalarida turuvchilarning hisobini yuritish toʻgʻrisida xabardor qilishi shart”;

16-bandda:

birinchi xatboshidagi “Mehmonxonalarda” soʻzi “Joylashish vositalarida va davolash muassasalarida” soʻzlari bilan almashtirilsin;

“a” kichik bandining ikkinchi xatboshi chiqarib tashlansin;

17-banddagi “mehmonxonalar” soʻzi “joylashish vositalari va davolash muassasalari” soʻzlari bilan almashtirilsin;

18-band quyidagi tahrirda bayon qilinsin:

“18. Oʻzbekiston Respublikasi hududiga kelishgan xorijiy fuqarolarning joylashish vositalarida va davolash muassasalarida hujjatlarini va yashashini ichki ishlar organlarining tegishli ruxsatlarisiz ushbu Qoidalarning 11-bandida belgilangan muddatdan ortiqcha vaqtinchalik propiskasiz rasmiylashtirish taqiqlanadi”;

19-bandning birinchi va ikkinchi xatboshilardagi “Mehmonxonalar” va “mehmonxonalarda” soʻzlari tegishli ravishda “Joylashish vositalari va davolash muassasalari” hamda “joylashish vositalari va davolash muassasalarida” soʻzlari bilan almashtirilsin;

20-band quyidagi tahrirda bayon qilinsin:

“20. Joylashish vositalarida va davolash muassasalarida xorijiy fuqarolarning hujjatlarini rasmiylashtirish va boʻlishi muddatini uzaytirish qabul qiluvchi tashkilotlarning yozma iltimoslarida yoxud ushbu Qoidalarning 6¹-bandida koʻrsatilgan xorijiy fuqarolar oʻzlarining yozma arizalarida (turistlar uchun — turning amalda boʻlishi muddatiga), lekin viza amal qilishi muddati doirasida amalga oshiriladi”;

22-banddagi “mehmonxonaga” soʻzi “joylashish vositasi va davolash muassasasiga” soʻzlari bilan almashtirilsin;

23-banddagi “mehmonxonalarga” soʻzi “joylashish vositalari va davolash muassasalariga” soʻzlari bilan almashtirilsin;

24-bandning birinchi va ikkinchi xatboshilardagi “mehmonxonalarda”, “mehmonxonalarning” soʻzlari tegishli ravishda “joylashish vositalarida va davolash muassasalarida”, “joylashish vositalari va davolash muassasalarining” soʻzlari bilan almashtirilsin;

25-banddagi “Mehmonxonalar” soʻzi “Joylashish vositalari va davolash muassasalari” soʻzlari bilan almashtirilsin;

26-banddagi va 32-bandning ikkinchi xatboshidagi “mehmonxonalarda” soʻzi “joylashish vositalari va davolash muassasalarida” soʻzlari bilan almashtirilsin;

v) 3-ilovada:

6-band quyidagi tahrirda bayon qilinsin:

“6. Oʻzining shaxsiy transport vositasida, piyoda yoki guruh tarkibida avtobusda turizm maqsadida tranzit yurmoqchi boʻlgan xorijiy fuqarolar Oʻzbekiston Respublikasiga kelgungacha Oʻzbekiston Respublikasi hududida oʻz faoliyatini amalga oshiruvchi turizm tashkilotlarining avtoturlarini belgilangan tartibda, toʻxtash joylarini koʻrsatgan holda olishi hamda tegishli turizm vizasiga ega boʻlishi shart, oʻzlariga nisbatan viza rejimi qoʻllanmaydigan xorijiy fuqarolar bundan mustasno”;

10-banddagi “mehmonxonada” soʻzi “joylashish vositalari va davolash muassasalarida” soʻzlari bilan almashtirilsin;

12-bandda:

“a” kichik bandi oʻz kuchini yoʻqotgan deb hisoblansin;

“b” kichik bandi quyidagi tahrirda bayon qilinsin:

“b) oʻz faoliyatini belgilangan tartibda Oʻzbekiston Respublikasi hududida amalga oshiradigan joylashish vositalari va davolash muassasalari”.

4. Vazirlar Mahkamasining 1998-yil 12-yanvardagi 15-son qarori (Oʻzbekiston Respublikasi QT, 1998-y., 1-son, 3-modda) bilan tasdiqlangan Oʻzbekiston Respublikasining idoralararo tusdagi xalqaro shartnomalarini tuzish, bajarish, toʻxtatib turish, toʻxtatish va bekor qilish tartibi 3-bandining oʻn uchinchi xatboshidagi “Oʻzbekturizm” milliy kompaniyasi” soʻzlari “Oʻzbekiston Respublikasi Turizmni rivojlantirish davlat qoʻmitasi” soʻzlari bilan almashtirilsin.

5. Vazirlar Mahkamasining “Sayyohlik tashkilotlari faoliyatini tashkil etishni takomillashtirish toʻgʻrisida” 1998-yil 8-avgustdagi 346-son qarorida (Oʻzbekiston Respublikasi QT, 1998-y., 8-son, 29-modda):

a) 1-bandning ikkinchi xatboshidagi “Oʻzbekturizm” milliy kompaniyasi” soʻzlari “Oʻzbekiston Respublikasi Turizmni rivojlantirish davlat qoʻmitasi” soʻzlari bilan almashtirilsin;

b) 4-bandning oltinchi xatboshidagi “Oʻzbekturizm” milliy kompaniyasida” soʻzlari “Oʻzbekiston Respublikasi Turizmni rivojlantirish davlat qoʻmitasida” soʻzlari bilan almashtirilsin;

v) 8-band oʻz kuchini yoʻqotgan deb hisoblansin.

6. Vazirlar Mahkamasining 2000-yil 12-dekabrdagi 473-son qarori (Oʻzbekiston Respublikasi QT, 2000-y., 12-son, 76-modda) bilan tasdiqlangan Xalqaro shartnomalar loyihalarini tayyorlash va Oʻzbekiston Respublikasining xalqaro shartnomalar boʻyicha majburiyatlarini bajarish tartibiga ilovaning “Masʼul vazirlik, idora” ustunidagi “Oʻzbekturizm” milliy kompaniyasi” soʻzlari “Oʻzbekiston Respublikasi Turizmni rivojlantirish davlat qoʻmitasi” soʻzlari bilan almashtirilsin.

7. Vazirlar Mahkamasining “Germaniya Federativ Respublikasi fuqarolari uchun viza berish tartibotlarini soddalashtirish toʻgʻrisida” 2001-yil 2-maydagi 202-son qarori 1-bandining uchinchi xatboshidagi “Oʻzbekturizm” milliy kompaniyasining yoki boshqa” soʻzlari chiqarib tashlansin.

8. Vazirlar Mahkamasining 2002-yil 28-iyundagi 236-son qarori (Oʻzbekiston Respublikasi QT, 2002-y., 6-son, 36-modda) bilan tasdiqlangan Faoliyatning ayrim turlarini litsenziyalovchi organlar roʻyxatida:

a) “Oʻzbekiston Respublikasi Vazirlar Mahkamasi” boʻlimining yigirmanchi xatboshi chiqarib tashlansin;

b) “Oʻzbekiston Respublikasi Davlat bojxona qoʻmitasi” boʻlimidan keyin quyidagi mazmundagi boʻlim qoʻshilsin:

“Oʻzbekiston Respublikasi Turizmni rivojlantirish davlat qoʻmitasi

Turizm (turoperator) faoliyati”.

9. Vazirlar Mahkamasining “Yaponiya fuqarolari uchun viza tartibotlarini soddalashtirish toʻgʻrisida” 2002-yil 22-iyuldagi 259-son qarori 1-bandining uchinchi xatboshidagi “Oʻzbekturizm” milliy kompaniyasi yoki boshqa” soʻzlari chiqarib tashlansin.

10. Vazirlar Mahkamasining “Avstriya Respublikasi fuqarolari uchun viza tartibotlarini soddalashtirish toʻgʻrisida” 2003-yil 19-fevraldagi 84-son qarori 1-bandining uchinchi xatboshidagi “Oʻzbekturizm” milliy kompaniyasi yoki boshqa” soʻzlari chiqarib tashlansin.

11. Vazirlar Mahkamasining “Italiya Respublikasi fuqarolari uchun viza tartibotlarini soddalashtirish toʻgʻrisida” 2003-yil 19-fevraldagi 85-son qarorining 1-bandi uchinchi xatboshidagi “Oʻzbekturizm” milliy kompaniyasi yoki boshqa” soʻzlari chiqarib tashlansin.

12. Vazirlar Mahkamasining “Ispaniya Qirolligi fuqarolari uchun viza tartibotlarini soddalashtirish toʻgʻrisida” 2003-yil 19-fevraldagi 86-son qarori 1-bandining uchinchi xatboshidagi “Oʻzbekturizm” milliy kompaniyasi yoki boshqa” soʻzlari chiqarib tashlansin.

13. Vazirlar Mahkamasining “Shveysariya Konfederatsiyasi fuqarolari uchun viza tartibotlarini soddalashtirish toʻgʻrisida” 2003-yil 19-fevraldagi 87-son qarori 1-bandining uchinchi xatboshidagi “Oʻzbekturizm” milliy kompaniyasi yoki boshqa” soʻzlari chiqarib tashlansin.

14. Vazirlar Mahkamasining “Buyuk Britaniya va Shimoliy Irlandiya Qoʻshma Qirolligi fuqarolari uchun viza tartibotlarini soddalashtirish toʻgʻrisida” 2003-yil 27-fevraldagi 106-son qarori 1-bandining uchinchi xatboshidagi “Oʻzbekturizm” milliy kompaniyasi yoki boshqa” soʻzlari chiqarib tashlansin.

15. Vazirlar Mahkamasining “Fransiya Respublikasi fuqarolari uchun viza tartibotlarini soddalashtirish toʻgʻrisida” 2003-yil 27-fevraldagi 107-son qarori 1-bandining uchinchi xatboshidagi “Oʻzbekturizm” milliy kompaniyasi yoki boshqa” soʻzlari chiqarib tashlansin.

16. Vazirlar Mahkamasining “Belgiya Qirolligi fuqarolari uchun viza tartibotlarini soddalashtirish toʻgʻrisida” 2003-yil 27-fevraldagi 108-son qarori 1-bandining uchinchi xatboshidagi “Oʻzbekturizm” milliy kompaniyasi yoki boshqa” soʻzlari chiqarib tashlansin.

17. Vazirlar Mahkamasining “Latviya Respublikasi fuqarolari uchun viza tartibotlarini soddalashtirish toʻgʻrisida” 2004-yil 6-apreldagi 166-son qarori 1-bandining uchinchi xatboshidagi “Oʻzbekturizm” milliy kompaniyasi yoki boshqa” soʻzlari chiqarib tashlansin.

18. Vazirlar Mahkamasining “Internet tarmogʻida Oʻzbekiston Respublikasining Hukumat portaliga axborotlarni taqdim etish va joylashtirish tartibi toʻgʻrisida” 2009-yil 21-apreldagi 116-son qarorining (Oʻzbekiston Respublikasi QT, 2009-y., 4-son, 30-modda) 1-ilovasida:

a) “22¹-pozitsiyada:

“Axborot turi” ustunidagi “Mehmonxonalar va otellar” soʻzlari “Joylashish vositalari (mehmonxonalar, turizm bazalari va komplekslari, dam olish uylari va zonalari, pansionatlar, kempinglar, motellar, milliy mehmonxona uylari, oʻtov lagerlari, sanatoriylar va mehmonxona xizmatlari — vaqtincha yashash xizmatlari koʻrsatiladigan boshqa obyektlar” soʻzlari bilan almashtirilsin;

“Masʼullar” ustunidagi “Oʻzbekturizm” milliy kompaniyasi” soʻzlari “Oʻzbekiston Respublikasi Turizmni rivojlantirish davlat qoʻmitasi” soʻzlari bilan almashtirilsin;

b) 22²-bandning “Masʼullar” ustunidagi “Oʻzbekturizm” milliy kompaniyasi” soʻzlari “Oʻzbekiston Respublikasi Turizmni rivojlantirish davlat qoʻmitasi” soʻzlari bilan almashtirilsin.

19. Vazirlar Mahkamasining “Vazirliklar, davlat qoʻmitalari va idoralarning budjetdan tashqari jamgʻarmalariga mablagʻ ajratishni tartibga solish chora-tadbirlari toʻgʻrisida” 2010-yil 2-apreldagi 62-son qaroriga 1-ilovaning 30-pozitsiyasi (Oʻzbekiston Respublikasi QT, 2010-y., 4-son, 14-modda) quyidagi tahrirda bayon qilinsin:

21. Vazirlar Mahkamasining “Moddiy madaniy va arxeologiya merosi obyektlarini muhofaza qilish va ulardan foydalanishni yanada takomillashtirish yuzasidan qoʻshimcha chora-tadbirlar toʻgʻrisida” 2014-yil 21-iyuldagi 200-son qarorining 1-ilovasi sakkizinchi xatboshidagi “Rizayev F.M.” va “Oʻzbekturizm” milliy kompaniyasi” soʻzlari tegishli ravishda “Sharapov A.K.” va “Oʻzbekiston Respublikasi Turizmni rivojlantirish davlat qoʻmitasi” soʻzlari bilan almashtirilsin.

22. Vazirlar Mahkamasining “2016 — 2020-yillarda xizmatlar sohasini rivojlantirish dasturi toʻgʻrisida” 2016-yil 26-fevraldagi 55-son qarorining 3-ilovasi 1, 18-20 va 35-bandlarining “Masʼul bajaruvchilar” ustunidagi “Oʻzbekturizm” milliy kompaniyasi” soʻzlari “Oʻzbekiston Respublikasi Turizmni rivojlantirish davlat qoʻmitasi” soʻzlari bilan almashtirilsin.

23. Vazirlar Mahkamasining “Elektron hukumatning idoralararo maʼlumotlar uzatish tarmogʻini tashkil etish chora-tadbirlari toʻgʻrisida” 2016-yil 12-avgustdagi 262-son qaroriga (Oʻzbekiston Respublikasi QT, 2016-y., 8-son, 78-modda) 1-ilovada:

a) II boʻlimning “Davlat qoʻmitalari” kichik boʻlimiga quyidagi mazmundagi 8-band qoʻshilsin:

“8. Oʻzbekiston Respublikasi Turizmni rivojlantirish davlat qoʻmitasi”;

b) IV boʻlimning 2-bandi oʻz kuchini yoʻqotgan deb hisoblansin.

24. Vazirlar Mahkamasining “Oʻzbekiston Respublikasi fuqarolarini, chet el fuqarolari va fuqaroligi boʻlmagan shaxslarni Toshkent shahri va Toshkent viloyatida doimiy propiska qilish tartibini yanada takomillashtirish chora-tadbirlari toʻgʻrisida” 2016-yil 7-oktabrdagi 336-son qarori 1-ilovasiga quyidagi mazmundagi 36¹-band qoʻshilsin:

“36¹. Oʻzbekiston Respublikasi Turizmni rivojlantirish davlat qoʻmitasi”.

1. Vazirlar Mahkamasining “Oʻzbekturizm” Milliy kompaniyasi faoliyatini tashkil etish masalalari toʻgʻrisida” 1992-yil 20-oktabrdagi 484-son qarori.

2. Vazirlar Mahkamasining “Oʻzbekturizm” milliy kompaniyasi faoliyatini yanada takomillashtirish toʻgʻrisida” 2004-yil 28-iyuldagi 360-son qarori (Oʻzbekiston Respublikasi QT, 2004-y., 7-son, 75-son).

3. Vazirlar Mahkamasining “Oʻzbekiston Respublikasi Hukumatining vazirliklar, davlat qoʻmitalari va idoralar toʻgʻrisidagi nizomlarni tasdiqlash boʻyicha ayrim qarorlariga oʻzgartirish va qoʻshimchalar kiritish haqida” 2010-yil 5-iyundagi 108-son qaroriga ilovaning 49-bandi (Oʻzbekiston Respublikasi QT, 2010-y., 6-son, 27-modda).