O‘zbekiston Respublikasi Prezidentining 2012-yil 24-iyuldagi PF-4456-son “Oliy malakali ilmiy va ilmiy-pedagog kadrlar tayyorlash va attestatsiyadan o‘tkazish tizimini yanada takomillashtirish to‘g‘risida”gi, 2016-yil 22-fevraldagi PF-4782-son “Aholining hojatmand qatlamlarini ijtimoiy qo‘llab-quvvatlash hamda tibbiy-ijtimoiy yordam ko‘rsatish tizimini yanada takomillashtirish chora-tadbirlari to‘g‘risida”gi farmonlariga hamda O‘zbekiston Respublikasi Vazirlar Mahkamasining 2015-yil 19-iyundagi 164-son “Xizmatchilarning asosiy lavozimlari va ishchilar kasblarining yangilangan klassifikatorini tasdiqlash to‘g‘risida”gi qaroriga muvofiq, O‘zbekiston Respublikasi Oliy va o‘rta maxsus ta’lim vazirligi, Mehnat vazirligi va Moliya vazirligi qaror qiladi:

1. O‘zbekiston Respublikasi Oliy va o‘rta maxsus ta’lim vazirligi, Mehnat va aholini ijtimoiy muhofaza qilish vazirligi va Moliya vazirligining 2010-yil 15-dekabrdagi 485/1, 200-KK, 107-son “Oliy ta’lim muassasalari boshqaruv, texnik, xizmat ko‘rsatuvchi va o‘quv-yordamchi xodimlarining namunaviy shtatlarini tasdiqlash to‘g‘risida”gi qaroriga (ro‘yxat raqami 2182, 2011-yil 14-yanvar) (O‘zbekiston Respublikasi qonun hujjatlari to‘plami, 2011-y., 3-son, 25-modda) ilovaga muvofiq o‘zgartirishlar kiritilsin.

2. Mazkur qaror rasmiy e’lon qilingan kundan e’tiboran kuchga kiradi.

1. Qarorning 2-bandida:

a) ikkinchi xatboshidagi “bo‘yicha 2010-yil uchun tasdiqlangan shtatlar jadvallarida ko‘zda tutilgan xodimlar soni doirasida, boshqaruv xodimlarining belgilangan cheklangan soniga rioya qilgan holda” degan so‘zlar “hisobidan” degan so‘z bilan almashtirilsin;

b) to‘rtinchi xatboshidagi “Mehnat va aholini ijtimoiy muhofaza qilish vazirligi” degan so‘zlar “Mehnat vazirligi” degan so‘zlar bilan almashtirilsin.

2. Oliy ta’lim muassasalari boshqaruv, texnik, xizmat ko‘rsatuvchi va o‘quv-yordamchi xodimlarining namunaviy shtatlarida:

a) I bobning 12 — 15-pozitsiyalari quyidagi tahrirda bayon etilsin:

b) ilovada:

2 — 4, 16, 52 va 54-bandlardagi “Mehnat va aholini ijtimoiy muhofaza qilish vazirligi” degan so‘zlar “Mehnat vazirligi” degan so‘zlar bilan almashtirilsin;

5-bandda:

uchinchi xatboshidan “stajor-tadqiqotchi-izlanuvchi va” degan so‘zlar chiqarib tashlansin;

to‘rtinchi xatboshi quyidagi tahrirda bayon etilsin:

“OTMda fan doktori ilmiy darajasini beruvchi ilmiy kengashlarning mavjudligi.”;

9-band quyidagi tahrirda bayon etilsin:

“9. Ilmiy kengashning ilmiy kotibi lavozimi fan doktori ilmiy darajasini beruvchi ilmiy kengash tashkil etilgan OTM uchun 1 birlik sonida kiritiladi.”;

10-band o‘z kuchini yo‘qotgan deb topilsin;

14-banddan “stajor-tadqiqotchi-izlanuvchi va” degan so‘zlar chiqarib tashlansin;

55-banddagi “Mehnat va aholini ijtimoiy muhofaza qilish vazirligining” degan so‘zlar “Mehnat vazirligining” degan so‘zlar bilan almashtirilsin.