LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasi Prezidentining “Xo‘jalik boshqaruvi organlari tizimini takomillashtirish to‘g‘risida” 2003-yil 22-dekabrdagi PF–3366-son Farmoniga muvofiq hamda mashinasozlik tarmog‘ida iqtisodiy islohotlarni yanada chuqurlashtirish va raqobatni rivojlantirish maqsadida Vazirlar Mahkamasi qaror qiladi:
1. “O‘zmashsanoat” uyushmasi qatnashchilari umumiy yig‘ilishi tomonidan uni tugatish to‘g‘risida qaror qabul qilinganligi ma’lumot uchun qabul qilinsin.
2. “O‘zmashsanoat” uyushmasini tugatish bilan bog‘liq ishlarni muvofiqlashtirish uchun 1-ilovaga muvofiq tarkibda ishchi komissiya tashkil etilsin.
Ishchi komissiya ikki oy muddatda “O‘zmashsanoat” uyushmasini qonun hujjatlarida belgilangan tartibda tugatish chora-tadbirlari amalga oshirilishini ta’minlasin.
3. O‘zbekiston Respublikasi Mehnat va aholini ijtimoiy muhofaza qilish vazirligi ishchi komissiya bilan birgalikda “O‘zmashsanoat” uyushmasi tugatilishi munosabati bilan bo‘shab qolayotgan xodimlarni ishga joylashtirish chora-tadbirlarini ko‘rsin.
4. Tugatilayotgan “O‘zmashsanoat” uyushmasi tarkibiga kirgan korxonalarning aksiyalarining davlat paketlari ular professional boshqaruvchi kompaniyalarga ishonchli boshqaruvga berilgungacha 2-ilovaga muvofiq kompaniyalar va uyushmalarga berilsin.
5. “Vostok” davlat ilmiy-ishlab chiqarish birlashmasi hamda “Toshkent asbobsozlik texnologiya byurosi” davlat unitar korxonasi negizida O‘zbekiston Respublikasi Vazirlar Mahkamasiga bo‘ysunadigan “Vostok” davlat ilmiy-ishlab chiqarish birlashmasi tashkil etilsin.
“Vostok” davlat ilmiy-ishlab chiqarish birlashmasi bir oy muddatda birlashmaning yangi Ustavini ishlab chiqsin va tasdiqlash uchun Vazirlar Mahkamasiga taqdim etsin.
6. O‘zbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar agentligi, boshqa vazirliklar va idoralar o‘n kun muddatda idoraviy normativ hujjatlarga hamda 2004-yil uchun mo‘ljallangan moddiy-qiymat balanslariga mazkur qarordan kelib chiquvchi tegishli o‘zgartirishlar kiritsinlar.
7. O‘zbekiston Respublikasi Vazirlar Mahkamasining “O‘zbekiston mashinasozlik korxonalari (“O‘zmashsanoat”) uyushmasini tashkil etish va uning faoliyati masalalari to‘g‘risida” 1994-yil 19-martdagi 147-son qarori o‘z kuchini yo‘qotgan deb hisoblansin.
8. O‘zbekiston Respublikasi Adliya vazirligi manfaatdor vazirliklar va idoralar bilan birgalikda amaldagi qonun hujjatlariga mazkur qarordan kelib chiquvchi o‘zgartirish va qo‘shimchalar to‘g‘risida bir oy muddatda Vazirlar Mahkamasiga takliflar kiritsin.
9. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari O‘.T. Sultonov zimmasiga yuklansin.
1. | Sultonov O‘.T. | — | O‘zbekiston Respublikasi Bosh vazirining o‘rinbosari, komissiya raisi |
2. | Asqarov M.A. | — | Davlat mulki qo‘mitasining raisi, komissiya raisining o‘rinbosari |
3. | Obidov O.O. | — | Mehnat va aholini ijtimoiy muhofaza qilish vaziri |
4. | Hasanov S.S. | — | Iqtisodiyot vazirining o‘rinbosari |
5. | Guskova T.N. | — | Moliya vazirining birinchi o‘rinbosari |
6. | Gadoyev E.F. | — | Davlat soliq qo‘mitasi raisining birinchi o‘rinbosari |
7. | Abdurashidov A.A. | — | Monopoliyadan chiqarish va raqobatni rivojlantirish davlat qo‘mitasi raisining birinchi o‘rinbosari |
8. | Sodiqov X.M. | — | Adliya vazirining o‘rinbosari |
9. | Xan A.M. | — | “O‘zmashsanoat” uyushmasi boshqaruvi raisining o‘rinbosari |
10. | Bahromov A.U. | — | “O‘zbekyengilsanoat” davlat-aksiyadorlik kompaniyasi boshqaruvi raisi |
11. | Matchonov R.D. | — | “O‘zqishloqxo‘jalikmash-xolding” xolding kompaniyasi boshqaruvining raisi |
12. | Umarov Sh.H. | — | “O‘zeltexsanoat” uyushmasi boshqaruvining raisi |
13. | Shoismatov E.R. | — | “O‘zbekenergo” davlat-aksiyadorlik kompaniyasi boshqaruvi raisi |
14. | Voznenko A.N. | — | “O‘zkimyosanoat” davlat-aksiyadorlik kompaniyasi boshqaruvi raisining birinchi o‘rinbosari |
15. | Rahimov A.M. | — | Vazirlar Mahkamasining mas’ul xodimi, komissiya kotibi |
Oldingi tahrirga qarang.
Tugatiladigan “O‘zmashsanoat” | Aksiyalarning davlat ulushi, % | Tarkibiga korxonalar o‘tadigan |
“Kinap” ishlab chiqarish birlashmasi | 100 | “O‘zeltexsanoat” uyushmasi |
“Sino” ochiq aksiyadorlik jamiyati | 25 | |
“O‘zpaxtamash” ochiq aksiyadorlik jamiyati | 25 | |
“Kompressor” ochiq aksiyadorlik jamiyati | 25 | “O‘zqishloqxo‘jalikmash-xolding” xolding kompaniyasi |
“Toj metall” ochiq aksiyadorlik jamiyati | 25 | |
“Toshkent kimyo texnologiyasi ilmiy-tadqiqot instituti” davlat unitar korxonasi | 100 | “O‘zkimyosanoat” davlat-aksiyadorlik kompaniyasi |
“Andijonmash” ochiq aksiyadorlik jamiyati | 25 | “O‘zbekenergo” davlat-aksiyadorlik kompaniyasi |
“Upakmashavtomat” ochiq aksiyadorlik jamiyati | 25 | Yog‘-moy va oziq-ovqat sanoati uyushmasi |
“Toshkent asbobsozlik texnologik byurosi” davlat unitar korxonasi | 100 | “Vostok” davlat ilmiy-ishlab chiqarish birlashmasi |
(6-qator O‘zbekiston Respublikasi Vazirlar Mahkamasining 2004-yil 16-dekabrdagi 542-son qaroriga muvofiq chiqarilgan — O‘zbekiston Respublikasi qonun hujjatlari to‘plami, 2004-y., 45-46-son, 471-modda)
LexUZ sharhi
2-ilovaga O‘zbekiston Respublikasi Prezidentining 2017-yil 23-avgustdagi PQ-3236-sonli qaroriga asosan o‘zgartirish kiritilgan. Rus tili matniga qarang.