2780-сон 22.04.2016. Toshkent davlat yuridik universitetida oʻqitishning modul tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizomni tasdiqlash haqida

Oʻzbekiston Respublikasi Oliy va oʻrta maxsus taʼlim vazirligi, Oʻzbekiston Respublikasi Adliya vazirligining qarori, 22.04.2016 yilda ro‘yxatdan o‘tgan, ro‘yxat raqami 2780

Кучга кириш санаси

25.04.2016

Рус

Ўзб

O’zb

O‘zb|Рус

Hujjat 22.01.2019 sanasi holatiga

Hujjat 21.12.2021 sanasi holatiga

Oʻzbekiston Respublikasi Oliy va oʻrta maxsus taʼlim vazirligi
Oʻzbekiston Respublikasi Adliya vazirligining

Qarori

Toshkent davlat yuridik universitetida oʻqitishning modul tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizomni tasdiqlash haqida

[Oʻzbekiston Respublikasi Adliya vazirligi tomonidan 2016-yil 22-aprelda 2780-son bilan davlat roʻyxatidan oʻtkazilgan]

Oʻzbekiston Respublikasi Prezidentining 2013-yil 28-iyundagi PQ-1990-son “Yuridik kadrlar tayyorlash tizimini yanada takomillashtirish chora-tadbirlari toʻgʻrisida”gi qarori ijrosi yuzasidan Oʻzbekiston Respublikasi Prezidentining 2011-yil 23-avgustdagi PQ-1602-son “Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida”gi qarori hamda Oʻzbekiston Respublikasi Vazirlar Mahkamasining 2004-yil 20-iyuldagi 341-son “Oʻzbekiston Respublikasi Oliy va oʻrta maxsus taʼlim vazirligi faoliyatini takomillashtirish toʻgʻrisida”gi qaroriga muvofiq, shuningdek Toshkent davlat yuridik universitetida oʻquv jarayonini yanada takomillashtirish maqsadida Oʻzbekiston Respublikasi Oliy va oʻrta maxsus taʼlimi vazirligi va Adliya vazirligi qaror qiladi:

1. Toshkent davlat yuridik universitetida oʻqitishning modul tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizom ilovaga muvofiq tasdiqlansin.

2. Mazkur qaror rasmiy eʼlon qilingan kundan eʼtiboran kuchga kiradi.

Oliy va oʻrta maxsus taʼlim vaziri A. VAHOBOV

Toshkent sh.,

2016-yil 22-aprel,

1-2016-son

Adliya vaziri M. IKRAMOV

Toshkent sh.,

2016-yil 22-aprel,

4-son

Oʻzbekiston Respublikasi Oliy va oʻrta maxsus taʼlim vazirligi va Adliya vazirligining 2016-yil 22-apreldagi 1-2016, 4-son qaroriga
ILOVA

Toshkent davlat yuridik universitetida oʻqitishning modul tizimi sharoitlarida talabalar bilimini nazorat qilish tartibi va baholash mezonlari toʻgʻrisida

NIZOM

Mazkur Nizom Oʻzbekiston Respublikasining “Taʼlim toʻgʻrisida”gi va “Kadrlar tayyorlash milliy dasturi toʻgʻrisida”gi qonunlari, Oʻzbekiston Respublikasi Prezidentining 2013-yil 28-iyundagi “Yuridik kadrlar tayyorlash tizimini yanada takomillashtirish chora-tadbirlari toʻgʻrisida”gi PQ-1990-son qarori, Oʻzbekiston Respublikasi Vazirlar Mahkamasining 2001-yil 16-avgustdagi 343-son “Oliy taʼlimning davlat taʼlim standartlarini tasdiqlash toʻgʻrisida”gi qaroriga muvofiq Toshkent davlat yuridik universitetida (bundan buyon matnda universitet deb yuritiladi) oʻqitishning modul tizimi sharoitlarida talabalar bilimini nazorat qilish tartibi va baholash mezonlarini belgilaydi.

Mazkur Nizom Oʻzbekiston Respublikasining “Taʼlim toʻgʻrisida”gi Qonuni, Oʻzbekiston Respublikasi Prezidentining 2019-yil 8-oktabrdagi PF-5847-son “Oʻzbekiston Respublikasi Oliy taʼlim tizimini 2030-yilgacha rivojlantirish konsepsiyasini tasdiqlash toʻgʻrisida”gi hamda 2020-yil 29-apreldagi PF-5987-son “Oʻzbekiston Respublikasi yuridik taʼlim va fanni tubdan takomillashtirish boʻyicha qoʻshimcha chora-tadbirlar toʻgʻrisida”gi farmonlariga muvofiq Toshkent davlat yuridik universitetida (bundan buyon matnda universitet deb yuritiladi) oʻqitishning modul tizimi sharoitlarida talabalar bilimini nazorat qilish tartibi va baholash mezonlarini belgilaydi.

1-bob. Umumiy qoidalar

1. Universitet talabalari (bundan buyon matnda talabalar deb yuritiladi) bilimini nazorat qilish va baholashning maqsadi — yuqori malakali, raqobatbardosh, mamlakatda oʻtkazilayotgan demokratik va huquqiy islohotlarning yuqori talablariga, zamonaviy xalqaro standartlarga javob bera oladigan yuridik kadrlarni tayyorlash hamda talabalarda mustaqil taʼlim olish, taʼlim sifatini boshqargan holda yuridik faoliyatning tegishli sohalarida tizimli tahlil qilish va boshqaruv koʻnikmalarini rivojlantirish, talabalarning modullarni oʻzlashtirishida boʻshliqlar hosil boʻlishining oldini olish, ularni aniqlash va bartaraf etishdan iborat.

Modul alohida oʻquv fani (uning qismi) boʻlib, oʻzida bilimga oid hamda kasbiy jihatlarni qamrab oladi va talabaning fan dasturini oʻrganishi natijasida shakllangan bilim, koʻnikma va malakalarini nazorat qilishning tegishli turi bilan yakunlanadi.

Universitet tomonidan boshqa oliy taʼlim muassasalari bilan tashkil etilgan qoʻshma taʼlim dasturlari doirasida talabalar bilimini nazorat qilish va baholash hamda bitiruvchilarining yakuniy davlat attestatsiyasini oʻtkazish qoʻshma taʼlim dasturlari boʻyicha shartnomada nazarda tutilgan tartibda amalga oshiriladi.

2. Talabalar bilimini nazorat qilish va baholashning asosiy vazifalari quyidagilar hisoblanadi:

talabalarda davlat taʼlim standartlariga muvofiq tegishli bilim, koʻnikma va malakalar shakllanganligi darajasini nazorat qilish va tahlil qilib borish;

talabalar bilimi, koʻnikma va malakalarini baholashning asosiy tamoyillari: davlat taʼlim standartlariga asoslanganlik, aniqlik, haqqoniylik, ishonchlilik, bilimlarni baholashda shaffoflikni taʼminlash;

oʻquv materialining talabalar tomonidan tizimli ravishda va belgilangan muddatlarda oʻzlashtirilishini tashkil etish va tahlil qilish;

talabalarda mustaqil ishlash koʻnikmalarini rivojlantirish, axborot resurslari manbalaridan samarali foydalanishni tashkil etish;

talabalar bilimini xolis va adolatli baholash hamda uning natijalarini oʻz vaqtida maʼlum qilish;

talabalarning oʻquv rejasi doirasida kompleks hamda uzluksiz tayyorgarligini taʼminlash;

oʻquv jarayonining tashkiliy ishlarini kompyuterlashtirishga sharoit yaratish.

3. Kafedra mudiri har bir modul boʻyicha modul rahbarini, yaʼni alohida modulni oʻqitishning sifati, oʻquv materialini shakllantirish, shuningdek barcha turdagi nazorat savollarini tuzish, talabalar bilimini tekshirishda yagona standartlarni taʼminlashga masʼul boʻlgan pedagog xodimni belgilaydi.

Modullar boʻyicha talabalar bilimini semestr davomida baholab borish nazorat jadvallari va baholash mezonlari asosida amalga oshiriladi.

3¹. Modulning oʻquv dasturi mazmunini oʻzlashtirish kreditni — talabalarning oʻquv yuklama hajmini aniqlashning shartli birligini qoʻllagan holda belgilanadi.

Kredit talaba tomonidan tegishli oʻquv ishlarini (modul xususiyati va boʻlajak mutaxassisni shakllantirish uchun oʻquv ishlarining muhimligidan kelib chiqib universitet tomonidan belgilanadigan) bajarishga ketadigan vaqt (soatlar)dan tashkil topadi. Har bir modul mustaqil kredit hisobiga ega boʻladi.

Universitet bir kredit tarkibini, har bir modul boʻyicha kreditlar sonini, shuningdek har bir kursni va umuman oʻqish davrini tamomlash uchun talaba tomonidan toʻplanishi lozim boʻlgan kreditlarning umumiy sonini mustaqil ravishda belgilaydi.

Talaba mazkur Nizomga muvofiq modul oʻquv dasturi mazmunini oʻzlashtirgan (olgan reyting ballidan qatʼi nazar) taqdirda, u tegishli modul boʻyicha kreditlarning zarur sonini toʻplagan deb hisoblanadi.

2-bob. Talabalar bilimini nazorat qilish turlari

4. Talabalarning bilim saviyasi va oʻzlashtirish darajasini davlat taʼlim standartlariga muvofiqligini taʼminlash uchun universitetda joriy, oraliq va yakuniy nazorat turlari oʻtkaziladi.

5. Modulning nazorat jadvallari, nazorat turlari va shakllari, nazoratlar soni hamda joriy, oraliq va yakuniy nazoratlar uchun belgilangan maksimal va saralash ballari toʻgʻrisidagi maʼlumotlar pedagog xodim tomonidan birinchi mashgʻulotda talabalarga eʼlon qilinadi.

Oraliq va yakuniy nazorat jadvallari haqidagi maʼlumotlar Oʻquv-uslubiy boshqarma tomonidan universitet veb-saytiga joylashtiriladi.

3-bob. Joriy nazoratni oʻtkazish

6. Joriy nazorat talabaning modul mavzulari boʻyicha bilimi va amaliy koʻnikma darajasini aniqlash va baholash usuli hisoblanadi. Joriy nazorat talaba tomonidan modul mavzusi mazmunini oʻzlashtirganlik darajasini baholashga qaratiladi, shuningdek oʻquv materialini konstruktiv ravishda sharhlash va tahlil qilish, normativ-huquqiy hujjatlar bilan ishlash amaliy koʻnikmalari, huquqni qoʻllash hujjatlari loyihalarini tuzish, muammoli vaziyatlarni hal etish (keys-stadi), jamoada ishlash, ilmiy prezentatsiyalar tayyorlash va h. k. ni baholashga qaratiladi.

7. Modulning mazmunidan kelib chiqqan holda modulning bir semestrda oʻqitiladigan bir-biriga bogʻliq mavzulari kafedra tomonidan uchtadan koʻp boʻlmagan bloklarga birlashtiriladi va ularni oʻzlashtirish natijasida talabalar modul doirasida kelgusi kasbiy faoliyat uchun zarur boʻlgan mustaqil nazariy bilim va amaliy koʻnikmalar majmuiga ega boʻlishlari shart.

Modulning har bir blok mavzusi doirasida joriy nazorat seminar, amaliy mashgʻulot va laboratoriya mashgʻulotlarida, odatda, quyidagi shakllarda oʻtkaziladi: ogʻzaki soʻrov (mantiqiy muammoli savollarni qoʻllagan holda), ilmiy prezentatsiya (modulning tegishli mavzusi boʻyicha kichik-guruhlar doirasida), muammoli vaziyatlarni hal etish (keys-stadi), jamoada ishlash (“aqliy hujum” interfaol uslubini qoʻllagan holda va h.k.), huquq normalarini sharhlash, huquqni qoʻllash hujjatlari loyihalarini tuzish koʻnikmalarini rivojlantirish mashqlari hamda kafedra tomonidan belgilanadigan boshqa shakllarda oʻtkaziladi. Joriy nazorat shakllari modulning oʻquv dasturida qayd etiladi.

8. Modulning har bir mavzular bloki oʻqitiladigan oxirgi kuni pedagog xodim blokli joriy nazoratni yakunlaydi va ushbu reyting nazorati turi boʻyicha talabalarning ballarini qoʻyadi. Bunda har bir modul mavzulari bloki uchun ajratiladigan maksimal ball, joriy nazorat uchun ajratilgan maksimal reyting balini modul mavzulari bloki soniga boʻlish yoʻli bilan aniqlanadi.

Talabaning oʻquv mashgʻulotlarida faol ishtirok etishi pedagog xodimga talabaning tegishli modul mavzulari bloki doirasida olgan ballarini koʻtarishga yoki unga maksimal ballni qoʻygan holda ushbu blok boʻyicha joriy nazorat topshirishdan ozod qilish huquqini beradi.

9. Joriy nazorat natijalari har bir modul mavzulari bloki boʻyicha alohida ravishda talaba reytingini hisobga olish elektron tizimiga tegishli pedagog xodim tomonidan Oʻquv-uslubiy boshqarma tomonidan belgilanadigan muddat ichida kiritilishi shart. Oʻquv-uslubiy boshqarma boshligʻi bildirgisiga asosan muddatni buzgan pedagog xodimga nisbatan intizomiy javobgarlik choralari qoʻllanilishi mumkin. Modul boʻyicha joriy nazoratning umumiy natijasi pedagog xodim tomonidan imzolanadigan qaydnoma koʻrinishida shakllantiriladi.

Joriy nazorat boʻyicha oʻzining umumiy reyting balini qayta topshirish orqali koʻtarishni xohlagan talaba, yakuniy nazorat boshlanishidan oldin Oʻquv-uslubiy boshqarma boshligʻiga tegishli ariza bilan murojaat qilishi mumkin. Oʻquv-uslubiy boshqarma boshligʻi talabaga qayta topshirish uchun yoʻllanma beradi. Bunday yoʻllanma talabaga har bir modul boʻyicha semestrda bittadan ortiq boʻlmagan miqdorda beriladi.

Qayta topshirish ilgari joriy nazorat boʻyicha reyting ballarini qoʻygan pedagog xodim tomonidan oʻtkaziladi. Qayta topshirish natijasi boʻyicha qoʻyilgan joriy nazorat reyting ballari borasida talaba va pedagog xodim oʻrtasida kelishmovchilik vujudga kelgan hollarda, mazkur ball kafedra mudiri tomonidan qayta koʻrib chiqilishi mumkin. Bunda pedagog xodim yoki kafedra mudiri tomonidan talabaning ilgari qoʻyilgan reyting balini pasaytirishga yoʻl qoʻyilmaydi.

10. Har bir blok boʻyicha joriy nazorat oʻtkazish muddatlari mazkur Nizomning 59-bandiga muvofiq belgilanadi.

Joriy nazorat natijalarining oʻz vaqtida Oʻquv-uslubiy boshqarmaga taqdim etilishi, shuningdek talabalar reytingini hisobga olish elektron tizimida uni toʻliq va toʻgʻri aks ettirish uchun javobgarlik tegishli modulni oʻqitadigan pedagog xodimlar zimmasiga yuklanadi.

4. Talabalarning bilim saviyasi va oʻzlashtirish darajasini davlat taʼlim standartlariga muvofiqligini taʼminlash uchun universitetda oraliq va yakuniy nazorat turlari oʻtkaziladi.

Oʻquv dasturlarida belgilangan hollarda faqat yakuniy nazorat turi oʻtkazilishi mumkin.

5. Modulning nazorat jadvallari, nazorat turlari va shakllari, nazoratlar soni hamda oraliq va yakuniy nazoratlar uchun belgilangan maksimal va saralash ballari toʻgʻrisidagi maʼlumotlar elektron taʼlim platformasiga oʻquv semestri boshlanishidan oldin kiritiladi hamda pedagog xodim tomonidan birinchi mashgʻulotda talabalarga eʼlon qilinadi.

Yakuniy nazorat jadvallari fakultet dekanatlari tomonidan ishlab chiqiladi va Oʻquv-uslubiy boshqarma tomonidan umumlashtirilgan holda universitet veb-saytiga hamda elektron taʼlim platformasiga joylashtiriladi.

4-bob. Oraliq nazoratni oʻtkazish

11. Oraliq nazorat semestr davomida modul oʻquv dasturining tegishli (modulning bir necha mavzularini oʻz ichiga olgan) boʻlimi tugagandan keyin talabaning bilim va amaliy koʻnikma darajasini aniqlash va baholash usuli hisoblanadi. Oraliq nazorat talaba tomonidan modul oʻquv dasturining tegishli boʻlimlari mazmunini oʻzlashtirish darajasi, talabaning yuridik adabiyotlar, normativ-huquqiy hujjatlar bilan ishlash amaliy koʻnikmalari, huquqni qoʻllash hujjatlari loyihalarini tuzish, muammoli vaziyatlarni hal etish (keys-stadi), tizimli tahlil, mantiqiy fikrlash, mustaqil tadqiqot olib borish, oʻz fikrlarini izchil va aniq bayon qilish qobiliyatini baholashga qaratilgan.

12. Agar universitet Oʻquv-uslubiy kengashi qarorida boshqacha tartib nazarda tutilmagan boʻlsa, barcha modullar boʻyicha oraliq nazorat talaba tomonidan oʻquv xonasida (yozma imtihon) yoki oʻquv xonasidan tashqarida tayyorlanadigan yozma ish shaklida semestr davomida bir marotaba oʻtkaziladi. Oraliq nazoratining aniq shakli universitetning Oʻquv-uslubiy kengashi qarori bilan belgilanadi.

Yozma ish talaba tomonidan tegishli semestr davomida mazkur Nizomning 59-bandida belgilangan muddatlarda topshiriladi.

13. Modul boʻyicha oraliq nazorat savollari tegishli kafedra tomonidan tuziladi. Savollar soni Oʻquv-uslubiy boshqarma tomonidan belgilanadi.

Savollar:

talabalarning oʻtgan oʻquv yillarida tayyorlangan yozma ishlardan foydalanish imkoniyatini istisno qilish uchun zaruratga koʻra yangilanishi;

aniq, normativ-huquqiy hujjatlar normalariga asoslangan va amaliyot bilan bevosita bogʻliq boʻlishi;

mazmuni modul oʻquv dasturiga muvofiq boʻlishi;

oʻz ichiga oʻquv dasturining tegishli boʻlimlarini toʻliq qamrab oluvchi materiallarni mujassam qilgan boʻlishi;

talabalarning modulni oʻzlashtirish darajasini, tahlil qilish koʻnikmalarini, mustaqil fikrlash va kelajakdagi kasbiy faoliyatlarida mustaqil qarorlar qabul qilish qobiliyatlarini aniqlashga qaratilgan boʻlishi lozim.

14. Kafedra mudiri semestr boshlanishidan oldin oraliq nazorat savollarining sifatli tayyorlanishi va oʻz vaqtida Oʻquv-uslubiy boshqarmaga taqdim qilinishini taʼminlaydi. Har bir modul boʻyicha oraliq nazorat savollari ekspertizadan oʻtkazilishi shart. Savollar ekspertizasi Oʻquv-uslubiy boshqarma tomonidan semestr boshlangan kundan boshlab ikki hafta ichida tashkil qilinadi. Ekspertlar oʻquv ishlari boʻyicha prorektor taqdimnomasiga binoan rektor buyrugʻi asosida tayinlanadi. Savollar ekspertizasi mazkur Nizomning 1-ilovasida berilgan shaklni toʻldirish yoʻli bilan amalga oshiriladi.

Zarur hollarda Oʻquv-uslubiy boshqarma oraliq nazorat savollarining amaliyot bilan oʻzaro bogʻlanganlik darajasini aniqlash maqsadida sud, huquqni muhofaza qiluvchi organlar va boshqa idoralar ekspertlaridan tegishli xulosa olish yoʻli bilan tashqi ekspertizani tashkil qilishi mumkin.

Ekspertiza natijalari pedagog xodim — savollarni tuzuvchi tomonidan oʻrganib chiqilishi va zarurat boʻlganda savollar mazmunida va savollar uchun yoʻriqnomalarda ifodalanishi lozim. Oraliq nazorat savollari talabalarga faqat ekspertizadan oʻtkazilgandan soʻng taqdim qilinishi mumkin.

15. Talaba oraliq nazorat yozma ishlarini topshirish sanasidan kamida ikki hafta oldin Oʻquv-uslubiy boshqarma tomonidan taqdim etilgan savollar ichidan yozma ish tayyorlash uchun savollarni mustaqil tanlash huquqiga ega. Talaba yozma ishni tayyorlashga va nazorat jadvalida belgilangan sanalarga qatʼiy rioya qilgan Oʻquv-uslubiy boshqarmaga topshirishga masʼul hisoblanadi. Topshirilgan yozma ishni almashtirish yoki qoʻshimcha yozma ish topshirish taqiqlanadi. Topshirilgan yozma ish talabaga qaytarilmaydi.

16. Bakalavriat talabasining oraliq yozma ishining hajmi:

1-kursda — kamida 1000 soʻzdan;

2-kursda — kamida 1500 soʻzdan;

3-kursda — kamida 2000 soʻzdan;

4-kursda — kamida 2500 soʻzdan iborat boʻlishi shart.

Magistratura talabasining oraliq nazorat ishi hajmi kamida 3000 soʻzdan iborat boʻlishi shart.

Oraliq yozma ishining hajmi ushbu bandda belgilangan talablarga muvofiq boʻlmagan holda mazkur ish uchun reyting balli kamaytirilishi mumkin.

17. Oraliq nazorat yozma ishi talaba tomonidan kompyuterda Microsoft Word dasturini qoʻllagan holda, “Times New Roman” 14 shriftda, 1,5 qatorlararo intervalda tayyorlanishi va A4 formatdagi oq qogʻozda printerdan chiqarilgan boʻlishi kerak. Sahifa oʻlchami: sahifa moʻljali kitob shaklida, yuqori va pastki maydoni — 2 sm, oʻng taraf — 1,5 sm, chap taraf — 3 sm ni tashkil etishi kerak. Yozma ish titul varagʻi mazkur Nizomning 2-ilovasida keltirilgan shaklga muvofiq rasmiylashtiriladi.

Talaba belgilangan muddatlarda oʻz oraliq nazorat yozma ishini Oʻquv-uslubiy boshqarmada joylashgan ishlarni qabul qilish qutisiga tashlashi lozim.

Oʻquv-uslubiy boshqarmaning masʼul xodimi tegishli modul boʻyicha oraliq nazorat yozma ishlarini topshirish kuni soat 17-00da talabalarning ishlari saqlanayotgan qutini ochadi, ishlar sonini sanaydi va qabul qilingan yozma ishlar boʻyicha dalolatnoma tuzadi. Titul varagʻining qirqish chizigʻiga boshqarmaning shtampi bosiladi.

Oʻquv-uslubiy boshqarma shtampisiz yozma ishlar kafedralar tomonidan tekshirilmaydi va baholanmaydi.

18. Oraliq nazorat yozma ishi talaba tomonidan mustaqil ravishda tayyorlanishi shart. Mualliflikni oʻzlashtirish (plagiat)ga yoʻl qoʻyilmaydi. Yozma ishda qogʻoz yoki elektron koʻrinishda nashr qilingan oʻzga matndan olingan manbaaga hech qanday havola qilmagan holda ishlatish yoki olingan manbaaga havola qilingan boʻlsada, lekin oʻzlashtirishlarning hajmi va xarakteri talabaning yozma ishni yoki uning asosiy qismini mustaqil yozilganligiga shubha uygʻotadigan darajada oʻzlashtirilgan boʻlsa plagiat deb topiladi.

12. Oraliq nazoratni oʻtkazish tartibi (oraliq nazoratni oʻtkazish shakli va muddati, oraliq nazorat savollariga qoʻyiladigan talablar, baholash mezonlari) oʻquv fanining xususiyatlari va unga ajratilgan soatlardan kelib chiqqan holda tegishli kafedra taklifi asosida fakultet dekanati bilan kelishilgan holda oʻquv yili boshlanishidan kamida ikki hafta avval oʻquv dasturlarida belgilanadi va universitet Kengashi tomonidan tasdiqlanadi.

Oraliq nazorat har bir oʻquv fanining xususiyatlaridan kelib chiqqan holda semestr davomida kamida bir marotaba oʻtkaziladi.

Oraliq nazorat ogʻzaki yoki yozma ish (individual yoki jamoaviy ish, prezentatsiya, tahliliy maʼlumot tayyorlash) shaklida oʻtkaziladi.

Oraliq nazorat ogʻzaki shaklda oʻtkazilganida, ushbu jarayon videoyozuvda qayd qilinadi.

Oraliq nazorat dars mashgʻulotlarini oʻtkazgan pedagog xodim yoki kafedra mudiri tomonidan uch nafar kafedra aʼzolaridan iborat tarkibda tuziladigan komissiya tomonidan baholanadi.

Oraliq nazorat uchun har bir modul boʻyicha jami ballning (baho foizining) 40 foizigacha ajratilishiga ruxsat etiladi.

18. Oraliq nazorat yozma ish shaklida oʻtkazilganida, u talaba tomonidan mustaqil ravishda tayyorlanishi va akademik halollik talablariga rioya etilishi shart. Akademik halollik talablarini buzilishiga, shu jumladan mualliflikni oʻzlashtirishga (plagiat) yoʻl qoʻyilmaydi. Yozma ishda qogʻoz yoki elektron koʻrinishda nashr qilingan oʻzga matndan olingan manbaaga hech qanday havola qilmagan holda ishlatish yoki olingan manbaaga havola qilingan boʻlsada, lekin oʻzlashtirishlarning hajmi va xarakteri talabaning yozma ishni yoki uning asosiy qismini mustaqil yozilganligiga shubha uygʻotadigan darajada oʻzlashtirilgan boʻlsa plagiat deb topiladi.

Plagiat ikki xil koʻrinishda boʻlishi mumkin:

oʻzga matnni soʻzma-soʻz bayon qilish;

parafraza — oʻzlashtirilgan oʻzga matnning mazmunini oʻzgartirmasdan soʻz va iboralarni almashtirib bayon qilish.

Oraliq nazorat yozma ish matnidagi oʻzganing mualliflik ishidan olingan har qanday matnda muallif, ishning nomi va ishning boshqa rekvizitlarini koʻrsatgan holda havolalar keltirilishi shart. Oraliq nazorat yozma ishini tekshirishda mualliflikni oʻzlashtirish (plagiat) holatlari aniqlanishi, shuningdek ikki yoki undan ortiq yozma ishning mustaqil yozilganligiga shubha uygʻotadigan darajada oʻxshash boʻlishi ushbu barcha yozma ishlarga nol ball qoʻyish yoki oldin qoʻyilgan oraliq nazorat reyting ballini bekor qilishga asos boʻladi.

18¹. Yozma imtihon shaklidagi oraliq nazoratini oʻtkazishda imtihon savollari, qoida tariqasida, vaziyatli masalalarni oʻz ichiga oladi va talabalarga oldindan taqdim etilmaydi. Bunda imtihon vaqtida ularga adabiyotlar va normativ-huquqiy hujjatlardan foydalanishga imkoniyat beriladi.

Yozma imtihon, agar mazkur bobda boshqacha holat nazarda tutilmagan boʻlsa, mazkur Nizomning 5-bobida koʻrsatilgan tartibga muvofiq oʻtkaziladi.

19. Oraliq nazorat yozma ishlarini tekshirish ushbu Nizomning 6-bobiga muvofiq amalga oshiriladi.

19¹. I va II guruh nogironi boʻlgan talabaning mazkur Nizomda nazarda tutilgan oraliq nazorat ishlarini yozma shaklda bajarish qobiliyati mavjud boʻlmaganda u oraliq nazorat davri boshlangunga qadar oʻquv ishlari boʻyicha prorektorga murojaat qiladi. Bunda talaba haqiqatdan ham sogʻligʻining holati yozish qobiliyatini istisno qilishini tasdiqlovchi tibbiy maʼlumotnoma yoki tibbiy-mehnat ekspert komissiyasining xulosasini taqdim etishi lozim. Ushbu talaba oraliq nazoratni ogʻzaki imtihon shaklida komissiyaga topshiradi.

Sogʻligʻining holati yozish qobiliyatini istisno qiladigan talabalardan ogʻzaki imtihonlarni qabul qiluvchi komissiya rektor buyrugʻi bilan tuziladi. Komissiya tarkibi har oʻquv yili uchun bir marotaba tasdiqlanadi. Komissiya uning aʼzolarining kamida uchdan ikki qismi ishtirok etganda vakolatli hisoblanadi. Komissiyaning qarori oddiy koʻpchilik ovoz bilan qabul qilinadi va majlisda ishtirok etgan barcha aʼzolar tomonidan tasdiqlanadigan bayonnoma bilan rasmiylashtiriladi.

Sogʻligʻining holati yozish qobiliyatini istisno qiladigan talabalar tomonidan oraliq nazoratni qayta topshirish mazkur Nizomning 8-bobiga muvofiq ogʻzaki imtihon shaklida amalga oshiriladi.

19. Oraliq nazorat ballari yakuniy nazorat boshlanishidan kamida ikki hafta oldin pedagog xodim tomonidan elektron taʼlim platformasi tizimiga kiritilishi zarur.

19¹. I yoki II guruh nogironligi boʻlgan talabaning mazkur Nizomda nazarda tutilgan oraliq nazorat ishlarini yozma shaklda bajarish imkoniyati mavjud boʻlmaganda, u oraliq nazoratni ogʻzaki imtihon shaklida tegishli modul oʻqituvchisiga yoki kafedra mudiri 3 nafar kafedra aʼzolaridan iborat tarkibda tuzgan komissiyaga topshiradi.

5-bob. Yakuniy nazorat oʻtkazish

20. Yakuniy nazorat muayyan modul boʻyicha nazariy bilim va amaliy koʻnikmalarning talabalar tomonidan oʻzlashtirish darajasini baholash usuli hisoblanadi. Yakuniy nazorat talabaning modul oʻquv dasturining mazmunini oʻzlashtirganlik darajasi, uning mantiqiy fikrlashi, normativ-huquqiy hujjatlar bilan ishlash amaliy koʻnikmalari, huquqni qoʻllash hujjatlari loyihalarini tuzish, muammoli vaziyatlarni (keys-stadi) hal etish, tizimli, tanqidiy tahlil qila olishi, oʻz fikrlarini izchil va aniq bayon qilish qobiliyatlarini baholashga qaratilgan.

21. Mutaxassislik kafedralarining modullari boʻyicha yakuniy nazorat semestr yakunida bir marotaba yozma imtihon shaklida oʻtkaziladi. Umumtaʼlim kafedralarining modullari boʻyicha yakuniy nazorat universitetning Oʻquv-uslubiy kengashi tomonidan belgilangan shaklda oʻtkaziladi.

22. Yozma imtihon savollari, qoida tariqasida, mantiqiy savollar va muammoli vaziyatlarni oʻz ichiga oladi. Modullar boʻyicha yakuniy nazorat savollarining mazmuni kafedralar tomonidan belgilanadi.

Yozma imtihon savollari boʻyicha ballar miqdori universitet Oʻquv-uslubiy kengashi qarori bilan taqsimlanadi.

23. Yakuniy nazorat savollariga ushbu Nizomning 24-bandi talablarini inobatga olgan holda mazkur Nizomning 13 va 14-bandlarida koʻrsatilgan talablar qoʻyiladi.

24. Kafedra mudiri oʻquv semestrining toʻrtinchi haftasi boshlanishidan kechikmagan holda yakuniy nazorat savollarini Oʻquv-uslubiy boshqarmaga taqdim qilinishini taʼminlashi shart.

Oʻquv-uslubiy boshqarma yakuniy nazorat savollarini olgan kundan boshlab ikki hafta davomida ularning ekspertizasini tashkil qiladi. Ekspertizadan oʻtkazilgan yakuniy nazorat savollari tegishli modullar boʻyicha yakuniy nazorat savollari yagona bazasiga qoʻshiladi. Yakuniy nazorat savollari yagona bazasi har yili taqdim qilinadigan yakuniy nazorat savollari hisobiga kengayib boradi. Universitet yakuniy nazorat savollari yagona bazasidan talabalar va pedagog xodimlarning foydalanishiga imkoniyat yaratilishini taʼminlaydi.

25. Oʻquv-uslubiy boshqarma yakuniy nazorat savollari yagona bazasida mavjud savollar asosida imtihon biletlarini tuzadi va zarur hollarda bunga tegishli kafedra mudirini jalb etadi.

Oʻquv-uslubiy boshqarma xodimlari, shuningdek yakuniy nazorat uchun imtihon biletlarini tuzishga jalb qilingan kafedra mudirlari imtihon biletlari mazmunini oshkor qilmaslikka majburdir. Ushbu talab buzilgan hollarda aybdor shaxslar javobgarlikka tortiladi.

26. Yakuniy nazorat oʻquv ishlari boʻyicha prorektor tomonidan tasdiqlanadigan, kafedralarning pedagog xodimlari orasidan tayinlanadigan auditoriya rahbari va kuzatuvchilar tomonidan oʻtkaziladi. Yakuniy nazoratni oʻtkazishda rektor tomonidan tayinlangan universitetning boshqa xodimlari ham qatnashishi mumkin.

27. Yakuniy nazorat olib borish jarayoni, qoida tariqasida, videoyozuvda qayd qilinadi. Oʻquv-uslubiy boshqarma xodimlari videokuzatuv vositasida yakuniy nazorat oʻtkazish jarayonini kuzatish huquqiga ega.

21. Mutaxassislik oʻquv fanlarining modullari boʻyicha yakuniy nazorat semestr yakunida universitetning maxsus jihozlangan auditoriyalarida elektron taʼlim platformasi orqali kompyuterda topshiriladi.

Nomutaxassislik oʻquv fanlari boʻyicha yakuniy nazorat universitetning Oʻquv-uslubiy kengashi tomonidan belgilangan shaklda oʻtkazilishi mumkin.

22. Yakuniy nazorat savollari, qoida tariqasida, mantiqiy savollar va muammoli vaziyatlarni yoki faqat muammoli vaziyatni (kazus, keys-stadini) oʻz ichiga oladi. Shuningdek yakuniy nazorat test shaklida oʻtkazilishi mumkin. Modullar boʻyicha yakuniy nazorat savollarining mazmuni kafedralar tomonidan belgilanadi.

Yakuniy nazorat savollari boʻyicha ballar miqdori (baho foizi) kafedra tavsiyasiga asosan universitet Oʻquv-uslubiy kengashi qarori bilan taqsimlanadi.

23. Yakuniy nazorat savollari tegishli kafedra tomonidan tuziladi. Savollar soni kafedra tavsiyasiga asosan Oʻquv-uslubiy boshqarma tomonidan belgilanadi.

Savollar:

talabalarning oʻtgan oʻquv yillarida tayyorlangan yozma ishlardan foydalanish imkoniyatini istisno qilish uchun zaruratga koʻra yangilanishi;

aniq, normativ-huquqiy hujjatlar koʻrsatmalariga asoslangan va amaliyot bilan bevosita bogʻliq boʻlishi;

mazmuni modul oʻquv dasturiga muvofiq boʻlishi;

oʻz ichiga oʻquv dasturining tegishli boʻlimlarini toʻliq qamrab oluvchi materiallarni mujassam qilgan boʻlishi;

24. Kafedra mudiri oʻquv semestrining toʻrtinchi haftasi boshlanishidan kechikmagan holda yakuniy nazorat savollarini fakultet dekanatiga taqdim qilinishini taʼminlashi shart. Fakultet dekanati savollarni oʻquv dasturida belgilangan talablarga muvofiqligini tekshirgan holda yetti ish kuni ichida Oʻquv-uslubiy boshqarmaga taqdim qiladi.

Oʻquv-uslubiy boshqarma Taʼlim sifatini nazorat qilish boʻlimi bilan birgalikda yakuniy nazorat savollarini olgan kundan boshlab ikki hafta davomida ularning oʻquv dasturiga mos yoki mos emasligi nuqtai nazaridan ekspertizadan oʻtkazadi. Ekspertizadan oʻtkazilgan yakuniy nazorat savollari Oʻquv-uslubiy boshqarma tomonidan tegishli modullar boʻyicha yakuniy nazorat savollari yagona bazasiga kiritiladi. Yakuniy nazorat savollari yagona bazasi har yili taqdim qilinadigan yakuniy nazorat savollari hisobiga kengayib boradi. Universitet yakuniy nazorat savollari yagona bazasidan talabalar va pedagog xodimlarning foydalanishiga imkoniyat yaratilishini taʼminlaydi.

25. Yakuniy nazorat savollari yagona bazasida mavjud savollar asosida elektron taʼlim platformasida avtomatik ravishda yakuniy nazorat savollari shakllantiriladi.

26. Yakuniy nazorat fakultet dekanlari tavsiyasiga koʻra oʻquv ishlari boʻyicha prorektor tomonidan tasdiqlanadigan, kafedralarning pedagog xodimlari orasidan tayinlanadigan auditoriya rahbari va kuzatuvchilar tomonidan oʻtkaziladi. Yakuniy nazoratni oʻtkazishda rektor tomonidan tayinlangan universitetning boshqa xodimlari ham qatnashadi.

27. Yakuniy nazorat olib borish jarayoni, qoida tariqasida, videoyozuvda qayd qilinadi. Oʻquv-uslubiy boshqarma va Taʼlim sifatini nazorat qilish boʻlimi xodimlari videokuzatuv vositasi orqali yakuniy nazorat oʻtkazish jarayonini kuzatadi.

Auditoriya rahbarlari va kuzatuvchilarning tasdiqlangan roʻyxati universitet tarkibiy tuzilmalari eʼtiboriga yetkaziladi.

Yakuniy nazoratga auditoriya rahbari yoki kuzatuvchisining uzrli sababsiz kelmasligi (yoki kechikib kelishi) ularga nisbatan intizomiy choralarni qoʻllashga asos boʻladi. Kelmagan auditoriya rahbari va (yoki) kuzatuvchini almashtirish majburiyati tegishli kafedra mudiri zimmasiga yuklatiladi.

28. Talabalar yakuniy nazorat oʻtkazilayotgan auditoriyaga faqat talabalik guvohnomasi yoki shaxsini tasdiqlovchi boshqa hujjatni taqdim etganlaridan soʻng kiritiladi.

29. Imtihon jadvalida belgilangan yozma imtihon vaqti rasman boshlangandan soʻng kelgan talabalar unda ishtirok etishga qoʻyilmaydi. Talabalarning yozma imtihonda ishtirok etganligi holati mazkur Nizomning 4-ilovasida keltirilgan shaklga asosan rasmiylashtiriladi.

Kechikib kelishning sababi uzrli deb topilganda, talaba auditoriya rahbarining roziligi bilan kiritilishi mumkin. Ushbu holatda talaba auditoriyada boʻlgan boshqa talabalar bilan bir qatorda yozma imtihonni yakunlashi shart.

30. Yozma imtihon oʻtkazilayotgan auditoriyaga auditoriya rahbari va kuzatuvchilardan boshqa shaxslarning kirishi qatʼiyan taqiqlanadi. Yozma imtihon oʻtkazish jarayoni rektor, oʻquv ishlari boʻyicha prorektor hamda Oʻquv-uslubiy boshqarma boshligʻi va uning oʻrinbosari, shuningdek dekanlar tomonidan nazorat qilib turilishi mumkin.

Imtihon oʻtkazilayotgan modul boʻyicha kafedra mudiri yozma imtihonning borishi, xususan, tegishli auditoriya rahbari va kuzatuvchilarning oʻz majburiyatlarini bajarishi ustidan nazoratni amalga oshiradi.

31. Auditoriya rahbari va kuzatuvchilar yozma imtihon oʻtkazishda quyidagilarga majbur:

talabalarni yakuniy nazorat boshlanishidan avval uni oʻtkazish tartibi va davom etish vaqti haqida xabardor qilish;

talabalarning mobil telefonlarini oʻchirishlari va topshirishlarini taʼminlash;

talabalarga yakuniy nazorat davomida foydalanish taqiqlangan barcha predmetlarni kuzatuvchilarga oʻz ixtiyorlari bilan topshirishlarini taklif etish;

talabalarni auditoriyada bir-birlaridan koʻchirishlari uchun imkon boʻlmaydigan holda joylashtirish;

yakuniy nazorat oʻtkazilayotgan toʻliq vaqt davomida tartibga lozim darajada rioya qilinishini taʼminlash;

zarur boʻlganda talabalarga qayd etilgan noaniqliklar, texnik xatolar yoki topshiriqni bajarishga qoʻyiladigan maxsus talablar haqida maʼlumot berish;

yakuniy nazorat oʻtkazish qoidalarini buzgan talabalarni tegishli dalolatnoma tuzgan holda imtihondan chetlashtirish.

29. Imtihon jadvalida belgilangan yakuniy nazorat vaqti boshlangandan soʻng kelgan talabalar unda ishtirok etishga qoʻyilmaydi.

30. Yakuniy nazorat oʻtkazilayotgan auditoriyaga auditoriya rahbari va kuzatuvchilardan boshqa shaxslarning kirishi qatʼiyan taqiqlanadi. Yakuniy nazorat oʻtkazish jarayoni rektor, oʻquv ishlari boʻyicha prorektor hamda Oʻquv-uslubiy boshqarma boshligʻi va uning oʻrinbosari, Taʼlim sifatini nazorat qilish boʻlimi boshligʻi, shuningdek dekanlar tomonidan nazorat qilib turilishi mumkin.

31. Auditoriya rahbari va kuzatuvchilar yakuniy nazorat oʻtkazishda quyidagilarga majbur:

talabalarni yakuniy nazorat boshlanishidan avval uni oʻtkazish tartibi va davom etish vaqti haqida xabardor qilish;

talabalarning mobil telefonlarini oʻchirishlari va topshirishlarini taʼminlash;

talabalarga yakuniy nazorat davomida foydalanish taqiqlangan barcha predmetlarni kuzatuvchilarga oʻz ixtiyorlari bilan topshirishlarini taklif etish;

talabalarni auditoriyada bir-birlaridan koʻchirishlari uchun imkon boʻlmaydigan holda joylashtirish;

yakuniy nazorat oʻtkazilayotgan toʻliq vaqt davomida tartibga lozim darajada rioya qilinishini taʼminlash;

zarur boʻlganda talabalarga qayd etilgan noaniqliklar, texnik xatolar yoki topshiriqni bajarishga qoʻyiladigan maxsus talablar haqida maʼlumot berish;

yakuniy nazorat oʻtkazish qoidalarini buzgan talabalarni tegishli dalolatnoma tuzgan holda imtihondan chetlashtirish.

32. Yozma imtihon, qoida tariqasida, 2 soat (120 daqiqa) mobaynida oʻtkaziladi. Imtihon vaqti auditoriya rahbari tomonidan yoʻl-yoʻriq berilgan vaqtdan boshlanadi. Yakuniy nazoratni boshlash va tugatish vaqti auditoriya rahbari tomonidan auditoriya doskasida aks ettirilishi zarur.

33. Imtihon biletlari yozma imtihon oʻtkazilayotgan auditoriyaga Oʻquv-uslubiy boshqarmaning masʼul xodimi tomonidan Oʻquv-uslubiy boshqarmaning shtampi bilan tasdiqlangan javob varaqalari bilan birga yetkaziladi. Auditoriya rahbari imtihon biletlari va javob varaqalarini qayta sanab olishi va talabalarga tarqatishi shart.

Imtihon oʻtkazish vaqtida talabalarning imtihon biletlaridagi savollarning mazmuni toʻgʻrisidagi murojaatlari koʻrib chiqilmaydi.

34. Yakuniy nazorat yozma ishi talaba tomonidan mustaqil ravishda yozilishi shart.

Talaba uchun yozma ishni boshqa shaxs yozib berish holati aniqlanganda, shuningdek tekshirish vaqtida ikki yoki undan ortiq (ish mazmunining 2/3 dan ortigʻi) oʻxshash yozma ishlar talabaning koʻchirganligi holatiga asos boʻladi va talabalarga nol ball qoʻyiladi.

Shifrlangan ishni baholashning obyektivligiga taʼsir koʻrsatuvchi holatlar aniqlanganda, shu jumladan soʻzning ustiga yoki tagiga chizish yoxud atrofini chizib qoʻyish, ishda tekshiruvchi shaxs nomiga murojaatning mavjud boʻlishi, javoblar varagʻining turli qismlariga (shu jumladan, ochiq qoldirilgan joylariga) grafik belgilar qoʻyish, ish matnida talabaning familiyasi, ismi, otasining ismini koʻrsatish, ishni boshqa shaxsning dastxati bilan yozish holatlari mavjud boʻlganda, ish uchun nol reyting balli qoʻyilishi mumkin.

Yozma imtihonga talaba oʻrniga boshqa shaxs kirgan holatlar aniqlanganda, talabaga nol reyting balli qoʻyilib qoidabuzarlar auditoriyadan chiqarib yuboriladi.

35. Talabalarning oʻzlari mustaqil ravishda yozma imtihon topshirish uchun koʻk rangli sharikli ruchka bilan kelishlari shart. Yozma imtihon oʻtkazish jarayonida talabalarning auditoriyadan chiqishi, bir-biri bilan gaplashishi, boshqa talabalarga oʻz imtihon varaqalarini yoki imtihon biletlarini berishi, oʻzi bilan darsliklar, oʻquv-uslubiy qoʻllanmalar, lugʻatlar, maʼlumotnomalar va boshqa adabiyotlar normativ-huquqiy hujjatlar, konspektlar, elektron va qogʻoz shaklidagi shpargalkalar, kalkulyatorlar, aloqa vositalari (shu jumladan uyali aloqa vositasi), audio-, foto- va video-yozuv qurilmalari va h. k. larni olib kirishi va ulardan foydalanishi taqiqlanadi. Shaxsiy buyumlar auditoriyadagi alohida stolga qoʻyilishi kerak;

Modulning xususiyatidan kelib chiqib, tegishli kafedra tomonidan yakuniy nazorat oʻtkazishda kalkulyatordan foydalanishga nisbatan istisnolar belgilanishi mumkin.

Ushbu Nizom 34-bandining toʻrtinchi xatboshisi va mazkur bandning birinchi xatboshisida koʻrsatilgan talablarni buzgan talabalar auditoriyadan chetlashtiriladi va mazkur Nizomning 5-ilovasida keltirilgan shaklga asosan dalolatnoma tuziladi hamda talabalarning yakuniy nazorat ishi bekor qilinib, unga nol reyting balli qoʻyiladi.

36. Yozma imtihon uchun ajratilgan vaqt tugaganidan soʻng, talaba oʻz imtihon bileti va javob varaqasini auditoriya rahbariga topshirishga majburdir. Yozma imtihon mobaynida yozilgan yozma ish javob varaqlari soni auditoriya rahbari tomonidan qayta sanaladi va imtihonda qatnashgan talabalar roʻyxati hamda auditoriyadan chetlashtirish toʻgʻrisidagi dalolatnomalar bilan birgalikda Oʻquv-uslubiy boshqarmaning masʼul xodimiga imzo qoʻydirib topshiriladi.

33. Talaba yakuniy nazorat oʻtkaziladigan auditoriyada oʻzi uchun ajratilgan kompyuterga familiyasi, ismi, sharifi, kursi, guruhi va boshqa tegishli maʼlumotlarni kiritadi.

Tegishli maʼlumotlar kiritilganidan keyin kompyuter monitorida yakuniy nazorat savollari chiqadi.

Imtihon oʻtkazish vaqtida talabalarning yakuniy nazorat savollarining mazmuni toʻgʻrisidagi murojaatlari koʻrib chiqilmaydi.

34. Yakuniy nazorat talaba tomonidan mustaqil ravishda bajarilishi shart.

Ishni tekshirish vaqtida ikki yoki undan ortiq (ish mazmunining 2/3 dan ortigʻi) oʻxshash ishlar talabaning koʻchirganligi holatiga asos boʻladi va talabalarga nol reyting ball qoʻyiladi.

Shifrlangan ishni baholashning obyektivligiga taʼsir koʻrsatuvchi holatlar aniqlanganda, shu jumladan soʻzning ustiga yoki tagiga chizish yoxud atrofini chizib qoʻyish, ishda tekshiruvchi shaxs nomiga murojaatning mavjud boʻlishi, matnning turli qismlariga (shu jumladan, ochiq qoldirilgan joylariga) grafik belgilar qoʻyish, ish matnida talabaning familiyasi, ismi, otasining ismini koʻrsatish holatlari mavjud boʻlganda, ish uchun nol reyting balli qoʻyiladi.

Yakuniy nazoratga talaba oʻrniga boshqa shaxs kirgan holatlar aniqlanganda, talabaga nol reyting balli qoʻyilib qoidabuzarlar auditoriyadan chiqarib yuboriladi.

37. Yozma ishlar tekshirilishi ushbu Nizomning 6-bobiga muvofiq amalga oshiriladi.

37¹. I va II guruh nogironi boʻlgan talabaning yakuniy nazorat ishlarini yozma shaklda bajarish qobiliyati mavjud boʻlmaganda yakuniy nazorat mazkur Nizomning 19¹-bandida belgilangan tartibda oʻtkaziladi.

37¹. I yoki II guruh nogironligi boʻlgan talabaning mazkur Nizomda nazarda tutilgan yakuniy nazorat ishlarini kompyuterda bajarish imkoniyati mavjud boʻlmaganda u yakuniy nazorat davri boshlanishidan kamida ikki hafta oldin oʻquv ishlari boʻyicha prorektorga murojaat qiladi. Bunda talaba haqiqatdan ham sogʻligʻining holati yozish imkoniyatini istisno qilishini tasdiqlovchi tibbiy maʼlumotnoma yoki tibbiy-mehnat ekspert komissiyasining xulosasini taqdim etishi lozim. Ushbu talaba yakuniy nazoratni ogʻzaki imtihon shaklida komissiyaga topshiradi.

Sogʻligʻining holati kompyuterda ishlash imkoniyatini istisno qiladigan talabalardan ogʻzaki imtihonlarni qabul qiluvchi universitetning professor-oʻqituvchilar tarkibidan iborat komissiya rektor buyrugʻi bilan tuziladi. Komissiya tarkibi har oʻquv yili uchun bir marotaba tasdiqlanadi. Komissiya uning aʼzolarining kamida uchdan ikki qismi ishtirok etganda vakolatli hisoblanadi. Komissiya tomonidan qoʻyilgan baho bayonnoma bilan rasmiylashtiriladi.

6-bob. Nazoratning obyektivligini taʼminlash

38. Oraliq va yakuniy nazorat oʻtkazishda baholarning xolisligini taʼminlash maqsadida talabalar toʻgʻrisidagi maʼlumotlar ularning yozma ishlariga Oʻquv-uslubiy boshqarma tomonidan identifikatsiya kodlari berish yoʻli bilan shifrlanadi.

39. Oraliq va yakuniy nazorat yozma ishlari (bundan buyon matnda yozma ishlar deb yuritiladi) Oʻquv-uslubiy boshqarmaga topshirilgan kundan boshlab besh kun ichida Oʻquv-uslubiy boshqarma tomonidan shifrlanadi.

40. Shifrlash ishlari tugagandan keyingi kundan kechiktirmagan holda Oʻquv-uslubiy boshqarmaning masʼul xodimi mazkur Nizomning 6-ilovasida keltirilgan shaklga asosan qabul qilish-topshirish dalolatnomasini tuzadi va shifrlangan yozma ishlarni tekshirishga masʼul pedagog xodimlarga topshiradi.

Yozma ishlarni tekshirishga masʼul boʻlgan pedagog xodimlar oʻquv ishlari boʻyicha prorektor taqdimiga binoan rektor tomonidan tayinlanadi.

Yakuniy nazorat yozma ishlarini tekshirish pedagog xodimlar tomonidan universitet binosining ichki qismida maxsus ajratilgan hududda amalga oshiriladi. Yozma ishni maxsus ajratilgan hudud tashqarisiga olib chiqish taqiqlanadi. Maxsus ajratilgan hududda yozma ishlarni tekshirish jarayonida pedagog xodimlar faoliyatini texnik jihatdan taʼminlash maqsadida Oʻquv-uslubiy boshqarma xodimi ishtirok etishi shart. Maxsus ajratilgan hudud ichkarisiga rektor, oʻquv ishlari boʻyicha prorektor, tegishli kafedra mudiri hamda Oʻquv-uslubiy boshqarma boshligʻidan tashqari uchinchi shaxslarning kirishi man qilinadi.

Tekshirish yakunlangan kuni yozma ishlar mazkur Nizomning 6-ilovasida keltirilgan shaklga muvofiq qabul qilish-topshirish dalolatnomasi asosida Oʻquv-uslubiy boshqarmaga qaytariladi. Tekshirish natijalari talabalar reytingini aniqlash elektron tizimiga kiritilishi, shuningdek tekshirishni amalga oshirgan pedagog xodim tomonidan tasdiqlangan, topshirish reyting qaydnomasi shaklida rasmiylashtirilgan boʻlishi shart.

Oʻquv-uslubiy boshqarmadan yozma ishlarni tekshirish uchun olgan vaqtdan boshlab, ularni qaytarish vaqtigacha (qabul qilish-topshirish dalolatnomasini imzolash) ishlarni tekshirish uchun masʼul boʻlgan pedagog xodimlar yozma ishlar saqlanishiga toʻliq javobgar hisoblanadi. Tekshirilgan yozma ishlar Oʻquv-uslubiy boshqarmaga qabul qilish-topshirish dalolatnomasida koʻrsatilgan muddatdan kechikmagan holda qaytarilishi shart.

Yozma ishlarni tekshirish muddatlari Oʻquv-uslubiy boshqarma tomonidan belgilanadi va qabul qilish-topshirish dalolatnomasida oʻz aksini topadi.

38. Yakuniy nazoratni oʻtkazishda baholarning xolisligini taʼminlash maqsadida talabalar tomonidan bajarilgan ishlar elektron taʼlim platformasi tomonidan avtomatik ravishda identifikatsiya kodlari berish yoʻli bilan shifrlanadi.

40. Oʻquv-uslubiy boshqarma elektron taʼlim platformasiga oʻquv yuklamasidan kelib chiqib modullar boʻyicha yakuniy nazorat ishlarini tekshirishi mumkin boʻlgan pedagog xodimlar roʻyxatini kiritadi.

Elektron taʼlim platformasi tomonidan identifikatsiya kodlari berish yoʻli bilan shifrlangan ishlar avtomatik ravishda tegishli pedagog xodimlarga tekshirish uchun yuboriladi.

Ishlarni tekshirish muddatlari Oʻquv-uslubiy boshqarma tavsiyasi asosida oʻquv ishlari boʻyicha prorektor tomonidan belgilanadi.

41. Yozma ishlarni tekshirish muddatlarini buzgan pedagog xodimlarga nisbatan Oʻquv-uslubiy boshqarma boshligʻining bildirgisiga asosan intizomiy jazo choralari qoʻllanishi mumkin.

42. Yozma ishlarning reyting balli mazkur Nizomning 2 va 3-ilovasida keltirilgan shaklga muvofiq tuzilgan titul varaqasiga reyting ballini asoslantiruvchi qisqacha taqriz bilan qoʻyiladi.

43. Joriy nazorat reyting qaydnomasi, oraliq va yakuniy nazorat topshirish reyting qaydnomalari Oʻquv-uslubiy boshqarmaga belgilangan muddatlarda taqdim qilinishi kerak.

44. Kafedraning yozma ishlarni tekshirishda ishtirok etgan pedagog xodimlari oʻquv mashgʻulotlari vaqtida talabalar uchun yozma ishlarda koʻp uchragan xatolar yuzasidan maʼlumot beradilar.

45. Oraliq va yakuniy nazoratni topshirish reyting qaydnomasi talabaning shaxsini aniqlab boʻlmaydigan tarzda (familiyasi, ismi, otasining ismi koʻrsatilmagan holda) tuziladi, faqat talabaga tegishli boʻlgan identifikatsion kod koʻrsatilib rasmiylashtiriladi.

Oraliq va yakuniy nazoratni topshirish reyting qaydnomasi asosida Oʻquv-uslubiy boshqarma masʼul xodimlari tomonidan talabalarning familiyasi, ismi, otasining ismi identifikatsiya qilinadi hamda oraliq va yakuniy nazorat natijalarining yakuni aks etgan talabalar roʻyxati tuziladi. Talabalar roʻyxati boshqarma masʼul xodimining taqdimiga koʻra Oʻquv-uslubiy boshqarma boshligʻi tomonidan tasdiqlanadi va oraliq hamda yakuniy nazorat natijalari ikki kun muddat ichida talabalar eʼtiboriga yetkaziladi.

46. Talabalarning joriy nazorat reyting qaydnomalari, oraliq va yakuniy nazorat topshirish reyting qaydnomasi talabalarning familiyasi, ismi, otasining ismi identifikatsiya qilingan holda Oʻquv-uslubiy boshqarma masʼul xodimlari jamlovchi reyting qaydnomasini tuzadi va u Oʻquv-uslubiy boshqarma boshligʻi hamda masʼul xodimi tomonidan imzolanadi va oʻquv ishlari boʻyicha prorektor tomonidan tasdiqlanadi.

Yozma ish natijalari oraliq va yakuniy nazorat topshirish reyting qaydnomalarida notoʻgʻri qayd qilingan hollar aniqlanganda, Oʻquv-uslubiy boshqarmaga yozma ishlarni tekshirish va topshirishga masʼul boʻlgan pedagog xodim javobgar boʻladi.

Agar yozma ish natijasi jamlovchi reyting qaydnomasida notoʻgʻri aks ettirilgan boʻlsa, Oʻquv-uslubiy boshqarmaning jamlovchi reyting qaydnomasini tuzishga masʼul boʻlgan xodimi, shuningdek Oʻquv-uslubiy boshqarma boshligʻi javobgar boʻladi.

Oraliq va yakuniy nazorat yozma ishlari reyting qaydnomalarida toʻgʻri aks etishini monitoring qilish uchun Oʻquv-uslubiy kengash oʻz qarori bilan topshirish va jamlovchi reyting qaydnomalarini ularda koʻrsatilgan ballarning yozma ishlar titul varagʻida qoʻyilgan haqiqiy ballarga mos kelishini qayta tekshirish tashabbusi bilan chiqishi mumkin.

Joriy nazorat reyting qaydnomasining, oraliq va yakuniy nazorat topshirish reyting qaydnomalarining hamda yakuniy jamlovchi reyting qaydnomalarining shakllari Oʻquv-uslubiy kengash tomonidan tasdiqlangan namuna boʻyicha tuziladi.

47. Yozma ishlarni baholashning xolisligini taʼminlash maqsadida Oʻquv-uslubiy boshqarma yozma ishlarning tasodifiy tanlangan holda qayta tekshirilishini tashkil qiladi. Bu maqsadda ushbu huquq sohasiga yoki fanga aloqador boʻlgan Universitet pedagog xodimlari jalb qilinadi va ular baholash mezonlari asosida talabalarga qoʻyilgan oraliq va yakuniy nazoratlar reyting ballarining xolisligini aniqlaydi.

Pedagog xodim tomonidan qoʻyilgan va tasodifiy tanlangan holda qayta tekshirilgan ishlar ballari orasida sezilarli darajada tafovut aniqlangan holda, tegishli kafedra tomonidan topshirilgan ishlarning maʼlum bir qismi yoki barchasi oʻquv ishlari boʻyicha prorektor qaroriga asosan qayta koʻrib chiqilishi kerak. Ballar orasidagi tafovutni sezilarli darajada deb hisoblash mezonlari Oʻquv-uslubiy kengash tomonidan belgilanadi. Ishlarni qayta koʻrib chiqish mazkur kafedra pedagog xodimlari tomonidan qabul qilish-topshirish dalolatnomasi asosida olingan vaqtdan boshlab bir ish kuni ichida amalga oshiriladi va qayta koʻrib chiqish natijalari kafedra mudiri imzosi bilan tasdiqlanadi.

Baholash jarayonida noxolislik va subyektivlikka yoʻl qoʻygan pedagog xodimlarga nisbatan oʻquv ishlari boʻyicha prorektor taqdimnomasiga koʻra intizomiy jazo choralari qoʻllanishi mumkin.

42. Yakuniy nazorat ishlarini tekshirish natijalari (baho) ishni tekshirgan pedagog xodim tomonidan bahoni asoslantiruvchi taqriz bilan birgalikda darhol elektron taʼlim platformasiga kiritiladi.

44. Kafedraning yakuniy nazorat ishlarini tekshirishda ishtirok etgan pedagog xodimlari tomonidan oʻquv mashgʻulotlari vaqtida talabalar uchun yakuniy nazorat ishlarida koʻp uchragan xatolar toʻgʻrisida tushuntirish beriladi, shuningdek, mazkur xatolar umumlashtirilib, talabalarga axborot xizmati orqali yetkaziladi.

46. Oʻquv-uslubiy boshqarma tomonidan oraliq va yakuniy nazorat natijalari asosida elektron taʼlim platformasida talabalarning familiyasi, ismi, otasining ismi identifikatsiya qilingan holda jamlovchi elektron reyting qaydnomasi shakllantiriladi.

Jamlovchi elektron reyting qaydnomasida notoʻgʻri qayd qilingan hollar aniqlanganda, elektron taʼlim platformasiga ishlarni tekshirish va baholarni kiritishga masʼul boʻlgan pedagog xodim javobgar boʻladi.

Agar oraliq va yakuniy nazorat ishlari natijasi jamlovchi reyting qaydnomasida notoʻgʻri aks ettirilgan boʻlsa, Oʻquv-uslubiy boshqarmaning jamlovchi reyting qaydnomasini tuzishga masʼul boʻlgan xodimi, shuningdek Oʻquv-uslubiy boshqarma boshligʻi javobgar boʻladi.

Oraliq va yakuniy nazorat ishlari reyting qaydnomasida toʻgʻri aks etishini monitoring qilish uchun Oʻquv-uslubiy kengash oʻz qarori bilan jamlovchi reyting qaydnomasini haqiqiy ballarga mos kelishini qayta tekshirish tashabbusi bilan chiqishi mumkin.

Oraliq va yakuniy nazorat topshirish reyting qaydnomasining hamda yakuniy jamlovchi reyting qaydnomasining shakllari Oʻquv-uslubiy kengash tomonidan tasdiqlangan namuna boʻyicha tuziladi.

47. Oraliq va yakuniy nazorat ishlarini baholashning xolisligini taʼminlash maqsadida Oʻquv-uslubiy boshqarma va Taʼlim sifatini nazorat qilish boʻlimi yozma ishlarning tasodifiy tanlangan holda qayta tekshirilishini tashkil qiladi. Bu maqsadda ushbu huquq sohasiga yoki fanga aloqador boʻlgan Universitet pedagog xodimlari jalb qilinadi va ular baholash mezonlari asosida talabalarga qoʻyilgan oraliq va yakuniy nazoratlar reyting ballarining xolisligini aniqlaydi.

48. Oʻquv-uslubiy boshqarma boshligʻi oraliq va yakuniy nazorat natijasi boʻyicha topshirish reyting qaydnomalarini koʻrib chiqib koʻp miqdorda past oʻzlashtirish reyting balli ishlarni aniqlasa, bu haqda oʻquv ishlari boʻyicha prorektorni xabardor qiladi. Oʻquv ishlari boʻyicha prorektor rektor buyrugʻi asosida tashkil etiladigan ekspertlar guruhi tomonidan yozma ishlarni qayta tekshirtirish huquqiga ega.

Ekspertlar guruhi ishiga rahbarlikni, qoida tariqasida, oʻquv ishlari boʻyicha prorektor amalga oshiradi. Ekspertlar sifatida boshqa oliy taʼlim muassasalarining pedagog xodimlari va amaliyot vakillari (kelishuv asosida) ishtirok etishi mumkin. Ekspertlarning shaxsi oshkor etilishiga yoʻl qoʻyilmaydi. Ekspertlarning asosiy vazifasi yozma ishlarni tasdiqlangan baholash mezonlari asosida qayta tekshirib, qoʻyilgan ballarning muvofiq yoki nomuvofiq ekanligini aniqlash hisoblanadi.

Qayta tekshirish natijalariga koʻra ekspertlar guruhi oʻzining ekspertlar guruhi aʼzolari tomonidan imzolangan va oʻquv ishlari boʻyicha prorektor tomonidan tasdiqlanadigan xulosasini taqdim qiladi va bu tegishli ballarni oʻzgartirish uchun asos hisoblanadi. Xulosa Oʻquv-uslubiy boshqarmaga jamlovchi qaydnomani tayyorlash uchun taqdim etiladi.

Ekspertlar guruhining xulosasi rasmiylashtirilgunga qadar oraliq va yakuniy nazorat natijalari yakuniy emas deb hisoblanadi va talabalarga eʼlon qilinishi mumkin emas. Xulosa rasmiylashtirilgunga qadar natijalar maxfiyligi uchun Oʻquv-uslubiy boshqarma masʼul xodimi javobgar hisoblanadi. Oʻquv-uslubiy boshqarma boshligʻi xodimlarining lavozim majburiyatlarini bajarishlari uchun zaruriy shart-sharoitlarni taʼminlashga masʼuldir.

Masʼul xodim oraliq va yakuniy nazorat natijalarining maxfiyligi buzilishi yuzasidan barcha holatlar toʻgʻrisida Oʻquv-uslubiy boshqarma boshligʻiga darhol xabar berishi kerak.

49. Oʻquv-uslubiy boshqarma tekshirilgan yozma ishlar bilan tanishish uchun talabalarga imkon yaratib beradi. Tanishish imkoniyatini olish uchun talabalar natijalar eʼlon qilingan kundan ikki kun davomida Oʻquv-uslubiy boshqarma jurnalida roʻyxatdan oʻtishlari shart. Jurnalda talabaning familiyasi, ismi, otasining ismi, oʻqish kursi, modul nomi hamda nazorat turi qayd etilishi lozim. Keyingi ikki kun davomida Oʻquv-uslubiy boshqarma barcha talabalarning murojaatlarini umumlashtiradi va ularga tekshirilgan yozma ish bilan tanishish imkoniyatini beradi.

Talaba qoʻyilgan balldan norozi boʻlsa, oʻz ishi bilan tanishgandan soʻng bir kun davomida (joriy nazorat natijasidan norozi boʻlganda — joriy nazorat natijalaridan xabardor boʻlgan vaqtdan boshlab bir kun davomida) Oʻquv-uslubiy boshqarma boshligʻi nomiga apellyatsiya shikoyatini berishi mumkin. Mazkur holatda Oʻquv-uslubiy boshqarma boshligʻi bildirgisiga asosan rektor buyrugʻi bilan kamida 7 kishidan iborat apellyatsiya komissiyasi tuziladi.

Apellyatsiya komissiyasi aʼzolarning kamida uchdan ikki qismi ishtirok etganda vakolatli hisoblanadi. Apellyatsiya komissiyasining qarori oddiy koʻpchilik ovoz bilan qabul qilinadi va majlisda ishtirok etgan barcha aʼzolar tomonidan tasdiqlanadigan bayonnoma bilan rasmiylashtiriladi.

Talabaning arizasi apellyatsiya komissiyasida talabaning (faqat joriy nazorat natijalari koʻrib chiqiladigan holatlarda), zarurat boʻlganda ushbu nazorat turi boʻyicha ball qoʻygan pedagog xodimning ishtirokida koʻrib chiqiladi.

Arizani koʻrib chiqishda apellyatsiya komissiyasi nazorat ishlarini har tomonlama oʻrganadi (joriy nazorat natijalarini koʻrib chiqishda — savol-javob qiladi).

Talabaning arizasini koʻrib chiqish natijasi boʻyicha apellyatsiya komissiyasi quyidagi qarorlardan birini qabul qiladi:

qoʻyilgan ballarni oʻzgarishsiz qoldiradi;

qoʻyilgan ballarni oʻzgartiradi.

Talabaning apellyatsiya shikoyatini koʻrishda uning ilgari olgan reyting ballini pasaytirishga yoʻl qoʻyilmaydi.

50. Tekshirilgan yozma ishlar Oʻquv-uslubiy boshqarmada olti oy mobaynida saqlanadi. Muddati oʻtgan ishlar yoʻq qilinadi.

49. Talabalar nazorat turlari boʻyicha olgan baholarini hamda pedagog xodim tomonidan yozilgan taqrizlarni elektron taʼlim platformasi orqali kuzatib boradi.

Oraliq nazorat boʻyicha qoʻyilgan balldan norozi boʻlgan talabalar baho eʼlon qilingandan boshlab 72 soat davomida elektron taʼlim platformasi orqali apellyatsiya shikoyati berishlari mumkin.

Oraliq nazorat ishlari boʻyicha apellyatsiya shikoyatlarini koʻrib chiqish uchun tegishli kafedra mudiri tomonidan kafedra professor-oʻqituvchilari tarkibidan kamida uchta aʼzodan iborat apellyatsiya komissiyasi tuziladi.

Oraliq nazorat ishlari boʻyicha apellyatsiya shikoyatlari apellyatsiya komissiyasi tomonidan shikoyat berilgan kundan boshlab uch ish kuni ichida koʻrib chiqiladi.

Yakuniy nazorat boʻyicha qoʻyilgan balldan norozi boʻlgan talabalar baho eʼlon qilingandan boshlab 72 soat davomida elektron taʼlim platformasi orqali apellyatsiya shikoyatini berishlari mumkin.

Apellyatsiya shikoyatini koʻrib chiqish uchun fakultet dekani bildirgisiga asosan rektor buyrugʻi bilan universitet professor-oʻqituvchilari tarkibidan kamida yettita aʼzodan iborat apellyatsiya komissiyasi tuziladi.

Yakuniy nazorat ishlari boʻyicha apellyatsiya shikoyatlari apellyatsiya komissiyasi tomonidan barcha modullar boʻyicha yakuniy nazorat baholari eʼlon qilingandan boshlab oʻn kun davomida koʻrib chiqiladi.

Apellyatsiya komissiyalari aʼzolarning kamida uchdan ikki qismi ishtirok etganda vakolatli hisoblanadi. Apellyatsiya komissiyalarining qarori oddiy koʻpchilik ovoz bilan qabul qilinadi va unda ishtirok etgan barcha aʼzolar tomonidan tasdiqlanadigan bayonnoma bilan rasmiylashtiriladi.

Talabaning apellyatsiya shikoyati apellyatsiya komissiyalarida zarurat boʻlganda ushbu nazorat turi boʻyicha ballar qoʻygan pedagog xodimning ishtirokida koʻrib chiqiladi.

Apellyatsiya shikoyatini koʻrib chiqishda apellyatsiya komissiyalari nazorat ishlarini har tomonlama oʻrganadi.

Talabaning apellyatsiya shikoyatini koʻrib chiqish natijasi boʻyicha apellyatsiya komissiyalari quyidagi qarorlardan birini qabul qiladi:

qoʻyilgan ballarni oʻzgarishsiz qoldirish;

qoʻyilgan ballarni oʻzgartirish.

Talabaning apellyatsiya shikoyatini koʻrishda uning ilgari olgan reyting ballini pasaytirishga yoʻl qoʻyilmaydi.

50. Tekshirilgan oraliq va yakuniy nazorat yozma ishlari elektron taʼlim platformasida olti oy mobaynida saqlanadi. Oraliq va yakuniy nazorat yozma ishlari hujjatlar yigʻmajildlariga kiritilmaydi va alohida saqlanishi talab etiladigan hujjat hisoblanmaydi. Oraliq va yakuniy yozma ishlar olti oylik muddat oʻtganidan soʻng elektron tizimdan oʻchirib tashlanadi.

7-bob. Baholash tartibi va mezonlari

51. Talabaning har bir modul boʻyicha oʻzlashtirish darajasi talabalarning bilim, malaka va koʻnikmalarini baholashning reyting tizimi asosida ballarda aks ettiriladi.

52. Talabaning semestr mobaynidagi har bir modul boʻyicha oʻzlashtirishi 100 ballik tizim asosida butun sonlar bilan baholanadi.

100 ball nazorat turlari boʻyicha quyidagicha taqsimlanadi:

joriy nazorat — 30 ball;

oraliq nazorat — 20 ball;

yakuniy nazorat — 50 ball.

53. Talabalar reytingini hisobga olish elektron tizimida alohida baholanadigan kurs ishi (loyiha, jadval-hisoblash ishi), amaliyot (stajirovka), yakuniy davlat attestatsiyasi, bitiruv malakaviy ishi, shuningdek magistrlik dissertatsiyasi boʻyicha oʻzlashtirish 100 ballik tizimda baholanadi.

54. Har bir nazorat turi unga ajratilgan maksimal ballning 100 foizidan kelib chiqqan holda baholanadi.

Talabaning modul boʻyicha oʻzlashtirishini baholashda quyidagi namunaviy mezonlardan (bundan buyon matnda namunaviy mezonlar deb yuritiladi) kelib chiqish tavsiya etiladi:

a) 86 — 100 foiz olish uchun talaba:

oʻquv dasturining barcha boʻlimlari boʻyicha tizimli, toʻla va chuqur bilimga ega boʻlishi, zarur dalillar bilan asoslantirishi;

ilmiy terminologiyadan (shu jumladan, xorijiy tilda ham) aniq, oʻz oʻrnida foydalanishi, savollarga javobni mantiqan toʻgʻri, stilistik savodli ravishda ifodalashi;

muammoli savollarni aniqlashi, oʻz huquqiy pozitsiyasini ilmiy-amaliy tilda asoslab bera olishi;

modulning tayanch tushunchalarini bilishi va uni qisqa vaqt ichida ilmiy va amaliy masalalarni yechishda samarali qoʻllay olishi;

nostandart vaziyatlarda muammolarni mustaqil va ijodiy hal qila olish qobiliyatini koʻrsata olishi;

amaliy masalalarni qisqa, asoslangan va ratsional ravishda hal etishi;

modul oʻquv dasturida tavsiya etilgan asosiy va qoʻshimcha adabiyotlarni toʻliq va chuqur oʻzlashtirishi;

oʻrganilayotgan modul boʻyicha nazariyalar, konsepsiyalar va yoʻnalishlar mohiyatini anglash, ularga tanqidiy baho berish va boshqa modullar ilmiy yutuqlarini qoʻllay olishi;

seminar, amaliy va laboratoriya mashgʻulotlarida butun semestr mobaynida ijodiy va mustaqil qatnashishi, guruhli muhokamalarda faol boʻlishi, vazifalarni bajarishda yuqori madaniyat darajasiga ega boʻlishi lozim;

b) 71 — 85 foiz olish uchun talaba:

oʻquv dasturining barcha boʻlimlari boʻyicha tizimli, toʻla va chuqur bilimga ega boʻlishi, zarur dalillar bilan asoslantirishi;

ilmiy terminologiyadan (shu jumladan, xorijiy tilda ham) aniq, oʻz oʻrnida foydalanishi, savollarga javobni mantiqan toʻgʻri, stilistik savodli ravishda ifodalashi;

oʻz fikrini isbotlashda yoki boshqa nazariy materialni bayon qilishda yuzaga kelgan noaniqliklarni mustaqil bartaraf eta olishi;

modulning tayanch tushunchalarini bilishi, qisqa vaqt ichida ilmiy va kasbiy vazifalarni qoʻyish hamda hal qilishda undan unumli foydalanishi;

standart vaziyatlarda muammolarni oʻquv dasturi doirasida mustaqil hal qila olishi;

amaliy mashgʻulotlarda normativ-huquqiy hujjatlarni yaxshi bilishini namoyish qilishi, ushbu bilimlarni yangi vaziyatlarda toʻgʻri (lekin doim ham ratsional emas) qoʻllay olishi, bajarilgan ish natijalarini yetarli darajada rasmiylashtira olmaganligi;

modul oʻquv dasturida tavsiya qilingan asosiy adabiyotlarni oʻzlashtirishi;

oʻrganilayotgan modul boʻyicha nazariyalar, konsepsiyalar va yoʻnalishlar mohiyatini anglay olishi va ularga tanqidiy baho berishi;

v) 55 — 70 foiz olish uchun talaba:

davlat taʼlim standartlari doirasida yetarli bilim hajmiga ega boʻlishi;

ilmiy terminologiyani ishlatishi, savollarga javoblarni toʻgʻri bayon qilishi, lekin bunda ayrim xatolarga yoʻl qoʻyishi;

javob berishga yoki ayrim maxsus koʻnikmalarni namoyish qilishda qiynalganda, modul va normativ-huquqiy hujjatlar boʻyicha asosiy tushunchaga ega ekanligini namoyish etishi;

modulining umumiy tushunchalari boʻyicha qisman bilimga ega boʻlishi va uni standart (namunaviy) vaziyatlarni hal etishda qoʻllay olishi;

pedagog xodim yordami bilan standart vaziyatlarni hal eta olishi;

oʻqilayotgan modul boʻyicha asosiy nazariyalar, konsepsiyalar va yoʻnalishlar mohiyatini anglashi, ularga baho bera olishi;

seminar, amaliy va laboratoriya mashgʻulotlarida pedagog xodim rahbarligida qatnashishi, vazifalarni bajarishda yetarli madaniyat darajasiga ega boʻlishi lozim;

g) talabaning bilim darajasi 0 — 54 gacha baholanadi, agar:

davlat taʼlim standartlari doirasida faqat ayrim fragmentar bilimlarga ega boʻlsa;

ilmiy terminlarni ishlata olmasa yoki javob berishda jiddiy mantiqiy xatolarga yoʻl qoʻysa;

seminar, amaliy va laboratoriya mashgʻulotlarida passiv qatnashib, vazifalar bajarish madaniyatining past darajasiga ega boʻlsa;

amaliy koʻnikmalarga ega boʻlmasa, oʻz xatolarini hatto pedagog xodim tavsiyalari yordamida ham toʻgʻrilay olmasa.

55. Modul boʻyicha joriy nazoratni baholash mezonlari kafedra tomonidan namunaviy baholash mezonlari asosida tuziladi, kafedra mudiri tomonidan tasdiqlanadi va talabalarga eʼlon qilinadi.

51. Talabaning har bir modul boʻyicha oʻzlashtirish darajasi talabalarning bilim, malaka va koʻnikmalarini baholash Yevropa kredit transfer tizimiga (European Credit Transfer and Accumulation System — ECTS) asosan mazkur Nizomning ilovasiga muvofiq amalga oshiriladi.

52. Talabaning oʻquv semestri mobaynidagi har bir modul boʻyicha oʻzlashtirishi 100 ballik tizim asosida butun sonlar bilan baholanadi. 100 ball nazorat turlari boʻyicha quyidagicha taqsimlanadi:

oraliq nazoratga modul boʻyicha toʻplanishi mumkin boʻlgan maksimal ballning — 40 foiz (40 ball) gacha;

yakuniy nazoratga modul boʻyicha toʻplanishi mumkin boʻlgan maksimal ballning oraliq nazoratga ajratilgan qismidan qolgan qismda, oraliq nazorati belgilanmagan taqdirda 100 foiz (100 ball) gacha ajratiladi.

53. Elektron taʼlim platformasida alohida baholanadigan kurs ishi (loyiha, jadval-hisoblash ishi), amaliyot (stajirovka), yakuniy davlat attestatsiyasi, bitiruv malakaviy ishi, shuningdek magistrlik dissertatsiyasi boʻyicha oʻzlashtirish ushbu Nizomning ilovasida belgilangan mezonlar boʻyicha baholanadi.

54. Talabaning modul boʻyicha oʻzlashtirishini baholashda quyidagi namunaviy mezonlardan (bundan buyon matnda namunaviy mezonlar deb yuritiladi) kelib chiqish tavsiya etiladi:

a) “A”, “A-” aʼlo baho (86 — 100 foiz) olish uchun talaba:

oʻquv dasturining barcha boʻlimlari boʻyicha tizimli, toʻla va chuqur bilimga ega boʻlishi, zarur dalillar bilan asoslantirishi;

ilmiy terminologiyadan (shu jumladan, xorijiy tilda ham) aniq foydalanishi, savollarga javobni mantiqan toʻgʻri, stilistik savodli ravishda ifodalashi;

muammoli savollarni aniqlashi, oʻz huquqiy pozitsiyasini ilmiy-amaliy tilda asoslab bera olishi;

modulning tayanch tushunchalarini bilishi va uni qisqa vaqt ichida ilmiy va amaliy masalalarni yechishda samarali qoʻllay olishi;

nostandart vaziyatlarda muammolarni mustaqil va ijodiy hal qila olish qobiliyatini koʻrsata olishi;

amaliy masalalarni qisqa, asoslangan va ratsional ravishda hal etishi;

modul oʻquv dasturida tavsiya etilgan asosiy va qoʻshimcha adabiyotlarni toʻliq va chuqur oʻzlashtirishi;

oʻrganilayotgan modul boʻyicha nazariyalar, konsepsiyalar va yoʻnalishlar mohiyatini anglash, ularga tanqidiy baho berish va boshqa modullar ilmiy yutuqlarini qoʻllay olishi;

b) “V+”, “V”, “V-” yaxshi baho (71 — 85 foiz) olish uchun talaba:

oʻquv dasturining barcha boʻlimlari boʻyicha tizimli, toʻla va chuqur bilimga ega boʻlishi, zarur dalillar bilan asoslantirishi;

ilmiy terminologiyadan (shu jumladan, xorijiy tilda ham) aniq foydalanishi, savollarga javobni mantiqan toʻgʻri, stilistik savodli ravishda ifodalashi;

oʻz fikrini isbotlashda yoki boshqa nazariy materialni bayon qilishda yuzaga kelgan noaniqliklarni mustaqil bartaraf eta olishi;

modulning tayanch tushunchalarini bilishi, qisqa vaqt ichida ilmiy va kasbiy vazifalarni qoʻyish hamda hal qilishda undan unumli foydalanishi;

standart vaziyatlarda muammolarni oʻquv dasturi doirasida mustaqil hal qila olishi;

amaliy mashgʻulotlarda normativ-huquqiy hujjatlarni yaxshi bilishini namoyish qilishi, ushbu bilimlarni yangi vaziyatlarda toʻgʻri (lekin doim ham ratsional emas) qoʻllay olishi, bunda bajarilgan ish natijalarini yetarli darajada rasmiylashtira olmasligi;

modul oʻquv dasturida tavsiya qilingan asosiy adabiyotlarni oʻzlashtirishi;

oʻrganilayotgan modul boʻyicha nazariyalar, konsepsiyalar va yoʻnalishlar mohiyatini anglay olishi va ularga tanqidiy baho berishi;

butun modulni oʻzlashtirish davomida seminar, amaliy va laboratoriya mashgʻulotlarida ijodiy va mustaqil qatnashishi, guruhli muhokamalarda faol boʻlishi, vazifalarni bajarishda yuqori madaniyat darajasiga ega boʻlishi lozim;

v) “S+”, “S”, “S-” qoniqarli baho (55 — 70 foiz) olish uchun talaba:

davlat taʼlim standartlari doirasida yetarli bilim hajmiga ega boʻlishi;

ilmiy terminologiyani ishlatishi, savollarga javoblarni toʻgʻri bayon qilishi, lekin bunda ayrim xatolarga yoʻl qoʻyishi;

javob berishga yoki ayrim maxsus koʻnikmalarni namoyish qilishda qiynalganda, modul va normativ-huquqiy hujjatlar boʻyicha asosiy tushunchaga ega ekanligini namoyish etishi;

modulning umumiy tushunchalari boʻyicha qisman bilimga ega boʻlishi va uni standart (namunaviy) vaziyatlarni hal etishda qoʻllay olishi;

pedagog xodim rahbarligida standart (namunaviy) vaziyatlarni hal eta olishi;

oʻqilayotgan modul boʻyicha asosiy nazariyalar, konsepsiyalar va yoʻnalishlar mohiyatini anglashi, ularga baho bera olishi;

seminar, amaliy va laboratoriya mashgʻulotlarida pedagog xodim rahbarligida qatnashishi, vazifalarni bajarishda yetarli madaniyat darajasiga ega boʻlishi lozim;

g) talabaning bilim darajasi “D” qoniqarsiz baho bilan (50 — 55 foizgacha) baholanadi, agar:

davlat taʼlim standartlari doirasida faqat ayrim fragmentar bilimlarga ega boʻlsa;

ilmiy terminlarni ishlata olmasa yoki javob berishda jiddiy mantiqiy xatolarga yoʻl qoʻysa;

seminar, amaliy va laboratoriya mashgʻulotlarida passiv qatnashib, vazifalar bajarish madaniyatining past darajasiga ega boʻlsa;

d) talaba oʻzlashtirishi quyidagi hollarda bilim darajasi “F” (0 — 49 foizgacha) bahoga baholanadi, agar:

tegishli modul boʻyicha bilimlarga ega boʻlmasa;

amaliy koʻnikmalarga ega boʻlmasa, xatolarini hatto pedagog xodim tavsiyalari yordamida ham toʻgʻrilay olmasa.

Modul xususiyatidan kelib chiqqan holda har bir modul boʻyicha baholash mezonlari kafedra tomonidan aniqlashtirilgan tartibda ishlab chiqiladi hamda tegishli modulning dasturiga kiritilib, Oʻquv-uslubiy kengash tomonidan tasdiqlanadi.

56. Modullar boʻyicha oraliq va yakuniy nazoratni baholash mezonlari namunaviy baholash mezonlari asosida ishlab chiqiladi va Universitet Oʻquv-uslubiy kengashi tomonidan tasdiqlanadi.

57. Modullar boʻyicha semestr uchun talaba reytingi quyidagicha aniqlanadi:

R_f — talabaning reytingi;

V — semestrda modul uchun ajratilgan umumiy yuklama (soatlarda);

O^I — modul boʻyicha oʻzlashtirish darajasi (ballarda).

58. Talaba semestr mobaynida modul boʻyicha olgan umumiy balli belgilangan tartibda talaba tomonidan har bir nazorat turi boʻyicha olingan umumiy ballar yigʻindisiga teng.

8-bob. Nazorat va qayta topshirishlarni oʻtkazish muddatlari

59. Joriy nazorat jadvallari modul rahbari tomonidan tuziladi, kafedra mudiri tomonidan tasdiqlanadi hamda tegishli semestr boshlanishidan oldin Oʻquv-uslubiy boshqarmaga taqdim qilinadi.

Oraliq va yakuniy nazorat jadvallari oʻquv reja asosida Oʻquv-uslubiy boshqarma tomonidan tuziladi va oʻquv ishlari boʻyicha prorektor tomonidan tasdiqlanadi.

Talaba belgilangan tartibda talabalar reytingini hisobga olish elektron tizimi vositasida va universitet binolarining koʻrinadigan joylarida joylashtirilgan eʼlonlardan joriy, oraliq va yakuniy nazorat ish natijalarini mustaqil ravishda bilib borishga majburdir.

60. Agar oʻquv rejasiga koʻra kurs ishi bajarish va (yoki) amaliyot (stajirovka) oʻtash koʻzda tutilgan boʻlsa, unda talabaning keyingi kursga oʻtish sharti sifatida joriy, oraliq va yakuniy nazoratlardan qarzdorlikning yoʻqligi bilan bir qatorda, kurs ishi va amaliyot (stajirovka)dan saralash ballini olishi hisoblanadi. Kurs ishlarini topshirish jadvali kafedra mudiri tomonidan tasdiqlanadi.

Amaliyot (stajirovka) boʻyicha imtihonni tashkil qilish qonun hujjatlariga muvofiq amalga oshiriladi. Amaliyot (stajirovka)ni oʻtash nazariy bilimlar bilan navbatlanish yoʻli orqali amalga oshirilganida uning natijalari universitet Oʻquv-uslubiy kengashi qaroriga asosan joriy nazorat doirasida baholanishi mumkin.

61. Blokli joriy nazorat boʻyicha oʻtish ballini toʻplay olmagan yoki uzrli sabablarga koʻra qatnasha olmagan talabalarga keyingi blokli joriy nazorat oʻtkazilgunga qadar topshirish uchun muddat beriladi, oxirgi blokli joriy nazorat uchun esa yakuniy nazorat boshlanishiga qadar topshirish huquqi beriladi. Qayta topshirishning aniq muddatlari tegishli kafedra tomonidan belgilanadi.

Pedagog xodimlar yakuniy nazorat davri boshlangunga qadar joriy nazorat natijalarini Oʻquv-uslubiy boshqarmaga topshirishi va talabalar reytingini hisobga olish elektron tizimiga kiritishi shart. Yakuniy nazorat davri boshlangandan soʻng talabaning joriy nazorat boʻyicha reyting ballini oʻzgartirishga faqat oʻquv ishlari boʻyicha prorektorning roziligi bilan yoʻl qoʻyiladi.

Oʻquv mashgʻulotlarida hujjat bilan tasdiqlangan uzrli sabablar tufayli (yoʻl-transport hodisasi, yaqin qarindoshining vafoti, nikoh tuzish, farzand tugʻilishi) ishtirok etmagan, va shu sababli oraliq nazorat yoki yakuniy nazoratni belgilangan muddatda topshirmagan talabaga oʻquv ishlari boʻyicha prorektor bilan kelishilgan holda Oʻquv-uslubiy boshqarma boshligʻi tomonidan qayta oʻzlashtirish uchun akadem qarzdorlar uchun beriladigan bir oylik muddatda oraliq yoki yakuniy nazoratni topshirishga ruxsat beriladi. Bunda talabaning yozma ishi ushbu Nizom 62-bandining toʻqqizinchi xatboshisida akademik qarzdorlar uchun belgilangan cheklovlarni hisobga olmagan holda baholanadi.

62. Talaba quyidagi holatlarda akademik qarzdor hisoblanadi:

agar talabaning semestrda joriy va oraliq nazorat turlari boʻyicha toʻplagan ballari har ikkala nazorat turini majburiy topshirilishini hisobga olgan holda ushbu nazorat turlari umumiy ballining 55 foizidan kam boʻlsa;

yakuniy nazorat boʻyicha toʻplagan balli ushbu nazorat turi umumiy ballining 55 foizidan kam boʻlsa.

Akademik qarzdor talabalarga semestr tugaganidan keyin (bahorgi semestr natijalari boʻyicha esa, talabalarning yozgi taʼtili hamda professor-oʻqituvchilarning mehnat taʼtilidan soʻng) qayta oʻzlashtirish, yaʼni tegishli nazorat turini qayta topshirish orqali akademik qarzdorlikni bartaraf qilish uchun bir oy muddat beriladi. Akademik qarzdor uchun qayta topshirishning aniq muddatlari Oʻquv-uslubiy boshqarma tomonidan belgilanadi.

Akademik qarzdor talaba mazkur bandning ikkinchi xatboshisiga muvofiq toʻplagan ballaridan kelib chiqib nazoratning bir yoki ikkala turini qayta topshirishi talab qilinadi. Topshirilishi kerak boʻlgan nazorat turlari Oʻquv-uslubiy boshqarma tomonidan talabaning reyting oʻzlashtirish koʻrsatkichi natijalaridan kelib chiqqan holda aniqlanadi va barcha modullar boʻyicha yakuniy nazorat muddati boshlanishiga qadar uch kundan kechikmagan holda eʼlon qilinadi.

Joriy nazoratni qayta topshirish kafedra tomonidan tashkil qilinishi shart. Qayta topshirishni qabul qilish uchun kafedra tomonidan kafedra mudiri rahbarligida komissiya tuziladi. Komissiya tarkibiga Oʻquv-uslubiy boshqarma xodimi kiritilishi mumkin.

Qayta topshirish natijalari alohida qaydnoma tarzida qayta oʻzlashtirish uchun beriladigan bir oylik muddatda Oʻquv-uslubiy boshqarmaga topshirilishi shart.

Oraliq va yakuniy nazoratni oʻtish reyting ballini koʻtarish maqsadida qayta topshirishga, qoida tariqasida, ruxsat berilmaydi.

Akademik qarzdor talabaga qayta topshirishda oraliq va yakuniy nazorat uchun ajratilgan maksimal ballning 55 foizidan ortiq ball qoʻyilishi mumkin emas.

Talaba tomonidan joriy va oraliq nazoratlarga ajratilgan umumiy ballning 55 foizidan kam ballni olishi talabani yakuniy nazoratga kiritmaslik uchun asos boʻlmaydi.

63. Qayta oʻzlashtirish uchun berilgan bir oylik muddatda akademik qarzdorlikni bartaraf etmagan talabalar oʻquv fanlari boʻyicha kelgusi semestrning yakuniy nazorat davri boshlangunga qadar tegishli fanlar boʻyicha akademik qarzdorlikni qayta topshirish sharti bilan keyingi kurs (semestr)ga oʻtkaziladi. Ushbu qoida bakalavriat yoki magistratura bosqichida nazariy oʻqishning oxirgi semestrida oʻtiladigan oʻquv fanlariga tatbiq etilmaydi.

Keyingi semestrda oʻqishni davom ettirgan hollarda akademik qarzdorlik talaba tomonidan ushbu reyting nazorati turi uchun belgilangan shaklda bir marotaba qayta topshiriladi. Bunda joriy nazorat boʻyicha qayta topshirish rektor buyrugʻi asosida tashkil qilinadigan va, qoida tariqasida, oʻquv ishlari boʻyicha prorektor rahbarlik qiladigan komissiya tomonidan qabul qilinadi.

Keyingi semestrda oʻqish davom ettirilgan hollarda akademik qarzdorlikni qayta topshirishning aniq muddati rektor tomonidan belgilanadi. Bunda toʻlov-kontrakt asosida taʼlim olayotgan talabalar qayta topshirish oʻtkazilayotgan semestr uchun kontrakt toʻlovini belgilangan muddatda, lekin qayta topshirishni oʻtkazish vaqtigacha amalga oshirishlari shart.

Modulni mazkur bandda belgilangan muddatda oʻzlashtirmagan va akademik qarzdorlikni bartaraf etmagan talaba Oʻquv-uslubiy boshqarma boshligʻining tavsiyasiga koʻra rektor buyrugʻi bilan kreditlar toʻplanmagan modullarni qayta oʻqish uchun tegishli kursda qoldiriladi. Bu holatda boshqa modullar boʻyicha toʻplangan kreditlar saqlanib qolinadi va bunda talaba ushbu modullar boʻyicha oʻquv mashgʻulotlarida ishtirok etishi mumkin.

64. Ushbu Nizomning 63-bandida belgilangan tartibda kelgusi semestrda oʻqishni davom ettirayotgan talabalarga stipendiya ular tomonidan akademik qarzdorlik bartaraf etilgan oydan keyingi oyning birinchi sanasidan boshlab tayinlanadi.

65. Ushbu Nizomning 63-bandida belgilangan tartibda kelgusi semestrda oʻqishni davom ettirayotgan talaba oʻqishning tegishli kursida qoldirilganda, u akademik qarzdorlik vujudga kelgan kursda qoldirilgan deb hisoblanadi. Ushbu talaba qonun hujjatlarida belgilangan hollarda talabalar safidan chetlashtirilganda, talabalar safidan chetlashtirish asosidan qatʼi nazar, akademik qarzdorlik paydo boʻlgan kursidan chetlashtirilgan deb hisoblanadi.

Akademik qarzdorlik tufayli tegishli kursda qoldirilgan talaba akademik qarzdorlik vujudga kelgan semestrdan takroriy oʻqishni oʻtaydi.

59. Yakuniy nazorat jadvallari yakuniy nazorat boshlanishidan kamida bir hafta oldin oʻquv reja asosida fakultet dekanlari tomonidan ishlab chiqiladi, Oʻquv-uslubiy boshqarma tomonidan umumlashtiriladi hamda oʻquv ishlari boʻyicha prorektor tomonidan tasdiqlanadi.

Talaba belgilangan tartibda elektron taʼlim platformasi orqali oraliq va yakuniy nazorat ish natijalarini mustaqil ravishda bilib borishga majburdir.

61.Oʻquv mashgʻulotlarida kasalligi yoki boshqa hujjat bilan tasdiqlangan uzrli sabablar tufayli (yoʻl-transport hodisasi, yaqin qarindoshining vafoti, nikoh tuzilishi, farzand tugʻilishi) ishtirok etmagan va shu sababli oraliq yoki yakuniy nazoratni belgilangan muddatda topshirmagan talabaga oʻquv ishlari boʻyicha prorektor bilan kelishilgan holda fakultet dekani tomonidan qayta oʻzlashtirish uchun akadem qarzdorlar uchun beriladigan bir oylik muddatda oraliq yoki yakuniy nazoratni topshirishga ruxsat beriladi.

62. Talabalarning oʻzlashtirmagan modullarni qayta topshirishi, modulni qayta oʻzlashtirish shartlari, bir kursda kreditlarni toʻplashning minimal va maksimal miqdorlari, kursdan-kursga oʻtkazish masalalari universitet Kengashi tomonidan belgilanadi.

63. Talabalarga stipendiya toʻlash qonunchilik hujjatlarida belgilangan tartibda amalga oshiriladi.

9-bob. Reyting natijalarini roʻyxatdan oʻtkazish va tahlil qilish

66. Talabaning modul boʻyicha toʻplagan ballari semestr yakunida jamlovchi reyting qaydnomasiga butun son koʻrinishida kiritiladi. Modulni oʻqitayotgan pedagog xodimlar talabalar reytingini hisobga olish elektron tizimining tegishli boʻlimini toʻldiradi.

Pedagog xodim tomonidan oraliq va yakuniy nazorat yozma ishining titul varagʻi ustida ball qoʻyilishi shart. Ball aniq ifodalangan shaklda pedagog xodimning imzosi bilan tasdiqlangan holda qoʻyilishi kerak.

Har qanday tuzatishlar kafedra mudirining imzosi bilan tasdiqlanishi shart.

67. Yakuniy nazorat natijalari boʻyicha Oʻquv-uslubiy boshqarma joriy nazorat reyting qaydnomasi, oraliq va yakuniy nazorat topshirish qaydnomalariga asosan talabalar reytingini aniqlaydi va jamlovchi reyting qaydnomasini tuzadi.

68. Talabaning reytingi uning bilimi, malakasi va koʻnikmalari darajasini belgilab beradi. Talabaning semestr (kurs) boʻyicha umumiy reytingi barcha modullar boʻyicha toʻplagan reyting ballarini qoʻshish yoʻli bilan aniqlanadi.

69. Talabalarning umumiy reytingi, shuningdek modullar boʻyicha toʻplangan kreditlar soni har bir semestr va oʻquv yili yakunidan soʻng eʼlon qilinadi.

70. Agar modul bir necha semestr davomida oʻtilgan boʻlsa, Oʻquv-uslubiy boshqarma tomonidan talaba diplomining ilovasi yoki akademik maʼlumotnoma tuzilayotgan vaqtda reytinglar yigʻindisi va toʻplangan kreditlar soni hisobga olinadi.

Talabaga imtiyozli diplom belgilash vaqtida uning modullar boʻyicha oʻzlashtirishi har bir semestr natijasiga koʻra hisobga olinadi.

71. Talabaning nazorat turlari boʻyicha erishgan natijalari Oʻquv-uslubiy boshqarma tomonidan tizimli ravishda tahlil qilinadi va Oʻquv-uslubiy kengashda muhokama qilish uchun kiritiladi.

71. Har bir fakultet talabalarining nazorat turlari boʻyicha erishgan natijalari fakultet dekanati tomonidan Oʻquv-uslubiy boshqarma bilan hamkorlikda tizimli ravishda tahlil qilinadi va Oʻquv-uslubiy kengashda muhokama qilish uchun kiritiladi.

72. Joriy, oraliq va yakuniy nazorat ishlarining natijalari universitet Kengashida muntazam ravishda muhokama qilinadi va ular yuzasidan tegishli qarorlar qabul qilinadi.

72. Oraliq va yakuniy nazorat ishlarining natijalari Oʻquv-uslubiy kengashda va zaruratga koʻra, universitet Kengashida muntazam ravishda muhokama qilinadi va ular yuzasidan tegishli qarorlar qabul qilinadi.

73. Oʻquv yilining yakuni boʻyicha reyting nazorati natijalariga koʻra talabalarni belgilangan tartibda keyingi kursga oʻtkazish toʻgʻrisida qaror qabul qilinadi.

73. Oʻquv yilining yakuni boʻyicha toʻplangan kreditlar miqdoriga koʻra talabalarni belgilangan tartibda keyingi kursga oʻtkazish toʻgʻrisida qaror qabul qilinadi.

10-bob. Yakuniy qoida

74. Mazkur Nizom Toshkent davlat yuridik universiteti bilan kelishilgan.

Toshkent davlat yuridik universiteti rektori E. KANYAZOV

2016-yil 22-aprel

Toshkent davlat yuridik universitetida oʻqitishning modulli tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizomga
1-ILOVA

‎	‎	1-shakl
‎ Oraliq nazorat savollarini ichki ekspertiza qilish ‎SHAKLI ‎
Taʼlim kursi	‎‎
Oʻquv yili	‎‎
Semestr	‎‎
Modul nomi	‎‎
Modul rahbarining familiyasi, ismi, otasining ismi	‎‎
Ekspertning familiyasi, ismi, otasining ismi	‎‎
Ekspertiza uchun qoʻyilgan talablar		Ha yoki Yoʻq‎
Savollar oʻquv dasturi mavzulari doirasida tuzilgan va oʻz mazmuni boʻyicha oʻtgan oʻquv yillardagi savollardan farq qiladi‎‎		‎
Savollar oʻquv dasturida koʻzda tutilgan bilim va koʻnikmalarni tekshirishga qaratilgan		‎
Savollar oʻz mazmuni boʻyicha aniq, qonunchilik normalariga asoslangan va amaliyot bilan bevosita bogʻliq		‎
Savollar tahlil qilish qobiliyati va mustaqil qaror qabul qilish koʻnikmalarini baholashga qaratilgan		‎
Savollardagi yoʻriqnomalar talabadan nima talab qilinishi toʻgʻrisida aniq koʻrsatmalarni qamrab oladi		‎
Oraliq nazoratni baholash mezonlari koʻrsatilgan		‎
Savollar mustaqil tadqiqot olib borish koʻnikmalarini rivojlantirishga qaratilgan		‎
Ekspert fikri va tavsiyalari: (oʻzgartirish va qoʻshimchalar kiritish zarur boʻlsa, ularni koʻrsating va asoslang) ‎ ‎ ‎ ‎Imzo:----------------------------------------------------------------------------Sana: 20__ yil “___” ______________
Savol tuzuvchining javobi (oʻqituvchi ekspert tomonidan berilgan oʻzgartirish va qoʻshimchalarni kiritishga eʼtiroz bildirgan hollarda toʻldiriladi) ‎ ‎ ‎ ‎Imzo: ----------------------------------------------------------------------------Sana: 20__ yil “___” ______________
‎	‎	‎
‎	‎	2-shakl
Yakuniy nazorat savollarini ekspertiza qilish ‎SHAKLI ‎
Taʼlim kursi	‎‎
Oʻquv yili	‎‎
Semestr	‎‎
Modul nomi	‎‎‎
Modul rahbarining familiyasi, ismi, otasining ismi	‎‎
Ekspertning familiyasi, ismi, otasining ismi	‎‎
Ekspertiza uchun qoʻyilgan talablar‎‎		Ha yoki Yoʻq‎
Savollar oʻquv dasturi mavzulari doirasida tuzilgan va oʻz mazmuni boʻyicha oʻtgan oʻquv yillardagi savollardan farq qiladi		‎
Savollar oʻquv dasturida koʻzda tutilgan bilim va koʻnikmalarni tekshirishga qaratilgan		‎
Savollar oʻz mazmuni boʻyicha aniq, qonunchilik normalariga asoslangan va amaliyot bilan bevosita bogʻliq		‎
Nazariy savollar mantiqiy fikrlash, tahlil yoki tanqidiy tahlil etish qobiliyati va mustaqil qaror qabul qilish koʻnikmalarini baholashga qaratilgan		‎
Savollardagi yoʻriqnomalar talabadan nima talab qilinishi toʻgʻrisida aniq koʻrsatmalarni qamrab oladi		‎
Vaziyatli masalalar talabadan qonunchilikni chuqur bilish va anglashni talab etadi		‎
Ekspert fikri va tavsiyalari: (oʻzgartirish va qoʻshimchalar kiritish zarur boʻlsa, ularni koʻrsating va asoslang) ‎ ‎ ‎Imzo: ----------------------------------------------------------------------------Sana: 20__ yil “___” ______________
Savol tuzuvchining javobi (ekspert tomonidan tavsiya qilingan oʻzgartirish va qoʻshimchalarga eʼtiroz boʻlgan hollarda toʻldiriladi) ‎ ‎ ‎ ‎Imzo: ----------------------------------------------------------------------------Sana: 20__ yil “___” ______________

Toshkent davlat yuridik universitetida oʻqitishning modulli tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizomga
2-ILOVA

TOSHKENT DAVLAT YURIDIK UNIVERSITETI
‎ ORALIQ NAZORAT UCHUN TITUL VARAGʻI
‎

___-kurs talabalari uchun
‎Modul nomi:
‎Ish turi:
‎Oʻtkazilgan sana:

‎

Sizning javobingiz quyidagi baholash mezonlari asosida baholanadi (oraliq nazorati bir martadan ortiq oʻtkazilganda, umumiy ball tegishli songa boʻlinadi):
‎‎‎

‎

1.‎

‎‎‎

0‎

1‎

2‎

3‎

4‎

5‎

2.‎

‎‎‎

0‎

1‎

2‎

3‎

4‎

5‎

3.‎

‎‎‎

0‎

1‎

2‎

3‎

4‎

5‎

4.‎

‎‎

0‎

1‎

2‎

3‎

4‎

5‎

‎‎
Mustaqil ish boʻyicha qoʻshimcha taqriz:
‎
‎
‎

‎‎

‎‎Umumiy ball
‎
‎

‎

‎
‎
‎‎

‎

Tekshiruvchi imzosi: _________________
‎‎

‎

‎‎

‎‎-----------------------------------------------------------------------------------------------

‎

��

‎

‎‎_____________________
(Talabaning F.I.O.)

‎

‎‎_________________
‎(kurs)

‎

Modul nomi ___________________________
‎

‎‎

‎‎____________________
(talabaning imzosi)

Toshkent davlat yuridik universitetida oʻqitishning modulli tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizomga
3-ILOVA

TOSHKENT DAVLAT YURIDIK UNIVERSITETI ‎YAKUNIY NAZORAT UCHUN TITUL VARAGʻI ‎
___-kurs talabalari uchun ‎Modul nomi: ‎Ish turi: ‎Oʻtkazilgan sana: ‎ ‎A boʻlimda (son) mantiqiy savolga javob yozilishi shart. ‎
T/r‎	‎‎Baholash mezonlari			1-mantiqiy ‎savol		2-mantiqiy ‎savol
1.‎	‎‎			‎‎
2.‎	‎‎			‎‎		‎‎
3.‎	‎‎			‎‎		‎‎
4.‎	‎‎			‎‎‎		‎‎
‎‎		Umumiy ball		‎‎
‎ B boʻlimda (son) kazusga javob yozilishi shart.
T/r‎	Baholash mezoni				25 ballgacha
1.‎	‎‎				‎‎
2.‎	‎‎				‎‎
3.‎	‎‎				‎‎‎
4.‎	‎‎				‎‎
‎			‎‎Umumiy ball		‎‎
‎‎ Qoʻshimcha taqriz uchun:
‎‎						Umumiy ball ‎
‎Tekshiruvchi imzosi: ___________________

‎

‎‎

‎‎-----------------------------------------------------------------------------------------------

‎

‎‎_____________________
(Talabaning F.I.O.)

‎

‎‎_________________
‎(kurs)

‎

Modul nomi ___________________________
‎

‎‎Qabul qiluvchining F.I.O. va imzosi ____________________________

‎‎____________________
‎(talabaning imzosi)

Toshkent davlat yuridik universitetida oʻqitishning modulli tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizomga
4-ILOVA

Yozma imtihonda qatnashgan talabalar ‎ROʻYXATI ‎
Modul nomi: __________________________________________ ‎ ‎Kurs: ________________________________________________________ ‎ ‎Yozma imtihon oʻtkazilgan sana: ____________________________ ‎
T/r‎	Talaba F.I.O.		Talabaning imzosi
1.‎	‎‎		‎‎
2.‎	‎‎		‎‎
3.‎	‎‎		‎‎
4.‎	‎‎		‎‎
5.‎	‎‎		‎‎
6.‎	‎‎		‎‎
7.‎	‎‎		‎‎
8.‎	‎‎		‎‎
9.‎	‎‎		‎‎
10.‎	‎‎		‎
‎‎ Jami: _______ talaba ‎
‎‎Auditoriya rahbari:		‎‎__________________ ‎(imzo)	‎‎_____________________________ ‎(F.I.O.)
‎‎Kuzatuvchi:		‎‎‎‎__________________ ‎‎(imzo)	‎‎_____________________________ ‎‎(F.I.O.)

Toshkent davlat yuridik universitetida oʻqitishning modulli tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizomga
5-ILOVA

Talabani yozma imtihondan chetlashtirish toʻgʻrisida ‎DALOLATNOMA ‎
Toshkent sh.			‎	‎	‎	‎	20__ yil “___” ___________
‎	‎	‎	‎	‎	‎	‎	‎	‎	‎
Biz quyida imzo chekuvchilar auditoriya rahbari va kuzatuvchi (kuzatuvchilar) ushbu dalolatnomani quyidagilar haqida tuzdikki, talaba ____________________________________________________ ‎_________________________________________________________________________________
(F.I.O. va akademik guruh)
Toshkent davlat yuridik universitetida oʻqitishning modulli tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizomning 35-bandiga asosan 20__ yil “__” _________da __________________________________________________________
(modul nomi)
moduli boʻyicha yozma imtihondan______________________________________________________ _________________________________________________________________________________
(chetlashtirish sababi)
‎‎sabablarga koʻra chetlashtirildi.						‎	‎	‎	‎
‎	‎	‎	‎	‎	‎	‎	‎	‎	‎
‎‎Auditoriya rahbari:			‎‎________________ ‎(imzo)			‎‎_________________________ ‎(F.I.O.)
‎	‎	‎	‎	‎	‎	‎	‎	‎	‎
‎‎Kuzatuvchilar:			‎‎‎‎________________ ‎‎(imzo) ‎ ‎‎‎________________ ‎‎(imzo)			‎‎_________________________ ‎‎(F.I.O.)‎‎ ‎ ‎‎‎_________________________ ‎‎(F.I.O.)

Toshkent davlat yuridik universitetida oʻqitishning modulli tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizomga
6-ILOVA

YOZMA ISHLARNI (NAZORAT TURI) QABUL QILISH-TOPSHIRISH ‎DALOLATNOMASI ‎
Toshkent sh.			‎	‎	‎	20__ yil “___” ___________
‎	‎	‎	‎	‎	‎	‎	‎	‎	‎
Modul nomi: _____________________________________________________________________ ‎ ‎Kurs: ____________________________________________________________________________ ‎ ‎Yozma ishni qabul qilish sanasi: _______________________________________________________ ‎ ‎Ishni tekshirish muddati: ____________________________________________________________ ‎ ‎Ishlar soni: ______________________________________________________________________ ‎ ‎
Tekshirish uchun masʼul oʻqituvchi				‎‎________________ ‎(imzo)			‎‎____________________ ‎(F.I.O.)
‎‎ ‎Oʻquv-uslubiy boshqarma masʼul oʻqituvchi				‎‎‎________________ ‎‎(imzo)			‎‎‎‎‎____________________ ‎‎(F.I.O.)
‎-----------------------------------------------------------------------------------------------‎
Yozma ishlarni qaytarish sanasi: _______________________________________________________ ‎ ‎Ishlar soni: _______________________________________________________________________‎‎ ‎
‎‎‎‎Tekshirish uchun masʼul oʻqituvchi				‎‎‎‎________________ ‎‎(imzo)			‎‎‎‎‎‎‎____________________ ‎‎‎(F.I.O.)
‎	‎	‎	‎	‎	‎	‎	‎	‎	‎
‎‎‎‎‎‎‎ ‎Oʻquv-uslubiy boshqarma masʼul oʻqituvchi				‎‎‎‎________________ ‎‎‎(imzo)			‎‎‎‎‎‎‎____________________ ‎‎‎(F.I.O.)

Toshkent davlat yuridik universitetida oʻqitishning modul tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizomga
ILOVA

Talabaning har bir modul boʻyicha oʻzlashtirish darajasini Yevropa kredit transfer tizimi (European Credit Transfer and Accumulation System — ECTS) asosida

BAHOLASH MEZONLARI

Baho	Ballda ifodalanishi	Tavsifi
A	100 — 93	Aʼlo
A-	92 — 86	Aʼlo
B+	85 — 82	Yaxshi
B	81 — 77
B-	76 — 71
C+	70 — 67	Qoniqarli
C	66 — 60
C-	59 — 56
D	55 — 50	Qoniqarsiz
F	49 — 0	Qoniqarsiz

Кўриниш

Кўриниш