1-modda. Oʻzbekiston Respublikasining 1991-yil 18-noyabrda qabul qilingan “Oʻzbekiston Respublikasi Prezidenti saylovi toʻgʻrisida”gi 414–XII-sonli Qonuniga (Oʻzbekiston Respublikasi Oliy Kengashining Axborotnomasi, 1992-yil, № 1, 34-modda; Oʻzbekiston Respublikasi Oliy Majlisining Axborotnomasi, 1998-yil, № 3, 38-modda; 1999-yil, № 9, 206-modda; 2000-yil, № 5-6, 153-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2008-yil, № 12, 637-modda; 2011-yil, № 12/1, 344-modda) quyidagi qoʻshimcha va oʻzgartishlar kiritilsin:

1) 5-moddaning oltinchi qismi quyidagi mazmundagi jumla bilan toʻldirilsin:

“Boshqa davlatlar, xalqaro tashkilotlar va harakatlardan kuzatuvchilarga mandatlar Markaziy saylov komissiyasi tomonidan beriladi”;

2) 10-moddaning ikkinchi qismi “olis va borish qiyin boʻlgan yerlardagi turar joylarida” degan soʻzlardan keyin “qamoqda saqlash joylarida” degan soʻzlar bilan toʻldirilsin;

3) 11-moddaning ikkinchi qismi “olis va borish qiyin boʻlgan yerlarda” degan soʻzlardan keyin “qamoqda saqlash joylarida” degan soʻzlar bilan toʻldirilsin;

4) 21-moddaning birinchi qismidagi “18 yoshga toʻlgan, roʻyxat tuzilayotgan vaqtda muayyan saylov uchastkasi hududida doimiy” degan soʻzlar “oʻn sakkiz yoshga toʻlgan, roʻyxat tuzilayotgan vaqtda muayyan saylov uchastkasi hududida doimiy yoki vaqtincha” degan soʻzlar bilan almashtirilsin;

5) 23-moddaning:

birinchi qismi “olis va borish qiyin boʻlgan joylarda” degan soʻzlardan keyin “qamoqda saqlash joylarida” degan soʻzlar bilan toʻldirilsin;

uchinchi qismidagi “ikki kunlik muddat ichida” degan soʻzlar “yigirma toʻrt soat ichida” degan soʻzlar bilan almashtirilsin;

6) 24²-modda beshinchi qismining beshinchi xatboshisidagi “kamida besh foizining” degan soʻzlar “kamida bir foizining” degan soʻzlar bilan almashtirilsin;

7) 28-moddaning matni quyidagi tahrirda bayon etilsin:

“Saylovoldi tashviqoti — saylov kampaniyasi davrida amalga oshiriladigan va saylovchilarni Oʻzbekiston Respublikasi Prezidentligiga nomzodni yoqlab ovoz berishga undashga qaratilgan faoliyat.

Saylovoldi tashviqoti Oʻzbekiston Respublikasi Prezidentligiga nomzodlar Markaziy saylov komissiyasi tomonidan roʻyxatga olingan kundan eʼtiboran boshlanadi. Saylov kuni va ovoz berish boshlanishiga bir kun qolganida saylovoldi tashviqotiga yoʻl qoʻyilmaydi.

Saylovoldi tashviqotini saylovchilarga bepul yoki imtiyozli shartlarda tovarlar berish, xizmatlar koʻrsatish (axborot xizmatlaridan tashqari), shuningdek pul mablagʻlari toʻlash bilan qoʻshib olib borish taqiqlanadi”;

8) quyidagi mazmundagi 28^{1 _—} 28⁴-moddalar bilan toʻldirilsin:

Saylovoldi tashviqoti quyidagi tarzda olib boriladi:

Oʻzbekiston Respublikasi Prezidentligiga nomzodning dasturi va (yoki) saylovoldi platformasi toʻgʻrisidagi axborotni nomzodni yoqlab ovoz berishga daʼvat etgan holda tarqatish;

Oʻzbekiston Respublikasi Prezidentligiga nomzod toʻgʻrisidagi axborotni uni yoqlab ovoz berishga daʼvat etgan holda tarqatish.

Saylovoldi tashviqoti omma oldida munozaralar, bahslar, matbuot konferensiyalari, intervyular, soʻzga chiqishlar, saylovchilarning yigʻilishlari, Oʻzbekiston Respublikasi Prezidentligiga nomzod toʻgʻrisidagi roliklarni joylashtirish shaklida olib borilishi mumkin.

Saylovoldi tashviqoti:

ommaviy axborot vositalari, shu jumladan televideniye, umumiy foydalanishdagi axborot-telekommunikatsiya tarmoqlari (shu jumladan Internet jahon axborot tarmogʻi) orqali;

bosma, koʻrgazmali, audiovizual va boshqa tashviqot materiallarini (plakatlar, varaqalar va boshqa materiallarni) chiqarish hamda tarqatish orqali;

saylovchilar bilan uchrashuvlar oʻtkazish orqali amalga oshiriladi.

Oʻzbekiston Respublikasi Prezidentligiga nomzodlar, siyosiy partiyalar saylovoldi tashviqotini olib borishning qonun hujjatlarida taqiqlanmagan boshqa turlari, shakllari va usullaridan ham foydalanishi mumkin.

Saylovoldi tashviqoti olib borilayotganda davlat ommaviy axborot vositalaridan foydalanishda Oʻzbekiston Respublikasi Prezidentligiga nomzodlarga hajmiga koʻra bir xil boʻlgan efir vaqti va nashr maydonini bepul berish yoʻli bilan teng sharoitlar taʼminlanadi.

Oʻzbekiston Respublikasi Prezidentligiga nomzodlarga davlat ommaviy axborot vositalarida haq evaziga ham efir vaqti yoki nashr maydoni ajratilishi mumkin.

Oʻzbekiston Respublikasi Prezidentligiga nomzodlarga nodavlat ommaviy axborot vositalarida qonun hujjatlariga muvofiq efir vaqti yoki nashr maydoni ajratilishi mumkin.

Saylov kampaniyasida ishtirok etuvchi ommaviy axborot vositalari tomonidan efir vaqti, nashr maydoni uchun belgilanadigan haq toʻlash shartlari hamda boshqa talablar barcha Oʻzbekiston Respublikasi Prezidentligiga nomzodlar uchun teng va bir xil boʻlishi kerak.

Ommaviy axborot vositalarida tarqatiladigan axborot haqiqatga mos boʻlishi, Oʻzbekiston Respublikasi Prezidentligiga nomzodlarning, siyosiy partiyalarning huquqlari va qonuniy manfaatlarini buzmasligi kerak. Haqiqatga toʻgʻri kelmaydigan maʼlumotlarni, shuningdek Oʻzbekiston Respublikasi Prezidentligiga nomzodlarning shaʼni va qadr-qimmatiga putur yetkazadigan maʼlumotlarni tarqatish taqiqlanadi.

Saylovoldi tashviqoti maqsadida ommaviy axborot vositalaridan foydalanish tartibi, hajmi va vaqti siyosiy partiyalar bilan kelishilgan holda Markaziy saylov komissiyasi tomonidan belgilanadi.

Oʻzbekiston Respublikasi Prezidentligiga nomzodlarga bosma, koʻrgazmali, audiovizual materiallarni, fonogrammalarni, bosma mahsulotning elektron shakllarini va boshqa tashviqot materiallarini moneliksiz chiqarish hamda tarqatish uchun teng sharoitlar yaratib beriladi. Tashviqot materiallari Oʻzbekiston Respublikasi hududida tayyorlanishi kerak.

Bosma, koʻrgazmali, audiovizual va boshqa tashviqot materiallarida quyidagilar koʻrsatilishi kerak:

tashviqot materiallarini tayyorlagan yuridik shaxsning nomi (jismoniy shaxsning familiyasi, ismi va otasining ismi), joylashgan yeri (pochta manzili) va u haqdagi boshqa maʼlumotlar;

tashviqot materiallariga buyurtma bergan yuridik shaxsning nomi (jismoniy shaxsning familiyasi, ismi va otasining ismi);

tashviqot materiallarining adadi, chiqarilgan sanasi toʻgʻrisidagi axborot.

Binolarga, inshootlarga va boshqa joylarga ilgari joylashtirilgan saylovoldi tashviqoti materiallari saylovga bir kun qolganida mahalliy davlat hokimiyati organlari tomonidan olib qoʻyiladi.

Oʻzbekiston Respublikasi Prezidentligiga nomzodlarga saylovchilar bilan uchrashuvlar oʻtkazish orqali saylovoldi tashviqoti uchun teng sharoitlar yaratib beriladi.

Saylovchilar bilan uchrashuvlar Oʻzbekiston Respublikasi Prezidentligiga nomzodlar tomonidan mustaqil ravishda oʻtkaziladi. Ularni oʻtkazish joyi va vaqti, qoida tariqasida, uchastka saylov komissiyalari bilan kelishib olinadi, mazkur komissiyalar bu haqda saylovchilarni oldindan xabardor qiladi.

Davlat va xoʻjalik boshqaruvi organlari, mahalliy davlat hokimiyati organlari, jamoat birlashmalari, shuningdek fuqarolarning oʻzini oʻzi boshqarish organlari Oʻzbekiston Respublikasi Prezidentligiga nomzodlarga saylovchilar bilan uchrashuvlar oʻtkazish uchun jihozlangan xonalarni bepul ajratishi, zarur maʼlumot va axborot materiallarini olishda yordam koʻrsatishi shart.

Oʻzbekiston Respublikasi Prezidentligiga nomzod yoki uning ishonchli vakillari Oʻzbekiston Respublikasi Prezidentligiga boshqa nomzodlar yoki ularning ishonchli vakillari bilan birgalikda saylovchilar bilan uchrashuvlar oʻtkazishga yoxud Oʻzbekiston Respublikasi Prezidentligiga boshqa nomzodlar tomonidan tashkil etilgan saylovchilar bilan uchrashuvlarda ishtirok etishga haqli”;

9) 28¹-modda 28⁵-modda deb hisoblansin;

10) 30-moddaning ikkinchi qismi “boshqa doimiy ishlaydigan davolash muassasalarida” degan soʻzlardan keyin “qamoqda saqlash joylarida” degan soʻzlar bilan toʻldirilsin;

11) 31-moddaning:

nomi quyidagi tahrirda bayon etilsin:

beshinchi — oltinchi qismlari quyidagi mazmundagi beshinchi — oʻn birinchi qismlar bilan almashtirilsin:

“Saylov kuni oʻz yashash joyida boʻlish imkoniyatiga ega boʻlmagan saylovchi muddatidan oldin ovoz berish huquqiga ega.

Muddatidan oldin ovoz berish saylovga oʻn kun qolganida boshlanadi va saylovga bir kun qolganida tugallanadi. Muddatidan oldin ovoz berishni oʻtkazish vaqti okrug saylov komissiyasi tomonidan belgilanadi va saylovchilarning, kuzatuvchilarning, ommaviy axborot vositalari vakillarining eʼtiboriga yetkaziladi.

Muddatidan oldin ovoz berishni amalga oshirish uchun saylovchi saylov kunida boʻla olmasligi sabablari (taʼtil, xizmat safari, chet elga chiqish va hokazo) koʻrsatilgan ariza asosida oʻz yashash joyidagi uchastka saylov komissiyasidan saylov varaqasini oladi. Saylovchi saylov varaqasini olganligi haqida uchastka saylov komissiyasining kamida ikki nafar aʼzosi hozirligida saylovchilar roʻyxatiga imzo qoʻyadi.

Saylov varaqasi maxsus jihozlangan yashirin ovoz berish kabinasida yoki xonasida saylovchi tomonidan toʻldiriladi.

Saylovchi qaror qabul qiladi va toʻldirilgan saylov varaqasini yopiq konvertda uchastka saylov komissiyasida qoldiradi. Konvertning yelimlangan joyiga uchastka saylov komissiyasi ikki nafar aʼzosining imzolari qoʻyilib, ular komissiyaning muhri va saylovchining imzosi bilan tasdiqlanadi.

Saylov varaqasining shakli va uni tayyorlash tartibi, shuningdek saylov varaqalarini saylov uchastkalariga yetkazib berish muddatlari Markaziy saylov komissiyasi tomonidan belgilanadi.

Ayrim saylovchilar salomatligining yaxshi emasligi yoki boshqa sabablarga koʻra ovoz berish binosiga kela olmagan hollarda, uchastka saylov komissiyasi ularning iltimosiga binoan komissiya aʼzolariga ovoz berishni ana shu saylovchilar turgan joyda tashkil etishni topshiradi”;

yettinchi qismi oʻn ikkinchi qism deb hisoblansin;

12) 35-moddaning birinchi qismi quyidagi tahrirda bayon etilsin:

“Markaziy saylov komissiyasi oʻziga kelib tushgan okrug saylov komissiyalarining bayonnomalari asosida respublika boʻyicha saylovchilarning umumiy sonini; saylov byulletenlari va varaqalarini olgan saylovchilar sonini; ovoz berishda ishtirok etgan saylovchilar sonini; har bir nomzod uchun berilgan ovozlar sonini; haqiqiy emas deb topilgan byulletenlar sonini aniqlaydi”.

2-modda. Oʻzbekiston Respublikasining 1993-yil 6-mayda qabul qilingan “Oʻzbekiston Respublikasi Vazirlar Mahkamasi toʻgʻrisida”gi 818-XII-sonli Qonuniga (Oʻzbekiston Respublikasining 2003-yil 29-avgustda qabul qilingan 524-II-sonli Qonuni tahririda) (Oʻzbekiston Respublikasi Oliy Majlisining Axborotnomasi, 2003-yil, № 9-10, 138-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 163-modda; 2008-yil, № 12, 637-modda; 2009-yil, № 12, 465-modda; 2011-yil, № 4, 101-modda; 2014-yil, № 4, 86-modda, № 5, 130-modda; 2015-yil, № 8, 310-modda) quyidagi qoʻshimcha va oʻzgartishlar kiritilsin:

1) 4-modda quyidagi mazmundagi oʻn uchinchi va oʻn toʻrtinchi qismlar bilan toʻldirilsin:

“Vazirlar Mahkamasining vakolatlarini zimmasidan soqit qilish yangi shakllantirilgan Oʻzbekiston Respublikasi Oliy Majlisi Senatining birinchi majlisi oʻtkazilgan kunda Oʻzbekiston Respublikasi Oliy Majlisining palatalariga Bosh vazir tomonidan yozma murojaat berish orqali amalga oshiriladi.

Oʻzbekiston Respublikasi Oliy Majlisining palatalari oʻzlarining majlislarida Vazirlar Mahkamasining oʻz vakolatlarini zimmasidan soqit qilishi toʻgʻrisidagi tegishli qarorlarni qabul qiladi”;

2) 5-moddaning matni quyidagi tahrirda bayon etilsin:

“Vazirlar Mahkamasi oʻz vakolatlari doirasida:

barqaror iqtisodiy oʻsishni, makroiqtisodiy muvozanatni taʼminlash, iqtisodiyotni isloh etish va tarkibiy oʻzgartirish boʻyicha choralar koʻradi;

Oʻzbekiston Respublikasi Davlat budjeti va davlat maqsadli jamgʻarmalari budjetlari, soliq va budjet siyosatining asosiy yoʻnalishlari Oʻzbekiston Respublikasining iqtisodiy va ijtimoiy rivojlantirish prognozlarini hamda eng muhim dasturlarini inobatga olgan holda ishlab chiqilishini va ijro etilishini tashkil etadi;

iqtisodiyotning ustuvor tarmoqlarini rivojlantirish, texnik, texnologik jihatdan modernizatsiya qilish va diversifikatsiyalash dasturlarini, hududlarni kompleks ijtimoiy-iqtisodiy rivojlantirish dasturlarini ishlab chiqadi hamda ularning amalga oshirilishini taʼminlaydi;

erkin tadbirkorlik uchun shart-sharoitlar yaratadi, eng avvalo xususiy mulkni rivojlantirish, iqtisodiyotda davlat ishtiroki darajasini strategik va iqtisodiy jihatdan asoslangan miqdorlargacha qisqartirish, keng koʻlamda xususiylashtirish asosida shart-sharoitlar yaratadi, kichik va xususiy tadbirkorlikni rivojlantirish yoʻlidagi barcha toʻsiqlar va cheklovlarni bartaraf etish, qulay ishbilarmonlik muhitini va investitsiyalash sharoitlarini yaratish, iqtisodiyotni monopoliyadan chiqarish boʻyicha choralar koʻradi;

Oʻzbekiston Respublikasida pul va kredit tizimini mustahkamlash, bank va boshqa moliya institutlarining barqarorligini taʼminlash boʻyicha chora-tadbirlarni amalga oshirishga koʻmaklashadi;

agrar sektorda bozor munosabatlarini rivojlantirish va zamonaviy texnologiyalarni joriy etish, meliorativ va irrigatsiya tarmoqlarini rivojlantirish, yer resurslarining sifatini saqlash va yaxshilash hamda suv resurslaridan oqilona foydalanish, qishloq xoʻjaligini boshqarish tizimini takomillashtirish boʻyicha choralar koʻradi;

davlat boshqaruvi usullarini takomillashtiradi, shu jumladan elektron hukumat prinsiplari asosida takomillashtiradi, bozor prinsiplariga asoslangan xoʻjalik boshqaruvi va korporativ boshqaruvning zamonaviy prinsiplari va usullari joriy etilishini ragʻbatlantiradi;

davlat boshqaruvi tuzilmasini takomillashtirish toʻgʻrisida, Oʻzbekiston Respublikasi vazirliklarini, davlat qoʻmitalarini, idoralarini hamda davlat va xoʻjalik boshqaruvining boshqa organlarini tuzish, qayta tashkil etish hamda tugatish haqida takliflar ishlab chiqadi;

taʼlim tizimini rivojlantirishni, uning sifati va samaradorligini oshirishni taʼminlaydi, uzluksiz taʼlimdan keng koʻlamda foydalanish uchun sharoitlar yaratadi, ilm-fan va texnologiyalarni rivojlantirishning ustuvor yoʻnalishlarini bajarish boʻyicha chora-tadbirlarni amalga oshiradi;

sogʻliqni saqlash tizimini rivojlantirish, tibbiy xizmat koʻrsatish darajasini oshirish, aholining sogʻligʻini saqlash va mustahkamlash, sogʻlom turmush tarzi prinsiplarini joriy etish, sanitariya-epidemiologik osoyishtalikni taʼminlash boʻyicha chora-tadbirlarni amalga oshiradi;

madaniyat, sanʼat, jismoniy tarbiya va sportni rivojlantirishga, madaniy qadriyatlardan keng koʻlamda foydalanishni taʼminlashga, fuqarolarning ijtimoiy va madaniy hayotda toʻla huquqli tarzda ishtirok etishiga koʻmaklashadi;

ish oʻrinlari tashkil etish va aholi bandligini taʼminlash dasturlarini ishlab chiqadi hamda amalga oshiradi, fuqarolarni ijtimoiy himoya qilish, ularning ijtimoiy va pensiya taʼminoti tizimlari faoliyat koʻrsatishini taʼminlaydi, oila, onalik va bolalikni himoya qilishga koʻmaklashadi, yoshlarga oid davlat siyosatini amalga oshirish boʻyicha choralar koʻradi;

tabiiy resurslardan oqilona foydalanish, tabiatni muhofaza qilish tadbirlarini oʻtkazish hamda respublika ahamiyatiga va xalqaro ahamiyatga molik yirik ekologik dasturlarni roʻyobga chiqarish boʻyicha chora-tadbirlarni amalga oshiradi, yirik avariyalar va halokatlarning, shuningdek tabiiy ofatlarning oqibatlarini tugatish yuzasidan choralar koʻradi;

Oʻzbekiston Respublikasining davlat xavfsizligi va mudofaa qobiliyatini taʼminlash, davlat chegaralarini qoʻriqlash, davlat manfaatlarini himoya qilish, jamoat tartibini saqlash boʻyicha chora-tadbirlarni amalga oshirishga koʻmaklashadi;

Oʻzbekiston Respublikasining xorijiy davlatlar va xalqaro tashkilotlardagi vakilligini taʼminlaydi, hukumatlararo shartnomalar tuzadi, ularni ijro etish choralarini koʻradi;

tashqi iqtisodiy faoliyat, ilmiy-texnikaviy va madaniy hamkorlik sohasida rahbarlikni amalga oshiradi”;

3) 8-modda:

quyidagi mazmundagi uchinchi qism bilan toʻldirilsin:

“Oʻzbekiston Respublikasi Oliy Majlisining palatalari zarur boʻlgan hollarda oʻz majlislarida Bosh vazirning mamlakat ijtimoiy-iqtisodiy rivojlanishining ayrim dolzarb masalalari yuzasidan hisobotini qonunga muvofiq parlament soʻrovi tartibida eshitishi mumkin”;

uchinchi — oltinchi qismlari tegishincha toʻrtinchi — yettinchi qismlar deb hisoblansin;

4) 9-modda quyidagi tahrirda bayon etilsin:

Oʻzbekiston Respublikasi Oliy Majlisi Qonunchilik palatasining, Senatining Oʻzbekiston Respublikasi hukumati yoki unga boʻysunuvchi davlat yoxud xoʻjalik boshqaruvi organlari faoliyatiga taalluqli boʻlgan parlament soʻrovi, Oʻzbekiston Respublikasi Oliy Majlisi Qonunchilik palatasi deputatining, Senati aʼzosining shunday soʻrovi yuborilgan Oʻzbekiston Respublikasi Vazirlar Mahkamasi yoki hukumati aʼzosi qonunda belgilangan tartibda va muddatlarda javob berishi shart”.

3-modda. Oʻzbekiston Respublikasining 1993-yil 7-mayda qabul qilingan “Valyutani tartibga solish toʻgʻrisida”gi 841–XII-sonli Qonuni (Oʻzbekiston Respublikasining 2003-yil 11-dekabrda qabul qilingan 556–II-sonli Qonuni tahririda) (Oʻzbekiston Respublikasi Oliy Majlisining Axborotnomasi, 2004-yil, № 1-2, 6-modda; Oʻzbekiston Respublikasi Oliy Majlisi palatalarining Axborotnomasi, 2009-yil, № 9, 330-modda; 2014-yil, № 9, 244-modda) 10-moddasining ikkinchi qismiga quyidagi qoʻshimcha va oʻzgartish kiritilsin:

quyidagi mazmundagi sakkizinchi xatboshi bilan toʻldirilsin:

“valyuta birjasi faoliyatini amalga oshirish huquqini olish uchun litsenziyalash tartibini belgilaydi”;

sakkizinchi — oʻn oltinchi xatboshilar tegishincha toʻqqizinchi — oʻn yettinchi xatboshilar deb hisoblansin.

4-modda. Oʻzbekiston Respublikasining 1993-yil 28-dekabrda qabul qilingan “Oʻzbekiston Respublikasi Oliy Majlisiga saylov toʻgʻrisida”gi 990–XII-sonli Qonuniga (Oʻzbekiston Respublikasining 2003-yil 29-avgustda qabul qilingan 518–II-sonli Qonuni tahririda) (Oʻzbekiston Respublikasi Oliy Majlisining Axborotnomasi, 2003-yil, № 9-10, 132-modda; 2004-yil, № 9, 171-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2008-yil, № 12, 637-modda; 2012-yil, № 12, 331-modda) quyidagi qoʻshimcha va oʻzgartish kiritilsin:

1) 6-moddaning oltinchi qismi quyidagi mazmundagi jumla bilan toʻldirilsin:

“Boshqa davlatlar, xalqaro tashkilotlar va harakatlardan kuzatuvchilarga mandatlar Markaziy saylov komissiyasi tomonidan beriladi”;

2) 65-moddaning birinchi qismi quyidagi tahrirda bayon etilsin:

“Ushbu Qonunni buzganlikda aybdor shaxslar belgilangan tartibda javobgar boʻladi”.

5-modda. Oʻzbekiston Respublikasining 1994-yil 5-mayda qabul qilingan “Xalq deputatlari viloyat, tuman va shahar Kengashlariga saylov toʻgʻrisida”gi 1050–XII-sonli Qonuniga (Oʻzbekiston Respublikasi Oliy Kengashining Axborotnomasi, 1994-yil, № 5, 125-modda; Oʻzbekiston Respublikasi Oliy Majlisining Axborotnomasi, 1998-yil, № 3, 38-modda; 1999-yil, № 1, 20-modda, № 9, 206-modda; 2000-yil, № 5-6, 153-modda; 2003-yil, № 9-10, 134-modda; 2004-yil, № 9, 171-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2008-yil, № 12, 637-modda; 2012-yil, № 12, 331-modda; 2014-yil, № 1, 2-modda) quyidagi qoʻshimcha va oʻzgartish kiritilsin:

1) 9-modda quyidagi mazmundagi ikkinchi qism bilan toʻldirilsin:

“Xalq deputatlari viloyat, tuman va shahar Kengashlariga saylov oʻtkazuvchi saylov komissiyalarining faoliyatini uslubiy jihatdan taʼminlash Oʻzbekiston Respublikasi Markaziy saylov komissiyasi tomonidan amalga oshiriladi”;

2) 49-moddaning birinchi qismi quyidagi tahrirda bayon etilsin:

“Ushbu Qonunni buzganlikda aybdor shaxslar belgilangan tartibda javobgar boʻladi”.

6-modda. Oʻzbekiston Respublikasining 1994-yil 22-sentabrda qabul qilingan 2012–XII-sonli Qonuni bilan tasdiqlangan Oʻzbekiston Respublikasining Jinoyat kodeksi (Oʻzbekiston Respublikasi Oliy Kengashining Axborotnomasi, 1995-yil, № 1, 3-modda; Oʻzbekiston Respublikasi Oliy Majlisining Axborotnomasi, 1996-yil, № 9, 144-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda; 2001-yil, № 1-2, 23-modda, № 9-10, 165-modda; 2002-yil, № 9, 165-modda; 2003-yil, № 1, 8-modda, № 9-10, 149-modda; 2004-yil, № 1-2, 18-modda, № 9, 171-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 314-modda, № 12, 417, 418-moddalar; 2006-yil, № 6, 261-modda, № 12, 656-modda; 2007-yil, № 4, 158, 166-moddalar, № 6, 248-modda, № 9, 416, 422-moddalar, № 12, 607-modda; 2008-yil, № 4, 187, 188, 189-moddalar, № 7, 352-modda, № 9, 485, 487, 488-moddalar, № 12, 640, 641-moddalar; 2009-yil, № 1, 1-modda, № 4, 128-modda, № 9, 329, 334, 335, 337-moddalar, № 12, 470-modda; 2010-yil, № 5, 176, 179-moddalar, № 9, 341-modda, № 12, 471, 477-moddalar; 2011-yil, № 1, 1-modda; 2012-yil, № 4, 108-modda, № 9/1, 242-modda, № 12, 336-modda; 2013-yil, № 4, 98-modda, № 10, 263-modda; 2014-yil, № 1, 2-modda, № 5, 130-modda, № 9, 244-modda, № 12, 343-modda; 2015-yil, № 6, 228-modda, № 8, 310, 312-moddalar) quyidagi mazmundagi 229³-modda bilan toʻldirilsin:

Shaharsozlik toʻgʻrisidagi qonun hujjatlariga muvofiq binolarni, inshootlarni yoki boshqa obyektlarni qurish, rekonstruksiya qilish va kapital taʼmirlashga taqiqlar (cheklovlar) belgilangan zonalarda ushbu ishlarni bajarish, shunday harakatlar uchun maʼmuriy jazo qoʻllanilganidan keyin sodir etilgan boʻlsa, —

eng kam oylik ish haqining oʻttiz baravaridan ellik baravarigacha miqdorda jarima yoki uch yilgacha axloq tuzatish ishlari bilan jazolanadi”.

7-modda. Oʻzbekiston Respublikasining 1994-yil 22-sentabrda qabul qilingan 2013–XII-sonli Qonuni bilan tasdiqlangan Oʻzbekiston Respublikasining Jinoyat-protsessual kodeksi (Oʻzbekiston Respublikasi Oliy Kengashining Axborotnomasi, 1995-yil, № 2, 5-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 11, 23-moddalar, № 9-10, 165, 182-moddalar; 2002-yil, № 9, 165-modda; 2003-yil, № 5, 67-modda; 2004-yil, № 1-2, 18-modda, № 9, 171-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 12, 418-modda; 2006-yil, № 6, 261-modda; 2007-yil, № 4, 166-modda, № 6, 248, 249-moddalar, № 9, 422-modda, № 12, 594, 595, 607-moddalar; 2008-yil, № 4, 177, 187-moddalar, № 9, 482, 484, 487-moddalar, № 12, 636, 641-moddalar; 2009-yil, № 1, 1-modda, № 4, 136-modda, № 9, 335-modda, № 12, 469, 470-moddalar; 2010-yil, № 6, 231-modda, № 9, 334, 336, 337, 342-moddalar, № 12, 477-modda; 2011-yil, № 4, 103, 104-moddalar, № 9, 252-modda, № 12/2, 363-modda; 2012-yil, № 1, 3-modda, № 9/2, 244-modda, № 12, 336-modda; 2014-yil, № 9, 244-modda; 2015-yil, № 8, 310, 312-moddalar) 345-moddasi beshinchi qismidagi “229²” raqami “229³” raqami bilan almashtirilsin.

8-modda. Oʻzbekiston Respublikasining 1994-yil 22-sentabrda qabul qilingan 2015–XII-sonli Qonuni bilan tasdiqlangan Oʻzbekiston Respublikasining Maʼmuriy javobgarlik toʻgʻrisidagi kodeksiga (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 23-modda, № 9-10, 165, 182-moddalar; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda, № 9-10, 149-modda; 2004-yil, № 1-2, 18-modda, № 5, 90-modda, № 9, 171-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 312-modda, № 12, 413, 417, 418-moddalar; 2006-yil, № 6, 261-modda, № 9, 498-modda, № 10, 536-modda, № 12, 656, 659-moddalar; 2007-yil, № 4, 158, 159, 164, 165-moddalar, № 9, 416, 421-moddalar, № 12, 596, 604, 607-moddalar; 2008-yil, № 4, 181, 189, 192-moddalar, № 9, 486, 488-moddalar, № 12, 640, 641-moddalar; 2009-yil, № 1, 1-modda, № 9, 334, 335, 337-moddalar, № 10, 380-modda, № 12, 462, 468, 470, 472, 474-moddalar; 2010-yil, № 5, 175, 179-moddalar, № 6, 231-modda, № 9, 335, 339, 341-moddalar, № 10, 380-modda, № 12, 468, 473, 474-moddalar; 2011-yil, № 1, 1-modda, № 4, 104, 105-moddalar, № 9, 247, 252-moddalar, № 12/2, 365-modda; 2012-yil, № 4, 108-modda, № 9/1, 242-modda, № 12, 336-modda; 2013-yil, № 4, 98-modda, № 10, 263-modda; 2014-yil, № 1, 2-modda, № 5, 130-modda, № 9, 244-modda, № 12, 341, 343-moddalar; 2015-yil, № 6, 228-modda, № 8, 310, 312-moddalar) quyidagi qoʻshimcha va oʻzgartishlar kiritilsin:

1) quyidagi mazmundagi 56¹-modda bilan toʻldirilsin:

Ish joylarida, sogʻliqni saqlash, taʼlim, sport-sogʻlomlashtirish muassasalarida, yongʻin chiqish xavfi boʻlgan joylarda, shu jumladan avtomobillarga yoqilgʻi quyish shoxobchalarida va boshqa jamoat joylarida tamaki mahsulotini isteʼmol qilish, bundan tamaki mahsulotini isteʼmol qilish uchun maxsus ajratilgan joylar va (yoki) xonalar mustasno, –

eng kam ish haqining uchdan bir qismi miqdorida jarima solishga sabab boʻladi”;

2) 99-modda quyidagi mazmundagi yettinchi qism bilan toʻldirilsin:

“Shaharsozlik toʻgʻrisidagi qonun hujjatlariga muvofiq binolarni, inshootlarni yoki boshqa obyektlarni qurish, rekonstruksiya qilish va kapital taʼmirlashga taqiqlar (cheklovlar) belgilangan zonalarda ushbu ishlarni bajarish, –

fuqarolarga eng kam ish haqining oʻn baravaridan yigirma baravarigacha miqdorda jarima solishga sabab boʻladi”;

3) 122-modda quyidagi tahrirda bayon etilsin:

Mahalliy va uzoq masofaga qatnaydigan poyezdlarda, daryo kemalarida belgilanmagan joylarda, shahar atrofiga qatnaydigan poyezdlarning vagonlarida (shu jumladan tamburlarida), shahar ichida, shahar atrofiga, shaharlararo va xalqaro yoʻnalishlarda qatnaydigan avtobuslarda, shuningdek taksilarda, yoʻnalishli taksilarda hamda shahar elektr transportida tamaki mahsulotini isteʼmol qilish,–

eng kam ish haqining uchdan bir qismi miqdorida jarima solishga sabab boʻladi.

Havo kemalarida tamaki mahsulotini isteʼmol qilish, —

eng kam ish haqining ikki baravari miqdorida jarima solishga sabab boʻladi”;

4) 187-modda quyidagi tahrirda bayon etilsin:

Ish joylarida, koʻchalarda, stadionlarda, xiyobonlarda, istirohat bogʻlarida, jamoat transportining barcha turlarida va boshqa jamoat joylarida alkogol mahsulotini isteʼmol qilish, bundan toʻylar, yubileylar hamda boshqa tantanalar va marosimlar oʻtkaziladigan joylar, shuningdek alkogol mahsulotini quyib realizatsiya qilishga ruxsat etilgan savdo va umumiy ovqatlanish obyektlari mustasno, –

eng kam ish haqining ikkidan bir qismi miqdorida jarima solishga sabab boʻladi.

Xuddi shunday huquqbuzarlik maʼmuriy jazo chorasi qoʻllanilganidan keyin bir yil davomida takror sodir etilgan boʻlsa, –

eng kam ish haqining ikkidan bir qismidan ikki baravarigacha miqdorda jarima solishga yoki oʻn besh sutkagacha muddatga maʼmuriy qamoqqa olishga sabab boʻladi”;

5) 248-moddaning:

birinchi qismidagi “ushbu Kodeks 113-moddasining birinchi, ikkinchi, toʻrtinchi va beshinchi qismlarida” degan soʻzlar “ushbu Kodeksning 56¹-moddasida, 113-moddasining birinchi, ikkinchi, toʻrtinchi va beshinchi qismlarida” degan soʻzlar bilan almashtirilsin;

ikkinchi qismi:

1-bandidagi “ushbu Kodeksning 113-moddasining birinchi, ikkinchi, toʻrtinchi va beshinchi qismlarida” degan soʻzlar “ushbu Kodeksning 56¹-moddasida, 113-moddasining birinchi, ikkinchi, toʻrtinchi va beshinchi qismlarida” degan soʻzlar bilan almashtirilsin;

2-bandidagi “ushbu Kodeksning 113-moddasi birinchi qismida” degan soʻzlar “ushbu Kodeksning 56¹-moddasida, 113-moddasining birinchi qismida” degan soʻzlar bilan almashtirilsin;

4-bandi quyidagi tahrirda bayon etilsin:

“4) ushbu Kodeksning 56¹, 122, 123-moddalarida, 127-moddasida (maqsadsiz ovozli signal berishga doir qismida), 161-moddasida (fuqarolarga nisbatan), 187-moddasining birinchi qismida, 191, 221-moddalarida, 223-moddasining birinchi qismida, 224-moddasining birinchi qismida nazarda tutilgan maʼmuriy huquqbuzarliklar uchun — militsiya uchastkasi boshliqlari, militsiya profilaktika katta inspektorlari va inspektorlari”.

9-modda. Oʻzbekiston Respublikasining 1995-yil 21-dekabrda qabul qilingan “Oʻzbekiston Respublikasining Markaziy banki toʻgʻrisida”gi 154–I-sonli Qonuniga (Oʻzbekiston Respublikasi Oliy Majlisining Axborotnomasi, 1995-yil, № 12, 247-modda; 1998-yil, № 9, 181-modda; 1999-yil, № 5, 124-modda; 2001-yil, № 1-2, 23-modda; 2003-yil, № 1, 8-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 9, 496-modda; 2007-yil, № 12, 608-modda; 2009-yil, № 4, 133-modda, № 9, 330, 337-moddalar, № 12, 470-modda; 2012-yil, № 4, 105-modda, № 12, 336-modda; 2014-yil, № 5, 130-modda, № 12, 343-modda)quyidagi oʻzgartish va qoʻshimchalar kiritilsin:

1) 3-modda ikkinchi qismining toʻrtinchi xatboshisidagi “lombardlar va kredit byurolari” degan soʻzlar “lombardlar, valyuta birjasi va kredit byurolari” degan soʻzlar bilan almashtirilsin;

2) 4-moddaning toʻrtinchi xatboshisi “Mikrokreditbank” aksiyadorlik tijorat bankining” degan soʻzlardan keyin “valyuta birjasining” degan soʻzlar bilan toʻldirilsin;

3) 17-moddaning sakkizinchi xatboshisi “lombardlar” degan soʻzdan keyin “valyuta birjasi” degan soʻzlar bilan toʻldirilsin;

4) 40-moddaning:

ikkinchi qismi quyidagi mazmundagi toʻrtinchi xatboshi bilan toʻldirilsin:

“valyuta birjasini litsenziyalashni amalga oshiradi va uning faoliyatini tartibga soladi”;

toʻrtinchi — oltinchi xatboshilari tegishincha beshinchi — yettinchi xatboshilar deb hisoblansin.

10-modda. Oʻzbekiston Respublikasining 1996-yil 26-aprelda qabul qilingan “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi 223–I-sonli Qonuniga (Oʻzbekiston Respublikasining 2014-yil 6-mayda qabul qilingan OʻRQ–370-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2014-yil, № 5, 128-modda; 2015-yil, № 8, 312-modda) quyidagi oʻzgartish va qoʻshimchalar kiritilsin:

1) 24-moddaning ikkinchi qismi quyidagi tahrirda bayon etilsin:

“Agar qimmatli qogʻozlar fond birjasining birja kotirovkasi varagʻiga kiritilgan boʻlsa, ularning birja kotirovkalari mazkur qimmatli qogʻozlarning bozor qiymati deb eʼtirof etiladi”;

2) 53-moddaning matni quyidagi tahrirda bayon etilsin:

“Dividendlar aksiyadorlarning umumiy yigʻilishi tomonidan belgilangan muddatlarda jamiyatning aybi bilan toʻlanmagan (olinmagan) taqdirda toʻlanmagan (olinmagan) dividendlar boʻyicha Oʻzbekiston Respublikasi Markaziy banki tomonidan belgilangan qayta moliyalashtirish stavkalaridan kelib chiqqan holda penya hisoblanadi. Toʻlanmagan (olinmagan) dividendlar boʻyicha hisoblanadigan penyalar miqdori toʻlanmagan (olinmagan) dividendlar miqdorining 50 foizidan ortiq boʻlmasligi kerak.

Aksiyador jamiyat tomonidan hisoblangan dividendlar va penyalar toʻlanishini sud tartibida talab qilishga haqli. Aksiyadorning talablari sud tomonidan qanoatlantirilganda dividendlar jamiyat tomonidan toʻlanmagan taqdirda, jamiyatga nisbatan qonun hujjatlarida belgilangan tartibda toʻlovga qobiliyatsizlikni bartaraf etish yoki bankrot deb eʼlon qilish tartib-taomili qoʻllaniladi”;

3) 58-moddaning toʻrtinchi qismi “jamiyatning yillik hisoboti” degan soʻzlardan keyin “jamiyat ijroiya organi va kuzatuv kengashining jamiyatni rivojlantirish strategiyasiga erishish boʻyicha koʻrilayotgan chora-tadbirlar toʻgʻrisidagi hisobotlari” degan soʻzlar bilan toʻldirilsin;

4) 59-modda birinchi qismining oʻn ikkinchi xatboshisi quyidagi tahrirda bayon etilsin:

“jamiyatning yillik hisobotini va yillik biznes-rejasini, shuningdek jamiyat faoliyatining asosiy yoʻnalishlari va maqsadidan kelib chiqqan holda jamiyatni oʻrta muddatga va uzoq muddatga rivojlantirishning aniq muddatlari belgilangan strategiyasini tasdiqlash”;

5) 75-modda birinchi qismining ikkinchi xatboshisi quyidagi tahrirda bayon etilsin:

“jamiyatni rivojlantirish strategiyasiga erishish boʻyicha koʻrilayotgan chora-tadbirlar toʻgʻrisida jamiyat ijroiya organining hisobotini muntazam ravishda eshitib borgan holda jamiyat faoliyatining ustuvor yoʻnalishlarini belgilash”;

6) 79-modda yettinchi qismining ikkinchi jumlasi quyidagi tahrirda bayon etilsin:

“Jamiyat ustaviga muvofiq yoki aksiyadorlar umumiy yigʻilishining yoxud jamiyat kuzatuv kengashining qaroriga koʻra jamiyat direktorini yoki boshqaruv aʼzolarini tayinlash, qoida tariqasida, chet ellik menejerlar ishtirok etishi mumkin boʻlgan tanlov boʻyicha saralash asosida amalga oshiriladi”;

7) 102-modda:

toʻrtinchi qismi quyidagi tahrirda bayon etilsin:

“Jamiyatning yillik hisoboti aksiyadorlarning yillik umumiy yigʻilishi oʻtkaziladigan sanadan oʻn kundan kechiktirmay jamiyatning kuzatuv kengashi tomonidan dastlabki tarzda tasdiqlanishi lozim”;

quyidagi mazmundagi beshinchi qism bilan toʻldirilsin:

“Jamiyat Xalqaro moliyaviy hisobot standartlariga muvofiq tuzilgan yillik moliyaviy hisobotni u Xalqaro audit standartlariga muvofiq tashqi auditdan oʻtkazilganidan keyin, aksiyadorlarning yillik umumiy yigʻilishi oʻtkaziladigan sanadan kamida ikki hafta oldin eʼlon qilishi shart”;

8) 106-moddaning ikkinchi qismidagi “listingiga” degan soʻz “birja kotirovkasi varagʻiga” degan soʻzlar bilan almashtirilsin.

11-modda. Oʻzbekiston Respublikasining 1996-yil 30-avgustda qabul qilingan “Buxgalteriya hisobi toʻgʻrisida”gi 279–I-sonli Qonuni (Oʻzbekiston Respublikasi Oliy Majlisining Axborotnomasi, 1996-yil, № 9, 142-modda; Oʻzbekiston Respublikasi Oliy Majlisi palatalarining Axborotnomasi, 2013-yil, № 4, 98-modda, № 10, 263-modda, № 12, 350-modda; 2014-yil, № 5, 130-modda) 20-moddasining ikkinchi qismi quyidagi tahrirda bayon etilsin:

“Aksiyadorlik jamiyatlari, shuningdek sugʻurta tashkilotlari, banklar va boshqa moliya tashkilotlari har yilgi moliyaviy hisobotni aksiyadorlarning yoki buxgalteriya hisobi subyektining boshqa yuqori boshqaruv organining yillik umumiy yigʻilishi oʻtkaziladigan sanadan kamida ikki hafta oldin ijobiy auditorlik xulosasi bilan birga eʼlon qilishi shart”.

12-modda. Oʻzbekiston Respublikasining 1997-yil 24-aprelda qabul qilingan “Axborot olish kafolatlari va erkinligi toʻgʻrisida”gi 400–I-sonli Qonuni (Oʻzbekiston Respublikasi Oliy Majlisining Axborotnomasi, 1997-yil, № 4-5, 108-modda; 2001-yil, № 1-2, 23-modda) 6-moddasiga quyidagi oʻzgartish va qoʻshimchalar kiritilsin:

birinchi qism quyidagi tahrirda bayon etilsin:

“Axborot olishga doir soʻrov ogʻzaki, yozma shaklda, shu jumladan axborot tizimi orqali elektron shaklda ifodalanishi mumkin”;

quyidagi mazmundagi uchinchi qism bilan toʻldirilsin:

“Yozma soʻrovda murojaat etuvchining elektron manzili koʻrsatilishi mumkin. Yozma soʻrovda elektron manzilning koʻrsatilganligi murojaat etuvchining soʻrovga axborot tizimi orqali elektron shaklda javob olishga boʻlgan roziligidir”;

uchinchi — oltinchi qismlar tegishincha toʻrtinchi — yettinchi qismlar deb hisoblansin;

toʻrtinchi qism “Yozma soʻrovlar” degan soʻzlardan keyin “shu jumladan elektron hujjat tarzida yuboriladigan soʻrovlar” degan soʻzlar bilan toʻldirilsin;

beshinchi qismdagi “oʻttiz” degan soʻz “oʻn besh” degan soʻzlar bilan almashtirilsin.

13-modda. Oʻzbekiston Respublikasining 1997-yil 25-aprelda qabul qilingan “Energiyadan oqilona foydalanish toʻgʻrisida”gi 412–I-sonli Qonuni (Oʻzbekiston Respublikasi Oliy Majlisining Axborotnomasi, 1997-yil, № 4-5, 118-modda; 2003-yil, № 5, 67-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 9, 423-modda; 2013-yil, № 4, 98-modda, № 10, 263-modda) 13-moddasining ikkinchi qismidagi “olti”degan soʻz “ikki”degan soʻz bilan almashtirilsin.

14-modda. Oʻzbekiston Respublikasining 1997-yil 29-avgustda qabul qilingan “Davlat bojxona xizmati toʻgʻrisida”gi 472–I-sonli Qonuni (Oʻzbekiston Respublikasi Oliy Majlisining Axborotnomasi, 1997-yil, № 9, 230-modda; 1998-yil, № 5-6, 102-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 10, 536-modda, № 12, 657-modda; 2015-yil, № 8, 312-modda) 7-moddasining ikkinchi qismi quyidagi tahrirda bayon etilsin:

“Bojxona organlari aniqlangan huquqbuzarliklar boʻyicha mavjud materiallar toʻgʻrisidagi axborotni, shuningdek oʻzga axborotni boshqa organlar va tashkilotlar bilan almashishni, shu jumladan idoralararo elektron hamkorlik qilishdan foydalangan holda almashishni oʻz zimmalariga yuklatilgan vazifalarni bajarish maqsadida, qonun hujjatlarida va bitimlarda belgilangan tartibda amalga oshiradi”.

15-modda. Oʻzbekiston Respublikasining 1997-yil 29-avgustda qabul qilingan “Davlat soliq xizmati toʻgʻrisida”gi 474–I-sonli Qonuniga (Oʻzbekiston Respublikasi Oliy Majlisining Axborotnomasi, 1997-yil, № 9, 232-modda; 1998-yil, № 5-6, 102-modda; 1999-yil, № 9, 229-modda; 2000-yil, № 7-8, 217-modda; 2001-yil, № 5, 89-modda, № 9-10, 182-modda; 2003-yil, № 1, 8-modda, № 5, 67-modda; 2004-yil, № 9, 171-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 5, 152-modda, № 9, 312-modda, № 12, 415-modda; 2006-yil, № 10, 536-modda; 2007-yil, № 12, 608-modda; 2008-yil, № 12, 640-modda; 2009-yil, № 12, 474-modda; 2010-yil, № 9, 336-modda; 2012-yil, № 4, 105-modda; 2014-yil, № 9, 244-modda) quyidagi oʻzgartishlar kiritilsin:

1) 5-modda birinchi qismining 8-bandidagi “shuningdek soliq toʻlovchi tomonidan soliq hisoboti va (yoki) moliyaviy hisobot taqdim etilmagan” degan soʻzlar “shuningdek soliq toʻlovchi tomonidan soliq hisoboti va (yoki) moliyaviy hisobot, kameral nazorat natijalari boʻyicha tafovutlarning asoslari yoxud aniqlashtirilgan soliq hisoboti belgilangan muddatda taqdim etilmagan” degan soʻzlar bilan almashtirilsin;

2) 7-moddaning ikkinchi qismi quyidagi tahrirda bayon etilsin:

“Davlat soliq xizmati organlari, huquqni muhofaza qiluvchi organlar, moliya organlari, banklar soliqlar boʻyicha huquqbuzarliklarga oid mavjud materiallar va huquqbuzarliklarning oldini olish yuzasidan koʻrilgan chora-tadbirlar, oʻtkazilayotgan tekshiruvlar toʻgʻrisida oʻzaro kelishuv boʻyicha aniqlanadigan tartibda bir-birini xabardor qiladi, shu jumladan idoralararo elektron hamkorlik qilishdan foydalangan holda xabardor qiladi, shuningdek oʻz zimmalariga yuklatilgan vazifalarni bajarish maqsadida boshqa axborotni almashishni amalga oshiradi”.

17-modda. Oʻzbekiston Respublikasining 1998-yil 30-aprelda qabul qilingan “Oʻzbekiston Respublikasi Markaziy saylov komissiyasi toʻgʻrisida”gi 613–I-sonli Qonuniga (Oʻzbekiston Respublikasi Oliy Majlisining Axborotnomasi, 1998-yil, № 5-6, 95-modda; 1999-yil, № 1, 20-modda, № 9, 206-modda; 2000-yil, № 5-6, 153-modda; 2004-yil, № 9, 171-modda; Oʻzbekiston Respublikasi Oliy Majlisi palatalarining Axborotnomasi, 2008-yil, № 12, 637-modda; 2014-yil, № 9, 244-modda) quyidagi oʻzgartishlar kiritilsin:

1) 5-moddaning oʻn birinchi xatboshisidagi “bu mablagʻlardan foydalanish tartibini belgilaydi” degan soʻzlar chiqarib tashlansin;

2) 9-moddaning matni quyidagi tahrirda bayon etilsin:

“Markaziy saylov komissiyasi oʻz vakolatlari doirasida qarorlar qabul qiladi, qarorlar Markaziy saylov komissiyasi raisi tomonidan imzolanadi.

Markaziy saylov komissiyasining qarorlari ular qabul qilingan paytdan eʼtiboran kuchga kiradi va Markaziy saylov komissiyasining rasmiy veb-saytida oʻsha kunning oʻzida, shuningdek, zarur boʻlgan hollarda, boshqa manbalarda eʼlon qilinishi lozim”.

18-modda. Oʻzbekiston Respublikasining 1999-yil 19-avgustda qabul qilingan “Yoʻl harakati xavfsizligi toʻgʻrisida”gi 818–I-sonli Qonuniga (Oʻzbekiston Respublikasining 2013-yil 10-aprelda qabul qilingan OʻRQ-348-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2013-yil, № 4, 94-modda) quyidagi oʻzgartishlar kiritilsin:

1) 5-modda ikkinchi qismining uchinchi xatboshisidagi “davlat-aksiyadorlik kompaniyasi” degan soʻzlar “tashkiloti” degan soʻz bilan almashtirilsin;

2) 9-modda:

nomidagi “davlat-aksiyadorlik kompaniyasining” degan soʻzlar “tashkilotining” degan soʻz bilan almashtirilsin;

birinchi qismining birinchi xatboshisidagi va ikkinchi qismidagi “davlat-aksiyadorlik kompaniyasi” degan soʻzlar “tashkiloti” degan soʻz bilan almashtirilsin.

19-modda. Oʻzbekiston Respublikasining 2000-yil 25-mayda qabul qilingan “Tadbirkorlik faoliyati erkinligining kafolatlari toʻgʻrisida”gi 69–II-sonli Qonunining (Oʻzbekiston Respublikasining 2012-yil 2-mayda qabul qilingan OʻRQ–328-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2012-yil, № 5, 133-modda; 2013-yil, № 4, 98-modda, № 10, 263-modda; 2014-yil, № 12, 341, 343-moddalar; 2015-yil, № 8, 312-modda) 34-moddasiga quyidagi qoʻshimcha va oʻzgartish kiritilsin:

quyidagi mazmundagi uchinchi qism bilan toʻldirilsin:

“Davlat organlariga, shu jumladan huquqni muhofaza qiluvchi organlarga va boshqa tashkilotlarga, shuningdek ularning mansabdor shaxslariga:

bitimlar tuzish, foydani taqsimlash, ijroiya organi rahbarini va uning aʼzolarini saylash (tayinlash) masalalari boʻyicha hamda tadbirkorlik faoliyati subyektlarining boshqaruv organlari vakolatiga taalluqli boʻlgan boshqa masalalar boʻyicha qarorlar qabul qilish, tadbirkorlik faoliyati subyektlariga koʻrsatmalar va boshqa farmoyishlar berish, bundan qonunda nazarda tutilgan hollar mustasno;

tadbirkorlik faoliyati subyektlarining oʻz vakolatlari doirasida tadbirkorlik tavakkalchiligi sharoitlarida qabul qilingan, zarar koʻrilishiga olib kelgan qarorlar uchun ularning boshqaruv organlari aʼzolariga nisbatan javobgarlik choralarini koʻrish taqiqlanadi”;

uchinchi va toʻrtinchi qismlar tegishincha toʻrtinchi va beshinchi qismlar deb hisoblansin.

20-modda. Oʻzbekiston Respublikasining 2000-yil 25-mayda qabul qilingan “Faoliyatning ayrim turlarini litsenziyalash toʻgʻrisida”gi 71–II-sonli Qonuniga (Oʻzbekiston Respublikasi Oliy Majlisining Axborotnomasi, 2000-yil, № 5-6, 142-modda; 2003-yil, № 1, 8-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 4, 154-modda, № 10, 536-modda; 2011-yil, № 9, 245-modda; 2013-yil, № 4, 98-modda; 2014-yil, № 12, 343-modda; 2015-yil, № 8, 312-modda) quyidagi qoʻshimchalar kiritilsin:

1) 14-modda:

birinchi qismining ikkinchi xatboshisi quyidagi mazmundagi jumla bilan toʻldirilsin:

“Litsenziya berish toʻgʻrisidagi arizada litsenziya daʼvogarining elektron manzili koʻrsatilishi mumkin”;

uchinchi qismi quyidagi mazmundagi jumla bilan toʻldirilsin:

“Litsenziya berish toʻgʻrisidagi arizada litsenziya daʼvogarining elektron manzili koʻrsatilganligi uning arizasi boʻyicha qabul qilingan qaror haqida axborot tizimi orqali elektron shaklda xabarnoma olishga boʻlgan roziligidir”;

2) 16-modda:

beshinchi qismi “shaklda” degan soʻzdan keyin “shu jumladan axborot tizimi orqali elektron shaklda” degan soʻzlar bilan toʻldirilsin;

oltinchi qismi “shaklda” degan soʻzdan keyin “shu jumladan axborot tizimi orqali elektron shaklda” degan soʻzlar bilan toʻldirilsin;

3) 22-moddaning yettinchi qismi “ommaviy axborot vositalarida” degan soʻzlardan keyin “shuningdek litsenziyalovchi organning rasmiy veb-saytida” degan soʻzlar bilan toʻldirilsin;

4) 23-moddaning beshinchi qismi “ommaviy axborot vositalarida” degan soʻzlardan keyin “shuningdek litsenziyalovchi organning rasmiy veb-saytida” degan soʻzlar bilan toʻldirilsin;

5) 24-moddaning toʻrtinchi qismi “ommaviy axborot vositalarida” degan soʻzlardan keyin “shuningdek litsenziyalovchi organning rasmiy veb-saytida” degan soʻzlar bilan toʻldirilsin.

21-modda. Oʻzbekiston Respublikasining 2001-yil 29-avgustda qabul qilingan “Sud hujjatlari va boshqa organlar hujjatlarini ijro etish toʻgʻrisida”gi 258–II-sonli Qonuniga (Oʻzbekiston Respublikasi Oliy Majlisining Axborotnomasi, 2001-yil, № 9-10, 169-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 8, 367-modda, № 12, 598-modda; 2008-yil, № 4, 184, 187-moddalar; 2009-yil, № 1, 1-modda; 2010-yil, № 9, 337, 340-moddalar; 2012-yil, № 12, 336-modda; 2014-yil, № 5, 130-modda; 2015-yil, № 8, 312-modda) quyidagi qoʻshimcha va oʻzgartishlar kiritilsin:

1) 7-modda:

quyidagi mazmundagi ikkinchi qism bilan toʻldirilsin:

“Ijro varaqasi, sud buyrugʻi sudyaning elektron raqamli imzosi bilan tasdiqlangan elektron hujjat tarzida axborot tizimi orqali taqdim etilishi mumkin”;

ikkinchi qismi uchinchi qism deb hisoblansin;

2) 54-modda:

oltinchi qismi quyidagi tahrirda bayon etilsin:

“Fond birjasining birja kotirovkasi varagʻiga kiritilgan qimmatli qogʻozlarning qiymati tegishli qimmatli qogʻozlar oʻzida birja kotirovkasi varagʻiga kiritilgan va qonun hujjatlariga muvofiq kotirovka qilinadigan fond birjasiga qimmatli qogʻozlar kotirovkalariga doir soʻrov berish orqali sud ijrochisi tomonidan aniqlanadi”;

yettinchi qismidagi “fond birjasining rasmiy listingiga kiritilmagan va markazlashtirilgan tartibda kotirovka qilinmayotgan boʻlsa” degan soʻzlar “fond birjasining birja kotirovkasi varagʻiga kiritilmagan boʻlsa” degan soʻzlar bilan almashtirilsin.

22-modda. Oʻzbekiston Respublikasining 2002-yil 5-aprelda qabul qilingan “Sugʻurta faoliyati toʻgʻrisida”gi 358–II-sonli Qonuni (Oʻzbekiston Respublikasi Oliy Majlisining Axborotnomasi, 2002-yil, № 4-5, 68-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 10, 536-modda; 2007-yil, № 9, 415-modda; 2008-yil, № 4, 192-modda, № 12, 635-modda; 2009-yil, № 9, 337-modda; 2010-yil, № 12, 467-modda; 2012-yil, № 4, 107-modda; 2013-yil, № 4, 98-modda, № 10, 263-modda; 2014-yil, № 9, 244-modda) 10-moddasining uchinchi qismidagi “Oʻzagrosugʻurta” davlat-aksiyadorlik sugʻurta kompaniyasi, “Kafolat” davlat-aksiyadorlik sugʻurta kompaniyasi” degan soʻzlar “Oʻzagrosugʻurta” aksiyadorlik jamiyati, “Kafolat sugʻurta kompaniyasi” aksiyadorlik jamiyati” degan soʻzlar bilan almashtirilsin.

23-modda. Oʻzbekiston Respublikasining 2002-yil 12-dekabrda qabul qilingan “Oʻzbekiston Respublikasi Oliy Majlisining Senati toʻgʻrisida”gi 432–II-sonli Konstitutsiyaviy Qonuniga (Oʻzbekiston Respublikasi Oliy Majlisining Axborotnomasi, 2002-yil, № 12, 213-modda; 2003-yil, № 5, 67-modda; Oʻzbekiston Respublikasi Oliy Majlisi palatalarining Axborotnomasi, 2011-yil, № 4, 101-modda; 2014-yil, № 4, 86-modda) quyidagi oʻzgartishlar kiritilsin:

1) 12-modda quyidagi tahrirda bayon etilsin:

Senat davlat hokimiyati va boshqaruvi organlarining mansabdor shaxslariga qonunlarning, turli sohalardagi davlat dasturlarining ijrosi masalalari hamda ularning vakolatlariga kiradigan boshqa muhim masalalar yuzasidan asoslantirilgan tushuntirish berish yoki nuqtai nazarini bayon etish talabi bilan parlament soʻrovi yuborishga haqli.

Senat aʼzosi davlat hokimiyati va boshqaruvi organlarining mansabdor shaxslariga, qoida tariqasida, tegishli hududlarning manfaatlari bilan bogʻliq masalalar yuzasidan asoslantirilgan tushuntirish berish yoki nuqtai nazarini bayon etish talabi bilan soʻrov yuborishga haqli.

Davlat hokimiyati va boshqaruvi organlarining mansabdor shaxslari parlament soʻroviga, senator soʻroviga javobni Senat Reglamentida belgilangan tartibda va muddatlarda beradi”;

2) 16-moddaning birinchi qismi quyidagi tahrirda bayon etilsin:

“Senatning faoliyatini samarali tashkil etish maqsadida Senat Kengashi tuziladi”.

24-modda. Oʻzbekiston Respublikasining 2002-yil 12-dekabrda qabul qilingan “Oʻzbekiston Respublikasi Oliy Majlisining Qonunchilik palatasi toʻgʻrisida”gi 434–II-sonli Konstitutsiyaviy Qonuniga (Oʻzbekiston Respublikasi Oliy Majlisining Axborotnomasi, 2002-yil, № 12, 215-modda; 2003-yil, № 5, 67-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 163-modda, № 7, 326-modda; 2008-yil, № 12, 637-modda; 2011-yil, № 4, 101-modda; 2014-yil, № 4, 86-modda) quyidagi oʻzgartishlar kiritilsin:

1) 12-modda quyidagi tahrirda bayon etilsin:

Qonunchilik palatasi davlat hokimiyati va boshqaruvi organlarining mansabdor shaxslariga qonunlarning, turli sohalardagi davlat dasturlarining ijrosi masalalari hamda ularning vakolatlariga kiradigan boshqa muhim masalalar yuzasidan asoslantirilgan tushuntirish berish yoki nuqtai nazarini bayon etish talabi bilan parlament soʻrovi yuborishga haqli.

Qonunchilik palatasi deputati davlat hokimiyati va boshqaruvi organlarining mansabdor shaxslariga, qoida tariqasida, tegishli saylov okrugi saylovchilarining yoki Oʻzbekiston ekologik harakatining huquqlari va qonuniy manfaatlarini taʼminlash bilan bogʻliq masalalar yuzasidan asoslantirilgan tushuntirish berish yoki nuqtai nazarini bayon etish talabi bilan soʻrov yuborishga haqli.

Davlat hokimiyati va boshqaruvi organlarining mansabdor shaxslari parlament soʻroviga, Qonunchilik palatasi deputati soʻroviga javobni Qonunchilik palatasi Reglamentida belgilangan tartibda va muddatlarda beradi”;

2) 16-moddaning birinchi qismi quyidagi tahrirda bayon etilsin:

“Qonunchilik palatasining faoliyatini samarali tashkil etish maqsadida Qonunchilik palatasi Kengashi tuziladi”;

3) 25¹-modda beshinchi qismining ikkinchi xatboshisi quyidagi tahrirda bayon etilsin:

“qonun loyihasi birinchi oʻqishda koʻrib chiqilguniga qadar oʻsha masalaga doir qonun loyihasining, shuningdek Qonunchilik palatasi qarori loyihasining muqobil tahririni kiritish”;

4) 28-moddaning:

birinchi qismidagi “Qonunchilik palatasi Spikeri” degan soʻzlar “Qonunchilik palatasi Reglamentida belgilangan tartibda Qonunchilik palatasi Kengashi” degan soʻzlar bilan almashtirilsin;

toʻrtinchi qismidagi “Oʻzbekiston Respublikasi qonunlarini tayyorlash toʻgʻrisida” degan soʻzlar “Qonunlar loyihalarini tayyorlash va Oʻzbekiston Respublikasi Oliy Majlisining Qonunchilik palatasiga kiritish tartibi toʻgʻrisida” degan soʻzlar bilan almashtirilsin.

25-modda. Oʻzbekiston Respublikasining 2002-yil 12-dekabrda qabul qilingan “Axborot erkinligi prinsiplari va kafolatlari toʻgʻrisida”gi 439–II-sonli Qonunining (Oʻzbekiston Respublikasi Oliy Majlisining Axborotnomasi, 2003-yil, № 1, 2-modda) 9-moddasiga quyidagi oʻzgartishlar va qoʻshimcha kiritilsin:

birinchi qism quyidagi tahrirda bayon etilsin:

“Har kim axborot olish uchun bevosita yoxud oʻz vakillari orqali ogʻzaki, yozma shakldagi, shu jumladan axborot tizimi orqali elektron shakldagi soʻrov bilan murojaat etish huquqiga ega”;

quyidagi mazmundagi uchinchi qism bilan toʻldirilsin:

“Yozma soʻrovda murojaat etuvchining elektron manzili koʻrsatilishi mumkin. Yozma soʻrovda elektron manzilning koʻrsatilganligi murojaat etuvchining soʻrovga axborot tizimi orqali elektron shaklda javob olishga boʻlgan roziligidir”;

uchinchi — toʻqqizinchi qismlar tegishincha toʻrtinchi — oʻninchi qismlar deb hisoblansin;

toʻrtinchi qism quyidagi tahrirda bayon etilsin:

“Yozma soʻrovga, shu jumladan elektron hujjat tarzida yuborilgan soʻrovga imkon qadar qisqa muddatda, agar qonun hujjatlarida boshqacha qoida nazarda tutilgan boʻlmasa, soʻrov olingan sanadan eʼtiboran oʻn besh kundan kechiktirmay javob berilishi kerak”;

oltinchi qismdagi “uchinchi va toʻrtinchi” degan soʻzlar “toʻrtinchi va beshinchi” degan soʻzlar bilan almashtirilsin.

26-modda. Oʻzbekiston Respublikasining 2002-yil 12-dekabrda qabul qilingan “Davlat statistikasi toʻgʻrisida”gi 441–II-sonli Qonuni (Oʻzbekiston Respublikasi Oliy Majlisining Axborotnomasi, 2002-yil, № 12, 219-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 12, 415-modda; 2010-yil, № 9, 333-modda; 2012-yil, № 1, 1-modda) 9-moddasining birinchi qismi quyidagi tahrirda bayon etilsin:

“Davlat statistikasi organlari Davlat statistikasi ishlari dasturini bajarishda davlat statistikasi organlariga koʻmaklashishi shart boʻlgan boshqa davlat organlari hamda yuridik shaxslar bilan statistika ishlarini hamkorlikda bajaradi, shu jumladan idoralararo elektron hamkorlik qilishdan foydalangan holda bajaradi”.

27-modda. Oʻzbekiston Respublikasining 2003-yil 29-avgustda qabul qilingan “Oʻzbekiston Respublikasi Oliy Majlisi Qonunchilik palatasining Reglamenti toʻgʻrisida”gi 522–II-sonli Qonuniga (Oʻzbekiston Respublikasi Oliy Majlisining Axborotnomasi, 2003-yil, № 9-10, 136-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 163-modda, № 7, 326-modda; 2008-yil, № 12, 637-modda; 2009-yil, № 4, 136-modda; 2011-yil, № 4, 101-modda; 2013-yil, № 4, 95-modda; 2014-yil, № 5, 130-modda) quyidagi oʻzgartish va qoʻshimchalar kiritilsin:

1) 1-modda quyidagi tahrirda bayon etilsin:

Oʻzbekiston Respublikasi Oliy Majlisining Qonunchilik palatasi (bundan buyon matnda Qonunchilik palatasi deb yuritiladi) oʻz faoliyatini Oʻzbekiston Respublikasining Konstitutsiyasiga, “Oʻzbekiston Respublikasi Oliy Majlisining Qonunchilik palatasi toʻgʻrisida”gi Oʻzbekiston Respublikasining Konstitutsiyaviy Qonuniga, ushbu Qonunga va boshqa qonunlarga muvofiq amalga oshiradi”;

2) 2-moddaning nomi va birinchi qismi quyidagi tahrirda bayon etilsin:

Qonunchilik palatasi faoliyatining asosiy prinsiplari quyidagilardan iborat:

siyosiy xilma-xillik va koʻppartiyaviylik;

masalalarni erkin muhokama qilish va jamoa boʻlib hal etish;

ochiqlik va oshkoralik;

jamoatchilik fikrini hisobga olish”;

3) 3-moddaning:

toʻrtinchi qismidagi “va sanoq komissiyasi” degan soʻzlar “sanoq komissiyasi va ovozlarni hisoblashning elektron tizimidan foydalanish ustidan muvaqqat nazorat guruhi” degan soʻzlar bilan almashtirilsin;

beshinchi qismi:

ikkinchi xatboshisi chiqarib tashlansin;

uchinchi, toʻrtinchi va beshinchi xatboshilari tegishincha ikkinchi, uchinchi va toʻrtinchi xatboshilar deb hisoblansin;

4) 4-moddaning matni quyidagi tahrirda bayon etilsin:

“Qonunchilik palatasining birinchi majlisi Qonunchilik palatasi Spikerini saylashdan boshlanadi.

Qonunchilik palatasi Spikerini va uning oʻrinbosarlarini saylash uchun deputatlar orasidan Qonunchilik palatasiga saylovda ishtirok etgan har bir siyosiy partiyadan kamida uch nafar deputatdan iborat Siyosiy partiyalar vakillari kengashi tuziladi. Siyosiy partiyalar vakillari kengashining tarkibi toʻgʻrisidagi qaror Qonunchilik palatasi deputatlari umumiy sonining koʻpchilik ovozi bilan qabul qilinadi.

Siyosiy partiyalar vakillari kengashi oʻz majlisida Qonunchilik palatasi Spikeri va uning oʻrinbosarlari lavozimlariga nomzodlarni deputatlar orasidan koʻrsatish masalasini koʻrib chiqadi. Siyosiy partiyalar vakillari kengashi majlisida Qonunchilik palatasiga saylovda eng koʻp deputatlik oʻrinlarini olgan siyosiy partiyaning vakili raislik qiladi.

Nomzod, agar u yashirin ovoz berish natijasida Qonunchilik palatasi deputatlari umumiy sonining yarmidan koʻp ovozini olgan boʻlsa, Qonunchilik palatasining Spikeri etib saylangan hisoblanadi.

Qonunchilik palatasi Spikeri oʻrinbosarlarining soni, qoida tariqasida, Qonunchilik palatasida tuzilgan fraksiyalar va deputatlar guruhlarining sonidan kelib chiqqan holda Qonunchilik palatasi tomonidan belgilanadi. Qonunchilik palatasida tuzilgan fraksiya va deputatlar guruhi oʻz vakili Qonunchilik palatasi Spikerining oʻrinbosari lavozimlaridan birini egallashida kafolatli huquqqa egadir.

Qonunchilik palatasi Spikerining oʻrinbosarlari yashirin ovoz berish orqali deputatlar umumiy sonining koʻpchilik ovozi bilan Qonunchilik palatasining vakolatlari muddatiga saylanadi.

Qonunchilik palatasi Spikerining oʻrinbosarini saylash uchun fraksiya va deputatlar guruhi, qoida tariqasida, oʻz fraksiyasining, deputatlar guruhining rahbari nomzodini kiritadi.

Fraksiyadan yoki deputatlar guruhidan taqdim etilgan nomzod Qonunchilik palatasi Spikerining oʻrinbosari lavozimiga saylanmagan taqdirda, fraksiya, deputatlar guruhi oʻz fraksiyasi, deputatlar guruhi aʼzolari orasidan boshqa nomzodni taqdim etish huquqiga ega.

Qonunchilik palatasi Spikeri va uning oʻrinbosarlari saylanganligi toʻgʻrisida qarorlar qabul qilinadi, qarorlarni palata majlisida raislik qiluvchi imzolaydi”;

5) 5-moddaning uchinchi qismidagi “Qonunchilik palatasi Spikeri” degan soʻzlar “ularning nomzodlari koʻrsatilgan fraksiyalar yoki deputatlar guruhlari” degan soʻzlar bilan almashtirilsin;

6) 6-modda:

birinchi qismi quyidagi tahrirda bayon etilsin:

“Qonunchilik palatasining faoliyatini samarali tashkil etish maqsadida Qonunchilik palatasi Kengashi tuziladi”;

quyidagi mazmundagi uchinchi va toʻrtinchi qismlar bilan toʻldirilsin:

“Qonunchilik palatasining Kengashi:

Qonunchilik palatasi majlisining kun tartibi loyihasini shakllantiradi;

qoʻmitalarning ishini muvofiqlashtirib boradi;

Qonunchilik palatasiga kelib tushgan qonun loyihasini dastlabki tarzda koʻrib chiqish uchun masʼul boʻlgan qoʻmitani (bundan buyon matnda masʼul qoʻmita deb yuritiladi) belgilaydi;

qonun loyihasini Qonunchilik palatasi koʻrib chiqishi uchun qabul qilish yoki uni qonunchilik tashabbusi huquqi subyektiga qaytarish toʻgʻrisida masʼul qoʻmitaning xulosasiga koʻra qaror qabul qiladi;

Qonunchilik palatasi deputatining saylov okrugidagi ishini tashkil etishga koʻmaklashadi;

Qonunchilik palatasi faoliyatini tashkil etish bilan bogʻliq boshqa masalalarni hal etadi.

Kengash oʻz vakolatiga kiradigan masalalar boʻyicha oʻz aʼzolari umumiy sonining koʻpchilik ovozi bilan qarorlar qabul qiladi”;

uchinchi qismi beshinchi qism deb hisoblansin;

7) 7-moddaning:

uchinchi qismi quyidagi tahrirda bayon etilsin:

“Qonunchilik palatasida budjet va iqtisodiy islohotlar qoʻmitasi, qonunchilik va sud-huquq masalalari qoʻmitasi, mehnat va ijtimoiy masalalar qoʻmitasi, mudofaa va xavfsizlik masalalari qoʻmitasi, xalqaro ishlar va parlamentlararo aloqalar qoʻmitasi, axborot va kommunikatsiya texnologiyalari masalalari qoʻmitasi, ekologiya va atrof-muhitni muhofaza qilish masalalari qoʻmitasi tuzilishi shart. Qonunchilik palatasida boshqa qoʻmitalar ham tuzilishi mumkin”;

toʻrtinchi qismidagi “oʻntadan” degan soʻz “oʻn bittadan” degan soʻzlar bilan almashtirilsin;

beshinchi qismidagi “saylovda saylovchilarning qancha ovozini olganligini inobatga olgan holda” degan soʻzlar “saylov yakunlari boʻyicha olingan deputatlik oʻrinlarini inobatga olgan holda” degan soʻzlar bilan almashtirilsin;

8) quyidagi mazmundagi 7¹-modda bilan toʻldirilsin:

Qonun loyihalarini ishlab chiqishga va muhokama qilishga, nazorat-tahlil tadbirlarini tayyorlashga va oʻtkazishga koʻmaklashish maqsadida Qonunchilik palatasining qoʻmitalari huzurida ekspert guruhlari tuziladi.

Ekspert guruhlari davlat organlarining, ilmiy va taʼlim muassasalarining, nodavlat notijorat tashkilotlarining tegishli sohalarda ilmiy ish tajribasiga, qonun loyihalarini tayyorlash va (yoki) amaliy ish tajribasiga ega boʻlgan malakali mutaxassislari orasidan tuziladi.

Qonunchilik palatasining qoʻmitalari huzurida ekspert guruhlarini shakllantirish va ularning faoliyati tartibi Qonunchilik palatasi Kengashi tomonidan tasdiqlanadigan nizom bilan belgilanadi”;

9) 8-modda quyidagi mazmundagi beshinchi va oltinchi qismlar bilan toʻldirilsin:

“Oʻzbekiston Respublikasi Oliy Majlisi palatalarining qoʻshma qarori bilan Oʻzbekiston Respublikasi Oliy Majlisining komissiyalari (parlament komissiyalari) tashkil etilishi mumkin.

Zarur boʻlgan hollarda komissiyalar ishiga davlat organlarining va boshqa organlarning vakillari, shuningdek fuqarolik jamiyati institutlarining vakillari jalb etilishi mumkin”;

10) 9¹-modda beshinchi qismining ikkinchi xatboshisi quyidagi tahrirda bayon etilsin:

“qonun loyihasi birinchi oʻqishda koʻrib chiqilguniga qadar oʻsha masalaga doir qonun loyihasining, shuningdek Qonunchilik palatasi qarori loyihasining muqobil tahririni kiritish”;

11) 11-moddaning birinchi qismi quyidagi tahrirda bayon etilsin:

“Qonunchilik palatasining qarorlari uning majlislarida ochiq yoki yashirin ovoz berish orqali qabul qilinadi. Ochiq ovoz berish fraksiyalarning (deputatlar guruhlarining) tashabbusiga koʻra nomma-nom oʻtkazilishi mumkin, uning natijalari Qonunchilik palatasi majlisining stenogrammasiga ilova qilinadi”;

12) 12-modda:

ikkinchi qismining:

1-bandi quyidagi tahrirda bayon etilsin:

“1) qonun loyihasiga uning konsepsiyasi bayon qilingan tushuntirish xati, ushbu konsepsiyada huquqiy jihatdan tartibga solishning asosiy gʻoyasi, maqsadi va predmeti; tegishli ijtimoiy munosabatlarni huquqiy jihatdan tartibga solishning mazkur sohada amalda boʻlgan qonunlar hamda boshqa normativ-huquqiy hujjatlar tahlili ilova qilingan holdagi umumiy tavsifi va holatiga berilgan baho; qonun loyihasini ishlab chiqish zaruriyati asoslari; qonun loyihasining asosiy qoidalari; boʻlgʻusi qonunning ijtimoiy-iqtisodiy, huquqiy va boshqa oqibatlari prognozi belgilab berilgan boʻlishi kerak”;

5-bandidagi “(bundan buyon matnda Davlat budjeti deb yuritiladi)” degan soʻzlar chiqarib tashlansin;

uchinchi qismining ikkinchi jumlasi quyidagi tahrirda bayon etilsin:

“Qonunchilik palatasiga ilgari palata tomonidan birinchi oʻqishda qabul qilingan tegishli qonun loyihasiga doir masalaga daxldor boʻlgan qonun loyihasi kelib tushgan hollarda, Qonunchilik palatasi yangi kiritilgan qonun loyihasini qaytarish toʻgʻrisidagi yoxud uni ilgari birinchi oʻqishda qabul qilingan qonun loyihasi bilan birlashtirish haqidagi masalani masʼul qoʻmitaning xulosasi asosida hal etishga haqli”;

13) 13-moddaning:

birinchi qismi quyidagi tahrirda bayon etilsin:

“Qonunchilik palatasi Kengashi Muvofiqlashtiruvchi guruhning axborotini eshitib, masʼul qoʻmitani belgilaydi, qonun loyihasi hamda unga ilova qilingan materiallarni masʼul qoʻmitaga va, bir vaqtning oʻzida, fraksiyalarga (deputatlar guruhlariga) topshiradi. Bunda Qonunchilik palatasi Kengashi fraksiyalar (deputatlar guruhlari) tomonidan fikrlar va takliflarni hamda masʼul qoʻmita tomonidan xulosani taqdim etish muddatini belgilaydi”;

toʻrtinchi va beshinchi qismlari quyidagi mazmundagi toʻrtinchi qism bilan almashtirilsin:

“Qonunchilik palatasi Kengashi masʼul qoʻmitaning xulosasi asosida, fraksiyalarning (deputatlar guruhlarining) fikrlari va takliflarini hisobga olgan holda qonun loyihasini Qonunchilik palatasi koʻrib chiqishi uchun qabul qilish toʻgʻrisida yoki qonun loyihasi ushbu Qonun 12-moddasining ikkinchi qismida belgilangan talablarga muvofiq boʻlmagan taqdirda uni qonunchilik tashabbusi huquqi subyektiga qaytarish haqida qaror qabul qiladi”;

oltinchi, yettinchi va sakkizinchi qismlari tegishincha beshinchi, oltinchi va yettinchi qismlar deb hisoblansin;

14) 14-moddaning toʻrtinchi qismi quyidagi mazmundagi jumla bilan toʻldirilsin:

“Muhokamalarga olimlar, mutaxassislar, fuqarolik jamiyati institutlarining vakillari ham taklif etilishi mumkin”;

15) 15-moddaning matni quyidagi tahrirda bayon etilsin:

“Qonunchilik palatasi qonun loyihasini, qoida tariqasida, uch oʻqishda koʻrib chiqadi.

Qonun loyihasini Qonunchilik palatasi majlislarida birinchi oʻqishda koʻrib chiqish chogʻida uni qabul qilish zarurati, qonun loyihasining konsepsiyasi, uning Oʻzbekiston Respublikasining Konstitutsiyasi va qonunlariga muvofiqligi, shuningdek qonunni amalga oshirish bilan bogʻliq xarajatlar hamda moliyalashtirish manbalari toʻgʻrisidagi masala muhokama qilinadi. Bunda masʼul qoʻmitadan boʻlgan maʼruzachi birinchi va keyingi oʻqishlarda fraksiyalarning (deputatlar guruhlarining) fikrlari va takliflarini deputatlarga yetkazishi shart.

Fraksiyalarning (deputatlar guruhlarining) qonun loyihasi boʻyicha fikrlari va takliflari majburiy ravishda va har tomonlama muhokama qilinishi lozim.

Qonun loyihasini kiritgan qonunchilik tashabbusi huquqi subyekti yoki uning vakili Qonunchilik palatasi majlisida qonun loyihasini birinchi oʻqishda koʻrib chiqish chogʻida soʻzga chiqishi mumkin.

Qonunchilik palatasi muhokama natijalari boʻyicha qonun loyihasini maromiga yetkazish va keyingi oʻqishda koʻrib chiqish uchun palataga kiritish muddatini majburiy tartibda belgilagan holda uni birinchi oʻqishda qabul qilish haqida yoxud qonun loyihasini rad etish toʻgʻrisida qaror qabul qiladi.

Qonunchilik palatasi muhokamasiga qonun loyihalarining muqobil tahrirlari kiritilgan taqdirda ular bir vaqtda koʻrib chiqilishi kerak. Qonunchilik palatasi deputatlarining qaror qabul qilish uchun talab qilinadigan eng koʻp miqdordagi ovozini toʻplagan qonun loyihasi birinchi oʻqishda qabul qilingan hisoblanadi.

Birinchi oʻqishda qabul qilingan qonun loyihasining matni, qoida tariqasida, Qonunchilik palatasining rasmiy veb-saytida joylashtiriladi, zarur boʻlgan hollarda esa, Qonunchilik palatasining qaroriga koʻra ommaviy axborot vositalarida eʼlon qilinadi.

Masʼul qoʻmita kelib tushgan fikrlar va takliflarni qonun loyihasini ikkinchi oʻqishga tayyorlash chogʻida umumlashtiradi. Qonun loyihasining maromiga yetkazilgan matni fraksiyalarga (deputatlar guruhlariga), shuningdek qonun loyihasini kiritgan qonunchilik tashabbusi huquqi subyektiga ularning ushbu qonun loyihasi boʻyicha fikrlari va takliflarini olish uchun yuboriladi.

Masʼul qoʻmita maromiga yetkazilgan qonun loyihasi boʻyicha fikrlar va takliflarni olganidan soʻng ularning muhokamasini qonun loyihasini kiritgan qonunchilik tashabbusi huquqi subyekti vakillari ishtirokida tashkil etadi. Muhokamalarga olimlar, mutaxassislar, fuqarolik jamiyati institutlarining vakillari ham taklif etilishi mumkin.

Sotsial va ijtimoiy ahamiyatga molik masalalarga daxldor qonun loyihalari muhokamalariga fuqarolik jamiyati institutlarining vakillari taklif etilishi shart.

Masʼul qoʻmita tomonidan asosli deb topilgan takliflar qonun loyihasining matniga kiritiladi.

Qonun loyihasini Qonunchilik palatasi tomonidan ikkinchi oʻqishda koʻrib chiqish chogʻida masʼul qoʻmita tomonidan maʼqullangan fikrlar va takliflar ham, maʼqullanmagan fikrlar va takliflar ham muhokama qilinadi. Qonun loyihasi boʻyicha ovoz berish moddama-modda oʻtkaziladi.

Muhokama natijalari boʻyicha Qonunchilik palatasi qonun loyihasini maromiga yetkazish va keyingi oʻqishda koʻrib chiqish uchun palataga kiritish muddatini belgilagan holda uni ikkinchi oʻqishda qabul qilish haqida yoxud qonun loyihasini rad etish toʻgʻrisida qaror qabul qiladi.

Uchinchi oʻqishda qonun loyihasi muhokama qilinmasdan toʻlaligicha ovozga qoʻyiladi.

Qonun loyihasi birinchi yoki ikkinchi oʻqishda qabul qilingan taqdirda, masʼul qoʻmitaning taklifiga binoan qonunni keyingi oʻqishlar tartib-taomilini istisno etgan holda qabul qilish toʻgʻrisidagi masala ovozga qoʻyilishi mumkin.

Qonun Qonunchilik palatasi tomonidan palata deputatlari umumiy sonining koʻpchilik ovozi bilan qabul qilinadi, bundan ushbu Qonun 15¹, 17 va 18-moddalarida nazarda tutilgan hollar mustasno.

Qonunchilik palatasi tomonidan qabul qilingan qonun oʻn kun ichida Senatga koʻrib chiqish uchun yuboriladi. Senatga qonun bilan birgalikda qonun loyihasini Qonunchilik palatasiga kiritish chogʻida taqdim etilgan materiallar yuboriladi”;

16) quyidagi mazmundagi 15¹-modda bilan toʻldirilsin:

Senat tomonidan rad etilgan qonun Qonunchilik palatasi tomonidan bir oylik muddatda qayta koʻrib chiqilishi lozim.

Masʼul qoʻmita Senat tomonidan rad etilgan qonun yuzasidan xulosa beradi.

Masʼul qoʻmitaning xulosasi olinganidan keyin qonunni Qonunchilik palatasi tomonidan qayta koʻrib chiqish masalasi belgilangan tartibda Qonunchilik palatasi majlisining kun tartibiga kiritiladi.

Senat tomonidan rad etilgan qonunni qayta koʻrib chiqishda Qonunchilik palatasi quyidagi qarorlardan birini qabul qiladi:

yuzaga kelgan kelishmovchiliklarni bartaraf etish uchun belgilangan tartibda kelishuv komissiyasini tuzish;

qonunni Qonunchilik palatasi tomonidan avvalgi qabul qilingan tahririda qabul qilish;

qonunni Qonunchilik palatasining qayta koʻrib chiqishidan olib tashlash.

Agar Qonunchilik palatasi Senat tomonidan rad etilgan qonunni Qonunchilik palatasi deputatlari umumiy sonining uchdan ikki qismidan iborat koʻpchilik ovozi bilan yana maʼqullasa, qonun Oʻzbekiston Respublikasi Oliy Majlisi tomonidan qabul qilingan hisoblanadi hamda imzolanishi va eʼlon qilinishi uchun Oʻzbekiston Respublikasi Prezidentiga yuboriladi”;

17) 16-moddaning:

uchinchi va toʻrtinchi qismlari quyidagi mazmundagi uchinchi qism bilan almashtirilsin:

“Kelishuv komissiyasining Qonunchilik palatasidan koʻrsatilgan tarkibi uning majlisida tasdiqlanadi. Bunda kelishuv komissiyasining Qonunchilik palatasidan koʻrsatilgan tarkibiga oʻzini muxolifat deb eʼlon qilgan fraksiyalarning vakillari kiritilishi shart”;

beshinchi — oʻn uchinchi qismlari tegishincha toʻrtinchi — oʻn ikkinchi qismlar deb hisoblansin;

18) 17-moddaning:

nomidagi “Qonunni” degan soʻz “Oʻzbekiston Respublikasi Prezidenti qaytargan qonunni” degan soʻzlar bilan almashtirilsin;

birinchi qismidagi “Senat tomonidan rad etilgan yoki” degan soʻzlar chiqarib tashlansin;

ikkinchi qismidagi “Senat tomonidan rad etilgan yoki” degan soʻzlar chiqarib tashlansin;

toʻrtinchi qismi chiqarib tashlansin;

beshinchi va oltinchi qismlari tegishincha toʻrtinchi va beshinchi qismlar deb hisoblansin;

19) 19-moddaning yettinchi qismidagi “hisobga olinishi shart” degan soʻzlar “majburiy ravishda va har tomonlama muhokama qilinishi lozim” degan soʻzlar bilan almashtirilsin;

20) IV boʻlimning nomi quyidagi tahrirda bayon etilsin:

21) 20-moddaning:

nomi va birinchi qismi quyidagi tahrirda bayon etilsin:

Navbatdagi yil uchun Oʻzbekiston Respublikasining Davlat budjeti, davlat maqsadli jamgʻarmalarining budjetlari hamda soliq va budjet siyosatining asosiy yoʻnalishlari (bundan buyon matnda Davlat budjeti deb yuritiladi) loyihasi Oʻzbekiston Respublikasi Vazirlar Mahkamasi tomonidan joriy yilning 15-oktabridan kechiktirmay Oʻzbekiston Respublikasi Hisob palatasining xulosasi bilan birga Qonunchilik palatasiga kiritiladi”;

ikkinchi qismidagi “masʼul qoʻmitaga” degan soʻzlar “Budjet va iqtisodiy islohotlar qoʻmitasiga” degan soʻzlar bilan almashtirilsin;

oltinchi qismidagi “hisobga olinishi shart” degan soʻzlar “majburiy ravishda va har tomonlama muhokama qilinishi lozim” degan soʻzlar bilan almashtirilsin;

22) 22-modda:

quyidagi mazmundagi beshinchi va oltinchi qismlar bilan toʻldirilsin:

“Vazirlar Mahkamasining yaqin muddatga va uzoq istiqbolga moʻljallangan harakat dasturi Oliy Majlis palatalarining qoʻshma majlisida eshitiladi.

Vazirlar Mahkamasining yaqin muddatga va uzoq istiqbolga moʻljallangan harakat dasturi, fraksiyalar (deputatlar guruhlari) vakillarining oʻz fikrlari va nuqtai nazarlari bayon etilgan maʼruzalari eshitilganidan soʻng Bosh vazir nomzodini tasdiqlash toʻgʻrisidagi masala koʻrib chiqiladi”;

beshinchi — oʻn ikkinchi qismlari tegishincha yettinchi — oʻn toʻrtinchi qismlar deb hisoblansin;

23) VII boʻlim quyidagi mazmundagi 26¹-modda bilan toʻldirilsin:

Oʻzbekiston Respublikasi Vazirlar Mahkamasining oʻtgan yildagi ijtimoiy-iqtisodiy rivojlanish yakunlari va navbatdagi yil uchun nazarda tutilgan asosiy ustuvorliklar toʻgʻrisidagi har yilgi maʼruzasi Oʻzbekiston Respublikasi Bosh vaziri tomonidan Qonunchilik palatasiga taqdim etiladi.

Har yilgi maʼruzani koʻrib chiqish yakunlari boʻyicha Qonunchilik palatasining qarori qabul qilinadi, qaror Senatga va Oʻzbekiston Respublikasi Vazirlar Mahkamasiga yuboriladi”;

24) 28-moddaning matni quyidagi tahrirda bayon etilsin:

“Oʻzbekiston Respublikasining xalqaro shartnomasini ratifikatsiya qilish, denonsatsiya qilish, tugatish yoki uning amal qilishini toʻxtatib turish toʻgʻrisidagi qonun loyihasi Qonunchilik palatasiga Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasi tomonidan shu shartnoma rasmiy matnining tasdiqlangan nusxasi va uni ratifikatsiya qilish, denonsatsiya qilish, tugatish yoki uning amal qilishini toʻxtatib turish maqsadga muvofiqligining asoslarini oʻz ichiga olgan hujjatlar bilan birgalikda kiritiladi.

Oʻzbekiston Respublikasining xalqaro shartnomasini ratifikatsiya qilish, denonsatsiya qilish, tugatish yoki uning amal qilishini toʻxtatib turish toʻgʻrisida Qonunchilik palatasi tomonidan qabul qilingan qonun Senatga yuboriladi.

Agar Qonunchilik palatasi Oʻzbekiston Respublikasining xalqaro shartnomasini ratifikatsiya qilish, denonsatsiya qilish, tugatish yoki uning amal qilishini toʻxtatib turish toʻgʻrisidagi qonunni belgilangan tartibda qabul qilmasa, Oʻzbekiston Respublikasining xalqaro shartnomasi ratifikatsiya qilish, denonsatsiya qilish, tugatish yoki uning amal qilishini toʻxtatib turish tartib-taomilidan oʻtmagan hisoblanadi”;

25) 31-modda quyidagi mazmundagi uchinchi, toʻrtinchi va beshinchi qismlar bilan toʻldirilsin:

“Oʻzbekiston Respublikasi Vazirlar Mahkamasi Davlat budjetining ijrosi toʻgʻrisidagi yillik hisobotni hisobot yilidan keyingi yilning 15-mayidan kechiktirmay Oʻzbekiston Respublikasi Hisob palatasining xulosasi bilan birga Qonunchilik palatasiga taqdim etadi.

Qonunchilik palatasi Oʻzbekiston Respublikasi Vazirlar Mahkamasi tomonidan taqdim etilgan Davlat budjetining ijrosi toʻgʻrisidagi yillik hisobotni fraksiyalar (deputatlar guruhlari) va Qonunchilik palatasi qoʻmitalarida dastlabki tarzda muhokama qilish asosida koʻrib chiqadi.

Davlat budjetining ijrosi toʻgʻrisidagi yillik hisobot fraksiyalar (deputatlar guruhlari) va Qonunchilik palatasi qoʻmitalarida muhokama qilinganidan keyin Qonunchilik palatasining majlisida koʻrib chiqiladi hamda Qonunchilik palatasining qarori bilan tasdiqlanadi”;

26) 32-moddaning matni quyidagi tahrirda bayon etilsin:

“Qonunchilik palatasi davlat hokimiyati va boshqaruvi organlarining mansabdor shaxslariga qonunlarning, turli sohalardagi davlat dasturlarining ijrosi masalalari hamda ularning vakolatlariga kiradigan boshqa muhim masalalar yuzasidan asoslantirilgan tushuntirish berish yoki nuqtai nazarini bayon etish talabi bilan parlament soʻrovi yuborishga haqli.

Parlament soʻrovini yuborish haqidagi taklif palata qoʻmitalari, fraksiyalar (deputatlar guruhlari), shuningdek Qonunchilik palatasi deputatlari umumiy sonining kamida beshdan bir qismi tomonidan Qonunchilik palatasi koʻrib chiqishi uchun kiritiladi.

Qonunchilik palatasining parlament soʻrovi toʻgʻrisidagi qarori loyihasi soʻrov tashabbuskorlari tomonidan Qonunchilik palatasining Spikeriga masalani Qonunchilik palatasining navbatdagi majlisi kun tartibiga kiritish uchun yuboriladi.

Qonunchilik palatasining qarori loyihasiga parlament soʻrovi loyihasi, shuningdek boshqa zarur materiallar ilova qilinadi. Parlament soʻrovi loyihasida soʻrovga javob berishning shakli (ogʻzaki yoki yozma) haqidagi takliflar boʻlishi kerak.

Qonunchilik palatasi parlament soʻrovini yuborish toʻgʻrisida deputatlar umumiy sonining koʻpchilik ovozi bilan qaror qabul qiladi.

Davlat hokimiyati va boshqaruvi organlarining mansabdor shaxslari parlament soʻroviga ogʻzaki javobni Qonunchilik palatasining majlisida palata belgilagan muddatda beradi.

Davlat hokimiyati va boshqaruvi organlarining mansabdor shaxslari parlament soʻroviga yozma javobni, agar boshqa muddat belgilangan boʻlmasa, soʻrov olingan kundan eʼtiboran oʻn kundan kechiktirmay yuborishi lozim.

Parlament soʻroviga yozma javob Qonunchilik palatasining majlisida raislik qiluvchi tomonidan oʻqib eshittiriladi. Yozma javobning nusxalari palata majlisida oʻqib eshittirilguniga qadar oldindan deputatlarga yuboriladi.

Oʻzbekiston Respublikasi Oliy sudi raisi, Oliy xoʻjalik sudi raisi, Bosh prokurori, surishtiruv va tergov organlari rahbarlari nomiga yoʻllangan parlament soʻrovi ularning ish yurituvidagi muayyan ishlar va materiallarga taalluqli boʻlishi mumkin emas.

Parlament soʻroviga javob Qonunchilik palatasining majlisida muhokama qilinishi mumkin. Qonunchilik palatasi parlament soʻrovi muhokamasi yakunlari boʻyicha qaror qabul qiladi”;

27) quyidagi mazmundagi 32¹-modda bilan toʻldirilsin:

Qonunchilik palatasi deputati davlat hokimiyati va boshqaruvi organlarining mansabdor shaxslariga, qoida tariqasida, tegishli saylov okrugi saylovchilarining yoki Oʻzbekiston ekologik harakatining huquqlari va qonuniy manfaatlarini taʼminlash bilan bogʻliq masalalar yuzasidan asoslantirilgan tushuntirish berish yoki nuqtai nazarini bayon etish talabi bilan soʻrov yuborishga haqli.

Davlat hokimiyati va boshqaruvi organlarining mansabdor shaxslari Qonunchilik palatasi deputati soʻroviga, agar boshqa muddat belgilangan boʻlmasa, soʻrov olingan kundan eʼtiboran oʻn kundan kechiktirmay yozma javob yuboradi.

Oʻzbekiston Respublikasi Oliy sudi raisi, Oliy xoʻjalik sudi raisi, Bosh prokurori, surishtiruv va tergov organlari rahbarlari nomiga yoʻllangan deputat soʻrovi ularning ish yurituvidagi muayyan ishlar va materiallarga taalluqli boʻlishi mumkin emas”;

28) 33-modda quyidagi tahrirda bayon etilsin:

Qonunchilik palatasi zarur boʻlgan hollarda oʻz majlisida Oʻzbekiston Respublikasi Bosh vazirining mamlakat ijtimoiy-iqtisodiy rivojlanishining ayrim dolzarb masalalari yuzasidan hisobotini eshitishi mumkin.

Oʻzbekiston Respublikasi Bosh vazirining mamlakat ijtimoiy-iqtisodiy rivojlanishining ayrim dolzarb masalalari yuzasidan hisoboti ushbu Qonunning 32-moddasiga muvofiq parlament soʻrovi tartibida eshitiladi”;

29) quyidagi mazmundagi 33¹ — 33⁴-moddalar bilan toʻldirilsin:

Qonunchilik palatasi zarur boʻlgan hollarda oʻzining majlisida hukumat aʼzolarining oʻz faoliyatiga doir masalalar yuzasidan axborotini eshitishi mumkin.

Hukumat aʼzolarining oʻz faoliyatiga doir masalalar yuzasidan axborotini eshitish masalasi fraksiyalar va deputatlar guruhlarining tashabbusiga koʻra Qonunchilik palatasi tomonidan koʻrib chiqiladi.

Hukumat aʼzolarining oʻz faoliyatiga doir masalalar yuzasidan axborotini eshitish toʻgʻrisida Qonunchilik palatasining qarori qabul qilinadi, qaror Oʻzbekiston Respublikasi Vazirlar Mahkamasiga oldindan yuboriladi.

Hukumat aʼzolarining oʻz faoliyatiga doir masalalar yuzasidan axborotini eshitish yakunlari boʻyicha Qonunchilik palatasi qaror qabul qiladi, qaror Oʻzbekiston Respublikasi Vazirlar Mahkamasiga yuboriladi.

Qonunchilik palatasi har yili, hisobot yilidan keyingi yilning 15-fevralidan kechiktirmay oʻz majlisida Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) faoliyati toʻgʻrisidagi hisobotni eshitadi.

Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) faoliyati toʻgʻrisidagi hisobot dastlabki tarzda fraksiyalar va deputatlar guruhlari tomonidan koʻrib chiqiladi.

Qonunchilik palatasi majlisida Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) faoliyati toʻgʻrisidagi hisobotni muhokama qilish Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) maʼruzasi bilan boshlanadi, maʼruzadan soʻng fraksiyalarning va deputatlar guruhlarining vakillari soʻzga chiqadi.

Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) faoliyati toʻgʻrisidagi hisobotni eshitish yakunlari boʻyicha Qonunchilik palatasi qaror qabul qiladi, qaror qabul qilingan kundan eʼtiboran oʻn kun ichida Oʻzbekiston Respublikasi Oliy Majlisi Inson huquqlari boʻyicha vakiliga (ombudsmanga) va Senatga yuboriladi.

Qonunchilik palatasi har yili, hisobot yilidan keyingi yilning 15-mayidan kechiktirmay oʻz majlisida Oʻzbekiston Respublikasi Hisob palatasining hisobotini eshitadi.

Oʻzbekiston Respublikasi Hisob palatasining hisoboti dastlabki tarzda fraksiyalar va deputatlar guruhlari, shuningdek Budjet va iqtisodiy islohotlar qoʻmitasi tomonidan koʻrib chiqiladi.

Fraksiyalar va deputatlar guruhlari Budjet va iqtisodiy islohotlar qoʻmitasiga oʻz takliflari hamda fikrlarini yuboradi.

Oʻzbekiston Respublikasi Hisob palatasining hisobotini koʻrib chiqish yakunlari boʻyicha Budjet va iqtisodiy islohotlar qoʻmitasi fraksiyalar va deputatlar guruhlari taqdim etgan takliflar hamda fikrlarni inobatga olgan holda mazkur hisobot yuzasidan xulosani, shuningdek Oʻzbekiston Respublikasi Hisob palatasining tegishli yildagi hisoboti toʻgʻrisida Qonunchilik palatasining qarori loyihasini tayyorlaydi hamda ularni palata koʻrib chiqishi uchun taqdim etadi.

Oʻzbekiston Respublikasi Hisob palatasining hisobotini koʻrib chiqish chogʻida Qonunchilik palatasi Oʻzbekiston Respublikasi Hisob palatasi raisining maʼruzasini, Budjet va iqtisodiy islohotlar qoʻmitasi vakilining qoʻshimcha maʼruzasini, shuningdek fraksiyalar va deputatlar guruhlari vakillarining chiqishlarini eshitadi.

Oʻzbekiston Respublikasi Hisob palatasining hisobotini eshitish yakunlari boʻyicha Qonunchilik palatasi qaror qabul qiladi, qaror qabul qilingan kundan eʼtiboran oʻn kun ichida Oʻzbekiston Respublikasi Hisob palatasiga va Senatga yuboriladi.

Qonunchilik palatasining qoʻmitalari, shuningdek Qonunchilik palatasining deputatlari davlat organlaridan va boshqa tashkilotlardan, mansabdor shaxslardan hujjatlarni, ekspert xulosalarini, statistika maʼlumotlarini va boshqa maʼlumotlarni soʻrab olishi mumkin.

Qonunchilik palatasining qoʻmitalari yoki Qonunchilik palatasining deputatlari tomonidan soʻralayotgan axborotni tegishli davlat organi, boshqa tashkilot, mansabdor shaxs murojaat olingan kundan eʼtiboran oʻn kundan kechiktirmay taqdim etishi kerak.

Qonunchilik palatasi qoʻmitalari qoʻmitalarning ish rejalariga, Qonunchilik palatasi va uning Kengashi qarorlariga muvofiq oʻz majlisida davlat hokimiyati va boshqaruvi organlari rahbarlarining ular tomonidan qonunlarga rioya etilishi, Qonunchilik palatasi va uning Kengashi qarorlarining, palata qoʻmitalari qarorlarining bajarilishi toʻgʻrisidagi axborotini eshitishi mumkin.

Davlat hokimiyati va boshqaruvi organlari rahbarlarining axborotini koʻrib chiqish yakunlari boʻyicha Qonunchilik palatasining qoʻmitasi qaror qabul qiladi, qaror tegishli davlat hokimiyati va boshqaruvi organiga yuboriladi.

Qonunchilik palatasi qoʻmitalari vaqti-vaqti bilan qonunlarning va Qonunchilik palatasi qarorlarining ijrosi ustidan nazoratni amalga oshirish doirasida huquqni qoʻllash amaliyotini oʻrganadi hamda yangi qabul qilingan qonunlar ijrosini taʼminlash uchun qonunosti hujjatlarining qabul qilinishi yuzasidan monitoringni amalga oshiradi”;

30) quyidagi mazmundagi VIII¹ boʻlim bilan toʻldirilsin:

Qonunchilik palatasi deputati oʻz okrugi saylovchilari, uni deputatlikka nomzod qilib koʻrsatgan siyosiy partiya bilan aloqa bogʻlab turadi, Qonunchilik palatasida ularning manfaatlarini ifoda etadi. Oʻzbekiston ekologik harakatidan saylangan Qonunchilik palatasi deputatlari mazkur harakat bilan aloqa bogʻlab turadi va Qonunchilik palatasida uning manfaatlarini ifoda etadi.

Fraksiyalar har yili Qonunchilik palatasining Kengashi bilan birgalikda deputatlarning saylovchilar bilan saylov okruglaridagi ishlari uchun moʻljallangan vaqtni belgilaydi.

Saylovchilar bilan uchrashuvlar oʻtkazish chogʻida Qonunchilik palatasi deputati:

mamlakatda amalga oshirilayotgan islohotlarning borishi, Qonunchilik palatasining qonun ijodkorligi va nazorat-tahlil faoliyati, fraksiyaning faoliyati, uning mamlakatni sotsial-iqtisodiy hamda ijtimoiy-siyosiy rivojlantirishning eng muhim masalalariga doir nuqtai nazari toʻgʻrisida saylovchilarga axborot beradi;

yangi qabul qilingan qonunlarning mohiyati va ahamiyatini saylovchilarga yetkazadi;

qabul qilingan qonunlarning ijro etilishi holatini huquqning qoʻllanilish samaradorligini va qonun hujjatlarini yanada takomillashtirish zaruratini aniqlash maqsadida oʻrganadi;

fraksiya tomonidan belgilanadigan boshqa vazifalarni bajaradi.

Qonunchilik palatasining Kengashi Qonunchilik palatasi deputatining saylov okrugidagi ishlarini tashkil etish yuzasidan fraksiyalarning fikrlari va takliflarini inobatga olgan holda chora-tadbirlar koʻradi.

Qonunchilik palatasi deputati saylov okrugiga chiqishidan oldin fraksiya hamda Qonunchilik palatasi tomonidan hujjatlar, zarur axborot va maʼlumot materiallari bilan taʼminlanadi.

Qonunlarning ijrosi, davlat dasturlarini hamda siyosiy partiyalarning dasturiy maqsadlarini amalga oshirish yuzasidan aniq masalalarni ishlab chiqish uchun fraksiyalar zarur boʻlgan hollarda oʻz deputatlarining saylovchilar bilan saylov okruglaridagi ishlarini tashkil etadi.

Fraksiyalar deputatlarning saylov okruglaridagi ishlari yakunlarini umumlashtiradi, zarur boʻlgan hollarda dolzarb masalalarni Qonunchilik palatasiga koʻrib chiqish uchun kiritadi.

Mahalliy davlat hokimiyati organlari Qonunchilik palatasi deputatini saylovchilar bilan uchrashuvlar oʻtkazish uchun zarur shart-sharoitlar bilan taʼminlaydi. Ijro etuvchi hokimiyat organlari binolar ajratilishini tashkil etadi, fuqarolarni deputatning saylovchilar bilan uchrashuvlari oʻtkaziladigan, deputat tomonidan fuqarolar qabul qilinadigan vaqt va joy haqida xabardor qiladi, qabullarda va uchrashuvlarda ishtirok etish uchun oʻz masʼul vakillarini deputatning taklifiga koʻra yuboradi, shuningdek deputatning joylardagi ishiga koʻmaklashish yuzasidan boshqa chora-tadbirlar koʻradi.

Jismoniy va yuridik shaxslarning Qonunchilik palatasiga kelib tushgan murojaatlarini koʻrib chiqish hamda Qonunchilik palatasida jismoniy shaxslarning va yuridik shaxslar vakillarining shaxsiy qabulini oʻtkazish Qonunchilik palatasi deputatlari tomonidan qonunga hamda Qonunchilik palatasi Kengashi tomonidan tasdiqlanadigan tartibga muvofiq amalga oshiriladi”.

28-modda. Oʻzbekiston Respublikasining 2003-yil 29-avgustda qabul qilingan “Oʻzbekiston Respublikasi Oliy Majlisi Senatining Reglamenti toʻgʻrisida”gi 523–II-sonli Qonuniga (Oʻzbekiston Respublikasi Oliy Majlisining Axborotnomasi, 2003-yil, № 9-10, 137-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 163-modda; 2009-yil, № 4, 136-modda; 2011-yil, № 4, 101-modda; 2014-yil, № 4, 86-modda) quyidagi oʻzgartish va qoʻshimchalar kiritilsin:

1) 1-modda quyidagi tahrirda bayon etilsin:

Oʻzbekiston Respublikasi Oliy Majlisining Senati (bundan buyon matnda Senat deb yuritiladi) oʻz faoliyatini Oʻzbekiston Respublikasining Konstitutsiyasiga, “Oʻzbekiston Respublikasi Oliy Majlisining Senati toʻgʻrisida”gi Oʻzbekiston Respublikasining Konstitutsiyaviy Qonuniga, ushbu Qonunga va boshqa qonunlarga muvofiq amalga oshiradi”;

2) 2-moddaning nomi va birinchi qismi quyidagi tahrirda bayon etilsin:

Senat faoliyatining asosiy prinsiplari quyidagilardan iborat:

umumdavlat va mintaqaviy manfaatlarni uygʻunlashtirish;

masalalarni erkin muhokama qilish va jamoa boʻlib hal etish;

ochiqlik va oshkoralik;

jamoatchilik fikrini hisobga olish”;

3) 3-moddaning:

uchinchi va toʻrtinchi qismlari quyidagi tahrirda bayon etilsin:

“Senatning majlislari ishini tashkil etish uchun ushbu majlislarda majlisning kotibiyati, sanoq komissiyasi va ovozlarni hisoblashning elektron tizimidan foydalanish ustidan nazorat guruhi saylanadi.

Senatning birinchi majlisi Senat shakllantirilganidan keyin bir oydan kechiktirmay oʻtkaziladi. Mazkur majlisni Oʻzbekiston Respublikasi Markaziy saylov komissiyasining raisi ochadi va Senat Raisi saylangunga qadar unda raislik qiladi”;

beshinchi qismi:

ikkinchi xatboshisi chiqarib tashlansin;

uchinchi va toʻrtinchi xatboshilari tegishincha ikkinchi va uchinchi xatboshilar deb hisoblansin;

4) 6-modda:

birinchi qismi quyidagi tahrirda bayon etilsin:

“Senatning faoliyatini samarali tashkil etish maqsadida Senat Kengashi tuziladi”;

quyidagi mazmundagi uchinchi va toʻrtinchi qismlar bilan toʻldirilsin:

“Senat Kengashi:

Senat majlisining kun tartibi loyihasini shakllantiradi;

qonunda nazarda tutilgan hollarda Senatning vakolatlariga taalluqli qarorlarni Senatning majlislari oraligʻida qabul qiladi, ushbu qarorlar keyinchalik Senatning majlisida tasdiqlanadi;

qoʻmitalarning ishini muvofiqlashtirib boradi;

Senatning faoliyatini tashkil etish bilan bogʻliq boshqa masalalarni hal etadi.

Kengash oʻz vakolatiga kiradigan masalalar boʻyicha oʻz aʼzolari umumiy sonining koʻpchilik ovozi bilan qarorlar qabul qiladi”;

uchinchi qismi beshinchi qism deb hisoblansin;

5) 7-moddaning uchinchi qismi quyidagi tahrirda bayon etilsin:

“Senatda budjet va iqtisodiy islohotlar masalalari qoʻmitasi, qonunchilik va sud-huquq masalalari qoʻmitasi, mudofaa va xavfsizlik masalalari qoʻmitasi, tashqi siyosat masalalari qoʻmitasi, fan, taʼlim, madaniyat va sport masalalari qoʻmitasi, agrar, suv xoʻjaligi masalalari va ekologiya qoʻmitasi tuzilishi shart. Senatda boshqa qoʻmitalar ham tuzilishi mumkin”;

6) quyidagi mazmundagi 7¹-modda bilan toʻldirilsin:

Qonunlarni muhokama qilishga, nazorat-tahlil tadbirlarini tayyorlashga va oʻtkazishga koʻmaklashish maqsadida Senatning qoʻmitalari huzurida ekspert guruhlari tuziladi.

Ekspert guruhlari davlat organlarining, ilmiy va taʼlim muassasalarining, nodavlat notijorat tashkilotlarining tegishli sohalarda ilmiy ish tajribasiga, qonun loyihalarini tayyorlash va (yoki) amaliy ish tajribasiga ega boʻlgan malakali mutaxassislari orasidan tuziladi.

Senatning qoʻmitalari huzurida ekspert guruhlarini shakllantirish va ularning faoliyati tartibi Senat Kengashi tomonidan tasdiqlanadigan nizom bilan belgilanadi”;

7) 8-modda quyidagi mazmundagi beshinchi va oltinchi qismlar bilan toʻldirilsin:

“Oʻzbekiston Respublikasi Oliy Majlisi palatalarining qoʻshma qarori bilan Oʻzbekiston Respublikasi Oliy Majlisining komissiyalari (parlament komissiyalari) tashkil etilishi mumkin.

Zarur boʻlgan hollarda komissiyalar ishiga davlat organlarining va boshqa organlarning vakillari, shuningdek fuqarolik jamiyati institutlarining vakillari jalb etilishi mumkin”;

8) 11-moddaning toʻrtinchi qismidagi “14-moddasida” degan soʻzlar “13 va 14-moddalarida” degan soʻzlar bilan almashtirilsin;

9) 12-moddaning:

uchinchi qismi chiqarib tashlansin;

toʻrtinchi — oʻn ikkinchi qismlari tegishincha uchinchi — oʻn birinchi qismlar deb hisoblansin;

10) IV boʻlimning nomi quyidagi tahrirda bayon etilsin:

11) 16-moddaning:

nomi va birinchi qismi quyidagi tahrirda bayon etilsin:

Navbatdagi yil uchun Oʻzbekiston Respublikasining Davlat budjeti, davlat maqsadli jamgʻarmalarining budjetlari hamda soliq va budjet siyosatining asosiy yoʻnalishlari (bundan buyon matnda Davlat budjeti deb yuritiladi) loyihasi Oʻzbekiston Respublikasi Vazirlar Mahkamasi tomonidan joriy yilning 15-oktabridan kechiktirmay Oʻzbekiston Respublikasi Hisob palatasining xulosasi bilan birga Senatga yuboriladi”;

ikkinchi qismidagi “masʼul qoʻmita” degan soʻzlar “Budjet va iqtisodiy islohotlar masalalari qoʻmitasi” degan soʻzlar bilan almashtirilsin;

12) 18-modda:

quyidagi mazmundagi uchinchi va toʻrtinchi qismlar bilan toʻldirilsin:

“Vazirlar Mahkamasining yaqin muddatga va uzoq istiqbolga moʻljallangan harakat dasturi Oliy Majlis palatalarining qoʻshma majlisida eshitiladi.

Vazirlar Mahkamasining yaqin muddatga va uzoq istiqbolga moʻljallangan harakat dasturi eshitilganidan soʻng Bosh vazir nomzodini tasdiqlash toʻgʻrisidagi masala koʻrib chiqiladi”;

uchinchi — toʻqqizinchi qismlari tegishincha beshinchi — oʻn birinchi qismlar deb hisoblansin;

13) VII boʻlim quyidagi mazmundagi 25¹-modda bilan toʻldirilsin:

Oʻzbekiston Respublikasi Vazirlar Mahkamasining oʻtgan yildagi ijtimoiy-iqtisodiy rivojlanish yakunlari va navbatdagi yil uchun nazarda tutilgan asosiy ustuvorliklar toʻgʻrisidagi har yilgi maʼruzasi Oʻzbekiston Respublikasi Bosh vaziri tomonidan Senatga taqdim etiladi.

Har yilgi maʼruzani koʻrib chiqish yakunlari boʻyicha Senatning qarori qabul qilinadi, qaror Qonunchilik palatasiga va Oʻzbekiston Respublikasi Vazirlar Mahkamasiga yuboriladi”;

14) 27-moddaning matni quyidagi tahrirda bayon etilsin:

“Qonunchilik palatasi tomonidan qabul qilingan Oʻzbekiston Respublikasining xalqaro shartnomasini ratifikatsiya qilish, denonsatsiya qilish, tugatish yoki uning amal qilishini toʻxtatib turish toʻgʻrisidagi qonun Senatga shu shartnoma rasmiy matnining tasdiqlangan nusxasi va uni ratifikatsiya qilish, denonsatsiya qilish, tugatish yoki uning amal qilishini toʻxtatib turish maqsadga muvofiqligining asoslarini oʻz ichiga olgan hujjatlar bilan birgalikda kiritiladi.

Oʻzbekiston Respublikasining xalqaro shartnomasini ratifikatsiya qilish, denonsatsiya qilish, tugatish yoki uning amal qilishini toʻxtatib turish toʻgʻrisidagi Senat tomonidan maʼqullangan qonun imzolash uchun Oʻzbekiston Respublikasi Prezidentiga yuboriladi”;

15) 28-moddaning matni quyidagi tahrirda bayon etilsin:

“Senat Oʻzbekiston Respublikasi Vazirlar Mahkamasining belgilangan tartibda kiritilgan taklifiga binoan tumanlarni, shaharlarni, viloyatlarni tashkil etish, tugatish, ularni qayta nomlash va ularning chegaralarini oʻzgartirish toʻgʻrisidagi masalani Qonunchilik palatasi tomonidan mazkur masala boʻyicha ijobiy qaror qabul qilinganidan va Senatga tegishli materiallar kelib tushganidan keyin koʻrib chiqadi.

Tumanlarni, shaharlarni, viloyatlarni tashkil etish, tugatish, ularni qayta nomlash va ularning chegaralarini oʻzgartirish toʻgʻrisida Qonunchilik palatasi va Senat tomonidan qabul qilingan qarorlar belgilangan tartibda eʼlon qilinishi lozim”;

16) 31-moddaning matni quyidagi tahrirda bayon etilsin:

“Senat davlat hokimiyati va boshqaruvi organlarining mansabdor shaxslariga qonunlarning, turli sohalardagi davlat dasturlarining ijrosi masalalari hamda ularning vakolatlariga kiradigan boshqa muhim masalalar yuzasidan asoslantirilgan tushuntirish berish yoki nuqtai nazarini bayon etish talabi bilan parlament soʻrovi yuborishga haqli.

Parlament soʻrovini yuborish haqidagi taklif Senat qoʻmitalari yoki Senat aʼzolari umumiy sonining kamida beshdan bir qismi tomonidan Senat koʻrib chiqishi uchun kiritiladi.

Senatning parlament soʻrovi toʻgʻrisidagi qarori loyihasi soʻrov tashabbuskorlari tomonidan Senat Raisiga masalani Senatning navbatdagi majlisi kun tartibiga kiritish uchun yuboriladi.

Senatning qarori loyihasiga parlament soʻrovi loyihasi, shuningdek boshqa zarur materiallar ilova qilinadi. Parlament soʻrovi loyihasida soʻrovga javob berishning shakli (ogʻzaki yoki yozma) haqidagi takliflar boʻlishi kerak.

Senat parlament soʻrovini yuborish toʻgʻrisida Senat aʼzolari umumiy sonining koʻpchilik ovozi bilan qaror qabul qiladi.

Davlat hokimiyati va boshqaruvi organlarining mansabdor shaxslari parlament soʻroviga ogʻzaki javobni Senatning majlisida Senat belgilagan muddatda beradi.

Davlat hokimiyati va boshqaruvi organlarining mansabdor shaxslari parlament soʻroviga yozma javobni, agar boshqa muddat belgilangan boʻlmasa, soʻrov olingan kundan eʼtiboran oʻn kundan kechiktirmay yuborishi lozim.

Parlament soʻroviga yozma javob Senatning majlisida raislik qiluvchi tomonidan oʻqib eshittiriladi. Yozma javobning nusxalari palata majlisida oʻqib eshittirilguniga qadar oldindan senatorlarga yuboriladi.

Oʻzbekiston Respublikasi Oliy sudi raisi, Oliy xoʻjalik sudi raisi, Bosh prokurori, surishtiruv va tergov organlari rahbarlari nomiga yoʻllangan parlament soʻrovi ularning ish yurituvidagi muayyan ishlar va materiallarga taalluqli boʻlishi mumkin emas.

Parlament soʻroviga javob Senatning majlisida muhokama qilinishi mumkin. Senat parlament soʻrovi muhokamasi yakunlari boʻyicha qaror qabul qiladi”;

17) quyidagi mazmundagi 31¹-modda bilan toʻldirilsin:

Senator davlat hokimiyati va boshqaruvi organlarining mansabdor shaxslariga, qoida tariqasida, tegishli hududlarning manfaatlari bilan bogʻliq masalalar yuzasidan asoslantirilgan tushuntirish berish yoki nuqtai nazarini bayon etish talabi bilan soʻrov yuborishga haqli.

Davlat hokimiyati va boshqaruvi organlarining mansabdor shaxslari senator soʻroviga, agar boshqa muddat belgilangan boʻlmasa, soʻrov olingan kundan eʼtiboran oʻn kundan kechiktirmay yozma javob yuboradi.

Oʻzbekiston Respublikasi Oliy sudi raisi, Oliy xoʻjalik sudi raisi, Bosh prokurori, surishtiruv va tergov organlari rahbarlari nomiga yoʻllangan senator soʻrovi ularning ish yurituvidagi muayyan ishlar va materiallarga taalluqli boʻlishi mumkin emas”;

18) 32-modda quyidagi tahrirda bayon etilsin:

Senat zarur boʻlgan hollarda oʻz majlisida Oʻzbekiston Respublikasi Bosh vazirining mamlakat ijtimoiy-iqtisodiy rivojlanishining ayrim dolzarb masalalari yuzasidan hisobotini eshitishi mumkin.

Oʻzbekiston Respublikasi Bosh vazirining mamlakat ijtimoiy-iqtisodiy rivojlanishining ayrim dolzarb masalalari yuzasidan hisoboti ushbu Qonunning 31-moddasiga muvofiq parlament soʻrovi tartibida eshitiladi”;

19) quyidagi mazmundagi 32¹ — 32⁴-moddalar bilan toʻldirilsin:

Oʻzbekiston Respublikasi Bosh prokurorining, Oʻzbekiston Respublikasi Tabiatni muhofaza qilish davlat qoʻmitasi raisining, Oʻzbekiston Respublikasi Markaziy banki boshqaruvi raisining Senatga qonun hujjatlarida belgilangan tartibda taqdim etilgan har yilgi hisobotlari Senatning navbatdagi majlisida koʻrib chiqiladi.

Oʻzbekiston Respublikasi Bosh prokurorining, Oʻzbekiston Respublikasi Tabiatni muhofaza qilish davlat qoʻmitasi raisining, Oʻzbekiston Respublikasi Markaziy banki boshqaruvi raisining hisobotlari dastlabki tarzda Senat qoʻmitalari tomonidan koʻrib chiqiladi.

Oʻzbekiston Respublikasi Bosh prokurorining, Oʻzbekiston Respublikasi Tabiatni muhofaza qilish davlat qoʻmitasi raisining, Oʻzbekiston Respublikasi Markaziy banki boshqaruvi raisining hisobotlarini koʻrib chiqish yakunlari boʻyicha Senat qarorlar qabul qiladi, qarorlar tegishincha Oʻzbekiston Respublikasi Bosh prokuraturasiga, Oʻzbekiston Respublikasi Tabiatni muhofaza qilish davlat qoʻmitasiga, Oʻzbekiston Respublikasi Markaziy bankiga yuboriladi.

Senat har yili oʻz majlisida Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) faoliyati toʻgʻrisidagi hisobotni eshitadi.

Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) faoliyati toʻgʻrisidagi hisobot dastlabki tarzda Senat qoʻmitalari tomonidan koʻrib chiqiladi.

Senat majlisida Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) faoliyati toʻgʻrisidagi hisobotni muhokama qilish Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) maʼruzasi bilan boshlanadi, maʼruzadan soʻng Senat qoʻmitalarining vakillari soʻzga chiqadi.

Oʻzbekiston Respublikasi Oliy Majlisi Inson huquqlari boʻyicha vakilining (ombudsmanning) faoliyati toʻgʻrisidagi hisobotni eshitish yakunlari boʻyicha Senat qaror qabul qiladi, qaror qabul qilingan kundan eʼtiboran oʻn kun ichida Oʻzbekiston Respublikasi Oliy Majlisi Inson huquqlari boʻyicha vakiliga (ombudsmanga) va Qonunchilik palatasiga yuboriladi.

Senat har yili oʻz majlisida Oʻzbekiston Respublikasi Hisob palatasining hisobotini mazkur masala yuzasidan Qonunchilik palatasining qarori Senatga kelib tushganidan keyin eshitadi va muhokama qiladi.

Oʻzbekiston Respublikasi Hisob palatasining hisoboti dastlabki tarzda Budjet va iqtisodiy islohotlar masalalari qoʻmitasi tomonidan koʻrib chiqiladi.

Oʻzbekiston Respublikasi Hisob palatasining hisobotini koʻrib chiqish yakunlari boʻyicha Budjet va iqtisodiy islohotlar masalalari qoʻmitasi senatorlar taqdim etgan takliflar va fikrlarni inobatga olgan holda mazkur hisobot yuzasidan xulosani, shuningdek Oʻzbekiston Respublikasi Hisob palatasining tegishli yildagi hisoboti toʻgʻrisida Senatning qarori loyihasini tayyorlaydi hamda ularni palata koʻrib chiqishi uchun taqdim etadi.

Oʻzbekiston Respublikasi Hisob palatasining hisobotini koʻrib chiqish chogʻida Senat Oʻzbekiston Respublikasi Hisob palatasi raisining maʼruzasini, Budjet va iqtisodiy islohotlar masalalari qoʻmitasi vakilining qoʻshimcha maʼruzasini, shuningdek Senatning boshqa qoʻmitalari vakillarining chiqishlarini eshitadi.

Oʻzbekiston Respublikasi Hisob palatasining hisobotini eshitish yakunlari boʻyicha Senat qaror qabul qiladi, qaror qabul qilingan kundan eʼtiboran oʻn kun ichida Oʻzbekiston Respublikasi Hisob palatasiga va Qonunchilik palatasiga yuboriladi.

Senatning qoʻmitalari, shuningdek senatorlar davlat organlaridan va boshqa tashkilotlardan, mansabdor shaxslardan hujjatlarni, ekspert xulosalarini, statistika maʼlumotlarini va boshqa maʼlumotlarni soʻrab olishi mumkin.

Senatning qoʻmitalari yoki senatorlar tomonidan soʻralayotgan axborotni tegishli davlat organi, boshqa tashkilot, mansabdor shaxs murojaat olingan kundan eʼtiboran oʻn kundan kechiktirmay taqdim etishi kerak.

Senat qoʻmitalari qoʻmitalarning ish rejalariga, Senat va uning Kengashi qarorlariga muvofiq oʻz majlisida davlat hokimiyati va boshqaruvi organlari rahbarlarining ular tomonidan qonunlarga rioya etilishi, Senat va uning Kengashi qarorlarining, palata qoʻmitalari qarorlarining bajarilishi toʻgʻrisidagi axborotini eshitishi mumkin.

Davlat hokimiyati va boshqaruvi organlari rahbarlarining axborotini koʻrib chiqish yakunlari boʻyicha Senatning qoʻmitasi qaror qabul qiladi, qaror tegishli davlat hokimiyati va boshqaruvi organiga yuboriladi.

Senat qoʻmitalari vaqti-vaqti bilan qonunlarning va Senat qarorlarining ijrosi ustidan nazoratni amalga oshirish doirasida huquqni qoʻllash amaliyotini oʻrganadi hamda yangi qabul qilingan qonunlar ijrosini taʼminlash uchun qonunosti hujjatlarining qabul qilinishi yuzasidan monitoringni amalga oshiradi”.

29-modda. Oʻzbekiston Respublikasining 2004-yil 30-aprelda qabul qilingan “Siyosiy partiyalarni moliyalashtirish toʻgʻrisida”gi 617–II-sonli Qonuniga (Oʻzbekiston Respublikasi Oliy Majlisining Axborotnomasi, 2004-yil, № 5, 86-modda) quyidagi oʻzgartishlar va qoʻshimcha kiritilsin:

1) 6-modda:

uchinchi qismi quyidagi tahrirda bayon etilsin:

“Siyosiy partiyalarga, ularning tashkilotlariga bittadan ortiq bankda bank hisobvaraqlariga, shuningdek chet el banklarida hisobvaraqlarga ega boʻlish taqiqlanadi”;

quyidagi mazmundagi toʻrtinchi qism bilan toʻldirilsin:

“Siyosiy partiyalar bitta bankda quyidagi talab qilib olinguncha saqlanadigan depozit hisobvaraqlariga ega boʻlishi mumkin:

asosiy hisobvaraq — Oʻzbekiston Respublikasi Davlat budjetidan ajratilgan mablagʻlarni oʻtkazish, ulardan foydalanish va ularni nazorat qilish uchun;

ikkita ikkilamchi hisobvaraq:

a) aʼzolik badallari, xayriyalar va qonun hujjatlarida taqiqlanmagan boshqa manbalardan kelib tushadigan mablagʻlarni oʻtkazish va ulardan foydalanish uchun;

b) Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasidan kelib tushadigan mablagʻlarni oʻtkazish va ulardan foydalanish uchun”;

2) 10-modda:

ikkinchi qismidagi “hisob-kitob varaqlariga” degan soʻzlar “bank hisobvaraqlariga” degan soʻzlar bilan almashtirilsin;

uchinchi qismi quyidagi tahrirda bayon etilsin:

“Siyosiy partiya tomonidan moliya yili mobaynida foydalanilmagan davlat mablagʻlari Oʻzbekiston Respublikasi Davlat budjetiga qaytarilmaydi va bu mablagʻlardan kelgusi yillarda ularning ustavda nazarda tutilgan faoliyatini moliyalashtirish uchun foydalaniladi”.

30-modda. Oʻzbekiston Respublikasining 2004-yil 2-dekabrda qabul qilingan “Oʻzbekiston Respublikasi Oliy Majlisi Qonunchilik palatasi deputatining va Senati aʼzosining maqomi toʻgʻrisida”gi 704–II-sonli Qonuniga (Oʻzbekiston Respublikasi Oliy Majlisining Axborotnomasi, 2005-yil, № 1, 8-modda; Oʻzbekiston Respublikasi Oliy Majlisi palatalarining Axborotnomasi, 2008-yil, № 12, 637-modda) quyidagi oʻzgartishlar va qoʻshimcha kiritilsin:

1) 7-modda ikkinchi qismining sakkizinchi xatboshisidagi “parlament soʻrovi” degan soʻzlar “soʻrov” degan soʻz bilan almashtirilsin;

2) 9-moddaning matni quyidagi tahrirda bayon etilsin:

“Deputat oʻz okrugi saylovchilari, uni deputatlikka nomzod qilib koʻrsatgan siyosiy partiya bilan aloqa bogʻlab turadi, Qonunchilik palatasida ularning manfaatlarini ifoda etadi. Oʻzbekiston ekologik harakatidan saylangan deputatlar mazkur harakat bilan aloqa bogʻlab turadi va Qonunchilik palatasida uning manfaatlarini ifoda etadi.

Deputat vaqti-vaqti bilan, ammo yiliga kamida bir marta saylovchilarga oʻz faoliyati haqida axborot beradi.

Siyosiy partiyalar fraksiyalari har yili Qonunchilik palatasining Kengashi bilan birgalikda deputatlarning saylovchilar bilan saylov okruglaridagi ishlari uchun moʻljallangan vaqtni belgilaydi.

Saylovchilar bilan uchrashuvlar oʻtkazish chogʻida deputat:

mamlakatda amalga oshirilayotgan islohotlarning borishi, Qonunchilik palatasining qonun ijodkorligi va nazorat-tahlil faoliyati, siyosiy partiya fraksiyasining faoliyati, uning mamlakatni sotsial-iqtisodiy hamda ijtimoiy-siyosiy rivojlantirishning eng muhim masalalariga doir nuqtai nazari toʻgʻrisida saylovchilarga axborot beradi;

yangi qabul qilingan qonunlarning mohiyati va ahamiyatini saylovchilarga yetkazadi;

qabul qilingan qonunlarning ijro etilishi holatini huquqning qoʻllanilish samaradorligini va qonun hujjatlarini yanada takomillashtirish zaruratini aniqlash maqsadida oʻrganadi;

siyosiy partiya fraksiyasi tomonidan belgilanadigan boshqa vazifalarni bajaradi.

Saylovchilarning ishonchini oqlay olmagan deputat qonunda belgilangan tartibda chaqirib olinishi mumkin”;

3) quyidagi mazmundagi 9¹, 9² va 9³-moddalar bilan toʻldirilsin:

Qonunchilik palatasining Kengashi deputatning saylov okrugidagi ishlarini tashkil etish yuzasidan siyosiy partiyalar fraksiyalarining fikrlari va takliflarini inobatga olgan holda chora-tadbirlar koʻradi.

Deputat saylov okrugiga chiqishidan oldin siyosiy partiya fraksiyasi hamda Qonunchilik palatasi tomonidan hujjatlar, zarur axborot va maʼlumot materiallari bilan taʼminlanadi.

Qonunlarning ijrosi, davlat dasturlarini hamda siyosiy partiyalarning dasturiy maqsadlarini amalga oshirish yuzasidan aniq masalalarni ishlab chiqish uchun siyosiy partiyalar fraksiyalari zarur boʻlgan hollarda oʻz deputatlarining saylovchilar bilan saylov okruglaridagi ishlarini tashkil etadi.

Siyosiy partiyalar fraksiyalari deputatlarning saylov okruglaridagi ishlari yakunlarini umumlashtiradi zarur boʻlgan hollarda dolzarb masalalarni Qonunchilik palatasiga koʻrib chiqish uchun kiritadi.

Mahalliy davlat hokimiyati organlari deputatni saylovchilar bilan uchrashuvlar oʻtkazish uchun zarur shart-sharoitlar bilan taʼminlaydi. Ijro etuvchi hokimiyat organlari binolar ajratilishini tashkil etadi, fuqarolarni deputatning saylovchilar bilan uchrashuvlari oʻtkaziladigan, deputat tomonidan fuqarolar qabul qilinadigan vaqt va joy haqida xabardor qiladi, qabullarda va uchrashuvlarda ishtirok etish uchun oʻz masʼul vakillarini deputatning taklifiga koʻra yuboradi, shuningdek deputatning joylardagi ishiga koʻmaklashish yuzasidan boshqa chora-tadbirlar koʻradi.

Jismoniy va yuridik shaxslarning Qonunchilik palatasiga kelib tushgan murojaatlarini koʻrib chiqish hamda Qonunchilik palatasida jismoniy shaxslarning va yuridik shaxslar vakillarining shaxsiy qabulini oʻtkazish deputatlar tomonidan qonunga hamda Qonunchilik palatasi Kengashi tomonidan tasdiqlanadigan tartibga muvofiq amalga oshiriladi”;

4) 10-modda quyidagi tahrirda bayon etilsin:

Deputat davlat hokimiyati va boshqaruvi organlarining mansabdor shaxslariga, qoida tariqasida, tegishli saylov okrugi saylovchilarining yoki Oʻzbekiston ekologik harakatining huquqlarini va qonuniy manfaatlarini taʼminlash bilan bogʻliq masalalar yuzasidan, senator esa tegishli hududlarning manfaatlari bilan bogʻliq masalalar yuzasidan asoslantirilgan tushuntirish berish yoki nuqtai nazarini bayon etish talabi bilan soʻrov yuborishga haqli.

Davlat hokimiyati va boshqaruvi organlarining mansabdor shaxslari deputat, senator soʻroviga, agar boshqa muddat belgilangan boʻlmasa, soʻrov olingan kundan eʼtiboran oʻn kundan kechiktirmay yozma javob yuboradi.

Oʻzbekiston Respublikasi Oliy sudi raisi, Oliy xoʻjalik sudi raisi, Bosh prokurori, surishtiruv va tergov organlari rahbarlari nomiga yoʻllangan deputat, senator soʻrovi ularning ish yurituvidagi muayyan ishlar va materiallarga taalluqli boʻlishi mumkin emas”.

31-modda. Oʻzbekiston Respublikasining 2007-yil 11-aprelda qabul qilingan “Davlat boshqaruvini yangilash va yanada demokratlashtirish hamda mamlakatni modernizatsiya qilishda siyosiy partiyalarning rolini kuchaytirish toʻgʻrisida”gi OʻRQ–88-sonli Konstitutsiyaviy Qonuniga (Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 161-modda; 2008-yil, № 12, 637-modda; 2011-yil, № 4, 101-modda; 2014-yil, № 4, 86-modda) quyidagi oʻzgartishlar va qoʻshimcha kiritilsin:

1) 2-modda oltinchi qismining ikkinchi xatboshisi quyidagi tahrirda bayon etilsin:

“qonun loyihasi birinchi oʻqishda koʻrib chiqilguniga qadar oʻsha masalaga doir qonun loyihasining, shuningdek Oʻzbekiston Respublikasi Oliy Majlisi Qonunchilik palatasi qarori loyihasining muqobil tahririni kiritish”;

2) 4-modda:

quyidagi mazmundagi ikkinchi va uchinchi qismlar bilan toʻldirilsin:

“Oʻzbekiston Respublikasi Bosh vaziri nomzodi siyosiy partiyaning oʻz ustavi bilan vakolatli boʻlgan organ tomonidan taklif etiladi.

Oʻzbekiston Respublikasi Bosh vaziri nomzodi toʻgʻrisidagi taklif Oʻzbekiston Respublikasi Markaziy saylov komissiyasining Oʻzbekiston Respublikasi Oliy Majlisi Qonunchilik palatasiga saylovlar yakunlari toʻgʻrisidagi axboroti va saylangan deputatlar roʻyxati matbuotda eʼlon qilingan kundan eʼtiboran ikki haftalik muddatdan kechiktirmay Oʻzbekiston Respublikasi Prezidentiga kiritiladi”;

ikkinchi — oʻninchi qismlar tegishincha toʻrtinchi — oʻn ikkinchi qismlar deb hisoblansin.

32-modda. Oʻzbekiston Respublikasining 2007-yil 25-dekabrda qabul qilingan OʻRQ–136-sonli Qonuni bilan tasdiqlangan Oʻzbekiston Respublikasining Soliq kodeksiga (Oʻzbekiston Respublikasi Oliy Majlisi palatalarining Axborotnomasi, 2007-yil, 12-songa 1-ilova; 2008-yil, № 12, 639-modda; 2009-yil, № 9, 330, 331-moddalar, № 12, 470, 472, 473-moddalar; 2010-yil, № 5, 178-modda, № 9, 334, 335, 336, 337-moddalar, № 10, 380-modda, № 12, 474-modda; 2011-yil, № 1, 1-modda, № 9, 248-modda, № 12/2, 364, 365-moddalar; 2012-yil, № 4, 106-modda, № 9/1, 238-modda, № 12, 334, 336-moddalar; 2013-yil, № 10, 263-modda, № 12, 349-modda; 2014-yil, № 1, 2-modda, № 9, 244-modda, № 12, 341, 343-moddalar; 2015-yil, № 8, 312-modda) quyidagi qoʻshimchalar va oʻzgartish kiritilsin:

1) 179-modda quyidagi mazmundagi 34-band bilan toʻldirilsin:

“34) aksiyadorlik jamiyatlari chet ellik xodimlarining boshqaruv xodimi sifatida oʻz faoliyatidan olgan daromadlari”;

2) 308-moddaning ikkinchi qismi quyidagi mazmundagi toʻrtinchi xatboshi bilan toʻldirilsin:

“aksiyadorlik jamiyatlarining boshqaruv xodimlari sifatida jalb qilingan chet ellik xodimlarining mehnatga haq toʻlash tarzidagi daromadlariga”;

3) 330-moddaning 14-bandidagi “davlat-aksiyadorlik sugʻurta kompaniyasi” degan soʻzlar “aksiyadorlik jamiyati” degan soʻzlar bilan almashtirilsin;

4) 337-modda quyidagi mazmundagi yigirma yettinchi qism bilan toʻldirilsin:

“Aksiyadorlar aksiyadorlik jamiyatining faoliyatidan kelib chiqadigan nizolar boʻyicha oʻz huquqlari va qonuniy manfaatlari buzilganligi toʻgʻrisidagi daʼvo bilan xoʻjalik sudiga murojaat qilgan taqdirda aksiyadorlarga davlat bojini toʻlash muddati kechiktirilib, bu boj keyinchalik aybdor tarafdan undirib olinadi”.

33-modda. Oʻzbekiston Respublikasining 2012-yil 20-dekabrda qabul qilingan “Tadbirkorlik faoliyati sohasidagi ruxsat berish tartib-taomillari toʻgʻrisida”gi OʻRQ–341-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2012-yil, № 12, 332-modda; 2014-yil, № 12, 343-modda; 2015-yil, № 8, 312-modda) quyidagi oʻzgartish va qoʻshimchalar kiritilsin:

1) 13-modda birinchi qismining beshinchi xatboshisidagi “yozma soʻroviga” degan soʻzlar “yozma, shu jumladan elektron hujjat tarzida yuborilgan soʻroviga” degan soʻzlar bilan almashtirilsin;

2) 14-modda:

quyidagi mazmundagi ikkinchi qism bilan toʻldirilsin:

“Ruxsat etish xususiyatiga ega hujjat berish toʻgʻrisidagi arizada tadbirkorlik subyektining elektron manzili koʻrsatilishi mumkin. Ruxsat etish xususiyatiga ega hujjat berish toʻgʻrisidagi arizada tadbirkorlik subyektining elektron manzili koʻrsatilganligi uning oʻz arizasi boʻyicha qabul qilingan qaror toʻgʻrisidagi xabarni axborot tizimi orqali elektron shaklda olishga boʻlgan roziligidir”;

ikkinchi — beshinchi qismlari tegishincha uchinchi — oltinchi qismlar deb hisoblansin;

3) 18-moddaning uchinchi qismi “shaklda” degan soʻzdan keyin “shu jumladan axborot tizimi orqali elektron shaklda” degan soʻzlar bilan toʻldirilsin;

4) 20-moddaning:

uchinchi qismi quyidagi tahrirda bayon etilsin:

“Ruxsat etish xususiyatiga ega hujjatni berish rad etilganligi haqidagi xabarnoma tadbirkorlik subyektiga rad etish sabablari, qonun hujjatlarining aniq normalari va tadbirkorlik subyekti mazkur sabablarni bartaraf etib, hujjatlarni takroran koʻrib chiqish uchun taqdim etishi mumkin boʻlgan muddat koʻrsatilgan holda yozma shaklda, shu jumladan axborot tizimi orqali elektron shaklda yuboriladi (topshiriladi). Tadbirkorlik subyekti rad etish sabablarini bartaraf etishga va hujjatlarni takroran koʻrib chiqish uchun taqdim etishga haqli boʻlgan muddat ruxsat etish xususiyatiga ega hujjatni berish rad etilganligi haqidagi yozma yoki elektron xabar olingan kundan eʼtiboran oʻn ish kunidan kam boʻlmasligi kerak”;

beshinchi qismi “shaklda” degan soʻzdan keyin “shu jumladan axborot tizimi orqali elektron shaklda” degan soʻzlar bilan toʻldirilsin;

5) 25-moddaning toʻrtinchi qismi “ommaviy axborot vositalarida” degan soʻzlardan keyin “shuningdek vakolatli organning rasmiy veb-saytida” degan soʻzlar bilan toʻldirilsin.

34-modda. Oʻzbekiston Respublikasining 2013-yil 26-dekabrda qabul qilingan OʻRQ-360-sonli Qonuni bilan tasdiqlangan Oʻzbekiston Respublikasining Budjet kodeksiga (Oʻzbekiston Respublikasi Oliy Majlisi palatalarining Axborotnomasi, 2013-yil, 12-songa 1-ilova; 2014-yil, № 9, 244-modda) quyidagi qoʻshimchalar va oʻzgartishlar kiritilsin:

1) 29-modda birinchi qismining yigirma beshinchi xatboshisi “va budjet hisobotini qabul qiladi” degan soʻzlar bilan toʻldirilsin;

2) 30-modda birinchi qismining oʻn birinchi xatboshisi “va budjet hisobotini qabul qiladi” degan soʻzlar bilan toʻldirilsin;

3) 39-moddaning matnidagi “davlat mulkini xususiylashtirishdan tushadigan, belgilangan tartibda taqsimlanadigan mablagʻlarni” degan soʻzlar “davlat aktivlarini xususiylashtirishdan va ushbu Kodeksning 55-moddasida nazarda tutilgan boshqa manbalardan tushadigan, belgilangan tartibda taqsimlanadigan mablagʻlarni” degan soʻzlar bilan almashtirilsin;

4) 70-modda birinchi qismi 3-bandining beshinchi xatboshisi “kadastr” degan soʻzdan keyin “shuningdek geologiya qidiruv” degan soʻzlar bilan toʻldirilsin;

5) 71-modda birinchi qismi 4-bandining uchinchi xatboshisi “Qoraqalpogʻiston Respublikasi Vazirlar Kengashi” degan soʻzlardan keyin “Qoraqalpogʻiston Respublikasi vazirliklari, davlat qoʻmitalari va idoralari” degan soʻzlar bilan toʻldirilsin;

6) 76-modda birinchi qismining ikkinchi xatboshisidagi “xususiylashtirishdan tushgan umumiy mablagʻlardan” degan soʻzlar chiqarib tashlansin;

7) 89-modda uchinchi qismining ruscha matnidagi “predshestvuyushiye” degan soʻz “predstoyashiye” degan soʻz bilan almashtirilsin;

8) 90-modda birinchi qismining toʻrtinchi xatboshisi chiqarib tashlansin;

9) 91-moddaning birinchi qismi:

quyidagi mazmundagi toʻrtinchi xatboshi bilan toʻldirilsin:

“Oʻzbekiston Respublikasining respublika budjetidan moliyalashtiriladigan tasarrufdagi budjet tashkilotlari va budjet mablagʻlari oluvchilar boʻyicha — budjet mablagʻlarini taqsimlovchilar tomonidan”;

toʻrtinchi xatboshisi beshinchi xatboshi deb hisoblansin;

10) 92-modda birinchi qismining ikkinchi xatboshisi quyidagi tahrirda bayon etilsin:

“Qoraqalpogʻiston Respublikasining respublika budjetidan, viloyatlarning viloyat budjetlaridan va Toshkent shahrining shahar budjetidan, tumanlar va shaharlar budjetlaridan moliyalashtiriladigan budjet tashkilotlari va budjet mablagʻlari oluvchilar tomonidan tegishli moliya organlariga, shuningdek Oʻzbekiston Respublikasining respublika budjetidan moliyalashtiriladigan tasarrufdagi budjet tashkilotlari va budjet mablagʻlari oluvchilar tomonidan budjet mablagʻlarini taqsimlovchilarga — joriy yilning 1-iyunigacha”;

11) 99-modda:

uchinchi qismi quyidagi tahrirda bayon etilsin:

“Qoraqalpogʻiston Respublikasi Vazirlar Kengashi, viloyatlar va Toshkent shahar hokimlarining tegishincha Qoraqalpogʻiston Respublikasi budjetini, viloyatlar va Toshkent shahar mahalliy budjetlarini tasdiqlash toʻgʻrisidagi qarorlariga muvofiq xalq deputatlari tumanlar va shaharlar Kengashlari tomonidan tumanlar va shaharlar budjetlarining daromadlari hamda xarajatlari hajmlari uch ish kuni ichida qabul qilinadi”;

quyidagi mazmundagi toʻrtinchi qism bilan toʻldirilsin:

“Xalq deputatlari tumanlar va shaharlar Kengashlarining qarorlariga muvofiq tumanlar va shaharlar hokimlari tumanlar va shaharlar budjetlarining daromadlari hamda xarajatlari hajmlarini tasdiqlash boʻyicha uch ish kuni ichida qarorlar qabul qiladi”;

12) 100-modda:

ikkinchi qismi quyidagi tahrirda bayon etilsin:

“Qoraqalpogʻiston Respublikasi budjeti, viloyatlar va Toshkent shahar mahalliy budjetlari tasdiqlangandan keyin Qoraqalpogʻiston Respublikasi Moliya vazirligi, viloyatlar va Toshkent shahar hokimliklarining moliya boshqarmalari:

tumanlar va shaharlar budjetlarining daromadlari va xarajatlari hajmlarini, shuningdek ularga tegishincha Qoraqalpogʻiston Respublikasining respublika budjetidan, viloyatlarning viloyat budjetlaridan va Toshkent shahrining shahar budjetidan beriladigan subvensiyalar, oʻtkazib beriladigan daromadlar hamda dotatsiyalar hajmlarini tumanlar va shaharlar hokimliklari eʼtiboriga — uch ish kuni ichida;

Qoraqalpogʻiston Respublikasining respublika budjetidan, viloyatlarning viloyat budjetlaridan va Toshkent shahrining shahar budjetidan moliyalashtiriladigan budjet tashkilotlari hamda budjet mablagʻlari oluvchilar eʼtiboriga ular uchun nazarda tutilgan budjetdan ajratiladigan mablagʻlar hajmlarini — bir haftalik muddatda yetkazadi”;

quyidagi mazmundagi uchinchi qism bilan toʻldirilsin:

“Tumanlar va shaharlar budjetlari tasdiqlanganidan keyin tumanlar va shaharlar hokimliklarining moliya boʻlimlari tumanlar va shaharlar budjetlaridan moliyalashtiriladigan budjet tashkilotlari hamda budjet mablagʻlari oluvchilar eʼtiboriga ular uchun nazarda tutilgan budjetdan ajratiladigan mablagʻlarning hajmlarini bir haftalik muddatda yetkazadi”;

13) 102-moddaning toʻrtinchi qismi quyidagi tahrirda bayon etilsin:

“Budjet tashkilotlarining va budjet mablagʻlari oluvchilarning xarajatlar smetalari ikki nusxada, budjet mablagʻlarini taqsimlovchi tasarrufidagi budjet tashkilotlari va budjet mablagʻlari oluvchilar boʻyicha uch nusxada tuziladi”;

14) 105-modda ikkinchi qismining oʻzbekcha matnidagi “daromadlar va jamlanma” degan soʻzlar “jamlanma daromadlar va” degan soʻzlar bilan almashtirilsin;

15) 112-modda:

uchinchi qismi “tasdiqlangan” degan soʻzdan keyin “jamlanma xarajatlar smetalari” degan soʻzlar bilan toʻldirilsin;

quyidagi mazmundagi yettinchi qism bilan toʻldirilsin:

“Budjet tashkilotlari va budjet mablagʻlari oluvchilarning tasdiqlangan hamda roʻyxatdan oʻtkazilgan vaqtinchalik xarajatlar smetalari asosida tegishli budjetlarning moliya yilining birinchi choragi uchun vaqtinchalik xarajatlari yoyilmasi tuziladi”;

16) 119-moddaning ikkinchi qismidagi “ularning shaxsiy gʻazna hisobvaraqlaridagi budjet mablagʻlari qoldigʻining ushbu budjetlar uchun joriy moliya yiliga tasdiqlangan aylanma kassa mablagʻlari miqdorlaridan oshgan summasi sifatida aniqlanadi” degan soʻzlar “ularning shaxsiy gʻazna hisobvaraqlaridagi budjet mablagʻlari qoldigʻining (davlat aktivlarini xususiylashtirishdan tushgan mablagʻlarning yil boshidagi qoldiqlari summasi bundan mustasno) ushbu budjetlar uchun joriy moliya yiliga tasdiqlangan aylanma kassa mablagʻlari miqdoridan oshgan summasi sifatida aniqlanadi” degan soʻzlar bilan almashtirilsin;

17) 121-moddaning uchinchi qismidagi “xaridlar amalga oshirilishidan kamida oʻn kun oldin joylashtirilishi kerak” degan soʻzlar “xaridlar amalga oshirilishidan kamida oʻn kun oldin, biroq joriy moliya yilining 10-dekabridan kechiktirmasdan joylashtirilishi kerak” degan soʻzlar bilan almashtirilsin;

18) 123-moddaning ikkinchi qismidagi “yuridik majburiyatlarni qabul qilishga doir buyurtmalar asosida” degan soʻzlar “yuridik majburiyatlarni qabul qilishga doir buyurtmalar asosida, ish beruvchining fuqarolik javobgarligini majburiy sugʻurta qilish boʻyicha esa, ish beruvchining fuqarolik javobgarligini majburiy sugʻurta qilish shartnomalari asosida” degan soʻzlar bilan almashtirilsin;

19) 128-modda:

quyidagi mazmundagi uchinchi qism bilan toʻldirilsin:

“Ijro varaqasi yoki sud buyrugʻi sudyaning elektron raqamli imzosi bilan tasdiqlangan elektron hujjat tarzida axborot tizimi orqali taqdim etilishi mumkin”;

uchinchi va toʻrtinchi qismlari tegishincha toʻrtinchi va beshinchi qismlar deb hisoblansin;

20) 150-modda:

quyidagi mazmundagi ikkinchi qism bilan toʻldirilsin:

“Budjet tashkilotlarining xarajatlar smetasiga kiritiladigan oʻzgartirishlar soni hisobga olinayotganda budjet tashkilotlarida ishlovchi ayollarga homiladorlik va tugʻish nafaqasi toʻlash uchun budjet tashkilotining tasdiqlangan xarajatlar smetasi doirasida budjetdan ajratiladigan mablagʻlarni bir moddadan boshqa moddaga koʻpaytirishni yoki kamaytirishni nazarda tutuvchi oʻzgartirishlar hisobga olinmaydi”;

ikkinchi, uchinchi va toʻrtinchi qismlari tegishincha uchinchi, toʻrtinchi va beshinchi qismlar deb hisoblansin;

21) 25-bobning nomidagi “yillik hisobotni” degan soʻzlar “hisobotlarni” degan soʻz bilan almashtirilsin;

22) 168-modda quyidagi tahrirda bayon etilsin:

Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar, shuningdek tumanlar va shaharlar Kengashlari Qoraqalpogʻiston Respublikasi Vazirlar Kengashi, viloyatlar, Toshkent shahar, tumanlar va shaharlar hokimlari tomonidan hisobot davri uchun taqdim etilgan tegishli budjetlarning ijrosi toʻgʻrisidagi hisobotlarni oʻz partiyalar guruhlarida va doimiy komissiyalarida (qoʻmitalarida) dastlabki tarzda muhokama qilish asosida koʻrib chiqadi.

Qoraqalpogʻiston Respublikasi Vazirlar Kengashi, viloyatlar, Toshkent shahar, tumanlar va shaharlar hokimlari tegishli budjetlar ijrosi toʻgʻrisidagi yillik hisobotlarni hisobot yilidan keyingi yilning 10-mayidan soʻng tegishincha Qoraqalpogʻiston Respublikasi Joʻqorgʻi Kengesiga, xalq deputatlari viloyatlar va Toshkent shahar, shuningdek tumanlar va shaharlar Kengashlariga taqdim etadi.

Tegishli budjetlarning ijrosi toʻgʻrisidagi hisobotlarni taqdim etish muddatlari tegishincha Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar, shuningdek tumanlar va shaharlar Kengashlari tomonidan belgilanadi.

Tegishli budjetlarning ijrosi toʻgʻrisidagi hisobotlar tegishincha Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar, shuningdek tumanlar va shaharlar Kengashlari qarorlari bilan tasdiqlanadi”;

23) 170-modda ikkinchi qismining ikkinchi xatboshisidagi “respublika budjetidan” degan soʻzlar “Oʻzbekiston Respublikasi respublika budjetidan” degan soʻzlar bilan almashtirilsin;

24) 187-moddaning:

ikkinchi xatboshisidagi “yoʻnaltirish” degan soʻz “moliya yili davomida yoʻnaltirish” degan soʻzlar bilan almashtirilsin;

uchinchi xatboshisidagi “rioya etmaslik” degan soʻz “rioya etmasdan moliya yili davomida toʻlovlarni amalga oshirish” degan soʻzlar bilan almashtirilsin;