Oʻzbekiston Respublikasining “Aholini ish bilan taʼminlash toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1998-y., 5-6-son, 97-modda), Vazirlar Mahkamasining 1999-yil 19-iyuldagi 353-sonli “Haq toʻlanadigan jamoat ishlarini tashkil qilish toʻgʻrisidagi nizomni tasdiqlash haqida”gi qarori (Oʻzbekiston Respublikasi Hukumatining qarorlari toʻplami, 1999-y., 7-son, 40-modda) ijrosini taʼminlash hamda ishsiz fuqarolarni ijtimoiy himoyalash koʻlamini oshirish maqsadida, Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-moddasiga asosan qaror qilaman:

1. 2014-yil mart — noyabr oylarida Jomboy tuman Bandlikka koʻmaklashish va aholini ijtimoiy muhofaza qilish markazida ishsiz deb eʼtirof etilgan fuqarolarni haq toʻlanadigan jamoat ishlari 1-ilovaga* muvofiq tasdiqlansin.

2. Band boʻlmagan fuqarolarni haq toʻlanadigan jamoat ishlariga, xususan hududda qurilishga, obodonlashtirishga, dalada (bogʻdorchilik) biologik va yigʻim-terim ishlariga jalb qilishni sezilarli darajada oshirish uchun ishchi guruhi tarkibi 2-ilovaga* muvofiq tasdiqlansin.

3. Haq toʻlanadigan jamoat ishlarini tashkil qilishda taklif bilan chiqadigan barcha tashkilot, korxona, muassasa rahbarlari tuman Bandlikka koʻmaklashish va aholini ijtimoiy muhofaza qilish markazi bilan shartnomalar tuzishi belgilansin.

4. Tuman hokimining 2013-yil 4-fevraldagi 35-Q-sonli qarori 2013-yil 31-dekabrdan oʻz kuchini yoʻqotgan deb hisoblansin.

5. Ushbu qaror ijrosi boʻyicha nazoratni tuman hokimining ijtimoiy-iqtisodiy masalalari boʻyicha oʻrinbosari U. Mamatovga yuklatilsin.

6. Mazkur qaror rasmiy eʼlon qilingan kundan eʼtiboran kuchga kiradi.