Imtiyozlar va ragʻbatlantirishlar turi‎

Korxonalar turi‎

Kafolatlar va imtiyozlar mazmuni‎

Qonun hujjatlari‎

Kafolatlar‎

1‎.

2‎

3‎

4‎

5‎

Qonun bilan berilgan kafolatlar‎

Qoʻshma korxonalar va chet ellik yuridik shaxslar‎

Oʻzbekiston Respublikasining keyinchalik qabul qilingan qonun hujjatlari investitsiyalash shartlarini yomonlashtiradigan boʻlsa chet el investitsiyalariga nisbatan investitsiyalash paytida amalda boʻlgan qonun hujjatlari uzogʻi bilan oʻn yil davomida qoʻllaniladi.
‎‎Bu talab mudofaani, milliy xavfsizlikni va jamoat tartibini taʼmin etish, atrof muhitni muhofaza qilishga doir qonun hujjatlari oʻzgarishiga nisbatan tatbiq etilmaydi.

“Chet el investitsiyalari va chet ellik investorlar faoliyatini kafolatlari toʻgʻrisida”gi Oʻzbekiston Respublikasi Qonuni (11-modda)‎

Mulkni saqlab qolish kafolati‎

Qoʻshma korxonalar va chet ellik yuridik shaxslar‎

Oʻzbekiston Respublikasida chet el investitsiyalari natsionalizatsiya qilinishi mumkin emas.
‎Chet el investitsiyalari rekvizitsiya qilinishi mumkin emas, tabiiy ofatlar, avariyalar, epidemiyalar, epizootiyalar bundan mustasno. Rekvizitsiya qilish haqidagi qaror Oʻzbekiston Respublikasi Vazirlar Mahkamasi tomonidan qabul qilinadi. Bunday hollarda chet ellik investorga toʻlanadigan tovon koʻrilgan zararga mutanosib boʻlishi kerak.‎

�Chet el investitsiyalari va chet ellik investorlar faoliyatini kafolatlari toʻgʻrisida”gi Oʻzbekiston Respublikasi Qonuni (12-modda)‎

Foydani chet elga oʻtkazish kafolati ‎

Qoʻshma korxonalar va chet ellik yuridik shaxslar‎

Chet ellik investorlarning qonuniy faoliyatlari natijasida olgan foyda va boshqa mablagʻlarini chet el valyutasida chet elga hech qanday cheklashsiz oʻtkazishlari kafolatlanadi.‎

“Chet el investitsiyalari va xorijiy investorlar faoliyatining kafolatlari toʻgʻrisida”gi Oʻzbekiston Respublikasi Qonuni (13-modda)‎

Ish haqini chet elga oʻtkazish kafolati‎

Xorijiy investitsiyalar ishtirokidagi korxonalarda ishlovchi chet ellik jismoniy shaxslar‎

Chet el investitsiyalari ishtirokidagi korxonalarning ishchi va xizmatchilari, maʼmuriyati, nazorat kengashi aʼzolari tarkibiga ajnabiy fuqarolar kirishi mumkin.
‎Bu xodimlar oladigan ish haqlari va qonuniy yoʻl bilan topilgan boshqa daromadlarini hech qanday cheklashsiz boshqa davlatlarga oʻtkazishlari mumkin.‎

“Chet el investitsiyalari va xorijiy investorlar faoliyatining kafolatlari toʻgʻrisida”gi Oʻzbekiston Respublikasi Qonuni (25-modda, 2-qism)‎

Chet el investitsiyalarini sugʻurtalash tizimi chet ellik investorlarni:
‎— mol-mulk ekspropriatsiyalanishidan (tortib olinishidan), shuningdek mol-mulk tortib olinishiga, mol-mulkning oʻzini yoki undan orttiriladigan daromadni nazorat qilishdan mahrum boʻlishga olib keladigan har qanday qonuniy yoki maʼmuriy choralardan (oʻz hududida iqtisodiy faoliyatni tartibga solish maqsadlarida mamlakat tomonidan umumiy qoʻllash uchun joriy etiladigan, huquqni kamsitmaydigan choralar bundan mustasno);
‎— urush yoki fuqarolar gʻalayonlaridan;
‎— sugʻurta tashkiloti bilan investor oʻrtasidagi shartnoma munosabatlariga mamlakat maʼmurlarining aralashuvidan;
‎— milliy valyutani boshqa valyutalarga konvertatsiyalash va uni mamlakatdan tashqariga chiqarishga doir mamlakat maʼmurlari tomonidan cheklashlar joriy etilishidan;
‎— investorlarning ayrim guruhlari uchun huquqni kamsitadigan ruhdagi yangi qonun-qoidalar joriy etilishidan;
‎— boshqa turdagi tavakkallardan sugʻurtalashni taʼminlaydi.

“Chet el investitsiyalari va xorijiy investorlar faoliyatining kafolatlari toʻgʻrisida”gi Oʻzbekiston Respublikasi Qonuni (15 modda, 4-qism)‎

Foyda (daromad)dan olinadigan soliq boʻyicha imtiyozlar‎

Mulkchilik shakllaridan qatʼi nazar, barcha korxonalar, shu jumladan chet el investitsiyalari ishtirokidagi korxonalar‎

1996-yil 1-apreldan boshlab korxonalarning foydasi (daromadi)dan olinadigan soliq stavkasi:
‎ishlab chiqarilayotgan mahsulotning umumiy hajmida eksport ulushi 5 foizdan 10 foizgacha boʻlganda — 20 foizga;
‎‎ishlab chiqarilayotgan mahsulotning umumiy hajmida eksport ulushi 10 foizdan 20 foizgacha boʻlganda — 30 foizga;
‎ishlab chiqarilayotgan mahsulotning umumiy hajmida eksport ulushi 20 foizdan 30 foizgacha boʻlganda — 40 foizgacha;
‎ishlab chiqarilayotgan mahsulotning umumiy hajmida eksport ulushi 30 foiz va undan koʻp boʻlganda‎ — 50 foizga kamaytiriladi.

Oʻzbekiston Respublikasi Prezidentining “Eksportga mahsulot ishlab chiqaruvchi korxonalarni ragʻbatlantirishga oid qoʻshimcha chora-tadbirlar toʻgʻrisida” 1996-yil 20-martdagi PF-1411-son Farmoni (2-band)‎

Foyda (daromad)dan olinadigan soliq boʻyicha imtiyozlar‎

Mulkchilik shakllaridan qatʼi nazar, barcha korxonalar, shu jumladan chet el investitsiyalari ishtirokidagi korxonalar‎

Hisobot yili yakunlari boʻyicha korxonalar tomonidan tovarlar (ishlar, xizmatlar) eksporti hajmi oʻsishidan olingan erkin almashtiriladigan valyutadagi tushum foyda (daromad)dan olinadigan soliq toʻlashdan ozod qilinadi‎

Oʻzbekiston Respublikasi Prezidentining “Eksportga mahsulot ishlab chiqaruvchi korxonalarni ragʻbatlantirishga oid qoʻshimcha chora-tadbirlar toʻgʻrisida” 1996-yil 20-martdagi PF-1411-son Farmoni (3-band)‎

Foyda (daromad)dan olinadigan soliq boʻyicha imtiyozlar‎

Chet el kapitalining ustav fondidagi ulushi 30 foizdan koʻp boʻlgan qoʻshma korxonalarning, shuningdek chet el korxonalarining, ularning filiallarining, vakolatxonalarining va shoʻba korxonalarining foydasiga — 25 foiz soliq solinadi.‎

“Korxonalar, tashkilotlar va birlashmalardan olinadigan soliqlar toʻgʻrisida”gi Oʻzbekiston Respublikasi Qonuni (6-modda, 3-band)‎

Foyda (daromad)dan olinadigan soliq boʻyicha imtiyozlar‎

Oʻzbekiston Respublikasining investitsiyasi dasturiga kiritilgan loyihalarga kapital mablagʻlar ajratayotgan chet el kapitali ishtirokidagi qoʻshma korxonalar oʻz ishining dastlabki besh yilida soliq toʻlashdan ozod qilinadilar.‎

“Korxonalar, tashkilotlar va birlashmalardan olinadigan soliqlar toʻgʻrisida”gi Oʻzbekiston Respublikasi Qonuni (11-modda, 4-band)‎

Foyda (daromad)dan olinadigan soliq boʻyicha imtiyozlar‎

Xorijiy qatnashchining ustav fondidagi ulushi 30 foizdan ortiq boʻlgan, qishloq xoʻjaligi mahsulotlari yetishtirish va qayta ishlab chiqarishga (uzum vinolari va meva-rezavor vinolari, mast qiluvchi ichimliklar tayyorlashdan tashqari), xalq isteʼmol mollari va binokorlik materiallari ishlab chiqarishga,tibbiyot uskunalari, qishloq xoʻjaligi, yengil va oziq-ovqat sanoati uchun mashinalar va uskunalar ishlab chiqarishga, ikkilamchi xomashyoni va roʻzgʻor chiqindilarini tayyorlash, qayta tayyorlashga ixtisoslashgan qoʻshma korxonalar, ularning filiallari va shoʻbalari roʻyxatdan oʻtgan paytdan boshlab ikki yil davomida soliq solishdan ozod etiladilar.
‎Soliq toʻlashdan ozod qilingan qoʻshma korxona uch yillik muddat oʻtmay turib tugatilgan taqdirda soliq summasi uning bu�un faoliyat davri uchun ?oʻliq miqdorda undiriladi.‎

“Korxonalar, tashkilotlar va birlashmalardan olinadigan soliqlar toʻgʻrisida”gi Oʻzbekiston Respublikasi Qonuni (11-modda, 2 va 4-bandlar)‎

Foyda (daromad)dan olinadigan soliq boʻyicha imtiyozlar‎

Barcha korxonalar‎

Umumiy vazifalarni hal etish uchun ustav fondiga (kapitaliga) jamlangan badallar, ulushlar va boshqa aniq maqsadga qaratilgan moliyaviy mablagʻlar ana shu umumiy vazifalarni hal etish uchun maxsus tuzilgan yuridik shaxslarning daromadlari hisoblanmaydi va ular soliq solish obyekti boʻlmaydi.‎

“Korxonalar, tashkilotlar va birlashmalardan olinadigan soliqlar toʻgʻrisida”gi Oʻzbekiston Respublikasi Qonuni (3-modda, 4-qism)‎

Foyda (daromad)dan olinadigan soliq boʻyicha imtiyozlar‎

Quyidagilar:
‎yuridik shaxs boʻlmish:
‎a) patent egasi (litsenziar)ning sanoat mulki obyektlaridan oʻz ishlab chiqarishida foydalanishdan, shuningdek ular uchun litsenziya sotishdan oladigan daromadlariga, shu jumladan valyuta tushumlariga quyidagilarni qoʻllash boshlangan sanadan eʼtiboran ularning amal qilish muddati doirasida:
‎patent boʻyicha ixtironi — 5 yil davomida;
‎dastlabki patent boʻyicha ixtironi — 3 yil davomida;
‎patent boʻyicha sanoat namunasini — 3 yil davomida;
‎dastlabki patent boʻyicha sanoat namunasini — 2 yil davomida;
‎guvohnoma boʻyicha foydali modelni — 2 yil davomida;
‎‎b) litsenziatning (litsenziya shartnomasi predmetidan foydalanish huquqini olgan shaxs) sanoat mulki obyektlaridan foydalanishdan oladigan daromadlariga, shu jumladan valyuta tushumlariga quyidagilarni qoʻllash boshlangan sanadan eʼtiboran:
‎patent boʻyicha ixtironi — 5 yil davomida;
‎dastlabki patent boʻyicha ixtironi — 3 yil davomida;
‎patent boʻyicha sanoat namunasini — 3 yil davomida;
‎dastlabki patent boʻyicha sanoat namunasini — 2 yil davomida;
‎‎guvohnoma boʻyicha foydali modelni — 2 yil davomida;
‎‎tovar belgisi yoki xizmat koʻrsatish belgisini — 1 yil davomida (litsenziarning mahsulotini ishlab chiqarganda) soliq solishdan ozod qilinadi.

“Korxonalar, tashkilotlar va birlashmalardan olinadigan soliqlar toʻgʻrisida”gi Oʻzbekiston Respublikasi Qonuni (11-modda, 1-band)‎

Foyda (daromad)dan olinadigan soliqlar boʻyicha imtiyozlar‎

Yangi tashkil etilgan korxonalar (birjalar, tayyorlov, ulgurji, taʼminlovchi-sotuvchi, vositachi va savdo-tijorat korxonalaridan tashqari) tashkil topgan (roʻyxatdan oʻtkazilgan) paytdan eʼtiboran birinchi yili belgilangan stavkaning 25 foizi miqdorida, ikkinchi yili 50 foizi miqdorida soliq toʻlaydilar.
‎Ushbu imtiyoz avval amal qilib turgan korxonalar, ularning filiallari va tarmoq boʻlinmalari asosida tuzilgan korxonalar uchun, shuningdek, korxonalar, birlashmalar va tashkilotlar huzurida tuzilgan boʻlib, ulardan ijaraga olingan uskunalar yordamida ishlayotgan korxonalarga taalluqli emas. Korxona faoliyati uch yillik muddat oʻtmay turib toʻxtatilgan taqdirda soliq summasi uning butun faoliyat davri uchun toʻla miqdorda hisoblanadi.‎

“Korxonalar, birlashmalar va tashkilotlardan olinadigan soliqlar toʻgʻrisida”gi Oʻzbekiston Respublikasi Qonuni (10-modda)‎

Foyda (daromad)dan olinadigan soliqlar boʻyicha imtiyozlar‎

Soliq solish bazasi quyidagi summaga kamaytiriladi:
‎tabiatni qoʻriqlash tadbirlarini oshirishga qilinayotgan xarajatlarning 30 foizgacha ekologiya, sogʻlomlashtirish va oʻzga xayriya jamgʻarmalariga kiritilgan badallar, ijtimoiy soha muassasalari va tashkilotlariga qilinadigan ajratmalar summasiga, lekin soliq solinadigan foyda (daromad)ning koʻpi bilan 1 foiziga;
‎korxonalar investitsiyalarga yoʻllaydigan, shuningdek, investitsiyalarni amalga oshirish uchun olingan kreditlarni uzishga sarflaydigan mablagʻlar summasiga.‎

“Korxonalar, birlashmalar va tashkilotlardan olinadigan soliqlar toʻgʻrisida”gi Oʻzbekiston Respublikasi Qonuni (10-modda, 1 qism)‎

Foyda (daromad)dan olinadigan soliqlar boʻyicha imtiyozlar‎

Davlat obligatsiyalari va davlatning boshqa qimmatli qogʻozlari boʻyicha olinadigan foizlar va dividendlar soliq solishdan ozod qilinadi.‎

“Korxonalar, birlashmalar va tashkilotlardan olinadigan soliqlar toʻgʻrisida”gi Oʻzbekiston Respublikasi Qonuni (15-modda)‎

Foyda (daromad)dan olinadigan soliqlar boʻyicha imtiyozlar‎

Samarqand, Buxoro, Xiva va Toshkent shaharlarida turistik faoliyat bilan shugʻullanuvchi yangi tashkil etilgan yuridik shaxslar, tashkil etilgan paytdan boshlab dastlabki foyda olgunga qadar boʻlgan davrda ammo davlat roʻyxatidan oʻtgan paytidan eʼtiboran uzogʻi bilan uch yil muddatga daromad (foyda) soligʻini toʻlashdan ozod etiladilar.
‎Samarqand, Buxoro, Xiva va Toshkent shaharlarida turistik faoliyat bilan shugʻullanuvchi yuridik shaxslar daromad (foyda) olishning birinchi yili daromad (foyda) soligʻining 50 foizini, ikkinchi yili 75 foizini, uchinchi yilidan boshlab 100 foizini toʻlaydilar.‎

“Korxonalar, birlashmalar va tashkilotlardan olinadigan soliqlar toʻgʻrisida”gi Oʻzbekiston Respublikasi Qonuni (10-modda)‎

Foyda (daromad)dan olinadigan soliqlar boʻyicha imtiyozlar‎

Barcha korxonalar, shu jumladan, xorijiy investitsiya ishtirokidagi korxonalar‎

Bolalar uchun tovarlar, badiiy hunarmandchilik buyumlari va oʻyinchoqlar ishlab chiqarishga ixtisoslashtirilgan korxonalar foydadan olinadigan soliqni 10 foizli stavka boʻyicha toʻlayd�lar.
‎Bolalar uchun tovarlar, badiiy hunarmandchilik buyumlari va oʻyinchoqlar ishlab chiqarish hajmi kamida 20 foizni tashkil etuvchi korxonalar foydadan olinadigan soliqni amaldagiga nisbatan 30 foizga kamaytirilgan stavka boʻyicha toʻlaydilar.‎

Vazirlar Mahkamasining “Yengil va mahalliy sanoatni rivojlantirishni davlat tomonidan qoʻllab-quvvatlash chora-tadbirlari toʻgʻrisida” 1996-yil 29-apreldagi 166-son qarori (6-band)‎

Foyda (daromad)dan olinadigan soliqlar boʻyicha imtiyozlar‎

“Oʻzbekyengilsanoat” uyushmasi va “Mahalliy sanoat” korporatsiyasi tizimidagi chet el investitsiyasi ishtirokidagi korxonalar‎

Ustav jamgʻarmasida xorijiy investorning ulushi kamida 50 foizni tashkil etgan qoʻshma korxonalar, soliqning butun miqdorini xalq isteʼmol tovarlari, birinchi navbatda bolalar uchun tovarlar ishlab chiqarishni rivojlantirish va kengaytirishga qayta investitsiya qilganlari taqdirda, foyda (daromad)dan olinadigan soliqdan ozod etiladilar:‎

Vazirlar Mahkamasining “Yengil va mahalliy sanoatni rivojlantirishni davlat tomonidan qoʻllab-quvvatlash chora-tadbirlari toʻgʻrisida” 1996-yil 29-apreldagi 166-son qarori (7-band)‎

Foyda (daromad)dan olinadigan soliqlar boʻyicha imtiyozlar‎

Xorijiy yuridik shaxslar, qoʻshma korxonalar‎

Ajnabiy yuridik shaxslarning, Oʻzbekiston va ajnabiy — yuridik shaxslar hamda fuqarolar ishtirokidagi qoʻshma korxonalarning daromadlari boʻyicha soliq solinadigan bazasi shunday korxonalarning rezerv fondi yoki shunga oʻxshash maqsadga moʻljallangan fondlarga ajratmalari summasi bu fondlarning miqdori ustav fondining 25 foiziga yetgunga qadar korxonalar daromadlarining 20 foizi miqdorida kamaytiriladi.‎

“Korxonalar, birlashmalar va tashkilotlardan olinadigan soliqlar toʻgʻrisida”gi Oʻzbekiston Respublikasi Qonuni (4-modda)‎

Qoʻshilgan qiymat soligʻi boʻyicha imtiyozlar‎

Mulkchilik shaklidan qatʼi nazar, barcha‎ korxonalar, shu jumladan, xorijiy investitsiya ishtirokidagi korxonalar

Quyidagilar soliqdan ozod etiladilar:
‎— sugʻurta va qayta sugʻurta yumushlari, shu jumladan, sugʻurta boʻyicha vositachilar va agentlar amalga oshirgan ana shunday yumushlar bilan bogʻliq xizmatlar;
‎— ssuda berish va ssuda oʻtkazish:
‎— pul jamgʻarmalari, joriy schyotlar, pul toʻlovlari, pul oʻtkazish, cheklar va boshqa qimmatli qogʻozlarga taalluqli yumushlar;
— qonunga koʻra toʻlov vositalari hisoblanmish valyutalar, pullar va banknotlar muomalasiga taalluqli yumushlar, numizmatika maqsadlarida foydalaniladigan valyutalar, pullar va banknotlar bundan mustasno;
‎— qimmatli qogʻozlar, aksiyalar, obligatsiyalar, sertifikatlar, veksellar, cheklar, lotereya-biletlari muomalasiga taalluqli yumushlar. Qimmatli qogʻozlar tayyorlash va saqlash boʻyicha yumushlar bundan mustasno;
‎— intellektual mulk obyektlariga boʻlgan huquqni olganlik uchun patent boji, roʻyxatdan oʻtkazish yigʻimi va litsenziya toʻlovi;
— eksport qilinadigan tovarlar (ishlar, xizmatlar), Oʻzbekiston Respublikasiga tovarlarni (ishlar, xizmatlarni) eksport qilishga nisbatan soliq solish tartibi qoʻllayotgan davlatlarga tovarlar (ishlar, xizmatlar) realizatsiya qilish bundan mustasnodir;
— eksport qilinadigan mollarni, shuningdek Oʻzbekiston Respublikasi hududi orqali olib oʻtiladigan chet el yuklarini (tranzit yuklarni) tashish, ortish, tushirish, qayta yuklash yuzasidan koʻrsatilgan xizmatlar;
‎— respublikada ishlab chiqariladigan hamda yakka tartibda uy quruvchilarga va uy-joy qurilishi kooperativlariga sotiladigan binokorlik materiallari;
‎— oʻz ixtiyoridagi yerdan foydalanib yetishtirilgan qishloq xoʻjaligi mahsulotlari. ‎

“Korxonalar, birlashmalar va tashkilotlardan olinadigan soliqlar toʻgʻrisida”gi Oʻzbekiston Respublikasi Qonuni (19-modda)‎

Mulkchilik shaklidan qatʼi nazar barcha korxonalar, shu jumladan, xorijiy investitsiya ishtirokidagi korxonalar‎

1996-yil 1-apreldan boshlab eksport qiluvchi korxonalar eksport qilinuvchi tovarlar (ishlar, xizmatlar) ishlab chiqarish uchun foydalangan moddiy resurslar uchun qoʻshilgan qiymat soligʻi summasini toʻlashdan ozod etiladilar.‎

Oʻzbekiston Respublikasi Prezidentining “Eksportga mahsulot ishlab chiqaruvchi korxonalarni ragʻbatlantirishga oid qoʻshimcha chora tadbirlar toʻgʻrisida”‎ 1996-yil 20-martdagi PF-1411-son Farmoni (4-band).

Barcha korxonalar, shu jumladan, xorijiy investitsiya ishtirokidagi korxonalar‎

Oʻzi ishlab chiqargan tovarlar chet elga yetkazib berilganda aksiz olinmaydi.‎

“Korxonalar, birlashmalar va tashkilotlardan olinadigan soliqlar toʻgʻrisida”gi Oʻzbekiston Respublikasining Qonuni (23-modda).‎

Yangi ochilgan korxonalarning mol-mulkiga roʻyxatga olingan kundan boshlab dastlabki ikki yil davomida soliq solinmaydi. Soliq boʻyicha bu imtiyoz tugatilgan (qayta tashkil etilgan) korxonalarning, ular filiallari va tarkibiy boʻlinmalari asosida tuzilgan korxonalarga, shuningdek korxonalar, birlashmalar va tashkilotlar huzurida tuzilgan korxonalarga (basharti ular ana shu korxonalardan ijaraga olingan uskunalar bilan ishlasa) taalluqli emas.‎

“Korxonalar, birlashmalar va tashkilotlardan olinadigan soliqlar toʻgʻrisida”gi Oʻzbekiston Respublikasi Qonuni (35-modda, “e” bandi)‎

Samarqand, Buxoro, Xiva va Toshkent shaharlarida turistik faoliyat bilan shugʻullanuvchi yangi tashkil etilgan yuridik shaxslarga tashkil etilgan paytidan boshlab dastlabki foyda olguniga qadar boʻlgan davrda, ammo davlat roʻyxatidan oʻtgan paytdan eʼtiboran uzogʻi bilan uch yil mu�datda soliqqa tortilmaydi.‎

“Korxonalar, birlashmalar va tashkilotlardan olinadigan soliqlar toʻgʻrisida”gi Oʻzbekiston Respublikasi Qonuni (35-modda, “j” bandi)‎

Qimmatbaho qogʻozlar operatsiyalariga solinadigan soliqlar boʻyicha imtiyozlar‎

Barcha korxonalar‎

1995-yil 1-iyuldan boshlab Oʻzbekiston Respublikasi yuridik va jismoniy shaxslarining dividendlar holida qimmatli qogʻozlarning aylanishidan, qimmatli qogʻozlarni sotib olish va sotish narxlari oʻrtasidagi tafovutdan olingan daromadlari uch yil muddatgacha soliqqa tortilishdan ozod qilinsin.‎

Oʻzbekiston Respublikasi Prezidentining “Qimmatli qogʻozlar bozorini rivojlantirishga oid qoʻshimcha chora-tadbirlar toʻgʻrisida” 1995-yil 7-sentabrdagi PF-1270-son Farmoni (6-band)‎

Yer soligʻi boʻyicha imtiyozlar‎

Chet ellik yuridik shaxslar, qoʻshma korxonalar va ularning filiallari‎

Chet el yuridik shaxslari, Oʻzbekiston Respublikasi hududida chet el yuridik shaxslari va fuqarolari ishtirokida tashkil etilgan xorijiy yuridik shaxslar, qoʻshma korxonalar hamda ularning filiallari — basharti, chet ellik ishtirokchining Ustav fondidagi ulushi 30 foizdan ortiq boʻlsa, roʻyxatdan oʻtgan kundan eʼtiboran ikki yil davomida yer soligʻi toʻlashdan ozod qilinadilar.‎

“Yer soligʻi toʻgʻrisida”gi Oʻzbekiston Respublikasi Qonuni (9-modda, “j” bandi)‎

Transport vositalari hamda boshqa oʻziyurar mashina va mexanizmlar egalaridan olinadigan soliq boʻyicha imtiyozlar‎

Barcha korxonalar, shu jumladan chet el investitsiyalari ishtirokidagi korxonalar‎

Samarqand, Buxoro, Xiva va Toshkent shaharlarida turistik faoliyat bilan shugʻullanuvchi yangi tashkil etilgan yuridik shaxslar, tashkil etilgan vaqtidan boshlab dastlabki foyda olguniga qadar boʻlgan davrda, ammo davlat roʻyxatidan oʻtgan paytidan �ʼtiboran uzogʻi bilan uch yil muddatga soliqdan ozod qilinadilar.‎

“Transport vositalari hamda boshqa oʻziyurar mashina va mexanizmlar egalaridan olinadigan soliq toʻgʻrisida”gi Qonun (5-modda, 1-bandi)‎

Soliq solish boʻyicha imtiyozlar‎

Tijorat banklari, shu jumladan chet el sarmoyasi ishtirokidagi banklar‎

Barcha tijorat banklari, mulkchilik shakllaridan qatʼi nazar, shu jumladan chet el sarmoyasi ishtirokidagi tijorat banklari, shuningdek chet el banklarining Oʻzbekiston Respublikasi hududidagi filiallari va vakolatxonalari 1994-yil iyulidan 1997-yil 31-dekabrgacha budjetga toʻlanadigan korxonalar daromadidan olinadigan soliq, korxonalar mol-mulkiga solinadigan soliq, yer soligʻi, transport vositalari egalaridan olinadigan soliqlardan ozod qilingan.‎

Oʻzbekiston Respublikasi Vazirlar Mahkamasining 1994-yil 13-iyuldagi 362-son va 1995-yil 9-noyabrdagi 427-son qarorlari

Mahsulot keltirish va chiqarishni soddalashtirish‎

Qoʻshma korxonalar va chet ellik yuridik shaxslar‎

Chet el investitsiyalari ishtirokidagi korxona Oʻzbekiston Respublikasining qonun hujjatlariga muvofiq oʻzi ishlab chiqargan mahsulotni litsenziyasiz eksport qilishga va oʻzining ishlab chiqarish ehtiyojlari uchun mahsulot import qilishga haqlidir. Oʻzi ishlab chiqargan, eksportga yetkazib beriladigan mahsulotlar hamda oʻzining ehtiyojlari uchun korxona tomonidan import qilinadigan mahsulotlar roʻyxatini Oʻzbekiston Respublikasi Vazirlar Mahkamasi belgilaydi.
‎Oʻzi ishlab chiqargan mahsulotni eksport qilishda olingan valyuta tushumlari belgilangan soliqlar oʻzga toʻlovlar toʻlanganidan keyin butunlay korxona egaligida qoladi. ‎

“Chet el investitsiyalari va chet ellik investorlar faoliyatining kafolatlari toʻgʻrisida”gi Oʻzbekiston Respublikasi Qonuni (17-modda) ‎

Boj poshlinalari boʻyicha imtiyozlar‎

Chet el inv�stitsiyalari ishtirokidagi korxonalar va bu korxonalarning ajnabiy xodimlari‎

Oʻzbekiston Respublikasiga chet el investitsiyalari ishtirokidagi korxonaning oʻz ishlab chiqarish ehtiyojlari uchun va ajnabiy xodimlarining shaxsiy ehtiyojlari uchun olib kiriladigan mol-mulk boj poshlinasi toʻlashdan ozod qilinadi.‎

“Chet el investitsiyalari va chet ellik investorlar faoliyatining kafolatlari toʻgʻrisida”gi Oʻzbekiston Respublikasi Qonuni (18-modda)‎

Mulkchili� shaklidan qatʼi nazar �archa korxonalar, shu jumladan, xorijiy investitsiya ishtirokidagi korxonalar‎

Qu�idagi tova�lardan boj poshlinalari olinmaydi:
�? Oʻzbekist?? Respublikasi Hukumati nomidan yoki uning kafolati bilan tuzilgan hukumatlararo va kredit bitimlari boʻyicha yetkazib beriladigan tovarlardan;
‎— Vazirlar Mahkamasining 1995-yil 7-oktabrdagi 389-son qaroriga 1-ilovada koʻrsatib oʻtilgan erkin savdo tartibini nazarda tutuvchi bitimlar imzolangan davlatlardan keltirilayotgan tovarlardan;
‎— respublika Hukumatining qarorlariga muvofiq davlat budjetidan ajratiladigan mablagʻlar hisobiga keltirilayotgan tovarlardan;
‎— davlat ehtiyojlari uchun eksportga yetkazib berish hajmi doirasidagi tovarlardan (markazlashtirilgan eksport);
‎— Oʻzbekiston Respublikasi iqtisodiyotiga umumiy summasi 50 mln. AQSh dollaridan ortiq bevosita investitsiyalar qoʻygan xorijiy yuridik shaxslar tomonidan olib kelinayotgan tovarlardan, basharti keltirilayotgan tovarlar ularning oʻzlari ishlab chiqargan mahsulot hisoblansa;
‎— Oʻzbekiston Respublikasi boj hududiga vaqtincha olib kelinayotgan va undan vaqtincha olib ketilayotgan tovarlardan, tranzit tovarlardan va “boj ombori” tartibida tashilayotgan tovarlardan.
‎Shuningdek, Oʻzbekiston Respublikasi boj hududiga belgilangan tartibda olib kelinayotgan va uning boj hududidan olib ketilayotgan:‎

Vazirlar Mahkamasining “Tashqi iqtisodiy faoliyatni tartibga solish mexanizmini takomillashtirish chora-tadbirlari toʻgʻrisida” 1996-yil 20-martdagi 114-son qarori (2-bandi)‎

Xorijiy yuridik va jismoniy shaxslar‎

Yer uchastkalari:
‎yuridik va jismoniy shaxslarga, shu jumladan xorijiy yuridik va jismoniy shaxslarga savdo va xizmat koʻrsatish sohasi obyektlari ular joylashgan yer uchastkalari bilan birgalikda xususiylashtirilgan taqdirda mulk qilib berilishi mumkin;
‎xorijiy yuridik va jismoniy shaxslarga —diplomatik korpus xodimlariga, Oʻzbekiston Respublikasida akkreditatsiya qilingan matbuot vakillariga, doimiy vakolatxonalar, firmalar, kompaniyalar va xalqaro tashkilotlarning xodimlariga, xorijiy investitsiyalar ishtirokidagi korxonalarda doimiy ishlaydigan shaxslarga, shuningdek, respublikada doimiy yashaydigan va yashash uchun ruxsatnomaga ega boʻlgan shaxslarga uy-joy binolari ular joylashgan yer uchastkalari bilan birgalikda sotilgan taqdirda mulk qilib berilishi mumkin.‎

“Yer toʻgʻrisida”gi Oʻzbekiston Respublikasi Qonuni (2-modda, 2-qism) ‎

Eng koʻp qulayliklar va erkin savdo tartiblari yaratish‎

Mulkchilik shakllaridan qatʼi nazar, barcha korxonalar, shu jumladan xorijiy investitsiyalar ishtirokidagi korxonalar‎

Yuridik va jismoniy shaxslar tomonidan Oʻzbekiston Respublikasining boj hududiga olib kelinadigan va Vazirlar Mahkamasining 1995-yil 7-oktabrdagi 389-son qaroriga 1-ilovaga muvofiq mamlakatlarning boj hududidan kelib chiqqan tovarlardan boj poshlinalari stavkalari joriy etilgan vaqtdan boshlab boj poshlinasi olinmaydi.
‎Mazkur qarorning 2-ilovasiga muvofiq Oʻzbekiston Respublikasi savdo-iqtisodiy munosabatlar borasida eng qulay tartib yaratadigan mamlakatlar roʻyxatida belgilangan.‎

Oʻzbekiston Respublikasi Vazirlar Mahkamasining “Import boj poshlinalarni qoʻllash tartibi toʻgʻrisida” 1995-yil 7-oktabrdagi 389-son qarori (1, 2-bandlar)‎