Oʻzbekiston Respublikasi Oliy Majlisi Qonunchilik palatasining “Oʻzbekiston Respublikasining 2011-yilgi Davlat budjeti toʻgʻrisida” 2010-yil 26-noyabrdagi 210-II-son qarori va Oʻzbekiston Respublikasi Oliy Majlisi Senatining “Oʻzbekiston Respublikasining 2011-yilgi Davlat budjeti toʻgʻrisida” 2010-yil 3-dekabrdagi 117-II-son qaroriga muvofiq:

1. Quyidagilar:

2011-yilda Oʻzbekiston Respublikasini rivojlantirishning asosiy makroiqtisodiy koʻrsatkichlari prognozi 1-ilovaga* muvofiq;

Oʻzbekiston Respublikasining 2011-yilgi Davlat budjeti asosiy parametrlari 2-ilovaga* muvofiq;

Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining, Respublika yoʻl jamgʻarmasining, budjetdan tashqari Taʼlim muassasalarini rekonstruksiya qilish, mukammal taʼmirlash va jihozlash jamgʻarmasining, Sugʻoriladigan yerlarning meliorativ holatini yaxshilash jamgʻarmasining 2011-yilgi asosiy parametrlari 3 — 6-ilovalarga* muvofiq tasdiqlansin.

2. 2011-yilgi Davlat budjeti taqchilligining cheklangan miqdori yalpi ichki mahsulot hajmiga nisbatan 1,0 foiz miqdorida belgilansin.

Belgilab qoʻyilsinki, Davlat budjeti taqchilligini moliyalashtirish respublika budjeti mablagʻlarining 2011-yil boshidagi boʻsh qoldiqlari va boshqa qadrsizlanmaydigan manbalar hisobidan amalga oshiriladi.

3. 2011-yil uchun:

qoʻshilgan qiymat soligʻi stavkalari 20 foiz miqdorida;

yuridik shaxslardan olinadigan foyda soligʻi stavkalari 7-ilovaga* muvofiq;

jismoniy shaxslardan olinadigan daromad soligʻi stavkalari 8-ilovaga* muvofiq;

yagona soliq toʻlovi stavkalari 9-1, 9-2 va 9-3-ilovalarga* muvofiq;

tadbirkorlik faoliyati ayrim turlari boʻyicha yuridik va jismoniy shaxslarga belgilab qoʻyilgan soliq stavkalari 10-ilovaga* muvofiq;

yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslar (yakka tartibdagi tadbirkorlar)ga belgilab qoʻyilgan soliq stavkalari 11-ilovaga* muvofiq;

Oʻzbekiston Respublikasi rezidentlariga dividendlar va foizlar tarzida toʻlanadigan daromad soligʻi stavkalari 10 foiz miqdorida;

Oʻzbekiston Respublikasida ishlab chiqariladigan va roʻyxat boʻyicha chetdan keltiriladigan aksiz soligʻiga tortiladigan tovarlarga aksiz soligʻi stavkalari 12-1 va 12-2-ilovalarga* muvofiq;

suv resurslaridan foydalanganlik uchun soliq stavkalari 13-ilovaga* muvofiq;

yer osti boyliklaridan foydalanganlik uchun soliq stavkalari 14-ilovaga* muvofiq;

imzolanadigan bonus va tijorat topilmasi bonusi 15-1 va 15-2-ilovalarga* muvofiq;

ayrim turdagi mahsulotlar boʻyicha ortiqcha foydadan soliq stavkalari 16-ilovaga* muvofiq;

yuridik va jismoniy shaxslardan olinadigan mulk soligʻi stavkalari 17 va 18-ilovalarga* muvofiq;

yuridik va jismoniy shaxslardan olinadigan yer soligʻi stavkalari 19-ilovaga* muvofiq;

yagona yer soligʻi stavkalari 20-ilovaga* muvofiq;

mahalliy soliqlar va yigʻimlar stavkalari 21-ilovaga* muvofiq;

Oʻzbekiston Respublikasi Moliya vazirligi huzuridagi Respublika yoʻl jamgʻarmasiga majburiy ajratmalar va yigʻimlar stavkalari 22 va 23-ilovalarga* muvofiq;

24-ilovaga* muvofiq belgilangan soliqqa tortish obyektlarining Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga 1,6 foiz miqdorda va Oʻzbekiston Respublikasi Moliya vazirligi huzuridagi budjetdan tashqari Taʼlim muassasalarini rekonstruksiya qilish, mukammal taʼmirlash va jihozlash jamgʻarmasiga majburiy ajratmalar stavkalari 0,5 foiz miqdorida;

mablagʻlarni budjetdan tashqari Pensiya jamgʻarmasi, Bandlikka koʻmaklashish davlat jamgʻarmasi va Oʻzbekiston Kasaba uyushmalari Federatsiyasi Kengashi oʻrtasida 25-ilovada* keltirilgan normativlarga muvofiq taqsimlagan holda yagona ijtimoiy toʻlov stavkasi 25 foiz miqdorida;

fuqarolarning Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga ularning mehnat haqi daromadlaridan majburiy sugʻurta badallari stavkasi 4,5 foiz miqdorida tasdiqlansin.

4. Belgilab qoʻyilsinki, yagona soliq toʻlovi tushumlari Davlat budjeti, Respublika yoʻl jamgʻarmasi, budjetdan tashqari Pensiya jamgʻarmasi va budjetdan tashqari Taʼlim muassasalarini rekonstruksiya qilish, mukammal taʼmirlash va jihozlash jamgʻarmasi oʻrtasida Oʻzbekiston Respublikasi Moliya vazirligi tomonidan belgilanadigan miqdorlarda taqsimlanadi.

5. 2011-yil 1-iyuldan boshlab yagona soliq toʻlovini toʻlovchilar uchun shunday tartib joriy qilinsinki, unga muvofiq yagona soliq toʻlovini belgilangan stavkalar boʻyicha, biroq eng oz miqdordan — soliq toʻlovchilar egallab turgan yer maydonidan kelib chiqib hisoblanadigan yer soligʻining 3 baravaridan kam boʻlmagan miqdorda toʻlanadi.

Oʻzbekiston Respublikasi Moliya vazirligiga Iqtisodiyot vazirligi bilan birgalikda tadbirkorlik subyektlarining qayerda joylashganiga va bajarayotgan faoliyat turiga qarab yagona soliq toʻlovining eng oz miqdoriga nisbatan pasaytiruvchi koeffitsiyentlarni belgilash huquqi berilsin.

Oʻzbekiston Respublikasi Moliya vazirligi Iqtisodiyot vazirligi va Davlat soliq qoʻmitasi bilan birgalikda bir oy muddatda yagona soliq toʻlovining eng oz miqdori joriy etilishini hisobga olgan holda Yagona soliq toʻlovini hisoblab chiqish va toʻlash tartibi toʻgʻrisidagi Nizomni tasdiqlasin, unda tegishli pasaytiruvchi koeffitsiyentlarni qoʻllash mexanizmi nazarda tutilsin.

6. 2011-yilning 1-yanvaridan boshlab shunday tartib oʻrnatilsinki, unga muvofiq tovarlar oldi va sotdisi boʻyicha taʼminot-sotish tashkilotlarining faoliyati ulgurji savdo sifatida qaraladi hamda ularga ulgurji savdo korxonalari uchun nazarda tutilgan faoliyatni amalga oshirish va soliq solish huquqiy normalari joriy etiladi.

Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari taʼminot-sotish faoliyatini amalga oshiruvchi yuridik shaxslar tomonidan ulgurji savdo faoliyatini amalga oshirishga litsenziyalar 2011-yil 1-aprelgacha qonun hujjatlarida belgilangan tartibda berilishini taʼminlasinlar.

Belgilab qoʻyilsinki, 2011-yil 1-yanvargacha roʻyxatdan oʻtkazilgan taʼminot-sotish tashkilotlari tovarlar oldi va sotdisi boʻyicha faoliyatni 2011-yil 1-aprelgacha ulgurji savdo huquqiga beriladigan litsenziyasiz amalga oshirish huquqiga egadir.

7. Eskirgan asbob-uskunalar oʻz vaqtida almashtirilishini ragʻbatlantirish maqsadida xoʻjalik yurituvchi subyektlar uchun (mikrofirmalar va kichik korxonalardan tashqari) foydali ish muddati tamom boʻlgan toʻliq eskirgan asbob-uskunalardan foydalanganlik uchun dastlabki qiymatning 0,25 foizi miqdorida toʻlov joriy qilinsin.

Oʻzbekiston Respublikasi Iqtisodiyot vazirligi Moliya vazirligi va Davlat soliq qoʻmitasi bilan birgalikda, bir oy muddatda, ishlatib kelinayotgan toʻliq eskirgan asbob-uskunalar uchun toʻlovni undirish tartibi toʻgʻrisidagi nizomni tasdiqlasin.

9. Yuridik shaxs boʻlmasdan amalga oshiriladigan yakka tartibdagi tadbirkorlik faoliyatini tartibga solish maqsadida Oʻzbekiston Respublikasi Davlat soliq qoʻmitasi Moliya vazirligi va Iqtisodiyot vazirligi bilan birgalikda bir hafta muddatda yakka tartibdagi tadbirkorlar shugʻullanishi mumkin boʻlgan faoliyat turlari roʻyxatini tasdiqlash uchun Oʻzbekiston Respublikasi Vazirlar Mahkamasiga kiritsin.

14. Davlat hokimiyati va mahalliy davlat boshqaruvi organlarining barcha darajalardagi mahalliy budjetlar daromadlari va xarajatlarini shakllantirishdagi roli, mustaqilligi va masʼuliyatini oshirish, mahalliy budjetlarning Oʻzbekiston Respublikasi Davlat budjetidagi ulushini koʻpaytirish maqsadida quyidagi umumdavlat soliqlari:

suv resurslaridan foydalanganlik uchun soliq;

yuridik va jismoniy shaxslarning tadbirkorlik faoliyati ayrim turlari boʻyicha qatʼiy belgilangan soliq;

yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslar (yakka tartibdagi tadbirkorlar)dan olinadigan qatʼiy belgilangan soliq;

respublikada ishlab chiqariladigan pivo va oʻsimlik yogʻiga aksiz soligʻi boʻyicha tushumlar toʻliq miqdorda mahalliy budjetlar daromadlariga oʻtkazilsin.

15. 2011-yil uchun:

Qoraqalpogʻiston Respublikasi budjeti, viloyatlar va Toshkent shahar mahalliy budjetlarining daromadlar va xarajatlar hajmlari, respublika budjetidan dotatsiyalar va subvensiyalarning cheklangan miqdorlari 26-ilovaga* muvofiq;

Qoraqalpogʻiston Respublikasi budjetiga, viloyatlar va Toshkent shahar mahalliy budjetlariga umumdavlat soliqlari tushumlaridan ajratmalar normativlari 27-ilovaga* muvofiq;

respublika budjeti, Qoraqalpogʻiston Respublikasi budjeti, viloyatlar va Toshkent shahar mahalliy budjetlarining naqd pul kassa aylanmasining yoʻl qoʻyiladigan eng kam miqdorlari 28-ilovaga* muvofiq tasdiqlansin.

Oʻzbekiston Respublikasi Moliya vazirligi, Iqtisodiyot vazirligi manfaatdor vazirliklar va idoralar, shuningdek Qoraqalpogʻiston Respublikasi Vazirlar Kengashi hamda viloyatlar hokimliklari bilan birgalikda joylarda yangi ishlab chiqarishlarni tashkil etish va ishlab turganlarini rivojlantirish, kichik biznes va xususiy tadbirkorlik, xizmat koʻrsatish sohasi rivojlantirilishini ragʻbatlantirish yoʻli bilan aholi bandligini oshirish, shuningdek budjet tashkilotlarining xarajatlari va tarmoqlarini maqbullashtirishni nazarda tutgan holda mahalliy budjetlarning dotatsiyaga muhtojligini kamaytirish boʻyicha aniq maqsadga yoʻnaltirilgan ishlarni davom ettirsin.

16. Oʻzbekiston Respublikasi Moliya vazirligiga tegishli mahalliy budjetlarga budjetdan dotatsiyalar, subvensiyalar va ssudalar (daromadlar va xarajatlar oʻrtasidagi vaqtinchalik kassa tafovutlarini qoplash uchun) ajratishda ularning miqdorlarini hududlar boʻyicha barcha soliqlar va boshqa majburiy toʻlovlarning toʻliq tushishidan, shuningdek yagona ijtimoiy toʻlov bilan birga ish haqi, stipendiyalar, nafaqalar va ularga tenglashtirilgan toʻlovlar boʻyicha Oʻzbekiston Respublikasi Davlat budjetining xarajatlarini birinchi navbatda soʻzsiz moliyalashtirish zarurligidan kelib chiqqan holda aniqlashtirish huquqi berilsin.

17. 2011-yil uchun Oʻzbekiston Respublikasi Vazirlar Mahkamasining zaxira jamgʻarmasi hamda Qoraqalpogʻiston Respublikasi budjeti, viloyatlar va Toshkent shahar mahalliy budjetlarining zaxira jamgʻarmalari miqdorlari 29-ilovaga* muvofiq tasdiqlansin.

19. 2011-yil 1-yanvardan boshlab davlat budjeti mablagʻlari hisobiga moliyalashtiriladigan umumtaʼlim muassasalari va maktabdan tashqari taʼlim muassasalarining uzaytirilgan kun guruhlarida bolalar taʼminoti uchun ota-onalar toʻlovi miqdorlari 30-ilovaga* muvofiq belgilansin.

Oʻzbekiston Respublikasi Xalq taʼlimi vazirligi Moliya vazirligi bilan birgalikda bir hafta muddatda umumtaʼlim muassasalari va maktabdan tashqari taʼlim muassasalarining uzaytirilgan kun guruhlarida bolalar taʼminoti uchun toʻlov toʻlash tartibi toʻgʻrisidagi Nizomni tasdiqlasin, bunda kam taʼminlangan oilalardan boʻlgan bolalar uchun toʻlov toʻlashdan ozod qilish nazarda tutilsin (tegishlicha umumtaʼlim muassasalari va maktabdan tashqari taʼlim muassasalarining uzaytirilgan kun guruhlaridagi tarbiyalanuvchilar umumiy sonining 15 foizi doirasida).

20. Oʻzbekiston Respublikasi Xalq taʼlimi vazirligi, Oliy va oʻrta maxsus taʼlim vazirligi, Madaniyat va sport ishlari vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari manfaatdor vazirliklar va idoralar bilan birgalikda bir oy muddatda oʻrta maxsus va kasb-hunar taʼlimi hududiy boshqaruv organlari, tuman (shahar) xalq taʼlimi, madaniyat va sport boʻlimlari hamda ularning metodik va boshqa tuzilmalari negizida, qayta tashkil etilayotgan tuzilmalarning amaldagi xodimlari sonini oʻrtacha 5 foizga qisqartirgan holda oʻrta maxsus va kasb-hunar taʼlimi, xalq taʼlimi, madaniyat va sport muassasalarini metodik taʼminlash va ular faoliyatini tashkil etish boʻlimlarini tashkil qilish toʻgʻrisida Oʻzbekiston Respublikasi Vazirlar Mahkamasiga takliflar kiritsinlar.

21. Oʻzbekiston Respublikasi Moliya vazirligi budjet muassasalarining 2011-yilgi shtat jadvallarini roʻyxatga olishda budjet muassasalarida kommunikatsiya tizimlari, ishlarni avtomatlashtirish rivojlanishini hamda boshqaruv va yordamchi xodimlarning mehnat unumdorligi oshishini hisobga olgan holda maʼmuriy-xoʻjalik va oʻquv-yordamchi xodimlarni oʻrtacha 5 foizga maqbullashtirishni nazarda tutsin.

Vazirliklar va idoralar idoraviy mansub budjet tashkilotlarining shtat normativlarini tanqidiy koʻrib chiqsinlar va Oʻzbekiston Respublikasi Moliya vazirligi hamda Mehnat va aholini ijtimoiy muhofaza qilish vazirligi bilan kelishgan holda yangilangan namunaviy shtat normativlarini belgilangan tartibda tasdiqlasinlar, ularning joriy etilishini 2012-yilning 1-yanvarigacha tugallasinlar.

22. Moliya vazirligining Gʻaznachiligida Oʻzbekiston Respublikasi Moliya vazirligi markaziy apparati boshqaruv xodimlarining cheklangan soni tegishlicha koʻpaytirilgan holda 3 nafar xodimdan iborat davlat xaridlarini amalga oshirish jarayoni monitoringi axborot-tahlil boʻlimi tashkil etilsin, quyidagilar boʻlimning vazifalari etib belgilansin:

davlat xaridlari boʻyicha axborot bazasini yaratish va doimiy yangilab borish;

davlat xaridlarini amalga oshirishda narx belgilash jarayoni ustidan nazorat qilish va oshirilgan narxlar mavjudligi gumon qilingan materiallarni Oʻzbekiston Respublikasi Moliya vazirligining Nazorat-taftish bosh boshqarmasiga berish;

davlat xaridlarini amalga oshirishda kichik biznes subyektlari keng ishtirok etishini nazarda tutgan holda tanlov va tender tartibotlari qoʻllanilishini takomillashtirish va kengaytirish yuzasidan belgilangan tartibda takliflar kiritish.

23. Oʻzbekiston Respublikasi Prezidentining “2010-yilgi asosiy makroiqtisodiy koʻrsatkichlar va Davlat budjeti parametrlari prognozi toʻgʻrisida” 2009-yil 22-dekabrdagi PQ-1245-son qarori 24-bandining amal qilishi 2012-yilning 1-yanvarigacha uzaytirilsin.

24. Oʻzbekiston Respublikasi Moliya vazirligining 2010-yilgi Oʻzbekiston Respublikasi Davlat budjetining asosiy parametrlarini va Oʻzbekiston Respublikasi davlat maqsadli jamgʻarmalarini quyidagi hajmlarda aniqlashtirish toʻgʻrisidagi taklifi qabul qilinsin:

budjet taqchilligi yalpi ichki mahsulot hajmiga nisbatan 0,5 foiz boʻlgani holda, Davlat budjeti daromadlari 13 221,0 mlrd soʻm, xarajatlari 13 550,0 mlrd soʻm miqdorida;

Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining daromadlari 5 253,1 mlrd soʻm (shu jumladan aylanma kassa naqd pulining toʻldirilishi 2010-yil 1-yanvar holati boʻyicha respublika budjeti qoldigʻi hisobiga — 262,0 mlrd soʻm) va xarajatlar 5 103,3 mlrd soʻm miqdorida.

Oʻzbekiston Respublikasi Moliya vazirligi, Moliya vazirligining Gʻaznachiligi Oʻzbekiston Respublikasi Markaziy banki bilan birgalikda 2011-yilning yanvar oyida, oʻtkazilgan operatsiyalarni 2010-yilgi Davlat budjetining ijrosi toʻgʻrisidagi hisobotda aks ettirgan holda, 2010-yilgi Davlat budjeti ijrosi boʻyicha qonun hujjatlarida belgilangan tartibda yakuniy operatsiyalar oʻtkazsin.

25. Oʻzbekiston Respublikasi Moliya vazirligi Iqtisodiyot vazirligi bilan birgalikda makroiqtisodiy koʻrsatkichlar prognozi har chorakda bajarilishini va Oʻzbekiston Respublikasi Davlat budjetining 2011-yilgi ijrosini tahlil etish natijalari boʻyicha, zarur hollarda, Oʻzbekiston Respublikasi Vazirlar Mahkamasiga Davlat budjetining asosiy parametrlarini belgilangan taqchillik doirasida aniqlashtirishga doir takliflar kiritsin.

26. 2011-yilning 1-yanvaridan Oʻzbekiston Respublikasi Prezidentining va Oʻzbekiston Respublikasi Vazirlar Mahkamasining 31-ilovaga muvofiq ayrim qarorlari oʻz kuchini yoʻqotgan deb hisoblansin.

2011-yilning 1-yanvaridan Oʻzbekiston Respublikasi Prezidenti va Oʻzbekiston Respublikasi Vazirlar Mahkamasining ayrim qarorlariga 32-ilovaga muvofiq oʻzgartish va qoʻshimchalar kiritilsin.

27. Oʻzbekiston Respublikasi Moliya vazirligi Adliya vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

Vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir hafta muddatda ilgari qabul qilingan normativ-huquqiy hujjatlarni ushbu qarorga muvofiqlashtirsinlar.

28. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Oʻzbekiston Respublikasi Prezidentining 2006-yil 14-yanvardagi PQ-257-son qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomning 221-bandi.

2. Oʻzbekiston Respublikasi Prezidentining “Paxta tolasini sotish va uning uchun hisob-kitob qilish mexanizmini tartibga solish toʻgʻrisida” 2006-yil 29-avgustdagi PQ-456-son qaroriga 1-ilova 37-bandining toʻrtinchi xatboshi va 2-ilovaning 33-bandi.

3. Oʻzbekiston Respublikasi Prezidentining 2006-yil 25-oktabrdagi PQ-499-son qarori bilan tasdiqlangan Oʻzbekiston Respublikasi Moliya vazirligi huzuridagi Respublika yoʻl jamgʻarmasi daromadlarini shakllantirish va mablagʻlarini sarflash tartibi toʻgʻrisidagi nizomning 35 va 36-bandlari.

4. Oʻzbekiston Respublikasi Prezidentining “Tijorat banklarining investitsiya loyihalarini moliyalashtirishga yoʻnaltiriladigan uzoq muddatli kreditlari ulushini koʻpaytirishni ragʻbatlantirish borasidagi qoʻshimcha chora-tadbirlar toʻgʻrisida” 2009-yil 28-iyuldagi PQ-1166-son qarori 8-bandining uchinchi xatboshi.

5. Oʻzbekiston Respublikasi Prezidentining “Bugʻdoy uni olib kelishni tartibga solish chora-tadbirlari toʻgʻrisida” 2010-yil 21-iyundagi PQ-1356-son qarori.

6. Vazirlar Mahkamasining “Tadbirkorlik faoliyati bilan shugʻullanuvchi jismoniy shaxslardan soliqlar va yigʻimlarni undirishni tartibga solish toʻgʻrisida” 1997-yil 23-oktabrdagi 483-son qarorining 3-bandi (Oʻzbekiston Respublikasi QT, 1997-y., 10-son, 35-modda).

7. Vazirlar Mahkamasining “Paxta tolasini xorijiy investitsiyalar ishtirokidagi korxonalarga sotish mexanizmini yanada takomillashtirish chora-tadbirlari toʻgʻrisida” 2005-yil 19-oktabrdagi 232-son qarori (Oʻzbekiston Respublikasi QT, 2005-y., 9-10-son, 56-modda).

8. Vazirlar Mahkamasining “Vazirlar Mahkamasining “Paxta tolasini xorijiy investitsiyalar ishtirokidagi korxonalarga sotish mexanizmini yanada takomillashtirish chora-tadbirlari toʻgʻrisida” 2005-yil 19-oktabrdagi 232-son qaroriga oʻzgartirish kiritish haqida (Oʻzbekiston Respublikasi Prezidentining “Paxta tolasini respublikaning ichki isteʼmolchilariga sotishni takomillashtirish va toʻqimachilik sanoatini rivojlantirish chora-tadbirlari toʻgʻrisida” 2007-yil 21-noyabrdagi PQ-733-son qarori)” 2008-yil 6-fevraldagi 22-son qarori (Oʻzbekiston Respublikasi QT, 2008-y., 2-3-son, 5-modda).

2. Oʻzbekiston Respublikasi Prezidentining “1991-yilgacha qurilgan koʻp xonadonli turarjoy binolarining umumfoydalanadigan joylari va muhandislik kommunikatsiyalari kapital taʼmirlanishini yakunlash chora-tadbirlari toʻgʻrisida” 2006-yil 25-iyuldagi PQ-425-son qarorining 6-bandida:

birinchi xatboshidagi “2010-yilning 31-dekabrigacha” soʻzlari “2014-yilning 1-yanvarigacha” soʻzlari bilan almashtirilsin;

ikkinchi xatboshi chiqarib tashlansin.

3. Oʻzbekiston Respublikasi Prezidentining “Oʻztransgaz” aksiyadorlik kompaniyasi faoliyatini tashkil etishni takomillashtirish chora-tadbirlari toʻgʻrisida” 2006-yil 8-avgustdagi PQ-438-son qarorining 8-bandiga quyidagi mazmundagi xatboshi qoʻshilsin:

“Oʻzbekiston “Oʻzkommunxizmat” agentligining hududiy gaz taʼminoti korxonalariga ilgari berilgan mulk soligʻi boʻyicha imtiyozlar “Oʻztransgaz” aksiyadorlik kompaniyasining mintaqalararo unitar korxonalariga joriy etilsin”.

4. Oʻzbekiston Respublikasi Prezidentining 2006-yil 25-oktabrdagi PQ-499-son qarori bilan tasdiqlangan Oʻzbekiston Respublikasi Moliya vazirligi huzuridagi Respublika yoʻl jamgʻarmasi daromadlarini shakllantirish va mablagʻlarini sarflash tartibi toʻgʻrisidagi nizomda:

7-bandning birinchi xatboshidagi “kreditlar” soʻzidan keyin “shuningdek pudratchilar (yetkazib beruvchilar) tomonidan shartnoma majburiyatlarini oʻz vaqtida yoki zarur darajada bajarmaganligi uchun Jamgʻarmaning mablagʻlarini sarflash boʻyicha mazkur Nizomning 9-bandida koʻrsatilgan buyurtmachilarga oʻtkaziladigan jarimalar (penyalar)” soʻzlari qoʻshilsin;

29-bandning “v” kichik bandidagi “xarajatlar smetasini” soʻzlari “yigʻma xarajatlar smetasini” soʻzlari bilan almashtirilsin;

34-band quyidagi tahrirda bayon qilinsin:

“34. Jamgʻarmaga majburiy ajratmalar va yigʻimlar boʻyicha imtiyozlar Oʻzbekiston Respublikasining Soliq kodeksi, boshqa qonunlar va Oʻzbekiston Respublikasi Prezidentining qarorlariga muvofiq beriladi”;

42-banddagi “bajarish boʻyicha” soʻzlaridan keyin “oylik” soʻzi qoʻshilsin;

43-banddagi “bajarish boʻyicha” soʻzlaridan keyin “oylik” soʻzi qoʻshilsin.

5. Oʻzbekiston Respublikasi Prezidentining “Davlat budjetining gʻazna ijrosi tizimini yanada rivojlantirish chora-tadbirlari toʻgʻrisida” 2007-yil 28-fevraldagi PQ-594-son qarorining 6-bandiga quyidagi mazmundagi xatboshi qoʻshilsin:

“Oʻzbekiston Respublikasi Vazirlar Mahkamasiga Moliya vazirligining takliflari boʻyicha budjetdan mablagʻ oluvchilarning tovarlar (ishlar, xizmatlar)ni xarid qilishda 15 foizdan ortiq miqdorda oldindan haq toʻlashni amalga oshirishi mumkin boʻlgan tovarlar (ishlar, xizmatlar)ning turlari roʻyxatini tasdiqlash huquqi berilsin”.

6. Oʻzbekiston Respublikasi Prezidentining “Oʻzbekiston Respublikasining 2008-yilgi asosiy makroiqtisodiy koʻrsatkichlari va Davlat budjeti parametrlari toʻgʻrisida” 2007-yil 12-dekabrdagi PQ-744-son qaroriga 29-ilovaning izohi matnidan “futbol boʻyicha maktab-internatlari” soʻzlari chiqarib tashlansin.

7. Oʻzbekiston Respublikasi Prezidentining “Oʻzbekiston Respublikasi Davlat-tijorat Xalq bankining kapitallashuvini yanada koʻpaytirish va investitsion faolligini oshirish chora-tadbirlari toʻgʻrisida” 2008-yil 16-oktabrdagi PQ-986-son qarori 1-ilovasiga quyidagi mazmundagi izoh qoʻshilsin:

“Izoh: Oʻzbekiston Respublikasi Davlat-tijorat Xalq bankining qoʻshimcha joylashtiriladigan aksiyalari hajmidagi Oʻzbekiston Respublikasi Moliya vazirligining ulushi Oʻzbekiston Respublikasi Markaziy bankining Davlat budjetiga oʻtkazilishi lozim boʻlgan foydasi hisobiga 2011-2012-yillarda shakllantiriladi”.

8. Vazirlar Mahkamasining “Oʻzbekiston Respublikasida nogironlarni ijtimoiy himoya qilish masalalari” toʻgʻrisida 1992-yil 17-iyuldagi 328-son qarorining (Oʻzbekiston Respublikasi QT, 1992-y., 7-son, 19-modda) 7-bandi quyidagi tahrirda bayon qilinsin:

“7. Ixtisoslashtirilgan sexlar, uchastkalar va korxonalarda ishlovchi nogironlar mehnatiga haq toʻlash fondidan 4,7 foiz stavka boʻyicha yagona ijtimoiy toʻlov undiriladi”.

9. Vazirlar Mahkamasining “Xorijiy valyutadagi davlat bojlari, yigʻimlar hamda soliq boʻlmagan boshqa toʻlovlar stavkalari toʻgʻrisida” 1993-yil 19-avgustdagi 423-son qarorida:

a) 3-band chiqarib tashlansin;

b) Xorijiy valyutadagi davlat bojlari, yigʻimlar va soliq boʻlmagan boshqa toʻlovlarni undirish va taqsimlash tartibi toʻgʻrisidagi nizomda:

beshinchi xatboshidagi “ilova qilinadigan jadvalga muvofiq” soʻzlaridan keyin “respublika budjetining asosiy hisob raqamiga soʻm ekvivalentini (sotish kunidagi Markaziy bank kursi boʻyicha) oʻtkazgan holda (Oʻzbekiston Respublikasi Tashqi ishlar vazirligidan tashqari)” soʻzlari qoʻshilsin;

toʻqqizinchi xatboshi quyidagi tahrirda bayon qilinsin:

“Bojlar, yigʻimlar hamda soliq boʻlmagan boshqa toʻlovlarni undiruvchi vazirliklar, davlat qoʻmitalari, idoralar va xoʻjalik boshqaruvi organlari Oʻzbekiston Respublikasi Markaziy banki va Davlat soliq qoʻmitasiga har oyda hisobot oyidan keyingi oyning 5 sanasida Oʻzbekiston Respublikasi Davlat budjetiga valyuta tushumlari hamda tegishli oʻtkazmalar toʻgʻrisida hisobotlar taqdim etadilar”;

oʻninchi xatboshidan “Moliya vazirligi va” soʻzlari chiqarib tashlansin;

v) 2-ilovaning “Bojlar, yigʻimlar hamda soliq boʻlmagan boshqa toʻlovlardan tushgan valyutalarni taqsimlash” jadvalida:

6-satrdagi “92%” qiymatidan keyin “*” belgisi qoʻshilsin;

quyidagi mazmundagi havola qoʻshilsin:

“*Oʻzbekiston Respublikasi Tashqi ishlar vazirligining diplomatik vakolatxonalari Davlat budjetiga oʻtkazilishi lozim boʻlgan konsullik yigʻimlarini boʻlib turgan mamlakatlar banklarida ochilgan joriy budjet hisob raqamlariga budjet mablagʻlarini qoʻshish uchun pul oʻtkazadilar hamda ulardan keyingi yil uchun tasdiqlangan sarf-xarajatlar smetasiga asosan diplomatik vakolatxonalarni saqlash xarajatlarini moliyalashtirishga foydalanadilar”;

10. Vazirlar Mahkamasining 1999-yil 2-apreldagi 154-son qarori bilan tasdiqlangan Xodimlarning shaxsiy avtomobillaridan xizmat maqsadlarida (xizmat safarlaridan tashqari) foydalanganlik uchun har oyda kompensatsiya toʻlash tartibining 4-bandi quyidagi tahrirda bayon qilinsin:

“4. Kompensatsiya avtomobillar motorining ot kuchi soniga qarab quyidagi miqdorlarda toʻlanadi:

Kompensatsiya miqdorlari xodimga faqat xizmat maqsadlari uchun foydalaniladigan avtomobilni ishlatish yuzasidan qilinadigan xarajatlarni qoplashni hisobga olgan holda belgilangan”.

11. Vazirlar Mahkamasining “SOS — Oʻzbekiston bolalar mahallalari” uyushmasining xayriya faoliyatini ragʻbatlantirish chora-tadbirlari toʻgʻrisida” 2001-yil 26-iyundagi 271-son qarorining 1-bandi quyidagi tahrirda bayon qilinsin:

“1. “SOS — Oʻzbekiston bolalar mahallalari” uyushmasi uchun yagona ijtimoiy toʻlov stavkasi, istisno tariqasida, ish haqi fondining 7 foizi miqdorida belgilansin, ular Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga oʻtkazilib, boʻshaydigan mablagʻlar yetim bolalar uchun xayriya faoliyatini kengaytirishga hamda “SOS — Oʻzbekiston bolalar mahallalari” va ular bilan bogʻliq loyihalarning moddiy bazasini mustahkamlash va rivojlantirishga maqsadli yoʻnaltirilsin”.

12. Vazirlar Mahkamasining 2003-yil 17-martdagi 140-son qarori (Oʻzbekiston Respublikasi QT, 2003-y., 3-son, 25-modda) bilan tasdiqlangan Akademik V.Vohidov nomidagi Respublika ixtisoslashtirilgan jarrohlik markazi toʻgʻrisidagi nizom 30-bandining toʻqqizinchi xatboshi quyidagi tahrirda bayon qilinsin:

“2011 — 2015-yillar mobaynida Markazning asoslantirilgan hisob-kitoblari boʻyicha har yili budjetdan zamonaviy yuqori texnologiyali diagnostika tibbiyot asbob-uskunalari (texnikalari) bilan toʻliq jihozlash va ularni xarajat materiallari, implantantlar bilan taʼminlashga mablagʻlar ajratilishini kamaytira borib, 2012-yilga budjetdan tashqari mablagʻlar ulushini 50 foizgacha yetkazgan holda budjetdan qisman dotatsiya qilinadigan ayrim yuqori texnologiyali operatsiyalar sonini bosqichma-bosqich kamaytirish nazarda tutiladi”.

14. Vazirlar Mahkamasining “Davlat mulkini ijaraga berish tartibini takomillashtirish chora-tadbirlari toʻgʻrisida” 2009-yil 8-apreldagi 102-son qaroriga (Oʻzbekiston Respublikasi QT, 2009-y., 4-son, 26-modda) quyidagi mazmundagi 3-1-band qoʻshilsin:

“3-1. Oʻzbekiston Respublikasining xalqaro shartnomalari doirasida faoliyat yuritayotgan, Oʻzbekiston Respublikasi xalqaro shartnomalari shartlariga, Oʻzbekiston Respublikasi Prezidentining, Oʻzbekiston Respublikasi Hukumatining qarorlariga muvofiq davlat mulkida boʻlgan binolar va inshootlarda joylashtiriladigan budjet tashkilotlari, shuningdek xalqaro tashkilotlar vakolatxonalari, qoʻshma loyihalarni amalga oshirish guruhlari uchun ijara haqining nol stavkasi belgilanadi, qonun hujjatlarida nazarda tutilgan holatlar bundan mustasno”.