Oʻzbekiston Respublikasi Oliy Majlisi Senatining “Oʻzbekiston Respublikasining 2008-yilgi Davlat budjeti toʻgʻrisida” 2007-yil 30-noyabrdagi 410-I-son qaroriga muvofiq:

1. Quyidagilar:

2008-yilda Oʻzbekiston Respublikasini rivojlantirishning asosiy makroiqtisodiy koʻrsatkichlari 1-ilovaga* muvofiq;

Oʻzbekiston Respublikasining 2008-yilgi Davlat budjeti asosiy parametrlari 2-ilovaga* muvofiq;

Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining, Respublika yoʻl jamgʻarmasining, Maktab taʼlimi jamgʻarmasining, Sugʻoriladigan yerlarning meliorativ holatini yaxshilash jamgʻarmasining 2008-yilgi asosiy parametrlari 3—6-ilovaga* muvofiq tasdiqlansin.

2. 2008-yilgi Davlat budjeti taqchilligining cheklangan miqdori yalpi ichki mahsulot hajmiga nisbatan 1,0 foiz miqdorida belgilansin.

Belgilab qoʻyilsinki, Davlat budjeti taqchilligini moliyalashtirish respublika budjeti mablagʻlarining 2008-yil boshidagi qoldiqlari va boshqa qadrsizlanmaydigan manbalar hisobidan amalga oshiriladi.

3. 2008-yil uchun:

yuridik shaxslardan olinadigan foyda soligʻi stavkalari 7-ilovaga** muvofiq;

jismoniy shaxslardan olinadigan daromad soligʻi stavkalari 8-ilovaga** muvofiq;

yagona soliq toʻlovi stavkalari 9, 9-1 va 9-2-ilovalarga** muvofiq;

tadbirkorlik faoliyati ayrim turlari boʻyicha yuridik va jismoniy shaxslarga belgilab qoʻyilgan soliq stavkalari 10-ilovaga** muvofiq;

yuridik shaxs boʻlmagan tadbirkorlik faoliyati bilan shugʻullanuvchi jismoniy shaxslar (yakka tartibdagi tadbirkorlar)ga belgilab qoʻyilgan soliq stavkalari 11-ilovaga** muvofiq;

Oʻzbekiston Respublikasi rezidentlariga dividendlar va foizlar tarzida toʻlanadigan daromad soligʻi stavkalari 10 foiz miqdorida;

qoʻshilgan qiymat soligʻi stavkalari 20 foiz miqdorida;

respublikada ishlab chiqariladigan tovarlarga aksiz soligʻi roʻyxat boʻyicha 12-1-sonli ilovaga** muvofiq;

suv resurslaridan foydalanganlik uchun soliq stavkalari 13-ilovaga** muvofiq;

yer osti boyliklaridan foydalanganlik uchun soliq stavkalari 14-ilovaga** muvofiq;

ayrim turdagi mahsulotlar boʻyicha ortiqcha foydadan soliq stavkalari 15-ilovaga** muvofiq;

yuridik va jismoniy shaxslardan olinadigan mulk soligʻi stavkalari 16 va 17-ilovalarga** muvofiq;

yuridik va jismoniy shaxslardan olinadigan yer soligʻi stavkalari 18-ilovaga** muvofiq;

yagona yer soligʻi stavkalari 19-ilovaga** muvofiq;

mahalliy soliqlar va yigʻimlar stavkalari 20-ilovaga** muvofiq;

Respublika yoʻl jamgʻarmasiga majburiy ajratmalar va yigʻimlar stavkalari 21 va 22-ilovalarga** muvofiq;

belgilangan soliqqa tortish obyektlarining budjetdan tashqari Pensiya jamgʻarmasiga va budjetdan tashqari Maktab taʼlimi jamgʻarmasiga bir foiz miqdorida majburiy ajratmalar stavkalari 23-ilovaga** muvofiq;

mablagʻlarni budjetdan tashqari Pensiya jamgʻarmasi, Bandlikka koʻmaklashish davlat jamgʻarmasi va Kasaba uyushmalari Federatsiyasi oʻrtasida 24-ilovada** keltirilgan normativlarga muvofiq taqsimlagan holda yagona ijtimoiy toʻlov stavkasi 24 foiz miqdorida;

fuqarolarning budjetdan tashqari Pensiya jamgʻarmasiga majburiy sugʻurta badallari stavkasi 2,5 foiz miqdorida tasdiqlansin.

4. Belgilansinki, yagona ijtimoiy toʻlovidan tushumlar Davlat budjeti, Respublika yoʻl jamgʻarmasi, budjetdan tashqari Pensiya jamgʻarmasi va Maktab taʼlimi jamgʻarmasi oʻrtasida Oʻzbekiston Respublikasi Moliya vazirligi tomonidan belgilangan miqdorlarda taqsimlanadi.

2008-yil 1-yanvardan boshlab Qoraqalpogʻiston Respublikasi, Qashqadaryo, Namangan, Sirdaryo viloyatlari va Toshkent shahri qishloq xoʻjaligi tovar ishlab chiqaruvchilari uchun qishloq xoʻjaligi yerlarining normativ qiymatidan kelib chiqqan holda yagona yer soligʻini hisoblab chiqarish tatbiq etilsin.

Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi Oʻzbekiston Respublikasi Davlat statistika qoʻmitasi bilan birgalikda:

2008-yil 1-martgacha Qoraqalpogʻiston Respublikasi, Qashqadaryo, Namangan, Sirdaryo viloyatlari va Toshkent shahri qishloq xoʻjaligi tovar ishlab chiqaruvchilarining;

2008-yil 1-maygacha qishloq xoʻjaligi shirkatlari qayta tashkil etilishi natijasida tuzilgan fermer xoʻjaliklarining qishloq xoʻjaligi yerlari baholanishini taʼminlasin.

Oʻzbekiston Respublikasi Davlat soliq qoʻmitasi Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda yagona yer soligʻini hisoblab chiqarish uchun qishloq xoʻjaligi yerlarining normativ qiymatini barcha qishloq xoʻjaligi tovar ishlab chiqaruvchilariga belgilangan tartibda yetkazsin.

5. Mahalliy hokimiyat va boshqaruv organlarining barcha darajalardagi mahalliy budjetlar daromadlari va xarajatlarini shakllantirishdagi roli, mustaqilligi va masʼuliyatini oshirish, mahalliy budjetlarning Davlat budjetidagi ulushini koʻpaytirish maqsadida quyidagi umumdavlat soliqlari:

suv resurslaridan foydalanganlik uchun soliq;

yuridik va jismoniy shaxslarning tadbirkorlik faoliyati ayrim turlari boʻyicha qatʼiy belgilangan soliq;

yuridik shaxs boʻlmagan tadbirkorlik faoliyati bilan shugʻullanuvchi jismoniy shaxslardan olinadigan qatʼiy belgilangan soliq;

respublikada ishlab chiqariladigan pivo va oʻsimlik yogʻiga aksiz soligʻi boʻyicha tushumlari toʻliq miqdorda mahalliy budjetlar daromadlariga oʻtkazilsin.

6. 2008-yil uchun:

Qoraqalpogʻiston Respublikasi budjeti, viloyatlar va Toshkent shahar mahalliy budjetlarining daromad va xarajat hajmlari, respublika budjetidan dotatsiyalar va maqsadli subvensiyalarning cheklangan miqdorlari 25-ilovaga* muvofiq;

Qoraqalpogʻiston Respublikasi budjetiga, viloyatlar va Toshkent shahar mahalliy budjetlariga umumdavlat soliqlari tushumlaridan ajratmalar normativlari 26-ilovaga* muvofiq;

respublika budjeti, Qoraqalpogʻiston Respublikasi budjetining, viloyatlar va Toshkent shahar mahalliy budjetlarining naqd pul kassa aylanmasining yoʻl qoʻyiladigan eng kam miqdorlari 27-ilovaga* muvofiq tasdiqlansin.

7. Oʻzbekiston Respublikasi Moliya vazirligiga:

tegishli budjetlarga dotatsiyalar, maqsadli subvensiyalar va budjet ssudalari (daromadlar va xarajatlar oʻrtasidagi vaqtinchalik kassa tafovutlarni qoplash uchun) ajratishda ularning miqdorlarini hududlar boʻyicha barcha soliqlar va toʻlovlarning toʻliq tushishidan, shuningdek Davlat budjetining birinchi navbatdagi xarajatlarini (hisoblab yozilgan ish haqi, stipendiyalar, nafaqalar va ularga tenglashtiriladigan toʻlovlarni) soʻzsiz moliyalashtirish zarurligidan kelib chiqqan holda aniqlashtirish;

respublika budjetidan Qoraqalpogʻiston Respublikasi budjeti va Andijon, Samarqand hamda Xorazm viloyatlari mahalliy budjetlariga beriladigan daromadlarning tasdiqlangan hajmlariga ushbu hududlarda shakllanadigan soliq tushumlarini hisobga olib, daromadlar va xarajatlar oʻrtasida vujudga keladigan kassa boʻyicha tafovutlarni oʻzaro hisob-kitob qilish orqali tartibga solgan holda aniqlashtirishlar kiritish huquqi berilsin.

8. 2008-yil uchun Oʻzbekiston Respublikasi Vazirlar Mahkamasining zaxira jamgʻarmasi hamda Qoraqalpogʻiston Respublikasi budjeti, viloyatlar va Toshkent shahar mahalliy budjetlarining zaxira jamgʻarmalari miqdorlari 28-ilovaga* muvofiq tasdiqlansin.

9. 2008-yil 1-yanvardan boshlab tashqi iqtisodiy faoliyat qatnashchilari boʻlgan jismoniy shaxslarga yuridik shaxslar uchun nazarda tutilgan bojxona toʻlovlari tartibi belgilansin.

10. 2008-yil 1-yanvardan boshlab nodavlat maktabgacha tarbiya bolalar muassasalari asosiy (ixtisoslik) faoliyat turi boʻyicha barcha soliqlar va boshqa majburiy toʻlovlardan (yagona ijtimoiy toʻlov bundan mustasno) mazkur mablagʻlardan moddiy-texnik bazani mustahkamlash, asbob-uskunalar va anjomlar, didaktik materiallar, bolalar oʻyinchoqlari va adabiyotlar sotib olish uchun maqsadli foydalanilgan holda uch yil muddatga ozod qilinsin.

11. Belgilansinki, 2008-yilda Oʻzbekiston Respublikasi nomidan yoki uning kafolati ostida jalb qilingan xorijiy kreditlar hajmi 2007-yildagi xorijiy kreditlar boʻyicha asosiy qarzni toʻlash hajmidan ortiq boʻlmasligi kerak.

17. Oʻzbekiston Respublikasi Moliya vazirligi 2008-yil 1-yanvardan boshlab:

Oʻzbekiston Respublikasi Xalq taʼlimi vazirligi hamda Oliy va oʻrta maxsus taʼlim vazirligi bilan birgalikda Buxoro, Fargʻona viloyatlari va Toshkent shahrida 1 oʻquvchiga (tarbiyalanuvchiga) xarajatlarning bazaviy meʼyorlaridan kelib chiqqan holda maktabgacha tarbiya bolalar muassasalari, umumtaʼlim maktablari va kasb-hunar kollejlarining budjetini rejalashtirish va xarajatlarini moliyalashtirishning yangi tartibini joriy etsin;

Oʻzbekiston Respublikasi Sogʻliqni saqlash vazirligi bilan birgalikda Samarqand, Sirdaryo, Fargʻona viloyatlari va Toshkent shahrida biriktirilgan 1 kishi hisobiga xarajatlar meʼyoridan kelib chiqqan holda shahar birlamchi tibbiy-sanitariya yordami muassasalari (ambulatoriya-poliklinika muassasalari) budjetini rejalashtirish va moliyalashtirishga oʻtkazsin.

Oʻzbekiston Respublikasi Moliya vazirligi, Xalq taʼlimi vazirligi, Oliy va oʻrta maxsus taʼlim vazirligi, Sogʻliqni saqlash vazirligi budjetni rejalashtirish va moliyalashtirishining yangi tartibiga oʻtkazilayotgan budjet muassasalarining har biriga moliyalashtirish meʼyorlari oʻz vaqtida yetkazilishini taʼminlasin.

18. 2008-yil 1-yanvardan boshlab davlat budjeti mablagʻlari hisobidan moliyalashtiriladigan maktab-internatlardagi bolalar taʼminotiga toʻlovlar miqdori 29-ilovaga** muvofiq belgilansin.

Maktabgacha tarbiya bolalar muassasalari va maktab-internatlardagi bolalar taʼminoti uchun toʻlanadigan tushumlar nazarda tutilgan boshqa budjet mablagʻlari bilan birga maqsadli tartibda tarbiyalanuvchilarni oziq-ovqat bilan taʼminlashni hamda muassasaning moddiy-texnik bazasini yaxshilashga, eng avvalo, sanitariya-gigiyena vositalari va yumshoq inventar xarid qilishga yoʻnaltirilishi belgilab qoʻyilsin.

Oʻzbekiston Respublikasi Xalq taʼlimi vazirligi Moliya vazirligi bilan birgalikda bir hafta muddatda kam taʼminlangan oilalar bolalari uchun toʻlovdan ozod qilishni nazarda tutgan holda (tarbiyalanuvchilar umumiy sonining 15 foizi doirasida) Maktabgacha tarbiya bolalar muassasalari va maktab-internatlardagi bolalar taʼminotiga haq toʻlash tartibi toʻgʻrisida yangilangan nizomni tasdiqlasin.

19. Oʻzbekiston Respublikasi Xalq taʼlimi vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ikki oy muddatda ishlab turgan maktabdan tashqari taʼlim muassasalarini xatlovdan oʻtkazsin va 2008-yilning 1-apreligacha tarmoqni va xodimlar sonini maqbullashtirish, ular negizida xarajatlarining 50 foizigacha miqdorda budjetdan moliyalashtirishni saqlab qolgan holda bolalar ijodiyoti markazlarini tashkil etish toʻgʻrisida Oʻzbekiston Respublikasi Vazirlar Mahkamasiga takliflar kiritsin.

20. Oʻzbekiston Respublikasi Moliya vazirligi, Mehnat va aholini ijtimoiy muhofaza qilish vazirligi, Oliy va oʻrta maxsus taʼlim vazirligi, Madaniyat va sport ishlari vazirligi boshqa manfaatdor vazirliklar hamda idoralar bilan birgalikda 2008-yilning 1-iyuligacha xodimlarni budjet muassasalari ishining yakuniy natijalariga qoʻshgan shaxsiy ulushi bilan mehnatiga haq toʻlash va moddiy ragʻbatlantirish miqdorlarining oʻzaro bogʻliqligini kuchaytirishni nazarda tutadigan oliy, oʻrta maxsus taʼlim va madaniyat sohalarida mehnatga haq toʻlashning takomillashtirilgan tizimini joriy etish boʻyicha takliflarni tayyorlasinlar va Oʻzbekiston Respublikasi Vazirlar Mahkamasiga kiritsinlar.

21. Kam taʼminlangan oilalarni davlat tomonidan aniq qoʻllab-quvvatlashni kuchaytirish maqsadida Oʻzbekiston Respublikasi Mahalla va oilani qoʻllab-quvvatlash vazirligi, Moliya vazirligi hamda Bandlik va mehnat munosabatlari vazirligining budjet muassasalarida ishlayotgan onalarga:

2008-yil 1-yanvardan boshlab bola ikki yoshga toʻlgunga qadar uning parvarishi boʻyicha ijtimoiy nafaqalarni fuqarolarning oʻzini-oʻzini boshqarish organlari orqali;

2021-yilning 1-sentabridan boshlab “Ijtimoiy himoya yagona reyestri” axborot tizimi orqali kam taʼminlangan oilalarga bolalar nafaqasini tayinlash va toʻlash tartibi joriy etilishi toʻgʻrisidagi taklifi qabul qilinsin.

22. Oʻzbekiston Respublikasi Moliya vazirligining Oʻzbekiston Respublikasining 2007-yilgi Davlat budjeti asosiy parametrlari va Oʻzbekiston Respublikasining maqsadli davlat jamgʻarmalarini aniqlashtirish toʻgʻrisidagi taklifi qabul qilinsin hamda:

Davlat budjeti daromadlari 5973,7 mlrd. soʻm, xarajatlari — 5840,5 mlrd. soʻm miqdorida, budjet profitsiti yalpi ichki mahsulot hajmiga nisbatan 0,5 foiz oshirilgan holda;

Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi daromadlari 1881,6 mlrd. soʻm, shu jumladan yagona ijtimoiy toʻlovdan, badallar va majburiy ajratmalardan tushumlar hisobidan — 1640,4 mlrd. soʻm, Davlat budjetidan dotatsiyalar — 96,0 mlrd. soʻm miqdorida, shuningdek xarajatlar — 1840,5 mlrd. soʻm miqdorida;

Oʻzbekiston Respublikasi Moliya vazirligi huzuridagi Respublika yoʻl jamgʻarmasi daromadlari 377,7 mlrd. soʻm va xarajatlari — 317,9 mlrd. soʻm miqdorida;

Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining kassa aylanmasi naqd summasi normativlari 2008-yilning 1-yanvariga respublika budjeti mablagʻlari hisobiga 80 mlrd. soʻm miqdorida tasdiqlansin.

Oʻzbekiston Respublikasi Moliya vazirligi, Moliya vazirligining Gʻaznachiligi budjet tashkilotlari va Oʻzbekiston Respublikasi Markaziy banki bilan birgalikda 2008-yilning yanvar oyida oʻtkazilgan operatsiyalarni 2007-yilgi Davlat budjetining ijrosi toʻgʻrisidagi hisobotda aks ettirgan holda 2007-yilgi Davlat budjeti ijrosi boʻyicha qonun hujjatlarida belgilangan tartibda yakuniy operatsiyalar oʻtkazsin.

23. Oʻzbekiston Respublikasi Moliya vazirligi Iqtisodiyot vazirligi bilan birgalikda makroiqtisodiy koʻrsatkichlar prognozi bajarilishini va 2008-yilgi Oʻzbekiston Respublikasi Davlat budjeti ijrosini tahlil etish natijalari boʻyicha, zarurat boʻlganda, Oʻzbekiston Respublikasi Vazirlar Mahkamasiga Davlat budjeti asosiy parametrlarini Davlat budjetining belgilangan taqchilligi doirasida aniqlashtirishga doir takliflar kiritsinlar.

24. 2008-yilning 1-yanvaridan Oʻzbekiston Respublikasi Prezidentining va Oʻzbekiston Respublikasi Vazirlar Mahkamasining 30-ilovaga muvofiq qarorlari oʻz kuchini yoʻqotgan deb hisoblansin.

2008-yilning 1-yanvaridan Oʻzbekiston Respublikasi Prezidenti va Oʻzbekiston Respublikasi Hukumatining ayrim qarorlariga 31-ilovaga muvofiq oʻzgartish va qoʻshimchalar kiritilsin.

25. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda bir oy muddatda mazkur qarorning qabul qilinishi munosabati bilan qonun hujjatlariga oʻzgartirishlar va qoʻshimchalar boʻyicha Vazirlar Mahkamasiga takliflar kiritsin.

Vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir hafta muddatda ilgari chiqarilgan normativ hujjatlarini ushbu qarorga muvofiqlashtirsinlar.

26. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Azimov zimmasiga yuklansin.

3. Vazirlar Mahkamasining “Alkogolli mahsulotlar ishlab chiqarish va ularning aylanishi ustidan davlat monopoliyasini kuchaytirish hamda Oʻzbekiston Respublikasi hududida alkogolli va tamaki mahsulotlarini sotishdan budjetga tushumni koʻpaytirish yuzasidan qoʻshimcha chora-tadbirlar toʻgʻrisida” 1998-yil 21-maydagi 221-son qarori 1-bandining ikkinchi xatboshi.

4. Vazirlar Mahkamasining “Qishloq xoʻjaligi tovar ishlab chiqaruvchilari uchun yagona yer soligʻining muvaqqat bazaviy stavkalarini tasdiqlash toʻgʻrisida” 1998-yil 26-dekabrdagi 539-son qarorining 1-bandi.

5. Vazirlar Mahkamasining “Jismoniy shaxslar tomonidan Oʻzbekiston Respublikasi hududiga tovarlar olib kelinishini tartibga solish toʻgʻrisida” 2002-yil 6-maydagi 154-son qarorining 1 va 4-bandlari (Oʻzbekiston Respublikasi QT, 2002-y., 5-son, 20-modda).

6. Vazirlar Mahkamasining “Jismoniy shaxslar tomonidan Oʻzbekiston Respublikasi hududiga tovarlar olib kelinishini tartibga solishga doir qoʻshimcha chora-tadbirlar toʻgʻrisida” 2002-yil 12-iyuldagi 248-son qarori (Oʻzbekiston Respublikasi QT, 2002-y., 7-son, 40-modda).

7. Vazirlar Mahkamasining “Oʻzbekiston Respublikasi Hukumatining respublika hududiga jismoniy shaxslar tomonidan tovarlar olib kelinishini tartibga solishga doir ayrim qarorlariga oʻzgartirishlar kiritish toʻgʻrisida” 2002-yil 27-sentabrdagi 335-son qarori (Oʻzbekiston Respublikasi QT, 2002-y., 9-son, 55-modda).

8. Vazirlar Mahkamasining “Oʻzbekiston Respublikasi hududiga jismoniy shaxslar tomonidan isteʼmol tovarlari olib kelinishini yanada tartibga solish toʻgʻrisida” 2003-yil 19-iyundagi 279-son qarori (Oʻzbekiston Respublikasi QT, 2003-y., 6-son, 47-modda).

9. Vazirlar Mahkamasining “Oʻzbekiston Respublikasining 2004-yilgi Davlat budjeti parametrlari toʻgʻrisida” 2003-yil 25-dekabrdagi 567-son qarori 9-bandining toʻrtinchi xatboshi.

1. Oʻzbekiston Respublikasi Prezidentining 2006-yil 16-maydagi PQ-350-son qarori bilan tasdiqlangan Oʻzbekiston Respublikasining Tiklanish va taraqqiyot jamgʻarmasi, Jamgʻarma mablagʻlarini shakllantirish va ulardan foydalanish prinsiplari toʻgʻrisidagi nizomning 12-bandiga quyidagi mazmundagi uchinchi xatboshi qoʻshilsin:

“Jamgʻarmaning eʼlon qilingan ustav kapitalini qayta koʻrib chiqish toʻgʻrisida qaror qabul qiladi, biroq u Oʻzbekiston Respublikasi Prezidentining “Oʻzbekiston Respublikasining Tiklanish va taraqqiyot jamgʻarmasini tashkil etish toʻgʻrisida” 2006-yil 11-maydagi PF-3751-son Farmonida belgilangan darajadan past boʻlmasligi kerak”;

uchinchi—yettinchi xatboshi tegishli ravishda toʻrtinchi—sakkizinchi xatboshi deb hisoblansin.

3. Oʻzbekiston Respublikasi Prezidentining “Davlat budjetining gʻazna ijrosi tizimini yanada rivojlantirish chora-tadbirlari toʻgʻrisida” 2007-yil 28-fevraldagi PQ-594-son qarorining 6-bandi quyidagi tahrirda bayon qilinsin:

“6. Belgilab qoʻyilsinki, budjet tashkilotlarining tovarlar (ishlar, xizmatlar) yetkazib beruvchilar bilan shartnomalari, shuningdek buyurtmachilarning Davlat budjeti mablagʻlari hisobiga kapital qurilishga oid shartnomalari majburiy tartibda Gʻaznachilikda roʻyxatga olinishi shart;

budjetdan mablagʻ oluvchilarning budjet mablagʻlari hisobiga tuziladigan shartnomalarida, qoidaga koʻra, 15 foiz miqdorida oldindan haq toʻlash nazarda tutiladi, qonun hujjatlarida nazarda tutilgan hollar bundan mustasno”.

5. Vazirlar Mahkamasining “Budjet tashkilotlarini mablagʻ bilan taʼminlash tartibini takomillashtirish toʻgʻrisida” 1999-yil 3-sentabrdagi 414-son qarorining 4-bandiga (Oʻzbekiston Respublikasi QT, 1999-y., 9-son, 51-modda) quyidagi mazmundagi xatboshi qoʻshilsin:

“Ushbu imtiyoz Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga, Respublika yoʻl jamgʻarmasiga va budjetdan tashqari Maktab taʼlimi jamgʻarmasiga ajratmalar toʻlashga ham joriy etilishi maʼlumot uchun qabul qilinsin”.

6. Vazirlar Mahkamasining “Ish haqining oʻz vaqtida toʻlanishi uchun vazirliklar, idoralar va xoʻjalik yurituvchi subyektlar rahbarlarining javobgarligini oshirish yuzasidan qoʻshimcha chora-tadbirlar toʻgʻrisida” 1999-yil 17-noyabrdagi 504-son qarorining 5-bandiga:

quyidagi mazmundagi ikkinchi xatboshi qoʻshilsin:

“ish haqiga kreditlar berilganda yagona ijtimoiy toʻlov hamda fuqarolarning Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga majburiy sugʻurta badallari toʻlanishi nazarda tutilsin;”;

ikkinchi va uchinchi xatboshi tegishli ravishda uchinchi va toʻrtinchi xatboshi deb hisoblansin.

10. Vazirlar Mahkamasining “Ish haqining oʻz vaqtida toʻlanishiga doir qoʻshimcha chora-tadbirlar toʻgʻrisida” 2002-yil 19-martdagi 88-son qarorining 1-bandiga (Oʻzbekiston Respublikasi QT, 2002-y., 3-son, 15-modda) “yagona ijtimoiy toʻlov hamda fuqarolarning budjetdan tashqari Pensiya jamgʻarmasiga majburiy sugʻurta badallari boʻyicha qarzdorlik mavjud boʻlmagan taqdirda” soʻzlari qoʻshilsin.

11. Vazirlar Mahkamasining “Osiyo taraqqiyot banki ishtirokida “Guliston, Jizzax va Qarshi shaharlarining suv taʼminoti tizimini takomillashtirish” loyihasini amalga oshirish chora-tadbirlari toʻgʻrisida” 2002-yil 26-martdagi 98-son qarorida:

a) 2-bandda:

beshinchi xatboshiga “yetishmayotgan qismi esa — respublika budjeti mablagʻlari hisobiga” soʻzlari qoʻshilsin;

quyidagi mazmundagi xatboshi qoʻshilsin:

“2008-yildan boshlab har yili Davlat budjetini shakllantirishda Oʻzbekiston Respublikasi Moliya vazirligi tomonidan OTB krediti boʻyicha asosiy qarzni, foizlar va vositachilik haqi toʻlashga yetishmayotgan qismiga mablagʻlar nazarda tutiladi”;

b) 7-banddagi “2006-2007” raqamlari “2006 — 2009” raqamlari bilan almashtirilsin;

v) 9-bandning ikkinchi xatboshidagi “2008-yil 1-yanvargacha” soʻzlari “2010-yil 1-yanvargacha” soʻzlari bilan almashtirilsin.

13. Vazirlar Mahkamasining 2002-yil 15-noyabrdagi 393-son qarori (Oʻzbekiston Respublikasi QT, 2002-y., 11-son, 69-modda) bilan tasdiqlangan Oʻzbekiston Respublikasi Moliya vazirligining Nazorat-taftish bosh boshqarmasi va uning hududiy nazorat-taftish boshqarmalari toʻgʻrisidagi nizomda:

a) 7-bandga quyidagi tahrirdagi xatboshi qoʻshilsin:

“Oʻzbekiston Respublikasi Moliya vazirligining Gʻaznachiligi tomonidan aniqlangan, tashkilotlarning budjet mablagʻlaridan samarasiz foydalanishini, budjetdan mablagʻ oluvchilarning xarid qilinadigan tovarlar (ishlar, xizmatlar) narxini sunʼiy ravishda oshirib yuborishini, budjetdan mablagʻ oluvchilarning kreditorlik qarzlar summasini asossiz ravishda koʻpaytirganligini koʻrsatuvchi holatlar boʻyicha tekshirishlar oʻtkazish”;

b) 8-bandga quyidagi mazmundagi xatboshi qoʻshilsin:

“gʻaznachilik boʻlinmalari tomonidan aniqlangan, tashkilotlarning budjet mablagʻlaridan samarasiz foydalanishini, budjetdan mablagʻ oluvchilarning xarid qilinadigan tovarlar (ishlar, xizmatlar) narxini sunʼiy ravishda oshirib yuborishini, budjetdan mablagʻ oluvchilarning kreditorlik qarzlar summasini asossiz ravishda koʻpaytirganligini koʻrsatuvchi holatlar boʻyicha tekshirishlar oʻtkazish”.

14. Vazirlar Mahkamasining 2002-yil 26-noyabrdagi 407-son qarori (Oʻzbekiston Respublikasi QT, 2002-y., 11-son, 71-modda) bilan tasdiqlangan Ulgurji va chakana savdo faoliyatini roʻyxatdan oʻtkazish va amalga oshirish tartibi toʻgʻrisidagi nizomning 41-bandidagi “yagona bojxona toʻlovi va belgilangan soliq” soʻzlari “bojxona toʻlovlari va qatʼiy soliq” soʻzlari bilan almashtirilsin.

16. Vazirlar Mahkamasining “Ichki bozorni yogʻoch-taxta materiallari bilan toʻldirishga doir qoʻshimcha chora-tadbirlar toʻgʻrisida” 2003-yil 7-iyuldagi 305-son qarorida (Oʻzbekiston Respublikasi QT, 2003-y., 7-son, 58-modda):

1-band quyidagi tahrirda bayon qilinsin:

“1. Yuridik va jismoniy shaxslar ilovaga muvofiq chetdan keltiriladigan yogʻoch-taxta materiallari va yogʻoch uchun import bojxona boji va qoʻshilgan qiymat soligʻi toʻlashdan ozod qilinsin”;

ilovaning nomi quyidagi tahrirda bayon qilinsin:

“Chetdan keltirishda yuridik va jismoniy shaxslar import bojxona boji va qoʻshilgan qiymat soligʻi toʻlashdan ozod qilinadigan yogʻoch-taxta va arralangan materiallar, yogʻoch-taxta va yogʻochdan yasalgan buyumlarning ayrim turlari roʻyxati”.

17. Vazirlar Mahkamasining “Kapital qurilishda xoʻjalik munosabatlari mexanizmini takomillashtirish chora-tadbirlari toʻgʻrisida” 2003-yil 12-sentabrdagi 395-son qarorida (Oʻzbekiston Respublikasi QT, 2003-y., 9-son, 83-modda):

a) Markazlashtirilgan manbalar hisobiga qurilishni tashkil etish, moliyalashtirish va kreditlash tartibi toʻgʻrisidagi nizomda:

5-bandning uchinchi xatboshiga “(Davlat budjetining gʻazna ijrosi bilan qamrab olingan mintaqalarda — Gʻaznachilik va uning hududiy boʻlinmalari)” soʻzlari qoʻshilsin;

44-bandda:

birinchi xatboshidagi “bankka” soʻzidan keyin “(hududiy gʻaznachilik hisob raqamlaridan foydalangan holda Davlat budjeti gʻazna ijrosi bilan qamrab olingan mintaqalardan tashqari)” soʻzlari qoʻshilsin;

quyidagi mazmundagi xatboshi qoʻshilsin:

“davlat ekologiya ekspertizasi xulosasining nusxasi (zarur boʻlganda)”;

45-bandning “a” kichik bandida:

ikkinchi xatboshiga “toʻlovlari” soʻzidan keyin “qurilishning prognoz qilinayotgan yili uchun” soʻzlari qoʻshilsin;

uchinchi va toʻrtinchi xatboshi quyidagi tahrirda bayon qilinsin:

“ajratilgan avansning mutanosib ravishda ushlab qolinishini hisobga olgan holda, bajarilgan ishlar qiymatining 95 foizi miqdorida har oyda joriy moliyalashtirish;

belgilangan tartibda tuzilgan shartnomalarda nazarda tutilgan kafolatli muddat oʻtgandan keyin amalga oshiriladigan obyekt qiymatining 5 foizini toʻlash”;

beshinchi—yettinchi xatboshi chiqarib tashlansin;

48-bandda:

oltinchi xatboshiga “bank” soʻzidan keyin “(hududiy gʻaznachilik hisob raqamlaridan foydalangan holda Davlat budjeti gʻazna ijrosi bilan qamrab olingan mintaqalardan tashqari)” soʻzlari qoʻshilsin;

quyidagi mazmundagi xatboshi qoʻshilsin:

“davlat ekologiya ekspertizasi xulosasining nusxasi (zarur boʻlganda)”;

b) Obyektlarni foydalanishga tayyor holda qurishga doir Namunaviy pudrat shartnomasining XVII boʻlimiga quyidagi mazmundagi xatboshi qoʻshilsin: