Oʻzbekiston Respublikasining “Xususiy uy-joy mulkdorlarining shirkatlari toʻgʻrisida”gi Qonuni, Oʻzbekiston Respublikasi Prezidentining “1991-yilgacha qurilgan uy-joylarning ichki muhandislik kommunikatsiyalari va umumiy foydalanish joylarini mukammal taʼmirlashni yakuniga yetkazish boʻyicha chora-tadbirlar toʻgʻrisida”gi 2006-yil 25-iyuldagi PQ-425-son qarori va Oʻzbekiston Respublikasi Vazirlar Mahkamasining “Xususiy uy-joy mulkdorlari shirkatining namunaviy ustavini hamda xususiy uy-joy mulkdorlari shirkati bilan koʻp kvartirali uydagi turar joyga moʻljallanmagan bino mulkdorlari oʻrtasidagi namunaviy shartnomani tasdiqlash toʻgʻrisida”gi 2006-yil 30-maydagi 100-son qaroriga (Oʻzbekiston Respublikasi Qonun hujjatlari toʻplami, 2006-yil 22-son, 196-modda) asosan qaror qilamiz:

1. Oʻzbekiston Respublikasi Moliya vazirligi, Markaziy banki Boshqaruvi, Davlat soliq qoʻmitasi, “Oʻzkommunxizmat” agentligining 2004-yil 20-avgustdagi 97, 258-V, 2004-53, 01-931-sonli qarori bilan tasdiqlangan “1991-yilgacha qurilgan uy-joylarning ichki muhandislik kommunikatsiyalari va umumiy foydalanish joylarini mukammal taʼmirlash ishlarini moliyalashtirish tartibi toʻgʻrisidagi nizom”ga (2004-yil 14-sentabr, roʻyxat raqami 1408 — Oʻzbekiston Respublikasi Qonun hujjatlari toʻplami, 2004-yil 37-son, 414-modda; 2005-yil 39-son, 196-modda) ilovaga* asosan oʻzgartirish va qoʻshimchalar kiritilsin.

2. Mazkur qaror Oʻzbekiston Respublikasi Adliya vazirligi tomonidan davlat roʻyxatiga olingan kundan boshlab oʻn kun oʻtgach kuchga kiritilsin.