1.21.00.00.00 Oʻzgartirish va qoʻshimchalar kiritish boʻyicha kompleks tusdagi hujjatlar / 21.03.00.00 Oʻzbekiston Respublikasi Vazirlar Mahkamasining qarorlari]
[TSZ:
1.Davlat va jamiyat qurilishi / Qonunchilik tashabbusi. Norma ijodkorligi faoliyati]
Oʻzbekiston Respublikasi Vazirlar Mahkamasining
qarori
Yoshlarni xorijiy tillarga oʻqitish tizimi takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida
Mamlakatimizda yoshlarning xorijiy tillarni oʻrganishga boʻlgan qiziqishini oshirish, bu borada ularni qoʻllab-quvvatlash va ragʻbatlantirish tizimini yanada takomillashtirish hamda qoʻshimcha sharoitlar yaratish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ayrim qarorlariga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:
xalqaro imtihon tizimlari boʻyicha yoshlarning imtihon topshirish xarajatlarini kompensatsiya qilish uchun toʻplanishi lozim boʻlgan yuqori ballning (darajaning) minimal koʻrsatkichini pasaytirish;
nogironligi boʻlgan yoshlarga oʻqish, yashash va transport xarajatlarini qoplash, shuningdek, asbob-uskuna xarid qilish uchun subsidiya ajratish tartibini takomillashtirish;
2024-yil 1-sentabrdan boshlab yoshlarga kompyuter xarid qilish uchun isteʼmol kreditini ajratish tartibini, shu jumladan, yoshlarning xohishiga koʻra alohida ochilgan bank kartasiga (naqdlashtirish imkoniyatisiz) oʻtkazib berilishini inobatga olgan holda takomillashtirish;
Oʻzbekiston Respublikasi Yoshlar ishlari agentligi huzuridagi Yoshlar muammolarini oʻrganish va istiqbolli kadrlarni tayyorlash institutida qayta tayyorlash va malaka oshirish tizimini rivojlantirish.
2. Oʻzbekiston Respublikasi Yoshlar ishlari agentligi:
a) uch oy muddatda quyidagilarni nazarda tutuvchi xususiy oʻquv markazlari reytingini shakllantirish va yuritish tartibini ishlab chiqsin hamda uning amaliyotga joriy etilishini taʼminlasin:
xususiy oʻquv markazlari reytingini shakllantirish va yuritish;
reyting baholash natijalariga koʻra eng yuqori koʻrsatkich qayd etgan olis va chekka hududlardagi 100 ta oʻquv markazining bino va inshootlari ijarasi xarajatlarini kompensatsiya qilish;
reyting baholash natijalarini Yoshlar ishlari agentligi rasmiy veb-saytida eʼlon qilib borish;
b) uch oy muddatda quyidagilarni nazarda tutuvchi “Bolalar elektron platformasi”ni ishga tushirsin:
bolalarning huquqlari va qonuniy manfaatlariga daxldor normativ-huquqiy hujjatlar loyihalari, shu jumladan, strategiyalar, dasturlar, “yoʻl xaritalari”ni hamda bolalarni qoʻllab-quvvatlash, ularning iqtidori va qobiliyatini roʻyobga chiqarish, boʻsh vaqtini mazmunli tashkil etishga qaratilgan loyihalarni muhokamaga qoʻyish va takliflarni shakllantirish uchun joylashtirish;
bolalar hayotiga oid muhim masalalar yuzasidan soʻrovnomalar oʻtkazish, turli sohalarda oʻz iqtidori va isteʼdodini namoyon etayotgan bolalar toʻgʻrisidagi maʼlumotlar bazasini shakllantirish;
v) xorijiy davlatlarda taʼlim olmoqchi boʻlgan yoshlarga bu borada yaratilgan imkoniyatlar haqida targʻibot ishlarini (shu jumladan, videoroliklar tayyorlab, ommaviy axborot vositalari va ijtimoiy tarmoqlarda yoritish orqali) amalga oshirish choralarini koʻrsin.
3. Mazkur qarorning bajarilishini nazorat qilish Oʻzbekiston Respublikasi Yoshlar ishlari agentligi direktori A.Z. Saʼdullayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 9-avgust,
493-son
Vazirlar Mahkamasining 2024-yil 9-avgustdagi 493-son qaroriga
ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining “Oʻzbekiston Respublikasi Yoshlar ishlari agentligi huzuridagi Yoshlar muammolarini oʻrganish va istiqbolli kadrlarni tayyorlash institutiga oʻqishga qabul qilish toʻgʻrisida” 2018-yil 4-maydagi 336-son qarorida:
a) 1-banddagi “Oʻzbekiston Respublikasi Prezidenti huzuridagi Davlat boshqaruvi akademiyasi qoshidagi” soʻzlari “Yoshlar ishlari agentligi huzuridagi” soʻzlari bilan almashtirilsin;
“19. Test sinovi savollari qayta tayyorlash kursi maqsad va vazifalari asosida Institut tomonidan tuziladi.
Test sinovlarini oʻtkazish tartibi Oliy taʼlim, fan va innovatsiyalar vazirligi tomonidan qayta tayyorlash kursiga qoʻyiladigan davlat taʼlim talablarida belgilanadi.
Test sinovi natijalari boʻyicha umumiy 100 balldan 55 ball va undan yuqori ball olgan nomzodlar suhbatdan oʻtishga tavsiya etiladi.
Test sinovidan oʻtganlar soni kvota boʻyicha ajratilgan tinglovchilar soniga teng yoki undan kam boʻlganda suhbat oʻtkazilmaydi.”;
“39. Institutning qayta tayyorlash va malaka oshirish oʻquv kurslariga tinglovchilar tegishli toʻlov-kontrakt shartnomasida nazarda tutilgan mablagʻni belgilangan muddatda toʻlagandan soʻng direktorning buyrugʻi bilan qabul qilinadi.
Qayta tayyorlash oʻquv kurslarini bitirgan tinglovchilarga 4-ilovada keltirilgan namunadagi diplom beriladi.
Malaka oshirish oʻquv kurslarini bitirgan tinglovchilarga 5-ilovada keltirilgan namunadagi sertifikat beriladi”;
quyidagi mazmundagi 4 va 5-ilovalar bilan toʻldirilsin:
“Yoshlar ishlari agentligi huzuridagi Yoshlar muammolarini oʻrganish va istiqbolli kadrlarni tayyorlash institutiga tinglovchilarni oʻqishga qabul qilish tartibi toʻgʻrisidagi nizomga
4-ILOVA
Yoshlar muammolarini oʻrganish va istiqbolli kadrlarni tayyorlash institutida tashkil etiladigan qayta tayyorlash oʻquv kurslarini bitirganlik haqida
________________________________________________________________________mavzusida bitiruv ishini
Yakuniy attestatsiya komissiyasida _____________________________ bahoga himoya qildi va qayta tayyorlash
oʻquv kursini muvaffaqiyatli tamomladi.
Yakuniy attestatsiya
komissiyasi raisi
______________________
Direktor
______________________
muhr oʻrni
________________
Qayd raqami
(sana)
_________________
Qayta tayyorlash haqida davlat namunasidagi diplomning
TAVSIFI
Qayta tayyorlash haqidagi diplom A4 formatli oq qogʻozda ofset usulida besh xil rangdan foydalangan holda: matn uchun — qora rangda, rasmlar tasviri uchun — yashil, koʻk, qizil ranglarda, fon uchun — och pushti rangda bosib chiqariladi.
Varaqning chap qismida chetidan 10 mm chekingan holda, eni 32 mm boʻlgan Oʻzbekiston Respublikasi Davlat bayrogʻi tasvirlangan tasma joylashtiriladi. Tasmaning yuqori qismida diametri 30 mm boʻlgan Davlat gerbi tasviri, past qismida esa — 35 mm oʻlchamli ikkita kvadrat qoʻshilishidan hosil boʻlgan sakkiz qirrali yulduz, yulduzning oʻrtasida muhr uchun 30 mm diametrli oq aylana joylashgan.
Varaqning qolgan qismida yuqorida lotin yozuvi bilan davlat tilida “OʻZBEKISTON RESPUBLIKASI. Qayta tayyorlash haqida DIPLOM” soʻzlari bosiladi. Diplom ikki lotin harfi — QT va olti raqamli sondan iborat tartib raqami bilan taʼminlangan. Barcha matn naqshli rastrdan iborat och pushti rang fonda bosib chiqariladi.
Diplom:
bosib chiqarishning ikki usuli — ofset va yuqori usuli;
yorugʻlik vositasida nusxa koʻchirishni qiyinlashtirish uchun ochiq ranglar;
naqshli rastr;
har xil rangli rastrlardan foydalanish yoʻli bilan turli ranglarni tashkil etish;
maxsus qogʻozlar;
oʻzgaradigan raqamlardan iborat tartib raqami qoʻllangan holda oltita himoyaga ega.
Yoshlar ishlari agentligi huzuridagi Yoshlar muammolarini oʻrganish va istiqbolli kadrlarni tayyorlash institutiga tinglovchilarni oʻqishga qabul qilish tartibi toʻgʻrisidagi nizomga
5-ILOVA
Yoshlar muammolarini oʻrganish va istiqbolli kadrlarni tayyorlash institutida
tashkil etiladigan malaka oshirish oʻquv kurslarini bitirganlik haqida
Malaka oshirish haqida davlat namunasidagi sertifikatning
TAVSIFI
Malaka oshirish haqidagi sertifikat A4 formatli oq qogʻozda ofset usulida besh xil rangdan foydalangan holda: matn uchun — qora rangda, rasmlar tasviri uchun — yashil, koʻk, qizil ranglarda, fon uchun — och kul rangda bosib chiqariladi.
Varaqning chap qismida chetidan 10 mm chekingan holda, eni 32 mm boʻlgan Oʻzbekiston Respublikasi Davlat bayrogʻi tasvirlangan tasma joylashtiriladi. Tasmaning yuqori qismida diametri 30 mm boʻlgan Davlat gerbi tasviri, past qismida esa-35mm oʻlchamli ikkita kvadrat qoʻshilishidan hosil boʻlgan sakkiz qirrali yulduz, yulduzning oʻrtasida muhr uchun 30 mm diametrli oq aylana joylashgan.
Varaqning qolgan qismida yuqorida lotin yozuvi bilan davlat tilida “OʻZBEKISTON RESPUBLIKASI. Malaka oshirish haqida SERTIFIKAT” soʻzlari bosiladi. Sertifikat ikki lotin harfi — MO va olti raqamli sondan iborat tartib raqami bilan taʼminlangan. Barcha matn naqshli rastrdan iborat och kul rang fonda bosib chiqariladi.
Sertifikat:
bosib chiqarishning ikki usuli — ofset va yuqori usuli;
yorugʻlik vositasida nusxa koʻchirishni qiyinlashtirish uchun ochiq ranglar;
naqshli rastr;
har xil rangli rastrlardan foydalanish yoʻli bilan turli ranglarni tashkil etish;
maxsus qogʻozlar;
oʻzgaradigan raqamlardan iborat tartib raqami qoʻllangan holda oltita himoyaga ega.”.
2. Vazirlar Mahkamasining “Xalqaro imtihon tizimlari boʻyicha yuqori ball (daraja) toʻplagan yoshlarga imtihon topshirish xarajatlarini toʻliq qoplab berish tartibini joriy etish toʻgʻrisida” 2021-yil 13-apreldagi 209-son qarorida:
a) nomi “yoshlarga” soʻzidan keyin “oʻqish va” soʻzlari bilan toʻldirilsin;
ikkinchi xatboshi “yoshlarga” soʻzidan keyin “oʻqish va” soʻzlari bilan toʻldirilsin;
quyidagi mazmundagi toʻrtinchi va beshinchi xatboshilar bilan toʻldirilsin:
“mazkur qarorga 2-ilovaning 1, 7 — 10, 14 — 16-bandlaridagi imtihon turlaridan 2024-yil 1-sentabrdan boshlab kamida S1 va unga tenglashtirilgan daraja olgan yoshlarning 6 oygacha boʻlgan oʻqish xarajatlari uchun bazaviy hisoblash miqdorining 3 baravaridan oshmagan miqdorda mablagʻ qoplab beriladi;
mazkur qarorga 2-ilovaning 7 — 10, 14 — 16-bandlaridagi imtihon turlari boʻyicha 2024-yil 1-sentabrdan 2027-yil 1-yanvarga qadar ushbu bandlarda koʻrsatilgan ballning (darajaning) minimal koʻrsatkichidan bir pogʻona past ball (daraja) olgan yoshlarga imtihon topshirish xarajatlari qoplab beriladi.”;
(2-band “v” kichik bandining beshinchi xatboshisi Oʻzbekiston Respublikasi Vazirlar Mahkamasining 2024-yil 18-dekabrdagi 848-sonli qarori tahririda — Qonunchilik maʼlumotlari milliy bazasi, 23.12.2024-y., 09/24/848/1049-son)
ikkinchi xatboshi “fuqaroligi boʻlmagan,” soʻzlaridan keyin “oʻqish va” soʻzlari bilan toʻldirilsin;
toʻrtinchi xatboshidagi “imtihon xarajatini” soʻzlari “oʻqish va imtihon xarajatini” soʻzlari bilan almashtirilsin;
beshinchi xatboshidagi “kompensatsiya” soʻzi “imtihon uchun kompensatsiya” soʻzlari bilan almashtirilsin;
quyidagi mazmundagi oltinchi xatboshi bilan toʻldirilsin:
“oʻqish uchun kompensatsiya — ingliz (IELTS), nemis, fransuz, koreys, xitoy va yapon tillari boʻyicha kamida S1 va unga tenglashtirilgan darajadagi xalqaro sertifikatni qoʻlga kiritgan yoshlarga oʻquv markazi bilan tuzilgan ikki tomonlama shartnomaga asosan 6 oygacha boʻlgan oʻqish xarajatlari uchun bazaviy hisoblash miqdorining 3 baravaridan oshmagan miqdorida qoplab beriladigan bir martalik toʻlov”;
birinchi xatboshi “Ariza beruvchining” soʻzlaridan keyin “imtihon uchun va oʻqish uchun kompensatsiya soʻrab qilgan” soʻzlari bilan toʻldirilsin;
quyidagi tahrirdagi “v” va “g” kichik bandlar bilan toʻldirilsin:
“v) oʻn olti yoshga toʻlmagan shaxs nomiga berilgan sertifikat boʻyicha kompensatsiya toʻlash haqidagi ariza:
oʻn olti yoshga toʻlmagan shaxsning ota-onasi tomonidan berilsa — oʻn olti yoshga toʻlmagan shaxsning tugʻilganlik toʻgʻrisidagi guvohnomasi Yoshlar ishlari agentligi tomonidan integratsiyalashgan maʼlumotlar bazasi orqali tekshiriladi;
oʻn olti yoshga toʻlmagan hamda ota-onasi boʻlmagan shaxsning qonuniy vakili tomonidan berilsa — uning qonuniy vakilligini tasdiqlovchi hujjat (pdf formatda) ariza beruvchi tomonidan taqdim etiladi;
g) ariza beruvchi oʻqish uchun kompensatsiya berishni soʻragan boʻlsa, ushbu Reglamentga 2-ilovadagi soʻrovnomaning IV boʻlimidagi maʼlumotlarni toʻldiradi va hujjatlarni yuklaydi. Bunda imtihon uchun kompensatsiya soʻrab qilingan murojaatga qoʻshimcha tarzda oʻqish xarajati uchun kompensatsiya soʻrab murojaat qilinishi mumkin boʻlib, alohida tartibda oʻqish xarajati uchun kompensatsiya soʻrab qilingan murojaatlar koʻrib chiqilmaydi”;
“13. Quyidagi shartlar toʻliq bajarilganda, ariza beruvchiga mazkur Reglamentda nazarda tutilgan oʻqish va imtihon uchun kompensatsiya toʻlab beriladi:
a) imtihon uchun kompensatsiya soʻralganda:
imtihonlarning biri yoki bir nechtasi boʻyicha imtihon topshirish xarajatini kompensatsiya qilish uchun toʻplanishi lozim boʻlgan yuqori ball (daraja)ning minimal koʻrsatkichi yoki undan yuqori natija qayd etilganda;
maxsus sertifikat berilgan sanadan boshlab 180 kalendar kun oʻtmasdan kompensatsiya toʻlashni soʻrab, ushbu Reglamentda belgilangan tartibda murojaat qilganda;
maxsus sertifikatda koʻrsatilgan imtihon natijasining haqiqiyligi va toʻgʻriligi Yoshlar ishlari agentligi tomonidan tasdiqlanganda;
b) oʻqish uchun kompensatsiya soʻralganda:
ingliz (IELTS), nemis, fransuz, koreys, xitoy va yapon tillari boʻyicha kamida S1 va unga tenglashtirilgan darajadagi xalqaro sertifikat berilgan sanadan boshlab 180 kalendar kun oʻtmasdan kompensatsiya toʻlashni soʻrab murojaat qilganda hamda ushbu sertifikatda koʻrsatilgan imtihon natijasining haqiqiyligi va toʻgʻriligi Yoshlar ishlari agentligi tomonidan tasdiqlanganda;
oʻquvchi va oʻquv markazi bilan tuzilgan ikki tomonlama shartnoma ilova qilinganda.”;
14-banddagi “13-bandi ikkinchi-uchinchi xatboshilarida” soʻzlari “13-bandida” soʻzlari bilan almashtirilsin;
15-band “ariza beruvchi” soʻzlaridan keyin “oʻqish va imtihon uchun” soʻzlari bilan toʻldirilsin;
a) imtihon uchun kompensatsiya soʻralgan murojaat boʻyicha:
murojaat ushbu Reglamentning 6-bandi “a”, “b”, “v” kichik bandlari va 13-bandi “a” kichik bandiga muvofiq boʻlmaganda;
verifikatsiya yoki vakolatli xorijiy tashkilotga yuborilgan soʻrov natijasiga koʻra maxsus sertifikatning haqiqiy emasligi aniqlanganda;
vakolatli xorijiy tashkilotga yuborilgan soʻrovga javob olinmaganda Yoshlar ishlari agentligi tomonidan maxsus sertifikatning haqiqiyligini tasdiqlash rad etiladi va kompensatsiya toʻlanmaydi;
b) oʻqish uchun kompensatsiya soʻralgan murojaat boʻyicha:
murojaat ushbu Reglamentning 6-bandi “g” kichik bandi va 13-bandi “b” kichik bandiga muvofiq boʻlmaganda;
kompensatsiya qilinishi soʻralayotgan oʻqish xarajati muqaddam “Yoshlar daftari” jamgʻarmasi hisobidan qoplangan hollarda, Yoshlar ishlari agentligi tomonidan kompensatsiya toʻlash rad etiladi”;
18-bandning ikkinchi xatboshisidagi “murojaat etmasdan” soʻzlari “murojaat qilgandan soʻng unga oʻqish va imtihon uchun” soʻzlari bilan almashtirilsin;
“Xalqaro imtihon tizimlari boʻyicha yuqori ball (daraja) olgan yoshlarga oʻqish va imtihon topshirish xarajatlarini toʻliq qoplab berishning maʼmuriy reglamentiga
1-ILOVA
Oʻqish va imtihon uchun kompensatsiya toʻlab berish boʻyicha davlat xizmatini koʻrsatish
SXEMASI
Bosqichlar
Subyektlar
Tadbirlar
Bajarish muddati
1-bosqich
Ariza beruvchi
Ariza beruvchi (oʻn olti yoshga toʻlmagan shaxsning qonuniy vakili tomonidan murojaat qilinadi) istalgan tuman (shahar) Davlat xizmatlari markazlariga murojaat etadi yoki Yagona interaktiv davlat xizmatlari portalida davlat xizmatidan elektron tarzda foydalanish (mustaqil ravishda soʻrovnoma shaklini toʻldirish) uchun roʻyxatdan oʻtib murojaat qoldiradi.
Maxsus sertifikat berilgan sanadan boshlab 180 kalendar kun mobaynida
2-bosqich
1) Davlat xizmatlari markazi
2) YIDXP
Ariza va unga ilova qilingan hujjatlarni Yoshlar ishlari agentligiga yuboradi.
1. 10 daqiqa ichida
2. Avtomatik tarzda
3-bosqich
Yoshlar ishlari agentligi
1. Maxsus sertifikatni verifikatsiyadan oʻtkazadi.
2. Maxsus sertifikatning haqiqiyligini verifikatsiya orqali aniqlash imkoni boʻlmasa, maxsus sertifikatning haqiqiyligini tasdiqlashni soʻrab vakolatli xorijiy tashkilotga soʻrov yuboradi.
3. Maxsus sertifikatning haqiqiyligi tasdiqlanganda (qancha muddatda tasdiqlanganidan qatʼi nazar), maxsus sertifikat egasi boʻlgan ariza beruvchilarning elektron reyestrini shakllantiradi, ushbu elektron reyestrga muvofiq oʻqish va imtihon uchun kompensatsiya mablagʻlarini Oʻzbekiston Respublikasi aksiyadorlik tijorat “Xalq banki”ning (keyingi oʻrinlarda — Xalq banki) hisobvaragʻiga moliyalashtiradi va xizmat natijasi boʻyicha ariza beruvchiga SMS xabar yuboradi.
4. Maxsus sertifikatning haqiqiyligi tasdiqlanmaganda, bu haqida idoralararo elektron tizimga maʼlumot kiritadi va ariza beruvchiga SMS xabar yuboradi.
1. Maʼlumotlar tushganidan soʻng 15 kunda
2. Maʼlumotlar tushganidan soʻng 30 kunda.
3. Maxsus sertifikatning haqiqiyligi tasdiqlangandan soʻng 15 kun mobaynida.
4. Maxsus sertifikatning haqiqiyligi tasdiqlanmaganda bir ish kuni mobaynida.
4-bosqich
Xalq banki filiali
Ariza beruvchining oʻqish va imtihon uchun kompensatsiya pulini olishga boʻlgan huquqini tasdiqlagan holda ushbu kompensatsiya toʻlovlarini amalga oshiradi.
Xizmat natijasi boʻyicha ariza beruvchiga SMS xabar yuborilgandan soʻng bankka murojaat qilinganda
Xalqaro imtihon tizimlari boʻyicha yuqori ball (daraja) olgan yoshlarga oʻqish va imtihon topshirish xarajatlarini toʻliq qoplab berishning maʼmuriy reglamentiga
2-ILOVA
Oʻqish va imtihon uchun kompensatsiya olish boʻyicha davlat xizmatlaridan foydalanish uchun
SOʻROVNOMA
Ariza t/r
Qabul qilish sanasi
Qabul qilgan shaxs
-
-
-
I. Ariza beruvchi haqida maʼlumot:
1.1. F.I.O.:
-
1.2. Tugilgan sanasi:
kun/oy/yil
1.3.Jismoniy shaxsning shaxsiy identifikatsiya raqami (JSHSHIR) (mavjud boʻlsa):
-
1.4. Ijtimoiy holati
Talaba, ishlaydi, ishsiz
1.5. Telefon raqami:
-
1.6. Elektron pochta manzili:
-
1.7. Yashash joyi:
Tuman (shahar), viloyat, respublika
II. Oʻn olti yoshga toʻlmagan shaxs va uning qonuniy vakili haqidagi maʼlumotlar:
2.1.1. Oʻn olti yoshga toʻlmagan shaxsning F.I.O.:
-
2.1.2. Tugʻilgan sanasi:
yil/kun/oy
2.1.3. Tugʻilganlik haqidagi guvohnoma raqami:
2.2.1. Bolaning qonuniy vakili F.I.O. Bunda bolaning qonuniy vakili ekanligini tasdiqlovchi hujjat ilova qilinadi (ota-onasi tomonidan topshirilgan arizalar bundan mustasno ):
Ilova qilinadi (pdf, png, jpg, jpeg formatda)
2.2.2. Jismoniy shaxsning shaxsiy identifikatsiya raqami (JSHSHIR):
-
2.2.3. Telefon raqami:
-
2.2.4. Elektron pochta manzili:
-
2.2.5. Yashash joyi:
Tuman (shahar), viloyat, respublika
III. Imtihon haqidagi maʼlumotlar
3.1. Imtihon turi
3.2. Imtihon topshirish xarajati summasi
3.3. Sertifikat №
3.4. Qayd etilgan ball/daraja
(tanlanadi)
(imtihon turiga qarab avtomatik hisoblanadi)
-
-
3.5. Sertifikat nusxasi
(ilova qilinadi)
3.6. Chek/shartnoma nusxasi (ilova qilinadi)
3.7. Test topshirilgan sana
3.8. Masʼul vakolatli tashkilot (imtihon oluvchi markaz) kodi/nomi
IV. Oʻqish haqidagi maʼlumotlar
4.1. Oʻqish davri:
yil/kun/oydan — yil/kun/oygacha
4.2. Oʻquv markazi va arizachi oʻrtasida tuzilgan ikki tomonlama shartnoma nusxasi (ilova qilinadi)
nomida “Imtihon topshirish” soʻzlari “Oʻqish va imtihon topshirish” soʻzlari bilan almashtirilsin.
3. Vazirlar Mahkamasining “Oʻzbekiston Respublikasi Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomni tasdiqlash haqida” 2021-yil 29-iyundagi 400-son qarorida:
birinchi xatboshidagi “Moliya vazirligi” soʻzlari “Iqtisodiyot va moliya vazirligi” soʻzlari bilan almashtirilsin;
quyidagi mazmundagi toʻrtinchi xatboshi bilan toʻldirilsin:
“Belgilansinki, Oʻzbekiston Respublikasi Yoshlar ishlari agentligi va uning hududiy boʻlinmalarining bino va inshootlari, shuningdek, mol-mulklaridan samarali foydalanish va ularning sifatli saqlanishini taʼminlash maqsadida amaldagi respublika ijro etuvchi hokimiyat organlari va xoʻjalik birlashmalarining boshqaruv va xizmat koʻrsatuvchi xodimlari sonining nisbatini hisoblash meʼyorlari Yoshlar ishlari agentligi va uning hududiy boʻlinmalarining yoshlar obyektlari (yoshlar markazlari, yoshlar uchun sport, madaniy-maʼrifiy va intellektual oʻyinlarni oʻtkazish, yoshlarni raqamli texnologiyalar sohasiga yoʻnaltirishga moʻljallangan yopiq majmualar) uchun tatbiq etilmaydi”;
“3. Jamgʻarma mablagʻlari Agentlik, Qoraqalpogʻiston Respublikasi, viloyatlar va Toshkent shahar yoshlar ishlari boshqarmalari va tuman (shahar) yoshlar ishlari boʻlimlari (keyingi oʻrinlarda — hududiy boʻlinmalari) hamda Agentlik huzuridagi Yoshlar muammolarini oʻrganish va istiqbolli kadrlarni tayyorlash instituti (keyingi oʻrinlarda — Institut) uchun Iqtisodiyot va moliya vazirligi huzuridagi Gʻaznachilik xizmati qoʻmitasida alohida ochiladigan shaxsiy gʻazna hisobvaraqlarida yuritiladi”;
AT “Xalq banki”, AT “Aloqa bank” va “Mikrokreditbank” ATB tomonidan “Bir million dasturchi” loyihasi doirasida oʻquv kurslarini muvaffaqiyatli tugatgan va sertifikat olgan, shuningdek, xorijiy tilni bilish boʻyicha S1 darajasidagi sertifikatga ega boʻlgan yoshlarga kompyuter (shu jumladan, Oʻzbekiston Respublikasida ishlab chiqarilmagan) xaridlari uchun bazaviy hisoblash miqdorining 25 baravaridan koʻp boʻlmagan miqdorda ajratilgan isteʼmol kreditlari boʻyicha foiz toʻlovlarini kompensatsiya qilish;
“qonunchilik hujjatlarida belgilangan Agentlik, uning hududiy boʻlinmalari va Institutning asosiy vazifa va faoliyat yoʻnalishlari doirasidagi chora-tadbirlarni moliyalashtirish”;
toʻqqizinchi xatboshidagi “hayʼati qaroriga” soʻzlari “direktorining buyrugʻiga” soʻzlari bilan almashtirilsin;
“Vazirlar Mahkamasining “Xalqaro imtihon tizimlari boʻyicha yuqori ball (daraja) toʻplagan yoshlarga oʻqish va imtihon topshirish xarajatlarini toʻliq qoplab berish tartibini joriy etish toʻgʻrisida” 2021-yil 13-apreldagi 209-son qaroriga muvofiq yoshlarga oʻqish va xalqaro imtihon tizimlari boʻyicha eng yuqori ball toʻplagan iqtidorli yoshlarga imtihon topshirish xarajatlarini qoplab berish”;
12-banddagi “Moliya vazirligiga” soʻzlari “Iqtisodiyot va moliya vazirligiga” soʻzlari bilan almashtirilsin.
4. Vazirlar Mahkamasining 2021-yil 28-iyuldagi 467-son qarori bilan tasdiqlangan Markazlar rahbarlari oʻrinbosarlarining faoliyati samaradorligini hamda maqsadli vazifalarga erishishlarini baholashning asosiy mezonlarining “II. DAVLAT TEST MARKAZI” boʻlimida:
a) “1. Direktor oʻrinbosari (test sinovlarini tashkil etish va oʻtkazish masalalari boʻyicha)” kichik boʻlimining “Asosiy mezonlar” ustuni 2-bandidan “, Davlat boshqaruvi akademiyasi qoshidagi Yoshlar muammolarini oʻrganish va istiqbolli kadrlar tayyorlash institutining 4 oylik qayta tayyorlash oʻquv kurslari” soʻzlari chiqarib tashlansin;
b) “2. Direktor oʻrinbosari (test sinovlari natijalari tahlili va eʼlon masalalari boʻyicha)” kichik boʻlimining “Asosiy mezonlar” ustuni 2-bandidan “Davlat boshqaruvi akademiyasi qoshidagi Yoshlar muammolarini oʻrganish va istiqbolli kadrlar tayyorlash institutining” soʻzlari chiqarib tashlansin.
5. Vazirlar Mahkamasining “Ijtimoiy himoyaga muhtoj yoshlarni qoʻllab-quvvatlashning qoʻshimcha chora-tadbirlari toʻgʻrisida” 2021-yil 4-oktabrdagi 617-son qarorida:
“3. Ariza beruvchilarga oʻqish xarajatlari ushbu Vaqtinchalik tartibga ilovada keltirilgan sxemaga muvofiq ushbu ariza beruvchilarning doimiy yashash manzili yoki ular tarbiyalangan “Mehribonlik” uyi, Bolalar shaharchasi yoki oilaviy bolalar uyi joylashgan mahallaning yoshlar yetakchisi orqali “Yoshlar daftari”ga kiritish va oʻqish xarajatini kompensatsiya qilish haqidagi “mahalla yettiligi” (mahalla raisi, hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim va soliq inspektori jamoatchilik asosida faoliyat yuritadigan) nomiga yozma shaklda murojaatiga yoki “Yoshlar daftari” elektron platformasi orqali onlayn murojaatiga asosan kompensatsiya qilinadi”;
“5. “Mahalla yettiligi”ning ariza beruvchining oʻqish xarajatini kompensatsiya qilish haqidagi qaroriga asosan “Yoshlar daftari”ga kiritilgan yoshlarni qoʻllab-quvvatlash jamgʻarmasi Vasiylik kengashi (keyingi oʻrinlarda — Vasiylik kengashi) “Yoshlar daftari” jamgʻarmasi mablagʻlari hisobidan qonunchilik hujjatlarida belgilangan tartibda ariza beruvchining oʻqish xarajati bir qismini qoplab beradi.
“Yoshlar daftari” jamgʻarmasi hisobvaragʻida ushbu yoʻnalishdagi xarajatlarni amalga oshirishga mablagʻ yetarli boʻlmasa, Vasiylik kengashi ariza beruvchining murojaatini va ushbu Vaqtinchalik tartibning 3-4-bandlarida keltirilgan hujjatlarni ilova qilgan holda, ariza beruvchiga oʻqish xarajatining bir qismini qoplash haqida Yoshlar ishlari agentligi hududiy boshqarmasiga soʻrov xati yuboradi”;
10-banddan “Yoshlar ishlari agentligi tomonidan” soʻzlari chiqarib tashlansin;
ilovaning 1-bosqichi “Chora-tadbirlar” ustuni quyidagi tahrirda bayon etilsin:
“Doimiy yashash manzili yoki ular tarbiyalangan “Mehribonlik” uyi, Bolalar shaharchasi yoki oilaviy bolalar uyi joylashgan mahallaning yoshlar yetakchisi orqali “Yoshlar daftari”ga kiritish va oʻqish xarajatini kompensatsiya qilish haqidagi “mahalla yettiligi” nomiga avtomototransport vositalari haydovchilarini tayyorlash kurslarida oʻqish xarajati bir qismini kompensatsiya qilish haqida yozma shaklda murojaat qiladi.
“Mahalla yettiligi” ariza beruvchining oʻqish xarajatini kompensatsiya qilish haqida qaror chiqarganda, ushbu qarorni ilova qilgan holda Vasiylik kengashiga talabnoma yuboradi”;
“3. Ariza beruvchilarga subsidiya ajratish ushbu Vaqtinchalik tartibga ilovada keltirilgan sxemaga muvofiq ushbu ariza beruvchilarning doimiy yashash manzili yoki ular tarbiyalangan “Mehribonlik” uyi, Bolalar shaharchasi yoki oilaviy bolalar uyi joylashgan joydagi mahallaning yoshlar yetakchisi orqali “Yoshlar daftari”ga kiritish va oʻqish xarajatini kompensatsiya qilish haqidagi “mahalla yettiligi” (mahalla raisi, hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim va soliq inspektori jamoatchilik asosida faoliyat yuritadigan) nomiga yozma shaklda yoki “Yoshlar daftari” elektron platformasi orqali onlayn murojaatga asosan ajratiladi”;
“5. “Mahalla yettiligi” “Mehribonlik” uylari, Bolalar shaharchalari va oilaviy bolalar uylarida tarbiyalangan yoshlarning ushbu muassasalarda tarbiyalanganini tasdiqlovchi hujjatlarni, “Yoshlar daftari”ga kiritilgan ariza beruvchilarning oilasi “Ijtimoiy himoya yagona reyestri”ga kiritilganini oʻrganib, ariza beruvchilarga “Yoshlar daftari” jamgʻarmasi mablagʻlari hisobidan qonunchilik hujjatlarida belgilangan tartibda subsidiya ajratish haqida qaror chiqaradi.
Ushbu qarorga asosan “Yoshlar daftari”ga kiritilgan yoshlarni qoʻllab-quvvatlash jamgʻarmasi Vasiylik kengashi (keyingi oʻrinlarda — Vasiylik kengashi) “Yoshlar daftari” jamgʻarmasi mablagʻlari hisobidan qonunchilik hujjatlarida belgilangan tartibda ariza beruvchiga subsidiya ajratadi”;
ilovaning 1-bosqichi “Tadbirlar” ustuni quyidagi tahrirda bayon etilsin:
“Safarbarlik chaqiruvi rezervidagi xizmatni oʻtash badalini toʻlash uchun subsidiya ajratish haqida doimiy yashash manzili yoki tarbiyalangan “Mehribonlik” uyi, Bolalar shaharchasi yoki oilaviy bolalar uyi joylashgan joydagi mahallaning yoshlar yetakchisi orqali “Yoshlar daftari”ga kiritish va oʻqish xarajatini kompensatsiya qilish haqidagi “mahalla yettiligi” nomiga yozma shaklda yoki “Yoshlar daftari” elektron platformasi orqali onlayn murojaat qiladi.
“Mahalla yettiligi” ariza beruvchiga subsidiya ajratish haqida qaror chiqarganda ushbu qarorni ilova qilgan holda Vasiylik kengashiga talabnoma yuboradi”;
“milliy sertifikat — Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligi (keyingi oʻrinlarda — Bilim va malakalarni baholash agentligi) tomonidan beriladigan, maxsus seriya raqamiga ega, chet tilini bilish darajasini aniqlash yoki bakalavriat taʼlim yoʻnalishlariga mos fanlar majmuasidagi umumtaʼlim fanlarini bilish darajasini baholash boʻyicha imtihon natijasini tasdiqlovchi rasmiy hujjat”;
beshinchi xatboshidagi “Davlat test markazi” soʻzlari “Bilim va malakalarni baholash agentligi” soʻzlari bilan almashtirilsin;
4-bandning birinchi xatboshisidagi “Vazirlar Mahkamasi huzuridagi Davlat test markazida” soʻzlari “Oliy taʼlim, fan va innovatsiyalar vazirligi huzuridagi Bilim va malakalarni baholash agentligida” soʻzlari bilan almashtirilsin;
5-bandning “b” kichik bandi uchinchi xatboshisi “moliyalashtiradi,” soʻzidan keyin “Agentlikning hududiy boshqarmalari yoki tuman (shahar) boʻlimlari orqali ariza beruvchi yuridik shaxslarga kompensatsiya mablagʻlarini” soʻzlari bilan toʻldirilsin;
“Yoshlar daftari”ga kiritilgan yoshlarning xorijiy tillar va umumtaʼlim fanlari boʻyicha nodavlat taʼlim tashkilotlarida oʻqish xarajatlarining bir qismini hamda ular boʻyicha milliy sertifikatlar olish uchun oʻtkaziladigan imtihonlarni topshirish xarajatlarini qoplab berishning maʼmuriy reglamentiga
1-ILOVA
Kompensatsiya toʻlab berish boʻyicha davlat xizmatini koʻrsatish
SXEMASI
Bosqichlar
Subyektlar
Tadbirlar
Bajarish muddati
1-bosqich
“Yeshlar daftari”ga kiritilgan yosh fuqaro
Oʻquv markazida xorijiy tilni yoki umumtaʼlim fanlarini oʻzlashtirish uchun taʼlim oladi.
Kamida 3 oy davomida
Uquv markazi
“Yoshlar daftari”ga kiritilgan yoshlarga xorijiy tilni yoki umumtaʼlim fanlarini oʻqitadi.
2-bosqich
“Yoshlar daftari”ga kiritilgan yoshlar
Uquv kursini tugatgandan soʻng tegishli yoʻnalish boʻyicha milliy sertifikat olish uchun Oʻzbekiston Respublikasi Oliy taʼlim, fan va innovatsiyalar vazirligi huzuridagi Bilim va malakalarni baholash agentligida oʻz hisobidan imtihon topshiradi va milliy sertifikatni oladi.
Oʻquv kursini tugatgandan soʻng
Oʻquv markazi
Uquv kurslarini tugatgan oʻquvchilarning tegishli yoʻnalish boʻyicha milliy sertifikat olish xarajatlarini oʻz hisobidan qoplaydi.
3-bosqich
Ariza beruvchi
Tuman (shahar) davlat xizmatlari markazlariga kompensatsiya toʻlashni soʻrab murojaat etadi yoki Yagona interaktiv davlat xizmatlari portalida davlat xizmatidan elektron tarzda foydalanish uchun roʻyxatdan oʻtib murojaat qoldiradi.
Milliy sertifikat berilgan sanadan boshlab 180 kalendar kun mobaynida
4-bosqich
1. Davlat xizmatlari markazi
2.YIDXP
Soʻrovnoma va unga ilova qilingan hujjatlarni Yoshlar ishlari agentligiga yuboradi.
1. 10 daqiqa ichida
2. Avtomatik tarzda
5-bosqich
Yoshlar ishlari agentligi
1. Taqdim etilgan hujjatlardagi maʼlumotlar toʻliq va asosli (ariza beruvchining haqiqatda “Yoshlar daftari” elektron bazasida mavjudligini) ekanligini tekshiradi.
Taqdim etilgan hujjatlardagi maʼlumotlar toʻliq va asosli ekanligi tasdiqlanganda, ariza beruvchilarning elektron reyestrini shakllantiradi, ushbu elektron reyestrga muvofiq kompensatsiya mablagʻlarini ariza beruvchi jismoniy shaxslarga Oʻzbekiston Respublikasi aksiyadorlik tijorat “Xalq banki”ning (keyingi oʻrinlarda — Xalq banki) hisobvaragʻiga moliyalashtiradi, ariza beruvchi yuridik shaxslarning kompensatsiya mablagʻlarini Agentlikning hududiy boshqarmalari yoki tuman (shahar) boʻlimlari oʻtkazib beradi va xizmat natijasi boʻyicha ariza beruvchiga SMS xabar yuboradi.
1. Murojaat tushganidan soʻng 10 ish kunida
2. Taqdim etilgan hujjatlardagi maʼlumotlar toʻliq va asosli ekanligi tasdiqlanmaganda,bu haqida elektron tizimga maʼlumot kiritadi va ariza beruvchiga murojaati rad etilganligi toʻgʻrisida xabarnoma (SMS xabar) yuboradi.
2. Maʼlumotlar toʻliq va asosli ekanligi tasdiqlanmaganda bir ish kuni mobaynida
6-bosqich
“Xalq banki” filiali
Kompensatsiya pulini olishga boʻlgan huquqni tekshirgan holda ariza beruvchi jismoniy shaxsga kompensatsiya toʻlovini amalga oshiradi.
Ariza beruvchi murojaat qilgan sanadan boshlab 5 ish kunida
Yoshlar ishlari agentligi
Agentlikning hududiy boshqarmalari yoki tuman (shahar) boʻlimlari orqali kompensatsiya mablagʻlarini olishga boʻlgan huquqini tekshirgan holda ariza beruvchi yuridik shaxsning tegishli hisobvaraqlariga oʻtkazib beradi.
“Bir million dasturchi” loyihasi doirasida oʻquv kurslarini muvaffaqiyatli tamomlagan yoshlarga isteʼmol krediti orqali kompyuter xarid qilinganda, mazkur kreditlarning foiz toʻlovlarini kompensatsiya qilishning maʼmuriy reglamenti”;
“1. Mazkur Maʼmuriy Reglament (keyingi oʻrinlarda — Reglament) “Bir million dasturchi” loyihasi doirasida oʻquv kurslarini muvaffaqiyatli tamomlagan yoshlarga isteʼmol krediti orqali kompyuter xarid qilinganda mazkur kreditlarning foiz toʻlovlarini kompensatsiya qilish boʻyicha davlat xizmatlarini koʻrsatish tartibini belgilaydi.
2. Ushbu Reglamentda quyidagi asosiy tushunchalardan foydalaniladi:
ariza beruvchi — “Bir million dasturchi” loyihasi doirasida oʻquv kurslarini muvaffaqiyatli tamomlagan, shuningdek, xorijiy tilni bilish boʻyicha S1 darajasidagi sertifikatga ega boʻlgan, kompyuter xarid qilish uchun isteʼmol krediti boʻyicha Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi (keyingi oʻrinlarda — jamgʻarma) hisobidan ushbu kreditning foiz toʻlovlarini kompensatsiya qilishni soʻrab mazkur Reglamentga muvofiq murojaat qilgan oʻttiz bir yoshga toʻlmagan Oʻzbekiston Respublikasi fuqarosi yoki fuqaroligi boʻlmagan shaxs (oʻn toʻrt yoshdan oʻn olti yoshgacha boʻlgan shaxs nomidan murojaat qilgan uning qonuniy vakili);
bank — “Bir million dasturchi” sertifikati, xorijiy til sertifikati va maʼlumotnoma olgan yoshlarga kompyuter xarid qilish uchun isteʼmol kreditlari ajratadigan AT “Xalq banki”, AT “Aloqabank” va “Mikrokreditbank” ATB;
“Bir million dasturchi” sertifikati — “Bir million dasturchi” loyihasi doirasida oʻquv kurslarini muvaffaqiyatli tamomlagan yoshlar boʻyicha tegishli axborot tizimlari orqali beriladigan elektron hujjat;
verifikatsiya — ariza beruvchi tomonidan taqdim etilgan “Bir million dasturchi” sertifikati va xorijiy til sertifikatining haqiqiyligini tegishli elektron tizimlar orqali tekshirish;
isteʼmol krediti yoki mikroqarz — ariza beruvchiga kompyuter (shu jumladan, Oʻzbekiston Respublikasida ishlab chiqarilmagan) xarid qilish uchun bazaviy hisoblash miqdorining 25 baravaridan koʻp boʻlmagan miqdorda bank tomonidan ajratiladigan mablagʻ;
maʼlumotnoma — vakolatli organ tomonidan ariza beruvchiga kompyuter xarid qilish uchun ajratiladigan isteʼmol krediti boʻyicha mazkur kreditning foiz toʻlovlari kompensatsiya qilinishi toʻgʻrisida taqdim etiladigan hamda 90 kalendar kun mobaynida amal qiladigan elektron hujjat;
xorijiy til sertifikati — Vazirlar Mahkamasining 2021-yil 13-apreldagi 209-son qarori bilan tasdiqlangan Oʻqish va imtihon topshirish xarajati kompensatsiya qilinadigan xalqaro imtihon tizimlari roʻyxatida keltirilgan xorijiy tillar boʻyicha ularni bilish darajasi kamida S1 ekanini tasdiqlovchi, masʼul vakolatli tashkilotlar tomonidan beriladigan, maxsus seriya raqamiga ega rasmiy hujjat.”;
3-band quyidagi mazmundagi xatboshi bilan toʻldirilsin:
“2024-yil 1-sentabrdan boshlab yoshlarga kompyuter xarid qilish uchun ajratiladigan isteʼmol krediti mablagʻlari yoshlarning xohishiga koʻra alohida ochilgan bank kartasiga (naqdlashtirish imkoniyatisiz) oʻtkazib beriladi.”;
“4. Ariza beruvchilarga isteʼmol kreditining muddati oʻtmagan asosiy qarzi uchun hisoblangan foiz toʻlovlari jamgʻarma hisobidan toʻlanadi. Bunda:
“Bir million dasturchi” sertifikati va xorijiy til sertifikatiga ega boʻlgan yoshlar tomonidan olingan isteʼmol kreditining foiz toʻlovlari ushbu kreditning muddati oʻtmagan asosiy qarzi uchun hisoblangan foiz toʻlovlari boʻyicha kompensatsiya jamgʻarma tomonidan toʻlab beriladi;
ariza beruvchining faqat bitta isteʼmol krediti boʻyicha kompensatsiya beriladi;
oʻn toʻrt yoshdan oʻn olti yoshgacha boʻlgan shaxslarning qonuniy vakillariga isteʼmol kreditining foiz toʻlovlari kompensatsiya qilinadi.”;
“6. Isteʼmol krediti orqali kompyuter xarid qilish uchun yoshlarga mazkur kreditlarning foiz toʻlovlarini kompensatsiya qilish boʻyicha davlat xizmati ushbu Reglamentga 1-ilovada keltirilgan sxemaga muvofiq koʻrsatiladi.”;
7-banddan “va/yoki kafillik berishni” soʻzlari chiqarib tashlansin;
“14. “Bir million dasturchi” sertifikati va xorijiy til sertifikatini olgan yoshlarga isteʼmol krediti boʻyicha kompensatsiya toʻlash uchun davlat xizmatini koʻrsatishda quyidagilar ishtirok etadi:
a) Davlat xizmatlari markazlari ariza beruvchi kelib murojaat etganda, uning nomidan soʻrovnomani toʻldirib vakolatli organga yuboradi;
b) vakolatli organ:
tushgan murojaatlarni 15 ish kuni mobaynida koʻrib chiqadi;
kompensatsiya toʻlash boʻyicha ariza beruvchi tomonidan taqdim etilgan “Bir million dasturchi” sertifikati va xorijiy til sertifikatini verifikatsiyadan oʻtkazadi;
ariza beruvchining maʼlumotlari toʻgʻri deb topilganda ariza beruvchiga isteʼmol krediti boʻyicha kompensatsiya toʻlanishi toʻgʻrisida maʼlumotnoma beradi;
isteʼmol krediti foiz toʻlovlarining kompensatsiya mablagʻlarini tegishli banklar hisobvaragʻiga oʻtkazib boradi;
v) bank:
ariza beruvchiga isteʼmol krediti yoki mikroqarz ajratish masalasini koʻrib chiqadi, bunda vakolatli organ tomonidan berilgan maʼlumotnomaning haqiqiyligini undagi QR-kod orqali tekshiradi;
isteʼmol krediti yoki mikroqarz ajratish boʻyicha hujjatlarni rasmiylashtiradi, uning summasini kompyuter yetkazib beruvchi tashkilotlarning bankdagi hisobvaragʻiga yoki ariza beruvchining nomiga alohida ochilgan bank kartasiga (naqdlashtirish imkoniyatisiz) oʻtkazib beradi hamda vakolatli organni xabardor qiladi;
vakolatli organ tomonidan oʻtkazilgan kompensatsiya mablagʻlarini isteʼmol krediti foizlarini qoplash uchun ariza beruvchilarning bankdagi hisobvaragʻiga oʻtkazib boradi.
15. Quyidagilar davlat xizmatini koʻrsatishni rad etish uchun asos hisoblanadi:
ariza beruvchi tomonidan soʻrovnomada notoʻgʻri maʼlumotlarning koʻrsatilishi;
“Bir million dasturchi” sertifikati yoki xorijiy til sertifikatidagi maʼlumotlar ariza beruvchining shaxsini tasdiqlovchi hujjatdagi maʼlumotlarga mos kelmasligi;
murojaat qilingan sanada “Bir million dasturchi” sertifikati yoki xorijiy til sertifikati berilganiga 6 oy oʻtganligi;
ariza beruvchiga isteʼmol krediti boʻyicha foiz toʻlovlari kompensatsiya qilinayotganligi (qilinganligi);
ariza beruvchining avvalgi murojaati asosida vakolatli organ tomonidan berilgan maʼlumotnomaning amal qilish muddati tugamaganligi;
murojaat qonuniy vakil tomonidan berilganda uning qonuniy vakil ekanligini tasdiqlovchi hujjatlar taqdim etilmaganligi.
Davlat xizmatini koʻrsatishni boshqa asoslar boʻyicha rad etish taqiqlanadi.
Davlat xizmatini koʻrsatish rad etilganda, bu haqida ariza beruvchiga avtomatik ravishda SMS xabar yuboriladi.
16. Vakolatli organning isteʼmol krediti boʻyicha jamgʻarma kafilligini berish va/yoki foiz toʻlovlarini kompensatsiya qilish toʻgʻrisidagi maʼlumotnomasi olingandan soʻng banklarning tegishli filiallari oʻzlarining ichki tartib qoidalarida belgilangan tartibda isteʼmol krediti yoki mikroqarz ajratish masalasini koʻrib chiqadi.
Isteʼmol krediti yoki mikroqarz ajratish toʻgʻrisida tegishli hujjat qabul qilingan va kompyuter yetkazib beruvchi tashkilotlarning bankdagi hisobvaragʻiga yoki alohida ochilgan bank kartalariga pul mablagʻlari oʻtkazib berilgandan soʻng bank har oyning 15-sanasiga qadar bu haqda ushbu Reglamentga 3-ilovaga muvofiq maʼlumotlarni vakolatli organga taqdim etadi”;
17-bandning birinchi va ikkinchi xatboshilari “isteʼmol krediti” soʻzlaridan keyin “yoki mikroqarz” soʻzlari bilan toʻldirilsin;
“Bir million dasturchi” loyihasi doirasida oʻquv kurslarini muvaffaqiyatli tamomlagan yoshlarga isteʼmol krediti orqali kompyuter xarid qilish uchun mazkur kreditlarning foiz toʻlovlarini kompensatsiya qilishning maʼmuriy reglamentiga
1-ILOVA
Isteʼmol krediti orqali kompyuter xarid qilish uchun yoshlarga mazkur kreditlarning foiz toʻlovlarini kompensatsiya qilish boʻyicha davlat xizmatlarini koʻrsatish
SXEMASI
Bosqichlar
Subyektlar
Tadbirlar
Bajarish muddatlari
1-bosqich
Ariza beruvchi
“Bir million dasturchi” loyihasi doirasida oʻquv kurslarini muvaffaqiyatli tamomlagan, “Bir million dasturchi” sertifikati va xorijiy til sertifikatini olgan oʻttiz bir yoshga toʻlmagan Oʻzbekiston Respublikasi fuqarosi yoki fuqaroligi boʻlmagan shaxs (14 yoshdan 16 yoshgacha boʻlgan shaxs nomidan uning vakili) istalgan tuman (shahar) davlat xizmatlari markazlariga yoki Yagona interaktiv davlat xizmatlari portali (YIDXP) orqali sertifikatni ilova qilgan xolda murojaat qiladi.
Sertifikatlar berilgan sanadan boshlab 6 oy mobaynida
2-bosqich
1. Davlat xizmatlari markazlari
2. YIDXP
Ariza va unga ilova qilingan hujjatlarni Yoshlar ishlari agentligiga yuboradi.
1. 10 daqiqa mobaynida
2. Avtomatik tarzda
3-bosqich
Yoshlar ishlari agentligi
Ariza beruvchining murojaati YIDXP orqali kelib tushgan paytdan boshlab taqdim etilgan sertifikatlarni verifikatsiyadan oʻtkazadi.
Xorijiy til sertifikatining haqiqiyligini verifikatsiya orqali aniqlash imkoni boʻlmasa, uning haqiqiyligini tasdiqlashni soʻrab vakolatli xorijiy tashkilotga soʻrov yuboradi.
Ariza beruvchining maʼlumotlari toʻgʻri deb topilganda ariza beruvchiga isteʼmol krediti boʻyicha kompensatsiya toʻlanishi toʻgʻrisida maʼlumotnoma beradi, aks holda ariza beruvchiga rad javobini beradi.
Verifikatsiyadan oʻtgan ariza beruvchilarning elektron reyestrini shakllantiradi, ushbu elektron reyestrni bankka avtomatik ravishda taqdim etadi.
5 ish kuni (xorijiy til sertifikati haqiqiyligi boʻyicha xorijiy tashkilotga soʻrov yuborilganda 30 ish kuni) mobaynida
4-bosqich
AT “Xalq banki”, AT “Aloqa bank” va “Mikro-kreditbank” AT
Ariza beruvchiga isteʼmol krediti ajratish masalasini koʻrib chiqadi.
Isteʼmol krediti yoki mikroqarz ajratish boʻyicha hujjatlarni rasmiylashtiradi. Bunda isteʼmol krediti summasini kompyuter yetkazib beruvchi tashkilotlarning tegishli banklardagi hisobvaragʻiga yoki mikroqarzni yoshlarning arizalariga asosan ularning alohida ochilgan bank kartalariga (naqdlashtirish imkoniyatisiz) oʻtkazib beradi.
Bu haqida ushbu Reglamentga 3-ilovaga muvofiq maʼlumotlarni vakolatli organga taqdim etadi.
Bankning ichki hujjatlarida belgilangan muddatlarda
Har oyning 15-sanasiga qadar
5-bosqich
Yoshlar ishlari agentligi
Isteʼmol krediti boʻyicha foiz toʻlovlarini banklarning tegishli hisobvaragʻiga ariza beruvchilarning reyestrini ilova qilgan holda oʻtkazadi.
Banklar bilan kelishilgan muddatlarda har oyning 25-sanasiga qadar
6-bosqich
AT “Xalq banki”, AT “Aloqa bank” va “Mikro-kreditbank” AT
Taqdim etilgan reyestrga muvofiq mablagʻlarni isteʼmol krediti foizlarini qoplash uchun ariza beruvchilarning bankdagi hisobvaragʻiga oʻtkazadi.
2 ish kunida
“Bir million dasturchi” loyihasi doirasida oʻquv kurslarini muvaffaqiyatli tamomlagan yoshlarga isteʼmol krediti orqali kompyuter xarid qilish uchun mazkur kreditlarning foiz toʻlovlarini kompensatsiya qilishning maʼmuriy reglamentiga
2-ILOVA
Isteʼmol kreditining foiz toʻlovlari kompensatsiya qilinishi boʻyicha davlat xizmatlaridan foydalanish uchun
SOʻROVNOMA
T/R
Qabul qilish sanasi
Qabul qilgan shaxs
I. Ariza beruvchi (jismoniy shaxs) haqida maʼlumot:
1.1. F.I.O.:
-
1.2. Tugʻilgan sanasi:
kun/oy/yil
1.3. Jismoniy shaxsning shaxsiy identifikatsiya raqami (JSHSHIR):
-
1.4. Telefon raqami:
-
1.5. Yashash joyi:
Mahalla, tuman (shahar), viloyat, respublika
1.6. “Bir million dasturchi” loyihasi doirasida oʻquv kurslarini muvaffaqiyatli tamomlaganligi toʻgʻrisidagi sertifikatining (nusxasi ilova qilinadi) havolasi:
-
II. Sertifikat olgan oʻn toʻrt yoshdan oʻn olti yoshgacha boʻlgan shaxs va uning qonuniy vakili haqidagi maʼlumot:
2.1. Oʻn toʻrt yoshdan oʻn olti yoshgacha boʻlgan shaxsning F.I.O.:
-
2.2. Tugʻilgan sanasi:
kun/oy/yil
2.3. Tugʻilganlik haqidagi guvohnoma raqami yoki jismoniy shaxsning shaxsiy identifikatsiya raqami (JSHSHIR):
-
2.4. Qonuniy vakil (tasdiqlovchi hujjat ilova qilinadi) F.I.O.:
-
2.5. Jismoniy shaxsning shaxsiy identifikatsiya raqami (JSHSHIR):
-
2.6. Qonuniy vakil ekanligini tasdiqlovchi hujjat:
-
2.7. Telefon raqami:
-
2.8. Yashash joyi:
Mahalla, tuman (shahar), viloyat, respublika
2.9. “Bir million dasturchi” loyihasi doirasida oʻquv kurslarini muvaffaqiyatli tamomlaganligi toʻgʻrisidagi sertifikatining (nusxasi ilova qilinadi) havolasi:
-
III. Xorijiy til sertifikatini olish boʻyicha imtihon haqidagi maʼlumotlar
3.1. Imtihon turi
3.2. Sertifikat №
3.3. Qayd etilgan ball/daraja
(tanlanadi)
-
-
3.4. Sertifikat nusxasi (ilova qilinadi)
3.5. Test topshirilgan sana
3.6. Masʼul vakolatli tashkilot (imtihon oluvchi markaz) kodi/nomi
-
-
-
6. Vazirlar Mahkamasining “Nogironligi boʻlgan yoshlarni ijtimoiy qoʻllab-quvvatlash boʻyicha davlat xizmatlarini koʻrsatishning maʼmuriy reglamentlarini tasdiqlash toʻgʻrisida” 2022-yil 21-iyundagi 341-son qarorida:
“shartnoma — kasb-hunarga oʻrgatish, kasbiy koʻnikmalarni shakllantirish, axborot texnologiyalari, kompyuterda dasturlash amaliyoti, umumtaʼlim fanlari va xorijiy tillarni oʻrgatish toʻgʻrisida nodavlat taʼlim tashkiloti va ariza beruvchi oʻrtasida tuziladigan bitim. Bunda shartnomada oʻquv kursi muddati va kurs uchun har oylik va umumiy toʻlov miqdori, kursning jami davomiylik muddati koʻrsatilgan boʻlishi lozim;”;
“3. Ushbu Reglamentga muvofiq Jamgʻarma mablagʻlari hisobidan nogironligi boʻlgan har bir yoshga uning talabiga muvofiq bazaviy hisoblash miqdorining 50 baravarigacha boʻlgan miqdorda subsidiya ajratiladi.
Oʻqish xarajatlari uchun har oyda ajratiladigan subsidiya miqdori:
kasb-hunarga oʻrgatish, kasbiy koʻnikmalarni shakllantirish, axborot texnologiyalari, kompyuterda dasturlash amaliyoti uchun BHMning besh baravaridan;
umumtaʼlim fanlari uchun BHMning uch baravaridan;
xorijiy tillarni oʻrgatish uchun BHMning uch baravaridan koʻp boʻlmasligi lozim.
Bunda ariza beruvchiga faqat bir turdagi oʻquv kursida 12 oydan oshmagan muddatda oʻqish uchun subsidiya ajratiladi.
Transport xarajatlari uchun ajratiladigan subsidiya miqdori, shu jumladan yoʻl hujjatlari mavjud boʻlmaganda, har bir kilometrga bazaviy hisoblash miqdorining 0,2 foizidan oshmasligi lozim.
Bunda kilometr miqdori 500 metr va undan ortiq boʻlgan hollarda — koʻp tomonga, kilometr miqdori 500 metrdan kam boʻlgan hollarda — kam tomonga yaxlitlanadi.
Yashash xarajatlari uchun ajratiladigan subsidiya miqdori bir sutkada ijarada yashash uchun bazaviy hisoblash miqdorining oʻn foizidan oshmasligi lozim.”;
5-band quyidagi mazmundagi beshinchi xatboshi bilan toʻldirilsin:
“Muqaddam hududiy yoki tuman (shahar) “Yoshlar daftari” jamgʻarmalari mablagʻlari hisobidan oʻquv kurslarida oʻqish xarajatlari uchun subsidiya ajratilgan ariza beruvchilarga ushbu Reglamentga muvofiq oʻqish, yashash va transport xarajatlari uchun subsidiya ajratilmaydi, oliy taʼlim tashkilotidagi oʻqishi uchun toʻlov-kontrakt summasi toʻlab berilgan talabalar bundan mustasno.”;
“b” kichik bandning uchinchi xatboshisi quyidagi mazmundagi jumla bilan toʻldirilsin:
“Bunda ijara shartnomasida koʻrsatilgan uy manzili nodavlat taʼlim tashkiloti joylashgan tuman (shahar) hududida joylashgan boʻlishi kerak (Toshkent shahri hududi bundan mustasno).”;
10-banddagi “Tibbiy-ijtimoiy xizmatlarni rivojlantirish agentligining” soʻzlari “Ijtimoiy himoya milliy agentligining” soʻzlari bilan almashtirilsin;
18-band quyidagi mazmundagi ikkinchi xatboshi bilan toʻldirilsin:
“Agar ariza beruvchi ushbu SMS-xabarnomani olgan paytdan boshlab 90 kun ichida oʻqitish haqidagi shartnomani tuman (shahar) yoshlar ishlari boʻlimiga taqdim etmasa va ushbu muddat ichida oʻqishni boshlamasa, unga subsidiya ajratish rad etiladi.”;
19 va 20-bandlardagi “Agentlikning tuman (shahar) boʻlimiga” soʻzlari “tuman (shahar) yoshlar ishlari boʻlimiga” soʻzlari bilan almashtirilsin;
birinchi xatboshidagi “Agentlikning tuman (shahar) boʻlimi” soʻzlari “tuman (shahar) yoshlar ishlari boʻlimi” soʻzlari bilan almashtirilsin;
ikkinchi xatboshidagi “Yoshlar ishlari agentligining tuman (shahar) boʻlimi” soʻzlari “tuman (shahar) yoshlar ishlari boʻlimi” soʻzlari bilan almashtirilsin;
uchinchi xatboshidagi “Yoshlar ishlari agentligining tuman (shahar) boʻlimi” soʻzlari “tuman (shahar) yoshlar ishlari boʻlimi” soʻzlari bilan almashtirilsin;
“Nogironligi boʻlgan yoshlarga oʻqish, yashash va transport xarajatlarini qoplash uchun subsidiya ajratishning maʼmuriy reglamentiga
2-ILOVA
Nogironligi boʻlgan yoshlarga oʻqish xarajatini qoplash uchun subsidiya ajratish
SXEMASI
Bosqichlar
Subyektlar
Tadbirlar
Muddati
1-bosqich
Nogironligi boʻlgan yosh fuqaro
Nodavlat taʼlim tashkilotlarida kasb-hunarni oʻrganish, kasbiy koʻnikmalarni shakllantirish, axborot texnologiyalari, kompyuterda dasturlash amaliyoti, umumtaʼlim fanlari va xorijiy tillarni oʻrganish xarajati uchun subsidiya ajratishni soʻrab tuman (shahar) davlat xizmatlari markazlariga murojaat etadi yoki Yagona interaktiv davlat xizmatlari portalida davlat xizmatidan elektron tarzda foydalanish uchun roʻyxatdan oʻtib murojaat qoldiradi.
Oʻqishni boshlashdan oldin
2-bosqich
1. Davlat xizmatlari markazi
2. YIDXP
Soʻrovnoma va unga ilova qilingan hujjatlarni Yoshlar ishlari agentligiga yuboradi.
1. 10 daqiqa ichida
2. Avtomatik tarzda
3-bosqich
Yoshlar ishlari agentligi
Taqdim etilgan hujjatlar va ulardagi maʼlumotlar toʻliq va asosli ekanligi tasdiqlanganda ariza beruvchiga subsidiya ajratilishi haqida elektron tizimga maʼlumot kiritadi, bu haqida ariza beruvchiga SMS-xabarnoma yuboradi hamda nodavlat taʼlim tashkiloti joylashgan hududdagi mahallaning yoshlar yetakchisining zimmasiga ariza beruvchining nodavlat taʼlim tashkilotida oʻqishini monitoring qilish vazifasini yuklaydi.
Taqdim etilgan hujjatlar yoki ulardagi maʼlumotlar toʻliq boʻlmaganda, bu haqida elektron tizimga maʼlumot kiritadi va ariza beruvchiga subsidiya ajratish rad etilganligi haqida SMS-xabarnoma yuboradi.
Hujjatlar kelib tushganidan soʻng 15 ish kunida
Nodavlat taʼlim tashkiloti joylashgan hududdagi tuman (shahar) yoshlar ishlari boʻlimining soʻrov xatiga (ariza beruvchi va nodavlat taʼlim tashkiloti va tuman (shahar) yoshlari ishlari boʻlimi oʻrtasida tuzilgan ariza beruvchini oʻqitish toʻgʻrisidagi shartnoma ilova qilingan) asosan oʻqitishning toʻliq davri uchun subsidiya mablagʻlarini tuman (shahar) yoshlar ishlari boʻlimining hisobvaragʻiga oʻtkazadi.
Ariza beruvchiga subsidiya ajratilishi tasdiqlan gandan soʻng 5 ish kunida
4-bosqich
Tuman (shahar) yoshlar ishlari boʻlimi
Har oylik oʻqitish xizmati koʻrsatilgandan soʻng nodavlat taʼlim tashkiloti tomonidan taqdim etilgan ariza beruvchiga oʻqitish xizmati koʻrsatilganligi toʻgʻrisida hisob-faktura hamda mahalladagi yoshlar yetakchisining ariza beruvchining oʻqishini monitoring qilish natijalari boʻyicha ijobiy tavsiyasiga asosan subsidiyani nodavlat taʼlim tashkilotining hisobvaragʻiga oʻtkazib boradi.
Hisob-faktura va ijobiy xulosa kelib tushgandan soʻng 3 ish kunida
Ariza beruvchi oʻqishni davom ettirmagan hollarda (oʻqish oraligida davolanish uchun vaqtincha oʻqishga bormagan hollar bundan mustasno) ushbu ariza beruvchining oʻqish xarajati uchun ajratilgan subsidiya mablagʻlarini Agentlik markaziy apparatining tegishli gʻazna hisobvaragʻiga qaytaradi.
Ariza beruvchi oʻqishni davom ettirmasligi aniqlangan paytdan boshlab 10 ish kunida
Nogironligi boʻlgan yoshlarga oʻqish, yashash va transport xarajatlarini qoplash uchun subsidiya ajratishning maʼmuriy reglamentiga
3-ILOVA
Nogironligi boʻlgan yoshlarga nodavlat taʼlim tashkilotida oʻqish davrida yashash va transport xarajatlarini qoplash uchun subsidiya ajratish
SXEMASI
Bosqichlar
Subyektlar
Tadbirlar
Muddatlar
1-bosqich
Nogironligi boʻlgan yosh fuqaro
Nodavlat taʼlim tashkilotida oʻqish davrida yashash va transport xarajati uchun subsidiya ajratishni soʻrab Davlat xizmatlari markaziga murojaat qiladi yoki Yagona interaktiv davlat xizmatlari portali orqali (YIDXP) Yoshlar ishlari agentligiga bevosita ariza yuboradi.
Oʻqishni boshlagandan soʻng har oy yakuni boʻyicha
2-bosqich
1. Davlat xizmatlari markazi
2. YIDXP
Soʻrovnoma va unga ilova qilingan hujjatlarni Yoshlar ishlari agentligiga yuboradi.
1. 10 daqiqa ichida
2. Avtomatik tarzda
3-bosqich
Yoshlar ishlari agentligi
1. Taqdim etilgan hujjatlardagi maʼlumotlar asosli ekanligi tasdiqlanganda, ariza beruvchiga subsidiya ajratilishi haqida elektron tizimga maʼlumot kiritadi va unga SMS-xabarnoma yuboradi.
2. Nodavlat taʼlim tashkiloti joylashgan hududdagi mahallaning yoshlar yetakchisi zimmasiga ariza beruvchining tegishli joyda ijarada yashashi va transport qatnovini monitoring qilish vazifasini yuklaydi.
Hujjatlar kelib tushgandan soʻng uch ish kunida
3. Ariza beruvchiga oʻqitish xarajatlari uchun subsidiya ajratilishi tasdiqlanganda nodavlat taʼlim tashkiloti joylashgan hududdagi tuman (shahar) yoshlar ishlari boʻlimining soʻrov xatiga yashash va transport xarajatlari uchun subsidiya mablagʻlarini toʻliq miqdorda tuman (shahar) yoshlar ishlari boʻlimining hisobraqamiga oʻtkazadi.
4-bosqich
Mahalladagi yoshlar yetakchisi
Ariza beruvchining ijara shartnomasida koʻrsatilgan manzilda yashashi, oʻqish joyiga tegishli transportda qatNashini joyiga chiqqan holda oʻrganadi.
Har oylik oʻqish davri yakunida ariza beruvchiga subsidiya ajratish yoki ajratishni rad etish haqida tavsiya tayyorlaydi hamda tuman (shahar) yoshlar ishlari boʻlimiga elektron shaklda yuboradi.
Besh ish kunida
5-bosqich
Tuman (shahar) yoshlar ishlari boʻlimi
Mahalladagi yoshlar yetakchisining subsidiya ajratish haqidagi tavsiyasiga asosan subsidiya toʻlovi mablagʻlarini ariza beruvchining bank kartasiga oʻtkazib boradi.
“2. Ushbu Reglamentda quyidagi asosiy tushunchalar qoʻllaniladi:
ariza beruvchi — ushbu Reglamentga muvofiq subsidiya ajratishni soʻrab murojaat qilgan oʻn olti yoshga toʻlgan va oʻttiz yoshdan oshmagan nogironligi boʻlgan Oʻzbekiston Respublikasi fuqarosi, Oʻzbekiston Respublikasi hududida yashash guvohnomasiga ega boʻlgan chet el fuqarosi yoki fuqaroligi boʻlmagan shaxs;
asbob-uskunalar yoki mehnat qurollarini xarid qilish uchun subsidiya — kamida bir oy davomida kasbga tayyorlash, qayta tayyorlash, malaka oshirish, tadbirkorlik va kasb-hunarga oʻrgatish kurslarini muvaffaqiyatli tugatib, maxsus sertifikat yoki diplom olgan hamda tadbirkorlik subyekti yoki oʻzini oʻzi band qilgan shaxs sifatida davlat roʻyxatidan oʻtgan nogironligi boʻlgan yoshlarga asbob-uskunalar va mehnat qurollarini (motokultivatorlar, oʻt oʻrish oʻroq mashinalari, perforatorlar, payvandlash apparatlari, oʻsimliklarga ishlov berish qurilmalari, duradgorlik, chilangarlik, qurilish uskunalari, kompyuter jamlanmasi va boshqalar) xarid qilish uchun ajratiladigan subsidiya.”;
4-band quyidagi mazmundagi beshinchi xatboshi bilan toʻldirilsin:
“Muqaddam hududiy yoki tuman (shahar) “Yoshlar daftari” jamgʻarmalari mablagʻlari hisobidan asbob-uskunalar yoki mehnat qurollarini xarid qilishga subsidiya ajratilgan ariza beruvchilarga ushbu reglamentga muvofiq asbob-uskunalar yoki mehnat qurollarini xarid qilishga subsidiya ajratilmaydi.”;
8-band quyidagi mazmundagi uchinchi xatboshi bilan toʻldirilsin:
“Bunda oʻqish davri bir oydan kam boʻlmasligi, shuningdek, maxsus sertifikat uni bergan tashkilot tomonidan tasdiqlangan boʻlishi lozim”;
quyidagi mazmundagi yettinchi xatboshi bilan toʻldirilsin:
“maxsus sertifikatni tasdiqlovchi hujjatda qayd etilgan mutaxassislik hamda tadbirkorlik subyekti yoki oʻzini oʻzi band qilgan shaxs sifatida davlat roʻyxatidan oʻtgan faoliyat turi bilan murojaatda soʻralgan asbob-uskunalar va mehnat qurollari mos boʻlsa”;
birinchi xatboshidagi “Agentlikning tuman (shahar) boʻlimiga” soʻzlari “tuman (shahar) yoshlar ishlari boʻlimiga” soʻzlari bilan almashtirilsin;
ikkinchi xatboshidagi “Yoshlar ishlari agentligining tuman (shahar) boʻlimi” soʻzlari “tuman (shahar) yoshlar ishlari boʻlimi” soʻzlari bilan almashtirilsin;
19-bandning birinchi xatboshisidagi “Agentlikning tuman (shahar) boʻlimi” soʻzlari “Tuman (shahar) yoshlar ishlari boʻlimi” soʻzlari bilan almashtirilsin;
“Nogironligi boʻlgan yoshlarga asbob-uskunalar va mehnat qurollarini xarid qilish uchun subsidiya ajratish
SXEMASI
Bosqichlar
Subyektlar
Tadbirlar
Muddatlar
1-bosqich
Nogironligi boʻlgan yosh fuqaro
Asbob-uskunalar va mehnat qurollarini xarid qilish uchun subsidiya ajratishni soʻrab davlat xizmatlari markaziga murojaat qiladi yoki Yagona interaktiv davlat xizmatlari portali orqali Yoshlar ishlari agentligiga bevosita ariza yuboradi.
Tadbirkor yoki oʻzini oʻzi band qilgan shaxs sifatida davlat roʻyxatidan oʻtgandan boshlab bir yuz sakson kun davomida
2-bosqich
1. Davlat xizmatlari markazi
2. YIDXP
Ariza beruvchi nomidan soʻrovnoma va unga ilova qilingan hujjatlarni Yoshlar ishlari agentligiga yuboradi.
1. 10 daqiqa ichida
2. Avtomatik tarzda
3-bosqich
Yoshlar ishlari agentligi
Taqdim etilgan hujjatlardagi maʼlumotlar asosli ekanligi tasdiqlanganda, murojaatni ariza beruvchining yashash joyidagi mahalladagi yoshlar yetakchisiga yuboradi.
Hujjatlar kelib tushgandan soʻng ikki ish kunida
4-bosqich
Mahalladagi yoshlar yetakchisi
Ariza beruvchining murojaatidagi maʼlumotlar toʻgʻriligini oʻrganib, unga subsidiya ajratish haqida tavsiya yoki ajratishni rad etish haqida xabarnoma tayyorlaydi hamda tuman (shahar) yoshlar ishlari boʻlimiga elektron shaklda yuboradi.
Murojaat kelib tushgandan soʻng besh ish kunida
5-bosqich
Tuman (shahar) yoshlar ishlari boʻlimi
Agentlikning tuman (shahar) boʻlimi yoshlar yetakchisining tavsiyasini ilova qilgan holda ariza beruvchiga tegishli subsidiya ajratish yoki ajratishni rad etish toʻgʻrisida Agentlikka soʻrov yuboradi.
Agar mahalladagi yoshlar yetakchisi ariza beruvchiga subsidiya ajratishni rad etish haqida asossiz ravishda xabarnoma bersa, ariza beruvchining murojaati belgilangan talablarga muvofiq boʻlsa, tuman (shahar) yoshlar ishlari boʻlimi uning murojaatini qanoatlantirish toʻgʻrisida tavsiya berish huquqiga ega boʻladi.
Murojaat kelib tushgandan soʻng ikki ish kunida
6-bosqich
Yoshlar ishlari agentligi
1. Taqdim etilgan hujjatlarga asosan ariza beruvchiga subsidiyani toʻlash yoki uni rad etish toʻgʻrisida qaror qabul qiladi.
2. Asbob-uskunalar va mehnat qurollarini xarid qilish uchun subsidiyani tuman (shahar) yoshlar ishlari boʻlimi hisobvaragʻiga oʻtkazib beradi, bu haqida elektron tizimga maʼlumot kiritadi hamda ariza beruvchiga SMS-xabarnoma yuboradi.
Mahalladagi yoshlar yetakchisi tavsiyasi kelib tushgandan soʻng uch ish kunida
7-bosqich
Tuman (shahar) yoshlar ishlari boʻlimi
Subsidiyani asbob-uskunalar yoki mehnat qurolini xarid qilish uchun realizatsiya qiluvchi tashkilotning hisobvaragʻiga oʻtkazib beradi.
Subsidiya kelib tushgandan soʻng besh ish kunida
8-bosqich
Ariza beruvchi
Realizatsiya qilingan tashkilotdan asbob-uskuna yoki mehnat qurolini mahalladagi yoshlar yetakchisi ishtirokida qabul qiladi.
Subsidiya kelib tushgandan soʻng
9-bosqich
Mahalladagi yoshlar yetakchisi
1. Asbob-uskuna yoki mehnat qurolini qabul qilish va topshirish boʻyicha dalolatnomani tuzadi.
2. Dalolatnomani Yoshlar ishlari agentligiga topshiradi.
Subsidiya realizatsiya qiluvchi tashkilotga oʻtkazilgandan soʻng
”.
(Qonunchilik maʼlumotlari milliy bazasi, 10.08.2024-y., 09/24/493/0600-son; 23.12.2024-y., 09/24/848/1049-son)
