PDF-faylidagi rasmiy manba
Oʻzbekiston Respublikasi Vazirlar Mahkamasining
qarori
OʻZBEKISTON RESPUBLIKASI HUKUMATINING AYRIM QARORLARIGA OʻZGARTIRISH VA QOʻSHIMCHALAR KIRITISH TOʻGʻRISIDA (OʻZBEKISTON RESPUBLIKASI PREZIDENTINING “KICHIK BIZNES VA XUSUSIY TADBIRKORLIKNI YANADA RIVOJLANTIRISH UCHUN QULAY ISHBILARMONLIK MUHITINI SHAKLLANTIRISHGA DOIR QOʻSHIMCHA CHORA-TADBIRLAR TOʻGʻRISIDA” 2011-YIL 24-AVGUSTDAGI PF-4354-SON FARMONI, OʻZBEKISTON RESPUBLIKASI PREZIDENTINING “BYUROKRATIK TOʻSIQLARNI BARTARAF ETISH VA TADBIRKORLIK FAOLIYATI ERKINLIGINI YANADA OSHIRISH CHORA-TADBIRLARI TOʻGʻRISIDA” 2011-YIL 25-AVGUSTDAGI PQ-1604-SON QARORI)
Oʻzbekiston Respublikasi Prezidentining “Kichik biznes va xususiy tadbirkorlikni yanada rivojlantirish uchun qulay ishbilarmonlik muhitini shakllantirishga doir qoʻshimcha chora-tadbirlar toʻgʻrisida” 2011-yil 24-avgustdagi PF-4354-son Farmonini hamda Oʻzbekiston Respublikasi Prezidentining “Byurokratik toʻsiqlarni bartaraf etish va tadbirkorlik faoliyati erkinligini yanada oshirish chora-tadbirlari toʻgʻrisida” 2011-yil 25-avgustdagi PQ-1604-son qarorini bajarish yuzasidan Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Vazirliklar va idoralar bir oy muddatda oʻz idoraviy normativ-huquqiy hujjatlarini ushbu qarorga muvofiqlashtirsinlar.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2011-yil 2-noyabr,
294-son
Vazirlar Mahkamasining 2011-yil 2-noyabrdagi 294-son qaroriga
ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
Oldingi tahrirga qarang.
(1-band Oʻzbekiston Respublikasi Vazirlar Mahkamasining 2018-yil 3-maydagi 321-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 04.05.2018 g., № 09/18/321/1154)
Oldingi tahrirga qarang.
(2-band Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 16.12.2025-y., 09/25/791/1167-son)
3. Vazirlar Mahkamasining “Eksport-import operatsiyalarini tartibga keltirish borasidagi qoʻshimcha chora-tadbirlar toʻgʻrisida” 1995-yil 28-avgustdagi 343-son qarori 1-bandining beshinchi — yettinchi xatboshi chiqarib tashlansin.
Oldingi tahrirga qarang.
(4-band Oʻzbekiston Respublikasi Vazirlar Mahkamasining 2025-yil 15-dekabrdagi 791-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 16.12.2025-y., 09/25/791/1167-son)
Oldingi tahrirga qarang.
(5-band Oʻzbekiston Respublikasi Vazirlar Mahkamasining 2022-yil 25-apreldagi 210-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 26.04.2022-y., 09/22/210/0345-son)
Oldingi tahrirga qarang.
(6-band Oʻzbekiston Respublikasi Vazirlar Mahkamasining 2018-yil 4-dekabrdagi 983-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 05.12.2018-y., 09/18/983/2271-son)
7. Vazirlar Mahkamasining “Oʻzbekiston Respublikasida meva-sabzavot mahsulotlarini ulgurji xarid qilish va sotish tizimini rivojlantirish toʻgʻrisida” 1997-yil 21-fevraldagi 98-son qarorining 11-bandi chiqarib tashlansin.
Oldingi tahrirga qarang.
(8-band Oʻzbekiston Respublikasi Vazirlar Mahkamasining 2021-yil 22-fevraldagi 87-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 22.02.2021-y., 09/21/87/0134-son)
9. Vazirlar Mahkamasining “Respublikada savdo tushumi inkassatsiya qilinishini va nazorat-kassa mashinalaridan foydalanishni tubdan yaxshilash chora-tadbirlari toʻgʻrisida” 1997-yil 11-dekabrdagi 548-son qarori (Oʻzbekiston Respublikasi QT, 1997-y. 11-12-son, 39-modda) 1-bandi quyidagi tahrirda bayon qilinsin:
“1. Belgilab qoʻyilsinki, aholi bilan naqd pulda hisob-kitob qiluvchi xoʻjalik yurituvchi subyektlar:
barcha korxonalar va tashkilotlar (kichik biznes va xususiy tadbirkorlik subyektlaridan tashqari) — tushum respublikada belgilangan eng kam oylik ish haqining bir baravaridan ortiq boʻlganda;
kichik biznes va xususiy tadbirkorlik subyektlari — tushum respublikada belgilangan eng kam oylik ish haqining yigirma baravaridan ortiq boʻlganda naqd pul tushumini Oʻzbekiston Respublikasi Markaziy bankining inkassatsiya xizmati orqali har kuni topshirishga majburdirlar.
Koʻrsatib oʻtilgan miqdorlardan kam miqdordagi har kunlik naqd pul tushumiga ega boʻlgan xoʻjalik yurituvchi subyektlar naqd pul tushumini Oʻzbekiston Respublikasi Markaziy bankining inkassatsiya xizmati orqali yoki banklarning kunduzgi va kechki kassalariga mustaqil ravishda topshirish huquqiga ega”.
10. Vazirlar Mahkamasining 1998-yil 31-martdagi 137-son qarori bilan tasdiqlangan Oʻzbekiston Respublikasining vakolatli organlari tomonidan beriladigan ruxsatnomalar boʻyicha eksport va import qilinadigan tovarlar (ishlar, xizmatlar) roʻyxatining 3-bandi chiqarib tashlansin.
Oldingi tahrirga qarang.
(11-band Oʻzbekiston Respublikasi Vazirlar Mahkamasining 2012-yil 29-dekabrdagi 369-sonli qaroriga asosan oʻz kuchini yoʻqotgan — OʻR QHT, 2013-y., 1-son, 8-modda)
Oldingi tahrirga qarang.
(Oʻzbekiston Respublikasi Vazirlar Mahkamasining 2025-yil 29-yanvardagi 45-sonli qaroriga asosan 12-bandning oʻz kuchini yoʻqotish sanasi — 2025-yil 1-may — Qonunchilik maʼlumotlari milliy bazasi, 30.01.2025-y., 09/25/45/0084-son)
13. Vazirlar Mahkamasining 1998-yil 10-iyuldagi 293-son qarori (Oʻzbekiston Respublikasi QT, 1998-y., 7-son, 26-modda) bilan tasdiqlangan Radioelektron vositalar va yuqori chastotali qurilmalarni Oʻzbekiston Respublikasi hududida sotib olish (berish), loyihalash, qurish (oʻrnatish), ishlatish hamda chet eldan keltirish tartibi toʻgʻrisidagi nizomning 3-bandida:
a) ikkinchi xatboshi chiqarib tashlansin;
b) uchinchi xatboshidagi “ushbu vositalarni qurish uchun uchastkadan foydalanish mumkinligini Agentlik bilan tanlash va kelishish jarayonida” soʻzlari chiqarib tashlansin.
Oldingi tahrirga qarang.
(14-band Oʻzbekiston Respublikasi Vazirlar Mahkamasining 2021-yil 22-fevraldagi 87-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 22.02.2021-y., 09/21/87/0134-son)
15. Vazirlar Mahkamasining “Avtomobil yonilgʻisi quyish shoxobchalarining ishini takomillashtirish va respublika isteʼmolchilarini neft mahsulotlari bilan taʼminlashni yaxshilash chora-tadbirlari toʻgʻrisida” 1998-yil 18-sentabrdagi 397-son qarori (Oʻzbekiston Respublikasi QT, 1998-y., 9-son, 35-modda) 4-bandining toʻrtinchi xatboshidagi “faqat Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining” soʻzlari chiqarib tashlansin.
Oldingi tahrirga qarang.
(16-band Oʻzbekiston Respublikasi Vazirlar Mahkamasining 2020-yil 9-noyabrdagi 700-sonli qaroriga asosan 2021-yil 1-yanvardan oʻz kuchini yoʻqotadi — Qonun hujjatlari maʼlumotlari milliy bazasi, 10.11.2020-y., 09/20/700/1491-son)
Oldingi tahrirga qarang.
(17-band Oʻzbekiston Respublikasi Vazirlar Mahkamasining 2015-yil 24-dekabrdagi 370-sonli qaroriga asosan oʻz kuchini yoʻqotgan — OʻR QHT, 2016-y., 3-son, 23-modda)
18. Vazirlar Mahkamasining “Pul mablagʻlarining bankdan tashqari muomalasini yanada qisqartirish chora-tadbirlari toʻgʻrisida” 2002-yil 5-avgustdagi 280-son qarori (Oʻzbekiston Respublikasi QT, 2002-y., 8-son, 46-modda) 2-bandining uchinchi xatboshi quyidagi tahrirda bayon qilinsin:
“Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari belgilangan savdo va naqd tushumni topshirish qoidalari buzilishining soliq organlari tomonidan aniqlangan hollari boʻyicha qonun hujjatlarida belgilangan tartibda qattiq choralar koʻrsinlar”.
Oldingi tahrirga qarang.
(19-band Oʻzbekiston Respublikasi Vazirlar Mahkamasining 2021-yil 22-fevraldagi 87-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 22.02.2021-y., 09/21/87/0134-son)
20. Vazirlar Mahkamasining “Yuridik va jismoniy shaxslarni roʻyxatdan oʻtkazishni hamda ular tomonidan savdo faoliyati amalga oshirilishini tartibga solish chora-tadbirlari toʻgʻrisida” 2002-yil 26-noyabrdagi 407-son qarorida (Oʻzbekiston Respublikasi QT, 2002-y., 11-son, 71-modda):
a) 2-bandning birinchi xatboshidagi “import operatsiyalari subyektining hisobga olish kartasiga ega boʻlgan” soʻzlari chiqarib tashlansin;
b) 3-banddagi “roʻyxatdan oʻtkazish va” soʻzlari chiqarib tashlansin;
v) ilovada (Ulgurji va chakana savdo faoliyatini roʻyxatdan oʻtkazish va amalga oshirish tartibi toʻgʻrisidagi nizomda):
Nizomning nomidagi “roʻyxatdan oʻtkazish va” soʻzlari chiqarib tashlansin;
1-bandning birinchi xatboshidagi “roʻyxatdan oʻtkazish va” soʻzlari chiqarib tashlansin;
4-boʻlim nomidagi “roʻyxatdan oʻtkazish va” soʻzlari chiqarib tashlansin;
22-band quyidagi tahrirda bayon qilinsin:
“22. Yuridik shaxs boʻlmagan yakka tartibdagi tadbirkorlar chakana savdo bilan qonun hujjatlariga muvofiq turgʻun chakana savdo shoxobchalari orqali chakana savdo bilan quyidagilar asosida shugʻullanishlari mumkin:
yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxs sifatida davlat roʻyxatidan oʻtkazilganlik toʻgʻrisidagi guvohnomalar;
yakka tartibdagi tadbirkorda chakana savdoni amalga oshirish uchun moddiy-texnik bazaning mavjudligini tasdiqlovchi hujjatlar;
davlat soliq xizmati organining nazorat-kassa mashinasini oldindan roʻyxatdan oʻtkazganlik toʻgʻrisidagi maʼlumotnomalari”;
23—25-bandlar chiqarib tashlansin;
26-band quyidagi tahrirda bayon qilinsin:
“26. Yakka tartibdagi tadbirkor tomonidan uning oʻzi import qilgan tovarlarni sotish yakka tartibdagi tadbirkorning davlat roʻyxatidan oʻtkazilganligi toʻgʻrisidagi guvohnoma va tijorat faoliyati uchun moʻljallangan tovarlarni chetdan keltiruvchi yuridik shaxs boʻlmagan yakka tartibdagi tadbirkorning roʻyxatdan oʻtishining (ruxsat berish) tartibotlaridan oʻtishining belgilangan tartibda rasmiylashtirilgan kartochkasi mavjud boʻlgan taqdirda amalga oshiriladi”;
27—29-bandlar chiqarib tashlansin;
30-bandning birinchi xatboshidagi “turgʻun” soʻzidan keyin “oʻzining yoki ijaraga olingan” soʻzlari qoʻshilsin;
V-boʻlimning nomidagi “roʻyxatdan oʻtkazish va” soʻzlari chiqarib tashlansin;
35-band quyidagi tahrirda bayon qilinsin:
“35. Yakka tartibdagi tadbirkor tomonidan buyum bozorlarida chakana savdo quyidagilar asosida amalga oshiriladi:
yuridik shaxs boʻlmasdan tadbirkorlik faoliyati bilan shugʻullanuvchining jismoniy shaxs sifatida davlat roʻyxatidan oʻtkazilganligi toʻgʻrisidagi guvohnomalar;
buyum bozori maʼmuriyatining yakka tartibdagi tadbirkorga savdo joyi berish toʻgʻrisidagi maʼlumotnomasi”;
36—39-bandlar chiqarib tashlansin;
41-banddagi “roʻyxatdan oʻtkazish joyi boʻyicha davlat soliq inspeksiyasi tomonidan berilgan import operatsiyalari subyektining hisobga olish kartasiga” soʻzlari “tijorat faoliyati uchun moʻljallangan tovarlarni chetdan keltiruvchi yuridik shaxs boʻlmagan yakka tartibdagi tadbirkorning roʻyxatdan oʻtkazish (ruxsat berish) tartibotlaridan oʻtishining belgilangan tartibda rasmiylashtirilgan kartochkasiga” soʻzlari bilan almashtirilsin;
45-band quyidagi tahrirda bayon qilinsin:
“45. Qonun hujjatlariga muvofiq talab qilinadigan hujjatlarni rasmiylashtirmasdan yoxud ularning amal qilishini toʻxtatish yoki qaytarib olish davrida savdo faoliyatini amalga oshirishga, qonun hujjatlariga muvofiq javobgarlik choralarini qoʻllangan holda, faoliyatni litsenziyasiz amalga oshirish sifatida qaraladi”;
47-banddagi “ruxsat guvohnomasi qoida buzilishlari bartaraf etilgunga qadar olib qoʻyilishi mumkin” soʻzlari “savdo faoliyatini amalga oshiruvchi aybdor xoʻjalik yurituvchi subyektlarga nisbatan qonun hujjatlariga muvofiq javobgarlik choralari qoʻllanadi” soʻzlari bilan almashtirilsin;
Nizomga 3-ilova chiqarib tashlansin.
Oldingi tahrirga qarang.
(21-band Oʻzbekiston Respublikasi Vazirlar Mahkamasining 2019-yil 19-dekabrdagi 1017-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 20.12.2019-y., 09/19/1017/4180-son)
22. Vazirlar Mahkamasining “Oʻzbekiston Respublikasida chakana savdo qoidalarini hamda Oʻzbekiston Respublikasida umumiy ovqatlanish mahsulotlarini (xizmatlarini) ishlab chiqarish va sotish qoidalarini tasdiqlash toʻgʻrisida” 2003-yil 13-fevraldagi 75-son qarorida (Oʻzbekiston Respublikasi QT, 2003-y., 2-son, 15-modda):
a) 1-ilova (Oʻzbekiston Respublikasida chakana savdo qoidalari)da:
2-bandda:
uchinchi xatboshidagi “savdo qilish huquqi uchun belgilangan tartibda ruxsatnoma olgan” soʻzlari “qonun hujjatlariga muvofiq” soʻzlari bilan almashtirilsin;
toʻrtinchi xatboshi chiqarib tashlansin;
3-bandning oʻn ikkinchi xatboshi chiqarib tashlansin;
22-bandning ikkinchi xatboshidagi “savdo faoliyati bilan shugʻullanish huquqini beruvchi chakana savdo qilish huquqi uchun berilgan ruxsatnomaning” soʻzlari “yakka tartibdagi tadbirkorning (yuridik shaxs boʻlmagan dehqon xoʻjaligining) davlat roʻyxatidan oʻtkazilganligi toʻgʻrisidagi guvohnomaning” soʻzlari bilan almashtirilsin;
35-banddagi “Chakana savdo qilish huquqini beruvchi ruxsatnoma” soʻzlari “Yakka tartibdagi tadbirkorning (yuridik shaxs boʻlmagan dehqon xoʻjaligining) davlat roʻyxatidan oʻtkazilganligi toʻgʻrisidagi guvohnoma” soʻzlari bilan almashtirilsin;
67-bandning ikkinchi jumlasi chiqarib tashlansin;
92-bandning beshinchi xatboshi chiqarib tashlansin;
95-banddagi “qimmatbaho metallardan va qimmatbaho toshlardan yasalgan buyumlar bilan chakana savdo qilish huquqiga ruxsatnoma” soʻzlari chiqarib tashlansin;
b) 2-ilova (Oʻzbekiston Respublikasida umumiy ovqatlanish mahsulotlarini (xizmatlarni) ishlab chiqarish va sotish qoidalari)da:
15-banddagi “ular tegishli tuman (shahar) davlat sanitariya nazorati xizmatlari bilan kelishib olinadi” soʻzlari chiqarib tashlansin;
17-bandning birinchi xatboshidagi “savdo qilishga va koʻrsatib oʻtilgan mahsulotlarni sotishga ruxsatnomani” soʻzlari “yakka tartibdagi tadbirkorning (yuridik shaxs boʻlmagan dehqon xoʻjaligining) davlat roʻyxatidan oʻtkazilganligi toʻgʻrisidagi guvohnomani” soʻzlari bilan almashtirilsin;
26-bandning toʻqqizinchi va oʻninchi xatboshilari chiqarib tashlansin.
Oldingi tahrirga qarang.
(23-band Oʻzbekiston Respublikasi Vazirlar Mahkamasining 2017-yil 9-fevraldagi 66-sonli qaroriga asosan 2017-yilning 1-aprelidan oʻz kuchini yoʻqotadi — OʻR QHT, 2017-y., 7-son, 89-modda)
24. Vazirlar Mahkamasining 2003-yil 4-noyabrdagi 482-son qarori (Oʻzbekiston Respublikasi QT, 2003-y., 11-son, 108-modda) bilan tasdiqlangan Avtomobil transportida yoʻlovchilar va bagajni tashish qoidalarida:
a) 8-bandda “v” kichik bandidagi “Oʻzbekiston Respublikasi Ichki ishlar vazirligining Yoʻllarda harakatlanish xavfsizligi bosh boshqarmasi bilan kelishgan holda” soʻzlari chiqarib tashlansin hamda “tasdiqlanadigan” soʻzi “tuziladigan” soʻzi bilan almashtirilsin;
b) 10-bandning “b” kichik bandidagi “Oʻzbekiston Respublikasi Ichki ishlar vazirligining Yoʻllarda harakatlanish xavfsizligi davlat xizmati organlari bilan kelishilgan” soʻzlari chiqarib tashlansin.
Oldingi tahrirga qarang.
(25-band Oʻzbekiston Respublikasi Vazirlar Mahkamasining 2021-yil 15-fevraldagi 68-sonli qaroriga asosan oʻz kuchini yoʻqotgan — Qonun hujjatlari maʼlumotlari milliy bazasi, 16.02.2021-y., 09/21/68/0115-son)
Oldingi tahrirga qarang.
(26-band Oʻzbekiston Respublikasi Vazirlar Mahkamasining 2017-yil 9-fevraldagi 66-sonli qaroriga asosan 2017-yilning 1-aprelidan oʻz kuchini yoʻqotadi — OʻR QHT, 2017-y., 7-son, 89-modda)
Oldingi tahrirga qarang.
(27-band Oʻzbekiston Respublikasi Vazirlar Mahkamasining 2017-yil 9-fevraldagi 66-sonli qaroriga asosan 2017-yilning 1-aprelidan oʻz kuchini yoʻqotadi — OʻR QHT, 2017-y., 7-son, 89-modda)
Oldingi tahrirga qarang.
(28-band Oʻzbekiston Respublikasi Vazirlar Mahkamasining 2022-yil 14-apreldagi 183-sonli qaroriga asosan oʻz kuchini yoʻqotgan — Qonunchilik maʼlumotlari milliy bazasi, 15.04.2022-y., 09/22/183/0308-son)
29. Vazirlar Mahkamasining 2007-yil 9-noyabrdagi 232-son qarori (Oʻzbekiston Respublikasi QT, 2007-y., 11-son, 63-modda) bilan tasdiqlangan Sanoat uchun ahamiyatini yoʻqotgan yoki keyinchalik oʻtkazilgan geologiya-qidiruv ishlarida yoxud konni ishga solishda tasdiqlanmagan foydali qazilma zaxiralarini yer osti boyliklaridan foydalanuvchining hisobidan chiqarish tartibi toʻgʻrisidagi nizomning 11-bandi “v” kichik bandidagi “Oʻzbekiston Respublikasi “Davarxitektqurilish” qoʻmitasi bilan kelishilgan” soʻzlari chiqarib tashlansin.
30. Vazirlar Mahkamasining 2008-yil 23-oktabrdagi 232-son qarori (Oʻzbekiston Respublikasi QT, 2008-y., 10-son, 58-modda) bilan tasdiqlangan Oʻzbekiston Respublikasi temir yoʻl Ustavida:
a) 21-bandda:
birinchi xatboshidagi “tasdiqlash uchun” va “belgilangan nomenklaturadagi yuklar guruhini tashuvlarning mufassal asosiy oylik rejalari” soʻzlari chiqarib tashlansin;
ikkinchi xatboshidagi ikkinchi jumla chiqarib tashlansin;
uchinchi xatboshi chiqarib tashlansin;
b) 24-band chiqarib tashlansin;
v) 30-bandning birinchi xatboshi chiqarib tashlansin;
g) 31-bandning “a” va “v” kichik bandlari chiqarib tashlansin;
d) 33-band chiqarib tashlansin;
e) 46-bandning birinchi xatboshi quyidagi tahrirda bayon qilinsin:
“46. Yukni tashiganlik uchun temir yoʻlga barcha toʻlovlar yukni tashishga qabul qilgungacha joʻnatayotgan temir yoʻl stansiyasiga yoxud yukni bergungacha yuk yetkazib beriladigan temir yoʻl stansiyasiga oʻtkazilishi kerak”;
yo) 80-bandning ikkinchi xatboshi chiqarib tashlansin;
j) 88-bandning oltinchi xatboshi chiqarib tashlansin.
31. Vazirlar Mahkamasining 2009-yil 9-martdagi 59-son qarori (Oʻzbekiston Respublikasi QT, 2009-y., 3-son, 17-modda) bilan tasdiqlangan Zamonaviy arxitektura-shaharsozlik talablarini hisobga olgan holda aholi punktlarini obodonlashtirish ishlarini tashkil etish Qoidalarining 44-bandi uchinchi xatboshidagi ikkinchi jumla chiqarib tashlansin.
32. Vazirlar Mahkamasining “Shaharsozlik faoliyatini amalga oshirish hamda qishloq xoʻjaligiga oid boʻlmagan boshqa ehtiyojlar uchun yer uchastkalari berish tartibini takomillashtirish chora-tadbirlari toʻgʻrisida” 2011-yil 25-maydagi 146-son qarorida (Oʻzbekiston Respublikasi QT, 2011-y., 5-son, 40-modda):
Oldingi tahrirga qarang.
(32-bandning “a” kichik bandi Oʻzbekiston Respublikasi Vazirlar Mahkamasining 2013-yil 25-fevraldagi 54-sonli qaroriga asosan chiqarilgan — OʻR QHT, 2013-y., 10-son, 125-modda)
b) Yer uchastkalari egalari, foydalanuvchilari, ijarachilari va mulkdorlarining koʻrgan zararlarini, shuningdek qishloq xoʻjaligi va oʻrmon xoʻjaligi ishlab chiqarishi nobudgarchiliklarining oʻrnini qoplash tartibi toʻgʻrisidagi nizomda:
12-bandning uchinchi xatboshidagi “sugʻoriladigan yerga” soʻzlari “qishloq xoʻjaligi yerlariga” soʻzlari bilan almashtirilsin;
35-bandda:
beshinchi xatboshidagi ikkinchi “=” belgisi “+” belgisi bilan almashtirilsin;
oʻn toʻrtinchi xatboshi quyidagi tahrirda bayon qilinsin:
“SF = SF..bs x Vn”.
Oldingi tahrirga qarang.
(33-band Oʻzbekiston Respublikasi Vazirlar Mahkamasining 2015-yil 7-oktabrdagi 285-sonli qaroriga asosan oʻz kuchini yoʻqotgan — OʻR QHT, 2015-y., 40-son, 520-modda)
Oldingi tahrirga qarang.
(34-band Oʻzbekiston Respublikasi Vazirlar Mahkamasining 2017-yil 13-iyuldagi 494-sonli qaroriga asosan oʻz kuchini yoʻqotgan — OʻR QHT, 2017-y., 28-son, 664-modda)
35. Vazirlar Mahkamasining “Shaharsozlik faoliyati sohasida ruxsat berish tartibotlari va davlat nazorati tizimini takomillashtirish toʻgʻrisida” 2011-yil 29-iyuldagi 222-son qaroriga (Oʻzbekiston Respublikasi QT, 2011-y., 7-son, 67-modda) 4-ilovaning 1-bandi “a”—“j” va “s” kichik bandlari chiqarib tashlansin.

(Oʻzbekiston Respublikasi qonun hujjatlari toʻplami, 2011-y., 45-46-son, 470-modda; 2013-y., 1-son, 8-modda, 10-son, 125-modda; 2015-y., 40-son, 520-modda; 2016-y., 3-son, 23-modda; 2017-y., 7-son, 89-modda, 28-son, 664-modda; Qonun hujjatlari maʼlumotlari milliy bazasi, 04.05.2018 g., № 09/18/321/1154; 05.12.2018-y., 09/18/983/2271-son; 20.12.2019-y., 09/19/1017/4180-son; 10.11.2020-y., 09/20/700/1491-son; 16.02.2021-y., 09/21/68/0115-son, 22.02.2021-y., 09/21/87/0134-son; Qonunchilik maʼlumotlari milliy bazasi, 15.04.2022-y., 09/22/183/0308-son, 26.04.2022-y., 09/22/210/0345-son; 30.01.2025-y., 09/25/45/0084-son; 16.12.2025-y., 09/25/791/1167-son)