muassisning ustav fondi oʻzgarganligi haqida, agar ustav fondida chet el investitsiyalari ulushi ushbu Qonun 8-moddasining toʻrtinchi qismida nazarda tutilgan chegaradan ortib ketgan boʻlsa, Oʻzbekiston Respublikasi Vazirlar Mahkamasi tomonidan belgilanadigan vakolatli davlat organini (bundan buyon matnda roʻyxatdan oʻtkazuvchi organ deb yuritiladi) xabardor etishi shart.

LexUZ sharhi

Qarang: Oʻzbekiston Respublikasi Prezidentining 2019-yil 2-fevraldagi PQ-4151-son qarori bilan tasdiqlangan “Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi toʻgʻrisida nizom”.

Oldingi tahrirga qarang.

Muassisning zimmasida qonunchilikka muvofiq boshqa majburiyatlar ham boʻlishi mumkin.

(14-moddaning ikkinchi qismi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

15-modda. Tahririyat

Tahririyat ommaviy axborot vositasining chiqarilishini amalga oshiruvchi yuridik shaxs yoki yuridik shaxsning tarkibiy boʻlinmasidir.

Oldingi tahrirga qarang.

Tahririyat qonunchilikda nazarda tutilgan har qanday tashkiliy-huquqiy shaklda tashkil etilishi mumkin.

(15-moddaning ikkinchi qismi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

Tahririyat oʻz kasb faoliyatida mustaqildir.

Tahririyat bosh muharrir va tahririyat xodimlaridan iborat boʻlishi mumkin.

Tahririyat ommaviy axborot vositasi davlat roʻyxatidan oʻtkazilganidan keyin oʻz faoliyatini boshlashi mumkin.

Oldingi tahrirga qarang.

Tahririyat faoliyatini moliyalashtirish qonunchilikda belgilangan tartibda amalga oshiriladi.

(15-moddaning oltinchi qismi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

LexUZ sharhi

Qoʻshimcha maʼlumot uchun qarang: Oʻzbekiston Respublikasi Vazirlar Mahkamasining 2006-yil 8-noyabrdagi 232-sonli qarori bilan tasdiqlangan “Ommaviy axborot vositalarini qoʻllab-quvvatlash va rivojlantirish sohasida begʻaraz koʻmakni jalb etish tartibi toʻgʻrisida”gi Nizom.

16-modda. Bosh muharrir

Bosh muharrir muassis tomonidan lavozimga tayinlanadi va lavozimdan ozod qilinadi.

Oldingi tahrirga qarang.

Bosh muharrir tahririyatga rahbarlik qiladi, ommaviy axborot vositasining chiqarilishi toʻgʻrisida qaror qabul qiladi va uning faoliyati uchun qonunchilikka muvofiq javobgar boʻladi.

LexUZ sharhi

Qarang: ushbu qonunning 40-moddasi, Oʻzbekiston Respublikasi Maʼmuriy javobgarlik toʻgʻrisidagi kodeksining 218-moddasi, Oʻzbekiston Respublikasi Jinoyat kodeksi 139-moddasining ikkinchi qismi va 140-moddasining ikkinchi qismi.

Qonunchilik va taʼsis hujjatlariga muvofiq bosh muharrir ommaviy axborot vositasining muassisi, tarqatuvchisi, davlat hokimiyati va boshqaruv organlari hamda boshqa yuridik va jismoniy shaxslar bilan munosabatlarda, shuningdek sudda tahririyat nomidan ish yuritadi.

(16-moddaning ikkinchi va uchinchi qismlari Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

17-modda. Tahririyat xodimi

Tahririyat shtatida turgan, materiallarni toʻplash, tahlil, tahrir qilish hamda tayyorlash bilan shugʻullanuvchi shaxs tahririyat xodimidir.

18-modda. Ommaviy axborot vositasining chiqarilishiga doir maʼlumotlar

Har bir davriy nashrning chiqarilishida quyidagi maʼlumotlar koʻrsatilishi shart:

davriy nashrning nomi;

davlat roʻyxatidan oʻtkazilgan sanasi va raqami;

muassisning nomi (familiyasi, ismi, otasining ismi);

bosh muharrirning familiyasi, ismi, otasining ismi;

har bir davriy nashr chiqarilishi uchun masʼul boʻlgan tahririyat xodimining familiyasi, ismi, otasining ismi;

tartib raqami va chiqarilgan sanasi, davriy bosma nashrlar uchun esa bosishga ruxsat berilib, imzo qoʻyilgan vaqt (jadvalda belgilangani va amaldagisi);

davriy bosma nashrlar uchun — indeksi, adadi, bahosi yoki “Kelishilgan narxda”, “Bepul” degan yozuvlar;

tahririyat va bosmaxonaning joylashgan yeri (pochta manzili).

Oldingi tahrirga qarang.

Davriy bosma nashrning elektron shaklida quyidagi maʼlumotlar boʻlishi kerak:

davriy nashrning nomi;

davlat roʻyxatidan oʻtkazilganligi toʻgʻrisidagi guvohnomaning sanasi va raqami;

muassisning nomi (familiyasi, ismi, otasining ismi);

bosh muharrirning familiyasi, ismi, otasining ismi;

indeks, tahririyatning joylashgan yeri (pochta va elektron manzili).

(18-modda Oʻzbekiston Respublikasining 2018-yil 18-apreldagi OʻRQ-476-sonli Qonuniga asosan ikkinchi qism bilan toʻldirilgan — Qonun hujjatlari maʼlumotlari milliy bazasi, 19.04.2018-y., 03/18/476/1087-son)

Oldingi tahrirga qarang.

Tele-, radio-, video-, kinoxronikal dasturlarga va ommaviy axborotni davriy tarqatishning boshqa elektron shakllariga doir maʼlumotlar qonunchilik bilan belgilanadi.

(18-moddaning uchinchi qismi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

LexUZ sharhi

Qarang: ushbu Qonunning 27-moddasi.

3-bob. Ommaviy axborot vositalarini davlat roʻyxatidan oʻtkazish

19-modda. Ommaviy axborot vositasini davlat roʻyxatidan oʻtkazish tartibi

Ommaviy axborot vositasi roʻyxatdan oʻtkazuvchi organ tomonidan davlat roʻyxatidan oʻtkaziladi (bundan buyon matnda roʻyxatdan oʻtkazish deb yuritiladi). Ommaviy axborot vositalarini roʻyxatdan oʻtkazish tartibi Oʻzbekiston Respublikasi Vazirlar Mahkamasi tomonidan belgilanadi.

LexUZ sharhi

Ommaviy axborot vositasini roʻyxatdan oʻtkazish toʻgʻrisidagi ariza roʻyxatdan oʻtkazuvchi organga belgilangan tartibda muassis tomonidan beriladi.

Oldingi tahrirga qarang.

Muassisning ommaviy axborot vositasini roʻyxatdan oʻtkazish toʻgʻrisidagi arizasi roʻyxatdan oʻtkazuvchi organ tomonidan oʻn kunlik muddatda koʻrib chiqilishi kerak.

(19-moddaning uchinchi qismi Oʻzbekiston Respublikasining 2024-yil 7-fevraldagi OʻRQ-905-sonli Qonuni tahririda — Qonunchilik maʼlumotlari milliy bazasi, 07.02.2024-y., 03/24/905/0106-son)

Oldingi tahrirga qarang.

Ommaviy axborot vositasini roʻyxatdan oʻtkazganlik hamda qayta roʻyxatdan oʻtkazganlik uchun qonunchilikda belgilangan tartibda va miqdorlarda roʻyxatdan oʻtkazish yigʻimi olinadi.

(19-moddaning toʻrtinchi qismi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

LexUZ sharhi

20-modda. Ommaviy axborot vositasini roʻyxatdan oʻtkazish toʻgʻrisidagi ariza

Ommaviy axborot vositasini roʻyxatdan oʻtkazish toʻgʻrisidagi arizada quyidagilar koʻrsatilishi kerak:

muassis toʻgʻrisidagi maʼlumotlar;

ommaviy axborot vositasining nomi, tili va turi;

maqsad va vazifalari;

ixtisoslashuvi;

tarqatilish hududi;

davriyligi;

moliyalashtirish manbalari;

tahririyatning joylashgan yeri (pochta manzili) va tahririyat toʻgʻrisidagi boshqa maʼlumotlar;

hajmi;

muassis va tahririyat boshqa qaysi ommaviy axborot vositalariga nisbatan muassis, ishonchli boshqaruvchi, noshir, tarqatuvchi ekanligi haqidagi (barcha affillangan shaxslarning va ulardan har birining tahririyat ustav fondidagi ulushi miqdorlari koʻrsatilgan) maʼlumotlar.

Ommaviy axborot vositasini roʻyxatdan oʻtkazish toʻgʻrisidagi arizaga ommaviy axborot vositasining taʼsis hujjatlari ilova qilinadi.

Agar muassis bitta shaxsdan iborat boʻlsa, roʻyxatdan oʻtkazuvchi organga taqdim etiladigan ommaviy axborot vositasini roʻyxatdan oʻtkazish toʻgʻrisidagi arizaga faqat tahririyat ustavi (nizomi) ilova qilinadi.

Oldingi tahrirga qarang.

Internet jahon axborot tarmogʻidagi veb-sayt ommaviy axborot vositasi sifatida roʻyxatdan oʻtkazilgan taqdirda veb-saytning domen nomi koʻrsatiladi, bunda ushbu modda birinchi qismining oltinchi va oʻninchi xatboshilarida nazarda tutilgan maʼlumotlarni taqdim etish talab qilinmaydi.

(20-modda Oʻzbekiston Respublikasining 2018-yil 18-apreldagi OʻRQ-476-sonli Qonuniga asosan toʻrtinchi qism bilan toʻldirilgan — Qonun hujjatlari maʼlumotlari milliy bazasi, 19.04.2018-y., 03/18/476/1087-son)

Ommaviy axborot vositasini roʻyxatdan oʻtkazishda ushbu moddada nazarda tutilganidan boshqa talablar qoʻyish taqiqlanadi.

Ushbu modda birinchi qismining ikkinchi—beshinchi xatboshilarida, shuningdek ikkinchi qismida koʻrsatilgan maʼlumotlar va hujjatlarga ommaviy axborot vositasi roʻyxatdan oʻtkazilganidan soʻng oʻzgartishlar kiritilgan taqdirda, u belgilangan tartibda qayta roʻyxatdan oʻtishi shart. Qolgan hollarda muassis yoki tahririyat kiritilgan oʻzgartishlar toʻgʻrisida roʻyxatdan oʻtkazuvchi organni bir oy muddatda yozma shaklda xabardor qilishi shart.

21-modda. Roʻyxatdan oʻtkazilmaydigan ommaviy axborot vositalari

Quyidagilarning roʻyxatdan oʻtkazilishi talab etilmaydi:

faqat oʻz rasmiy xabarlari va materiallarini, shuningdek normativ-huquqiy hujjatlarini eʼlon qilish uchun davlat hokimiyati va boshqaruvi organlari tomonidan taʼsis etiladigan ommaviy axborot vositalari;

korxona, muassasa, tashkilotning (shu jumladan oʻquv va ilmiy muassasaning) oʻz ehtiyojlarini qondirish uchun adadi yuztagacha nusxada chop etiladigan davriy bosma nashrlar;

kabel tarmoqlari orqali olib beriladigan (koʻrsatiladigan) tele-, radio-, video, kinoxronikal dasturlar, shuningdek tarqatilishi bir korxona, muassasa, tashkilot (shu jumladan oʻquv va ilmiy muassasa) binosi va (yoki) hududi bilan cheklanadigan audio-, audiovizual xabar va materiallar.

22-modda. Ommaviy axborot vositasini roʻyxatdan oʻtkazishni rad etish

Ommaviy axborot vositasini roʻyxatdan oʻtkazish quyidagi hollarda rad etilishi mumkin:

Oldingi tahrirga qarang.

ommaviy axborot vositasining maqsad va vazifalari qonunchilikka zid boʻlsa;

(22-modda birinchi qismining ikkinchi xatboshisi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

ommaviy axborot vositasini roʻyxatdan oʻtkazish toʻgʻrisidagi ariza ushbu Qonunga muvofiq ommaviy axborot vositasini taʼsis etish huquqiga ega boʻlmagan yuridik yoki jismoniy shaxs nomidan berilgan boʻlsa;

ommaviy axborot vositasini roʻyxatdan oʻtkazish toʻgʻrisidagi arizada koʻrsatilgan maʼlumotlar haqiqatga mos kelmasa;

bundan avval aynan bir xil yoki adashtirib yuborish darajasida oʻxshash nomdagi ommaviy axborot vositasi roʻyxatdan oʻtkazilgan boʻlsa.

Oldingi tahrirga qarang.

Ommaviy axborot vositasini davlat roʻyxatidan oʻtkazish rad etilgan taqdirda, qaror chiqarilgandan keyin bir kun ichida arizachiga yozma shaklda, shu jumladan axborot tizimi orqali elektron shaklda bildirish yuboriladi (topshiriladi), unda rad etish sabablari, shuningdek arizachi koʻrsatilgan sabablarni bartaraf etib, hujjatlarni qayta koʻrib chiqish uchun taqdim etishi mumkin boʻlgan muddat koʻrsatiladi.

(22-moddaning ikkinchi qismi Oʻzbekiston Respublikasining 2018-yil 18-apreldagi OʻRQ-476-sonli Qonuni tahririda — Qonun hujjatlari maʼlumotlari milliy bazasi, 19.04.2018-y., 03/18/476/1087-son)

Muassis roʻyxatdan oʻtkazuvchi organning ommaviy axborot vositasini roʻyxatdan oʻtkazishni rad etish toʻgʻrisidagi qarori ustidan sudga shikoyat qilishi mumkin.

23-modda. Ommaviy axborot vositasi roʻyxatdan oʻtkazilganligi toʻgʻrisidagi guvohnomani haqiqiy emas deb topish

Ommaviy axborot vositasi roʻyxatdan oʻtkazilganligi toʻgʻrisidagi guvohnoma faqat sud tomonidan haqiqiy emas deb topilishi mumkin.

Ommaviy axborot vositasi roʻyxatdan oʻtkazilganligi toʻgʻrisidagi guvohnomaning soxta hujjatlardan foydalanilgan holda olinganligi ommaviy axborot vositasi roʻyxatdan oʻtkazilganligi toʻgʻrisidagi guvohnomani haqiqiy emas deb topish uchun asos boʻladi. Bunda roʻyxatdan oʻtkazuvchi organ ommaviy axborot vositasi roʻyxatdan oʻtkazilganligi toʻgʻrisidagi guvohnomani haqiqiy emas deb topish haqidagi ariza bilan sudga murojaat qilishi shart.

Ommaviy axborot vositasi roʻyxatdan oʻtkazilganligi toʻgʻrisidagi guvohnomani haqiqiy emas deb topish haqidagi maʼlumot ommaviy axborot vositalarida eʼlon qilinishi kerak.

24-modda. Ommaviy axborot vositasining chiqarilishini toʻxtatib turish yoki tugatish

Ommaviy axborot vositasining chiqarilishini toʻxtatib turish yoki tugatish roʻyxatdan oʻtkazuvchi organning arizasi asosida sudning qaroriga koʻra amalga oshiriladi.

Muassis ommaviy axborot vositasining chiqarilishini tahririyat ustavida (nizomida) yoki muassis va tahririyat oʻrtasida tuzilgan shartnomada nazarda tutilgan hollarda hamda tartibda toʻxtatib turish yoki tugatishga haqlidir.

Oldingi tahrirga qarang.

Muassis ommaviy axborot vositasining chiqarilishini toʻxtatib turish yoki tugatish toʻgʻrisida qaror qabul qilinganidan keyin oʻz qarori haqida roʻyxatdan oʻtkazuvchi organni uch kun ichida yozma shaklda, shu jumladan axborot tizimi orqali elektron shaklda xabardor etishi shart. Mazkur xabarnoma ushbu ommaviy axborot vositasi chiqarilishining toʻxtatib turilishi yoki tugatilishidan oldingi soʻnggi chiqarilishlaridan biriga joylashtirilishi kerak.

(24-moddaning uchinchi qismi Oʻzbekiston Respublikasining 2018-yil 18-apreldagi OʻRQ-476-sonli Qonuni tahririda — Qonun hujjatlari maʼlumotlari milliy bazasi, 19.04.2018-y., 03/18/476/1087-son)

Oldingi tahrirga qarang.

Ommaviy axborot vositasining chiqarilishini sud qaroriga koʻra toʻxtatib turish roʻyxatdan oʻtkazuvchi organ tomonidan tahririyatga nisbatan chiqarilgan ogohlantirishga sabab boʻlgan qonunchilik buzilishi takroriy yozma ogohlantirishdan keyin bir oy ichida bartaraf etilmagan taqdirda amalga oshiriladi.

Ommaviy axborot vositasining chiqarilishini qayta boshlash roʻyxatdan oʻtkazuvchi organ aniqlagan qonunchilik buzilishlari bartaraf etilganligini tasdiqlovchi maʼlumotlar muassis va (yoki) tahririyat tomonidan sudga taqdim etilganidan keyin sud qaroriga asosan amalga oshiriladi.

(24-moddaning toʻrtinchi va beshinchi qismlari Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

Ommaviy axborot vositasining chiqarilishini tugatish toʻgʻrisida sud tomonidan qaror chiqarish uchun quyidagilar asos boʻlishi mumkin:

Oldingi tahrirga qarang.

ommaviy axborot vositalari toʻgʻrisidagi qonunchilik talablari tahririyat tomonidan muntazam ravishda buzib kelinganligi, bu haqda roʻyxatdan oʻtkazuvchi organ tomonidan muassis va (yoki) tahririyat nomiga ilgari yozma ogohlantirishlar yuborilganligi;

(24-modda oltinchi qismining ikkinchi xatboshisi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

sudning ommaviy axborot vositasini chiqarishni toʻxtatib turish haqidagi qarori bajarilmaganligi;

ommaviy axborot vositasining olti oydan ziyod vaqt mobaynida chiqarilmaganligi;

Oldingi tahrirga qarang.

qonunchilikda belgilangan boshqa hollar.

(24-modda oltinchi qismining beshinchi xatboshisi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

Ommaviy axborot vositasining chiqarilishini tugatish uning roʻyxatdan oʻtkazilganligi toʻgʻrisidagi guvohnomaning amal qilishi tugatilishiga sabab boʻladi.

Ommaviy axborot vositasining chiqarilishini tugatish toʻgʻrisida muassis tomonidan qaror qabul qilingan taqdirda, tahririyat muassisning ruxsati bilan xuddi shunday nomdagi ommaviy axborot vositasini belgilangan tartibda taʼsis etishga haqlidir. Bunday holda ommaviy axborot vositasini qayta roʻyxatdan oʻtkazish talab qilinadi.

4-bob. Ommaviy axborot vositalari mahsulotini tarqatish. Ommaviy axborot vositalari bozorini monopollashtirishga yoʻl qoʻyilmasligi

25-modda. Ommaviy axborot vositalari mahsuloti

Davriy bosma nashr alohida sonining adadi yoki adadining bir qismi yoxud tele-, radio-, video-, kinoxronikal dasturlarning va ommaviy axborotni davriy tarqatishning boshqa elektron tarzdagi alohida chiqarilishi ommaviy axborot vositalarining mahsulotidir.

26-modda. Ommaviy axborot vositalari mahsulotini tarqatish

Ommaviy axborot vositasi mahsulotini tarqatish bevosita tahririyat tomonidan, shuningdek belgilangan tartibda yuridik va jismoniy shaxslar tomonidan shartnoma asosida amalga oshirilishi mumkin.

Oldingi tahrirga qarang.

Bosma ommaviy axborot vositalari mahsulotini tarqatish ularga obuna tashkil etish, shuningdek chakana savdo tarmogʻi orqali amalga oshiriladi. Roʻyxatdan oʻtkazilgan davriy bosma nashrlar adadini chakana savdo orqali, shu jumladan qoʻlda sotish nashrlar tahririyatlarining shtatdagi tarqatuvchilari tomonidan yoki savdo tarmogʻiga ega boʻlgan yuridik shaxslar, shuningdek yakka tartibdagi tadbirkorlar tomonidan, qonunchilikda belgilangan tartibda amalga oshiriladi.

(26-moddaning ikkinchi qismi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

LexUZ sharhi

Qoʻshimcha maʼlumot uchun qarang: Oʻzbekiston Respublikasida davriy bosma nashrlarni tarqatish qoidalari (roʻyxat raqami 1826, 18.06.2008-y.).

Ommaviy axborot vositasining har bir alohida chiqarilishining tarqatilishiga bosh muharrir uning chiqarilishi uchun ruxsat berganidan keyingina yoʻl qoʻyiladi.

Koʻrsatuv va eshittirish uzluksiz davom etganda ommaviy axborot vositasi mahsulotining tarqatilishiga bosh muharrir dastlabki ruxsat bergan paytdan eʼtiboran hamda koʻrsatuv va eshittirishdagi tanaffusga qadar yoʻl qoʻyiladi.

27-modda. Davriy bosma nashrning elektron shakli

Oldingi tahrirga qarang.

Axborot tashuvchi jismlarga yozilgan, shuningdek Internet jahon axborot tarmogʻiga joylashtirilgan, elektron texnik qurilmalar yordamida foydalanishga moʻljallangan gazetalar, jurnallar, axborotnomalar, byulletenlar va boshqa davriy bosma nashrlar davriy bosma nashrning elektron shaklidir.

(27-modda Oʻzbekiston Respublikasining 2018-yil 18-apreldagi OʻRQ-476-sonli Qonuniga asosan birinchi qism bilan toʻldirilgan — Qonun hujjatlari maʼlumotlari milliy bazasi, 19.04.2018-y., 03/18/476/1087-son)

Davriy bosma nashrning elektron shakli davriy bosma nashrni tarqatish usullaridan biridir.

Oldingi tahrirga qarang.

Tegishli davriy bosma nashrning bosma va elektron shakllarining mazmuni aynan bir xil boʻlgan hamda qonunchilik talablariga rioya etilgan taqdirda, davriy bosma nashr tahririyati davriy bosma nashrning elektron shaklini mustaqil ommaviy axborot vositasi sifatida roʻyxatdan oʻtkazmasdan tarqatishga haqlidir.

(27-moddaning uchinchi qismi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

Davriy bosma nashrning bosma shaklida mavjud boʻlgan reklama xabarlarining elektron shakldan olib tashlanishi va (yoki) butunlay yoki qisman almashtirilishi, shuningdek elektron shaklda ifodalangan materiallar hajmining bosma shaklidagiga nisbatan qisqartirilishi mazmunning aynan bir xilligi buzilishi deb qaralmaydi.

Davriy bosma nashr tahririyati davriy bosma nashrning elektron shakli tarqatilishi toʻgʻrisida roʻyxatdan oʻtkazuvchi organni yozma shaklda xabardor qilishi shart.

Oldingi tahrirga qarang.

27¹-modda. Internet jahon axborot tarmogʻidagi veb-sayt tarzidagi ommaviy axborot vositasi

Internet jahon axborot tarmogʻidagi veb-sayt tarzidagi ommaviy axborot vositasi Internet tarmogʻidagi tahririy-noshirlik jihatidan ishlov berilgan, oʻzgartirilmagan tarzda tarqatish uchun moʻljallangan, elektron shakldagi hujjatlar va maʼlumotlarni oʻz ichiga olgan axborot resursidir.

Internet jahon axborot tarmogʻidagi veb-sayt tarzidagi ommaviy axborot vositasining mazkur veb-sayti bosh sahifasida quyidagi maʼlumotlar boʻlishi kerak:

davriy nashrning nomi;

davlat roʻyxatidan oʻtkazilgan sanasi va guvohnoma raqami;

muassisning nomi (familiyasi, ismi, otasining ismi);

bosh muharrirning familiyasi, ismi, otasining ismi;

indeks, tahririyatning joylashgan yeri (pochta va elektron manzili).

(27¹-modda Oʻzbekiston Respublikasining 2018-yil 18-apreldagi OʻRQ-476-sonli Qonuniga asosan kiritilgan — Qonun hujjatlari maʼlumotlari milliy bazasi, 19.04.2018-y., 03/18/476/1087-son)

28-modda. Davriy bosma nashrlarga ilovalar

Davriy bosma nashrlar ilovalar bilan chiqarilishi mumkin. Ilovalar qaysi davriy nashrga taalluqli boʻlsa, ularda oʻsha asosiy davriy bosma nashrning nomi koʻrsatilishi kerak.

Davriy bosma nashrning alohida nomga ega boʻlgan ilovalariga mustaqil ommaviy axborot vositasi sifatida qaraladi va u umumiy asoslarda roʻyxatdan oʻtkazilishi kerak.

29-modda. Nazorat nusxalari va majburiy nusxalar

Davriy bosma nashrlarning nazorat nusxalari tahririyatga, muassisga va roʻyxatdan oʻtkazuvchi organga bepul yuboriladi.

Davriy bosma nashrlarning majburiy nusxalari yuboriladigan muassasalar va tashkilotlarning roʻyxati Oʻzbekiston Respublikasi Vazirlar Mahkamasi tomonidan belgilanadi.

30-modda. Ommaviy axborot vositalari bozorini monopollashtirishga yoʻl qoʻyilmasligi

Ommaviy axborot vositalari bozorini monopollashtirishga yoʻl qoʻyilmaydi.

Bironta ham yuridik yoki jismoniy shaxs ommaviy axborot vositalarining tegishli markaziy yoki mahalliy bozoriga chiqariladigan ommaviy axborot vositalarining yigirma besh foizidan ortigʻiga muassis (hammuassis) boʻlishga va (yoki) ularni shuncha miqdorda oʻz mulkida, egaligida, foydalanishida, tasarrufida, yurituvida yoxud boshqaruvida (bevosita yoki affillangan shaxslar orqali) saqlashga haqli emas.

31-modda. Oʻzbekiston Respublikasi hududida chet davlatlar ommaviy axborot vositalari mahsulotini tarqatish

Oʻzbekiston Respublikasi hududida chet davlatlar ommaviy axborot vositalari mahsulotini tarqatish Oʻzbekiston Respublikasi Vazirlar Mahkamasi belgilaydigan tartibga, shuningdek Oʻzbekiston Respublikasining xalqaro shartnomalariga muvofiq amalga oshiriladi.

Oldingi tahrirga qarang.

Chet davlatlarning ommaviy axborot vositalari tomonidan qonunchilik talablari buzilgan taqdirda, ularning mahsulotini Oʻzbekiston Respublikasi hududida tarqatish tugatilishi mumkin.

(31-moddaning ikkinchi qismi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

Oldingi tahrirga qarang.

5-bob. Ommaviy axborot vositalarining davlat hokimiyati va boshqaruvi organlari, boshqa tashkilotlar va fuqarolar bilan munosabatlari

(5-bobning nomi Oʻzbekiston Respublikasining 2018-yil 18-apreldagi OʻRQ-476-sonli Qonuni tahririda — Qonun hujjatlari maʼlumotlari milliy bazasi, 19.04.2018-y., 03/18/476/1087-son)

32-modda. Muallif materiallaridan va xatlardan foydalanish

Oldingi tahrirga qarang.

Ommaviy axborot vositalarida muallif materiallaridan, fan, adabiyot va sanʼat asarlaridan qonunchilikka muvofiq foydalanilishiga yoʻl qoʻyiladi.

(32-moddaning birinchi qismi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

LexUZ sharhi

Qarang: Oʻzbekiston Respublikasi Fuqarolik kodeksining 60-bobi va Oʻzbekiston Respublikasining “Mualliflik huquqi va turdosh huquqlar toʻgʻrisida”gi Qonuni.

Tahririyatga kelgan xatlarni eʼlon qilishga tayyorlash chogʻida ularning mazmunini buzmagan holda matnini qisqartirish hamda tahrir qilishga yoʻl qoʻyiladi.

Tahririyat qonuniy asoslarda rad etgan materialni ommaviy axborot vositasida majburan eʼlon qildirishga hech kim haqli emas.

33-modda. Axborot manbaini oshkor etmaslik

Tahririyat oʻz nomini oshkor etmaslik sharti bilan berilgan axborot, maʼlumotlar, faktlar yoki dalillar manbaining nomini, shuningdek taxallusini qoʻygan muallifning nomini ularning yozma roziligisiz oshkor etishga haqli emas.

Tahririyat axborot manbaining yoki taxallusini qoʻygan muallifning talabiga binoan ularning nomidan sudda ishtirok etishi mumkin.

34-modda. Raddiya berish va javob qaytarish huquqi

Yuridik yoki jismoniy shaxs ommaviy axborot vositasida eʼlon qilingan, haqiqatga mos kelmaydigan hamda oʻzining shaʼni va qadr-qimmati yoki ishchanlik obroʻsini tahqirlovchi maʼlumotlar uchun raddiya berishni tahririyatdan talab qilishga haqlidir.

Eʼlon qilingan material tufayli huquqlari va qonuniy manfaatlari buzilgan yuridik va jismoniy shaxslar mazkur ommaviy axborot vositasida raddiya yoki javobni eʼlon qilishga haqlidir. Raddiya yoki javob berilishiga sabab boʻlgan material bosilgan ayni oʻsha sahifada maxsus rukn ostida eʼlon qilinishi kerak.

Raddiya yoki javob gazetalarda ular olingan kundan eʼtiboran bir oy ichida, boshqa davriy nashrlarda navbatdagi sonda eʼlon qilinishi shart.

Tele-, radio-, video, kinoxronikal dasturlar va ommaviy axborotni davriy tarqatishning boshqa elektron shakllari tahririyati tomonidan olingan raddiya yoki javob aynan oʻsha dastur yoki turkumda, kelgan kunidan eʼtiboran bir oydan kechiktirmay efirga beriladi.

Agar raddiya yoki javobni eʼlon qilish hajmi va vaqti ommaviy axborot vositasining faoliyatiga zarar yetkazishi mumkin boʻlsa, matnni axborot manbai yoki muallif bilan kelishilgan holda asoslangan tahrir qilishga yoʻl qoʻyiladi.

Ommaviy axborot vositasi raddiyani, javobni eʼlon qilishdan boʻyin tovlasa yoxud ularni eʼlon qilish uchun belgilab qoʻyilgan muddatni buzsa, yuridik yoki jismoniy shaxs daʼvo arizasi bilan sudga murojaat qilishga haqlidir.

35-modda. Rasmiy xabarlar va axborotni eʼlon qilish

Davlat hokimiyati va boshqaruvi organlari tomonidan taʼsis etilgan ommaviy axborot vositalari shu organlarning rasmiy xabarlari va materiallarini, shuningdek normativ-huquqiy hujjatlarini eʼlon qilishi shart.

Favqulodda vaziyatlar toʻgʻrisidagi shoshilinch xabarlar yoki vakolatli davlat organlari tomonidan jamoatchilikka tezkorlik bilan yetkazish maqsadida berilgan xabarlar barcha ommaviy axborot vositalarida eʼlon qilinadi.

Sudning aynan shu ommaviy axborot vositasida eʼlon qilish toʻgʻrisidagi koʻrsatmasi boʻlgan, qonuniy kuchga kirgan qarorini tahririyat sud qarorida koʻrsatilgan muddatda bepul eʼlon qilishi shart.

Ushbu moddaning birinchi — uchinchi qismlarida nazarda tutilganidan boshqa har qanday axborot, xabar va eʼlon tahririyat bilan tuziladigan shartnoma asosida eʼlon qilinadi.

Oldingi tahrirga qarang.

35¹-modda. Ommaviy axborot vositasining davlat hokimiyati va boshqaruvi organlari faoliyati toʻgʻrisida axborot olishga doir soʻrovi

Ommaviy axborot vositasi davlat hokimiyati va boshqaruvi organlarining faoliyati toʻgʻrisida axborot olishga doir soʻrov bilan ularga ogʻzaki yoki yozma shaklda (shu jumladan elektron hujjat shaklida) murojaat etish huquqiga ega.

Ommaviy axborot vositasining davlat hokimiyati va boshqaruvi organlari faoliyati toʻgʻrisida axborot olishga doir, shuningdek mansabdor shaxslarning intervyusini tashkil etish toʻgʻrisidagi soʻrovi koʻpi bilan yetti kun muddatda koʻrib chiqiladi.

Agar ommaviy axborot vositasining soʻrovini koʻrib chiqish davlat hokimiyati va boshqaruvi organlarining vakolatlari jumlasiga kirmasa, soʻrov soʻralayotgan axborotni taqdim etish oʻzining vakolatiga kiritilgan organga roʻyxatdan oʻtkazilgan kundan eʼtiboran uch ish kuni ichida yuboriladi, ommaviy axborot vositasi esa bu haqda xabardor qilinadi.

Soʻrov rad etilgan taqdirda, ommaviy axborot vositasiga asoslantirilgan javob yuboriladi.

(35¹-modda Oʻzbekiston Respublikasining 2018-yil 18-apreldagi OʻRQ-476-sonli Qonuniga asosan kiritilgan — Qonun hujjatlari maʼlumotlari milliy bazasi, 19.04.2018-y., 03/18/476/1087-son)

6-bob. Yakunlovchi qoidalar

36-modda. Axborot agentliklari

Ushbu Qonun axborot agentliklariga nisbatan qoʻllanilgan taqdirda, ularga bir vaqtning oʻzida ommaviy axborot vositasining tahririyati, noshiri, tarqatuvchisi maqomi hamda huquqiy rejimi tatbiq etiladi.

Axborot agentligi tomonidan taʼsis etiladigan, doimiy nomga ega boʻlgan axborotnoma, xabarnoma, boshqa nashr yoki dastur ushbu Qonunda belgilangan tartibda roʻyxatdan oʻtkaziladi.

LexUZ sharhi

Qarang: mazkur Qonunning 3-bobi.

Axborot agentligining xabarlari va materiallari boshqa ommaviy axborot vositasi tomonidan tarqatilgan taqdirda, axborot agentligining nomi koʻrsatilishi shart.

37-modda. Xalqaro hamkorlik

Oldingi tahrirga qarang.

Ommaviy axborot sohasidagi xalqaro hamkorlik xalqaro huquqning umum eʼtirof etilgan prinsiplari va normalari, shuningdek Oʻzbekiston Respublikasining xalqaro shartnomalari va qonunchilik asosida amalga oshiriladi.

(37-moddaning matni Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

38-modda. Chet davlatlar ommaviy axborot vositalarining vakolatxonalari va vakillarini akkreditatsiya qilish

Chet davlatlar ommaviy axborot vositalarining vakolatxonalari va vakillari Oʻzbekiston Respublikasi Tashqi ishlar vazirligida akkreditatsiya qilinganidan keyin Oʻzbekiston Respublikasida oʻz faoliyatini amalga oshiradi.

Oldingi tahrirga qarang.

Chet davlatlar ommaviy axborot vositalarining Oʻzbekiston Respublikasida akkreditatsiya qilingan vakolatxonalari va vakillarining huquqiy maqomi hamda kasbiy faoliyatini amalga oshirish shartlari qonunchilik bilan belgilanadi.

(38-moddaning ikkinchi qismi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

LexUZ sharhi

Qoʻshimcha maʼlumot uchun qarang: Oʻzbekiston Respublikasi Vazirlar Mahkamasining 2006-yil 24-fevraldagi 33-son qarori bilan tasdiqlangan Oʻzbekiston Respublikasi hududida xorijiy davlatlar ommaviy axborot vositalari muxbirlarining kasb faoliyatini tartibga soluvchi asosiy qoidalar.

39-modda. Nizolarni hal etish

Oldingi tahrirga qarang.

Ommaviy axborot vositalarining tashkil etilishi, faoliyat koʻrsatishi va faoliyatining tugatilishi sohasida yuzaga keladigan nizolar qonunchilikda belgilangan tartibda hal etiladi.

(39-moddaning matni Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

Oldingi tahrirga qarang.

40-modda. Ommaviy axborot vositalari toʻgʻrisidagi qonunchilikni buzganlik uchun javobgarlik

(40-moddaning nomi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

Oldingi tahrirga qarang.

Ommaviy axborot vositalari toʻgʻrisidagi qonunchilikni buzganlikda aybdor shaxslar belgilangan tartibda javobgar boʻladilar.

(40-moddaning birinchi qismi Oʻzbekiston Respublikasining 2021-yil 21-apreldagi OʻRQ-683-sonli Qonuni tahririda — Qonunchilik maʼlumotlari milliy bazasi, 21.04.2021-y., 03/21/683/0375-son)

LexUZ sharhi

Qarang: Oʻzbekiston Respublikasi Maʼmuriy javobgarlik toʻgʻrisidagi kodeksining 218-moddasi, Oʻzbekiston Respublikasi Jinoyat kodeksining 139-moddasi ikkinchi qismi va 140-moddasi ikkinchi qismi.

Bosh muharrir, shuningdek jurnalist ommaviy axborot vositalarida haqiqatga mos kelmaydigan materiallarni tarqatganlik uchun quyidagi hollarda javobgar boʻlmaydi:

Oldingi tahrirga qarang.

agar bu maʼlumotlar rasmiy xabarlardan, normativ-huquqiy hujjatlardan yoki rasmiy statistika hisobotlari maʼlumotlaridan yoxud axborot agentliklari yoki davlat hokimiyati va boshqaruvi organlarining matbuot xizmatlari, shuningdek ularning rasmiy veb-saytlari orqali olingan boʻlsa;

(40-moddaning ikkinchi qismi ikkinchi xatboshisi Oʻzbekiston Respublikasining 2018-yil 18-apreldagi OʻRQ-476-sonli Qonuni tahririda — Qonun hujjatlari maʼlumotlari milliy bazasi, 19.04.2018-y., 03/18/476/1087-son)

agar bu maʼlumotlar oldindan yozib olinmasdan efirga beriladigan mualliflik chiqishlarida mavjud boʻlsa yoki chiqishlarning soʻzma-soʻz takrorlanishi (stenografiya, audio-, videoyozuvi) boʻlsa.

(Oʻzbekiston Respublikasi qonun hujjatlari toʻplami, 2007-y., 3-son, 20-modda; Qonun hujjatlari maʼlumotlari milliy bazasi, 19.04.2018-y., 03/18/476/1087-son; Qonunchilik maʼlumotlari milliy bazasi, 21.04.2021-y., 03/21/683/0375-son; 07.02.2024-y., 03/24/905/0106-son; 21.09.2024-y., 03/24/963/0735-son)