Т/р

Хавф даражасини баҳолаш кўрсаткичлари

Балл

Таҳлил якунига кўра қўйилган баллар

1.

Ички назорат хизмати ташкил этилмаганлиги (ҳар бир ҳолат бўйича алоҳида)*

70

1.1.

Ички назорат ходим(лар)и тайинланмаганлиги ва (ёки) қуйи бўлинмаларда (филиалларда) ички назорат ходим(лар)и ички назорат тайинланмаганлиги

1.2.

Ички назорат хизматининг ходимлари Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг (бундан буён матнда Департамент деб юритилади) ахборот дастурида рўйхатдан ўтмаслик

1.3.

Қонунчиликда белгиланган талабларга жавоб бермайдиган ички назорат ходим(лар)ининг тайинланганлиги

2.

Ички назорат хизмати лозим даражада ташкил этилмаганлиги (ҳар бир ҳолат бўйича алоҳида)*

20

2.1.

Ички назорат хизмати раҳбарининг ташкилотнинг қуйи бошқаруви раҳбариятига ҳисобдорлиги ва (ёки) бошқа бўлинмалардан мустақил эмаслиги

2.2.

Операциялар кўлами, таваккалчилик даражаси ва бошқа асосларга кўра ички назорат хизмати ходимларининг сони етарли эмаслиги

2.3.

Департаментнинг ахборот дастуридан доимий ёки умуман фойдаланмаслик

3.

Ички назорат хизмати ходимларининг малакасини оширмаганлиги

5

4.

Департаментнинг сўровларига ўз вақтида маълумотлар тақдим этилмаслиги, тўлиқ тақдим этилмаслиги ёки нотўғри маълумотлар тақдим этилиши

5

Жами баллар йиғиндиси

100

Т/р

Хавф даражасини баҳолаш кўрсаткичлари

Балл

Таҳлил якунига кўра қўйилган баллар

1.

Тўхтатиб турилиши ва тегишли чора-тадбирлар кўрилганидан сўнг ўтказилиши шарт бўлган операцияларни тўғридан-тўғри амалга ошириш (ҳар бир суб-кўрсаткич бўйича алоҳида)*

80

1.1.

Амалга оширилиши оқибатида жуда кўп миқдорда зарар етишига сабаб бўладиган жиноятларни содир этишга шароит яратиб берувчи шубҳали операция аломатлари мавжуд ва (ёки) юқори таваккалчилик тоифасидаги операцияларни тегишли чора-тадбирларни кўрмасдан, мижозни лозим даражада текшириш ва (ёки) кучайтирилган тартибда мижозни лозим даражада текширишсиз ўтказиш

1.2.

Иқтисодий жиноятларга, жиноий фаолиятдан олинган даромадларни легаллаштиришга қарши курашиш бўйича ўттиз иш куни муддатига қадар операцияларни тўхтатиш ва (ёки) пул маблағлари ёки бошқа мол-мулкни ишга солмай тўхтатиб қўйиш тўғрисидаги кўрсатмани ижро этмаслик оқибатида операцияларни ўтказиш ва (ёки) пул маблағлари ёки бошқа мол-мулкдан фойдаланиш

1.3.

Ички назорат қоидаларига мувофиқ тўхталиши ёки рад қилиниши лозим бўлган (идентификация қилиш ёки мижозларни лозим даражада текшириш имконияти бўлмаган) операцияларни ўтказиш

2.

Шубҳали операциялар ҳақидаги хабарларни ўз вақтида тақдим этмаслик, тўлиқ тақдим этмаслик ёки нотўғри маълумотлар тақдим қилиш (ҳар бир суб-кўрсаткич бўйича алоҳида)*

5

2.1.

Шубҳали операциялар аломатлари мавжуд операциялар ҳақида хабар юбормаслик

2.2.

Амалга ошириш рад этилган операция ва (ёки) қайтариб юборилган пул маблағлари ёки бошқа мол-мулк тўғрисида хабар юбормаслик

2.3.

Шубҳали операциялар ҳақидаги хабарларни расмийлаштириш тартибини (маълумотларни тўлиқ киритмаслик, нотўғри киритиш ва ҳ.к.) бузган ҳолда юбориш

3.

Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг сўровларига ўз вақтида маълумотлар тақдим этмаслик, тўлиқ тақдим этмаслик ёки нотўғри маълумотлар тақдим қилиш (ҳар бир суб-кўрсаткич бўйича алоҳида)*

10

3.1.

Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти томонидан ўтказилаётган молиявий таҳлил юзасидан юборилган сўровга белгиланган муддатда маълумотларни тўлиқ тақдим этмаслик, нотўғри маълумотлар тақдим этиш ёки муддатида тақдим этмаслик

3.2.

Алоҳида назоратдаги молиявий таҳлил бўйича юборилган сўровга белгиланган муддатда операциялар ҳақидаги маълумотларни тўлиқ тақдим этмаслик, хато маълумот тақдим этиш ёки ўз муддатида тақдим этмаслик

4.

Юқори мансабдор шахсларга алоқадор ва (ёки) бенефициар мулкдорларга нисбатан белгиланган чора-тадбирларни амалга оширмасдан операцияларни ўтказиш

5

Жами баллар йиғиндиси

100

Т/р

Хавф даражасини баҳолаш кўрсаткичлари

Балл

Таҳлил якунига кўра қўйилган баллар

1.

Тўхтатиб турилиши ва тегишли чора-тадбирлар кўрилганидан сўнг ўтказилиши шарт бўлган операцияларни тўғридан тўғри амалга ошириш (ҳар бир суб-кўрсаткич бўйича алоҳида)

80

1.1.

Террорчилик фаолиятида ёки оммавий қирғин қуролини тарқатишда иштирок этаётган ёки иштирок этишда гумон қилинаётган шахслар рўйхатидаги (бундан буён матнда Рўйхат деб юритилади) шахсларга алоқадор қуйидаги операциялардан бирини кечиктирмасдан ва олдиндан хабар қилмасдан тўхтатиб турмаслик, пул маблағлари ёки бошқа мол-мулкни ишга солмай тўхтатмаслик:

а) Рўйхатдаги шахснинг ўзи, унинг номидан ёки топшириғига асосан бевосита ёхуд билвосита ҳаракат қилаётган шахслар иштирок этаётган операциялар;

б) Рўйхатдаги шахсга тўлиқ ёки қисман бевосита ёки билвосита тегишли ёхуд унинг назорати остида бўлган пул маблағлари ёки бошқа мол-мулк иштирок этаётган операциялар;

в) Рўйхатдаги шахсга тўлиқ ёки қисман бевосита ёки билвосита тегишли ёхуд унинг назорати остида бўлган пул маблағларидан ёки бошқа мол-мулкдан фойдаланишдан олинган пул маблағлари ёки бошқа мол-мулк иштирок этаётган операциялар;

г) Рўйхатдаги шахснинг тўлиқ ёки қисман бевосита ёки билвосита мулкида ёхуд унинг назорат остида бўлган юридик шахс иштирок этаётган операциялар.

1.2.

Хорижий давлатларга алоқадор бўлган операцияни унинг иштирокчиларини идентификация қилмасдан ва (ёки) Рўйхатдаги шахслар билан солиштирмасдан ўтказиш

1.3.

Терроризм хавфи юқори бўлган ҳудудларга (фаол террорчилик ҳаракатлари олиб борилаётган ҳудудлар ёки ушбу ҳудудларга чегарадош ҳудудлар) алоқадор операцияда иштирок этаётган пул маблағлари ёки бошқа мол-мулкнинг манбаси ва операция мақсадини ўрганмасдан ўтказиш

1.4.

Рўйхатга киритилмаган, лекин терроризмга ёки экстремизмга алоқадор шахслар мазкур Кўрсаткичларнинг 1-бандида кўрсатилган шаклларда иштирок этган операцияни, унда иштирок этаётган пул маблағлари ёки бошқа мол-мулкнинг манбаси ва операция мақсадини ўрганмасдан ўтказиш

1.5.

Терроризмни молиялаштиришга қарши курашиш бўйича операцияларни ўттиз иш кунига тўхтатиб туриш ҳақидаги кўрсатмани ижро этмаслик оқибатида операцияларни ўтказиш ва (ёки) пул маблағлари ёки бошқа мол-мулкдан фойдаланиш

2.

Терроризмни молиялаштиришга қарши курашиш соҳасидаги ахборотларни ўз вақтида тақдим этмаслик, тўлиқ тақдим этмаслик ёки нотўғри маълумотлар тақдим қилиш (ҳар бир суб-кўрсаткич бўйича алоҳида)

5

2.1.

Рўйхатдаги шахслар иштирокидаги рухсат берилган операцияларнинг ўтказилганлиги ва (ёки) ишга солмай тўхтатилган маблағлар ёки бошқа мол-мулкдан фойдаланилганлиги ҳақида хабар юбормаслик

2.2.

Амалга ошириш рад этилган ёки тўхтатилган ва (ёки) ишга солмай тўхтатиб қўйилган пул маблағлари ёки бошқа мол-мулклар ҳамда операцияни амалга оширишга уринишлар тўғрисида хабар юбормаслик

2.3.

Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти томонидан ўтказилаётган молиявий таҳлил юзасидан юборилган сўровга белгиланган муддатда маълумотларни тўлиқ тақдим этмаслик, нотўғри маълумотлар тақдим этиш ёки муддатида тақдим этмаслик

2.4.

Алоҳида назоратдаги молиявий таҳлил бўйича юборилган сўровга белгиланган муддатда маълумотларни тўлиқ тақдим этмаслик, нотўғри маълумотлар тақдим этиш ёки ўз муддатида тақдим этмаслик

2.5.

Шубҳали операциялар ҳақидаги хабарларни расмийлаштириш тартибини (маълумотларни тўлиқ киритмаслик, нотўғри маълумотлар киритиш ва ҳ.к.) бузган ҳолда юбориш

3.

Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментининг расмий сайти ва (ёки) Департаментнинг автоматлаштирилган дастурий маҳсулоти ёхуд электрон алоқа канали орқали юборилган юқори таваккалчилик тоифасидаги мижозлар реестрига киритилиши ҳамда зудлик билан ижрога қаратилиши мажбурий бўлган маълумотларни ўз вақтида ижрога қабул қилмаслик ва қуйи тармоқларга етказмаслик

3.1.

Террорчилар рўйхати ўзгаришига ва (ёки) терроризмни молиялаштириш хавфи юқори бўлган ҳолатлар (терроризмга оид жиноятлар бўйича давлатлараро қидирувдаги шахслар рўйхати — МДҲ Терроризмга қарши курашиш маркази қидирув рўйхати, Фаол террорчилик ҳаракатлари олиб борилаётган ҳудудлар рўйхати ва ҳ.к.) ўзгаришига муносабат билдирмаслик, ўзгартирилган маълумотларни ўз вақтида ижрога қаратмаслик, қуйи бўлимлар ёки ходимларга етказмаслик

3.2.

Терроризмни молиялаштиришга қарши курашиш бўйича ўттиз иш куни муддатига қадар операцияларни тўхтатиш ва (ёки) пул маблағлари ёки бошқа мол-мулкни ишга солмай тўхтатиб қўйиш бўйича кўрсатмага (оқибатлари мавжуд бўлмаган ҳолатда) зудлик билан муносабат билдирмаслик ва ижрога йўналтирмаслик

4.

Тўхтатилган операцияларни тиклаш, пул маблағлари ёки бошқа мол-мулкни ишга солмай тўхтатиб қўйишни бекор қилиш ва улардан фойдаланишга рухсат беришга доир талабларни бажармаслик ёки лозим даражада бажармаслик (ҳар бир суб-кўрсаткич бўйича алоҳида)

5

4.1.

Рўйхатдаги шахсга унинг операцияси тўхтатилганлиги ва операцияни тиклаш тартиби бўйича маълумот бермаслик

4.2.

Тўхтатилган операцияни тиклаш бўйича аризани расмийлаштириш ва юбориш тартибига риоя қилмаслик

4.3.

Рухсат берилган операцияларни тиклаш бўйича мурожаат муаллифига хабар бермаслик

5.

Мижозларни лозим даражада текшириш ёки кучайтирилган тартибда мижозларни лозим даражада текширишни амалга оширмасдан операцияларни асоссиз тўхтатиш

5

5.1.

Рўйхатдаги шахсларга алоқадор бўлмаган операцияларни асоссиз тўхтатиш ва (ёки) пул маблағлари ёки бошқа мол-мулкни ишга солмай тўхтатиш

5.2.

Тиклашга рухсат берилган Рўйхатдаги шахсларнинг операцияларини ўтказмаслик

Жами баллар йиғиндиси

100